روضــــة مـــامـــا بيـــان النموذجيــــــة

بسم الله الرحمن الرحيم
ابتدأ العام الدراسي الجديد

مقررات الروضه

==
نشيد الوطن

نحن جند الله
جند الوطن
انا دعى داعى الفداء
لن نخن
نتحد الموت عند المحن
نشترى المجد
بأغلى ثمن

هذه الأرض لنا
فليعش سوداننا
عالياً بين الأمم

يا بني السودان
هذا رمزكم
يحمل العلا
ويحمي أرضكم


===
تفضلي ماما كل الأطفال حضور
ينتظرون الدرس الأول

سجيمان .. تعال اقعد في الكنبة القدام حقت الشاطرين .. واقسم لي معاك سندوتشاتك .. علي سنة الفقراء

سلام يا هوبلس
ممكن افهم الكلام دا بانه تعريض بى
لكن اليوم نلعن الشيطان ونبقى ظرفاء
ونقتل روح الشر الجواى وساكنانى

يبدو انه جد الزول بقى ناضج مش بالله؟

سؤال اول
ما هى النبقة التى ذكرها المثل
بتاع الفقرا اتقسمو النبقة؟
الاجابة الصحيحة بتخليك تكسب بتيخة خدر

ماما صباح الخير

البطيخه مغريه عشان كدا الأجابة لازم تكون اكيده
النبقه التي قسمها الفقراءهي التي علي الصوره

البيوت بتين !!!

لمن ماما تقول

البيوت وين
ديل اماتكم ما عايزنكم
وفاكنيكم هنا
شوف يا ولد انت
اقعد ساكت

ماما .. اقعد ساكت كيف؟؟
مش دي روضه وأنا طفل من أطفال الروضه؟؟
**
مش حتحفظينا النشيد ؟

ماما انا عايز امشي الحمام

حمام شنو نحنا قلنا الحاجات ديك كلها تعملوها فى بيوتكم
جاتكم البلاوى

اييييييي انا هكلم مامي اقول ليك الماما شاكلتني في اللودة آآآآآآآآآآآآآآآآييي

اخى هوبليس

يميناً سدادو عمرى
انت رائع

دور نقاس الأصيل .. انت برضو معانا؟
تعال اقعد جنبي .. وخلي بالك مع ماما .. عشان نستفيد .. ونطلع شاطرين

الاخ هوبلس لك التحية
ممكن نقد في كنبت ناس خط 100 غرب

الحبيب انور.. ختمية غرب ؟؟
بعد دين تتخرج اخر الأمه
تعال قدام شويه

ماله خط ميه غرب والتخرج آخر الامة
اثبتت التجارب ان قاطنى هذا الخط هم الذين
يحكمون السودان
بالتوالى ولا بالتتالى
كله صابون عند العرب

يا هوبلس الاجابة غلط لما تكبر وتدخل
الجامعة انا بكلمك
النبقة شنو
عشان فى المنهج دا ممنوع
الكلام المغتغت وخمج
وانا خايفة من الرفدية
والضايق قرصة الدبيب يخاف من جرة الحبل

ماما ...ماما
ليه الفقراء لامن يكونو كويسين بيقسمو النبقه
ولا من يكونو ماكويسين
واحد يسكن فوووووووق
والتانى يسكن بيت الطين

ماما
الكهرباء بتججججججججى
متين الحر قتلنا

ماما بيان

ذكرتي بانو التتالي والتوالي
كلو عند العرب صابون
غير العرب عندهم شنو؟؟

==
وبعدين بكلمك من بلكونة الحرية البورديه
وبقول ليك
قولي الدايراهو
وخلينا نتعلم
حرية الرأي
بتكون كيف

يلا يا ماما
كلنا (اضان) صاغية

وانا كمان حافظ النشيد ده

وطني ولا ملئي بطني
سكاتي ولا الكلام الني
بليلتي ولا ضبايح طئ

قليلتى ولا كتر سمى
سلام يا امى سلام

اديك حلاوة شطى مطى

صباح الخير يا شطار
يلا جلوس
ماما بيان جاية حسع!انا ماما مهيرة،يلا واحد يخكى لينا قصة حلوة
منو الشاطر الحيبدأ
تحياتى

