انا في حلم ولا في علم .... ولا دي ليله القدر..؟؟

يا اخوانا هووووووي

انا والله الليله ما مصدق

في زول ممكن يفوز بجوائز من اربعه محلات في يوم واحد...؟

اتخيلو اني الليله فزت باربعه جوائز من اربعه محلات مختلفه
الجائزه الاولي من اليانصيب فري لوتو مبلغ 2500 دولار
الجائزه التانيه من كاشير مبلغ 5000 دولار
الجائزه التالته من امريكان اير لاين عدد 4 تذاكر سفر لجزر هاواي مع الاقامه في فندق 5 نجوم شامله المصاريف أو استبدالها بمبلغ نقدي
الجائزه الرابعه 1000 دولار ودي برضو من فري لوتو قديمه وما كنت عارفه الا لما نزلت في الحساب الليله

والله الكلام دا كلو حقيقه مع اني ما حصل فزت قبل كدا ولا بصابونه حاجه فاطمه

يكون الليله ليله القدر يا ربي ولا شنو


الحمد لله رب العالمين واللهم اجعله خير

يا جمال والله إنت ود الجعلي خلعتونا عديل الليلة الله يزيد ويبارك بس والله مقروض لي في تذكرتين من بتاعات جزر الهاواي ديل . طبعا ما بتبخل بيهم علي اخوك . والا اقول ليك امكن فتحتا عليك دخلتك لي سودانيز اون لاين يا ود مدينتي . والله فرحان ليك شديد

ابن مدينتي مدينه الجمال الفاتح
سلام

والف شكر واكيد سودانيز اون لاين فال خير علينا

مبروك

إن حظى كدقيق فوق شوك

اخوي الفاتح

بيت الشعر دا انا كنت بقول فيهو لحدي قبل يوم

اتفائل خيرا تجده

شريييييييكتك
شوف انت وليد وما بتعرف قيمة القروش دى ..كدى بتساوى كم بالسودانى بتاعنا مش عملة قرنق!!!
الحاجة التانية نغير اسمك لاحظ نغير لك اسمك ل هوب فل
الحاجة التالتة انا امسك لك الباقى علشان ما يطلعوا لك زى ناس الطاهر 2
وكمان داخل على طمع تزكرتين !!!يمكن يكون عاوز يحجج ليهو زول اعمل حسابك
حظك حلو ويارب كده دايما الدعاء ده بلاااااش

عديله العديله ومتوهجه

سلام

هو قرن سوالو قروش كمان...؟
بس مايكون خاتي فيها صورتو..والله حكايه

وياستي قروشي الضبان الازرق مابيعرف ليهن سكه انتي ارتاحي

تمسكيهن لي..؟ تلقيها عند غيري

ربنا يزيدك كمان وكمان انا مش كل مره بقول ليك في هوب

يا فنان يا مرهف

انا عارف الفنان عندو احساس عالي بيعرف بيهو حاجات قبل وقوعه

واحساسك فال عليه

وعقبال اللوتري ابو مليون شراكه

HOPELESS??????
دى بقت ما فى محلها
مفروض تغيرها
HOPEFULL
والاهم تقسم علينا الجوايز الكتيرة دى
عشان تجى غيرها
يا زول مبروك
بس ح تمشى هاوااى براك

الاخ هوب ليس

لك التحية

تعرف والله اول مرة اشوف زول كسب قروش كده كاش حية وعدا نقدا وكمان فى حسابه ؟؟؟ والله ده شىء عجيب

تعرف انا لى اكثر من خمسة عشر سنة اشارك بصورة منتظمة اسبوعية وشهرية واحيانا يومية فى مسابقات وحاجات من دى ما حصل يوم كسبت ابره عشان كده قلت الناس دى بتضحك علينا واول ما القى مسابقة ثانى اقول يمكن الحظ يبتسم واقوم اشترك وبرضو ما اكسب

تعرف انت كده اديتنى امل كبير انى اواصل المشاركات رغم حظى الذى يشبه حظ اخونا عماد اعلاه..

يا سيدى الف الف مبروك والله تستاهل عشان خفة دمك وعشان روعتك ويا رب ثانى الجوائز ما تقيف اصلها منك وتكسب كل يوم لامن تخلى الشغل وتقعد بس نوم وانترنيت وتبارى حصد الجوائز ..

كدى بينى وبينك عملت شنو عشان تكسب .. قوله بشويش خلينى اعمل زيك..

