Post: #1 Title: أوع ليل الغربه... ينسيك ريحة الطين فى جروفنا Author: ناهد بشير الطيب Date: 05-03-2008, 03:16 AM
جعل الله ايامكم ومغترباتكم ....افراحا....مذدانة بذكر الاحباب اينما حلوا ........وارتحلوا
السواقي النايحة نص الليل حنين الدنيا ممزوج في بكاها زي طيورا في الفروع فارقت بتفتش جناها البيوت والناس بتسأل عن صبية فارقت حلتنا زي طيرا غريب سافر عشية ما حرام ماضيك يصبح ليك أسية يا سلام . يا سلام يا سلام لو كان الطيف حسن نية كنت نسيتنا الوصية
المفارق عينو قوية
لا سلام منك وما منك تحية للوراك خليتو عايش في الأسية ما حرام يا الفنجري ما تسيب وصية كنت زي طيرا غريب سافر عشية ما قبيل وصوني يا حليل الوصية كت مكضب ..كنت ناسي دابو صدقت المفارق عينو قوية
أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب للديار ما حد يشوفنا.. لا نشوفوا.. لا يشوفنا انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوفنا
Post: #4 Title: Re: أوع ليل الغربه... ينسيك ريحة الطين فى جروفنا Author: محمد عثمان Date: 05-03-2008, 04:32 AM Parent: #1
Quote: السواقي النايحة نص الليل حنين الدنيا ممزوج في بكاها زي طيورا في الفروع فارقت بتفتش جناها البيوت والناس بتسأل عن صبية فارقت حلتنا زي طيرا غريب سافر عشية ما حرام ماضيك يصبح ليك أسية يا سلام . يا سلام يا سلام لو كان الطيف حسن نية كنت نسيتنا الوصية
نااهد..
يا سلاااام
خلاااص بنضيفك لجماعة اخونا عادل و هذت الاسبوع الاستثنائي..!!
المفارق عينو قوية سيد الوحعة الرحيل كل هذه الروائع التى تغنى بها الفنان حمد الريح كتبها الشاعر المخضرم سليمان عبد الجليل و الذى لا يذكره كثيرا من الناس الان..!!!
بجيك رااجع بالاغنية...
شكرا ناهد...
Post: #5 Title: Re: أوع ليل الغربه... ينسيك ريحة الطين فى جروفنا Author: محمد عثمان Date: 05-03-2008, 04:42 AM Parent: #4
Quote: خلاااص بنضيفك لجماعة اخونا عادل و هذت الاسبوع الاستثنائي..!!
المفارق عينو قوية سيد الوحعة الرحيل كل هذه الروائع التى تغنى بها الفنان حمد الريح كتبها الشاعر المخضرم سليمان عبد الجليل و الذى لا يذكره كثيرا من الناس الان..!!!
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب
سلاك يا ناهد واللهى الدموع نزلو مطر.. فهذه الاغنية دومآ تزكرنى الاهل والجروف والطين ونهيق الطيور والبهم فى صباحات السودان الجميل...عبرك التحايا لكل ناس السوان واهلي الحنان فى الجريف غرب...
اذا لتهنأ كل القارات السبع بنا .....ففى كل قارة انتشرت لؤلؤة من لالىء بلادى فيها......فمتى العوده ياترى ......
جاءت في راسي كدا وقلت اذكرك بيهو لكن عادي واكيد مصدقك..حتي لوما رديتي ما اشكاليه يعني الواحد ما يمزح ..كان ممكن اقولهالك علي الماسنجر
وبالمره تديني حق .. (تلتلت البوست )
جاتك زى ماجاتنى الاغنيه ناطه كده من الصباح ....... فى ناس ياعماد لمن يردوا عليك.... سبحان الله تلقى ردهم مكفى ومغطى على فكرتك ....لا وكمان الرد فاااااااااهم اكيد تكون انت منهم ............
حق تلتلة البوست تعال نحسبها سوا....... ان انا ماعرفت ....تجى انت تطلع الناتج .... وتدينى الباقى ....(ماتقوم بيه)
جروف ×غيوم×طين×سواقى×طيور= شنو ؟ ونقص منها واحد غربة
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب
فرتيك فهم من الصباح..... وصباحات الغربة الله لاوراكي ليها...! وحاتك ....لا ليل الغرب... ولا الغربة ... ولا الدولارات .... ممكن ينسونا ريحة الطين في جروفنا
ومتين العودة تاني ....؟ كل التحايا النواضر هارون دياب
Post: #15 Title: Re: أوع ليل الغربه... ينسيك ريحة الطين فى جروفنا Author: baha eassa Date: 05-03-2008, 11:15 AM Parent: #14
Quote: السواقي النايحة نص الليل حنين الدنيا ممزوج في بكاها
الاستاذة ناهد .. شكرا لهذا الجمال وهذه الاغنية تذكرني بحادث منذ اكثر من عشرين سنة في الشمالية حينما تاه طفلان في الخلاء وسط الجبال وكنا نبحث عنهم في البيوت وتصادف ان كان حمد الريح يغني هذه الاغنية .. وسمعت عرضا هذا المقطع(البيوت والناس بتسال عن صبية) وكانت النهاية الحزينة ان وجدوا الطفلين علي بعد مسافة كبيرة وهما جثتان ..؟؟ ؟؟ ومن هذا التاريخ وهذه الاغنية تذكرني بهذا الحادث المؤلم جدا .. .. المعذرة لسرد الحادث في هذه اللحظات الجميلة .. لك الود
Quote: وهذه الاغنية تذكرني بحادث منذ اكثر من عشرين سنة في الشمالية حينما تاه طفلان في الخلاء وسط الجبال وكنا نبحث عنهم في البيوت وتصادف ان كان حمد الريح يغني هذه الاغنية .. وسمعت عرضا هذا المقطع(البيوت والناس بتسال عن صبية) وكانت النهاية الحزينة ان وجدوا الطفلين علي بعد مسافة كبيرة وهما جثتان ..؟؟ ؟؟ ومن هذا التاريخ وهذه الاغنية تذكرني بهذا الحادث المؤلم جدا .. .. المعذرة لسرد الحادث في هذه اللحظات الجميلة .. لك الود
Quote: فرتيك فهم من الصباح..... وصباحات الغربة الله لاوراكي ليها...! وحاتك ....لا ليل الغرب... ولا الغربة ... ولا الدولارات .... ممكن ينسونا ريحة الطين في جروفنا
ومتين العودة تاني ....؟
صباحات الغربه الله ورانى ليها(والحمدلله)..... وقاعده فيها لى هسه ياهارون ......ياخوى ..........امانة لمن تجيك الحالة ديك مابتتلبش تلبش ........وتبقى ماعارف تسمع لمنو ...وتقرا لمنو ...وتشوف منو ....وتمش وين ...حالة من المؤكد انت وغيرك البعيدين عن الجروف حاسين بيها ......
