Post: #1 Title: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 10:11 AM Parent: #0
يا شبيبة القبائل اخوكم كيكي عوض كيكي هلالابي سابق علي السكين... وتا الله ومنذ زمن باكر ويوم الهلال يكون فيهو لاعب حتي ولو مع فريق تعبان جنينة ملوة بكون منكرش كاروشة تقيلة وقمة الانكراشة والرجفي والعرق واحتمال الملاريا كان عندما يكون ابو الهل لاعب مع الخصم الرعديد المريخ ذلك الوصيف والرديف اللعين وكنت عارف كل لاعبية الهلال جايين من وين وكانو بلعبو وين وسجلوهم كيف وفي ياتو خانة... ومتابع ابو الهل واحمد الله سيدي... اها كراكير الغربة ام دق اخدتنا عن الهلال ومداراته وعوالمه الزرقاء وفقامت (كورتي فكت) وبقيت قاعد في السهلة وما متابع جيد وفي فترة من فترات التيه والظلام الهلالي بتاعي اعجبني اسم بدر الدين قلق واعتقدت جازما بانه لاعب هلالي حتي عالجني احد المتابعين بغير ذلك.. المهم في الامر اعجبني اداء الهلال في مبارياته الاخيرة وحابي اعود الي قواعدي الهلالية القديمة ولكن بعض الهلالاب المرجفين من عثمان النعيم ومن لف لفهم قالو لي يا زول هوووي ما دايرنك وفررررررررتق يا زول فررررتق...!! اها العمل شنووووو..؟؟
وسنعود
Post: #2 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 10:19 AM Parent: #1
لاحقا وعندما نونسو سنكتشف بان ليس هلالايتي هي الوحيدة التي فكت وذهبت مع الريح بل مريخي زااتو فك ولحق غنم زهرة كون الامر الهلالي البرنجي يتطلب متابعة كراكير الخصم ومعرفة مواطن قوته وضعفه وان كان دفاع المريخ بضعفه التاريخي اغناني عن هذه الجزئية (لاعتقادي الجازم بان دفاع المريخ تعبان اربعة وعشرين ساعة)
Post: #4 Title: Re: محاولات قمع هلالابي عائد بعد غياب وتيه...!!! Author: مرتضى احمد عبد القادر Date: 11-04-2010, 10:25 AM Parent: #2
داير ترجع تجغمو موش !!؟
ادي الهلال فرقه يجازف ليهو كأس افريقي وبعداك ارجع
Post: #5 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 10:32 AM Parent: #4
Quote: داير ترجع تجغمو موش !!؟
ادي الهلال فرقه يجازف ليهو كأس افريقي وبعداك ارجع
هلا يا مورتا وحتي انت يا مورتا يا ممراح عندما كنت هلالابي كامل الدسم يا مورتا حلمت مليون مرة ومرة بكاس ياتي من خارج الحدود وممكن اكون اكثر زول في العالم كان لابد للحكم لاراش لو لميت فيهو في زقاق ضيق ولكن يد المنون اختطفته منا وعشت مع علي الحسن مالك بكل حواسي واهلكت الاطنان من التمباك وانا جالس القرفصاء امام مباريات ابو الهل وهو يلاعب الفرق الاخري الشطرنج في ايامات حمد والديبة الذين هم حاجة عجيب.. فعليكم الله يا ادوني جانص اخش معاكم في الجوقة الهلالية واحقق حلمي القديم...وصدقوني ممكن انفع علي الاقل امسك ليكم قطاع مرجفي المريخ من امثال طلحة التحت ده واميرة الشيخ وهارون دياب وكيغا واخرون من بينهم ود الجمري.
Post: #6 Title: Re: محاولات قمع هلالابي عائد بعد غياب وتيه...!!! Author: محمد عبدالرحمن محمد Date: 11-04-2010, 10:41 AM Parent: #5
Quote: وصدقوني ممكن انفع علي الاقل امسك ليكم قطاع مرجفي المريخ
وما تنسى يا كريم صلتك القويه بي شيخك شكرالله!! مدد.. مدد..
Post: #3 Title: Re: محاولات قمع هلالابي عائد بعد غياب وتيه...!!! Author: طلحة عبدالله Date: 11-04-2010, 10:25 AM Parent: #1
تحياتي يا كيكي
Quote: الهلالاب المرجفين من عثمان النعيم
انقل تحياتي للزول الفوق دا كان ياهو عثمان النعيم البعرفو واللا ما ياهو .
Post: #7 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 10:41 AM Parent: #3
Quote: انقل تحياتي للزول الفوق دا كان ياهو عثمان النعيم البعرفو واللا ما ياهو
هلا يا طلحة وحبابك يا تنظير ويا زول مافي ايتها تحيات حتصل لابوعفان ده مالم يوقع بالاحرف الاولي ويتيح لي فرصة للتعبير عن مشاعري الهلالية التي تدفقت عقب مباراة التيحة في ليبيا قبل مباراة الصفاصقي التي اتيت اليها باكرا ياااخ ذكرتني عهدي الاول..
------------------- ابو عفان بالف خير يا طلحة ولو زولك البتعرفو زول يمتاز بالمتابعة اللصيقة والممتازة للشان الهلالي والرياضي عموما فانه ابو عفان بتاعتنا وستصل تحياتك وبالله صالح الدعوات بان اعود هلاليا كامل الدسم ومتابع حتي لمباريات الهلال والامل عطبرة مثلما يفعل ابوعفان ونصر الدين وخليل ومحمد عبدالرحمن الكيكي
Post: #8 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 10:47 AM Parent: #7
Quote: وما تنسى يا كريم صلتك القويه بي شيخك شكرالله!! مدد.. مدد..
