Post: #1
Title: وكنت أعتب على معتصم دفع الله وصلاح شتات
Author: ودقاسم
Date: 11-05-2005, 04:44 AM
Parent: #0
كنت دائما أعاتب إبني معتصم دفع الله وصلاح شتات عندما يغيبا عني فترة ، أو ينقطعا عن الاتصال الهاتفي ، أو يتأخرا عن موعد تم الاتفاق عليه ،،، والآن ، وهما بعيدان عنا ، أفتقدهما بشدة ، وسبق أن كتبت أن ( فرَقَتهما ) كبيرة ولن يسدها أحد ، ويبدو أنني كنت أعني ما أقول ، فقد مر العيد دون أن ألتقي أي من بورداب الرياض ، منهم من هاتفني ، ومنهم من هاتفته ، وحمزاوي اكتفى برسالة عبر الماسينجر وأقسمت أنني لن أرد على رسالته ، ( ما أنا أصلا أهل عوض وراسي ناشف ) ... صلاح ومعتصم هما أصل بورداب الرياض ، بالرغم من أن انضمامهما للمنبر جاء متاخرا بعض الشيء ، لكنهما يمثلان الدينمو المحرك لبورداب الرياض .
تمبس وحميدة اتصلا هاتفيا في ثاني أيام العيد ، وهما يحتميان بأقصى شرق الرياض ، وليد 399 ما بكلم حد خالص ، كتّر خيرها عروسته الأمورة بترد على التلفون ، لكن وليد والله ولا يعبّرك ، بعد العرس بقى تغيان تغا شديد خلاس . محمد الشيخ نزل عليه التدين فجأة ، واتجه إلى الحرمين ، وهاتفنا من هناك ، ولعله يعود ويلتقينا الليلة ... عبد الرازق الطالب برضو عامل عريس ، بالرغم من إنو عندو تيمان ما شاء الله عليهم ، ربنا يخليهم ،،، عمران ، خالد أحمد عمر اكتفيا بالرد على رسالة الموبايل ، وعرفت من عمران يوم التقينا في إفطار رمضان أنه ما يزال يحسب نفسه في شهر عسل ، أما خالد فيبدو والله أعلم أنه يسرح بعيدا ، ويفكر ، ثم يرتد إليه تفكيره دون أن يدفعه للخطوة المنتظرة ، وربنا يحقق أمانيه .
أبو جهينة عنده نظرية حول رمضان ، وهي نظرية نابعة من انتمائه العرقي والجغرافي وأصوله النوبية ، النظرية تقول ( رمضان جهجهو بالسفر ) ، والمقصود طبعا رخصة الإفطار في السفر . ويبدو أنه مدد نظريته لتشمل العيد أيضا ، فجهجه العيد بالسفر ..
قريبي عبد الباقي الجيلي غاطس غطسة شديدة ، ويمكن يكون منقطع للعبادة كعادة أهله العبّاد الزهّاد التاركين الزاد ... وليد طه ، أنا عاذرك يا حبيب ، ربنا يوفقك ، ويسعدك ، حا أدّيك سنة كاملة ، أريتك تصل الحد ...
وليد حبيب بلدو أكيد يكون راح السودان يعيّد مع الأولاد ،،، وخضر حسين جنّو يمشي الشرقية ...
عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري أبوبكر ... ميادة ، عارفك ما بتقصري يا بت الأصول ، سويتي العليك وزيادة ، وأنا والله مقصّر ...
صديق الموج يا هو حالو ، لا بيسأل في زول ، ولا عندو شغلة بالناس ، وبيتو مليان من قرايبو وأهلو ، وهو مكتفي بهم ...
إسماعيل وراق عامل مشغول بجماعتو ، وطبعا عادّينا نحن منافسين ، ودورنا يجي بعدين ، والصادق خليفة يجدد شهر العسل ، والله يسعده .. دكين لا حس لا خبر ، وأنا بيني وبينكم ذاتي ما سائل فيهو ، وجني جنو ، ومرتي ذاتا جنّها جنّو ...
