Post: #1
Title: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:08 PM
Parent: #0
في خلال الاسبوع الماضي شهدت الساحة الاسفيرية في سودانيز اونلاين ثلاثة قبضات ثمينة جعلت الخطاب الكيزاني في سودانيز يترنح وهو يتلقي ضربات كالصاعقة لم يستطيع تيمهم العامل هنا من امتصاصها
والدفاع عنها كما ينبغي ورغم محاولات ود الباوقة الخجولة الا ان القبضات الثمينة كان عصية..
1- موقف ليبيا
2- موقف افريقيا الوسطي من زيارة البشير
3- وامر بدرالدين اسحاق
وسنعود
|
Post: #2
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-03-2010, 11:14 PM
Parent: #1
سلام يا كابتن كيكي ..
هناك موقف رابع سعدت به جدا ..
موقف لوم فيصل محمد خليل .. لم يحاول احد ان يبرر له رغم عداءات علاء الدين الكثيرة.
صاحبنا بكري علوم فقط حاول يعمل كركبه في الاول ثم امتثل للحق و خطأ موقف فيصل.
اظن هذه تحسب رابعة جيدة جدا.
بخصوص بدر الدين .. التشفي هو التشفي .. لم اقبله من بدر الدين و لم اقبله الان عليه.
لكن الله غالب.
|
Post: #3
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:14 PM
Parent: #1
الزيارة دي كان يتوقع لها ان تكون امتداد لزيارات البشير لدول الجوار الي جبل الخطاب الاسفيري الكيزاني ان يفاخر بها الامم... وفعلا بدات الاشارات ببوستات بشرت بهذه الزيارة وكان ذهابه الي ليبيا سيكون قبضة ثمينة تتيح مساحات وزمن واندياح ويرفع المعنويات الكيزانية الاسفيرية... ولكن ومع ظهور تلك الخبرية الليبية التي قضت علي الاحلام الكيزانية عموما والاسفيرية خصوصا...
اختفت نبرة الهييييييييييع
والدود النتر
واسد العرب...
وضخت بوستات تبشع في القذافي وتصفه باكثر ما وصف مالك الخمر..
وكانت جولة من الاحباط الكيزاني وقبل ان يتم بلعها اتت الضربة هذه المرة من نواحي بانقي والتخوم المجاورة لضواحي كافيا كنجي حيث افريقيا الوسطي وهذا ما سنعود اليه
|
Post: #4
Title: Re: ثلاثة خسائر في الارواح والمعدات الكيزانية اسفيريا....!!
Author: khaleel
Date: 12-03-2010, 11:19 PM
Parent: #3
والله يا ود
يا
كيكيليكس كانك تقرا افكار خالك
كنت حا اعمل بوست
تحت عنوان ربع الكبار
ويشمل الجانبين
المولاة والمعارضة
لكن انت واخانا حمور
وفرتو علينا مشقة ذلك
واصل يا كيكيليكس
|
Post: #6
Title: Re: ثلاثة خسائر في الارواح والمعدات الكيزانية اسفيريا....!!
Author: المكاشفي الخضر الطاهر
Date: 12-03-2010, 11:23 PM
Parent: #4
كيكي
يا أخي علق لينا على كلمة حمور زيادة دي لو سمحت
| Quote: و لم اقبله الان عليه |
|
Post: #10
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:35 PM
Parent: #6
| Quote: يا أخي علق لينا على كلمة حمور زيادة دي لو سمحت |
هلا يا مكاشفي القوم وحبابك...
بدر الدين يدفع ثمنه لخطابه الاسفيري وبالذات في جزئية تصديه الواضح والكبير لامر (سرقة تروتسكي وهشام ادم).. واهدر حبر اسفيري كبير بنشاط ومثابرة في تلك الحملة فلذا ما نتوقع ان يتم تجاوز امره هذا باخوي واخوك (لانو ما ممكن علي رووس الاشهاد تحارب امر وفجاة كده تلقي تقوم تعمل نفس الشي)
فالقصة هنا بتكون فيها كركبة شديدة ودفع ثمن ...
....................
حسع انت يا المكاشفي ناسك الجبتهم في بوستك دااك لو كانو ايضا عملو كركبة زي بتاع بدرالدين
مع الشباب ديلك كان حسع خبرهم ايضا طلع في تولا
|
Post: #5
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:22 PM
Parent: #3
Quote: هناك موقف رابع سعدت به جدا ..
موقف لوم فيصل محمد خليل .. لم يحاول احد ان يبرر له رغم عداءات علاء الدين الكثيرة. |
هلا يا كابتن حمور
والاشواق مطر...
الحق خالك باللنك بتاع موضوع فيصل ده سريع ياخي لاني ما متابع
وخلينا نشوف الحال والاحوال فيه...
واما امر بدرالدين فهو ذو مشاهد ولقطات شتي..
فبدر الدين لاجدال من الاصوات الكيزانية المصادمة وعراب فسلفي وقادر علي اقتحام المقارعات حتي الفكرية منها...وفتح في الفترة الاخيرة جبهات طالت جهات شتي... الشيوعيين- حق- الليبرالي
بالاضافة الي الدارفوريين... بالاضافة الي تزعمه الحملة الكبري في امر السرقات(تروتسكي- هشام ادم)
كل هذه الكركبات هو ثمن وصدي لم ما يقوم وينادي به بدر الدين ولكن وبكلك من نواحي امريكا وفي عملية مشتركة ما بين كوستاوي وهشام هباني صار امره جللا ووقع في قمة المحظور... وسار بامره الركبان
افراد - احزاب.. مناوئي السلطة...
وتحياتي
|
Post: #7
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:25 PM
Parent: #5
Quote: كيكيليكس كانك تقرا افكار خالك
كنت حا اعمل بوست
تحت عنوان ربع الكبار
ويشمل الجانبين
المولاة والمعارضة
|
هلا يا بلاتر
ايوووه هنا ايضا يا خلي سنهابش المعارضة وفي ضربة اربكت ايضا حساباتها هنا في الامر
فشريط خالد ابو احمد الذي نشره علاء الدين جدير بالمناقشة والتامل كونه حالة بتاعة تطور نوعي في
الصراع
|
Post: #8
Title: Re: ثلاثة خسائر في الارواح والمعدات الكيزانية اسفيريا....!!
Author: Kostawi
Date: 12-03-2010, 11:26 PM
Parent: #5
| Quote: - وامر بدرالدين اسحاق |
أمردي شنو?
إتكلم معانا بالسودني
|
Post: #11
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:38 PM
Parent: #8
Quote: أمردي شنو?
إتكلم معانا بالسودني |
بالسوداني دي الا اقوقل واجازف لي كلمة كلمتين من القوقل ايرث
ولو اديتني الاذن والامان ح ارشك سوداني لمن تصيح الديوك..
لانو بصراحة قالو انت اليومين دي
حاااااااااااااااائم
|
Post: #12
Title: Re: ثلاثة خسائر في الارواح والمعدات الكيزانية اسفيريا....!!
Author: المكاشفي الخضر الطاهر
Date: 12-03-2010, 11:49 PM
Parent: #11
Quote: حسع انت يا المكاشفي ناسك الجبتهم في بوستك دااك لو كانو ايضا عملو كركبة زي بتاع بدرالدين
مع الشباب ديلك كان حسع خبرهم ايضا طلع في تولا |
ههههههههههههههههههههه
ههههههههههههههه
صدقني ضحكتني غايتو يا كي ساهرتبينا إن شاء الله يساهر بيك الخير قول يامين
الحبيب حمور لك العتبى حتى ترضى يا اخي أنا آسف يا حبيب ...
|
Post: #14
Title: Re: ثلاثة خسائر في الارواح والمعدات الكيزانية اسفيريا....!!
Author: عبد المنعم سليمان
Date: 12-03-2010, 11:53 PM
Parent: #12
فكي اساقه جابها كبيرة يا كيكي
بس والله لو ما انت زول مايرنو وكدا كنت بقول ليك ابعد من دربو
الزول دا بسخطك ....
____
اظرف حاجة الامنجي اللؤو طلع الاعتذار زااااتو سارقو
يا حليل فكي مايرنو ال بروق المويه
|
Post: #17
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 00:03 AM
Parent: #14
Quote: فكي اساقه جابها كبيرة يا كيكي
بس والله لو ما انت زول مايرنو وكدا كنت بقول ليك ابعد من دربو
الزول دا بسخطك ....
____
اظرف حاجة الامنجي اللؤو طلع الاعتذار زااااتو سارقو
يا حليل فكي مايرنو ال بروق المويه |
هلا يا بيجو
وبدر الدين اتي بامر جلل وسيعاني منه اسفيريا لوقت طويل مالم ياتي حدث كبيييير وعريض يخطف الاضواء
انقلاب
اختطاف البشير من قبل قوات اجنبية مجهولة
عودة المياه الي مجاريها ما بين الشعبي والوطني
او اي مصيبة كبري تخج المنبر البقي كلو فكي بدر الدين فكي بدرالدين
وناس صحبك بكري علوم ماشاء الله (خريف ابو عشرمية سعن كده)
|
Post: #15
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:59 PM
Parent: #12
Quote: ههههههههههههههههههههه
ههههههههههههههه
صدقني ضحكتني غايتو يا كي ساهرتبينا إن شاء الله يساهر بيك الخير قول يامين |
تسلم ياايامك يا المكاشفي
وانت زول صحبي ياااخ بس عليك الله وشيخي شكر الله الجبهجية ديل اختا سكتهم
وخلينا يا زول نتدورش سوي ونرقص علي نغمات (مكاشفي ابوقلة) حيث النقاء الروحي
والتصوف النضيف
|
Post: #13
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-03-2010, 11:51 PM
Parent: #11
Quote: معقوله يا كيكي ؟
ده بكري مقنطرو فوق. |
ياااخ ده قووون ثاني يحسب لصالح المولاة وفعلا ياحمور يجب ان يضع في الاعتبار
وامره موسف ومستهجن تماما...
وبكده ممكن نقول الحكاية اليومين دي 3-2
------
ونلاحظ بان القونين بتاعين المولاة جايبها علاء الدين
فحذاري من الراس حربة ده
|
Post: #16
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-03-2010, 11:59 PM
Parent: #13
مافي داعي للاعتذار يا مكاشفي ..
حبيت بس انبهك انو جملتي ما دفاع عن بدر الدين و لا ادانة ليو.
هي توصف للحصل.
وبما اني ما دخلت في مواضيع بدر الدين السابقة المدينة لافعال كهذه فلا معنى ان ادخل الان لادينه هو.
بعاين و اتفرج و بس.
يا كيكي..
امبارح محمد علي ابراهيم فتح بوست انو فتحي شيلا طلب من سكرتيرو يشيل كومشن طوالي بقيت منتظر فيديو علاء الدين مع سكرتير شيلا ليثبت انو ما اسمواسامة كما جاء في البوست.
بس الله ستر طلعت المعلومة منقولةمن الجريدة.
|
Post: #18
Title: Re: ثلاثة خسائر في الارواح والمعدات الكيزانية اسفيريا....!!
Author: عبد المنعم سليمان
Date: 12-04-2010, 00:04 AM
Parent: #16
غايتو يا حمور زيادة سمعت بالمثل ال بقول : ال بتحبو تسمي سعيد وال بتكرهو بتسمي ق....
يعني انت ما بتدين الغلط الا لو فاعله اداخل معاك قبل كدا ؟
طيب وائل طه اتداخل معاك وين ؟ لما تصديت لمشكلته مع آخرين
حتى ظننت انك ستورث الموضوع .
_____
الله يلعن التكعيبه وبلاويها
|
Post: #19
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 00:08 AM
Parent: #16
Quote: يا كيكي..
امبارح محمد علي ابراهيم فتح بوست انو فتحي شيلا طلب من سكرتيرو يشيل كومشن طوالي بقيت منتظر فيديو علاء الدين مع سكرتير شيلا ليثبت انو ما اسمواسامة كما جاء في البوست.
بس الله ستر طلعت المعلومة منقولةمن الجريدة. |
المنبر يا حمور الinspectionفيهو بقي عالي جدا... واعتقد ده لانو بقي مقري ومحضور من الجهات البتجي اخبارها هنا ده عشان كده اي حاجة بتحصل او كلام ما دغري سريع جدا بتجي النجيضة
فعشان كده التمحيص والفلفلة والاكيدة بتظهر سريع جدا...
ود ابراهيم من الصعب يدقس وخطاب اسفيري متزن ماشاء الله وزول نجيضةتب
|
Post: #20
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 00:11 AM
Parent: #19
Quote: غايتو يا حمور زيادة سمعت بالمثل ال بقول : ال بتحبو تسمي سعيد وال بتكرهو بتسمي ق....
يعني انت ما بتدين الغلط الا لو فاعله اداخل معاك قبل كدا ؟
طيب وائل طه اتداخل معاك وين ؟ لما تصديت لمشكلته مع آخرين
حتى ظننت انك ستورث الموضوع . |
هلا يا بيجو
كركبة لا
دشمان لعع
انا اليومين دي عليب قولة الصادق عامل فيها مركب مكنة غاندي فبالله ما تخليني ابلع الغاندي غاندي بتاعتي كما بلع بدالدين موضوع السرقات
وكورة وااااتا بالله
البوست للفذلكة واي كركبة عضلات تبشششششششش
|
Post: #23
Title: Re: ثلاثة خسائر في الارواح والمعدات الكيزانية اسفيريا....!!
Author: Yassir Tayfour
Date: 12-04-2010, 00:22 AM
Parent: #20
كيكي يا طاعم!
بالله إتنين كرك وجيب أميرة من السودان وخليل!
أخونا بدر الدين دقس دقسة جامدة، تفوِّت الطيارة بعد ما تعمل الـBording bass، ويا ليته يجد مخرجاً لهذه الورطة العجيبة، وأتمنى أن لا يصعد ولا يفتح جبهات جديدة، حتى يترك أمره يمر بأقل الخسائر!
____
لكن زي ما ذكرت هي ضربة جامدة لقوى الكيزان بالمنبر وقد تفوق ضربتي ليبا وأفريقيا الوسطى..
|
Post: #21
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-04-2010, 00:14 AM
Parent: #19
اوووووووو .. صاحبنا بيجو حاملا لي غبينه صاحبو وائل ..
ههههههههههه
يا بيجو ياخ انا ما قلت تداخل معاي قبل كده او لأ ..
قلت ما دخلت بوستات بدر الدين الادانت تروتسكي و هشام ادم في السرقة فلا معنى لي انا ان ادخل الان لادينه.
الحاصل لبدر الدين اكبر من مجرد سرقة فكريه ياخ ..
دي فرقه .. و فرقه كعبه شديد.
و زي ما قلت اول هو تشفى في ناس و الان في ناس بيتشفو فيو. و كل زول عندو سببو في التشفي ده.
بعدين انا زول بمارس الكتابة .. لو دقست في مصدر او نفسي صغرت في لطشه اقول يامنو لو باريت فلان سرق و فلان نقل ؟
خليني في الضل عشان كان حصلت لي القى لرقبتي العذر و الناس تلقى لي العذر.
فوق كم الكركبه وفي غيرنا يكركبون ؟
كركبو يرحمكم الله .. فنحن لكم متابعون.
و برضو وائل غلطان يا بيجو .. خليو جيب محمد ناصر ده لو فعلا في محمد ناصر
|
Post: #22
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 00:22 AM
Parent: #21
| Quote: و برضو وائل غلطان يا بيجو .. خليو جيب محمد ناصر ده لو فعلا في محمد ناصر |
بالمناسبة موضوع محمد ناصر وائل ومنال ده قون ممكن نعتبر الجناح المعارض دخلو في قوونو
زيو وزي قوون الثعلب الشهير في يووور..
لانو الطرفين محسوبين علي العمل الاسفيري المعارض..
وبالمناسبة بدر الدين ايضا كان نشيطا في نواحي تلك القضية عشان كده ناس صحبي بيجو ديل
حيملو(في موضوعو ده) عكاكيز اسفيرية لمن يستغيث
|
Post: #24
Title: Re: ثلاثة خسائر في الارواح والمعدات الكيزانية اسفيريا....!!
Author: عبد المنعم سليمان
Date: 12-04-2010, 00:27 AM
Parent: #22
غايتو يا حمور
لولوتك دي ما بقدر عليها الا خالك امين
لكن نقول شنو
الله في
|
Post: #25
Title: Re: ثلاثة خسائر في الارواح والمعدات الكيزانية اسفيريا....!!
Author: أحمد الشايقي
Date: 12-04-2010, 00:30 AM
Parent: #22
سلام يا كيكي
تسجيل حضور وتساؤل عن دور وزير الخارجية والدبلماسية السودانية في الاحراجات المتتالية للرئاسة
هذه دولة تفتقد لآليات المحاسبة وأدبيات الاستقالة
أحمد الشايقي
|
Post: #26
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 00:31 AM
Parent: #22
Quote: كيكي يا طاعم!
بالله إتنين كرك وجيب أميرة من السودان وخليل!
أخونا بدر الدين دقس دقسة جامدة، تفوِّت الطيارة بعد ما تعمل الـBording bass، ويا ليته يجد مخرجاً لهذه الورطة العجيبة، وأتمنى أن لا يصعد ولا يفتح جبهات جديدة، حتى يترك أمره يمر بأقل الخسائر!
____
لكن زي ما ذكرت هي ضربة جامدة لقوى الكيزان بالمنبر وقد تفوق ضربتي ليبا وأفريقيا الوسطى.. |
هلا يا تفة
والشوق زي كم سحابة كده راحلة علي مهل وقاطعة الاطلنطي...
وبالجد بت الشيخ استوحشناها بزراف بزراف (او كما قيل)....
