Post: #1
Title: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:11 PM
Parent: #0
يعود الاستديو التحليلي لسودانيز اونلاين وهذه المرة عودته تشابه البث التلفزيوني من ارض المعارك
والحروب ولكن وفي وسط هدير الرصاص الاسفيري المنطلق في مساحات اسفيرية ليس ببعيدة من هذا الاستديو
سنواصل هنا السفر والترحال في فيرشن جديد من فيرشنات الاستديو الاسفيري حتي نرصد ونحاول ان نحلل موقع المنبر من القضايا الاساسية وقد نهابش بعض الكركبات التي طلت او تطل ما بين الفينة والاخري وقد نصلح سراير وعناقريب اسفيرية ان دعت الضرورة وليس (دات كما قالها صديقي الصادق ذات يوم)...
|
Post: #2
Title: Re: الاستديو التحليلي لسودانيز اونلاين....!!
Author: عبدالوهاب علي الحاج
Date: 10-22-2010, 02:17 PM
Parent: #1
|
Post: #3
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:18 PM
Parent: #1
القضايا الاساسية والملحة التي فرضت ذاتها للحوار والتدوال في جوانبه المفيدة قد نجملها في الاتي
1- الوحدة والانفصال... حنشوف اش لون التدوال والاستقطاب ونوعية الخطوبات والكتابات
2-غاغات الموتمر الوطني
3- الجبهة الوطنية المتحدة وظهورها الاسفيري والهجمة والهجمة المضادة لها
4- قضية دارفور وتداعياتها وفيلمها المدور اربع وعشرون ساعة
5- ابيي
6- القوات الدولية
ود ندلف الي بعض بوستات البلع الاسفيري التي صارت ظاهرة اسفيرية وشحت الدورة الحالية والدورات السابقة
وايضا قد نرصد تطور اللفظ الاسفيري الكركبي وعودة لغة موغلة في الكركبة
وسنعود
|
Post: #4
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:21 PM
Parent: #3
هلا يا رهط
وشوق كبير يا عمك الي العمل الشاق والدعك في كراكير هذا المنبر..
وبالمناسبة معاي الان الاخ احمد الامين والزول ده معجب بيك اعجاب عجيب وغريب ياااخ
لوووووول
وسنتابع
وقد نرصد بعض العواميد الصحفية الجائعة التي بشر بها صاحبها في هذا المكان لوووووووووول
|
Post: #5
Title: Re: الاستديو التحليلي لسودانيز اونلاين....!!
Author: omer osman
Date: 10-22-2010, 02:29 PM
Parent: #4
Quote: 1- الوحدة والانفصال... حنشوف اش لون التدوال والاستقطاب ونوعية الخطوبات والكتابات
2-غاغات الموتمر الوطني
3- الجبهة الوطنية المتحدة وظهورها الاسفيري والهجمة والهجمة المضادة لها
4- قضية دارفور وتداعياتها وفيلمها المدور اربع وعشرون ساعة
5- ابيي
6- القوات الدولية
|
7- احتمالات الكركبة التى قد يفعلها الهلال بفوزه بالبطولة الافريقية وتأثيرات ذلك على الصحة النفسية لمشجعي المريخ
|
Post: #9
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:40 PM
Parent: #5
| Quote: - احتمالات الكركبة التى قد يفعلها الهلال بفوزه بالبطولة الافريقية وتأثيرات ذلك على الصحة النفسية لمشجعي المريخ |
هلا يا جنابو
وصباحك قشطة وام هلا هلا هلالية قادمة لكم باذن الرب عندما ياتي ابو الهل بالكاس...
وكويس يا عمر اللحقت الاستديو بالجزئية الاساسية والمهمة دي وفعلا نحتاج الي سياحة في العمل الهلالي
والكركبات المتوقعة والسابقة وموقف ابو الهل في البطولة وتناول ناس صحبك ابو خليل واخريين للدعم الاسفيري للهلال...
وبالطرف الاخر حنرصد التحركات المريخية والغاغا المتوقعة منكم انتم معشر المريخاب التي قد تاتي من الحاقد اساسي او المرجف طلحة وهناك كيغا وهنا ايضا هارون دياب واميرة الشيخ الغائبة الحاضرة .. وحنشوف الام هلا هلا المريخية المراقبة والراصدة للصعود الهلالي
|
Post: #6
Title: Re: الاستديو التحليلي لسودانيز اونلاين....!!
Author: حيدر حسن ميرغني
Date: 10-22-2010, 02:29 PM
Parent: #4
(الوحدة والانفصال)
_
الاستديو لازم يجاري الحاصل ياكيكي لحدي يوم الاستفتاء
ممنوع الإغلاق
|
Post: #8
Title: Re: الاستديو التحليلي لسودانيز اونلاين....!!
Author: osman righeem
Date: 10-22-2010, 02:38 PM
Parent: #6
صاحب الاستديو
في ملاحظة بسيطة
الباسويرد بتاع سودانيزاونلان صار واحدة
من وسائل كسب العيش داخل وخارج السودان؟؟؟
خليك حريص
و متابعين وقطع شك بعض الاحيان مشاركين
|
Post: #10
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:44 PM
Parent: #6
Quote: الاستديو لازم يجاري الحاصل ياكيكي لحدي يوم الاستفتاء
ممنوع الإغلاق |
هلا يا حنين
وسنواصل باذن الرب امون رع (ودي تحية لبشاشا في حضوره المفاجي للمنبر)
ونتمني يا حيدر ان نلقي لينا روح ووجدان نكتب بيهو في يوم الانفصال ده..
ولكن وحتي ذلك الوقت سنراقب وسنتابع
وتحياتي
|
Post: #7
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:35 PM
Parent: #4
Quote: 1- الوحدة والانفصال... حنشوف اش لون التدوال والاستقطاب ونوعية الخطوبات والكتابات
|
هنا القصة لونها وتونها عجيب فالاستقطاب الحاد ما بين خيار الانفصال والوحدة كان هو سيد القوم الاسفيري..
راس المتعة كانت في بوست لكتابات فيصل عبد الرحمن علي طه في بوست اتي به محمد عبدالرحمن حوي مقالات ذات تناول عميق ومفيد وكلام زي الورد...
ولكن في الجانب الاخر من النهر نجد بان الية الشحن الاسفيري والاحتقان المقيم في المنبر هو من غذي تناول هذا الامر حيث تجلس الانتباهة كتابات الطيب مصطفي في الخلف وتغذي الحراك الاسفيري..وتصريحات كمال عبيد الحقينة..
وفي الجانب الاخر يجلس الانفصاليين الجنوبين بمرارتهم التاريخية ورغبتهم في الانعتاق جبلا يغذي الدشمان الاسفيري ورحلة العييييك عااااك التي وشحت نيفاشا ومنذ انطلاقها في 2005...
غياب تام للبعد السياسي والاقتصادي والاجتماعي والثقافي والبيئي لتداعيات الانفصال
ثم غياب تام لمحفزات الوحدة ...
وسنتابع
|
Post: #11
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:48 PM
Parent: #7
Quote: الباسويرد بتاع سودانيزاونلان صار واحدة
من وسائل كسب العيش داخل وخارج السودان؟؟؟ |
هلا يا عمك رغيم وتحياتي
ويا النبي نوووح الحافظ اللووح لو الحكاية وصلت المرحلة دي..
ولكن بالتاكيد سودانيز اصبح خطير ومقرو ولا نستعبد تسرب بعض الجواسيس هنا او هاك لتمرير مخططات واحداث كركبات وتشفير اسفيري...
وعلي اي حال سنتابع ونرصد...
وانا اليومين دي متابع بوست غريب وعجيب عن المخابرات المصرية ودورها في شنو كده ماعارف
ولكن ما داير استعجل واقييم الحاصل...
وتحياتي وحبابك وحباب مشاركتك ومتابعتك
|
Post: #12
Title: Re: الاستديو التحليلي لسودانيز اونلاين....!!
Author: حمور زيادة
Date: 10-22-2010, 02:51 PM
Parent: #11
حضور.
|
Post: #13
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 02:54 PM
Parent: #12
اووووه حمور زيادة ياخي..
ويبدو ان البث الحي من ارض المعارك في طريقه لاستقطاب محللين كبار وليهم وزن وكارزيما تحليلة رهيبة
وحبابك الفين ونص... ونتوقع حضور كل المحللين المحاربين القدامي بقيادة عمك الشهير بود البشري
وسنعود ثم فجاة كده سنتابع
|
Post: #14
Title: Re: الاستديو التحليلي لسودانيز اونلاين....!!
Author: osman righeem
Date: 10-22-2010, 03:17 PM
Parent: #13
Quote: وانا اليومين دي متابع بوست غريب وعجيب عن المخابرات المصرية ودورها في شنو كده ماعارف
ولكن ما داير استعجل واقييم الحاصل...
|
لا لا لا تابع تابع بس بس بس ابو جناها ولاقاها
|
Post: #15
Title: Re: الاستديو التحليلي لسودانيز اونلاين....!!
Author: عبدالوهاب علي الحاج
Date: 10-22-2010, 03:31 PM
Parent: #14
| Quote: وبالمناسبة معاي الان الاخ احمد الامين |
قبل فترة كنا بنتونس انا وصحبي ودالبشرى
قال لي تعرف انا متمني من الله تدقس في المنبر دا
ويلم فيك احمد الامين اخو كيكي بجهة وعزاز شامي بالجهة التانية
يدقوك لمن تشتهي العافية ههههههههه
اهو الحمد لله احمد طلع صديق وفردة
بالله بلغو التحايا واتمنى نتلاقى كان بقينا حيين في الدنيا دي
|
Post: #17
Title: Re: الاستديو التحليلي لسودانيز اونلاين....!!
Author: حمور زيادة
Date: 10-22-2010, 04:39 PM
Parent: #15
الكابتن كيكي ..
تحياتي لك و انا مثلك انتظر حضور كابتن ودالبشرى ..
و اتمنى لو اتسع وقت الاستديو لتحليل النقلة في المنبر من مرحلة ( محمد عادل/بقال) الى زمن (صديق مهدي/زهير/ذواليد و غالبا جادات)
اعتقد ان التطور في هذا الجانب جدير بالرصد و التحليل.
|
Post: #19
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 04:54 PM
Parent: #17
Quote: و اتمنى لو اتسع وقت الاستديو لتحليل النقلة في المنبر من مرحلة ( محمد عادل/بقال) الى زمن (صديق مهدي/زهير/ذواليد و غالبا جادات)
|
هلا ياحمور ودي جزئية ممعتة وفيها نقة كثيرة..
قمرحلة محمد عادل بقال فعلا وكما يبدو بانها كظاهرة اسفيرية توارات قليلا يغياب محمد عادل المفاجي
وذهاب بقال كسلطان من سلاطين ولاية عثمان كبر الماسورية...وهي ظاهرة كان طابع كورتها التيف تيف
والمساككة الاسفيرية وضرب الخصم من الخلف ( وطبعا بقال ده الاستديو عندو لقدام حلقة خاصة ومخصوصة عنو كاسفيري تسرب من بيت صفحات هذا المكان الي السلطة )...
نعم نحن الان في مرحلة صديق مهدي صاحب البوستات التووووش تووش والثنائية المكركبة ما بينه وبين عمك ابو الحسين والعجاجات التي قال في احداها بان هنالك من يقوم دفرة وهييك لغةعجيبة واعتقد بانه يخاطب ود القريش لووووووووول..