بس ابقى ياهارون عشرة على الوصية.... واوعاك تنسى ريحة الطين واكيد حنرجع..... فنحن لوطن مازالت شموسه متقده ...
ناهد حبيبة اساسا المخلينا نستحمل ليل الغربة والسنين الطويله شنو غير ريحة طين جروفنا والله مابيمر علينا يوم الا ونكون جبنا فيه السيرة ولا مرت علينا فى الذاكرة تتخيلى ارتباطا بالبلد والجروف والاحساس بيها بيبقى اكتر فى الغربة وسبحان الله فى تفاصيل على قدر صغرتا بتلقاها مهمة فى احوال البلد عن نفسى وبعد 15 سنه مانسيت جروفنا ولا التفاصيل الدقيقه فيها موضوع جميل رجعنا لزمن جميل وفريد ووطن عايش جوانا لا غربه لاغير غربه نقص من احساسنا بيهو تسلمى حبيبه من كل شر ...
Quote: اساسا المخلينا نستحمل ليل الغربة والسنين الطويله شنو غير ريحة طين جروفنا والله مابيمر علينا يوم الا ونكون جبنا فيه السيرة ولا مرت علينا فى الذاكرة تتخيلى ارتباطا بالبلد والجروف والاحساس بيها بيبقى اكتر فى الغربة وسبحان الله فى تفاصيل على قدر صغرتا بتلقاها مهمة فى احوال البلد عن نفسى وبعد 15 سنه مانسيت جروفنا ولا التفاصيل الدقيقه فيها موضوع جميل رجعنا لزمن جميل وفريد ووطن عايش جوانا لا غربه لاغير غربه نقص من احساسنا بيهو تسلمى حبيبه من كل شر ...
ماجده الحبيبه بت عمنا خوجلى ...
وده حقيقى طبعا .......كل يوم وكل لحظة نحن بنحس بالسودان ... وكمان بنعمل مقارنات .....ونحن برة ....ودائما بتكون كفة الوطن هى الراجحه.....والغربة ياماجده شربنا منها لمن روينا .....وتانى (جغمه) واحده مامستعده اشربها .........يعجبنى وجود الاخر فى احساسك بالاشياء ....ونظرته الحانيه معك لكل ماهو جميل وات من الوطن
للجميع .....مع مراعات التوقيت صديقي الجميل الإحساس: كمال سالم .. والله ما شفت المداخله إلا الان.. تعرف يا كمال ..نحن الفترة الــ(مفترض نحب) فيها ونستمتع بالحب ونضوج فكرة الحب نفسه.. بعيداً عن طيشه ومغامراته الغربة جاءتنا جاريه جري بأحضانها..!وإرتمينا فيها فالجرح غائر ..للابد!بكل الفصول.! وعيونا في الغربة أصبحت مثل عيون (الظبي)..ما علشان جميلة وكدا لا ابداً.. علشان ما تشوف شيء سوداني منحوت في وجداننا إلا وهي ..ارسلت إشارات لكل المراكز الحساسه بالهروب والارتعاش (لو تصدق ما اشوف لي ثوب سوداني حايم ساااي كدافي السوق ولا مستشفي وإلا جسمي كل يرتعش)..والغربيه اصبحن (زاااااتن) بطلن الثوب السوداني..! فاصبحنا (ندفن) بين الحفون.. معاني الاحساس! فقد تعبت انفاسي من صدي عطر (حبيبتي)..! وخطواتها نحوي موسيقي ..امدُ يدي للريشه كي اغازل الاوتار..فاصحي من الحلم ويدي قابضة علي الهوا.. (فالقلق)هو(كعبتنا)..والحزن والشرودهما الصفا والمروة..! نحج ألاف المرات في اللحظة..! ولربما يكون هذا حال مساؤكم وكتوفكم متبلله ...
فيا صيدقي الجميل نحن..مابين الحرب البارده .والنظام الجديد اقصد نحن مابين (الحب البارد) و(وعجلاته المتسارعة)..! ومابين (الموت)الجمعي في القلب والعقل والواقع ..فتطهرت واغتسلت اروحنا..بالدعاش والبنبان والغيم من سحاب البترول والمطر الدم في كل اطراف الوطن ..كل هذا يصقل اروحنا..! فواقع الراهن واحتمالات المستبقل ..بعد كل التجارب...لارواحنا واجسادنا سوف نستقر ..من ليل الغربه ..! فنكون الشاطيء .. والنيل ! والجروف .. والطين! وطيلة ما القلب ينبض بحبهما..سوف يضيء فسحةٍ من نور واقماراً وانهاراوطيوراً مغرده وشمسك دافئه ياسودانا وسوف يكون الليل والنهار جنون ..! وعند المغيرب ..لن نرتحل ...كما فعلتم انتم... بكل سوف نجلس ..لنصلي علي محراب الوطن والحب..!
تحياتي لكم : ــــ...كسره: انتو والله لقيتوها بارده...نحن لينا الله وعيشة الغربه
Quote: وعيونا في الغربة أصبحت مثل عيون (الظبي)..ما علشان جميلة وكدا لا ابداً.. علشان ما تشوف شيء سوداني منحوت في وجداننا إلا وهي ..ارسلت إشارات لكل المراكز الحساسه بالهروب والارتعاش
الاخ عماد الطيب...
مشكور على اتحافك لاخوتك بالبوست بكلماتك الرقيقات ........ وصدقت حقيقى .... الغربة اشبه بخلاط كبير يخلط فيه الجميع ... باوراقهم وهوياتهم ومبالغهم النقديه ,,, ويكبوا اخر النهار فى المقاهى والبيوت .... فانت اليوم فى عمل وغدا لا ..وبعده سائق وغيره من الايام محاسب ...او مندوب .. او حتى مدير لشركة ما ......
البراءة كانت فى كل شىء .....من النفوس مرورا بالوجوه وحتى المغتربات ...ولكن الان تبدل الحال وتغيرت الاحوال ... وياهو بقينا (زى ده)...
