ماذا عسانى قائلة ....غير الوطن... سأحتفى بنجمة حددت موقعها ظهر هذا الليل .. وقبل بزوغ فتنتها الاولى ....ملتفة فى مقامات صوت خطوات عالقة فى حلم ابواب الدخول ....وسأغادر للوطن ....وسأنعم (بحول) الله ...بغمرة تواصل ... اعزاء سودانيز.. استمد منهم ....زاد مواصلتى لمشوار كى بورد ...
فأهلا بمن ذاهبة اليهم ... والى لقاء من سأفارقهم ....
سأمتطى رحلة الاسبوع المباشرة...(فى الوطن) من السبت الى الجمعة .... فلم اعد بحاجة الى ترتيب الايام بعد الان... فلم تزل مبشرات الوعد بلقاء الاحبة ... تواصل طرقاتها الخافته على ابوابنا المشرعات حيث لن يسمح بالدخول الا للبحث عن منفذ للخروج الطارىء
Post: #6 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: صلاح شعيب Date: 06-19-2008, 02:37 AM Parent: #3
زميلتنا ناهد بشير الطيب
الوطن هو التاريخ والجغرافيا والمستقبل..وبين هذه المسافات في النوع تتقاطر الاماني..ولكن يبدو أحيانا أن انصهار هذه المعطيات شيئا من الضنين.وليت قومي يخاصمون بذر "نزوعهم المرير" إلى الفرقة..!!
Quote: الوطن هو التاريخ والجغرافيا والمستقبل..وبين هذه المسافات في النوع تتقاطر الاماني..ولكن يبدو أحيانا أن انصهار هذه المعطيات شيئا من الضنين.وليت قومي يخاصمون بذر "نزوعهم المرير" إلى الفرقة..!!
الاستاذ المترع بالحب استاذى صلاح شعيب ....
هو ذا ...ما ننشده ..الحب والسلام والوئام...
فأن الحب للوطن احيانا..... سحابات... تخبىء بوح امطارها الليلية .... والارتطام بالسكون...الليلى قد يؤدى الى ايجاز موجز للحلم فى الاغفاءة الاولى فليس لحلم ان يطول مكوثه دون وازع من امل ومن صحوة ادركتنا ونحن قائمون الليل نبحث عن مفردات نلبسها ثوب الكتابة المطرز بفيض احاسيسهاوبمكنونات النفس وتواشيح الروح
لو لحظة من وسن تغسل عني حزني تحملني ترجعني الى عيون وطني يا وطني --------------------- يا وطني يا وطن الأحرار والصراع الشمس في السماء كالشراع تعانق الحقول والمراعي واوجه العمال والزُراع في وطني --------------------- أصبح الصبح كأن الزمن الماضي على الماء نقوش فارفعي راية اكتوبر فالثورة مازالت تعيش وانا مازلت في البعد انادي يا بلادي يا مغاني وطني --------------------- أجمل من فراشة مجنحة على ضفاف المقرن الجميل أجمل من نوّارة مفتحة ترقد تحت ذهب الأصيل أجمل من رائحة النضال لم أشم رائحة في صبحك الجليل يا فخر هذا الجيل يا وطني --------------------- محمد الفيتوري
Quote: نحن قادمون فى نزوعنا المرير...يا....ذراعنا الاخير ...ياوطن ...
كلام قوي وذراع حمالة ... وكأنها تجمع لحسابها قوة الكتف وتطرح من المتحصل ثمة إحتمال للفشل ... فهنا تربة خصبة ... إن كان للأمل حظ فى إقامة أعواده بين أناس ... وكما يحتاجونه.
Quote: كلام قوي وذراع حمالة ... وكأنها تجمع لحسابها قوة الكتف وتطرح من المتحصل ثمة إحتمال للفشل ... فهنا تربة خصبة ... إن كان للأمل حظ فى إقامة أعواده بين أناس ... وكما يحتاجونه.
بملء الفم ...وفى مساحة ...لاندياح الصوت والصدى ... عرضها السماوات والارض .... اقول لك اهلاااااااااااااا استاذنا الشفيف الرقم حيدر قاسم ....
تلك الذراع ...هى مااحتاجها الان ...للتوجه بها لتلك المدينة التى تسكنها شوارعها المؤدية الى حكاياتها ... التى ادركتها الصباحات الشهرذادية لكنها افاضت فى مباح كلامها ولم تسكت ... وسوف اطرح ساعتها ...اخى حيدر كل نزاعاتى المريرة ... واضع الذراع جانبا ....وارتاااااااااااااااح
الاتعتقد معى بان هذا زمان المطاف الاخير ...اخى حيدر
ساعتها ان صدق حديثك وهاجرت نحو العصب .... سأبرىء ساحة اتهامى بارتكاب معصية السفر والغربة والهجرة ..التى هطلت علي قطرة... قطرة... قطرة .. حتى ابتلت احلامى ....وماعادت تصلح فى اكثر الاحوال ....للعودة ...
تالله اني اشتم رائحة ترابه عند استلامي تذكرة الذهاب
واكون في عالم لا يوصف من السعادة و الطمأنينة
متى ستلغى تأشيرات السفر...ومتى ستقفل صالات القدوم والمغادرة وهذة التذكرة اللعينة ...التى تعيش فى جدل دائم قائم الاركان فسيحها ..معنا ...متى تتعامد شمسها وقت ان يدلى الليل بشهادته فى ان نرحل للوطن ونجلس محدثين ضفتي نيله العملاق...... عن نزاعنا المرير فى مغترباتنا...
سلام لي أهلي في السودان سلام على الدومة والطنبور وغصن البان سلام على النيل وقمر الليل وحسنه الكان سلام على الجنوب والشمال بي وحدة السودان سلام على البنات والبنين دخرينا للسودان سلام على الجوامع والكنائس لي نصرة السودان
سطا العمل ...هنا... على سوانح الوقت لدى و...و ...(وسبقنى واشتكى)... لدى سلطات .. الساعة الثامنة والعشرين....باننى قد ارهقته بمجيىء اليه كل يوم.. صباحا !!!!!!!!!