وبدر الدين ده انا من قبيل ختيت نفسي في حتتو وقعدت افكر واقدر في حلول جذرية..
1- ياااااع من المنبر (دي صعبة ياااخ وسودانيز دسم وكاروشته في السماء وقاسية...وصعب كمان تفوت وتخلي زي ناس بيجو ديل ياكل لحمك لوووووووول)..
2-اواصل واعمل نايم (برضها قاسية ياااخ مع ناس بكري علوم الشابين للزول في حلقو ديل)
3- اجوطها واكركبها واقلب وا ط يها عاليها دي برضها صعبة مع ناس سودانيز النقتهم كثيرة وممنطقة ديل
4- اشتت الكورة عبر بوست وكركبة بت لذينة (واعتقد دي العملها بدر الدين في امر بوسته مع عادل العاطي ولكن برضو شكلو ماجايب مريسة تام زينووو)...
ياخي ده موقف صعب وقاسي وداير مخمخة تقيلة بالجد
|
Post: #27
Title: Re: ثلاثة خسائر في الارواح والمعدات الكيزانية اسفيريا....!!
Author: الصادق اسماعيل
Date: 12-04-2010, 00:45 AM
Parent: #26
Quote: وبدر الدين ده انا من قبيل ختيت نفسي في حتتو وقعدت افكر واقدر في حلول جذرية..
1- ياااااع من المنبر (دي صعبة ياااخ وسودانيز دسم وكاروشته في السماء وقاسية...وصعب كمان تفوت وتخلي زي ناس بيجو ديل ياكل لحمك لوووووووول)..
2-اواصل واعمل نايم (برضها قاسية ياااخ مع ناس بكري علوم الشابين للزول في حلقو ديل)
3- اجوطها واكركبها واقلب وا ط يها عاليها دي برضها صعبة مع ناس سودانيز النقتهم كثيرة وممنطقة ديل
4- اشتت الكورة عبر بوست وكركبة بت لذينة (واعتقد دي العملها بدر الدين في امر بوسته مع عادل العاطي ولكن برضو شكلو ماجايب مريسة تام زينووو)...
ياخي ده موقف صعب وقاسي وداير مخمخة تقيلة بالجد |
المتين في مخارجات بدرالدين:
1- حل لُغز وليد الخير وبو كرامي
2- إحضار صورة حقيقية للحبشي (على أن يعترف بها الحبشي)
3- كشف حقيقة مراويد
دا غايتو الأنا شايفو من متابعتي لبدر الدين
وسنتابع
|
Post: #28
Title: Re: ثلاثة خسائر في الارواح والمعدات الكيزانية اسفيريا....!!
Author: Kostawi
Date: 12-04-2010, 00:52 AM
Parent: #26
Quote: قالو انت اليومين دي
حاااااااااااااااائم |
أيوة
أنا المصنع
دينق و هباني تيم الموزعين
ياخ بدر دا عارفنو من قبل 5 شهور
و سارق من أكتر من 15 محلة.....
و ما كنا دايرين نكشفو و إقترحت إنو نرسل ليه ماسنجر و نلفت نظرو و ننذره, لكن العمدة هباني تسرع عشان كدا حا أرفدو من الشركة.
|
Post: #29
Title: Re: ثلاثة خسائر في الارواح والمعدات الكيزانية اسفيريا....!!
Author: نصار
Date: 12-04-2010, 01:05 AM
Parent: #28
كيكي يا ابو آية
اولا البنية مبروكة و ان جات متاخرة
قلنا ننتظر اخوها بالمرة بدل المساسقة
لوووول
ثم من قال ليك بدرالدين خسر لا قدر الله
امرق غرفتك دي شوفوا ماخد موقع هجومي
كيف
يهاجم
و يقلب باكورد
و يهزر في امان الله
قلب صفحة الاعتذار بعدطوالي دخل في الالحاد
عيد حساباتك ما تخم الجماعة ساكت
|
Post: #30
Title: Re: ثلاثة خسائر في الارواح والمعدات الكيزانية اسفيريا....!!
Author: Mohamed Yassin Khalifa
Date: 12-04-2010, 06:36 AM
Parent: #29
كيكي العظيم... سلامات
| Quote: ثلاثة خسائر في الارواح والمعدات الكيزانية اسفيريا....!! |
سعدت بكتابتك المتوازنة في وصف خسائر العدو اللئيم
وأسفت للوضع الذي حشر أخونا بدرالين نفسه فيه.. وقدرت إعتذازه عن جزئية السرقة
أما القضية الأساسية هنا هو عدم أعترافه بجريمة التحريف والتزوير لورقة سياسية
فالرجل نقل وحرف وزور أدبيات الحزب الوطني المصري وصورها كأنجازات مؤتمرهم اللاوطني
والمؤسف والمخجل حقاً أن يحاول البعض خلق أدبيات وأفكار سياسية لحزب مبني بكامله على السرقة
وهي بدأت بسرقة الوطن وإنتهت بنهب ثرواته.. فلا عجب لمثل تصرف بدرالدين هذا
لقد ظللت أبحث وأنقب عن ما بني عليه هذا الحزب الكرتوني فوجدت أن ديدنهم هو الخم واللفح
فلا أفكار ولا منفيستو ولا نهج سياسي ولا ثوابت ولا خلق ولا أخلاق ولا ذمة ولا همة
فالكل ينهب ويسرق ويتبجح بأنجازاه.. فيرفع ألى المراتب العليا والقيادية في حزبهم الهلامي
وهنا أؤكد لك بأن إكتشاف هذا الأمر سيرفع صاحبه لمرتبة أعلى وسيضيف له شأناً
سيعمل تنابلتهم على إصدار فتوى تتيح لهم سرقة الأفكار وتحريفها بما يتماشى مع سياقهم الدنيء
لعنة الله على هكذا حزب...
ودمت...
|
Post: #31
Title: Re: ثلاثة خسائر في الارواح والمعدات الكيزانية اسفيريا....!!
Author: محمد إبراهيم علي
Date: 12-04-2010, 06:38 AM
Parent: #29
| Quote: امبارح محمد علي ابراهيم فتح بوست انو فتحي شيلا طلب من سكرتيرو يشيل كومشن طوالي بقيت منتظر فيديو علاء الدين مع سكرتير |
حمور المستلب وسط الحلب
يا زول انا عملت حماية اسفيرية تقيلة :
اول حاجة من ناس كوستاوي ديل وجبت الرابط
تاني من علاء فيديوهات قلت الكلام ده من كتاب دكتور عبدالرحيم يعني لو في فيديو يرسلوهو لزولهم الدكتور وانا اتفرج شمتان لوووووول
تصدق يا حمور اول مرة كتبت العنوان وفيهو اسم فتحي شيلا وبعد ما شفت الحصل لفيصل صالح مسحتو قلت بعدين سيد الكتاب لو قال انا كنت قاصد ادوارد لينو (ما كوز عادي ممكن ينط من كلامو) امشي وين انا
يعني لو فيصل صالح كتب العنوان بدون الاسم ما كان جاتو عوجة
|
Post: #32
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-04-2010, 06:43 AM
Parent: #31
يا محمد علي صباح الخير .. انت قاصد فيصل خليل و ليس فيصل صالح ..
استاذنا فيصل محمد صالح ما بيدقس الدقسه دي.
و له في مصر شغل عن جنس الكلام ده.
|
Post: #33
Title: Re: ثلاثة خسائر في الارواح والمعدات الكيزانية اسفيريا....!!
Author: نيازي مصطفى
Date: 12-04-2010, 06:47 AM
Parent: #32
كدي شوف دا يا خليل
مقال جديد...عباقرة الكذب..!!.
|
Post: #34
Title: Re: ثلاثة خسائر في الارواح والمعدات الكيزانية اسفيريا....!!
Author: ود الباوقة
Date: 12-04-2010, 06:57 AM
Parent: #33
لا تفرح يا كيكي
القادم احلى
|
Post: #35
Title: Re: ثلاثة خسائر في الارواح والمعدات الكيزانية اسفيريا....!!
Author: تيسير عووضة
Date: 12-04-2010, 07:15 AM
Parent: #34
Quote: بالسوداني دي الا اقوقل واجازف لي كلمة كلمتين من القوقل ايرث
ولو اديتني الاذن والامان ح ارشك سوداني لمن تصيح الديوك..
لانو بصراحة قالو انت اليومين دي
حاااااااااااااااائم
|
كيكي التفكيكي الله يسعدك ياخ
قراية التحليل بتاعك عقب المعارك والمباريات أجمل من متابعتها لايف
ـــــــ
البنية مبروكة وتتربى في عزكم ..
|
Post: #36
Title: Re: ثلاثة خسائر في الارواح والمعدات الكيزانية اسفيريا....!!
Author: سفيان بشير نابرى
Date: 12-04-2010, 08:06 AM
Parent: #35
سلام يا كي كي
حذفناهو عشان ما يقولو
بنشتت الكورة وكدا
لكن 3/2 دي يعني التلاته الغلاااااد
ولا ياتن!!؟
|
Post: #37
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-04-2010, 08:32 AM
Parent: #36
هلووووووووووو هلوووووووووووو كيكي
تعرف الهيلمات دي خلت خشم الغبش ملح ملح
بالله ي معارضة وحكومة؟
الفرق شنو؟
مشكلة الكيزان هنا عايزين يعملو مهذبين شديد
وناس المعسكر الاخر مارقين ليها متمولصين من جنسو ادب او احترام ذات
اكاذيب وانحطاط وبهت وقلع غير البذاءة الكميات
والا تحول هذا البورد الى حيطة مرحاض في مدرسة اولاد متوسطة
|
Post: #38
Title: Re: ثلاثة خسائر في الارواح والمعدات الكيزانية اسفيريا....!!
Author: الصادق يحيى عبدالله
Date: 12-04-2010, 09:01 AM
Parent: #37
بوست اكثر من رائع لمحاولته تقييم ما تم دون تجريح للاخر. اعتذار الاخ/ بدر يعني بالضرورة (المنطقية) اقراره بخطئه، الامر
الذي أرجو ان يفيد في تخفيف الحكم عليه.
|
Post: #39
Title: Re: ثلاثة خسائر في الارواح والمعدات الكيزانية اسفيريا....!!
Author: tmbis
Date: 12-04-2010, 09:21 AM
Parent: #38
يا كيكي ..
أنا من أنصار اللعبة الحريفة ..
يعني بتاعين الثابتة ..
واكتر من مرة قلنا اليدو خفيفه ما يرسلوهو الدكان .. عشان ما تقع منو القروش ..
لذلك ..
بدر الدين اسحق دقس واعتذر .. ربما تكون دقستو مقصودة والاعتذار فيها مقصود برضو يعني ضربة معلم .. عشان يورط المزيد من المعارضين وفي الحالة دي يسمى بشيال التقيلة ..
لكــن..
رايك شنو في دقسات المعسكر الشرقي .. الواحد يجيبه ليك ضقله يكركب .. ويختها ليك ضقله يكركب كراكيب شديدة .. وتوديهو (الرج) يعمل ليك فيها رايح .. يا يشد ليك قــدة من مافي ..
والله عجبني ليك بوست .. الضحية دافن دقن ومنتظر الارشيف بي فارغ الصبر . ومن الجانب الآخـر قوى الضغط .. ضاغطة وبتقدم في استئناف شديد اللهجـة .
مفروض بكري في الحالة دي يعمل مكتبة وفي نهاية كل أرشيف نجيب مراجع قانوني يحسم لينا أمر الكركبة دي
|
Post: #40
Title: Re: ثلاثة خسائر في الارواح والمعدات الكيزانية اسفيريا....!!
Author: حمد عبد الغفار عمر
Date: 12-04-2010, 09:53 AM
Parent: #39
كيكي سلام
مشكلة بدر الدين جابها في وقت كانت فيهو سودانيز تمر بركود كركبائي
والناس فايقةاسفيريا دا غير ما سبقها من محاكم اسفيرية نصبها بدر الدين لذات الغرض
المهم دي نقارة ما بتقيف قريب دا
لانو العشاء صيد ثمين والعسلية ما شاء الله.
|
Post: #41
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 10:55 AM
Parent: #40
سلام وصباح ومساء يا سودانيز
وسنعودومن ثم كده فجاة سنتابع
وحبابكم جميعا حتي نعود الي احاديث سودانيز وصراع المولاة والحكومة
وSTAY شنو كده ماعارف او كما قال بشاشا
|
Post: #42
Title: Re: ثلاثة خسائر في الارواح والمعدات الكيزانية اسفيريا....!!
Author: Mustafa Mahmoud
Date: 12-04-2010, 11:01 AM
Parent: #41
كيكي سلامات
التحية للمناضل فيصل خليل و العار لاذناب الكيزان في المنبر
Quote:
و بخصوص الكوز و حرامي الاسافير الامنجي بدر الدين
ويسال البعض ان كان يحق له العضوية والحوار!!! عجبي!!
لا غرابة ان اتت الدعوة من الكيزان والمنتفعين..ولكنها تاتي من بعض الاخوة الكرام الذين يفترض انهم معارضين لنظام الحاكم!!...
اقول لهؤلاء الاخوة الشرفاء ان الحديث عن الحوار مع هذه العينة من البشر
لا تعدو ان تكون ترف فكري لمثقفاتية لم يتعاملوا In reality مع هذه العينة
لست ارى فائدة من المداخلة او حتى قراءة البوستات (التطمم البطن) لاذناب
السلطة بالداخل والخارج...لاعتقادي بان غالبيتهم يؤدون دور مرسوم لهم و الحوار مع البقية منهم لاتعدو ان تكون حوار طرشان لايؤدي اي غرض.........
فما بالك بمن عذب وكمم الافواه... بالله فيم يكون الحوار! ليحدثنا عن الطرق
المخزية لانتزاع اعتراف!!ام ليحكي لنا كيف امتهن كرامة وعذب انسان اعزل..
ام لتسليتنا كيف فلان او علان جثا على ركبتيه تحت سياط التعذيب يطلب الرحمة!!...ام عن طرق التخلص من جثة من مات تحت التعذيب!!!!.....
سادتي...اذا كانت الديمقراطية تعني الحوار مع من اجرم بدل محاكمته.....فمرحبا بالدكتاتورية!!!!!!! |
|
Post: #43
Title: Re: ثلاثة خسائر في الارواح والمعدات الكيزانية اسفيريا....!!
Author: abubakr salih
Date: 12-04-2010, 11:02 AM
Parent: #41
Quote: - موقف ليبيا
2- موقف افريقيا الوسطي من زيارة البشير
3- وامر بدرالدين اسحاق
|
لا حولااااا
يا كيكى ياخى و الله العظيم دا توراد خواطر و تطابق شر عديل. تصدق بالله العظيم امس داير افتح لى بوست عن بنفس الفكرة احصر فيهو الخسائر الكيزانية دى … و اقول للجماعة كفارة، كنتا داير امشى ارجع للروابط بتاعت بوستات واصل عن البشير فى الايام الفاتت كانت قاسية عليهم. اضف لذلك كارثة الفكى بدر الدين اٍسحق راجل الشعبية. يا زول انتا اتهمتك بسرقة افكارى عبر القارات و اطالب بتعويض.
|
Post: #44
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-04-2010, 11:06 AM
Parent: #43
يا كيكي
موضوع وائـــناصرـــــــــل
حيكون دائما كركبة كل المواسم لانه وصل القانون
وعمل هنا جقلبة كبيرة بين بني شيوع
ول1لك لا تفوتها اي كركبة اخرى
|
Post: #45
Title: Re: ثلاثة خسائر في الارواح والمعدات الكيزانية اسفيريا....!!
Author: خالد العبيد
Date: 12-04-2010, 11:10 AM
Parent: #43
فكي اساقه جابها كبيرة يا كيكي
|
Post: #48
Title: Re: ثلاثة خسائر في الارواح والمعدات الكيزانية اسفيريا....!!
Author: محمد البشرى الخضر
Date: 12-04-2010, 11:43 AM
Parent: #45
سلامات كابتن كيكي
آمال حريات دا قوون راسو عديل لو ما حسبتو حتحصل كركبة اسفيرية و هتافات تحكيم فاشل وكدا وياقول ابوجريشة لا نضمن السيطرة على الجماهير
اما بكية خالد ابواحمد فدي زي النقطة التالتة في حالة التعادل تمشي للحكم و الجمهور و تحسب لصالح اللعبة الحلوة
لأنو التيمين ناكرينو
متابعين ياقول الصادق
|
Post: #46
Title: Re: ثلاثة خسائر في الارواح والمعدات الكيزانية اسفيريا....!!
Author: أحمد الشايقي
Date: 12-04-2010, 11:22 AM
Parent: #43
طبعاً يا كيكي نحنا ناس تخفيف الأحكام والظروف المصاحبة وكدا,
لكن ياخي فتشنا كل الاسباب المخففة (الزول محمول .. مفصول تعسفياً .. ) كلها ما لقينا سبب مخفف,
لأنه عمك عادل عبد العاطي وجد إنه الموضوع دا مش مرة واحدة ولا مرتين ولا تلاثة
ياخي اللفح دا كتير خلاص
نتابع معاكم برضـو لسـه
|
Post: #49
Title: Re: ثلاثة خسائر في الارواح والمعدات الكيزانية اسفيريا....!!
Author: البدري عبد الله
Date: 12-04-2010, 11:45 AM
Parent: #47
السلام عليكم ورحمة الله
|
Post: #52
Title: Re: ثلاثة خسائر في الارواح والمعدات الكيزانية اسفيريا....!!