أحمد حنين شغلة واحدة ما عندو ، فاضي ورايق ، لكنه تغيان ، ما بيسأل في زول ، بس بيهتم بالمناضلين ، وأنا والحمد لله لست منهم ( سامعة يا حكومة ؟ ) .. ود الباوقة اتصل بي بارك لي العيد وودعني ووعدني بمشاركة أسرته في أمسية تكريم عبد المنعم عبد العال مساء اليوم السبت 5- 11 – 2005 ،،، وليد شريف ، عليك أمان الله لا حس لا خبر ، بيكون طوالي معاهو ضيوف ، والصواني تقوم وتقع ، والله يعين المدام ... محمد الحسن ، يا حبيب رسالة موبايل لا تكفي ، وسلم لي على الجعلي الضكران محمد محمود ، ولو تلفونو عندي كان اتصلت عليهو ...
ود عقيد برضو عامل مشغول ، وبيني بينكم شغلة واحدة ما عندو ، بيكون ما صدق جاتو الإجازة ، وهاك يا نوم .. عمر الفاروق أصلا من زمان ما شغّال بي الشغلة ، يعني ما تعتذر بشهر عسلك التاني ... أصلا ياهو حالك ...
صلاح غريبة عامل مصاحب بورداب جدة ، إن شاء الله ينفعوك ، عليك الله هسي ناس أساسي ديل فيهم فايدة ؟ وكان فيهم فائدة هشام شيخ الدين كان بخليهم ؟ همام طبعا ما فاضي من الزيارات الرسمية والمعايدة على الكبار ووجهاء المجتمع ، وسيتفرغ لنا في الأسبوع التالي للعيد ...
أحمد سعيد ( قرنفل ) يستحق مني زيارة ، وسأحاول أن أنفّذها اليوم بإذن الله ،،،
أنا فترت من الكتابة ، والباقين إن شاء الله يمشوا يشتكوني للعمدة يوسف ود حمد ود النتيفة عمدة معتوق ..
التوقيع :
خال الجميع ...
ودقاسم ...
|
Post: #2
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-06-2005, 09:02 AM
Parent: #1
ما يزال بورداب الرياض يسجلون غيابا ..
|
Post: #3
Title: Re: وكنت أعتب على معتصم دفع الله وصلاح شتات
Author: ابو جهينة
Date: 11-06-2005, 10:59 AM
Parent: #2
أخي العزيز ود قاسم
أولا : كل سنة و إنت و فوزية و الأولاد و بنتنا فدوى بألف خير و تفرح بيهم إن شاء الله.
ثانياً : أرجو مراجعة هاتفك الجوال .. فستجد أنني قد هاتفتك منتصف ليلة أول أمس ..دون رد.
ثالثا : يعلم الله و أنا لا زلت أعيش روحانية رمضان و ملامسة البيت العتيق ( رغم أنك جهجهت لينا الروحانيات ) يعلم الله إنني كنت في شوق إليكم كما شوقي تماما إلى أهل بيتي .. يشهد الله ..
رابعا : أتيت اليوم برا و أنا أغالب النعاس و التعب و مباديء نزلة و بوادر ( فلسة ) ..
أكرر التهنئة ..
إلى ملتقى قريب
|
Post: #4
Title: Re: وكنت أعتب على معتصم دفع الله وصلاح شتات
Author: hamam
Date: 11-06-2005, 12:26 PM
Parent: #3
| Quote: همام طبعا ما فاضي من الزيارات الرسمية والمعايدة على الكبار ووجهاء المجتمع ، وسيتفرغ لنا في الأسبوع التالي للعيد ... |
يا ود قاسم:
بيقولو الحساب ولد...
أنا مذكر كويس السنة الفاتت رسلت ليك رسالة معايدة .. وبعدها بيومين اتصلت عليك و برضه كانت معايدة..
