هوووووووووووووي يا ناس بطلوا الحقاره وشغل الشفع دا

Post: #1
Title: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-22-2003, 08:46 AM
Parent: #0

بسم الله الرحمن الرحيم

والله يا اخوان لمن جينا في البورد وسجلنا .. لا في قلوبنا غل ولا كرهيه ولا بنعرف عاداني وعاديتو دي حتي في حياة الواحد اليويمه لو الواحد اتخاصم ليهو مع زول ما بينوم قبل ما يتصافى معاهو

والله والله حتى الناس الاختلفت معاهم لامور شخصية ما شايل في قلبي حاجه تجاهم .. والحمد لله ما اتربينا علي حقد ولا علي كراهيه وان شاء الله ما تعرف طريقه للواحد

لكن الحقاره عيب عيب عيب ... والنقيصه في مقدار الراجل مافي زولا بيرضاها
دحين يا ناس البورد كدى ورونا دي معناها شنو تدخل علي واحد في بوستيهو وبكل حسن نيه وتقول تطيب خاطرو بكلمه ولا تشاركو في موضوع ويقوم يتجاهلك من دون خلق الله ويرد علي كل الناس الا انت؟؟؟؟؟؟

عليكم الله دي ما حقاره عديييييييييييييييل كدا
الحكاية دي حصلت معاي من تلاته افراد

يا ناس هوي الشغلانه ان بقى فيها غل والله معاكم الفين سلامه .. وان كان النفوس ماهي مطايبه اخير الواحد يحفظ نفسو

علي الأيمان دي حاله تخلي الزول يفرطق دا شنو دا يا ناس الكراهية دي شنو .؟؟؟؟؟؟؟

دي ما حقتنا ولا بتشبهنا يا عالم

والله المره الوحيده الحسيت انو الحركه دي جات عن طريق الخطأ مع استاذ موصلي والراجل مشكور مابيقصر رد عليه باحسن واجمل بس باقي العالم البتسويها قاصده دي يعملوا معاها شنو

والله يا ناس ان رديتوا ولا لا الواحد ما بفتش في ملك ولا عزا ناقص بس العيبه في حق الرجال نقيصه من فاعله

والتسوي كريت تلقا كريت في بوستاتا

عوووووووووووووووووووووووووك دا ما شغلنا دا ما بنعرفوا دا.. الله يلعنك يا شيطان

انا زاتي الشلاقه لي شنو مالي ومال كدا

تاني البنعرفو ومتأكدين من اخلاقو بندخل عليهو وناس تبع تبع دييييك الله معاهم حريقه

والله ياناس زهجاااااااااااااااااااااان وقرفان وممكن اتشاكل مع ضلي هسي
معاكم سلام

Post: #2
Title: Re: هوووووووووووووي يا ناس بطلوا الحقاره وشغل الشفع دا
Author: الجندرية
Date: 06-22-2003, 08:50 AM
Parent: #1

هولبس
طبعاً راس السوط وله هو السوط كلو وصلني
لكن يشهد الله ناوية ارد عليك في بوست الجندرية شوفي الكلام دا صاح
بس اليومين دي ظاري مقابل الكلام المعسم وصعب
وردودي كلها في السهل والمجاملات وكدي
ربنا يسهل
وهو العالم بالسرائر

Post: #3
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-22-2003, 08:55 AM
Parent: #2

الجندريه سلام

من محاسن الصدف انو انا برد عليك في الخيمه بهناك وانتي بتردي عليه بهنا
ودا بيوضح انك ما مقصوده والله بالحديث
وان كان علي الموضوع داك انا قلت ليك اخدي راحتك ووقت ما تلاقي نفسك فاضيه ردي

لكن الكلام للناس البتخش تشاركه في مواضيعه ولا تهنيها ولا تتسجم معاها و تنجعص علي الفاضي دي

الله يديك العافيه

Post: #4
Title: Re: هوووووووووووووي يا ناس بطلوا الحقاره وشغل الشفع دا
Author: الزومـــــــه
Date: 06-22-2003, 09:03 AM
Parent: #3

أخي هوبلس
أهديك البوست
مع جميل ودي
دعوة لتقليل المشاركات بدون زعل بعضكم

Post: #7
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-22-2003, 09:09 AM
Parent: #4

اخي الزومه
سلام واحترام

طبعا شفت البوست بتاعك وكل يوم بقراهو مع التأمين علي مافيهو من افكار واختلافي معاك في بعض النقاط ... لكن علاقه دا بداك شنو يا باشا كدي وريني امكن مخي الليله مقلوز؟؟؟

وبعدين في فرق بين المشاركات بالبوست والمداخلات
لانو العداد الأنت شايفو دا لو قلت (اب) بيحسب عليك واحد .. ان شاء الله تكون فهمتني بس
شكرا ليك

Post: #5
Title: Re: هوووووووووووووي يا ناس بطلوا الحقاره وشغل الشفع دا
Author: Shinteer
Date: 06-22-2003, 09:04 AM
Parent: #1