ماما مهيرة
انا انا انا انا انا انا
فى واحد قراء الروضة والابتدائى والمتوسطة والعالى بس ما لقى تخصص فى بلدو مشي كمل تعليمه برا وبعد التخرج جاء راحع ما لقي وظيفة..قاغترب ... اسى كره الغربة اسى عاوز يرجع كيف يرجع البيت ما تم واخوانه ما تخرجو وكم سنة ما دافع ضريبة وخطيبته مشرورة كيف الحل مافى حل كيف الحل مافى حل
الحل عند منو
مااااااااااااااما مهيـــــــــرة
الحل عند منو
مااااااااااااااما مهيـــــــــــــرة

ماما مهيرة
انا ما بحب اقعد جنب البت الشاكالة دى
انا ما بعرف اسمها بس هوبلس دا بعرفها

ماما مهيرة

وينو السلام
وينو الامان
عشان نكبر بسراع
عشان لامن اقيف طولى
من حلفا اشوف نيمولى
ولامن احزن فى الشرق ناس الغرب يبكولى
ولامن افرح فى الوسط كل البلد تغنيلى
وينو السلام

ماما انا خايف
اخوى هوبليس من الحصة الاولى
طلع وما رجع اوع يكون ......

ابدوته
تعال نمشي المزلقان

ماما مهيره
اززززيك
واحتي ليت قصه سممممحه
مله انا و أخوووي تنا جاين اللودا.. بعدين انا دحلته اللودا واخوي قعد بلا اللودا .. ويجدع بالحجال من بله
تفتكري يا ماما
ليه بيعمل كدا؟؟؟؟؟

انت ياشقى انا ما قلت ليك ما تدخل روضة مطرفة!خليك نجيض زى اخوك اتأكد بالاول يمكن روضةكلاب
يلا طلع دفترك بلاش غلبة

شاطل يا سنت بن منتل
بس نسيت البيت المهم دا
لالوب بلدنا ولا تمر غيرنا

بابا جاي امتي
جاي الساعه سته
راكب ولا ماشي
راكب بسكلته
حمرا و لا بيضه
بيضه زي القشطه
افتاحولو السكه
واضرابولوا سلام
العساكر ورا
و الضباط قدام

تحياتي ... ناصر البطل

نصر الدين.. انا اطالب ماما بيان بحذف النشيد دا من منهج الروضه
عارف ليه؟؟؟
لانو ماممكن عسكر ورايه بيضاء مع بعض
في خلل كبييييييير هنا
ماما شيلي دا من المقرر

طيب رايك شنو في

ماشه فين يا بلبله
ماشي السينما يا بلبله
سينمت مين يا بلبله
سينمت بابا يا بلبله
بابا مين يا بلبله
بابا حسين يا بلبله

أسمعني لو في امتحانات اتكلوا من بدري عشان نراجع ... كويس
حافظ صاااااااااح يعني ممكن اجي الاول بس شوية اجتهاد

تحياتي ... ناصر البطل

عاد دا كلام دا يا هوبليس

الناس ديل كلهم أبوات وليدات

.

اها يا جماعة
الكتب بيكم؟؟؟
انا عندي كتاب حق اخوي الكبير...ينفع؟؟
لا؟
ليه؟؟؟
انتودايرين تبيعو كتبكم؟؟؟
ايواااااااا
كان كدي خلاص


والما يشتري كتاب يمشي وما يجي الا يجيب ولي امرو
كيف الكلام دا؟؟؟
بس ياهو كدي وكان ما عجبك يا شاطر امشي نادي ابوك
اهئ اهئ اهئ

جدو ... اها وناديتو ولا لا؟؟؟
بس وريهو انو الكتب في القلوب من جوه
ولازم كل واحد يحضر كتابو ويحفظ كويس

ودشاموق ... نحن جند الله جند الوطن
انا وابوي جايين ماسكين ايدينا مع بعض وداخلين الروضه
وصدق ابوي ابو وليدات برضو

يا هـوبـلـيـس


بالله لو سمحت ســـؤال ؟؟؟؟؟؟؟؟؟؟



روضــــة مــامـــا بـيـان النـموذجـيـة


الـنـمـوذجـيـة دي الـروضـة و لا بـيـان ؟؟؟؟؟؟؟؟؟؟؟؟؟


عـلـشـان نـكــون عـلـى بـيـنـة

الاخ ابو حسين
هوبلس راح الروضة
بس لو كانت الجملة روضة النموذجية-تطلع دى منو
لو كانت روضة ماما النموجية- اكيد الصفة تتبع للروضة
لو عايزين نعرف ماما دى اسمها منو نقول ماما بيان
افتكرالعبارة صحيحة

لكن لو كانت ماما روضة خلى هوبلس يعدل الاسم
وتسلم ياشفيف

abuguta



ســـلام يا خـوي


أسـمـع ما تلخبطني أكتر من كـدا إختار أ أو ب


أ الروضـة النموذجية .