هلا يا محمد عبدالرحمن وحبابك يا الماكيكي والناس ديل لو رجعوني الملاعب فخالك خيرو راااااقد الجراب فيهو شيخي شكرالله والنطاس الاسطوري قوبي حيكون تحت الخدمة والطلب والفكي جعفر انترنت ايضا جاهز موية ونور بس ياريت يحنو الناس الرعاديد ديل ويقولو عوووووووك
Post: #9 Title: Re: محاولات قمع هلالابي عائد بعد غياب وتيه...!!! Author: طلحة عبدالله Date: 11-04-2010, 10:56 AM Parent: #8
زولي ذاتو على ما أذكر أيام كان شغال في الرأي العام ونجوم الرياضة هلالابي غياظ جدا يعيث خرابا في أي مقال او خبر يشتم فيهو ريحة الحقد على أبو الهل عشقو الاول بعد شاي اللبن بتاع المغرب .. ياخ أحييهو وأشتاق ليهو شديد والله
Post: #10 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 10:58 AM Parent: #8
Quote: يا زول هوووي ما دايرنك وفررررررررتق يا زول فررررتق...!!
اها يا سادة ياقامعاب قول فرتقت اقبل وين يعني...!! امشي المريخ ذلك الرعديد الذي مارس فينا في الماضي الحمي وسهر الجداد وعدم نومو وباي ذاكرة ارجع لفريق كان عندما يكون في واوج جمال ابوعنجته بلم فينا وبدقنا دق العيش.. وعندما يتالق دحدوحه كنا نشرب سويا يا هلالا وما نروي....!! ام هل يريد مني هولا القامعاب الجدد ان اشجع فريق بلعب فيه فيصل العجب وهيثم طمبل ذلك الهارب من الخدمة الهلالية ام اشجع فريق اتي بكاسات كرتونية سيكافيةو ضربات جزائية اتي بها حامد بريمة افررررررتق وين..؟؟؟ انا من ظنوني يا هلالاب دلوني دلوني يا ناس دلوني
Post: #11 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 11:09 AM Parent: #10
Quote: زولي ذاتو على ما أذكر أيام كان شغال في الرأي العام ونجوم الرياضة هلالابي غياظ جدا يعيث خرابا في أي مقال او خبر يشتم فيهو ريحة الحقد على أبو الهل عشقو الاول بعد شاي اللبن بتاع المغرب .. ياخ أحييهو وأشتاق ليهو شديد والله
هلا ياطلحة والمواصفات دي غايتو كثير منها متواجد بكثرة في زولك ده العشق الخرافي لابو الهل لدرجة منع واصدار فورمان بحرمان هلالي كبير وتندل من العودة الي العمل الهلالي.. وكدي نشد ليهو سلك ونتاكد وفجاة كده نطلب منه العفو العام حتي اعود الي وكناتي الهلالية واجلس القرفصاء في دكة المنتظرين للكاس الجاي جاي بلاريب
Post: #12 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 11:21 AM Parent: #11
طبعا حتي يحن السادة بني هلال وجوقة القامعين الجدد من الضرورة اعمل فرش متاع لخبراتي الهلالية السابقة.. طبعا فراملتي الشهيرة في امر مباريات هلال مريخ هي كورة هلال -مريخ جوبا ودي ممكن نكاوش ليكم فيها الاولين من بني مريخ في ان ذلك القوون الذي اتي به سامي عزالدين (عليه الرحمة) قد اتي عقب فاول من الاسطوري بشارة ابو اضان تقاضي عنه الحكم الذي زود في الزمن ودلق فيه من مياه بحر الجبل دقائق عقب الزمن الرسمي مما اتاح للمريخ ان ياتي بهدفه الاستروبيا داااك... غالطت زي ديشليون مريخابي ونص في ميدان الامم المتحدة قبل ان يتم هردمة تلك الاكشاك وواد اكبر تجمع مشجعاتي مميز كان يمكن ان يكون وجهة سياحية ...!!
عارف يا كيكي أجمل توقيع قريتو لي واحد في منتدى الهلال و يقول فيه:
Quote: قالوا عن الرجفه أن تتعشى منذ الساعة الثانية ظهرا....
يا زول كلامك ده كلو رجفه ساكت
أكل نارك بس
Post: #14 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 11:30 AM Parent: #13
Quote: قالوا عن الرجفه أن تتعشى منذ الساعة الثانية ظهرا....
والله ياعمار الواحد عشان الرجفة البتحصل في مباريات ابو الهل دي حقوالزول يسمع كلام القامعين الجددديل القالو لي يا زول فرررررتق وافرررررررتق ياخي دي رجفة تاريخية ورهيبة
Post: #15 Title: Re: محاولات قمع هلالابي عائد بعد غياب وتيه...!!! Author: khaleel Date: 11-04-2010, 11:35 AM Parent: #14
هلا صاحبي
كيكي النموذجي الفنان
ابقي عشرة علي نموذجي دي ما نلقاها مرقت في القضارف
والله فاتك خير كتير في غابر الايام
الهلال في معركة كسر العظم قبل الاخيرة
نحتاج لقلبك وسيفك
Post: #16 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 11:42 AM
Quote: هلا صاحبي
كيكي النموذجي الفنان
ابقي عشرة علي نموذجي دي ما نلقاها مرقت في القضارف
والله فاتك خير كتير في غابر الايام
الهلال في معركة كسر العظم قبل الاخيرة
نحتاج لقلبك وسيفك
هلا يامدهش ونموذجي دي ما بضمنها ليك لانو (مترع) بتاعتك الكتبتها قبل كم يوم لقيتها واصلة الدالي والمزموم ولقيت معاها (ممراح) ملطوشة لطشة قبورة... عائدون وبقوي يا خلي رغم القمع والارجاف الهلالي الا ان هتافنا الرسمي ومنذ الان (كل القوووي المقبرة جووه).. وسيكون قوبي واخررين والجوقة علي مرمي حجر من حي العرب للدعم والاسناد للوجستي لقسطنطين معشوق الرياح
Post: #17 Title: Re: محاولات قمع هلالابي عائد بعد غياب وتيه...!!! Author: khaleel Date: 11-04-2010, 11:48 AM Parent: #16
Quote: وسيكون قوبي واخررين والجوقة علي مرمي حجر من حي العرب للدعم والاسناد للوجستي لقسطنطين معشوق الرياح
خليني (الخنك ) درس
الهلال في دور الاربعة لعب مباراة الذهاب مع الصفاقسي
(انت واجد معلوم صفاقسي )
خسر بهدف في تونس والرد في المقبرة قبل عيد الاضحي بي يومين
استلم الملف دا وحذاري من ناس خرتو ليهو دهب
Post: #18 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-04-2010, 11:59 AM Parent: #17
Quote: خليني (الخنك ) درس
الهلال في دور الاربعة لعب مباراة الذهاب مع الصفاقسي
(انت واجد معلوم صفاقسي )
خسر بهدف في تونس والرد في المقبرة قبل عيد الاضحي بي يومين
استلم الملف دا وحذاري من ناس خرتو ليهو دهب
علم يا ممراح وقوبي مر من هنا(علي وزن المراصد الحايمة في المنبر اليومين دول) واحيط علما بهذه الجزئية تماما وليك علي سنضربن هذا الصفاقصي ضرب غرائب الابل الصفاقصية واعتبر الموضوعDONE
Quote: وعشت مع علي الحسن مالك بكل حواسي واهلكت الاطنان من التمباك وانا جالس القرفصاء امام مباريات ابو الهل وهو يلاعب الفرق الاخري الشطرنج في ايامات حمد والديبة الذين هم حاجة عجيب..
