Post: #1
Title: العميري ..
Author: عبدالعظيم محمد أحمد
Date: 07-04-2008, 03:19 PM
يا قمر
انا ما بطولك
ادينى من نورك وميض
شان أنور وأبقى طولك
يا قمر ليلك غنايا
وليلك اكتر من حكايا
فرحة بتطوف المدينة
وغنوة لى همس الصبايا
يا قمر أبقى باسم
حتى فى زعلك معايا
شان البلد
كل البلد
تفرح تقول
القمرة جاية
|
Post: #2
Title: Re: العميري ..
Author: عبدالعظيم محمد أحمد
Date: 07-04-2008, 03:21 PM
Parent: #1
عد اصابعك
كم صباع
يشبه صباع
وياتو صاحب تاوقن ايامو عمرك
وفجأة ضاع ؟
|
Post: #3
Title: Re: العميري ..
Author: عبدالعظيم محمد أحمد
Date: 07-04-2008, 03:30 PM
Parent: #1
خلي بالك من زهورك
ومن وطن باقيهو عندي
درسي لسة
الجرح فاتح عندما ضيعت وردي
يوم وعدتك في النواصي
الساكتة فاجانا السكون
شدينا جسر العافية
في جسم الظنون
حلبنا ضرع الكلمة دفق
منها المعنى الحنون
ياتو يوم ماكنا فيهو بنجري
لى جيهة الجنون
ياتو عطرا بق منك ياتو لون
ياحيلتي في الزمن البضاعة
الحب معلق في الهوا
ياروحي في الليل المجاعة
الناس بتجري من الهوا
خلي بالك من زهورك
ومن وطن باقيهو عندي
درسي لسة
الجرح فاتح عندما ضيعت وردي
|
Post: #4
Title: Re: العميري ..
Author: عبدالعظيم محمد أحمد
Date: 07-04-2008, 03:32 PM
Parent: #1
يا روحي انصفني فى حكمك
لانو قاسى على انا يا حبيب ظلمك
تنصفني والايام قد تنصف الانسان
تشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد اضحى بيك ولهان
تتركنى للماضي مع انو في الامكان
تجدد الذكرى وتنسى كل الكان
هيامي بيك يا فاتن مصدرو الانصاف
انصفت حسنك حب وانصفت طهري عفاف
ذوبت نفسي معاني دقيقة الانصاف
هومت نفسي خيال في معبد الطواف
سكبت روحي على كأس المحبة سلاف
هل بعد ذلك اكون لسهام عينيك أهداف
أنا يا حبيبي غرامي تركته للايام
تركت حب ودموع تركت شوق وهيام
عودت نفسي اذاما اشتدت الالام
اصبر على الهجران واضحي بالاحلام
جنة هوانا العذري ندية الانسام
تخلى نار الشوق بردا على وسلام
يا روحي أنصفني
|
Post: #5
Title: Re: العميري ..
Author: عبدالعظيم محمد أحمد
Date: 07-04-2008, 03:32 PM
Parent: #1
جن ليلى وهاجت أعراضي
سح دمعى وطاشت أغراضي
هذا بعض البى عدا أمراضي
وإنت ساهي ولاهى ماك راضي
ديمة سادر فى الدلال ماضي
هل تناسيت عهدنا الماضي
فى صحيفة قلبى كم ماضي
ماضي خاتم لحظك الماضي
بالى جسمي ومن زمان قاضي
أهو حبك بين أنقاضي
هدى روعك أوع لا تقاضي
ماضي شرعك ما بدور قاضي
المضلل رشدي يا هادى
والمكتر فى الغضي سهادى
الجبين الفى الظلام هادي
والقوام السيدو متهادي
يا حبيبي فيم تهديدك
طول عذابي وهجري ما بفيدك
روحي فى إيدك ضاعت وحات ريدك
كيق ضاعت تسلم إيدك
ميل وأعرض كتر أمراضي
فى غرامك بالهوان راضي
|
Post: #6
Title: Re: العميري ..