ب بـيـان النموذجية.



عليك الله ما تكوجنا لي تاني إختار أ أو ب

ابوحسين ... الروضه هي النموذجيه
وعشان الروضه نموذجيه
لازم المدرسين الفيها يكونوا نموذجيين
من اجل خلق جيل معافى
وقع ليك؟؟

ماما والله انا كنت جاي في المواعيد بس اولاد لمو فوقي وكسروني وعشان كده اتاخرتة

عليكي الله مادقيني عليكي الله

يابت هوووي بتضحكي مالك؟؟؟
كدي زحي لي اقعد جنبك

حبايبى الحلوين
( مع غرودة عيون)
ان شاء الله تمام
شكرا الابنة مهيرة


اليوم حتكون عندنا قصة اقروها و اكتبوا
ما هو الغرض منها
او ما هو انطباعك عنها
اندى طفل صينى
لطيف عندما سكنا قربهم كان على اعتاب المراهقة
اول مرة تحدثت مع اندى عندما قرع جرس الباب
فتحت له الباب
خاطبنى بانجليزى صينى
هاى انتى
هل يمكن ان تصففى لى شعرى مثل بناتك
فأندى الصينى يريدنى ان امشط له شعره
قلتا له انه صعب جدا وعملنا بيان بالعمل
وبالفعل الشعرة اتفكت
وابدى اسفه وشكرنى ومشى
وفى وسط الانشغال بامور الحياة والجرى
مرت 6 سنوات وكبر اندى
وانا قررت ان تدريس حمد لبد هذا يقتلنى
فانا ادرس لغة عربية للناطقين بيغرها
وقررت نبطلها شغلة
وقعدت فى البيت
المهم يوم وقفة اشوف لى ولد شعرو طويل مصبوغ بلون بنى
ولابس بنطلون مدلدل
ومركب ليه جنازير وسلاسل
بعد تعب شديد تبينت وجه ذلك الصبى اندى الصينى
بلغة امريكية قحة قال
انتى وتساب
سالته ماذا حدث لك اندى
قال عايز يبقى كول
خلاص يازول ابقى كول على كيفك
ودخلتا بيتنا
بعد كم شهر اسمع ليك
كوراك وصريخ
عاينتا بالشباك لقيت اندى المرة دى شعرو اخضر وبمبى
متشاكل مع جارنا التانى لانه حماه يوقف سيارته
المركب فيها مكبر صوت جنب بيته
مستخدما كل ما جادت به
قرائح شتائم الزنوج
فى الجيتو
المهم
فجأة اتذكرتا جيرمان تاون والجيتوالسكنا فيها
ردحا من الزمن
وقلتا سبحان الله
اندى دا فى حياتو ما شاف امريكا
وبقى امريكى كيف
بعدين الغريب اندى بقلد الامريكان
الطبقات السفليا من المجتمع
شافهم وين
يكبر اندى
ويظهر عشرات الانديات
ولكن اندى طفل لا غير
فكيف بشخص
يمشى وهو على اعتاب الاربعين
من ثقافة راسخة
يتحول الى امريكى
فسامى يصير سام
محمد مقبول اسمو
ميمى ماك
وعبدالله ايدى
وجمال جيمى وهلما جرا

Quote: وجمال جيمى وهلما جرا

ماما لا انا لسه ما اتشوهت زي اندي
**

Quote: ويظهر عشرات الانديات ولكن اندى طفل لا غير فكيف بشخص يمشى وهو على اعتاب الاربعين من ثقافة راسخة يتحول الى امريكى فسامى يصير سام محمد مقبول اسمو ميمى ماك وعبدالله ايدى

الشغلانه اتعدت مرحلة الثقافة والقيم .. ومشت بعيييييد
وربك يستر
الدرس مفيد شكراً ماما

سلام مربع

دـ بيان
انت رائعة

ماتغيبيي الشفع ديل محتاجين
ليك
هي ماانتو
منططين عويناتكم كدا
دي الشفع التانيين ديلك
القاعدين فوق الصدور
بس الله يخرب بيت
الناس التانييين ديلك
ابدا ما بجي منهم الخير

بيان اختى
اشكرك على رفع المعنويات بقولة:-(الابنة مهيرة) الا ياختى الاولاد ديل طلعوا مولودين بسنونهم! تقولى لى شفع روضة! ديل من هنا ودراسات فوق الجامعية!
قال روضة قال!
دة الجيل الصالح العامل لوطنه الله يزيدهم ويباركهم
اها انا ماشة الفصل التانى وبجيكم صادة
سلام