على بالطلاق انت الليلة زهجان زهجة أم قلب. مالك يازول؟
تعرف يا أيها الهوب .. انا بتكيف جداً لمن اشخبط لي حاجة وما يرد عليها اي زول، أي والله العظيم .. وبستغرب كتير لمن اشوف الواحد يزعل بانو مافي زول رد عليه!!! أحلى حاجة انو مافي زول يرد كفاية الناس يقروه وخلاص .. عشان ما يبقى زي حجوة أم ضبيبينة .. ويخليك متابع الردود ليل ونهار ده قال شنو ده سوى شنو

اطرد الزهجات يا هوبليس وفرفش

Post: #6
Title: Re: هوووووووووووووي يا ناس بطلوا الحقاره وشغل الشفع دا
Author: lana mahdi
Date: 06-22-2003, 09:08 AM
Parent: #1

اخى هوبلس
اراك تحمل نفسك فوق طاقتها لدرجة ان تصرفا لاقيته من البعض فى البورد قلب كيانك و عكر صفاك
لماذا؟
دعنى احدثك بامر تم نقاشه هنا على البورد نفسه
لاى حد يؤثر البورد على حياتنا الخاصة؟؟
الخاصة ممكن تكون اليومية و ليس بمعناها الضيق
هنا تعارفت على اناس كثر و بعضهم غدا اصحابك - لا اقول اصدقاءك-و بعضهم اختلف معك فى الراى و اخرون اشتطوا لدرجة عدم الرد عليك
لكن هل تاكدت من تعمدهم ذلك؟
و ان تاكدت ..اين هى المشكلة؟؟؟
اخى العزيز
ضع خطا فاصلا بين عالم البورد الممتزج بالتصور و الخيال و الحلم
و عالم اليوميات
عندها لن تحس بما تحسه الان لو ضايقك انسان
و لن تحمل نفسك فوق طاقتها
بالله عليك هون على نفسك

Post: #8
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-22-2003, 09:16 AM
Parent: #6

الاخ الفاضل شنيتر
الاخت الفاضله لنا مهدي

لكما الود والأحترام

والله يا ناس انا ما بيزعلني شئ لما اكتب موضوع ومافي زول يرد عليها وعندي مواضيع كتير مافي زول اشترك فيها مع علمي التام انها اهم مواضيع اطرحه
بس العيبه وام العيبه لما الزول يطرح موضوع للنقاش ولا يطلب من الناس يهنوهو وتجي بكل طيبه خاطر وتشاركوا وانجعص عليك

دي سموها لي شنو
والله الناس كان اختلفنا معاها ولا ما اختلفنا معاها ما شايلين لزول حاجه في قلوبنا بس العيب عيب

اسف يا اخوان اعزروا اخوكم الشغله الليله فايته الحد
والله يكضب الشينه

Post: #9
Title: Re: هوووووووووووووي يا ناس بطلوا الحقاره وشغل الشفع دا
Author: ودقاسم
Date: 06-22-2003, 09:38 AM
Parent: #1

هوبليس
لك التحية
يا أخي خليك هوبفل شوية
طبعا أنا ما مقصود بالحكاية دي لأني أنا برضي مهمش
بس يا أخي سيبك هو التهميش جديد علينا ما نحن من زمان متعودين عليهو
اكتب ونحن نقرأ لك بكل تأكيد حتى وإن لم نرد
ولن يحقرك أحد يا اب شنب
وإن كان من البنات فهن أصلهن حقارات
لكن بلاقيهن
صيرك عليهن
وخليك هوبفل

Post: #10
Title: Re: هوووووووووووووي يا ناس بطلوا الحقاره وشغل الشفع دا
Author: ابو جهينة
Date: 06-22-2003, 09:45 AM
Parent: #9

الأخ جمال : لك التحية و المودة.

صدقني صفاء قلبك و حسن نيتك أبدا ما حتندم عليهم ، و أرجو دائما أن تفتش للناس الأعذار لو غلطوا أو قصروا معاك ، و لكن الحقارة لو جاتك عديل تدق بابك ، طبعا ما بنرضاها ليك تب.

المهم يا جمال أخوي ، واصل حسن النية ، و كما أن الكريم لا يضام ، فإن صاحب الخلق الحسن لا بد أن يحترمه أعداءه قبل أصدقاءه.

تسلم

Post: #12
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-22-2003, 09:52 AM
Parent: #10

استاذي الغالي
ابوجهيــــنه

لك الود وكامل الاحترام

يا سيدي والله كنت مفتكره شغلانه سهونا ونسينا .. ولكن اليوم قعته اربط بين العالم دي لقيته فعلا متعمداها بصوره مقززه.. وشغل بتاع حقااااره عديييييل والله
والله والله انا ما بتخيل عالم بالكراهية دي
ابو جهينه الناس الحلوه الزيكم ويييييييين الله يديك العافيه
ياريت كل الناس في صفاك .. كان الدنيا حاله غير

بارك الله فيك

Post: #11
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-22-2003, 09:45 AM
Parent: #9