زهير وبعد حديث العكش والتلب الاسفيري في المقالة تلك عادة للملاعب برومانسيات وزواجيات واعتقد بانه سيواصل في هذا المنوال طويلا لانو العيار الما بصيب ممكن يعمل ليك دوشة ورجة في المخيخ الاسفيري...
ذو اليد ممارس كورته الضاغطة وشايفو خامج سوق الحديث عن التحت تحتيات وشغال كورتو زي الما حصلت حاجة... واعلي مراحل العمل الذو يدي يتطل في خواتم الدورات حيث امواج بوستاته تجده هي من قفلت باب العمل الاسفيري...
هنالك بالمناسبة ميادة كمال ايضا سناتي الي دلوها الاسفيري لاحقا...
وقد لا انسي عوج الدرب الشهير بالبتتوني
وعموما سنتابع
|
Post: #18
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 04:44 PM
Parent: #15
Quote: ويلم فيك احمد الامين اخو كيكي بجهة وعزاز شامي بالجهة التانية
يدقوك لمن تشتهي العافية ههههههههه
|
لوووووووووووول
الجوز ده ياعمك لو لمي فيك انا شخشيا ح اقيف منك بعيد واحتمال اعمل اعمل شخيت
واحتمال انكرك يد ورجل وانكر اني اترهطت معاك ذات اسفير من الاسافير السودانية
وباذن الله حنتلاقي يا وهبة
وسلام وصل فصحبك الكوبي لايزال معاي ومشرفنا الليلة
|
Post: #16
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 04:39 PM
Parent: #14
| Quote: لا لا لا تابع تابع بس بس بس ابو جناها ولاقاها |
هلا ياعمك
وسنتابع عن كثب وسنكون انتظار بترول ذلك البوست
وهو جدير بالتامل وفيهو قبضة اعتقد بانها تسيل لها اللعاب
|
Post: #20
Title: Re: الاستديو التحليلي لسودانيز اونلاين....!!
Author: عبدالكريم أحمد الامين
Date: 10-22-2010, 05:09 PM
Parent: #16
** السِمى كيكى..
** مساءك خير..
## إذا سمحت ظروف الاُستديو:- يعرج لينا على لغة التخاطب فى المنبر من البعض والتى تتبرأ منها الشوارع ..
(ودام الود بيننا)
(ابو محمد فؤاد) - الماكيكى..
|
Post: #21
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 06:38 PM
Parent: #20
| Quote: إذا سمحت ظروف الاُستديو:- يعرج لينا على لغة التخاطب فى المنبر من البعض والتى تتبرأ منها الشوارع .. |
هلا وغلا يا ابو محمد
وتحياتي واشواقي ويا شوقا كثيفا الي مراتع مركاتو ودهشة اديس التي تشرفنا بوجدك فيها
ونعم ا بو محمد فاللفظ الاسفيري في المنبر صار عجيب ومنفلت وكلمات تكاد ان تسمعها في زقاقات قاع المدينة اصبحنا نراها تتهادي بين البوستات تجدع وبكل دم بارد...
الاحتقان الاسفيري الان في هذا المنبر وصل اعلي مراحله واصبح هو من يغذي الحراك والكركبة ...
وشاهدت ما شاهدت نقطة بوليس في شكل (ايقونة) وضعها بكري في اسفل المداخلات للتبيلغ عن حالات العنف اللفظي والكلمات الكبعة التي نتمني ان تكون سحابة احباطات سرعان ما تزول
وتحياتي يا ابو محمد
ولك الود والتقدير يا صديقي الجميل
|
Post: #22
Title: Re: الاستديو التحليلي لسودانيز اونلاين....!!
Author: محمد عبدالرحمن
Date: 10-22-2010, 06:49 PM
Parent: #21
ايوا دا الكلام ياكيكى ...نشكرك جزيل الشكر على تناول الاداء المميز
لبوست دكتور فيصل عبدالرحمن ..مع علمنا التام بان هذا التناول سيحرك
بركة الحسد عند اهلنا فى القرية المجاورة ..شاكرين حسن تناولك ..
ولاتنسى تناول (العناوين العا...) لجلب الكلكات التى طفحت على السطح
فى الاونة الاخيرة ..
--
بالله ماتنسى تعلق على صورة البروفايل  ..اصلا انا دخلت هنا عشان اعمل
دعاية لصورة البروفايل بتاعى وعشان اشكرك برضو ...
|
Post: #23
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 06:56 PM
Parent: #22
Quote: ايوا دا الكلام ياكيكى ...نشكرك جزيل الشكر على تناول الاداء المميز
لبوست دكتور فيصل عبدالرحمن ..مع علمنا التام بان هذا التناول سيحرك
بركة الحسد عند اهلنا فى القرية المجاورة ..شاكرين حسن تناولك ..
ولاتنسى تناول (العناوين العا...) لجلب الكلكات التى طفحت على السطح
فى الاونة الاخيرة ..
--
بالله ماتنسى تعلق على صورة البروفايل ..اصلا انا دخلت هنا عشان اعمل
دعاية لصورة البروفايل بتاعى وعشان اشكرك برضو ... |
هلا وغلا وحباب الانصار
والبوست بتاع مقالات فيصل فعلا يا محمد كان مميز وراقي ومفيد وانا شخصيا استفدت منو فايدة كبيرة يعلم الله
وهكذا نمني ان يكون هذا المكان مش العيييييييك وعاااااك وعضو وشالو قروشو...
وغايتو الحسادة بعد الكيتة الدقينها ليكم يا ناس اربجي حاصلة حاصلة وحذاري من ناس امدقرسي واخريين من عرب الجزيرة وحسادتهم الشهيرة
وبالبروفايل بتاعك ده هل نتوقع ان ياتي الاخ خليل ببروفايل حمرة وحلا ومكتوب فيهو حوش تاتاي لوووول
عموما سنتابع
|
Post: #24
Title: Re: الاستديو التحليلي لسودانيز اونلاين....!!
Author: محمد حيدر المشرف
Date: 10-22-2010, 07:11 PM
Parent: #23
تعرف يا كيكى , حمور ده عندو شجاعه ادبيه مبالغ فيها ..
عليك الله ركز لينا فيها ..
|
Post: #26
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 07:22 PM
Parent: #24
Quote: تعرف يا كيكى , حمور ده عندو شجاعه ادبيه مبالغ فيها ..
عليك الله ركز لينا فيها .. |
هلا يا دكترة
وابو الجاد ده تحت الرصد والمتابعة ومركبين اربعة كاميرات ونص في البوست بتاعو
وخيرى المراسلين جالسين القرفصاء بهناك لووووول
كون الدلو الاسفيري بهناك غريب وعجيب ومعقد
وعموما سنتابع وحنبث اي تحاليل نتحصل عليها وفورا بجاي
|
Post: #25
Title: Re: الاستديو التحليلي لسودانيز اونلاين....!!
Author: محمد عبدالله حمدنا الله
Date: 10-22-2010, 07:16 PM
Parent: #23
.
.
.
كيكي التفكيكي...
.
.
.
تسجيل حضور...
.
.
.
كلام حمور الفوق دا مهم....و داير ليهو وقفة عشان نفهم الحاصل....
.
.
.
Quote: الكابتن كيكي ..
تحياتي لك و انا مثلك انتظر حضور كابتن ودالبشرى ..
و اتمنى لو اتسع وقت الاستديو لتحليل النقلة في المنبر من مرحلة ( محمد عادل/بقال) الى زمن (صديق مهدي/زهير/ذواليد و غالبا جادات)
اعتقد ان التطور في هذا الجانب جدير بالرصد و التحليل. |
.
.
.
.
مودتي...
ودحطب الله
|
Post: #27
Title: Re: الاستديو التحليلي لسودانيز اونلاين....!!
Author: اميمة مصطفى سند
Date: 10-22-2010, 07:27 PM
Parent: #25
يا خبرة
معاك
: ما تجي في النص وتقطع التحليل (زي عوايدك)
|
Post: #31
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 07:40 PM
Parent: #27
| Quote: ما تجي في النص وتقطع التحليل (زي عوايدك) |
هلا وغلا
ومافي قطوعات يا اميمة
والبوست موصل دايركت محطة كهرباء عالية التردد
وسنتابع لانو والبوست شكلو احلو والله
|
Post: #34
Title: Re: الاستديو التحليلي لسودانيز اونلاين....!!
Author: صلاح ليون
Date: 10-22-2010, 07:46 PM
Parent: #27
صف أول
|
Post: #36
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 07:54 PM
Parent: #34
حبابك يا ليون ومرحب بيك يا هندسة
|
Post: #28
Title: Re: الاستديو التحليلي لسودانيز اونلاين....!!
Author: Hussein Mallasi
Date: 10-22-2010, 07:30 PM
Parent: #25
| Quote: وبالمناسبة معاي الان الاخ احمد الامين والزول ده معجب بيك اعجاب عجيب وغريب ياااخ |
إن لم يعجب به احمد الامين فمن سيعجب به.
|
Post: #33
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 07:45 PM
Parent: #28
| Quote: إن لم يعجب به احمد الامين فمن سيعجب به. |
هلا يا حسين
وحبابك وحباب ضلالك المقيم
والرد الرد حيكون تناول نوعي واركلوجي للعمود بتاعك
وحتي ذلك الزمان سيكون هتافنا الرسمي
الرد الرد
العمود الرد
|
Post: #29
Title: Re: الاستديو التحليلي لسودانيز اونلاين....!!
Author: Salah Abdulla
Date: 10-22-2010, 07:31 PM
Parent: #25
كيكي ياخ ..
متابعة شبه لصيقة ، ومتقطعة..
لكن كلام حموّر ده ريحّني ، راحة ( أبدية )..
أمسكوا لينا فيهو ، وفرتقوه لينا حتة ، حتة ، حتة ..
|
Post: #35
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 07:50 PM
Parent: #29
Quote: متابعة شبه لصيقة ، ومتقطعة..
لكن كلام حموّر ده ريحّني ، راحة ( أبدية )..
أمسكوا لينا فيهو ، وفرتقوه لينا حتة ، حتة ، حتة .. |
اوووووه ود الخالة يااخ
حبابك وحباب متابعتك
وحمور فعلا جدع لاخوك دس ممكن ننضم فيهو شهرين ونص
فالامر في الباقة التي رشحها حمور للتداول امر مغري ويسيل اللعاب
والسفر حيكون بالكوم والردوم وياريت ياااخ كمان يجيني زول من اقصي المدينة ويجدع لي بدر الدين الامير
البالع الاسفيري المميز عشان تكتمل الروعة والدهشة
|
Post: #30
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 07:34 PM
Parent: #25
| Quote: كلام حمور الفوق دا مهم....و داير ليهو وقفة عشان نفهم الحاصل.... |
هلا يا ود حطب الله
وانت قاعد تمشي وين يا زول ومشتاقين والله
,,
والباقة الكركبية التي اوردها حمور دي فعلا باقة مميزة
واحسب ان صديق مهدي هو اكثرهم الهاما ومقدرة علي ارسال واضافة رد
وهو يردد سجن سجن غرامة غرامة فالرجل ان داس ابنص في الصعوبة التكهن بمجريات الامور..
