عاجل الشفاء للصديق ابي _يو كي ... وما يصيبك الا خير

لزم الصديق الحبيب ابي_يو كي في الأيام الفائته السرير الأبيض بدواعي المرض .. وقد تحسنت حالته واخرج اليوم ولا يزال به باقي مرض
دعواتنا للصديق الحبيب ابي بعاجل الشفاء وبلوغ تمام العافيه

اوبى الحبيب

الف لا بأس عليك ... و بعد الشر عليك
ان شاء الله شدة و تزول و لك الاجر ان صبرت
حمد لله على السلامة كثير

بس و حاتك انا شايف انو برضو الحكاية برضو لا تخلو من متلازمة" مرض حامد"

HAMID'S DISEASE SYNDROME !!!!!!



هوبفل

لك التحايا و التشكرات على الخبر

أخي هوب
سلام وإحترام
نسأل الله لآخونا أوبي تمام العافية وتشكر يا هوب والله بفرح لما أحس بالناس في البورد بتفقد بعض فرح وترح وليت هذا يسود

الاخوين العزيزين
كوستا
ابا
سلام محبه واحترام
كل الشكر علي دعواتكم الصادقه للزميل العزيزي ابي بعاجل الشفاء
واشكر لكم حسن كلماتكم الطيب
وكم هو جميل أن نكون اسره واحده .. يضمنا حب كبير

نتمنى له عاجل الشفاء

الحبيب الرايق الهايج هوبلس عبدالرحمن
ألفين شكر على البوست وطلب الدعاء لي ، جزيت وأهلك خيرا ، لا أراك الله مكروهاأبدا وجعل لك من كل هم مخرجا
أما ذكرك السرير الأبيض ، فان آثار المرض جعلتني أظنه سرير العرس ، فقلت باين جمال دا فكت منو

عافاك الله من الجنون والمرض القالو كوستا، لأنو بجيب أي حاجه
أما عدم تكاثف الدعاء فللضريبة الذكورية الواجب دفعها


عزيزنا الحبيب كوستا
الله يعافيك ويعافي أهلك يا شاربا من الجمال
أما عن الصبر ، فوالله صابر حداشر سنه بس الحمد لله طبعا ، أهو مرات تزيد ومرات تخف ، وما معروف الأوجاع من شنو ، عشان كدا واحد من اتنين يا حاجه روحانيه ، يا تشخيصك أنو مرض حامد

جابو لي أمبارح بالليل دكتور باطنيه نسيبنا ، وبعد ما سمع و سمع ، قام ذكر أسباب كتيره محتمله ، وأضاف برضو أني ربما كان عندي حاجات عايز أحققها وما حققتها لفترة طويله ، قام أخوي الشافع السغير الخبيس فكا ليهو ضحكه غاظتني ، فبعد ما الدكتور مشى قام الوالد يثير الموضوع وسأل أخوي ضحكت مالك قبيل ؟ قام أخوي يحاكي صوت خطيبتي وطريقتها السريعه في الكلام تلميحا
فمعناتو حتى الشويفع بظن أنو دي أعراض مرض حامد

بس لو توررونا قصة حامد دا ، وحصلت متين في تاريخنا
وهل حـامـد عرس في الآخر ؟ وبقى نصيح وللا مات زي ما هو

aba الأخ
الله يسلمك ويسلم ليك حباب وساره وجعفر وأمهم
وان شاء الله دعاك يستجاب أنو الناس يكونو مع بعض سودانيين فعلا ويتفقدو بعض ، أهو برضو ربما تكون والله أعلم نوع من صلة الرحم اللي قال عنها ربنا أنو من وصلها وصلته
وبعد ما الحاره تزول ، نقوم نرجع للكوماج تاني


elsharief الأخ
الله يبارك فيك وفي أهلك ويحف بيتكم بالملائكه

حمد الله على الف سلامة

OBAY UK...الاخ العزيز

بعد الشر عليك ..وحمدا لـلـه بالسلامه
مع الامنيات القلبيه الصادقه بالصحه التامه
وأجر وعافيه ان شاء الـلـه
................
الشكر الجزيل للاخ العزيز هوبلس
ويديك الصحه والعافيه
...........