حبيبنا ودقاسم
سلام واحترام

والله يا ناس انا ما بتكلم علي بوستاتي

انا بتكلم علي انو واحد من خلق الله يطرح موضوع ولا يقول يا ناس هنوني ولا عزوني
ولمن تشاركو مع الناس في موضوعوا تلاقيهو رد علي الناس المعاك كلهم وانت من دون الخلق ما جاب سيرتك دا تسميهو شنو؟؟
عليك الله ماياها الهمله زااااااته

بس يا زوله بنغير الخطه بعد دا شغل حسن النيه والقلوب البيضاء دي شكله حاجه مضحكه بقت والواحد يغير علي موجة خيار وفقوسه
والله يلعنك يا شيطان

والله يديك العافيه اخوي وشكرا علي تطيب الخاطر برضك ماقصرت

Post: #13
Title: Re: هوووووووووووووي يا ناس بطلوا الحقاره وشغل الشفع دا
Author: زوربا
Date: 06-22-2003, 01:29 PM
Parent: #11

الزول السمح هوبلس
نلينك والابنوس والشوق الجاري عليك
يا خوي هسع أنا دا جديد لنج في الشغلانة دي وماواقعة بالعدلة لي هسع
يعني لو كنت قاصدني وحيات الحايكون بيناتنا ما تزعل
ولو ما قاصدني غايتوا لي قدام كدا
أنا بدورك يا زول
والريد نيلين

Post: #14
Title: Re: هوووووووووووووي يا ناس بطلوا الحقاره وشغل الشفع دا
Author: قرشـــو
Date: 06-22-2003, 01:41 PM
Parent: #13

حبيبنا هوبليس

تحية نهارية

ياخوى والله والامانة فى الذمة الحقارة ما كويسة

وبصراحة العملية القلت عليها دى ما حلوة ابدا الا اذا كان الزول ما قاصد وطفش من البورد او مل الموضوع وما رجع ثانى للبوست المعنى

اما لو حسيت انها فعلا مقصودة فليك الحق تفارقوا

ده الكلام العديييييييل

Post: #15
Title: Re: هوووووووووووووي يا ناس بطلوا الحقاره وشغل الشفع دا
Author: 3omda4
Date: 06-22-2003, 02:00 PM
Parent: #1

سلام صديقي العزيز
بس ما اكون انا واحد من المقصودين
علي العموم انا بعتزر من هسع
ولك كل الاحترام

Post: #16
Title: Re: هوووووووووووووي يا ناس بطلوا الحقاره وشغل الشفع دا
Author: بدرالدين شنا
Date: 06-22-2003, 05:51 PM
Parent: #1

بسم الله الرحمن الرحيم

حبيب قلبي هوب لس
سلام وإحترام وإعتذار

رب ضارة نافعة أهو طلعت ليك بي بوست عديييييل كدا بي شحمو ودمو وبي مداخلاتو وممكن تعيد بيهو كمان

أما مسألة الحقارة أتمنى إنو تكون بي حسن نيّة لأنو والله ياهوبي الزيك إنت بحافظو عليهو لأنك ود بلد أصيل وقلبك حار

Post: #17
Title: Re: هوووووووووووووي يا ناس بطلوا الحقاره وشغل الشفع دا
Author: anwar abu gaidaa
Date: 06-22-2003, 09:18 PM
Parent: #16

يا فراشة البورد مالك؟
سحرووك والله ادوك عين؟
كدى انا عازمك ليمون بارد فى كشك المورده
بى كوز المنيوم؟
تشرب لمن تروى
واشترى ليك جريده من الكشك الناصيه
وتسالى؟
ولاتحمل الامور اكثر من مما؟
نحتاجك
ونحتاج معنوياتك
ليك صافى الود
انور عبد الرحمن

يوم العركه الفى الحراره
بتشبع الصقار مراره

Post: #18
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 00:16 AM
Parent: #17

العزيز زوربا
نلينك والابنوس والشوق الجاري عليك
لك الشكر علي المداخله وتطيب الخاطر
وزولا في جمالك وطيبه نفسك حاشاهو العيبه
سلمت سيدي
ولك الود

الغالي العمده قرشو
كامل الود والأحترام

والله يا عمده ما زعلت الا بعد اتأكدت تمااااما انو الشغلانه مقصوده
وربك يسهل ويصلح من حال عبيدو
بس بعد كدا يا اخوي الشلاقه اخير نخليها
يعني اجري هنئ واجري عزي دي خليناها
الا مع الناس الحلوه زيكم
الواحد بيضمن ضهرو
والله يديك العافيه يا سيدي
كل الود

صديقي الصدوق
عمــــــده
حاشاك العيب يا صديقي
ويكفي انك في كل مره اول من يأتي
لرفع معنوياتي
لك الود صديقي الشفيف
وفائق الأحترام

حبيبي الشفيف
واخــي في الله
أنور عبدالرحمن

كم تسعدني كلاماتك الرقيقه
وكم يأسرني نقاء سريرتك
التي لم تلوثها فقاقيع الزمن
تسلم علي العزومه المعتبره
وان شاء الله نقدر نردها ليك في يوم فرح غيداء