Post: #14 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: soma Date: 06-19-2008, 04:09 AM Parent: #13
ناهد ... صباحتك شمس الوطن المشرقة
هل نحن قادمون للوطن ؟؟ ام ان الوطن مهرول الينا ارى اننا المهرولون بعيدا منه .. وهو قابع حزين فى انتظارنا انه الام الحنون.. الرؤوم .. نجم ليلنا وشمس الشروق مهما عصينا ومهما تمادينا فى العقوق والبعد والهجران.. غار الجرح ثم بان. ثم عدنا للمكان .. الوطن الحنان تلقانا بحكمة واتزان وارتمينا فى الاحضان ...... الى متى نصارع الاقدار ضد التيار نحارب الحرية ونبنى فى الاسوار متى نعود للتراب ..للديار دون شرط او قرار نواجه الحقيقة نحطم الجدار سلمتى يا ناهد وسلم قلمك وحسك الوطنى تحياتى اسماء الجنيد / مسقط
Quote: هل نحن قادمون للوطن ؟؟ ام ان الوطن مهرول الينا ارى اننا المهرولون بعيدا منه .. وهو قابع حزين فى انتظارنا انه الام الحنون.. الرؤوم .. نجم ليلنا وشمس الشروق مهما عصينا ومهما تمادينا فى العقوق والبعد والهجران.. غار الجرح ثم بان. ثم عدنا للمكان .. الوطن الحنان تلقانا بحكمة واتزان وارتمينا فى الاحضان ...... الى متى نصارع الاقدار ضد التيار نحارب الحرية ونبنى فى الاسوار متى نعود للتراب ..للديار دون شرط او قرار نواجه الحقيقة نحطم الجدار سلمتى يا ناهد وسلم قلمك وحسك الوطنى تحياتى
مصارعتنا للاقدار.... كما تفضلتى وذكرتى.. اضيف عليها ...هى ايضا سباحة ضد التيار وهذا البعد عن الديار ..... هو الذى احرق اصابعنا وادهش الوطن...دهشته الناجزة.. وحذف بعض قلائل الزمن المتبقى بين الشهيق والزفير.. وصار فى حالة انتظار لقدوم ابناءه....
الوطن عادل ....فى تحديد المستوى الاعلى لانكماش البرودة ....وفرحته القصوى بلقاء ابناءه فهيا لنلاقيه.... او ليلاقينا ...
كل نحن .....والوطن بخير ..... وكل نحن ...والمساء يطيل من اثياب انجمه الغارقة فى تهاويم البوصلة لاتفرق بين شرق امنياتنا وغرب انفلاتنا من قبضة الزمن الوضىء المضىء
كن فينا يا.....وطن ....وكن بالف الف خير
Post: #19 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: اسيا ربيع Date: 06-19-2008, 07:48 AM Parent: #18
Quote: الى متى نصارع الاقدار ضد التيار نحارب الحرية ونبنى فى الاسوار متى نعود للتراب ..للديار دون شرط او قرار نواجه الحقيقة نحطم الجدار
الحرية ؟؟
الحرية هي اسمى امانى الانسان متعمقة فى نفسه, يتوق اليها على الدوم ويبزل روحه رخيصه لاجلها, وتاريخ الانسان منذ نشوءه يعبر عن ذلك
فى كل الازمان وبشتى الطرق, لهذا ركزت عليها كل المبادى الساميه واعتبرتها لصيغه بالانسان منز ولادته.
ولكن رغم هذا وذاك ورغم كل البوس والشقاء والحرقه والمراره والانين والبكاء.. قولآ واحدآ فانه لا يوجد عاقل واحد لا يفكر فى الوطن
والعودة الى الوطن .. وهذا مايورق مضجعى كلما تقلبت قى فراشى.
تعالى هناك لنتلاقى ...ولنطوف حول الوطن ...عرفانا وحبا ... تعالى .....لنغافل كل سلطات المغتربات المهترئة ... ثم نعد قراءة الوقت الذى ضيعناه خارجه (شاطبين) بعضه تعالى لنزيح الستائر ...عن نوافذ ايامنا المهلكة ...
للاستماع لأغنية ((عُرس الفداء)) أدناه ، يجب الضّغط على زر إيقاف تشغيل أغنية ((أنين)) في الأعلى ومن ثمّ الضّغط على سهم زر تشغيل الأغنية أدناه ..
عُرس الفداء
نلتقيك اليوم يا وطني لقاء الأوفياء قد تنادينا خفافاً كخيول الرّيح في جوف العتامير تنادينا لكِ يا أرض البطولات وميراث الحضارات نغنّي اليوم في عُرس الفداء ***** ها هُنا يبتسم النّهر القديم لبعانخي ولتهراقا وللمهدي لعلي عبد اللطيف ولعبد القادر الحبُّوبة للقُرشي للصُّمود العذب في كرري وللموت الفدائي العظيم ***** نذكُر الآن جميع الشُّهداء كُلّ من خطّ على التّاريخ سطراً بالدّماء نذكُر الآن جميع الشُّرفاء كُلّ من صاح في وجه الظُّلم لا لا لا ***** نحن أبناؤك في الفرح الجّميل نحن أبناؤك في الحُزن النّبيل ونُغنّي لك يا وطني كما غنّى الخليل مثلما غنّت مهيرة تُلهب الفرسان جيلاً بعد جيل ونُغنّي لحريق المكّ في قلب الدّخيل للجسارة حينما استُشهد في مدفعه عبد الفضيل ***** نُكحل اليوم مآقينا بمرواد الصّلابة وبإيمانٍ كإيمان الصّحابة سوف نفديك دواما ونناجيك هُياما فلتعش حُرّاً أبيّاً في مهابة
أنـا في البـعـيـد مُـشـتـاق لهـمـسـة من الوطن يا نـسـمـة
عبيرك والحانك وكلماتك تعبق هذا المكان وتجعله شلالا رويا .... ترعرع لؤى داخل مساماتنا ومسامات عرس الفدا.....
ءنحن أبناؤك في الفرح الجّميل نحن أبناؤك في الحُزن النّبيل ونُغنّي لك يا وطني كما غنّى الخليل مثلما غنّت مهيرة تُلهب الفرسان جيلاً بعد جيل ونُغنّي لحريق المكّ في قلب الدّخيل للجسارة حينما استُشهد في مدفعه عبد الفضيل
شكرا لؤى ......ومتعك الله بالصحة والعافية ....
راجع الماسنجر ....
Post: #97 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: لؤى Date: 06-23-2008, 09:45 AM Parent: #92
ناهد أعطر التّحايا
Quote: العزيز لؤى
خالص التقدير ياكبير على الكلمات.......
عبيرك والحانك وكلماتك تعبق هذا المكان وتجعله شلالا رويا .... ترعرع لؤى داخل مساماتنا ومسامات عرس الفدا.....
