صورتك في المنبر ، لا توجد ، موجودة ، خجولة ، رسمية ، أم جريئة ؟

Post: #1
Title: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-24-2004, 07:12 PM
Parent: #0

الصور بالمنبر ،مهما كانت ، تدل على شجاعة نادرة يتمتع بها أصحابها ، ، فكثير منا لم تواتيه الشجاعة للتعريف باسمه ، ناهيك عن أن يضيف صورته ، ، وفي هذا الزمان ربما يكون مبررا أن يكتب أحدنا باسم مستعار ، وبشكل مستعار ، وبوجه مستعار ،، فالتخفي قد يكون ضرورة تمليها المرحلة ،، لكن العديد منا لا يكتبون فيما يمكن أن يجعل عين الرقابة مسلطة عليهم ، لكن الإحساس والتوهم بالمتابعة والمطاردة ، ربما يستوليان على بعضنا فيجعلان هذا البعض رهينة لهما فيتجه إلى حبس أنفاسه خوفا من أن يسمعها أحد المترصدين به .
هل نحن هنا في هذا المنبر نعمل عملا كبيرا ومهما يمكن أن يحرك كوامن ثورة ، أم أن الجانب الآخر الذي يدافع عن الحكومة ومنجزاتها ، هل هم يقدمون عملا مفيدا للحكومة ويمدونها بالدعم ،، أم أن هذه وتلك إسهامات ضعيفة تفيدنا على المستوى الشخصي في جعلنا نفش غبينتنا ونواسي أنفسنا ؟
ليس هذا تصغيرا للدور الذي يلعبه الناس المع والناس الضد ، كما أنه ليس نفيا لحالة الترصد الذي تمارسه الحكومة على الشعب ، لكن إدعاء الخطورة من جانب الناس الضد ، وتضخيم حجم هذه الخطورة من قبل الحكومة ، هما رؤيتان تدفعان وتحضان على مزيد من العداء وحالات التمترس كل في موقعه .
لا ينبغي أن يطارد صاحب الكلمة أبدا ، ولا ينبغي وصف الكلمة بالخطورة ، لأنها كلمة ، إما أن تكون صحيحة وإما أنها يمكن نفيها بكلمة مثلها ،، يسمي البعض السجناء السياسيين بسجناء الرأي ، تسمميهم حكوماتهم بالمتمردين حينا ، وبالمارقين حينا ، وبالخونة حينا آخر ،، لكن الأيام دائما تثبت أن السجين السياسي يكون محقا في رأيه ، وأن سجانه يتراجع في رأيه إلى أن يتفق مع رأي سجينه ،، وقد حدث هذا في كل العهود تقريبا ،، وقد تختلف فئة السجانين فيما بينها وتتشرزم ضد بعضها البعض كما حدث لسلطة الإنقاذ ،،
ونحن في فترة الدراسة الجامعية ، اعتقل جهاز الأمن أيام مايو أحد زملائنا ، وهو عضو غير نشط معنا في هذا المنبر ، وكان له أخ شقيق أكبر منه أيضا طالب بالجامعة ، وكانا ينتميان إلى فئة فكرية واحدة ، ، فذهب الأخ الأكبر واخبر والدهما – عليه رحمة الله – باعتقال أخيه ، وطلب من الوالد أن يذهب ليحتج أمام مدير الجامعة ،، فجاء الوالد إلى الجامعة وطلب مقابلة المدير ، وقد عرض عليه أن يقابل عميد الطلاب أو عميد الكلية فلم يقبل بمقابلة أي شخص اقل من المدير ، وانتظر حتى حانت فرصته فدخل على المدير ودار بينهما حوار قريب من هذا :
أيوة يا حاج اتفضل ،
يزيد فضلك ، جيت أسألك من محمد ولدي .
ومحمد ولدك ده في ياتو كلية ياحاج ؟
في كلية الاقتصاد ،
طيب ما تسأل منو ناس الاقتصاد .
لا ، أنا جيت أسألك إنت المدير ،
بس أنا ما بعرف الطلبة ديل كلهم ،
والله كلام ، كيف ما تعرفهم ؟
بس ياحاج الطلبة ديل كثيرين وفي ناس مسئولين عن تفاصيل حياتهم وأنا دوري إني أتعامل مع الناس ديل .
طيب منو الزول المسئول من محمد ولدي ؟
خليني أشوف عميد الطلاب إن كان عندو خبر .
يتصل المدير بعميد الطلاب ، ويسأل عن الطالب المفقود باسمه ، فتأتيه الإجابة أنه أحد الطلاب المعتقلين ، فيعود ليكلم الأب :
ولدك يا حاج معتقل .
منو الاعتقل ولدي ؟
طبعا الحكومة يا حاج ،
نان الحكومة اعتقلتوا لي شنو ؟
لأن ولدك خطر والحكومة خايفة منو ؟
والله ؟
ايوة .
والله حكومة تخاف من محمد ولدي دي ذاتا ما حكومة .
على كل حال يا حاج ده الحاصل .
الحاصل وللا غيرو أنا ولدي ده بسألك منو إنت ، مسئوليتو في رقبتك دي .
انتهى اللقاء .......
أشرت في بوست سابق بعنوان ( حبيبتي عضو في المنبر ) إلى الزميلات اللاتي زيّن المنبر بصورهن ، ومنهن من يتحدثن في السياسة وفي كثير من الأمور التي تعتبر ممنوعة أو مسكوت عنها ، ، ولعل من أكثر الصور بقاء في المنبر صورة الزميلة رجاء العباسي ، وهي صحفية تجاهر برفضها للديكتاتورية ، وتتمتع بجرأة كبيرة في كل حواراتها ، ، ومن الصور التي صمدت أيضا صورة الفنان الموصلي وهي تحمل إلينا تلك البسمة الأنيقة التي ما أن تفاجئك في أحد بوستاتك إلا ويتبعها الكلام الحلو والنفس الهادي ، وقد صمدت أيضا صورة الزميل دينق ، وفيصل النعيمة ، وكلاهما لا يخشيان في الحق لومة لائم ، وصمدت صورة الروائي بشري الفاضل والأستاذ عجب الفيا ، وهناك صور تختفي وتتبدل ، ومنها صورة الفنانة تماضر ، ولا أعلم لماذا تسحب تماضر صورتها ، وتماضر في مخيلتنا كلنا ، عرفناها من خلال أعمالها ، وعلى كل حال الصورة موجودة بالموقع الخاص بتماضر ، وتختفي وتظهر صورة الشاعر فتحي البحيري ،، ومن الصور الصامدة صورة الزميل العذب خالد عويس ، ولقد صمدت كثيرا صورة الشاعر الرقيق ودشاموق ، وصورة الصحفي الحصيف عادل عبد العاطي ، رد الله غربته عن البورد – كذلك احتفظ د. حيدر بدوي بصورتين وسيمتين ،، وخالد أبا أيضا منحنا صورته التي تصرخ بشايقيته ، وأتحفنا خالد العبيد بصورته أيضا ، ومن جماعتي ناس الرياض نجد صورة اسماعيل وراق ، وأحيانا تمبس ، وصلاح غريبة ، وقد أنزلت صورتي فترة ثم اختفت ولا أعلم لماذا ، فأنا لا أعرف من الكمبيوتر إلا أن أكتب ،، وأخيرا أطلت علينا من الرياض صورة محمد الشيخ وصورة معتصم دفع الله وهما زينة الشباب ،، ومامان أيضا أضاف صورته فعمق مفهوم كلمتي ( يا عم ، ويا خال ) وهو كان معيدا أيام كنا طلابا بالكلية ،، ومن الصور التي أضيفت أخيرا فزينت البورد صورة العزيز ود شندي ، وكانت الأخت دوما ( أختي وليست خالتي ) قد وضعت صورة وسيمة جعلتني أسترجع صور بنات الجامعة من زميلاتي البهيات وهن يتدثرن بالثوب الأبيض والذي ما يزال يشدني ،،
وهناك صور الأشخاص المعروفين أصلا ، الكاتب الكبير شوقي بدري ، الأديب فضيلي جماع ، السياسي الخاتم عدلان ، وكانت من قبل صورة رباح الصادق ،، وأنا مصرّ أن الصورة المرافقة للزميل سجيمان هي صورته ، وأن صورة البنت الحليوة عند أبوجهينة هي صورة ابنته ، وأن الصورة المرافقة للابنة شيري هي صورتها ، وأن الصورة المرافقة للزميل جني هي صورته ، وكذلك صورة طناش ، وصورة بنت الأحفاد ، إلى أن يثبت العكس ، ود. ياسر الشريف يريدنا أن نذهب لموقع الفكرة لنرى صورته هناك ، وهل يخفى القمر ؟ وطبعا من أكثر الصور جذبا للانتباه صورة كبسيبة ، وقد خصصت لها رجاء العباسي بوست منفصل وأبدى الكثيرون إعجابهم بها ، كما أن البعض لم يستطع إخفاء خوفه منها ( نعم خوفه ) .
وأكثر الناس الذين وضعوا صورهم بالمنبر هم الذين ينتمون لأمريكا ، وطبعا أهمهم الريس بكري أبوبكر الذي أتحفنا هذه الأيام بصورته وهو في أولى ثانوي ، وراوية العباسي ، هالة ويمنى قوتة ، الطيب بشير ، ود. النور حمد ، ولا أعلم إن كان قريبي قوي والزميل إيهاب الطيب ونقابي عجوز ايضا ينتمون إلى أمريكا أم غيرها ، ومن كندا يحي ابن عوف ، ود. أبكر آدم – رد الله غربته من البورد - ، ،
ومن الصور التي أراها وأنا أمشي في الأسواق صورة الشريك ابوساندرا ، وياريت ينزل لينا صورة بدون نظارة عشان نعلن عن القبض عليه في الحالتين ، وصورة محمد سبيل دائما في مخيلتي ، بالرغم من أنو جني جنو ،، وهناك آخرين وضعوا صورهم منذ انضمامهم للمنبر ،، لكن ذاكرتي لم تسعفني لتذكرهم جميعا ، ومنهم أناس رائعون ، لكن هناك بعض الصور تضرسني ، وبعضها يصيبني بأعراض أخرى لا أستطيع أن أشرحها هنا ،، وهناك أناس كنت أتمنى أن أرى صورهم علّها تخفف بعضا مما سببوه لي من ألم ، لكن بالطبع هناك من حجب عنا صورته رحمة بنا فجزاه الله خيرا.
لكن لفت نظري في الآونة الأخيرة توجه البعض إلى تجاوز الصور الرسمية التي تصلح للجوازات ، الشهادات ، الأوراق الرسمية ،، وقد كنت من أوائل الذين كسروا هذه القاعة في صورتي الوحيدة التي نشرت في البورد حتى الآن إضافة للصور المختلفة التي نشرت لي في لقاءات بورداب الرياض ، وأعتبر صورة كبسيبة أيضا صورة مميزة ومتحدية – إن كانت هذه صورته فعلا - وكذلك فعلت تماضر من قبل بتقديمها صورتها المسحوبة والتي أبقتها فترة بالبورد ، وصورة الزميلة ندى أمين أيضا من الصور التي صمدت على المنبر ، لكن صورتها الأولى كانت أقرب إلى الصورة الرسمية أما صورتها الجديدة فإنها تختلف تماما ،، وهذه كلها مفاهيم جديد للصورة التي يمكن أن تنشر في مكان عام ،، وأعتقد أن وضع صور بهذا المستوى لهو عمل جريء ، يشبه إلى حد كبير جرأة آراء صاحبه أو صاحبته ، ، وقد يكون الأمر سهلا على الرجال ، لكن نفس الرجال ربما لا يعجبهم أن تنشر المرأة صورة غير الصورة الرسمية ، ،،
إذن ، هل يحتكر الرجال تزيين صورهم التي تنشر في مكان عام ، ولا يرضون للنساء إلا صور الجوازات أو لا صور ؟ أطرح هذا التساؤل وأحي كل اللاتي يقفن ضد كل من يلمّح ولو من بعيد إلى أن المرأة كائن ضعيف ، والتحية لكل الصامدات في وجه الإحالة إلى الدرجة الثانية .. والتحية للرجال الشامخين الذين سجلوا باستمرار انحيازا إلى قضية المرأة ، مؤكدين على أنها النصف الذي بدونه لا يكتمل بناء ولا تشاد حضارة ..

Post: #2
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: motaz
Date: 03-24-2004, 08:09 PM
Parent: #1

الحبيب ود قاسم
تسلم على البوست الجميل يا جميل

قد يكون التخفي في بعض الحالات مطلوب ليعطي المتحدث الجراءة وعدم المجاملة لذلك نجد الكثيرين لا يحبون وضع صورهم في المنابر عبر النت
وفي نفس اللحظة ستكون اجمل عندما تضع لكل شخص من خلال كلماته صوره ترسمها له انت في مخيلتك .. قابلت الكثير من ناس البورد وكنت اضع لكل واحد شكل ولكن دايما ما اكون مخطيء
لكن الناس الما عايزين يضعو صورهم هنا هل ينطبق عليهم مقولة
صورتك الخايف عليها
ولا يكون خايفين يخوفو الناس بي صورهم
ولك كل ودي

Post: #22
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:01 AM
Parent: #2

معتز
لك التحية
شكرا لك ، وىمل أن تزول كل الأسباب التي أدت إلى التخفي ،، والخيال لابد أن يرسم في مخيلتنا شيئا ما عن شخص نقرأه أو نسمعه ولا نراه ،، وهناك الكثير من الشعراء والعلماء الذين ينتمون لعصور ما قبل الصورة الفوتوغرافية تم رسم صور لهم من المخيلة أو من أوصاف وردت عنهم .

Post: #3
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Giwey
Date: 03-24-2004, 08:13 PM
Parent: #1

ود قاسم

سلام وتحية...

الغريب إنه انا من بورداب الرياض (الغاتسين)

جئت اليها من جده قبل أكثر من عام لكنى حتى

اللحظة لا افهم فيها شرقا ولا غربا ..اعمل بالنسيم

بطريق خريص واسكن منذ اكثر من شهر بشارع النخيل

بالنسيم وكنت اسكن (غبيرة) واكيد بكون (شفتك) فى

دكاكين التياب السودانية او مطعم الملتقى حيث

(نغتال) الحنين الى الكسرة ...

ولك الود من قبل ومن بعد...

Post: #23
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:07 AM
Parent: #3

قوي
أمانة ما اتلومت يا العركي ، أنا كل يوم أقول قريبي ده لازم أبقى قريب منه عشان هو من ناس أبوحراز ، وناس أبوحراز هم الأصل والفصل ، تقوم تطلع جنبي في الرياض ولا خبر ولا أتر ،،
إذن بركة هذا البوست وبركة جدودي جابتك لينا .
لك التحية ..

Post: #4
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: سجيمان
Date: 03-24-2004, 08:29 PM
Parent: #1

ود قاسم

ايوا دي صورتي....لكن الفرة الابسا دي مو اللتي

اكتر اتنين بكجنم المصوراتي والحلاق....وحسي اظني بديت اكجن بنيتي الصغيرة يا كافي البلا..... لها شهر لا زم كل يوم تسمعني انت شين... وحتى لو عاوزة حاجة تقول لي بابا الشين اديني....... والغريبة يا اخي هي ما اسمح مني كتير..... يكون محرشا منو يا ربي؟؟؟؟؟؟

Post: #5
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Tumadir
Date: 03-24-2004, 09:13 PM
Parent: #4

Quote: ولا أعلم لماذا تسحب تماضر صورتها

سؤال جميل..

انت عارف انا اصلو ما بسحب صوره؟؟

اسأل بكرى بعمل لى كده ليه؟؟

كل ما البورد تكون فيه شكله ....القى صورتى اختفت..

ولسة الموضوع ده ما شغلنى.. لكن بعد ده... افتكر احسن انشغل بيهو شوية كده طالما انا اساسا مشغولة ووكتى ضيق وزى زهجانه كده...

Post: #25
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:20 AM
Parent: #5

تماضر
وهذه إدانة من عندي لبكري ، يا بكري لو عايز تنضف نضّف الصور الشينة ، بس الصور الحلوة خليها في مكانها ،، عشان نغيظ محمد سبيل ،،

Post: #24
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:16 AM
Parent: #4

سجيمان
إنت مش مكجن المصوراتي والحلاق ، إنت مكجن الشنا ودخّيل الليد في الجيب .
عليك الله مو كدي
بس تصدق صورتك حلوة ..

Post: #6
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: bushra suleiman
Date: 03-24-2004, 09:51 PM
Parent: #1

انا صورتى مالفتت الناس،قلت احسن ادق ليهو الطار ياودقاسم،نسوى شنو عاد..زمانكم فات وغانيكم..ما مات لسه حى،اسألو الموصلى

Post: #26
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:25 AM
Parent: #6

بشرى سليمان
الشعراء بالرغم من أنهم يلمّعون الآخرين فهم غير قادرين على تلميع أنفسهم ، ولما قال المتنبي قولته تلك ( أنا الذي ) ومدح شعره وفروسيته ، فكانت سببا في موته حين ذكّره غلامه بما قال ..
صحيح أن صورتك يا بشرى بقيت وصمدت مثل صمودك من أزمنة أبادأماك وحتى يومنا هذا ،
لك تحياتي ..

Post: #7
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-24-2004, 10:21 PM
Parent: #1

صراحه كدا انا قدر ما حاولت اتعامل مع الناس العندهم اسماء ما حقيقيه ما عرفت
عشان كدا مهم الاسم الحقيقى بالنسبه لى على الاقل والصوره برضو لكن بالعدم ممكن اتنازل عن شوفه الزول
وزى ما تماضر صدمتها صوره ود العجمى انا اتصدمت فى محمد الشيخ مع انه وسيم وكدا لكن دى ماااااااالصوره الختيتها ليهو

وعندى حكايه ظريفه عن صوره زميل معانا هنا
عجبتنى صورتو شديد ......... لكن لو قلت الحكايه حتعرفووووه

تماضر صورتك بتروح لما بكري يقش الحوش احفظيها عندك فى لنك وبعد ما يقش ويرش رجعيها تانى على نضافه
هى انا البتفاصح دى صورتى راحت مع اخر نضافه ولسه ما رجعتها

Post: #28
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:34 AM
Parent: #7

راوية
فضفضي ، أحكي ، منو الزميل العجبتك صورتو ؟ بعدين مش ممكن تكون عجبتك من باب :
وعين الرضى عن كل عيب كليلة
بعدين من زمان أنا نبهت لوسامة محمد الشيخ ، بس الناس ما استمعت لي ،
بعدين رجعي صورتك يا راواية وإلا سأسحب اسمك من سجل الخالدين .
لك التحية .

Post: #8
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Outcast
Date: 03-24-2004, 10:48 PM
Parent: #1

الاخ ودقاسم

و انا ايضا احى معك كل الشخصيات المذكورة فى هذا البوست .. بالاخص الزميلات .. و اعتبرها ضرب من ضروب الشجاعة الادبية .. اما انا فقبل ..قول كدة...عشرة سنوات بالضبط كان من الممكن ان افعل نفس الشىء .. اما الان ..فلالالا.....
ولى وجهة نظر قد تكون مغايرة... وهى ان عدم الصاق صورة فى بروفايلك يشحذ همم خيال الاخرين (و يجب ان اعترف انه يشحذ خيالى) فى وضع صوره لك .. وهى لعبة حلوة ..أعنى ان تجعل خيالك يرسم لك صورة الشخص فقط من خلال كتاباته .. بالمناسبة ..بوستك ده ممكن يكون الهام لبوست تانى يقوم فيه الاعضاء بكتابة خيالاتهم عن اى او كل شخصية بالمنبر (الشخصيات اللتى ليس لها صور ..اعنى)

Quote: وقد صمدت أيضا صورة الزميل دينق ، وفيصل النعيمة ، وكلاهما لا يخشيان في الحق لومة لائم

...على حسب علمى دى ما صورة دينق .. دى صورة Martin Luther King الزعيم الامريكى الاسود المعروف ..قائد حركة الحقوق المدنية بامريكا فى الستينات ... و اترك له هو التقرير فى ذلك...

Post: #29
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 08:43 AM
Parent: #8

Outcast
الخيال مطلوب ، لكنه في كثير من الأحيان لا يصدق ، أنا أتصور أن الخيال لابد أن ينطلق من واقع ، يعني أنا ممكن أتخيل أمي قاعدة في المصلاية لصلاة الصبح ، وهي ترفع أكفها تدعو لنا ولها ولوالدنا ، وفي نفس الوقت بالها على الشاي ، ويا ربي البنية لبنها فار واتدفق وللا لا ، ويا ربي الوليدات ديل البارح كلهم خلصوا قرايتهم وللا لا ،، وأنا أبعد عنها آلاف الأميال ، أستشعر تلك الصورة وأعيش معها الحياة بتفاصيلها ،،
لكن أن أقرأ كلاما جميلا ، شعرا أو نثرا لشخص مجهول ، وأتخيه أن يكون حلوا مثل كلامه ، وبعدين يطلع كالحطئية أو تأبط شرا ، أو تطلع عيونه كالفرزدق ، أو يطلع صاحب بالين ، فهذه كلها أمور قد تبدو لكثير من الناس غير مقنعة ، صحيح أننا نفضل التعامل مع العقل والفكر والعلم ، لكن الصورة اللي بتشرح القلب مهمة مع أنها ليست رئيسية ، وهناك مبدعين كثر لم تكن ابدا صورهم جميلة إلا أنهم سلبوا ألباب الكثير من المعجبين ..
لك التحية

Post: #9
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-24-2004, 11:09 PM
Parent: #1

YOU ARE RIGHT OUTCAST IT'S Martin Luther King 'S

Post: #10
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: سجيمان
Date: 03-24-2004, 11:17 PM
Parent: #9

اها........ يا خشم فيك عضم

والله يا سجيمان ماك الحالق لها

الايام دي بكري شناكلو في خشم باب البورد

Post: #15
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Shinteer
Date: 03-25-2004, 00:50 AM
Parent: #10

Martin Luther Jin

how about my pict, comrade Wad gasim?o

Post: #37
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 10:11 AM
Parent: #15

الزميل شنتير
هذه شجرة لعوت ، تذكرني بالبتّق ( باء وتاء مضمومتين ) الورا حلتنا ،، يبقى أخضر وينور كلما انكسرت الترعة ..

