خروف العيد - المرّة دي في الرياض - نفـــــير

أ _ شراء الخروف مشكلة ، مكان حفظه مشكلة ، عملية ذبحه مشكلة .
1- السوق مزدحم ، الأسعار مرتفعة ، والجيوب شحيحة .
2 - لا توجد أحواش للحفظ ، ولا الجيران يتقبلون .
3 - إذا ذبحت في الشارع فالبلدية تأتيك وتصادره ، البيت لا يتسع ، والمسلخ مزدحم وبيرموا الكمونية ..
ب - العزّابة مشكلة ثانية ، يجوك شايلين خشومهم وجلاليبهم نضاف ، وما فاطرين كمان ،،
يقعدوا قعدة واحدة من صباح الرحمن ، لا شغل ولا مشغلة ، ويهروك بالمغالطات ، وريحة البيت تتملي سجاير ، والصوت طالع ، والكراسي تتهري ،، وست البيت عينها تطلع . وإنت مطالب بالملاطفة والونسة مع الضيوف .
ج - البيت يتوسّخ ، وريحتو تبقى ما حلوة ،
د - الحيل يتهد ، وما تعرف تستمتع بي إجازتك ، ولا أولادك يستمتعوا بي بيتهم ، ولا أسرتك تستمع بي جمعتها ،،،

المرّة دي أنا ما عايز خروف ، ما عايز ضحية ، بطّلت ،، ربنا رفعها عنّي ،،
كان دايرين شوفوا ليكم لمّة ، وشوفوا ليكم استراحة ، أجّروها ، واشتروا خرفان كتار ، وودوهم المطبخ ، وأنا بجيب مرتي ووليداتي وبجيكم ،،
وكان ما دايرين العيد مبارك عليكم من هسة ، لا تجوني ولا أجيكم ، والتلفون يكفّي ..
وكان دايرين تمشوا تحضروا اليوم المفتوح بتاع زهير يكون خير وبركة ...

ود قاسم

الكلام دة كلو ما بيحلك ..

يا عزابة الرياض .. هاتوا خروفكم و تعالوا عند ود قاسم
أنا بجيب الشربوت ( ما تخافوا .. حتى كثيره غير مسكر و لكنه بيجيب التخمة و بالتالي توفير في اللحمة ) ..

يا خال

صالونك مناسب للقاء وطفاياتك كتيرة

وطلال قاعد للشاي والذي منو

والشربوت من ابو جهينة

ناقصين العذابة بس

استعد جاييييينك

ولك الود

خالد أحمد عمر
كل سنة وإنت طيب
تصدّق يوم الخميس الفات تمبس كسّر واحدة من الطفايات ، وطلال سافر السودان ، وشربوت أبوجهينة طلع إشاعة ،،، وأنا ذاتي مسافر السودان مع محمد الشيخ عشان أحضر عرسو ...

شمار ابن كلب .... مش ؟

أبوجهينة
شيل شربوتك وخليك محضر خير ..

كل سنة وأنتم طيبين

وخروفكم مبارك

غايتو يا أبو جهينة أنا عندي وعد من أخونا مامنان بكيلة قنديلة وكيلة بركاوي وما شي أزيد عليهن خمسة كيلو سكري مكدوس وكم كيلو برحي ومن هسي بغليه مع البهارات والذي منه وعاد ماشي يكون شربوت كارب وتجي أنت وود قاسم بس بشرط يكون معاكم ترهاقا وبعد داك ما تسألوني كان قرص ولا حتى لدغ...

وتمبس يكون جاهز للتوصيل آخر الليل والعربات بتكون في الحفظ والصون تجوا تاني يوم تسوقوها بعد الصحوة ...

أما المرارة والكمونية فشطتها جهزتها من هسع شطة خدره كاربه والبتقطعها وتخلطها بالليمون والدكوة إلا تلبس كمامة وتقيف خلف حائط من الرصاص لأنها مصنفة ضمن المواد شديدة الإشعاع.

أما خروفي فتني سواكني أقرن سمين يحمد ربه وفارع الطول قوي يحتاج جزار وتنين مساعدين في شان يقدروا عليه.