Author: عبدالعظيم محمد أحمد
Date: 07-04-2008, 03:34 PM
Parent: #1
يازمان الاعنية الجاية .. وجديدي
اي صوت راجيهو صوتك
واي شريان فيك وريدي
الزمن قاسي الملامح
وانت نوارة قصيدي
ما اشتكيت لي وردة غيرك
وما لمست سوى حريرك
وكلما هاجت شواغل
مانشدت بدل مصيرك
شوفي كيف الدنيا اخضر من زمان
وعايني كيف الافق اوسع من مكان
هل فجرك يامصابيح انطفي
تاني وين ضيق المحل لو انت في
اي صوت راجيهو صوتك
واي شريان فيك وريدي
الزمن قاسي الملامح
وانت نوارة قصيدي
|
Post: #27
Title: Re: العميري ..
Author: عبدالعظيم محمد أحمد
Date: 07-06-2008, 11:17 PM
Parent: #6
اى صوت راجيهو صوتك
اى شريان فيك وريدى
كم سالتك فى السواهى
عن غيابك وعن وجودى
الزمن قاسى الملامح
وانتى نوا رة قصيدى
يا نديدى
|
Post: #30
Title: Re: العميري ..
Author: عبدالعظيم محمد أحمد
Date: 07-06-2008, 11:27 PM
Parent: #27
بيني وبينك والأيام
قصة حب طويلة
شيدناها بالآمال
والعشرة النبيلة
قصة حب رواهها للأيام حناني
نبع الريد سقاها واخضرت أماني
جار قلبك نساها
كيف.....في أيام قليلة
كانت في خيالي ألحان في شعوري
أسرار المحنة بتعذب ضميري
حلفتك بربك
آه ..
لو في الصيف تزوري
إن طالت ليالي وان جارت علينا
برضنا نحن .. أنحن روح وحدة بقينا
ومن قول العواذل
سيبك ..
سيبك ما علينا
ديمة الناس تفرق تمنعنا التلاقي
جمر البين يحرق ويزيد في اشتياقي
يا مسافر مشرق
وين .... أيامكم حليلا
|
Post: #7
Title: Re: العميري ..
Author: عبدالعظيم محمد أحمد
Date: 07-04-2008, 03:36 PM
Parent: #1
كان بدرى عليك
تودعنى وأنا مشتاق ليك
كان بدرى عليك والوقت طويل
والأنس جميل فى سكون الليل
كل الأفلاك
كانت يا ملاك
تنظر لعلاك
مشتاقة اليك
وكان بدري عليك
كان بدرى عليك وعلى وداعك
يا المغرى وفاتن إبداعك
رحت ومازال عندي شعاعك
خليتني هنا
في عذاب وعنا
وما عني انا
بالروح بفديك
وكان بدري عليك
حبيبي تعال
أغريني دلال
وأسحرني جمال
أنت الامال
في المضى والحال
وللعفة مثال
علي الاجيال
أنا بفخر بيك
وكان بدري عليك
تودعني وأنا مشتاق ليك
|
Post: #10
Title: Re: العميري ..
Author: السر عبدالله
Date: 07-04-2008, 04:26 PM
Parent: #7
يا قمر
انا ما بطولك
ادينى من نورك وميض
شان أنور وأبقى طولك
يا قمر ليلك غنايا
وليلك اكتر من حكايا
فرحة بتطوف المدينة
وغنوة لى همس الصبايا
.......
عبد العزيز العميرى ذلك الفنان الجميل الذى كان يبحر بنا فى
شجون وشجون
كم افتقدناك يا عميرى
|
Post: #12
Title: Re: العميري ..
Author: عبدالعظيم محمد أحمد
Date: 07-04-2008, 04:38 PM
Parent: #10
العميري الذي فاجأه الموت وفاجأنا برحيل مر
فعلا كان يبحر بنا في شجون وشجون ....
شكرا اخي السر عبدالله علي مرورك وليكن
كلماتنا هنا بمثابة وردة علي قبر العميري
واغنيه لروحه المحلقة في فضاء الامكنة ...
|
Post: #8
Title: Re: العميري ..