هذا كثير جدّاً كثير على هذا القلب النّابض بِحُبّ الوطن هذا الحُبّ هو الذي يجعل الدّماء تسافر في شراييني وأوردتي لو تعلمين
تهزمين عباراتي وتجعلينها تبدو فقيرة جدّاً
أنـا في البـعـيـد مُـشـتـاق لهـمـسـة من الوطن يا نـسـمـة
Quote: تحياتي واسواقي الحارة لكي ولي افراد الاسرة الكريمة
اخوكي هشام الطيب
اهلا بالرائع اللاعب الهلالى الكبير هشام الطيب......
وينك ووين اخبارك ....بالجد فى شوق للقياكم ... وشفت الدنيا لمتنا زمان...وفرقتنا هسه كيف ... بقينا زى عقد اللالىء الانفرط واتناثرنا بقينا كل لؤلؤة فى بلد .....
خالص التقدير لاسرتك ...
وتقبل تحيات نادر وناجى ..... والى لقاء قريب فى طرقة من طرقات سودانيز
اختي الغاليه ناهد شكر علي الكلمات الطيبة واتنمي ان نتواصل بعد طول فراق تقبلي خاص تحياتي وشواقي وبلغي سلامي للاخوان نادر وناجي ومشتاق اعرف اخباركم [email protected]
يا نســــــــــــــــــمة يا نسمة حظك جميل دائما تسافري بلا تصاريح للسفر و تعودي عبر المستحيل نديانه زي صدف البحر يا نسمة لا تتأخري عذبنى طول الانتظار قبال تجي رشي المحنه بكل دار كل البيسأل طمنيهو و انا في البعيد مشتاق لهمسه من الوطن يا نسمة ارتاحي فوق الأمسيات تلقي الحبايب لسه في اريتني لما الليل يضيع في المجلس الدافئ الوفي سارح اغني الذكريات يا نسمة يا جاية من الوطن بتقولي لى ايام زمان ما برجعن باكر برجعني الشجن واتهنى بيك طول الزمن يا نسمة --------------------------------------------------- مبارك البشير
للاستماع لأغنية ((يا نسمة)) أدناه ، يجب الضّغط على زر إيقاف تشغيل أغنية ((أنين)) في الأعلى ومن ثمّ الضّغط على سهم زر تشغيل الأغنية أدناه ..
يا نسمة
يا نسمة يا جاية من الوطن بتقولي لي أيّام زمان ما بيرجعن باكر بيرجّعني الشّجن وأتهنَّى بيك طول الزّمن يا نسمة ***** حظِّك جميل دائماً تسافري بلا تصاريح للسّفر وتعودي عبر المُستحيل نديانة زي صدف البحر يا نسمة ***** يا نسمة لا تتأخّري عذّبني طول الإنتظار قُبّال تجي رُشّي المحنّة بكُلّ دار وكُلّ البيسأل طمّنيه وأنا في البعيد مُشتاق لهمسة من الوطن يا نسمة ***** ترتاحي فوق الأُمسيات وتلقي الحبايب لسّه في ياريتني لمّا الليل يضيع في المجلس الدّافئ الوفي ساهِد بغنّي الذّكريات الذّكريات يا نسمة *****
أنـا في البـعـيـد مُـشـتـاق لهـمـسـة من الوطن يا نـسـمـة
وكتبت بقطعة فحم فى جدران الشمس من الداخل أنى أهواك فأنا أحببت جميع بلاد الله وما من وطن قبلنى مثلك يا وطن الشمس
آآه يا ناهد نحن قادمون لا محالة
العزيزة الدافئة الكلمات روزمين ....
نعم نعم نحن قادمون لا محالة ....ونقولها بالصوت العالى وليس فى اسفتاءات رئاسةاو مداولات مجلس لكنها لاتمثل مجاميع (نعمات) تنطق بلسانها وتتقدمها لتقول ....لا لاراحة الوطن فاابناءه قادمون
عارف ...انت دائما ماتدهشنا الدهشة الناجزة ,,,,المحيرة .... التى تجعلنا ندمع وقتها لحبك ...للناس والوطن والتفاصيل الدقيقة ...فى اشياءنا ...وحاجياتنا ....ينعقد لسانى امام حبك ...واهتمامك بالتفاصيل ...ودقائق الامور التى تفوت على كثيرين منا ....
لو لحظة من وسن تغسل عنى حزنى تحملنى ترجعنى الى عيون وطنى
من غيرك يفكر فيها ....
راجعه ليك برد اخر ....ياقاااااااامة ....
كل الود والتقدير .....
Post: #59 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: لؤى Date: 06-21-2008, 09:08 AM Parent: #45
عزيزتي ناهد صباح الخير
حُبّي للوطن والنّاس هو الذي يكوّن مشاعري وهو الذي يحدّد طول خطواتي ونهر دمعاتي
ولو لحظة من وسنِ تغسل عنّي حزني تحملني ترجعني إلى عيون وطني ياااااااا وطني
فكّر فيها العملاق الفيتوري ثُم أحسّها الهرم وردي فكانت كما تسمعين مقرناً جمع النيلين الوردي والفيتوري فكانت كنهر النّيل
ودعيني أحكي لكِ عن تعبير لوردي حول هذا العمل شدّني وجعلني أزداد حُبّاً للوطن
سألته الأستاذة سهام زرّوق عن قصّة هذا النشيد (( أنين )) أو (( عيون وطني ))
قالت له : أستاذ وردي حينما كتب الأستاذ الفيتوري نشيد لو لحظة من وسنِ ، كتب هذه الكلمات : لو لحظة من وسن تغسل عنّي حزني تحملني ترجعني إلى عيون وطني .. وفيه كذلك كتب : وأنا مازلت في البُعد أنادي يابلادي ..
والغريب يا أستاذ وردي أن الشاعر الفيتوري حينما كتب هذه الكلمات لم يكن قد تم نفيه من الوطن بعد ، وأنت حينما غنّيتها لم تكن في المنفَى كذلك ، لكن الكلمات تُشعر المستمع وكأنّ النشيد تمّت كتابته وغنائه وأنتما في المنفى وفي شوقِ للوطن .
حينها ردّ عليها الأستاذ وردي مباشرةً قائلاً : لا انا ماكنت في المنفَى وقتها ولا الفيتوري كان منفي ، لكن اللي كان منفي وقتها هو الوطن .
