Post: #13 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: معتصم محمد صالح Date: 07-05-2008, 10:28 AM Parent: #10
يا بروف ..
وين انت يااخ ..
ممكن نشارك ؟؟
Post: #14 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: Abuelgassim Gor Date: 07-05-2008, 10:33 AM Parent: #13
يا معتصم
حبابك
Quote: يا بروف ..
وين انت يااخ ..
ممكن نشارك ؟؟
طوالى
بس ما تنسى أجنتك وشاكوشك
عمك قور
Post: #21 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: عبد الغفار عبد الله المهدى Date: 07-05-2008, 08:40 PM Parent: #10
Quote: من قبيل بحاول اربط ما بين (الاجنة) والشاكوش
مالقيت لى علاقة كلو كلو!!!
هسع يا قور احرجتنا مع النسمه الرقيقه ايزابيلا الجميله لكن ما مشكله يا ايزابيلا الاجنه دى كتلة من الحديد الصلب مدببة الراس وحاده تستخدم مع الشاكوش لتكسير الخرسانه او الاشياء الصلبه الرابط بينهما هو ان الشاكوش يستخدم لرزع الاجنه داخل الاجسام الصلبه
Quote: الاجنه دى كتلة من الحديد الصلب مدببة الراس وحاده تستخدم مع الشاكوش لتكسير الخرسانه او الاشياء الصلبه الرابط بينهما هو ان الشاكوش يستخدم لرزع الاجنه داخل الاجسام الصلبه
مشكور للتوضيخ
أها يا بتى تعالى النقول ليك الكلام الجد
المرأه عندنا فى غرب السودان
بتشيل عمود فندقها وبتتحزم وبتجرى خلف راجلها يوم الدواس
وفى حالة السلم تشيل فاسها ( الفأس ) وتطلع من الصباح للمغرب عشان تعشى أبو عيالها ( راجعى
قصة مصاويط الرماد)
انت طبع ختضرى الجلسه التاريخية يوم غدا ى المجلس الوطنى
أنا مع المرأة الى يوم الدين ...لاجازة القانون
أها يا بتى بعد دا كلو حتجى ولا ما بتجى وتجيبى معاك أجنتك
Post: #11 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: Abuelgassim Gor Date: 07-05-2008, 10:14 AM Parent: #1
ايزابيلا
تحياتى
اليك العلاقة
الأجنة بدل ( السكين)
والشاكوش بدل ( الشوكه )
يا بتى دى عصيده ....تدقيها بيدك يدك بترجع ....
بعدين الملاح كول بطرد الغين
أنا سمعت تحت تحت من ناذر قال لى اتى (معيونه)
عمك قور
أها بتجى
Post: #16 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: Mahmoud Mustafa Mahmoud Date: 07-05-2008, 11:57 AM Parent: #1
Quote: الدعوه يوم الجمعة الاتنين 7 /7
دي أغنية ناس عقد الجلاد؟؟ الليلة جوما بكرة الاتنين؟؟
أستاذنا دكتور أبو القاسم قور..
متعك الله بالصحة والعافية.. والعصيدة الدافية..
عارف لعدم إمكانية المشاركة في هدم قلاع عصيدتكم الفتية.. أحييييييييييييي أنا..
لكن حقو الزول هسي يضرب تلفون للأخ حسب الرسول كمال الدين في الإذاعة..
وأقترح عليهو يسوق ليك تجريدة من العزابة بتاعننا القاعدين في العباسبة بيت المرحوم بادي محمد الطيب..
والله يجاسفوا ليك العصيدة دي ويقول ليك البتاعة دي بتحميهم الفطور ساكت..
