التِّبِش اختراع سوداني

لم أسافر كثيرا ، لكنّ البلاد التي أقيم فيها منذ زمن طويل لا تعرف التّبش ،،، سألت أناسا عديدين ، من جنسيات عديدة ، عرب وغيرهم عن التّبش ،، لكن لا أحد يعرفه ،،،
لا تكتفي بلاد إقامتي بمنتجاتها الزراعية المحلية ، بل تستورد جزءا كبيرا من الأغذية من الخارج ،، من كل بلاد الدنيا ،،، وهذه المسألة لا تمنحك فرصة أن تتذكر المواسم ،، ففاكهة الصيف متوفرة في الشتاء ، وفاكهة الشتاء متوفرة في الصيف ،،، وأيضا الخضروات ،،، وهناك أنواع من الخضروات تجدها متوفرة ، وتلاحظ أنك لا تشتري منها مطلقا ولا يشتريها أهل البلد ، لكنّها موجودة نظرا لأن هناك من الأجانب من يستخدمها ،، لكنّ التبش غير متوفر مطلقا ، لا لأهل البلاد ولا لنا نحن الأجانب ،،
وكثيرا ما أشتهي التبش بالروب ، والشطة ،، لكنه غير متوفر ،،، وعزائي أنني كلما سافرت إلى السودان يكون الموسم خريفا ، ويكون التبش متوفرا ،،، وفي قريتنا ينبت التبش على أطراف القرية بدون أن يزرعه أحد ( بروس )،،
شوفوا لينا حكاية التبش دي ،، هل هو اختراع سوداني ، أم أنه موجود في بعض بلاد الدنيا ،،،
يا ناس الزراعة ،، حيلكم معانا ....

Salam ya Abu Alnasab
Just to register my attendance
Salam and will get back some time later
What do U think of
تبش الحدب
Zainelabdin

ود قاسم

موضوعك عضلاتو تبش

في القرى المنتشرة على ساحل Costa del Sol الأسباني .. و بالتحديد في منطقة الأندلس في قرية ماربيا و مدينة ملقا الساحلية و منطقة قصر الحمرا .. وجدت نوعا من التبش ليهو ( جضوم ) .. و صحتو زى حمل الخريف .. و بنفس الطعم غير أن لونه أكثر إخضرارا .. و لأنني أحب التبش تماما مثلك بالروب و الشطة .. فقد قمت بجلب هذا التبش المهجن و قمت بتقطيعه و دلقت عليه زبادي مخفف ثم قليل من الشطة الخضراء المسحونة بالخلاط و قليل من الملح البحري .. و قمت بأكل الصحن مع خبز ماكن من النوع الفرنسي الذي في حجم طفل يمشي على قدمين ( هذه الشهية بفعل الشطة ،، يعني أنا ما زولا أكال بالحيل ) ..

أرقد عافية زى التبش الأسباني

أبوجهينة
لك التحية
شكرا للمعلومة القيمة ، وشكرا لاخوتنا الاسبان وهم يشاركوننا أكل التبش ويرفعون من درجة اخضراره ،، بالمناسبة التبش في بلدنا أيضا أخضر شديد ، والتبش الذي يميل للصفرة لا يعتبر جيدا ، رغم كبر حجمه ،،، ونحن لا نأكل إلا التبش ( الرّخص ) بضم الراء والخاء أي الذي ما يزال بصحته وعافيته ،،، وربما يكون هناك أحد السودانيين من الذين عاشوا في بلاد الأندلس هو الذي نقل بذور التبش إلى هناك ... ولكن هل يأكل الاسبان التبش بنفس طريقتنا ؟

زين العابدين
لعلك بخير ،
تبش الحدب ، تبش ، العزاز ، تبش الجروف ، أو حتى تبش الحواشات ،،، هات تبش وبس ..
الروب موجود ،،
شكرا للمرور والتحية ..

Quote: وكثيرا ما أشتهي التبش بالروب ، والشطة ،،

طيب ما تاكل بدلو اسكلوب بانى او مرتديلا مش من نفس الفصيلة

بس الاختلاف يظهر فى النكهة والشكل،،،

تمبس: تبش معناه شنو؟؟

ودقاسم

Quote: Quote: وكثيرا ما أشتهي التبش بالروب ، والشطة

لقد سال لعابى ولله خاصة عندما تخلط الشطة بالدكوةو اليمون

تاكل شوال تبش انا اسالنى من اكلو ههههه و فتش ليك جماعة يبحثوا

فى معناه

لك التحية يارائع


الفولانى

أبوطلال

Quote: ولكن هل يأكل الاسبان التبش بنفس طريقتنا ؟

ما يلاقيه التبش الأسباني في الخل و الملح هو نفس ما يلاقيه الجلد في القرض .. فالأسبان يجعلونه مخللا في برطمانيات تجدها هنا بالرياض متوفرة في اليورومارشيه و العزيزية ..