دفع الله حاج سعيد (جميل) قال بعد كل مباراة خارجية علي الحسن مالك يقول لينا الليلة اي زول في السودان عندو سكري وللا ضغط انتهيت ليكم منو ... بركة الزمن داك الما كان عندك يا كيكي ....
Quote: فعليكم الله يا ادوني جانص اخش معاكم في الجوقة الهلالية
القصة جااايطة تخش وتطلع يا كيكي مافي زول بجيب خبرك الناس ديل مغبيين والصفعة البتصحيهم قررررربت .
Quote: واحقق حلمي القديم...وصدقوني ممكن انفع علي الاقل امسك ليكم قطاع مرجفي المريخ من امثال طلحة التحت ده واميرة الشيخ وهارون دياب وكيغا واخرون من بينهم ود الجمري.
هلا يا ود الجمري وحبابك في مدارات هلاليتي التي رقدت سلطة وبقي دفاع المريخ احسن منها.. وفعلا يا امير علي حسن مالك وسيرة يووووور يوووووور عمل لينا ارتجاجات وهزات في المخيخ لاحقا عندما جينا الغربة وعملنا رنين مغنطيسي طلع طوااالي عندنا ضغط علي حسن مالك والرشيد بدوي عبيد منحونا اجمل توصيف لكور الهلال والمريخ والفريق القومي بالخارج ولوهبشت الرادي بتاعك كويس ممكن تجيك كورة طالعة براااحة..
Quote: القصة جااايطة تخش وتطلع يا كيكي مافي زول بجيب خبرك الناس ديل مغبيين والصفعة البتصحيهم قررررربت .
الناس ديا يامير اعمل حسابك منهم فمنظمين تنظيم ماسوني عديل كده الكور بتاعة الهلال الكشمشة وهم بعيدين في الغربة دي جابيبن خبرها وعارفين كل الكومونية بتاعة بتاعة ابو الهل... تخيل اخر مرة ضربت للشلة اياها ولقيتهم كلهم متراجفين وقالو قاعدين يحضروا في كورة الهلال والامل عطبرة يااخ دي متابعين متابعة لصيقة اها شوف زي غسطة ابو خليل الجاء نابل لينا كالهدهد ببشة وفنيات تخلع
وامسكو الخشب يا امير بالطيور الهلالية الكيكية التي هربت من الخدمة الهلالية من اثر الغربة وجخانيها وقرايتها ام دق ها قد عادت الي وكناتها
Post: #21 Title: Re: محاولات قمع هلالابي عائد بعد غياب وتيه...!!! Author: omer osman Date: 11-04-2010, 12:15 PM Parent: #19
Quote: غالطت زي ديشليون مريخابي ونص في ميدان الامم المتحدة قبل ان يتم هردمة تلك الاكشاك وواد اكبر تجمع مشجعاتي مميز كان يمكن ان يكون وجهة سياحية ...!!
ياسلام ياخ ......
بتذكرو الزول حاجات عجيبة خلاس .......
غلاط مشجعي الهلال والمريخ في ميدان الامم المتحدة ، واعمامك المداحين ديلك ... مديح Live ناس كتار هنا مابكونوا شافوا المنظر ده
والمحلات في مواجهة الميدان محلات المغربي .. ومخازن العامل فيها الزي المدرسي ... وباتا (الكبك اهم من القراية زاته)
وبتاع العجلات داك نسيت اسمو ........ ايييييييييييه زمن
غلاط مشجعي الهلال والمريخ في ميدان الامم المتحدة ، واعمامك المداحين ديلك ... مديح Live ناس كتار هنا مابكونوا شافوا المنظر ده
والمحلات في مواجهة الميدان محلات المغربي .. ومخازن العامل فيها الزي المدرسي ... وباتا (الكبك اهم من القراية زاته)
وبتاع العجلات داك نسيت اسمو ........ ايييييييييييه زمن
هلا يا جنابو وحبابك يا معتق وايوووه ميدان الامم المتحدة كان رهيب ياااخي مداحين ومديح موغل في الدهشة واجمل اللقطات هي الرقصات التي تتم من المشاهدين والمتفرجين تلقي الووااحد ياخد رقصتو علي طريقة المداح راجع وهو ماشي علي المداح او العكس صحيح... وهناااك في الركن ما بين اكشاك الجرائد وسور الميدان تجد رواد النقاش وده كان سودانيز اونلاين متقدم فممكن تلقي تمبس بتاع زمان وكيغا 2000 وممكن لو صبرت شوية يجييك منظراتي زي صحبي طلحة وقد يطل محمد البشري او ود الصايم حيث الكاااااااك وقد تجد خليل ايضا لووووول.... وبتاع العجلاااااات داك انا واثق في البوست ده حيجي من اقصي من المدينة من ياتي بخبره رقيق..
