وجدتها وجدتها .. الجمل هو سبب الخروج عن الموضوع

يعاني البورد هذه الأيام من احولال في الردود بصوره كبيره وملحوظه كأن تكتب عن طياره بورتسودان ويرد عليك بالطفره في اليابان او تتحدث عن محطة بحري الحراريه فيأتيك الرد عن الرقصه الهندية
ووجت هذه القصه مطابقة لما يحدث هنا .. مع توقعي وتأكدي بأن يأتينا احدهم برد يبرد عليه زي عصير ليمون باااارد
واليكم القصه
رسب أحد الطلاب في مادة التعبير ، وهذا أمر غير اعتيادي أن يرسب طالب في مادة
سهلة كالتعبير ، وعندما سُئل المدرس عن سبب رسوبه في المادة قال : والله يا
اخوان الطالب ما بيركز كل مره نعطيه يكتب عن موضوع يخرج عن الموضوع
قالوا اعطنا عينات من مواضيع التعبير التي كتبها ..
فقال المدرس على سبيل المثال :

اكتب موضوعاً عن فصل الربيع ..
" فصل الربيع من اجمل الفصول في السنة ، تكثر فيه المراعي الخضراء مما يتيح
للجمل ان يشبع من تلك المراعي ، والجمل حيوان بري يصبر على الجوع والعطش اياما
، ويستطيع المشي على الرمل بكل سهولة ويسر .
ويربي البدو الجمل ، فهو سفينة الصحراء ، فينقل متاعهم ويساعدهم على الترحال من
منطقة لاخرى .. والجمل حيوان اليف …. الخ.

ويستمر الطالب في التغزل في الجمل ، وينسى الموضوع الرئيسي ..

فقال المدرسون قد يكون قرب موضوع الربيع من الجمل وارتباطه بالرعي هو الذي جعل
الطالب يخرج عن الموضوع ..
فقال المدرس : لا خذو على سبيل المثال هذا الموضوع الذي طلبنا من الطالب ان
يكتب عنه ..
اكتب عن الصناعات والتقنية في اليابان ..
" تشتهر اليابان بالعديد من الصناعات ومنها السيارات ، لكن البدو في تنقلاتهم
يعتمدون على الجمل ، والجمل حيوان بري يصبر على الجوع والعطش اياما ، ويستطيع
المشي على الرمل بكل سهولة ويسر .
ويربي البدو الجمل ، فهو سفينة الصحراء ، فينقل متاعهم ويساعدهم على الترحال من
منطقة لاخرى .. والجمل حيوان اليف .

قال المدرسون هل هناك موضوع آخر فقال المدرس كل موضوع يبدأ فيه لنصف سطر ينتهي
بصفحات عن الجمل ..
وهذا موضوع بعيد جدا عن الجمل ..
اكتب موضوعا عن الحاسب الآلي وفوائده
الحاسب الآلي جهاز مفيد يكثر في المدن ولا يوجد عند البدو لأن البدو لديهم (
الجمل ) والجمل حيوان بري يصبر على الجوع والعطش اياما ، ويستطيع المشي على
الرمل بكل سهولة ويسر .
ويربي البدو الجمل ، فهو سفينة الصحراء ، فينقل متاعهم ويساعدهم على الترحال من
منطقة لاخرى .. والجمل حيوان اليف …

تقدم الطالب بشكوى للوزير بعد ان طلب الوزير التحقيق في الموضوع فكتب الطالب في
خطاب الشكوى :

سعادة وزير التربية والتعليم ..
السلام عليكم ورحمة الله وبركاته

اقدم لمعاليكم تظلمي هذا وفيه اشتكي مدرس مادة التعبير لأني صبرت عليه صبر
الجمل ، والجمل حيوان بري يصبر على الجوع والعطش اياما ، ويستطيع المشي على
الرمل بكل سهولة ويسر .
ويربي البدو الجمل ، فهو سفينة الصحراء ، فينقل متاعهم ويساعدهم على الترحال من
منطقة لاخرى .. والجمل حيوان اليف ، وكما يعلم سعادتكم ان الجمل يستمد طاقته من
سنامه الذي يخزن فيه الكثير من الشحوم ، اما عيني الجمل ففيها طبقة مزدوجة تحمي
العينين من الرمااال والعواصف ..

