Post: #1
Title: خــــذني بيمين الحب
Author: ودقاسم
Date: 10-20-2004, 05:08 AM
Parent: #0
تلك امرأة واسعة العينين
تفحص في أعماق الحب
تفرش عتبات الدار بقلب أبيض
تسكب في قلبي كأسا من شوق
تخرج من فمها فيضا عذبا
تتلقاني برحابة صدر
مرحى ،،، مرحى ..
ادخل ،، لا تستأذن ،،
لا ضيف أنت
ولا عابر
كن ربا للدار ، سراجا البيت
كن فارس هذي الليلة
كن عطرا لمداد الأيام
ولا تفرغ كأسك من وجل
اغمرها في هذا المسك
امكث فينا ما شئت
كن راقص هذي الحلبة
وتأنّى ، فالموسم في أولّه
ولا تأسى لزمان فات
انثر شعرك بين النهدين
اكتبني نثرا
أو شعرا
حدثني سرا أو جهرا
اعصرني في قنينة ورد
وتأمّل في وجهي المصقول
اسبر أعماقي
عمقا ،، عمقا
لا يثنيك لهاث القلب
وتكرار الآهات
لا تطفئ آهاتي إلا آهاتك
إن تجبن ، فتخاتل
وتقاوم سريان التيار
تغشاك اللعنة من فوقك
يأخذك الطوفان
بلا رحمة
خذني بيمين الحب
وناديني جهرا
ألقاك بلا خوف
مشرعة أبوابى
فلنبحث في تاريخ الرّمان
وتيجان الزهر
وأخبار الأزمان
ستأتيك بأخبار الحب الركبان
وستجمع تيجان العشق
تاجا ،، تاجا
انثرها كرمال الريح
بخصلات الشعر المجدول
فلا تنكص وعدا
أو تتراجع أخمص قدميك
|
Post: #2
Title: Re: خــــذني بيمين الحب
Author: سجيمان
Date: 10-20-2004, 05:26 AM
Parent: #1
ود قاسم
Quote: انثر شعرك بين النهدين
|
في رمضان دا؟؟؟؟؟؟؟؟؟؟؟؟؟؟؟؟؟؟؟؟؟
|
Post: #7
Title: Re: خــــذني بيمين الحب
Author: ودقاسم
Date: 10-20-2004, 11:25 PM
Parent: #2
سجيمان
نحن العواجيز ديل مرفوع مننا القلم ، نقعد في ضل الضحى ونقول الدايرين نقولو ، أكان في رمضان وللا في الحج ،،
وتصوم وتفطر على خير ،،
|
Post: #3
Title: Re: خــــذني بيمين الحب
Author: Safa Fagiri
Date: 10-20-2004, 05:27 AM
Parent: #1
wonderful!
|
Post: #9
Title: Re: خــــذني بيمين الحب
Author: ودقاسم
Date: 10-21-2004, 00:13 AM
Parent: #3
أستاذة صفاء فقيري
ما دام هذا رأيك ، فتحملي مزيدا من عناء قراءة أمثالنا ..
لك الشكر ، ورمضان كريم .
|
Post: #4
Title: Re: خــــذني بيمين الحب
Author: ShiningStar
Date: 10-20-2004, 06:43 AM
Parent: #1
ودقاسم رمضان كريم... تصوم و تفطر علي خير...
يقول الحبيب... للصايم دعوة لا ترد ساعة فطره ... فلا تنسونا من صالح دعواتكم في تلك اللحظات المباركات ...
عجبتني القصيده و عجبتني اكتر قصة "دقتنا المطره"... ما لقيت فرصه اكتب ليك هناك.. قلتا افتو ليك هنا...
دمتم...
|
Post: #10
Title: Re: خــــذني بيمين الحب
Author: ودقاسم
Date: 10-21-2004, 00:38 AM
Parent: #4
ShiningStar
لك النحية ،، وربنا يتقبل منا ومنك صالح الأعمال ،،
وإن شاء الله يعجبك حاضرك ومستقبلك ..
|
Post: #5
Title: Re: خــــذني بيمين الحب
Author: mohammed alfadla
Date: 10-20-2004, 09:18 AM
Parent: #1
جميل
|
Post: #6
Title: Re: خــــذني بيمين الحب
Author: طلال عفيفي
Date: 10-20-2004, 12:43 PM
Parent: #5
أستاذ ود قاسم , دايما كده بترمي طوق نجاه للمنبر..