Author: حسبو عكاشة
Date: 12-04-2010, 12:39 PM
Parent: #51
كيكي يا جميل سلامات
في قون كدا الناس كلها عملت رايحة منو
و الاتحاد الافريقي نايم علي العسل
قون امين خال حمور في نجاة محمود
امين قال ما قاصد يجيب قون لكن جا صدفة
و دا ما بنفي انو الكورة دخلت الشبكة
الله يجازيك يا لاراش
|
Post: #53
Title: Re: ثلاثة خسائر في الارواح والمعدات الكيزانية اسفيريا....!!
Author: abubakr salih
Date: 12-04-2010, 01:13 PM
Parent: #52
| Quote: قون امين خال حمور في نجاة محمود |
حسبو يا عكاشة ... ياخى انتا زاتك جبتا قون ... الحقيقة قون أمين داك دخل فى ناس كتار جداًَ
|
Post: #54
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-04-2010, 04:52 PM
Parent: #53
كيكى يا هندسه ..
" امبارك علينا تنظيم كاس العالم "
كلام تمبس الجاى ده مهم جدا, ممكن يقلب الطاوله وكذلك الهوبه
| Quote: بدر الدين اسحق دقس واعتذر .. ربما تكون دقستو مقصودة والاعتذار فيها مقصود برضو يعني ضربة معلم |
والمعنى والدقسه المقصوده هى سرقة المواضيع فى دردقه واضحه لكوستاوى عشان يكشفها ..
ان كانت كذلك, فيبقى موضوعنا استحم عديل كده ..
أخوك شات فى الموضوع ده 3 مداخلات شرقيه تسر المناضلين ..
بعد كلام تمبس حقو الواحد يلبد ..
تحياتى يا هندسه
ولتنبس ولعله بالف خير ..
..
تعرف موضوع ليبيا ذاتو أحتمال يكون مقصود 
|
Post: #55
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-04-2010, 05:04 PM
Parent: #54
كيكى ..
القون بتاع امين خال حمور ده الواحد يشوفو وين ؟!
|
Post: #56
Title: Re: ثلاثة خسائر في الارواح والمعدات الكيزانية اسفيريا....!!
Author: محمد البشرى الخضر
Date: 12-04-2010, 06:07 PM
Parent: #55
هلا يا كابتن
ارجو ان لا يكون الاستديو قاصر على تحليل المباريات الاخيرة الوردت في العنوان فقط
عندي ملاحظة على ما يعرف بمباراة داخل مباراة و الباكات القاطعين النوع البمسك في رقبة الجناح بتاعو التسعين دقيقة لحام ستلين بس
الايام دي متألق الباك صلاح الفكي مع الجناح ابو احمد واقع بيه الواطة تمام و قاطع عنو الموية و النور
كذا الحال مع الفاضل سبيل و الجناح حسن سنادة و يبدو انو الفاضل نجح تماما في اخراج سنادة من جو المباراة - شايف سنادة بقى يشلت
الباك ابو حسين بدا مباراته الخاصة مع الجناح بيجو لكن يبدو ان لياقته لم تسعفه لسرعة بيجو بالإضافة لتحيز الحكم
فشكلو ابو حسين ترك المان تو مان و اكتفى بالزون دفنس مع بقية التيم
و في مباراة من نوع خاص بين الباك عمر فضل المولى و الجناحين تراجي وملاسي و شكلها متكافئة من ناحبة اللياقة - تقرأ اللواقة -
لكن يلاحظ لجوء فضل المولى للعنف الغير قانوني كثيرا و مسك الفانلة وفقدان المنطق مما قد يعرضه للكروت
نواصل
|
Post: #57
Title: Re: ثلاثة خسائر في الارواح والمعدات الكيزانية اسفيريا....!!
Author: الصادق ضرار
Date: 12-04-2010, 06:47 PM
Parent: #56
كيكي
بالله ما تنسى وقعة شيخنا حسين ملاسي .. طبعاً ملاسي حريف غائب عن المنبر ممكن حتى الربع ده يعدي بسلامة .
حسين ملاسي امصع في ضيافة الاديب محسن خالد
|
Post: #58
Title: Re: ثلاثة خسائر في الارواح والمعدات الكيزانية اسفيريا....!!
Author: صلاح الفكي
Date: 12-04-2010, 06:47 PM
Parent: #56
Quote: عندي ملاحظة على ما يعرف بمباراة داخل مباراة و الباكات القاطعين النوع البمسك في رقبة الجناح بتاعو التسعين دقيقة لحام ستلين بس
الايام دي متألق الباك صلاح الفكي مع الجناح ابو احمد واقع بيه الواطة تمام و قاطع عنو الموية و النور |
هههها ..الله يجازي محنك .. يا ود البشري ورهطو الكرام ....
|
Post: #59
Title: Re: ثلاثة خسائر في الارواح والمعدات الكيزانية اسفيريا....!!
Author: AnwarKing
Date: 12-04-2010, 06:54 PM
Parent: #56
عسل يا كيكي ...عسل عدييييل والله...
ربنا يسعد أيامك ياخي...
أنا باركتا ليك المولودة باقتباس (حتى أسأل كوستاوي)..
لكن للضمان كدة تتربا في عزكم يا منقة...
_______________
في قون كبير كل قوى التقدمية والإستنارة وشئون المرأة والطفل عملوا نايمين منو...
ولسع ما باركنا للعرسان بعد...
|
Post: #60
Title: Re: ثلاثة خسائر في الارواح والمعدات الكيزانية اسفيريا....!!
Author: حامد محمد حامد
Date: 12-04-2010, 07:18 PM
Parent: #59
Quote: أنا باركتا ليك المولودة باقتباس (حتى أسأل كوستاوي)..
لكن للضمان كدة تتربا في عزكم يا منقة...
|
او كما قال انور كنج
التحايا النواضر ( بتاعة اخونا الغائب تروتسكى) لكما كيكى وانور
|
Post: #61
Title: Re: ثلاثة خسائر في الارواح والمعدات الكيزانية اسفيريا....!!
Author: Mustafa Mahmoud
Date: 12-04-2010, 08:16 PM
Parent: #60
Quote:
سوف ياتيك كل غلمان الجبهة و صبيان الانتباهة
الرجاء تجاهلهم
و بخصوص الكوز و حرامي الاسافير الامنجي بدر الدين
ويسال البعض ان كان يحق له العضوية والحوار!!! عجبي!!
لا غرابة ان اتت الدعوة من الكيزان والمنتفعين..ولكنها تاتي من بعض الاخوة الكرام الذين يفترض انهم معارضين لنظام الحاكم!!...
اقول لهؤلاء الاخوة الشرفاء ان الحديث عن الحوار مع هذه العينة من البشر
لا تعدو ان تكون ترف فكري لمثقفاتية لم يتعاملوا In reality مع هذه العينة
لست ارى فائدة من المداخلة او حتى قراءة البوستات (التطمم البطن) لاذناب
السلطة بالداخل والخارج...لاعتقادي بان غالبيتهم يؤدون دور مرسوم لهم و الحوار مع البقية منهم لاتعدو ان تكون حوار طرشان لايؤدي اي غرض.........
فما بالك بمن عذب وكمم الافواه... بالله فيم يكون الحوار! ليحدثنا عن الطرق
المخزية لانتزاع اعتراف!!ام ليحكي لنا كيف امتهن كرامة وعذب انسان اعزل..
ام لتسليتنا كيف فلان او علان جثا على ركبتيه تحت سياط التعذيب يطلب الرحمة!!...ام عن طرق التخلص من جثة من مات تحت التعذيب!!!!.....
سادتي...اذا كانت الديمقراطية تعني الحوار مع من اجرم بدل محاكمته.....فمرحبا بالدكتاتورية!!!!!!! |
|
Post: #62
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 08:16 PM
Parent: #60
Quote:
تسجيل حضور وتساؤل عن دور وزير الخارجية والدبلماسية السودانية في الاحراجات المتتالية للرئاسة
هذه دولة تفتقد لآليات المحاسبة وأدبيات الاستقالة |
هلا يا ود الشايقي وحبابك
والدبلماسية السودانية ذبحت في نواحي بانقي وحواف طرابلس
وهذا عهد ناس كمال حسن علي وعلي كرتي صحبي الانا من زمااان عارفو يوم من الايام حجييب ضقلها يكركب
واقادم احلي يا صديقي والغريق قدام
----------------------
Quote: المتين في مخارجات بدرالدين:
1- حل لُغز وليد الخير وبو كرامي
2- إحضار صورة حقيقية للحبشي (على أن يعترف بها الحبشي)
3- كشف حقيقة مراويد
دا غايتو الأنا شايفو من متابعتي لبدر الدين
|
هلا يا الصادق وحبابك يا متابعة..
والملفات دي كلها بدر الدين عشان يصل ليها ح يتلتل تلتلة اخير منها تلتلة امس والليلة دي
1-ملف مراويد في يد المدعو ملاسي (لوووول) ومابين ملاسي وبدر الدين ما صنع الحداد في الخشب
2 ملف بوكرامي جزء كبير منه في ايادي هشام ادم وبدرالدين وهشام ادم بعد الاحداث القديمة
في ركشة ما بركبو سوي
3- صورة الحبشي حتي لو جابها ما بضمن ليك اعتراف الحبشي
--------------------------------------
هلا يا كوستاوي
Quote: ياخ بدر دا عارفنو من قبل 5 شهور
و سارق من أكتر من 15 محلة..... |
يا النبي نوووووح الحافظ اللوح
...صحبك هباني عملها وحقق اوسكار (نجاض قبورة) القادينا بيهو من زمن ما حفروا المنبر ده...
--------------------------------
Quote: قلب صفحة الاعتذار بعدطوالي دخل في الالحاد
عيد حساباتك ما تخم الجماعة ساكت |
هلا يا نصار والف شكر علي التباريك في ابنتكم اية
وبدر الدين لاعب ماتش كبير ولايزال في كاس مقاومته باقي
والله يقدر بكري علوم وبيجو وبقية رهط التمشيط
... وياريت ياااخ المقاومة العشرين فولت دي تجيب ليهو مريسة تام ويصبر علي الابتلاء ده
وسنعود
|
Post: #63
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 08:30 PM
Parent: #62
Quote: لقد ظللت أبحث وأنقب عن ما بني عليه هذا الحزب الكرتوني فوجدت أن ديدنهم هو الخم واللفح
فلا أفكار ولا منفيستو ولا نهج سياسي ولا ثوابت ولا خلق ولا أخلاق ولا ذمة ولا همة
فالكل ينهب ويسرق ويتبجح بأنجازاه.. فيرفع ألى المراتب العليا والقيادية في حزبهم الهلامي
وهنا أؤكد لك بأن إكتشاف هذا الأمر سيرفع صاحبه لمرتبة أعلى وسيضيف له شأناً
سيعمل تنابلتهم على إصدار فتوى تتيح لهم سرقة الأفكار وتحريفها بما يتماشى مع سياقهم الدنيء
لعنة الله على هكذا حزب...
|
حبابك يا محمد يس ومرحب بيك يا صديقي الجميل..
وموسفة هي الفعلة التي اتي بها بدر الدين والموسف الاكبر كونها ورقة من الاوراق التي كتبت من اجل حزب من الاحزاب وهذه الفعلة تمثل بالجد قمة التسيب الفكري والاستهتار بالعقل والتفكير والمقدرة علي صناعة ادبيات حزبية والاجتهاد فيها...
وانه زمن اللتيق لتيق يا محمد
ولكن الله في
|
Post: #64
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 08:44 PM
Parent: #62
مقال جديد...عباقرة الكذب..!!.
هلا يا نيازي واحبطتني ياااخ وبتكون احبطت سفيان نابري اخوي الكاشف ده
القصة دي شكلها كده درنت وبقت ثلاثة لثلاثة وخالد ابو احمد شكلو كده قلش الكورة دي وخشششت في القون
----------
يا شباب عشان القصة تكون فيير بلاي
اي كوز سابق تاني حنحسب ليهو تبع المولاة لانو بالطريقة دي كوستاوي ده الا يبطل شغلووووو في نواحي ميرلاند
ويعدل لينا النتجة دي حتي ولو بي قوقلة هييييييييييييع بتاعة ود الباوقة
|
Post: #65
Title: Re: ثلاثة خسائر في الارواح والمعدات الكيزانية اسفيريا....!!
Author: عمر صديق
Date: 12-04-2010, 09:13 PM
Parent: #62
الاخ كيكي
تحياتي ياهندسة
ورغم موالاتك لجماعة الحزب الشيوعي واهل اليسار التي تقدح في حيادية احكامك لاننا لم نعهد منهم تجرد ونصيحة ضد توجهاتهم طيلة تاريخهم السياسي المشحون بعلافات الفشل والنكسات والنكبات
الا ان اسلوبك الشيق في الكتابة والسرد مع مجانبتك لبعضهم ممن مردوا علي سؤالاخلاق وساقط القول تجعلني لااخفي اعجابي بكتاباتك ومتابعتهها مثل اعجابي بكتابات الكثيرين هنا وان لم اري داع للتداخل احيانا
وعليه فان الاحكام الموضوعية تقتضي ان نقارن موضوع بدر الدين اسحق مع فيصل خليل ونجد ان الاول اخطأ واعتذر والثاني اخطأ ولم يعتذر
فالانصاف يقول ان النتيجة هدف لكل وباحتساب الاعتذار مساويا للهدف في ارض الخصم يكون فريقنا فائزا ولكن ازدواجية معايير البورد تمنعنا من هذا الحق كما منعتنا من قبل ازدواجية معايير السياسة الدولية وتوابعها المخززية من اليسار الحديث من الفوز في انتخابات الجزائر وتم تاييد الانقلاب هنالك بحجج لاتستند الي معايير عادلة وفي نفس الوقت يعاب علينا انقلاب الانقاذ الذي جاء لقطع الطريق امام انتصار الحركة الشعبية ومشايعيها من انصار الخذلان
اما موضوع ليبيا وافريقيا الوسطي مع مواقف الدولتين الثابتة والمعلنة في رفض قرارات مايسمي بحكمة الجنايات الدولية الجائرة وارجوالا تنسي فضيحة المحكمة الدولية حول اغتيال الحريري واتصالات قضاتها مع السفارة الامريكية ببيروت مقروءة مع تسريبات دعوة وزير الدفاع للبناني لاسرائيل بضرب حزب الله وربط كل ذلك
بزيارات البشير الي كل من تشاد وكينيا وهما دولتين عضوتين فيتلك المحكمة
مع زياراته لكل من مصر وليبيا عدة مرات وارتيريا والسعودية وقطر واثيوبيا
مع مواقف الدول العربية والافريقية في القمتين والقمة الافريقية العربية مؤخرا والتي تقف كلها في صف السودان والرئيس البشير فان النتيجة تكون اكثر من اهداف الوحدات الاردني في المريخ
وعليه فان التقرير النهائي
no case
ولكن كما عودنا التحكيم في كثير من المباريات تكون النتيجة لاتعبر عن مجريات المباراة !!!!!!!!!!!!!!!!!!!!!!!!!
|
Post: #66
Title: Re: ثلاثة خسائر في الارواح والمعدات الكيزانية اسفيريا....!!
Author: abubakr salih
Date: 12-04-2010, 09:17 PM
Parent: #65
| Quote: ونجد ان الاول اخطأ واعتذر والثاني اخطأ ولم يعتذر |
أخطاء شنو دا نشّال ... نشّال لا يختشى و له سرقات أخرى فى الحفظ و الصون سوف يظل يعتذر هنا كل صباح جديد.
|
Post: #67
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 09:22 PM
Parent: #65
Quote: لا تفرح يا كيكي
القادم احلى |
هلا يا ود الباوقة
وبالطريقة دي يا ود الباوقة ابو ضراع ما يحلكم..
ومحمد فرح اليومين دي خلو يخفف الردم لانو ممكن يطنبجها ليكم ويزيد الطين بلة..
وانت مسعول من الخير السيدح وينوووو من المعمعة دي خبارو نعلو ما اتقوقل كمان
|
Post: #68
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-04-2010, 09:27 PM
Parent: #67
Quote: كيكي التفكيكي الله يسعدك ياخ
قراية التحليل بتاعك عقب المعارك والمباريات أجمل من متابعتها لايف
ـــــــ
البنية مبروكة وتتربى في عزكم |
هلا يا تيسير وحبابك دوما في الاستديو والبث العجيب ده..
وكوستاوي يا تيسير اليومين دي عمل للبشرية دي ام هلا هلا وقطع القلب
------
والف شكر وتقدير علي المباركة
|
Post: #69
Title: Re: ثلاثة خسائر في الارواح والمعدات الكيزانية اسفيريا....!!
Author: علاء الدين يوسف علي محمد
Date: 12-04-2010, 09:42 PM
Parent: #68
غايتو يا كيكي
كان ما حسبت لينا القون الواضِح دة
و ماذا عن سُقوطك أنت يا مكِّي مكِّي
حنكورِك:
التّحكيم فاااشِلْ
|
Post: #70
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-04-2010, 10:55 PM
Parent: #69
كيكى ..
* بالله احسب لى بوست ممكن جدا افتحو, الا ما عندى ليهو زمن
* فكرتو رصد ردود الفعل بتاعت الجماعه ..
* وتحديدا الكان تأمينهم الاسفيري عالى جدا ..
* فقدو المنطق يا كيكى ..
* فقدو الحس الامنى العالى ..
* وقام الموضوع حرقم ..
* حرقم شديد ..
* وما انسترو ..
* لانو حرقم جوووه ..
* اها ..
الكلام ده نحن عارفنو وراصدنو وممكن نحللو من مداخل شتى
* " شتى " بالشين يا فرده
* اهمها انو الثبات الانفعالى عند اللاعب الاسفيري مهم جدا ..