آمل من سعادتكم النظر في تظلمي هذا وظلم المدرس لي مثلما ظُلم الجمل في عصرنا
هذا بأكل كبدته في الفطور في جميع الوزرات والدوائر الحكومية .. والبورديه

هوبلس عودتنا دايما على مواضيعك وردودك الحلوة واود ان اعتزر لك لربما ادرجتنى ضمن قائمة المغضوب عليهم بعد ان قرأت لك بوست عن عدم رد بعض الناس لك على الرغم من مشاركتك لهم لربما اكون من هؤلاء آسفة جدا جدا جدا جدا تقبل اعتزارى حتى لو جاء متاخرا ولى موضوع لا ادرى ان شاركت فيه ام لا لكنى اختلط على الامر من استعجالى ورددت على ابو حسين ما ركزت هلى انت ام هو الذى رد على عموما هانأنذا ارد عليك اخى واعزرنى فلا تعرف التعب والحمل والذى نعانى منه لا يعادله صبر الا صبر الجمل والجمل كما تعرف حيوان برى يصبر على الجوع والعطش اياما ويستطيع المشى على الرمل بكل سهولة ويسر.......................................................هههههههههه

الأخت الفاضله
حنين البلد

العفو يا اختي أنا لا عندي قائمه لمغضوب عليهو ولا الضالين .. يا زوله زعلة اللحظه بننساها في لحظته .. وفي البوست المعني رديت عليك وقلت ليك لا ما مقصوده والموضوع انتهي في وقتو
وموضوعك أنا تابعتو والله لحدي ردك علي الاخ الفاضل ابوحسين وجاييك بهناك
شايفه البنسوي فيهو دا زااااتو نوع من الحول في الردود
يعني نحن بنتكلم عن شنو ودخلنا في شنو .. وهذه مصيبه لا يتحملها الا الجمل والجمل كما تعلمي حيوان برى يتحمل مصايب بدو البورد واحمالهم المنهكه
تسلمي اختي

الله يجازيك يا هوبلس خلتنى اتضاحك فى نص الشغل عارف الامريكان اظنهم يقولا البت جنت الله يستر والله الشبكنا ما يخلصنا من المنبر ده والله انا بحس بتأنيب الضمير لمن ادخل المنبر وانا فى الشغل ببقى زى الحرامى البسرق ولمن اسرق اسرق متاوقة للمنبر الزول لمن يسرق زى ما قالوا لوطلعت اطلع جبل ولو سرقت اسرق جمل والجملزى ما انت عارف حيوان برى يصبر على الجوع والعطش اياما ويستطيع المشى......زززززززززز

لكن يا هوب ليس............الوزير...الوزير كان ردو شنو؟

سي جي مان.. رد الوزير الهمام بقوله

ابني الحبيب .. عليك بالصبر وطولة البال فاحولالك من كثر الحصار .. وكن كالجمل .. والجمل حيوان اليف يستحقره البدوان .. ويأكل من سنامه الغير شحمان وفي بعض الأحيان بياكل في خاطرو

ولكم في الجمال عبر
الوزير البتاع
انتهي

حنين البلد.. الله يسعد أيامك كما سعد البدو علي ظهر الجمل وكما تعلمي أن الجمل حيوان صبور يستطيع المشي علي الجمر

تحياتي

هوبلس الساعة عندنا اربعة الا ثلث صباحا وخلااااااااااااااااااااااااااص نعست نعسة بقيت زى الرامينى جمل والجمل زى ما انت عارف حيوان برى يصبر على الجوع وال
.....................................

