Post: #1 Title: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 09:08 PM Parent: #0
شكرا للمعلم القراي فلقد كان صوتا للملايين وقدم فنون رائعة ومحاضرة في كيفية الجدل والحوار والاقناع والمنطق
Post: #2 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 09:12 PM Parent: #1
هدوء تام وتركيز وضرب في القضايا الاساسية بسلاسة وبخطاب ذو مفردات سودانية مية قادرة علي دخول كل بيت سوداني بارتياح وهو الهدف الاساسي و الاسترايجية المرجوة من مثل هكذا برنامج ومثل اليوم رنين استقطابي كبير لصالح التغيير والثورة واوصل للمستمع السوداني تحديدا حقائق علي الهواء مباشرة لن تجرو قناة داخل السودان علي نشرها
Post: #3 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 09:17 PM Parent: #2
اما البوووق ربيع فلقد كان يمارس رقصة كاذبة من اعلي راسه حتي اخمس كرفتته وقدم فاصل موغل في الدجل والتدليس والقضايا الاساسية التي هابشها دكتور القراي عملت ليهو موية في الركب البوووقية لذا لجاء الي شخصنة القضايا وهرب الي محاكمة الفكر الجمهوري في مشهد حدثنا عن سطوة الوعي الشمولي في مخيخ هذا البوق...
فكل مواطن سوداني حر في الانطلاق من اي المنصات الفكرية
Post: #8 Title: Re: القراي ينجض البوووق ربيع نجاض قبورة...!! Author: محمد البشرى الخضر Date: 07-10-2012, 09:20 PM Parent: #3
يا كابتن ياخ انا اتعاطفت مع ربيع واتفهمت موقفه يوم قال عايز يدفعوا ليه عشان يطلع على الهواء مع الجزيرة معقول النجاض دا و بالإنجليزي و ملح كمان
Post: #5 Title: Re: القراي ينجض البوووق ربيع نجاض قبورة...!! Author: أحمد الشايقي Date: 07-10-2012, 09:19 PM Parent: #2
شكراً كيكي,
الرسالة وصلت للشعب وانقشع التضليل اليومي وأنكشفت وسائل الكذب الصريح لدرجة إنكار القروض التي وقعت أمام عيون الشعب وصورت في التلفزيونات وناقشها البرلمان وأوردتها الصحف ..
مثل هذه القيادات التي تكذب (على الهواء) وتدعي تطبيق الإسلام بـ (قوة عين) يحسدون عليها هم نماذج الذين يحكمون ويستكبرون عن إعلان الحقائق الصرفة ... إلى أن (وقع الفاس في الراس) ..
ـــــــــ وينفع كمان مُحلل كورة .. خاصة في الجانب الخططي
Post: #4 Title: Re: القراي ينجض البوووق ربيع نجاض قبورة...!! Author: محمد عمر الفكي Date: 07-10-2012, 09:18 PM Parent: #1
يا هندسة الف وتمنمية دولار وما عليك اي ديون وحارس الدوحة يا مفتري ما انت الاشاذ افاق وبس هسي عليك الله لو لميت ليك في جسرين من الجسور الربوية دي ما اكان اخير لك من الحوامة بسوق واقف؟ تحياتنا بصراحة ناس المؤتمر الوطني ديل حقو يشوفو ليهم ثيردباك غير ربيع دا. دا ابو داوود ما زيو
Post: #6 Title: Re: القراي ينجض البوووق ربيع نجاض قبورة...!! Author: مها عبد الله Date: 07-10-2012, 09:19 PM Parent: #1
لقد فقد المنطق البوق ربيع ، القراي وعاهم وقراهم فعلا
وهاهو يُمارس لعبة الكيزان الغبية مرة أخرى ، الضحك على هذا الشعب بإسم الدين ....
جيبوا لينا الفرجة البي ببلاش دي يا كيكي ياخ الشماتة في بنو جكة على الهواء مباشرة سمحة بالحيـــــــــل والله صحي
سلام يا كيكي وحبايبك الزوار
Post: #10 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 09:31 PM Parent: #9
Quote: يا كابتن ياخ انا اتعاطفت مع ربيع واتفهمت موقفه يوم قال عايز يدفعوا ليه عشان يطلع على الهواء مع الجزيرة معقول النجاض دا و بالإنجليزي و ملح كمان
ربيع يا عمك عينو قوية وسنو ملوية وهو في كرسي وفي مقعد مافي ليهو حلول الا يزيد في ابنصات الكضب والورجغة الشديدة المفاجئة حاول يشتت الكورة (فيصل القاسم) حاصرو وعمل ليهو مقصات فرجع زاد الابنصات في الكضوبات لدرجة طلع الشعب السوداني كلو موتمر وطني...
وغايتو الليلة قابض قابض لانو الاتجاه المعاكس ده (الظرف بتاعو شحمان) وممكن يضرب جكن برضو في الشيرتون ويسبح في سخانة الدوحة دي في حوض موغل في الارستقراطية ويطلب الله يمشي يشوف نهايتو مع شذاذ الافاق الراجينو ديل
Quote: ناس المؤتمر الوطني ديل حقو يشوفو ليهم ثيردباك غير ربيع دا. دا ابو داوود ما زيو
غايتو الزول ده إلا يكون صاحب المدرب كلو مرة يجيبو يمرمطو وتاني تجي تلقاهو قائد الدفاع غايتو بعد ده إلا يشوفوا ليهو طريقة إعارة
Post: #13 Title: Re: القراي ينجض البوووق ربيع نجاض قبورة...!! Author: مها عبد الله Date: 07-10-2012, 09:42 PM Parent: #11
Post: #12 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 09:42 PM Parent: #10
Quote: الرسالة وصلت للشعب وانقشع التضليل اليومي وأنكشفت وسائل الكذب الصريح لدرجة إنكار القروض التي وقعت أمام عيون الشعب وصورت في التلفزيونات وناقشها البرلمان وأوردتها الصحف ..
مثل هذه القيادات التي تكذب (على الهواء) وتدعي تطبيق الإسلام بـ (قوة عين) يحسدون عليها هم نماذج الذين يحكمون ويستكبرون عن إعلان الحقائق الصرفة ... إلى أن (وقع الفاس في الراس) ..