وأعذريني للإطالة
لكِ عميق الإحترام والحُب
أنـا في البـعـيـد مُـشـتـاق لهـمـسـة من الوطن يا نـسـمـة
لو لحظة من وسن تغسل عني حزني تحملني ترجعني الى عيون وطني يا وطني --------------------- يا وطني يا وطن الأحرار والصراع الشمس في السماء كالشراع تعانق الحقول والمراعي واوجه العمال والزُراع في وطني --------------------- أصبح الصبح كأن الزمن الماضي على الماء نقوش فارفعي راية اكتوبر فالثورة مازالت تعيش وانا مازلت في البعد انادي يا بلادي يا مغاني وطني --------------------- أجمل من فراشة مجنحة على ضفاف المقرن الجميل أجمل من نوّارة مفتحة ترقد تحت ذهب الأصيل أجمل من رائحة النضال لم أشم رائحة في صبحك الجليل يا فخر هذا الجيل يا وطني --------------------- محمد الفيتوري
Post: #43 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: سلمى الشيخ سلامة Date: 06-21-2008, 00:04 AM Parent: #41
يا هناك وسعدك سلمى لى عليهم اللسة قبل الخلق والتكوين صناع الحياة اليوماتى وتجى بالسلامة اقامة طيبة وتلقى الناس بريحتهم السمحة وزاد الضيفان محل ماكان واقعدى عافية هنا وهناك
قراءاتنا لكلماتك المتأنقة دوما ياسلمى الشيخ تذيدك جمالا .... كيف ياسلمى لوطن ان يعود جواده من ميدان معركة (الغربة) دون فارسه فكيف يكون شعور اسرة ذلك الفارس.....هو ذا الوطن الحضن الحب الحنين....
مثلما للاماكن عبير لك ايضا سلمى عبير تتركينه وتودعين..
لو لحظة من وسن تغسل عني حزني تحملني ترجعني الى عيون وطني يا وطني --------------------- يا وطني يا وطن الأحرار والصراع الشمس في السماء كالشراع تعانق الحقول والمراعي واوجه العمال والزُراع في وطني --------------------- أصبح الصبح كأن الزمن الماضي على الماء نقوش فارفعي راية اكتوبر فالثورة مازالت تعيش وانا مازلت في البعد انادي يا بلادي يا مغاني وطني --------------------- أجمل من فراشة مجنحة على ضفاف المقرن الجميل أجمل من نوّارة مفتحة ترقد تحت ذهب الأصيل أجمل من رائحة النضال لم أشم رائحة في صبحك الجليل يا فخر هذا الجيل يا وطني --------------------- محمد الفيتوري
زميلنا الكاتب الشاعر ....المكاشفى محمد بخيت ...اغترب سنينا طوالا فى المملكة العربية السعودية له الكثير من الكلمات الجميلة فى حب الوطن وتغنى له الكثيرون ومنهم وردى ...
ابت نفسى الا ان انزل قصيدته هذه فى حب الوطن وترابه فاليكم بها ......متعه الله بالعافية يقول :::
فتش في ترابك
فتش فى ترابك قَلِبوُ ذرة ذره تلقانا بنحبك أكتر كل مرة نحن ولاد كفاحك رغم وجودنا بره رغم الخطوة تاهت رغم الغربة مُرة ننشد فى سبيلك عرفانا وجميلك ونرحل فى هتافك يا عِشْقْ إستمرّ فتش فى ترابك قَلِبوُ ذرة ذره -------------------- بى عينيك نعاين عبر الضَلْمَة باكر بكرة الجايى باين فى عودة مسافر أمن قلبو عندك طاف الريح مهاجر أنفاسك تنومو لما الحزن جاسر وأجراسك تقومو يصحى معاك يساهر يصحى الحلم دايماً شعب ضراعو وافر فى الأرض التزغرد فى أفق الحناجر والشمس البتطلع فى أعلى المنابر وزى فى كل مرة أحلى وأغلى ثورة يا وطن الأمانى وشعب إرادتو حرة فتش فى ترابك قَلِبوُ ذرة ذره ------------------ ياما الضفة تشهد يوم غنيت مكانا يوم الغابة شافت فى عينيك زمانا لما الكلمة تطلع منك برتكانه زيك نحن نعشق شرط تكون معانا فى توب البنية وفى لمسات حنانا فى كل الأماكن وين ماتروح خطانا هو العيد نشيدك 0واللا الفجر عيدك نحن الفى بعيدك أقرب من وريدك فى ايدينا جمرة طول الوقت حرى ياوطن الأمانى وشعبو إرادتو حرة فتش فى ترابك قَلِبوُ ذرة ذره ---------------- زرعو خصام جنوبنا بى سبب الديانة الأديان سماحة وروح الدين أمانة طول تاريخنا عايشين فى السودان ضرانا فينا لسانو عربى وفينا لسان رطانه مختلفين ثقافة ومختلفين ديانه من كل التباين وحدنا إنتمانا ومتفقين فى حبك يا عالى المكانة فتش فى ترابك قَلِبوُ ذرة ذره
للاستماع لأغنية ((فتِّش في تُرابَك)) أدناه ، يجب الضّغط على زر إيقاف تشغيل أغنية ((أنين)) في الأعلى ومن ثمّ الضّغط على سهم زر تشغيل الأغنية أدناه ..
فتِّش في تُرابَك
فتِّش في تُرابَك وقَلِّبوُ ذرّة ذرّة تلقانا بنحبّك أكتر كُلّ مرّة نحن ولاد كفاحك رغم وجودنا برّا رغم الخطوة تاهت رغم الغُربة مُرّة ننشد في سبيلك عرفانّا وجميلك ونرحل في هُتافك يا عِشق استمرّ ***** بى عينيك نعاين عبر الضَّلْمَة باكر بكرة الجّايي باين في عودة مسافر أمّن قلبو عندك طاف الرّيح مهاجر أنفاسك تنوّمو لمّا الحُزن جاسر وأجراسك تقوّمو يصحَى معاك يساهر يصحَى الحلم دائماً شعب ضراعو وافر في الأرض التّزغرد في أُفُق الحناجر والشّمس البتطلع في أعلَى المنابر وزي في كُلّ مرّة أحلَى وأغلَى ثورة يا وطن الأماني وشعب إرادتو حُرّة ***** ياما الضّفة تشهد يوم غنّيت مكانها يوم الغابة شافت في عينيك زمانها لما الكلمة تطلع منك برتكانة زيّك نحن نعشق شرط تكون معانا في توب البِنيّة وفي لمسات حنانها فى كُلّ الأماكن وين ما تروح خُطانا هوّ العيد نشيدك ولاّ الفجر عيدك نحن الفي بعيدك أقرب من وريدك في إيدينا جمرة طول الوقت حارّة ياوطن الأماني وشعب إرادتو حُرّة ***** زرعوا خصام جنوبنا بي سبب الدّيانة الأديان سماحة وروح الدّين أمانة طول تاريخنا عايشين في السُّودان ضرانا فينا لسانو عربي وفينا لسان رُطانة مختلفين ثقافة ومختلفين ديانة من كُلّ التّباين وحدنا إنتماءنا ومتّفقين في حُبّك يا عالي المكانة
أنـا في البـعـيـد مُـشـتـاق لهـمـسـة من الوطن يا نـسـمـة
للاستماع لأغنية ((شعب التّسامي)) أدناه ، يجب الضّغط على زر إيقاف تشغيل أغنية ((أنين)) في الأعلى ومن ثمّ الضّغط على سهم زر تشغيل الأغنية أدناه ..