Author: عبدالعظيم محمد أحمد
Date: 07-04-2008, 04:21 PM
Parent: #1
اكون كضاب
لو اترددت شان
استقبلك جواي
و لو قاومت حد السيف
بريقو يلخبط الهداي
صحيح قبلك
شراع الدهشة ما صفق
و لا كان العرق وداي
دي حتي الاغنيات قبلك
حروف ابياتا كانت ساي
بس الحاصل بدورك تصبرى شوية
فترت من السواحل ديك
ومن ظلم المعدية
وكنت بلملم الضحكات
وحاجز فى البياض نية
ولما سالت ريح
وكنت برايا عود واهى
غلبنى اساوم الرجعة
ونزفت جروحى زى ماهى
اريتو المنا لوشفتى
دة ليل الغربة متناهى
حدودو الغربة بعدو الغربة
فيهو الغربة
والافق الرقد ساهى
امد ايديا بس لى وين
واقاوم كيف زمن لاهى
دة كلو من السواحل ديك
ومن ظلم المعدية
انا البعت الفرح للنيل
وغشونى المراكبية
|
Post: #9
Title: Re: العميري ..
Author: عبدالعظيم محمد أحمد
Date: 07-04-2008, 04:22 PM
Parent: #1
مكتوبة فى الممشى العريض
شيلة خطوتك .. لى البنيّة
مكتوبة بى الخط العنيد ...
فى ذمّة الحاضر .. وصيّة
شاهدة التواريخ والسّير
.. والإنتظار
أدونى من قبلك مناديل الوصول
.. وفردت أجنحة العشم ..
فى ساحة الوطن .. البتول
وضحكت ماهمّانى شى ...
وبكيت ولا همّانى شى
عندك وقفت من المشى
وغرقت فى ضو النهار
كانوا ..
بتمنوكى لو ترتاحى لحظة ..
على الدرب
حبوكى ... حب
قدر الحروف الحايمة فى بطن الكتب
قدر الخيال ..
ما مدّ إيدو على السحب
كل خاطر كان بريدك
إلاّ ريدك كان رسول الدهشة ...
فى كل الديار
.. وأنا زى عوايد الشعر فارس
مدّ خيل الكلمة .. ليك
مصلوب على ضهر البداية
.. القالوا آخرا جايىّ ليك
وسرحت يامهوّن .. تهوّن شان أجيك
كان أصل يوم لى حضورك ...
كتْ بريدك .. ومشتهيك
وإنكسر فينى الترجّى
ونلت من سفرى الخسار
بس داير أقولك يا أصيلة
لو تعب فينا التمنى ..
وإنهتك وتر المغنى
لو تسدى علينا طاقات البشاير ...
بنهزم يوم التجنّى
وأجيكى ما همّانى شى
عندك وقفت من المشى ..
وغرقت فى ضو النهار
|
Post: #11
Title: Re: العميري ..