Post: #30
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 09:00 AM
Parent: #9

Outcast & Rawia
Thanks for your information on King , I was about to say that Deng is smart guy ,, now I consider him a member of Sijaiman list , & he is going to stay there as long as he gives me no evidence

Post: #11
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Munir
Date: 03-24-2004, 11:42 PM
Parent: #1

بس يا ودقاسم المشكلة أن الصورة تبدي عن الشخصية انطباع واحد ـ يعني استاذنا الموصلي بابتسامته المريحة دي مهما اتشاكل مع زول في بوست لايمكن أن تتخيله زعلان ـــ حقو يأخد عليها جائزة نوبل للسلام ـ وهناك صور مهما كانت مشاركة صاحبها طريفة، حتي لو كانت نكتة حلوة برضو ما حتضحكك لأن صاحبها بيكون واضع صورة جادة جدآ ـ
ربما من الافضل ترك الشخصية بدون صورة لتظل عائمة تتشكل في مخيلة القارئ حسب ظروف البوست ـ

Post: #16
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: د.كرار التهامي
Date: 03-25-2004, 01:20 AM
Parent: #11

معقول ياودقاسم صورتى دى روضة الفت فيها مسدار كامل وردحت فيها جنس ردحى وانت لاتسمح لها حتى بالجلوس فى الترسو مع من جلسوا من عرب وعجم لغايتو ده يا اهتمام شديد ياعدم اهتمام شديد بى (صاحب الصورة) وفى الحالتين انا الضائع و(صاحب الصورة) ده الاسم الذى كان يستخدمه الرومان حينما يشيرون للرئيس نيكولاى شاوسسكو وذلك خوفا من ان يصل الاسم الى اذن العسس وضباط الدرك...والصورة من ناحية حرفية مرتبط ظهورها فى الصحافة المعاصرة بالشفافية والعلاقة الذهنية بين الكاتب والمتلقى دون الدخول فى تأويلات ورسم صور افتراضية تؤدى لمثل الصدمة التى اصابت راوية تجاه محمد الشيخ اللطيف الحنين _اهو الصورة جابت ليه رزق ومعجبين خمسة نجوم_وزى ما بقولو فى ترهات الخدع البصرية ان الانسان يشبه السيارة التى يقودهاكذلك فى احيان كثيرة تشبه كتابة الكاتب صورته لقد صرت اربط كثيرا بين كتابات توماس فريدمان وشكله حيث تبدو الغتاتة وغلاظة الاحساس رابطبين يجمعان بين كتاباته وشكل صورته....بعدين يا ودقاسم اولى القربى اولى بالتذكار ولو انت من الجزيرة (حنا) من الجزيرة بل هنالك علاقة اقرب لن افضها الان ولوانت عركى مأصل (حنا) عبدلاب وكلنا سليلين شجرة واحدة وغير عبدلاب بورداب فى دوحة واحدة الفضل شنو تانى وزى مابتقول القصيدة ايام بغداد كانت عروس السياسة التى تتحلق حولها اترابهامن المدن العربية وتطلب القربى
لو فرقتنا حدود تجمعناوحدة دم....
عشان كدة ماتنسى صورتى فى الاصدار التانى طبعا للوقت داك تكون الصورة اختلفت من الحقيقة 100%باعتبار انها تخنلف اليوم 60% ما اصلو ده دور الاعلام ان يجعل نصف الحقيقة يبدو وكأنه حقيقة

وفعلا لوفرقتنا حدود تجمعنا وحدة دم

Post: #33
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 09:37 AM
Parent: #16

د. كرار
ننساك !
إنت ، إنت بتتنسي ؟

أهو ده برضو مسدار ..

Post: #32
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 09:30 AM
Parent: #11

منير
جائزة نوبل للابتسام أحسن ، لأن جائزة نوبل للسلام أخدها بيريز ، وفي ناس رشحت ليها فلان ،،

Post: #12
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: 3mk-Tango
Date: 03-25-2004, 00:28 AM
Parent: #1

تحياتي ود قاسم وبقية العقد الرائع ..

كدي تعالو نسالكم انتو الصور شايفنها كيف ؟؟؟ اسة انا لا شايف صورة ود قاسم ولا صورة تماضر ولا صورة بشري سليمان .. باقي الصور شايفها

مرة اشتكيت وسالت قالو كمبيوتري فيهو رمد طبيعي ولا طشاش حاد ما عارف .. ..
تاني قلت امكن ناس السعودية ديل عاملين لينا فلتر عاوزننا نشوف ناس وما نشوف ناس ...

كدي افتونا وبعد الشوف الكامل نشارك بالرأي .

تنقو

Post: #13
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Outcast
Date: 03-25-2004, 00:31 AM
Parent: #12

Quote: كدي تعالو نسالكم انتو الصور شايفنها كيف ؟؟؟ اسة انا لا شايف صورة ود قاسم ولا صورة تماضر ولا صورة بشري سليمان .. باقي الصور شايفها

عمك تنقو .. الصور بتاعت الاحباب ديل ما موجودة فى هذا البوست .. "أتقشت" زى ما قالت راوية بفعل اصلاحات بكرى الاخيرة...

Post: #14
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: PLAYER
Date: 03-25-2004, 00:47 AM
Parent: #13

معتز
Quote: ولا يكون خايفين يخوفو الناس بي صورهم

يا راجل ما ت......... الحكايه مسابقه جمال
منير
الله لك...كلامك عدل
عمك تنقو
الصور مستتره تقديرها......ود قاسم
موضوعك دا خبر يستحق تعليق...انشاءالله تجمع معي التعليقات

Post: #17
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Tumadir
Date: 03-25-2004, 01:35 AM
Parent: #14

اها يا ود قاسم .. انا اخترت الصوره دى لبت اسمها جانايويو . عملوا معاها لقاء فى الانترنيت ..وهى سودانيه وضعت فى الطياره افتكر ... واستاذنها فى استخدامها لتمثلنى . لانها بملامح قوية وواضحه وجميلة ..وفى عيونها طيبة طبيعية ....وارجو الا يكون لديها اعتراض.. اذا شىء لها ان ترى الصوره هنا...

Post: #38
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 10:23 AM
Parent: #17

تماضر
إنها كاكاوية ، تراقص نسمة خريفية ..
لها الجمال ، والأصالة ، ولها حبي .

Post: #36
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 10:04 AM
Parent: #14

بلير
صورتك هنا هي صورتك ، حتى تثبت لي العكس ،،
حلوة المستترة دي ، إن شاء الله من المستورات .

Post: #34
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 09:43 AM
Parent: #12

عمك تنقو
عليك الله ما ترسل لينا من فلترك ده شوية عشان نفلتر بيهو بي مزاجنا ،، كان عندي صاحب الله يطراه بالخير لا يحب حفلات الغناء الرسمية ، وحجته أن المغنيين يفرضون عليك أغاني معينة لتسمعها ، لماذا لا أجلس في بيتي وأختار الأغاني التي أرغب أنا في سماعها ؟
عشان زمان قالوا :
تسمع بالمعيدي خير من أن تراه ،،
طبعا المعيدي ده ما ممكن يكون تماضر ، وأنا متأكد أنه ليس أنا وبشرى سليمان أثبت أنه ليس معيديا..

Post: #18
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Osman Hamad
Date: 03-25-2004, 01:38 AM
Parent: #1

ياكافى البلاء حتى فى الصور دى مافى زول داير يذكرنا...انا يتخيل لى نوعى دا تامين بيهو العدد ساى...

Post: #35
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 09:54 AM
Parent: #18

عثمان حمد
أنا مكتول في الحصاحيصا ، وأكثر من مرة ،،
بس خليها في سرك عشان أم قاسم ما تسمع .

Post: #19
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: عبدالسلام الخبير
Date: 03-25-2004, 05:08 AM
Parent: #1

الأستاذ/ودقاسم
شكرا لهذا الوصف والأسترسال الذي أتاح لي المشاركة في هذا البوست..وكالعادة فأن موضوعاتك تأتي طازجة ولها القدرة علي أثارة الجدل..وكعضو جديد في هذا البورد أشعر بأن البوست قد شملني بالوصف لأنني من مدرسة لم ينجح أحد (صورتك في المنبر لا توجد) ..ولعل الجملة الأولي قد لخصت كل فكرة المقال لأنها جملة حكمية JUDGEMENTAL فقد قررت بأن (الصور بالمنبر ،مهما كانت ، تدل على شجاعة نادرة يتمتع بها أصحابها) ووفقا لهذا الوصف فأنني لا أتحلي بالشجاعة النادرة لأن صورتي ليست في البورد..وحتي لا أقول لك الرجالة طايرة دعني أروي لك أحساسي كعضو جديد يحاول أن يشارك في البورد بأسلوبه الخاص وحسب قدرته النسبية..أولا هناك حالة من التوجس والحذر تجاه أي عضو جديد لا يقدمه أحد من الناس المعروفين..وتزداد حالة التوجس عندما لا تكون للعضو الجديد صورة يعرفه بها الناس ويستطيبون بها ملامحه..خاصة عندما لا يكون للعضو سجل معروف من الأفكار والمواقف تساعد المراقبين علي تشكيل التحالفات..وبصراحة لدي عقدة من حكاية الصور دي منذ أن قرأت قصة المرأة التي مرت علي السوق فسألت الصايغ بأن يضرب لها صورة الشيطان علي حلية ذهبية فقال لها الصائغ ولكنني لم أر الشيطان من قبل..فقالت له أنتظر حتي أجيئك به..فغابت فترة ثم عادت وهي تصحب الجاحظ وقالت له مثل هذا..ولا أريد التبكيت علي شخصي ..العرف الدارج في منابر الحوار العامة مثل منبرنا العامر هذا هي أنها ليست للتعارف الأجتماعي فحسب وإن حققت ذلك ولكنها للحوار والجدل وتبادل الآراء والأفكار وهذه الغاية لا تتطلب ألفة شخصية بين المتحاورين بل تحتاج الي أشخاص لهم القدرة علي الحوار وأستنباط الجدل وأستنبات الأسئلة..من أعضاء المنبر من هم نجوم وشخصيات عامة في المجتمع وعليه فأنه مصلحة الجميع أن يشهر هؤلاء لأنهم يعطون المنبر ثقله وجاذبيته وعمقه وقيمته الأدبية.ولا يضر المنبر أن يحجب البعض صورته لأن الأمر هو أختيارات وحريات شخصية طالما أنها ليست من مطلوبات المشاركة..فذات الأختيار والحرية الشخصية التي أعطت ودقاسم حق أبراز صورته في المنبر تعطيني الحق علي حجبها دون أن نصف أي من السلوكين بالشجاعة النادرة أو الجبن الخائر..وإن كانت ثمة تعليق علي الصور فأن صورة الدكتور كرار التهامي التي تخطاها ود قاسم رغم وجاهتهاتعطيني أحساس بالأرستقراطية وعفوا إن لم أستعمل كلمة برجوازية..ولا أدري إن كانت فيها مسحة من النرجسية..وهي لا تتميز بأي ملامح صدامية بل فيها نظرة واثقة ومسحة من التفاؤل و تعطي أحساسا دافئا بالحميمية والألفة الشخصية..وفيها شئ من أستعلاء المثقف..هذه خطرفات أرجو أن يتسع لها صدر الدكتور وهي فقط من ضرورات الحكي والتوصيف..

Post: #21
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 03-25-2004, 07:39 AM
Parent: #19

امس بالليل زي الساعة ثمانية ونص واعتقد اني اول زول قرأ البوست دا كتبت المداخلة دي لكن لسؤ الحظ الاتصال فصل والدوام خلص فحفظتها لليوم والان ارسلها بشكلها بدون تغير

تصحيح
Quote: وقد صمدت أيضا صورة الزميل دينق

الصورة المرفقة مع بروفايل الاخ دينق لمارتن لوثر كنق رجل الحقوق المدنية الامريكية

وهاك دي هدية خاصة ليك انت عشان تنزلها في بروفايلك (صورتك الخايف عليها)

http://www.sudanhosting.com/upload/protected/wdgasem.jpg
اخد الرابط ونزله في ملفك مكان الصورة
بس ما تقول قاعدين نارشف لجهاز الامن
عجبتني صور بورداب الرياض واحتفظت بيها
وفي ذهني ان الظروف غير مضمونة ان تجمعني بهم يوما في هذا البلد
عل وعسي التقي احدهم في عمرة او مطار او خلافه
وما تقول امن.. كويس.. لوووووووول

اساسي الظلامي

Post: #41
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 11:26 AM
Parent: #21

أساسي الظلامي
إنت بتحبني وأنا ما عارف ، أنا قايلك ما بتريد خلقتي ، وكمان عايز تلاقيني صدفة في جدة وتقوم بالواجب ، والله يا اساسي إنت مظلوم في المنبر ده ، لكن هو انتماءك لعناصر الظلام اودت بكل جمائلك ،،
البرق الذي تضعه صورة لك يضئ أحيانا وأحيانا لا يضئ ، فلماذا لا تحتفظ لنفسك بضوء ينير الظلام من حولك وبصورة مستمرة ،،
وهم ناس الأمن لسة راجينك عشان تجيب ليهم صورنا ؟
زمان يا أساسي كان عندي زميلي مطلوب من الأمن ( أيام مايو ) واضطر لإخفاء نفسه ، لكنه لم يحتمل ذلك بمرور الأيام ، فذهب إلى مكاتب الأمن في زي غير زيه المعتاد ، وسال ضباط الأمن إن كانوا عثروا على أخيه المطلوب القبض عليه ( واخوه هذا هو نفسه ) لأن أمه تبكي الليل والنهار وهي تريد أن تطمئن أن ابنها في يد رجال الأمن لتتأكد من أنه حي ،، فقال له الضباط أنهم لم يعثروا على أخيه ، فودعهم وقال لهم ( بالله لو لقيتوه ده عنوانّا أدونا خبر عشان الوالدة بس ) وشكرهم وخرج ، ومن يومها لم يخفي نفسه ،، وبرضو يا اساسي هو عضو في المنبر ، ، يدفع كم عشان أ>يك معلومات عنه ..
لك التحية

Post: #40
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 11:07 AM
Parent: #19

عبد السلام الخبير
مداخلتك تنم عن خبرة ، وكلنا عانينا من موضوع الجدة ( being new member )، وشكونا منها ، وتخطيناها بالصبر ، ويتضح من مداخلتك أن شجاعتك تفوق الندرة ، وليت الشيطان كان كالجاحظ غذن لأخذنا منه خيرا كثيرا ،،
نعم المنبر ليس للتعارف الاجتماعي ، لكن الجامعة أيضا موقع العمل وركوب البص أو القطار ، كلها ليست للتعارف الاجتماعي ، بمعنى أنه ليس غايتها ، لكن هناك التعارف الاجتماعي ينتج عن مثل هذه المواقع وعن المعترك اليومي مهما اختلفت غاياته الأساسية ،، وتعودنا كسودانيين أن نبدأ بالسؤال ( الأخ من وين ؟ ) ( اسم الكريم منو ؟ )
والحقوق ليست مجردة ، بمعنى أن فلانا إذا اختار ان يعيش فإن من حقي أن أموت ، وضد الشجاعة النادرة ليس الجبن الخائر ، إنما هناك عدة مناطق وسطى يمكن أن يقف فيها العديد من الناس ، وأهلنا قالوها ( الكحة ولا صمة الخشم ) .. لكنك وأنت من القلائل الذين أخذوا الوجه الجاد لهذا البوست لم تتحدث عن موضوع الرقابة ، والإحساس بالمطاردة ، وتمترس طرفي المعادلة كل في موقعه ، وتصعيد حالة العداء بهكذا أحاسيس ،، وحقيقة هذا كان المدخل الأساسي للبوست ، وبالنسبة لي كان أهم جوانبه ، لكن غالبية المداخلات أخذت الشكل وهجرت الجوهر ،، وهذه أيضا شكوى مني ضد أهل البورد ، يمارسون معي هذا وأنا قديم بينهم ..
لك الشكر على المداخلة القيمة .

Post: #66
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: د.كرار التهامي
Date: 03-26-2004, 06:57 AM
Parent: #19

يا ود الخبير
انا زاتى وحدانى فى هذا البورد رغم وجود مجوعة كبيرة من الذين اعزهم وافخر بهم وكايس لى صاحب واخيرا فطنت الى حكاية الشلة رغم اننى كنت اكره هذا الامر منذ الطفولة لان الشللية تؤدى الى سلوك قطيعى وترهق كاهلك بالمجاملات وتغطى على نقاط ضعفك اكثر من الازم من كثر الاطراء والتربيت على الكتف عشان كده الناس الذين اكتشفوا هذا العالم كانوا دائما وحدانيين او معتكفين والبورد قرية فيها الاصدقاء وهم ينصرونك ظالمااو مظلوما وفيه ناس انا وابن عمى على الغريب ...
والصورة هى اختصار لمشوار المعرفة مش اقصد عنصر الشكل لكن اقصد الهوية الملامحيةبحيث لاتجعل صديقك المفترض يصنع لك عشرين صورة افتراضية هنالك دائما صورة واحدة المشكلة الكبرى انه الصور خادعة دائما الحقيقة غير الصورة لكن على الاقل ملامح مبدائية....بعدين قراءة الصورة ده علم جديدغير قراءة الكف والفنجان لكن كيف جمعت صورتى بين (الاستعلاء) و(الحميمية)اما النرجسية اتفق معك فى ذلك بالمعنى اللطيف لانو فى لحظة مواجهة الكاميرايتمنى الانسان ان يكون فى ابهى حالاته و هو شعور لايقاوم وهى لحظة نرجسية لاباس بها لكن الكاميرا تجمدها الى الابدارغم ان الانسان العاقل يتجاوزهالانه لايرضى لنفسه ان يغرق فى بحر اماله وهو يجرى وراء صورة وجهه حتى لو كان كوجه القمر،اما( البرجوازية) فخليك على كده قالوا (الصيت ولا الغنى)...انا ذاتى قلت عبد السلام الخبير المليونير لماذا اتى الى حوش بكرى عش الدبابير والفقراء ،فى كل الاحوال خليك على كده اخيرا فيما يتعلق بالصورة ايا كان شكلها باربرا والترز فى كتابها (المشاهير) تقول you must look what you are

Post: #20
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: صديق الموج
Date: 03-25-2004, 07:24 AM
Parent: #1

الاخ العزيز ود قاسم كل تحية دون المقام

يالله بجيك وبتسعلنى ده اول بوست كنت عايز اقشر بيه فى

البورد ده(لكن ختفتوا من بوردى)وانا عارف السبب طالما انت

قريب من قلبى بتكون نشلتوا من هنالك،عموما مافى مشكله،وانا بصراحة

ما كنت حااقدر اعطيه البعد القدرت ان تفعله انت. ليس هذا تواضعا

زائفا ولكن حقيقه.وانا مازلت مشغولا بترحاب الاخوة الذى غمرونى به

حتى احسست بكبر راس ما حصلش ولكنه ذاد من مسئوليتى ووجلى كثيرا

اتمنىان يساعدنى الحظ فى ان اكون عند حسن ظن اخوتى بى.

اولا :انت غير محتاج ان تنزل صورتك ما اصلك بتشبه سعادة السفير

هذه ضعها على الهامش.

ثانيا:الجميلين كبسيبه ورجاء وندى وساره منصور وحيدر وبكرى

عينى بارده عليهم موزعين بسمات فى الصور والله انا حاسدهم عليها

وانا زاتى بريد الزول البصور باسم وجنى جن الزول البتصور بدون بسمه

ولذلك حاولت اكثر من مره ان اتصور(الباسم الفتان) تقوم الصوره

تطلع(الباسم ابوعينان)يعنى نيفة عديل كده،عشان كده ما اظن

اقدر انزل صورتى هنا بى اخوى واخوك.ارجع لبسمات الاخوان ديل

وطبعا الحديث قال وتبسمك فى وجه اخيك صدقة،لكن مرات بكونوا

منزلين ليهم عزاء لواحد من الزملاء فالحكايه بتطلع شترا خلاس

يعنى معقول كبسيبه بى بسمته الفرهه دىيعزى ليه زول لاقدر الله

بالطريقه دى الزول طوالى يتخيلو فرحان ليه فى العزيز لديه ده.

وانا قت فى نفسى الصورة الوحيدة المقنعه انو سيدها جاء لعزاء

صورة العزيز نصار(الغريبه الايام دى نزله وجاب ليه صورة

خنفسانه والا قعويه ماعارفوا وقال لقى مكتوب عليها بسمه)المهم

لما تلقى صورة نصار فى بوست تعزيه تقرب تحلف تنزل الشاى

والمويه البارده للصورة.

لكن انا عندى اقتراحين حقوا بكرى يشيل الصور دى كلها وكل زول

يخت صورتوالفى الجواز الطلع بيه اول مره.انا عارف ناس كتار

ما برضو.والله كان تشوف ليك صور تحلف تقول دى صور اشعه،والحمد

لله الصور بورتريه يعنى ما بتصل القمصان البى بره والسفنجات.

حريم ورجال،لانو فى ناس كتار استفادوا من كبرهم والله ديل وليلى

طاهر حيرونا فى راسنا ماشين كبار وماشين سمحين.

اها يا بكرى لو عملت كده تكون دى الصور العليها الرك.وبعدين

هسع العلم اتطور يعنى الكمبيوتر ممكن يعمل من كبسيبه هانى شاكر

(ياربى بقدر) وهى زاتا( الصور ما هميه كفايه اخلاقك ليا) طبعا

ده كلام ناس شينين ساكت.ودى زى الواحد لما يجى يخطب يقوم يسأل من

البت يقومو اخواته وامه فى البيت يقعدوا يقولو ليه والله طيبه وبت

ناس وخدامه وايدا طاعمه ونضيفه ومستوره وعديله،دى معناها لاتسال

عن اشياء ان تبدو لكم تسؤكم ومعناها على السماحه السلام.

الاقتراح التانى يقوم ود قاسم بعد البوست ده يفتح لينا بوست للناس

وكل زول يتخيل الناس الما نازله ليهم صور فى البورد اشكالهم

واعمارهم وبدون زعل طبعا وبعد داك نقوم نجبر الناس تنزل صورها.

طبعا انا معفى من الصوره نسأل الله ان يعفينا من الضرائب ويعفينا

من الغربه دى ونتلاقى عيان بيان تماضر فى السودان والى ذلك العشق

ودعتكم الله والرسول.

اها قتـــــــــــــو شنــــــــــو،،،،،،،

Post: #27
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: نزار محمد عثمان
Date: 03-25-2004, 08:34 AM
Parent: #20

الأخ ودقاسم
يبدو أن الصورة التي وضعها لي الأخ بكري في البروفايل لم تسترع انتباهك
لذلك سأحاول أن أضع هنا صورة عمرها 11سنة. أرجو أن أنجح في المحالة لأنها أول مرة أجرب فيها موضوع الصور هذه:
http://www.sudanhosting.com/upload/protected/Nizarnbg.jpg

Post: #43
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 11:43 AM
Parent: #27

مولانا نزار
صورتك حلوة ، بس سمعت أن التصوير حرام ، يا ربي صاح ولا غلط ؟

Post: #49
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: نزار محمد عثمان
Date: 03-25-2004, 02:19 PM
Parent: #43

تشكر يا ود قاسم
رغم صيغة التهكم في سؤالك سأجيب
أولاً: أعجبني اختيار المسلمين في الباكستان والهند (الناطقين باللغة الأردية) لكلمة "عكس" ـ والتي هي عربيةـ لتصف التصوير الفوتوغرافي، دون كلمة تصوير التي قد توهم، وتؤدي إلى أن يحتار البعض حقيقة لا كحيرتك الآن.
ثانياً: الحكم العام في التصوير الفوتوغرافي كما يرى عدد كبير من الفقهاء أنه لا حرمة فيه.
ثالثاً: الفتوى في الأسلام دقيقة جداً وخاصة جداً بمعنى أنها لا تُطلق إلا بعد تحقيق المناط، ومراعاة المتغيرات، واعتبار المآلات، الأمر الذي يجعل كل حالة لها وضعها الفقهي الخاص وفق المعطيات السابقة، فقد يكون التصوير أو (أي أمر أخر) حراماًأو مباحاً او مندوباًوفق الظروف التي صاحبت حدوثه.
أظن انني تجاوزت التهكم إلى القائدة التي يمكن أن يحصلها من يتابع، اظن لا أكثر.

