Post: #1
Title: إعلان هام وظريف ... أدخل واقرأ
Author: maman
Date: 07-03-2008, 11:41 PM
وجدت هذا الاعلان عند باب مصعد العمارة التي أسكنها ويسكنها أيضا عدد من السودانيين. والاعلان من مكتب تأجير العمارة.. يقول الاعلان
Quote: لوحظ منذ فترة تصاعد أدخنة من بعض الوحدات وخاصة يوم الخميس من كل أسبوع بصفة خاصة وباقي الأيام بصفة عامة وذلك من باب التطيب.
برجاء عدم تكرار ذلك نهائيا حيث أن الكثير من المستأجرين يتضررون كثيرا منها وتقدم بعض المستأجرين بالشكوى بالأضرار التي لحقت بهم لما له من تأثير على الصحة العامة وما يسببه من أضرار واختناق. نرجو التذكر بأن حرية الفرد تبدأ حيث تنتهي حرية الآخرين. |
مامان
|
Post: #2
Title: Re: إعلان هام وظريف ... أدخل واقرأ
Author: sumah
Date: 07-03-2008, 11:44 PM
Parent: #1
**
*
بسم اللة
وباليمن..
ونحن من باب عمارتكم داخلين.
..
..
ان شاء اللة بس تسمعوا كلام الناظر..
*
**
|
Post: #3
Title: Re: إعلان هام وظريف ... أدخل واقرأ
Author: Sobajo
Date: 07-03-2008, 11:50 PM
Parent: #2
Quote: لوحظ منذ فترة تصاعد أدخنة من بعض الوحدات وخاصة يوم الخميس من كل أسبوع بصفة خاصة وباقي الأيام بصفة عامة وذلك من باب التطيب.
|
بالمناسبة ده تنويه قمة في التهذيب ...
عشان تتأكد تماما انك انت المقصود ...
ونناشد جميع السودانيين في العمارة (يبطلو)... | وجه مكشر |
فضحتونا مع الأجانب ... (وجوه ضاحكة)...
تحاتي وودي ...
بيلو
|
Post: #4
Title: Re: إعلان هام وظريف ... أدخل واقرأ
Author: maman
Date: 07-04-2008, 07:25 AM
Parent: #1
الأخوان اسماعيل وسوباجو
تحية
وأشكركم على تعليقاتكم.. أعتقد أن هنالك فرصة سانحة لأحد مهندسي البورد ليصمم جهازا يستطيع أن يؤدي الغرض الأصلي ويكبت الأدخنة الضارة في نفس الوقت... ولا رايكم شنو؟؟
مامان
|
Post: #5
Title: Re: إعلان هام وظريف ... أدخل واقرأ
Author: osman righeem
Date: 07-04-2008, 07:33 AM
Parent: #1
اخونا مامان
جمعتك مباركة
Quote: أعتقد أن هنالك فرصة سانحة لأحد مهندسي البورد ليصمم جهازا يستطيع أن يؤدي الغرض الأصلي ويكبت الأدخنة الضارة في نفس الوقت... ولا رايكم شنو؟؟
|
واحد من الحلول العملية
وممكن تتفقوا مع صاحب العمارة علي غرفة في السطوح بالاتفاق مع الدفاع المدني
حل مجرب في ابوظبي
و ربك يعين
|
Post: #6
Title: Re: إعلان هام وظريف ... أدخل واقرأ
Author: Gaafar Ismail
Date: 07-04-2008, 07:54 AM
Parent: #1
العزيزمـامان
في أحدى العمارات الفاخرة ذات العشرة طوابق في طوكيو يوجد جهاز اكتشاف الدخان في كل شقة تحوطا من الحرائق. في أحدى الأمسيات جاءت صفارة الإنذار بالحريقة مدوية، نزل جميع سكان العمارة فزعين مستخدمين الدرج عدا أحد الإخوة العرب يسكن في الطابق التاسع... إتضح فيما أن الأخ قاعد "مستمخ" ينفخ في الشيشة  .. تم إخطاره بعدم استخدام الشيشة في المبنى.
تخريمة
يوم الخميس في أوربا موش يعادل يوم السبت
|
Post: #7
Title: Re: إعلان هام وظريف ... أدخل واقرأ
Author: Al-Shaygi
Date: 07-04-2008, 08:30 AM
Parent: #1
Quote: وجدت هذا الاعلان عند باب مصعد العمارة التي أسكنها ويسكنها أيضا عدد من السودانيين. والاعلان من مكتب تأجير العمارة.. يقول الاعلان
|
والله يا مامان عمارتكم أم سبعة أدوار دي من يومك السكنت فيها وقدر ما جيت فيها ماشميت غير ريحة التركين والسمك المقلي.