كل الود

اشكركم جميعا ودمتم احبتي

Post: #19
Title: Re: هوووووووووووووي يا ناس بطلوا الحقاره وشغل الشفع دا
Author: Tumadir
Date: 06-23-2003, 00:46 AM
Parent: #18

انا؟

Post: #20
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 00:51 AM
Parent: #19

حاشاك

والناس عارفه رقبته ومن قبيل حاولت تصلح غلطته
سلامه يارفيقه

Post: #21
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 01:55 AM
Parent: #16

حبيب الكل
الاستاذ/بدرالدين شنا
سلام واحترام

والله من اصلك الطيب

ويازول الحقاره كان شفناها في اخوه ما بنرضاها خليها تكون علينا
الله يديك العافيه ويسلمك يا زوق يا خلوق

لك الود

Post: #22
Title: Re: هوووووووووووووي يا ناس بطلوا الحقاره وشغل الشفع دا
Author: Maged
Date: 06-23-2003, 02:44 AM
Parent: #1

الأخ هوبليس
تحية طيبة
بالرغم من أننى أتفق معك تماما فى كل ماقلته، لكن برضو أدعوك اٍلى عدم الزعل يازول من الحاجات دى. هى بتحرق، لكن لا بتودى لا بتجيب وأى تصرف سئ، اٍذا كان مقصود، يعكس عقلية صاحبه
من أجمل الأشياء التى لفتت انتباهى فى هذا البورد هى خفة دمك وأصالتك وأرجو أن لاتسمح لمثل هذه التصرفات أن تعكر صفو ذهنك ومزاجك لأنو نحنا ـ فى غربتنا دى ـ محتاجين للمزاجات الزى مزاجك دة ولطلاتك البهية فى هذا البورد

ودمت
ماجد

Post: #23
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 02:53 AM
Parent: #22

اخي الحبيب
مـــاجد
سلام واحترام

تسلم علي زوقك يا سيدي .. واسف علي هذه الطله (العكره) وارجو منك السماح
كما ارجو من الله بان تكون الطله خفيفه عليكم في كل حين وان لا اتسبب في تعكير صفوكم

والله يا سيدي الواحد ما ناشد في الناس غير الخوه الحقيقيه .. يعني بدون زيف ولتيق كلام..ودا الشئ الخلانا 24 ساعه متربعين قدام الشاشه

وان شاء الله خوه الاخوان الصادقه تعوض فقد الغير

ولك التحيه والاحترام

Post: #24
Title: Re: هوووووووووووووي يا ناس بطلوا الحقاره وشغل الشفع دا
Author: Maged
Date: 06-23-2003, 02:57 AM
Parent: #23

تسلم يا ملك
ومافى داعى ترد على دي

Post: #25
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 03:01 AM
Parent: #24

الله يسعد أيامك
اول ضحكه الليله

Post: #26
Title: Re: هوووووووووووووي يا ناس بطلوا الحقاره وشغل الشفع دا
Author: منعم
Date: 06-23-2003, 04:10 AM
Parent: #1

العزيز هوبلس
قال رسول الله صلى الله علية وسلم
اعقل الناس اعذرهم للناس
فارجو ان لا تحمل الامر اكثر مما لا تحتمل . وان لا تجعل اختلاف وجهات النظر السابقة سببآ لافتراض سؤ نية الاخرين

كن طيبآ ومحبوبآ كما انت .. وظن خيرآ بالاخرين حتى لو اختلفوا معك

لك التحايا والاحترام

Post: #28
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 04:29 AM
Parent: #26

الأخ منعم
سلام واحترام

اشكرك جزيل الشكر علي هذه الوصايا القيمة
واقول ليك والله يا منعم ما افترضته لزول سؤ نيه وممكن كتير من الناس الأختلفت معاها عادي بدخل عليها وقسماً عظما مافي القلب غير كل اخوه وممكن الناس الاختلفت معاها عارفه الشئ دا
لكن لما تحس انو الأمر مقصود وبصوره وااااضحه دي انا بسميها قله مقدار .. ودي عندنا عيبه
تسلم مره تانيه وبارك الله فيك

.

Post: #27
Title: Re: هوووووووووووووي يا ناس بطلوا الحقاره وشغل الشفع دا
Author: Elmosley
Date: 06-23-2003, 04:20 AM
Parent: #1

صديقي هوبلس اقول حاجه ما حتصدقها
في عضو في هذا البورد انا دخلت في كثير جدا من بوستاتو
وعمرو ما رد علي وهو عارف نفسو هسع لو قرا الكلام ده حيعرف
لا ومش كده وعمرو ما دخل في اي بوست بتاعي
وبرغم عن هذا الامر الذي استمر لقرابة السنتين الا انني لو وجدت ان هنالك بوست اجتماعي مهم لهذا الشخص فلن اتواني عن الدخول والمشاركه لانني رجل اجتماعي
اها زعلك ما انفش شوف انا بالي طويل كيف

Post: #29
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 04:35 AM
Parent: #27

المرهف والصديق
موصـــــلي
سلام واحترام

والله خففت عليه كتير .. بس عليك الله دي ما عيبه
يعني نسميها شنو .. زول تفرح لفرحوا وتجي جاري وفرحان من جواك والله العظيم وتبارك ليهو ويجي يمسك العالم فردا فردا ويتعمد يتجاهلك
حاره مش كدا ؟؟ وما اظنك بترضاها