نعم يا احمد والبوووق ربيع كان اليوم خير ممثل للانقاذ والسلطة التي تبني كل حراكها علي كذب في كذب لابد ان يدافع عنها مثل هذا الربيع عبدالعاطي الكذوب والحلقة بمجملها مسمار من المسامير الاخيرة في نعشهم المتهالك لانو بكذب علي شعب متابع لكل اشيائه...
وحتي الديون التي انكرها قاللها البشير بعضمة لسانه في انهم 85 في المية من المشاريع بالدين...
ونفي القروض التي تبوبر وتشوبر بها في البشير في لقائه مع بوق النيل الازرق
وحنجيب فيدوهات ويوتيبات للرد علي هذا البوووق من خشم البشير شخشيا
تمكن الرجل من تقديم 70% من المطلوب منه على الهواء مباشرة وهذا مؤشر ممتاز.
فيما لم يستطع ربيع عبد العاطي أن يقدم للمشاهدين 10% مما توقعه من أرسلوه إلى البرنامج.
ومزيداً من التركيز رجاء للمحاورين القادمين والبرامج القادمة.
Post: #14 Title: Re: القراي ينجض البوووق ربيع نجاض قبورة...!! Author: حمد فتح الرحمن Date: 07-10-2012, 09:46 PM Parent: #10
دكتور عمر القراى رجل مربى ومهذب بي فكر
نوع الاهبل دا ما ينفع معاه واحد صعلوك من شاكلتو ومربى على فكرتو
Post: #16 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 09:55 PM Parent: #14
Quote: وينفع كمان مُحلل كورة .. خاصة في الجانب الخططي
القراي الليلة بداء كلاعب وسط ماهر عارف شغلو وكورتو كويس وعلي طريقة الشهير بشارة ابو اضان كان رابط كورة القضايا الاساسية ربيط شديد وما غرد خارج سربها 1- الانتهاكات 2-الفساد 3-الحالة المعيشية 4- التهتك السياسي 5-المتاجرة بالدين
وشغلو كلو اتمحورفي الاشياء دي واداها الفيها النصيب بسلاسة وبامثلة من جوووه الجك
Post: #18 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 10:01 PM Parent: #16
Quote: ناس المؤتمر الوطني ديل حقو يشوفو ليهم ثيردباك غير ربيع دا. دا ابو داوود ما زيو
ياعمك ديل لو جابو (ابليس) زااتو ووقفو ثيرباك ما بقدر بسدها ليهم لانو القصة مورجغة ومقدودة من كل الاتجاهات وليس ربيع عبدالعاطي الكان الليلة بجيب من جوووووه الموتمر الوطني كلووووووو الليلة واثناء الحلقة كان ببلع ريقو وبجيب الكورة من جوووووه
.ركز القراي على القضايا الأساسية تماماً ولم يلتفت ولا مرة لمحاولات ربيع صرف نظره عنها للنقاش حول الفكرة الجمهورية رغم الأكاذيب والتخرصات التي قالها ربيع عنها من نوع إشاعة الإخوان عن تحريف النص القرآني (سنسمه على الخرطوم ).المشاهد لم يجيء لركن نقاش مع الجمهوريين وربيع يعلم هذا وكان بوده لو أن القراي خرج عن موضوع البرنامج. الدقائق الخمس الأخيرة شعر بها ربيع وأراد بانتهازية بائنة أن يكسب عن طريقها نقطة لذا لجا إلى التهريج المتواصل ولم يسمح للقرّاي بأن يكمل كلامه
Post: #19 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 10:08 PM Parent: #17
Quote: لقد فقد المنطق البوق ربيع ، القراي وعاهم وقراهم فعلا
وهاهو يُمارس لعبة الكيزان الغبية مرة أخرى ، الضحك على هذا الشعب بإسم الدين ....
البوق صحَاف السودان يمارس الكذب والتضليل كعادته !
هلا يامها والبوق الليلة اكردن كردينة السنين وكل الحيل والاكاذيب التي هبشها اردت عليه ومن كذباته الكبري التي سمعها كل الشعب افاد بان متوسط دخل الفرد السودان 1800 دولار يعني قريب للعشرة مليون جنية ياراااااااجل...
Post: #20 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 10:13 PM Parent: #19
Quote: جيبوا لينا الفرجة البي ببلاش دي يا كيكي ياخ الشماتة في بنو جكة على الهواء مباشرة سمحة بالحيـــــــــل والله صحي
هلا يا سوما واهو العزيزة مها من نواحي لندن اتتنا مشكور ة بالحلقة عشان تتفرجي في الكضوبات بنسمع بكضب السواد من قمنا اها الليلة البوووق ربيع ورانا (كضب السواد علي الهواء مباشرة) كضب رهيب وخرافي واسطوري لوووووووول
Post: #21 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-10-2012, 10:48 PM Parent: #20
لقيمات الكضبات الكيزانية اصبح يتم رميه في صاج الفيس بوووك سريع من شرفاء هذا الشعب الجميل والرسمة من وحي هذه الحلقة
Post: #22 Title: Re: القراي ينجض البوووق ربيع نجاض قبورة...!! Author: abdelrahim abayazid Date: 07-11-2012, 00:23 AM Parent: #21
التحية ل دكتور عمر القراي شعرت تماما ان الرجل يمثلني ويتحدث باسمي
فله الف تحية وثورة حتي النصر
Post: #25 Title: Re: القراي ينجض البوووق ربيع نجاض قبورة...!! Author: Mohamed Yassin Khalifa Date: 07-11-2012, 01:04 AM Parent: #22
كيكي العزيز.. سلامـــات
يا أخي القراي ده فعلاً عظيم! زول فعلاً تأدب على يد أستاذ معلم.
تحدث بلغة سودانية واضحة تنم عن سودانية رفيعة وتحلى بمنطق وحجة العارف المتزن والخبير!
قال البشير كذاب... كذب في مناطق حددها فرد عليه ربيع دولارات: أستطيع أن أقول أنت منافق.. وسكت لأنو لا يستطيع أن ينفي كذب بشيره وما بقدر يكذب العارف بالله القراي!