العزيز اوبى الف لا باس عليك وطهور ان شاء الله ويبتلى المرا على قدر ايمانه
تمنياتنا لك بعاجل الشفاء والعوده لنا فى اقرب وقت

أوبي العزيز
حمدا لله علي السلامة الجيت طيب
ويا زول الكوميج ملحوق والدواس وقتو براهو واهو نحنا نختلف ونتفق بس بنحتفظ بي شعرة معاوية وبندعو انها تكون حبل كمان وربنا يعمر القلوب بالمحبة

الف لا باس عليك ابي _يو كي وكرا ياهوبلس

الف سلامة
و حمد الله على السلامة

Tumadir الأخت
سلمك الله وسلم أهلك ألف سلام

shatat الأخ
الله يسلمك ويعافي أهلك ياخوي ، وباين عليك من الشارقه ، عشان كدي تلاقي مني مرسال في ايميلك

Sado7 الأخ
الله يحفظك ويحفظ أهلك ويوفقك في دراستك
أما عن الايمان فالخوف كل الخوف أن يكون هذا بلاءا لضعف ايمان وليس ابتلاءا لقوة ايمان
نسأل الله أن يقوي ايماننا جميعا ويثبتنا على ذلك

أتذكر أن ابن عمي قبل زواجه كان خاطبا لفتاته واسمها ايمان ، وبعد الصلاة حينما ندعو وأقول اللهم ارزقنا حسن الايمان ، فانه يرفع يديه عاليا وصوته في هذه بالذات ويقول آآآآمييين حتى انه لا يهتم بالجالسين
الحمدلله ربنا أداهو ايمان

aba الأخ
الله يسلمك يا ودالحاج ، والحمدلله الواحد ما اختلف مع زول الا بقى صاحبو في الآخر ، والله دي نعمة كبيره ، الله ينعم بيها علينا كلنا
وعلى جون قرنق

Elmosley الأخ
الله يسلمك ويسلم أهلك ، وعسى ماتشوف شر ، وبالمناسبه أنا حلمان بيك أمبارح أنك لافي شوارع أم درمان ورايح منك الدرب

الأخ أسامة الخاتم
الله يسلمك ويسلم أولادك
اشتركنا في حب محمود درويش ، و مدني
ووالله منذ صغري أتمنى أن أقضي شيئا من شهور عسلي في مدني ، لحبي لها ولأهلها ، أتذكر أنه كانت لكم غابة اسمها أم بارونه ، هل ما زالت هناك

اجر وعافيه ان شاء الله

الي كل الاصدقاء الذين رفعوا الاكف صادقين بالدعاء للعزيز ابي
لكم الشكر
ونعمة العافيه

أخى أوكى أوبى

حمدلله على السلامة وإن شاء الله طهور وكفارة

وإن شاء ما يكون بسبب أخوانا من الجن
فهم يصيبون بنصب وعذاب

وأسأل الله لكما أن يتمم بخير
وأن يرزقكم العفو والعافية والمعافاة فى الدنيا والأخرة

أميييييييييييييييييييييييييييييييييييييييييييين

والسلام

سلامات
الف كفارة وعوافي عليك ياحبيب
ونتمني لك عاجل الشفاء

أخي أُبي
ألف لا بأس عليك , وكفارة إنشاء الله وطولت الغيبة

أبنوسي

الأخ الحبيب أوبي
زي ما بتقول حبوبتي دايما الله أرحمها
شرّك مقسّم بين الدقشّم
ولا بأس طهور ان شاء الله
شايفك ذكرت قصة
مرض حامد
والله يا أوبي داير أحكيها لكن أتمني صادقا زول أقوم أحكيها لأني حقيقة محتاج لي زمن عشان أسردها وربما لأنني لا أملكه عموما حتي الغد اذا لم يتكرم أحد فسوف أقوم بسردها
وطبعا عارفني أنا ترباية حبوبات

اخى ابى
كفارة و اجر و عافية انشاء الله

شايف بت الاحفاد اون لاين
البت دي صالحه يا صاحبي
كدي النرفع ليها البوست دا فوق عينه
خليها تديك دعوة كاااااربه تخليك تنطط




اب

الف لا باس عليك حبيبنا

العزيز ابى
خلاص العرس قرب والحمى بقت سهراجا ؟ , يا اخى لابأس عليك وبكره انشاْ الله تشد حيلك وتقوم تتلتل , ومنتظرينك