عبدالله وداعة الامين.... قال وهو فى لندن......
يا بنية من كل المدن وندية زي كل الغبش اشتقتى ليك زيك تمام بتوضي في كل البيوت اتعشى في ضل العشم اسهر معاك انسى المنام اتدبى ليك جوه القلوب اتشابى امسح عيني فيك لو يشفى بيك فيني السقام واتلفحك وانتي الصبر يا صابرة لي محن الدرب وتقاسمي في اللقمة الحمام وان عطشو اولادك سقوك المويه من زير الوهم ويلقّموا الجوف الحرام ملعون ابو الكسرة البقت بتعفن امخاخ البشر يدوها لي الناس بالجرام ملعون ابو الغربه التفج الحسره في بطن البكوس اللقمة في بطن الزحام ويسكت الجوف بالامل انو الخربف بروي الارض وبقالد الناس السلام
التحاياالخالصه للاخ عبدالله وداعة الامين وخالص التقدير لك اخ كمال ....
منو البنسى ريحة الطين ؟ عارفة يا حبيبة الريحة دى بتجيك كل لحظة ما بتقدرى منها فكاك مرة لمن فاض بى الشوق كتبت
الشوق لماء تدلقه حسناء
ويسالونك عن الشوق قل الشوق مرابض هنا واشير الى قلبى صار الشوق عمودا فقريا في حياتي اقول اني اشتاق كل شئ كل طقس من ( دق الريحة) الى ( موية البلاعة ) شفتى كيف ؟ لك محبتى ولسليمان عبد الجليل شاعر هذه الاغنية الخالدة و الفنان حمد الريح
Quote: ياناهد مالك علينا آخر الليل أنا فى الحقيقة يادوب
راجع للبيت بعد سفرة صغيرونه كده
وطوالى حمد الريح وريحة الطين فى جروفنا
لكن الواحد ممكن يضيق
إنتى كلك زينه وعايمه كالوزينه ...........
الاخ صابر الحواتى ......
والله بس كده..... كل زول يجى يفتح البوست يقولى مالك على بالليل ومالك علينا بالصباح ومالك على بالنهار ......وانا بقول ليكم مالكم على فى المغيرب ده ..... حمدلله على على السلامة من السفرة السغيرونة دى انشاءالله تكون فركة كعب (للسودان) وكدة ......
وانتوا دائما زينة ودائما ماتزينون البوستات بجميل الكلام خالص التقدير
الاخت ناهد هذه صورة للنيل والجروف والسواقى الخضراء والمراكب واهلنا الطيبين فى ذلك الذمان الحلو... لما كنت فى المانيا كنت اجهش بالبكاء كل ما اسمع اغانى الرحيل والجروف خاصة اغنية ارض الجزائر لحمد الريح...
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب للديار ما حد يشوفنا.. لا نشوفوا.. لا يشوفنا انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوفنا
Quote: منو البنسى ريحة الطين ؟ عارفة يا حبيبة الريحة دى بتجيك كل لحظة ما بتقدرى منها فكاك مرة لمن فاض بى الشوق كتبت
الشوق لماء تدلقه حسناء
ويسالونك عن الشوق قل الشوق مرابض هنا واشير الى قلبى صار الشوق عمودا فقريا في حياتي اقول اني اشتاق كل شئ كل طقس من ( دق الريحة) الى ( موية البلاعة ) شفتى كيف ؟ لك محبتى ولسليمان عبد الجليل شاعر
اختنا سلمى ...
والله صدقتى ياسلمى ...بالجد ريحة الطين والجروف لاصقه فينا ....وبنشمها دائما وشوقك ياسلمى حسيت بيه انا كمان .....واكيد كل مغترب او مهاجر عن السودان بس نقول شنو عاد غير الله يرد غربتنا ....انشاءالله مع مغيرب شاعرنا سليمان عبدالجليل
سلمى شكرا وخالص الود.....
Post: #103 Title: Re: أوع ليل الغربه... ينسيك ريحة الطين فى جروفنا Author: محمد عثمان Date: 06-21-2008, 11:56 AM Parent: #47
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب للديار ما حد يشوفنا.. لا نشوفوا.. لا يشوفنا انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوفنا
كلام جميل ياناهد يحلق بنا في سماوات الحنين للوطن .
شهد العقد الأخير من القرن الفائت اهتماماً عالميا ملحوظاًُ بقضية مشكلات الهجرة وسبل تجاوزها نظراً لتزايد حدتها وتعدد أشكالها وتعاظم أخطارها،علي مستقبل الأمة ، وهي تهدد وحدة المجتمع وأمنه ولا ينكر ذوُّ عقلٍ وبصيرةٍ أن المجتمع العربي عامةً والمجتمع السوداني خاصةً كغيره من المجتمعات فيه مواطنَ خللٍٍ، ومبعث الخلل يكمن في تقصير المجتمعات عامة والحكومات خاصة في تحسين الظروف الاقتصادية و المعيشية للمواطنين عامةً والمهاجرين خاصةً، وكسب طاقاتهم الفكرية والاجتماعية والاقتصادية مجتمعة، وأن المشكلات الاقتصادية والاجتماعية والسياسية والنفسية تتداخل وتترابط فيما بينها وتؤثر علي بعضها البعض ولذلك عند التناول لهذا المشكلات تتوحد وتتكامل النتائج. إن لمشكلات الهجرة أثار اجتماعية، واقتصادية، ونفسية ، في غاية الخطورة تطال الفرد والأسرة والمجتمع على حدٍّ سواء نتاجاً لظروف عديدة ومتداخلة منها الاجتماعية والاقتصادية والسياسية كالتعليم وفرص العمل والوصول للدخل والقدرة على امتلاك منزل وتكوين أسرة تؤمن الأمن والاطمئنان النفسي وأن يجد حلاً مستقراً يحقق له الاعتماد على الذات في تلبية احتياجاته والتامين الصحي وغلاء العلاج. ما هي أهم المشاكل وأبرز النواقص التي يشكو منها المهاجر السوداني داخل الوطن وفي بلد المهجر؟ وما هي مختلف العوامل التي تحد من فعالية الهجرة السودانية وتشكل بالتالي المعوقات والحواجز التي تحول دون أداء الهجرة لدورها المطلوب وخاصة على مستوى إعداد الإنسان الكفء القادر على مواجهة مشاكل الحياة وتحديات العصر؟ هل واقع المجتمع السوداني في شكله الحالي يساعد على تحفيز المهاجر للاستمرارية ام العودة القسرية الاضطرارية تكون هي انتاج ؟ المشكلة الاجتماعية:- يقصد بها المشكلة ذات الطابع الاجتماعي مثل مشكلة التفاخرالاسري ، ومشكلة انتشار الواسطة ، ارتفاع تكاليف الزواج مشكلات الانحراف ، ومشكلة المسكن بقضايا شخصية وعدم كفاية دخل الأسرة والخلافات المستمرة بين الزوجين ، وانشغل الأب وتعاطي المخدر ومشكلة تدخل الأهل في شئون الاسرة 1/ مشكلة التعليم : لاشك أن الممارسات والسلوكيات للمهاجر تتأثر بالمستوى الفكري الثقافي. والجهل بطبيعة الحال يحد من فعالية هذه الممارسات ويقلص من فعاليتها، بل يبعدهما عن تقدم المجتمع وتطوره. فإن المستوى الثقافي عامة والتعليمي خاصة يعتبر العامل الأقوى تأثيراً في ممارسات المهاجرين ، 2/ مشكلات المرأة : وفي سياق استعراض واقع المرأة الاجتماعي، فلا بد من الإشارة أيضاً إلى المشكلات الاجتماعية التي باتت تعاني منها المرأة السودانية المهاجرة نتيجة للتغيرات التي شهدها واقع المرأة من جانب ، والتوترات بين الأدوار الجديدة والتقليدية السائدة في المجتمعات السودانية . ومن أهم المشاكل التي تعاني منها المرأة السودانية هو العنف ضد المرأة والطلاق وما يترتب عليه من مشاكل مالية واجتماعية ونفسية تضعف قدرة المرأة على لعب دور فاعل في الحياة العامة بشكل عام ، فقد أضحت مشكلة الطلاق من المشاكل الرئيسية التي يعاني منها المهاجر السوداني بانعكاساتها المختلفة على الأسرة ولكن بشكل أكبر على المرأة . 3/ مشكلات الزواج :- * أن غلاء المهور وتكاليف الزواج تأتي في مقدمة العوائق التي تقف دون الزواج والنظرة الداخلية للمغترب علي انه ليلة القدر . * عدم استطاعة المهاجر تأمين السكن المناسب تأتي في المرتبة الثانية سواء ان كان ذلك داخليا او في بلد المهجر حيث ارتفاع الايجارات ومصروفات تاسيس السكن وما يلزمه . * الاستقدام للزوجة لا يتم لكل المهن وان الغالبية السودانية المهجرة تمتهن مهن لاتساعد علي الاستقدام. 4/ مشكلة دور الأسرة :- المهاجر يتأثر بالمحيط الاجتماعي الذي تمثل فيه الأسرة السياق الأكثر أهمية ودلالة، فدورها جد أساسي لأنها تشكل إلى جانب المدرسة المجال الخصب لانتشار الذهنية التربوية ومقوماتها الجوهرية، بطبيعة الحال توجد في بلدان المهجر أسر متنوعة الخصائص والتركيبات، من شتي بقاع العالم - هل هذه الاسر تشكل بالفعل تجمعات بشرية يحكمها منطق تربوي محكم الإجراءات ودقيق الأساليب والخطوات ؟ من اهم المشاكل في الاغتراب ( المد المجتمعي الذي يطال اسرة المغترب ) من خلال التاثيرات المختلفة التي تحيط باسرة المغترب الصحية و التعليمية والاجتماعية والثقافية والاقتصادية وقطعا الاغتراب يفصل ما بين النمو الصحيح للاطفال بارتباطهم ببيئاتهم المحلية وبين بيئة هذه الدول ولعل النماذج والافرارزات بادية للعيان في صعوبة استمرار الابناء في الوطن من زوايا التمرد على الولاء والانتماء من خلال افراز عنصر مشوة لا ينتمي للجذور ولا على اوضاعه الجديدة. والمناهج الدراسية بالنسبة لابناء المغتربين فهي قطعا موجه لبلد الاغتراب الامر الذي يسلم به البعض بينا يتمرد عليه البعض الاخر بارسال ابنائه للسودان للدراسة مما يتوجب علية مصاريف اضافية كون الوالد مغترب والبعض الاخر يرسل ابنائه الى منافي جديدة ولا يخرج عن الاطار الموجود اصلا وهو امر جد بعيدا عن الرقابة والسلطة الابوية وفي كل الاحوال فالنتائج تكفي. ونجد االكثير من الاسر يعانون من مشكلات أسرية، أهمها: عدم كفاية دخل الأسرة، وضيق المسكن، والخلافات المستمرة بين الوالدين ، وانشغل الأب والام بقضايا شخصية، وسوء معاملة الأب، وسوء معاملة الأخوة الكبار. ومن أهم المشكلات التي تواجه المهاجر وهي:البطالة و الزواج والسكن، التهميش والتمييز وقلة فرص المشاركة، ثم التطرف ومشكلات الهوية الثقافية والفكرية. السؤال الذي يطرح هنا هو هل الأسرة الحالية في بلدان المهجر هي من هذا النوع الذي يعطي للأسرة صفة المؤسسة الاجتماعية ذات المسؤولية الثقافية المهمة ؟ 5/ مشكلة الفقر :- الواقع أن نقص الإمكانيات المادية أو انعدامها وتدني الأوضاع المعيشية لفئات عريضة من الشرائح الاجتماعية في المجتمع السوداني والتي ترتبط بذلك المهاجر بصورة او باخري ، من العوامل التي تعوق المهاجر وتحد من غاياته واهدافه وتجعلها ضعيفة،ومحدودة النتائج والحصيلات. ولكن المشاكل الإقتصادية هي إنعكاس لمشاكلنا الاجتماعية التي تولد المشاكل النفسية اي اننا نكون في حلقة لا فكاك منها تشبة الي حد كبير (نظرية مالتس فقر مرض موت) ، فعلا المغترب السوداني يختلف عن كل المغتربين في العالم حيث انه يقوم بمساعدة جميع الاهل ومعهم الجيران وفي نهاية المطاف يلتفت الي نفسه ويجد احواله لم تتقدم بل هو واقف في مكانه ان لم يتراجع ، وخاصة عند الأسر المهاجرة عندما يكبر الأبناء وينشغل الأب بالسعي وراء لقمة العيش وما أدراك ما لقمة العيش مروراً بضغوط العمل والموظف الجوكر الذي يقوم بعمل كل شي ، كل ذلك جعل الأب بعيداً عن أولاده لفترة طويلة جداً في اليوم وخاصةً أغلب الأباء يعملون بنظام الدوامين ، وأبناء زيد الذي يتقاضى راتب كبير معهم أبناء عبيد الذي يتقاضى راتب تعبان جداً ، ومن هنا يحدث التمرد من الإبناء ويريدون أن يكون مثل أقرانهم في الشارع ، وغياب الأب ترك فجوة كبيرة في تربية الأبناء على القناعة والقيم النبيلة ، ومن هنا تأتي الإنحرافات السلوكية وتفكك الأسر .