تعرف لو كان أمامه زول غير د. القراي كان سعله: إنتا يا ربيع دولار، قابض كم في الحلقة دي؟
Post: #23 Title: Re: القراي ينجض البوووق ربيع نجاض قبورة...!! Author: خالد العبيد Date: 07-11-2012, 00:44 AM Parent: #21
بالفعل كان القراي ثابتا قوي الحجة والبيان الكوز القمئ ربيع فشل في الاجابة على سؤال واحد من اسئلة مقدم البرنامج ناهيك من الصمود امام كلام القراي الذي انهمر غلى راسه كالرصاص
Post: #24 Title: Re: القراي ينجض البوووق ربيع نجاض قبورة...!! Author: عبد الحي علي موسى Date: 07-11-2012, 01:01 AM Parent: #23
الكيزان يدركون جيدا أن المنابر الحرة ستعريهم. لذا لجأ ربيع البوق إلى الكذب والخروج عن الموضوعية. وهو يعرف القراي جيدا منذ الجامعة. وإذا استمرت الحلقة، لأغمي عليه من الغيظ. شكرا عبد الكريم وشكرا القراي.
Post: #27 Title: Re: القراي ينجض البوووق ربيع نجاض قبورة...!! Author: Amani Al Ajab Date: 07-11-2012, 01:17 AM Parent: #24
التحية للدكتور القراي الذي لم يستجيب للإستفزاز والهجوم الشخصي ووصلت رسالته للجميع .. الفرق شاسع بين عرض قضية شعب يقاوم وشخص يداهن بالدفاع عن الجلاد.. شكراً الأخ عبد الكريم ودمت بالف خير..
Post: #26 Title: Re: القراي ينجض البوووق ربيع نجاض قبورة...!! Author: Hani Abuelgasim Date: 07-11-2012, 01:09 AM Parent: #23
Post: #28 Title: Re: القراي ينجض البوووق ربيع نجاض قبورة...!! Author: الخير محمد عوض Date: 07-11-2012, 01:28 AM Parent: #19
الواحد فينا كلما يستمع ليهو لحوار مع واحد من الاسلاميين ديل بيذداد كرها لهذا النظام القاتل مشكلة الكيزان دايما بعرضو ناسهم الاكثر كرها من الشعب السوداني في وسائل الاعلام ليذداد كره الناس لهم.... وهذا الربيع عبد العاطي كاذب اشر كيف له ان يقول بان المتاظهرين يمكن عدهم باصابع اليد الواحدة, هسي لو جابو ليهو الفيديوهات وعرضوها ليهو ما بخجل... كل مدن السودان الان متظاهرة وناقمة وثائرة وكارهة لهذا النظام المستبد العنصري المتجبر القاتل الظالم... الان الشعب السوداني جائع هذه حقيقة لا ينكرها الا كل كوز معتد اثيم وهذه الثورة لن يوقفها كذبهم هذا وستستمر الى ان تقتلع هذا النظام من جذوره وهذه هي الحقيقة التي يخافون ويرتعبون في مواجهتها وان لم يحدث هذا اليوم فسيحدث غدا رغم انف هذا الربيع عبدالعاطي وكل زبانية النظام الذين باعوا ضمائرهم لعرض دنيا زائل.... حسبي الله ونعم الوكيل فيكم, حسبي الله ونعم الوكيل فيكم
الله يمرضو مرضنا ياخ
Post: #29 Title: Re: القراي ينجض البوووق ربيع نجاض قبورة...!! Author: طلعت الطيب Date: 07-11-2012, 01:52 AM Parent: #28
سلام يا عبد الكريم
ما زلت اتذكر وانا بعد طفل فى مدينة عطبرة انتخابات 1968م، كان مرشح جبهة الميثاق جزار إسمه محمد احمد ابودقن وكان رمزه الديك ، وحينما كنت اذهب الى زنكى الخضار اسمع سخرية الناس منه ومحاكاتهم لصوت الديك (كوكوكو) حينما يمرون من امام جزارته.. كنت فى قرارة نفسى مستاء جدا ويحاصرنى التساؤل التالى : ليه الناس بيسخروا من المسلم ويصوتوا للشيوعى ؟ ظل هذا التساؤل باق داخلى حيث لم يهتز بفعل المناهج التعليمية التقليدية التى كانت تعززه ، ولكنه بدا يختل ويهتز فى الجامعة حينما وقفت على كذب الجماعات الاسلاموية ! وطبعا القدرة على الاطلاع على خبايا تناقضاتهم واكاذيبهم لا تاتى إلا من خلال متابعة الاحداث . الخصلة الثانية المنفرة هى (الكراهية .. القدرة على كراهية الاخر) تفحص فى وجه ربيع عبد العاطى لتعرف مدى الكراهية التى يكنها الرجل للقراى و للاخر المختلف ايا كان.. لاحظ انا هنا لا اتحدث عن الحماس بل اتحدث عن الكراهية المحضة والغياب التام للود، لان ما شاهدته فى تعابير هذا العبد العاطى اطنان من الكراهية لا علاقة لها بالحماس والقناعة والموضوعية!!1 هناك مشكلة فى هذه الشخصيات ليس لهاعلاقة بالفضيلة على الاطلاق .. هى قد تكون مشكلة عامة لها ظروف وملابسات لكنها موجودة بشكل مركز فى جماعات الاسلام السياسى خاصة القيادات منهم وفق استثناءات طبعا.
Post: #30 Title: Re: القراي ينجض البوووق ربيع نجاض قبورة...!! Author: Bashasha Date: 07-11-2012, 02:11 AM Parent: #29
عبدالكريم،
في السودان كلو هناك نفرين واحد منهم القراي، هم الوضعو اساس فن ادارة الصراع الفكري، البدرس كمادة هنا في امريكا من سن الابتدائي للاطفال.
حقيقة لي روحي وان كنت مسجل في الاداب كطالب ولكني خريج جامعة مقهي النشاط، او كنت سعيد او محظوظ ان تتلمذت علي يدي احمد المصطفي دالي، افضل من يدير معركة صراع فكري في المليون ميل!