أما المكان فعندي سطوح كارب بس رياح الشمال عاتية وبارد وبتساعد في إلهاب نار كانون الشية بس ألبسوا تقيل وما تنسوا الشماعات لأننكم بعد الشطة والشربوت راح تملصوا الجاكتات من السخانة وكان ما جبتوا الشماعات ممكن تتوسدوا الجاكتات وتب ما في مشكلة...


ومآآآآآآآآآآآآآآآآآآآآآآآآآآآآآء.....

Quote: وكان دايرين تمشوا تحضروا اليوم المفتوح بتاع زهير يكون خير وبركة ...

العزيز ودقاسم

اليوم المفتوح تاني يوم في العيد ... أول يوم يمشوا وين؟؟؟ ياهم الجاينك خاصة بعد أغراء ابوجهينة بالشربوت ...

خروف سمين وكل سنة و انت والاسرة بكل خير ...

خالد

مع إنها دعوة مفتوحة منك يا استاذ ود قاسم عشان تلم الناس فى بيتك
لكن انا معاك فى مسألة الإستراحة دى

ترهاقا

Quote: لكن انا معاك فى مسألة الإستراحة دى

تشكر علهذا اللحن الجميل

خالد الطيب
إنتو ما تسووا يومين مفتوحين بدل يوم واحد عشان بورداب الرياض كلهم يجوكم في الشرقية
وأنا ذاتي جاييكم ،،
سلم لي على زهير وأم سهى وناس الشرقية كلهم ،،
وعيد سعيد للجميع ..

أنا أثني اقتراح اخوي ابوجهينة
. . .
يا ابوجهينة اخوي انا تبع قوات التحالف مركزنا جوبا عايزنها اسكتو . . ساي
شربوت ما ينفع . . الخرفان سواكنية وعايزة اسكتو مع واوي

حمزاوي
كل سنة وإنت طيب ،، هات لك شربوت سكوتاوي / محسي ، والخروف هيّن ، بس جهزوا الاستراحة ..

الكريم ودقاسم


طبعاً عزابة الرياض فاهمين دعوتك ورغبتك في (الإجهاز) على الخروف من بدري و (تنظيف) البيت من السواكني الما خمج لكني اعرف أن السيارات جاهزة ومتجهـة شرقاً ويوم مفتوح ما بتفوت وشكلكم كدا حترسو على ثلاثة أنت رابعهم.

لمعلومية بورداب الرياض, عيدي هذه السنة في بلدا (طيرا - عجمي - ).

وتحياتي

أحمد الشايقي
كل سنة وإنت طيب
وفي البلد الطيرا عجمي دي رايح تضبح شنو ؟ أوعى يقولوا عليك عنصري في حكاية الكطير العجمي دي .

يا ود قاسم ما بيحلك الا يأجلوا العيد السنة دي !!!
كل عام وانت بخير

عمر الفاروق
كل سنة وإنت طيب
حلوة حكاية التأجيل دي ،، لو يعملوها على الأقل يتصادف العيد مع الرواتب

ياخال ازيك
المشكلة مافى العزابة ياخال المشكلة انو صالونك مغري انا زاتى شكلي حأجي أفطر
معاك وأرجع ياخال انا ماوجهت ليك دعوة قلت ليك تعال العيد هنا وماعليك بأي حاجة بس ادفع حق الخروف والباقي علينا وطبعا مايفوتك ناس الرياض حاسين انك عندك نية زوقة عشان كدا محضرين البديل وقاعدين اها غايتو نحن ياخال من يوم الوقفة شايلين اعلامنا وطالعين نستقبل الجماعة فياريت ياخال تكون معاهم

يا خال
وبما إننا معيدين خارج الرياض لكن كان ما عملنا حسابنا من هسي ما بنمشي ..
يعني نفوت خروفك نمشي وين ..
وكمان دي فيها إغراءات من أبوجهينة يعني نفوتها والله دي ما بنسويها ..

وتاني حاجة أنا مجهز ليكم مفاجأة حا تعجبكم لعموم بورداب الرياض ..
طبعاً دي عايزة ليها قعدة بس ما حا نكلم شتات وتمبس ..