صديق يمتاز بجراءة اسفيرية عجيبة ومقدرات علي التحرش والاخوة في عربي جوبا بسمو الزول الزي ده
(فتشو خشم)... اي هو يفتش خشوم الناس
بقال حصل ليهو انحراف معياري اسفيري وتحول من خانة المناضل او المناتل كما يحلو للاخوة في جانب الحكومة الي (مساند وانقاذي حقيقي) كامل الدسم وقبض قبيضو الوظيفي وحمد الله سيدو
|
Post: #32
Title: Re: الاستديو التحليلي لسودانيز اونلاين....!!
Author: حيدر حسن ميرغني
Date: 10-22-2010, 07:44 PM
http://www.radiodabanga.org/ar/node/5090
بالله شوف لينا الشمارات دي معاك برضو
_____
ده كلام كبير
|
Post: #37
Title: Re: الاستديو التحليلي لسودانيز اونلاين....!!
Author: khaleel
Date: 10-22-2010, 07:58 PM
Parent: #32
هلا يا ممراح
ولا تنسي محاولات اوصياء الهلال الاسفيرين
الذين ارادو من نيل قدرات قسطنطين في التنجيم بمباريات الهلال
ويكفي ان قسطنطين فخرا انه هو اول من ادخل توقعات نتائج المباريات قبل لعبها في هذا المنبر
وقد نجح بنسبة تمانية وتسعين بالمائة
المجد لقسطنطين معبود الرياح
|
Post: #39
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 08:15 PM
Parent: #37
Quote: هلا يا ممراح
ولا تنسي محاولات اوصياء الهلال الاسفيرين
الذين ارادو من نيل قدرات قسطنطين في التنجيم بمباريات الهلال
ويكفي ان قسطنطين فخرا انه هو اول من ادخل توقعات نتائج المباريات قبل لعبها في هذا المنبر
وقد نجح بنسبة تمانية وتسعين بالمائة
المجد لقسطنطين معبود الرياح |
هلا يا جاغريو
وديل منو النبذو قسطنطين ديل...؟؟
ودي زي قولة علي كرتي عندما دخل الي البشير وهو باكيا وقال ليهو
نبذو الشهداء يا ريس
نبذو الشهداء يا ريس
ليرد البشير ديل منوووووووو النبذو الشهداء ديل...؟؟
---------------
قسطا هو معبود الرياح والمنجم الرسمي المعتمد ياخلي ويا قسطا ما تهزك ريح المرجفين في المدينة
وبالله امسك لينا ملف ابو الهل حتي يتهادي الكاس في ضاحية ام مدرمان
ونعمل كركبة في الكورنيش بتاع الدوحة ونخت نيق تقيل فرحا بالكاس الكاس الذي شلناهو خلاص
وتسلم ياخلو
او كما قالت الشهيرة رندا حاتم حياها الغمام
|
Post: #38
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 08:08 PM
Parent: #32
Quote: بالله شوف لينا الشمارات دي معاك برضو
_____
ده كلام كبير |
هلا يا حيدر
ودافور وكركبتها شماراتها ما تديك الدرب وهنالك خفايا وبلاوي رهيبة تجري خلف كواليس الدشمان الدارفوري ده ..وطبعا قصة طيارين اجانب دي ما مستبعدة فهنالك بجانب المصريين ديل طياريين حرفاء جدا من روسيا بعد الفرتقة الحصلت فيها وديل مرتزقة جاهزين تحت الدفع لهبببببت اي خجنون من الجخانين التي يشاورا ليهم ليها..
وطبعا تاريخيا الطيارين المصرين ذوي علاقات جيدة مع الهبت الذي تمارسه الحكومات الشمولية في السودان (وان كره هيكل) فالجزيرة ابا قد قيل بانها ايضا تعرضت لضرب من طيارين مصريين ايامات سيي الذكر النميري...
جانب اخر من الانشطة الغامضة في دارفور هي التسريبات ايضا التي وردت قبل مدة عن انشطة كروباوية بترولية يتقيمها حكومة الموتمر الوطني بالدس في كراكير دارفور دي
وبالاضافة الي التسريبات ايضا عن خواجات قيل بانهم بجو بطيارات موغلة في الغموض وبشيلو يورانيوم
وغايتو الله اعلم
ولكن الشاهد مافي رماد بجي ساااااااكت كده فالخير الاكيد هنالك ملعوب يجري في هذه المساحة
|
Post: #40
Title: Re: الاستديو التحليلي لسودانيز اونلاين....!!
Author: محمد حيدر المشرف
Date: 10-22-2010, 08:56 PM
Parent: #38
كيكى يا هندسه ..
فى بوست لعمر صديق اسمو جبهه ضد الوطن ..
فيهو برلوم فاجأ الناس مفاجأه عنيفه ..
رشاهم مجموعه آخر مره سمعتها اواخر 1991 .. او نحو ذاك
Quote: الأسلاميون تربوا على هدى مدرسة النبوة التى تقيم الناس بانجازاتهم لاباحسابهم او انسابهم
|
الخ
تصور !؟
ياخ ده دخل بتوع الانقاذ ذاتهم فى حته ضيقه لمن غلط ..
والله يا كيكى بضحك لى نص ساعه
حللو معاك وانت ماشى فى المنبر
|
Post: #41
Title: Re: الاستديو التحليلي لسودانيز اونلاين....!!
Author: محمد عبدالرحمن
Date: 10-22-2010, 09:03 PM
Parent: #40
لاتنسى بوستات التيك اوى والعناوين الخليعه لزيادة الكلكات ..
والحسادة الاسفيرية كظاهرة مستشرية ...
|
Post: #42
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 09:27 PM
Parent: #41
Quote: آن لكم يابغاث ال..... ان تعترفوا بأن الأنقاذ هي هدية السماء
|
شكرا يا ود المشرف ياااخي كونك دليتني علي دهشة اسفرية فيها ما لذا وطاب من الاشياء التي تجعلك
تتدردق من الضحك الشديد والمفاجي..
والبرلوم الكوزي القادم الاسفيري الجديد لاعب ماتش كبير بهناك وواقع في الناس بهناك بمرق
من المقولات التي حتي ولو قيلت لاهل الانقاذ لاعتقدو بان صاحبها من اهل الكهف..
الكوز ده لسع ما حصل ليهو زوووووم اووت عشان ياخد نصيبو من ثروة وسلطة المناتلين والاستديو يتوقع ليهو مستقبل كركبي كبير لانو لسسسع معلق في زمانات تجاوزها التاريخ الانساني...
وعموما هو جخنون اسفيري ذو مادة تحليلية دسمة
وشكرا يا دكترة واضحك الله سنك يااااااخ لوووووووووووول
|
Post: #43
Title: Re: الاستديو التحليلي لسودانيز اونلاين....!!
Author: عزيز عيسى
Date: 10-22-2010, 09:38 PM
Parent: #42
Quote: 1- الوحدة والانفصال... حنشوف اش لون التدوال والاستقطاب ونوعية الخطوبات والكتابات
2- غاغات الموتمر الوطني |
إنت يا كيكي زول ما قاعد في الواطة!!
غايتو بتجيب في نوع كلام؟
يعني نقول عليك (محللاتي كركبة)؟
هسع الكلمات بالأحمر دي مش كلام زول بفتش على الكركبة؟
خليك مركز على كلمات من النوع المكتوب بالأخضر.
يازول خليك بعيد من الكركبة.. هسع يجوا يزرزروا فيك.
يا كيكي بتمنى إني ألقيك يوم من الأيام.
|
Post: #44
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 10:30 PM
Parent: #41
Quote: لاتنسى بوستات التيك اوى والعناوين الخليعه لزيادة الكلكات ..
والحسادة الاسفيرية كظاهرة مستشرية ... |
هلا يااربجي
والاثارة الاسفيرية وشباك الكلك ثم قد تكون الشهرة الاسفيرية اصبحت ركائز مهمة في اي عنوان من العناوين النارية التي ترسل كسمك ولبن وتمر هندي وعندما تعمل اول كلك ستجد ترماي اسفيري يمشي بقدمين وكراعين وبمزاج...!!
واما الحسادة الاسفيرية فنتمني ان ياتي المحلل الرياضي ابو خليل ويدينا ملمح عنها فهي موتاجدة بكثرة
وفي بشرية اسفيرية لو لاقية تاكل كلكات الاخر لاكلتها ولحقتها بوستات زهرة
وسنتابع
|
Post: #45
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-22-2010, 10:41 PM
Parent: #44
| Quote: إنت يا كيكي زول ما قاعد في الواطة!! |
هلا يا عزيز وحبابك شديد يااخ
واخوك زول جنقو جورو ساااكت ياخ
واها القعاد مع بني عرب في الغربة العجيبة دي لعقد من الزمان خلانا نلطش منهن بعض الكلمات
الموغلة في الغرابة (واش لون) دي طبعا انا من زمااان متحير فيها وزادت الحيرة واستفحلت لمن بقيت اسمعها يوماتي رحيل( الزلمي يقول ايش لون والقطري بقول اش لون... الهندي الفي البقالة يقول اش لون يا بابا... واها قلنا نركب الموجة ونجي احنا كمان في المنبر نقول اش لون...,لو صبرت شوية ممكن ااقول ليييكم هييييييك كونها برضوكلمة عاملة لي منخوليا في الدماغ اللغوي)...
وانا ايضا يا عزيز اتمني ان نلتقي ذات يوم وساسعد بالونسة والتعرف عليك
ومتي ما جيت قاطع الاطلنطي صوب السودان فقطر في السكة وحبابك
وكل التقدير
|
Post: #46
Title: Re: الاستديو التحليلي لسودانيز اونلاين....!!
Author: د.يوسف محمد طاهر
Date: 10-23-2010, 03:19 AM
Parent: #45
سلام يا كيكي  ... شوقنا محيط
أرجو أن لا تنس ظاهرة الغياب الإسفيري والإنسحابات المفاجئة لبعض الأعضاء الفاعلين , مع التركيز على دراسة أسباب الظاهرة وعلاقتها بالضرب تحت الحزام والخلاعة الإسفيرية ... مع كامل الود
|
Post: #47
Title: Re: الاستديو التحليلي لسودانيز اونلاين....!!
Author: دينا خالد
Date: 10-23-2010, 06:29 AM
Parent: #46
اقترح ان لا تقوم بالرد على المتداخلين
تفصيلا .. فهذا سيفسد البوست ويذهب عنه
نكهته ويشتت الكورة وييميع البوست وما ح تعرف
تمسكو من وين ولا وين ..
وداااايما ارجع لموضوعك الاساسى !
ـــــــــــ
كدا لو ثقيل فط المداخلة دى ..
|
Post: #48
Title: Re: الاستديو التحليلي لسودانيز اونلاين....!!
Author: امير عوض الجمري
Date: 10-23-2010, 06:40 AM
Parent: #47
| Quote: 7- احتمالات الكركبة التى قد يفعلها الهلال بفوزه بالبطولة الافريقية وتأثيرات ذلك على الصحة النفسية لمشجعي المريخ |
لا حولااااااااااااااااااااااااااااااااااااااااااا يا جنابو ياخي مالك علينا!!!!
كيكي يا حبيب لو ده حصل عليك الله خلي الاسعاف جاهز وغرف العناية المركزة وقبليهم الكلونيا وفحول البصل .
|
Post: #49
Title: Re: الاستديو التحليلي لسودانيز اونلاين....!!