زول ما ملم كويس بي امكانات القراي اطلاقا ماينزل معاهو في حلبة للملاكمة الفكرية!
اذا دالي هو محمد علي كلاي، فالقراي هو مايك تايسون حقيقة!
القراي لازع في سخريتو ولكن بي اسلوب راقي جدا!
غايتو الما عاصر دالي والقراي في مقهي النشاط، نص عمرو في الحتة دي راح!
Post: #31 Title: Re: القراي ينجض البوووق ربيع نجاض قبورة...!! Author: سناء الصباغ Date: 07-11-2012, 02:38 AM Parent: #29
كيكي سلامات
الجو بديع والدنيا ربيع
قراينا ضليع والكوز فظيع
و الشعب منيع رفض التركيع
من شدة ما اتغظت من الكوز دا وكذبه المستفز لما بقيت اشعر هههها قلت لي الغلبها القراي جات تأدب الفكر الجمهوري؟
لكن قراي خالص والكوز ما ناقش فكره البدون فكر شن خبره بالفكر الجمهوري
كما قال استاذنا فتحي الضو لابد من الديمقراطية وان طال السفر والكذب دا مع ال1800 دولار الشعب حا يقضفكم ليها
ر
Post: #32 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 05:27 AM Parent: #31
Quote: غايتو الزول ده إلا يكون صاحب المدرب كلو مرة يجيبو يمرمطو وتاني تجي تلقاهو قائد الدفاع غايتو بعد ده إلا يشوفوا ليهو طريقة إعارة
تحياتي يامنعم وربيع الحكاية بتاعة الصحافية(من الصحاف) يقت بالنسبة ليهو (ماكلة) وتجارة رابحة واصلا بعدما لهطو خزينة الدولة السودانية اصبحو يتحرفنو في التجارة في ماسي واحزان الشعب حتي ولوعبر (بيع) كذوبات للقنوات (كذوبات مدفوعة الثمن) عبر الاثير..
ربيع ده يوقفو من الشغلة بتاعة (صحاف صحاف) حيتمرد عديل كده لانو بكونو كابسو في رزقو في زمانات خواء العامة
--------------
Quote: ومزيداً من التركيز رجاء للمحاورين القادمين والبرامج القادمة.
نعم ياهاني القراي كان علي التركيز في مهمتة الاساسية (والمشن الاعلامي المتوقع) في برنامج عالي المشاهدة وظف المداخلات التي اتيحت لهو وضخ فيها اكبر عدد من المظالم ومارس التنوير بعناية فائقة
---------------
Quote: دكتور عمر القراى رجل مربى ومهذب بي فكر
نوع الاهبل دا ما ينفع معاه واحد صعلوك من شاكلتو ومربى على فكرتو
هلا ياحمد والفرق فعلا كان واضح والبون شاسع في كل المناحي ما بين انتهازي وبوق ورباطي يدافع عن الشيطان وما بين رجل فاهم وعميق ويتحدث بكل منهجية وعلمية مرتبة تجعلك فخور تما ما بابناء هذا الشعب المغيبين في زمانات التردي والضياع وسطوة الطفابيع ربيع زول رباطي وبس واعجبني فيصل القاسم عندما اشار اليها واداها خلاص بعدها الجزيري وسوف تسير بها الركبان..
-----------
Post: #33 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 05:45 AM Parent: #32
Quote: ركز القراي على القضايا الأساسية تماماً ولم يلتفت ولا مرة لمحاولات ربيع صرف نظره عنها للنقاش حول الفكرة الجمهورية رغم الأكاذيب والتخرصات التي قالها ربيع عنها من نوع إشاعة الإخوان عن تحريف النص القرآني (سنسمه للخرطوم ).المشاهد لم يجيء لركن نقاش مع الجمهوريين وربيع يعلم هذا وكان بوده لو ان القراي خرج عن موضوع البرنامج. الدقائق الخمس الأخيرة شعر بها ربيع واراد بانتهازية بائنة أن يكسب عن طريقها نقطة لذا لجا إلى التهريج المتواصل ولم يسمح للقراي بأن يكمل كلامه
تحياتي يا دكتور واعجبني تماما تركيز القراي في القضايا الاساسية والمهمة والملحة لهذا الشعب واهمها (قفة الملاح) والمتسولين الذين تجلدهم الحكومة وتطاردهم في طرقات المدن وربيع عبدالعاطي كان مشتاق في ذاته المهزومة الي تحويل الامر برمته الي (معركة طواحين هوائية) حتي يحجب الحقائق التي لن يستطيع الدفاع عنها وحاول محاولات مستميتة فعلا الي تحويل الصراع الي حوار هلامي متورجغ عبر مهابشة الفكر الجمهوري بعيدا عن محاور النقاش... وهو لايهمه امر الشعب السوداني بل كل همه هو الهروب الي الامام وكان قضايا الشعب السوداني الاساسية ستحل عندما يناقش في سفاسف امور الحلقة ...
هي سطوة الوعي المستبد يادكتور وسيرة الشموليةفي مخيخهم العجيب واسلوب من اساليب ابواق الطغاة عبر كل الحلقات التي تفرجت عليها في هذا البرنامج منذ ازمة تونس ازمة مصر ازمة ليبيا واليمن وسوريا الان ظل هذا التكتيك مرافق لكل ضيف ياتي دفاعا عن طاغية من كل الطواغيب التي سقطت الان...
فالطغاة كتابهم واااحد يذاكرون منه والابواق ايضا كتاب اسلوبهم وتكتيكاتهم كتابها ووحيد ومحفوظ
--------------------------------
Quote: شعرت تماما ان الرجل يمثلني ويتحدث باسمي
نفس الاحساس يا عبدالرحيم ونردد معاك ونقول القرااااي زول قرااااااي يااخ
Post: #34 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 05:51 AM Parent: #33
من كضوبات البوق ربيع في حلقة امس
قال حزب الامة ما فضل فيهو زول الا الصادق المهدي وبتو ياااخ يابوق خاف من الله ومن شيخي شكر الله
وكنت تقول اقلتها فضل فيهو الصادق وبناتو ومحمد فول الخطفتو ده ومعتقلنو محلو مامعروف وين ده
Post: #35 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 06:05 AM Parent: #34
Quote: تحدث بلغة سودانية واضحة تنم عن سودانية رفيعة وتحلى بمنطق وحجة العارف المتزن والخبير!