يا هوبليس

نحن زمنا ما كان فيه روضة
عشان كده يا دوب عرفت سر تخلفي عن ركب هذه الحضارة


الانسانية والفكر الحر


فنحن بدو لينا طوالي

بغنمي ترعي وسط المرعي

ونحن كباااااااار


وما كنا نسمح لماما لبستني الجزمة والشراب

فهو تخلف لعمري قديم

وانا الان طائعا مختارا اقدم طلبي

لقبولي في روضتكم النموزجية

بدل قاعد اقلب في صفحات روضة المفكرة النموزجية

اهو الواحد يبدا
سلم التفكير من الروضة

وانشاء الله ما يكون عندكم مقررات اسمرا

بطلع طوالي من اول يوم

احبائي

عمده
شيري
نزار حسين

مرحب بيكم في روضتكم العامره
وخلوا بالكم مع ماما عشان تستوعبوا الدروس
**
تذكروا .. يا حلوين

السودان أكبر دولة عربية و إفريقية تصل مساحتها إلى 2.5 مليون متر مربع و يبلغ تعداد سكانه إلى ما يزيد على 30 مليون نسمة .. يقع السودان في شمال شرق أفريقيا و يحده من الشمال مصر و ليبيا من الشمال الغربي و البحر الأحــــــــمر من الشــــــمال الشرقي و يحوي الميناء المهم ميناء بور تسودان .. تشترك 9 دول في حــدودها مع السودان مما أكسبها أهمية إقتصادية و جغرافية كانت السبب الرئيسي في تنوع الأعراق و الحضارات في السودان و لذلك كانت أرض الحضارات .. للسودان موارد اقتصادية عديدة لم تستغل حتى الآن لأسباب سياسية منها النفط الضخم الذي يكمن تحت أقدام السودانيون كما الثروات المعدنية منها الذهب في شماله و اليورانيوم الذي أكتشف بكميات ضخمة جدا و الزئبق الأحمر الذي وجد مؤخرا بمنطقة جبال النوبة كما الزراعة بأنواعها فالسودان كما تعلمون يعد سلة غذاء العالم و مستقبله الزاهر و مخزونه من المياه ناهيك عن الثروة الثقافية و السياحية و البحرية و الحيوانية .. يمتد تاريخ السودان إلى 7000 عام قبل الميلاد إذ أن آثارا عديدة للعصر الحجري تم اكتشافها على ضفاف النيل و أدوات كانت تستخدم من قبل الإنسان الحجري عثر عليها قريبا .

ماما مهيره
احتراماتي

Quote: دة الجيل الصالح العامل لوطنه الله يزيدهم ويباركهم اها انا ماشة الفصل التانى وبجيكم صادة

ربنا يبارك فيك .. وما تطولي الغيبه .. وفي انتظار دروسك القيمة

روضة روضة روضة ـ محل ما اقبل ألقي روضة !! ـــ الظاهر روضة دي بقت نجمة البورد !! ــ ــــ