السنة دي ما تخليها عليك يا أخي!
بعدين انت يمكن خال ناس كتار في البورد بحكم السن و الواجب هم يعيدو عليك .. لكن أنا مالي!
و كل عام و أنت و الجميع بألف خير
|
Post: #5
Title: Re: وكنت أعتب على معتصم دفع الله وصلاح شتات
Author: إسماعيل وراق
Date: 11-06-2005, 01:07 PM
Parent: #4
| Quote: إسماعيل وراق عامل مشغول بجماعتو ، وطبعا عادّينا نحن منافسين ، ودورنا يجي بعدين |
الحبيب ود قاسم
يطير حال جماعتي
هم ذاتهم منو...
تخريمة: والله مفروض نتصل عليك واللوم حاصل.. معليش مش إتصال مفروض تكون زيارة عديل كده لكن قلنا ما في داعي نشغل العوائل من اول يوم في العيد...
|
Post: #17
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 01:15 AM
Parent: #5
الحبيب أبو محمد
سلام كبير وكل سنة وانت طيب ، ومايزال طعم ليلة السبت على لساني ..
وقد عاودت الصالحية مرة أخرى ، ووجدتهم هناك ، كل الأحبة ، وهناك تقييم لتلك الأمسية ، وقد كان للجنة الإعلام نصيب من الانتقاد ، بالرغم من أن تقييمهم للأمسية أنها رائعة ..
|
Post: #9
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-07-2005, 04:49 AM
Parent: #4
همام
إنت أصلا بتتذكر حاجة ، ما إنت دائما مشغول بما تعلمه من أمور ، وطبعا الناس الفي العلالي دائما الحق معاها ،،،
منذ أكثر من عشرين سنة وأنا المبادر ، وحتى حين تتلقى مبادرتي فإن تجاوبك يكون متململا مثل تجاوب شلة أنسك مع شلة أنسنا ... بس نحن برضو بنقول يا أخي الجماعة ديل عاملين كبار فاجعلوا لهم فخرا ...
بعدين جديدة حطاية إني أنا ما خالك دي ،،، إذا أنا كنت خال بكري أبوبكر ، يبقى كيف أكون ما خالك ،،، بكري بالله رسّل إنذار لهمام وتوبيخ شديد اللهجة لمحاولته التقليل من مكانة الخال ... وكل سنة وإنت والأسرة الكريمة بخير وعافية ...
|
Post: #6
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-06-2005, 01:43 PM
Parent: #3
أبوجهينة
كل سنة وانت والأسرة بالف خير ، اتصالك مسجل بهاتفي ، وكنت ساعتها في قمة الاحتفال بتكريم عبد المنعم عبد العال ، والموسيقى عالية لا تمكنني من سمع صوت الجوال ،،، ليتنا نلتقيك ...
|
Post: #7
Title: Re: وكنت أعتب على معتصم دفع الله وصلاح شتات
Author: صديق الموج
Date: 11-06-2005, 06:57 PM
Parent: #1
د قاسم غايتوا جنس خرف...ياخى العيد تلاتة يوم.
كل سنة فوزية وعيالها وابوهم بخير.
لاحظ فوزية مقدمة عليك لاسباب عدة..اهمها انها بنت امدرمان
وحاجات تانى حاميانى. لك العتبى يا خال ان جاءت عيديتنا يوم التالتة،،،
|
Post: #26
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:04 AM
Parent: #7
ود الموج
نحن عيّدنا بيك قبل العيد ، وتسلموا لي إنتو يا ناس أم درمان ، لا بريدكم ولا بحمل براكم ..