شعب التّسامي
يا شعباً تسامَى يا هذا الهُمام تفجّ الدُّنيا ياما وتطلع من زحامها زي بدر التّمام تدّي النخلة طولها والغابات طبولها والأيّام فصولها والبِذرة الغمام ***** قدرَك عالي قدرَك يا سامي المقام يا مُلهِم رماحَك سنّاها الصّدام أُم دُر والطّوابي في صدرَك وسام ملامح كم تسامِح تغضب لا تُلام هِمّة وعبقريّة وذمّة وفنجريّة ضد العُنصريّة وتحلم بالسّلام ***** فداكَ وفي حواك يا مدد الكلام عفوك إنتَ ورضاك وبرّنا ليك تام وبحلم في هواك بي حُسن الختام دينك كم علينا ومنّك والدينا وأجمل ما لدينا من يوم السّماية ومن قبل الفطام ***** منَّك كُلّ حِتّة في الخاطر صبابة جنبك نبتة نبتة نكبر نحن يابا نسألك إنتَ وإنتَ ورّينا الإجابة علّمنا الرّماية والحُجَا والقراية والمشي بي مهابة في الضُّحَى والظّلام
أنـا في البـعـيـد مُـشـتـاق لهـمـسـة من الوطن يا نـسـمـة
الطير المهــــــــــاجر غريب وحيد في غربتو حيران يكفكف دمعتو حزنان يغالب لوعتو ويتمنى بس لي أوبتو طال بيه الحنين فاض بيه الشجن واقف يردد من زمن ----------------------- بالله ياالطير المهاجر للوطن زمن الخريف تطير بسراع ماتضيع زمن أوعك تقيف وتواصل الليل للصباح تحت المطر وسط الرياح وكان تعب منك جناح في السرعة زيد في بلادنا ترتاح ضل الدليب أريح سكن ---------------------- فوت بلاد وسيب بلاد وإن جيت بلاد وتلقى فيها النيل بيلمع في الظلام زي سيف مجوهر بالنجوم من غير نظام تنزل هناك وتحيي ياطير باحترام وتقول سلام وتعيد سلام على نيل بلادنا وشباب بلادنا ونخيل بلادنا سلام ------------------ بالله يا طير قبل ما تشرب تمر على بيت صغير من بابه من شباكه بلمع الف نور وتلقى الحبيبة بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد ----------------
للاستماع لأغنية ((الطّير المُهاجر)) أدناه ، يجب الضّغط على زر إيقاف تشغيل أغنية ((أنين)) في الأعلى ومن ثمّ الضّغط على سهم زر تشغيل الأغنية أدناه ..
الطّير المُهاجر
غريب وحيد في غُربتو حيران يكفكف دمعتو حزنان يغالب لوعتو ويتمنّى بس لي أوبتو ***** طال بيهو الحنين فاض بيهو الشّجن واقف يردّد من زمن ***** بالله يا الطّير المُهاجر للوطن زمن الخريف تطير بسراع تطير ما تضيّع زمن أوعك تقيف وتواصل الليل بالصّباح تحت المطر وسط الرّّياح ***** وكان تعب منّك جناح في السُّرعة زيد في بلادنا ترتاح ضُلّ الدّليب أريح سكن ***** فوت بلاد وسيب بلاد وإن جيت بلاد تلقَى فيها النّيل بيلمع في الظّلام زي سيف مجوهر بالنّجوم من غير نظام تنزل هناك وتحيّي يا طير بإحترام وتقول سلام وتعيد سلام على نيل بلادنا سلام وشباب بلادنا سلام ونخيل بلادنا سلام ***** بالله يا طير قبل ما تشرب تمُر على بيت صغير من بابُو من شُبّاكُو بيلمع ألف نور تلقَى الحبيبة بتشتغل منديل حرير لحبيب بعيد تقيف لديها وتبوس يديها وأنقل إليها وفاي إليها وحُبّي الأكيد ***** وكان تعب منّك جناح في السُّرعة زيد في بلادنا ترتاح ضُلّ الدّليب أريح سكن
أنـا في البـعـيـد مُـشـتـاق لهـمـسـة من الوطن يا نـسـمـة
شامخ وكلك جروح وممكون بهمك صابر وساكت ونفسك تبوح والسر خافي وظاهر ------------------------------------------------------------------- يا روح غريب مستهام يا نجمة وسط الظلام مني عليك السلام ------------------------------------------------------------------- كان الهوى سلطان مشغول بأنواره والعمر كان بستان في ليله ونهاره وانت يا سودان سيد ليالينا تأسر مشاعرنا وتصون أمانينا وتفيض وتسقينا من كأسك المليان يا حلم حاضرنا وشمس ماضينا وشمس كل زمان ------------------------------------------------------------------- وقالوا شدو وراحوا وفي المنافي استراحوا كيف يا زهرة عمرنا ينسى المناضل كفاحه ------------------------------------------------------------------- وقالوا أرضاً بعيدة في رحلة النسيان بتسوى موت الزمن ------------------------------------------------------------------- سلام لي أهلي في السودان سلام على الدومة والطنبور وغصن البان سلام على النيل وقمر الليل وحسنه الكان سلام على الجنوب والشمال بي وحدة السودان سلام على البنات والبنين دخرينا للسودان سلام على الجوامع والكنائس لي نصرة السودان ------------------------------------------------------------------- محمد الفيتوري
للاستماع لأغنية ((سلام السُّودان)) أدناه ، يجب الضّغط على زر إيقاف تشغيل أغنية ((أنين)) في الأعلى ومن ثمّ الضّغط على سهم زر تشغيل الأغنية أدناه ..
