هدر للباندويدث

وأخلعُ عليكِ ألقابَ الزّهَر
وأكسوكِ دثاراً من مطر
فتغتسلين من رجسِ السفر
والشوقُ حولكِ ينهمر
والسّهدُ جرمٌ لا يسر
والحبّ فجرٌ ينتصر
عند انحناءاتِ السَّحر
كان عشقي يستعِر
كان حضنكِ لي مقر
وفوق الخدّ يرتسم العمر
وريق فاهكِ لي عطر
والصدرُ منكِ كما الثمر
والخصرُ أعطافَ النّهر
والصفوُ منكِ بلا كدر
ومددتُ كفّي فانبهر
لمسُ الحريرِ بلا حذر
حَمِيَ العناق وما فتر
والشَّعرُ ليلٌ مستمر
والجِيدُ زيّنهُ التبر
والقرطُ ينبئُ بالخطر
فتكاد روحي تنفطر
ورماحُ رمشكِ تنكسر
تروي حكايات الغجر
وسكبتُ كأسكِ فانتشر
فشربتُ منكِ بلا سكر
أحييتِ منّي ما اندثر
ومحوتِ تاريخ البشر
غاب المشيب فلا أثر
وبقيتُ كالطفلِ الأغر
وكتبتُ فيضاً من شعر
مرّ الزمانُ بلا ضجر
ضاق المكانُ فلا مفر
والرُّوحُ فينا تنصهِر
فاض اللهاثُ كما الوتر
والليلُ أظلمُ من قدر
والضوءُ منك كما القمر
والغيمُ من فوقي يمر
تسري نسيمات السمر
يمتدُ بي حلم السّهر
أبقى وليداً مبتَسر
أبقى بحضنكِ منتظِر
ألقاك وارفةَ الشّجر
والعشق يغمرُكِ بحر
أهفو إليكِ وأعتذر
فالعمر قد ضاع هدر
لكنه الآن ازردهر
فنحرتُ أحزاني نُذر
عاد النماء إلى القَفَر
طاب المقام فلا سفر
ورحال شوقي تستقر
تغلي وتنذر بالشرر
تلقاكِ أحضان الجُزر
وبأمر حبّكِ تأتمـر
تأتيك خاشعة البصر
تحبو كدرويش الذِّكر
ترقى لمرفوع السُرُر
والملك ملكك محتكر
والعرش يحمله ( ككر )
بيَدَي ملائكةٍ سُمُر
يغشاهمو لصف الدرر
سرجا أُضيئت في ممر
ودفنت حزني في القبر
وبقيت أقتاد الدّهَر
أنّى أشاء وأقتدر
أنهي وآمر لا ضرر
والناس من حولي زُمُر
وبغاث طير قد نفر
ليلي تغشّاه القمر
ليلي تغشّاه القمر

سلامات يا ود قاسم؛

ليت كل الهدر كهذا الهدر.

سلمت يا سيدي.

( الصديق ) حسين
أهلا بك هادرا لدماء الباندويدث ،،،

والله أول ماقريت كلمة هدر دى...اذكرتا ماسورة مطبخنا المحلوجة ليها
شهرين....و دخلتا قلتا أشوف ده منو الكسلان زى حلاتى ده ؟
ولقيت قصيدة حلوة...نشكرك عليها..
ولو عندك من النوع ده...أهدر البتاع القلتو ده ولايهمك

القرضابي
سلام واحترام
للماسورة المحلوجة صوت موسيقي ، ربما يكون صوتها أجش ، لكنه في ختام الأمر هو موسيقى ،،،، ومن حسناتها أنها تحرك الحياة في المنزل ، خاصة إذا كانت في المطبخ ، فالزوجة أو الأم أو حتى العزابي ( العليهو الدور في الميز ) كل منهم سيشتكي بطريقته ، وسيعبر عن سخطه ، وسيلقي اللوم على شخص ما ، فيدخل الناس في حوار ربما تتخلله بعض خشونة ،،، والحياة كلها حركة ، والسكون أحد آفات الحياة ، يمنحها صفة الملل ، والركود ، ويدفعها إلى الانتحار ،،،
شكرا لزيارتك ،،،