منير... اختلط عليك الأمر ..دي روضه نموذجيه... وديك (رودا) عشوائيه



0
0
0
قال مفكره قال

القومه ليك يا وطن

الاولاد والبنات الشاطرين
صباح الخير
جلوس
اليوم حنتكلم عن واحد من ابطال السودان.
البطل الشهيد الامير عثمان دقنة
فى روابى جبال البحر الاخمر باقليم البجة ولد عثمان ابو بكر دقنةفى حوالى سنة 1840 وهو ينتمى الى قبيلة الدقناب احدى بطون قبيلة الهدندوة التى عرف تاريخها بسلسلة من الحروب ضد كل من حاول استعمار السودان من قدماء المصريين والبطالسة والرومان والعرب والايوبيين واخيرا الفتح التركى المصرى فى القرن التاسع عشر.التحق عثمان فى صباه بالكتاب حيث تلقى العلوم الدينية واللغة العربية بجانب لغته البجاوية وحفظ القرآن الكريم.ولما شب اشترك مع اخوانه فى التجارة.ولما سمع عثمان بثورة عرابى فى مصر اثار الاهلين فى سواكن وهو يحثهم على توحيد الصف ومحاربة الاستعمار ولكن القى عليه المستعمرون القبض واودع السجن،ولما خرج من السجن انقطع للعبادة سنة كاملة وفرض على نفسه صيامها كلها .ما ان انتهى عام صيامه حتى انجلت معركة الابيض واستسلمت للمهدى وفى اثناء الاحتفالات بذلك النصر المؤزر وصل عثمان دقنة الابيض وبايع المهدى على الجهاد فى سبيل الله والوطن،وسر المهدى بذلك سرورا عظيمافقد لمح فيه ثوريا ممتازا وقلده الامارة على شرق السودان واعطاه كتابا الى الشيخ الطاهر المجذوبفى 8 مايو عام 1883 وكان الشيخ الطاهر من اساتذة الفقه الذين يتلقى عليهم الهدندوة الدروس الدينية.بلغ عثمان دقنة مصيف اركويت وهنالك التقى بالشيخ الطاهر ودفع اليه الكتاب فبايع الشيخ الطاهر عثمان دقنة بالامارة وحث الحاضرين على مبايعته والجهاد فى سبيل الله والوقوف صفا واحدا مع المهدى.ومنذ ذلك الوقت اخذ عثمان فى الاتصال بقبائل البجة للثورة ضد المستعمر والهجرة اليه فى اركويتلبدء الهجوم.

نواصل فى الحصة القادمة ان شاء الله

كان ومضاً فى زمان الإنطفاءْ

كان برقاً ملأ الصحراء ناراً وضياءْ

أىُّ أرضٍ من بقايا الكبرياءْ

أى صحراءٍ تمجّ الحنظل المسموم

فى وجه الشقاءْ

يا أمير الأمراءْ

ملأ الرعب قلوب الأعين الزرق التى

طارت شعاعا

بين(هندوب) و (تاماى) و (تيب)

و (سواكن)

كان وهج الشرق ساخنْ

كان نهراً من دماءْ

وقبوراً كالمساكنْ

وأسوداً تنبت المجد وتأبى

أن ترى ذل الأباءْ

كان سيفاً من بقايا الموت فى ليل الإفولْ

كان رعباً لا يزولْ

وبلايا تحمل الفتك على متن الخيول

ورماحاً سمهريه

أوجعتْ ظهر الفلولْ

***

فى تلال الشرق ماتتْ

أنجم الليل الكسولْ

خانت الأرض السماءْ

وتوارت فطرة الإنسان فى

ليل شتاءْ

كان (أورْبَا) يحتوى بدر السماء

ضاقت الأرض عليه

وأنتأت عنه الأماكنْ

حين فاحت ريحُ غدرٍ

ثم لما كل شيىٍْ كان ساكنْ

أسلم الروح السماءْ

هكذا مات أميرُ الشرقِ

وماتتْ

هكذا أيضاً ((سواكنْ))

السلام عليكم ياشطار
جلوس
الالقاء جميل والقصيدة رائعة يادرونقاس،بارك الله فيك
يلا نكمل:-
اول هجوم كان فى 5اغسطس 1883 حيث هاجم الثوار بقيادة عثمان دقنة سنكات التى كان يحرسها المحافظ المصرى محمد توفيق الذى رفض التسليم وتم الاتفاق على هدنة من الصباح حتى الظهر بعد وساطة من خلفاء الختمية،وبعد انتهاء المهلة هاجم الثوار المحافظة ودخلوها بعد ان استشهد منهم57 مقاتلا وجرح عثمان دقنة جروحا بليغة فاضطروا الى الانسحاب،وعمدوا الى قطع خطوط التلغراف بين سواكن وكسلا،كما اخذوا يراقبون الطريق بين سنكات وسواكن لمنع وصول المدد او خروج الحامية من سنكات.كما حاصر الثوار طوكر ايضاوذلك للاستفادة منها اقتصاديالأنهامنطقة زراعية خصبة لامداد الثوار بالغذاء.
كانت الواقعة الثانيةفى مكان يسمى- قباب-اذ هجم الثوار على مدد من الجند كان فى طريقه لسنكات،واجبروه على الانسحاب الى سواكن
ثم انقض الثوارعلى تجريدة اخرى كانت مرسلة الى سنكات وافنوا رجالها
ثم هزم الثوار جيش الحكومة وقتلوا القنصل البريطانى-مونكريف- الذة كان بصحبة الجيش،وعرفت هذه الموقعة-موقعة- التيب الاولى
معركة تاماى الاولى:-2 ديسمبر 1883
وانتهت بهزيمة القائد المصرى كاظم والفتك بجنوده
معركة التيب الثانية:-وانتصر فيها الثوار وانهزم جيش العدو رغم تفوقه فى العدد والعتاد وفر قائده-بيكر-عائدا الى سواكن،تاركا كثير من المعدات الحربية والتى استخدمهاجيش عثمان دقنةفى حصار طوكر التى سقطت فى24 فبراير 1884
وكانت سنكات قد سقطت بأيدى الثوار فى 8 فبراير 1884