* الفكر الاحترافى مفقود تماما ..
* معقوله يا كيكى التيم كلو جاري ورا الكوره ويكورك
" اردم أردم يا علاء "
* يعنى علاء كان نام ساكت الردم حيقيف ..
* هم ما يردمو براهم
* الردم ده الصعب فيهو شنو؟!
* ما ردم !
* اعمل فيها ما عارف واردم ..
* يقول ليك اى كلام ما تسمعو .. واردم تانى
* غايتو للضمان كده كلامى ده منقول
* اتأثرت بالجرايد الرياضيه فى الهتر ..
* Abu Alqasim Muzamil et al (october 2010)1
* وانوه انو جميع مداخلاتى خلال 2011 منقوله
* وحتى 2022 ان مد الله فى الآجال
المراجع ..
1- صحيفة الصدى الرياضيه, الصفحه الاخيره, مزمل ابوالقاسم اكتوبر 2010 العدد 867
|
Post: #71
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 06:32 AM
Parent: #70
Quote: سلام يا كي كي
حذفناهو عشان ما يقولو
بنشتت الكورة وكدا
لكن 3/2 دي يعني التلاته الغلاااااد
ولا ياتن!!؟ |
هلا يا سفيان
وشوق السحابة والله..
والثلاثة الغلاط دي ما فرزتها يا سفيان ولكن للضمان كده الكورة دي في اشاعة انها درنت
وكشكر لي كوستاوي ده بالله واقول ليهو اصحي يا كرمبا...
--------------------------
هلا يا بيان وحبابك ياخي
Quote: تعرف الهيلمات دي خلت خشم الغبش ملح ملح
|
والمنبر اليومين دي ماشاء الله عامر بما لذا وطاب من الكركبات
والمولاة والمعارضة لاعبين ماتشات اي لايييييييييك علي قولة ناس الفيس بووك
----------------------
Quote: بوست اكثر من رائع لمحاولته تقييم ما تم دون تجريح للاخر. اعتذار الاخ/ بدر يعني بالضرورة (المنطقية) اقراره بخطئه، الامر
الذي أرجو ان يفيد في تخفيف الحكم عليه. |
سلام يا الصادق وحباب ناس الاداب
والف شكر علي العبور والاعجاب بالبوست..
----------------------
| Quote: بدر الدين اسحق دقس واعتذر .. ربما تكون دقستو مقصودة والاعتذار فيها مقصود برضو يعني ضربة معلم .. عشان يورط المزيد من المعارضين وفي الحالة دي يسمى بشيال التقيلة |
لوووووول يا تمبس
ودي مراقة جهنمية ولو لقت مولاتي داس فيها ابنص ممكن يقنع بيها براااااحة القارئة (علي قولة طلعت الطيب) زيها وزي مكنة الصهيونة العالمية ...
وحكاية المعسكر الشرقي دي بيني وبينك عوقتني انا زاااتي كمناتل اسفيري فعشان كده بالله ارفع عنها القزاز واعمل حمييييييل يااااخي
------------------------
Quote:
مشكلة بدر الدين جابها في وقت كانت فيهو سودانيز تمر بركود كركبائي
والناس فايقةاسفيريا دا غير ما سبقها من محاكم اسفيرية نصبها بدر الدين لذات الغرض
|
هلا يا حمد وحبابك
وفعلا الحكاية دي جات والسوق الاسفيري مكشوف والكلكات كانت كسوووووولة وفجاة كده اتفتقت وجبة دسمة وشمار رهيبة
وصحيح الكيتة دي وقفتها دايرة ليها جمعة جمعتين كده مالم ياتي امرا جلل.. او يعود صديقي وهبة من غيبته ويمارس اللعب الضاغط ويشتت الكورة
----------------------------
Quote: التحية للمناضل فيصل خليل و العار لاذناب الكيزان في المنبر
|
هلا يا دكتور
وايامك يا دكترة اليومين دي خاتين انقاذ مافيا قانق في كورنر اسفيري
وهاك يا ام دلدوم
-------------------
Quote: لا حولااااا
يا كيكى ياخى و الله العظيم دا توراد خواطر و تطابق شر عديل. تصدق بالله العظيم امس داير افتح لى بوست عن بنفس الفكرة احصر فيهو الخسائر الكيزانية دى … و اقول للجماعة كفارة، كنتا داير امشى ارجع للروابط بتاعت بوستات واصل عن البشير فى الايام الفاتت كانت قاسية عليهم. اضف لذلك كارثة الفكى بدر الدين اٍسحق راجل الشعبية. يا زول انتا اتهمتك بسرقة افكارى عبر القارات و اطالب بتعويض. |
هلا يا علوم وحبابك يا كركبة
واليومين دي ماشاء الله اللياقة عالية وذكرتنا منقستو عندما كان في النيل قبل الهلال بحوووم الميدان بكراع كديس
هنا كععععع وبهناك كرععععععع..
ونعم لقد لطشنا وركبنا موجة اللطش الاسفيري التي سارت ولاتبالي بالرياح
---------------------------------
|
Post: #72
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-05-2010, 06:46 AM
Parent: #71
سلام يا كبتن
انا لا اتفق مع محاولات راس الحربة علاء الدين في ادعاء الدرون .. فالمباراه لا تحسب اهدافها الا بالاهداف الغلاد غلاد ..
فاقوان من قون خالد ابو احمد رغم قوته الا انو يحسب على خالد اكثر مما يحسب على اتجاه .. بدليل عدم وجود كركبه تاليه للموضوع.
و كذلك قون مكي الاخير حتى الان.
فمحاولة توسيع دائرة اهداف المباراة لتشمل البلع العام ستؤدي الى تشتيت الجهود وكسر متعة اللعبة.
يأتي الكيزان بمكي اسيرا في فيديو قديم فيقدم المناضلون محمد فرح متهما في قضية الكهربا.
لا لا لا .. كده بيضيعو زمنا ساي.
عليه اظن ان الكركبات الكبيرة تظل ما ذكرته انت دون التفات لمحاولات رأس الحربة و عمر صديق للضغط على الاستديو.
مع متابعة شلاليت وائل- ناصر فواضح انها ستقلش و تجيب قون في قوى المعارضة.
|
Post: #73
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالله شمس الدين مصطفى
Date: 12-05-2010, 07:09 AM
Parent: #72
Quote: المراجع ..
1- صحيفة الصدى الرياضيه, الصفحه الاخيره, مزمل ابوالقاسم اكتوبر 2010 العدد 867 |
مرجعك ده مسروق يا محمد المشرف,
بكرة حيفتحوا ليك بوست سرقة رياضية.
سلام يا كيكى, معليش أنا ما بفهم فى الكورة عشان كده قاعد بعيد أتفرج لغاية ما اللعبة تخلص.
المصدر
http://www.shammarfi maraga.org
للضمان برضو
|
Post: #74
Title: Re: ثلاثة خسائر في الارواح والمعدات الكيزانية اسفيريا....!!
Author: azhary awad elkareem
Date: 12-05-2010, 07:37 AM
Parent: #73
| Quote: لكن للضمان كدة تتربا في عزكم يا منقة... |
شرحو يا فردة .. وكل سنة وإنت طيب
|
Post: #75
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-05-2010, 07:48 AM
Parent: #74
كثرة المداخلات التي تبارك مولد آية في هذا البوست جعلتني اشك ان ية محسوبه قون في كيكي.
|
Post: #76
Title: Re: ثلاثة خسائر في الارواح والمعدات الكيزانية اسفيريا....!!
Author: علاء الدين يوسف علي محمد
Date: 12-05-2010, 08:17 AM
Parent: #72
حمُّور زِيادة
يا زول نحن كان ما درّنا بنكون غالبين
بس إنت أطلع مِنّها و ما تعمل لينا فيها حكم راية
أي قوون رافع رايتك و تكورك
تسلُّل .. تسلُّل
|
Post: #77
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-05-2010, 08:52 AM
Parent: #76
محاولات فريق "الحيكومه دقست " للضغط و التأثير على الحكام و المحللين يمكن ان يدعم موقف فريق " النضال طراوه " في هذه المباراة.
انصح راس الحربة علاء انو يحافظ على لياقتو لأنو كان فتر او اتكرت و الله المناضلين ديل تاني الا يخشو القصر الجمهوري.
|
Post: #78
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-05-2010, 09:01 AM
Parent: #77
مسابقة البوست
من هو الزعيم السوداني الذي ادعى كتابة كتاب في الستينات ؟
الجائزة "حمبوكة" حمراء
|
Post: #79
Title: Re: ثلاثة خسائر في الارواح والمعدات الكيزانية اسفيريا....!!
Author: محمد البشرى الخضر
Date: 12-05-2010, 09:32 AM
Parent: #78
| Quote: من هو الزعيم السوداني الذي ادعى كتابة كتاب في الستينات ؟ |
هههههههههههههههههههههه
دي يا بيان زي حركة الوصيفاب
تقول ليهم غلبناكم يقولوا ليك سنة شختة شلنا كاس افريقيا
تقول ليهم السنة دي طلعتو من البطولة الافريقية يقولوا ليك سنة اسكت شلنا كاس دبي
بقوا ناس تاريخ ساي
|
Post: #80
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-05-2010, 09:46 AM
Parent: #79
هاهاهاههاههاها يا محمد
تعرف البزعل الناس دي تنسى تأريخها مفتكرننا اولاد النهار دا يجوك عاملين فيها
مافي حاجة في المخزن...
تابعونا قريبا كركبات شديدة على شاشات سوداننزاولاين..
ـاريخ الستينات مشرور على سلك البورد
|
Post: #81
Title: Re: ثلاثة خسائر في الارواح والمعدات الكيزانية اسفيريا....!!
Author: osman abdala
Date: 12-05-2010, 10:29 AM
Parent: #80
Quote: هههههههههههههههههههههه
دي يا بيان زي حركة الوصيفاب
تقول ليهم غلبناكم يقولوا ليك سنة شختة شلنا كاس افريقيا
تقول ليهم السنة دي طلعتو من البطولة الافريقية يقولوا ليك سنة اسكت شلنا كاس دبي
بقوا ناس تاريخ ساي |
ود البشري يا رشاشة
|
Post: #82
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 10:40 AM
Parent: #81
Quote: موضوع وائـــناصرـــــــــل
حيكون دائما كركبة كل المواسم لانه وصل القانون
وعمل هنا جقلبة كبيرة بين بني شيوع
ول1لك لا تفوتها اي كركبة اخرى |
هلا يا بيان
وموضوع محمد ناصر او كما اسميناه (قون الثعلب) ده موضوع لسع فعلا فيهو كركبات قادمة..
وبالمناسبة موضوع طلال عفيفي ممكن نشبهو بالكورة الحاور فيها اللاعب(عندما كان زعلان من ادارة فريقه ) حاور فيها كل الدفاع
والحارس وختا الكورة في خط المرمي.. ومشي اللاين وقال للاداري جيبو الفكي بتاعكم يدخلها..
فكورة طلال عفيفي كانت قاعدة في اللاين وما لاقية زول يجي يدخلها في القون
او يطلعها كورنر او يشيلها ويفرتق..
لا طلال عاوز يجي يششششوت
ولا الفريق الخصم عاوز يجي يشووت
ولاتزال الكورة معلقة في هذا الفضاء الاسفيري العريض وتترنح ذات اليسار ثم ذات اليسار
|
Post: #83
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 10:52 AM
Parent: #82
| Quote: فكي اساقه جابها كبيرة يا كيكي |
هلا يا خالد
وبدر الدين اتي امرا جللا وضرب قوي الموالاة في مقتل وانا لي يومين كايس السيدح وود الباوقة وما لاقيهم..
---------
وحتي صديقي وهبة فمحطته لللعب الضاغط اختفت من الملاعب الاسفيرية [/IMG]
مما اعطي هشام هباني مساحة زمن وشايفو ساااااااارح بالكورة سرح
|
Post: #86
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 11:03 AM
Parent: #83
Quote: آمال حريات دا قوون راسو عديل لو ما حسبتو حتحصل كركبة اسفيرية و هتافات تحكيم فاشل وكدا وياقول ابوجريشة لا نضمن السيطرة على الجماهير
اما بكية خالد ابواحمد فدي زي النقطة التالتة في حالة التعادل تمشي للحكم و الجمهور و تحسب لصالح اللعبة الحلوة
لأنو التيمين ناكرينو
|
هلا يا عمك
وطبعا موضوع امال باقات او اي كان اسمها
كنت ناوي ارش بيهو بيجو في بدايات هذا البوست لمن شفتو عاوز يكركب مع حمور
ولكن فجاة كده خفت من لينين (او كما قال شوقي بدري)..وعدلت عن رش صديقي الاسفيري المتهم بالامر الامالي الباقاتي بيجو لوووووول..
--
الموضوع فعلا فيهو دخنة اشواقها ذاهبة الي نواحي بيجو ولكن مافي اثبات وادلة جنائية عشان كده
حكاية انو يتعدي قووون دي صعبة ولكن ممكن نعتبرو باكورد اربع لساتك فووق وكورة دقت في العارضةو لو لقت شوية انحراف ممكن تخش قووون
--
خالد ابو احمد
شكلو كده حيكون (رفائيل عيسي) او اي كان اسمه الزول الكان بدخل اقوان في فريقه بتاع جنوب افريقيا دااك
|
Post: #87
Title: Re: ثلاثة خسائر في الارواح والمعدات الكيزانية اسفيريا....!!
Author: عمار زكي
Date: 12-05-2010, 11:21 AM
Parent: #86
نتابع معكم متابعة لصيقة
|
Post: #84
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-05-2010, 10:54 AM
Parent: #82
عبدالله تحياتى
Quote: مرجعك ده مسروق يا محمد المشرف,
بكرة حيفتحوا ليك بوست سرقة رياضية.
|
سودانييزاونلاين دى ما مضمونه .. احتمال كبير واحد ينتبه للسرقه دى ويفتح بوست
وبعدين الواحد يبدا فى التبريرات قبل ان يختمها باعتذار خجول ويتواري عن المشهد الثقافى/السياسي/الكروى للمنبر لفتره من الزمن ..
قول يا رب ..
|
Post: #85
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حامد جمعه
Date: 12-05-2010, 11:01 AM
Parent: #82
بوست ...يستحق المتابعة
تحياتى لكاتب البوست والمشاركين
|
Post: #88
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 11:21 AM
Parent: #85
Quote: طبعاً يا كيكي نحنا ناس تخفيف الأحكام والظروف المصاحبة وكدا,
لكن ياخي فتشنا كل الاسباب المخففة (الزول محمول .. مفصول تعسفياً .. ) كلها ما لقينا سبب مخفف,
لأنه عمك عادل عبد العاطي وجد إنه الموضوع دا مش مرة واحدة ولا مرتين ولا تلاثة
ياخي اللفح دا كتير خلاص
|
هلا يا ود الشايقي
وعادل عبدالعاطي ده بالذات انا طالبت بالية بدس البوست منه ولكن صيحاتي بقت مثلها ومثل صيحات
بوست المكاشفي مافي زول قال لي كيلو الالية بكم.. لحدي ما عادل جاء طلع القديم وجديد
والكركبة ولعت وعجاجها الان في السماء
|
Post: #90
Title: Re: ثلاثة خسائر في الارواح والمعدات الكيزانية اسفيريا....!!
Author: محمد البشرى الخضر
Date: 12-05-2010, 02:40 PM
Parent: #89
كيكي يا كابتن Quote: وبالمناسبة موضوع طلال عفيفي ممكن نشبهو بالكورة الحاور فيها اللاعب(عندما كان زعلان من ادارة فريقه ) حاور فيها كل الدفاع
والحارس وختا الكورة في خط المرمي.. ومشي اللاين وقال للاداري جيبو الفكي بتاعكم يدخلها..
فكورة طلال عفيفي كانت قاعدة في اللاين وما لاقية زول يجي يدخلها في القون
او يطلعها كورنر او يشيلها ويفرتق..
لا طلال عاوز يجي يششششوت
ولا الفريق الخصم عاوز يجي يشووت
ولاتزال الكورة معلقة في هذا الفضاء الاسفيري العريض وتترنح ذات اليسار ثم ذات اليسار |
بمناسية قون طلال و قلشة خالد ابواحمد حقو تحدد المتبارين بالضبط منو عشان الحساب ما يروح ساي
في اكتر من مباراة مدورة
بتاعة وائل / ناصر/ طلال ليست بين الظلاميين و المستنيرين بل بين فريقين مستنيرين و الكيزان مشجعين اللعبة الحلوة مرة هنا و مرة هنا
كذا الحال موضوع استقالة طلعت و مركز الخاتم عدلان
المباراة الحقيقية بين الشيوعيين و الشيوعيين السابقين بشقيهم الليبرالي و الحقاوي
بدر الدين كان يقود التشجيع من المدرجات
و صلاح البندر في الفاينل راجي المتأهل فيهم
|
Post: #91
Title: Re: ثلاثة خسائر في الارواح والمعدات الكيزانية اسفيريا....!!
Author: حسبو عكاشة
Date: 12-05-2010, 04:46 PM
Parent: #90
سلام يا المشرف| Quote: القون بتاع امين خال حمور ده الواحد يشوفو وين ؟! |
بالرغم من انو امين ما عندو علاقه بالكورة لكن جاب ليه قون بدون ما يقصد
و دا راجع لانو الحارس شعيرية اكتر من اللازم و مرقاتو كلها غلط
الاتحاد الافريقي لغي المباراة, و دي كويسة مع الرشاشات
لانو الجهاز الفني للوصيفاب حيمدد عقدو مع الحارس لي كم موسم
و دا بسهل لي اي مهاجم من مهاجمي الرشاشات انو يجيب قون بالساهل
|
Post: #92
Title: Re: ثلاثة خسائر في الارواح والمعدات الكيزانية اسفيريا....!!