لا أعلم من أين تأتون بهذا القول
التقول واقع من جمل
وكما هو معروف الجمل حيوان اليف .. لا يعكره شتاء ولا صيف ويستطيع المشي....الخ

اهه يا هوب ليس.......والجمل زاتو رايو شنو؟




والله جنس لياقة وعباطة غايتو

سي جي مان.. لا لاياقه ولا كم طويل .. وطبعاً دا من باب الخروج عن الموضوع
المهم
موقف الجمل موقف مشرف جدا.. فقد باع القضيه وانتحر بما حمل.. وكما تعلم اخي أن الجمل حيوان حقود يقتلك بسبب من أيام حكم عبود .. أو بداية أحتلال اليهود
ويتسطيع المشي علي....الخ

هوبلس الفنان : لك تحياتي
أزيدك من الشعر بيت :
كما أن الجمل لا يرى عوجة رقبته تماما كما بعض السياسيين أو من نحن نحوهم.
تسلم

ها ها ها ها ها
ياجمال
والله لقيت موضوعك دا فى العنوان ما دام فيه الجمل افرود لك بريد الجمل لكن قديت فى تعليق
وشكرا ياشفيف

الوقور ابوجهينه
تحياتي واحتراماتي

نعم الجمل لا يرى عوجة رقبتو ولا يرى العوجه اصلاً .. وهذه بالطبع جمال هذه الأيام معوجة الرقبه والفكر والسير .. وليس كجمال البدو التي تستطيع السير علي....الخ

خالص محبتي

سلام ...
هوبلس ؛
ـ أوع ـ يكون جملك ده زاتو المطلع العرب ـ بره ـ الخط ؟؟؟ ...

عزيزي اش
العرب طالعين خلقه .. بس رامينها في الجمل
والجمل كما تعلم حيوان ولوف يجيد السير علي الرمال....الخ

صديقي الشاعر
ابو قوته

الجمل الصبور .. ماشي ومتحمل بلاويهو
وشيخنا الوقور.. مره راكب ومره ناخيهو
والكلب السعور .. يهوهو والجمل ماهاميهو

لأن الجمل حيوان ولوف ويهوى السهول وجمال الرمال ولديه المقدر علي الأحتمال لسؤ المطيه وسؤ المقال
ياربي الجمل دا يلاقيها من منو ولا منو؟؟
وكما تعلم اخي أن الجمل حيوان بري يستخدمه البدو...الخ

هوبلس هوبلس هوبلس

هوب ليس الغالى

منو ياخوى زى الجمل بس

والكلاب تنبح والجمل مااااااااااشى

ولا هماه

ملك بس

ما شغال بى زول

هو فى زى الجمل ؟؟؟

العم الحبيب
قرشـــو
حمد لله علي سلامه الرجوع ومشتاقين

فعلا الجمل كالملك والملوك اكثر ما ينتشرون في شبه الجزيره العربيه موطن الجمل .. والجمل حيوان بري يحب السير....الخ

حنين حنين حنين
للبلــــــد
اختي كما تعلمي ان الحنين ايضاً من خصال الجمل والجمل حيوان بري يهوي العيش مع البدو ويحن لمضاربهم وضرهم ...الخ

الجمـــل ود إبـل الحِدِقْ
سيـدو بين الكوريـن شِفِقْ
الزُّمـام مربـوط في الشّدِقْ
وكل عيـن تلحض على شِقْ

نبدا من المكرَم وهجرتو الـ فوق ناقة. التلميذ ده من الصوفية

هوبلس الجميل
ذكرتني واحدة كانت عميانة وفتحت دقيقتين بس وعمت تاني ... لما فتحت ما شافت حاجة غير فار ... بعد كدا كل ماتسمع ناس يتكلموا تقوليهم
بري بري بري ... ما زي الفار
أتخيل قبال يومين كان في حفلة بترباس
لالا بري بري برضوا ما زي الفار
أتغدينا مع ناس السرة وجابو لينا حلات كمونية
بري بري ما زي الفار

والريد نيلين

الشفيف وجميل زوربا

حقيقاً الجمل لم يتسني له الولوج لعالم الحضران وشواهق البنيات .. وقضي كل عمره بين البدوان .. ولكنه عزيزي لوخير لما اختار غير ماهو عليه من حال .. لان الجامع هو الحب والبدوان تحب الجمال والجمال تحب حياة البدوان .. وكما تعلم اخي ان الجمل حيوان بري يجيد السير علي الــــ

