عبد الرحيم درملية قلما شفيفا تشتاقه المدارات والعوالم الضاجة...!!!

Post: #1
Title: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-24-2010, 08:05 PM
Parent: #0

سلامات وعوافي
وبتلك الاهزوجة والتي صارت كالماركة المميزة نفتقد حقا السفر والترحال في عوالم الكاتب الاسفيري الكبير عبدالرحيم ودرملية صاحب المفردة الشفيفة الطالعة من وجدان محب للفقراء ملح الارض
وهل من عودة هل يا ود رملية ايها البيدق الاسفيري اللعين

Post: #2
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: خضر حسين خليل
Date: 10-24-2010, 08:08 PM
Parent: #1

ازيك ياترس
عامل شنو

والله ياكيكي الواحد ماعارف يحكي يقول شنو لكن الشوق غلاب لود رملية
الزول ده غاطس الغطسة الياها فياريت ياكيكي لو بتقابلو قول ليهو
مشتاقين يازول وفاقدنك بالحيل .
خلونا نتونس قبل الاستفتاء الجاي علينا ده

Post: #3
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-24-2010, 08:09 PM
Parent: #1

Quote: داهلين

"داهلين" تشبه الليالي القمرية .. نقية وصافية ..(سمحة ).. يُضرب بجمالها المثُل ..
يقال انها خرجت ذات مرة باكراً لتسقي الاشجار أمام بيتهم فرآها الصبح .. فانتصب منتشياً .. رآه رواد الشارع فتواري خجلاً ثم ركض مسرعاً نحو الظهيرة ..
شاع ايضاً في مجالس المدينة ان الربيع قد استعار الوان ازهاره وعبيرها من وحي ابتسامتها وانفاسها الندية ..
"أي والله هي بكل هذا الجمال الوسيم".
كانت تعشق شاباً من شبان الحي ..تخرج معه في أمسيات المدينة واوصالها مشحونة بمحبتها الصادقة وتجول في خيالاتها هالة من الامنيات الظريفة..
ذات أمسية خريفية متبرجة دعاها ليغيبا عن الانظار ..فغابت معه .. جلسا ..ثم جلست حواسهم تتهامس ..تهامست ..ودخل عليها من باب انوثتها العالية .. و فرغ .. ثم خرج منها لا يلوي على شيء سوى فتاةً اخرى يلفظ في احشائها سموم شهوته .. وبقيت هي تبحث عنه كل يوم في فراش جديد ..

داهلين

Post: #4
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-24-2010, 08:12 PM
Parent: #3

Quote: والله ياكيكي الواحد ماعارف يحكي يقول شنو لكن الشوق غلاب لود رملية
الزول ده غاطس الغطسة الياها فياريت ياكيكي لو بتقابلو قول ليهو
مشتاقين يازول وفاقدنك بالحيل .
خلونا نتونس قبل الاستفتاء الجاي علينا ده

هلا يا خضر
والاشواق بالكوم والردوم..
وعبد الرحيم ود رملية بالف خير ولكنه عنيد وعصي وشحيح وبخيل وميتين حجر
وقانج علينا بقلمه وكيبورده الذي يرد الروح...
وطبعا الكلام ده انا بقولو عشان يجي نابل ولكن يوم اليجي ح انكر الكلام ده ايد ورجل

وتحياتي يا صديق المسافات والقضية

Post: #5
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: khaleel
Date: 10-24-2010, 08:13 PM
Parent: #3

ياخي ود رميلة

راجل حلو

عد لنا او عد بنا

Post: #6
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: خضر حسين خليل
Date: 10-24-2010, 08:15 PM
Parent: #3

ياخ بحق داهلين تعال يازول

Post: #7
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-24-2010, 08:18 PM
Parent: #6

Quote: سلامات
وعوافي
هذا ماتوقعته منك ياكيكي .. ستمارس تجاهي حقدك التاريخي المؤصل .. قد نزلت لك من خشبة المسرح ..لا لكرهي للمسرح ولكن لاني فنان متعدد المواهب .. فاثرت ان افسح لك المجال حتي لاتموت امنياتك في وجه اعصارنا الفني العاتي ...
وانا كفنان اخترت اهداءك اول الحاني :- همس الابواب ...
وهو لحن مركب .. بين موسيقي حزينة في البداية ومقطع فرايحي في النهاية .. وهو يتحدث عن اشواق العشاق .. وهم ينتظرون كل يوم قدوم عشيقاتهم .. لذا تسمرت ابصارهم علي الباب ..المهم ساترك اللحن يفصح عن نفسه .. المهم انا في (الفاينال طتش) ... اوكي سوف اسعي جاهدا لاخراجه بالصورة المثلي التي ترضي جماهير المعجبين..

الي عبدالكريم الامين (كيكي) هدية مقدمة من (فنان) الي( معجب)
نعم يا خليل وخضر
ود رملية ورغم ضلاله وتيه المقيم الا انه شهقة اسفيرية تمشي علي كيبورد
ونمني نفسنا بروية حروفه الممراحة تجوب طرقات هذا المكان

Post: #8
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: فاروق عثمان
Date: 10-24-2010, 08:26 PM
Parent: #6

كيكي الجميل
عبد الرحيم عبدالله ضرار ودرمليه كما يحلو لنا ان نناديه مذ ان كنا صبيه نتسكع في حواري رفاعه وازقتها
قضينا طفولتنا وصبانا وقليل من شبابنا في رفقه حميمه تقاسمنا معه تلك الايام الضاربه في النداوه والحادقة المذاق, رملو صديق المحطات التذكر
ورفيق الذكريات المحطات,هانذا اناشدك وانا حديث عهد بهذا المنبر ان تأتي صديقي فمازلت انت كما انت متشبث بحبال الذاكره غارساً ذاتك فينا
وعصياً علي الخروج.
ولكم احبك
تعال....
أنا ماودرت ملامحك
ولا غيبتك مني
فيا.....
تعال

شكرا كيكي ان منحتني تلك النوستالجيا

بعد كده بجي بس قول ليهو فاروق فردتك قاعد متفن ومستنيك

Post: #9
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-24-2010, 08:38 PM
Parent: #8

Quote: ولكم احبك
تعال....
أنا ماودرت ملامحك
ولا غيبتك مني
فيا.....
تعال

هلا وتحياتي يا فاروق
وصديق طفولتك المدهش ود رملية فتي عميق الصحبة وعالي الكرم وممراح لا تمله
ونتمني ان يعود الي هذا المكان الذي يشتاق ونشتاق نحن الذين جلسنا طويلا في انتظار مداراته الضاجة
وتحليقه في وجدان الطاعم السمح..