السلام عليكم ورحمه الله

الأخ الكريم هوبلس

جزاك الله كل خير على هذه اللفته الكريمه, ولقد مررت بالبورد مرور العابرين ولم يدفعنى للكتابه سوى هزه اللفته الأنسانيه منك وبارك الله فيك

ولobay_uk

شفاك الله وعافاك وحفظك من كل سوء والشكر موصول لكل من سانده بكلمه أو دعاء فى مرضه وجزاكم الله كل خير


وفى أمان الله

لا اله الا الله

أجر وعافية يا أيها الأخ العزيز أبي

والشكر الجزيل للأخ جمال

لم أر هذا البوست سوى اليوم، فقد كنت مشغولا في الأيام الماضية..

والسلام موصول للأخت الكريمة بنت الأحفاد

Hamza Suliman الأخ
عافاك الله وأعل بيتك أجمعين


Hopeless الأخ
ماذا أقول ثانية ؟ أتمنى أن يصلك مثل الذي يصلنا من دعاء ولوالديك


Exorcist7 الأخ
والله أعرف ما يصيبون به ، ألا يكفي أنهم أصابوا نبينا محمد ؟ وتدري سبب نزول سورتي الفلق والناس ، وتعلم ذكر أنهم يفرقون بين المرء وزوجه كما قال ربنا في كتابه ، وقد مرت علي بعض الجلسلت التي حضرتها ، وأعلم جيدا شرهم وقانا الله منهم وعافانا

ونسأل الله لك السداد ولأهلك الرفعة بين العباد


أخي ود رمليه
كفر الله سيئاتنا وسيئاتكم ، وعافى أهلك وعافى رمليه تحياتي اليك


tabaldy أخي
كفر الله سيئاتنا وسيئاتكم وأبقانا على الصراط وحمى أهلك وغفر لوالديك


elhilayla أخونا وأبونا الروحي في بورد المعرفة القديمه
سلمك الله وسلم أهلك وكفاح معهم وغفر لوالديك ورحم لنا من أردنا لهم الرحمة

في انتظار سردك لقصة مرض حامد كاملة ، وان كانت قد حدثت ، ففي أي عهد من عهود تاريخنا

وتسلم يا حبيب


Lana Mahdi أختنا وست النسب
عافاك الله وأهل بيتك وزوجك وغفر لوالديك ورحمنا واياهم


3omda4 الأخ
الله يحفظ أهلك ويعافيكم جميعا ياخوي ، ببركة الأعمال الصالحات لنبنا محمد


أخي أو قل عمي ابن ادنبرا حسن الجزولي
والله أنا ما عارف العرس دا مالو ببهدلنا نحنا برانا ، يعني البنات ديل ما عندهن مرض حامد وللا شنو ؟
وربنا يحفظ أهل بيتك الكرام ، ويحيط بيتكم بملائكة الرحمة والسكينة والنور ، ويوفقكم في مسعاكم


bint_alahfad الكريمة المكرمه
آمين لدعائك وحمدا لله على سلامتك وأتمنى أن يكون في مقدمك شئ من شفاء باذن ربنا
ربما هذا أثر الغياب عني شهرا
نسأل الله لوالديك الشفاء مما ألم بهما ، وفي ليلة الجمعة هذه موعودة بشئ من الدعاء لهما ، وحفظك الله من كل سوء وكيد وسحر وشر
بوركت يا ستي


Yasir Elsharif أخي العزيز
والله استيقظت صباحا وكنت أفكر فيك و غيابك عنا ! الله يوفقكم في خطاكم لما يحب ويرضى ، ويعافي لكم أهلكم ويحيط بيتكم بالنور

سلمتم يا أحبة
وما زلنا في انتظار باشمهندسنا ابن الحليله ودالحبوبات ليحكي لنا قصة مرض حامد ، وهل يصيب الرجال فقط

مرحب بي حامد ومرضه وعافانا الله من الأمراض لكن بالنسبة لي مرض حامد
فهو مرض عافية
الأخ أبي
حقيقة الأيام دي عندي أمتحانات وممكن أخلص منها في غضون أسبوع
عموما سأحاول ما أمكن أن أحكي ولو سريعا بس مو أسع
أخوك مزنوق زنقة كلب في خور القاش
نتلاقي