طبعاً أنا حدي في الطلوع الدور الرابع، يا ربي الكلام ده يكونوا قاصدين بيه ناس الدور السابع؟؟؟
ولا يكون مكتبكم ده قاصد يمرقكم خاصة في حمى أرتفاع الإيجارات هذه الأيام وأكيد طلبوا منكم زيادة وعملتوا أتحاد سودانيين وأبيتوا تزيدوه!
قام الراجل أستلف ثقافة منفوحة وغبيرة وقال يتبلى عليكم بحكاية الدخان ويقدر يقنع بيها أي جهة أصله حكاية الدحان دي بقت سمعه.
تتذكر قصة أخونا الرجع يوم الخميس من الدوام الثاني بعد العشاء لقى الدفاع المدني قافل الشارع وخاف ياربي الحريق وين ولما قرب للبيت شم الخرابي عرف أنه الحكاية في شقته وطبعاً الوليه جوه الشقة غمتت الحفرة (بستلة البوهية) وأبت تفتح الباب حتى أختفت آثار الدخان وأنفضت الزحمة وأنصرف جماعة الدفاع المدني وطبعاً صاحبنا عمل أضان الحامل طرشه زاغ من المنطقة وما رجع إلا بعد الحكاية ما أنتهت على خير.
هامش:
____
عندما سكنت قبل 12 سنة في سقتي الحالية بيومين أتصل بي صاحب المكتب العقاري ضاحكاً وأبلغني أحتجاج أحد السكان السعوديين على التأجير لي كسوداني متزرعاً بخوفه من بخور السوادنه!!!!!
الموضوع ده فيه قصص واقعية كتيرة جداً دايره ليها وقت عشان الواحد يقدر يكتبها!!!!
علي كل هذه شهادة لكم يا سكان العمارة رقم 4 بأنكم (فحوووووووووول) ...
بكري: العم عوضو سيدأحمد ... يقف بباب الحوش متكئاً على ع...فتح له الباب للدخول.
الشايقي
[email protected]
http://alkatwah.com
.
|
Post: #8
Title: Re: إعلان هام وظريف ... أدخل واقرأ
Author: Abureesh
Date: 07-04-2008, 08:52 AM
Parent: #7
مامان،
سلاملات..
ما أظن الموضوع يحتاج لمهندس إعادة تصميم.. لكن ممكن واحد مستثمر يدق صدرو وينشئ مكان عام خارج البيوت،
ويؤجره.. برضو حيستفيد من بيع الخشب.. وممكن يبيع ليهم disposable shamla عشـان الصحة وكدا، للزباين الما
بيجبو شملاتهم معاهم،.
رأيك شنو؟
أهى دراسـة جدوة مجانيـة على الهـواء مباشــرة.
|
Post: #9
Title: Re: إعلان هام وظريف ... أدخل واقرأ
Author: منوت
Date: 07-04-2008, 10:13 AM
Parent: #1
سلام للرجل الإنسان الرائع مامان
و رحمة الله وبركاته .
زمن طويل لم أضحك " بعنف " سوى هذه اللحظة !
أكرمك الله
وشسكراً كثيراً على الإضحاك
|
Post: #10
Title: Re: إعلان هام وظريف ... أدخل واقرأ
Author: Saifeldin Gibreel
Date: 07-04-2008, 10:38 AM
Parent: #9
مامان سلام.... قلنا نساعدك نرفعو فوق...
|
Post: #11
Title: Re: إعلان هام وظريف ... أدخل واقرأ
Author: Salah Abdulla
Date: 07-04-2008, 01:25 PM
Parent: #10
أخونا مامان
سلام
الله يديكم العافية (ويقويكم)
| Quote: أعتقد أن هنالك فرصة سانحة لأحد مهندسي البورد ليصمم جهازا يستطيع أن يؤدي الغرض الأصلي ويكبت الأدخنة الضارة في نفس الوقت... ولا رايكم شنو؟؟ |
يعني يا ناس العمارة انتو مصرين؟؟ وما عايزين تسمعوا كلام سوباجو ده (وتبطلوا)؟
طيب .. حلكم انو تنفذوا مشروع ابوريش ده ، وتدوه 10% (عمولة).