Post: #50
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: نزار محمد عثمان
Date: 03-25-2004, 02:35 PM
Parent: #43

مكرر

Post: #42
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 11:38 AM
Parent: #20

صديق الموج
إنت بس بتكون الحكومة مخوفاك وعشان كده ما قادر تورينا صورتك في البورد ، وأنا متصورك شباب كده في بداية الثلاثين ، وشعرك ما فيهو ولا شيبة ، وبعدين بتكون رياضي كده ، وتميل إلى النحافة ، والنكتة ، ويظهر عليك كثير التلفت ، يعني لا تفوتك فائتة ، وما عارف اسم فائتة ده ليه الناس ما اتسموا بيهو ،،
اقتراحاتك مقبولة ، لكن بوست التصور والتخيل يجي منك ، وأنا ممكن أساعدك في رسم صورتي الخيالية والتي أحلم بها ، ،
بس يا صديق تخيل واحد زيي كده خمسيني ، كل يوم ومنذ خمسين سنة يعاين لنفس الصورة ، بالله مش مشكلة ؟ ألا تتفق معي أن الخيال هو الحل ؟
لك التحية ، والشكر على المداخلة اللطيفة ، وامبارح ما جيت مالك ؟

Post: #31
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: أبو ساندرا
Date: 03-25-2004, 09:10 AM
Parent: #1

تعليقات سريعة باقي الليلة الخميس ، صفقة ورقيص ، بالقرمصيص ، للمطاميس.
1- ود قاسم
يا زول انا أرجل مني مافي ، أول حاجة وضعت مكان الصورة علم ، راية حمراء خفاقة ، أعلنت بها عن موقفي ، ثم سحبت العلم ووضعت صورتي الواثق منها ، وكتبت دون خوف او وجل او تخفي ، علمآ أنا بمشي السودان في السنة مرتين ، أها في أرجل وأوضح من كده.
يا زول و بالنضارة في ناس في الماسينجرات كتبوا في عيوني شعر الغزل ، أها لمن أطلع النضارة بيبقى كيف؟؟ ولو مصر بطلعها وتحمل المسئولية.
2- رجاء وراوية ورقية وراق و يوسف الموصلي
في أقصى حالات الدبرسة أعاين الأبتسامات الوضيئة مزاجي ينعدل
3- تماضر
هذه من أجمل الوجوه التي رأيتها ، جمال سوداني طبيعي
4- الجندرية
الشلوخ وحدت بين الأمهات
5- ما أجمل صورة ملكة سبأ ، دريمز ، طالعوا صورهن المعلقة في قلبي
6- فلان
يا للجرأة ، بحق أحيي جرأتك

Post: #39
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nazar hussien
Date: 03-25-2004, 10:42 AM
Parent: #31

Quote: صورة الزميل دينق

دينق : قال دي صورة مارتن لوثر كنق....مرات القاها كنج...ياتا الصاح يا ودقاسم...

Post: #67
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 08:50 AM
Parent: #39

نزار
خليهو كنق ، إنت صورتك وين ؟

Post: #44
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 12:15 PM
Parent: #31

أبوساندرا صديقي
Quote: تعليقات سريعة باقي الليلة الخميس ، صفقة ورقيص ، بالقرمصيص ، للمطاميس.

والله ما في أرجل من كده ،،
الحكومة مش مشكلة ، موضوعها بسيط جدا ، بس أم ساندرا عندما تدخل المنبر وتقرأ هذا ، ماذا يكون رأيها ؟
غايتو أنا بخاااااااف .

Post: #45
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: أبو ساندرا
Date: 03-25-2004, 12:27 PM
Parent: #1

الخميس بالتلفون ياحدق ، والفتنة نايمه يا شريك ، أها أحبطت ليك تحريضك

Post: #59
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 06:29 PM
Parent: #45

العزيز أبوساندرا
عارفك وعارف شديدة ، وربنا يديم نعمة الحب ،،
ولكن لو عدنا للجانب الجاد من الموضوع ، هل يمكن أن نقول أن حالة الإحساس بالمطاردة من قبل المعارضين ، وحالة الإحساس بخطورة المعارض من قبل الحكومة ، هما مجرد وهم في نفوس البعض ، ، يعني هل سلطات الأمن تترصد فعلا من يكتب في الصحف والمجلات ومنابر الإنترنت ومن يتحدث في الندوات ومن يتحدث في الجلسات الخاصة ، هل هم كلهم مطاردون ، وهل هم كلهم مناضلون ، وهل هم كلهم خطرين على النظام الذي يعارضونه ، أم أن النظام يتعامل مع مستويات مختلفة للخطورة ويعتبر البعض أنه مجرد نقيق ضفادع ؟ أنا لا أشك أن للسلطة رقابة على هذا المنبر ، وقد قرأت مرة خطابا موجها لبكري من مسئول حكومي بتكذيب خبر ما ،، وأعرف أن من بين الزملاء من ينتمي إلى النظام الحاكم ، وأن بعضهم ربما ينتمي إلى أجهزة الأمن ،، لكن السؤال : ما يضير النظام الحاكم أن يكتب شخص ما ضده وهذا الشخص يعيش في كنذا ويتمتع بجنسيتها ؟ اقصد ما مدى خطورة ذلك على النظام ؟

Post: #46
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 03-25-2004, 01:50 PM
Parent: #1

ود قاسم،

شايفة الكوابيس مالية البورد الايام دى و حتى لا تتفاقم المشكلة عفيتكم من الصورة الخاصة بى.

Post: #47
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-25-2004, 02:05 PM
Parent: #46

ندى على حاشاك
انت الرقه والملامح الناعمه كلها

راويه البتحترمك ومعجبه بشخصيتك جدا

Post: #61
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 07:48 PM
Parent: #47

راوية
شكرا لاهتمامك بضيوف البوست ، والبيت واحد ، والجيب واحد ،، مش بيتكم في حنتوب كان قدّام داخلية الزبير ، وأنا كنت هناك ،،،

Post: #60
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 07:45 PM
Parent: #46

ندى علي
لا يهزم ( الصور ) الكوابيس إلا ( الصور ) الحلوة ،،
العندو صورة حلوة ينزلها ،، أنا غايتو ما نزلت صورتي ، أساسي وحده يتحمل النتيجة ..
شكرا لمرورك .

Post: #48
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 03-25-2004, 02:11 PM
Parent: #1

يا سلام عليكى شكراً ياراوية

وزى ما قلتى

المهم الشخصية

و المشكلة الاثنين يكونوا مافى

Post: #51
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 03-25-2004, 02:43 PM
Parent: #48

ود قاسم
قلت لي صور؟؟

هسع لو ختيت صورتي
يقولوا لي انت يا الخواجية الجابك هنا شنو

ما شفت دانا جلال البقت عليه؟؟
الجابك شنو..أمشي أهلكم
وهلم جرآ

با زوووووول

اما ندي علي
فلا تعليق

Post: #52
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: عشة بت فاطنة
Date: 03-25-2004, 03:13 PM
Parent: #51

ودقاسم سلام البوست ابداع
وسؤال بريئ انت قاصد اي صور من ناحية عامة ولا من حيث الهوية ، غايتو انت كان نزلت صورتك انا بنزل صورتي ومن الليلة امشي الاستوديو ومع اني مصوراتية الابكره الدكتور والمصوراتي وما بوديني ليهم الا الشديد القوي وما في مشكلة لو ما لصقنا صورة نلصق ليك روحنا على قو ل صديقتي سوزوكي عندما زنقنا سكرتير معهد الدراما بان نحضر صور البطاقة فردت عليه : لصقني انا ما عندي صورة وليوم الليلة نلحنها ونغنيها /لصقني انا لصقني انا ما عندي صورة ، وبعدين ما علقت على صورة الجندرية واشراقة /تسلم يا بطل ونشوف صورتك ولا حنلصقك عبر الاليكترون

Post: #53
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: doma
Date: 03-25-2004, 03:50 PM
Parent: #52

لوووووووووول يا عشه لصقني انا زاتي . انا مثلك اكره الدكتور والمصوراتي . والصوره السحريه لهذه الجميله الفي بروفايلي دي والله ما حقتي . وصوره هوبفل الفي البروفايل دي صوره ولدي انا

Post: #54
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: عشة بت فاطنة
Date: 03-25-2004, 05:00 PM
Parent: #53

لوووووووول على صوركم الرسول بدخليهن كيفن عادانا علي جنس مخ /عاد بليدبلادة وعاد لميض لماضة/ اها ياودقاسم ما في طريقة لا انا لا دومة الا تلصقنا

Post: #55
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 03-25-2004, 05:30 PM
Parent: #54

Quote: ومع اني مصوراتية الابكره الدكتور والمصوراتي

عشة بت فاطنة

انتي بتقري الافكار ولا شنو؟؟

Post: #57
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: omarmahdi
Date: 03-25-2004, 06:16 PM
Parent: #55

الخال ود قاسم

سلام
ربما يكون كتبت هذا البوست اونت في اقصي حد المزاجية الفكرية وحقيقة لاول مرة استمتع ببوست من فتره طويلة جدا

وربما يكون السرد المذهل لهذا البوست والكلمات الواضحة التي اكتست باريحيه فنية قصصية لم تكتب بها من قبل ؟؟؟؟؟؟ ويكاد القاري من اول وهلة يظن من قراة هذا البوست انه امام فنان له ريشة ناعمة يرسم بها لوحة ذات الوان رومانسي في سرد الاحاسيس .... لك شكري اخي ود قاسم فقد استمتعت بهذا الاسلوب ؟

قرات هذا البوست بالصدفة امس عندما طبع هذا البوست الاخ تبلدينا ووجدت هذا البوست في البيت علي طاولة التلفزيون دون عنوان لكاتب ولم أسال تبلدينا من هو صاحب البوست وقراته اعجبني اسلوب الكتابة واسرعت اليوم للدخول لكي اري من هو صاحب هذا البوست الجميل اندهشت حينما عرفت انه هو ود قاسم ..

Post: #70
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 09:17 AM
Parent: #57

عمر مهدي
مش البوست هو الذي أتى بك ، أنا متأكد أن هذا نتج عن ذلك اللقاء في تلك الليلة البوردابية خارج البورد ، وهذه دعوة لك لترجع وتقرأ بالعين الجديدة البوستات السابقة بما فيها بوست ( موناليزا صديقتي ) ،، وتبلدينا برضو محتاج لحاجة زي كدة .
لكما التحية .

Post: #69
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 09:14 AM
Parent: #53

دوما
شنو الحكاية مرة واحدة تطرشقي لينا بالونتين ، أنا متأكد الصورة صورتك ، ولن أقتنع إلا إذا قدمتي لنا الصورة البديلة ،، وكان لزومو شنو تدي صورة ولدك لهوبفل ، وأنا كنت ناوي على هوبفل وصورتو ، أصلو هو عارف إني جني جنو ، ، بس الحمد لله أنا لسة ما اتكلمت في صور الناس الجني جنهم ..

Post: #71
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: doma
Date: 03-26-2004, 09:45 AM
Parent: #69

الاخ ود قاسم لوووووووووووول والله ماكذبت الصوره دي والده دكتوره معانا بالبورد وبركه الوضحت ليك ان الصوره القاشربيها هوبفل صوره ولدي عشان ما تلم فيه شجب مع باقي الجماعه الجنك وجنهم ولدي انسان ليبرل متل امه وزول هادئ مليون مره من امه وانا راضيه عليه عمره ما رفع عينه عاين لي بيها ولا علي صوته علي والله انا عافيه منه ورضيانه عليه

Post: #68
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 09:08 AM
Parent: #52

عشة بت فاطنة
مرحبا السلام
تعرفي لما واحد يلقى صورته في الإنترنت ن أو في جريدة أو مجلة ، بيفرح بيها شديد ، ومديرنا في الشركة يعمل حملة تسويقية تختتم بحفل لتظهر صورته في الصحف ، ، والصورة لا شك نوع من التوثيق ، لما كنا طلبة كنا بنكره المصوراتي والحلاق عشان ما عندنا ريال أو خمستاشر قرش عشان ندفعها في حاجة لا بتقدم ولا بتأخر ( من وجهة نظرنا ) ونفضل أن نصرف هذا المبلغ في دخول السينما ، أو المسرح ، أو في المواصلات التي تأخذنا لأماكن البهجة المختلفة ، وربما نسخى ونصرفه في بوفيه النشاط لزوم الخلطة التي كانت عصية نوعا ما في ذلك الزمان لقلة الجندريات مقارنة بالأولاد ،، لكن بعض الناس يا عشة يا بت فاطنة استمروا في اتباع نفس المنهج ، ومنهم عشة وسجيمان ، وللأسف أجدنفسي واحدا من هؤلاء ، فأترك شعري هيبيا وعندما أزور الحلاق أطلب منه أن يحلقه على الآخر لكي لا أضطر لزيارته في وقت قريب ، وقد كنت فترة أصر على أن أي شخص يمكن أن يكون حلاقا ، فأقنعت بعض زملائي أيام العزوبية وبدأنا نحلق لبعضنا ، وكان لنا أصدقاء أمريكان يشبهوننا في اللون والشعر فأدخلناهم ضمن المجموعة ، ولما تزوجت علمت فوزية كيف تحلق لي ، وكنت أحلق لأولادي وهم صغار ، لكنهم بعد أن كبروا عادوا ليقولوا ( حلاقة بابا شينة ) ، وأصبحوا يزورون الحلاق مرات عديدة قبل أن أزوره أنا مرة واحدة ، والحلاق الهندي دائما يسألهم ( بابا فين روح حلاقة ) فيردون عليه أن بابا لا يحلق إلا عنده ، لكنه لا يقبل على الحلاقة إلا نادرا .
عشة في موضوع الصورة هناك نوعان من الخوف ، الخوف الاجتماعي ، والخوف السياسي ،، وسأفصل فيما يأتي .

Post: #63
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 07:58 PM
Parent: #51

حنينة الحنينة
خواجية ، خواجية ، هم لاقين ؟
دانا جلال يمكنه أن يجد أوطانا كثيرة ، حقيقة أو افتراضية ، لكن وطننا هذا في راي يتسع له ولغيره من الراغبين في التغيير إلى الأفضل ، والطامحين إلى فتح الملفات المسكوت عنها ،،
قلنا أن في تنزيل الصورة تحدي ، جربي هذا التحدي .

Post: #62
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-25-2004, 07:54 PM
Parent: #48

ندى علي
الشخصية مهمة ، وحلاوة الصورة مهمة ،، والشخصية يصنعها الإنسان بنفسه ، ويكتسبها من خلال تطويره لنفسه ، والاستفادة من تجاربه وتجارب الآخرين ، وحلاوة الصورة تأخذ نفسا من حلاوة الروح ويمكن للإنسان أن يصنع جماله الخاص ، وسيتذوقه الآخرون إن كانت الصنعة منطلقة من إنسانية وسماحة نفس ،،
لك التحية .

Post: #56
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Nada Amin
Date: 03-25-2004, 06:11 PM
Parent: #1

ود قاسم

تحية طيبة

أنا حقيقة لدى مشكلة في الأخذ و الرد مع من لا يضعون/ن صورهم/ن و يزداد الحاجز حجما مع من يكتبون/ن بأسماء حركية . و هذا يرتبط عندي بأشياء أؤمن بها أولها أن من "حق أمانة الكلمة علينا" أن نوضح هويتنا للأخرين/ات كواحدة من أبجديات التواصل.

أيضا يرتبط ذلك عندي بضرورة "ازالة الأقنعة" فلسنا في حفل تنكري و لكن في منبر ثقافي عام و اذا ارتضينا لأنفسنا أن نكتب و ننشر على الملأ ما نؤمن به من قناعات فمن باب أولى أن ندعم مسألة ايمانا بقناعاتنا و أفكارنا هذه "بكشف هويتنا" للجميع كجزء أساسي من "مسؤوليتنا" عن ما نكتب.
أما بخصوص تعليقك عن استبدال صورة الجوازات الأولى بصورة أقل رسمية فهو فقط ناتج عن الملل من وضع صورة واحدة لفترة طويلة، أي رغبة في التغيير. و في الحقيقة أنا زولة أحب الصور و التصوير و أفكر في دراسة كورس متخصص في التصوير الفوتوغرافي.

و يا ناس البورد رجال و نساء أتمنى أنكم/ن تضعوا/ن أسماءكم/ن و صوركم/ن الحقيقية و مستعده أقدم ليكم/ن خدمات تصوير مجانية بس خلوني أخد الكورس أول، اتفقنا؟

Post: #73
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 01:52 PM
Parent: #56

ندى أمين
حقيقة أختلف معك ، ندى ، حول مسألة الصورة والاسم الحقيقي ، وكما ذكرت آنفا أن بعضنا لابد أن يتخفى لأنه في خانة مواجهة مع عدو لا يرحم ، لكن أيضا المسألة تعود إلى تقدير كل طرف لمدى خطورة الطرف الآخر ، فإذا آمنا بحقنا في أن نطرح قناعاتنا فإن هناك من يرى أن قناعاتنا تمثل من وجهة نظره خطيئة ، فيجرمنا ويكفّرنا ويخوّننا ، لذا يجد البعض أن التخفي ضرورة . وهناك من لا يهاب المواجهة ولا يهتم بالنتائج ، ، وأنا هنا أدعو الطرفين إلى تفهم أن الكلمة لابد أن يرد عليها بالكلمة وأن عقاب الكلمة لا يمكن أن يكون السجن والتعذيب ،، وأن الإقصاء والإسكات لم يعد أمرا مقبولا ،، ولكن إلى أن يفهم الطرف الماسك بالسلطة هذا الكلام فإن الطرف المعارض سيظل متخفيا ولو جزئيا ،،
بعد انتهائك من الكورس سيكون لنا معك صولات جديدة في موضوع الصور والتصوير ، ولكن مبدئيا هل يمكن أن يتم تحويل صورتي الخاصة بالجواز إلى صورة مختلفة ومتطورة ؟
شكرا على المداخلة القيمة .

Post: #58
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 03-25-2004, 06:20 PM
Parent: #1

ياسلام على قلبك الكبير يا ابو السمحات
تسلم وكله من ذوقك يا ابو ساندرا ياراقي

Post: #74
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 02:03 PM
Parent: #58

الملكة
لك التحية
أوافقك ، أبوساندرا فعلا راقي ، وفعلا هو أبو السمحات ،
بس على الأقل سلمي على صاحب البوست ، مش برضو اصول ؟
لك احترامي وتقديري .

Post: #78
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Shinteer
Date: 03-26-2004, 06:00 PM
Parent: #58

يا زميل .. أنا قايل صورتي شِقْلَة .. تقوم تمرقها لي بُتُّق؟. إنت يا زميل مثقف من الطراز الأول. قلت بتق؟ يا لك من بدوي متثدر بثوب برجوازي صغير .. ضيق عليك آخوي. الشِقِل والبُتُّق ديل خابر أنا عندي معاهن حديس. والله كلامك سمح وكتين بتعرف البتق. اريتك طيب وسالم آ عيسي (دي آخرها ياء مش ألف مقصورة).
إن شاء الله ألم فيك يوم عشان نقلب الجِرّة سوا. أظنك كاضم الجرة ليك سنين .. زي زميلك.

Post: #83
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 07:50 AM
Parent: #78

شنتير أبو الزمل
البتّق ، والشقل ، والدهاسير ، والمندراب ، والتبر ، والدفرة ، والجبّين ، والطلح ، والكليت ، والجداو ، والحمّيض ، واللمتي ، والغباش ، والترس ، والبور ، وضهر البلاد ، والميتات ، والتقا ، الكديب ، وصقع الجرة ، وحبل الماشرو ، وود أب رخيصة ، والكاجة ، والرف ، والدارة ، والقنبور ، والكسيدة ، والصريف ، والسعن ، والبخسة ، والمشلعيب ، والبلنجة ، والقلّاي ، وحاجات كتيرة ، بس خايف الجماعة يقولوا ودقاسم بيعرف يرطن ..

Post: #87
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ابو جهينة
Date: 03-27-2004, 09:34 AM
Parent: #58

ود قاسم
ً
تحية بحجم أكبر مقاس ( بورتريه ) و مبروزة كمان

إذا قلت ليك حاجة ما حتصدق. أنا ما عندي صورة لشخصي الضعيف ،، عشان كدة بنزل صور الفراشات الصغيرة التي أهوى تصويرهن من فترة لأخرى ،، و بالتالي مافي زول يقول لى هات الكاميرا و أصورك. غايتو البركة في ناس تمبس و أحمد سعيد لما صورونا في لقاءاتنا السابقة ،،
تسلم

Post: #95
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 11:55 AM
Parent: #87

أبوجهينة
إنت صورتك في قلوب محبيك ومعجبيك ، لكن السؤال القائم هو :
البنية الحلوة اللي كانت هناك ، هي ابنتك ؟ وهل ما يزال محمد سبيل متمسكا بها ..

Post: #96
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ابو جهينة
Date: 03-27-2004, 12:02 PM
Parent: #95

نعم.
و محمد عبدالقادر شاف الخُطَاب كثيرين ،، فآثر الإنسحاب.
تسلم أبو طلال

Post: #90
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nadus2000
Date: 03-27-2004, 09:58 AM
Parent: #58

Quote: يا زول انا أرجل مني مافي ، أول حاجة وضعت مكان الصورة علم ، راية حمراء خفاقة ، أعلنت بها عن موقفي ، ثم سحبت العلم ووضعت صورتي الواثق منها ، وكتبت دون خوف او وجل او تخفي ، علمآ أنا بمشي السودان في السنة مرتين ، أها في أرجل وأوضح من كده.
يا زول و بالنضارة في ناس في الماسينجرات كتبوا في عيوني شعر الغزل ، أها لمن أطلع النضارة بيبقى كيف؟؟ ولو مصر بطلعها وتحمل المسئولية
]

أبو ساندرا عرفنا رفع الراية الحمرا إعلان عن موقف، بس هل إنزالها برضوا إعلان عن موقف!!!!!!!!!