المشكلة الاقتصادية:- ويقصد بها المشكلة ذات الطابع الاقتصادي التي ترتبط بظروف مثل: البطالة، مشكلة عدم توفير العمل المناسب، تدني مستوى الدخل ، وطول ساعات العمل، ، والجهد المتعب وسوء العلاقة مع الرئيس المباشر، وعدم وجود المسكن الملائم وبعد العمل عن مكان السكن، وعدم توفر المواصلات والخدمات الصحّية التغير في سعر الصرف والتحويل. تنقل الإنسان من أرض إلى أرض بحثاً عن المعاش هو سلوك إنساني منذ أن خلق الله الأرض ومن عليها ويعز على الإنسان الإرتحال من وطنه ومسقط راسه ، وكلما ألمت بالإنسان ضائقة إقتصادية لازمه هاجس الهجرة لتحسين الوضع والعودة إلى الوطن بعد زوال هذه الضائقة وتحقيق الطموحات المهاجر السوداني يعاني من مشكلة كبيرة تتناقض مع الهدف من هجرته وابتعداه عن أهله أو عشيرته أو رفقاء دربه ووطنه .. أو فقدانه لوظيفته... جاء المهاجر إلى دول البترول للبحث عن حال أفضل .. يدخر بعضاً من المال ... ليعينه على نوائب الدهر .أو يكون نواة لمشروع يقتات منه هو وعياله ... وإن أوصله لحال الكفاف فهذا مطمح لا يحققه الكثيرين .. ولكن هل يصل كل المهاجريين إلى هذه الغاية.... ؟؟؟ اكيد الاسباب التي دعت الي تسرب فكرة الهجرة كثيرة وواحد منها تحسين الوضع المعيشي والعيش في هناء ورخاء مثل كل من حالفة الحظ . ولكن من أهم المشاكل الإقتصادية التي تواجه المغترب السوداني في بلاد الغربة هو عدم معرفته بواقع الحال في بلاد الغربة ومن شدة الضغوط الإقتصادية التي دفعته للسفر خارج وطنه ، لا يستطيع أن يتقبل أي وجهة نظر حقيقية لواقع الحال في بلد الإغتراب ، وموجات الدفع التي تبدأ من إستخراج الإقامة ، ورخصة القيادة ، وتغيير المهنة، ونقل الكفالة ، والبحث عن العمل ، وتدني الإجور وهذا مربط الفرس فهو لا يستطيع أن يحقق ما يطمح إليه و لايستطيع أن يحدد متى العودة. وسنة وأخرى يجد المغترب قد تضاعفت عليه الإلتزامات بمرور الزمن ، وأي تغيير يحدث في بلاد الغربة له إنعكاسات إقتصادية سالبة تؤثر علي المهاجر، سواء كانت معيشية ، أو خدمية ، والأمر مرتبط ايضاً بواقع الحال في الوطن ، وكلما ألمت بالبلاد موجة زيادات وتغيرات تجد المغترب قد تضافت عليه الإلتزامات ، و يكون كل ذلك حسماً من رصيد العودة وتحقيق الطموحات ، ويكون هم العودة للوطن وعمل مشروع صغير قد تبدد ، وأصبح هم الإستمرارية في الغربة هو الأكبر وهناك أمثلة كثيرة لمغتربين سافروا نهائي وعادوا نهائي ؟! وهنالك مشاكل خفية تظهر علي السطح بين الحين والاخر انهاء عقد العمل دون سابق انزار تاخير الراتب الشهري وتجديد الاوراق الثبوتية من جواز واقامة ورخصة قيادة بجانب الالتزامات الحكوميه من ضرائب وذكاة ورسوم وخلافه عدم وضع خطة للإدخار تناسب طموح المغترب - الادخارو الموازنة بين المرتب والمصروف والإلتزامات الإسرية والإجتماعية اساس اقتصادي يذيد من فرص العائد المادي ولكن . القناعة العقائدية بأن الله كريم يعمل بها الكثير ...... فيتوكل البعض على الصرف بفشخرة ..ناسين أو متاجهلين سبب مجيئهم؟ هل معيشة الترف الإجتماعي التي يعيشها المغترب في بلاد الإغتراب وخاصة أصحاب الأسر تظل عائق في وجه المهاجر من تحقيق طموحاته؟ هل أصحاب الدخل العالي يحق لهم أن يعيشوا حياة الرفاهية في بلاد المهجر؟ هل معظم المهاجربين السودانين أصحاب دخل عالي؟ هل المهاجر السوداني يعمل بعقد عمل يضمن به حقوقه؟ هل أقتطاع نسبة من الدخل لمقابلة الإلتزامات الكثيرة سيحل المشكلة؟ هل أحتساب نسب معقولة لتوزيع دخلنا على أوجه الصرف سيحل المعضلة؟ هل المهاجر السوداني يحتاج فعلاً لوعي إدخاري يساعده في تحقيق طموحه؟ ثم يأتي السبب الآخر وهو عدم قدرة الكثيرين على ضبط مصروفاتهم أو صرفهم فوق المعدل المعروف ولتركيبتنا السودانية الدور الأكبر في ذلك لإتساع دائرة الصرف الإجتماعي المعروف. المشكلة النفسية :- ويقصد بها أية اضطراب نفسي يؤثر على التوازن النفسي للفرد مثل الشعور بالقلق، والإحباط ، والخذلان، والخوف من المستقبل، وممارسة العنف النفسي ضدَّ الفرد داخل إطار الأسرة والمدرسة والمجتمع مثل: الإيذاء اللفظي والعاطفي والجسدي وتصرفات العزل أو السيطرة أو التحكم أو الإكراه أو التهديد –الوعيد وتعرف الصحة النفسية على أنها قدرة الفرد على التعامل مع المحيط الاجتماعي، والتفاعل معه بشكل سليم وايجابي، وذلك من خلال إيجاد طرق وقنوات