هوبفول ... ينجر الشـعر .. ويصنع القصـيد .. ليبني دواوين

بين قلبي وقلبها
شئ ما ..
فوق وتحت الأضواء
يسري...
يتعمق .. يتعملق خلف صدري
وصدرها
ينمو كما الأشجار
تتعمق جذوره
تتفرع اوراقه
ويؤتى الثمار

اقطفها واجنيها لها
في موسم العطاء
وموسمي في كل الفصول
وعطائي دائم الرخاء

امطرها غنجــاً
في موسم الأمطار
واسقيها من كل صوب
أجمل الأشياء
وكل ما ابرق شوقي لها
تتلقاني بصدر الرحب
والإشتهاء..
ويالربيع لقائنا
وجمال بستانها الغناء

تتفتح الأزهار
يهطل الندى
علي ورد خدودها
فرحاً...
فتتلقفه ظمأً منها
نواظري...
ويالقربها ويا لبعدها
ويا لدفئها الحار

حينما تشرق شموسها
في السماء
يا لهذا السمو والصفاء
تداعت جميع اغصان جوانحي
تنشد صوب ضؤها
لتنعم بالحياة

دبت في نفسي
تباشير النماء
وزاد الحب حباً فحباً
يحب بعضه بعضاً
حتى داهمنا المساء

فهمت معانقتي وجله
مستفيقتني عنها
أن يا هذا ..
لقد داهمنا الشتاء
ومضت..

وتلفحت صبري
حين ولت
اتقى به ثلج الجفاء


-----
نجره اولي

...

هي هي هي


أمانة ما وقع راجل .... وارجا الراجياك


Gamal Documented Online

لكن اقول ليك حاجة ... انا ما بعجبني العجب ولا الصيام في رجب ... لكن كلامك عجبني ...

واصل النجر ... وبس اصبر ( واحتسب ) ....


مع تحياتي
أبو آمنة

الصديق ابو امنه

والله انت زول سمح .. عشان كدا بتشجع تشجيع سمح
النجره اون لاين .. ولم تمر علي اوراق التهذيب
يعني من (الفاخوره) للبورد مباشره

ويازول لو قالوا طمام بطن ما بزعل
عارف ليهّ؟

من غير ليه

الاخ جمال
قصيدتك جميلة ومحاولة حلوة
بس ممكن تكون قصيدة نثر لو قدرت
تفاديت القوافى عموما لو جاك سبيل
بفندها ليك اكتر بس الايام هو ما فايق
وانا مبسوط منو شديد لانه اخر نموزج فى الشعر
طلع اسلامى يعنى القصيدة العمودية اصلا اسلامية
لكن فى ناس قالوا الشعر الحر حقهم لكن سبيل
سوى البدع
وخلى الجبل وقع
وباع فى سوق الربع

ولك ودى

سى سى
ولدى
شعر حلو

Quote: امطرها غنجــاً

بس دى لخبطت الاختساس
صوت الذات او الانا فى العبارة دى
هى ام هو؟
لانى لاحظت ان نجرتك الجميلة هذه
صوت الذات فيها مذكر

بس العبارة دى

بتلخبط الموضوع
لان الغنج صفة ملازمة للانثى
يعنى المفروض تكون تمطرنى غنجا
مع انه بنات الزمن دا بيمطروك
حجارا


واذا الكلام دا ما صاح يبقى قصيدتك دى ما ادونا ليها وخارج المقرر
واذا قررت ان تتركها هكذا
تبقى مشكلة كبيرة جدا

هوبفل
سلامتك يازول
وياريت كان العنوان هوبفول ... ينجر الشـعر .. ويصنع القصـيد .. ليبني عشامتكاملا
يعني ما ديوان بس

جلالة الملكه بورشتنا !!؟
يا لفرحتنا ومنتهي سرورنا

بس كان تدونا خبر لعمل اللازم
(كنا عملنا ليك نجره تذكاريه تليق بمقام جلالتك)

والان وبما ان (فاخورة العطاء) ناضبه لا يسعنا الا شكر مقدمك البهي

الخاله دكتور /بيان
سلام واحترام


اهااااا وقعنا في ناس الاختساس
وتصحيح الكراس

والله يا دكتور ما قصدي اخش عليكم في شغلانيتكم دي
لكن الشلاقه تقولي شنو


انا (اظن) كنت داير اقول انى (بدلعها) باستخدام كلمه غنج دي
بس الظاهر ما ظبطت .. لكن لا باس .. ننجر ليها وصله (موضبه)


السماح يا اهل الاختساس .. زول شليق (ومايقصدش حاجه)

الأخ جمال أولا تحياتي الحارة وثانيا المهم في الموضوع أن يترجم الانسان أحاسيسه بشكل جميل ؛ أنا لست ناقدا ولكنى أتذوق الكلام الجميل بلا شك أن ما كتبته جميل ودائما الى الأمام والانسان بيتعلم من الأيام الزمن دة لانو المدرسين بقوا شغالين من غير ماهية ؛ ولو النقاد سنو مشارطهم فهذا مكسب أيضا ففي كلا الحالات أنت المستفيد؛
أتمنى لك مزيدا من التوفيق والنجاح وكل عام وأنت ومن معك بخير