Quote: وايوووه ميدان الامم المتحدة كان رهيب ياااخي مداحين ومديح موغل في الدهشة واجمل اللقطات هي الرقصات التي تتم من المشاهدين والمتفرجين تلقي الووااحد ياخد رقصتو علي طريقة المداح راجع وهو ماشي علي المداح او العكس صحيح... وهناااك في الركن ما بين اكشاك الجرائد وسور الميدان تجد رواد النقاش وده كان سودانيز اونلاين متقدم فممكن تلقي تمبس بتاع زمان وكيغا 2000 وممكن لو صبرت شوية يجييك منظراتي زي صحبي طلحة وقد يطل محمد البشري او ود الصايم حيث الكاااااااك وقد تجد خليل ايضا لووووول.... وبتاع العجلاااااات داك انا واثق في البوست ده حيجي من اقصي من المدينة من ياتي بخبره رقيق..
وكل الود
يا سلاااااااااااااااااااام يا كيكي ياخ دي لوحة جميلة خلاث باخ . واهم حاجة صفائح الموية والكركدي والكوز ابو تعريفة والتلج المطفح والتلجة القاعدة فوق راس الصفيحة نقية وشفافة نقاء الناس القاعدين مدورين النقاش وشفافيتم التلجة تحكي عنهم وعن اختلافا معاهم فقط في الصفة فهي باااااااااردة وهم حرارتم تكوي من كلللو .
Quote: يا سلاااااااااااااااااااام يا كيكي ياخ دي لوحة جميلة خلاث باخ . واهم حاجة صفائح الموية والكركدي والكوز ابو تعريفة والتلج المطفح والتلجة القاعدة فوق راس الصفيحة نقية وشفافة نقاء الناس القاعدين مدورين النقاش وشفافيتم التلجة تحكي عنهم وعن اختلافا معاهم فقط في الصفة فهي باااااااااردة وهم حرارتم تكوي من كلللو .
يا سسسسلام يا امير علي ميدان الامم المتحدة الزماااان داك كان مسرح فعلا وملان بدهشة ونبض هذا الشعب الجميل ومتنوع يااخي في جنونه وفنونه تلفت كده تلقي زول جااااري محصل حافلة ...تلفت بهناك تلقي شمطة وكركبة ليها ضل بين اثنين وسرعان وما تنتهي بمعانقة او صلح خطافي... يحكي عن شاب اتي من الريف البعيد وكان مشهور بسلاطة لسانه وعندما سخنت معاه الخرطوم قرر ان يركب موجة البرد برد التي كانت سوقها واااري بمزاج في تلك الايام.,.. واها وهو حايم بمزاج في الميدان ده وجردلو كبير ويردد بردبرد وفجاة لقي قدامو اولاد بلدته فما كان منه الا وان نزل الجردل من يدو فرتققققققق جري شديد حتي غاب عن الاعين
المصطلح عندك يا جاغريو اصبح مشحون بدلالات موغلة في الاندياح وفي تميز مفدري حاصل شي انياب وشي سلس وشي علك في كامل جمالك بس حجب وكدك المفردة يا عمك ما تتطلش وتطلع ليك في قضارف الاسافير
ان كان الصفاقصي بلا انياب وبلا مخالب نتمني ان يضربه ابو الهل كشية ومرارة نية ويدوزن عصب الكاسات الخارجية الاشتر
Quote: عودني الهلال ان يترك خليله في ذلك المكان الموحش
نتظر ابتسامة القمر في هذا الشهر النوفمبري
هلا يا جاغو وعندما يبتسم القمر في نوفمبر وعبر انتصارات الهلال تتبسم ملايين الوجوه الطيبة من بني هذا الشعب وستنمو في اطراف الكراكير والجخانين السودانية زهرة لوتس الافراح وستنام الفيافي وهي ضاحكة مل شدقيها
Post: #39 Title: Re: محاولات قمع هلالابي عائد بعد غياب وتيه...!!! Author: khaleel Date: 11-05-2010, 09:18 AM Parent: #38
Quote: وعندما يبتسم القمر في نوفمبر وعبر انتصارات الهلال تتبسم ملايين الوجوه الطيبة من بني هذا الشعب وستنمو في اطراف الكراكير والجخانين السودانية زهرة لوتس الافراح وستنام الفيافي وهي ضاحكة مل شدقيها
صباحك سكر ايها الممراح
نعم انتصار الهلال يدوزن الاشياء ويلمس عصب السكون ويحلو البوح
وسنصرخ حتي يشرخ حلقومنا هلال هلال هلال
Post: #40 Title: Re: محاولات قمع هلالابي عائد بعد غياب وتيه...!!! Author: khaleel Date: 11-05-2010, 09:37 AM Parent: #39
Quote: فريق الهلال العريق طوال تاريخه الطويل ظل يشارك بقوة في المنافسات الخارجية وفي الماضي وصل للنهائي مرتين .. في الفترة الأخيرة
ظل الهلال يصل الى الأدوار قبل النهائية بطريقة معتادة لكنه اخفق في مناسبتين من عبور هذا الدور ، الاولى كانت موسم 2007من عبور هذا الدور الاولي كانت 9002 امام النجم الساحلي والثانية موسم 9002 امام مازيمبي الكنغولي ومن المفارقات ان الفريقين النجم ومازيمبي بعد ان تخطيا الهلال تمكنا من الفوز بالقاب هذه المواسم رغم ان الفارق في مجموع لقاءاته بالفريقين وقتها كان هدف وحيد يفصله من التأهل .. ولم يكن هناك فارق في المستوى بل كان الهلال في تلك الأوقات هو الفريق الأفضل بشهادة الخبراء والمحللين .. لكن في اعتقادي ان الهلال افتقد في ذلك الوقت ثقافة الأدوار النهائية وكيفية التعامل مع مبارياته.
ايام قلائل باتت تفصل سيد البلد عن منازلته لفريق الصفاقسي التونسي بملعب الطيب المهيري بمدينة صفاقس وهذه المرة يجب على الهلال ان لا يتعامل مع هذه المباريات بنفس الطريقة التي ادى بها لقاءاته السابقة في نفس الدور وهذه ليست مسئولية اللاعبين وحدهم وانما تقع على عاتق كل من له دور ويجب عليه ان يؤديه بالصورة المطلوبة فهنالك ادوار ادارية وأخرى فنية ثم ادوار صحفية فيجب ان تتكامل كل هذه الأدوار لتصب في مصلحة الهلال في هذه المرحلة الحساسة.