لك الود صديقي وشكرا علي صدق الاحساس

Post: #31
Title: Re: هوووووووووووووي يا ناس بطلوا الحقاره وشغل الشفع دا
Author: Elmosley
Date: 06-23-2003, 05:19 AM
Parent: #29

يا هوبلس الاخ الانا كلمتك عنو انا فرحت لي فرحو وحزنت لي حزنو
وناقشتو في افكارو وهو مصر يحجم والحقيقه انا مابعرفو شخصيا لكني حسيت بان البيعمل فيهو ده بريحوا نفسيا وخليتو علي راحتو

Post: #34
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 06:20 AM
Parent: #31

يديك العافيه يا كبير
منك نتعلم ونستفيد

والله بالجد ريحتني
تسلم صديقي موصلي

.

Post: #30
Title: Re: هوووووووووووووي يا ناس بطلوا الحقاره وشغل الشفع دا
Author: منعم
Date: 06-23-2003, 05:04 AM
Parent: #1

العزيز هوبلس
انا مشيت بهناك ونبزتك وتحديدآ قلت عنك وعن ناس تانين (لهم عميق الامتعاض) لانى بختلف معاك فى الزاوية البتعاين منها للموضوع المطروح ..... لكن دة ما بيمنع انة يكون بيناتنا اشياء طيبة زى ما هو حاصل الان

انا طبعآ بقول ليك الكلام دة عشان ما تقول انة الزول دة يصالحنى بى جاى ويمشى يشاكلنى بهناك ...واكيد انة انت من حقك تمشى ترد على وتشاكلنى وتطلعنى غلطان محل ما انا اتكلمت عنك من غير ما يكون فى نفوسنا غل تجاه بعض
واعتقد انة دة الحاصل مع بقية الاخوان المختلفين معاك

يوسف الموصلى
ياخى انا مبسوط منك بصورة ما طبيعية
تسلم يا انسان يا كبير

لكما تحايا بطعم طيبتكم

Post: #32
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 05:19 AM
Parent: #30

اخ منعم
سلام واحترام

انا طبعا قريت ردك بهناك ودا طبعا من حقك وبالعكس احترم رأيك جدا

وطالما الناس ملتزمه بأدب الحوار صدقني يا عزيزي الود يظل قائما ومحفوظ

لك الود عزيزي واشكرك مره ثانيه علي طيب معدنك

Post: #33
Title: Re: هوووووووووووووي يا ناس بطلوا الحقاره وشغل الشفع دا
Author: Elmosley
Date: 06-23-2003, 06:17 AM
Parent: #30

يديك العافيه يامنعم

Post: #35
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-23-2003, 06:44 AM
Parent: #1

اخوى هوب ليس

والله انت الليلة مفروووووك جنس فركة ياخى ختها فى الواطة وخلنا من البردبة دى. يعنى كان ما ردوا عليك تقوم تفلع بالحجار زى المجنون. اشهد انلا اله الا الله يا زول.
هسى انا ما رديت عليك فى بوست نجاة والتناى بتاع اللغة الهيرغلوفية داك

Post: #36
Title: Re: هوووووووووووووي يا ناس بطلوا الحقاره وشغل الشفع دا
Author: nasiradin
Date: 06-23-2003, 12:40 PM
Parent: #1

والله انا ما عملتها
لكن شككت الواخد فى روحو .. معليش انا اسف ...
تمام كده

Post: #37
Title: Re: هوووووووووووووي يا ناس بطلوا الحقاره وشغل الشفع دا
Author: اسامة الخاتم
Date: 06-23-2003, 01:34 PM
Parent: #1

Quote: زول تفرح لفرحوا وتجي جاري وفرحان من جواك والله العظيم وتبارك ليهو ويجي يمسك العالم فردا فردا ويتعمد يتجاهلك
حاره مش كدا ؟؟ وما اظنك بترضاها

تتصور انا يادوب انتبهت
بس اوعك تكون قاصدنى انا!!!؟؟
فى بوست الليلة عيد ميلاد فرحنا
طيب انا ح افترض انى المقصود لانى لاحظت انك مسحت كلامك الاول هناك
يا سيدى اولا: انا ما ممكن اكون قاصدك ابدا لانو اصلا مافى سبب لى كدا
ثانيا انا قريت ردود الناس سريع و لو تلاحظ فى رد كدا جامع اكتر من واحد و كنت برد من الذاكرة و يبدو انو اسمك سقط سهوا مع انك اول المهنئين و لمن اكتشفت المسألة دى رديت ليك طوالى , غير انه اساسا انا كنت خاتى باقى الناس لى رؤى و هى مشكلتها كانت فى انترنت كافى فما اظن برضو قدرت ترد على كل الناس.
عموما ما تتحسس لانى اظن انا رديت ليك فى مكان تانى او فى بوستاتك, يعنى مافى قصد
بعد دا كلو انا بعتذر ليك لو حصل منى تجاهل ما مقصود يا سيد جمال و امسحها فى وشى دا
ياخى البنبزنى انا برد ليه ناهيك عن شخص مهنئ
و لك كل الياسمين و اعتذار خالد و ام خالد حتى ترضى
اتمنى برضو انك ما تكون قاصدنى انا
كل التحايا