أو تتفقوا تأجروا ليكم عمارة براكم وتبرطعوا فيها زي ما دايرين..
ولو ده كلو ما نفع ، بعد ده الا تاكلوا (ني)
|
Post: #12
Title: Re: إعلان هام وظريف ... أدخل واقرأ
Author: زهير الزناتي
Date: 07-04-2008, 01:54 PM
Parent: #1
الأعزاء
هنا في أسواق السودان في كريم
إسمه كريم دخان ، لا اعلم ما هي خصائصه وفوائده
وهل يفي بالغرض كالأصل تماماً ،،، ولو عايزين
ممكن نرسل ليكم عينة تجربوا ، ولو نفع نعمل معاكم بيزنس
|
Post: #13
Title: Re: إعلان هام وظريف ... أدخل واقرأ
Author: maman
Date: 07-04-2008, 11:38 PM
Parent: #1
غبت ساعات فوجدت إخوانا كراما تداخلوا مداخلات ظريفة واقترحوا اقتراحات ذات أهمية. ويا أخوانا أظن أن هذه المجموعة التي تسكن في عمارتنا من (السوادنة) عندها مشكلة عايزة حل وهنالك مجموعات أخرى في أحياء متفرقة من مدينة الرياض في انتظار الحلول..
عثمان رغيم : والله اقتراحك بعمل غرفة في السطوح حل عملي
جعفر اسماعيل: يعني الزول العربي المولع الشيشة في العمارة حرك فرق الدفاع المدني وزهلل سكان العمارة وبرضو ما عارف إنو عمل شى؟
أبو ريش : والله اقتراحك بعمل مكان عام دا فكرة رائعة لكن يصعب تنفيذها عندنا هنا في الرياض وصدقني فكرتك دي واحد حيسرقها منك مية المية ويطبقها في أحد أماكن تجمعات السودانيين.
منوت : (أما زلت في اليابان؟) ياخي أنا سعيد جدا إنك ضحكت وفضفضت شوية... حضرت دورة تدريبية كان الضحك جزء منهاوبالمناسبة أنا قريت الاعلان الساعة واحدة ونص صباحا وضحكت ضحكة عالية وطوالي نقلت صيغة الاعلان في ورقة وبمجرد وصولي جلست أمام الكي بورد ونزلتها في البورد.
سيف جبريل : ياخي أنا عارفك ماب تقصر وشكرا على رفع الموضوع...
صلاح عبد الله: والله بيني وبينك اقتراح أبو الريش دراسة جاهزة وقريب حتسمع واحد نفذها
زهير الزناتي: يا خوي أنا مسوق (مكملات غذائية ومنتجات تجميل طبيعية) لكن ما سمعت بكريم الدخان قبل كدا. وأنا ما عندي مانع أسوق لك لك الكريم في السعودية بشرط لا زم أعرضه على أحد المعامل ذات السمعة لمعرفة محتوياته وعما إذا كانت طبيعية أم لا... موافق؟
لكم عاطر تحياتي جميعا
مامان
|
Post: #14
Title: Re: إعلان هام وظريف ... أدخل واقرأ
Author: maman
Date: 07-05-2008, 09:49 AM
Parent: #1
FLY HIGH
مامان
|
Post: #15
Title: Re: إعلان هام وظريف ... أدخل واقرأ
Author: ALZOLZATOO
Date: 07-05-2008, 12:33 PM
Parent: #1
يامامان ،،
قالوا الفضيحة والسترة متباريات
يعني لازم تتعشو على الحطب لووووووول يكه استخدمو الغاز من اجل بيئة صحية ده حل
الحل التاني اعملو شيرنج اجرو ليكم استراحة وبكس لنقل الحطب ( ذهابا فقط ) و اشترو المونيوم فويل ( قصدير المونيوم ) اها ده بالذات مافي زول يسالني عشان شنو انشاء الله الاكل يبرد زاتوو انا مالي ومالكم اها خلوهم يتنجضو زي مابينجضونا وانتو بي هناك غنو ياطابق البوخة بتاعة مبارك حسن بركات
وتعالوا راجعين انشاء الله بعد داك تنومو زاتووو بس اهم حاجة ماتزعلو بتاع العمارة والجيران
ولو اقتراحاتي ماعجبتكم شيلوها وادوها البر انتو اصلكم ماعندكم بحر هناك ترمو فيهو الحاجات المابتعجبكم
وربنا يفرج كربتكم
كامل تضامنا مع ناس العمارة
زاتوووو
|
Post: #16
Title: Re: إعلان هام وظريف ... أدخل واقرأ
Author: saif massad ali
Date: 07-05-2008, 12:55 PM
Parent: #15
الاخ مامان
معي مجموعة نعمل منذ فترة علي انتاج معجون الدخان يعني من ضمن المواد المستخدمة الطلح والشاف
كنهة . ويحتاج بعد الاستعمال لدرجة حرارة مابين 30 و35 يعني عادية وهو سريع الجفاف
والدراسة شغالة
|
Post: #17
Title: Re: إعلان هام وظريف ... أدخل واقرأ
Author: maman
Date: 07-05-2008, 02:30 PM
Parent: #1
الزول ذاتو وسيف مساعد
تحية لكما
تعرف يا الزول فكرة تأجير الاستراحة دي هي الصائبة خلي بالك وسأنقلها كاقتراح للجماعة إذا ما اتكاجرو في موضوع الشيرينغ.