سلام السُّودان
شامخ وكلّك جروح وممكون بهمّك صابر ساكت ونفسك تبوح والسر خافي وظاهر يا روح غريب مستهام يا نجمة وسط الظلام منّي عليك السلام **** جانا الهواء سلطان مشغول بأنواره والعمر كان بستان في ليله ونهاره وإنت يا سودان سيّد ليالينا تكحل مشاعرنا وتصوغ أغانينا وتفيض وتسقينا من كاس أمانينا يا حلم حاضرنا وشمس ماضينا وشمس كل زمان **** وقالوا شدّوا وراحوا وفي المناف استراحوا وكيف يا زهرة عمرنا كيف ينسى المناضل كفاحه وقالوا أرضاً بعيدة في رحلة النسيان بتسوى موت الزمن ونحن لو خيّرونا والله يا سودان والله ما إخترنا غيرك وطن **** سلام سلام يا أهلي في السّودان سلام على الدومة والطنبور وغصن البان سلام على النيل وقمر الليل وسحره الكان سلام على الجنوب والشمال لي وحدة السّودان سلام على البنات والبنين دُخرينا في السّودان سلام على الجوامع والكنائس لي نصرة السّودان سلام سلام يا أهلي في السّودان سلام
هنااااك فى الوطن .....تقول فقرة من كتاب اسمه امدرمان:::::
حااشق الطريق الشاقيه الترام كما قدلة الخليل حافيا حالقا..... وحااشق سوق الملجة واقيف عند بائعة الطواقى لا لاشترى منها فقط لا ... بل لابحث فى غضون جبينها عن امس حافل عن وطن عن تاريخ ....
وسأأمر على بائعة حزم المفاريك ....وسأانظر فقط لارتعاش يديها ربما هذه الارتعاشات احاديث لاتقال ...ولن اتركها حتى اخذ منها كل ماتود ان تقوله...
وساانبهها اذا تدلت مفحضتها عن ان ترفعها فقد وصلت الارض.... وقد تنتهرنى وتقول (دعيها ففى جوفها يقبع اللاشىء)
عزيزتي الاخت الغالية ناهد تحية طيبة ممكن ترسلي عنوانالاميل بتاعك لكي نتواصل تحياتي الي الاسرة الكريمة اخوك هشام الطيب
Post: #60 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: rosemen osman Date: 06-21-2008, 11:32 AM Parent: #57
Quote: وحااشق سوق الملجة واقيف عند بائعة الطواقى لا لاشترى منها فقط لا ... بل لابحث فى غضون جبينها عن امس حافل عن وطن عن تاريخ ....
وسأأمر على بائعة حزم المفاريك ....وسأانظر فقط لارتعاش يديها ربما هذه الارتعاشات احاديث لاتقال ...ولن اتركها حتى اخذ منها كل ماتود ان تقوله...
وساانبهها اذا تدلت مفحضتها عن ان ترفعها فقد وصلت الارض...
يا ناهد وزقاق الطرح جيبى لينا معاك كم واحدة آخر موضة ومحل الحبشى الترزى يا رب لسة فاتح ولا الناس كلها بقت تلبس جاهز غايتو ياما لبسنا من من مقاساته المظبوطة وتحته فى محل نسيت أسمه بعمل طعمية رهيبة وسلطات أرهب أكلى لى معاك وأشربى عصير منقا بارد بالتلج وزقاق المصريين داك بتاع الحاجات والأكسسوارات المضروبة يا سلام ياخ من سوق أم درمان وأزقته
Quote: يا ناهد وزقاق الطرح جيبى لينا معاك كم واحدة آخر موضة ومحل الحبشى الترزى يا رب لسة فاتح ولا الناس كلها بقت تلبس جاهز غايتو ياما لبسنا من من مقاساته المظبوطة وتحته فى محل نسيت أسمه بعمل طعمية رهيبة وسلطات أرهب أكلى لى معاك وأشربى عصير منقا بارد بالتلج وزقاق المصريين داك بتاع الحاجات والأكسسوارات المضروبة يا سلام ياخ من سوق أم درمان وأزقته
روزمين الحلوة ....
انت حالة التجلى راحت منك لحقتينى ولا شنو ؟؟ ... ولما لقيت ردك ...قلت خلاص روزمين جابت فحمتها وجاية تكتب وراء الشمس اجى الاك عاملاها لى طرح وطعميه ...يعنى اقدم السفر اجيبه بكرة ولا شنو ...
فى كتاب جميل اتمنى انك تقريه اسمه ام درمان ... رغم انى لا انتمى لمدينة امدرمان وان كنت اتمنى .... لكنها تأسرنى ...وياسرنى هذا الكتاب ... احب حركتها ومحطة وسطتها ...واذاعتها وتلفزيونها وزحمتها التى لاتخف ....... احب عصير ليمونهاوشعيرها اما طرحها فقد فات اوانها ياروزمينا وبقينا ناس تياب احب نهاراتها وحرها ولهيبها....ووفاء ناسها ..... امدرمان تاريخ وسوقها هو صلة تواصلنا بهذا التاريخ
Quote: [ انت حالة التجلى راحت منك لحقتينى ولا شنو ؟؟ ... ولما لقيت ردك ...قلت خلاص روزمين جابت فحمتها وجاية تكتب وراء الشمس اجى الاك عاملاها لى طرح وطعميه ...يعنى اقدم السفر اجيبه بكرة ولا شنو ..
يا ناهد رغم أنى أصلا ما من أم درمان لكن أزقتها بتطرح فينى حالات أخرى من التجلى محلات العدة والتياب والدهب برضو زبونتها والكافتيريات الفيها بخور وضبان ديك بتكيف جدا لما أقيف فيها البلد حلوة يا ناهد وحنيينة وطاعمة وطيبة
الأستاذة ناهد.. بين النزوع المرير ..والذراع الأخير مساحة للقياس ..مسافة للصدى..وبين الوطن ونجيماته البعيده تناص الزمن..وروافد التاريخ ..سرنى هذا البوست..وإيرادك لنص "فتش فى ترابك " المتواضع..كيف تسنى لك الحصول عليه ؟؟..سؤال يتساوى مع الإجابة لغزاً ..فمن نفتش عليه ونبحث عنه وطن يحتل الدواخل ..سرمدياً..أدوات حصاره ..ألسنة البحار ومسامات التربة..وعناوين الصحف التى لم تصدر بعد..فالخطوات العائدة تمتلك ببوصلة إنجاهاتها بين جغرافيا العبور .. وتفاعلات الكيمياء.. وسوانح المطر المتساقى الكفين...
هذا مرور عابر.. على بوست لا يحتمل عبور مسافر ..وسأعود حتماً..