Author: عثمان عووضة
Date: 10-23-2010, 07:47 AM
Parent: #48
كيكي شنو ياخي
الليلة مالسبت ياخي مش مواعدني انت وخليل؟؟؟ولا كلام الليل
زي الشرا في الابريق
|
Post: #60
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:15 AM
Parent: #49
Quote: كيكي شنو ياخي
الليلة مالسبت ياخي مش مواعدني انت وخليل؟؟؟ولا كلام الليل
زي الشرا في الابريق |
اوووووه
قررنا انا وخلي ما نجي الا تكشكر لينا ببنج حلوف
وان تمت الكشكرة فاننا طواالي حنجي.. في اقرب سبت
|
Post: #59
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:07 AM
Parent: #48
| Quote: كيكي يا حبيب لو ده حصل عليك الله خلي الاسعاف جاهز وغرف العناية المركزة وقبليهم الكلونيا وفحول البصل . |
هلا يا الجمري
وموعودين بكركبة هلالية ليها ضل لو شال الهلال الكاس
وحنشوف احباطات مريخية وغاغات واحتمال حالات اغماء...والتيم الهلال تمبس وخليل وجمال وود البشري وود الصايم واخريين اليوم داكا عميانهم حيجي شايل مكرسحهم
|
Post: #51
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 08:30 AM
Parent: #47
Quote: اقترح ان لا تقوم بالرد على المتداخلين
تفصيلا .. فهذا سيفسد البوست ويذهب عنه
نكهته ويشتت الكورة وييميع البوست وما ح تعرف
تمسكو من وين ولا وين ..
وداااايما ارجع لموضوعك الاساسى !
|
هلا يا دينا وحبابك
وشكرا علي الملاحظة والفيد باك...
الموضوع الاساسي باذن الرب سيكون في الحفظ والصون وسنعود اليه كما عاد اليه الشهير عمر اومو ذات يوم..
وكما قيل في امر الحلة بانها بصل ..قيل ايضا في امر البوست علي انه (ادارة) وهذا ما سنحاول ان نجد له اليه تلم الكورة ونربط البوست في ركزتو
وتابعونا وفالكم طيب او كما قال تلفزيون قطر
|
Post: #50
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 08:20 AM
Parent: #46
Quote: سلام يا كيكي ... شوقنا محيط
أرجو أن لا تنس ظاهرة الغياب الإسفيري والإنسحابات المفاجئة لبعض الأعضاء الفاعلين , مع التركيز على دراسة أسباب الظاهرة وعلاقتها بالضرب تحت الحزام والخلاعة الإسفيرية ... مع كامل الود |
هلا يا دكتور وتحياتي وكل الاشواق..
ونعم غيابات عديدة وكثيرة لاعضاء مؤثرين فرحلة قصيرة لبوست ود الصايم (بتاع خرج ولم يعد) ستلاحظ تماما كمية الاخوة والاخوات الغائبين والغائبات بصورة تكاد ان تكون تجارية ورغم اختلاف الاسباب هنا او هناك الا ان اللعب الضاغط والجنوح الي الخلاعة والتهتك اللفظي والاحتقان الاسفيري السلبي اعتقد بانه ساهم في عزول وعدم رغبة الكثيرين...
فلخناقة الاسفيرية وصوتها اصبج تغطي بصورة واضحة علي الاشياء الاساسية التي يتوقغ الجميع مناقشتها في هذا المكان في اجوا ءحوارية تم افسادها بكركبات في الغالب ما تنتهي باعدام البوست او في الحردان
وهناك اقلام عميقة وموثرة اثرت الانزواء والفيس بووك يضخ ويستغيث من كهربتهم الاسفيرية العالية التي لو اهلكت في هذا المكان لاضافت بالتاكيد شي ذو بال
وتحياتي يا دكتور
|
Post: #52
Title: Re: الاستديو التحليلي لسودانيز اونلاين....!!
Author: ود الخليفه
Date: 10-23-2010, 08:48 AM
Parent: #50
السلام عليكم
الاخ عبد الكريم
مرات في الاستديو التحليلي بجيبو لقطات من المباره
الرجاء ادراج روابط لمن فاتهم الاستماع
لانو الاستديو دا محضور وبلفت النظر لبوستات مهمه وتحتاج لعمق شديد (بوست ذو اليد مثالا)
اكتسبت عاده سيئه جدا في س اون لاين وهي قراءه اسم الكاتب قبل الموضوع فارحت نفسي من ناس عميقين شديد
فالاستديو دا بكون خير دليل في سماء الكركبه الاسفيريه
تحياتي
|
Post: #61
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:20 AM
Parent: #52
Quote: مرات في الاستديو التحليلي بجيبو لقطات من المباره
الرجاء ادراج روابط لمن فاتهم الاستماع |
هلا يا ود خليفة..
والاستديو لايزال ليل بثه طفلا يحبو
وهنالك الكثير المثير الخطر في جنباته...
وبوست ذو اليد من البوستات التي سيضرب اليها اكباد التحليل
كونه نوست نوعي عن المسكوت فيه وذو اليد شغالة فيه بمكنة بص نيسان كل ما الكلكات تتطاقش يتفح الامر المثير في حديث الجعباك او كما قال مولانا خدر
|
Post: #53
Title: Re: الاستديو التحليلي لسودانيز اونلاين....!!
Author: ياسر بيناوي
Date: 10-23-2010, 08:49 AM
Parent: #50
حبيبنا كيكي
سلامات
اكيد حضور ومتابعة
وكلام حمور ما تديهو الواطا
خالص الود
|
Post: #54
Title: Re: الاستديو التحليلي لسودانيز اونلاين....!!
Author: ود الباوقة
Date: 10-23-2010, 08:55 AM
Parent: #53
بالله ركز لينا على
الاوف سايد
|
Post: #55
Title: Re: الاستديو التحليلي لسودانيز اونلاين....!!
Author: Mohamed E. Seliaman
Date: 10-23-2010, 09:12 AM
Parent: #54
تحياتنا يا باش هندسة
بالله موضوع : أحمد صديق أو أحمد الصديق
ما عارف
|
Post: #56
Title: Re: الاستديو التحليلي لسودانيز اونلاين....!!
Author: محمد عبد الماجد الصايم
Date: 10-23-2010, 09:41 AM
Parent: #55
السلام عليكم يا شباب
بالمناسبة يا كيكي .. توقع هجمة مرتدة ضارية غير مفهومة
النوع البجهجه باكات الزول .. فـ حضر حالكـ إذا بتريد
_
حبشي حمد لله على السلامة
أحمد (الصديق) من بورضاب الرياض
شوف التاني
|
Post: #66
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:38 AM
Parent: #56
Quote: بالمناسبة يا كيكي .. توقع هجمة مرتدة ضارية غير مفهومة
النوع البجهجه باكات الزول .. فـ حضر حالكـ إذا بتريد |
هل يا عمك وشكرا علي الانذار المبكر يا ايواكس اسفيري يا دهشة..
وراينا ياعمك بنقولو بكل احترام وتقدير...
ولو حصل هجوم او كركبة غيرة مبررة وبربرية سرعان ما نرتدي ايضا لبس خمسة وسندعم لوجستيا بالدوشكا الاسفيرية وحنرش ...!!
|
Post: #57
Title: Re: الاستديو التحليلي لسودانيز اونلاين....!!
Author: محمد البشرى الخضر
Date: 10-23-2010, 10:07 AM
Parent: #55
| Quote: بالله موضوع : أحمد صديق أو أحمد الصديق |
drive carefully humps ahead
|
Post: #58
Title: Re: الاستديو التحليلي لسودانيز اونلاين....!!
Author: وليد عبد اللطيف
Date: 10-23-2010, 10:19 AM
Parent: #57
سلام يامان
معاك مان تو مان
|
Post: #68
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:48 AM
Parent: #58
Quote: سلام يامان
معاك مان تو مان |
هلا يا ولي ومنور والله
وشكرا علي المتابعة ولن ننساك يا هلال
|
Post: #67
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:42 AM
Parent: #57
| Quote: drive carefully humps ahead |
هلا ياعمك وبالله صحصح معانا ياخي فالبوست في المرحلة القادمة محتاج ليك كمحلل مخضرم وسابق
اكثر من حوجته لك كشرطي مرور لووووووول
وسلام يا هندسة
|
Post: #64
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:33 AM
Parent: #55
Quote: تحياتنا يا باش هندسة
بالله موضوع : أحمد صديق أو أحمد الصديق
ما عارف |
هلا وحبابك يا محمد
ولعلك تقصد احمد صديق
بشجاعة اعترف الاخ صلاح الليون بانه من كان يكتب بهذا الاسم..
وبرفقة عمر بوب جينا قلنا الكلام ده في المنبر...وتم اخطار بكري ابوبكر عبر الايميل
ولذا كل كمونية هذا الامر الاحمد صديقي صارت في تربيزة بكري ابو بكر..
وهو صاحب الساس والراس ومن يقرر في مثل هذه الاشياء..
وتحياتي
|
Post: #63
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:27 AM
Parent: #54
Quote: بالله ركز لينا على
الاوف سايد |
هلا يا باوقة
ويعلم الله انا ما شايف اوف سايد في المنبر ده غير اخونا السيدح
-------
وعشانكون عادلين صديق مهدي برضو اوفسايد كبير ياااخ..
والاوف سايد الاسفيري اعتقد بانه صاحب البوست اذي وعندما تراه يتهادي في الصفحة الاولي
بتلقي روحك بتردد (اممممممممممممممممممك)
|
Post: #62
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 11:23 AM
Parent: #53
Quote:
وكلام حمور ما تديهو الواطا
|
هلا يا بنياوي
وحمور جدع دس مواكب للاحداث ويبدو قد هابش وتر قضية اساسية ومحورية
في باقة الكركبة الاسفيرية...
|
Post: #65
Title: Re: الاستديو التحليلي لسودانيز اونلاين....!!
Author: امير عوض الجمري
Date: 10-23-2010, 11:38 AM
Parent: #62
Quote: هلا يا الجمري
وموعودين بكركبة هلالية ليها ضل لو شال الهلال الكاس
وحنشوف احباطات مريخية وغاغات واحتمال حالات اغماء...والتيم الهلال تمبس وخليل وجمال وود البشري وود الصايم واخريين اليوم داكا عميانهم حيجي شايل مكرسحهم |
ولو ديل جو وانا كنت غمران اوووعكم تفوقوني خلوني كده لمن يمشو بعد داك ادعكوا لي نخرتي بي بصلة
|
Post: #70
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 12:04 PM
Parent: #65
| Quote: 2-غاغات الموتمر الوطني |
نعود الي البث الحي ونربط الكرفتة ونسافر الي الجزئية الثانية من الملامح في القضايا الاساسية التي
توشح المل الاسفيري في اسفير هذه الايام...
وعندما نقول غاغات الموتمر الوطني نقصد (تصريحات حكومية.. تجاوزات..انشطة موجهة ضد العمل المعارض
تسريبات فساد)..
فالشغل في الجزئية دي بطل اسفيريا عبر (لوكات) متعددة وصارت وبمرور الحراك تخصصية بوردابية في هذا الاتجاه تتنوع حسب الكاتب ونفس ولهجة وعمق التناول...