Post: #10
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-25-2010, 03:29 AM
Parent: #9

سلامات
وعوافي
يارفاق..
يا منحة الله.. الاصدقاء..
الغياب الذي اعانيه.. غياب فيزياء..
وما الفيزياء بالامر المهم..
اذ ان الروح "تنتح" بسيرتكم.. وذكرياتكم ..
لست بعيدا الى هذا الحد..
فتحسسوا ماشاء الله لكم من شراييني..
ان لم تكونوا فيها..
فتعسا للدماء..
كيكي.. المشاكس الاسفيري الفريد"صاحب زغردة حمائم الصياح"..
وخليل.. "يا صدى الموج الفتي"..
خدر"يارونقنا البهيج وسيرتنا الجميلة"..
ود.فاروق"ويجو" ياقيثارة الذكرى النبيلة"..
اشتهى رؤياكم..
مشتاقين شديد..
الشوفة بس هي الحل..
والبقاء لله ..

Post: #11
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-25-2010, 03:41 AM
Parent: #10

سلامات
وعوافي
"الان" اسمع وارى واشم"تنفس الصبح"..
والشمس لهفا لتوشح يومنا بالاشراق..
في هذه اللحظة.. لا املك لكم الا الدعاء..
اسأل الله ان ينزل عليكم نعمه كالسيل المنهمر..
واسأله ان يجعلكم من اهل الفوز في الدارين..
يطيب حالكم ويهنأ بالكم وتسعد ايامكم..
واساله ان يديم بيننا المحبة والوصال..
واساله ان يزيل عثراتكم وعسراتكم ..
وان يحقق اهدافكم ومبتغاكم..
ثم..
لكم المحبة .. بقدر العزة التي زرعتموها في نفسي..
بقدر هذا "التذكر" الشاهق..
الذي رفعني مليون عاما في مدارج السعادة..
برغم كفاح الحب الدائم الذي عشته في هذا المنبر .. الا انني لم اخرج الا برتل الاصدقاء الميامين..
اتذكرهم ويذكروني..
اشتاقهم ويشتاقون..
فلكم دعاء الامهات وثناء السماء للارض "مطر"..

Post: #12
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: د.نجاة محمود
Date: 10-25-2010, 03:45 AM
Parent: #11

ليه وليك المعزة
واحد من افضل كتاب الاسافير لو رجع يكتب لكنس القبح المسشتري هنا

سلام جاكم يا شباب

Post: #13
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-25-2010, 03:50 AM
Parent: #12

سلامات
وعوافي
العزيزة د.نجاة.."بيان"..
اشكرك يا صديقة على هذا الاطراء المبهج..
الكتابة عندي والمشاركات.. من باب الحياة الاخضر..
وانا احب الحياة سيما خضرتها الباذخة..
واتمنى ان تكوني بالف خير انتي والبروف والعيال..
تقبلي معزتي..

Post: #14
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: Ahmed Abdallah
Date: 10-25-2010, 03:51 AM
Parent: #13

Quote: يا ود رملية ايها البيدق الاسفيري اللعين

ملعون اسفيري يسال عن اخر اشد لعنة
قوم لف تغشاكم انت وهو في حلكـم وترحالكم

Post: #15
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-25-2010, 04:07 AM
Parent: #14

سلامات
وعوافي
يا"كيكي"..
ابشيبة جانا مايغشانا..
اصبحنا واصبح الملك لله..
يازول انت الساعة عندكم 1 صباحا المصحيك شنو..
انشاء الله طيب حالك وزين..

Post: #16
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-25-2010, 06:42 AM
Parent: #15

اذن قد عادت الي الصباحات نكهتها القديمة
وارتوت مساماتها برحيق الاحرف المحلقة في سماء الدهشة
وسنسعد اكثر يا ودرملية ان ندشن صباحاتنا وقهوة ارتشافنا هي حروفك والتي ولو تدري كم هي تدوزن سيرة الزمن الاشتر..
شكرا ودرملية للحضور ونتمني ان يطيب لك المقام مرة اخري هذا المقام الذي يشتاق الي مثل اقلامكم الشفيفة..
وكن دوما كما تود يا ابو احمد..

--------
السلام والتحية با بيان
ومرحب بحضورك في مهرجان (ودرملية والغياب الفيزيائي) الذي قتلنا بشوقنا الكثيف الي مداراته الضاجة
وفليكن في حضوره حراكا وتحليقات حتي يحلو الجلوس والسفر في هذا المكان

احمد عبدالله ايها اللورد الرعديد
اين انت يا رجل
وشاحد الله وشيخي شكر الله يلم فيك احمد عباس الوالي وفجاة كده احمد عباس (المرض ) داك لووووول
ويكركب ضقلك وبعدما ما تنتهي جولة احمد عباس (اخوان) يام فيك عبدالله بتاع ابو عشر يتم الباقي الفضل

Post: #17
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: khaleel
Date: 10-25-2010, 05:18 PM
Parent: #16

يا ممراح

وين البوست صاحب العنوان

(لو)

Post: #18
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: محمد عبدالرحمن
Date: 10-25-2010, 05:48 PM
Parent: #17

===

Post: #19
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: حيدر حسن ميرغني
Date: 10-25-2010, 06:03 PM
Parent: #18

ياكيكي ياخ طريت الخير كله
وانا اقول الزول الحاضن العود - وفي عينيه براءة الاطفال - ده وينو
________
سعيد اليوم الخلى كيكي يجدع عبابيرو ويطراك
مشتاقين بالجد

Post: #20
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-25-2010, 06:23 PM
Parent: #19

لو ...
هنا يا ابو خليل ترقد (لو) ويرقد حرف الزول ابوراسا مدوقس ده
ودرملية ورغم ارجافه الاسفيري المقيم تجاهنا الا انه قلم تضرب الي حروفه اكباد الخيل والليل والابل..
ولعلك تذكر كيف كان تجضمينا له وهو يدافع عن الخطاب المثقفاتي في الاسفر وليس الاسفير السوداني..

