زوجتى غاضبه

تريد زوجتى ان اعود الى اديس حتى تواصل الكتابة الى بعد ان فارقتها غاضبا اخر مرة منذ
سبعة اعوام فهى لا تريدنى ان اكون مقيما هنا فى السودان داخل الوكر الاصولى وبما ان اللينينيين تسببوا فى افقاري فقد قلت لها باننى لا املك المال الكافى لشراء تذكرة بالطائرة والعودة الى هناك
لكنها تصر على موقفها ولا تريد مساعدتى فى شراء التذكرة

اخفيت واقعة زواجى عن اهلى طيلة هذه السنوات حتى لا يغضبوا منى فقد كانوا يريدوننى ان اتزوج من احدى قريباتى ولكى لا افقد مساندتهم كنت احمل الخبر فى اعماقى دون الهمس به حتى فى اذن اقرب اصدقائى وهو نوقو صديق حميم تعرفت اليه عن قرب اثناء عملى مع ام اس اف فى قارسيلا
فى مواجهة الرفض المتكرر لزوجتى لزيارتى وكراهيتها للاصوليين ولاننى وبالرغم من رغبتى فى السفر اليها والعيش بالقرب منها بدات اخطط فى الانتقام فاقمت علاقات اخرى وبذلت وعودا بالزواج لاخريات
افضت الى لا شئ فقد كانت رغبتى فى العودة الى زهرتى الحبشية اقوى من كل شئ ولكن سؤ احوال جيبي حال دوني والوصول اليها
تعرفت اليها فى مطار اديس فى خريف رائع قبل سبعة اعوام كانت تعمل فى الاسواق الحرة وتتحدث انجليزية طليقة وكنت عائدا الى اديس بعد ان رفض المصريون ادخالى الى بلادهم
حكت لى بان اسرتها تركت اثيوبيا ابان حكم منقسثو الشيوعى وانها عادت منذ عامين فقط من كينيا حيث كانت تعيش منفيةووجدت بالكاد عملها الذى تقتات من وراءه

عدولي !!!

يسعد مساك ...

إنت بتحكي جد ولا قصة من بنات أفكارك ؟

مالكم يا شباب المنبر عايزين تجيبوا لي الجلطة !!!

الاخت عواطف ادريس
سلامتك من الجلطة وشكرا على المرور
هذه قصة واقعية وليست حكاية من بنات افكاري
كونى دائما بخير

فى اصائل قارسيلا الاستوائية حين يهبط شبح المغيب على البلدة وهى تنام باذان صاغية خوفا من هجوم الجنجويد كنت اتجول بصحبة صديقى نوقو كنت احكى له عن ازهار اديس الرائعة وهى تنتشر فى كل مكان
وتغطى سفوح الجبال بالوانها الزاهية وعن نساء افريقيات رائعات مررن عبر المطار لكننى ابدا لم ابوح له بالسر الذى ظللت احتفظ به طوال هذه السنوات كان نوقو يلقي بقشر الفول السودانى وثبدو عليه دلائل الانتباه عندما احكى عن نساء افريفيات جميلات فى اصيل اديس كان يبحث عن السر فى اعينى لكننى تمسكت به بعيدا عنه
نوقو كان يخشى هبوط المغيب لان ذلك يعنى قدوم القطط السوداء التى يخشاها وقد افضى الى بهواجسه ذات مرة لكننى لاحظت ذلك حتى قبل ان يبوح بها مباشرة فقد كان يضطرب لحظة ظهورها وتتبدل نبرة كلامه ويبدو ان ذلك يعود الى طفولته حيث كانت امه التى لا يعرف مكانها قد روت له عن هذه القطط وكيف انها تنقض على الاطفال وتترك خدوشا لا تنمحى فى اجسادهم

تستاهل ..!!!









سمحة بت بلدي...

