هذا البوست سوف يكون توثيقا لكل ماكتب عن امدرمان من شعر ونثر وقصة وابت نفسي الا ان تزيينه هذه القصيدة لعاشق امدرمان الشاعر سيف الدين الدسوقي ابن حي العرب الاصيل
< width="425" height="344">
Post: #2 Title: Re: وركعت اقبل امدرمان Author: Mutwali Malik Date: 07-03-2008, 06:59 AM Parent: #1
الشاعر الفاتح حمدتو عشقنا ترابا يا سودان زرعنا أمامنا في الأركان رسمنا حروفا بالألوان و كنا وكانت أم درمان عزيزة و غالية يا أم درمان
شعار شلناهو جيل عن جيل شعار ما بقبل التأويل سلام ممزوج بموية النيل بنور قرآنا و الإنجيل كتبنا فصولو في أم درمان
بديتي الوحدة بالأرحام و كنتي منارة الإسلام قبايل نحن عشنا كرام مع الأقباط هنود و شوام قسمنا اللقمة في أم درمان
و نهر النيل سعيد لاقاك وكان يا أم در بدايتو معاك نتوه في الدنيا ما بننساك و نرجع تاني ليك نرعاك نصون العشرة يا أم درمان
شتات الفرقة طعمو مسيخ أريت لو يرجع التاريخ تقيد نيرانا قبة و شيخ هلالنا يعانق المريخ نقول للدنيا دي أم درمان
تكون جلستنا جنب النيل تدق النوبة حمد النيل نشيل ألواحنا للترتيل و نمشي هناك نقيم الليل نضوق العافية في أم درمان
حضنتي خليل وود بطران وفيكي كرومة عاش فنان طربتي مع الأمين برهان و صوتك عم كل مكان إذاعة تقول هنا أم درمان
سلام للرقدو في البكري أمان في شرفي من بدري تروم ارواحنا ما بندري و ريدتك في العضام تسري محبة شديدة يا أم درمان
سلام يا أم در عظيمة الشان سلام يا أم در أرض شجعان سلام يا أم در كرم حيشان سلام يا أم در عشا الضيفان سلام يحميكي يا أم درمان سلام ينجيكي يا أم درمان سلام يا درة السودان
Post: #3 Title: Re: وركعت اقبل امدرمان Author: Ahmed Abdallah Date: 07-03-2008, 07:05 AM Parent: #2
Post: #4 Title: Re: وركعت اقبل امدرمان Author: عادل سهل Date: 07-03-2008, 07:10 AM Parent: #1
الاخ متوكل
أم درمان عاصمتنا الوطنية ، وارض الصمود ، وهى عزيزة لدى كل سودانى
سواءاً كان من ابنائها أو من أى مدينة أخرى
فقد نالت المدح من العديد من الشعراء والكتاب
وأيضاً لم تسلم من الذم والقدح من عدد آخر
فهل سنقرأ قصيدة أم درمان تحتضر للشاعر الدكتور محمد الواثق
الشكر موصول للاخوان احمد عبدالله علي قصيدةالشاعرة سعدية عبدالسلام الجميلة نحبك والله يا امدرمان وطبعا مافي ليك بديل وزي ماقيل زمان فيك هو امدرمان تخش بي حمار تسوي حصان هو امدرمان تنوم بردان تقوم دفيان يهل سعدك ويدوم مجدك ولا قبلك ولا بعدك ام الدنيا امدرمان ام الدنيا امدرمان وكذلك الاخ عادل سهل
Quote: فهل سنقرأ قصيدة أم درمان تحتضر للشاعر الدكتور محمد الواثق
ومن اروع ماكتب عن امدرمان قصيدة عمي المرحوم الفنان احمد عمر الرباطابي امدر ياربوع سوداننا نحييك وانت كل امالنا في غربك عروس الرمال وفي شرقك اية جمال جنوبك واسع مجال ياحلات رطبك في الشمال اهديها لكم بصوت فرقة عقد الجلاد