Post: #38
Title: Re: هوووووووووووووي يا ناس بطلوا الحقاره وشغل الشفع دا
Author: عبدالأله زمراوي
Date: 06-23-2003, 01:47 PM
Parent: #1

جمال
ياأخي انت حساس محمد حساس...
ويعني ايه لو ما رد سيادتو عليك؟؟؟
هل ستغرب الشمس في الشرق وتشرق من الغرب..؟
هون عليك يا أخي ونوم قفا...
ولك الود والأحترام

Post: #39
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 02:22 PM
Parent: #38

الأخوان
سنت بن منتل
نصر الدين
اسامه الخاتم
عبدالأله زمراوي

لكم الشكر والاحترام ولكم كامل مودتي وياناس الموضوع قرفه في وقتها وانتهت
واسف جدا لاي زول اتحسس ولا اخد في خاترو

ويا اخوي اسامه الما دارك ما لامك
وما بغش عليك انت فعلا واحد من التلاته الانا كنت قاصدهم بس صدقني زعله وطارت قبيييل جات لما شفت الناس كلها اخدت حقها من الردود وانا اول زول جيت جاري وجواي فرح حقيقي مهنئ ... بس صدقني ما بقول ليك في الكلام دا ولا بالصورة البلديه دي الا لاني معتبر الحاله واحده والكلام البلدي دا اصدق من لفيق الكلام ودحين يا اخوي العفو في العافيه وادي راسك

وكل الامنايات بحياة جميله وسعيده

***

ويا داخل البوست شكرا علي الزيارة والرجاء عدم المشاركه لتنزيل البوست اسفل السافلين

Post: #40
Title: Re: هوووووووووووووي يا ناس بطلوا الحقاره وشغل الشفع دا
Author: اسامة الخاتم
Date: 06-23-2003, 02:30 PM
Parent: #1

يا جمال تسلم
بس تانى ما تفكها فينا و دا هزار طبعا

Post: #41
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 02:32 PM
Parent: #40

ماقلنا خلوا البوست دا ينزل درجه مافي @لوووول
يديك العافيه يا اخوي
وشكرا علي تفهمك

Post: #42
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-23-2003, 02:38 PM
Parent: #1

cool down ya hajj cool down ma magooooool

Post: #43
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-23-2003, 02:46 PM
Parent: #42

ابن منتال
حلفتك بالنعامه والطيره ام لجامه حود تررررر بعيد خليك هناك خلي الشغلانه دي تترسب في القيعان البورديه لحفظ مساحه اعلانيه او خربشه اخري في الكنبه الاماميه لهواة الطلعه البهية

ارح محل حماريات سمنتال

Post: #45
Title: Re: هوووووووووووووي يا ناس بطلوا الحقاره وشغل الشفع دا
Author: abuguta
Date: 06-23-2003, 03:11 PM

اخوى جمال
غيب وتعال
تلقى نفس السوال
الحقار والدجال
والراكب راسه والنعال
والفاقد الامل والفال
والقاعد فى الخيمة والنال
والبرسم فى تمثال
وست الحجل والشبال
والبنى والتربال
ووردى والمرسال
والشايل الموية فى القربال
ديل كلهم بحبو جمال

بس انا عارفك انت قاصد منو
قاصد واحد اسمه ابوقوتة وانا بعتزر ليك
من الحصل منى
وتانى بدخل بوستك كل ما اشوفه
بس دى مش الحقارة القاصدها انت

Post: #44
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-23-2003, 02:49 PM
Parent: #1

خلاص يا هوب ليس عشان صحتك بخليه يحتل جنبلغ

Post: #46
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-23-2003, 03:49 PM
Parent: #1

لا يا ابوقوته هو قاصدنى انا عارفو

Post: #47
Title: Re: هوووووووووووووي يا ناس بطلوا الحقاره وشغل الشفع دا
Author: انور عمر
Date: 06-23-2003, 04:25 PM
Parent: #46

الاخ جمال
السلام عليكم ورحمة الله وبركاته
يا اخي نفس الشي يحصل معاي لكن خليك على صفاي نيتك وخلي الناس زي ما تعمل التعمل والله يجعل الفي هو خير
الله يصفي الضماير ويغير ماب نفوسنا وعلينا تعم البشائر قولوا آمييييييييين

Post: #48
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-24-2003, 07:09 AM
Parent: #1

هوب ليس

البوست ده ما قلنا ليك خلى يحتل

جنــــــــــــنــــــــــبــــــــــلغ

Post: #50
Title: Re: هوووووووووووووي يا ناس بطلوا الحقاره وشغل الشفع دا
Author: nile1
Date: 06-24-2003, 07:41 AM
Parent: #48

