Post: #1
Title: الفنان الموصلي ، الشاعران محمد سبيل وبشرى سليمان
Author: ودقاسم
Date: 10-27-2004, 01:53 AM
Parent: #0
غاب الموصلي دون إبداء أسباب ،، على الأقل أنا شخصيا لم أطّلع على أسباب غيابه ،،
يا ربي يكون قبحنا هو السبب ؟
غاب محمد سبيل بمبررات لم تكن في محلها ،،، اعتدنا أن نتلقى منه دعوات الإقطار في رمضان ،، هناك من الرسل من سموا بأولي العزم ، وما ذلك إلا لصمودهم أمام كل العقبات التي واجهتهم ،، لم ينسحبوا أبدا إلا بعد قال لهم المولى عزّ وجل ( اليوم أكملت لكم دينكم ) ، أو أخذهم إليه ،،
بشرى سليمان غاب أيضا بلا مقدمات ، فهجر النغم والكلم الطيب منبرنا ،، وينك يا بشرى يا دفعة ؟
زهجت مننا ؟
|
Post: #2
Title: Re: الفنان الموصلي ، الشاعران محمد سبيل وبشرى سليمان
Author: samo
Date: 10-27-2004, 01:59 AM
Parent: #1
نسال معاك ياخال ...
اين هم ؟؟؟؟
|
Post: #4
Title: Re: الفنان الموصلي ، الشاعران محمد سبيل وبشرى سليمان
Author: ودقاسم
Date: 10-27-2004, 04:52 AM
Parent: #2
سامو
ليتهم يستجيبوا لسؤالك وسؤالي ، وسؤال الأحبة ..
|
Post: #3
Title: Re: الفنان الموصلي ، الشاعران محمد سبيل وبشرى سليمان
Author: حمزاوي
Date: 10-27-2004, 02:00 AM
Parent: #1
يا اخوي انت بتجيب ليهم السبب وتسال منهم
انت ما سمعت المقولة ( اذا عرف السبب بطل العجب )
فعلا نحن مشتاقين ليهم
حتى اسامة الخاتم كمان اختفى
والبعيو (انور) وزمراوي
والدكتور كرار التهامي
|
Post: #5
Title: Re: الفنان الموصلي ، الشاعران محمد سبيل وبشرى سليمان
Author: محمد عبدالقادر سبيل
Date: 10-29-2004, 11:49 PM
شكرا ود قاسم يا اصيل على السؤال
رمضان كريم
والله ياهي دي الجية من رحلة اجتحت خلالها بلاد الهند التي وجدتها تشبه السودان الى حد بعيد جدا
والله حاجة عجيبة ياخ
شفت هناك العنقريب الموسر بالدبار وشفت بلدات العيش الفيتريتة (!!) والباباي والقشطة وحشرات السودان المابتغباني يمين حشرة حشرة وباعوضة باعوضة
شي تحاحي وشي تنشو وشي تهشو وشي يجري منك وشي تجري منه .. يعني الخالق الناطق
لماذا لم يقل احد من قبل ان الهند هي سودان اسيا أو السودان هو هند افريقيا
عليك امان الله حتى ملامح السمر وبؤس البؤساء والكهربا البتقطع والضبان البنوني والازيار والقلل عليها ( الكيزانننن!!) والشوارع المكسرة ناهيك عن البرش والرقشة والسباته يازول والاكل المغرق شطة وصفير الحدية والطير الخداري والقمري البقوقي .. الكترابة!! السودان زاااتوا !!!
دا شنو دا؟
دي حالة دايرة دراسة مقارنة
عموما رمضان كريم
وما عرفنا عملتوا لينا شنوا في اضرابنا؟ ضيعتوه شمار في مرقة وللا عملتو حاجة في حكاية حماية اركان ورموز العقيدة الاسلامية من تخرسات وافتئاتات المابتسموش وباسم حرية التعبير اياها؟ .. محلك سر برضو؟ حيث حرمة الخلق محفوظة بينما حرمة الخالق منتهكة أم هنالك تطور بوراي حصل .. ان شا الله يا رب يكون فيكم زول قال الحق وبرأ زمتو يا مسلمين
سؤال ليك يا ود قاسم بصفتك في مجلس الاعيان وفي رمضان ؟
كان مافي حاجة كلمونا عشان نرجع نفتش سنغافورة امكن تطلع بتشبه السودان برضو مين عارف !!!
____________
رب اشرح لي صدري
|
Post: #6
Title: Re: الفنان الموصلي ، الشاعران محمد سبيل وبشرى سليمان
Author: bayan
Date: 10-30-2004, 01:34 AM
Parent: #5
اشرقت الانوار يا سبيل.. بحثنا عنك فى كل المتاهات والهكرات وشدينا
المسجات الاوف لاين لكن من غير مجيب..
هناك الكثير.. نود ان نراك فى كثير من البوستات ..
و عودا حميدا مستطاب...
|
Post: #9
Title: Re: الفنان الموصلي ، الشاعران محمد سبيل وبشرى سليمان
Author: محمد عبدالقادر سبيل
Date: 10-31-2004, 10:06 PM
Parent: #6
يسأل عليك الخير يا نجاة
شكرا كتير ومقدرين طيبة قلبك ونصرتك للحق
انت اخت الاخوان حقا.
|
Post: #8
Title: Re: الفنان الموصلي ، الشاعران محمد سبيل وبشرى سليمان
Author: ودقاسم
Date: 10-31-2004, 00:18 AM
Parent: #5
الأستاذ محمد عبد القادر
لك التحية ورمضان كريم
سعيد برؤيتك وقراءتك على المنبر من جديد ،، وحمدا لله على السلامة ، وما ( تكروتنا ) حكاية الهند دي عايزة ليها بوست منفصل ،، بس يكون شامل ، يعني ما تخبي علينا ،،
حقيقة أفتقدتك ، رغما عن كل خلافاتنا ، حيث أن مواضيعك ومداخلاتك تدفعني إلى الاستزادة ، وإعادة التفكير ، وإعادة ترتيب الأفكار ، وأعتقد أن هذا في حد ذاته خير كثير ،،
آمل أن لا تنقطع عن المنبر حتى وإن كنت ستزج بنفسك في حالة اعتكاف ،،
ربنا يتقبل منا ومنكم صالح الأعمال ..
|
Post: #7
Title: Re: الفنان الموصلي ، الشاعران محمد سبيل وبشرى سليمان
Author: ودقاسم
Date: 10-30-2004, 01:51 AM
| Quote: يا اخوي انت بتجيب ليهم السبب وتسال منهم |
حمزاوي
يلا أرفع صوتك معاي عشان يجوا كلهم ،،
والمنبر يا حمزاوي بيشيلنا كلنا أنا وإنت وجماعتي والجماعة الطفشوا ،
|
|