هلا يا ود يس تعرف اكثر حاجة انا كنت مرتاح ليها في حلقة امس هي (الحضور الطاغي للهجة السودانية) عند دكتور القراي.. والبرنامج ورغم انو متابع من مختلف الجنسيات العربية الا ان (المشن والتنوير) في ظني معني بيهو الشعب السوداني والبيت السوداني تحديدا وبالاضافة الي (توطين اشيائنا) السودانية وفرضها علي اذن المستمع العربي وايضا ات هذه اللهجة اضافة الي الجهود الجبارة من اجل سودنة الثورة السودانية وتخليصها من سطوة التقليد.. فقيل (الكتاحة-الرباطة- لحس الكوع) واتي القراي واضاف اليها نكهة اللهجة السودانية الخالصة التي علينا ان نعتز بها... -- اشارة الي (كذب) البشير تلك الاشارة الشجاعة كانت ضربة معلم واحسبها قد اعجبت فبيصل القاسم (الزول اللابد للطغاة في جخانين الجزيرة) ولذا طالب القراي بتاكيدها وترديدها كذا مرة...
ايضا عندما افاد القراي بان هولا القوم ليس لهم علاقة بالدين مارس فيصل القاسم الزووووووم اووووت وطالب بتكررها حتي ترسخ في ذهنية المشاهد وده شغل بتاع محترفين نثمن لفيصل القاسم دوره فيه رغم ورجغة الجزيرة وعزوفها عن مساككة ثورتنا
Post: #36 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 06:13 AM Parent: #35
قليلا من الفيس بوووكيات في حضرة ورجغة البووق ربيع ليلة امس لاتضر للنجاض القبوري قضية
وهنا الدولار مهجوووووووم وراسو زاااتو اتقطع
Post: #37 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 06:44 AM Parent: #36
Quote: بالفعل كان القراي ثابتا قوي الحجة والبيان الكوز القمئ ربيع فشل في الاجابة على سؤال واحد من اسئلة مقدم البرنامج ناهيك من الصمود امام كلام القراي الذي انهمر غلى راسه كالرصاص
نعم ياخالد فالكوز بالامس فضح وعيه الركيك بالاشياء علي قارعة اشهر برنامج في الشرق الاوسط الجديد وكانت الحلقة بمجملها اضافة ثرة للتعريف بهذا النظام المجرم بسلاسة ومحاصرة ومنطق وتم حصار البوق حصار مالطا
Quote: الكيزان يدركون جيدا أن المنابر الحرة ستعريهم. لذا لجأ ربيع البوق إلى الكذب والخروج عن الموضوعية. وهو يعرف القراي جيدا منذ الجامعة. وإذا استمرت الحلقة، لأغمي عليه من الغيظ. شكرا عبد الكريم وشكرا القراي.
نعم ياعبدالحي والبووق وجد نفسه محاصرا ما نارية اسئلة فيصل القاسم ومنهجية القراي في ضرب ركب الكيزان المتهالكة ولذا لجاء الي التشتيت والاساليب (القرعة) والعنف اللفظي وفزاعات ميتة ولاتسمن ولاتغن المشاهد من جوع خاوية للمنطق والحجة ومجافية للحقيقة
---
Quote: الفرق شاسع بين عرض قضية شعب يقاوم وشخص يداهن بالدفاع عن الجلاد..
نعم ياماني اقوي منصات القراي بالامس هو انه كان صوتا لشعب بينما البووق ربيع يدافع عن عصابة مجرمة مثخنة بالفشل والجرائم والورجغة
-------- الف تحية ياهاني وليلة امس اثبتت بان النبض الثوري السوداني صاح اربعة وعشرين ساعة وادوات عمله نزلت للاسفير بعد دقائق قليلة فانهمر الفيس بووك تحديد بابداعات شبابية ملهمة ومرحة وعميقة... واحنا مرقنا مرقنا خلاص...
----------
Quote: وهذا الربيع عبد العاطي كاذب اشر كيف له ان يقول بان المتاظهرين يمكن عدهم باصابع اليد الواحدة, هسي لو جابو ليهو الفيديوهات وعرضوها ليهو ما بخجل
بالله يا الخير شفت الورجغة والعين القوية والسن الملوية دي رهيبة كيف هههههههههههه نكر المظاهرات حطب وقال الحكاية كلها في جامع وااااحد والله وااااحد كانه يتحدث عن الواق واق وليس سودان العيلفون والابيض والقضارف والديم وبورتسودان وسنار القرير والكلاكلة والجريف وجامعة الخرطوم وعيييييييييييييييييك
Post: #38 Title: Re: القراي ينجض البوووق ربيع نجاض قبورة...!! Author: khaleel Date: 07-11-2012, 06:46 AM Parent: #36
ممراح
لم تعجبني نتيجة التصويت
النتائج متقاربة جدا
Post: #39 Title: Re: القراي ينجض البوووق ربيع نجاض قبورة...!! Author: الهادي هباني Date: 07-11-2012, 06:49 AM Parent: #36
المشكلة ليست في الكذب فهو أحد خصائص طغمة الإنقاذ الفاسدة الملازمة لها و مستحيلة التعضي عنهم و لكن المخزي فعلا أن يكذب الإنسان و يصدِّق كذبه ،،، إنها حالة مرضية متقدمة جدا و مستعصية ،،،
Post: #40 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 06:57 AM Parent: #39
Post: #41 Title: Re: القراي ينجض البوووق ربيع نجاض قبورة...!! Author: أبوبكر بشير الخليفة Date: 07-11-2012, 07:20 AM Parent: #40
الواحد يستغرب من حكومة عمر البشير هل فى السودان دا كلو ما فى اخو مسلم احسن من ربيع عبد العاطى ده عشان يتكلم بى اسم الحكومة؟
Post: #42 Title: Re: القراي ينجض البوووق ربيع نجاض قبورة...!! Author: عبدالمنعم الزين Date: 07-11-2012, 07:44 AM
اخوتي المتداخلين
الهندي عز الدين رأيه شنو في الحلقة دي ؟؟؟؟ ياتري هل حضرها والا كان مشغول في تحضير كذبة اخري .