سيف ياخوي غايتو لو وصلتو لنتيجة في اختراعكم أدني خبر عشان أسوق ليك المنتج كوكيل وحيد في الخليج
مامان
|
Post: #18
Title: Re: إعلان هام وظريف ... أدخل واقرأ
Author: maman
Date: 07-06-2008, 03:49 PM
Parent: #1
up
|
Post: #19
Title: Re: إعلان هام وظريف ... أدخل واقرأ
Author: mayada kamal
Date: 07-06-2008, 05:38 PM
Parent: #18
سلامات
عمك صاحب العمارة دا ما سمع بي فوائد الدخان ولا شنوووووووووووووووو
(حفرة الدخان)اوع تقولو ايحاءت ولا غيرووو(منافعها ومضارها)......
<a href="http://www.sudaneseonline.com/cgi-bin/sdb/2bb.cgi?seq=print&board=120&msg=1196712477&rn=" target=_self>(حفرة الدخان)اوع تقولو ايحاءت ولا غيرووو(منافعها ومضارها)......
التحية لصاحب البوست
اقعدوا عافية
|
Post: #20
Title: Re: إعلان هام وظريف ... أدخل واقرأ
Author: حسين محي الدين
Date: 07-06-2008, 05:52 PM
Parent: #19
| Quote: فضحتونا مع الأجانب ... |
هههههههههههههههههههههه
|
Post: #21
Title: Re: إعلان هام وظريف ... أدخل واقرأ
Author: عثمان دغيس
Date: 07-07-2008, 08:02 AM
Parent: #1
قلت لي الإعلان موجه ليكم عديييييييييييل ..
لوحظ في الفترة الأخيرة ...
تعرف دي ذكرتني قصة تحكى عن زيدان إبراهيم عندما أراد ان يقوم بإعادة تسجيل إحدى أغنياته المنسية والمهملة ..
فعمل بروفات معتمداً على الذاكرة ..وخلصت البروفات وإتفقت الفرقة كلها على أنها أي الأغنية كانت بهذا للحن ..
إلا عازف الترمبيت كان مصراً على أن هنالك لزمة موسيقية مفقودة أو تم تغييرها من اللزمة الأصلية اللي سجلت بها الأغنية في الستينيات ...!
وكان مصر ويغالط في الجماعة وهم ماشين على التلفزيون للتسجيل ..
فجأة قام زيدان وقف بتاع الحافلة وقال ليهم يا أخوانا ح نسجل الأغنية دي بالطريقة دي ..العاجبو عاجبو ..
والما عاجبو يشيل ترمبتو وينزل ...!!!!
علماً بأنها ترمبة أو ترمبيت واحد في الفرقة ...!!!
|
Post: #22
Title: Re: إعلان هام وظريف ... أدخل واقرأ
Author: حمد عبد الغفار عمر
Date: 07-07-2008, 08:19 AM
Parent: #21
تحايا
عندي فكرة و هي ان تتم هذه المسألة في الحمام بعد غمل sealing محكم للمنافذحتي يخرج الدخان عن طريق المجاري ولا دفاع مدني ولا شرطة
بس الاختناق وارد في الحالة دي
الحاجات دي حقو الناس تخليها عندما لا يكون الجو مهيأ لها لحدي ما يرجعو السودان لانها هناك مجيهة و ليها نكهة
|
|