|
Post: #8
Title: Re: وكنت أعتب على معتصم دفع الله وصلاح شتات
Author: عبد الله عقيد
Date: 11-06-2005, 07:23 PM
Parent: #1
الأخ العزيز ود قاسم
والأخوان الأعزاء
ابو جهينة
اسماعيل وراق
صديق الموج
وجميع بورداب الرياض
كل عام وانتم بالف خير
والعيد مبارك عليكم
كنت خارج الرياض
وكانت الشبكة حالها حال
والتواجد في مكة والمدينة
مع برامجهما المزدحمة
كل هذا منعنا عن الاتصال
ومباركة العيد
فارجو المعذرة على التأخر
وقبولها وقد جاءت متاخرة
ولكم وافر التقدير
|
Post: #28
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:06 AM
Parent: #8
عبد الله عقيد
كل سنة وانت طيب ، وربنا يتقبل منك ،،،
قلت زولي ود عقيد ده أول واحد بيجيني ، طلعتو جعليين أي كلام إنت وص . م ...
|
Post: #10
Title: Re: وكنت أعتب على معتصم دفع الله وصلاح شتات
Author: حمزاوي
Date: 11-07-2005, 05:13 AM
Parent: #1
ايوا اها تشكر لي الراكوبة في الخريف
طيب انا وابوجهينه عرفنا نفسنا نص ديانه
انتو يا اهل العوض النص الباقي اتقاسموه بينكم
وشوف نصيبك طلع كم وما تخلي احمد حنين يقسم النص بينكم
لانها حتكون قسمة ضيزى
طبعا اتلاقينا وتمت المعايدة ورقصنا وفرحنا
ليلة كانت حلوه ورهيبه ذكرتنا لقاءات السودان وصيوانات الافراح
اشكال والوان موضه وتياب ذي مابتدور
فاتتك ليلة ما حتتكرر يا دكين يا فقري
ليلة تكريم الاب عبدالمنعم عبدالعال والاخ محمد المبارك
الخال وانا وود وراق وتمبس وحميده وحمد والصادق وليد399
رقصنا رقيص
والشمار كتير مش كدا يا تمبس
|
Post: #11
Title: Re: وكنت أعتب على معتصم دفع الله وصلاح شتات
Author: abuguta
Date: 11-07-2005, 05:28 AM
Parent: #10
الخال
ودقاسم
كل سنة والاسرة بخير
مع انو انا من بورداب الرياض اسما
لم التقى بك...لكن التقيت بمعتصم وود الطالب فى غرفتهم المعلقة فى السماء
والمناسبة كنت عاوز اشترى جهاز من دجيى نت..ومعتصم رد على.. ليك مجانى
لو طلعت انت الفى خيالى ...قلت ليه انت قاصد مين قال لى ابقوتة
فعلا الولد دا فقد...
طبعا لم التقيك وانت ما ذكرتنى مع انو من اهل عوضك القريبين ليك
والحاسين بحسسك..د.عبد الله قريبى قال لى ود قاسم متالق فى الحفل الفاتنى
كالعادة..
دخلت عشان اقلك كل عام وانتو بخير
وابارك عليك العيد
وربنا يديك على قدر حبك للناس
خالص ودى لك
|
Post: #12
Title: Re: وكنت أعتب على معتصم دفع الله وصلاح شتات
Author: خالد عويس
Date: 11-07-2005, 07:35 AM
Parent: #11
الصديق العزيز ودقاسم
والأعزاء القريبون إلى القلب.. بورداب الرياض
كل عام وأنتم بخير، وعيد مبارك بإذن الله أعاده الله عليكم وعلينا بالخير واليمن والبركة
|
Post: #13
Title: Re: وكنت أعتب على معتصم دفع الله وصلاح شتات
Author: garjah
Date: 11-07-2005, 09:35 AM
Parent: #12
ود قاسم
كل سنة وانت بخير
وربنا يحفظك لاولادك
معليش
ماااالك مكنكنش في الرياض دي
ما تفر ليك لي حتة ياااخي...
انت عارف الاجازات الزي دي بتجي بعد ما نكون وقعنا خلاااااااس
|
Post: #32
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:41 AM
Parent: #13
قرجة
كل سنة وانت طيب ...