مع تحياتى

العم قرشو

الله يبارك فيك
وكان داير تشترك مع الناس ديل ما عليك الا تزور الموقع دا
www.freelotto.com
وتختار ليك سته ارقام من 54 رقم وانت وحظك
وعندهم جائزه سمييييينه كان ضرب حظك فيها دي بتريحك باقي عمرك
المهم كل يوم تديهم غشوه
واصبر لمن يجيك الخير


انا صابر معاهم والله 3 سنوات كل يوم ارسل ليهم
وربك جاب التايهه


بس انصحك بي حاجه جميله برضو وممكن تجني منها قروش
وهي شركه عندها فرع في السعوديه في شارع الستين مع صاري
ادخل علي الموقع دا وكان بقيت عليها راسلني علي بريدي التحت دا

اسم الموقع
www.jamalzaki.biznas.com
الايميل
[email protected]

وبتمني الجميع يفوزوا ويفرحوا يا رب

صديقي قليبي المهضلم

الله يبارك فيك
والاسم بعد دا بنخليهو يداري العين
loool

ما قلنا ليك الله بدى الجنه

سمى نفسك مرزؤ بأه

الأخ هوب فل
اذا انت متأكد من انك لاتعانى من هضربة الملاريا وانا اتمنى ذلك لأنه اخوك اليومين ديل مزنوق شوية والخريف على الأبواب والبيت عايزلو جالوص والمدام على وضوع وكذلك المدارس على الأبواب وما أدراك ما المدارس وكدة.
بناءا على ما تقدم ارجو ان تلحق اخوك بى 20000 يورو اكرر عشرين الف يورو فقط لا غير ومبروك عليك جزر هاواى وجزر القمر

الاخ قلقو

بعد ما ارسل ليك القروش..عليك الله في جواب معاهن اقراهو ..عشان كاتب ليك فيهو اني محتاج لسلفيه

عشان الجزر الرهيبه دي دايره مصاريف كتيييره

الله بيدي كل شئ


وح اسمي نفسي مرزوق رزق الله
وربنا يدينا ويديك

زيوووووووووووووووووووووو كبيرة

مبروك يامعلم

هاواي
قلت جزر هاواي
مبروووووووووك والله
لكن انا هسع ماشي اجيب ليك ابو حراز
سيك سيك معلق فيك

حبيبنا خالد

الله يبارك فيك

بس ما قلت ليه ابو حراز لزومو شنو..؟
انا كمان عندي شفع..؟

خليهو يشوف تماضرو وين عليك الله
محمد معانا ابو حراز ما تغشانا

تسلم يا ود العباسيه

وزيوووووو اكبر

والله ياهوبليس
الف الف الف مبروووووووك
حيرتني عديييل كده

حقو تشوف ليك اسم تاني بعد ده
hopefull
هوبفول بمزاج كمان
والله ماشاء الله
بس ما يجيك هبوط ولا شي

وكان داير نصيحتي احسن تمشي جنب الحيط الايام دي
مع انه برضو ما ضمان امكن حيطة تقع فيك ولا حاجة
عارف ليه لانك شكلك كملت حظك كله
بعد ده الا تموت


لووول
هي بهزر معاك والله
الف مبروك وتستاهل كل واحد بياخد على قدر نيته
وانت الله اداك عشان نيتك اكيد

الرااااائعه هوزي

الله مايجيب حيره
والله يبارك فيك

واي زول ربنا بيديهو حسب نيتو ..عشان كدا ربنا حيديك كل خير

والمشي جنب الحيط خلاص حاسيبو لانو هاواي شغل بحر وصيف

وحيط مافي خالص

وماتخافي زولك حريص

Hopeless
غايتو وجب تغيير الاسم ده شرعا ونصا وقانونا وعرفا... ما شاء الله تبارك الله.. ربنا يزيدك ويبارك ليك كمان وكمان.. وإن شاء الله يكونوا مبروكات ويزيدوا ...