محتاجين فعلا شوية لطف من ده النوع ..
.........
وبعدين سجيمان ده زعلان ليه ؟
في رمضات ده ؟ أيوه في رمضان !! ولا انتو مقسمين الحياه
مربعات ؟؟
.........
لكما كل الود وعلى العموم:
رمضان كريم .
...
طلال
|
Post: #8
Title: Re: خــــذني بيمين الحب
Author: ابو جهينة
Date: 10-20-2004, 11:35 PM
Parent: #6
ود قاسم
لقد أخذتني الكلمات بين ذراعيهاو ليس باليمين فقط .. ثم إحتضنتني طويلا حتى شممت رائحة هذا الإبهار
|
Post: #19
Title: Re: خــــذني بيمين الحب
Author: ودقاسم
Date: 10-22-2004, 11:34 PM
Parent: #8
الغالي أبو جهينة ، أفي الليل كان ذلك أم في نهار رمضان ؟
لك التحية وحلو الكلام ..
|
Post: #12
Title: Re: خــــذني بيمين الحب
Author: ودقاسم
Date: 10-21-2004, 03:54 AM
Parent: #6
أستاذ طلال
كتر خيرك ، تشجيعك لنا يمنحنا طاقة تدفعنا إلى الأمام ،،
سجيمان عايز يستفرد ببعض الانفلاتات ، لكن أنّى له ذلك ؟ يا سجيمان أحسن ترضى بالشراكة وتبطل الطمع ،،
|
Post: #11
Title: Re: خــــذني بيمين الحب
Author: ودقاسم
Date: 10-21-2004, 01:46 AM
Parent: #5
فاضلابي
نفسك المليئة بالجمال ، هي التي تعكس جمالها على الأشياء فتظهر جميلة ،،
لك الشكر
رمضان كريم
|
Post: #13
Title: Re: خــــذني بيمين الحب
Author: Osman M Salih
Date: 10-21-2004, 07:45 AM
Parent: #11
الأستاذ الفاضل ود قاسم
نفحةٌ من الشعر في هـذه الكتمة
لابدّ أن تجد الثناء الذي تستحق.
لك مني خالص التقـدير
و للخال جلال داؤد التحية.
عثمان
|
Post: #14
Title: Re: خــــذني بيمين الحب
Author: Rawia
Date: 10-21-2004, 05:40 PM
Parent: #13
تلك امرأة واسعة العينين
تفحص في أعماق الحب
تفرش عتبات الدار بقلب أبيض
تسكب في قلبي كأسا من شوق
تخرج من فمها فيضا عذبا
تتلقاني برحابة صدر
مرحى ،،، مرحى ..
ادخل ،، لا تستأذن ،،
لا ضيف أنت
ولا عابر
كن ربا للدار ، سراجا البيت
كفايه الوصف دا عشان يختها فى مصاف الملائكه
منسابه كلماتك ياود قاسم
تدخل القلب جوه
بالمناسبه
زولتك دى تشبه لى زول
|
Post: #15
Title: Re: خــــذني بيمين الحب
Author: طلال عفيفي
Date: 10-21-2004, 05:47 PM
Parent: #14
زول ولا زوله يا راويه ؟
نرجو توخي الدقه .
طلال
|
Post: #16
Title: Re: خــــذني بيمين الحب
Author: Rawia
Date: 10-21-2004, 05:54 PM
Parent: #15
خلاس..... زوله
ياطلال ولا تزعل
-لكن ما زوله واحد اتنبن تلاته-
((معلقتين ونص مربى توت))
عشان مانبقى فى مشكله
|
Post: #17
Title: Re: خــــذني بيمين الحب
Author: معتصم دفع الله
Date: 10-22-2004, 04:51 PM
Parent: #16
إنت يا خال الكلام السمح دا كان وين ؟
إنت عارف لو فارقت درب شتات وودالشيخ وتمبس ديل ؟
حا نشوف كلام سمح بالحيل ..
تخريمة ..
Quote: بالمناسبة
زولتك دي تشبه لي زول |
راوية أنا زاتي بتشبه لي زولة في بالي ..
|
Post: #18
Title: Re: خــــذني بيمين الحب
Author: عبد المنعم سيد احمد
Date: 10-22-2004, 09:07 PM
Parent: #17
الراقى
ود قاسم
فلتنفحنا دائما بمثل هذا الشعر الجميل
ليزدهر بستان الكلم
لك مودتى
ورمضان كريم
|
Post: #27
Title: Re: خــــذني بيمين الحب
Author: ودقاسم
Date: 10-23-2004, 01:38 PM
Parent: #18
الشفيف منعم
كيفك ، ليك وحشة ..