الرياض دائما برامجها حلوة ، وجوها الأيام دي تمام ،،، تعال لينا عشان تعشق الرياض ....
|
Post: #31
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:15 AM
Parent: #12
خالد عويس
والله مفقود ، ويا حليل أيامك ،،،
كل سنة وانت طيب ...
لسة ما بقيتوا تلاتة على قول دكين ؟
زمان قالوا كان في فيلم اسمو ( the two criminals ) قام واحد ترجمها : المجرمان الثلاثة ...
|
Post: #30
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:11 AM
Parent: #11
أبوقوتة
العيد الجاب الناس لينا ما جابك !
إيه الحكاية يعني ؟
كل سنة وانت طيب ، وربي يديك عروسا هدية ورضية ...
|
Post: #29
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:09 AM
Parent: #10
شنو يا حمزاوي
موش نحن من أصلاب قريش ؟ ! موش الدين زاتو نزل علينا ؟
|
Post: #14
Title: Re: وكنت أعتب على معتصم دفع الله وصلاح شتات
Author: عمر الفاروق
Date: 11-07-2005, 09:49 AM
Parent: #1
يا ود قاسم :
| Quote: عمر الفاروق أصلا من زمان ما شغّال بي الشغلة |
ياخ كل سنة وإنت طيب وربنا يحقق كل الأمنيات والسنة دي على كيفك !!!!!!!!
ويخلي ليك العيال وأم العيال إن شاء الله !!!!
تخريمة :
| Quote: وحمزاوي اكتفى برسالة عبر الماسينجر وأقسمت أنني لن أرد على رسالته |
| Quote: عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري أبوبكر ... |
يا حمزاوي والله ود قاسم ما دارو معاك ساااااااااااااااااااااااااي
ياباها مملحة ويسكها قروووض 
تحياتي ليكم كلكم وربنا يحقق كل الأمنيات ...
|
Post: #15
Title: Re: وكنت أعتب على معتصم دفع الله وصلاح شتات
Author: waleedi399
Date: 11-08-2005, 00:52 AM
Parent: #14
| Quote: وليد 399 ما بكلم حد خالص ، كتّر خيرها عروسته الأمورة بترد على التلفون ، لكن وليد والله ولا يعبّرك ، بعد العرس بقى تغيان تغا شديد خلاس |
الـو .. الـو .. مـين فـي الخـــط؟؟؟
المدعــو الخـال .*.*.*. ودقاســم 
|
Post: #16
Title: Re: وكنت أعتب على معتصم دفع الله وصلاح شتات
Author: tmbis
Date: 11-08-2005, 01:13 AM
Parent: #15
| Quote: تمبس وحميدة اتصلا هاتفيا في ثاني أيام العيد ، وهما يحتميان بأقصى شرق الرياض |
العيد الصغير ده ياخال بتاع نوووووم .. والكعك زي ما عارف ما بينفع إلا بعد العيد بي كم يوم كدا ..
لذلك
خلي لينا حقنا على جمب .. وبنجيك العيد الكبير ناس عضة ساااكت ..
|
Post: #21
Title: Re: وكنت أعتب على معتصم دفع الله وصلاح شتات
Author: waleedi399
Date: 11-08-2005, 04:34 AM
Parent: #16
| Quote: وبنجيك العيد الكبير ناس عضة ساااكت .. |
شد حيلك يا خال .. لوووول
جاينكم .. شاوين لحم
شايلين كراع .. رافعين ضنب
|
Post: #22
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 04:44 AM
Parent: #21
| Quote: شايلين كراع .. رافعين ضنب |
برضو أحسن من تكونوا رافعين كراع شايلين ضنب ...
|
Post: #34
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:59 AM
Parent: #16
| Quote: خلي لينا حقنا على جمب .. وبنجيك العيد الكبير ناس عضة ساااكت .. |
تامبا
فلتعض عليه بالنواجذ ...
|
Post: #24
Title: Re: وكنت أعتب على معتصم دفع الله وصلاح شتات
Author: عزاز شامي
Date: 11-08-2005, 05:28 AM
Parent: #14
ايها العمر فاروق ...