اللورد احمد عبداله يبدو بان سيرة (عبدالله ابو عشر) ستخارجه من هذا البوست دون رجعة
ولانو لو جاء انا ح اسهب واشرح اليةعمل عبدالله ابو عشر لووووووووول

وسجن سجن غرامة غرامة...

---------------
هلا محمد عبدالرحمن يا زول يافن

وحبابك يا حيدر ولمثل ود رملية تترك وترفع العبابير والكووس حتي يعود
وان عاد تشرب العبارات وسنتصدي له ولحركاته وبركاته لوووووول

Post: #21
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: khaleel
Date: 10-25-2010, 06:27 PM
Parent: #20

Quote: اللورد احمد عبداله يبدو بان سيرة (عبدالله ابو عشر) ستخارجه من هذا البوست دون رجعة

والله يا كيكي

اللورد احمد عبدالله واحشنا خالص

ممكن حكاية عبدالله ابو تو دي

يلعبا ليك (لوووب)

Post: #22
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: Mohamed Bannaga
Date: 10-25-2010, 06:28 PM
Parent: #19

يا كيكي يا ود يا اركلوجيا انتا يا

مشتاقين و كيف حالكم ان شاء الله تكون شديس و لضيس

حمدا لله علي سلامة صاحبك و عودا حميدا

تحياتي اخي عبد الرحيم

يا كيكي نسمع صوتك

Post: #23
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: صبري طه
Date: 10-25-2010, 06:35 PM
Parent: #22

حباب ود رملية
وحباب الذكريات الصادقة وجميلة
من حي السوق وحي الجنينة للحلة الجديدة

مشتاقين يا غالي ...

Post: #24
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: فاروق عثمان
Date: 10-25-2010, 06:41 PM
Parent: #23

كيكي ياحبيب
انا ماقلت ليك ياخ اخوك بجيبو ليك(حنك سنين وكده)لوووول
بس عبد الرحيم يحبه كل من يعرفه فهو امتزاج لكل القيم الجميله شهامه ونبل وكرم واخلاق
وفوق ذلك وكله انسانيه مفرطه...ياخ رملو ده من شدة ما حنين زمان لما نمشي السينما كان الفلم مؤثر
ونهايتو تراجيديا زولك ده اتنخج واتنهف ونحنا نشبكو ليك استغفر وبتاع,شفت ليك حنيه قدر دي
مرحب بيك رملو وسعيد بمعانقة حرفك الانيق

Post: #27
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-25-2010, 07:53 PM
Parent: #24

Quote: ياخ رملو ده من شدة ما حنين زمان لما نمشي السينما كان الفلم مؤثر
ونهايتو تراجيديا زولك ده اتنخج واتنهف ونحنا نشبكو ليك استغفر وبتاع,شفت ليك حنيه قدر دي
مرحب بيك رملو وسعيد بمعانقة حرفك الانيق

هلا يافاروق
وصحبك جا ء شفيفا كما الرقراق
وفعلا حنيته عالية ودموعه قراااب ياخ
يعجبني فيه جنوحة الي تجذير وتاصيل الاخوة والصداقة وتعميقها حتي للاسر
وفي زيارته الي السودان كان بيتنا في مدني مزار دائما له وضرب صحبة مع ناس البيت جعلت تلفوناتهم تتطاقش حتي يسالون عنه..
فرملي زول من الزمن السمح ياااخ

----------
حبابك يا صبري ومرحب بيك في كرنفالات ود رملية ومهرجان حضوره بعد غياب

Post: #25
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 10-25-2010, 07:36 PM
Parent: #22

ابوخليل
اللورد لن يستطيع وصدقني حيبلع لووووول

-----------
Quote: يا كيكي يا ود يا اركلوجيا انتا يا

مشتاقين و كيف حالكم ان شاء الله تكون شديس و لضيس

حمدا لله علي سلامة صاحبك و عودا حميدا

تحياتي اخي عبد الرحيم

يا كيكي نسمع صوتك

هلا يا وغلا يا ود البدوي
وشوق السحابة الراحلة الي ايامات فلسطين وبعض ايام فيها المسخوت طه النور صاغ وليس اسحاق
صديقي ودر ملية فيهو وهج الاصدقاء الكرزيمين كوليد زكريا والصادق فيصل وميرغني كجنكي والمرحوم عمر فلاشا
وبعض سختة عباس شبشة

وتحياتي يا وريف

Post: #26
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: حبيب نورة
Date: 10-25-2010, 07:53 PM
Parent: #25

ود رملية

ياخ ممكن أقول لي بحبك ؟

أنا لمحت البوست في آخر ثانية و أنا بستعد للمغادرة
لكن حلفت إلا أخش أكتب لي حرفين

يا كيكي أمسك الزول ده لحدي ما أجيك

نقوم نملاهُ نضمي علي اليمين تاني من هنا ما يمرق

Post: #28
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-27-2010, 03:56 AM
Parent: #26

سلامات
وعوافي
احباب الروح
الانصاري النجيض محمد عبدالرحمن والحبيب حيدر حسين ميرغني "لاحولاااااا"
والصديق محمد بانقا ورفيق الصبا صبري طه"الجناح الفرفارة" والغالي حبيب نورة"احب البحب نورة"..
جاييكم "ريثما انفض الغبار عن شهوة الكتابة"..
تقبلوا معزتي..
تخريمات..
يا خليل وكيكي د. فاروق عثمان دا هلالابي عياااااااان ااكد ليكم يوم مباراتنا مع الصفاقصي بيكون عندو حمى شديدة..
ويا خليل طمنا ياخي بعد الستات والسبعات دي..
بعدين وين بوست "نصف الابتسامة السنوية" سما واطا ما لقيتو..
يكون حذفو "قسطنطين" بتاعك دا..
شكرا يا كيكي كونك جعلت التواصل مع هؤلاء الاحباب ممكنا..
معزتي تبراكم محل ما تقبلوا..
وعبركم ارسل التحايا للزميلة الدكتورة اشراقة مصطفى ووطنها الثاني يحتفل بالعيد الوطني "النمسا"

Post: #29
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: khaleel
Date: 10-27-2010, 03:58 AM
Parent: #28

Quote: بعدين وين بوست "نصف الابتسامة السنوية" سما واطا ما لقيتو..
يكون حذفو "قسطنطين" بتاعك دا..

