مبرووووك الأخ سنتمنتال .. وربنا يتمم علي خير

يعيش الأخ سنتمنتال هذه الأيام فرحة عااامره بمناسبة خطوبتة علي احدي حسان مدينة الدويم .. والتى كانت قد سلبته لبه .. واوصلته مرحلة تحميل الطيور رسائل الغرام حتى اصابته منها عدوة مما اضطر سيدة الحسن والجمال ان تبتعد عنه اتقاء شر هذا المرض الخبيث ... والد العريس حين استقبل الاخ سنتمنتال بمنزله العامر بمدينة الدويم .. تحفظ علي بعض الأشياء ولكن سرعان ما تدخل الأجاويد لحل هذا الموضوع .. وقد ابدى والد سيدة الحسن والجمال بعض المرونه .. والذي بدورة نعول عليه كثيراً في إقناع سيدة الحسن والجمال والتى رأسها وألف سيف ما تعرس الزول دا .. وعند استفسارنا عن سبب تعنتها .. قالت بصوت لا يخلو من "زمجره" الزول دا بيعاااااادي..




صورة حديثة للأخ سنتمنتال وهو متوجه الي مدينة الدويم عبر بصات ابوصلاح السياحيه ..

سنتمنتال يتناول كأسة شاهي بعد خروجه مصدعاً من والد ست الحسن والجمال

ويواصل علي بص سياحي آخر

راسو وألف سيف الا يتصور مع البص


الله يهديهو بس

يستغل بص الكوه عبير الأمكنه .. ويجلس "مسطحاً" رقم 4 علي اليسار

..
.
معليش يا سانتا الزول دا حمي الفراريج طلعت ليه فى راسو
حسع بالله متين نصح عشان يجى للفت ولا بطبق سياسة شلنى واشيلك
عشان كفر ليك ..
والله يا هوب بالغت فى البص ؟؟ اوع يكون دا بص السيرة
والله النسابه يطفشوا عديل بعدين هو ما كان مغترب ما سمع
بشركات تاجير السيارات والافراج المؤقت وسابحات وناطحات وحراميات
بعدين ياخى دا شاى قولة خير ..

على العموم تانى مبرووك وربنا يسعدك بس ما تنسونا

سمح ..

الأخ تبلدينا

تحية طيبه

بدورنا نوصل تهنئتك لعريس ال"ــــــــــ" ونقول ليهو بيت مال ... وطبعاً زي ما انت شايف .. عشان يصلوا لداية أو مستشفي المرا بتكون سقطت وحملت تاني .. عشان كدا قصة مال وعيال مع بعض "سعبه" شويه مع الحال دي ...
وكما تعلم غير وعورة الطريق وكثرة ما يحتاجه من كمية هائلة من البصات ليصل وجهته لا تنسي اخي بعض العوارض أمثال هذه ايضاً

انت يا ود جاتك كتوكتة دماغية ولا بي صحك نبارك ؟

انتي ما تباركي

مشترياها بصف جمعيه؟

الرحلة بالصورة والرصد الدقيق ..

ربنا يهنيهو ياااااااارب

الف مبروك يا ابن منتل ان شا ءالله بيت مال وعيال
اهم شي تعمل لينا حفله خنفشاريه التماهي كدا

والله يا هوب فل عذبتو عديـــــــــــــــــل الزول دا وعذبتا الباص زاتووووووووو

لوووووووولز يا هوبا

انت في دا ولا في جمال شنتير الأبن يفجن ديل؟

الرحلة طوييييله طوييييله ....

في زولـ قال ليكم حبو من غير ما تحسبو المسافة؟

سمح هو عريس وعرفناهو و ليهو حق يتصور مع الباظ، انت مالك شابّي للكاميرا وسالّي رقبتك وبتاشر وعايز تظهر في الصورة باي طريقة!!!

مياده ..
أنا هيييييين انتي الجابك المحطه شــــنو ؟؟؟
صورررررررررررررتك

بص السيره كما كان يحلم العريس "زفة بباظ مزركش "

كيفن الجابني المحطة شنو!!!!
نان الماش يسيركم منو؟؟؟؟

هسي يا ست البنات


الزول البيصور في جزمتو الجديده مع الباص دا ... يسيروهو كيفين؟

اهاااا دي يحلوها كيييف

لوووووووووووووووووووووووووول. الكتكوته طلعت ليك فى دماغك يا صاحبى...


بجيك . ..سردب بس

أكان قدرتوا انت والكمساري صلحتو اللستك دا تعال يا وليدي

الأحباء هوب فول وسنتمنتال
والله ياسنتى تستاهل ابو العروس يعمل فيك اكتر من العملو.
انت المخليك قاطع ليها الفيافى شنو؟
ما كان تخطب بت الجيران وتخلصنا.
بعدين ماتجى تقول لينا انتو معزومين عرسى فى الدويم.ياخوى نحن حدنا جنوبا تفتيش سوبا وجبل اوليا.
عموما الله يتمم بخير وعلى نفسها جنت براقش .

الحبيب قلقو
تحياتي

الزول دا قال عاجبو بانطون الدويم
بانطون "علي الله" علي وزن الجلابية الأنصاريه
قلبتو وعدلتو وااااحد


زول اندهاشي

اخونا العزيز/ هوب فول

جنس دا ما شفناه ذي ما بتقول حواء السودانية.... انتو بتختطفو ولد الناس وبتودوه الدويم وبتعرسوا ليه وناس بيتهم ما عارفين...

ودي عرسه دي ولا تلجينة.

ودمتم
ابوساره

**********************************************************
مكتوب لك الدهب المجمر تتحرق بالنار دوام

الحبيب استاذ ابو ساره
تحياتي

زولكم برااااهو شليق

ما عارف البباري الجداد بوديهو الــ"الله يكرمك"
والبباري "الحمام" بوديهو الدويم؟

نيسان فى البرد ده؟؟؟؟؟

هوى يا سنتمنتال

شوف غيرى يحرر ليك السيرة

هوب فل

اشتغلت فى السجانة ولا شنو؟

تسلمو

مبروك للأخ سنتمنتال وعقبالك يا هوبفل

وتب ما قصرت يا جمال ،،، البصات دي كلها على حسابك ,,,, صاحبك يستاهل


مبروك