بنت الحسين

يا زول لا تغير اسمك ده ولا حاجة
ما تسمع كلام الناس ديل
انت قايل القروش دي جاتك عشان شنو
ما عشان اسمك الشين ده

والله الف مبروك
الرسول عليك عاد
كان ماوريت اختك بشتركوا في المسابقات دي كيفن
مع اني عارفة حظي وعمايلو
لكن قالو الغرقان
اريتو فلس العدو

اختنا الجندريه

الله يبارك فيك

شوفي ردي علي عمدتنا قرشو تلاقي اسم الموقع

وهو بسيط جدا بس داير الصبر

عشان اخوك صابر ليهو 3 سنين

وربك يفرج كرب عبيدو

يا بحر.. ياخ بعد ده بقى ما لافق عليهو.. يقلب الاسم ده.. خلي الله يفتحها عليهو كمان وكمان

بحر

سلام وربنا يحقق مقاصدك

وانت طبعا كدا عرفت سر الاسم

بت الحسين..ام اصلا زين

تسلمي وربنا يديك ويزيدك

ونسأل الله البركه في عمرنا ومالنا وعيالنا

ودي طبعا دعوات ستي رنويه الصالحه

هوبليسز............مبروك... الله يديك خيرن ويكفيك شرهن.... ارسل لك رقم الحساب بتاعي؟

الشحاد سجيمان

حالا جيت محمي طارك .. ولامي عيالك

اها امدح وكان عجبنا مديحك بنديك بالكاش وعمله صعبه لمن يغلبك حلها ولو بكرتين ديجيتال

بس ابعدنا من حكايه الحساب دي بخاف منها

Hopeless,

Make sure don't deposit the money into your account in one day because the FBI will show up! loooooooolz

Congratulations!

Regards,

حبيبنا ابو منين

الله يهنيك ويسعدك

ويجعل قروشنا خفيفه عليك وعلي الجماعه

Hopeless,

Make sure don't deposit the money into your account in one day because the FBI will show up! loooooooolz

Congratulations!

Regards,

Hopeless,

Make sure don't deposit the money into your account in one day because the FBI will show up! loooooooolz

Congratulations!

Regards,

مبـــــــــــــــــــــــــــــــــــــــــروك
ويا ربى دة حظ سودانيز اون لاين ولا كراع الخطيبة خضراء عليك
مهما يكون انشاء الله دايما الحظ مبتسم ليك يا هوب فل

الاخت هاله

جاوري السعيد تسعدي

والاتنين سعيدين .. عشان كدا ماسكين قوي

اسمع يازول
مازلت اسال
اذا انت وخطيبتك تذكرتين
باقى لسه 2
فهمتا

يا قليبي المهضلم

سلم علي هضلامة القلوب
وقول ليها الامانه في الطريق

بسم الله الرحمن الرحيم

هوبلس الف مبروك
لكن تعال اقول ليك براحة علشان ما يسمعونا الناس ديل
عاين ليهم فاتحين خشومهم راجنك كيف
يا وليدي لا يغشوك جيب قروشك دي امسكها ليك

تحياتي

بت القبايل
حبابك مليون

قلتي تمسكيهن ليه..وانا امسك شنو يالله..؟

بسم الله الرحمن الرحيم

المحبوب هوب لس
سلام وفرحة

أنا في الأول كنت ما مصدق لكن لمن شفت البوست جر والجماعة كترو صدقت أها ياخي مبروووووووووووووووك
لكن يا هوب لس زي دي حلال ولا حرام؟؟؟؟

المهم كان حلال عايزك تسوقني معاك ها(واااااااااااااااااي) لو سمحت

أكرر فرحتي لك أيها الحبيب

حبيبنا ود شنا

اول بالتبادي انصحك نصيحه لوجه الله

ابعد من الواااااي دي عشان جابتلها حيكومه والضابط واقف بهنااااك ورافع سلاحو

طبعا حلال ولا حرام دي حقو يفتونا فيها الشيوخ مع العلم اني ما دفعت فيها ولا مليم احمر

وبعدين شكلك كدى جايي ساكي حق الايجار.. يا اخي اتقي الله نحن يادوبنا في نص الشهر والشغلانه خسرانه والشفع كسرولنا عجلاتنا سااااكت
لوك الصبر يا سيد السوق

بسم الله الرحمن الرحيم

هوي يا ود لس
أنا ما قلت ليك ما تقول يا ود شنا
الشنا دي حقتي أنا براي ما حقت أبوي .. حدثتك قبال دا ولا ما حدثتك؟؟؟

يازول انت داير ليك حجه تتطلعني بيها سااااكت ... بس وين يا معلم

انا قلت ودشنا ماودشناة
اها شفت الفرق

والابوات فوق الراس

احترامي يا سيد السوق

مبروك والله يا هوب

دا حالتك هوبليس

الأداك بي الطورية

يدينا بي قفاها

.

العزيز ودشاموق

الله يبارك فيك

لكن والله ضحكتني بقفى الطوريه دا

غايتو ما عارف بقفاها دي الا يديك عكاز
لوووووووووول

هههههههههههههه

الله يجازي محنك

اها يا ود شاموق ما وريتنا حظك انت كيف ... ولقيت شنو من الدنيا دي غير صحبة الناس المخستكين ....