Author: خالد عبد الله محمود
Date: 12-05-2010, 05:04 PM
Parent: #91
بوست زي كورة الريال و برشلونة الإخيرة دي ؟؟
|
Post: #93
Title: Re: ثلاثة خسائر في الارواح والمعدات الكيزانية اسفيريا....!!
Author: الوليد الرشيد وراق
Date: 12-05-2010, 05:11 PM
Parent: #91
| Quote: و دا راجع لانو الحارس شعيرية اكتر من اللازم و مرقاتو كلها غلط |
حسبو يا حسبو الشتت قصبو
ياخى مالك لاعب ضاغط كده
منظرك زى اللاعب الإحتياطى ومنفعل مع المباراة
وكل ما المهاجم يضيع قون وهو يقول للكوتش ( أنا جاهز ياكوتش )
|
Post: #94
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-05-2010, 05:58 PM
Parent: #93
اكثر حاجة مكيفاني انه علاء الدين بعد نزل بوست منال
اتلمو ليك بنو شيوع عايزين يبدو الصعلكة وقلة الادب
طلع زميل سابق
بدل يمسكو فيه مسكو فوقي انا..خايفين الفتة حقت طلعت.ز
ولذلك احسن هداف في الدوري الاسع هو علاء الدين..
|
Post: #95
Title: Re: ثلاثة خسائر في الارواح والمعدات الكيزانية اسفيريا....!!
Author: khaleel
Date: 12-05-2010, 06:20 PM
Parent: #94
Quote: الاخ كيكي
تحياتي ياهندسة
ورغم موالاتك لجماعة الحزب الشيوعي واهل اليسار التي تقدح في حيادية احكامك لاننا لم نعهد منهم تجرد ونصيحة ضد توجهاتهم طيلة تاريخهم السياسي المشحون بعلافات الفشل والنكسات والنكبات
|
اااامي ااامي يا كيكي
الكلام دا انا مافي معلوم
kiki willbe missed next match
|
Post: #96
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 06:21 PM
Parent: #94
هلا يا بوست وسلامات يا كركبة
Quote:
عاجل: ليبيا تطلب من الرئيس البشير عدم حضور القمة الأفريقية - الأوروبية
الرئيس البشير يتراس وفد السودان في القمة الافريقية الاوربية الثالثة بليبيا
ليبيا برس: الطيران المدني الليبي ماطل في اعطاء الأذن لط...اسة التي ستقل البشير |
هلا يا علوم وحبابك يا اخونا يا(فلتو) او كما خال شيخي البندر
ياخ المنبر ده بالجد متعة...وفيهو جلسكات من النوع العجيب
ومرحب بيك يا زميل في فولتا العليا لوووووول..
وطبعا قووون ليبيا ده يا ابوبكر كان قووون قاتل من لاعب قاتل في زمن قاتل
والقون زاااتو خاشي في رئيس قاتل...
وهو مكسبا لنا... يا سبحان الله او كما قال شيخي ابو ضفيرة
------------------
البدري عبدالله حبابك وخليك دائما قريب لانو احنا كل مرة والتاني راجعين للموضوع الاساسي اوكما قال عمر اومو
---------------------
Quote: قون امين خال حمور في نجاة محمود
|
هلا يا حسبو وحبابك يازول يا مدهش ووين ياااخي صحبي مورتا لابد اليومين دي
..
وقون امين في بيان كان قوون فعلا اثار كركبة ولكن بيني وبينك كان فيهو ملعوب
وبشبه لي قووون ماردونا في الانجليز لانو ورغم حرفنة القوون وكل حاجة الا بعض الجماهير داخل البوست والملعب حصل ليهم (تغبيش) وبعضهم اضطر انو يبلع ويتراجع عن تصفيقو للقووون بعدما انكشف الستار
واعيد القوون بالحركة البطئية والناس عرفت التيم الخاشي فيهو القووون
|
Post: #97
Title: Re: ثلاثة خسائر في الارواح والمعدات الكيزانية اسفيريا....!!
Author: abubakr salih
Date: 12-05-2010, 06:25 PM
Parent: #96
| Quote: هلا يا علوم وحبابك يا اخونا يا(فلتو) او كما خال شيخي البندر |
فلتو تقيل جداً جداً ... هههههه .... لكن اخوك مبسوط يا مان نقدل سوا انا و الازهرى و منصور خالد فى عز اهلنا الفلاته و نتش عين العنصريين بالضوء
|
Post: #99
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 06:54 PM
Parent: #96
Quote: والمعنى والدقسه المقصوده هى سرقة المواضيع فى دردقه واضحه لكوستاوى عشان يكشفها ..
ان كانت كذلك, فيبقى موضوعنا استحم عديل كده ..
أخوك شات فى الموضوع ده 3 مداخلات شرقيه تسر المناضلين ..
بعد كلام تمبس حقو الواحد يلبد ..
تحياتى يا هندسه
ولتنبس ولعله بالف خير ..
..
تعرف موضوع ليبيا ذاتو أحتمال يكون مقصود |
هلا يا دكترة وحبابنا كلنا في دوحة 2022 ومبروك والله...
والعمل الكوزي الظاهر عليهو كورتوو فقد التنسيق والكارزيما لانو المراقة القالها تمبس دي
لو السيدح عمل بيها بوست وبرك معاه ود الباوقة وجاهم الشفيع وعمل ليهم اسناد من الخلف
واوكل لصحبي المكاشفي جيب الكورة من بررررره ودعمهم مولانا عصام دهب في الافتاء والتوجيه المعنوي
صدقني بدر الدين ده كان طلع من الموضوع ده زي الشعرة من العجين
-----
ويا حليلك يا محمد حامد جمعة ياخي يااااخي
|
Post: #98
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-05-2010, 06:29 PM
Parent: #94
حسبو ..
كيفك وكيف كيفك آ زول
Quote:
بالرغم من انو امين ما عندو علاقه بالكورة لكن جاب ليه قون بدون ما يقصد
و دا راجع لانو الحارس شعيرية اكتر من اللازم و مرقاتو كلها غلط
الاتحاد الافريقي لغي المباراة, و دي كويسة مع الرشاشات
لانو الجهاز الفني للوصيفاب حيمدد عقدو مع الحارس لي كم موسم
و دا بسهل لي اي مهاجم من مهاجمي الرشاشات انو يجيب قون بالساهل |
اولا شكرا للاصدقاء فقد مدونى بتسجيل واضح جدا للمباراة ..
ذكرتنى مباريات المريخ فى الدور التمهيدى لكاس السودان ..
ودكتور أمين خال حمور زول عريق فى الاستناره, ويحسب من اعمدة الاستناره الراسخه بالمنبر ..
وود اختو كذلك الى حد ما ..
المعسكر الشرقى لم يشارك بفاعليه نسبه لصغر حجم المعركه ونتيجتها المحسومه سلفا ..
ولوجود المنافس خارج دائرة الاهتمام ..
عموما يحسب للاستناره 3 نقاط سهله ..
ورصيد أخلاقى إضافى لعدم انتهاز الفرص الصغيره
تحياتى ..
|
Post: #100
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-05-2010, 07:15 PM
Parent: #98
Quote: كيكى ..
القون بتاع امين خال حمور ده الواحد يشوفو وين ؟! |
هلا يا ود المشرف
والفيفا (بكري) شال عدة القون ده ورماه في الخور ويعلم الله كان فيهو كركبة
يا النبي نوووووووح منها
----------------------------------
| Quote: عندي ملاحظة على ما يعرف بمباراة داخل مباراة و الباكات القاطعين النوع البمسك في رقبة الجناح بتاعو التسعين دقيقة لحام ستلين بس |
هلا يا عمك وياخ دائما متابع لصيق انتتتت يااخ...
بمناسبة ابو الحسين دي طبعا انا لاحظت بانو المصالحة التاريخية ما بين ابو الحسين وصديق المهدي تمت
وانقطعت ابنصات ابو الحسين التي كانت ملحاحة في نواحي بوستات صديق...وشوف عيني دي اتحولت الي معانقات ومعايدات كمان
صلاح الفكي ومان تو مان مع ابو حمد وحذاري من ابو احمد
| Quote: الباك ابو حسين بدا مباراته الخاصة مع الجناح بيجو لكن يبدو ان لياقته لم تسعفه لسرعة بيجو |
ياعمك ياااخ براااحة علينا وما تكتلنا بالله قبل المونديال بتاع الدوحة ده...
عمر فضل المولي زول بلعب ضاغط وخشتو واااحدة والله واااحدة
وحكاية رباح دي بالمناسبةتهمة مطلقنها عاوزين يمرروها بالزندية وانا مستغرب لغياب الدع الاسناد لعمر من تيم الحزب..
ملاسي ضربة محسن حتي قبل امس الاول كانت موجعة وحرق فيها عمر زي كم عمة كده وكم جريدة
ولكن بحضور دكتور بشري الفاضل في تهديد للمستقبل بتاع (الامصع).. واحتمال تعيد ملاسي للملاعب
وعمو سنتابع..
__________________________
| Quote: بالله ما تنسى وقعة شيخنا حسين ملاسي .. طبعاً ملاسي حريف غائب عن المنبر ممكن حتى الربع ده يعدي بسلامة |
هلا يا الصادق
والامصعة كانت ضربة استباقية اتي كرد رد الامصع الرد
بعدما عصر ملاسي علي اخونا الجميل عمر في نواحي شتي...ووملاسي احسن زول في العالم بيعرف ينحني للعاصفة
وبيعرف يبلد متين ويجي متين... كمرجف اسفيري مقيم لووووووول..
---------------------------------
Quote: عسل يا كيكي ...عسل عدييييل والله...
ربنا يسعد أيامك ياخي...
أنا باركتا ليك المولودة باقتباس (حتى أسأل كوستاوي)..
لكن للضمان كدة تتربا في عزكم يا منقة...
_______________
في قون كبير كل قوى التقدمية والإستنارة وشئون المرأة والطفل عملوا نايمين منو...
ولسع ما باركنا للعرسان بعد... |
هلا يا كنج والف شكر وتقدير علي التباريك
ويا كنج مع عجاجات الكركبات مواضيع زي موضوعك ده بمششي براااهو فريق ورا في الصفحات الخلفية حتي ولو المنبر ما اتحرك لووووووول
-------------------------
وسلام ياحامد
ومشتاقين يعلم الله وشيخي شكر الله
والف شكر علي التباريك
وكل الود
--------------------------
وسنعود
|
Post: #101
Title: Re: ثلاثة خسائر في الارواح والمعدات الكيزانية اسفيريا....!!
Author: حامد محمد حامد
Date: 12-05-2010, 08:08 PM
Parent: #100
بس كدة عايز اقلب الصفحة ......بعد الاذن يا كيكى
|
Post: #102
Title: Re: ثلاثة خسائر في الارواح والمعدات الكيزانية اسفيريا....!!
Author: جعفر محي الدين
Date: 12-05-2010, 08:20 PM
Parent: #100
كيكي مبروك لقطر وربنا يمد في عمرنا وعمركم ونجيكم هناك 2022
ياخي أنا ممكن أهضم أي حاجة إلا السرقة ... لأنو الحرامي بيكون شايف الريشة على رأسه
وبرضو يعمل ما شايف ... قاعد أمشي لناس بسيطين ما عندهم فكرة عن الملكية الفكرية
وحقوق النشر وما شاكله ... لكن أي زول حامل راية فكرية وبيحاول يخطط للبلد مستقبله
يجب أن ينأى بنفسه من أي شبهات ...
أما حكاية طرابلس وبانقي فكانت أهداف ملعوبة وجات في مقتل ...
ياخي أنا متابع التسجيل للاستفتاء وتجهيزاته ده فيه كمية من الأقوان عايزة شوال زي بتاع عمك شبشة بتاع الهلال الزمان بلملم فيه الكور بعد التمارين (زمن الكور كانت غالية).
|
Post: #103
Title: Re: ثلاثة خسائر في الارواح والمعدات الكيزانية اسفيريا....!!
Author: صلاح الفكي
Date: 12-05-2010, 10:31 PM
Parent: #102
Quote: صلاح الفكي ومان تو مان مع ابو حمد وحذاري من ابو احمد
|
عامل حسابي كويس .. بس عندو أسلوب تهريج وتشتيت للكرة .. كلما أجيبها ..القاه مشى محل تاني ..
بصراحة أنا عيز أوصلوا لهدف معين ..وبعدين .. نشوف صدقوا من كذبوا ..
معليش أخليكم لأنى ماشي هناك ..لسه ما شفته عمل شنو .. وماشي ابحث عن البوستات .. الكاتبه ..
|
Post: #104
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-06-2010, 01:10 AM
Parent: #100
Quote: ودكتور أمين خال حمور زول عريق فى الاستناره, ويحسب من اعمدة الاستناره الراسخه بالمنبر ..
وود اختو كذلك الى حد ما ..
|
شوف يا الاسمك مشرف .. في كل اقباسك ده لم تقل حق الا تشبيه أمين بالعمود.
و ما سوى ذلك اطناب لا معنى له.
|
Post: #105
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-06-2010, 01:49 AM
Parent: #104
غني عن الذكر اني رشيت محمد حيدر المشرف على سبيل الاحتياط .. عشان مايجي يدافع عن أمين تاني.
|
Post: #106
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-06-2010, 02:07 AM
Parent: #105
حمور ..
يا اخوانا 1+1=2
امين امريكى وعندو PhD
وانت يا دوب ماشى تلتحق بالجاليه السودانيه فى مصر كذنب خدييوى مستلب جاهز تسليم المصنع ..
اعتقد أن غاية المجد الذى قد تحوزه أن ينفعك سعادة الدكتور أمين بجاهه حتى يقال عنك أن الولد خال ..
|
Post: #107
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-06-2010, 02:15 AM
Parent: #106
| Quote: امين امريكى وعندو PhD |
يا أمين ياخ أعفي لي .. ما بقدر امسك القصة ديك أكتر من كده و الله قربت تسوي لي اشقدي.
عصرت على روحي في بوست SunAir لما زول سألك الدكتوراه حقتك في شنو .. لكن و الله هنا ما بتتفوت.
اسمع دي يا مشرف و ليحضر كل بين قوسي البورد ..
أمين راقد على ظهرو في السرير و خاتي اللابتوب في حجرو و بنقطع في البورد.. فبيحكي لي بحاجة كتبا هنا .. بعد بدا الحكاية حاول يتذكر الفترة الزمنية كانت متين ..
شعلق عيونو في السقف .. و مطمط شفايفو .. و قال و هو بيعصر في ذهنو :
الكلام ده طول .. الايام ديك انا لسه ما عندي دكتوراه.
|
Post: #108
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-06-2010, 02:37 AM
Parent: #107
يا رااجل ..
دى لو سكت عليها اكتر من كده كان جاك شلل اطفال ..
..
قال اشقدى قال ..
|
Post: #109
Title: Re: ثلاثة خسائر في الارواح والمعدات الكيزانية اسفيريا....!!
Author: عمر صديق
Date: 12-06-2010, 02:44 AM
Parent: #107
Quote: الاخ كيكي
تحياتي ياهندسة
ورغم موالاتك لجماعة الحزب الشيوعي واهل اليسار التي تقدح في حيادية احكامك لاننا لم نعهد منهم تجرد ونصيحة ضد توجهاتهم طيلة تاريخهم السياسي المشحون بعلافات الفشل والنكسات والنكبات
الا ان اسلوبك الشيق في الكتابة والسرد مع مجانبتك لبعضهم ممن مردوا علي سؤالاخلاق وساقط القول تجعلني لااخفي اعجابي بكتاباتك ومتابعتهها مثل اعجابي بكتابات الكثيرين هنا وان لم اري داع للتداخل احيانا
وعليه فان الاحكام الموضوعية تقتضي ان نقارن موضوع بدر الدين اسحق مع فيصل خليل ونجد ان الاول اخطأ واعتذر والثاني اخطأ ولم يعتذر
فالانصاف يقول ان النتيجة هدف لكل وباحتساب الاعتذار مساويا للهدف في ارض الخصم يكون فريقنا فائزا ولكن ازدواجية معايير البورد تمنعنا من هذا الحق كما منعتنا من قبل ازدواجية معايير السياسة الدولية وتوابعها المخززية من اليسار الحديث من الفوز في انتخابات الجزائر وتم تاييد الانقلاب هنالك بحجج لاتستند الي معايير عادلة وفي نفس الوقت يعاب علينا انقلاب الانقاذ الذي جاء لقطع الطريق امام انتصار الحركة الشعبية ومشايعيها من انصار الخذلان
اما موضوع ليبيا وافريقيا الوسطي مع مواقف الدولتين الثابتة والمعلنة في رفض قرارات مايسمي بحكمة الجنايات الدولية الجائرة وارجوالا تنسي فضيحة المحكمة الدولية حول اغتيال الحريري واتصالات قضاتها مع السفارة الامريكية ببيروت مقروءة مع تسريبات دعوة وزير الدفاع للبناني لاسرائيل بضرب حزب الله وربط كل ذلك
بزيارات البشير الي كل من تشاد وكينيا وهما دولتين عضوتين فيتلك المحكمة
مع زياراته لكل من مصر وليبيا عدة مرات وارتيريا والسعودية وقطر واثيوبيا
مع مواقف الدول العربية والافريقية في القمتين والقمة الافريقية العربية مؤخرا والتي تقف كلها في صف السودان والرئيس البشير فان النتيجة تكون اكثر من اهداف الوحدات الاردني في المريخ
وعليه فان التقرير النهائي
no case
ولكن كما عودنا التحكيم في كثير من المباريات تكون النتيجة لاتعبر عن مجريات المباراة !!!!!!!!!!!!!!!!!!!!!!!!! |
|
Post: #110
Title: Re: ثلاثة خسائر في الارواح والمعدات الكيزانية اسفيريا....!!