Author: عبدالعظيم محمد أحمد
Date: 07-04-2008, 04:27 PM
Parent: #1
فلق الصباح قول لى
أهو نورك لاح خلى
يا خفيف الروح
هو هذا نــــداك
ام ندى الازهار
من جنان رضوان أصلك
لذا كل ربيع فصلك
إتنفس فـوح تتنفـس ناس
و رياض و بحار
ما ألذ نسيم وصلك
ما رأيت يا جميل مثلك
يا بليل السوح
هو هذا هــــــواك
ام هوى الاسحار
إنت روضه و ليك زهره
ول كوكب و ليك بهره
ضمخوك للجــــبير
زعفران و عــــــبير
إنت نار فى بهار
صبغ الخدين حمره
بعد ساعه بشوف صفره
الاصفرار ده كتير
أخجلوك يا أمــــير
وله نمت نهار
صبح البستان شايل
شجر الرمان مايل
السلاف فى الدنان
والكنار فى حنان
و الََهَزَار فى هِِزار
إنت كالطاووس خائل
كبرياءك و فيك خايل
انزل إنت كمان غنِّ قول يا زمان
وين حبيبى آذار
ما عرفنا عدوك ذاهل
ول لسه غلام جاهل
متهلك صـيف شنا عندك كــــيف
فى اللعب بالنار
فى لهيبك أشوف ساحل
كالفراشه أجيك راحل
أنا خايف كيف يا لطيف الطـــــيف
أهوى و أبقى فى نار
فلق الصباح نور لى نحور الغيد صـــور
جمعن فى الدور من خدود و بــــــدور
َصَََدََفه و ُمحََّّـــار
عزه شوفى الحوش نور
بى نجوم الليل غوَّر
با صباح النــور
على العيون الحــور
و الخديد الحــار
عزه قومى كفاك نومك
و كفانا دلال يومك
إنت يا الكبرتوك
البنــــات فاتوك
فى القطار الطــار
عزه شوفى شباب قومك
سبقوك على كومك
بت رجال ولـدوك للقبيله هــدوك
إنت عز و بطــار
الجمال فى كمال وصفك
أدبك و جمال خِلفِك
الضمير كالعـود
و العيون الســـود
فى البطانه كتار
منزلك عُنوان ُظرِفــك
نوريه يصون إلفك
زعلك يا أم خـــدود
سوِّى ليه حـــدود
و منه يا ستار
|
Post: #13
Title: Re: العميري ..
Author: عبدالعظيم محمد أحمد
Date: 07-04-2008, 04:39 PM
Parent: #1
يدني في هجراني
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني
|
Post: #14
Title: Re: العميري ..
Author: عبدالعظيم محمد أحمد
Date: 07-04-2008, 04:58 PM
Parent: #1
لو اعيش زول ليهو قيمة
اسعد الناس بوجودي
زي نضارة غصن طيب
كل يوم يخضر عودي
ابقي دار لكل لاجئ
او حنان جوه الملاجئ
ابقي للاطفال حكاية
حلوة ضمن الاحاجي
بيها يتهنو وينومو واحرسهم
طول ليلي ساجي
والقي في راحة نفوسهم بسمتي
وطول ابتهاجي
لو اعيش طول عمري نسمة
لو مع الايام سحابه
هطل ادي الدنيا بسمة
اروي وادي واسقي غابة
لو اعلم طفل واعد
لسه ماعرف الكتابة
ببقى شجرة ظلالها ورافة
تحتي نايمين ناس تعابة
أشقي والقي وابقي بهجة
في النفوس لكل مناضل
ابقي للمعتل علاج
وابقي للفلاح سنابل
أبقي للثوار سلاحاً
اعتي من قذف القنابل
وابقي للكادح الملوح
كل حد موفور وعادل
|
Post: #15
Title: Re: العميري ..
Author: عبدالعظيم محمد أحمد
Date: 07-04-2008, 06:14 PM
Parent: #1
كل الأفلاك
كانت يا ملاك
تنظر لعلاك
مشتاقة اليك
وكان بدري عليك
دعوة لتوثيق ابداعه
في ذكره رحيله
|
Post: #16
Title: Re: العميري ..
Author: محمد سنى دفع الله
Date: 07-04-2008, 07:50 PM
Parent: #15
عميري
المغني
المحلق في وجدان الأمه
عاشق السفر والصحبة الوفية
عميري حبيب الناس
والضحكة الممتدة في احلامنا
عميري
|
Post: #18
Title: Re: العميري ..
Author: عصام عبد الحفيظ
Date: 07-04-2008, 09:01 PM
Parent: #16
Quote: والضحكة الممتدة في احلامنا
عميري |
شكرا السنى
4/7/1989
4/7/2005
والتاريخ التانى
ذهبت فيه امى الى منابيع الضياء
وعامنا الثالث
هو اليوم
وكلهم كانوا
ضحكة وكل الضياء
|
Post: #20
Title: Re: العميري ..