يمكن ان تقراء لها مواضيع ذات تخصصية معينة ومهتمة بالفساد تحديد وحركة قادة الانقاذ
في الجانب الاخر من النهر يرفد المنبر بمتابعات شبه يومية وفي الغالب تكون المصادر صحف خارجية مطلعة وذات مصداقية..
في الجانب المضاد بيحصل تبشير بالفتوحات الانقاذية (وهذا با يقدم التيم العامل في الاسناد الكيزاني برهطية عالية)
والغالب الاعم لهذا البوستات هي ظهور النشاط الكركبي والهجوم والهجوم المضاد....
وعندما يكون الامر مربوط بتداعيات نيفاشا يطل في السطح منسوبي الحركة الشعبية ويحصل الاشتباك التاريخي بين شريكي نيفاشا..
هنالك بعض الكركبات الكبري المستوطنة احتقانتها الاسفيرية في ارض المنبر وحروب المجوعات المتناحرة بوعي سياسي ما تديك الدرب وتكاد ان تاخد بالصفحة الاولي في سطوة كركبتها...
غياب تام لليسار العريض والصراع التاريخي ما بين الكيزان والشيوعيين..؟؟
غياب تام للصراع اليساري اليساري الذي كان يطل في المنبر ما بين الفينة والاخري ويولد احتقانات
توالد تحالفات مرحلية ما بين المجموعات المقمسة بوعي سياسي لدرجة قد تجد حزب يكجن اعضائه الكيزان
نجدهم في كفة كركبية موقتة سرعان ما تنقشع... وتعود ريما الكجينة الي قديمها..
وسنعود الي هذه الجزئية ولكن بعد الفاصل الذي نهدي فيه محبي الكركبة والاكشن الاسفيري
هذا البوست حيث الكبع واللبع والضرب في اعلي مراحله..
يا ألـف مـرحـب بعـودة الأمـــير الكوشـــي بشـــــاشــــا
|
Post: #69
Title: Re: الاستديو التحليلي لسودانيز اونلاين....!!
Author: طلحة عبدالله
Date: 10-23-2010, 11:51 AM
Parent: #62
سلامات يا كيكي
بما انو متابعين ومنتظرين الدلق التحليلي دا بصبر فارغ ، وحتى
لا يطيل الإنتظار ويذهب صبرنا هباء المجاملات والمطايبات والذي منو
بالله المداخلة المشفرة والما مفهمومة كتبت لماذا ولا أجل ماذا
ما تعيرا حتى كيبورد من طين ( مداخلة جيرجير نموذج )
وكذا المشفرة
والملثمة
والمعولقة
والمخلوقة
|
Post: #71
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 12:17 PM
Parent: #69
هلا يا ود الجمري وحبابك يا طلحة
وكمريخاب دي فرصة زااتو الواحد يقول ليكم
التجاهل
التجاهل
ولو اخدت واديت معاكم خالتي دينا بتجي تدقني لووووول
وحنشوت طوالي في الجزء الثاني من غاغات الموتمر الوطني الي تسربت شفيفا الي المنبر
ونضع في الطاولة
1- قضية مشروع الجزيرة
2-تصريحات كمال عبيد
والقضيتين ديل حصل فيهم استقطاب شديد وبالذات حكاية مشروع الجزيرة التي شهدت محاور عديدة
وظهر ملمح مهم هو امكانية تحالف ابناء الجزيرة بكل الوان طيفهم في عمل مناوئي
وحتي الخطاب المويد للانقاذ وجد حرجا كبير في الدفاع عن الاشياء التي تسربت وامكانية بيع مشروع الجزيرة وتوطين المصريين فيه وحصلت اعتذارات سيدحية شهيرة وحصلت ايضا لبودات للكثيرين من الذين كانو لا يترددون في الدفاع عن اي امر انقاذي مهما كان...
ايضا ظهرت سطوة الارتباط بمصر في بعض بؤر الوعي السوداني وان طلت خافتة الصوت الا ان الشاهد بانها عبرت عن اشيائها بطريقة او باخري..
|
Post: #72
Title: Re: الاستديو التحليلي لسودانيز اونلاين....!!
Author: امير عوض الجمري
Date: 10-23-2010, 12:28 PM
Parent: #71
Quote: هلا يا ود الجمري وحبابك يا طلحة
وكمريخاب دي فرصة زااتو الواحد يقول ليكم
التجاهل |
ههههههههههههههههههههها
كتر خيرك يا كيكي ...
اها خم وصر يا طلحة وقدّم السبت تاني !!!
|
Post: #73
Title: Re: الاستديو التحليلي لسودانيز اونلاين....!!
Author: Siham Elmugammar
Date: 10-23-2010, 01:02 PM
Parent: #72
سلامات يا كيكى
يعنى بوست جائزة غادة لا يستحق التحليل والا شنو؟؟؟ اتولمت والله!!!!!
سياسة وكورة بس :)
شينه منك والله
|
Post: #74
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 02:34 PM
Parent: #72
Quote: ههههههههههههههههههههها
كتر خيرك يا كيكي ...
اها خم وصر يا طلحة وقدّم السبت تاني !!! |
هلا يا ود الجمري
وطلحة فعلا عليه ان يعمل بروفة خم وصر
لانو ابو الهل غاب قوسين او ادني من كاس محمولا جويا يسر الناظرين
|
Post: #75
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 02:46 PM
Parent: #74
Quote: سلامات يا كيكى
يعنى بوست جائزة غادة لا يستحق التحليل والا شنو؟؟؟ اتولمت والله!!!!!
سياسة وكورة بس :)
شينه منك والله |
هلا وغلا يا بيييير والله
وحضورك يرد الروح يعلم الله..
والمجد والخلود لروح ابنتنا جميعا غادة التي عمت روحها الفيافي والمدن والبيوتات الوديعة
تحث الجيل القادم علي الابداع والتقدم والتنافس
وجائزة غادة الكبري هو تطور نوعي في الساحة الثقافية والادبية وملمح مهم في حركة هذا المنبر
والاسفير السوداني عموما..
وهي رحلة تواصل ياسهام لابداع وعمق الراحلة سيطل شفيفا ما بين سطور كل الاعمال التي ستنافس في هذه الجائزة التي هي مسئولية تاريخية وتظاهرة نعمل جميعا بان تظل خالدة خلود روح غادة فينا...
--
هذا الوعي المتقدم سيوثر تماما وسيولد الكثير من التظاهرات والجوائز فها نحن الان نستقبل جائزة الراحل قرفة لكي تكون اضافة اخري ورصيد سيساهم في الابداع السوداني ....
وايضا يا بيييييير نذكر في الاثر الطلعات الجوية البوردابية لبعض العضوات في الفضاء التلفزيوني
سهام المجمر وشيراز محمد عبدالحي والاداء المميز اذي يرفع راس هذا المكان الذي نسائل الرب بان يحفظه وبما فيه من عقول سودانية...
والف سلام وتحية للبوردابي الجديد مجتبي محسي وفياريت يظهر ويبان ولهم كل الامن والامان
وتحياتي
|
Post: #77
Title: Re: الاستديو التحليلي لسودانيز اونلاين....!!
Author: محمد فضل الله المكى
Date: 10-23-2010, 03:32 PM
Parent: #75
حللو معاك
.................. لو لاقتك مشكلة إستعين بعمر سعد.
|
Post: #76
Title: Re: الاستديو التحليلي لسودانيز اونلاين....!!
Author: محمد عبدالله حمدنا الله
Date: 10-23-2010, 02:56 PM
Parent: #74
.
.
.
سؤال للأستاذ المحلل صاحب الإستوديو:
" هل العجمة عذر لأؤلئك الذين عاشوا في مناطق من السودان تعتبر اللغة العربية فيه لغة الشارع
و درسوا كل نظامهم التعليمي باللغة العربية و نالوا شهاداتهم الجامعية التي كحلوا مآقينا برؤيتهم
و هم يحتضنونها و شنفوا آذاننا بالحديث عن أكاديمياتهم....
هل لهم عذر في أن يفعلوا باللغة و الأسلوب هذه الأفاعيل؟ مع العلم أن معظم السودانيين تعتبر اللغة العربية لغتهم
الثانية ..لكن رغم ذلك فمستوى إجادتهم للغة العربية "خصوصآ" المتعلمين منهم على قدر عال من التمكن...؟؟؟""
.
.
أما الأفكار و المنطق...فهي هبة من الله......و الحديث هنا يطول
.
.
.
.
مودتي..
ودحطب الله
---------------------------------------------------------------------------------------------------------------
المعذرة إن بدا السؤال مشاترآ و قد يغير تسلسل البوست....لكن لدي وجهة نظر في تحليل من وراء الأفكار قد يكون مفيدآ
في تحليل الأفكار...و قد يكون هذا إفتراعآ لتحليل متعمق لعوالم "الناسوت" في هذا المكان...
|
Post: #78
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 07:14 PM
Parent: #76
الجبهة الوطنية العريضة..
جسم سياسي طل في الساحة الاسفيرية وظهر ايضا اسم مرور يحمل اسم الجبهة الوطنية العريضة للسودانين بالخارج..
ورحلات علي محمود حسنين هي من غذت الحراك الاسفيري وتغطية لتحركاته ثم اعلان لموتمر في لندن..!!
غالبية التيم المعارض للانقاذ المنطلق من امريكا وكندا واروبا كان راس الرمح في البوستات التي بشرت بالهجمة والظهور الاولاني لهذه الجبهة... ظهور لاحظت فيما لاحظنا غياب المسودات والاشياء الاساسية التي تجعل من الحد الادني ممكنا بالاضافة الي غياب او كما بداء لي للتعريف بالقوي الاساسية في هذا الجسم المعارض الذي رصد الاستديو حتي الان (العدل والمساواة- الاتحادي جناح علي محمود_ ناشطين في العمل السياسي في المهجر وليس لي تاكيدات عن الموتمر الشعبي )..ولكن قرانا غياب وبيان للامة وموقف الاحزاب الاخري الشيوعي -حق - الليبرالي والاتحادي الكبير (مولانا).. الحركات الدارفورية الاخري و حتي الحركة الشعبية لا يزال امرا علي الاقل بالنسبة للاستديو غايب في الروكايب...
-----
وسنواصل
|
Post: #79
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 07:36 PM
Parent: #78
هلا يا سعادتك
وده منو دددددده,,.؟؟؟
جيبو لي الورشة بجاي تفككو ليك صامولة صامولة
|
Post: #80
Title: Re: الاستديو التحليلي لسودانيز اونلاين....!!
Author: حمور زيادة
Date: 10-23-2010, 07:47 PM
Parent: #79
تزامن مع ظهور الجبهة العريضة أخي الكابتن كيكي مفهوم حريات جديد حول رفض الاعلان عن الجبهةأسفل المداخلات.
و كان هذ بداية لرفض ما تلاها من رفض للاعلان عن كلمات محمود محمد طه.
و من الواضح ان الأمر سيتواصل كلما ظهرت روابط لا تتفق مع توجهات العضو المعترض.
و يمكن ربط هذه الاعتراضات ( بشكل عرضي و ليس تنسيقي ) باعتراضات ميادة كمال و بدر الدين اسحق السابقة حول حق الكيزان في مانشيتات المنبر. بعدها قام بكري بالتفاف ذكي حيث احتفظ للمعارضة بالمانشيتات الرئيسية و أعطى الاتجاه الحكومي بعض المانشيتات السطرية الجديدة المعلنة عن المقالات لا البوستات حيث ينشر فيها مقلات للطيب مصطفى و غيره.