Author: Egbal Elmardi
Date: 12-06-2010, 03:33 AM
Parent: #109
سلام يا كيكي
والبتيه مبروكه
ياخي أنا غايبه من البورد لي فتره دخلته أمبارح لقيت موضوع بدر الدين لكن ما كان عندي زمن أواصل
جبت الليله لقيت بوستيك الكامل الدسم قرب لي المسافات وكثيراً....
عندي سؤال ؟؟؟؟
قبل ما نخش قي موضوع الإعتذار....هل شيخ بدر الدين رجع القروش القبضا من الدراسه؟؟؟
|
Post: #111
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-06-2010, 03:38 AM
Parent: #110
تنبيه مهم جدا لضيوف الاستديو و مقصورة الحكام ..
يمنع منعاً باتا استخدام الاستديو او المقصورة لشن هجمات مرتدة على اللعيبة في أماكن اخرى. الاستديو معني بالرصد و المقصورة مهمتها الحكم الكلي دون تجريم.
كما نرجو من السادة اللاعبين عدم محاولة الضغط على المحللين و المحكمين بأي طريقة من الطرق.
|
Post: #112
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-06-2010, 06:35 AM
Parent: #111
اصبحنا بالله وشيخي شكر الله..
وسلام يا قووم
وسلام يا حمور وساري بالي كونك لاعب(باك صاعقة) وموضب لينا قوي الموالة وقوي التعارض (حلوة التعارض دي)
ومحاولاتهم ارهاب المنصة والاستديو الاسفيري..وعشان كده سيكون شعارنا الرسمي هو هتاف التعارضي الشهير
مصطفي محمود الشايفو هو زاااااتو لاعب معانا ضاغط
حنردد التجاهل التجاهل
لا لشنو كده قد اتو
------------------------------------------
هلا يا عمر صديق وحبابك يا كوت يا احمر
وشايفك رشيت مداخلتك بالاحمر القاني واعدت نشرها(مالك يااخي باللون الاحمر ده عاوز تتور فيني الاشواق والاشجان الشيوعية وتخيلني اتجاوز التسلسل الهرمي في الردود )
وتخيل مداخلتك وحتي قبل ما ترشها بالاحمر القاني كانت (موضع اهتمام عالي وتامل) ولكن قلنا نمشي بالدور والصف
وباذن الله وشيخي شكر الله حتاخد رد كاش وحتما سنقلل النقاش
وسنعود
|
Post: #113
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-06-2010, 10:38 AM
Parent: #112
Quote: ورغم موالاتك لجماعة الحزب الشيوعي واهل اليسار التي تقدح في حيادية احكامك لاننا لم نعهد منهم تجرد ونصيحة ضد توجهاتهم طيلة تاريخهم السياسي المشحون بعلافات الفشل والنكسات والنكبات
الا ان اسلوبك الشيق في الكتابة والسرد مع مجانبتك لبعضهم ممن مردوا علي سؤالاخلاق وساقط القول تجعلني لااخفي اعجابي بكتاباتك ومتابعتهها مثل اعجابي بكتابات الكثيرين هنا وان لم اري داع للتداخل احيانا
|
هلا ياعمر وتحياتي...
1-من الضروري ان اثبت بانني وفي الامر المختص بالصراع مع الانقاذ فانا ليس بمحايدوشعاري (لاحياد تجاه الانقاذ او الكيزان ومنحاز لكل قوي العمل المعارضة) بما فيها الشيوعين او حتي انصار السنة لو داسو ذات يوم ابنصات تنادي بذهاب الانقاذ.. وده في ظني تحالف بتاع حد ادني ما بيني (كمواطن سوداني) وكل الاحزاب والكيانات السودانية الاخري العاوزة تكركب مع الانقاذ.. وعشان كده الكلام ده بظهر في نقتي في المنبر وفي ارض الواقع..
2-مافي ياعمر موالاة للشيوعيين لمن ينضمو بيها كده (لانو لو فرزت لي العيشة مع الشيوعيين ديل بس فمولاتي لهم تعني مولاتي لايدلوجيتهم ونقة الصراع الطبقي والديا شنو كده ماعرف (ليك).. وكلامات انجلز وماركس... والكلام ده ما حاصل واعتقد بانه شعر ماعندي ليهو رقبة كده يقولو عليها).. ولكن والحق يقال انا بتلاقي مع الشيوعيين واليسار وكل القوي حتي اليمين منها المومنة بالتحول الديمقراطي وعاوزة تشوت الانقاذ دي ومنادية بواقع ديمقراطي... وبعد داااك كل ككو مننا حيطلع شجرتو...(طبعا من الضرورة التاكيد بان هذه القوي لا تشمل الموتمر الشعبي لانو انا كجينة عدوك... والقصة دي ظاهرة في البوست ده في مرازتي لخالد ابو احمد)...
3- نجي للاقوان الثلاثة
بدر الدين
طرابلس
افريقيا الوسطي..
والقون ياعمر البخش تووووش والحكم يصفر ورجل المان يقوم جاري للسنتر بالراية... ده قوون خلاص خشا وتاني ما بتلغي
ولكن ما بعد القون ده بتحصل الخرخرات (القوون اووف- في فاول قبل القووون- الكورة ما عبرت)ومليون طريقة ممكن تطلع فيها القون ده فشنك ولكنه كتب في الاوراق الرسمية للفيفا بان الكورة قووون..
وده الحصل في موضوع بدر الدين.. اللقطة الاولي هي السرقة... وما بعدها تداعيات
وده الحصل في موضوع فيصل.... اللقطة الاولي وما بعدها تداعيات وقد تكون سلبية او ايجابية
(والقووون المقنع بكون مقنع) وبعد داااك كلا يحاول ان يخفف من اثر القوون وصاعقته ...
وبنفس الفهم ده ممكن تقيس قووون بانقي وقوون طرابلس
فالتبرير ياتي من المولاة لتخفيف اثر الضربة ولكن الضربة وقعت والحكم صفر واللاين مان جري..
.........
كل التقدير يا عمر علي كلامك الطيب وتاكد باننا قد نختلف ونتفق ولكن سيبقي بيننا الاحترام والتقدير والموضوعية
ودي المظلة التي قد تجعل من مثل هذه البوستات القابلة للاشتعال في اي لحظة امر ممكن
وسنتابع
|
Post: #115
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-06-2010, 11:01 AM
Parent: #114
Quote: البشير(يوافق)على المشاركة في(قمة إقليم البحيرات) في الع...)في 15 ديسمبر الجاري
|
فعلا ياعمك
البوست ده سلاح ذو حدين..
يا بعد الزيارة شفنا فيه ود الباوقة وبقية الرهط راقصين فيهو صقرية وهاك يا هيييييع
او
شفنا قوي المعارضةخامجة سوقه وصورة عمر البشير بتاعة (ال######شة ديك ) تتهادي في جنباته...
وعموما انا غايتو كخبير زيارات رئاسية لعمر البشير
بنصح ميادة انها تخارج البوست ده من الاسواق حفاظا علي النتيجة وكده
لانو ساركوزي اليومين دي زيو وزي كوستاوي قالو في كراكير افريقيا دي حااااااااااااائم
|
Post: #116
Title: Re: ثلاثة خسائر في الارواح والمعدات الكيزانية اسفيريا....!!
Author: abubakr salih
Date: 12-06-2010, 11:09 AM
Parent: #115
أنا و الزعيم الازهـــرى و لعنة الفلاتة
يا قريبى العزيز. بالله عندنا كوزه عنصرية هاربه من هنا. احسبها لينا معاك بالله. شكلوا ح نحتاج بوليس اســفيرى.
|
Post: #117
Title: Re: ثلاثة خسائر في الارواح والمعدات الكيزانية اسفيريا....!!
Author: أبو ساندرا
Date: 12-06-2010, 11:36 AM
Parent: #116
زي ما إنتبهت النبيهة إقبال المرضيفإن بوست كيكي ( الطاعم ) لاتكمن اهميته في أنه قرب المسافات
فيما يتعلق بعملة بدر اسحاق ، فحسب
وكذلك لأنه عمل ريفرشمينت لتاريخ الدواس في البورد
التي فاتني معظمها ، واولها كان ( بوكرامي ) وثانيها ( مسمار أمين خال حمور )
وبهذه المناسبة : Quote: هلا يا ود المشرف
والفيفا (بكري) شال عدة القون ده ورماه في الخور ويعلم الله كان فيهو كركبة
يا النبي نوووووووح منها |
ياكيكي الطاعم ( دي غايتو عا########ي عجب وح استلفها من ابوتفة )
نحن عارفين بكري خور قون أمين لكن عادة أين يتم التخوير والحفظ ؟
يعني نفتش وين ؟ في مكتبة أمين محمد سليمان ، أم أين ؟
اديني إجابة شافية
|
Post: #119
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-07-2010, 02:15 AM
Parent: #118
انذار شفهي للاعب ابو بكر صالح لمحاولته توريط التحكيم و استديو التحليل في مباراته.
المره الجايه كرت أصفر يا عمك.
و تذكير للاعب الضاغط صلاح الفكي بقوانين الاستديو و المقصورة .. لا يجوز للاعبين تنبيه الحكام و المحللين لمبارياتهم. فبحسب قانون المتابعة سنة 2001 مادة 153 تعديل عام 2003 إن لم تكن المباراة من الكركبة بحيث تلفت نظر الحكام و المحللين فانها تستبعد من الدورة. و تقرأ هذه المادة مع المادة 201- ج أن لفت نظر الحكام و المحللين لبعض المباريات المحلية و اللعيبة الممتازين هو حق حصري لفريق العمل المساعد او مداخلات القراء اذا ثبت براءتها من الغرض.
|
Post: #120
Title: Re: ثلاثة خسائر في الارواح والمعدات الكيزانية اسفيريا....!!
Author: عمر صديق
Date: 12-07-2010, 02:24 AM
Parent: #119
حمور ياخ بسرعة حصل خالك في بوست الرحلة
|
Post: #121
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-07-2010, 05:40 AM
Parent: #120
هذا البوست السمح المرح الذي هو عبارة عن مبارة في خفة الدم والالمعية
لكن في نسانيس لابسة احمر دخلت
عايزة تضيع زمن المبارة
بالله يا كيكي
اعمل بنصيحة مصطفى محمود التجاهل تكعيب
شكرا لللامتاع والمؤانسة
|
Post: #122
Title: Re: ثلاثة خسائر في الارواح والمعدات الكيزانية اسفيريا....!!
Author: محمد حيدر المشرف
Date: 12-07-2010, 05:58 AM
Parent: #121
كيكى
فقط نطالب بإبداء الاهتمام اللائق والطبيعى بمداخلة كبيرنا ابوساندرا ..
|
Post: #123
Title: Re: ثلاثة خسائر في الارواح والمعدات الكيزانية اسفيريا....!!
Author: د.نجاة محمود
Date: 12-07-2010, 06:00 AM
Parent: #122
نبشر القراء بانني ساقوم ينشر مقالات صلاح احمد ابراهيم التي كتبت في الستنيات
في الرد على الهجمة الشيوعية عليه ومحاولة اغتيال شخصيته
حصريا في سوداينزاولاين
هذه المقالات جمعتها في خلال سنوات من البحث والتقصي
ولم يراها الا عدد قليل جدا من جيلنا والاجيال التالية بالضرورة..
لاول مرة سيرتفع صوت صلاح ليسمعه الكل
ليشهدوا على الظلم الماحق والمعاناة التي عاناها هذا الرجل الشجاع
سيكون النشر تحت عنوان رجل واحد شجاع يشكل اغلبية*
اللهم ارحم صلاح احمد ابراهيم..
الذي دفعني للسعي وراء اكمال هذه المقالات
عبارة كتبها صلاح انه يكتب للاجيال القادمة حتى تعرفما حدث
ولذلك رايت ان على عبء ان املكها للاجبال القادمة التي عناها صلاح
حيث وقعت هذه المقالات في يدي بالصدفة
ابان بحثي عن الغابة والصحراء في نهاية سنوات التسعين
10 سنوات اكتملت المقالات الان بحمده..
وساقوم بنشرها هنا للكلليراها ويحكم..
______________
امرسون
|
Post: #124
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالله شمس الدين مصطفى
Date: 12-07-2010, 06:27 AM
Parent: #123
Quote: نبشر القراء بانني ساقوم ينشر مقالات صلاح احمد ابراهيم التي كتبت في الستنيات
في الرد على الهجمة الشيوعية عليه ومحاولة اغتيال شخصيته
حصريا في سوداينزاولاين
هذه المقالات جمعتها في خلال سنوات من البحث والتقصي
ولم يراها الا عدد قليل جدا من جيلنا والاجيال التالية بالضرورة..
لاول مرة سيرتفع صوت صلاح ليسمعه الكل
ليشهدوا على الظلم الماحق والمعاناة التي عاناها هذا الرجل الشجاع
سيكون النشر تحت عنوان رجل واحد شجاع يشكل اغلبية*
اللهم ارحم صلاح احمد ابراهيم..
الذي دفعني للسعي وراء اكمال هذه المقالات
عبارة كتبها صلاح انه يكتب للاجيال القادمة حتى تعرفما حدث
ولذلك رايت ان على عبء ان املكها للاجبال القادمة التي عناها صلاح
حيث وقعت هذه المقالات في يدي بالصدفة
ابان بحثي عن الغابة والصحراء في نهاية سنوات التسعين
10 سنوات اكتملت المقالات الان بحمده..
وساقوم بنشرها هنا للكلليراها ويحكم.. |
يا للروعة.
سارعى بعمل ذلك يا دكتورة.
شكراً لك
|
Post: #125
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-07-2010, 06:38 AM
Parent: #124
انذار شفهي للاعبة د. بيان.
ـــــــــــــ
شكلكم انت و بكري حتكمولها جكه في التراك
|
Post: #126
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالله شمس الدين مصطفى
Date: 12-07-2010, 06:46 AM
Parent: #125
| Quote: انذار شفهي للاعبة د. بيان. |
طاقم حكام أجنبى صعب خلاص,
ناقص يرسلك للصول بورقة الجلد.
|
Post: #127
Title: Re: ثلاثة خسائر في الارواح والمعدات الكيزانية اسفيريا....!!
Author: ود الباوقة
Date: 12-07-2010, 06:48 AM
Parent: #126
منتظرين ركلات الترجيح ...
يا كيكي ...
|
Post: #128
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالله شمس الدين مصطفى
Date: 12-07-2010, 06:52 AM
Parent: #127
| Quote: منتظرين ركلات الترجيح ... |
هوووى يا ود الباوقة أمشى أركب قطرك قبل ما يفوتك,
قال ترجيح قال, لا بالله احسن بالتزكية ولا الإجماع السكوتى.
Smile 
|
Post: #130
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-07-2010, 11:08 AM
Parent: #129
هلا يا جموع يا اسفيرية
والمشاغل ام دق شكيتها علي لله وشيخي شكرالله..
ولكن بيني وبينك اني زاااتي مستمتع معاكم بالبوست ده
والحركات والبركات والمناورات وسياسات تمرير الاجندة لوووووووووووول...
نرحب بابو ساندرا
ويا ود المشرف ابو ماهيتاب ده لو فطينا ليهو الحضور وردينا
لثبت وبالدليل القاطع موالاتي لقوي الشيوعي واليسار العريض
عشان كده سنردد
الرد بالصف
الصف الرد
او كما قال ود الباوقة ذات يوم
السد السد
الرد السد
--------------------
وحمور wayeeeeeee'
اردم الكروت ياكابتن
وكن دوما مكرتا
|
Post: #132
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-07-2010, 12:12 PM
Parent: #131
Quote: قبل يومين قام فريق الكيان بهجمة مرتدة خطيرة بقيادة الجناح ابو السيد مستغلا تقدم الباك مراويد للهجوم و خلو خانته
لكن يبدو تنو حكم الراية تدخل واوقف الهجمة بسرعة والحكم ما احتسب مخالفة واضحة لكن وقف الكورة وعمل ليها (دروب ) |
غايتو يا عمك مفروض الاستديو يديك اوسكار المتابعة الشديدة المفاجئة
وياخي المنبر ده جخانينو دي فيها متعة وكورة مباااالغة والمشكلة نصها فايتنا مفلعين مع (ايوتا دي)
وبالمناسبة موضوع (مركز الخاتم) او مركز محمود- الخاتم او كما قال شيخي ملاسي
الموضوع ده فيهو قبضة ثمينة ونقة استديوية ممكن التيم العامل في التحليل ياخد عليها مرتبات سنة نص (لووووول)..
اتخيل لي الدخنة بلشت من بوست طلعت
وفجاة كده كحلت عمك ود اسحاق شايل ليهو (كليقة بتاعة قش) ورماها في نار الموضوع ده
بعد شوية انهجمت لمن شفت صحبي عبدالمحسن شايت ليهو بوست ليهو ضل وعمل راكوبة كركبتها نار منقد
والمستغرب ليهو وحسب متابعاتي للعمل الاسفيري لعبد المحسن ما رصدت ليهو اهتمام بتلك النواحي (او كما اظن)
عموما هذا الملف فيهو قبضة ثمينة وضروري ناخذ لينا خفسة خفستين في اللكنات دي عشان نشفط الدمعة بتاعة الكركبة النوعية دي
لانو شايف في لاعبين جدد انضمو للاتيام العاملة في تلك النواحي
--------------
ود البشري وحمور ديل محللين يا جماعة فعشان كده اعزرونا لو حصلت منا ازدواجية معايير وكده وفطينا الروق
|
Post: #133
Title: Re: ثلاثة خسائر في الارواح والمعدات الكيزانية اسفيريا....!!