شنيتر.. انت عارف من أكثر ما يعاب علي الجمل (من بقية الحيوانات بقيادة الملك الأسد) انو اشتهر بالزمام والشئ دا مزموم عند هذه القبائل التي تستهوي حياة الحريه
كما يتأثر الجمل بما حمل من ازدواجية الرؤية الناتجيه من تعدد مصادر الرؤيه .. مما يجعله في حيره من امره -علي اي الشقين يتجه-وكما تعلم اخي أن الجمل حيوان بري يحبه البدو وينشدون فيه قصائدهم ويحملونه بما لا طاقه له ولكنه صبور ويجيد السير ...الخ

هوب فل
يا خوى اوع انت تكون الطالب دا زاتو
خليت موضوعك ومسكت فى الجمل
والجمل حيوان صبور .ووالخ

الحبيب اورتيقا

لعلك لم تفطن الي أن الجمل هو اساس الموضوع.. وللجمل عدة اختيارات في مراعي البدو وله حق التجول من الصحراء الغربيه الي الصحراء الشرقيه وهذا من باب الحريه لان الجمل حيوان يجيد السير علي الرمال ويحب الانتقال من مقال الي مقال والـــ

ظريفة جدا يا هوبلس..واللة ضحكت حتى سمعنى المدير
!
بالمناسبة الواحد معجب جدا بك مع الخلاف الفكرى الواضح

mekki الحبيب

نختلف من اجل أن نأتلف ليبقي الحب دائماً سائداً في النفوس
وهذا بالطبع مستمد من خصال الجمل الذي تستهويه حياة السهول والبراري .. وكما تعلم اخي أن الجمل حيوان بري برى من كل تهمة سؤ ..ويتسطيع السير علي الرمال بكل سهولة ويسر ...الخ

هوبلس تحياتى واحترامى غبت ولم تسأل عنى لكنى انا اسأل فأنا وفية ووفائى كوفاء الجمل الذى كما تعلم انه حيوان وفى وبرى يصبر على الجوع والعطش اياما

حنين للبلد
الوفيه
سلام واحترام
قالت العرب اسأل مجرب ولا تسأل طبيب .. لان التجربة تكسب المجرب سر المعلومه .. وقد كانت الجمال تجرب السير في الطرقات حتي تهتدي لافضلها .. والجمل كما تعلمي اختي حيوان بري يحبه البدو ويربونه بينهم .. ويساعدهم في نقل احمالهم في الترحال .. ويجيد الجمل السير علي الــــ

حنين
ظبطتك فى بوست هوبلس
كويس
طبعا ذكرنى هذا البوست بقصة{ بمناسبة الكديس الركب القطر}وهى لعمرى قصة بايخة لكن سارويها
صديقة اختى حكت لها يوما عن موضوع ما و عرجت لآخر لا علاقة له بالاول فلما سالتها اختى : اها ده بمناسبة شنو؟اجابتها:بمناسبة الكديس الركب القطر
ملحوظة
انا لا اعرف الكديس الركب القطر ولا قصتو

الاخت لنا
حمد لله علي السلامه وبركه الجمعتي
اما عن الكديس ذو القصة البايخه ومسئلة ركوبه القطر .. فهو لعمري غلطان اشد الغلط .. فهذا الكديس من هواة الحداثة والتمرد علي (الاثريات)
اذا كيف يجرو علي تخطي ركوب الجمل ويتشعلق بالقطر .. والجمل يساعد البدو في ترحالهم بحمل احمالهم .. وهو كما تعلمي يجيد السير علي الــــ

لنا ازيك وتحياتى اسه انتى بالكديس ده بقيتى زى جمل هوبلس الناس فى جه وكديسك وجمل هوبلس فى جهة

لنا ازيك وتحياتى اسه انتى بالكديس ده بقيتى زى جمل هوبلس الناس فى جه وكديسك وجمل هوبلس فى جهة

هوبلس هوبلس هوبلس

حنين
ما دى الموضة الايام دى
محبتى لك

العزيز الجمل

أقصد هوبلس كيفنك

براحه علينا لانو كثرة الضحك تميت القلب

وأعمل حسابك ما تضحك وانت راكب جمل لانو الجمل حيوان طويل وانت

عارف الباقى مافى داعى صاح .