اسمح لي ان انتهز هذه السانحة واهنيك على زواجك الميمون وكل سنة انت وعروستك بألف خير والسنة الجاية تكونوا تلاتة ....
اهن خلصنا الرسميات والشكليات نقبل على تخريمتك اللي بتجيب هواء وكتاتيح (جمع كتاحة)...
Quote: تخريمة :
Quote: وحمزاوي اكتفى برسالة عبر الماسينجر وأقسمت أنني لن أرد على رسالته
Quote: عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري أبوبكر ...
يا حمزاوي والله ود قاسم ما دارو معاك ساااااااااااااااااااااااااي
ياباها مملحة ويسكها قروووض
تحياتي ليكم كلكم وربنا يحقق كل الأمنيات ...
|
حسي ممكن سؤال؟
لما تصحي الفتنة من النوم وتغسليها وشها وتقوليها امشي سكي المشاكل؟ ؟
ليه بس ؟؟؟؟؟
|
Post: #33
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 06:53 AM
Parent: #14
عمر الفاروق
كل سنة وانت طيب وربنا يحقق الأماني ،،، وتحياتي للمدام ، وإن شاء الله السنة الجاية تبقوا تلاتة ..
Quote: يا حمزاوي والله ود قاسم ما دارو معاك ساااااااااااااااااااااااااي
ياباها مملحة ويسكها قروووض |
يا أخ كشفت الخطة ، أنا كنت عايز أثبت إنو النوبيين رجال على نسوان ما بيعيدوا على الناس إلا بأرخص الوسائل ، وإذا لقوها ملح تكون أحلى حاجة ... وحتى الآن المسألة ثبتت على الرجال ( حمزاوي وأبو جهينة ) ...
|
Post: #18
Title: Re: وكنت أعتب على معتصم دفع الله وصلاح شتات
Author: walid taha
Date: 11-08-2005, 01:58 AM
Parent: #1
تسلم يا خال وكل عام وانت والأسرة بألف خير وعافية
دمت،،،
|
Post: #19
Title: Re: وكنت أعتب على معتصم دفع الله وصلاح شتات
Author: A.Razek Althalib
Date: 11-08-2005, 02:19 AM
Parent: #18
ود قاسم..
كل عام وأنت طيب...
| Quote: عبد الرازق الطالب برضو عامل عريس ، بالرغم من إنو عندو تيمان ما شاء الله عليهم ، ربنا يخليهم ،،، |
يا زول عريس شنو..
كنت جاييك أنا والأولاد....
بس .. الزوار.. وكترة الضيوف..
وقلنا التليفون ما بيكفي ..
وأنا على بُعد فركة كعب...
لكن صدقني جايين شايلين المحنه..
وهمنا نبني جنة..
جايين وفرحة العيد في عيون أم التيمان..
وهي تزيد التعارف على بت السلطان علي دينار..
وكل
الأبناء الأعزاء..
وربك يجمعك بقمر البيت..
وكل عام أنت والجميع بألف خير..
يا خال..
|
Post: #20
Title: Re: وكنت أعتب على معتصم دفع الله وصلاح شتات
Author: زول ساكت
Date: 11-08-2005, 04:16 AM
Parent: #19
بالانابه عن بورداب المناطق المهمشه
ابارك لكم العيد
وكل عام وانتم بخير
امين عام اللجنه التمهيديه للدستور الانتقالي لبورداب شرق الرياض
|
Post: #37
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 07:27 AM
Parent: #20
زول يا ما ساكت
كل سنة وانت طيب ،،،
ليه ما باين ؟
كانوا معاي في العيد أهلي ناس ود ربيعة ، وجبنا سيرة الكمبو والمريسة والقطن واللوبيا والكركعوب وحاجات كتييييرة ...
|
Post: #36
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 07:14 AM
Parent: #19
عبد الرازق
تحياتي وأمنياتي الطيبة لك وللأسرة ، ونحن في انتظاركم ،،، وشوق شديد للتيمان ...