أمنه للتفاعل والاتصال والتواصل، لتحقيق الذات ولعب دور فعال في المجتمع الذي يعيش فيه، حيث أن الوصول لحالة التوازن تتطلب الدعم من الأسرة بالشكل الأساسي ومن المجتمع، حيث " يتأثر الإنسان بالجوانب الثقافية والاقتصادية والاجتماعية والبيئية والدينية ويختلف تأثير هذه الجوانب على الإفراد حسب طبيعتهم البيولوجية والوراثية والعمرية. كل ما تقدم يلقي بظلاله على نفسيات المهاجر السوداني الذي في حالة إقتصادية سيئة ، وإجتماعية سيئة لا يستطيع الفكاك منها بسهولة ومنها أ _ الانحرافات السلوكية نتيجة لسوء التوافق النفسي والاجتماعي والأسري لبعض الابناء الذين يشعرون بعدم التكيف بسبب الصراع الحضاري بين القيم والنظم الاجتماعية للمجتمع السوداني والانفتاح على المجتمعات الأخرى. ب _ الخوف من المستقبل وما يرتبط به من مجهول أصبحت مشكلة من المشكلات النفسية التي يستشعرها المهاجر السوداني وبسبب عوامل متعددة (اقتصادية -اجتماعية - سياسية- نفسية الخ) ج _ البعد عن الاهل والابناء والزوجه ومايحتاجونه من رعايه تظل هاجس يؤرق الكثيرون د _ العمل الوظيفي او المهني هو الهاجس الاكبر للمغترب ه _ مشاكل العوده للسودان التاقلم علي الاقامه الدائمه في السودان وقيام مشروع صغيرلسد الحاجه و _ المعرفه بالسوق المحلي لمواكبة سبل العيش ك _ العودة إلى الوطن من غير تحقيق الهدف من الإغتراب تحيط بها جملة من المؤثرات تحكم بالعودة أو البقاء ، فإذا توفر بالوطن بديلاً عن العائد المادي المتوفر في الإغتراب(وإن لم يفي بكامل الغرض ) . أيضاً الوظائف المتاحة ومقدار الرواتب لايمكن مقارنتها أبداً برواتب الدول الأخرى لمن ذكرت من أصحاب الشهادات والخبرات . هذا الوظائف ربما تكون مخرجاً للكثيرين الذين عاشوا سنوات من المعاناة وعدم الإستقرار الوظيفي في الغربة ولكن الآن وبما هو متوفر منها ومقدار رواتبها وحتى نوعها لم تقنع الكثيرين بالعودة . طريق العودة إلى الوطن لابد أن يسلكه كل مغترب ولكن يبقى مربط الفرس في تحديد الوقت الملائم لهذه العودة وفق الظروف المحيطة وهي كثيرة .. المشكلة السياسية :- يفتقد معظم السودانين الى منهج التربية الوطنية ولايفرقون بين الوطن والحكومات وقطعا لن تاتى حكومة تحوز على رضا الجميع ولكن لنجعل الوطن مفخرة لنا لاننا اصحاب حضارة ودين واخلاق عدم التواصل مع القنوات الرسمية لطرح قضايا المهاجر السوداني ، هي من أكبر المشاكل التي تواجه المهاجر، ماهي الحقوق والواجبات التي يجب ان يؤديها المهاجر تجاه الوطن وماهو دور السفارات والقنصليات والممثليات تجاه المهاجر؟ سؤال عريض تدور حوله التوصيات والمؤتمرات ، واي دراسات أو تحليلات يجب أن توجه لتلك القنوات ، ولا سيما أن جميع الحلول لها إرتباط وثيق بالسياسة 0 مشكلات حقوق الانسان :- حقوق الإنسان جزء لا يتجزأ من الصراع السياسي والثقافي والقانوني في الأزمنة المعاصرة. وعندما نقول حقوق إنسان لا نعني بذلك الاعتقال السياسي وموضوع المفقودين والتعذيب فحسب، فهذه ليست سوى ثلاث موادٍ من الإعلان العالمي لحقوق الإنسان من أصل ثلاثين: فالتعليم حق من حقوق الإنسان ، الصحة حق من حقوق الإنسان ،الحق في السفر والتنقل بحرية من وإلى بلد المنشأ والتنمية حق من حقوق الإنسان والسكن المقبول ،حق التنمية، حق العودة، الإبادة السياسية، حق المحاسبة في قضايا الفساد، حق الملكية الفكرية والادبية، مفهوم الجماعة المستضعفة(لجوء، هجرة، عمر، جنس، أقليات، المهمشون) ، حقوق البيئة. كيف يمكن للحكومة السودانية والجهات المسئوله والمنظمات الطوعية معالجة المشاكل الاجتماعية والتعليمية والنفسية والسياسية للمهاجرين السودانيين بسبب تلكم المشاكل؟
Post: #51 Title: Re: أوع ليل الغربه... ينسيك ريحة الطين فى جروفنا Author: عثمان دغيس Date: 05-07-2008, 07:04 AM Parent: #1
يا ناهد بشير يا أصيلة ....
إنتي زولة رقيقة بالجد يعني .. وفتحتي لينا باب كنت منتظرين زولا يدق سدرو ويفتحو ...! باب الجرسة والشوق والحنين .. والله نحن حنينا للسودان غايتو ما عارف لكن بفتكر إنو سلمى الشيخ عبرت عننا .. قالت تشتاق حتى لموية البلاعات ...! والله الواحد لمن يكون الجو مغبر بكون سعيد لأنو جاتو (نسمة من السودان ) أو كتاحة .. زول يصدق إنو يجي يوم يشتاق لي كتاحة وريحة بلاعة ...!
ربنا يعيدنا لريحة الطين في جروفنا ...
تسلمي يا ناهد ..