لووووووووووول يا هوبفل يا ولدي انت ما بتدي خالتك دومه خبرتقول ليها الكلام فيهو عضه؟؟؟!! انا بس دايره منك فتيل ريحه فرير دمور وما تنسي انا ام النسب .
مبروك ربنا يبارك ويزيدك

العزيزه الوقوره حبوبه شروق

نحن قلنا نكلمك بعد الموافقه علي العرض البيناتنا

وفتيل فرير دمور وبت السودان ومعاهن توب دبلان وتريفيره في الطريق هديه من العروس وهديه خاصه للعريس عجله عشان عريسنا مايحوم كداري
لووووووول
وربنا يسعد ايامك

هههههههههي ياهوبلس ولدي منو الهديتو عجله من دكانك الفي زقلونا ؟؟ يحردن!!! ولدي هديتو فراري ولو جاملناكم مارسيدس اخر موديل يا خوي انتوا عندكم الدولارات ونحنا عندنا اصعب العملات كدي احسب رصيدك كله كم وقل لينا وينظر في طلب بتك ويفاد

اتغليتو واتحليتو يا خاله

العجلات ماله

ماماكلانه ومشبعانه

والجود بالموجود
وبنيتنا قريشاته ما بتمرقن الا نضمن الشغلانه
مامعروفين اولاد الزمن داااك البيحصل شنو

مع تحياتي
ابو الاموره

لووووووووول خلاص ماتتجرس ولدي قال العجله مقبوله وطالما الكسوه جاياني عديله تب واتفقنا اها بس اعمل حسابك من بدر الدين ما يغشك في ايجار دكان البنشرالاسلامي

بدر الدين دا انا مشغل عجلتين قصاد ايجارو الكتير دا

اها اكان ولدنا شال العجله الا ندفع نص الايجار والباقي نخليهو يجي يخلصو منكم

اها كيييييف....؟

والله يا سوباجو

إن حظي كدقيق فوق شوك نثروه
ثم قالوا لحفاة يوم ريح اجمعوه


بالله الزول الكتب البيتين ديل تقول بيكتب عني

.

العزيز جمال

لك التحية

ياخوى ناس اللوتو ديل انا سكيتهم لامن روحى طلعت وحاتك اكتر من 3 سنوات وانا وراهم وفى الاخر طلقتهم لانهم ما بكسبوا الا ناس امريكا بس الظاهر ..

اما جماعة بزناس فديل عاوزين راس مال يا صاحبى لكن اول ما اعتر فيه وراهم وراهم وقد سجلت لهم زيارة بناء على دعوة من احد الاعضاء هنا ووجدت عضوا اخر ولكنى لم اكررها لعدم وجود راس المال لضربة البداية


لك تحياتى

عمدتنا قرشو

يا زول مالك صعبت الحكايه
راس مال شنو ديل كلهن 385 رال فقط لاغير وتبدأ رحله المليون وانت ومجهودك
ولما تكون باقي عليها رسل ليه عن طريق الايميل الفوق داك عشان تكون عمولتك من نصيبي اوكي

واللوتري يا عمده بدور الصبر ما تيأس واصل صدقني بتوصل

الأخ هوبلس
لاتكون بتاع ميتات. رسل لى اخوك العشرين الف يورو وبعدداك دبر مصاريف سفرك بى معرفتك. اتصرف ياخى وخليك ولد لحلوح

هي يا قلقو هن كلهن ما بتمن عشرين الف اويروالاويرو اغلي من الدولار بقي يعني يرسلن كلهن ويدين عليهن ولا شنو؟؟!!! ماتبقوا طماعين كدا انامثلا طلبت فتيل ريحه بي 10 دولارات وتم التصديق بيه انت ممكن تطلب معجون حلاقه بي 3 دولارات
وفي حديث اخر جبل الكحل هدنوا المراويد

حبوبة شروق
انا عارف انه المبلغ ما حيتم لكن دى مامشكلتى انا دى مشكلة هوبلس المفروض عليه يتصرف ويدبر لينا باقى المبلغ ويدبر لى مصاريف سفره لى هاواى بى معرفته وليكى على ياحبوبة شروق اجيب ليكى ريحة المايقوما البتحبيها ومعاها شوية حنة وسرتية ومعاهن صابونتين غسيل. اها قصرت معاكى؟