هناك اختلاف كبير بين مباريات الدور قبل النهائي وبين مباريات دوري المجموعات .. في دوري المجموعات يكون المطلوب انتزاع نقطة من خارج الأرض او تحقيق الفوز ثم الفوز في جميع مباريات الفريق داخل ارضه لنيل احدى بطاقتي التأهل الاولى او الثانية .. اما في الدور قبل النهائي فان الفريق يتأهل من مجموع لقائي الذهاب والاياب وهذا اختلاف كبير يحتاج الى ثقافة تعامل اكبر من الدور الذي سبقه ومن هنا يجب ان يبدأ الهلال.
هذه المرة هنالك الكثير من المؤشرات الايجابية التي اذا احسن الهلال التعامل معها بطريقة جيدة فهو لا محالة متأهل باذن الله.
ـ أولاً: في المرتين اللتين وصل فيهما فريق الهلال للدور قبل النهائي 2007م ثم 2009 كانت المباراة الاولى داخل الارض والثانية خارج ملعبه رغم ان هذا الأمر ما كان يجب ان يمثل للهلال عائقا ولكن هذه المرة الهلال سوف يخوض اللقاء الأول بعيداً عن قواعده وهو المؤشر الايجابي الاول .. فريق الصفاقسي التونسي سوف يعاني من ضغط نفسي اكبر باعتباره سوف يجبر على التفكير في المباراتين في وقت واحد باعتبار انه سوف يعمل على تحقيق الفوز في مباراته بملعبه ليتمكن من دخول مباراة ام درمان في وضع افضل ، من هنا تبدأ ثقافة التعامل مع مثل هذه الأوضاع وتحويلها لمصلحة الهلال.
في المباريات النهائية دائماً نجد ان الأهداف التي تحرز تكون قليلة جداً نسبة للانضباط التكتيكي العالي للفرق في مثل هذه الأدوار ، مثلاً في مباريات كاس العالم نجد ان معظم مباريات الدور قبل النهائي يتم حسمها بعد الوصول للأوقات الإضافية ويكون الحسم اما بهدف قاتل او من خلال ركلات الجزاء الترجيحية لذلك يجب على الهلال أداء المباراة بانضباط تكتيكي عالي ووفق بناء خططي مدروس وتقسيم المباراة لشوطين فاذا انهى الهلال الشوط الاول دون ان يدخل مرماه اي هدف سيضع فريق الصفاقسي امام ضغط نفسي عالي فيحاول مهاجمة الهلال بقوة في شوط اللعب الثاني واستغلال اي فراغات يتركها فريق الصفاقسي في وسط الملعب او خط الدفاع لضربه واحراز هدف يقتل الروح المعنوية للفريق التونسي.
ـ التعامل مع المباراة ببرود اعصاب شديد وتركيز عالي فكلما زاد تركيز لاعبي الهلال ومر الوقت قل في مقابل ذلك تركيز لاعبي الصفاقسي ، خاصة في اللحظات الاولى للمباراة وعدم الوقوع في الفخ الذي وقع فيه الاهلي المصري امام الترجي بولوج هدف سريع.
ـ ايضاً التعامل ببرود مع المباراة يبعد اللاعبين عن الاحتكاك بلاعبي الصفاقسي ودخولهم في احتجاجات مع التحكيم خاصة خليفة ، وعلاء الدين يوسف ، وعمر بخيت والمعز محجوب وهم الابرز في نيل البطاقات بسبب ادائهم المصحوب بالاحتكاك والاحتجاج ما يؤدي لنيلهم الكروت الملونة وهذا جانب سيعمل عليه الصفاقسي حتى يفقد الهلال أحد عناصره في لقاء العودة.
ـ فريق الصفاقسي في هذه الأيام بكل تأكيد يعمل على الحصول على أكبر قدر من المعلومات عن الهلال سواء كان عن طريق الصحف الرياضية أو القنوات او حتى من خلال النت .. وهنا لا يجب علينا ان ننسى أن هنالك عدد من المحترفين التونسيين الذين يلعبون في الدوري السوداني هذا الموسم وقد جاءوا تحديداً من فريق الصفاقسي التونسي فلا أعتقد ان الصفاقسي سوف يترك هذه الفرصة في محاولة جمع اي معلومات توضح له نقاط ضعف يمكن ان يستفيد منها ، وهذا جانب لن يخيفنا باعتبار ان الهلال فريق كبير ويمكنه ان يتعامل مع اي فريق بخبرته الكبيرة.
لذلك اتمنى ان يستغل الهلال نفس هذا السلاح طالما انه يملك لاعبا سابقا لعب لهذا الفريق وهو المحترف الكنغولي امبيلي المعار الى ليبيا ، هذا اللاعب كان يلعب لفريق الصفاقسي التونسي موسم 2007م عندما قاده للمباراة النهائية في بطولة الكونفدرالية الافريقية بعد ان فاز الصفاقسي في تلك المباراة على فريق مازيمبي الكنغولي بلومباشي معقل مازيمبي وقد احرز امبيلي الهدف قبل نهاية المباراة بعشر دقائق بعد تمريرة لاعب الفريق السابق والمريخ الحالي عبد الكريم النفطي ليقوده للمباراة النهائية.
لذلك اتمنى ان تعمل ادارة الكرة بفريق الهلال بتوفير اتصال يجمع بين امبيلي ومدرب الهلال ميشو ثم آخر بين امبيلي وكابتن الفريق هيثم مصطفى ومن خلاله يمكن ان يتعرف الهلال على أدق تفاصيل تعامل هذا الفريق مع الفرق التي تواجهه في هذه الأدوار ليتحصن الهلال ويسافر وهو مستعد لكل السيناريوهات المحتملة.
