كابلى جرقاس مزيكا !!!

يا جماعة .. اول شى ..سلامات وكيف حالكم ..
شايفكم قلبتو على (الكابلى ) وطلعتو جرقاس مزيكا قال شنو قالو غنى قدام على عثمان ، ووردى مسحتو بيهو الارض عشان غنى قدام البشير ، وود الامين زاتو لحقتو الكوتة عشان صلاح قوش كرمو (سيادتو صلاح قوش يا اهالى ) ،
شوفو وبالصلاة على (النبى ) ومعليش نحن بنتكلم شوفو كابلى ووردى وعثمان حسين ديل مافيهم كلام ويعلمو العاوزانو ، وبطلو الاوهام التجارية دى ، الواحد قاعد ما عندو كسب غير بضع اسطر فى المنبر دا كلها من شاكلة يا شفيف ويا خفيف ويا رائعة ويا جاية مع الغروب والارض اصبحت ضلمة يجى عاوز يقيم لينا قامة زى وردى ومحمد الامين وكابلى .
ومالو البشير وعلى عثمان وقوش ما يسمعو كابلى ووردى ومحمد ميرغنى ومن هم فى وزنهم ، يعنى هسة انا اكون شغال مع شيخ على دا امشى اجيب ليهو نجاة غرزة ولا فتحية قمرية ولا جلال فك الحيرة ، انتو ما نصاح !!
كابلى وود الامين والجماعة ديل زاتهم مساكين ، انا لو محلهم وشفت كلامكم دا شفتو طوالى بشيل فرقتى والبروفات بعملها قدام عبدالجليل النذير الكارورى زاتو
بعدين تعالو خلو الحكومة ورجال مراسم القعدات عندها ، انتو مش عندكم اراضى محررة ومحميات سوقو الجماعة ديل خليهم يغنو لخليل فى انجمينا ولا ام جرس ويغنو لسلفا وباقان فى نيو سايد ويغنو فى البالتوك لمناضلى الشتات ولو عندكم راى فيهم وحق عليهم العذاب والتصنيف امشو قناة زول شوفو ليكم كم مطرب وفنان خلوهم يغنو لناسكم .. نحنا بغنو لينا الاساتذة فعليكم بمنتظرى اجازة الاصوات .. خلو لينا كابلى والشجر الكبار دا

هسة شوفو كمال ترباس لمن بدا معانا من قولة تيت بهبت ثورة الانقاذ والله مشت معاه عسل وغناه بقى طاعم ، مما خلانا وخلى جلساتنا والغنا لينا بقى يغنى اللبن ابو لى بى

بلاي عليك الله قول ليهم ياشاويش ..
بعد كدا عايزين نوزع الحاجات دي.. يعني نوعية ناس بريش ديل .. لما يجو يتكلموا عن كابلي .. الواحد فيهم لازم يجيب ليهو أول حاجة كشف طبي .. إنو لائق طبيا .. ويجيب معاهو تلاتة شهود غنو الزول دا عندو بهائم في ضهر بيتم .
ولو عندهم عمدة في الحلة يا ناظر يا شيخ غفـر .. يجيب لينا صورة وهو متصور معاهو .. على اقل تقدير ..

والله ياهو الفضل ..
في سودانيز اونلاين دي ما فضل كمان إلا بريش وبشاشا يجو يتكلموا عن وردي وعن الكابلي .. ومحمد الأمين
بكره احتمال يتكلموا لينا عن عافية حسن .. وآمال النور .. وحواء الطقطاقة.. وافراح عصام ..


هوووي يا ... مهمشين .. هووووي ..هـــــا
الما عندو ضهر ما يجي يتجلد لينا على بطنو ..
مدو كرعينكم دي على قدر برشكم دا .. خليكم في تهميشكم دا .. مالكم ومال لاقراية أم دق ..؟
حسع الكابلي دا لو قلنا ليكم بيغني في سلـم شنـو .. ؟ يجي بريش دا يقول ليك (نوو.. سانكيو)

والله عالم تجيب الفقر .. وتعمل للواحد طمام ..

كدي اشوف لي مهمش تاني يجي يتكلم عن الكابلي يا عن وردي يا عن محمد الأمين ...

Quote: بلاي عليك الله قول ليهم ياشاويش

اها قلنا ..

Quote: شوفو وبالصلاة على (النبى ) ومعليش نحن بنتكلم شوفو كابلى ووردى وعثمان حسين ديل مافيهم كلام ويعلمو العاوزانو ، وبطلو الاوهام التجارية دى ، الواحد قاعد ما عندو كسب غير بضع اسطر فى المنبر دا كلها من شاكلة يا شفيف ويا خفيف ويا رائعة ويا جاية مع الغروب والارض اصبحت ضلمة يجى عاوز يقيم لينا قامة زى وردى ومحمد الامين وكابلى

الواحد اصلوا بحب الكابلي وبقية العملاقة ومن ما بقيت عضو في سودانيز اون لاين شكلي ماشي احب

البشير وعلي عثمان ......... الخ والمؤتمر الوطني

مافي اى حرية رأي لازم تحب وتكره على حسب هوي المجموعة اياهاوالا انت جلابي عنصري.