فوق
ومتابعين يا أستاذ عادل طه

الاخ عبود
شكرا على المرور وعلى التعليق كمان

الاخ نادر
نهارك سعيد وشكرا على الدعم ساواصل الحكى فيما بعد
عادل

اول خطا ارتكبته يا عادل وقبل ان اسمع نهاية القصة انك نزوجت اجنبية
ولازم تعرف انو ما فى زوجة بتفهم الزوج السودانى غير الزوجة السودانية
والمهم الحق سريع وشوف واحدة من بنات الجيران وحبها وخليها تحبك وبعدين تزوجها
وابتعد من القرابات فزواج الاقارب مشاكلها كثيرة غير المشاكل الطبية
والخطا الثانى هو اخفاء الحقيقة عن اهلك ..واذا الصدق ما نجاك الكضب ما بنجيك

عفوا صاحب البوست

Quote: اول خطا ارتكبته يا عادل وقبل ان اسمع نهاية القصة انك نزوجت اجنبية

معليش بس انا ما شايف انو زوج الاجنبية خطأ
هل تعتبر المصرية اجنبية
هل نعتبر التشادية اجنبية
هل تعتبر الكينية و اليوغندية و و و الخ

و الموضوع غير شخصي خلينا نعرف الاجنبية

الاجنبية يا عثمان هى الفتاة التى تختلف عاداتها وتقاليدها ولغتها عن لغتك
ولذا فان المصرية لا تعتبر اجنبية..لكن الاثيوبية تعتبر اجنبية عشان لغتها وتقاليدها تختلف
والتشادية التى تتكلم العربية لا تعتبر اجنبية لان عاداتها وتقاليدها اقرب للسودانية
ولكن فى النهاية عاوز اقول ليك احسن من السودانية مافى..كان فى الجمال والاخلاق او فى اى شئ

اخونا السر تحياتي

Quote: الاجنبية يا عثمان هى الفتاة التى تختلف عاداتها وتقاليدها ولغتها عن لغتك

الاختلاف الثقافي هو المقصود اذن

يعني ما ينفع شايقي يتزوج دينكاوية
ودينكاوي يتزوج حلفاوية

يعني الاجنبية مش حدود دولية يعني حدود اختلاف عادات و تقاليد


شكرا كده الفكرة وصلت

المكرم / عادل طه
تحية وأحترم ,,,
_______________________________________________
لما الحبش يقولوا لبعض ( أكبر وحسة تقع فيها حبشية تتزوج سوداني )
كنت بزعل ......... بس صدقني قربت أصدق كلام الناس ديل

معليش كلامي ده ما يزعلك
لكين قصتك دي فيها حاجات كتيرة ما منطقية
ولو الحته سفر من السودان لاثيوبيا أكيد ما محتاجة تذاكر طيارة لو ما أتوفرت أى قندران فيت يدخلك لحدي أديس
وحته ماعوزة تساعدك دي برضها غريبة لانوا مافي شي بفرض عليها تساعدك
البعرفوا الانفاق ده للزوج ما للزوجة !!!!!!!!!!!!!!!!!!!!!!

حته انها ما مقتنعه تعيش في السودان
برضها ما منطقية الإثيوبيات في غالبيتهم الاعم ماعندهم حكاية يفرضوا شروط كتيرة على رجالهم
يعني لو فعلا متزوجين عن حب وكامل قناعة لو قلت ليها حنمشي جهنم حتمش معاك بلا نقاش
ده غير أنوا غالبيتهم برحبوا بالمعيشة في السودان بصورة تلقائة ولا عوزة كلام كتير .........

وحته ماكلمت أهلك عشان ما يزعلوا
برضها ياخوي عوزة مراجعة لانوا لازم تكلمهم في خطوة مهمة زي دي في حياتك
قبلوا مرحبا ما قبلوا تبقي أديتهم علم ... هوي ياناس أنا عوز أتزوج
ولان الراجل ما بنتظر إذن أكيد حتعمل خطوتك في عين أتخن تخين مدام مقتنع
وعلى سنه الله ورسولوا ....... وزول ماعندوا عندك حاجة

وحته أنك قاعد في السودان بتوعد بالزواج وتعمل في علاقات مع انك متزوج معناها الموضوع ده كلوا ما مقتنع
بيهوا يعني تحصيل حاصل ..... وأصل في السودان وحاول تعمل علاقة جادة وتتزوج سودانية
بالجد البحب زوجتوا بصدق يستحيل يعائن لواحدة غيره ...