وعصيدتك دي نحن الا نحلي بيها ساكت بعد ما نأكل ايسكريم بالقراصة 6 بوصة
حبابك ....السواى ما حداث
اليوم داك الا نتكلك تكيل
قاعدين تلحسوا لينا فى الايس كريم ساى
على الحرام العصيده دى ( ملطم )عديل
مرة بعد ما أكلناها قمنا بالباقى عملنا اتنين مدماك
أت تعال بس
لك حبى قور
Post: #20 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: عبد الغفار عبد الله المهدى Date: 07-05-2008, 08:34 PM Parent: #1
Quote: بيقول ( يا آمو يعنى شنو كول؟)
حبيبنا قور الصوت المتحكنش الجاك ده ما من نمره اتنين ولا الديم لانو اولاد نمره اتنين والديم شفوت فيهم (الكجنكى مسمار الزنكى) و(العصار سمسم حديبات)و(الدود النتر) وبعدين صوتك المتحنكش ده قول ليهو (الكول ده من نبات اسمو ((الانسوريب))) وكان بعالجوا بيهو اليرقان ويا حبذا لو تم خلطه ببعض المريسه ويا اريت يا قور لو كنت فى الخرتوم كان جيتك حافى وضربت معاك العصيده بالكول وكان جبت ليك معاى شطه(دنقابه بالعتى)
لكن فى حالة العصيده بملاح الكول لابد من الأكل أولا ثم الشم لاحقا
انت عارف ليه ؟؟
Post: #29 Title: Re: يا ناذر وبورداب خرطوم 2 والعمارات والديم ...أنا الككو الفجغ الطين ....دعوة Author: عبد الغفار عبد الله المهدى Date: 07-06-2008, 08:49 PM Parent: #1
Quote: أت يا زول العصيده دى شفتها ولا كو
عصيده منتبره ومتحفنشه مثل ضهر أب القدح
دى بيا كلوها الجنيات العارفين المثل البقول ( أبو القدح بعرف محل بعض أخوه)
سيبك من ابو القدح انت حصل اكلت ابشوك ولا شفت ابقنفد ولا مشيت بداية العام الدارسى جلبت الشوك لزريبة المدرسه ولاطلعت الجبل لقطت حميض ولا فلقت دوم اخضر وشربت مويته وفلعت بكرورتو صحبك فى صنقرو ولا اكلت كديس الخلا ولا قنصت ولا جبت ليك جداد وادى ببندقيه داودى فخر الصناعه السودانيه ولا دقتك مطره فى الخلا صابى اربعه ساعات ولا اكلت منقه خضرا بالشطه والملح ولا شربت من (التلونيه) ولا الحفيره ولا صدت ليك ابلانج ولا ككو من جبل القردود وعارف بصيدوه كيف ولا مشيت الخلا جبت الحطب...........ولا مشيت كدارى فى الخريف مسافه زى من الخرتوم للحصاحيص هناك(كلوقى وابو جبيهه) كفاك ولا ازيدك حبه وبعدين فى ناس ما عارفه ابو القدح ده يعنى شنو يا اخوانا دى السلحفاه لقيت اخوك كيف؟؟
Quote: سيبك من ابو القدح انت حصل اكلت ابشوك ولا شفت ابقنفد ولا مشيت بداية العام الدارسى جلبت الشوك لزريبة المدرسه ولاطلعت الجبل لقطت حميض ولا فلقت دوم اخضر وشربت مويته وفلعت بكرورتو صحبك فى صنقرو ولا اكلت كديس الخلا ولا قنصت ولا جبت ليك جداد وادى ببندقيه داودى فخر الصناعه السودانيه ولا دقتك مطره فى الخلا صابى اربعه ساعات ولا اكلت منقه خضرا بالشطه والملح ولا شربت من (التلونيه) ولا الحفيره ولا صدت ليك ابلانج ولا ككو من جبل القردود وعارف بصيدوه كيف ولا مشيت الخلا جبت الحطب...........ولا مشيت كدارى فى الخريف مسافه زى من الخرتوم للحصاحيص هناك(كلوقى وابو جبيهه) كفاك ولا ازيدك حبه وبعدين فى ناس ما عارفه ابو القدح ده يعنى شنو يا اخوانا دى السلحفاه لقيت اخوك كيف؟؟