كتر خيرك على تشجيعك المتواصل ، وأنت من الذين أهتم بقراءة رأيهم حول ما أكتب ،،
لك التحية ، وبلغ تحياتي لأستاذي عبد العظيم خلف الله والد صاحبك عمار ..
|
Post: #26
Title: Re: خــــذني بيمين الحب
Author: ودقاسم
Date: 10-23-2004, 01:28 PM
Parent: #17
معتصم
إنت وشتات وود الشيخ وتمبس مصدر الإلهام ،، نخليكم نقبّل وين ،،
ومرات الواحد ممكن يسرق بعض قصاصات شتات وينزّلها في المنبر ويدّعي ملكيتها ،،
إنت وراوية قمتم بتأويل النص ، ورميتموني باتهام القصد والهدف ،، يعني الواحد ما يريد ليهو حاجة إلا تقوموا تنطوا ليهو في حلقو !
لك الود
|
Post: #23
Title: Re: خــــذني بيمين الحب
Author: ودقاسم
Date: 10-23-2004, 02:53 AM
Parent: #16
راوية
هسة زولة دي شافت البوست ده وللا عملت فيهو مداخلة ؟ ما تخلي الناس في حالها ،،
قاصد وعايز أعمل مشكلة ..
العجوز المشاغب
محمد قاسم
|
Post: #22
Title: Re: خــــذني بيمين الحب
Author: ودقاسم
Date: 10-23-2004, 00:44 AM
Parent: #15
طلال
نقطة النظام في محلها ،،
هي زولة حتى الثمالة ..
|
Post: #21
Title: Re: خــــذني بيمين الحب
Author: ودقاسم
Date: 10-22-2004, 11:47 PM
Parent: #14
Quote: كفايه الوصف دا عشان يختها فى مصاف الملائكه
بالمناسبه
زولتك دى تشبه لى زول |
هي فعلا في مصاف الملائكة ،، بس تعرفي يا راوية ، أنا من زمان متهم بالكتابة عن الآخرين ، بالرغم من أني ما حصل كتبت عن أي زول أو زولة إلا في هذه المرة ،،
وبصراحة الزولة الفي بالك دي هي المقصودة ،، شايفة كيف أنا لمّن أقصد زول أو زولة بكون واضح ؟ ما يهمني الموت أوالحياة بيكونوا عندي واحد ،،
لك كل الود ..
|
Post: #20
Title: Re: خــــذني بيمين الحب
Author: ودقاسم
Date: 10-22-2004, 11:39 PM
Parent: #13
عثمان محمد صالح
لك الشكر أنك مررت من هنا ،، والخال أبو جهينة ما يزال يترنح من تأثير تلك التي احتضنته ،،
لك مودتي ..
|
Post: #24
Title: Re: خــــذني بيمين الحب
Author: خضر عطا المنان
Date: 10-23-2004, 03:19 AM
Parent: #20
Quote: تتلقاني برحابة صدر
مرحى ،،، مرحى ..
ادخل ،، لا تستأذن ،،
لا ضيف أنت
ولا عابر
كن ربا للدار ، سراجا البيت
كن فارس هذي الليلة
كن عطرا لمداد الأيام
ولا تفرغ كأسك من وجل
اغمرها في هذا المسك
امكث فينا ما شئت
كن راقص هذي الحلبة
وتأنّى ، فالموسم في أولّه
ولا تأسى لزمان فات
|
أحرف تقطر وفاءا وأصالة ..
أنها أحرف سياحة برفقة من نحب .
لك ودي وعظيم تقديري .
ورمضانك كريم أيها الحبيب : ودقاسم .
خضر عطاالمنان
|
Post: #29
Title: Re: خــــذني بيمين الحب
Author: ودقاسم
Date: 10-23-2004, 11:46 PM
Parent: #24
العزيز خضر عطا المنان
لك التحية
ورمضانك ، أيضا ، كريم .