الأخ هوبلس
ســـــلام
ياخوي مادام إنت هوبلس خليك حساس لس...لو قعدت تعاين للحقاره دي حتطرشق عديييييل...إنت زعلان على تجاهلك في البورد ودي شبعنا منها..والبورد دا أي حاجه بتنزل فيه بغض النظر عن قيمتها....أنا في ناس كتار رسلت ليهم بالإسم وفي المسنجر بتاعهم دعوه عشان يشاركوا بالكتابه معانا في إصدارتنا الثقافيه الشهرية طنشوني وما ردوا...لو حصل ليك كدا تقول شنو؟؟؟؟؟؟ياخوي المسأله مسألة لوبي ولو ماعندك لوبي شوف ليك بليله شدها....الحل إنك تلم المهمشين الزيي كدا...ونكون هتيفه لبعض؟؟هتيفه يعني نهتف لبعضنا ونعمل توم وشمار لأي حاجه يكتبها واحد مننا حتي لو كانت هايفه...ونصرف لبعض من الرخيص....يارائع ...يا ملهم....يا رهيب...وحاجات زي كدا...ومن هسع أنـــا معاك..شوف ليك كم واحد تاني...وياريت لو لقيت ناس معاهم دلاليك ودفوف....زي جماهير إتحاد جده...شفتهم بحمسوا اللعيبه كيف؟؟؟؟؟؟؟؟وأنا من هسع بشتري لي كم عمه كل ما تكتب حاجه..اولع ليك عمــــه

Post: #49
Title: Re: هوووووووووووووي يا ناس بطلوا الحقاره وشغل الشفع دا
Author: omdurmani
Date: 06-24-2003, 07:30 AM
Parent: #1

ياولدنا سلامات:
اسمع.....يااخوى...لو الرد بالنيات ...والله كان ملينا السيرفر....احيانا الواحد بيكون داير يرد وبغلبوا الرد كسل او هموم او حاجات تانية ...المهم الواحد لما يلقي الوقت برد ...
...............
واقوليك النفس البشرية دى ما بطبعها بتحب روحها، لو انت مثلا بروف جمال كان جوك زى الحج، يعنى بتكون دايرا النوال ، ودايره تظهر ودايره الاحسن.
.................
انت ذاتك كان جاك زول مهم بتقوم بتتكبكب صاح...دى الدنيا....والعارف عزو مستريح...
.........
خلاصة الكلام...اعذر الناس....وعاين لقدام...ارمى الفات...وهو يعنى الشختو ليك ديل احسن من الصادق المهدى ولا احسن من سقراط..
..............
واقول ليك كلام تانى.....الزول البفهم شديد ....حيفهم الحاجة الاهم وهى انو مافاهم اي حاجة....الكلام دا قالوا ربها سقراط زماااان....
.........
وتانى اذكرك ...العارف عزو مستريح...وعود نفسك ان تتوقع من الناس اقل مماتعطيهم انت..
........
سلامات

Post: #51
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-24-2003, 07:46 AM
Parent: #49

الاعزاء
ابو قوته
انور عمر
ام درماني

لكم التحيه وشكرا ليكم علي الكلمات الرقيقه
وياناس الشغلانه انتهت في وقتها ومافي زول يتحسس

يا ابن منتل
من احدي مشتقات الالبان وتسمي الرووووووووووووووووووب
اعتقني لوجه الله

لو سمحتم يا اخوان الرجاء عدم الكتابه في هذا البوست وشاكرا لكم طلتكم البهيه وتسلموا جميعا

Post: #53
Title: Re: هوووووووووووووي يا ناس بطلوا الحقاره وشغل الشفع دا
Author: nile1
Date: 06-24-2003, 07:55 AM
Parent: #51

Quote: لو سمحتم يا اخوان الرجاء عدم الكتابه في هذا البوست وشاكرا لكم طلتكم البهيه وتسلموا جميعا

Post: #52
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-24-2003, 07:53 AM
Parent: #1

الرووووووووووووووووووووووووووووووووب يا رجل ما تخجل

والله ضحكتنى لكن انا هنا ارد عليك بعض الدين لانى تجاهلتك فى عدد من البوستات وعايز اعوضك ليها هنا...

ما في مشكلة صديق....

Post: #54
Title: Re: هوووووووووووووي يا ناس بطلوا الحقاره وشغل الشفع دا
Author: كوليل
Date: 06-24-2003, 08:08 AM
Parent: #1

ياخى انتا والله الذ زول فى البورد ده

والله القاصدك بينضرة ياود الشيوخ

لك كل الود يارائع

Post: #55
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-24-2003, 08:17 AM
Parent: #54

العزيز نل
سلام واحترام
يعني دي من دقنو وافتلو ولا شنو؟؟؟

يا ابن منتال
يا حبيب البي
هل للروب جريوات؟؟
حتي اتيك بهن

الغالي كليل
سلام واحترام

يا اخي انت الالذ والاطعم
اتخيل يا كليل لو ما نزلت صورتك دي.. والله باسمك دا انا متخيلك
شخصيه
بس خليها مستوره
الحمد نجدته روحك

تسلموا جميعا
ويا عالم والله بالجد كدا انا داير البوست دا ينزل تحت... ممكن؟؟

Post: #56
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-24-2003, 08:31 AM
Parent: #1

