Post: #1
Title: بعيداً عن أرض المعركة : اهـــداء لـــرودا
Author: HOPEFUL
Date: 01-21-2004, 07:18 AM
Parent: #0
في ذلك البوست الذي تحرضي فيه الأخت تماضر علي مواصلة المسيره .. اقررت لك بأنك قد اضحكتيني من اعماقي .. وانا صادق في هذا "برغم الفهم الخاطئ للمداخله منكما" ولتأكيد حسن النيه المفتقد بيننا اهديك انطباعي وانا اقرأ في ذلك البوست مع هذا النغم المغربي الجميل
.. فقد تخيلتك كحال نسائنا "الكبار" مع انى متأكد من صغر سنك .. تخيلتك وانتي لافحه توبك وواقفه قدام دكان عم فلان ومعاك جاراتك فلانه وفرتكانه وواقفه وغازه كيعانك وتهرجي زعلاااانه ...
- بالله شوفوا المطاميس ديل كمان .. حتى تماضر بت اخوي الشيخ بدورو يغتغتوها لينا ..يغتغتون الجن اليغتغتون .. خسمت بالله تلاته اكان سكتت ليهون انا ما بخليها ولا بخليهم .. ما كفايه سكتنالون علي نضميهم القاطعنو من راسون دا كمان بدورو يدخلو في جنس دا ؟؟...
والله دي مسخره كمان ...
*هاك يا حاجه رودا ماعون زيتك .. وعليكن الله يا حريم امشن لغادي خلننا النشوف رزقنا ...
- وات يا حاج فلان زااااتك بقيت مطموس .. تغش في المعبار وتكلفت .. اها الزيك دا الخلا جنس الكلام دا يبقا.. واقول ليك قوله ابو العيال زااااتو مافي ليهو اكل .. زيت ما دايرين رجعوا يرجع فيك لوري حاج علان..
* لا حول ولا قوة الا بالله .. انتى يا وليه كل يوم هرجك دا ما بتغيريهو
علي الحرام انا من ابو عيالك اطش اخلي ليك البيت عديييييل كدى..
-اريتو كان طشه .. يطشو الهم .. هو عمارو شنو .. من ضل لضل .. لا بيهش ولا بينش.
*الله يصبروا عليك غايتو
-اها عشان كلامك دا انا غايره مخليه ليكم البكان .. اها يا عوين هوى فتكن بعافيه...
|
Post: #2
Title: Re: بعيداً عن أرض المعركة : اهـــداء لـــرودا
Author: bayan
Date: 01-21-2004, 07:50 AM
Parent: #1
شوفتى كيف يا رودا
احد العمرين شخصيا
اعترف انك ظريفة
بقى فى كومك
يا هوبفول ولابسة سفنجة كل فردة من بلد ذى حقات حبوبتى
بتصر لى شنو تشترى جديدى كان فردت الانقطعت قاعدى وشن فايدتها
اصلو مش عشان الحفا كدى ولا كدى دا ماهو حفى
والله البوست دا غسل دواخلى وبيضها
شكرا ليكم
نشجع اللعبة الحلوة
|
Post: #3
Title: Re: بعيداً عن أرض المعركة : اهـــداء لـــرودا
Author: Abo Amna
Date: 01-21-2004, 08:31 AM
Parent: #2
هي هييييييييييييييييييييييه
والله يا هوبفل البشوف مناقرتك يقول اصلو الزول ده ما عندو قلب يتكسر بيهو ..... والبشوف شعرك يقول الزول ده النسيم بيكسره .. والبشوق جنس الكلام الفوق ده ... ( عموما من ناحية النص الدرامي اخليهو لي اسياده ) ... يقول هوبفل ده .... ولا اقول ليك خليها في التلفون احسن ...
ياخي بس عايز منك طلب
الاعمال الكاملة تنشرها لينا في اسبوعنا الجاي بتاع الشعر والموسيقي والقصة في البورد ........ علييييييييييييييك الله
مع تحياتي
ابو آمنة
|
Post: #4
Title: Re: بعيداً عن أرض المعركة : اهـــداء لـــرودا
Author: HOPEFUL
Date: 01-21-2004, 11:58 PM
Parent: #3
aha
|
Post: #5
Title: Re: بعيداً عن أرض المعركة : اهـــداء لـــرودا
Author: HOPEFUL
Date: 01-22-2004, 03:12 AM
Parent: #2
الخاله دكتور بيان
سلام واحترام
والله يا خاله انا لي فتره طويله عن البلد والسودان عموماً .. لكن بتذكر زماااان في البلد في حاجه اسمها (العوه) اها العوه دي دايما بتكون بين بيتين .. يعني نسوان البيت دا في ناحيه والبيت التاني في ناحيه .. وفي مساحه بين الفريقين اها وهااااك يانبز ونبش "اراشيف".. والغريبه "العوه" ما بتنتهي في يوم واحد يعني بتتكرر كم يوم ودايما بينتهي يوم العوه بمرور احد كبارات القريه وينهر الطرفين .. لحدي ما تجي مناسبه تلم الطرفين وينتهي الموضوع .. بتذكر برضو لما كنا صغار كنا بنسمي البيت الفيهو المشكله ببيت "العوه"
ياربي الحاجات دي في ولا انتهت؟؟
|
Post: #6
Title: Re: بعيداً عن أرض المعركة : اهـــداء لـــرودا
Author: bayan
Date: 01-22-2004, 03:35 AM
Parent: #5
العوة يا ولدى انتقلت
للانترنت
يعنى بوستك دا لو جات رودا زعلانة بيبقى بوست عوة
اها اجراكا يا ولدى فى بوست هناك فيهو عوة
السودانى غير قابل للتغير
كما قالت ايرس ماردوخ
الجدادة ما بتخلى بحتتها والحلبية ما بتخلى شحتتها
لكن يا ولدى لاحظت تغير شامل
فيك بقيت رقيق وحنين
ذى ما قالت فيفى عبده
الحب حلو يا جدعان
|
Post: #7
Title: Re: بعيداً عن أرض المعركة : اهـــداء لـــرودا
Author: siddieg derar
Date: 03-09-2004, 09:43 PM
Parent: #1
يا أبو آمنة
هوبفل دا شعوره وشعره جيبهم من الصور التى يتخيلها فهو تصويرى جدا
وعشان كدا ناجح جدا فى التعبير عن مشاهداته مع إضافة ما تجيش به نفسه
بس ما يقوم واحد يطلع لينا يقول فلسفة
سلام والله يا هوبفل جميل التصوير واصل
|
|