وبالمناسبة يا ود قاسم لو تنازلت لي عن الإجابة عن سؤال أبوساندر

Quote: أها لمن أطلع النضارة بيبقى كيف؟؟]

حأجاوب

Post: #98
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 12:57 PM
Parent: #90

نادوس 2000
مالك مع أبوساندرا ؟

Post: #165
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nile1
Date: 03-31-2004, 07:21 AM
Parent: #58

الأخ ود قاسم

لك وللأسرة عاطر التحايا..و..ومشتاقين كتير

فيما يختص بمسألة التخفي فقد جاء مقال الأخت ندى أمين معبرا عن رأي أكثر من عضو تناقشت وإياه في هذا الصدد

Quote: أنا حقيقة لدى مشكلة في الأخذ و الرد مع من لا يضعون/ن صورهم/ن و يزداد الحاجز حجما مع من يكتبون/ن بأسماء حركية . و هذا يرتبط عندي بأشياء أؤمن بها أولها أن من "حق أمانة الكلمة علينا" أن نوضح هويتنا للأخرين/ات كواحدة من أبجديات التواصل.

أيضا يرتبط ذلك عندي بضرورة "ازالة الأقنعة" فلسنا في حفل تنكري و لكن في منبر ثقافي عام و اذا ارتضينا لأنفسنا أن نكتب و ننشر على الملأ ما نؤمن به من قناعات فمن باب أولى أن ندعم مسألة ايمانا بقناعاتنا و أفكارنا هذه "بكشف هويتنا" للجميع كجزء أساسي من "مسؤوليتنا" عن ما نكتب.

عموما أنا أقدر جميع أصحاب الرأي إلا أنني أجد نفسي منجذبا أكثر لمن يطرح نفسه بوضوح وثقة ومهما كانت أسبابه فان التخفي يدعوني للتفكير أكثر من مرة قبل الدخول في حوار وأخذ ورد مع ذلك المتخفي..و..مادام فيها رقيص الدقن مغتنها لي شنو؟؟؟؟
لك ولندي وللجميع كل الود

الزاكي

Post: #64
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-25-2004, 08:00 PM
Parent: #1

العزيز ود قاسم..
جيت أسلك الطريق للبوست الجميل ده.. وراجعة ليك تاني بصور كل الحبان..

Post: #75
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 05:46 PM
Parent: #64

رجاء يا كل الرجاء
أنتظرك ،، وتحياتي .

Post: #65
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Hozy
Date: 03-26-2004, 00:22 AM
Parent: #1

لوووووووووووووووول @
Quote:
لكن بالطبع هناك من حجب عنا صورته رحمة بنا فجزاه الله خيرا.

عشان كده الواحد لما خت ليكم صورته حاول دساها شوية بقدر الامكان

Post: #72
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Hussein Mallasi
Date: 03-26-2004, 11:00 AM
Parent: #65

Quote: بس الحمد لله أنا لسة ما اتكلمت في صور الناس الجني جنهم ..

و الناس الجنك جنهم منتظرنك تبدأ ياخال عشان هم كمان عندهم كلام كتييير بس منتظرين البداية

Post: #77
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 05:52 PM
Parent: #72

Quote: منتظرنك تبدأ ياخال عشان هم كمان عندهم

حسين
كلمة يا خال تهزمني أحيانا .
وفي البوست الأساسي - بعض الصور تضرسني .

Post: #122
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: walid taha
Date: 03-29-2004, 12:25 PM
Parent: #77

ود قاسم ازيك

استنفار لتنزيل الصور تحت شعار:

كل طلةعمقت فى بوردي صورتك..واحترامك يا اميرة(خاصة بالحرائر)

فيها ايه انسان بعزك لما يحفظ ليك صورة؟!! (للخشنين بعض الشئ)

ماتخجلو يا جماعة قومو استعجلو

فتكم بعافية

Post: #76
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-26-2004, 05:48 PM
Parent: #65

هوزي البكاية
أنا معقول أكون نسيت دموعك الغزيرة دي ؟ والله اتلومت ،،
خلاص ما تبكي ، أبشري بالخير الجايات أكثر من الرايحات ..
لك التحية .

Post: #79
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-26-2004, 08:54 PM
Parent: #1

ود قاسم العزيز..
جيت راجعة تاني.. ومعاي صور: متولي الشريف، المسافر، مبيوع، لؤي، مشتاق، مانديلا، علاء سنهوري..
وصورة حمودي وهند اولاد علي عثمان، وصورة بنوتة بيان الغيرتا بصورة العم محمود، وصورة واصل - ابن الزميلين اشراقة وأيوب - في يمين هدهد..
وصورة خالتي أم الجندرية، والعم أبوهم عند أبو مهيار..
وطبعا في الخباثة صورة أساسي، الختاها يوم بالصباح وشالها بنفسه بـ "ليل"..
...
وصورة.. وصورة...

تعرفنا على الزملاء في الرياض، وزادت المعرفة بتعريفهم لشخصياتهم صورا..
ولا أنسى حينما لبى العزيز غريبة طلبي برؤية بن بن..

كذلك تعرفنا على زملاء الأمارات.. فرأينا الحبيبات آمال أم وضاح، ويا بت يا نيل وبت الأحفاد 2 والزملاء شلبي وسوركتي ومحمد سيد أحمد والزنجي وأبي وأبو القنفد.. وكانت معرفة عمقت العلاقات اكتر واكتر..

كما رأينا زملاء الخرطوم.. ولندن وهولندا..

أرتاح للغاية وأنا اتحدث مع شخص أعرف أسمه، وأرى وجهه وعينيه..
لأني أؤمن بأن العين هي نافذة الروح.. وحينما تخاطب روح الانسان فانك تكون قد اختصرت الكثير..
وعليه تجدني اتعامل بعدم راحة مع من يخفون اسمائهم أو هيئاتهم.. فلا أجيد التعامل بحذر مع اناس يفترض اجتماعهم لصحبة وونس وافادة عقلية..

واتعشم انه وقبل المهرجان نكون قد رأينا معظمنا أو كلنا.. حتى لا نتوه من بعضنا..

Post: #80
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Outcast
Date: 03-26-2004, 10:29 PM
Parent: #79

رجاء الحبيبة ...

أنا راجيه المهرجان

Post: #89
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 09:52 AM
Parent: #80

Outcast
لماذا لا نحيل العمر مهرجانا ؟

Post: #84
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 08:46 AM
Parent: #79

رجاء العزيزة
ما شاء الله عليك ، مفتحة عينك ع الآخر ، ده شغل الصحافة وللا بلاش ، وحقيقة كل هذه الصور اطلعنا عليها ، لكن النسيان يا رجاء ،، ومن أوسم الصور صورة علاء سنهوري ، ولؤي ، وود شندي ، وطبعا محمد الشيخ ، وتمبس ، وأولاد علي عثمان ، وفي واحد تاني جاب صورة ولدو ، والولد ظريف وصورتو فنانة لكن الأب جني جنو ( لكن لا تذر وازرة وزر أخرى ) ، وفعلا صورة أم الجندرية والله عظمة ،، بس أساسي أظن ما عندو صورة خالص ويبدو لي أنه شخص وهمي ، هذا بالرغم من أني تحدثت معه بالتلفون مرة ،،
شكرا لهذه المعونات الصورفوتوغرافية .

Post: #81
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-26-2004, 10:36 PM
Parent: #1

اوت كاست لو شفتى انا صابره عليك جنس صبر

والعافيه درجات جيتينا بهناك فى القروب يبقى شويه شويه
حنعرف الاسم وبعدين الرسم
انت والغاليه سمارت نفسي كان اتعامل معاكم واعرفكم
ترى سمارت عرفتها وعرفت اسمها (زى اسم واحده من اخواتى)
واتونسنا ونسه جميله......... قسمناالليل
وانا دى فرصه اسال منها ليها مده غايبه لكن الليله حاتصل بيها

فضلتى انت بس

Post: #82
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: معتصم دفع الله
Date: 03-27-2004, 00:42 AM
Parent: #81

الخال العزيز

لك التحية وأنت دائماً تتحفنا بمواضيعك الشيقة والممتعة ..
وحقيقة نحن محتاجين لشفافية أكبر للتعامل مع بعضنا البعض ..
طالما ننتهج إسلوبا راقياُ في الحوار .. بحثاً عن الحقائق الضائعة منا ..
لنصل إلى ما نرمي إليه من فكر وآراء ثاقبة تفيد مجتمعنا ووطننا الحبيب ..

ولك كل الود ..

Post: #85
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: tmbis
Date: 03-27-2004, 08:54 AM
Parent: #82

الحركة دي كويسه ياخال .. والا انا ظلامي ؟؟؟

Post: #92
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: doma
Date: 03-27-2004, 10:50 AM
Parent: #85

لوووووووووووووول تمبس ذا بوقس استيت وف امريكا كدي شوف لي مامتك دومه صوره تكون سمحه انفخ بيها شويه

Post: #97
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 12:08 PM
Parent: #85

تمبس ،
ده شغل نضيف ، فيه شئ من الظلامية ، لكن بما أنه قروش فيمكن أن نتجاوز ظلاميته ،،
شايف خالك انتهازي كيف ؟

Post: #91
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 10:32 AM
Parent: #82

معتصم
كيفك يا غالي
أنتو شباب كده وصوركم وسيمة ، عايزين تجيبونا باسم الشفافية وتشوفوا شيبنا وصلعنا وكرمشة وشوشنا ،،
ما في ليكم يا معتصم ، داريننا كده من وراء حجاب نحن حاضرين ، ما عايزننا برضنا حاضرين ،،
لك التحية

Post: #86
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 09:09 AM
Parent: #81

العزيزة راوية
عارفك بتحبي الناس ، وعارفك وفية ومخلصة لعلاقاتك ،،
بس التوقيع الجديد ما عاجبني ،، اللي قبلو كان حلو جدا ، لأن الريدة بتحل مشاكل بلد بي حالها ..

Post: #88
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Habib_bldo
Date: 03-27-2004, 09:41 AM
Parent: #86

يا ود قاسم نحن بي سببنا خايفين الشيب يظهر
بس الشباب الحلوين مالهم
والله بوست رائع وكما قال دكتور كرار مثير للجدل والنقاش وطازظه كمان
وأنا شفت العلم الخفاق علم السودان أجمل من صورتي

Post: #93
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 03-27-2004, 10:57 AM
Parent: #88

ود قاسم
Quote: بس أساسي أظن ما عندو صورة خالص ويبدو لي أنه شخص وهمي ،

لوووووووووول يا دوب عرفت انك بتتعامل معاي علي اساس اني طائر العنقاء الخرافي وانا اقول ود قاسم شايلها معاي ماله؟

Post: #102
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 07:56 PM
Parent: #93

أساسي أنت متهم بالوهمية من جانبي ، ومتهم بالتردد من البعض، ومتهم بالوسامة من البعض الآخر ، فماذا أنت قائل ، ، بعدين ليه مخبي صورتك ؟ الحكومة وإنت من جماعتها ، والمعارضة ما عندها حيلة تعمل ليك حاجة ، ، تعرف السبب شنو ؟
الصورة التي وضعتها ليست صورتك ، تكون وضعت صورة زول تاني مع كلام يودي ف داهية ،، يا أساسي ما في زول في المنبر ده فاهمك زي ما أنا فاهمك ..
اظهر وبان عليك الأمان ..

Post: #100
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-27-2004, 03:25 PM
Parent: #88

حبيب بلدو
وينك حارمنا منك ومن شوفتك ، وكمان مصر تجرمنا من صورتك ،، بسيط موضوع الشيب ما تشيل هم ، هو وقار ، ثم أنه يمكن إزالته بشوية صبغة ..
لك التحية

Post: #99
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-27-2004, 02:29 PM
Parent: #86

ود قاسم ازيك
اها رجعنا التوقيع القديم ... معليش كانت زعله كدا
اما توقيع الريده دا يا ود قاسم عنده قصه
لانى بعتقد ان التوقيع بعبر عن صاحبه اوعن رايه اوحالته المزاجيه...
انا كتبت التوقيع دا عشان حاله مزاجيه
ياود قاسم بالرغم من التفاؤل المصره يكون دينى وديدنى لكن الدنيا ما بتحبنى
ونادر لما تجود على بلحظه حلوة او حاله صفا

لكن مؤخرا حصلت حاجه حلوه وظريفه فرحتنى ...... اى والله فرحت بيها شديد
ونفسي زول يشاركنى فيها قمت اتصلت بى اهلى فى مصر وقلت ليهم وحاولت اتصل بى هاله قوته لما كانت فى لندن وما عرفت قمت دخلت البورد وكتبتها ليها فى بوستيها بتاع لندن وعملت التوقيع دا
وكان نفسي العالم كله يشاركنى........اها حسه افرحوا معاي

اساسى شفته والله يا ود قاسم شخصيه حقيقيه ووسيم
ومن اوسم الناس فى المنبر على الاطلاق لو ما كان اوسمهم سنتمنتال

Post: #104
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 07:59 AM
Parent: #99

العزيزة راوية
سلامي واحترامي
أهلا بالتوقيع الذي رجع سالما ، وما أراه دائما أن الريدة كلمة شاملة ، تحمل في داخلها العديد من معاني الحب والوداد والوئام ، وتعبر عن أشواق مستمرة ، وأن من يحمل الريدة فهو يحمل قلبا كبيرا ،، لذا كنا نسمع أمهاتنا وحبوباتنا وأجدادنا وآباءنا يستخدمون هذه الكلمة ويعبرون بها عن حميميتهم ، وهي كلمة ليست خجولة ككلمة الحب ، لأنها كما قلت أشمل من ذلك ،،
أنا حاولت ألقى البوست اللي كتبتي فيهو الكلام اللي فرّحك لكن ما قدرت ، ، إما أكتبي مرة تانية أو أرفعي البوست ، وأشاركك الفرحة ، وأتمنى لك دهرا من الأفراح ..
لن اقبل شفاعتك في أساسي ، فهو شخص وهمي يحترف المشاكسة ،، ولا يمكن أن يكون اسمه السماني ، فاسم السماني ينتمي لمجموعة نعرفها وتعرفنا ونعرف قدرها وتعرف قدرنا ، وهو لا يمت لتلك المجموعة بصلة ، لسبب بسيط هو أن مجموعة السمانية مجموعة مستنيرة ..

Post: #140
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Outcast
Date: 03-30-2004, 03:22 AM
Parent: #81

لوووول يا راويه ,, صابره على صبر ,, و الله لو تعرفى الحقيقه ,, ما بتستاهل القصة دى ,, انا زولة "ربة منزل" بسيطة جدا (و طالبه على جنب كده) ,, حياتى ما فيها اى حكايات و لا روايات .....ما عايزه اخرب الصوره (الاكيد اكتر اثارة من الحقيقه) ,, انت عارفه ,, زى ما قالت لى واحده سودانيه اول ما جيت البلد دى و انا مازلت (عروس) ,, "العرس مسييييخ ,, مش كده؟؟" يادوب فهمت كلامها ,,,,

غايتو الكلام الدقاقه (بضم الدال) _ على قول عماتى_ نسيناهو زمااان

لكن ما تفهمى من الكلام ده انه روحى ماشابه (ها ها ها)

Post: #94
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Hozy
Date: 03-27-2004, 11:04 AM
Parent: #1

الاخ العزيز ودقاسم

صورتي الاصلية ضاعت مني
اثناء اعمال الصيانة
ولحدي ما القاها بشيل ليكم الدموع

لكن هسه قلت ارجع ليكم الدموع دي شوية
الواحد طول من البكا
مع الاحوال الصعبة دي
وحالة المنبر البقت اصعب
ذكرتنا تاني ايام البكا

والله يسهل
تمنياتي

Post: #105
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 08:22 AM
Parent: #94

هوزي بنت أخي
لك التحية
حد يضيع صورتو ؟ ولا وشنو ، يقعد يبكي عليها ،
والله فعلا الأحوال صعبة ، وتدفعنا للبكاء ، ويا بختكم لو بكيتوا الناس بيقولوا عليكم يا حليلهم لسة صغار ، بس بكانا نحن يقولوا عليهو شنو ؟
الله يعدل الحال ويهون القواسي ..

Post: #101
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-27-2004, 04:52 PM
Parent: #1

العزيز ود قاسم..
سلااام وجيتك راجعة تالت..

اولا أساسي زول عديل زيي وزيك واسمو "السماني" وصورتو زي ما قالت راوية "وسيمة" .. لكن لما سحبها اداني احساس انو "متردد".. لأنو ختاها وسحبها، وختاها تاني وسحبها.. وختاها تالت وسحبها سحبة نهائية "بليل"..
وده عكس البعرفو عن كتاباتو المشاكسة البتقول انو زول ما بتردد ..

الصورة بتاعت الولد الحليوني القلتها.. انا زاتا عاجباني.. لكن ما متذكرة وين.. بس متذكرة انو ابوه كلامو ما بيشبه صورة ولدو ..

الحبيبة أوت كوست..
تصدقي قبل المهرجان حنعرف ونشوف بعض ..

Post: #103
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: PLAYER
Date: 03-27-2004, 08:28 PM
Parent: #101

ودقاسم
دا كلامك
Quote: بلير
صورتك هنا هي صورتك ، حتى تثبت لي العكس ،،

اتارييك شامني للطيش وانا ما عارف...كويس ذدت العدد.. بقي 91 ...60 لطيف 31 خشن....الله يديك مرادك
اساسي الفرده
طبعآ انت عارف انو انا وانت اكثر اثنين مكروهين في البورد... وا ربي منو فينا الاول

Post: #107
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 03-28-2004, 08:46 AM
Parent: #103

سلامك على العين والراس ياود الإصول صاحب البوست
تعرف انا جيت مارة بجاي وكنت مستجلة لكن كلام ابوساندرا غلبنى اتجاوزه ...
عموما البوست جميل عايز وقفة ورد ... التحايا ليك ولكل آل ود قاسم
والتأسفات لعدم الذوق المامقصود ...
وكترضية بسيطة كدا نحاول ننزل جزء من صورتنا في مقبل الايام القليلات القادمات
واثني على وسامة اساسي شوف عين
واحتراماتي برضو ...

Post: #112
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 10:32 AM
Parent: #107

الملكة
لك التحية والود
أخدتيها جد وللا شنو ؟، أنا جاي أعرفك الليلة يا ملكة ؟ بس حقيقة أنا حاسس كده كأن الموضوع الأخير بتاع الأخت ( صديقتي ) خلاك تحاول يتبعدي شوية ،، لكن أفهم أن ذلك أمر طارئ ،،
وننتظر حتة من صورتك .. إن شاء الله تاج الملكة بس يكفينا ،،

Post: #109
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 09:18 AM
Parent: #103

بلير
الأنف يشم رائحتين ، طيبة ومهضومة وطيبة لكنها تصيب الآخرين بالحساسية ، وأحسن حاجةالواحد يكون بلا رائحة ، يعني سليقة ، عشان ما حد يشمو ..
اساسي ما مكروه ، بس هو بيكرّه الناس ،، ومرات في ناس حاول يكرههم والله حبيتو حب شديد خلاص ،،
إنت يا بلير ما مكروه ، بس زي ما قلت ليك خليك بدون ريحة ،، ما تحاول تتعطر ،،

Post: #108
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 08:48 AM
Parent: #101

رجاء العزيزة
أنتظر مشاركاتك الجاية بشوق أكبر ، ،
اساسي ما بيشبه ناس السماني ، ويكون الصورة اللي نزلها مش صورتو ، وتلاقيه اتردد عشان شكّ إنو في ناس ممكن تتعرف على صاحب الصورة ، هو من هواة جمع الصور ، ماشايفاهو جاب صورتي وختاها ، أنا ما أديتو صورتي ، هو جمعها ضمن مجموعة صور ، ولو مشينا لي بوردات تانيات يمكن تلاقيهو خاتيها على أساس إنها صورتو ، وكمان يمكن الناس هناك بيقولوا ليهو يا خال ،،
الوليد فعلا وسيم وربنا يخليهو لي أمو لكن أبوهو جني جنو ، مش براهو ، هو وأصحابو وصاحباتو ،، والمشى منهم من البورد إن شاء الله ما يجي ، والما قادر يدخل إن شاء الله عنّو ما دخل ، واللابد إن شاء يبقى لابد على طول ،،
ونبقى أنا وأصحابي وصاحباتي ، بس ، ما معانا ولا زول من المقاشرنهم ..

Post: #106
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: صديق الموج
Date: 03-28-2004, 08:35 AM
Parent: #1

ود قاسم اعود

يا اخوى شايفك استقليت البورد ده خالص...وبقيت توزع فى البسمات

شمال يمين...لكن يمين البوست ده يقع عن ناس الا تشوف ليك محل تبيت

فيه...وبعدين انا متخيل انك زول ضعيف وطويل وعندك نوع النضارات

الذى المكبر ديك لكن ما عندنا مانع تخت اى صوره من صورك قبل الشيب

الذى تدعيه.وبعدين بطل تواضع،،،،،

Post: #111
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 09:34 AM
Parent: #106

صديق الموج
إنت لسة جديد ، في حاجات كتيرة ما عرفتها ، لسة إنت ما عرفت إنو في بوستات ممكن تتحجب عن بعض من تتوهم فيهم ترصدك ،، وتخليهم يغنو :
حجبوك من عيني ليه يا ترى ،،
وساعتها يمكنك المبيت بسلام ،،
بعدين يا صديق الشيب ده لأني أنا بصبغ أبيض ،،

Post: #110
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: jini
Date: 03-28-2004, 09:27 AM
Parent: #1

ود قاسم
عملتها فوقي الله يجازيك خليت بدر الدين زعل مني
جني

Post: #114
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 12:16 PM
Parent: #110

جني
تعرف بدر طلع أحلى منك ،، إلى أن يثبت العكس ،،

Post: #113
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: أبو ساندرا
Date: 03-28-2004, 10:34 AM
Parent: #1

1- ودقاسم
النظام ركائزه الأمن والاعلام
ينزعج جدآ ويهاب الاعلام المضاد ، فتراه يضيق على ، ويضيق ب الصحف التي تجابه بنشر الحقائق مثل الايام وكلنا نعرف كيف عطلها وكبدها خسائر مالية كبيرة.
المنبر الحر مقروء في السودان وزي ما قال البعض هنا تجد الشاشة الصفراء في اي مقهى انترنيت ، والمنبر يحوي كتابات معارضة وفاضحة لما يدور في السودان من {عمايل } السلطة ، هذا سلاحها وهي في ذات الوقت تخشاه جدآ{ الاعلام} ولو كان لديها طريقة كانت منعت الانترنت في السودان ، مؤكد انها تراقبه ، وطريقتها الوحيدة هي تخريبه إما بتوجيه أذنابها إغراق المنبر ببوستات فارغة ، او عن طريق الهاكرز ، ويمكن الرجوع للاسابيع القليلة المنصرمة لتعرف .