Quote: الأستاذة ناهد.. بين النزوع المرير ..والذراع الأخير مساحة للقياس ..مسافة للصدى..وبين الوطن ونجيماته البعيده تناص الزمن..وروافد التاريخ ..سرنى هذا البوست..وإيرادك لنص "فتش فى ترابك " المتواضع..كيف تسنى لك الحصول عليه ؟؟..سؤال يتساوى مع الإجابة لغزاً ..فمن نفتش عليه ونبحث عنه وطن يحتل الدواخل ..سرمدياً..أدوات حصاره ..ألسنة البحار ومسامات التربة..وعناوين الصحف التى لم تصدر بعد..فالخطوات العائدة تمتلك ببوصلة إنجاهاتها بين جغرافيا العبور .. وتفاعلات الكيمياء.. وسوانح المطر المتساقى الكفين...
هذا مرور عابر.. على بوست لا يحتمل عبور مسافر ..وسأعود حتماً..
مع التحية
مكاشفى
Almokashfi
Almokashfi
.
تاريخ التسجيل: 04-08-2002 مجموع المشاركات: 55
اين يذهب مثل هؤلاء الافذاذ......المكاشفى محمد بخيت !!!!!!!!!!!!!..... اكاد لا اصدق .....ساأقف لك انحناءة....واحى دخولك المشرف لهذا الوطن الممدود الذراعين.....
انظروا معى لتاريخ التسجيل .....ومجموع المشاركات .... ماذا دهانا....اين هؤلاء ...وكم عددهم ...ولماذا لايكتبون هل هم يقرأون فقط ....ومن هم ...منذ عام2002 وهم معنا من هم ؟ ...كم من كاتب قدير بينهم وكم من شاعر وفنان وطبيب وعامل ومهندس وو.... تاريخ ....وذا وطن ...ماالخيط الذى نحاول ان نجرهم به وكم عدد الخيوط التى غزلوها فى نولهم ....نول التواريخ المستدامة ........ واين هم الان ..........اسئلة كثيرة ....
استاذنا مكاشفى ...والله لم استطع ان اتمالك نفسى ...لقد فوجئت حقيقة بردك... هذة القصيدة (فتش عن ترابك )...... بحثت عن كلمات كثيرة فى قوقل تدعم البوست .... ووجدت الكثير والكثير لك ولغيرك ...وحقيقة ...القصيدة ادهشتنى تماما اذ لم تمر على طوال حياتى ...او بالاحرى لم امر عليها انا طوال حياتى .... اين انت يااستاذ ...,لماذا لاتكتب هنا ...وو و و اسئلة كثيرة تمر عبر خواطرنا ...
لا يسعنى الان الا ان اقول ...هل اضىء شمعة قدومك ....ام اضىء شمسك...فبين اشعتك والكتابة دوزنة لاوتار الحنين والحقيقة ...اكتب لنا ...فنحن بحوجة لكلماتك المتعاظمة فى ظل عصرنا المحتشد بكل معطياته ومكوناته وذوبان الفروق بين المناحى المختلفة للانسان وصياغته النفسيه والفكريه
Quote: عُذراً هل كان هذا الأستاذ المكاشفي محمّد بخيت ؟؟؟؟؟؟
إذن توقّعي غزوي التّام لهذا البوست وإنتظري عودتي لداري تراقني فتّش في تُرابك صوتاً ووردات أخريات
وأسمحي لي بالإقامة هنا
العزيز المدوزن حنين لؤى
نعم انه الاستاذ المكاشفى محمد بخيت ..... والله زيك مامصدقة لغاية دلوقتى ..... ساعدنى اخى لؤى فى ان نجعل للاستاذ المكاشفى مكانا رطبا بيننا ......ونحاول ان لانجعله يعود من حيث اتى ليتنى اعلم اين امثالهم وقممعى بعمل اعلان مجانى عن الاسباب الطاردة الدروب اللافظة التى جعلتهم يختفون وهم كثر وسأقوم بفتح بوست بذلك ويدك معانا ....
شكرا لؤى دائما مااجدك فى المكان الصحيح .... واقصد احتفاءك بالشاعر المكاشفى .... فقط علينا ان نضع الجمرة مع عود الصندل ونحتفل
Quote: سلام عليك يا دكتورة على روعة الاحساس وحسن الاختيار.
يلا يا لؤي بالله كمل اللوحة الموسيقية دي بمزاج
الاخ العوض ...
خالص التقدير ومشكور على الكلمات الرائعة هكذا هو الوطن ونحو المذيد من القصائد فى حب الوطن الشموخ القامة ... وماعلينا سوى ان ندفن راسنا فى مداده لنكتب حروفه....
قونقليز و لالوب و فرحة وقلب و حب و يغين و كمية من الصبر
ربنا يوصلك با السلامة و بديمة عليك فرحة
لؤى ...الحقنا .....جونا ناس 2002 .... قدم الشربات ......
نوووووووووووووون العزيزة ....
يعنى الا نكب ليكم الموية فى جحوركم حتى تمرقوا ....
بتصدقى يانوووون ....انتى صحيتى لقيتى عندك وجع وطن( وشكرا على التعبير النافذ ده) .... انا من جيت من الاجازة من السودان لى 9 شهور يعنى شنو !!! يعنى شهور لحمل وطن كامل التكوين وخلاص انا الان فى مرحلة المخاض .....وسااضع مولودى (الوطن) فى الوطن .....(جنا تامى وسالم )
وحالة التجلى والفرحة دى هسة بس كدى اليجى ميعاد الرجعة من هناك...تلقينى ماطايقة روحى ....الله اعلم البوستات حيكون شكلها كيف الوقت داك ...(كلها حتكون رزعى وخبتى )
ونزلتى كدة حااجيب ليك كل حاجاتك ....وكمان شوية ...وعد وتمنى ....وحبة غروب وشروق وحبة عرق من الغلابة ...وحبة الم من زول مهموم ماقادر يدفع حق المدارس الحتفتح بكرة وحبة بوصلة تبلعيها تهدي لمؤشرك ناحية الوطن .....وسااحتطب لك من غابات الظهيرة مايجعلك تستدفئين به
(بحول الله )
شوفى حاانحت الصخر واثقب الجلد وافتق الجرح واترقب الليل والتحف بالصباح و و و و و و لك كل الود نون .....ولك اغنيتى المجترحة من عمق التكوين ومن بشارات ينسجها نول الغروب المشرق عندها الشمس ....وطن
Quote: ونزلتى كدة حااجيب ليك كل حاجاتك ....وكمان شوية ...وعد وتمنى ....وحبة غروب وشروق وحبة عرق من الغلابة ...وحبة الم من زول مهموم ماقادر يدفع حق المدارس الحتفتح بكرة وحبة بوصلة تبلعيها تهدي لمؤشرك ناحية الوطن .....وسااحتطب لك من غابات الظهيرة مايجعلك تستدفئين به
ناهد لاحولا
ما تتخيلي كلامك دة عمل فيني شنو
وانا في مكان ابعد ما يكون عن الوطن
لو قلت ليك بخاف من suaneseonline دي ح تصديقني
دايما و برغم صعوبة المكان احيانا بلغي زول جميل زيك بزلزل كياني
من جوة في زمن انا احوج ما اكون فية للتماسك
لكن لا راد لي قضاء الله
ناهد الله يحلك بالسلامة من حمل الشوق للوطن عارفاهو
تقيل جدا اصلي حامل بيهو لي تمنية شنين عجاف ولم تحن ساعة المخاض بعد
دايما و برغم صعوبة المكان احيانا بلغي زول جميل زيك بزلزل كياني
من جوة في زمن انا احوج ما اكون فية للتماسك
لكن لا راد لي قضاء الله
ناهد الله يحلك بالسلامة من حمل الشوق للوطن عارفاهو
تقيل جدا اصلي حامل بيهو لي تمنية شنين عجاف ولم تحن ساعة المخاض بعد
نون العزيزة .....