لا حولة ولاقوة الا بالله ...لوحرصوا علي مخافاة الله قدر خوفهم علي كراسيهم ...لصار السودان غير الذي نعرفه الآن ؟
الشئ البوجع القلب انه الشيخ دا بتكلم وكانه السودان دا خالي من البشر نهائيا أو ان ساكينه لا يعون شيئا ابدا .
التعديل لتصحيح المدخل فقط.
Post: #43 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 08:09 AM Parent: #42
Quote: الخصلة الثانية المنفرة هى (الكراهية .. القدرة على كراهية الاخر) تفحص فى وجه ربيع عبد العاطى لتعرف مدى الكراهية التى يكنها الرجل للقراى و للاخر المختلف ايا كان.. لاحظ انا هنا لا اتحدث عن الحماس بل اتحدث عن الكراهية المحضة والغياب التام للود، لان ما شاهدته فى تعابير هذا العبد العاطى اطنان من الكراهية لا علاقة لها بالحماس والقناعة والموضوعية!!1
هلا يا طلعت وتحياتي وما اعتري وجه ربيع بالامس ملامح لكراهية الاخر اتذكرت تماما تلك الحالة الشهيرة من التعابير الشيطانية التي تعتري وجوه اعضاء الاتجاه الاسلامي في جامعة الخرطوم تحديدا وهم حاملين (للسيخ والمتلوف) وعلي اهبة الاستعداد للفتك بالاخر بكل بشاعة ولا انسانية.. عيون تتحول الي عيون حمراء وتعتري الوش ملامح تغيير انسانيته وتحوله الي ( م سخ ) غريب وحتي الشخص البكون دفعتك فانك قد تحتاج الي تركيز شديد حتي تفرزو وتتعرف عليه من اثر التشويه الذي يبدو جليا بان في الدواخل وينعكس علي تعابير الوجوه
تنظيم بالفعل مبني علي تحقير الاخر وعلي سطوة الذات الانانية في الانسان وحب الذات
والله يكافينا شرهم الناس ديل ياااخ
Post: #44 Title: Re: القراي ينجض البوووق ربيع نجاض قبورة...!! Author: مريم الطيب Date: 07-11-2012, 08:10 AM
كل الدكتاتوريات العربية اسقطها الربيع العربي
اما الكتاتورية (مالتنا) سيسقطها هذا الربيع الكوز
تحية واحترام للاستاذ القراي الذي
ادار الحوار بخبرة هداف ماهر وبحرفية عالية ،
واعيا وبشدة الى المحاولات المتكررة وبسذاجة لتشتيت الحوار
مما دفع بالرجل الى الكذب المخل المخجل حتى بلغنا ال 1800 دولار
التي استحقت وبجدارة ان تدرج في اركيولوجيا الفنايل هههههه
شكرا ياكيكي على ماقيل عن د. القراي في هذا البوست
Post: #45 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 08:18 AM Parent: #44
طلعات فيس بوووكية علي خفيف كده وسيرة الخواجة الذي (انهجم) من كضوبات البووق ربيع عبدالعاطي ليلة امس
------
سنعود لضرب الركب البوووقية الربيعية المتهالكة
Post: #46 Title: Re: القراي ينجض البوووق ربيع نجاض قبورة...!! Author: مريم الطيب Date: 07-11-2012, 08:26 AM Parent: #45
Post: #47 Title: Re: القراي ينجض البوووق ربيع نجاض قبورة...!! Author: حسن محمود Date: 07-11-2012, 08:38 AM Parent: #45
عبد الكريم سلام
ربيع جاي متوتر وخايف من البداية ..حتى نسي يقول بسم الله .. بعكس القراي كان اكثر هدوء وتركيز وقال بسم الله .. بس نسى اهم عيب وام الكبائر في الانقاذ وهي احياء الروح القبيلة والجهوية .
Post: #48 Title: Re: القراي ينجض البوووق ربيع نجاض قبورة...!! Author: عبدالكريم الامين احمد Date: 07-11-2012, 09:04 AM Parent: #47
Quote: زول ما ملم كويس بي امكانات القراي اطلاقا ماينزل معاهو في حلبة للملاكمة الفكرية!
اذا دالي هو محمد علي كلاي، فالقراي هو مايك تايسون حقيقة!
شالوم يا بشاشا وحياك امون رع ونحن يا بشاشا جيل ما محظوظ لاننا دخلنا الجامعة طواالي بعد استشهاد محمود محمد طه وتوقف اركان الجمهورين في الجامعة ولكن وجدنا سيرة (الدالي والقراي) ومقدراتهم الفذة علي ادارة الجدل والحوار بصورة عبقرية ودالي اتفرجت فيهو في مناظرة في نواحي (واشنطون) جندل وبستف فيها كوز جندلة انسان متمكن في ادوات حواره وله تكتيكات تحدثنا عن عمق التجربة والتمرس... وهاهي الايام وعبر الجزيرة تهدينا جلسة حوارية ساخنة في حضرة القراي حيث الهدوء والتمكن من ادوات الحوار والعمل بتركيز في القضايا الاساسية بكل بساطة وسهل ممتنع وعدم الانجرار الي استفزازات الخصم اللعين...! وشعبنا الجميل جائع تماما في زمانات غياب الحريات الي حوارات شجاعة وعالية التكتيك مثل ما بان بالامس حتي تترفع بوعي الاجيال وحتي يتم تعرية مشروع الموتمر الوطني ذلك المشروع البائس
وتحياتي
Post: #49 Title: Re: القراي ينجض البوووق ربيع نجاض قبورة...!! Author: Ashraf el-Halabi Date: 07-11-2012, 09:21 AM Parent: #48
صورة مقطعية للزعمطة في عاقل يجادل جمهوري يا كيكي!؟
بالمناسبة: عمك دا اسمو القراي ولا العصار؟
Post: #50 Title: Re: القراي ينجض البوووق ربيع نجاض قبورة...!! Author: أحمد الشايقي Date: 07-11-2012, 09:35 AM Parent: #49
ياكيكي ..