بل قولوا إن تبشنا السوداني من أصل إسباني أساساً وقد جاء مع الهجرات العربية التى دخلت إلى السودان من الغرب .. وإنما (كشّ) تبشنا وصغر حجمه (مثل عضلاتنا) بفعل خصائصنا المناخية والجينية ..

hameem
يمكن والله ،، تبشنا من تبشهم أو تبشهم من تبشنا ،، ما بعرف ..

عوض الله
لك التحية
أنا ريالتي ذاتا سايلة ،،،
عليك الله لو لميت ليك في تبش بالشطة أعزمني معاك ،،،
وننتظر ناس الزراعة ليأتونا بالمعلومات ..

صديق الموج
مرتديلا واسكلوب ؟
ديل بزرعوهم وين ؟
تبش ياخ ، قلنا تبش ،، تقولي مرتديلا ؟
والله إنتو يا ناس أم درمان مفلهمين ع الفاضي ، تاكلوا تبشنا ، وتكونوا ما عارفين إنو التبش ده بيزرعوهو ولا بيصنعوهو،،
قال تمبس قال
والله تمبس ده يكون بياكل 3 وجبات تبش ..

التبش موجود فى الهند وأكلناه هناك فهو أيضا هندى

EXORCIST7
بالله الهنود عندهم تبش ؟ طيب ليه ما بيجيبوه هنا ؟ البلد عندنا كلها مليانة هنود ..

تخريمة :
ما فكرت تغير اسمك عشان يبقى لينا ساهل شوية ؟

hameem

Quote: وإنما (كشّ) تبشنا وصغر حجمه (مثل عضلاتنا) بفعل خصائصنا المناخية والجينية ..

تصدق يا الخال ودقاسم انا اول مرة اكلت فيها التبش كان في الدويم سنة 70 لان التبش دا مافي الشمالية خالص
طبعا في فرق بين العجور والتبش
شكلاً وطعماً
حسع حيجي صديق الموج ناطي يقول لي كيف
التبش نبات متبوش
والعجور ............ ما بقدر اقول

الشفيف/ ود قاسم.

Quote: قريتنا ينبت التبش

جوه بيتنا التبش سارح...

مرة كده... عند سوق البنغالاديشيين بجوار الأسواق السودانية
بسوق البطحاء ... وسط مدينة الرياض..
شايف لي كويرات شكلها بيضاوي ...

وأقل حجماً من حقتنا ديك...
وعاد بي الحنين...

فركت عيوني لأني كنت مستعجل...
وبعد كم يوم جيت لي صاحب المحل ... وأصبت بخيبة أمل
ولكن .. يا لحسرة خيبة أملي لامن لقيت أحم محل التبش تفاح ...
والبنغالي حاول جاهداً أن يصطاد جيبي والحسرة في عيونو ماركة زي سنونو المحمرة من أكل التنبول... (طبعاً التنبول تمباك هندي... تصبغ قدوم متعاطيه باللون الأحمر).
ورجعت شايل لي كيلو خيار... والخيار برضو (فقوس).. بس أجنبي...

وخلطناها بألبان المراعي (روابه ـ مغرطسة) بعد ما نظمت ليك الخيار دقاقه...
وقعدت أنا والشلة... نتفرج عليها..
وكانت لحظات عشناها...

ولسان حالنا... يلهج...
التبش تبش عجور... التبش تبش فقوس..

كل وخريف وفقوس بلادنا مالي واطاتنا...

تخريمة: في مصر ـ وفي محافظة الشرقية تحديداً في الزقازيق في قرية أسمها فاقوس... ومن أشهر عوائلها عيلة أبو مطر.. وهي تعتبر من المناطق الزراعية... بس ما شفتا الفقوس عفواً التبش.

الخال العزيز ... ارقد تبش ..... لك الود ....