فهل يمكن أن تتحرك قوات الحكومة للضغط أيضا لتحصل على نصيبها من ثروة الاعلان تحت المداخلات ؟
ربما يقودنا هذا الى رأي ظل تمبس يلح عليه كثيرا هو أن المنبر ليس منبر معارضة.
مما يعني أن قسمة الاعلان و الاهتمام الاداري ينبغي ان يتوفر للجميع على قدم المساواة.
اتوقع ان تفرز هذه الاشكالية غاغات مستقبلية خاصة مع الاستقطاب الحاد الذي يبدأ باقتراب الاستفتاء .. بعدها قد نرى المطالبة بقسمة العناوين بحسب الانتماء القبلي.
|
Post: #81
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 08:18 PM
Parent: #76
Quote: " هل العجمة عذر لأؤلئك الذين عاشوا في مناطق من السودان تعتبر اللغة العربية فيه لغة الشارع
و درسوا كل نظامهم التعليمي باللغة العربية و نالوا شهاداتهم الجامعية التي كحلوا مآقينا برؤيتهم
و هم يحتضنونها و شنفوا آذاننا بالحديث عن أكاديمياتهم....
هل لهم عذر في أن يفعلوا باللغة و الأسلوب هذه الأفاعيل؟ مع العلم أن معظم السودانيين تعتبر اللغة العربية لغتهم
الثانية ..لكن رغم ذلك فمستوى إجادتهم للغة العربية "خصوصآ" المتعلمين منهم على قدر عال من التمكن...؟؟؟"" |
هلا يا ود حطب الله..
وحكاية العجميين مع اللغة العربية احسن تميثل ليها هو ماقاله بلدياتي وقريبي
بان العربي ده لمن تجي تكون عاوز تتكلمو بجي كويسسس وصحيح من جوووه ولكن وبمجرد ما يصل اللسان بتكوجن...واللغة العربية تعبانة شديد في كراكير السودان ده الملي باللهجات واللغات التي يجد اهلها من الضعوبة عليها نطق لغة الضاد بالطريقة السليمة لذا نجد العروبيات المختلفة عربي جوبا عربي واو وعربي ناس ابكرونا والكثير من العجمي...
هنا برضو في الاسفير ده اتخيل لي العربي بجي كووووويسس من جووه ولكن وبمجرد ما يصل الكيبورد الكوجنة بتحصل لينا
وفي انتظار انطلاقك صوب رويتك
|
Post: #83
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-23-2010, 08:27 PM
Parent: #81
| Quote: فهل يمكن أن تتحرك قوات الحكومة للضغط أيضا لتحصل على نصيبها من ثروة الاعلان تحت المداخلات ؟ |
هلا بالكابتن حمور
وطبعا تاريخيا وفي اطار الصراع ما بين الحكومة والمعارضين هناك صراع علي ثروة الاعلانات والعناوين ومعارك حامية ا########س ورغم تقدم المعارضين وحسمهم للمعركة الشهيرة بتاعة اعلان الاس ام اي الان التيار الحكومي دافنها ليهم دفنة تقيلة وتطل مطالبات وغاغات ما بين الفينة والاخري ... والقومةالاخيرة في امر الجبهة الوطنية كادت ان تصبح حملة شاملة وانبري لها عتاة العمل الانقاذي ولكن فعلا وزي ما قلت بكري شتت الكورة باعلان صورة محمود وقبل ما تجف بوستات الامر المحمودي عالجهم بصورة لاهل طوكر في تكتيك اعتقد بانه ذكي جدا وامتص الحملة الذي فقدت مبررها واصبح الشريط الاعلاني مجهجه للباكات بتاعة الاصوات المناوئة...
ح اجيك للجزء التاني بتاع الجبهة العريضة واصطدام اعلانها في المنبر بمتاريس الاحتقان المقيم في المنبر والهجمة الكيزانية المضادة وملامحها
وسنعود
|
Post: #82
Title: Re: الاستديو التحليلي لسودانيز اونلاين....!!
Author: محمد خليل ساني
Date: 10-23-2010, 08:23 PM
Parent: #1
نظام متاوقة وكده يا صديق
متابعيييييييييييييييين
|
Post: #84
Title: Re: الاستديو التحليلي لسودانيز اونلاين....!!
Author: mwahib idriss
Date: 10-23-2010, 09:52 PM
Parent: #82
عبدالكريم سلامات
ياخى ما كركبتا الكركبة ذاتها
فى لعيبة عندهم اسلوب لعب انيق جدا فى الميدان
عندك
ودجبريل طرف يمين المغرب فى كفه و لعيبة المشرق فى كفه عدا حبيب نوره و ود القاضى
عندك
شيقوق صانع العاب راقى مدرسة بمنهج خاص
عندك
عزام راس حربة جيد بس شايت فى كل الاتجاهات فى اغلب الاحوال يسجل فى مرماه
عندك
خليل ليبرو تمام بس عيبو خايف من هجوم الصفاقس
مع تحياتى
|
Post: #85
Title: Re: الاستديو التحليلي لسودانيز اونلاين....!!
Author: mona altom
Date: 10-23-2010, 10:47 PM
Parent: #84
سلام عبدالكريم
اول حاجه انت من الناس القاعده اقراء ليهم مع انك هاوي متابعة الكركبات
والثانيه صورة الزول الخاتيها دى والله الكدوس ده مكيفني اكثر من سيدو هاها ها
الثالثه عشان ما جيت رديت لي السلام ورحبت بي مع ناس الدار
و الاخيره متابعه
|
Post: #89
Title: Re: الاستديو التحليلي لسودانيز اونلاين....!!
Author: Ashraf el-Halabi
Date: 10-24-2010, 01:03 AM
Parent: #85
شريكك
مشتاقين يا مان
|
Post: #86
Title: Re: الاستديو التحليلي لسودانيز اونلاين....!!
Author: احمد الأمين على إدريس
Date: 10-23-2010, 10:50 PM
Parent: #84
كيكى
حزمة سلامات غير قابلة للتحلل
اكيد
مش حنقدر نغمض عينينا مع الاستديو التفكيكى دا
خصوصاًإذا تعرض الاستديو التفكيكى ل بوكرامى ولواحقه
|
Post: #87
Title: Re: الاستديو التحليلي لسودانيز اونلاين....!!
Author: منتصرمحمد زكى
Date: 10-23-2010, 10:57 PM
Parent: #84
هلا كيكي بوست مبتكر
تحتاج لمعاونين نظام بوليس حركة وكدا .......
|
Post: #88
Title: Re: الاستديو التحليلي لسودانيز اونلاين....!!
Author: حمور زيادة
Date: 10-23-2010, 11:13 PM
Parent: #87
في واحدة من اندر حالات الكركبة الاسفيرية الريس بكري يضع الحزب الشيوعي في مرمى النيران.
و تبدأ الكركبة بدخول قوات محايدة تليها محاولات شيوعية لتبرير الموضوع.
ثم يحصل هجوم ضاغط من الرهط وهبة يشغل لاعب شيوعي شاب مهم هو امجد فريد فيفرغ للكركبة الفارغة و المقدودة مع وهبة و يلعبان بنظام مان تو مان.
هذا الانشغال يساعد دخول قوات كيزانية ضاغطة على التسلل بدأت ببدر الدين و عمر صديق و تلاها دخول قوات الغبينة ممثلة في ثروت سوار الدهب.
حتى لان يبدو الحزب في وضع سئ خاصة أن أغلب الردود ( الا رد عصام جبر الله ) تنطلق من نقطة واضحة للقارئ رغم عدم اعتراف الرفاق بها : نقطة انهم لم يسمعو بهذا الكلام الا في اسافير بكري هذه. فتبدو لذلك محاولات فك الحصار عن الحزب مرتبكة و فردية و قائمة على الظنية.
و حتى الان تغيب عن الملعب د.بيان رغم وجود خصمها ود العبيد و امجد. ربما تنتظر دخول أبوساندرا ليكتمل الحفل ثم تباشر الهجوم.
الغريب ان الحزب لم يتلقى الدعم في هذه الزنقة من أي قوات صديقة .. جمهوريين ( بل ظهر ابو الريش الجمهوري كالعادة مهاجما للحزب).. حركة شعبية .. ديموقراطيين.
بينما تكاتف الهجوم عليه من الرهط و الكيزان الليبراليين.. ناهيك عن بكري ناشر الوثيقة.
معركة ستمتد و لها ما بعدها.
|
Post: #90
Title: Re: الاستديو التحليلي لسودانيز اونلاين....!!
Author: الصادق اسماعيل
Date: 10-24-2010, 02:01 AM
Parent: #88
كيكي التفكيكي
عوداً حميداً، ومبروك تسجيل الشبل (حمور المصري)، وأعتقد أن عودة (الأمير) الكوشي ستعيد لبعض المعارك القائمة الآن بعض الحياة.
كركبة الوحدة والإنفصال ستتصاعد وتيرتها بشدة في الأيام القادمة، لذلك أري أن يتم تأخير التطرق لها للنهاية.
موضوع السرقات الإسفيرية يحتاج للتفكيك خصوصاً أن أطرافه متعددة (أعضاء منبر، جرائد).
سنتابع (خصوصاً بعد المحاولات الخجولة لمشاهير الإحتقان الإسفيري)
الصادق
|
Post: #91
Title: Re: الاستديو التحليلي لسودانيز اونلاين....!!
Author: ثروت سوار الدهب
Date: 10-24-2010, 02:08 AM
Parent: #88
عبد الكريم يا جميل
انت عامل لك راكوبة و عنقريبين هبابي بجاي و انا طاشي في الصي
لكن جاي زعلان اشتكي ليك حمور زيادة دا شفو كتب شنو في تحليلوه
Quote: في واحدة من اندر حالات الكركبة الاسفيرية الريس بكري يضع الحزب الشيوعي في مرمى النيران.
و تبدأ الكركبة بدخول قوات محايدة تليها محاولات شيوعية لتبرير الموضوع.
ثم يحصل هجوم ضاغط من الرهط وهبة يشغل لاعب شيوعي شاب مهم هو امجد فريد فيفرغ للكركبة الفارغة و المقدودة مع وهبة و يلعبان بنظام مان تو مان.
هذا الانشغال يساعد دخول قوات كيزانية ضاغطة على التسلل بدأت ببدر الدين و عمر صديق و تلاها دخول قوات الغبينة ممثلة في ثروت سوار الدهب.حتى لان يبدو الحزب في وضع سئ خاصة أن أغلب الردود ( الا رد عصام جبر الله ) تنطلق من نقطة واضحة للقارئ رغم عدم اعتراف الرفاق بها : نقطة انهم لم يسمعو بهذا الكلام الا في اسافير بكري هذه. فتبدو لذلك محاولات فك الحصار عن الحزب مرتبكة و فردية و قائمة على الظنية.
و حتى الان تغيب عن الملعب د.بيان رغم وجود خصمها ود العبيد و امجد. ربما تنتظر دخول أبوساندرا ليكتمل الحفل ثم تباشر الهجوم.