Post: #53 Title: Re: أوع ليل الغربه... ينسيك ريحة الطين فى جروفنا Author: ابوبكر يوسف إبراهيم Date: 05-07-2008, 01:32 PM Parent: #51
الأخت العزيزة ناهد سلام على روحك الطيبة
هل هي فقط غربة الزمان...؟ أم غربة المكان... ؟ أم غربةالأهل....؟ أم غربة الوطن....؟أم غربة الروح....؟ أم غربة الفكر ....؟ أم تراها غربة المبادئ والقيم ...؟ أم هي ذلك كله جميعا.؟ ... إنها ليست غربة واحدة بل مجموعة من الإغترابات التي تجعل المرء معلق بالوطن ، بترابه ، بحلوه ، ومره ، بجميله ، وقبيحه ، بناسه ، بأهله ، بالعشيرة ، بالعادات والتقاليد ، بالتراث والفن ، بالدوبيت والحداء والطنبور ، بالجماد ، بالزرع ، والحيوان ، بأشجار الدوم ، النخيل ، الدليب ، بالتبلدي ، بالهشاب .. عندما يكون العاشق غريبا والمعشوق وطنا يصبح للحب طعما آخر و للغربة مذاق مر لا يدركه إلا من تجرع من كأسه وذاق لوعاته وغص بآهاته. للغربة نصل يتغلغل إلى أن يصل إلى العمق فيصبح الجرح في الأعماق وعندها لا نستطيع إيقاف النزيف . للغربة سياط تترك آثارها على أجسادنا وأرواحنا و نظراتنا و أنفسنا فلا نستطيع الخلاص منها أبد الدهر لتكون وصمة على الجبين تعلن للجميع إننا لسنا سعداء . للغربة آلام كآلام المخاض تبدأ بسيطة ثم لا تلبث أن تصل إلى قمة عدم الاحتمال - يبدو أن الفرق بينهما أن آلام المخاض تتبعها حياة روح وآلام الغربة يتبعها موت روح .
Post: #60 Title: Re: ريحة الطين فى جروفنا Author: عمران حسن صالح Date: 05-09-2008, 09:59 AM Parent: #59
يا الشايل شمسك في جواك خليها تبين للناس تطلع يا النازع فرحة والدة هناك غير حس آهاتك ما بتسمع
يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقّع
يا السبت عقابك وروّحت وحيات عز بلدك لا تنجع الشتلة تقولك لاتنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع
ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع
ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح
مجنوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتو وكان آمسكين باعو الارواح
وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح
سايب اهلك ونخلك راحل قول وين ماشي وين آ صاح الشمس النايره ابت تطلع والنيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح
قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح
ارجع ارجع يا زول ارجع دي الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد الحيل في خلوة حاج الخير مكتوف دكان الشيخ فوق الواطة كيمان كيمان ما فيهو رفوف
يا الشايل شمسك في جواك خليها تبين للناس تطلع يا النازع فرحة والدة هناك غير حس آهاتك ما بتسمع
يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقّع
يا السبت عقابك وروّحت وحيات عز بلدك لا تنجع الشتلة تقولك لاتنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع
ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع
ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح
مجنوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتو وكان آمسكين باعو الارواح
وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح
سايب اهلك ونخلك راحل قول وين ماشي وين آ صاح الشمس النايره ابت تطلع والنيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح
قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح
ارجع ارجع يا زول ارجع دي الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد الحيل في خلوة حاج الخير مكتوف دكان الشيخ فوق الواطة كيمان كيمان ما فيهو رفوف
اخونا عمران
ياسلاااام على القصيدة الحنينه ..... وبالجد ماحااعلق عليها مع انه كل سطر فيها موضوع بحاله برجع ليها وابحتها سطر سطر ...
تشكر ياعمران ياخوى
Post: #62 Title: Re: ريحة الطين فى جروفنا Author: Baha Elhadi Date: 05-09-2008, 02:04 PM Parent: #61
الأخت الفضلى ناهد: هي جراح نرتقها بالليل وتفتق بالنهار في سودانيز رغم أن ليلنا يأتي قبلكم عليك الله رفقا بنا يكفينا الزلزال الذي يهدنا من الدواخل ويجعلنا مثل هذا الغناء أكثر هشاشة وقابلين للبكاء أصلنا متحيليين ونجي نقول ناهد هي السبب ودي العاطر
إنتي زولة رقيقة بالجد يعني .. وفتحتي لينا باب كنت منتظرين زولا يدق سدرو ويفتحو ...! باب الجرسة والشوق والحنين .. والله نحن حنينا للسودان غايتو ما عارف لكن بفتكر إنو سلمى الشيخ عبرت عننا .. قالت تشتاق حتى لموية البلاعات ...! والله الواحد لمن يكون الجو مغبر بكون سعيد لأنو جاتو (نسمة من السودان ) أو كتاحة .. زول يصدق إنو يجي يوم يشتاق لي كتاحة وريحة بلاعة ...!
ربنا يعيدنا لريحة الطين في جروفنا ...
الاخ الاستاذ عثمان دغيس
للاسف لم احظى بمقابلتك عند حضورك للعمرة .....مما احزننى لك وبالطبع لم يسر با....
والله الزميلة سلمى عبرت وذيادة.......
الزول السودانى ده ياعثمان ياخوى محل مايمشى بيتعلق بحاجاته وبشيلها وينقلها معاه محل ماماشى فما غريبه انه يشتاق للكتاحه الا الغريبه بيشتاق ليها وهو بره واول مايكون فى الاجازة يسب ويلعن (اها خلاص جينا للتراب والكتاحة والمرض ده)
شكرا على الكلمات الرقيقات ..... وستبقى الدموع سيل منهمر ..... وستبقى النار فى دواخلنا متأججة... وسنكون فى انتظار الريح التى سوف تأتينا من فرعه داك حبة عطر ..... وحبة شوق ....
حليل ارض الجزاير والمراكب والطنابير الترن حليل ناس ليلى ساعة الليل يجن يا غالية يا تمرة فؤادي الليلة ما عاد المراكب شرقن والقمري فوق نخل الفريق فاقد الاهل يبكي ويحن
Quote: .حليل ارض الجزاير والمراكب والطنابير الترن حليل ناس ليلى ساعة الليل يجن يا غالية يا تمرة فؤادي الليلة ما عاد المراكب شرقن والقمري فوق نخل الفريق فاقد الاهل يبكي ويحن
تحياتي ناهد....
سلمى .....ياغالية .......