حلوة هذه(السياحة برفقة من نحب ) ،، اللهم اجعلها سياحة دائمة ،،
لك الود ومحبتي ..
|
Post: #25
Title: Re: خــــذني بيمين الحب
Author: أبو ساندرا
Date: 10-23-2004, 10:51 AM
Parent: #1
ودقاسم
{تتلاقاني برحابة صدر }
{ بخصلات الشعر المجدول }
وبعيون مغمضة ياودقاسم !!؟؟
يعجبني فيك وضوحك ، يا واضح وماك فاضح
والحب اللذي يأتي في خريف العمر هو الحب ، هو الربيع ، به يستعيد العمر ربيعه ، ونعود من تاني نكتب الشعر ونمكث طويلآ عند المرآة ونتأنق ، وتنفتح شهيتنا لكل شيء.
مرات بقول لرشيدة انا في حاجة لحب محرم ، حب الأزواج مرات بيكون زي أكل المستشفيات لا طعم له لكنه صحي ، ومرات تحتاج لمذاق ما ، لدسم ! فلا تعبأ بالكلسترول والشرايين المرهقة ، وما يفعله الحب من حيوية ونشاط ودم حار يتدفق في الشرايين والأوردة كافي لغسل الكلسترول وتنتظم الخفقات وتعلو دونما لهاث أرزل العمر ، هو الحب تمرين مناسب ليستعيد القلب عافيته
أكاد أراها ، أحسها، هذه التي حركت كوامنك ،لا تصبغ شعرك ولا ترتدي الجينز ، جلابية وعمامة مناسبتان لهذا الحب المحرم السري الوقور
راوية العباسي :
عليك الله العفريت المنكوش ده غيري لينا ورجعي صورتك و { بخصلات الشعر المجدول } هم مش العفاريت مصفدة!؟ ده جبتيهو من وين
|
Post: #28
Title: Re: خــــذني بيمين الحب
Author: حبيب نورة
Date: 10-23-2004, 04:30 PM
Parent: #25
كلام ناعم ياخ
طاعم وناعم يا ود قاسم
|
Post: #30
Title: Re: خــــذني بيمين الحب
Author: Habib_bldo
Date: 10-24-2004, 00:24 AM
Parent: #28
خذني بيمين الحب
حقيقة إنت ضايع ساكت في الزحمة يا ود قاسم
قرأت النص مرات عديدة وكلما أقرأه أحس وكأني أقرأ نصاً لنزار قباني
في لقاءاتنا القادمة إذا أمد الله في الآجال سنسألك عن منساسبة هذه القصيدة وما دفعك لكتابتها وما دفعك لنشرها في المنبر؟؟؟
لك ودي وتقديري
|
Post: #35
Title: Re: خــــذني بيمين الحب
Author: ودقاسم
Date: 10-24-2004, 01:01 PM
Parent: #30
حبيب بلدو يا حبيبنا
كيفك
معليش ما مشكلة لو الواحد ضاع في زحمة ناس حلوين ، وقديما قيل ، الزحم فيها الرحمة ،،، أنا مستعد للكرسي الساخن ، أصلا اليومين دي مسخّن ، وحالتي حالة ،، بس العشا يكون كارب زي يوم داك ..
|
Post: #32
Title: Re: خــــذني بيمين الحب
Author: ودقاسم
Date: 10-24-2004, 04:46 AM
Parent: #28
حبيب نورة يا حبيبي
رمضان كريم ،،
والله إنت اللي طاعم ، وأنا ظالمك كتير ، بس خليني أتفرغ ليك شوية ،،
|
Post: #31
Title: Re: خــــذني بيمين الحب
Author: ودقاسم
Date: 10-24-2004, 01:27 AM
Parent: #25
أبو ساندرا
أنت التوأم ، تحس بإحساسي ، وتشاركني أشواقي وأشجاني ،،
الجلابية مكوية والعمة ملوية والشال يهبهب ،، بس وينو الزول ؟
الحب يا أبوساندرا لا يمكن أن يكون حبا وأن يكون محرّما في آن واحد ،، إن كان حبا فهو حلال ، حلال بصرف النظر عن أنه خارج الأطر أو داخلها ،،
راوية
عندك فرصة حتى مساء اليوم لتغيير الصورة وإعادة الصورة ذات الشعر المجدول إلى موقعها سالمة،، وإلا فتوقعي قصيدة هجاء ،،
هكذا ، تهديد علني ،،،
|
Post: #33
Title: Re: خــــذني بيمين الحب
Author: Tumadir
Date: 10-24-2004, 04:59 AM
Parent: #31
جميلة...والله
|
Post: #36
Title: Re: خــــذني بيمين الحب
Author: ودقاسم
Date: 10-25-2004, 00:18 AM
Parent: #33
تماضر بنت خالتي
مين هي الجميلة ؟ ذات الشعر المجدول ؟
|
Post: #41
Title: Re: خــــذني بيمين الحب
Author: Rawia
Date: 12-14-2004, 08:12 AM
Parent: #31
Quote: راوية
عندك فرصة حتى مساء اليوم لتغيير الصورة وإعادة الصورة ذات الشعر المجدول إلى موقعها سالمة،، وإلا فتوقعي قصيدة هجاء ،،
هكذا ، تهديد علني ،،، |
اها
|
Post: #42
Title: Re: خــــذني بيمين الحب
Author: ودقاسم
Date: 12-14-2004, 11:20 PM
Parent: #41
تلك هي البنت القصيدة ،،
ربي يحفظك ، ويديك الفي مرادك ...