نامل الا نحتاج اليه هذا العام

البوست موجود في الحفظ والصون

Post: #30
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: فاروق عثمان
Date: 10-27-2010, 04:13 AM
Parent: #29

Quote: يا خليل وكيكي د. فاروق عثمان دا هلالابي عياااااااان ااكد ليكم يوم مباراتنا مع الصفاقصي بيكون عندو حمى شديدة..

الحبيب رملو
انت عارف اخوك من اسي الوِرده جاتو وغايتو لو اترشينا ياني الراقد مستشفي
موبايلك القديم مقفول اجدعنا بي رقمك الجديد خلينا نبل شوقنا منك ياحبيب

Post: #31
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: هجو الأقرع
Date: 10-27-2010, 09:27 AM
Parent: #30

Quote: وهل من عودة هل يا ود رملية ايها البيدق الاسفيري اللعين

يا كيكى سلام ، تعرف هذا الرجل من الذوق و الادب و الاخلاق ، ماشاء الله ، عمرى ما شفت زول يصر على ان يخدمك و يقدم لك وانت فى بيتك ، كريم و هميم ، بس انت و بدرالدين كرهتو المنبر.

ود رمليه ازيك يا امير ، على هجو بسلم عليك وقال ليك الموعد الصفاقصى ، وبرضو حسن ومجاهد بسلمو عليك.

Post: #32
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-28-2010, 04:25 AM
Parent: #31

سلامات
وعوافي
..
احباب الروح..
محبتي الشديدة..
ياخلي الحقنا بالوصلة..
وقت رجعنا المنبر "نرجع ليهو واللون الازرق مغطينا"..
ياويجو يا دكتورنا الحبيب.. عاد الورد يادوبا جاتك..وحاتك انت انا جاتني من مباراة الاتحاد الليبي
الاولى .. الغلبنا فيها اتنين واحد في طرابلس..
ربك يسترنا بس..
الموبايلات الاتنين اكان في مشكلة فيهم لكن امبارح قلبن تش..شغالات
0097455327127
0097455810859
..
يا سلام ياهجو .. الواحد في الشتا دا نفسو يجيكم هناك في دخان باقي لي الجو بيكون قاتل..
بلغ تحياتي لي محمد وعلي ومجاهد وحسن...
وقول لي علي والله السنة دي تحننو عدددددديل كدة..
اكان ربنا مد في الايام بجيكم قريب..
تقبلو محبتي الزايدة..
وبرضو اعفو لي لامن اجيكم بي رواقة..
وربنا ينصر الهلال..

Post: #33
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: فاروق عثمان
Date: 10-30-2010, 07:31 AM
Parent: #32

.

Post: #34
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 10-30-2010, 10:16 PM
Parent: #33

سلامات
وعوافي
يا ويجو اليوم لم يكن سعيدا لكنه لم يكن اكثر سوءا من قبله..
على كل الامل حدونا في الاياب..
تقبل معزتي

Post: #35
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: توما
Date: 10-31-2010, 01:06 PM
Parent: #34

رجعه ود رمليه ما بنسكت عليها والله

بالجد مفرحه جداً

شكراً يا كيكي

Post: #36
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-01-2010, 02:28 AM
Parent: #35

سلامات
وعوافي
الصديقة العالية الغالية..
توما..
لك المودات واسرار السعادة..
مشكورة على الطلة..
وانتي كيف اخبارك؟
اتمنى انك تكوني مبسوطة شديد..
معزتي..

Post: #37
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: هايل زين
Date: 11-01-2010, 08:12 AM
Parent: #36

أخي, وحبيبي, وصديقي الوغد... ودرملية..

كما كان لي معاك أيام جميلة.. وكم كنت لي كالأخ الجميل والغد المنتظر... برغم إنتماءك لمن يحتل مكانة في قلبي قد لا يستطيع أحد أن يحتلها... إلا أنت... كنت تنتمي إلى سيف النصر محمد المبارك... وهو ما أسميه بمشروع النبي.. الفاشل.

ما زلت أتذكر كل تفصيلة كبيرة كانت أو صغيرة لمجريات الحياة الرغدة حينها... والشباب الجميل... والمتحدون للأبد.

ود رملية,
إن تكن أنت جميلا... فليس هنالك ما قد يوقف هذا الجمال.. الروحي... الروحي...

لك مني كل الود بما يحمله, وما يختفي حوله من دهاليز...

أيها الرائع دوما...

Post: #38
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-02-2010, 02:30 AM
Parent: #37

سلامات
وعوافي
يااااااااااااااااااااااه.. اللــــــــــــــه
"هايل زينكو"
ياولد من عجينة الملائكة..
مشتاقين "بزاف" ..
وينك ووين اراضيك..
تلك ايام خلدت في دمي..
المتحدون الى الابد..
هم الزاد الذي نقاوم به جوع الاغتراب..
ياخي مشتاقين..
والنبي الفاشل..
ياخي سيف دا قصة برااااها..
اسكت عليك الله..
انت كيف وناس البيت..
ياخي لك الابتهالات والدعوات والغنيوات اللطيفة..
محبتي يا صديق..
محبتي ياعزيز..
وبلغ تحياتي لـ"ناجي الملك" وقول ليهو بلغ تحياتي لـ"عماد عبدالله"..
عماد عبدالله "نبي الكتابة الرحيمة"..
ياخي بحبكم كلكم كدة..
معزاتي
..ورنبا ينصر الهلال..