تحياتى الغاليه ليك ....وخالص ودى لشعورك تسلمى
خالص الود
Post: #76 Title: Re: أوع ليل الغربه... ينسيك ريحة الطين فى جروفنا Author: نصر الدين عثمان Date: 05-24-2008, 03:11 PM Parent: #73
Quote: انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوف
أخت ناهد .. تحياتي
يا الله .. ما أجمل اللحظات التي التى نسترقها عند الاستماع إلى تلك الأغنية العذبة
إنها تزيل من قلوبنا طبقات الصدأ المتراكمة فتغسل دواخلنا .. فنكاد لا نعرفنا
كنت أطرب حد النشوة عندما أرخي أذني للاستماع إلى تلك الأغنية
ناهد اختي : من أجمل المناظر والرؤى التي تطاردني وأنا في هذه المنافي البعيدة صورة قريتنا جوار النهر الخالد لحظة المغرب الحيوانات وأصحابها بالقرب منها وهم قافلون بعد عناء يوم وأصوات الطيور لحظة المغرب في أعشاشها في الشجرة التي تطل على سور ( حبوبتي ) ونحن مقبلون نحوها في تلك اللحظة المفعمة بالحنين والحنية الجارفة الصادقة وكم من تلاميذ المدارس راجعون وهم يجرون من درس العصر
وصور فتيات يخرجن لزيارة جيران او صورة أولاد طهور قرب المغرب في زيارتهم الخالدة للنيل ناهد: كم جراح فتقتي بهذا البوح الممض الحرّاق كل هذا أمسى خبرا يروي من أحاديث التاريخ كأني غائب لميلاين السنين الضوئية من هذه الأنحاء التي أحملها في قلبي وأتوسدها ليلا وصبحا الآ قليل ليل
الاخ بهاء ..... ياخى انت فى اخر الدنيا ...طوكيو.....
ماكتبته اثر فينى بصورة لاتتخيلها .... غنى لقريتك الدافئة ...وشق طريق الترام كما قدلة الخليل حافيا حالقا....وستسعد فقط عش بالذكرى والذكرى الجميلة فقط فاالايام معدودات .....
خالص الود بهاء وكن بالف خير واوع ليل غربة طوكيو ينسيك ريحة الطين فى جروفنا
عزيزتي ناهد مهما قلتي ومهما قال الشعراء فلن تعرفوا حجم معاناتناخارج حدود الوطن .فأنا قضيت اجمل ايام عمري في ديار الغربة ولازلت ولا ادري ما هو مصيري وكيف سوف تكون النهاية. انتي ظالمة ياناهد انتي قاسية .فقد قتلتيني بهذه الاغنية الا يكفي ما نحن فيه؟؟؟؟؟؟؟؟؟؟ المرة الجاية حاسبي على مشاعرنانحن بقينا مابنتحمل يا اختي... واوعك من حمام الوادي وكل طائر مرتحل.وطال علينا فرافكم .وياطير يا ماشى لي اهلنا. تحياتي
Quote: مهما قلتي ومهما قال الشعراء فلن تعرفوا حجم معاناتناخارج حدود الوطن .فأنا قضيت اجمل ايام عمري في ديار الغربة ولازلت ولا ادري ما هو مصيري وكيف سوف تكون النهاية. انتي ظالمة ياناهد انتي قاسية .فقد قتلتيني بهذه الاغنية الا يكفي ما نحن فيه؟؟؟؟؟؟؟؟؟؟ المرة الجاية حاسبي على مشاعرنانحن بقينا مابنتحمل يا اختي... واوعك من حمام الوادي وكل طائر مرتحل.وطال علينا فرافكم .وياطير يا ماشى لي اهلنا. تحياتي
الاخ صالح ....
بس كدة.... قلنا مانريحكم ...ونديكم مرة مرة لكزة .... زيك غربة سنين طويلة ...بتين نرجع الله اعلم ... والاجازات على الابواب ...وبنشد فى رحالنا اهو ....الفرحة غامرانا .....ومبشرات الوعد بغد جميل وايام حلوة تراودنا ....لك ولكل الاحباب تانى ...
Quote: الاخت ناهد شكرا علي البوست الرائع الواحد رجع البلد بعد السنين المره ياداب العيون سهرن هجد ..............
الاستاذ على الكرار ....
اولا حمدلله بسلامة الرجعة ووضع هذا الحمل الثقيل عن كاهلك وتانيا شكرا على القصيدة واحلى مافيها( جديع الموية بالحجارة) ياخى اقول ليك حاجة نحنا محتاجين لاعادة صياغة من جديد (المغتربين)
والف حمدلله على السلامة والا كنت مثلنا ماتلبث ان تنفك تمتلىء املا موحشا لرياح تاتينا شرقا...... فتنكفىء شراعاتنا غربا
علقت الزينة لمقدمك ...وان كان البوست ده ماعنده سقف خلينا فضاءاته كده مفتوحة ..... لتأتى انت... وغيرك لمناغمة ذلك الوطن وجراحاته الصادحة فى وطن نعشقه ونتمدد فى مساحاته الراضية ...ولك اهدى هذا اللحن الذى اتحفنا به العزيز محمد عثمان
اخوى محمد عثمان..... ازيك ياخى ووينك..... مابفتح البوست ده الا اتذكرك ..... شكرا على مرورك الذى يفرحنى ...ويسعدنى بالالحان المموسقة الجميلة ....خلاص هانت,,,, وبقينا شادين الرحال للوطن ... وتانى حنسمع الاغانى دى مباشرة وعلى الهواء..من عمك حمد زاتو ..
قبال ماامشى عايزة اقول ليك ...لما افتح البوست بسمع ارض الجزائر مع انها ليست المقصودة بالبوست ...اها ...تشيلها ولا كيف ... خلى لينا اوع ليل الغربة بس ...ولك خالص الود ... والتقدير
Post: #106 Title: Re: أوع ليل الغربه... ينسيك ريحة الطين فى جروفنا Author: محمد عثمان Date: 06-21-2008, 12:28 PM Parent: #105
الاخت نااهد..
سلاااااااام
البوست طبعا فى الصفحة التانية و كل الخيارات عندك..بس قولى..
Quote: لا سلام منك وما منك تحية للوراك خليتو عايش في الأسية ما حرام يا الفنجري ما تسيب وصية كنت زي طيرا غريب سافر عشية ما قبيل وصوني يا حليل الوصية كت مكضب ..كنت ناسي دابو صدقت المفارق عينو قوية
ـــــــــــ صدق القال ..
Post: #104 Title: Re: أوع ليل الغربه... ينسيك ريحة الطين فى جروفنا Author: محمد عثمان Date: 06-21-2008, 12:03 PM Parent: #101
Post: #119 Title: Re: أوع ليل الغربه... ينسيك ريحة الطين فى جروفنا Author: محمد عثمان Date: 07-03-2008, 10:46 AM Parent: #104