عندنا مئات الألاف من العمال والرعاة مغتربين في دول الخليج على رواتب بمتوسط 200 مائتي دولار ... لو كان ما يقوله ربيع عبد العاطي صحيحاً فلماذا يغترب كل هؤلاء تحت لهيب الشمس الحارقة في صحراوات الخليج ... ؟؟
Post: #53 Title: Re: القراي ينجض البوووق ربيع نجاض قبورة...!! Author: بدر الدين الأمير Date: 07-11-2012, 10:02 AM Parent: #50
Quote: لم تعجبني نتيجة التصويت
النتائج متقاربة جدا
بالعكس ياخليل النتيجة دى حصلت وهم مجيشين منظماتهم الموفرين لها احدث وسائل الاتصال زى شعبة الامن الاكترونى والتانية ديك بتاعت ناس محمد حامد جعمة وغيرهن لكن ياكيكى دايرينك تحلل لينا اسباب تشنج ربيع رغم ان القراى ماكان استفزازى بقول في كلام بقوله اي انسان سودانى مامن مؤتمر القتلة
Post: #52 Title: Re: القراي ينجض البوووق ربيع نجاض قبورة...!! Author: فضيلي جماع Date: 07-11-2012, 09:48 AM Parent: #48
سلام يا باشمهندس. أظنني أكثر شخص سيء البخت عشية أمس. لكن صبرك لتعرف السبب. كنت مشغول غاية الإنشغال وما قدرت أقوم للتلفزيون على بعد أمتار وأفتحو عشان أشوف الماتش الما حصل ماتش زيو. وفي نص الحلقة إتصلوا بي الجماعة من لندن ..كانوا متابعين كويس. سألتهم مين ضد مين؟ قالوا لي الدكتور القراي ضد ربيع عبد العاطي. قلت ليهم طيب !! ولم أقم إلى التليفزيون، لأني كنت باختصار عارف إنو فيصل القاسم من غير يدري أتى إلى برنامجه أمس بطرفين غاية في المفارقة: 1- الوعي - (عمر القراي) ضد الغيبوبة - (ربيع عبد العاطي)! 2- الحوار كقيمة إنسانية راقية - (عمر القراي) ضد الديماجوجية والهرطقة - (ربيع عبد العاطي)! 3- الإعتراف بالآخر واحترام ما يقول "كأنه ولي حميم"- (عمر القراي) ضد نفي الآخر باعتباره لا يستحق أن يسمع صوته - (ربيع عبد العاطي) ولأني كنت أعرف النتيجة سلفاً فقد مكثت حيث كنت ، ولم أقم للتلفزيون لأشاهد الماتش الذي كان باعتقادي أشبه بمباراة بين فريق برشلونة وفريق امبدة شمال (مع الإعتذار لحبايبنا سكان امبدة وجلهم من أهلي المهمشين)!
يا كيكي اكتر شئ كان لافت للنظر انفعال ربيع عبدالعاطي وخروجه عن طوره وانكاره لاي تظاهرات بل وقوله ان ثورة السودان قامت في ١٩٨٩ يعني الانقلاب بقي ثورة ؟!! وكان القراي حصيفا ومرتبا ..
Post: #55 Title: Re: القراي نجض Author: عبدالله عثمان Date: 07-11-2012, 10:57 AM Parent: #54
Post: #56 Title: Re: القراي نجض Author: عبدالكريم الامين احمد Date: 07-11-2012, 10:59 AM Parent: #54
Quote: الجو بديع والدنيا ربيع
قراينا ضليع والكوز فظيع
و الشعب منيع رفض التركيع
من شدة ما اتغظت من الكوز دا وكذبه المستفز لما بقيت اشعر هههها قلت لي الغلبها القراي جات تأدب الفكر الجمهوري؟
هلا يا سناء وتحياتي وربيع السواها رقدت قش وحول نفسه الي بهلون بوقي ستسير بسيرته الركبان.. وتري ماذا كان سوف يقول لو جاهو مواطن سوداني اعزل ماعندو اي خلفية فكرية وحاصروا نفس الحصار الرهيب الامس ده.. هي قلة حيلة الانسان المهزوم والعاجر واهو الليلة ادانا نحن كشذاذ افاق مادة اسفيرية دسمة تقضي علي ما تبقي من تهافته وكذبه الفاضح ليلة امس
عارف يا كيكي إحنا وقعنا في ظل المطر زي ما بيقولوا. يعني دخلنا الجامعة بعد الإنتفاضة طوالي عام 1985 و ما حصلنا إبداعات القراي و دالي. بس الدعاش وصلنا و سمعنا ببعض الحكاوي عنهم. أحكي ليك دي سمعتها من صديق: قالوا يوم الدالي كان بيستمع لي ركن نقاش بتاع أنصار سنة و شيخ الهدية يهاجم في الصوفية و يقول: " يا ناس الفقرا ديل ما بينفعكم، الشيوخ ديل ما عندهم حاجة ما تستمعوا ليهم. ما بيقدرا يسوا اي حاجة. الامر كله بيد الله" و قام شيخ الهدية رمى عصايتو وقال: " يا شيخ المكاشفي أرفعها؟ يا أبشرى أرفعها؟". ثم إلتفت على الحضور و قال ليهم: "أهه شفتوا الشيوخ ديل ما بيقدروا يعملوا اي حاجة ؟" قالوا الدالي من بعيد كورك ليهو: " يا شيخنا قول يا الله خليوه يرفعها ليك؟" شيخ الهدية زهل و إلجم و ما عرف يقول شنو. و قبل عليهو و قال: " و الله إنت شاطر و فاهم بس مباري لي شيطانك ده" حسب رواية الراوي إن الجمهور صفق لي دالي و إنتشوا شديد و شيخ الهدية طوالي طلع من الركن و فرتقو و إستلم المايك طوالي الدالي و قال للناس : " ما قلنا ليكم زي شيخ الهدية ده ما بينفع يجي يعمل اي حاجة في جامعة الخرطوم".