الغريب ان الحزب لم يتلقى الدعم في هذه الزنقة من أي قوات صديقة .. جمهوريين ( بل ظهر ابو الريش الجمهوري كالعادة مهاجما للحزب).. حركة شعبية .. ديموقراطيين.
بينما تكاتف الهجوم عليه من الرهط و الكيزان الليبراليين.. ناهيك عن بكري ناشر الوثيقة.
معركة ستمتد و لها ما بعدها. |
الزول دا اظنه مريخابي ما دورني عشان انا بشجع سيد البلد.
الله لا كسبك يا حمور ما لقيت غير قوات الغبينة دي لي
قوات كاربينو مالا عيبها لي؟
|
Post: #92
Title: Re: الاستديو التحليلي لسودانيز اونلاين....!!
Author: معاوية الزبير
Date: 10-24-2010, 06:12 AM
Parent: #91
الله يكون في عونك يا كيكي يا صديق
انت لازماك إجازة عدييل كدا، ومعاها سلفية كمان
---------------
وميليشيا مسلحة طبعا
-----------------------
خالد عوض وصل من السودان أمس السبت ونازل مع سيد عبدون
|
Post: #93
Title: Re: الاستديو التحليلي لسودانيز اونلاين....!!
Author: محمد البشرى الخضر
Date: 10-24-2010, 06:49 AM
Parent: #92
كابتن كيكي Quote: | Quote: : فهل يمكن أن تتحرك قوات الحكومة للضغط أيضا لتحصل على نصيبها من ثروة الاعلان تحت المداخلات ؟ |
هلا بالكابتن حمور
وطبعا تاريخيا وفي اطار الصراع ما بين الحكومة والمعارضين هناك صراع علي ثروة الاعلانات والعناوين ومعارك حامية ا########س ورغم تقدم المعارضين وحسمهم للمعركة الشهيرة بتاعة اعلان الاس ام اي الان التيار الحكومي دافنها ليهم دفنة تقيلة وتطل مطالبات وغاغات ما بين الفينة والاخري ... والقومةالاخيرة في امر الجبهة الوطنية كادت ان تصبح حملة شاملة وانبري لها عتاة العمل الانقاذي ولكن فعلا وزي ما قلت بكري شتت الكورة باعلان صورة محمود وقبل ما تجف بوستات الامر المحمودي عالجهم بصورة لاهل طوكر في تكتيك اعتقد بانه ذكي جدا وامتص الحملة الذي فقدت مبررها واصبح الشريط الاعلاني مجهجه للباكات بتاعة الاصوات المناوئة...
ح اجيك للجزء التاني بتاع الجبهة العريضة واصطدام اعلانها في المنبر بمتاريس الاحتقان المقيم في المنبر والهجمة الكيزانية المضادة وملامحها
وسنعود |
أختلف مع قرايتك هنا يا كابتن
في جزئية اغفلتها قد تكون ما انتبهت ليها أن رابط الجبهة العريضة ورابط اقوال محمود تلاهما رابط لبوست كاتبو محمد حامد جمعة - وهو من هو
وكان رابط جمعة ضربة معلم في رأيي من بكري حيث أن الأصوات التي دافعت عن رابط الجبهة العريضة اسقط في يدها بعد استخدامه لحجج مثل
سيد الحوش ومن حقو و الما عاجبو يشوف بورد تاني ... إلخ فلم نشهد سوى محاولات خجولة من هنا وهناك لكن لم ترق لردة الفعل على اعلان الـ SMC أو الجبهة العريضة
اعتقد لتنويع الروابط اكتر من رسالة اولا للجميع أن نتائج هرجة اعلان الـ SMC لن تتكرر مرة أخرى فالفول فول بكري زرعه وحده و سيحصده وحده
و ثانيها للقوى السياسية المعارضة و الموالية سويا أن البورد ليس اتجاها واحدا
نترك المايك للكباتن مع الوعد بالعودة ففي البال عدد من القضايا تستحق أن تنال حظها من النقاش و التحليل
|
Post: #94
Title: Re: الاستديو التحليلي لسودانيز اونلاين....!!
Author: محمد عبد الماجد الصايم
Date: 10-24-2010, 08:02 AM
Parent: #93
Quote: الله لا كسبك يا حمور ما لقيت غير قوات الغبينة دي لي
قوات كاربينو مالا عيبها لي؟ |
|
Post: #95
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-24-2010, 08:15 AM
Parent: #94
تحية للجمع الكريم
وحنجي بدررررري باذن الله ونرد للجميع وسنواصل ثم فجاة كده نتابع
وياحمور
| Quote: في واحدة من اندر حالات الكركبة الاسفيرية الريس بكري يضع الحزب الشيوعي في مرمى النيران. |
تزامن هذه التحركات الكركبية من الريس بكري مع تجريدة صديق مهدي التي وضعت الكيزان والشيوعيين في (سلة وااحدة)
يدعم نظرية المؤامرة التي بتقول ان صديق مهدي هو الريس بكري ابوبكر شخشيا
والبوست يعلم الله غاب وجاب
ولايزال في كاس الاستديو بقية
|
Post: #96
Title: Re: الاستديو التحليلي لسودانيز اونلاين....!!
Author: حمور زيادة
Date: 10-24-2010, 09:04 AM
Parent: #95
عزيزي الكابتن كيكي ..
في الحقيقة انو وضع صديق مهدي للكيزان و الشيوعيين في سلة واحدة سبقو باربعةساعات ( انت عارف صديق بيتحرك بسرعة في مواقفو خلال اليوم) سبقو بوست لصديق يدعو فيه للوقوف خلف البشير بل هتف سير سي يا بشير .. و حجته ان هناك استهداف للعرب أحس به من المنبر فعليه لابد من الدفاع عن الوجود العربي في السودان بالوقوف مع الحكومة.
Quote: يدعم نظرية المؤامرة التي بتقول ان صديق مهدي هو الريس بكري ابوبكر شخشيا[/QUOTED]
ــــــــــــــ
يا ثروت القانون يمنع الاعتراض على تحليل الاستديو.
تشيل ورقتك تمشي الدكتو طوالي.
لووووووووول
|
Post: #97
Title: Re: الاستديو التحليلي لسودانيز اونلاين....!!
Author: GamarBoBa
Date: 10-24-2010, 10:18 AM
Parent: #96
Quote: هل العجمة عذر لأؤلئك الذين عاشوا في مناطق من السودان تعتبر اللغة العربية فيه لغة الشارع
و درسوا كل نظامهم التعليمي باللغة العربية و نالوا شهاداتهم الجامعية التي كحلوا مآقينا برؤيتهم
و هم يحتضنونها و شنفوا آذاننا بالحديث عن أكاديمياتهم....
هل لهم عذر في أن يفعلوا باللغة و الأسلوب هذه الأفاعيل؟ مع العلم أن معظم السودانيين تعتبر اللغة العربية لغتهم
الثانية ..لكن رغم ذلك فمستوى إجادتهم للغة العربية "خصوصآ" المتعلمين منهم على قدر عال من التمكن...؟؟؟""
.
.
أما الأفكار و المنطق...فهي هبة من الله......و الحديث هنا يطول
مودتي..
ودحطب الله |
ود حطب الله تحياتي...
استفزني حديثك ...حيث انني دخلت الجامعة من مدرسة جل اساتذها لا يتحدثون العربية ويميلون للشرح باللغة المحلية الا الوافد منهم.
شخصيا في هذا المنبر لم أسجل كمحترف كتابة ولا صحفي ولا غيره ولا (آكل عيش) باللغة العربية فإجادتها بحيث تكون كافية للتواصل فقط وأن يفهمني من اتحدث معه هو جل مبتغاي.
حدى مع العربية آيات اصلي بها الخمس صلوات وكلمات اكتبها واستخدمها مع من هو أمامي
إن لغة لا تؤهلك أن تقرأ بها اعلان في شركة سودانية كبيرة يجب أن لا احاسب في تنوينها والمدة والشدة.تكفينا فصول الدراسة التي عانينا فيها من العربية ما عانينا ولما تسعفنا هذه اللغة في حياتنا العملية.بعد ده وعادي جدا بنصلح أخطاء لناس لسانهم الأم عربية يعتقدون هم انها فصحى
اي زول عايز يكتب زي ما داير طالما لم يدعي الادب والثقافة والصحافة ..يكفي ان يوصل فكرته وعلي ذلك شكرا وكتر خيره وكل انسان في الارض خليفة.
اي زول مفكر ولا اديب وصحفي وبغلط وهو اعجمي ادوه في راسه...اي زول بكتب هنا زينا ساي ما عليه ولا حرج عليه.
...
كيكي
انت السدود ووضع اليد المصرية من دنقلا لحلفا قايلها حاجة صغيرة؟؟بتعرف يا هندسة المنطقة ديك بتسوي كم من مساحة السودان الكلية؟؟
برضو ما عليك يا كيكي 90% من الكتاب والصحفيين واصحاب الرأي لا يعيرون لقضايا الشمال اي شي
_
وساعدونا بالروابط برضو يا جماعة الخير
تحياتي للجميع
|
Post: #98
Title: Re: الاستديو التحليلي لسودانيز اونلاين....!!
Author: حمور زيادة
Date: 10-24-2010, 10:28 AM
Parent: #97
كابتن كيكي اترك معك المكرفون الان واتجه شمالا الى عروس المتوسط لأمارس السنكحة على بلاجات ميامي و شط الهوى و أتبرّك في مكتبة الاسكندرية.
الى حين العودة غدا باذن الله نترككم في حفظ الله و عنايتة اخي الكابتن كيكي و فريق العمل بالاستديو التحليلي و زوارنا الكرام.
|
Post: #99
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-24-2010, 11:08 AM
Parent: #98
وريثما نواصل في متبقيات النقة من الضروري ممارسة الفلاش باك وعمل باكورد علي خفيف في امر الجبهة العريضة
كونه امر حاضر وفارض نفسه علي الحراك(والحراك دي ملطوشة من احدي زيارتي الي الفوور اوول)..
التيم المويد للحكومة وجه راجماته الي هذه الجبهة باكرا وبحلقنافي كلامات موشحة بسيرة الوطنية والعمالة والارتزاق ثم فرفرة لسيرة علي محمود حسنين
والتقريع في زيارته لامريكا حيث وصف( بمونساتي مناضلين) من جماعات الدعم اللوجستي للخطاب الانقاذي غزي الهجمة دي وجود اعلان في اسفل البروفايل واسفل المداخلات لاحقا...ظهور بيان حزب الامة الذي اتي علي ضفاف داحس والغبراء ما بين بعض منسوبي حزب الامة وتراجي الناشطة في الجبهة العريضة اضاف لتلك الجبهة عب هجومي جديد...واختلط حابل المواقف السياسية مع نابل الكركبات والدشمانات التي طارت عصافير عجاجتها في المنبر وقفتو قربة...!!!
نتوقع ومع اطلالة موتمر الجبهة تلك في لندن ان يتواصل الشد والجذب ما بين هنا وهناك وهنالك قوات اسفيرية ذات صوت عالي واحزاب كثيرة هي عضويتها ومتواجدين بكثرة في الخارج نتوقع حالما تصدر احزابهم الراي بتاعها في هذه الجبهة سلبا او ايجابا ان تضيف لهذه المعركة... فان دخلت احزابها الجبهة فانها ستكون دعما واسنادا للاصوات المويدة... وان كانت اراء احزابهم سلبية فان استحقاقات اعضاء تلك الجبهة ومعاركهم الفرعية ستزيد....!!!