|
Post: #34
Title: Re: خــــذني بيمين الحب
Author: walid taha
Date: 10-24-2004, 10:59 AM
Parent: #1
الخال ودقاسم تحية
| Quote: لقد أخذتني الكلمات بين ذراعيهاو ليس باليمين فقط .. ثم إحتضنتني طويلا حتى شممت رائحة هذا الإبهار |
ابوجهينة معليش حأخمس معاك المداخلة دى..
والله يا خال النهار حار والجوع لاول مرة حاصل والريق ناشف عشان كده الكتابة غالبانى ....وعشان دى ما اى كتابة لازم اجيك بعد ابتلال العروق وتبوت الاجر..ومؤقتاً كده خمست مع ابوجهينة
ورمضان كريم
|
Post: #37
Title: Re: خــــذني بيمين الحب
Author: ودقاسم
Date: 12-13-2004, 11:04 AM
Parent: #34
وليد طه
قلت أخليك لي حد ما تروح جوعتك ،، عشان تكون المتعة مضاعفة
لك الود
|
Post: #38
Title: Re: خــــذني بيمين الحب
Author: Raja
Date: 12-13-2004, 01:49 PM
Parent: #1
من أجل مزيد من الجمال..
تحية ليك يا ود قاسم..
|
Post: #39
Title: Re: خــــذني بيمين الحب
Author: ودقاسم
Date: 12-13-2004, 09:58 PM
ولك آلاف التحايا إيتها العزيزة ،،
ينتابني أحساس أنك قرأتي هذا النص منذ فترة ، لكنك مترددة تجاهه ،
|
Post: #40
Title: ابو القاسم
Author: مأمون التلب
Date: 12-14-2004, 07:50 AM
Parent: #1
ابو القاسم
يا أخي
كم هو جميل وصادق
خذني بيمين الشعر دائماً
ولا تتوقف
|
Post: #44
Title: Re: ابو القاسم
Author: ودقاسم
Date: 12-15-2004, 00:09 AM
Parent: #40
ود التلب يا مأمون علي بنوت فريقو
كتر خيرك على الدعم ،، أنتظر أن أقرأ لك أكثر ..
|
Post: #43
Title: Re: خــــذني بيمين الحب
Author: samwal ebrahiem
Date: 12-14-2004, 11:33 PM
Parent: #1
الخال ودقاسم
انت ياخال شفت حبيبتي دي وين
ماتكون جاءتك عبر الخواطر ذي
ما بتجيني انا والله لو جاءتك عبر
الخواطر بزعل منها شديد . لانو قبل كده
قالت لي يا السمؤل انا ما بروح لي اى يزول
عبر الخواطر الى انت وبما انك وصفتها وصف
دقيق يبقى كانت حاضرة عبرالخواطر فى رحاب
حضرتكم البهيه اذن تكون كذبت علي
* سرد جميل ومعبر يا خال
السمؤل
|
Post: #45
Title: Re: خــــذني بيمين الحب
Author: Raja
Date: 12-15-2004, 00:20 AM
Parent: #1
العزيز ود قاسم..
ســـلام وتحية..
ينتابني أحساس أنك قرأتي هذا النص منذ فترة ، لكنك مترددة تجاهه ،
إحساسك سليم..
وسأكتب حتما..
بعض الوقت هو كل ما احتاج..
|
|