ود الباوقة

عبد الرازق
مني ليك سلام
يا أخي فعلا أخوانا البنغال عندهم حاجات تحير ، وكتيرين وزاحمين الدنيا ،،
تعرف انامثلك جربت سلطة الخيار بروب المراعي ، وجربت سلطة العجور أيضا بروب المراعي ، بس ما بتشبه حقتنا ، ولا طعم تبشنا ،،،

حمزاوي
كيفك ؟
وبرضو تقول لي حضارة تسعة قرون ؟ ناس ما بتعرف التبش ؟

تعرف يا حمزاوي الدويم اشتهرت بحجات كتيرة ، منها جبنة الدويم ، والفسيخ ، والشمام ، والتبش ،، وتستوعب جروف النيل الأبيض الواسعة منتجات عديدة ، ويصلنا التبش من الدويم مخضرا بشلوخه العراض كخدود أمهاتنا ،، ويمتلئ سوق معتوق بخير وفير ، وتأكل كل البيوت التبش بالشطة والليمون والروب ، وتفيض به إنداية معتوق ، وقد قلت عنها من قبل أنها إحدى أكبر وأفخر الأنادي في السودان ، رحم الله ستينات وسبعينات القرن الماضي ...

الخال ودقاسم سلام..

Quote: وفي قريتنا ينبت التبش على أطراف القرية

تعرف نحن فى قريتنا برضو بتنبت حاجة بتشبه التبش ..وانا لمن مشيت البلد استغربت جداً انو التبش ده راقد كده ومافى زول دايرو حتى كمان قلت - بينى وبين نفسى- ياخ الواحد اسه لو شالو ومشى باعو فى الخرطوم مالو..؟بس الحاجة اليمكن لفتت نظرى انو حجمو صغير شوية..لكن برضو ده ما منعنى اشيل حبتين ممنياً نفسى بسلطة (كاربة)..
وتصدق يا خال لو ما نهرتنى حبوبتى (بالرطانة) كان لليوم انا خشمى مُر..
وده كان ( الحنضل)..

ويخلق من الشبه أربعين يا خال..

أرقد عافيه،،

ودقاسم ياخي ماجوعتنا

التبش
الضُميري
الموليته


علينا جاي

ود قاسم الراقى

الله........ياخى جريت ريقى والله نفسى فى شطة بالفول حجات والليمون والتببببببببببببببببش

التبش

سودانى

وبرضو غناء البنات سودانى

وانت معزوم معانا هناك فى بوست الصبحية بتاع غناء البنات

الرسول كان تجئ تحضر الحفلة والله سمحة خلاص..

العزيز ودقاسم ..

موضوع التبش ... أو الفقوس .. موضوع يسيل له اللعاب .. وأعتقد تبش الغرب لا يعوض .. وقد أقول .. انها المنطقة الوحيدة التى تمتاز بنوعية خاصة ..
لا أدرى .. أم هى نتيجة اجترار بعضا من الذكريات القديمة والجميلة ..
أذكر عندما كنب بالمدارس الأولية فى مدينة نيالا بدارفور - وعلى ما أذكر أمام المدرسة الشمالية .. كانت حجة تجلس تحت شجرة .. أهى شجرة لالوب أم سنط لا أذكر .. الشيىء الذى أذكرة .. كنا ننصرف من المدرسة .. والشاطر يجرى لحجز أول دور .. صحن طلس وشطة وليمون وتبش .. وكان ما عجبك باقى الشطة ، كنا نشربة .. يعنى كده - مافى حاجة بتفضل .. ولاسيما لو اشتركوا اثنين أو ثلاثة فى صحن واحد .. لا زولا اشتكى من مغص .. ولا زولا قال .. لغاويس شنو دى .. نضرب الشطة بالليمون والتبش .. لمان نعرق .. ونقول .. " فى السوق فى بلحححح .. بالكيلة والقدحححح .. " ياحليل أيام زمان .. لا تقولى ضبانة ركت .. ولا جراثيم .. ولا وزارة الصحة تدخلت .. وشمعت شدرة الحجة .. حقت التبش .. ولا تقولى أهالينا .. منعونا عن أكل " اللغاويس " - والحمد لله .. ربينا وكبرنا وعجزنا .. والحمد لله ..
ودى كانت حكاية التبش بالشطة والليمون ..

أهه .. ياود قاسم .. كنتو بتاكلوا التبش زينا كده .. ولا ياهو كلام جرايد ..

بس خلاص ..

عمك العجوز
أرنست