لا والله عاد انت فنجري \
كان كدي شوفوا كان يمرقن وكمان كان رسلت معاهن توب كرب وشبشب حدوقه تكون تمت الخياطه بالحرير

دا شنو بتذاكروا من ورايه ولا ايه...؟

العيال المستقبل البيت ال ال ال

الاخت دومه

لا حول ولا قوة الا بالله

بالله حدوقه ده كان اسم شبشب
علىالطلاق البورد ده كله مافى زول سمع بى حدوقه قبال كده

بالله نكتى الاسم ده من وين بس


لك تحياتى

يا هوبلس يا خوي عندي ليك مشروع
دايرة افتح عيادة في الهلتون
حاكم العيادت دي سوقها ماشي
انت بس تلاتة اربعة لوتري من حقاتك ديل وشهر والتاني الموضوع يكمل

اها قلت شنو؟؟؟


تحياتي
زولة123

دكتوره زوله
سلام واحترام



عياده في الهيلتون...؟

بالله انتو وصلتو الحتات دي كمان

وكشفكم كم يا كاشفين الحال...؟


اها وانا نصيبي شنو من الحكايه دي ..؟
شكلك في النهايه حتقولي ليه مش كفايه دخلناك الهيلتون وكلو علي الفاتوره

افتح الله


انا داير افتح دكان عطاره وعلاج بلدي في سوق ليبيه وكان بدوري ليك علاج تعالي مابقصر معاك


-

لااااا حول
اقول ليه عيادة في الهلتون يقول لي محل عطارة
خلاص كويس

محل اكسسوارات ينفع معاك خلينا الطب زاته
بس انت قروشك دي جيبها وكان شفتني تاني
سوري قصدي ما تشيل هم

تحياتي
زولة123

دكتوره زولا
سلام واحترام

امانه في زمتك الواسعه دي الدولارات دي برااااااهة ما اكسسوارات..؟

ومفارق حبيبو ندمان وليلو طويييل

وانا بصراحه مابحب افارق حبيبي دودو



قال تمسكن قال





+

طيب ما انت هدا كوييييس ليه بقولو عليك كده؟

شفت آخرة الصبر يا هوبليس ؟

تكملن بتعب العافية أنشاء الله

الف مبروك

يا هوب لس والله عجبنى ليك جنس عجب عشان تستاهل لكن اوعا الدكتوره تدقسك حاكم انا عارفك قليبك رهيف وكان بقيت على عيادة الهلتون الاجزخانه
على بس خلى الدكتورة تشوفلينا صيدلانية شاطرة كدا
من معارفا وما بنختلف

ودالجعلي سلام

الله يبارك فيك ويديك

يازول ماتبطل مقابضه

انت مفروض تحمد الله انو موضوع اليهوديه مره علي خير كمان داير

تكابسنا في اكل عيشنا انت خطيبتك دي ما جعليه ولا شنو..؟

الاجزخانه خلاص انتهينا من موضوعا بدكان العطاره

بس بندور نشوف موضوع الشفخانه عشان نجيب فيها دكتوره ون تو ثري

روزا الله يبارك فيك

انتي قايلاهن سديري ...؟

اكملن بعرق العافيه

سلام اخى الحبوب جمال
يديك الف عافيه ..ومبروكه عليك الجوائز وتستاهلها يا خوى ..
كدى اتذكر امس قريت شنو ؟
انا غايتو احمد الله محظوظة وما بنخلع زيك كده لوووول .. تجى نتقاسم ؟؟ غايتو لو رضيت وقاسمتنى من غير ما تعرف انا كسبت شنو ..بقبل ..ولو حاولت تسال بى جاى ولا جاى .. بنط من هسه ..
بس اختا لى البدرى السمح ( بدر الدين شنا ) ياهو هو البجيب خبرى
مبروك والله
فتك بى عافية

الاخ العزيزه سوما

البارح قريت قصيده دجاجي يلقط الحبه



المثل بقول العندو الشئ مابغطي
(مثل حقي براااااي)

رأيك شنو

وشيتا فوقو ود حلا سيد السوق الضبابينو عندها سؤ تغذيه دا اكيييييد امرا فوق رأي

اختونى جاي ولا جاي وخلو قريشاتي معاي

وداير سحبه بالعجله مابنبخل عليهو بنخليهو يمشي لحدي راس الشارع ويرجع




-

الأخ هوبليس
ياخوى انا شايف الناس كترت والمشاريع كترت مره ختة ومرة عيادة ومرة شفخانة وبعد شوية ناس الحكومة يتدخلوا ويقولوا ليك تعلية خزان الروصيرص و ترعتى كنانة والرهد وباقى المشاريع الهلامية ديك.
وعليه فأنا اعلن تنازلى عن طلب السلفية وانصحك بألأبتعاد عن المشاريع الوهمية خاصة البتجيك من العنصر النسائى (بدون اسماء )
ورزق الهبل على المجانين