لوووووووووووووووول يا بيان ولدك انتهي من حصص الفيزياءوبقي علي قرض الشعر ومن الحب ما قتل فلا تؤاخذي الشعراء بما يقولون

صديقي ابوقوته

يازول ها .. انت قلبتها (جد) ولا شنو
والله بهظر سااااكت

انا مالي ومال كلامك دا
(ولا اقول ليك دا شعر عينه جديده مستورده مافي زيها في الاسواق)

احفظ السر

هوب فل..حليلك وحليل أيامك..
بقيت تنجر الشعر..كفارة والله (هالةسأبة)
عموما ما بحاول أكون ناقد لأني سبقتك فيها (بلا حب)..
والكلام حلوة بس أسمع كلام الدكتورة وما تسمع كلام أبو قوتة
أصلو بيخاف من المنافسة...
حليلك يا حليلك..

ياخ انت وكت رقيق و حساااااااااااس كدة الطوب البتفلق بيهو
الناس دة بتجيبو من وييييييين
يا هوبفول يا اخوي الله يديك العافية .. دة شعر جميل
لانو طالع من جواك ..شوكرن ليك كتير
اقتراح 2 لتغيير العنوان
هوبفول ... ينجر الشـعر .. ويصنع القصـيد .. و يصلح العناقريب

النص جميل ..الي الامام ..محب

الحبيب محب
تسلم يا زوق

بس ما تنسي تعزمنا علي الفوله (المصلحه) دي
يازول جريت ريقنا

خدر .. انت قايل القصر حيطتكم شنو!؟
دا ما انا بشيل منها الحجاره وبفلع بيها

ما عليك نصلح العناقريب والهبابات
عشان تتهبب

(شكرررررن جزيلان)

الحبيب خالد
قلت لي بلا ايه
هاهاها
انتو الواحد فيكم وكت ما يدور ينجر ليهو حاجه ما يبعد بعييييييييييييييييييييد عن (الأماني)



الدكتوره وابو قوته علي نياتهم .. قايلين الورشه عندها تصريح

الاخ جمال
يا اخي عاوزك تنجر لي قصيدة بمناسبة طهور لم امكن
مع الشكر
اخوك اسعد

الأخ اسعد ..
لا استغرب طلبك
فقد قرأت بجريده عكاظ عدد البارح اعلان لأحدهم
يقول فيه نحن مستعدون لشعر المناسبات وواضعين ارقام تلفوناتهم .. تخيل؟؟؟؟

اديك ارقام تلفوناتهم؟؟؟؟؟؟؟؟

الاخ جمال
حياك الله
بس الاسعار كيف؟؟؟

هوبي ..

كل الكلمات جميلة .. وأعجبني أكثر قولك:

حينما تشرق شموسها
في السماء
يا لهذا السمو والصفاء
تداعت جميع اغصان جوانحي
تنشد صوب ضؤها
لتنعم بالحياة


وتلفحت صبري
حين ولت
اتقى به ثلج الجفاء


بالله كيف استطعت اختلاس ساعة صفاء في هذا الزمن المنكدر لتخرج لنا هذا الأبداع والإحساس الراقي .. يا رياق

أرجو أن يجد الأستاذ أسامة الخواض فرصة للإطلاع وإيداع رأيه حول المنجور والنجار .

قبل أن تلبي للأخ أسعد الطلب .. بالله خليه يوضح نوع الطهور ربما يكون خفاض فرعوني .. فتصبح ممن يمجدون ذلك ((خلي موضوع خفاض البنات يشعلل تاني .

تحياتي،،،

جاد

جمال الحبيب
تحياتي
نجر الشعر من أصعب أنواع صناعة الشعر
و لكن النجرة الأولى لا بأس بها تماما.
و كما قال أحد الإخوة ، تحاشى القافية في مثلهذا النوع من الشعر.
و لكن المعاني ذاخرة و واضحة.
فوق دربك جمال

اخى جمال

انجر اكيد حتصل للصندل
و
الصندل عطره فواح

اسعد هو نجار آه بس ما ترزى
فلازم يخش فى الشعور
فاذا خشى فى الشعور
حيصرخ ويصرخ

وذى ما قال جاد تانى
الموضوع يتفتح من الاول

زمااااااان (وزمان دي يعني كل شخته بسنه) كنت راكب في الحافله راجع البيت اها وناجر لي قصيده فرحان بيها .. اها لقيت في الحافله راكب العملاق خضر بشير عليه الرحمه .. وقووووم يا هوبفول اتشولق ازيك يا استاذ اهلاااان يا ابني (وطبعاً في سابق معرفه بحكم اني صادفتو في بيت والد صديقي محمد حسن ابوالقاسم بشمبات كم مره كدا) اها كيف حالك كيف امورك .. راح نازل متوجه علي بيتو.. وانا انزل ليك وراهو لمن قربنا لبيتو قلت ليهو يا عم خضر انا عندي قصيده داير اهديها ليك .. ومن سماحتو ما صداني ولا اتجاهلني ابتسم وقال لي اقراها ...قمت اسمع