يجب للهلال في مثل هذه المراحل ان يعطي كل صغيرة أو كبيرة حقها وان لا يترك شيئاً للظروف والاحتمالات في مثل هذه المراحل وانا متأكد من ان كل ذلك سوف يفيد الفريق باذن الله تعالي..
ختاماً كل التوفيق لسيد البلد هلال السودان هلال الملايين.
محمد ميرغني على صالح
Post: #41 Title: Re: محاولات قمع هلالابي عائد بعد غياب وتيه...!!! Author: khaleel Date: 11-05-2010, 09:58 AM Parent: #40
Post: #42 Title: Re: محاولات قمع هلالابي عائد بعد غياب وتيه...!!! Author: khaleel Date: 11-05-2010, 10:01 AM Parent: #41
Quote: نشرت: 05/11/2010 - 05:43 عدد رقم 6898 • كتب ابراهيم الجيلي ـ تصوير مهند فقيري تاهل الهلال المارد الازرق لنصف نهائي كاس السودان بفوز ساحق علي منافسه الاهلي الخرطومي بلغ خماسية بيضاء في شباك
حارسه ايهاب زغبير علي مدار الشوطين باستاد الهلال ليصعد الهلال مباشرة للدفاع عن لقبه السابق بطولة كاس السودان التي نالها العام الماضي حيث ادي الهلال مباراة قوية وجادة امام منافسه الاهلي العنيد بتشكيلته الاساسية التي خاض بها مباراة الصفاقسي التونسي الاخيرة في ذهاب نصف نهائي بطولة الكونفدرالية وترجم الهلال اداءه الحماسي الرائع بفوز ساحق وعرض رائع اطرب به جماهيره التي تابعت اللقاء حيث تبادل في تسجيل الخماسية محمد احمد بشة هدف تخصصي افتتح به النتيجة الكبيرة بعد جملة تكتيكية اختتمها بتسديدة قوية في الشباك الاهلاوية واضاف المحترف الزيمبابوي هدفين من راسية رائعة وركلة جزاء ارتكبت مع يوسف محمد في الشوط الثاني وعزز الغزال مهند الطاهر المتالق بهدفين اكثر من روعة الاول من تسديدة يسارية والاخر من راسية حولها بذكاء داخل الشباك من الكرة التي عكسها له مدثر كاريكا مختتما بها الخماسية.
وكان الهلال قد استعرض مهاراته وعضلاته امام فريق الاهلي مقدما واحدة من اجمل واروع مبارياته المحلية في الفترة الاخيرة والتي جرب فيها الجهاز الفني اوراقه الاساسية قبل مواجهة منافسه النيل الحصاحيصا بعد غد الاحد في الجولة قبل الاخيرة لمنافسة دوري سوداني الممتاز.
بهذه النتيجة طمان الهلال جماهيره وضمن التاهل الي نصف النهائى ووجه الهلال انذارا لكل الفرق بما فيها المريخ الذي سيواجهه في نهائي بطولة دوري سودان وكان ميشو المدير الفني للهلال قد منح الاسماء الاساسية الفرصة كاملة بقيادة المعز محجوب، باري ديمبا، سيف مساوي، سامي عبد الله، يوسف محمد، كاريكا، خليفة احمد، عمر بخيت، علاء الدين فييرا، هيثم مصطفي، مهند الطاهر وسادومبا وبكري المدينة.
تشكيلة الاهلي الخرطومي:
خاض الاهلي الخرطومي مباراته امام الهلال بتشكيلة تكونت من ايهاب زغبير في حراسة المرمي، طارق، ديالو، محمد عوض، عبد الله محمد الامين، حسن كرار، الصادق اسحق، مارتن ابو، فرانسيس، رافت صديق، حسام حامد.
سيطرة هلالية مبكرة:
تعامل الهلال مع المباراة بجدية وحذر منذ البداية حيث لعب بالاسلوب والتنظيم الذي يريد ان يخوض به مباراة النيل الحصاحيصا والصفاقسي التونسي وفرض اسلوبه علي منافسه الاهلي ولعب بصرامة في ربع الساعة الاولي فارضا سيطرته الكاملة علي الملعب بفضل امكانيات لاعبيه وخبرتهم العالية.
انكماش اهلاوي:
وقابل نشوة الهلال الذي احترم الاهلي انكماش منافسه في ملعبه والذي تراجع بكلياته وركز علي الهجمة المرتدة كاد يصل من خلالها مرمي الهلال اكثر من مرة ونشطت محاولات الاهلي مع ارتفاع زمن المباراة في الشوط الاول ولجأ للتسديد من الكرات الطويلة التي التقطها الحارس المعز محجوب علي قلتها.
هدف بشة اشعل المواجهة:
اهدر الهلال اكثر من سانحة في ربع الساعة الاولي وقد وصل فيه لاعبوه الي مرمي الاهلي اكثر من ثلاث مرات ولكن تالق الحارس ايهاب زغبير قد حرم خط الهلال الهجومي من هز الشباك قبل ان ييبدأ اللاعب محمد احمد بشة الخماسية بهدف رائع اشعل المواجهة ورفع من ايقاع المباراة بين الطرفين.
ثنائية سادومبا
اجاد المحترف الزيمبابوي ادوارد سادومبا بصورة جيدة وشكل خطورة علي مرمي الاهلي في الشوط الاول واستطاع ان يضيف الهدفين الثاني والثالث الاول من راسية رائعة والثاني من ركلة جزاء ارتكبت مع يوسف محمد في الشوط الثاني قبل خروجهما حيث استعاد سادومبا اداءه القوي وانطلاقاته المزعجة وتربع علي عرش هدافي كاس السودان بالثنائية التي هز بها شباك الاهلي.
اداء عنيف للاهلي
لم يكن الاهلي سهل المنال حيث تالق منه اكثر من لاعب ووقف دفاعه سدا منيعا متصديا بصلابة لهجمات الهلال ولعب بعنف للحد من خطورة الثلاثي مهند الطاهر وكاريكا وسادومبا ورغم ذلك استقبلت شباكه اهدافا متنوعة
Post: #43 Title: Re: محاولات قمع هلالابي عائد بعد غياب وتيه...!!! Author: omer osman Date: 11-05-2010, 10:03 AM Parent: #41
Quote: وسنصرخ حتي يشرخ حلقومنا هلال هلال هلال
اطمئن لن ينشرخ حلقومك ........