ده شنو الاحباط ده

بدل ما تشجعوني
انتو فاكرين العيادة دي كلام ساي
عاين يا ود الجعلي وهوبليس

وقلقوا ده يفتح عينه عشان ما يرجع يأجر اوضة كوفي تاني


دي حتكون نقلة نوعية في النظام الصحي
نعمل ليكم فيها كل وسائل الراحة والتسلية, تلفزيونات في كل ركن وقنوات فضائية الما مجانية
وكمبيوترات عشان الداير يتدخل النت في وقت الانتظار
ووعن الديكور حدث ولا حرج
طبعا في السقف مهبط الطيرات مش عشان الحالات المستعجلة
عشان الماداير اعصابه تتعب في زحمة الطريق
وممكن قبل ما يخش على الدكتور ياخد ساعة كدية في غرفة الجاكوزي
والاجزخانة ياود الجعلي يمكن ما نحتاجة
ياي انا قلت اجزخاني دي كيف...قصدي صيدلية
عشان بعد الرفاهية دي كلها المريض حترد فيه الروح ويطلع يجري زي الحصان
لاكن احتياط نعملها
وانا اقترح تذاكر عند الدخول لنفس السبب
اها كنا بنقول حنعملها عيادة شنو يا ربي؟ عيادة شنو يا ربي؟؟
تصدقوا ما ضروري زاته
نخليها على كدة

الداير يساهم في المشروع الحضاري ده ارجوا الافادة
ويا هوبلس ما تضيع وقت قدمت اللوتري البعده ولا لسة

تحياتي
زولة123

يادكتورة عيادتك دى انشاء الله الحايشرفا منو انت آزولا بدورى تكملى قريشات الراجل ساكت اصلهم الحناكيش جنهم كميل قروش يعنى مسلا زمان فى الجامعه اذا ماكنت مريش تب
ما بتقدر تخلط حنكوشة تعرفى عندى بت خالى قرت فى رومانيا
اها جابتا طيارت ابراهيم احمد عمر اها كنت بمشى ازورا
فى الجامعه كانو عندها صاحباتا يرمو فى الشوك دى خلى
حسام يشرحا ليك اها اليوم داك لازم استلف منها عشان
انا لازم اعزمم انت عارفه طبعا اهل العوض وصناجتم اها
يوم جيت وهى اتاريها طلعت قبل مااجى وخلت لى مذكرة
مع بتاع الباب اها لما جيت لقيت بتاع الباب مافيش
المهم انقطعتا نافش ريشى لقيت ليك صاحبات قاعدات طبعا
اخوك كالعادة يلا ياشباب الكفتريا المهم مشينا هناك
زولتى ماجات قلتى ليهم ياشباب محفظتى شكلها اتنشلت
نطت واحدة اسمها ميسا قالت لى م حفظتك اتنشلت والله
سارة مافى عشان تدينك والله من اليوم داك البت دى ما
بهضما
اما يادكتورة موضوع الاجزخانة دا اهم حاجة والا اعتبرى
الموضوع ماقايم وزى ماانتى دايرة تضمنى مستقبلك انا داير
اضمن مستقبل خطيبتى على الاقل اخليها مع زولة مضمونه
زيك مضمونه هنا مقصود بيها ماحتحرضيها على تفكنى عكس

مبروكات عليك يا هوبلس الدولارات الخدر
شفت الناس ديل كلهم دايرين يضحكو عليك ..
من اول زول لي ود الجعلي سيد الاجزخانة..
خليك معانا انا وزولا تكسب دهب
وال10 الف $ تبقي مليون$ ..
بعدين يا زولا عرفت ليك العيادة نعملها شنو...
نعملها عيادة نفسية...
طبعا الشرينكات اليومين دي اكتر ناس شغالين ..الامة كلها مغلية ومليانة احباطات وماسكاهم نفيسة..بعدين اكترهم ناس مغندلين..
يعني ابو الريش عديل كدة..
اها قلت شنو؟؟
ما تطرطش وتسمع لي كلام الناس التانين ديل بسقطو حجرك