في النيل هناك اجمل مناظر
طيور وحبيب وازاهر
وغروب للقاك صابر
إتأمل هناك جمال الطبيعه الباهر
وكيف ممزوج بالدر النادر
حبيبي هناك خلي المنظر ساحر
زاد جمال ودلال
بالطرف الفاتر
....
..
لحدى اخر القصيده

المهم الاستاذ صبر لمن كملتها ولما انتهيت قال لي يا سلااااام يا جمال قصيده جميله .. بس شبابيه شويه ..ارح معاي البيت اديها محمد ولدي يغنيها...(زعلته) بيني وبين نفسي .. وقلت كيف اديها لمحمد المفروض يغنيها الاستاذ بنفسو دي قصيده اكثر من رائعه (طبعاً في سري) .. أها قلت ليه يا استاذ معليش انا مضطر اصل البيت وح اوريها محمد بكره ووحاتكم بكره لسه ما جات .. ما عارف كان اديتها محمد خضر بشير كان ح يحولني لمنو؟ .. لكن بحمد الله انو بقت علي زول واحد ..

شفتو الشلاقه

ياخ ده كلام كويس
ما داير ليك ملحن
يا استوبر

غايتو يا هوبفل في قصيدتك سامحتك ... لكن عندي ليك نصيحة ... لمن تكتب حاجة ما تديها اسم معروف يعني ما تقول شعر ولا قصة قصيرة شوف ليك اسم كده بتاع ( زوغان ) .... كتابة ابداعية مثلا ولا بي لغة الامبريالية (Creative Writing) ... عشان ما يجوك هسي النقاد يفرتقوها ليك حته حته ... لكن بيني وبينك غنج دي بالغت فيها ...


مع تحياتي
أبو آمنة

الاخ الفاضل هوبفل
بالله التاريك انت مخضرم وحاضر الرحوم خضر بشير واديته قصيدة كمانّّّ!!!!!
واصل النجر يازول
ولكل نجار ابداعات
تحياتى

عارف يا جمال عندى قصيدة كتبتها سنة 1962
لما كنت فى رحلة نيلية فى نهر التايمز
كنت بنشرها شجعتنى قصائدك وكلامك عن خضر بشير
لكن اسع بيقولوا قاصدة بيها زول
اسمها الشيخ و الغلام
حأنزلها فى ديوانى الرابع
بعنوان
اشراقات الرحلة النيليةفى التايمز والمد والجزر

تمبس يا هداف البورد
حدد هدفك

جاد لووووووووووووووووووووول الله يقطع شيطانك ما فضل فيني فشفاش .

Quote: بالله خليه يوضح نوع الطهور ربما يكون خفاض فرعوني

هي في واحد كمان بكتب جوابات الحب وبياخد عليهااجرحسب طول الخطاب لووووووووووول بالمناسبه دي مهنه والله جد جابوا واحد في التلفزيون قال دي مهنته والجواب يكلف مابين 10 اويرو حتي 50

looooooooooooooool@doma

da enti zaaaaaatek

لا ..... انت جادي كتبته الكلام الرقيق ده براك ياهوبفل
ولا بيني وبينك في زول كتبو ليك ؟
والله كان كتبته براك يبقى ما عندك عوجه تـــــــــــب بعد ده نفتش ليك (محمد خضر بشير) كان زماااااااااان سمعته كلام ابوهو واديتوالقصيد حسه ما دحين كان بقيت مشهور وجابو اسمك في التلافزيون
keep it up
نوف

جميل يا هوبفل
لكن زى ما قال أبو آمنة
أمانة ما وقع راجل

تمبس.. والله انا عندى قصائك بالكوم من النجر اللطيف.اعينك ملحنى الخاص..

هوبفول..ايها التروبادور العظيم...

مرحى بقصائدك المنجورة على مناضد الموسيقى... تأكد انك شاعر عظيم ونحن معجبون بقصائدك اليتيمة...

دا نكتوهو لشقاكم؟؟

كدي الناخد لي لفه واجي اواصل نجر اون لاين

اشهد الله والناس
ما كحل عيني مثلها جن ولا بشر
ولا تلقفت روحي لمثلها قبلاً

فهي يا قوم شئ
وبها اشياء
وحولها اشياء
وفوقها اشياء
وتحتها اشياء
وكاذب من وصل الي وصفها
غيباً او بعد نظر

اسألك يا سائلي
هل سرت يوماً في غفر
تحت وهج الشمس
ولظي رمال الصحاري
وطال عليك السفر

وبعد استفحال عناؤك
وبينما انت تقلب البصر
املاً مجهولاً
برغم يقينك اليأس
تطل عليك واحه تنتظر

تري كيف يكون شعورك؟


حينها ستدرك ما اعنيه
وهذا واحد من عشر

انت يا جمال يااخوي الكراسه كانت ضايعه ولا شنوووووو؟
اتاخرت علينا بي الجزء التاني
لكن بالجد بالجد واااااااااااصل وربنا يوفقك
دمت ياغالي
نوف