Author: عبد الخالق امن الله
Date: 12-07-2010, 11:59 PM
Parent: #43
.
|
Post: #134
Title: Re: ثلاثة خسائر في الارواح والمعدات الكيزانية اسفيريا....!!
Author: mona altom
Date: 12-08-2010, 00:24 AM
Parent: #133
كيكي غاوي الكركبه سلام وضيوفك الكرام
لاافهم في التحاليل الكركبيه لكن قلت احسن نقول سلام ومتابعين من خارج الاستديو
|
Post: #135
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-08-2010, 11:11 AM
Parent: #134
هلا بالجميع وحبابكم
والسوق الاسفيري مخموج خمج السنين
وفعلا وكما توقع ود البشري فكركبة (مركز الخاتم) صارت الان صوتها يعلو وابنصاتها في طريقة لكي تعلق في عنان سماء المنبر..
ومنصات انطلاق زوابع ورعود اسفيرية كثيرة دخلت حلبة الصراع الذي تشابك الان ما بين
1- صراع ما بين حق والجمهوريين وان كان قد طل خفيفا وشفيفا بين ثنايا هذه الكركبة الا انه وبمرور تداول الموضوع وفرفرة كل اجزائه
سيفرز عيشته وحيحصل فيهو (ويكليكس) بالتاكيد
2- صراعات مقيمة ما بين قوي الناشطين في العمل المدني ودي برضها طلت بنفسها في كراكير النقاش
3-صراعات وحقارات شخصية ما بين شخوص هنا وهناك ودي دايرة ليها جية وفرفرة وارسال اشارات تربطها كلها مع بعض
4-موقف اليسار العريض من هذه الكركبة لم ينجلي حتي الان بصورة يمكن ان ترسل لينا اشارات.. ولكن هنالك عدة كركبات زاحفة الي هذا الموضوع بما فيها الصراع ما بين الشيوعيين وحق(الذي الحظ اهتمام كبير من هذا الموضوع في النقاش والتداول والحماس له)..
5- بدر الدين اسحاق الناشط في هذا الامر يمكن ايضا متابعته كخط يدعم الخط الحكومي في هذا الامر
---------------------------
في كركبة تراجي- احمد الامين ودي انا شهادتي فيها مجرحة تجريح عدوك فياريت وااحد من المحللين يمسك لينا الملف ده وخلينا نشوف ايشششش لووون
- زوبعة امر بدر الدين شايف الكيرف بتاعو نزل في الاسواق وهنالك بوستات اشتغلت كيايات مطاطية ساهمت في امتصاص بعض الحماس في هذا الموضوع (قريبي بدر الدين- دكتور بله.. العوض المسلمي-- بوست تراجي)..
وعموما سنتابع
|
Post: #136
Title: Re: ثلاثة خسائر في الارواح والمعدات الكيزانية اسفيريا....!!
Author: محمد عبدالله حمدنا الله
Date: 12-08-2010, 01:18 PM
Parent: #135
كيكي....
.
.
سلامات...
أول شئ...مبروك قدوم "آية"....جعلها الله قرة عين لك...
.
.
ثانيآ...
متابعة بإهتمام.....بس شغل "الحبّيش" فوق ..فوق دا بيخليني أفضل ألعب بي نظرية "الإحتفاظ بالكرة" إلى أن تظهر "دفرسوار" و بعد داك الواحد ينطلق...
.
.
ثالثآ...
ود البشرى و حمور....أحييكم على اللعبات الحلوة لكن ما "تصعبوا" الموضوع شديد....ألعبوا كورة ساهلة و شاملة ...يعني بدل ما أي واحد فيكم يشتغل ون تو مع كيكي براهو....جربوا أعملوا ون تو مع بعض أو مع بعض اللعيبة في الأطراف...لأنو واضح إنو الطريقة دي بتجيب لياقة "أبو آية" بالماينص...
.
.
.
كما لا يفوتني أن أبدي إستمتاعي "لمخاشنات" اللعيبة "تحت..تحت" و بعيد عن عدسات الكاميرا و عين الحكم في هذا البوست....و هذا يدل على قدرة التحكيم في إدارة الملعب رغمآ عن وجود بعض العنف "الشبه قانوني" في بعض الأحيان..
.
.
.
مودتي..
ودحطب الله
|
Post: #137
Title: Re: ثلاثة خسائر في الارواح والمعدات الكيزانية اسفيريا....!!
Author: محمد البشرى الخضر
Date: 12-08-2010, 01:49 PM
Parent: #136
يا ود حطب الله كيفك ياخ
أنا وحمور و كيكي نفسه ناس تحليل و تعليق
دا لا يمنع نزول الملعب احيانا
وانا بحافظ على توازن الاستديو قدر ما اقدر
لو خليتها على الشباب ديل الكيزان بطلعوا الكيزان مرشوشين عشرة صفر
عودة لموضوع الساعة
ملاحظ يا كابتن نشاط محموم للبندر و رفع بوستات ذات صلة
بدر الدين افتقده الماتش بصراحة لكن غيابه افضل
إذ متوقع أن يتم قهمه بتداعيات سرقته الاسفيرية حال تداخل في اي من بوستات (الراتب العظيم)
وكدا كدا كيفما اسفرت المعركة في النهاية هي في مصلحته كخصم تاريخي لقوى الاستنارة
ملاحظة تانية المداخلات في الموضوع خصوصا بوست الجناح الخطير منى التجاني كلها مصبوغة و موجهة حسب خلفية المتداخل السياسية
وموقفه من الصراع الحقاني/ الشيوعي و الحقاني/ الحقاني
يعني من تقرا اسم المتداخل تقدر تخمن مداخلته في اي اتجاه و نادرا ما تخطئ
|
Post: #138
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-08-2010, 02:14 PM
Parent: #137
هلا يا استديو وحباب الجميع..
ولانو الموضوع هوووت يا ود البشري والكورة فيهو مسخنة
من الضرروي ايضا النزول الي الاستديو علي عجالة
شيخي البندر صيده سيكون ثمين ووارفواعتقد بانه موعود بخريف ابو سعن
وورود سيرة الباقر عفيفي والتهم الموجهة له مغرية ومسيل للعاب البندر الذي دشن وقبل هذا الموضوع بمدة بوست وصف فيه الباقر عفيفي بالزندقي
فعشان كده البندر حيشوت في مسار منفصل (وكل قوته حتكون الباقر عفيفي جوووووه) ومستعد للتحالف مع الشيطان الاسفيري من اجل توصيل خطابه الي بر الامان (ولكن السؤال هل سنشهد تحالفات في هذا الامر).. في بوست مني ما شايف مواشرات تحالف مع البندر في خطابه (وشايف رفع قزاز حاصل) ولكن علي اي حال سنتابع.....
-الدفاع عن مسالةالباقر عفيفي انبري له الان (اخوان الفكرة) والدكتور حيدر سل سيفه ونزل الحلبة وهناك دعم ومساندة من قصي و الاصدقاء وخلااص الحيطة والجدار الدفاعي بتاع الباقر عفيفي اتكون وهو من سيعمل علي هردمة الهجوم الذي انطلق من الطراف ومن العمق...ويغذي الماتش
- من العمق نري القادمة الجديدة الاخت مني التجاني وفي ظهورها الاول طواالي شاتت في هذا الموضوع ويبدو بانها مواكبة وقريبة من هذه الاحداث ولكن الاستديو حتي الان محتار في وضعها المعسكراتي سياسيا وان بدات بعض الموشرات في ترحيب الرفاق الشيوعيين والكركبة العلي خفيف مع الدكتورة شذي بلة يمكن قرايتها ايضا في اطار الصراع الحقاني الشيوعي... (عموما هي تكهنات وظنون...ولكن سنتابع)
- ايووه معاك بان بدر الدين اسحاق ان دخل الي هذه الحلبة مرة اخري سيوتي له بعمايل قوقل وستخطف هذه الجزئية الاضواء من اي طرح يقدمه بدر الدين وامره سيروح شمار في مرقة...
وعموما سنتابع..
وقبل ما نتابع
من الضروري تحية خاصة للاخت اقبال المرضي ومني التوم ولكل الاخوة والاخوات الذين عبروا هذا البوست النفسو قايم وتامرت فيه اشياء عديدة منها المساحة والزمن مما افقدنا بعض اللياقة والسوائل والاسفيرية وخلي الهووم ويرك بتاع الردود بالكوم والردوم
وتحية لود حطب الله والف شكر وتقدير علي التباريك
وسنعود
|
Post: #139
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-09-2010, 08:30 AM
Parent: #138
ويتواصل هطول الخسائر في الارواح والمعدات الكيزانية
وما شريط الفتاة الي جلدت بوحشية الا قبضية بالثابتة والتوثيق اجبرت عتاة العمل الكيزاني الاسفيري علي الصحيان من نوبة التنويم المغناطيسي
ويتواصل الرصد والمتابعة..
-------------
وسنعود فالاجواء اجواء غضب وحزن ورغبة حامجة في البكاء علي حافة الوطن المغلوب اهله علي امرهم
|
Post: #140
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-09-2010, 08:41 AM
Parent: #139
يا كيكي .
سيصدر جهاز الشرطة بيانا .. سيتكلم عن الشريعة الاسلامية و تزكية المجتمع .. سيحشد عدة آيات .. ثم يطعن في أخلاق الفتاة بعموميات كأن يقول مدانة في جريمة شرف أو نحوه .. ثم يؤكد احترام الشرطة للشعب و النساء و يعد باجراء تحقيق عن تسرب التصوير.
حينها سيحمل البعض هذا البيان و يتنفسون الصعداء أن الحق ظهر و أن الفتاة تستاهل و الخير في بلادنا الى يوم القيامة.
|
Post: #141
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-09-2010, 08:57 AM
Parent: #140
Quote: سيصدر جهاز الشرطة بيانا .. سيتكلم عن الشريعة الاسلامية و تزكية المجتمع .. سيحشد عدة آيات .. ثم يطعن في أخلاق الفتاة بعموميات كأن يقول مدانة في جريمة شرف أو نحوه .. ثم يؤكد احترام الشرطة للشعب و النساء و يعد باجراء تحقيق عن تسرب التصوير.
حينها سيحمل البعض هذا البيان و يتنفسون الصعداء أن الحق ظهر و أن الفتاة تستاهل و الخير في بلادنا الى يوم القيامة.
|
نعم يا حمور
ولن نستبعد ان يصدر مجلس الافتاء الشرعي او اي كان اسمه فتوي ممهورة بتوقيع عتاة علماء الاسلام في السودان
يفيد بان هذه الطريقة للجلد هي الطريقة المثلي كما وصي بها الدين الحنيف وقد يشهد هذه الفتوي مقاربات وشواهد ويمكن ان تراه احاديث
وامثلة لفتاة جلدت في ضاحية من ضواحي نجد بهذه الطريقة وهذا الهبتلي
وقد لا تستغرب بان وجدت اسما ووصفا يليق بذلك العسكري الاخر الذي (جلد الفتاة) في غفلة منها وقد يسمونه (جلاد الظل)
وهو الجلاد الغير مرئي بالنسبة للمجلود... وقد يحدثنا هذا البيان عن جلاد الظل في دولة عمر بني الخطاب واوصافه.. وطريقة تنفيذ للجلد بتقديم الرجل اليمني واستخدام الخنصر والبنصر او كما قال المكاشفي في بوسته التحفة
وسنتابع بكل حسرة ووجدان مشروخ
|
Post: #142
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-09-2010, 09:20 AM
Parent: #141
معليش يا كيكي خليني اكمل كلام هنا لأني ما طايق افتح بوست جديد ..
هذه الفتاة أولا لا تجلد حداً .. بشكل واضح يقول احد العساكر في اخر الفيديو : هي كلها خمسين جلدة.
و الجلدات الخمسين هي جلدات الافعال الفاضحة في الغالب. بمعنى انها بنطلون .. زي ضيق .. كشف شعر .. ملابس حفلة تم مداهمتها .. او على اسوأ الفروض بيع خمر.
ثانياً لا اقدر ان افهم حالة الاستمتاع و " البرمجة " الواضحة على العساكر هذه حتى لو كان حدا .. فلو فرضنا جدلا ان الفتاة تجلد حد الزنا بعد أن تم الامساك بها في نص السوق العربي في رابعة النهار و هي تمارس الفاحشة وشهد عليها تسعة من الملائكة الكرام البرره و ان جلاديها لا تأخذهم بها رأفة في دين الله فان عدم الرأفة لا يعني المتعة .. هؤلاء الناس يقضون وقتا سعيدا ..
وكيل النيابة يريدها ان تخلص عشان يمشي .. و قدوقدو يضحك و يعكاس صاحبه ويخفي وجهه في مرح طفولي يُحسد عليه .. حقيقة انه رجل خالي البال متصالح مع نفسه جدا.
بينما الجلاد النحيف مهتم بأن تبعد من العربية.
ثالثا لاحظ دهشة مصور الفيديو الطفولية حين رأى المتفرجين : عاين الناس ديل.
قالها بدهشة استمتاع غريبة. و لو لم يلحقه احد العساكر بذكر الاية لفكر في طردهم ضربا على اساس ان هذا تمجهر. اضحكني ضحك وجع رد المندهش : طائفة و الله.
هذا شخص لا يعرف معنى طائفة اصلا كما هو واضح. قيلت له فجأة فرددها كالببغاء. طائفة و الله.
الفتاة تزحف على الارض و ينزل السوط على أي مكان من جسدها .. ظهرها .. يدها .. ركبها .. و فاجأها قدوقدو بضربة على مؤخرتها و هي منكفئة.
هؤلاء قوم يمارسون متعة لا دين.
الكارثة ان لا أحد فيهم اسمه عمر حسن أحمد البشير .. و لا أظن أن أحدهم يقضي سهراته في رفقة صلاح قوش او له صداقة بنافع علي نافع.
كلهم فقير سيعاني صباح اليوم التالي شراء دقيق و سكر بعد ارتفاع اثمانهم. و من يسكن فيهم في قشلاق معرض للطرد في أي لحظة يتم فيها بيع القشلاق لاول مستثمر. لكنهم رغم كل هذا يقضون وقتاً ممتعا في جلد فتاة سودانية.
موجوع انا يا صديقي من هذا الوطن .. و أفكر جاداً في سبيل يقتل حبه في قلبي.
هل أجد عندك ما يعين ؟
|
Post: #143
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-09-2010, 09:41 AM
Parent: #142
| Quote: هل أجد عندك ما يعين ؟ |
يا ليتني يا حمور يا صديقي املك جيوشا وفيالق وعساكر من رسل الانسانية ومحبي الخير والعيشة الكريمة لهذا الشعب المغلوب
لسقتها وبكل حب وشجاعة وانتماء لهذه الوطن المفجوع...
ولكن لنا الصبر والمثابرة والحروف نشتتها علي قارعة الاسفير وانتظار مسيح الشعب السوداني الذي ياتي بغافلة خالية من امراض النخبة
وزيف الساسة ونمتطي صهوة جيادها صوب الخرطوم... حتي يعود للانسان السوداني .. انسانيته وعزته وكرامتة التي بتذلها ساسة منافقين ولصوص
وتساعدهم ايادي قوات نظامية جاهلة مستهترة يغريهم ذلك الميري الكالح والسلطة الزائفة بان يذيقوا اهلهم ودمهم ورحمهم العذاب وسوء المصير حتي ينام نافع والبشير وغوووش وكل مافيا الانقاذ وانتهازيهم في سلام وامان وفي مص دائم لكل اشياء هذا الشعب المغلوب...!!
الفيديو بشع ياحمور
قمع
ظلم
استهتار
وعودة الي عصور السخرة وتمزيق وتهتك ماانزل الله به من سلطان..
وحزينا انا ايضا يا حمور لدرجة جعلت كوابيس ليلي كلها تصيح (واااااااي يا امي) تلك الصيحة التي اطلقتها تلك الانسانة السودانية التي
مورس ضدها عملا بششششششع بايادي بششششششعة في زمن سلطة بششششششششششششعة
--------------------------------------------------
هذا الفيديو وتداعياته لن يجد في الكون من يسانده
وبكل اسف ميادة كمال هي الصوت النشاز الوحيد في هذا المكان حتي الان.
فالامر ليس مربوط بسلطة وهي فانية
بل مربوط بكرامة الانسان الذي كرمه واعزه الله في هذا الكون..
|
Post: #144
Title: Re: ثلاثة خسائر في الارواح والمعدات الكيزانية اسفيريا....!!
Author: بشير أحمد
Date: 12-09-2010, 09:43 AM
Parent: #141
قون المغربية :الفيديو الفضيحة بـ 100قون .
(لم ولن اشاهد الفيديو)
_______________
تحياتي يا ابو آية.
|
Post: #145
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-09-2010, 09:53 AM
Parent: #144
Quote: قون المغربية :الفيديو الفضيحة بـ 100قون .
|
تحياتي يا بشير
وهذا هو رد الفعل الحقيقي يا بشير لكل انسان حقيقي ومعافي
ولكل سوداني قلبه حار ونار منقد وما برضي الحقارة والظلم والبلطجة التي مورست ضد هذه الزولة الغلبانة
وكل الشكر والتقدير
|
Post: #146
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-09-2010, 09:56 AM
Parent: #144
ميادة ليست النشاز الان لحظة كتابة هذه المداخلة .. بدأت "عودة الوعي " للبعض فبدأ التشكيك و التراجع الحذر.