،،الغيرة كعبه يا صديق ، أها الملكة ردت عليك رد وسيم بيشبها ،مالك تلفعت بالصمت
،،سؤالك لنادوس2000 في محلو ، وننتظر معك الإجابة وحتى ترد سوف إستمتع بغواية البياض

Post: #116
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 01:55 PM
Parent: #113

أبو ساندرا
كيفك
الملكة ، ملكة فعلا ، ربنا يديها العافية ،، بس أنا ما عايز أسيب صحوبيتها ليك ولبناتك وأمهم براكم ، ومال نحن وين نلقى أصحاب ؟
أعرف أن السلطة تستخدم الإعلام والأمن كركائز لأمنها ، وأعرف أن المنبر الحر مقروء ،، لكن أرى أن السلطة تبالغ في استخدام هاتين الركيزتين ، وتضخم حجم المعارضة ، وكأنها تريد أن تقول أنها متربص بها ومغدور بها ومعرقل عليها ،، وأنا لا أرى أن هذا فعلا موجود ، نحن هنا في المنبر لا نعمل بتنسيق ، ولا نعمل تحت تنظيم ، ولا نأتمر بأمر كائن من كان ، نحن فقط أفراد من الشعب - صحيح ربما تكون لبعضنا انتماءات سياسية - ونعمل من منطلق إحساسنا بالظلم ومن منطلق أن بلادنا في حاجة لكلمتنا ، وأن لشعبنا دين علينا ، ، وهناك أيضا تضخيم لما يمكن أن تفعله السلطة بنا ، فهي وإن بقيت كل هذه السنين وبهذا الحجم من تكميم الأفواه ، غلا أن الشعب ظل يناضل ضدها وهي قد سجنت وعذبت وقتلت ، إلا أنها لن تتمكن من سجن أو تعذيب أو قتل كل الشعب ،،
لو أن السلطة تستعيد عقلها وتعرف أنها بهكذا عداوة إنما تعادي شعبها ومن يعادي الشعب فلن يعادي إلا نفسه ، ولو أننا عرفنا كم هي جبانة تلك السلطة التي تحاول قهر شعبها ةتهاب كلمة الحق ، لكنا وصلنا - كلانا - إلى أن خير الوطن يكمن في قبول الآخر ، وفي إطلاق الحريات ومنح كل ذيث حق حقه وفي وحدة أبناء الوطن الواحد ،،

Post: #115
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ali othman
Date: 03-28-2004, 01:13 PM
Parent: #1

ود قاسم العزيز
التحية لك وللأسرة الكريمة

حقيقة موضوع الصور ده جميل جداً فالواحد يسرح بخياله بعيدا ليبني صورة حسب كتابات الفرد منّا وعندما تلتقيه تجد ان الواقع يختلف عن الخيال .
اشكر بت العباسي لتذكرها الشافعين بتاعيني وانا وضعت صورهم لأسباب مختلفة .
منها رحمة بالزملاء والزميلات من صورتي حلبي ونشفان والرأس اصلع واعتلاه الشيب ( والله انا ضغير ) بس نعمل شنو لموية الملح

واسبب الآخر هي للنظر في اوجه هؤلاء الأطفال فهي لا تقل عبرة عن صور ضحايا التعذيب وابناء الجنوب ودارفور فللنظر لصورهم ولنشفق عليهم الا يكفي عبرة بأن نشأتهم بعيدا عن الوطن قمة الحرمان ؟

اما من الشخصيات التي قابلتها من البورد الأخ هشام يازول ومن كتاباته كنت اعتقد انه كبير جدا في العمر وطلع يختلف عن الخيال كلية وكذلك عندما ذهبنا للقاء الأخ اساسي حقيقة لم اصدق ان الذي امامي هو اساسي فالصورة والشخصية تختلف اختلافا تاما من الخيال فكنت اتوقع انسان مشاكس ومتلقي حجج فوجدت انسان هادئ ومتعقل .
وكذلك هو كان يضع صورة مختلفة لي واظنني خيبت ظنه .

Post: #117
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 03-28-2004, 06:44 PM
Parent: #115

Quote: بس حقيقة أنا حاسس كده كأن الموضوع الأخير بتاع الأخت ( صديقتي ) خلاك تحاول يتبعدي شوية

عفوا ود قاسم ... حقيقي ما فاهمة !!؟؟

Post: #120
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-29-2004, 07:52 AM
Parent: #117

الملكة
لك التحية
قصدت موضوع موناليزا صديقتي ،،
وقصدت أنه أثار خلافا بيني وبين كثيرين ، منهم من تحدث ومنهم من صمت ، لكنهم جميعا وموناليزا منهم أهلي وأحبتي ..

Post: #118
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-28-2004, 10:09 PM
Parent: #115

علي عثمان
لك التحية
فعلا يا علي ، جميلين الأطفال ، وأطفال الغربة حرموا من النشأة بالوطن ، وحرموا من اللعب في ميادين مدننا وفي ساحات قرانا ، وبالرغم من أنه توفرت لهم بعض الألعاب الحديثة والعيش النظيف ، لكن نجدهم منكمشين كثيرا من الناحية الاجتماعية ،،
ونحن هنا في الرياض التقينا أكثر من مرة ، وكان الاخوة فعلا سودانيين أولاد بلد ، فيهم الأصالة وحلاوة المعشر ،، وقد تحدثت إلى هشام أكثر من مرة وتحدثت إليك أكثر من مرة ، وتحدثت إلى أساسي مرة واحدة ، وأجد ما يجمعني بأساسي فهو سليل اسرة اتحادية ، وكمان اتحاديين زمان محبوبين لدي أكثر من اتحاديين اليوم ،، لكني ما زلت لا اقبل شفاعة في أساسي ،،
لكم التحية جميعا .

Post: #119
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: معتصم دفع الله
Date: 03-29-2004, 00:31 AM
Parent: #118

زي ما قال ودالأمين يا خال ..
يا واقد في جوفي النار ما ترسل صورتك تذكار ..

وبرضو الشيب وقار ولن نحتار ..
يعني وراك وراك ما سايبنك ..

Post: #141
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 08:13 AM
Parent: #119

معتصم الهمام
والله أنا خايف عليك من صورتك دي ، الناس المنتظرين هناك ديل حقهم يروح ، غايتو أركز ولا تتزحزح ،، وخالك سيقف سندا لك ،، وخالك بي شيبو ده ممنوع من الصرف ،، أها شنو ليك منو الراجل فينا ، أنا وللا مرتي ؟
لك التحية

Post: #121
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 03-29-2004, 09:47 AM
Parent: #1

ودقاسم سلام
يا خلق كدي خمنو وارسموا لي صورة، قريب ناوي انزل صورتي لكن كده خمنو والبخمن صاح ليه جائزة معتبرة. في العادة متعود الناس تشتمي "كفلاتي" في المنبر الاخر، بي سبب كلامي والله اعلم، فاهن، "يلا خمنو كلكم"! ذي ماقال عركي.

Post: #142
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 08:40 AM
Parent: #121

بشاشة
افصح عن الجائزة وستجد تخميناتنا ،، وبالمرة تكون عملت حملة تسويقية للبوست ،،

Post: #123
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-29-2004, 05:14 PM
Parent: #1

ود قاسم العزيز..
جيتكم راجعة رابع..

طبعا لا يمكن نجيب سيرة الصور ولا نتحدث عن صورتين مهمتين ظلتا معنا دوما.. وهما للعزيزين عبدالمنعم سيد أحمد.. منعم 2002 سابقا.. وخضر حسين.. الهندي وليس الخرطومي..

اذكر في بوست ترحيبي بأختي راوية.. ردت عليهما بأن شكلهما هو شكل مألوف تحس انك درست او جاورت او زاملت أحدهما..

وبالمناسبة دي عبدالمنعم غاطس في العسل لغاية هسع.. دي ما حسادة والله ..
وخضر اختفى تماما.. امبارح بالليل.. رأيته ضمن المتواجدون الآن.. ولم أستطع الترحيب به لأنو ما عندي عربي في الجهاز ..

..
وحأرجع ليكم تاني بصور حبيبة تانية..

Post: #124
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Hussein Mallasi
Date: 03-29-2004, 05:39 PM
Parent: #123

تم التغيير خطبا لود الخال الحبيب ....

يا خال بالله ياخي ما بالطريقة دي .... العفو ياخي عند المقدرة ...

الجنك جنهم ما جنهم جنك ....

Post: #144
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 08:49 AM
Parent: #124

حسين
الوليد عسل ،، ربنا يخليهو ،، بس أبوه .... يااااااه .

Post: #125
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 03-29-2004, 05:49 PM
Parent: #123

لا حولة بالله البوست دا انا ما دخلت تاني والشمار دا كله اتقال فيني وانا غايب منه
لكن والله دي معنويات عديل كدا
بالله يا رجا وراوية وملكة سبا وعلي عثمان انا طحنية كدا وما عارف
لووووووووووول الله يخليكم رفعتوا روحي المعنوية لكن والله اشك انكم ما كنتو لابسين نظارات اليوم داك هاهاهاها
من الليلة حاغير اسمي لي اساسي الشايف نفسه ورافع سعر
والله لا وسيم لا الله قال بس انتو العيونكم وسيمة وبتشوف الدنيا حلوة
لكن تاني كدي اسمع واحد يقول لي قوشام طوالي بجي طاير البوست دا

ويا ود قاسم تعال هنا حارق رزك مالك وبعدين شفاعة شنو فيني ليك
يازول ما تفكها كبيرة كدا وخت الكورة واطة
وكان داير تستفذني عشان اكون اساسي الانت عاوزه دي ما بتلقاها عندي
انا اساسي كدا دايرني اقبلني زي ما انا عاوز ما قبلتني عليك يسهل وعلي يمهل
رجا اليوم داك ما كنت متردد وما نزلت الصورة لاني عاوز انزلها نزلتها عشان الاخ يحي ابن عوف قال لي ما بتكلم مع زول مجهول نزلت ليهو صورتي وكتبت ليهو اسمي يعني حماقة(سمانية) ساكت
وحزفتها عشان انزل الشعار الملظلم الغياظ دا ولانه راح مني اضطريت ارجعها تاني وبرضو في زول رسل لي رسالة قال لي قالوا نزلت صورتك وشلتها عليك الله نزلها تاني اشوف اساسي دا عامل كيف
يعني ما ترردد زي ما فهمتي
وخلاص لكن برضو معنويات الليلة في السماء

Post: #145
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 08:57 AM
Parent: #125

أساسي
والله لو ما حسابا لأصولك الاتحادية كان وصلتك في جدة وفشيت غبينتي ،، كل الناس القالوا عنك كلام كويس أنا مصدقهم في كل شئ إلا في كلامهم عنك ،، يا أخي إنت من دخلت البورد عملت كم شكلة ، اتحرشت كم مرة بالناس ، مش إنت قربت تطفش لينا شيري من البورد ؟
في زول في بالي يا أساسي كان قدرت تطفشو والله ليك جائزة ، ويمكن تكون جائزتك إني أخلي ليك البورد طائعا مختارا ،، إنت عارفو مش ؟ يا هو ذاتو ، الزول الزمان إنت بديت حملة تطفيشو وبعدين هوّنت ، أو جعلوك تهوّن ،،

Post: #143
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 08:46 AM
Parent: #123

العزيزة رجاء
والله يبدو إني نسيت العديد من الصور الصامدة ،، عبد المنعم وخضر حسين فعلا من الشباب الذين ركزوا صورهم في البورد فركزت في ذاكرتنا ، ولو لقيتهما لعرفتهما دون تردد ،،
وشنو الحكاية يا منعم اصلو إنت لقيت جرة عسل وللا حقل عسل ؟
وينك يا خضر ، شايف في مواضيع حلوة تناسبك ،،
شكرا لك رجاء .

Post: #126
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-29-2004, 06:18 PM
Parent: #1

ود قاسم وضيوفه..

رجعتا خاااامس ..

وجايبا معاي أجمل صورة لأجمل زولة هنا:
أماني الجندرية
مش امها..

أساسي..
بدل ما تخت صورتك وتشيلا وتختها تاني بناء لرغبة الجمهور وتشيلا تااني.. ياخي ما تختها لينا ..

Post: #127
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 03-29-2004, 06:23 PM
Parent: #126

اكون داقس يا رجا عشان الجماعة يقولوا دا بالله القلتو عليه صورته وسيمة... زي قرد الطلح كدا لوووووووووووووول
احسن كدا

Post: #131
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 03-29-2004, 06:52 PM
Parent: #126

يا الله
يارجوية جبتو كمون اسود معاكم ؟؟؟؟
اماني الجندرية عيني باااااااردة والله
ماشاء الله تبارك الله
والله ولا قمر اربعطاشر
عقدتونا زاتو
وراحت عليكم حكاية جزء من الصورة دي

Post: #148
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 03:55 PM
Parent: #131

الملكة
لن نتنازل عن الجزء من الصورة ، صورة الجندرية محفز لإنزال المزيد من الصور ، بس أنا بفتكر أحسن كلنا نسوي زي الجندرية ، نمهد بصور أمهاتنا ، بعدين نجيب صورنا ،،
وبالمناسبة والله في ناس في المنبر عينهم حارة ،، أنا في بالي الحصل لي راوية .. والكمون الأسود ضروري .
لك التحية

Post: #146
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 09:45 AM
Parent: #126

رجاء ، يكتر خيرك ، ويديك الفي مرادك ، كونك جبتي صورة الجندرية ده إنجاز كبير ، بس برضو أعتقد أن الصورة رسمية ، وبتاعة أيام الدراسة ،، وللا شنو ؟ بعدين قاعد أتخيل لو شلخوها ، أعتقد الحاجة ستتفوق ، ، اتفقنا، اسبوع للحاجة واسبوع للجندرية ..
بس يا رجاء بالله موضوع صورة أساسي ده أنسيهو ،،

Post: #128
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: الجندرية
Date: 03-29-2004, 06:40 PM
Parent: #1

ود قاسم وناس البيت سلام

رجاء لوووووووووووول شكارتها دلاكتها امها وخالتها

تعرفي الصورة ما جديدة نزلها تراث قبل شهر في بوستك بتاع عيد ميلادي

بعدين صورة الحاجة كشحها بكري في موية الغسيل الاخيرة
لكن بمشي افتشها واجي اخد بيها ساتر
ما بقدر على الشكل انا

اساسي
انا غايتو راي من راي ناس رجاء ديل
شفت الصورة

وبضمن ليك ختها وقلبك قوووووووي

Post: #129
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-29-2004, 06:51 PM
Parent: #1

ود قاسم وضيوفو..
دي ما جية سادسة ولا حاجة.. دي تخريمة صغنتووووتة ..

أماني..
صورة خالتي ام الجندرية امشي جيبيها.. وختيها لينا اسبوع ودي اسبوع.. عشان العين وكده ..

أهـا يا أساسي..
عاد تاني نقول شنو.. دي شهادة من أكبر راس في الجندر..
بعد ده ما عندك طريقة..

تنزلها ولا....
ننزلها ..؟

قايل براك العندك ملف ظلامي ..

Post: #134
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 03-29-2004, 07:07 PM
Parent: #129

الجندرية ورجا

رجا طبعا عارف ملفك دا كلموني بيهو ناس الشمار

Post: #236
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: doma
Date: 04-02-2004, 12:50 PM
Parent: #134

دا بوست الصور ولا بوست الكلام؟؟!!! ما تنزلوا الصور خلونا ننور عويناتنا ديل وتبلشوا اللخمه!!
ود قاسم يا اخوي انت كان اتكرفست لحقتني جيب لينا صوره فوزيه بالانابه .

Post: #130
Title: صورتك واسمك المنبري هما صورة وتصوُّر ...
Author: farda
Date: 03-29-2004, 06:51 PM
Parent: #1

*
الأخ أبوقاسم
الأعزاء والعزيزات البرادِبة ( البرادبة هذه ليست دعوة لتقبيل البورد – من قبيلة –ولكنها محاولة للتخلص من التصنيف الجندري الذي توحي به كلمة بورداب! )

لكم جميعاً المحبة...

لا أود أن أضيف قولاً ثقيلاً الى هذه الصفحة التي أجدها مساحة إبداعية خفيفة الظل. غير أني أجدها مساحة تفكـُّرية أيضاً ، في شأن هذا المنبر وفي ما يعنيه لمرتاديه وزواره المختلفين والمتباينين جنساً و نوعاً ، ومن حيث خلفياتهم الثقافية، مواقع إقاماتهم سواءً في الدياسبورا أو في داخل السودان، الخ... ويبدو لي أن هذه التباينات ، بالإضافة طبعاً للمزاج الشخصي ونظرة كل منا الخاصة تجاه العالم والأشياء ، تحدد رؤيتنا لما تعنيه هذه المساحة الإسفيرية لكل منا...

يقول أبوقاسم في افتتاحه لهذه الصفحة
Quote: الصور بالمنبر ،مهما كانت ، تدل على شجاعة نادرة يتمتع بها أصحابها
وقد لاحظت أن الكثير من المعلقات/ـين في هذا البوست يعلنون ضيقهم أو عدم ارتياحهم لإستعمال بعضنا للأسماء الحركية ، أو عدم إنزالهم صورهم الحقيقية...

في إعتقادي أنه ينبغي أن لا ننسى أن هذا الوطن الذي اتفقنا على تسميته بـ "الإفتراضي" ، هو مساحة من نوع خاص ومختلف. إنه فضاء نتشكل فيه بأحلامنا وتصوراتنا ، برؤانا وكتاباتنا ، ونتشكل فيه بشخصياتنا الروائية والإسفيرية والإبداعية ، ويحضرني هنا مثال سجيمان الذي قال أبوقاسم عن صورته أنه متأكد تماماً أنها حقيقية! وقد علقت الزميلة البوردابية راوية على صورتي بسؤال طريف عن "الزعَّلك منو مدينا قفاك؟" قلت لها حينها أن هذه الصورة تعبير عن حالة وجودية ، وكنت أعني ذلك!

ومن البديهي أن بعضنا يشعر أيضاً – كسودانيين وسودانيات يحيا أغلبهم في المهاجر القسرية أو الإختيارية – بالرغبة في إعادة صنع ذلك الوطن الذي نحـِنُّ إليه ونفتقده في هذا الفضاء الإسفيري ، لذا نستصحب اليه كل عاداتنا الثقافية والإجتماعية السودانية... وتلك أيضاً رؤية إبداعية ، إذ أننا ندرك أننا في الواقع ننتج عالماً متخيلاً نستعيد فيه العالم الطبيعي الذي نفتقده. ذلك لا يعني أن العالم المتخيل الذي ننتجه لا معنى له ، وإنما يعني فقط أنه أيضاً عالم من طبيعة أخرى ، إنه "حوش" إلكتروني وإسفيري...

ما أريد أن أقوله أن هنالك خيارات مختلفة لكيفية الحياة في هذا الوطن الإفتراضي ، وكل منا يختار بطريقة أو أخرى الأسلوب الذي يحيا من خلاله في هذا الوطن. وبما أن المنبر ليس متخصصاً في شأن إجتماعي أو ثقافي أو سياسي بعينه ، فسيمشي الناس في زقاقاته الإسفيرية بأزيائهم المختلفة وأسمائهم وألوانهم المتباينة ، وسيحيون فيه بطرقهم التي يفضلون. ولعل أجمل ما في ذلك كله هو قبولنا لخيارات بعضنا البعض.

في صفحة أخرى كتبت هذه الكلمات: نـمـنمة ٌ ذاتـية

Quote: الإسم : الفضاء 2

لقد اخترتُ اسماءَ كثيرة من قبل ، واختارتني أسماء أخرى كثيرة: خذ هذه وتأمَّل ... أسماء أخرى ، لاتحصى ولا تعد.........

هذا عن الأسماء في المكان. أما الإسمُ في فضاء الأسـافير* الجديدة فإنه – مثلما هو في الحياة اليومية – يمثلُ معضلة ً وجودية ً وربما روحية ً أيضاً... ولأنّ الإسم – في معانيه الظاهرة والخفية – هو خيارٌ جمالي ووجوديّ ، فإنه يظلُّ دائماً ، مثله مثل الهوية الشخصية ، موضعَ سؤالٍ وبحث ، لأنه في نهاية الأمر مسألةُ وجودٍ ، وسؤال ٌ عن الذات. سيان إذاً: في العالم أو في فضاء الأسافير: أن تختار اسماً ، أو رسماً، هو أن تختار وجوداً ، أن تبتكر سرداً روائياً لما تريد أن تكونه على صعيد الآن وفي كل فضاءٍ ممكن. إنه الفضاء إذاً... أينما ما مضيت ، أحالك الى السؤال عن الذات ، وأحالك الى أزمته! فلأتفاءل هنا وأتذكر أن الفضاء هو للحرية أيضاً(....)
ولكن الأزمة َ الوجودية َ تتعمق أكثر عندما نحيا أيضاً في فضاءات الشتاتِ الراهنة. لقد اخترتُ اسميَ الإسفيري ، فردة ، وأنا ابحث عن تحققات أخرى في فضاءاتٍ أخرى. وقد حملتـُه معي الى فضاء سودانيز أون لاين بعد أن انغلقت تلك الفضاءات ، آملاً أن تُكتب له حياة ٌ إسفيرية جديدة هنا.
ولكن سودانيز أون لاين فضاءٌ سودانيٌّ منفردٌ في طبيعته: إنه فضاءٌ يعادي الفضاء! بيت إفتراضي ، حوش تسكنه عادات المكان (الحقيقي) الذي جاءت منه المخلوقات الإسفيرية التي تسكنه وتجوبُ فضاءاته! إنه فضاءٌ إسفيري مثقلٌ بالجاذبية ، بذاكرة المكان الطبيعي والفيزيائي حتىَّ وكأنه لايطير! إنه فضاءٌ يصرُّ على اقتباس المكان الفيزيائي... إنه يهزم التكنلوجيا (الى حين ، فيما أظن!) عندما يكدِّسُ فضاءاتها بكل رموزه الثقيلة الوزن ، بالذاكرة التي تحرك الأحجار ، وبالشجر الذي يوميءُ للهواء بالعطرِ فيـثقلُه. إنه – في كلمةٍ واحدة – قد هزم إسميَ الإسفيري وأسكنني مرةً أخرى في المكان الأول! هل أشكره على كل هذا ، أم ألعنه..؟

لقد اخترتُ اسماءَ كثيرة من قبل ، واختارتني أسماء أخرى كثيرة: وهاأنا أختار– مرة ً أخرى – الإسم الذي اختارني!
أكتبُ هذه الكتابة إذاً لأحررَ فردة َ من غربته ، وأمنح الإسمَ الذي أختارني غربة ً أخرى يعاني بها وفيها.
.

Post: #133
Title: Re: صورتك واسمك المنبري هما صورة وتصوُّر ...
Author: Hussein Mallasi
Date: 03-29-2004, 07:07 PM
Parent: #130

Quote: عقدتونا زاتو

يا ملكة سبأ نحنا ذاتو اتعقدنا ياخي / تى ...