يعنى ياود قاسم الواحد ما يغيب واللا شنو؟؟قلنا نرتاح شويه من وجع القوافى نلقاك طوالى مسكت الساحه بى قصيدتك!!
حاسدك عديل ياحبيب..اصلو لى زمن من عشق زى ده..وحضن زى ده..وريق فاه معطر..وخصر اه منه كأعطاف النهر..جننتنا وجننتها كمان.
لك الموده والتقدير

ود قاسم الزول الجميل

Quote: وأخلعُ عليكِ ألقابَ الزّهَر وأكسوكِ دثاراً من مطر فتغتسلين من رجسِ السفر والشوقُ حولكِ ينهمر والسّهدُ جرمٌ لا يسر والحبّ فجرٌ ينتصر عند انحناءاتِ السَّحر كان عشقي يستعِر كان حضنكِ لي مقر وفوق الخدّ يرتسم العمر وريق فاهكِ لي عطر والصدرُ منكِ كما الثمر والخصرُ أعطافَ النّهر والصفوُ منكِ بلا كدر ومددتُ كفّي فانبهر لمسُ الحريرِ بلا حذر حَمِيَ العناق وما فتر والشَّعرُ ليلٌ مستمر والجِيدُ زيّنهُ التبر والقرطُ ينبئُ بالخطر فتكاد روحي تنفطر ورماحُ رمشكِ تنكسر تروي حكايات الغجر وسكبتُ كأسكِ فانتشر فشربتُ منكِ بلا سكر أحييتِ منّي ما اندثر ومحوتِ تاريخ البشر غاب المشيب فلا أثر وبقيتُ كالطفلِ الأغر وكتبتُ فيضاً من شعر مرّ الزمانُ بلا ضجر ضاق المكانُ فلا مفر والرُّوحُ فينا تنصهِر فاض اللهاثُ كما الوتر والليلُ أظلمُ من قدر والضوءُ منك كما القمر والغيمُ من فوقي يمر تسري نسيمات السمر يمتدُ بي حلم السّهر أبقى وليداً مبتَسر أبقى بحضنكِ منتظِر ألقاك وارفةَ الشّجر والعشق يغمرُكِ بحر أهفو إليكِ وأعتذر فالعمر قد ضاع هدر لكنه الآن ازردهر فنحرتُ أحزاني نُذر عاد النماء إلى القَفَر طاب المقام فلا سفر ورحال شوقي تستقر تغلي وتنذر بالشرر تلقاكِ أحضان الجُزر وبأمر حبّكِ تأتمـر تأتيك خاشعة البصر تحبو كدرويش الذِّكر ترقى لمرفوع السُرُر والملك ملكك محتكر والعرش يحمله ( ككر ) بيَدَي ملائكةٍ سُمُر يغشاهمو لصف الدرر سرجا أُضيئت في ممر ودفنت حزني في القبر وبقيت أقتاد الدّهَر أنّى أشاء وأقتدر أنهي وآمر لا ضرر والناس من حولي زُمُر وبغاث طير قد نفر ليلي تغشّاه القمر ليلي تغشّاه القمر

ود قاسم

بس اسمح لى اعبر بطريقتى

ووووووووووووووب عليا لكن......مبالغة عديل !!!

اقايتو الزولة الحركت فيك الهام الشعر عشان تقول كلام زى ده زولة خطرة اكييييييييد!!

لو مكانها كنت مت!!

من السعادة طبعا!!

حظوظ اقايتو!!

Quote: كان عشقي يستعِر كان حضنكِ لي مقر وفوق الخدّ يرتسم العمر وريق فاهكِ لي عطر والصدرُ منكِ كما الثمر والخصرُ أعطافَ النّهر والصفوُ منكِ بلا كدر ومددتُ كفّي فانبهر لمسُ الحريرِ بلا حذر حَمِيَ العناق وما فتر والشَّعرُ ليلٌ مستمر

ياود قاسم
تراك شاعر!!طلعت مية من تحت تبن!
ثم هل ممكن تمتعنا شوية بسرد مناسبة القصيدة!!!
أنا شخصيا اجد فيها روح حقيبة الفن
ولكن اصدقك القول بأن هذا المقطع ( والشَعر ليل مستمر) في غاية البهاء رغم بساطته، وأخشى ما اخشاه هو ان تكون الكلمة هي ( الشِعر ) بكسر الشين أي القصيد
لك مودتي واحترامي