Post: #39
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ALMURADABI
Date: 11-02-2010, 09:45 AM
Parent: #38

ودرملية يافرح كل المواسم

شلالات شوق تتدفق ليك

Post: #40
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: هايل زين
Date: 11-02-2010, 10:49 AM
Parent: #38

Quote: سلامات
وعوافي
يااااااااااااااااااااااه.. اللــــــــــــــه
"هايل زينكو"
ياولد من عجينة الملائكة..
مشتاقين "بزاف" ..
وينك ووين اراضيك..
تلك ايام خلدت في دمي..
المتحدون الى الابد..
هم الزاد الذي نقاوم به جوع الاغتراب..
ياخي مشتاقين..
والنبي الفاشل..
ياخي سيف دا قصة برااااها..
اسكت عليك الله..
انت كيف وناس البيت..
ياخي لك الابتهالات والدعوات والغنيوات اللطيفة..
محبتي يا صديق..
محبتي ياعزيز..
وبلغ تحياتي لـ"ناجي الملك" وقول ليهو بلغ تحياتي لـ"عماد عبدالله"..
عماد عبدالله "نبي الكتابة الرحيمة"..
ياخي بحبكم كلكم كدة..
معزاتي
..ورنبا ينصر الهلال..

بمكنك أن تتخيل مدى سعادتي بردك هذا في حالة أنك عرفت كم عدد ذرات التراب في مشروع الجزيرة...

فاكر يا عبد الرحيم لمن مشينا سنجة وطلعنا الكورة وكانوا قايلنك هيثم مصطفى؟؟
فاكر يا عبد الرحيم لمن كنا بنغني أجسامنا ليه جسمين؟؟
فاكر يا عبد الرحيم لمن كنا بنلعب كشتينة في الأوضة ويجي علينا الوالد (رحمة الله عليه) ويناديني عشان أمشي أجيب كشتينة جديدة؟؟
فاكر يا عبد الرحيم لمن طلعنا بالحافلة بتاعت معز أبو حديد مشينا المعرض وقلت للمتسول (يو نييد كيس)؟؟
فاكر يا عبد الرحيم لمن كنت بجيكم في الأهلية ونقعد نشاغل في الجكس (أو بالأصح إنت تشاغل وأنا أثني)؟؟
فاكر يا عبد الرحيم لمن سألت قلت الناس ديل نحن عارفنهم جايين من الخرطوم.. الماشين كده ديل ماشين وين؟؟
فاكر يا عبد الرحيم محبتك لسيف النصر مجاهد حصاحيصا والبقية الصالحة؟؟
فاكر يا عبد الرحيم...
فاكر يا عبد الرحيم...
فاكر يا عبد الرحيم...
فاكر يا عبد...
فاكر يا....
فاكر...

والله إن محبتك في القلب... وكفى.

وللحديث بقية...

تخريمة بسيطة: اللهم أنصر الهلال...

Post: #41
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: الملك
Date: 11-02-2010, 01:40 PM
Parent: #40

حمد لله على السلامة ....

Post: #42
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: محمد عبدالرحمن
Date: 11-02-2010, 06:31 PM
Parent: #41

Quote: فاكر يا عبد الرحيم لمن مشينا سنجة وطلعنا الكورة وكانوا قايلنك هيثم مصطفى؟؟

عمى (السواد واللواد) الواقع على ناس سنجه ...مابعرف وجه الشبه شنو ؟!! ..لو كورة صاحبنا
دا بجليها واقفة ..وكان شبه شكل ساكت ..اخير اسكت ..

--

قاتل الله (نستلوجيا الاسافير) التى يتشابه عليها (بقر) ودرمليه مع (غزلان ) سيدا ...

Post: #43
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-03-2010, 02:27 AM
Parent: #42

سلامات
وعوافي
ياموردابي..
تسلم يا حبيبنا..
واهو بقينا معاكم اولاد "بقعة" وكدة..
هاهاها..
وقول معاي ربنا ينصر الهلال..
تقبل معزتي

Post: #44
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-03-2010, 02:36 AM
Parent: #43

سلامات
وعوافي
ياالله عليك يا هايل..
والله العظيم كل الكلام الافتكرتو دا ..
عايشو انا بالثانية ..
نكتت الريس رحمة الله عليه مع الوالدة العزيزة بتاعت"ديل الما ماشين السوق"..
شخبتتنا في تضاريس الايام..
لم انقطع في السوق العربي بجي كداري لي حي الصفا ..
اتلب بيتكم بي الليل واخش المطبخ "اعضي لامن اصدع"..
وارقد انوم ..
الصباح الريس رحمة الله تعالى عليه يجي يلقاني نايم..
يقول دا منو .. يقولو ليهو "دا ورملية"..
يسكت ويمرق..
لما عملتو لي حفل الوداع الريس عليه الرحمة كان مع الوالدة الكبيرة في بري ..
جاكم قال ليكم الجوطة دي شنو ..
قلت يابا ودرملية مسافر الدوحة ..
قال ليكم الحمد لله السافر..
ياخي كل ما اجي داخل بيتي القا زول نايم..
اسال دا منو يقولو دا ودرملية..
ثم ضحك ضحكته النبوية الجميلة وصعد غرفته..
وتركنا نحن في مهرجان من الضحك..
لا انسى مثل هذه اللحظات يا هايل..
فقد طبعت في ذاكرة الذاكرة ..
في عمق الروح ..
تخريمة:-
طبعا الليلة ريحتنا راحة بي قصة سنجة وهيثم مصطفى دي..
ااااااااي عشان الانصاري دا يأأأأمن بي العبد لله..
اها يا محمد عبدالرحمن تاني ماعندك معاي اي حنك..
والله قصة سنجة دي انا كنت ناسيها..
هاهاها
يجازي محنك ياهايل..
بلغ محبتي وسلامي للوالدة ومجاهد وناس لندن والامارات..
ولان نكاته بالفطرة ..