Author: عبدالعظيم محمد أحمد
Date: 07-04-2008, 10:14 PM
Parent: #18
الاستاذ عصام
وكلهم كانوا
ضحكة وكل الضياء
Quote:
وعامنا الثالث هو اليوم
|
اكفنا الي السماء
تدعو بالرحمة له ولها
وايادينا تربت علي كتفك ياخال
كلنا رحيل .. ويبقي ماهو جميل
|
Post: #19
Title: Re: العميري ..
Author: عبدالعظيم محمد أحمد
Date: 07-04-2008, 09:53 PM
Parent: #16
عميري
المغني
المحلق في وجدان الأمه
عاشق السفر والصحبة الوفية
عميري حبيب الناس
والضحكة الممتدة في احلامنا
عميري
استاذنا السني
فعلا انه العميري .. احببناه وفاجأنا بسفره الابدي
الي فضاءات اخري غامضة
الينا .. في دواخلنا
نحو ذاتنا
نحو افق بعيد داخلنا
نحو الاخرين واليهم
شكرا واتوقع منك الكتابة اكثر عن اعماله
خاصة الدرامية والمسرحية .... لا تبخل
|
Post: #17
Title: Re: العميري ..
Author: تبارك شيخ الدين جبريل
Date: 07-04-2008, 08:57 PM
Parent: #1
هو دا البخلينا نشوف اى حاجة ما مهمة!
المهم ...
|
Post: #21
Title: Re: العميري ..
Author: عبدالعظيم محمد أحمد
Date: 07-04-2008, 10:20 PM
Parent: #17
Quote:
هو دا البخلينا نشوف اى حاجة ما مهمة!
|
وفي نفس الوقت يا تبارك دة البخلينا نبحث
عن معني وعن كل حاجة مهمة ومفقودة ..
شكر لك
شكرا له
شكرا لكم
|
Post: #22
Title: Re: العميري ..
Author: عبدالعظيم محمد أحمد
Date: 07-05-2008, 00:33 AM
Parent: #1
حمامة الغصون صداحة فوق أغصانك
ذكري لي حبيب يا حمامة مولاي صانك
بهواك كيف أطيق سلوانك
هاجت عبرتي يادموعي كيف حبسانك
وين تلقي المنام يا عيوني غاب انسانك
بهواك كيف أطيق سلوانك
زمانك والهوي عانك
أحكمي فينا هذا أوانك
بهواك كيف أطيق سلوانك
في صبحي ومساي نازلات دموع ساحالك
وأنا طالب رضاك، ورضاك أضحى محالك
بهواك كيف أطيق سلوانك
اتعكر صفاي وبياضي اصبح حالك
والحالة العلي يا ريتو لو يوحى لك
بهواك كيف أطيق سلوانك
زمانك والهوي عانك
أحكمي فينا هذا أوانك
بهواك كيف أطيق سلوانك
هاروت سحره ماخود من سحر عينانك
طلموك لو يقولوا الدر شبيه أسنانك
بهواك كيف أطيق سلوانك
حسنك مافي لا عجمان ولا عربانك
إن هب النسيم هزاك ميل بانك
بهواك كيف أطيق سلوانك
زمانك والهوي عانك
أحكمي فينا هذا أوانك
بهواك كيف أطيق سلوانك
|
Post: #33
Title: Re: العميري ..
Author: عبدالعظيم محمد أحمد
Date: 07-07-2008, 07:25 AM
Parent: #22
من طرف الحبيب
جات أغرب رسايل
يحكي عتابه فيها
وقال ناسنو قايل
ياما قال حكاوي
ما خطرت ببالي
قال في كل كلمة
إني جفيت وسالي
ما ناسيك والله
ذكراك شاغلة بالي
لو في كل لحظة
لو تعلم بحالي
لو أناسك إنت
اكون غدار وخنت
أسأل عني غيري
واحكم في مصيري
ياما تشوف دلايل
ياما قال كلام ما لي دخل بيه
إني بروح لى غيرو
بهوى وبصطفيه
لالا والف لالا
ده حبك عشت ليه
ان شاء الله حياتي تفنى لو فكرت فيه
بدل أشواق ومحنه ترسل لي مظنة
كلام يجرح شعوري
وما يريح ضميري
من زول عنه سائل
|
Post: #23
Title: Re: العميري ..