Post: #58 Title: Re: القراي نجض Author: عبد الله كسلا Date: 07-11-2012, 11:47 AM Parent: #57
هلا ياخلي والخج يا خلي هو سيد الموقف في مثل هكذا تصويت ومجموعة الجداد الالكتروني اجهزتها جاهزة موية وزيت لممارسة الخج ذلك العشق الكيزاني فعشان التصويت ما بدي اي موشر سوي موشر (حماس بني كوز تجاه خجخجة الاشياء)
------------
Quote: المشكلة ليست في الكذب فهو أحد خصائص طغمة الإنقاذ الفاسدة الملازمة لها و مستحيلة التعضي عنهم و لكن المخزي فعلا أن يكذب الإنسان و يصدِّق كذبه ،،، إنها حالة مرضية متقدمة جدا و مستعصية ،،،
نعم يا الهادي ودي اكبر المشاكل فعلا لاننا نتعامل مع نظام مكابر ومريض في كل اشيائه ومصر اصرار عجيب في المسير بالشر الي مالانهاية
--------------
Quote: الواحد يستغرب من حكومة عمر البشير هل فى السودان دا كلو ما فى اخو مسلم احسن من ربيع عبد العاطى ده عشان يتكلم بى اسم الحكومة؟
هلا يا ابوبكر وكلهم علي شاكلة ربيع عبدالعاطي والحكاية تربية وسلوك تنظيمي وحالات مرضية متوزعة علي اعضاء هذا التنظيم العجيب وفي مثل كردفاني موغل في الدهشة بقول (ام الك لب بعشوم) وهو ينطبق عليهم تماما
-----------------
Quote: الهندي عز الدين رأيه شنو في الحلقة دي ؟؟؟؟
البوق الهندي عزالدين بالتاكيد بكون متمني يكون قاعد في مقعد ربيع ليلة امس حتي يمارس هوايته المفضلة في الدجل والتدليس والتبويق
------------
Quote: مما دفع بالرجل الى الكذب المخل المخجل حتى بلغنا ال 1800 دولار
التي استحقت وبجدارة ان تدرج في اركيولوجيا الفنايل هههههه
هلا يا مريم وحبابك ايتها الكنداكة الصنديدة وربيع عبدالعاطي بكضبو ده جايبها الدلجة جايبها الدلجة ونحمد الله وشيخي شكر الله لانو ماعندنا ربيع في فصولنا واهو القصة (بينت) ربيع عبدالعاطي عشان يدي الموضوع دفرة بكضوباته العينة دي . ويولع جمر الثورة كمان وكمان...
الليلة كنا بصدد فيرشن جديد من سلسلة فنيلتك بعنوان (شية صيف بتاع فنيلتك يا بشة ولكن المشاغل ومساككة الغربة ام دق) ولكن حتما سنواصل في فنيلتك
والمحير في الأمر يا كيكي بعد هذه البستفة القرايية هناك بعض الكيزان اعتبروا زولهم المتشنج انتصر. أتمني أن يتحمس ربيع لمناظرة القراي عن الاسلام والجماعات الاسلامية والفكر الجمهوري عشان يخلي المايشتري يتفرج في هذا البوق الساذج....
شكرا على البوست والثورة مستمرة
Post: #63 Title: Re: القراي نجض Author: عبد الحي علي موسى Date: 07-12-2012, 01:51 AM Parent: #62
Quote: في السودان كلو هناك نفرين واحد منهم القراي، هم الوضعو اساس فن ادارة الصراع الفكري، البدرس كمادة هنا في امريكا من سن الابتدائي للاطفال.
حقيقة لي روحي وان كنت مسجل في الاداب كطالب ولكني خريج جامعة مقهي النشاط، او كنت سعيد او محظوظ ان تتلمذت علي يدي احمد المصطفي دالي، افضل من يدير معركة صراع فكري في المليون ميل!
زول ما ملم كويس بي امكانات القراي اطلاقا ماينزل معاهو في حلبة للملاكمة الفكرية!
اذا دالي هو محمد علي كلاي، فالقراي هو مايك تايسون حقيقة!
القراي لازع في سخريتو ولكن بي اسلوب راقي جدا!
غايتو الما عاصر دالي والقراي في مقهي النشاط، نص عمرو في الحتة دي راح!
Post: #65 Title: Re: القراي نجض Author: عبدالكريم الامين احمد Date: 07-12-2012, 06:08 AM Parent: #64
هلا يا ابوالشوش وبمناسبة الجداد الالكتروني نهديك هذا الصنف الفور ويل درايف حتي ترعوي ايها الشاذ حلبيا
------------ مع تحياتي للجميع وحتما سنعود وسنواصل في ضرب الركب البوووقية عند ربيع بتاع ال1800 دولار
Post: #66 Title: Re: القراي نجض Author: Ahmed al Qurashi Date: 07-12-2012, 07:23 AM Parent: #65
سلامات عزيزي كيكي
وانا في السنة الأولى كنت من المدمنين لاركان النقاش التي يتحدث فيها الدكتور عمر القراي
ولقد تعلمت منه الكثير في فن ادارة اركان النقاش .,, وطريقة طرح الأفكار لكي يتفبلها المتلقي
عمر القراي رجل مثقف ومرتب ومهذب ويعرف جيدا كيف ينال من خصومه بالضربة القاضية
بقليل من الحقائق جعل ربيع عبد العطي يرقي ويزبد ويكذب
التحية والتقدير للدكتور عمر القراي
ولك التجية عزيزي كيكي
Post: #67 Title: Re: القراي نجض Author: عبدالكريم الامين احمد Date: 07-14-2012, 07:05 AM Parent: #66
التحية والتقدير لكم جميعا وعبورك هذا البوست الذي احتفي بواحدة من مكتسبات التغيير في السودان وتلك المناظرة التي ضربت في جدار النظام المتهالك لدرجة جعلت الموتمر الوطني ينكر ربيع عبدالعاطي (حطب) وهذا لعمري وحدة يكفي وموشر مذهل لتداعيات هذه المناظرة التي نتمني ان تتواصل في كل الامكنة والقنوات الممكنة