ربنا يرد غربتك ...من بلدك البعيدة ديك ويردنا سااااالمين ... (غانمين دى خليناها يانون) ...وبقينا ماعشمانين فيها كتير...... حمل الغربة ابدا مابيكون (حمل كاذب ) بل هو دوما (حمل خارج الرحم)او (حلم خارج الرحم)ياربى طيب يكون (حلم كاذب ) ربما ....
رحلنا شمالا وشرقا وغربا وجنوبا حملتنا الطائرات فى رحلة اسصطحبنا فيها احلامنا وتطلعاتنا وحقيبة استلفناها من اشقاءنا او جيراننا او بعض الاقارب وفى دواخلنا ذلك التوقع الجميل .... ماذا حدث ؟
من هو الذي يُشكَر هنا أستاذي ؟ مجرّد رؤية حروف إسمك البهيّ في هذه المساحة توشّح الرُّوح بأكاليل الجّمال والبهجة والوُد أعمالك الخالدات هي أكبر من أن تُحصر في مساحةٍ كهذه وكما ترَىَ أستاذي فلم أورِد هنا إلاّ واحدة منها بينما ترقد جميعها في جهازي المتواضع حتّى كاد أن يحلّق بها طرباً ورقصاً وإنتشاء مُنذ صباي ومُنذ سمعت حديث الهرم وردي عنك وأنا أمنّي نفسي بلقاءٍ كهذا أو حتّى ولو في حُلم وها هو حضورك كالإهداء من يونيه وهذا الوطن الصّغير وناهد يدثّرني بالسّرور
سلمت وطِبت ودُمت ودا الوطن الذي أنجبك
وعُذراً ناهد
أنـا في البـعـيـد مُـشـتـاق لهـمـسـة من الوطن يا نـسـمـة
Post: #89 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: Almokashfi Date: 06-22-2008, 07:49 AM Parent: #1
عزيزى لؤى ..أشكرك على الكلمات الطيبات ..وأسعدنى أن تكون متابعاً لشخصى الضعيف ..ومحتفظاً بعدد من الأغنيات ... تشرفنى معرفتك من خلال هذا البوست ..عالى الوطن والتحليق..فكم لهذا الوطن من شموس تنشر صباحاتها ..لتسرج أضواء فى أول ونهاية نفق تسكنه الغربة...فللخطوة العائدة ..موسيقاها..ولغتها منزوعة الأبجدية..
لك ولكل من بسودانيز أونلاين.. تحية وإحتراماً..
مكاشفى
Post: #90 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: لؤى Date: 06-22-2008, 08:37 AM Parent: #89
أستاذ المكاشفي تحيّة إعزاز
ليس شخصك بضعيف على الإطلاق فقد ظللت أردّد مع وردي في داخلي أعمال لم يشأ لها أن تُسمع كثيراً وملأت بها هذا المنبر في مناسباتٍ عديدة فكتبت
اينما حللت تتجسد لك فى اكثر من هيئة ومكان وزمن ترعرع داخل امكانات الحلم والتصدى ...تشب عن الطوق متعلقا بجذورك ولم تنفلت عن مراحل التشبث بالارض والارتواء ....
لك خالص الود وكن بخير ....ولى عودة لكم مرة اخرى وللرائع المكاشفى والاخ سيف ونون.....
التعديل لتعديل حرفين...
Post: #96 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: محمد عكاشة Date: 06-23-2008, 09:20 AM Parent: #94
منتظرون...
Post: #98 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: لؤى Date: 06-23-2008, 09:58 AM Parent: #94
أحبّ تلك الأرض بكُلّ ما فيها من ألوان وأعشق سُمرتها
مالكِ تفتّحين علينا دروب الحنين الأشواق ؟
أنـا في البـعـيـد مُـشـتـاق لهـمـسـة من الوطن يا نـسـمـة
Post: #99 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: انعام حيمورة Date: 06-23-2008, 10:06 AM Parent: #1
لم اكمل لكم ....ماوددت فعله هناك فى الوطن (اذا اذن المولى ) ساأبحث عن كتاب الف باء الوطن واطالعه سأاركض وحينما يضايقنى حذائى سااضطر لقفذه من امامى ككرة ...واركض انا خلفه ساأذهب الى محطة المواصلات واركب من الباب اليمين للتاكسى وانزل من اليسار(بس كدة) ساالبس هناك ....احتراما .....الزى الرسمى للمدينة التى اعشقها ... سأاعيد لغتى الضائعة منى... منذ زمن ..وسااخرج حيث سافنا اللغة......
كثير هو ماسافعله هناك لى عودة بحول الله
Post: #105 Title: Re: نحن قادمون فى نزوعنا المرير...يا....ذراعنا الاخير ...ياوطن ... Author: Amira Osman Date: 06-24-2008, 11:06 AM Parent: #1
لو لحظة من وسن تغسل عني حزني تحملني ترجعني الى عيون وطني يا وطني
حقيقة (عشمنا ومنانا) استمرارك هنا فى المنبر وان لاتكون مجرد سحابة شتوية تفيض ريا...ثم تعود من حيث اتت افتح لنا نوافذ شعرك لقصيدة اخرى مختلفة...... ........