Post: #44 Title: Re: محاولات قمع هلالابي عائد بعد غياب وتيه...!!! Author: khaleel Date: 11-05-2010, 10:06 AM Parent: #43
Quote: اطمئن لن ينشرخ حلقومك ........
يا سعادتك
في الحالتين سيشرح حلقومي
ههههههه
مش كدة
Post: #45 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-05-2010, 11:19 AM Parent: #44
لا ياخلي وحباب جنابو وجمعة محضورة وصورة البرنس وسادومبا ترد الروح وتخليك تخت في بطنك بطيخ صيفي وخريفي وشتوي....
وهلال كده هلال كدا هلالنا ياهووووووووو
(وده تشجيع يا خلي في الدورة المدرسية بتاعة الدويم جابو ناس الخراطيم)
Post: #46 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-06-2010, 10:46 AM Parent: #45
بالامس خلاص اصدر الفورمان الهلالي من قبل ابو عفان واخرين واخيرا رضت عني اليهود والنصاري الهلالية وساجدني متبع لملتهم وفليمسك الصفاقصي ومن لف لفه من بني صهيون الخشب ووجع وووجع ابو كدوس للهلال رجع
Post: #47 Title: Re: محاولات قمع هلالابي عائد بعد غياب وتيه...!!! Author: khaleel Date: 11-06-2010, 10:53 AM Parent: #46
Quote: ووجع وووجع ابو كدوس للهلال رجع
ياخي ابو كدوس داببالغ
واظنك متذكر حكاية خالد ولدي معاهو
تعرف مرة المندوب المصري معانا في المكتب شاف صورة بروفايلك
قال لي يا بيه (الراقل ) العجوز بكتب كيف
علي هامش الصفاقسي
اعتقد الهلال علي موعد مع التاريخ
Post: #48 Title: Re: محاولات قمع هلالابي عائد بعد غياب وتيه...!!! Author: ismeil abbas Date: 11-06-2010, 11:43 AM Parent: #47
Quote: المهم في الامر اعجبني اداء الهلال في مبارياته الاخيرة وحابي اعود الي قواعدي الهلالية القديمة ولكن بعض الهلالاب المرجفين من عثمان النعيم ومن لف لفهم قالو لي يا زول هوووي ما دايرنك وفررررررررتق يا زول فررررتق...!! اها العمل شنووووو..؟؟
ياكيكى السلام عليكم ومرحب بيك يا أخى تعال تعال تعال..ده منو الحاقد ده القال ليك مافى طريقة..الهلال جميل يسع الجميع...
Quote: ياكيكى السلام عليكم ومرحب بيك يا أخى تعال تعال تعال..ده منو الحاقد ده القال ليك مافى طريقة..الهلال جميل يسع الجميع...
والعمل عمل ربنا....بس إنت كتر من الدعوات...
هلا يا اسماعيل وشكرا علي القرين لايت واذن المرور والاهتمام بعودتي الطوعية الي الشواطي الهلالية التي حاول نفر من مرجفي المدن ان يقيفو في طريقي وعاوزين يسوموني العذاب ويبعدوني عن معشوق الزمن السمح هلالي الجوووه وجداني
وسنعود للمرافي السادمبوية والبنرسية والبشية ومدارات ابو الهل سيد البلد
Quote: تعرف مرة المندوب المصري معانا في المكتب شاف صورة بروفايلك
قال لي يا بيه (الراقل ) العجوز بكتب كيف
والاقوي منها حكاية خالد وتعليقو علي ابو كدوس لوووووووووول
نتمني ان يفعلها الازرق الوهاج ولا يمنحنا نصف ابتسامة او قال المثقفاتي ودرملية
Post: #51 Title: Re: محاولات قمع هلالابي عائد بعد غياب وتيه...!!! Author: عمر علي حسن Date: 11-06-2010, 05:47 PM Parent: #49
Quote: اخوكم كيكي عوض كيكي هلالابي سابق علي السكين...
اخي كيكي لا سابق ولا راكد ولا عائد .. انت هلالابي علي السكين بما تحمل من ولع ووجع وفرح بما كان للهلال وما كان عليه .. وبمتابعتك لاحدث منتجاته (بشه حديثه) .. كل هذا الدرب لا يكون سابقا ابدا .
يكون الانسان هلالابي بمجرد ان يقول (انا هلالابي) ويكون له بذلك مطلق ما يسبغ علي الهلالاب من الحقوق بما في ذلك الارث - كما قال المؤسس حمدنا الله احمد .
اما اذا قال لك مرتضي عبد القادر
Quote: داير ترجع تجغمو موش !!؟
فعلي مسئوليتي ان كدوسك بركه .. تبخر به عتبات الاستاد والنادي .. ويطير به شيطان كل عدو مبين ..