Post: #45
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-03-2010, 02:41 AM
Parent: #44

سلامات
وعوافي
يامحمد عبد الرحمن..
Quote: عمى (السواد واللواد) الواقع على ناس سنجه ...مابعرف وجه الشبه شنو ؟!! ..لو كورة صاحبنا
دا بجليها واقفة ..وكان شبه شكل ساكت ..اخير اسكت ..

ياخي انا الجكس كان بيكورك لي "يابرنس"..هاهاها..
وفي الكورة الله عالم وشاهد كنت معلم كبير واسأل "حافظ"..
طبعا القصة دي والله يا انصاري حصلت لي اكتر من مرة ..
ياخي مرة في بتاع كافتيريا في السوق الشعبي شبكني ليك فطور وجك عصير..
وجاب لي تكسي يوصلني لحدي بحري الصافية وكلو مجاني ....
هاهاهااهاها..
على اساس اني البرنس .. هاهاها..والله العظيم يا محمد والشاهد على ذلك "جمال سانتو" ..
هاهاهاها...
والله يامحمد تاني بسلم عليك بي طرف ايدي .."برنس وكدة"...
هاهاهاهاهاهاها

Post: #46
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-03-2010, 02:43 AM
Parent: #45

سلامات
وعوافي
ياملك يا حبيبنا..
ياشاب شنو من ديك وعيك..
انت وشمس بقيتو زي هلال رمضان في السنة مرة..
ربنا قادر..
وصاحبك دا لو عارف شوقنا يقطع تذاكرو ويجينا نذاكرو..
المهم..
تقبل معزتي..
وربنا ينصر الهلال..

Post: #47
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: محمد عبدالرحمن
Date: 11-03-2010, 07:07 AM
Parent: #46

Quote: قال ليكم الحمد لله السافر..
ياخي كل ما اجي داخل بيتي القا زول نايم..
اسال دا منو يقولو دا ودرملية..

مظلات مظلات يا ..سلاح المظلات يا...

Post: #48
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: بدر الدين الأمير
Date: 11-03-2010, 01:21 PM
Parent: #47

محمودة عودتك ياودرملية

Post: #49
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: هايل زين
Date: 11-03-2010, 02:01 PM
Parent: #44

Quote: سلامات
وعوافي
ياالله عليك يا هايل..
والله العظيم كل الكلام الافتكرتو دا ..
عايشو انا بالثانية ..
نكتت الريس رحمة الله عليه مع الوالدة العزيزة بتاعت"ديل الما ماشين السوق"..
شخبتتنا في تضاريس الايام..
لم انقطع في السوق العربي بجي كداري لي حي الصفا ..
اتلب بيتكم بي الليل واخش المطبخ "اعضي لامن اصدع"..
وارقد انوم ..
الصباح الريس رحمة الله تعالى عليه يجي يلقاني نايم..
يقول دا منو .. يقولو ليهو "دا ورملية"..
يسكت ويمرق..
لما عملتو لي حفل الوداع الريس عليه الرحمة كان مع الوالدة الكبيرة في بري ..
جاكم قال ليكم الجوطة دي شنو ..
قلت يابا ودرملية مسافر الدوحة ..
قال ليكم الحمد لله السافر..
ياخي كل ما اجي داخل بيتي القا زول نايم..
اسال دا منو يقولو دا ودرملية..
ثم ضحك ضحكته النبوية الجميلة وصعد غرفته..
وتركنا نحن في مهرجان من الضحك..
لا انسى مثل هذه اللحظات يا هايل..
فقد طبعت في ذاكرة الذاكرة ..
في عمق الروح ..
تخريمة:-
طبعا الليلة ريحتنا راحة بي قصة سنجة وهيثم مصطفى دي..
ااااااااي عشان الانصاري دا يأأأأمن بي العبد لله..
اها يا محمد عبدالرحمن تاني ماعندك معاي اي حنك..
والله قصة سنجة دي انا كنت ناسيها..
هاهاها
يجازي محنك ياهايل..
بلغ محبتي وسلامي للوالدة ومجاهد وناس لندن والامارات..
ولان نكاته بالفطرة ..

رأيك شنو تخليني أجيك بي مزااااااج عشان أحيرك وتحيرني بما يحمل كيبوردك من ذكريات جميلة؟؟

وربنا ينصر الهلال

Post: #50
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-04-2010, 02:17 AM
Parent: #49

سلامات
وعوافي
يا محمد عبدالرحمن..
Quote: مظلات مظلات يا ..سلاح المظلات يا...

خليني من المظلات..ركز لي في حتت البرنس دي ..
شايفك عملتا نايم فيها..
قول الحقيقة الله بيحاسبك..
شبه شديد صاح.......هاهاها..
غايتو يا هايل الانصاري دا بعد القلتو انت دا تاني بغلبو النوم..
باقيلك "مابيدور كتيري"..هاهاها..
وربنا ينصر الهلال..

Post: #51
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-04-2010, 02:19 AM
Parent: #50

سلامات
وعوافي
"العراب"..
صديقي الجميل..
طلتك تفرح الروح وتوزن عصب الكتابة,,
معزتي..
"على مواعيدنا ياعمك"..
النشوف اخرتا شنو ..
هاهاهاها..
وربنا ينصر الهلال..[/Blur]

Post: #52
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-04-2010, 02:26 AM
Parent: #50

سلامات
وعوافي
يا هايل..
"ياود قلبا"
Quote: رأيك شنو تخليني أجيك بي مزااااااج عشان أحيرك وتحيرني بما يحمل كيبوردك من ذكريات جميلة؟؟

ياخي حبابك وحباب الأمس وذكرياتو..
طبعا انا ما جبتا ليك قصتي بتاعت "العديد"..
بتاعت الشاي القلبتو جبنة..
في عرس اخوان بهاء الدين..
دي احكيها انت عشان بكرة اصحا القا في تلفوني 100 اتصال من الانصاري..
وعشان خليل دا يسيب "قسطنطينو" ويتلزم الشيخ "ودرملية"هاهاهاها..
بهاء الدين.......!!
لا حولاااا..
الزول الجميل دا مشا وين ياخي..
سلم عليهو شديد..
منتظرك ..
وربنا ينصر الهلال..