محمد عبد القادر سبيل
سلام واحترام
كدي شوف البوست ده ، معقول تكون ما قريت لودقاسم إلا المغالطات تجميع شــــــــتات

الصديقة نادية
تحايا مكتنزة
وينك ؟ بقيتي نادرة الوجود في المنبر وخلافه ،،، الحاصل شنو ؟
تعرفي الزولة دي هي أجمل وأروع من كده بكتير ، بس أنا ما علافت أوصفها كما يجب ،، حاولي اتخيليها معاي ، وساعديني شوية ..

الغالي بشرى سليمان
سلام كتير
عندما هجرت أنت يا بشرى الشعر وحلو الحديث إلى تجارة الطب البديل ، والبحث في شئون الأعشاب والعسل والبصل ، كان لابد أن يكون هناك من يتصدى للفراغ ( الدستوري ) الذي تركه غيابكم ،،، فقلت ليس هناك من هو أقرب مني إلى بشرى ،،،
كتّر خيرك يا زميل ...

سلامات تاني يا ود قاسم؛

Quote: والسكون أحد آفات الحياة ، يمنحها صفة الملل ، والركود ، ويدفعها إلى الانتحار ،،،

كما و انه احد آفات البورد كذلك.

تخيل - معي - بورد ساكن لا قدر الله.

مودتي.

حسين
أريتك طيب ومرتاح ،،،
هسة البورد ده يلقى الركود وين وإنت تقلّب فيهو يمين وشمال ،،،
الليلة وين بوست النسب بتاع آل ... مع آل .... ولسة ما رضيتوا بينا نسايب ؟

Quote: كان حضنكِ لي مقر وفوق الخدّ يرتسم العمر وريق فاهكِ لي عطر

ود قاسم ...فعلا اعذب الشعر اكذبه

والله جنس كضب..لاحقت ولا بقت

وبعدين لو قلت وريقك لى عطر ما كنت حاتكون اكذب شوية.

بعدين انا ما مستغرب يا اهل العوض..مش على بن الجهم لما

جاء من البادية قال للخليفة انت كالكلب فى الحراسة وكالتيس

فى قراع الخطوب..وبعد ما استكان فى قصر الرصافة قال:

عيون المها بين الرصافة والجسر جلبن الى الهوى من حيث ادرى ولا ادرى

يعنى المدينة هذبته..ماتعترفوا يا جبناء

محروق ابو معت.... وابو القلق... مش يا تمبس،،،،

ود قاسم

Quote: يعنى المدينة هذبته..ماتعترفوا يا جبناء

تاني تجيب سيرة أمدرمان ؟ لسع شايلنها ليك تقيلة .. إعترف يا ....

صديق الموج
نحن الرقة ، نحن الفصاحة ، نحن المهابة ،
نحن أولاد أحمد محمد صالح ، والهادي آدم ( أغدا ألقاك )
نحن أهل محمد سعيد العباسي ( بالرغم من أنه عاش بينكم )
نحن أهل التجاني حاج موسى ،
نحن أولاد المسّاح
نحن أولاد الحردلو
نحن أهل محمد الأمين
نحن نسايب وردي
نحن أهل الكاشف ، وبادي محمد الطيب ، وعبدالله محمد ، وأحمد الطيب ، وعماد ولده ،
نحن أهل عبد العزيز الخالدي ، ومحمد مسكين ، وثنائي الجزيرة ،،،
نحن أهل أبوحراز ، وطيبة الشيخ عبد الباقي وطابت الشيخ عبد المحمود ،
نحن أهل تور عفينة
نحن أهل سنّأر ( فونج وعبدلاب )
وإييييييييييييييييييييييييييييييييييييييييييييييييييك

كيفك يا ود قاسم؛

ان كنتم كل المذكورين اعلاه؛

فبالتأكيد نسبكم يشرفنا

Quote: الليلة وين بوست النسب بتاع آل ... مع آل ....

و الله كويس الذكرتني ليهو؛

اديني دقيقتين بس و بنكتو لانو عندي فيهو لسه باقي كلام.