تحياتى ...ناصر البطل

الحبيب نصر الدين
سلام واحترام
يا سيدي الله يديم عليك السعاده ... كما سعد البدو بمتطاء الجمل .. وهم يجوبون الصحراء .. لأن الجمل حيوان ولوف يجيد السير علي الرمال و.....الخ

الله يجازى محنك يا هوبلس هوبلس .......

حنين
البوست دا من هنا وطالع بقى ملكك
وتستاهلي يا حنينه
كل ما تزهجي ادخلي اسمعي المسرحيه دي واطلعي
ربنا يديم علي نعمة السعاده

هوبلس
يازول عارف الجمل ده فيهو مقدرة الاهية عجيبة جدا كدي يوم امشي محل جمال وعاين ليهو بي تمعن كده ح تلاحظ فيهو حاجات عجيبة
عشان كده انا لو محل الاستاذ كنت اديت الطالب النمرة الكاملة في كل المواضيع بس بي شرط يكتب اخر الموضوع ده جمل تاني هههههههه يكه

قالوا في امريكا عملو الانسان الالي جرسون في مطعم
اها والصباح بتاع المطعم ملاهو ليك بالسفاسف الموجوده
اها جه واحد خاشي الساعة 12 المطعم وقعد جاهو الجرسون الالي قال ليهو نعم سيدي
الزول البي جد جد قال ليهو عندكم شنو
الانسان الالي : عندنا سمك وكبده ودجاج وحاجة بارده
الزول الحقيقي : جيب واحد دجاج
الانسان الالي : يمشي ويجي اسف سيدي مافي دجاج
الانسان : طيب عندكم شنو
الربوت : عندنا سمك وكبده ودجاج وحاجة بارده
الانسان : طيب جيب سمك
الربوت : اسف سيدي ما في سمك
الانسان طيب عندكم شنو
الربوت : سمك وكبده ودجاج وحاجة بارده
اها يازول لحدي ما كمل القائمة كلها يمشي ويجي يقول ليهو اسف سيدي
لحدي الموية زاتها مافي
اها الزول قام زهج منو
قال ليهو انتو يا معشر الانسان الالي ما عندكم راس قال ليهو نعم سيدي نحن ما عندنا راس قال ليهو طيب عندكم شنو
قال ليهو عندنا سمك وكبده ودجاج وحاجة باردة هههههههههه يكه
زاتوووووووو

الزول زاتو .. ابو لسان اطول من الجمل سلامات
طيب لو صنعوا جمل آلي يكون كيف؟
البدوي:إخ يا جمل
الجمل الالكتروني:لا تقل إخ يا بدوي ولكن قل إبرك يا عديم البركه
البدوي : وش تقول يا ابو حديد مصدي عساك الحادث
الجمل الألكتروني: صه أيها البدوي .. الا يكفي بأني متحملك طيله هذه السنين وحاملك علي ظهري .. وأنت لا تحمد ولا تشكر .. تباً لك
البدوي:شوف إنت يا الخرده تنطم ولا ابيعك عند التشليح تراك زوتها
الجمل الألكتروني : يا ليتك تفعل أيها البدوي حتي أتخلص منك ومن ايامك السوداء
البدوي: خلاص خلاص بطل هرج فارق ما نبى غلبه .. يلا ابرك خلني اطلع .. بدنا ناخد جوله تفقديه للصحراء
الجمل الالكتروني:اركب ايها البدوي فانا اجيد السير في الرمال وأحب حياة البدو وانا حيوان اليييف

تنهمر دموع من الجمل الالكتروني
البدوي في سره قالاً :جمال آخر زمن