Author: عبدالعظيم محمد أحمد
Date: 07-05-2008, 08:30 AM
Parent: #1
ابقالى شمعة تضوى دارى تنورا
وبسمة حانية سنين هوايا تخدرا
|
Post: #24
Title: Re: العميري ..
Author: khatab
Date: 07-06-2008, 11:05 PM
Parent: #23
اديني سمعك في الاخير
|
Post: #25
Title: Re: العميري ..
Author: عبدالعظيم محمد أحمد
Date: 07-06-2008, 11:13 PM
Parent: #1
انا عمري ما فاضل كتير
شالوهو مني الامنيات
الضايعة في الوهم الكبير
و الدنيا ما تمت هنا
لسه فاضل
ناس تعاشر
وناس تضوق طعم الهنا
بكرة اجمل من ظروفنا
و لسه جايات المني
اديني سمعك في الاخير
|
Post: #26
Title: Re: العميري ..
Author: عبدالعظيم محمد أحمد
Date: 07-06-2008, 11:15 PM
Parent: #1
يا مسافر
ابقى فاكر
انى باكر
يا ما لى شخصك اغنى
وازرع الدنيا ابتسامة
وضحكة فى لون التمنى
|
Post: #28
Title: Re: العميري ..
Author: عبدالعظيم محمد أحمد
Date: 07-06-2008, 11:21 PM
Parent: #1
خطاب
بكرة جاييك فى القواسى
فى الشمس تصلى المسافة
وفى الاماسى
فى الغنا البكر المندى
وفى التحدى
وفى اواخر الليل
نشيلنا
على جزر باكر نعدى
على جزر باكر نعدى
على جزر باكر نعدى
......
نعدي
نعدي
شكرا
|
Post: #29
Title: Re: العميري ..
Author: عبدالعظيم محمد أحمد
Date: 07-06-2008, 11:25 PM
Parent: #1
غزال الروض
فيك رايح بالى
تفداك الروح
اظهر لا تبالى
يا غزال الروض
فى دجاك ياليل الطيب هبا لى
ده الجنن قيس وكثير قبالى
هل نومى يعود والطيف يصبا لى
ده يرد الروح فى الجسم البالى
يا الفاطرك نور فاهك عسالى
ضيعت ألوف عشاق امثالى
فى حبك أذوب لى هواك ما سالى
بس اخشى عليك ياجميل تنسالى
طيفك فى النوم لو كان يوحالى
أتغزل فيه وينظر حالى
متى منو يفيق عقلى ويصحا لى
ده رحيق مختوم فى لهيجو الحالى
ياحبيبى هواك طربا هزا لى بى
سهر الليل شوقك يازالى
لا أسمع فيك اقوال عزالى
أسمع واطيع أمرك يا غزالى
دأبى ده جزاى من جنس أفعالى
أرعى الانجم ياليل أرعا لى
كيف أسعى هناك او كيف تسعى لى
يا أخا الفرقد يا النجم العالى
يا أنيس الصيد الحاجبو هلالى
فاطرك لماع وخديدك يلالى
من غيمك راح سكرى ودلالى
فيك طبى حرام وهواك حلالى
حبك يمزج أعضاى اجمالى
لو كنت يمين يهواك شمالى
يا بديع ليه فيك ضاعت امالى
كان مالو هواك يامدلل ومالى
|
Post: #31
Title: Re: العميري ..
Author: khatab
Date: 07-06-2008, 11:32 PM
Parent: #29
..
.كلهم كانوا
.ضحكة وكل الضياء
..
.
|
Post: #32
Title: Re: العميري ..
Author: عبدالعظيم محمد أحمد
Date: 07-07-2008, 06:48 AM
Parent: #1
..
.كلهم كانوا
.ضحكة
وكل الضياء
..
.
|
|