معتصم
كل سنة وإنت طيب
غايتو أنا معيد في الرياض ، لكن جرس الباب عندي عطلان .. وتلفوني انتقائي

بدري
كل سنة وإنت طيب
أدفع حق الخروف والباقي عليك يا بدري ، وتاني الباقي شنو ؟

إيه الحكاية يا ود قاسم؟؟

تجهيز مركبات يوم القيامة؟؟!! الأئمة يرددون دائما على المستمعين أن المسلم يأتي داخلا الجنة وهو ممتطيا كبشه الذي ذبحه في العيد.. وما عارف إنت حيكون عندك كم مركبة؟؟ أنا أمزح فقط يا ود قاسم، فأرجو ألا تفهمني غلط..

"لا يكلف الله نفسا إلا وسعها لها ما كسبت وعليها ما اكتسبت"..

د. ياسر
كل سنة وإنت طيب
يا أخي قالوا الرسول صلى الله عليه وسلم ضحى عن نفسه وعن أمته ،، نحن بنركب مع الرسول ،، وطبعا إنت عارف إنو أهلك العركيين ديل قريبين جدا وماعندهم مشكلة ،،

يازول أنا معاك تماما.. الله ريحك يا فوزية.. هل تصدق يا ود قاسم، لم يسبق لي أن ذبحت خروفا في العيد طيلة حياتي وأغلب حياتي الزوجية كنت وأنا جمهوري، والحمد لله.. ومبسوط جدا أنه نبينا عليه السلام قد ضحى عني وانتهى الأمر بالنسبة لي.. 26 وعشرين سنة زواج بدون ذبائح ولا دوشة.. ونسأل الله أن يعفينا من أكل الحيوان في يوم من الأيام.. والحمد لله لا أحب اللحم وعندما آكله أشعر دائما بالتقصير لأني لا زلت آكل اللحم.. سيأتي يوم يترك الناس فيه الضحية بدون أدنى ريب.. وربما نحضر زمان يتفق فيه الناس على رفع المدية عن الحيوانات.. وكل سنة وإنت طيب..

الخال ودقاسم ..

اسمعني يا خال المسألة لا خــروف ولا غـيروا، انت القعدة والونسة معاك ليها طعم خاص ومذاق اخـر خليك من اللحوم دي لحدي بعدين .. يعني ما جاينك ناس خرفان، والله بس لو فيها مرارة بالشطة وصحن صغيييييييييير بتاع شية جمر كفاية.. لانو شية الصاج دي فيها زيت كثير وانا الدكتور محذرني من الزيوت، ويا خسارتي مع الكمونية.. والشربوت برضو عشان فيه بهارات كثيرة .. لكن انا قلت للدكتور الشية والشربوت والكسرة والفرك والمرارة والحاجات دي لو تقطع مصراني مرة واحدة ما بخليهم .. ما بخليهم قلت ليك .. عامل لي فيها دكتور ناصح؟؟
وبالمناسبة يا شباب انا عارف ودقاسم ما بضبح اول يوم حاول المرة دي جازفها .. عشان نحرك ركب المسافرين للدمام أول يوم بالمساء بدري نحصلهم قطر 12 ونجي نتم الباقي .. وكمان اشيل معاي كومي .. وشوية شربوت من بتاع ابوجهينة ولا دا كمان ممنوع، عشان الشربوت يعملوا مفعولو ويشتغل صاح .. بالمناسبة شربوتك عيار كم يا ابوجهينة عشان ما يتلخبط علينا الاختصاص .. لووووووووووول

معتصم، تمبس خليكم قريب عشان تقوموا مع خالكم بدري تمشوا المسلخ تجهزوا الشغله دي عشان ما تتأخروا على الناس .. شتات حضر ليك قصيدة كاربة كدا لخروف ودقاسم ودكين التحلية

وليد العريس

شربوتي من عيار 21 ( غتيت لدرجة الشهقة التي يحبها تمبس و يكرهها دكين ) ..
ينفع ؟

Quote: ( غتيت لدرجة الشهقة التي يحبها تمبس و يكرهها دكين )

لوووووووووووووووووووووووول

يشهد الله يا خال لولا انني خارج الرياض في العيد كنا جاينك من صباح الرحمن لكن
ظروف البلد دي نسوي شنو ... عموما الاولاد معيدين هنا في الملز لازم تمرهم تاخد ليك
شربوت عيار xxl وتخلطوه مع حق ابو جهينة وانشاء الله لما نرجع نلقاكم يا دووب صاحيين
طبعا معاك الشباب ما تنساهم ....
ابشرك اليوم تم بدء التحضير للشربوت يعني بعد اسبوع يكون ( نار منقد ) فلا تدع الفرصة
تفوووووووووتكم ..