Post: #52 Title: Re: محاولات قمع هلالابي عائد بعد غياب وتيه...!!! Author: عثمان جلال الدين Date: 11-06-2010, 08:32 PM Parent: #51
سلام يا دوت كوم وياسلام على الثنيائيات والبينات مع خلو بشهادة شهود عدول تمت الإفادة بأن ما تسبب في اصدار فرمان العفو عن كيكي وقبول اوبته لحضن الهلال الدافئ هو وساطة كريمة من عامر تيتاوي وعشم كبير راود الكثيرين في مهارات (قوبي) والقرار يقال أنه قابل للمراجعة.. ويبقى السؤال: هل سنشهد صراع بين قسطنطين وقوبي أم تتحقق الوحدة؟؟؟
Post: #53 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-07-2010, 09:34 AM Parent: #51
Quote: يكون الانسان هلالابي بمجرد ان يقول (انا هلالابي) ويكون له بذلك مطلق ما يسبغ علي الهلالاب من الحقوق بما في ذلك الارث - كما قال المؤسس حمدنا الله احمد
الف شكر وتقدير يا ريس علي هذه المباركة الهلالية والشارة الزرقاء الي ترد الروح وتهابش عميقا حبنا الازلي لذلك الهلال الذي وان لم يكن موجودا لاخترعانه من خيالنا ووجداننا المحب للجمال الذي رزعه فينا ابو الهل معشوق الملايين وملح الارض السودانية.. والهلال فينا ياعمر يجري في دمنا ولن تاخذنا الغربة وكراكيرها العجيبة وسنقاومها تماما حتي نحظي بفنيات بشة وباصات البرنس واقوان سادومبا وفنيات المعلم عمر بخيت العالية وحرفنة ورشاقة كل ابنائه
وشرفت البوست والف شكر وتقدير
Post: #54 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-07-2010, 09:41 AM Parent: #53
Quote: بشهادة شهود عدول تمت الإفادة بأن ما تسبب في اصدار فرمان العفو عن كيكي وقبول اوبته لحضن الهلال الدافئ هو وساطة كريمة من عامر تيتاوي وعشم كبير راود الكثيرين في مهارات (قوبي) والقرار يقال أنه قابل للمراجعة.. ويبقى السؤال: هل سنشهد صراع بين قسطنطين وقوبي أم تتحقق الوحدة؟؟؟
اووووووووه الهلالابي العريق ابو عفان ونشكر عامر تيتاوي علي الوساطة والضغط علي الخصم حتي جعل من امر عودتنا الي الملاعب والمدارات الهلالية امرا ممكنا وممتعا ونعم سيعود قوبي وبشراشة وخبرة طلسية ملصية ذات سنين طويلة وسيقف مع الهلال حتي نري الكاس وهو يتهادي في امدرمان الوريفة ويعم الفرح كل بيت سوداني... قسطا حليف استراتيجي واليومين دي عسل علي لبن ... ولكن حذاري من شيطان كده صغير تحت التدريب يسمي طامهيل فهو مريخابي مندس وممكن لو نزل الملاعب يلحق ابو الهل غنم زهرة
Quote: عودنا الهلال الا يخسر في ملعب الانتصار والنار
ودعني الطش منك ولو قليلا كما اورده ابو ضفيرة
وخليني اقول لعلها المقبرة ويا سبحان الله
Post: #59 Title: Re: محاولات قمع هلالابي عائد بعد غياب وتيه...!!! Author: مرتضى احمد عبد القادر Date: 11-14-2010, 11:13 PM Parent: #58
حراااام عليك يا كيكي شربتنا شراب ما قلنا ليك خلينا نجازف كاس من بره وتعال عائد
لا حولا ولا قوة إلا بالله
Post: #60 Title: Re: محاولات قمع هلالابي عائد بعد غياب وتيه...!!! Author: عبدالكريم الامين احمد Date: 11-15-2010, 08:30 AM Parent: #59
Quote: حراااام عليك يا كيكي شربتنا شراب ما قلنا ليك خلينا نجازف كاس من بره وتعال عائد
هلا يا مورتا ووش حزين ومكرمش وامس بالجد ورغم الجوع الكافر نائم غير متعشي (حقيقي ما متعشي) وهاردلك يا رفيق الدروب الهلالية...وابوالهل ياخي خزلنا خذلان تاريخي وترك خشمنا ملح ملح وتاني شعارنا الرسمي حيكون هو (التوبة يا حبوبة) ومن حسع خلاص راجع الي كراكيري وجخانيني الاخري ولكن دواخلي الحزينة ستكون منتظرة عودة الهلال ذات يوم من الايام حتي يعود الينا الفرح ....
Post: #61 Title: Re: محاولات قمع هلالابي عائد بعد غياب وتيه...!!! Author: khaleel Date: 11-15-2010, 10:30 AM Parent: #60
Quote: أكد مراسل صدي الملاعب قبل قليل تقدم الهلال بشكوى للمراقب قبل المباراة طاعناً في مشاركة اللاعب صاحب القميص رقم 4 لإيقافه مرتين في البطولة والتي حسب قانون الكاف يجب أن يقف لمباراتان فهل سيكسب الهلال الشكوى؟؟؟؟ اتمنى ذلك
يا ريت يا باو خليل ولو يا ريت تفيد مجروح ففي ظني الفرق الدولية الزي دي بتكون موضبة امرها كويس ومن النادر ان تسمح بمثل هذا الامر الموغلة في الفشل الاداري... وسنتابع وياريت هذه الشكوي تجيب مريسة تام زينو التي فشل سادومبا والبرنس وصحبة انت ياتو بها وحتي عقب ضربات بودرة العفريت
كيكي والله انا كنت مستعد أثني عودتك، لكن حضورك بالأمس وتابعك قفة الكج، الدي وقف سداَ منيعا حتى جعل العارضة تستطيل، تنطط كمان عيدا عن رماة الحدق، كجك الدي يطشش حرفنة ميشو التي خبرناهافي التغيير...
فأقول عن طلبك، ينظر ويفاد بعد لقاء ما بعد العيد....
Quote: كيكي والله انا كنت مستعد أثني عودتك، لكن حضورك بالأمس وتابعك قفة الكج، الدي وقف سداَ منيعا حتى جعل العارضة تستطيل، تنطط كمان عيدا عن رماة الحدق، كجك الدي يطشش حرفنة ميشو التي خبرناهافي التغيير...
فأقول عن طلبك، ينظر ويفاد بعد لقاء ما بعد العيد....
لوووووول يا نادوس او كما قالت دينا خالد ياخي امبارح الكج كان وااااضح وحكاية اشاعة الحكم قابض التي سربها احد الحضور هي من لحقت بالهلال الي غنم زهرة
تخيل يا عبدالجليل طيلة الدورة دي الشلة دي بتعزمني اجي احضرها معاكم في بيت عمر بوب ولكن في كل مرة ما بلبي النداء ولكن بالامس قلنا نجي نحي الهلال ونفرح معاكم ولكن بصراحة لقيتكم انتم جميعا (كج) بوب كج وخليل كج ومحمد عبدالرحمن كج وياااخي عبدالله قريب بوب زاااااتو كج