خلاص يا هوب ليس البوست ده خليه يحتل ويقع

جمـــــــــبـــــــــــــلغ
جمــــــــــــــــــــــــــــــــــــــــــبلغ

جمـــــــــــــــــــــــــــــــــــــــــــــــــــــــبــــــــــــــــلغ

هى بالمناسبة هى جمبلغ ولا جنبلغ

Post: #57
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-24-2003, 08:41 AM
Parent: #56

جن راشد
جن بالغ
جنبلغ

عرفت ليك الشغله بغطسوا حجره كيفن بس خلي ود حبيب يجي

اغطس ليك حجره وانت الوقت داك لو بتكتب في رد شاشتك تلاقيها حاتله مع البوست
اعمل حسابك
انسي موضوع البوست دا ما تفقد شاشاتك

وبعدين يا اخي ما سمعت بحاجه اسمها الباندوث دا لازم نحافظ عليهو عشان بقي في قعر حلة كمونيه شيري ويادوب يكفي الطرزانات

انت ماشفت حمارك بقي عليهو شنو؟؟ لاقيني بهناك

Post: #58
Title: Re: هوووووووووووووي يا ناس بطلوا الحقاره وشغل الشفع دا
Author: ايمان
Date: 06-24-2003, 09:25 AM
Parent: #57

لا ياهوبلس
دى ما انا بس دى اسمك
ماقلنا (الفال كويس) وانت ابيت وقلت نوبه
اها نسوى ليك شنو؟

Post: #59
Title: Re: هوووووووووووووي يا ناس بطلوا الحقاره وشغل الشفع دا
Author: HOPELESS
Date: 06-24-2003, 09:50 AM
Parent: #58

ايمان
سلام واحترام

يعني سامعه ليك زول بيقول البعز النبي دفره؟؟

خايف اقول نوبه ناس الارصاد البوردي يطلعوني عنصري@لووووول

Post: #60
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-24-2003, 11:12 AM
Parent: #1

هوب ليس

هسى انت نخلى البوست ده عشان انت اتجرست ولا عشان البادوث.

عشان نكون فاهمين حاجة

بعدين حمارى مالو هسى خليت فى الزريبة

Post: #61
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-25-2003, 06:59 AM
Parent: #1

هوب ليس

البوست ده لقيتو واقع.

بتاعك?

Post: #62
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 06-25-2003, 12:51 PM
Parent: #1

بتاعك?

Post: #63
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 08-12-2003, 11:14 AM
Parent: #1

ده شنو ده يا هوب ليس

Post: #64
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 08-12-2003, 02:13 PM
Parent: #1

هوب ليس

البوست ده لقيتو واقع.

بتاعك?

Post: #65
Title: Re: هوووووووووووووي يا ناس بطلوا الحقاره وشغل الشفع دا
Author: sentimental
Date: 08-12-2003, 04:01 PM
Parent: #1

بتاعك بتاعك بتاعك بتاعكبتاعك بتاعك بتاعك بتاعكبتاعك بتاعك بتاعك بتاعك

Post: #66
Title: Re: هوووووووووووووي يا ناس بطلوا الحقاره وشغل الشفع دا
Author: Modic
Date: 08-12-2003, 05:58 PM
Parent: #1

أنا غايتو قاعد أرد عليك ...
لكن برضو برجع و بسأل : أنا ؟؟

مـــودك

Post: #67
Title: Re: هوووووووووووووي يا ناس بطلوا الحقاره وشغل الشفع دا
Author: Sakotaweya
Date: 08-14-2003, 01:35 PM
Parent: #1

أخوي هوبلس .. والله تصدق أنا امبارح كنت ناويه أكتب رسالة ملام لي البورد ... لكن خفت واتراجعت لأنو قلت حيقولوا البت دي جايه جديده و دايره تعمل موضوع ساي .. لكن قلت أحسن أوصل الحاجه دي عن طريق الرد هنا ..
والله يا جماعه ما شعر به هوبلس شعرت به و أحزنني لأنو شاركت في العديد من البوردات العالميه السودانيه وما قابلني تصرفات زي دي .. وقلت ده اسمو المنبر الحر وحسيت انو ممكن أقدر أتكلم بمنتهى الحريه .. و حيتعاملوا معاي الناس بنفس المستوى مع باقي الأعضاء ... لكن اكتشفت انو أنا كعضو لو كتبت من الليله لي السنه الجايه مافي زول حيرد على .. حتى لو كان استفسار أو نقطه تستحق المناقشه .. الرد بيتم على شخصيات معينه .. يا اما ليها وزنها في المجتمع أو البورداب القدامى ... عشان كده أحسن الزول ما يدخل روحو في حتت ضيقه أو يجبر الناس يتعاملوا معاى .. ولا كلامي ما صح يا جماعه .. ؟
أنا صراحه حسيت انو البوست ده بالذات أنا حيكون لي حق التعبير فيهو .. وأتمنى انى ما أكون اتطاولت على حريه الأخرين حيث تنتهي حريتي ..

وتســلموا .