بشاشا رائد العمل الكركبي العائد الي الملاعب في ظهور مفاجئي اتي بقوي ولكنه طل وهطل رافضا لهذه الجبهةاو غير متحمس لها كثيراكما يبدو ولن يشكل اضافة مسلحة لهذا التيم ان كان الصراع حول الجبهة العريضة ولكنه لن يتخلي عن تحالفاته القديمة مع الحرس القديم في استحقاقات كثيرة بدات ملامحها تتشكل هنا وهناك داخل البوستات ريثما يتم زوووومها في الاوت الاسفيري كبوستات يتوقع ان تحمل امطار كركبة وسحب رعدية مصحوبة بطرنقعات اسفيرية
|
Post: #100
Title: Re: الاستديو التحليلي لسودانيز اونلاين....!!
Author: الجيلى أحمد
Date: 10-24-2010, 11:27 AM
Parent: #99
ياهندسة
سلامات يااخى
واستديو كارب ,
نقة مجهبزة وتحليلات عنيفة...
عايزنك بى هناك يااخى..
فى جنازة عايزنك تشيلا معانا..
\
المهدى دا معناها تاعبكم تعب شديد خلاص...
|
Post: #101
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-24-2010, 08:00 PM
Parent: #84
Quote: ودجبريل طرف يمين المغرب فى كفه و لعيبة المشرق فى كفه عدا حبيب نوره و ود القاضى
عندك
شيقوق صانع العاب راقى مدرسة بمنهج خاص
عندك
عزام راس حربة جيد بس شايت فى كل الاتجاهات فى اغلب الاحوال يسجل فى مرماه
عندك
خليل ليبرو تمام بس عيبو خايف من هجوم الصفاقس |
هلا يا مواهب ونورتي ساحة الاركلوكركبة
وحباب ود جبيل ملك الاركلوجيا والعذاب والدردقة وحكاوي الليل..
ود شيقوق رائد جخانين ومسنوح اسفيري كبير ونيلي ازرقي رائع..
عزام يجيد اللعب الضاغط ونفقتده هذه الايام
ابو خليل ملك التنجيم وصوت هلالي له ضل ومحلل كبير ياااخ
وما ود الصايم فده اسطورةو اسفيرية تمشي علي قدمين وعلي كااااكييييين
وحبيب نورة هو ملك الدسيسة وحكاوي المريسة وقلم عالي الرشاقة
واما فايز القاضي فيكيفة ضخه للمفردة المدهشة (يكجل كجلو كلو) ولو قالها هي فقط لكفاني
|
Post: #102
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-24-2010, 08:22 PM
Parent: #101
Quote: نظام متاوقة وكده يا صديق
متابعيييييييييييييييين |
ساني ايها الدماااااار الشامل
نورت اساحة وعلينا بالدهشة والروعة الطالعة منك براااااحة
Quote: سلام عبدالكريم
اول حاجه انت من الناس القاعده اقراء ليهم مع انك هاوي متابعة الكركبات
والثانيه صورة الزول الخاتيها دى والله الكدوس ده مكيفني اكثر من سيدو هاها ها
الثالثه عشان ما جيت رديت لي السلام ورحبت بي مع ناس الدار
و الاخيره متابعه |
مني التوم القادم الجديدة الي مدارات سودانيز ارض الكركبة والدهشة الاسفيرية
حبابك وتحية خالصة وترحيب من صديقي ابو كدوس معبود الرياح الذي يشكر جزيل الشكر علي الاعجاب به
ومثل ابو كدوسي هذا هم من يجعلون من اسفيرنا هذا ممكنا كونهم يمنحونا الدهشة والحماس في المواصلة والكركبة
وكوني بالف خير ولف مرحب
|
Post: #103
Title: Re: الاستديو التحليلي لسودانيز اونلاين....!!
Author: عاطف رميتي
Date: 10-24-2010, 08:35 PM
Parent: #102
كيكي مساءك فل وامورك ياخي مشتاقين
معليش جينا متاخرين
ومتابع من البداية ..
|
Post: #104
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-24-2010, 08:48 PM
Parent: #103
الصراع مع الشوعيين..
جزئية هابشها المحلل الكبير كابتن حمور وهي عن صراعات الاخوة الشيوعيين التي تلاحظ ضخ للاخ بكري لواحدة من الاشياء التي يمكنها ان تغذي هذه الكركبة..
فتاريخيا وفي هذا المنبر الدشمنة مع الشيوعين تاتي هجماتها من منصات عديدة (عادل عبدالعاطي - وابوالريش ويسعد ثروت في الدعم ولاسناد ومن ثم دكتورة بيان) بالاضافة الي بعض الكركبات التي يثيرها الحرس القديم من الاسلاميين بالاضافة الي بعض الاخوة الذين يكجنون الشيوعية لله والرسول ده...
ولكن اجمل اللقطات والافلام التي تعرض الان عي جزئيبة النحرير صديق مهدي الي وضع الحزب الشيوعي ووبني كوز في سلة واحدة في عنوان بوست بداء كجلوس الفار مع الكديس او جلوس الماء مع النار...
قوات اسفيرية شيوعية مدربة تدريب عالي احتلت البوست فغرد فيه حوووووتة ولحق البوست الي مرافي غنم زهرة بالاضافة الي تلاحظ غياب الصوت الكوزي او الشبه كزي الذي ظل دوما هو من يدشمن مع صديق وكانهم تركو صديق مهدي كوجبة دسمة للرفاق ينتقون ريشه...الذي سرعان ما فاق من هذه الهجمة الشرسة فارسل قائمة طويلة رايت ما رايت فيها صديقي حيدر حسن ميرغني واخرين يبدو بانهم سيصبحون الاهداف الاستراتجية لصديق في كيرفه الجديد ومعركته الاسفيرية الدائمة التي يبدو بانه قد قرر توسيع جغرافيتها واهدافها لكي تلم الشامي مع المغربي...
وستابع
|
Post: #105
Title: Re: الاستديو التحليلي لسودانيز اونلاين....!!
Author: محمد عبدالله حمدنا الله
Date: 10-24-2010, 09:07 PM
Parent: #104
.
.
.
.
"مؤخرة" الأمة
.
.
أفادت التقارير الواردة من هذا المكان أن هنالك "إشتباك إسفيري" عنيف يدور حول قابلية "مؤخرة" أمة الأمجاد "للحبيش"
و بين بعض فلول المناوئين...
.
.
.
القوات "الحبيشية" تدعم هجومها بمدفعية "لغوية" بالغة الدقة التصويبية....و تشن أحيانآ هجمات مرتدة معتمدة على "ذكريات سائق ركشة"
حول طبوغرافيا و تضاريس المنطقة الأخلاقية.....
.
.
الجدير بالذكر ...أن قوات "الحبيش" قد إخترقت ليلة الأمس تخوم منطقة "السايبر الأخلاقي" عن طريق الرجم باللنكات "عالية الهبوط الأخلاقي"
إلا أن صمود بعض "المغاوير" أجبرها على التقهقر و سحب حائط المدفعية اللنكية...
.
.
و لا زال الإشتباك يدورهنا و هناك بين هذه القوات و بعض فلول المناوئين الذين إستعادوا منطقة "أفخاذيا الفنانية"...و لا زال بعض الكتائب "الخضراء"
و "الحمراء" تمارس حرب العصابات و توقع في القوات "الحبيشية" خسائر بالغة..إلا أنها تقاوم بعناد و تواصل تقدمها نحو غايتها منتشية بذلك العدد المهول
"نسبيآ" من "الكلكات"....!!!!!!!!!!!!!!
.
.
.
.
يتبع...
ودحطب الله
|
Post: #106
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-25-2010, 08:02 AM
Parent: #105
مغذيات حراك ومواضيع يتوقع بروز فجرها قريبا
1-جائزة الطيب صالح والاديب ابن العلوم طه جعفر
كركبات وكركبات مضادة
2- التشكيك في حضور موتمر لندن للجبهة العريضة..
3- تاكيد حضور العدل والساواة ورجوعها الي مفاوضات الدوحة..
4- التسريبات عن اتهامات الحركة الشعبية بتهجير لبعض الاسر الشمالية من الجنوب
وتحية وسلام كثير للجميع والي حين عودة وعود
|
Post: #107
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-25-2010, 07:30 PM
Parent: #106
Quote: شريكك
مشتاقين يا مان |
ابو الشوش
حبابك يا وريف
وشوق سحابة راحلة
وممكن نتشارك ولكن بالله ما تبقي لي خرخار زي شريك نيفاشا الشمالي
|
Post: #108
Title: Re: الاستديو التحليلي لسودانيز اونلاين....!!
Author: محمد عبدالرحمن
Date: 10-25-2010, 07:47 PM
Parent: #107
ياكيكى ...
خليل دا نقل عضويتو لعكس الريح ؟..ماشايف ليهو ذكر
فى الاستديو التحليلى ..ولاتكون مواضيعو مامؤثرة على الحراك
الاسفيرى ..الحكاية مافيها اى (خرت دهب) ..بس قلنا نسال منو..
|
Post: #109
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 10-25-2010, 07:56 PM
Parent: #108
خليل هذه الايام كل تركيزه الاسفيري والذهني علي الهلال والصفاقصي
وهي نومة بركان سرعان ما سيهطل حمم هلالية وتحليلات ورجفي وكبكبة تقيل قريبا...
يساعد في الرجفي الصامت هلالابي اخر يسمي عمر بوب يتظاهر بالتماسك والشكيمة ولكني اثق تماما بانه يفوق خليل رجفا وكبكبة ..
وسنتابع
|
Post: #111
Title: Re: الاستديو التحليلي لسودانيز اونلاين....!!
Author: omer osman
Date: 11-08-2010, 06:51 AM
Parent: #110
أين ذهب صاحب البوست ...
|
Post: #112
Title: Re: الاستديو التحليلي لسودانيز اونلاين....!!
Author: عبدالكريم الامين احمد
Date: 11-08-2010, 07:03 AM
Parent: #111
| Quote: أين ذهب صاحب البوست ... |
لوووووووول
يعني انتو الواحد ما يبلع معاكم بوست ولاشنو..؟؟
شغلتنا يا عمر كراكيرنا وجخانينا عن هذا البوست وحنجي ليهو وبمزاااج قريبا باذن الله...!!
وقبل ما نجي وبمزاج ننبه السادة ضيوف الرحمن ان بعض الافلام القديمة قد عادت الي المنبر
-وائل- محمد ناصر- منال
ونرجو المتابعة الي حين عودة ونقة
وسنتابع (والحقوق للصادق اسماعيل)
|
Post: #113
Title: Re: الاستديو التحليلي لسودانيز اونلاين....!!
Author: بشير أحمد
Date: 11-08-2010, 07:17 AM
Parent: #112
اهلا يا ابوآية ؛؛؛
بالله ركّز علي بوستات كشف الظاهرة الشبحية في المنبر ؛
وأستصحاب بوستات اخونا علاء الدين باراكود(وائل طه/محمد ناصر؛ومحمد علي حسن /علاء الدين
صلاح)
ويمكنك التعريج علي بوست ذو الكف؛
ودشمانات هباني واخونا وهبة.
|
|
|