يا جندرية الكلام دا ما صاح ياخي / تي

البورد دا بعدين بحمونا ندخلو ....

بالله خلوا الحركات الاقصائية دي ....

اظنو دا اسلوب جديد لمنعنا - قسرا - من دخول البورد بالتنسيق مع الخال الحبيب ود قاسم

Post: #152
Title: Re: صورتك واسمك المنبري هما صورة وتصوُّر ...
Author: ودقاسم
Date: 03-30-2004, 07:32 PM
Parent: #130

فردة
لك التحية
اتفق معك على حكاية الافتراضية والتشكيل المزاجي ، لكن الصور عموما تجعل الوطن الافتراضي أجمل ، تحسسك بأن حولك أشياء ولست وحدك ،، هي مثل حركة الناس في الشوارع ، وعدمها مثل السكون ،، أما الصور الحقيقية فهي تعبر عن أناس يمشون بيننا ،، والصور غير الحقيقية كصورة سجيمان فهي في كثير من الأحيان وخاصة إذا كان الوقت متأخرا خلال الليل فغنها تتبدى لي شيئا يخيفني ،، لكنها في نفس الوقت تضحك زوجتي حتى قبل قراءة كلام سجيمان ،،
لك الشكر على المشاركة القيمة ..

Post: #132
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 03-29-2004, 07:01 PM
Parent: #1

ياخلق
في انتظار لوحاتكم:

والفائز موعود بي جائزة "سمينة"!

يلا خمنو كلكلم!

بس الظلامييين يمتنعوا لانو المسألة حتكون فش غبينة ساكت، والله شنو يا ود قاسم؟

Post: #135
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Tabaldina
Date: 03-29-2004, 08:26 PM
Parent: #1

..
.
والله يا بشاشا يا اخوى انا خايف يكون وشك يلعن قفاك ..
جست كدينغ
لانو السبب معروف انت زول متأبط شراً من سنوات طوال
واستشهد ب د. نجاة وماما دومه .. وعلى التعتر ليك ما بتعامل
الجنس اللطيف برقه ..بتخوفهم عديل كدا وبتنهرزون
اها دايما ناس الشر والناس الخشنين ديل بكونوا شينين عديل كدا
ناقتف يعنى ..
ونو هارد فيلنغ بليز والله بنهزر ..

ود قاسم
بعاين ليك من النفاج و بقول ليك
لم تتحدث عن الرمزية !! ولا دا كلام كبار .. فاهم ولا اجى باللفة؟

وتحية لناس الصور الحلوووة بدون فرز .. وخصوصا لجنس اللطيف ..

اساسي
برق بوجوج سااى
والله عرف ليك مره نور ومره ضلام يا اضلم
بس اسمع مقولة انا بقولها دايما للحاقدين على ارض الواقع
كل جميل مستهدف .. وانت زي كدا

سلاموز

Post: #154
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 07:37 PM
Parent: #135

تبلدينا
إنت ليه ما عايز تنزل صورتك ، خايف تتخطف وللا شنو ؟
طيب ما تتخطف يا أخي وإنت لاقي ؟
ادخل في تحدي مع بشاشة عشان نشوف مين أحلى ،، والله أظن شبهينا واتلاقينا !!

Post: #136
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-29-2004, 08:40 PM
Parent: #1

الشريكات الكريمات والشركاء الكريمين
غبت شوية ، كنت أكتب بوست ( المتعجرفة الصغيرة ) ، ورجعت فلقيتكم أكثر ألقا ، ، وجدت عدة أحداث :
1- كلام عسل من حسين ملاسي( لا أثق بعسله الذي يقدمه لي فهو يزجيه بالماء )
2- لطف ومداعبات من أساسي ( الهدوء الذي يسبق العاصف )
3- وهو الأهم صورة الجندرية ( عيني باردة ) على فكرة نزلها تمبس في بوست التهنئة بعيد الميلاد،،
سأعود إليكم تفصيلا ،، ويا رجاء أحيي انسيابك ، وكما قلت أننا نهلنا من منبع واحد ، بالرغم من أنك أخذتي أكثر ..
حاولوا تحصلوا على جائزة بشاشة لوصف وجه نوبي مألوف ..

Post: #137
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 03-30-2004, 01:50 AM
Parent: #1

عما قريب حأبطل الكسل وانشر صورتي كالتزام ومسؤلية شخصية عن ما انشر هنا، وبالمرة نعرف انطباعات الناس عننا،من باب حب الاستطلاع، مهما كانت قبيحة او قاسية!

اهو اسلوب لل Fund Raising مابطال، حجة اوتجارة يعني!

فخدوا راحتكم للاخر ويا الجندرية ليكي امان الله!!!

المطلوب رسم عديل كده ذي شغل اخوي طناش، وبالمناسبة دي يا ريت يا طناش لو تبتدر المنافسة دي بي ريشتك المبدعة.

ايضا لا مانع من الرسم بالقلم من دون اي مواصفات او شروط، واللي عندو غبينة معاي، دي فرصة يفشها علي مزاجو. الجوائز كالاتي:

A)عن كل لوحة تجسد صورة بشاشة "المتخيلة" سأتبرع للمنبر ب مبلغ عشرة دولارات (10.00$) لحدي مية دولار(100.00$) كحد اقصي.

B) اللوحة الاقرب للاصل حيفوز صاحبها بقيمة المكتبة الالكترونية مدفوعة للادارة كتبرع.

C)الرسم بالكلام ماخاشي المسابقة حتي لا نؤثر سلبا او ايجابيا علي انطباعات المشاركين.

D)الاتية اسماءهم وكل من يعرفني شخصيا او شاف صورتي "مين عارف" يمتنعون:
ترهاقا، الموصلي، رضي، سمعة،دكتور متوكل، دكتور حيدر، وكل من يعرفني ولا اعرفه بحكم الاسماء المجازية او المستعارة!!

Post: #155
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 07:41 PM
Parent: #137

بشاشة
كبّر الجائزة ، والرسم ساهل ، نجيب الجاحظ ونرسمو ..
هي صعبة يا بشاشة ، ما أي نوبي ممكن يكون بشاشة ..

Post: #138
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اسامة الخاتم
Date: 03-30-2004, 01:58 AM
Parent: #1

ود قاسم
موضوعك جميل
لك التحايا

Post: #156
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 07:43 PM
Parent: #138

أسامة الخاتم
جميل إنت وجميل وليدك الظريف داك ،،
وينك ، مشيت الشرقية وخليتنا ،،

Post: #139
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-30-2004, 01:59 AM
Parent: #1

وصوره ولدك حلوة يا اسامه
هى وصوره عم تنقو لما كان صغير بتذكرنى بهاء اخوى

Post: #147
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Alia awadelkareem
Date: 03-30-2004, 02:34 PM
Parent: #139

العزيز ود قاسم
بالرغم من اني من السقطت صورتهم سهوا من الذاكرة لكن استمتعت
جدا بالفكرة الطريفة للبوست
فشكرا للامتاع

Post: #158
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 07:52 PM
Parent: #147

العزيزة عالية
لك التحية
والله تصوري أنا خاتي الصورة في بالي وفي حساباتي ، وقربت أرسل ليك ماسينجر عشان أقول ليك الصورة صورتك في ذاك الزمن وللا صورة بنتك؟ لكن البوست ده بصراحة تمت فيه مشاورات كثيرة قبل نزوله ، خوفا من الزعل ، ، والصورة حقيقة من الصور التي تزين البورد ، وصور الطفولة حقيقة تستاهل بوست لحالها ،،
عتابك في محلو ، والزعل مرفوع يا عالية ، وكلو هنا اخوان ،،

Post: #157
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 07:47 PM
Parent: #139

راوية
ما حكيتي الحكاية ، ولا رفعتي البوست ،،
بالله بسرعة ،،
والتوقيع أصبح ملكا للجماهير ، ولا يمكن تغييره إلا بالعودة للجمعية العمومية ..

Post: #149
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: مريم بنت الحسين
Date: 03-30-2004, 05:08 PM
Parent: #1

ود قاسم سلام...
والله البوست من عنوانه خلاني أفكر في حته خت الصورة ده... رغم إني كنت بفكر في الموضوع من فترة... المهم إني لما قريت موضوعك.. اتذكرته موضوعي الفي راسي ده... وتزامن القرار معه...

يا جماعة أعفوا لينا بالله أذيناكم.. لكن نسوي شنو (المصور ما جاب شي من عنده)... طبعا العبارة دي عند والدتي.. لما أجي اشكي ليها أقول ليها الصورة طلعت شينه.. تقول لي (هو جاب شي من جيبه!)....

بنت الحسين

Post: #159
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-30-2004, 07:57 PM
Parent: #149

مريم بنت الحسين
الآن اقتنعت أن هذا البوست قد آتى أكله ،، مريم بت الحسين صورتها أمامنا عيانا بيانا ، وسبقتها الجندرية ،، والبقية تأتي ..
لك التحية مريم .

Post: #249
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: doma
Date: 04-02-2004, 04:37 PM
Parent: #159

لووووووووووول قال البقيه تاتي!!! غايتو بتطمن في نفسك يا اخوي اناما بخت صورتي الا انت تنزل صورتك يا ود قاسم وبالعدم ممكن نقبل استبدالها بي صوره فوزيه

Post: #150
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-30-2004, 06:31 PM
Parent: #1

ود قاسم العزيز وضيوفو وصورهم..
جيت تااااني..
نبدا العد من أول عشان دي صفحة جديدة ..

في الأول نبدي اعجابنا بصورة بت الحسين الوجيهة.. بت الحسين ما الصورة ..
ويا عالية لييه صورتك اختفت..؟

أساسي.. انا غايتو بديك لغاية يوم الأربع العصر عشان تخت صورتك.. وبعد داك نتصرف..

كنت متخيلاك تختها بناء لاشادة الجكس ..

Post: #151
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 03-30-2004, 07:04 PM
Parent: #150

الاخت العزيزة رجا
طبعا المشكلة اشادة الجكس دي زاتها .. خطيبتي رسلت لي ايميل قالت لو نزلت صورتي (حتخلعني) في مصر بتعرفوا الخلع دا كويس طبعا وطبعا ما بترضيها لاخوك انها في البر ويخلعوه (بليل) يوم الاربعاء

Post: #153
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-30-2004, 07:33 PM
Parent: #151

العزيز أساسي..
لا لا لا ما بنرضى ليك الخلع..
لكن برضو نزلها للجمهور.. نقول من بكرة الصباح لغاية العصر.. شوف عدد الزوار حيبقى كم للبوست ..

Post: #167
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 08:43 AM
Parent: #151

اساسي
بالله إنت خاطب ، وأنا كنت بحلم بي نسبك ؟ قلت على الأقل ألاقي لي واحد أعمل معاهو شكلة كل يوم .
قال تخلعني قال ،،
ما أنت جبت ليها الخلعة ( الخاء مضمومة )

Post: #166
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 08:16 AM
Parent: #150

العزيزة رجاء
صورة بت الحسين واحدة من أهم منجزات هذا البوست ، ولم يكن ليأتينا هذا الحصاد لولا مجهودك الجبار ،،
لكن حكاية صورة أساسي دي ما تسكتي تخليها ، أنا متأكد إنو الصورة المعروفة لدى الجكس هي ليست صورته الحقيقية ، بل ربما يكون قد وجدها وقتها في مكان ما ، أو ربما يكون أساسي مسئول عن ملفات الموظفين في الشركة ، ،، اتركوا أساسي فهو لا صورة له لأنه ليس حقيقة ..

Post: #160
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: esam gabralla
Date: 03-30-2004, 08:04 PM
Parent: #1

مافى زول جاب سيرتنا... قلنا نجى عليكم
البكا بحرروه اهلو
صورة الجندريه اتلخبطت لى مع صورة راويه ديك
انحنا حركات المصوراتيه و اللعب فى العفريته (النيقاتيف) بنعرفا..جندريه و راويه شوفو غيرا وبقت قديمه
جندريه رجعى لينا صورة امك...دى من الصور القليله البتخت الرحمن فى القلب..ولا شنو يا ود قاسم

Post: #161
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: omer ibrahim
Date: 03-30-2004, 09:23 PM
Parent: #160

عصام

مادام ما عاوز تخت صورتك. قلت اخير اختها ليك انا.

اها قصرت معاك؟

ود قاسم

موضوعك دمو خفيف. تناولك للفكرة جاذب. زوارك كتاااار -عيني باردة- دلالات الصور اجمل ما فيها انو -احيانا- بتعريك قدام نفسك.

رأئي انا انو كل من يضع صورتة شجاع .. و العكس غير صحيح وانما ثمة سبب آخر.

ود قاسم ....

سرقت الخشبة ياخطاط

Post: #163
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: منعمشوف
Date: 03-30-2004, 10:11 PM
Parent: #161

ود قاسم إزيك وعلَّك طيب، وبنمسى على كل الحبايب المشاركين
يكاد يكون يا ودقاسم أننا لم نلتقى أو نتقاطع فى أى بوست سابق ولكن من المؤكد أننى أقرأك وأتابع كتاباتك وبوستاتك البديعة .. راقت لى فكرة البوست والمداخلات الطريفة من الشباب .. ومن كم يوم قررت أجيك زائر وبى صورتى العاجبانى فكرتها .. أقصد فكرة تصميمها .. أها .. بحثت عنها سَلقَط مَلقَط .. مالقيتها .. هذا المساء ومن ما جيت من الشغل حلَفتَ إلا ألقاها وأشاركك والجميع هذا البوست اللطيف .. أها .. رايك شنو مو شحمانة؟

Post: #172
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 12:19 PM
Parent: #163

منعمشوف
مرحبتين ، إنت أخونا بالرغم من بعادك ،،
صورتك فيها حاجة كده أنا ما قادر أعرفها ، ولا أسميها ،، بس أعتقد البنات ممكن يكونوا أحسن في تقدير مثل هذه الأمور ،، أحيل الصورة إلى مستشاراتنا لتقييم صور الأولاد ، للإفادة بمرئياتكن ..

Post: #169
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 09:53 AM
Parent: #161

مكرر

Post: #170
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 09:53 AM
Parent: #161

عمر إبراهيم
والله صورتك شينة شنا ما حصلت ،، وغذا كانت الصور تدل على شجاعة فصورتك تدل على حسادة ،، شفت الزوار كتار ، والبوست دمو خفيف ، قلت أحسن تخت لينا حاجة منفرة ،، بس تعرف زبائننا دائما واعين وعارفين ،،
عليك الله الصورة دي صورة منو ؟ هي فعلا صورة عصام ؟ لا ما أعتقد ،،

Post: #171
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: عزيز
Date: 03-31-2004, 11:27 AM
Parent: #170

أستاذنا العزيز ودقاسم
أسعد الله أيامك باليمن
أعجبنى هذا البوست مع إن صورتى مع البير الملازم لحياتى تحد من حرية المناورة والمثل القديم قايل من شب على شئ شاب ودخلوه الكتاب ..
من مساوى اقصد محاسن الصور اول مره حاولت ان انزل صوره لشخصى الغير فوتوجنك ولله فى خلقه شئون !! طلبت من الاخ بكرى ابوبكر ان يساعدنى فاول تعليق قال لى كنت فاكرك اصغر من كده .. تخيل مدى الصدمة والتعاسة التى اصابتنى وانا مازلت إبن .... سنه أجمع تسعتاشر وردى على اربعه سنيين + خمسة سنين لابوالامين + السنين العشت فيها معاك هنايا = النتيجة الحتمية المره التى توصلنا اليها ولكن !!
يبقى العشم دايما فى المثل الشجر الكبار فيه اللالوب
يديك العافية اخى ودقاسم وانت تدثر بنا من نفاج الى اخر فى هذا البيت الكبير
جعلتنى اترنم بى .. توعدنا وتبخل بالصوره ياروعتنا
لك التحية والحب

Post: #176
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 03:09 PM
Parent: #171

عزيز الهجليجي
لك التحية
عقدتك حكاية الهجليجي دي ؟ لأنك اتكلمت عن الشجر الكبار وقلت فيهو اللالوب ، وشجر اللالوب يسمى الهجليج .. هذه الصورة وسيمة لأنها تقدم لنا النصفين ،، وغالبية الزملاء والزميلات هنا نصف واحد ،، فلكما الأماني الطيبة ونتمنى لكما دوام الود ،، وإذا كان في الصور تحديا فهذه الصورة هي الأكثر تحديا بين الصور المتحدية ،، بعدين أنا حليت معادلة العمر ، وعمري ما حليت معادلة ، لكن لما تكون الشغلة فيها مكايدة دائما تجدني ناجحا فيها،، ولقيت إنك أكبر مني بسنتين بس ،،
قابلت رجلا في البنطون بمشرع حنتوب سنة 71 ، فعرف أنني طالب بالمدرسة ، وهو كان يريد ابنه وهو زميلي واسمه عبدالله وكنا نسميه المان man لأنه يبدو أكبر منا ،، فصاحبت الرجل إلى داخلية إبنه ، وفي الطريق سألني :
إنت بتقرأ من بتين ؟
قلت : أنا دخلت المدرسة سنة ستين ،،
قال : أنا ما بعرف السنين ، لكين عبد الله ولدي ده بقرأ من زمن عبد الله خليل ..
لك وللمدام العافية والصحة والرفقة الأنيقة ..

Post: #183
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: omer ibrahim
Date: 03-31-2004, 07:28 PM
Parent: #170

Quote: عليك الله الصورة دي صورة منو ؟ هي فعلا صورة عصام ؟ لا ما أعتقد ،،

لية ما تعتقد. اها انا بعتقد

و عصام كان داير ينكر قول ليهو خت صورتك.

Quote: شفت الزوار كتار ، والبوست دمو خفيف ، قلت أحسن تخت لينا حاجة منفرة

عصام الحق الراجل دا اتلوم فيك

Post: #164
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-31-2004, 02:22 AM
Parent: #160

عصام جبرالله
مريم بت الحسين امها قالت ليها المصوراتى ما بجيب حاجه من عندو لووووول

اما انت انا شفت صورتك فى عرس خدر محكر تتحنن
وتعليقى
اى انت وبهاء العباسى افضلوا كدا اوعوا تكبروا ماكلين عمركم فى بطنكم
كبر يا يمه محمد العباسى وصلع وقامت ليه كرش .....البتلدوهو فى اخر بطانكم يا عجايز ياحجيريين

والحنه عجبتنى ليك انشاء الله تضوقا يا عصام ياود ام الحسن

Post: #168
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 09:20 AM
Parent: #160

عصام
أهلا بيك
صورة الولد حلوة شديد ،، تفيض طفولة وبراءة ، وتحمل كل تساؤلات المستقبل ،، ربنا يخليهو ،،
صورة الجندرية وصورة راوية تجمعهما الروعة ، وإن تشابهت عليك الروعتان فأعد البصر كرتين ،،

Post: #175
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-31-2004, 01:33 PM
Parent: #168

ود قاسم الفى بروفايل عصام ما صوره ولد

دى امال بنت الغالى الغالى الغالى
خالد جبرالله

فقدنا خالد الرائع قبل بضع اشهر بعد صراع مع المرض

رحم الله خالد وعوض شبابه الجنه

Post: #189
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:38 PM
Parent: #175

راوية
شكرا للتصحيح ، للبنية الصحة والعافية ، وربنا يخليها ، لتكون خير خلف لخير سلف ،
والرحمة لك خالد ..

Post: #162
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: خالد العبيد
Date: 03-30-2004, 09:56 PM
Parent: #1

العزيز ود قاسم
لك تحيات الوردج
الموضوع جميل جدا
وانا زيك صورتي الخايف عليها محذوفة ليه مش عارف
مع انو خالد الحاج صاحبي
عشان كده قلت استنجد بي راوية العباسي البنات حنان مش كده يا راوية
بس خالد الحاج ما يسمعني
خالد

Post: #173
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 03-31-2004, 12:53 PM
Parent: #162

خالد العبيد
كيفك ، لا مشيت البلد ديك ، ولا جيتنا راجع ،، الحكاية شنو آزول ؟
نفتقدك كثيرا ،،
قلت لي صورتي وصورتك لمّاهم خالد الحاج ،، يا ربي يكون بيغير مننا وللا شنو ؟
صاحبك ده كان زمان ،، هسة يظهر في منافسة ،،
يا راوية عليك الله اتوسطي لي أنا وخالد العبيد عند خالد الحاج يرجع لينا صورنا .

Post: #174
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 03-31-2004, 01:27 PM
Parent: #1

Quote: عمر إبراهيم
والله صورتك شينة شنا ما حصلت
الصورة دي صورة منو ؟ هي فعلا صورة عصام ؟

YEP!

لما يكون متأنق

Post: #190
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:41 PM
Parent: #174

ندى علي
استني عمر إبراهيم يجيلك ،، أنا والله حجازة ما أحجز منك ،، شيلي شيلتك ،،
وبعدين صورتك وين ، ولا مرة ما نزلتيها ،،
حكمتي تقول ( صورة شينة خير من لا صورة ) على وزن ( الكحة ولا صمة الخشم )

Post: #177
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Nada Amin
Date: 03-31-2004, 04:04 PM
Parent: #1

ندى علي عليك الله اجندري كده و ختي لينا صورتك و الله نفسي أشوفك و أشوف رودا. الجندريه أخيرا بردت بطني و ختت صورتها، يلا يا بنات اتجندرن.

Post: #191
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:46 PM
Parent: #177

ندى أمين
يعجبني تحريضك وتحريض رجاء ، يسعدني أن أهديكما هذا البوست ( هدية ما وراها جزية ) ، بس تعرفي لو تشغلي الماسينجر مع بعض الزميلات والزملاء ، ليصبح الاسبوع القادم اسبوع الصور ويكون شعاره ( من كل صورة ، ولكل مئات الصور ) .. إيه رايك ، والله ودقاسم كارل ماركس زمانو ..