ود الباوقة

والله غايتو ده برنامجنا .. وده وضعنا الطبيعي ..
بنجي بي سجايرنا..
بنوقف عرباتنا قدام البيت ..
اي كمية بتاعت شاي ومعاها كعك بنضربه..
اي سيرمس بتاع قهوة ، بيتعب معانا ..
الايامات دي الجو بارد شديد ، اعمل ( جيك ) علي الدفايات المكيف بتاع الصالون ده نضف الفلتر بتاعو.. علشان يستوعب اكبر كمية من الدخاخين بتاعت الشيةالجاية من المدبخ..
دائما كل مرة الواحد يطلع منك مكرفس من امتحان القعاد في الحتات الضيقة ..
وكلامك كتير جدا ..

ياخ اذا ما عجبك الحال ده .. اجر ليك بيت تاني .. الوساع كويس مضيقه علينا مالك ؟؟
امرك غريب جدا...
والله حيرتنا..

وليد
كل سنة وإنت طيب
شية وشربوت ودوبيت وسجاير ،، بقت إنداية عديل كده ..

يا ود قاسم يا اخوي :
شفت جنس السلبطة دي؟؟؟ اها انا عضو جدييييييييييييييييد لنج والعزابة المعاي كلهم سافرو ومخلني في الشقة براي يعني كان مشكلتك الشقة تعال ساااااااااااي ونوم قفا ..
وبعدين المرة دي الضيوف حا يزيدو واحد لاني لمة زي دي لا بفوتا لا شتين انشاء الله ..
اها يا ناس عايز اصل ود قاسم ده وصفوا لي البيت ولا وروني طريقة عشان اجي وماف زول يوصف لي غلط ويقول لي اطلع بي طريق مكة لحدي ما القا روحي في بورتسودان ..
اها يا ود قاسم يا تجوني يا اجيكم والتانية انا شايفة اسهل باقي انا ما داير تعبك

والله يا تامبا أخوي ..
الخال دا إلا يسيب البيت طريقة ليهو مافي ..
وبعدين نحن بنشاوروا ..
أنا غايتو في السجائر دا ما معاكم ..
لكن أي حاجة تانية بسويها ..
أها من هسي بنجوطة ليكم ..

ود قاسم

و الله لو عملت ( بلوكات إسمنت ) قدام البيت .. و جبت ناس ( قوات الطواري ) .. قدام البيت .. برضو بتلقانا جوة ..
عكلتة ما بعدها عكلتة .. عشان تاني تحتج ..
تمبس
معتصم
دكين
وليد
وليد طه
حمزاوي
محمد الشيخ
بقية العزابة : راجعوا وليد العريس لزوم خارطة الطريق و طبقوها مع الخال دة

أخونا ود قاسم
كل عام وأنت والأسرة الكريمة بخير.... والأمنيات الغاليات..

Quote: الإستراحة

أنا معاك...
بس..
الكمونية... والعتي.. والمرارة النية.. وشية الجمر...
حكم القوي على الضعيف...
ورأي الأغلبية هو الماشي...


والله يبارك لينا فيك... مع صباحات العيد الجاينا بخيت وسعيد..
وسلام...

عبدالرازق

الخال العزيز ود قاسم ... كل عام وانت والاسرة الكريمة بخير . عزيزي.. لو محتاج
لاى كمية من التمور لزوم الشربوت ارجو الافادة لتأمين الطلبية قبيل سفري الى مكة المكرمة ..مستعدون لتوريد اى كمية ودي هديتي لبورداب الرياض خليهم يهيصو...
شايف الجماعة كلها مكبوبة عندك ... بالهناء والشفاء انشاء الله ...


ود الباوقة

ود قاسم
يا أخوي ما تجونا في جدة
علي الأقل ممكن تشرط فاتورة الشربوت
والله من هسة زيرو فاير