Post: #53
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: khaleel
Date: 11-04-2010, 06:33 AM
Parent: #52

Post: #54
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: khaleel
Date: 11-04-2010, 06:41 AM
Parent: #53

http://www.sudanvoice.net/v2/akadlaosadeq.wav

Post: #55
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-05-2010, 00:35 AM
Parent: #54

سلامات
وعوافي
ياخليل ياخي اشكرك لامن تأآآآمن..
بعدين يا"خلي"..
ياخي ما تشيل معاية حكاية"البرنس" دي..
عشان الانصاري دا يحرق معانا"تش"..
بالله الموضوع دا بخلي عليك..
يعني المرة الجاية دايرو يكورك لي "يابرنس"..
براااهو كدة ..
هاهاهاها

Post: #56
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 11-05-2010, 03:46 PM
Parent: #55

قرفصاء
ومتابعة لصيقة للودرمليات
وبس يا عبدالرحيم حكاية البرنس دي واسعة شوية
وحاول شيل رجلك من الابنص وما تفكها فينا بالله
ياخ انت الناس الشافوك قالو الباكورد لمن تجي تلعبو الكورة بتقلش وبتمشي بدل لورا لقدام

وسنتابع
مع تحياتي لهذا الحضور الوريف

Post: #57
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-08-2010, 02:19 AM
Parent: #56

سلامات
وعوافي
كل الاحباب..
كل عام وانتم بالف خير..
دخلت علينا ايام مباركات بحلول شهر ذي الحجة..ونسأل الله ان يجعلنا واياكم من حجاج بيته الحرام..
ثم أما بعد..
طبعا يا كيكي مطالبتي بي حتة "البرنس" دي حق مشروع..
ياخي انتو زول بيشبه زول مالو الكلام دا حارقكم ..
ماعادي ياخي..
ماتبقو ناس حاقدين..
خلونا شوية نتجدع خلينا المنبر لسنتين متصلتين "الا لماما"....
فادونا حقنا الادبي عشان الواحد يقدر يتواصل معاكم..
هاهاهاهاهاها...
لكن يا كيكي الانصاري خاتيها لي ختت السواد..
ياخي لو جاهو البرنس قال ليهو دي بيشبهني ما بيصدق..
فعشمي فيكم انت وخليل كبير..
شيلوها معاي.. يشيلكم حمار النوم..

ويارب تنصر الهلال

Post: #58
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: Tragie Mustafa
Date: 11-08-2010, 03:48 AM
Parent: #57

يا سلام يا كيكي بالله جبت لينا ود رميله؟؟!!
آمانه ما قصرته.

يا ود رميله منور يا اخي
وين الحي بيك زمان والله....

مشتاقين وعساك بخير....

Post: #59
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-09-2010, 04:09 AM
Parent: #58

سلامات
وعوافي
مراحب يا تراجي..
مراحب ياعزيزة..
ممتن لهذا الترحيب ..
اهو صيام اجباري ورجعنا الحمد لله..
والشوق والله بلغ بينا ليكم ولي كل الاحباب الزملاء..
تقبلي معزتي..
..
وربنا ينصر الهلال

Post: #60
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبد المنعم ابراهيم الحاج
Date: 11-09-2010, 04:28 AM
Parent: #59

إذن عادت الأقلام الحية يا كيكي أبو البنية
ألف مبارك يا صديق

ود رملية هلا بيك بعد غياب
لك التحية

Post: #61
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالله السفاح
Date: 11-09-2010, 06:41 AM
Parent: #60

الحبيب الغالي الحنين باكمبا

منور المنتدى يا غالي وحقيقة نحتاج لقلمك

الجميل لينثر الدرر في رحاب المنتدى

فأنت دائماً تمثل لنا الأشياء الجميلة منذ الصغر

ويشهد الله أني احبك من داخل قلبي أخي الكبير

Post: #62
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-10-2010, 02:08 AM
Parent: #60

سلامات
وعوافي
..
العزيز..
معنم الحاج..
حالك طيب يابا..
سعيد بترحيبك يا صديق..
ربنا يتم مرادك..
معزتي..

Post: #63
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-10-2010, 02:44 AM
Parent: #62

سلامات
وعوافي
اخي وصديقي..
الغالي الحبيب..
السفاح..
مشتاقين ياحبيب..
اخبارك والعيال..
انا سعيد بالمعزة البينا ..
وربنا يديم بيننا التواصل والمحبة..
وتعلم يا سفاح ما اكنه لك من مشاعر..
فهكذا قد التقينا...
على المحبة .. وبها.. ومنها.. واليها..وعليها..
فالحياة لاتسمو الا بابتهاج المودة والمشاعر الاخوية النبيلة..
فلتدم بيننا ماحيينا..
بلغ تحياتي للكومندان اسامة وللحبيب عمر..
وربنا ينصر الهلال..

Post: #64
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-11-2010, 03:54 AM
Parent: #63

سلامات
وعوافي
الاحباب جميعا..
..
ربنا ينصر الهلال

Post: #65
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: سلمى تاور
Date: 11-11-2010, 09:57 AM
Parent: #64

Quote: الي صاحبتي في الملمات .. حبيبة تلطف اوجاعي ..

كتبتَ هذا هنا ذات صيف ،، هل تذكر ؟!

عندما قرأته في شتاءنا هذا قلت لنفسي :
الحبيبات عادةً يوجعن ، ترى كيف تلطف حبيبته اوجاعه ؟!

ها وقد اتيت ،، هل تخبرني ؟!