Post: #178
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: خالد العبيد
Date: 03-31-2004, 04:24 PM
Parent: #1

العزيز ود قاسم
شكرا لك يا غالي عن دائم السؤال عن سفري
اتضح ان موضوع السفر داير دبارة من شيخك ابشرا
اندهو لينا يخارجنا من هذه القاهرة التي قهرتنا
وباقي لي المخارجة من مصر عايزة عصا موسى !
وذي ما قال حميد الشاعر :

يا بحر الحاصل لاك ناشف
لا القلم الفي يدي عصا موسى

اها يا ودقاسم البنشف لينا البحر ده منو
قول يا مدد
اما وساطة العزيزة راوية
راوية داقة طناش
ومتآمرة مع خالد الحاج
البورد مليان صور جكس
ونحن لينا الله وعيشة السوق
خالد

Post: #179
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Rawia
Date: 03-31-2004, 04:30 PM
Parent: #178

WALAHY MA METANESHA YA KHALED BAS FI ALSHUGOUL
PLEASE REVIEW MY REPLY TO TUMADER AND YOU GONNA FIND ANSWER TO YOUR DELAMA

Post: #193
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:53 PM
Parent: #179

راوية
أنا عارفك ما بتقصري ،، ما عارف الانسان ما ممكن يجيهو يوم يكون الشغل على مزاجو ؟ أعتقد ممكن .. بس ما أظن نلحق على اليوم داك ،،

Post: #192
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:51 PM
Parent: #178

خالد
ابو شرا مش شيخي ، هو جدي ، أنا بشوفوا ليك الليلة ، بعمل ليهو كول ( call ) ، وأشوف معاهو موضوعك ،،
للعلم أن ألشيخ يوسف أبوشرا متوفي منذ أكثر من 300 سنة ،، لكن حتشوف يا خالد ..
راوية بتدلل علينا شوية ، بس أكيد هي خاتانا في بالها ،، أنا عارفها ما بتقصر ، وخالد الحاج مشغول جدا بالتوسط للكيزان في البورد ، يا أخوي هو مالو الأيام دي ، شعر بالكبر وللا شنو ؟

Post: #180
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 03-31-2004, 05:48 PM
Parent: #1

ندى امين العزيزة،
انا طبعا ما عاوزة اجيب كوابيس لناس البورد (او اثبت نظرية حبيب البعض) .
الاخت رودا انا كمان عاوزة اشوف صورتها.

الاخ ود قاسم لك التحية وبالمناسبة رجاء بتدفّع الناس لما تحصل "تخريمات" فى البوستات.

Post: #181
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 03-31-2004, 05:55 PM
Parent: #180

ود قاسم

تدفع لي كم لو جبت ليك صورة حديثة جدآ لجماعة هنا؟؟؟

الكلام ليك يا المنطط عينيك

اهمس لك سرآ
الناس ديل سمحين جنس سماحة

Post: #194
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:56 PM
Parent: #181

حنييييينة
وينك ما ظهرتي ، جيب ليك كم صورة كده ، والبينا عامرة ، إنت لسة عارفة تلمي في جائزتك من بورداب الرياض ؟
شدي حيلك معانا شوية ،، جيبي صور ،، الصورة السمحة بتعجبنا ، والصورة الشينة بتضحكنا،، وفي الحالتين يزول الاكتئاب ، ، أنا ما بخاف من الصورة الشينة ، أنا بخاف من تقل الدم ،، فهمتيني ، مش ؟

Post: #195
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 05:59 PM
Parent: #180

ندى علي
لم تستجيبي لكل النداءات ، منو الممكن نوسطو ليك ؟
رقم حسابي موجود مع رجاء وهي تحول لي نصيبي باستمرار ،، ولو عايزين كشف رجاء ممكن تنشرو ،،
شكرا لمشاركتك لنا هذا البوست ،، رسلي رقم حسابك ، فربما يطلع لك نصيب ..

Post: #182
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 03-31-2004, 06:16 PM
Parent: #1

يا ندى مصطفى.. لو طبقنا قانون التخريمات لعام 2004 أكتر زول حيكون متضرر يا ربي منو ..؟

Post: #196
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 06:01 PM
Parent: #182

رجاء
ندى علي دي دفعيها أضعافا مضاعفة ولا تأخذك بها رأفة ، واضربي لي معك بسهم ، زادك الله من كرمه ..

Post: #184
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Tabaldina
Date: 03-31-2004, 10:32 PM
Parent: #1

..
.
والله يا خال شايف البوست دا سوقو حار خلاص !!
بعدين شنو شبهين واتلاقين دى ؟؟
معقولة بس انا بشبه الزول الشراني دا ..
اها انت عايز الصورة بالفل سوت ولا الفل جلابية
بنظارات ولا بدون قبل ولا بعد الحادث ؟؟

قول وبجيك ..
وكمان انا مه ندى ادفع نص البوست واشوف رودا دى ؟؟

بجى لتخريمات بت العباسي..

سلام

Post: #197
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 06:05 PM
Parent: #184

تبلدينا
إنت لسة شباب ، وسوقك حار، لا تتردد في نشر صورتك ، رغما عن كل الش...... أسرع والله الحملة التسويقية بتاعتنا دي تفوتك تاني زول يجيب خبرك ما في ،،، أولاد آخر زمن ،، مندسين مالكم .. نحن كنا نقيف وسط قهوة النشاط ونوزع صورنا ، بس يا ما شرطوها لينا في وشنا ..

Post: #185
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: محمد ابوبكر عثمان
Date: 03-31-2004, 11:49 PM
Parent: #1

عليكم الله في احلى من صورتي دي ؟؟؟؟؟؟؟؟؟

Post: #186
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: معتصم دفع الله
Date: 04-01-2004, 00:03 AM
Parent: #185

تعرف يا خال أنا قررت أشيل صورتي وأجيب صورة ثانية ..
إن شاء الله تكون أي حاجة ..
أقول ليك ليه .. قبل كم يوم وقعت في الأرض قربت أنكسر ..
وإتبدهدلت بهدلة شديدة ولسه الألم ما زال ..
تقول لي دا حصل من شنو بالله عليك ..
عشان نعمل حسابنا ..

Post: #200
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 07:10 PM
Parent: #186

الغالي معتصم
أنا نبهتك ، وقلت ليك ، والمسألة دي حصلت لراوية قبل كده ، أعمل حسابك ، شوف لو عندك صورة بي عراقي كده ،، أو في الحواشة ،،
الليلة خالك كشف اللعبة كلها ،، الجكس قايلنك من أولاد الرياض ،،

Post: #199
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 07:07 PM
Parent: #185

محمد ابوبكر
لك التحية
شايفك استعجلت ، صورة الطفل حلوة جدا ، خاصة فتحة فمه ، وكأنه يحاول أن يرسم ابتسامة ، لكن يبدو أن أسنانه لم تظهر بعد ،،
بس ده منو ؟ ولدك ، وللا إنت لما كنت صغير ؟

Post: #187
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: hala guta
Date: 04-01-2004, 03:59 PM
Parent: #1

صديقى ود قاسم
وضيوفه/ضيفاته الكرام

من يوم نزل البوست دة وانا عندى كلام كتير دايرة اكتبو

بس مزنوووووووقة والله
اها ختيت طوبتى
وباجيكم راجعة

Post: #201
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 07:12 PM
Parent: #187

هالة
صورتك شلتيها وللا راحت في مد وجذر البورد ،، أعرف لك صورتين في البورد ،، لازم تنزلي واحدة منهم وأعدك أن احوطك ببركة أبواتي من العين ..
بصراحة أصبح غيابك من البورد كثيييييير ..

Post: #188
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Nada Amin
Date: 04-01-2004, 04:16 PM
Parent: #1

Quote: انا طبعا ما عاوزة اجيب كوابيس لناس البورد

قايتو يا ندى مصطفى بس حأغني ليكي أغنية عثمان حسين بتاعة ما بصدقكم.
أها يلا اتجندري و نزلي صورتك يا زولة انتي politician and public figure و من حقنا نشوف صورتك، نزليها عشان تثبتي فشل نظرية حبيب البعض.

Post: #202
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 07:14 PM
Parent: #188

عمرى ما شفت الندى ممكن يجيب الكوابيس ،، هو في أجمل من الندى ،، خاصة إذا كان فوق خدار الخريف !

Post: #198
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: محمد ابوبكر عثمان
Date: 04-01-2004, 06:53 PM
Parent: #1

مافي زول هببو لي ولافي زول قال لي صورتك سمحة ولا شينة ، لكن انا اقول ليكم صورتي احلا صورة في البورد بلا منازع

Post: #203
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: محمد ابوبكر عثمان
Date: 04-01-2004, 07:30 PM
Parent: #1

ود قاسم
دي صورتي انا ، مالك على داير تعرس لي ؟؟؟
انا كده مبسوط واخر حلاوة
زمان وانا صغير كنت باحلم ابقى كبير

Post: #208
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-01-2004, 10:21 PM
Parent: #203

محمد أبوبكر
إنت مبسوط من عدم العرس ؟ ده لأنك ما جربت حلاوة العرس ،، والله تجرب تعرس تاني وتالت ورابع كمان ،، خلي صورتك وإنت صغير شوية وغيرها لينا بي صورتك وإنت كبير ، حتلاقي الجكس يجيلك ،، ونفرح بيك وبي جكسايتك ،،

Post: #204
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: كبسيبة
Date: 04-01-2004, 08:20 PM
Parent: #1

ود قاسم يا ظريف يا لذيذ يا نيل البورد
والله من زمااااان وكل مرة بجي بتاوق للبوست ده
لكن خفت أدخل أقو الخبطو وأسوطو ليك بصورتي السمحة دي ..
وياما جاتني رجاءات وأنفردت بوستات عشان أغير صورتي
وجاتني كمية من الإيميلات من المعجبين والمعجبات وبعد تفكير وتمحيص وخصوصاً بعد البوست بتاعك اللذيذذذذذذ جداً
وبعد الصور النزلت ما لقيت صورة أحلى من صورتي بتاتاً بتت
عشان كده حسعدكم دايماً ببسمتي.
ورأيكم شنو في صورتي الجديدة.

Post: #220
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:07 AM
Parent: #204

كبسيبة
صورتك سياحية ولآخر حد ،، والله مفروض تكون شعار للسياحة في بلادنا ،، أصلها كلها سجم ورماد ..

Post: #205
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 04-01-2004, 08:41 PM
Parent: #1

الاخ ود قاسم،

سلامات

Quote: عمر إبراهيم يجيلك ،، أنا والله حجازة ما أحجز منك ،، شيلي شيلتك ،،

وعمر ابراهيم يزعل ليه، هى صورة عصام جبر الله لما يكون متأنق

Quote: حكمتي تقول ( صورة شينة خير من لا صورة ) على وزن ( الكحة ولا صمة الخشم )

رجاء

Quote: لو طبقنا قانون التخريمات لعام 2004 أكتر زول حيكون متضرر يا ربي منو ..؟

انتى طبعاً. فى احد البوستات شوف عينى بقيتى "مستشارة" وكمان انتى فى البوستات بتاعتك بتدفّعى الناس غرامة التخريمات و فى البوستات الاخرى بتاخدى عمولة؟ دى اول مرة نسمع بيها يا ود قاسم

حنينة الخواجية لو نزّلتى أنا حا أنزّل برضو
بعدين انا خايفة ناس البورد تجيهم كوابيس من "السماحة"

العزيزة ندى امين

Quote: حأغني ليكي أغنية عثمان حسين بتاعة ما بصدقكم

لا صدقى وبعدين حتى الامكانيات الفنية لرفع الصور فى البروفايل غير موجودة تقريباواحتاج فيها لدروس.

Post: #206
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 04-01-2004, 09:19 PM
Parent: #205

Quote: انتى طبعاً. فى احد البوستات شوف عينى بقيتى "مستشارة".....

ندى.. ده البيزينس الجديد.. لو حتكشفي حالي حأضطر أساوم ناس ود قاسم وندى في صورتك.. ناسية غير صحبتنا انحنا عملنا شغل مع بعض ..؟
انا بس اقول راجع صحيفة 00000 العدد (000).. وبس ..

لوووووول.. ما تخافي لأنو شروطي ما قروش.. حاجات تاني ..

Post: #207
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 04-01-2004, 10:20 PM
Parent: #206

اها ياود قاسم ورجوية
تميد اول
بعديه التاج
حتى الملكة
رايكم شنو فى الترتيب دا ؟؟

Post: #210
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 04-01-2004, 10:47 PM
Parent: #207

وااااو الملكة بانت..

ود قاسم.. أول مرة بوست يحقق غرضو..

الملكة.. هسع لو كنت بعرف اشاغل كنت قلت ...

Post: #224
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:15 AM
Parent: #210

رجاء
مش البوست هو السبب ، إنت السبب ،، منك خوف يا رجاء ، استخدمتي الإغراء والإطراء والتحنيس والترهيب ،، كل ده اتعلمتيهو من الصحافة ؟ من الليلة أنا صحفي ..

Post: #223
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:12 AM
Parent: #207

أهلا بالملكة ، والله نعم الترتيب ، أنا برضي ما بعرف أشاغل ، لكن بعرف أحرّش الناس البيشاغلو..

Post: #211
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Nada Amin
Date: 04-01-2004, 11:04 PM
Parent: #206

انا بس اقول راجع صحيفة 00000 العدد (000).. وبس

عليك النبي يا رجاء كان ما قلتي

Post: #225
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:17 AM
Parent: #211

ندى أمين
طلعتي بتاعة شمارات ،،
شدي حيلك جيبي لينا صورة وللا صورتين ،، وين الجندريات ، وين صورهم ؟

Post: #222
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:10 AM
Parent: #206

رجاء
امنحيها مهلة ، ثم نفذي إن لم تستجب ..

Post: #221
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:09 AM
Parent: #205

ندى بت علي
أنتظر صورة ،، ختيها يوم واسحبيها ،،

Post: #209
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: محمد ابوبكر عثمان
Date: 04-01-2004, 10:44 PM
Parent: #1

ود قاسم يا غالي ، والله فكرت اخت صورتي الحالية لكن رفقا بالجكس عشان ما يتكسر وخوفا عليهن من الفتنة قررت اخت اقبح صورة عندي وهي صورتي وانا صغير لكن لو الجكس اترجاني ممكن افكر اخت صورتي الحالية
اما بخصوص العرس ماسمعت زول شكرو غيرك
ولا راي الجماعة شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Post: #212
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 04-01-2004, 11:23 PM
Parent: #209

العزيز محمد أبوبكر..
طبعا اليومين ديل انا دكيت موعدين للكشف الجديد بتاع النضارة.. عشان كده قدر ما فتشتا الصورة دي ما لقيتها ..

اها نجي للجد..
الجكس ما بيطلب.. ده بيشوف ويسكت.. عرفتا النظرية ..؟

Post: #219
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: maia
Date: 04-02-2004, 00:35 AM
Parent: #212

استاذنا ود قاسم

صورتك الخايف عليها ، عارف المشكلة كل واحد يخت صورته او لأ ، القصة في الصورة البتقعد شوية وتختفي وتقوم تاااااني تنزلها، يعني برناااامج

رجاء قلتي لي الجكس ما بيطلب .. يشوف ويسكت بس ..
اها كان بقت صورة عمر الشريف ، نقول يا منو .. لووووووووول

Post: #228
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:25 AM
Parent: #219

مايا
ختي الصورة ونجيب ليك تعهد من بكري أبوبكر وخالد الحاج وكل الكوادر السرية بأن تظل صورتك على حالها دون مساس ..
اتفقنا ؟

Post: #227
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:23 AM
Parent: #212

نظارات يا رجاء ؟ لسة بدري ، ألبس نظارة الحاجة وجربي خدي صورة ، إذا لقيتيها حلوة أعملي نظارة وورينا الصورة ،، وإلا فبلاش من هذا الموضوع ،، إني لك من الناصحين ..

Post: #226
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:21 AM
Parent: #209

محمد أبوبكر
خت الصورة ، خلي الجكس يتكسر ،، هو في نحن مين اللي كسّرنا غير الجكس ،، دع الدائرة تدور عليهن ، خاصة الجندريات ..

Post: #213
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 04-01-2004, 11:34 PM
Parent: #1

يا ود قاسم
والله لا حكت ولا بقت! حتي في الوجاهة يخرتونا الظلاميين؟ كونوا اساسي يفوز بالتزكية كده، مقصني تب.

بنا عليه فقد قررت التوكل علي الدايم والنزول ضد اساسي لارد الاعتبار لكرامتنا المثخنة بالجراح سلفا بعد غزوة الموناليزا، فما رايك؟

بالمرة نحول المسابقة دي الي دعم اخر للمنبر كالاتي:
رسوم التسجيل للتصويت 5$دولارات. ناخبي الصورة الاوجه "اساسي وبشاشا" يلتزمون بالتبرع بهذه الرسوم للمنبر.

يعني لو كل الزوار لهذا الخيط شاركو في الانتخابات دي ودفعوا الرسوم، لكسب المنبر من 1000$ لي 5000$ دولار، فما رأيكم؟

يعني حق التصويت مكفول حتي لزوار المنبر.

Post: #215
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Raja
Date: 04-01-2004, 11:43 PM
Parent: #213

كمال بشاشة..
نحنا ما بنشتري سمك في موية.. ارمي بياضك وورينا صورتك..
وبعدين نفتي ..

Post: #230
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:30 AM
Parent: #215

رجاء
نحن مع بشاشة قاتلا أو مقتولا ،،
والظلاميون لا يأتون إلا بصور مزورة ،، صدقيني يا رجاء ،، صورة أساسي ليست حقيقية ..

Post: #216
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Hussein Mallasi
Date: 04-01-2004, 11:45 PM
Parent: #213

Quote: لا صدقى وبعدين حتى الامكانيات الفنية لرفع الصور فى البروفايل غير موجودة تقريباواحتاج فيها لدروس.

واحد صاحبنا يا ندى كان اي جملة يتبعها بتقريبا و خاتي نفسو دايما في السيف سايد .....

مرة استاذ سألو : انت عبد الله النذير ...

فاجاب : قريبا ...........

المهم لو على المهارة التقنية فدي بسيطة جدا بس المهم المصوراتي يكون عالي التقنية

"عثمان حسين ملاسى "

Post: #231
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:33 AM
Parent: #216

حسين ملاسي
صورتو أيضا مزورة ، أما صورة إبنه فهي حقيقية ،، يظل الحال على ما هو عليه ،، جني جنك يا حسين ،، أما ابنك فلينفع به الله السودان ، وليكثر من أمثاله ،،

Post: #229
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:29 AM
Parent: #213

بشاشة
أنا موافق على مشروع التحدي هذا ،، وإيه رايك واثق من فوز القوى المستنيرة ، وهزيمة قوى الظلام ،،
سماحة اسمح منّهم ، ورجالة أرجل منّهم ، وجندرة بناتنا متجندرات أكثر من بناتهم ، والنضم ما في زولا بيلحقنا فيهو ،،
لا يهزم الظلمة إلا الضوء ..

Post: #214
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: محمد ابوبكر عثمان
Date: 04-01-2004, 11:41 PM
Parent: #1

العزيزة رجاء ، بخصوص مواعيد الدك للنضارة انا ممكت اتطوع واكشف عليك مجااااااااااااااااااااانا واعمل ليك نضارة ، واهو مصلحة زي ما بيقولو امتحاناتي قربت ، والواحد يتدرب شوية ، عموما ما تخافي اخوك شاااااااااااطر في العيون واليومين ديل مدروش في طب العيون . بس انت تعالي

نجي للجد
بخصوص الصورة انا لازلت مصر انو الجكس يترجاني
وبيني وبينك انا لازلت خايف عليهن من الفتنة وانهن يتشاكلن فوقي
فمافي داعي للمشاكل وخلينا كده حبايب وحلوين

Post: #232
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:36 AM
Parent: #214

محمد أبوبكر
ما لقيت تتدرب إلا في عيون رجاء ؟ عساك ما اتدربت ،،
والله تلقاك خجلان على صورتك ،، وخايف الجكس يحرذمك لي يوم الدين ..

Post: #217
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 04-02-2004, 00:03 AM
Parent: #1

رجوية
صورتي في الطريق، لكن ممقوص من خرت الجماعة لينا، حتي في الصور.

انتي بس اضمني لينا موافقتو، وننزل الصورتين سوي او بعد داك، ينبرش الطرور ويثبت الصنديد من الصور!!

Post: #233
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 08:37 AM
Parent: #217

بشاشة
لا تنتظر من أساسي قبولا للتحدي ،، وصدقني إذا قبل فهو ناوي يزوّر الانتخابات ،، مش تقول لي لجان مراقبة دولية ،، ما ينفع معاهم حاجة خالص ..

Post: #218
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Nada Amin
Date: 04-02-2004, 00:08 AM
Parent: #1

غايتو جننتنا بصورتك دي يا بشاشة
حقك راح معانا لو ما طلعت بتشبه الأن ديلون أو راغب علامه

Post: #251
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:04 PM
Parent: #218

ندى أمين
وإنتي قايلة بشاشة هين وللا مقطوع ليّن ، لازم يجرّسكم مظبوط بعدين ينزل الصورة ،،
يا بشاشة والله أنا خايف تخذلني ، وساتبرأ منك ..

Post: #234
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Roada
Date: 04-02-2004, 12:18 PM
Parent: #1

Quote: ندى علي عليك الله اجندري كده و ختي لينا صورتك و الله نفسي أشوفك و أشوف رودا. الجندريه أخيرا بردت بطني و ختت صورتها، يلا يا بنات اتجندرن.

ياناس الجندر ندى و ندى، أنتن فلاحتكن فى رودا المسكينه دى الكان ختت صورته برضو حاتكون فى مشكله، أها الجندريه دى الأسبوع الفات ده كانت منتحله صورة فاتن حمامه فى زوول سأله؟

لكن أنا فكرتة أعلق (الصوره الشعريه) التى رسمها حميد عن (النوباوية) فى قصيدتو الماعارفه أسمها شنو أكان مايتهمونى بال(الشويعيه) و يبقى على تهميش و قهر وووو شيوعية...(و العياذ بالله)

ده كلو أكان مايقوم الفيتورى يقنع حميد بهجاء نفسه فى دار الرياضه، أو سباق الخيل

أما الدكتور فلان الفلانى...القال أنا (ردحته) فى صورتو ، ماعارفة لييه هو مصر على (فهم ) انى رادحه على بدلتو و و كرفتته و ذوقهما البلدى..و الحقيقه أنا كررتها ليهو أكتر من مره ...أنا (أعتراضى) و ليس (رديحى) على كلاهما...أى البدله و الكرفته لأنهما (فى الفاضى ساكت)

Post: #235
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ghurba
Date: 04-02-2004, 12:42 PM
Parent: #234

يا ود قاسم وندي اس اتنين
انا مستعده انزل صور رودا وعارفه الجكس بيقوم يتجهجه لكن بعد ما انزلها البشكل حمايه منو والله هي صحبتي شديد لكن جنها وجن سرقه الصور وحاتكم اخر مره نضفت ليكم الالبوم....( الليله ...رودا هي.. انا بقشهم ساي..
شوفتو اهه الليله موبايلنا زاتو قفلنا..
غربه

Post: #238
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Roada
Date: 04-02-2004, 01:06 PM
Parent: #235

أهلا (يادكتوره)
أنتى اول حاجة المحومك بى جاى شنو، و بعدين لو جات مسالة الصور دى أنتى حاتعملى شنو يعنى؟ فخياراتك للأنتحال صورة أجمل (فارة) فى المعمل..و من دربى ده على ناس الرفق بالحيوان

و حقو تلفحى قفازاتك و تشوفى قرايتك.

أهلا الأخت غربه.