هزت انتصارات عثمان دقنة الحكومتين الخديوية والانجليزية فقررت الثانيةاستعراض قوتها الحربية لتستعيد هيبتها التى اضاعها هكس ومونكريف وبيكر،فارسلت الجنرال جراهام للقضاء على عثمان دقنة وللمساعدة على مد خط سكة حديد بين سواكن وبربر.فكانت واقعة التيب الثالثة فى 29 فبراير1884 والتى انتهت بانسحاب الجيش البريطانى بقيادة جراهام،واستشهد من الثوار حوالى 1400 بعد ان ابلوا بلاءا حسنا
ثم اصطدم الجيش البريطانى بقيادة جراهام بجيش الامير عثمان دقنة فى 13 مارس 1884 فى واقعة تاماى الثانية التى انجلت عن خسائر فادحة فى الجانبين فاندحر جراهام الى سواكن رغم تفوق سلاحه،وانسحب الامير عثمان دقنة الى سفوح الجبال ليشرف عى سواكن
بعد هذه المعارك الدامية آمنت بريطانيا باستحالة فتح الطريق بين سواكن وبربر واستحالة السيطرة عليه بسبب قوة شكيمة قبائل البجا،واخيرا استدعت الحكومة البريطانية جنرالها جراهام وجيوشه بعد اخفاقه بالرغم من تفوقه فى الرجال والعتاد.
نواصل

أنجم في سمانا بتلمع

ســـلام عليكم يا شفع الروضه
إستأذنوا لي من مامتكم بيان عشان أجي وأحكي ليكم قصة ناهد والشاطر مجاهد....ســــلام

الحبيب الزاكي .. الروضة للجميع
يعني اذنك معاك .. اتفضل أحكي القصه وكلنا (أضان) صاغية

الأخ جمال : تحياتي
أضم صوتي لصوت الأخ نزار حسين ، فأنا أيضا ممن فاتهم زمان الروضة ، فقد ولدونا بأسناننا. لذا فإن عقولنا مصفوعة و متفاجئة دائما و مندهشة قبل عصر الدهشة.
تسلم

والله مشكلة
كل يوم اقعد جمب أمي عشان تسرح لي شعري
وتلبسني ملابسي
وتجيب لي شنطتي
وتحشي لي فيها سندوتش الهامبرقر
بعد كدا تقول لي بوس ماما
المشكلة كل يوم مابعرف طريق الروضة
أمشي وارجع ليها مرة تانية
تقوم تمسكني من يدي
وتوصلني وترجع
لكن ماقلت ليكم
ابوي بيجي الروضة
وبرجعني معاه في سيارتو المرسيدس
طبعاً اول يوم قلت لأمي لازم تقعدي معانا في الروضة
قعدت ابكي أدتني شوكولاته وقالت لي لازم تاكل نارك

قال شوكولاته قال
أحلام 00 قال روضة قال

الاخ الكريم النيل
الروضة محتاجة اساتذة نموذجيين زى ما قال الشاطر هوبليس.طلبك مقبول،تبدأ العمل فورا
الاخ الفاضل ابو حراز
عشان ما تضطر لغلبة التسريح والضياع من سكة الروضة كل يوم عيناك استاذ مشارك-بارتايم-وفى انتظار مساهماتك القيمة
قال شوكولاتة قال
تحياتى
ماما مهيرة

ماما مهيره
يديك ألف عافيه علي دروسك القيمه ... وفعلاً أنتي اسم علي مسمى
لقدام

شكلاته .. وهبرغر .. ومارسيدس
وعليهن بوس ماما
ابو حرااااااااز
دي قلوزت لي رأسي دي كيف .. معقوله يا اب جضيمات تلاقي ليك زول يقول ليك بوسني ؟؟؟؟؟ ما تقول لي دي أمي الجما
قال حنكوش روضه قال

الأعزاء نزار حسن .. ابوجهينه
كل الأحترام ووالود
طبعاً مسموح في قانون الروضه وطلبكم مقبول وأجمل شئ في الروضه إنها لكل الأعمار وكل السودانيين
مرحب حبابكم تم القبول
والروضه وااااااسعه