زمان عندي صاحبي شاف ولد واحد من السعوديين البدو ، فقال له أول مرة أشوف لي بدوي صغيّر ،،، وأنا أول مرة أشوف لي ( ج ) صغيّر ...
|
Post: #41
Title: Re: وكنت أعتب على معتصم دفع الله وصلاح شتات
Author: waleedi399
Date: 11-08-2005, 10:25 AM
Parent: #36
| Quote: وأنا أول مرة أشوف لي ( ج ) صغيّر ... |
(جنزير) في النجوم صغير .. ما قلتو نوبة
|
Post: #43
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-09-2005, 01:55 AM
Parent: #41
| Quote: (جنزير) في النجوم صغير .. |
بالضبط كده يا وليد ...
|
Post: #35
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 07:08 AM
Parent: #18
وليد طه يا رايق
كل سنة وانت طيب ، وتحياتي للمدام ،،،
ربنا يسعدكم ...
|
Post: #23
Title: Re: وكنت أعتب على معتصم دفع الله وصلاح شتات
Author: عزاز شامي
Date: 11-08-2005, 05:24 AM
Parent: #1
Quote: عزاز شامي مشغولة بأهلها وعشيرتها الأقربين ، لما تفضي منهم أرسلي لي رسالة ماسينجر على حساب بكري
|
Quote: أبو جهينة عنده نظرية حول رمضان ، وهي نظرية نابعة من انتمائه العرقي والجغرافي وأصوله النوبية ، النظرية تقول ( رمضان جهجهو بالسفر ) ، والمقصود طبعا رخصة الإفطار في السفر . ويبدو أنه مدد نظريته لتشمل العيد أيضا ، فجهجه العيد بالسفر ..
|
الخال ود قاسم
كل سنة وأنت وست الكل الخالة فوزية وأولادك بألف خير...
اعذرني على التقصير يا خال بس الروحانيات شالتنا وحبينا نعوض اللي بيعملوه أهلنا (اللي بدو الضحية من حسي وناس أبو جهينة ومن لف لفهم وجهجهه رمضان بالسفر)...
لم يرد الله غربتي إلى الآن ومتى ما عدت للوطن-الغربة جاياكم زيارة مخسوس ...
كل سنة وانت أنت، خالنا وحبيب الكل
|
Post: #38
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-08-2005, 07:35 AM
Parent: #23
عزاز
كل سنة وانتي طيبة ، وربنا يرجعك بالعافية والسلامة وإن شاء الله العمرة مبروكة ...
نحن منتظرينك وعارفين إنك حا توفي بوعدك ...
|
Post: #25
Title: Re: وكنت أعتب على معتصم دفع الله وصلاح شتات
Author: waleedi399
Date: 11-08-2005, 06:03 AM
Parent: #1
| Quote: وبنجيك العيد الكبير ناس عضة ساااكت .. |
يا تامبا خالك من سمع فيها خروف عيد .. عمل فيها ميت
لكن وراك والزمن طويل .. المرة دي النفر بي اثنين والصاع صاعين لوووووووول
|
Post: #27
Title: Re: وكنت أعتب على معتصم دفع الله وصلاح شتات
Author: DKEEN
Date: 11-08-2005, 06:04 AM
Parent: #1
ياخال ..
اسعد الله اعيادك القادمات بكل ماهو مبروك وجيد الصنع..
كل عام وانتا وام طلال والعيال في خير وعافية ..
والسنة الجاية فارز عيشتك..
قتا لي مس كول ساي ما عملو ليك..
معليش ياخال.. اصلوانتو منكم خوفة..
|
Post: #44
Title: Re: وكنت أعتب على معتصم دفع الله وصلاح شتات
Author: ودقاسم
Date: 11-09-2005, 02:01 AM
Parent: #27
دكين
السنة الجاية عريييييييييس .