Post: #255
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:20 PM
Parent: #238

يا شباب الموضوع جاب ليهو فيران ،،
فوق الحلة دي أنا تاني ما بجي
الفيران كتار أنا تاني ما بجي
ناس الرفق بالحيوان أنا تاني ما بجي
وفي المعمل كمان أنا تاني ما بجي
وقفازات فلان أنا تاني ما بجي

Post: #254
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:16 PM
Parent: #235

غربة
حمدا لله على السلامة ..
المثل يقول :
الزيت كان ما كفّى أهل البيت حرام على الجيران ،
ومثل يقول :
ما تشكر المقابر لي غيرك .
ومثل يقول :
عريانة أمو يكسي خالتو ،،
مالك ومال صورة رودا ،، جيبي صورتك أول وبعدين جيبي صورة رودا ..

Post: #253
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:13 PM
Parent: #234

الليلة .... رودا جات ،،
حبابك عشرة ، جندرة ولا صورة ؟
الجندرة عادة تتبعها صورة
الجندرة عادة لا تهتم
الجندرة لا تسأل في ابن العم
هاتي الصورة يا رودا
هاتي الكاكاو الأصلي
أنسي ما قال الدكتور
أنسي ما قال جمال
لا تهتمي يارودا
أطلقي عاصفة الجندر
تهزم كل عقيم
وتقيم
الدنيا فلا تقعد
ويهيم الخلق بإمرأة
تنتصر لقيم الحرية

والقصيد يأتي يا رودا
وأنا شايل شيلتي
كان زنقوني بعرف أخارج نفسي

Post: #237
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 04-02-2004, 12:57 PM
Parent: #1

الاخ ود قاسم،
Quote: ندى بت علي
أنتظر صورة ،، ختيها يوم واسحبيها ،،

جدا،
الجندرية (وملكة سبأ وندى امين و رجاء وحنينة الخواجية و بت قوتة) ممكن استلف صورة واحدة منكن لمدة يوم؟

Quote: "عثمان حسين ملاسى

انت يا ملاسى بقيت تنتحل شخصيات الفنانين كمان؟هو بينى و بينك فى الاول كتبت ان المقدرات الفنية لرفع الصور فى البروفايل غير موجودة خالص لكن اتذكرت انى مرة او اثنين قدرت اضيف صور.

رجاء

Quote: ده البيزينس الجديد.. لو حتكشفي حالي حأضطر أساوم ناس ود قاسم وندى في صورتك

خلاص ما حا اكشف حالك، لكن لازم يكون عندى عمولة؟

رودا،

اقترح تعملى مسابقة زى بتاعة بشاشا فى ناس كتيرة اكيد حا تشترك.
احسن ليكى تمسِكى فى قصائد حميد و الصورة الشعرية الجميلة، لانه فى بوست تانى طلبوا فيه من الشاعر الموهوب حبيب البعض يعمل قصيدة عنك انتى كمان فاختفى تماماً من البورد، عالم
تخاف.

Post: #239
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Roada
Date: 04-02-2004, 01:13 PM
Parent: #237

يكتبوا فينى قصايد(Politically Incorrect) و يذهبوا ليناموا فى اسرتهم سالمين غانمين ؟
هلا هلا أنا أختك يا أسامه الخاتم.

Post: #257
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:24 PM
Parent: #239

رودا
أنا كتبت قصيدتي ، وأودعتها المنبر ، لكني لم ارتاح في سريري ، فما زلت على الكرسي ،، يبقى التهديد ما ينطبق علي يا أخت اسامة الخاتم ،،

Post: #241
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: esam gabralla
Date: 04-02-2004, 01:20 PM
Parent: #237

ندى

Quote: لما يكون متأنق

الصورتا من قزاز....ما بتفلع بالحجار

بفضي ليكى يا كابوس/ه

Post: #242
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: esam gabralla
Date: 04-02-2004, 01:28 PM
Parent: #237

Quote: لانه فى بوست تانى طلبوا فيه من الشاعر الموهوب حبيب البعض يعمل قصيدة عنك انتى كمان فاختفى تماماً من البورد، عالم

طبعآ يا كابوسه
رودا هينه و لا لينه عشان كل من هب ودب يكتب فيها قصايد

Post: #258
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:26 PM
Parent: #242

عصام
جيت تحرّش وتحامي لي رودا ،، إن شاء الله رودا ترد عليك وتقول أنا ما محتاجة لي واحد يدافع عني ،،

Post: #245
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: doma
Date: 04-02-2004, 02:02 PM
Parent: #237

يا مقاتله ندي علي في نوبيه ميه الميه تحتاج تستلف صوره من حد

Post: #259
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:27 PM
Parent: #245

دوما
وينك ، ووين الصورة اللي بالتوب الأبيض ؟

Post: #256
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:22 PM
Parent: #237

ندى علي يا شريكة البوست
لا شراكة بلا صورة
أدفعي نصيبك في الشراكة ، بعدين اتكلمي عن توزيع الأرباح ..

Post: #240
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 04-02-2004, 01:14 PM
Parent: #1

Quote: و من دربى ده على ناس الرفق بالحيوان

غربة مرحبا بعودتك

Post: #243
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 04-02-2004, 01:50 PM
Parent: #240

ما شاء الله يا الملكة
عيني بااااردة

اها...انا عندي كنز والله

شريط فيديو فيه نخبة ممتازة من اعضاء المنبر

ندي علي
غربة
تماضر
احمد امين
عبدالرحيم ابايزيد
عادل عثمان
معاوية الوكيل
الخاتم عدلان
انتهازي
وشخصية...مفاجأة كبيرة
وأخري..من أكبر المفاجآتوفيهم ناس آخر طررررب و رَبٌة

اها قلتوا شنو؟؟؟؟
وجايزتي شنو؟؟؟؟

بس خليهم يدوني القرين لايت

Post: #260
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:37 PM
Parent: #243

حنينة الضنينة
أراك تبخلينا
بصورة علينا
ألا ترحمينا
فلا تبتزينا
ولا تساومينا
فلن نستكينا
لما ترغبينا

ختي صورتك
وريحينا
وسيبي أعضاء المنبر
لوقت يحينا

Post: #244
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 04-02-2004, 02:01 PM
Parent: #1

عصام جبر الله انت ما تفضى لعمر ابراهيم الجاب صورتك بدون ما يستأذنك، بعدين الجابك تانى هنا شنو؟ ما شفت ود قاسم قال شنو؟

Quote: شفت الزوار كتار ، والبوست دمو خفيف ، قلت أحسن تخت لينا حاجة منفرة

و انا ما متأكدة هو كان بيتكلم عن الصورة بس ولا عن مشاركتك فى البوست بصورة عامة فاحسن فى الاول تتأكد من ود قاسم (او منّى او من رجاء – لانه تفضل و ادانا شراكة فى البوست)

Quote: رودا هينه و لا لينه عشان كل من هب ودب يكتب فيها قصايد

طبعا رودا ما هينة، لكن يا ندى امين قريتى الكلام ده؟

Post: #247
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ghurba
Date: 04-02-2004, 04:25 PM
Parent: #244

رودا اختي وحبيبتي مش اذكري انا قلت بغش فيهم وانتي بتصدقي ..كدي امشي انكتي صورنا شوفيني كان اتهورت
وبعدين شغل الفيران ذاتي خليتو يااخوانا الزوله دي ما قلت ليكم .................ونوع ندي مصطفي دي يعملوامعاها شنو يا زوله مالك اوعي تدخلي بين التفاحه وقشرتها وروداىالتقول الدايره انشاءالله تقول بصفي في الفيران زاتو لكن انتي البمرقك من حبيب الكل وقصائده وحنينه وشرائطها ما قلت ليك الشباب شايلين كميرا قلتي ديل اصحابي اهلا..

شكرا ندي ورودا علي الترحيب اصلو الفيران متوعكه شويه ولازمها راحه قبل ماتبتدي تمرين الجك والقفز العالي...قال قرايه قال..

Post: #261
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:41 PM
Parent: #244

ندى علي
شايفك بقيتي تحرضي علي العملاء ،، تذكري أنك حتى هذه اللحظة لم تسددي نصيبك ..
ومنو القاليك إنك شريكة أصلا ؟ الشريكة الأصيلة هي ندى أمين ..
هل سبق وان كتبت ندى غير معرفة ،، أنا يمكن كنت عايز أصطاد عصفورين بحجر ،، بس العصفور البنقد بفكو،،
والله أنا خايف الجندريات ديل كلهم يكونوا من نوع العصافير اللي بتنقد ،،
الله يسترنا معاكم يا بناتي ،،

Post: #246
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: hala guta
Date: 04-02-2004, 04:16 PM
Parent: #1

ود قاسم وازواره /زائراته

القصة جابت ليها منافسات ومسابقات

والمقاتلة ندى على عندى ليها صورة خطيرة

جندرية جد جد
والخواحية حنينة عندى ليها البوم

والشريط القالتو الخواجية ..سرقت منو نسخة من عندها

يعنى داخلة المزاد بالشريط وصورة ندى وصورة حنينة

رايكم شنو

مين يزود؟؟؟

Post: #250
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ghurba
Date: 04-02-2004, 04:46 PM
Parent: #246

حنينه ما بديك اي اذن وبرفع فيك قضيه
وبجيب هناي محامي يشيل منك الديه..
وامشي انا واهيص بالقروش ومعاي سعديه النكديه(عرفتيها(

هاله قوته..يعني انتي وندي علي بطريقتكم انا مالي سويت شنو..بعدين يا هاله انا عارفاك ما بتساومي قلتي لي دايره شنو؟؟؟

Post: #268
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 04-03-2004, 01:33 PM
Parent: #250

Quote: حنينه ما بديك اي اذن وبرفع فيك قضيه
وبجيب هناي محامي يشيل منك الديه..
وامشي انا واهيص بالقروش ومعاي سعديه النكديه(عرفتيها(

لوووول يا غربة
والله القصيدة عندك لكن..ما تراكي شاعرة
سلامي لسعدية الما نكدية
وهل يخفي القمر؟؟

مرحب بعودتك يا غربة

Post: #262
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-02-2004, 05:45 PM
Parent: #246

هالة
الآن اكتشفت أنك خلطة رهيبة ،، ما كنتي تكشفي سر اللعبة ،، سيبي لينا صورة الناس عليك الله فترة ، عشان يذكرونا كلما تناسينا ،،
وقد نافست الصورة صورة أم الجندرية ، بس الشلوخ هنا يا ربي ظاهرات وللا لا ؟

Post: #248
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: hala guta
Date: 04-02-2004, 04:28 PM
Parent: #1

غربة
حمدا لله على السلامة

ود قاسم

بوستك بقى جندرى خالص شايفاه

Post: #252
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: اساسي
Date: 04-02-2004, 05:08 PM
Parent: #248

يا بشاشا مبروكة عليك الجايزة وبخيتة وسعيدة عليك ملكة جمال البورد
والله دي اخرتها نشوف منو الاسمح ؟؟؟
انتو يا اولاد جادين في الكلام دا ؟
بعدين يا ود قاسم الحاجات القلتها دي كلها صاح بس ارجل منهم دي
خليها في سرك دي ما بيقولوها في المنابر بالكلام
ومن ناحية تانية كان حسبتونا مع النظام حتلقوا الارجل هو المخلي التاني يمروح اربعطاشر سنة حول العالم
انا شخصيا ما عارف الرجالة كيف لكن الزول الشال حقك حمرة عين ساي ما اظنك ارجل منه هاهاهاهاها
يا منورين ( عكس ظلامين)
قال نشوف الاسمح منو قال
والله دا الفضل يود ما تشد حيلك معانا شوية

Post: #263
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 04-02-2004, 06:37 PM
Parent: #252

اها يارجوية انا بعرف

ماقلنا بالترتيب .. ودا تمهيد وملكة بعدين
اها افتحو المزاد خلونا نقرر
وانا حادفع اغلى سر فى صورة الخواجية زرزور المدين
Quote: والله لا حكت ولا بقت! حتي في الوجاهة يخرتونا الظلاميين؟

دا الله ودى حكمتو

لكن قدام البورد لو طلعت ملك جمال البورد يا بشاشة انا اخلى الاسم دا .. ومالنا ومال الشبك (ملكة)

Post: #264
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 04-02-2004, 07:06 PM
Parent: #263

نسيت اقول شريط الفيديو فيهو زميلنا فردة
صورة وااضحة وحية ....موش عنقرة بس

اها..غربة ما ادتنا القرين لايت..خلاص نشيل اللقطة دي
اها ننزل

يا الملكة
لو المزاد جاب سعر كويس قولي عووك
عشان اجي اتقاسم مع الزول العنده الصورة

يا ود قاسم البوست بقي استوديو

Post: #267
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-03-2004, 12:45 PM
Parent: #248

هالة
وأنا خال لكل الجندريات ،،

Post: #265
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: محمد ابوبكر عثمان
Date: 04-02-2004, 07:33 PM
Parent: #1

ود قاسم لازلت على موقفي انو خايف على الجكس من الفتنة
ولن تنجح محاولاتك في استفزازي لوضع الصورة الا بعد ان يترجوني 50 جكسااااااااااية

رجاء انا متبرع اعمل ليك نضارة وكشف مجانا لمدة شهرين لحدي ما امتحاناتي تخلص .......... رايك شنو ؟؟؟؟؟؟؟؟؟؟؟؟؟

Post: #273
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-04-2004, 07:56 AM
Parent: #265

محمد أبوبكر
جعجعة ولا أرى طحنا ...
much cry , little wool
السوّاي ما حدّاث

Post: #266
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: فجراوى
Date: 04-03-2004, 04:41 AM
Parent: #1

ود قاسم

يادفعه

الكترابه.........القصه جابت ليها صور وبنابر ....وشعر كمان,ابيت ادخل من الاول قلت اخليك تشيع بوستك المخرف ده الى مثواه الاخير ..واجى اعزيك

لكن اتت السفن بى روده ذاتها

وشالو الصور جابوها ليك .....ظاهر عليك صدقتهم

Post: #274
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-04-2004, 07:58 AM
Parent: #266

تعرف يا فجراوي ناس دفعتنا ديل حقو ما يغيبوا ولا لحظة ،، لأنهم أصلا ما باقي ليهم زمن كثير عشان يغيبوا فيهو ،،
خليك مع الزمن ..

Post: #269
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 04-03-2004, 09:04 PM
Parent: #1

الملكة المهرك مارخيس!

تاني مرقناكي بعد الصورة من قائمة الظلاميين!

اساسي شايفوا رفع البيرق!

الحمدو لله الذي ابعد اليهود عن القنال، وكفانا شر القتال!

بالمناسبة ماشفتو عمر بانقة بغني اميرة الشباب بتاعت زكي عبد الكريم، كيف! بي مناسبة زكي، نهدي الابيات التالية لي ندي علي عشان ما نشوف لو فعلا بتعرف "انداندي" ولاهي فقط من حملة "القرين كارد"!

سهريري اي منيرن دو..
كونتر فوجي ويقن دو..
حمار قيلي شقين دو..
فقير فالي عبديندو..

Post: #275
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-04-2004, 08:05 AM
Parent: #269

اضبط ... بشاشة يستغل بوست ( صورتك في المنبر ) لوضع أسس جديدة للتصنيف وإعادة التصنيف ،،

Post: #270
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: DKEEN
Date: 04-04-2004, 00:25 AM
Parent: #1

Quote:
شدي حيلك جيبي لينا صورة وللا صورتين ،، وين الجندريات ، وين صورهم ؟

Quote:
ندى بت علي
أنتظر صورة ،، ختيها يوم واسحبيها ،،

Quote:
مايا
ختي الصورة ونجيب ليك تعهد

المرفعين ما بهرول عبس

مثل من دار مساليت

Post: #277
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-04-2004, 09:18 AM
Parent: #270

دكين
والله إنت رحت شمار في مرقة ،،
طلعت أي كلام ،، ومرقت بي قد القفة ،،
المرافعين جابت الصيد ، وإنت قاعد تباري بي برة ،،

Post: #271
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: hala guta
Date: 04-04-2004, 01:34 AM
Parent: #1

تعرف على من بالصورة؟؟؟؟؟

الصورة لبورداب

دى بروفة لما سياتى لاحقا"

Post: #279
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-04-2004, 12:53 PM
Parent: #271

هالة
جوعتينا ،،
وين باقي الصورة ،،
هي من بورداب لندن على كل حال ،،
ما شايفة صاحبنا\تنا بيحاول\ بتحاول يغطي \تغطي لحم الخنزير ..
إيه في الاستخدامات الجندرية للمفردات اللغوية ؟

Post: #272
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: maha abdella
Date: 04-04-2004, 02:34 AM
Parent: #1

انا لا خائفه ولا متخفيه لكن صورتي
بخوفوا بيها الشفع لاحقه قرنتية سجيمان

Post: #276
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Bashasha
Date: 04-04-2004, 08:59 AM
Parent: #1

يا ود قاسم
الملكة انا قايلة من نوع الخيمة اللتي تمشي علي قدمين، مع خرمين قصاد العينين، لزوم الشوف!

Post: #278
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: منعمشوف
Date: 04-04-2004, 12:42 PM
Parent: #276

لاول مرة تختفى صورة رجاء يا ودقاسم
إنشاءالله خير يا شباب

Post: #280
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: DKEEN
Date: 04-04-2004, 01:28 PM
Parent: #1

هالة قوتا
دي يد واحدة محننة وما مخطوبة..ويبدو انها بيضاء من غير سوء تسر الناظرين

وموبايل عفا عليه الدهر

وطبق من مطعم رخيص

Post: #281
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ملكة سبأ
Date: 04-04-2004, 05:38 PM
Parent: #1

Quote: تاني مرقناكي بعد الصورة من قائمة الظلاميين!

Quote: اضبط ... بشاشة يستغل بوست ( صورتك في المنبر ) لوضع أسس جديدة للتصنيف وإعادة التصنيف

وين مودينى يابشاشة اخوى خليني فى محل دا احسن لى

Quote: الملكة انا قايلة من نوع الخيمة اللتي تمشي علي قدمين، مع خرمين قصاد العينين، لزوم الشوف!

مابحتاج صدقنى عشان اعرف اقول دا صاح ودا غلط .. ولا عشان اعرف الحق وين ...
والحمدولله المنور بصيرتنا
وبعد داك تطلع ملك الجمال هنا قلت ليك حانتازل بكامل رغبتي عن اسم (الملكة)

.................

هلولة ... الصورة خليها ادينا رقم الموبايل دا وامرقي منها

رجوية صورتها ويين ياجماعة
وبالمناسبة انا معاى البوم محترم لناس القاهرة .. مين يزود

Post: #282
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ghurba
Date: 04-05-2004, 12:39 PM
Parent: #281

ياود قاسم...اجي ياود امي
Quote: يا شباب الموضوع جاب ليهو فيران ،،
فوق الحلة دي أنا تاني ما بجي
الفيران كتار أنا تاني ما بجي
ناس الرفق بالحيوان أنا تاني ما بجي
وفي المعمل كمان أنا تاني ما بجي
وقفازات فلان أنا تاني ما بجي

انت كنت بتساهر وين؟؟ لكن بيني وبينك ماعندك شريط من جنس دا
يازول رودا اصلها بتحب تهزر معاي!!!
Quote: مالك ومال صورة رودا ،، جيبي صورتك أول وبعدين جيبي صورة رودا
..
خلاص اتقلبت علي يازول احسن ليك انا ورودا البينا عامر وبكره نبقي في الحناس...
والله انا ما بنزل الميدان براي وكان صوري الا معاي صحباتي..اهه رايك شنو بتقدر علي سعديه والا التانيه المابقدر اقول حاجه فيها اسي..

حنينه هوووي اذن مافي تكتري تقللي بحرش ليك وتبقي في حقوق الطبع والتوزيع اهه البمرقك شنو..قال خواجيه قال...

هاله الرصينه.. الحلوه الحنينه
مشت لندن وابت تجينا.. بلاش تحرجينا
ولو عنك شرائط نحنا فيها امسحينا
وليك علينا نقدم مالدينا..
فصلت مش كده...
غربه

Post: #285
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: haneena
Date: 04-05-2004, 12:59 PM
Parent: #282

غربة...سلامات
اها انا عندي ليك اتفاق احسن من حقوق التوزيع
المرة الجاية بجيب ليك هالة معاي ونجيك لغاية خشم باب بيتكم شريطة التنازل عن الصورة
قلتي شنو؟؟

ندي علي
والله البومك ذاد جنس ذيادة..اسكتي خلي ساكت بس

الملكة
ختيني في لستة البوم القاهرة

Post: #287
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-05-2004, 01:09 PM
Parent: #282

غربة
سعدية منو؟ أوعى تكون صاحبتي الما بتقدر عليها ؟
كدي جيبي الصور ،، وبعدين نشوف .

هات ..... يا زمن
جيب كل أحزانك
تعال جيب المحن

من يلحن أغنية هالة الرصينة كلمات غربة ؟ يلا يا فنانين البورد ..

Post: #286
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-05-2004, 01:03 PM
Parent: #281

الملكة
الصورة اختفت ،، الحاصل شنو ،، دي حالة اختطاف ،، الله يستر .
نزلي إلبوم القاهرة ،، وحسابك عندي ..

Post: #283
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: nada ali
Date: 04-05-2004, 12:41 PM
Parent: #1

سلامات يا ود قاسم،

Quote: ومنو القاليك إنك شريكة أصلا ؟ الشريكة الأصيلة هي ندى أمين ..

لا حولااا، كويس على الاقل الشريكة طلعت ندى امين (ما دكين مثلاً)!
مارديت على السؤال بخصوص عصام جبر الله ولو انى اقترح انه يواصل فى البوست لاستخدامه مفردات مجندرة مثل

Quote: كابوس/ة

ولا أهل العوض.

بشاشا
سرى ناقمى
لازم تحرجونا يعنى؟

حاجة دومة مع ود قاسم اطالب بالصورة ذات الثوب الابيض!

هالة لكن الصور عندك

Post: #288
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-05-2004, 01:13 PM
Parent: #283

ندى علي
وين مشيتوا إنت وندى أمين ورجاء ،، والله أنا أدي كل واحدة حسابها وأمتلك كامل البوست ! أحسن ترجعوا بأخوي وأخوك ،، وكل واحدة تجيب صورتها معاها ،، ما عايز أي أعذار من نوع أسألوا بكري وللا خالد الحاج ،، صورة يعني صورة ،،

أنتظر بفارغ الصبر صورة بشاشة بالرغم من أني مش مطمن للموضوع ،،

Post: #284
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: Elmosley
Date: 04-05-2004, 12:52 PM
Parent: #1

العزيز ود قاسم اتابع
هذا البوست باعجاب
وطبعا اخوك متهم بطول البال والقدره علي الصبر
بس اخوك صعب جدا انو يزعل
تسلم

Post: #289
Title: Re: صورتك في المنبر ، لا توجد ، موجودة ، خجولة ، رسمية ، أم جريئة ؟
Author: ودقاسم
Date: 04-06-2004, 07:52 PM
Parent: #284

موصلي يا حبيبي
الله لا جاب يوم زعلك ، وماعاش اللي يزعل الشفيفين مثلك ،
لك التحية ..