وحته أنك مهمّل عرضك 7 سنين بقول ليك أنسي القصة دي كلها وأبتدي حياتك وربنا يكتب ليك التوفيق

وحته يجيك واحد يقول ليك الزواج من أجنبية غلط !!!!!
ببساطة الزواج ده مسألة قسمة ونصيب
وما اظن حته الجنسية دي ليها دور كبير في مدام الناس بينهم مؤدة ورغبة يمشوا حياتهم مع بعض
وحته أنوا مافي غير السودانية بتفهم السوداني برضها ما قاعدة معممه
ممكن تكون ما سودانية ويكون بينكم تفاهم ما عادي وتقدير وأحترام


ومتاسف لو في كلامي زعلك
ولك صادق تقديري

Quote: الاجنبية يا عثمان هى الفتاة التى تختلف عاداتها وتقاليدها ولغتها عن لغتك ولذا فان المصرية لا تعتبر اجنبية..لكن الاثيوبية تعتبر اجنبية عشان لغتها وتقاليدها تختلفوالتشادية التى تتكلم العربية لا تعتبر اجنبية لان عاداتها وتقاليدها اقرب للسودانية ولكن فى النهاية عاوز اقول ليك احسن من السودانية مافى..كان فى الجمال والاخلاق او فى اى شئ

الاستاذ / السر عبد الله

مع كامل أحترامي لرأئك

حته لازم الواحدة تتكلم ( عربي ) عشان تكون ما أجنبية دي غريبة شوية

* بتصور كفاية تكون مسلمة وموحدة عشان تتنفي عنها صفة ( أجنبية )


ولك خالص التقدير ,,,

الاخ الكريم / عبد الناصر

لك التحية والتقدير


اتفق معك في كل ماذهبت اليه والزواج كماذكرت قسمة ونصيب ويكفي انها انسانه

ارتبطت بغير ابن بلدها لقناعتها بان الحب لاتحده حدود الجغرافيا وطالما وجد

الاثنان مايجمعهما ينزوي حديث كل المعارضين لمثل تلك الزيجات والتي شهدنا نجاح

الكثير منها , نسأل الله ان يوفق الجميع .

فى الانتظار للنهايه قبل الزول ما يحكم ساى

لكن يا عادل .....................

يمن تكمل

العزيز / خضر الطيب
صباحك زين

Quote: اتفق معك في كل ماذهبت اليه والزواج كماذكرت قسمة ونصيب ويكفي انها انسانه ارتبطت بغير ابن بلدها لقناعتها بان الحب لاتحده حدود الجغرافيا وطالما وجد الاثنان مايجمعهما ينزوي حديث كل المعارضين لمثل تلك الزيجات والتي شهدنا نجاح الكثير منها , نسأل الله ان يوفق الجميع .

ده الكلام المنطقي ياخضر لو في رغبه بين أتنين تكون حياتهم مع بعض
أى كلام عن الجنسيه والمحازير الاجتماعية ووو
ببقي كلام فارغ جدا
والحمد لله التوفيق حاصل خصوصا لما تكون في حياتك أنسانه مسئوله وفاهمة
وعندها الرغبة تتوفق في حياته ,,,

وتقبل تقديري ,,,

يازول هوى ماترمى فشلك فى الزواج من اجنبية, انت زواجك من اولو ماراكب عدلة مقشط وحالتة تعبانة, وياتى سودانية بتدورك ماكتر خير الحبشية انها قبلت بيك

ـــــــ

Quote: : زوجتى غاضبه

الأخ عادل تصدق مشكلة بسيطة , صغيرتي وزوجتي سودانية ساكنة معي في الغربة

يوم لقيتها (تقطر في العرقيِ وتبق) بالشقة

عنوان بوست سوف يري النور قريباً




ــ
مرور وتحية