هل اخبرتك انني احب ان استمع للآخرين و هم يتحدثون عن عشقهم ؟! لا ، لم افعل
فقد رحلت باكراً ، او ربما اتيت انا متأخرة

حسناً ، انا احب ذلك كثيراً ، خصوصاً ان كان عشقاً كهذا ، يلطف الاوجاع

فتكلم ،،

انا سلمى
للأسف ما حضرت كتابتك زمان
لكن سعيدة جداً اني حضرت عودتك

حبابك

Post: #66
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: انعام عبد الحفيظ
Date: 11-11-2010, 11:23 AM
Parent: #65

Quote: فهكذا قد التقينا...
على المحبة .. وبها.. ومنها.. واليها..وعليها..
فالحياة لاتسمو الا بابتهاج المودة والمشاعر الاخوية النبيلة..
فلتدم بيننا ماحيينا

ولك من المحبة والأخوة ما يغرقك ويفيض
يا ريت تاني ما تغيب يا ود رملية
فـ قلمك من الأقلام التي لا تمل

تحياتي كيكي

Post: #67
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-12-2010, 04:13 AM
Parent: #65

سلامات
وعوافي
العزيزة..
سلمى تاور..
او دعيني اقول: الصديقة..
الم نلتقى على ضفاف العبارة وباديتها الباذخة الجمال..
اعجبتني هذه اللغة الضاجة ..
اقصد التي تكتبين بها..
هذه هي الخمر التي تسكرني..
ما قرأت حرفا في هذا المنبر فيه من البراءة والسكينة..
الا وغصت في سكرات نشوتي ..
احبذها بريئة لم تخدشها الصناعة ولا الاختلاق..
اشكرك كثير على هذا الدفع الذي بذلتيه..
على هذه اللغة الجميلة المهذبة..
سعدت كثيرا بمتابعتك .. سلمى..
تخريمة:
الحبيبة هي النعيم الذي الوذ به اذا ما اشتد للحياة جحيم...
الحبيبة "توب غتاي"..
وهي الرفيقة التي قبلتني على علاتي..
فكيف ما كان "وجعها" اكون طائعا متقبلا..
ثم..
تقبلي معزتي..
وحبابك مليون..
..
وربنا ينصر الهلال

Post: #68
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-12-2010, 04:21 AM
Parent: #67

سلامات
وعوافي
الغالية جدا جدا
انعام..
مشتاقين..
ثم ياسيدتي الفاضلة ..
والله وتالله في بالي طيلت الفترة الماضية..
لا اعلم لماذا..
"ربما تنوين زيارة الدوحة" فرحة اخرى..
دعينا نحلم بذلك..
.
.
طبعا اخوك هلالابي شديد..
فطيلة الفترة الماضية ظللت تقفذين الى ذاكرتي..
من باب التفاؤل ..
بقول الهلال حالو زين..
ثم كيف اخبارك والحياة..
اظنها تمشى كما تحبين..
اتمناها كذلك..
تستحقين كل بشائر السعد..
والحب..
والاماني الجميلة..
تستحقين ياصديقة كل الدعوات والابتهالات..
فتمني ما شئت..
واسأل الله ان يستجيب لك بفضل هذه الايام المباركات..
تقبلي معزتي الشديدة ..
وربنا ينصر الهلال

Post: #69
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: معتز القريش
Date: 11-12-2010, 09:20 AM
Parent: #68

ود رملية ..

قلم كم تمنيت أن يكون لي

عودتك أفرحتنا والله

Post: #71
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-14-2010, 04:38 AM
Parent: #69

سلامات
وعوافي
ود القريش..
ياصديقي الجميل..
المشاكس اللطيف..
كيف اخبارك يا زعيم..
اخجلتني والله..
ربنا يتم ليك مرادك..
تقبل محبتي..
وتمام معزتي..
.
.
ربنا ينصر الهلال

Post: #70
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: سلمى تاور
Date: 11-12-2010, 07:04 PM
Parent: #67

Quote: الحبيبة هي النعيم الذي الوذ به اذا ما اشتد للحياة جحيم...
الحبيبة "توب غتاي"..
وهي الرفيقة التي قبلتني على علاتي..
فكيف ما كان "وجعها" اكون طائعا متقبلا..

هنيئاً لك ب(وجعها) إذاً

Post: #72
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-14-2010, 04:43 AM
Parent: #70

سلامات
وعوافي
الصديقة العالية..
سلمى تاور..
Quote:
هل اخبرتك انني احب ان استمع للآخرين و هم يتحدثون عن عشقهم ؟! لا ، لم افعل
فقد رحلت باكراً ، او ربما اتيت انا متأخرة
حسناً ، انا احب ذلك كثيراً ، خصوصاً ان كان عشقاً كهذا ، يلطف الاوجاع
فتكلم ،،
انا سلمى
للأسف ما حضرت كتابتك زمان
لكن سعيدة جداً اني حضرت عودتك
حبابك

يا رفيقة..
رفقا..
اتمنى ان اراك تكتبين ..
في هذا المكان الموحش..
كتابة بلا توقف..
فهذه القريحة التي اجادت بالترحيب لهي اكثر طلاوة اذا ما انفك قيدها على اسفيرنا..
اطلقي عنانها وتوكلي..
وستؤتى الثمار..
الثمار اليانعة..
ممنون لوجودك في هذا الخيط..
وممنون اكثر اذا ما "فركتي" صفحة المنبر الاولى ..
باشيائك ..كتاباتك ..خطرفاتك .. اهازيجك التي ترددينها في صمتك..
اكتبي ياصديقة..
.
.
وربنا ينصر الهلال

Post: #73
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: عبدالكريم الامين احمد
Date: 11-14-2010, 08:51 AM
Parent: #72

Quote: يا كيكي أمسك الزول ده لحدي ما أجيك

نقوم نملاهُ نضمي علي اليمين تاني من هنا ما يمرق

هلا يا حبيب نورة
ولا زلنا قرفصاء في انتظار حضورك المدهش
وفي حضورك وحضور ودرملية الي ساحة من الساحات كرنفال وفرحة
حيث انكم يسمحون لنا بالسفر والترحال في ثنايا وجدانكم الملان بما لذا وطاب من رحيق الحياة
وتحياتي

Post: #74
Title: Re: عبد الرحيم درملية قلما شفيفا تشتاقه المدارات والعوالم الضاجة...!!!
Author: ودرملية
Date: 11-15-2010, 04:39 AM
Parent: #73

سلامات
وعوافي
ها مرة اخرى ..
ككل عام..
يمنحنا الهلال نصف ابتسامة ..
..
يا الله..