أقصد يعني تلقى ليك واحدة تعرّسك ،
يا بنات واحدة تعرّس دكين وتريحنا منّو ، عشان يبطل جهجهة وطرطشة ...
قلت لي بنات ماليزيا مالهم ؟
|
Post: #39
Title: Re: وكنت أعتب على معتصم دفع الله وصلاح شتات
Author: عبد الباقي الجيلي
Date: 11-08-2005, 08:17 AM
Parent: #1
خال الكل وعمي براي
كل السنين وإنت والخالة فوزية والعيال بألف خير
ياخي أنا رسلت ليك رسالة تهنئة ما جاتك ولا اتغاتت علي؟
بعدين أنا كنت معيد مع قريب أبوجهينة د. صلاح كنة بعفيف ...
وأديتها كالعادة (تخريمة) علي جدة على قول حلاق الجامعة .. فقد كنت وتجنباً لزحمة
الحرم اعتمرت في الأسبوع السابق للعيد ... وبرضه كان زحمة ..!!
تحياتي للجميع وسوف أصلك بكل تأكيد رغم نهاية العيد ...
|
Post: #40
Title: Re: وكنت أعتب على معتصم دفع الله وصلاح شتات
Author: عمر الفاروق
Date: 11-08-2005, 10:06 AM
Parent: #1
عزاز بت شامي ..
كل سنة وإنتي طيبة والسنة دي على كيف كيفك وزي ما قال الكوباني :
علي كيفك ..مهما تتأمر علي كيفك ..
يا حليلو دليلنا معاك إحتار ورينا خريفك من صيفك ..
أها يا زولة النجي لي كلامك :
| Quote: لما تصحي الفتنة من النوم وتغسليها وشها وتقوليها امشي سكي المشاكل؟ ؟ |
والله يا عزاز يا حليلك إنتي من زمن الإجراء الطويل ده ؟؟؟
نحن فتنتنا ما عندنا ليها زمن لي جنس ده ..
من السرير تووووووشك علي الشارع أصلو الرزق عايز الخفة الهمية !!!!
يعني لا بنغسل ليها وشها ولا بنسوكها ولا بنحميها ..
وبعدين هي زااااااااااااااااتا النايمة ليها شنو ؟؟؟؟
تحياتي ..
|
Post: #42
Title: Re: وكنت أعتب على معتصم دفع الله وصلاح شتات
Author: مصدق مصطفى حسين
Date: 11-08-2005, 02:29 PM
Parent: #1
Quote: خال الجميع ...
ودقاسم ... |
و تيب ... نحن ما عيّدنا .. و إعتذرنا .. و كده 
|
Post: #45
Title: Re: وكنت أعتب على معتصم دفع الله وصلاح شتات
Author: حريقة
Date: 11-09-2005, 07:10 AM
Parent: #42
| Quote: و تيب ... نحن ما عيّدنا |
الخال ود قاسم كل عام وانت بخير تاني
والناس الفوق ديل كلهم كل سنة وانتو طيبين وربنا يحقق الاماني
وودي لكم
|
Post: #46
Title: Re: وكنت أعتب على معتصم دفع الله وصلاح شتات
Author: Badri
Date: 11-09-2005, 07:22 AM
Parent: #1
الخال ود قاسم وكل الاخوة بالرياض
كل عام والجميع بخير وربنا يحقق الاماني
|
Post: #47
Title: Re: وكنت أعتب على معتصم دفع الله وصلاح شتات
Author: ahmed haneen
Date: 11-11-2005, 04:53 AM
Parent: #1
يا خال
كل سنة وانت اكبر مقاما
يعني يا خال ما عارفني مشيت
السودان في اجازة العيد
وتلفوناتك شايفا موزعة هناك
بس نحن لينا الله وعيشة السوق
|
|