و ربما ساعد خطاب عنيف كخطاب بكري او كودي في سرعة عودة " العرجا لمراحا ".
هناك أشخاص اتمنى صدقا أن يظلو ثابتين في موقفهم مع تأييدهم للانقاذ. فانا لا اطالب انقاذي ان يتخلى عن كل ما يؤمن به لحادثة واحدة .. لا أعني بالحادثة هذه الفتاةفقط .. بل قانون النظام العام كله .. يمكن أن تكون مؤيدا للنظام و معترضا على احد قوانينه او مواقفه .. هذا يجعل لموالاتك اساسا ثقلا منطقيا بدل ان تكون مهللا لكل ما يفعله النظام و لا يخطئ عندك في شئ.
كما قلت هناك اشخاص اتمنى ان يظلوا على موقفهم من الادانة لأني احترمهم .. منهم كمثال عمر عثمان و بشير احمد و الشفيع وراق و غيرهم.
|
Post: #147
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-09-2010, 10:06 AM
Parent: #146
|
Post: #148
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-09-2010, 10:20 AM
Parent: #147
| Quote: بدأت "عودة الوعي " للبعض فبدأ التشكيك و التراجع الحذر |
نعم يا حمور
وذلك متوقع تماما
ورغم قساوة الصدمة الا ان اليايات المولايتة قادرة علي امتصاص الصدمة والعودة سريعا الي مربع المكاجرة..
وتماما زي ماقلت انت اقل كركبة من الكركبات الشخضية والمشخصنة فهي قادرة علي عودة الفتي الكيزاني الي مربع ما قبل ( حادثةالجلد)..
ولكن المهم والايجابي هو الاختراق والاقناع الحصل في التيم الكيزاني العامل
والاختراق ده عشان يكون مكسب لدرجة تحويل مجموعة او فرد من تيار الي تيار داير شغل بذكاء ومباصرة ونظام
وده ما بحصل في المنبر ده مع تداخل اجندة الصراع فلذا المتوقع ان تعود ريمة الي قديمها في حال انقشاع سحابة الفيديو هذا...
ولكن الضرورة القول بان
الاخوة الذين ادانو ده مكسب كبير ورصيد ولو لقينا تجاوز تجاوزين بمثل هذه الدرجة فانهم جاييين جاااااااين تب للتيار المعارض
فالضمير الانساني الحي والصحي والحاسي بغيره لن ينوم كثيرا..
|
Post: #149
Title: Re: ثلاثة خسائر في الارواح والمعدات الكيزانية اسفيريا....!!
Author: حمور زيادة
Date: 12-10-2010, 04:56 PM
Parent: #148
بدأ التراجع الحذر و الانقلاب المحسوب ..
و بدأت سمعة الفتاة تلاك و تمزق
|
Post: #150
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-10-2010, 06:54 PM
Parent: #149
عم يا حمور
وفكت السكرة والضربة الصاعقة وانهمرت علي الباحة الاسفيرية اصوات التشتيت
بطريقة يحسدهم عليها برشم الصغير عندما كان لاعبا بالموردة...
الاحظ غياب تام لاخصائي التشتيت في تيم العمل الكيزاني الثنائي السيدح وود الباوقة
ولكن ماشاء الله شايف تيم التشتيت مغير اللوك ومحمد حامد جمعة بذات نفسو نزل الملاعب
ميادة نفذت بالامس الاول عملية انتحارية في وسط الالغام وسطوة الغضب وبوستهابالمناسبة ورغم قساوة الضرب الركبي فيهو الا انه كان يعمل كانبوب اختبار ومحاولة وان بدات كاقتحام لخط النار ...
ملامح التشتيت مشت وحتي الان في لواكة سيرة الفتاة وماضيها الجنائي
تطبيق القانون وذلك لحماية القانون في ذات نفسه
ظهور افادات تفيد بان القاضي قد تمت محاسبته وان العساكر ناس قدو قدو واخريين رهن التحقيق
وعموما المرة دي ليس سنتابع كما قال الصادق
وليس يتبع علي قولة طلحة تنظير
بل stay شنو كده ماعارف علي قولة بشاشا
ا
|
Post: #151
Title: Re: ثلاثة خسائر في الارواح والمعدات الكيزانية اسفيريا....!!
Author: سفيان بشير نابرى
Date: 12-10-2010, 07:08 PM
Parent: #150
يا عمك من ظهر الفديو البلوى ده قامت كركبه تقيلة جداً ليها يومين بمساء الليلة ده
وقالوك بداء ظاهر للمراقبين انو ناس الحكومة حيدوا ليك قسم الكبجاب إسنا في قبولهم
والخسائر حتكون قدو قدو والضابط المناوب وكم عسكري نفر كده ومعاهم ابو كرفته ويشسلو
الحادثة باعتبار انها تفلتات وكده.
ونضيف لعلمكم يا سيد كيكي انو احسن حاجة تتعمل في السودان ده انو تاني الناس ما تلد
بنات ابداً وككلو كلو لانو عاااادي لو استمر الحال كده ممكن نصل مرحلة الوأد من جديد
يعني التطور العكسي.
هذا مع المحبة .
|
Post: #153
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-10-2010, 07:21 PM
Parent: #151
Quote: يا عمك من ظهر الفديو البلوى ده قامت كركبه تقيلة جداً ليها يومين بمساء الليلة ده
وقالوك بداء ظاهر للمراقبين انو ناس الحكومة حيدوا ليك قسم الكبجاب إسنا في قبولهم
والخسائر حتكون قدو قدو والضابط المناوب وكم عسكري نفر كده ومعاهم ابو كرفته ويشسلو
الحادثة باعتبار انها تفلتات وكده.
ونضيف لعلمكم يا سيد كيكي انو احسن حاجة تتعمل في السودان ده انو تاني الناس ما تلد
بنات ابداً وككلو كلو لانو عاااادي لو استمر الحال كده ممكن نصل مرحلة الوأد من جديد
يعني التطور العكسي. |
هلا يا سفيان وحبابك ياعمك
والفيديو ده ضربة قووووووية وصاعقة في مخيخ الانقاذ وفي شريانها التاج
وطبعا عادي جدا ممكن يتعشو وتغدو بقدقدو وصحبه وحتي ابو كرفتة ممكن يقدم كقربان وضحية حتي يتم تجاوز هذا الشريط الابن ستين لذينة...
والسودان يا صديقي وطن صار مفجووووع وكارثي فنالناس ديل ماشين ام فكو تماما في قيم الانسانية
والحقوق الاساسية لهذا المواطن ...
والكركبات متوقعة وحسسع الكراكير الكيزانية بتكون فيها طبيخ تقيل لتجاوز هذه المحنة او الابتلاء كما يسميه عتاة مستهبليهم
وتحياتي وودي المقيم يا سفيان
|
Post: #152
Title: Re: ثلاثة خسائر في الارواح والمعدات الكيزانية اسفيريا....!!
Author: khaleel
Date: 12-10-2010, 07:12 PM
Parent: #150
حباب كيكيليكس
اولا لابد من تشكيل لجنة لمراقبة سرقة الاستايل بعد تم الكشف عن السرقات الادبية
وسرقة المصطلحات والقشر بها في البوستات
ثانيا
يقيني ولاحظ لي كلمة يقيني بكرة حا تلقاها في القضارف
ان الفيديو والهدية التي قدمها مصور الجبهة الاسلامية في حادثة جلد الفتاة
اقوي واشد قساوة علي الجبهة الاسلامية
من كل الحروب التي خاضتها مع الحركة الشعبية وخليل وعبدالواحد ويوسف كوة
وغيرها
علي هامش الموتمر
ياخي قدو قدو ما يمشي اشتغل رباطي بدل فنستو دي ويجلد في البت
|
Post: #154
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-10-2010, 07:40 PM
Parent: #152
| Quote: ياخي قدو قدو ما يمشي اشتغل رباطي بدل فنستو دي ويجلد في البت |
قدو قدو ...
ليهو يوم ابو القداقيد ده
ونوع قدو قدو ده ومن لف لفه من الفاقد التربوي والجهلة المارقين كلو همو انو يمشي البوليس عشان يعمل ليهو شخصية لانو زي ده يا خلي مع الرجال ما بياكل عيش الا خلف هذا الميري التعيس
وتا الله لو سقطت الحكومة دي قدو قدو ده انا افتشو بكراع كديس...ومفروض يودو هنااااك نواحي جبل حجر يكسر حجار حتي يستفيد منه الوطن ويااااامن.. وكل صباح يجي ياخد طابور بتاع نقة..
-
والضربة الاسفيرية الفيديوية التي اخدتها الجبهة اللعينة هي ضربة يا خلي تكاد ان تتفوق علي دقة الكيزان الشهير في نواحي الجامعة عندما ضربهم برالمة الدفاع الشعبي في تحالف مع الطلاب الشرفاء لدرجة عينك ما تشوف الا ياهو داااك حاج ماجد كادر العنف الشهير عامل ياااااااع ومتلب بسور الجامعة نواحي شارع النيل وهو الارهابيي وكادر العنف الرعديد ...ويا سبحان الله اوكما قال شيخي وشيخك ابو ضفيرة...
- السرقات يا خلي امرها صار جللا وخليك من سرقة الاستايل والمصطلحات ياااخ المنبر ده الزول لو ما عمل حسابو ممكن يلقي (السروال الاسفيري) بتاعو مسروق ومعروض في سوق الاخوان في نواحي قضارف الاسفير
|
Post: #155
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-11-2010, 06:45 AM
Parent: #154
اختراق مهم وشديد مفاجي في نواحي معتز قريش
نسال له الله وشيخي شكرالله التماسك ولا يشهد امره هذا (الرجوع حركة ورا)
وكلما كان التعامل ايجابي وخلاق مع هذه الجزئية كلما كان الكسب والاختراق والاستقطاب في المعركة مع عمر البشير واعوانه ممكنا
ولسسسسسسسع الغريق قدام وسنتابع
|
Post: #157
Title: Re: ثلاثة خسائر في الارواح والمعدات الكيزانية اسفيريا....!!
Author: محمد عبدالرحمن محمد
Date: 12-13-2010, 06:19 PM
Parent: #156
[العدد في الليمون*] يا ود البشرى!!
___
* ليمون كشك ودالصايم ما محسوب [الحاله]!
|
Post: #158
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-13-2010, 06:33 PM
Parent: #157
هلايا عمك وحبابك يا ود عبدالرحمن
وياااخ انا زااتي العدد دربو دخل لي في الموية
فقون قدوقدو ده قوووووووون بعشرة اقوووان
وضف الي ذلك قووون بتاع بعثة الحج وتصريحاته بتاعة الليلة الجات وزادت طين (المولاة) بلة)
قوووووووووون لوساكا ده كان متوقع وبكده ممكن نعد كالاتي
1- القووون الذهبي هو قووون قدو قدو
2- قووون فكي بدر الدين
3- قووون ليبيا
4-قووون بانقي
5- قووون بتاع بعثة الحج
والغريق لسسسسسع قدام ياعمك وكخبير استراتيجي سابق ممكن اقول برااااااحة بان الامر الكيزاني ذاهب بالمزيكا الي مرحلة غنم زهرة....
...
قووون عبدالله الشيخ (كارلوس)
|
Post: #159
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-13-2010, 07:06 PM
Parent: #158
حذاري من ادني كركبة او تعسف وقمع للمسيرة النسوية بتاعة بكرة
فالعالم كلو فاتح خشمو وموجه كاميرات وقنوات ممكن زي ديشليون كده صوب هذه المسيرة
واي قمع او تعسف او كركبة حيخششششش قووون في مرمي الحكومة التي صارت شباكها تئن وترن
|
Post: #160
Title: Re: ثلاثة خسائر في الارواح والمعدات الكيزانية اسفيريا....!!
Author: حمد عبد الغفار عمر
Date: 12-13-2010, 07:29 PM
Parent: #159
كيكي
سلام
تعرف الحكومة مع المسيرة بتاعة بكرة دي
زي المدافع الحارس القون وجاتو كورة فوق رأسو داخلة القون
لو خلاها بتخش قون
ولو طلعها بأيدو بياخد كرت أحمر وضربة جزاء
|
Post: #161
Title: Re: ثلاثة خسائر في الارواح والمعدات الكيزانية اسفيريا....!!
Author: omer osman
Date: 12-13-2010, 07:54 PM
Parent: #160
واضح ان موسم التسجيلات سيشهد هجرة عدد من اللعيبة لفريقهم الحالي ...
حيث اشتكوا صراحة من ان خطة المدرب لاتناسبهم ....
ومن مصلحة جمهور الفريق المنافس تقليل وتيرة الهجوم على اولئك اللعيبة ............
الا انه من غير المعلوم فيما اذا كان اولئك اللعيبة سيعودون الى فرقهم القديمة ام يتجهون الى اعتزال اللعب تماماً ...
|
Post: #163
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-13-2010, 08:22 PM
Parent: #161
Quote: واضح ان موسم التسجيلات سيشهد هجرة عدد من اللعيبة لفريقهم الحالي ...
حيث اشتكوا صراحة من ان خطة المدرب لاتناسبهم ....
ومن مصلحة جمهور الفريق المنافس تقليل وتيرة الهجوم على اولئك اللعيبة ............
الا انه من غير المعلوم فيما اذا كان اولئك اللعيبة سيعودون الى فرقهم القديمة ام يتجهون الى اعتزال اللعب تماماً ...
|
هلا يا جنابو
وفعلا في ملامح فك تسجيلات وفي قبضة غرفة تسجيلاتنا لعيبة مهمين واساسين ولعبهم مع تيمنا حيضخ دماء جديدة وحراااك
وعشان كده القصة دايرة (بلوتيكا) علي طريقة الراحل فيلب غبوش ودايرة مباصرة
حتي لا يطير الحمام.. والبلوم ..والقمري
فقوووووون قدو قدو ده حيكون له ما بعده
|
Post: #164
Title: Re: ثلاثة خسائر في الارواح والمعدات الكيزانية اسفيريا....!!
Author: محمد إبراهيم علي
Date: 12-13-2010, 08:22 PM
Parent: #161
و في لاعب شايفو بيحاول يمشي المولاة لكن متردد تردد عدوك
كل يوم يقولو ليهو اها نجيب البتاعات يرخي ويقول خلوها شوية ومرات يجلي وما يرد
السبق الاسفيري ده احفظو لي يا كيكي بذكرك بيهو قريب
خليك متابع انا متابع لي زمن لمن لبني قنن
|
Post: #162
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-13-2010, 08:17 PM
Parent: #160
Quote: زي المدافع الحارس القون وجاتو كورة فوق رأسو داخلة القون
لو خلاها بتخش قون
ولو طلعها بأيدو بياخد كرت أحمر وضربة جزاء |
هلا ياحمد
وفعلا القصة حتكون وكما وصفتها انت تماما
فكده ووووووب وكده وبببببين
تكركب الحكومة فهذا يعني مزيدا من الحملات الاعلامية والقنوات حتشيلهم في الخشوم
تعمل نايمة فهذا يعني مزيدا من الضغط من قبل الناشطين وتصبح الاجواء مغرية لمزيدا من الكركبة
وسنتابع
|
Post: #165
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-13-2010, 08:34 PM
Parent: #162
Quote: و في لاعب شايفو بيحاول يمشي المولاة لكن متردد تردد عدوك
كل يوم يقولو ليهو اها نجيب البتاعات يرخي ويقول خلوها شوية ومرات يجلي وما يرد
السبق الاسفيري ده احفظو لي يا كيكي بذكرك بيهو قريب |
هلا يا ود ابراهيم..
وسنتابع معاك هذا السبق الاسفيري
ولكن حيرتني عديل كده معقول في زول مخيخو الايسر قااااااعد في دماغه يقوم وبكامل ارادته يمشي (المولاة) بعد عملة قدو قدو دي
|
Post: #167
Title: Re: ثلاثة خسائر في الارواح والمعدات الكيزانية اسفيريا....!!
Author: Siham Elmugammar
Date: 12-13-2010, 08:47 PM
Parent: #159
العزيز كيكى و طاقم الاستوديو
لم اجد انسب من هنا لابث تداعياتى الخاصة بالفيديو
عارف ياكيكى انا زى ما قلت قبل كده ما اول ام تفقد جنى حشاها وما عاوزة طوالى اكتب عن المى وحزنى و عميق جرحى على فقد ديدى
لكن..... اذا كتبت عن اى شىء دون حضورها فلن اكن صادقة
الفترة الاخيرة اى حاجة تحصل فى حياتى ومن حولى طوالى غادة حاضرة اقعد اتخيل فى تعليقها او ردة فعلها كانت ح تكون شنو؟؟؟
اى حاجة صغيرة او كبيرة لازم تمر بطاقة غادة حتى بعد داك تجينى
الصبر دربو طويل كل مرة بصبر نفسى يا سهام ياخ ايام معدودة و بتمشى عليها ... اسمع خبر زول مات اول حاجة اقول شفتى ما اهو الموت ما بقيف
وكأنها كانت حقيقة غائبة عنى وان كنت اظن انها هزة عشان اصحى من عدم التصديق
وهكذا يا صديقى الاسفيرى كل ما اسمع مصيبة اقول الحمدلله بتى فى رعاية ربها ورحمتو وظنى فيهو حسن
مثلى ومثل غيرى صعقنى الفيديو تماما وكالعادة اول حاجة قفزت لذهنى ردفعل غادة اتخيلتها بتبكى بعد شوية
قعدت اتخيل رد فعلها الكلامى وكل التنظرات الممكن تخطر على بالها فى شأن المرأة (فقد كان حسها الجندرى عالى) وفى شأن الحكومة
والعدل وغيرو .... اتخيلت اياما من النضمى الكبار كبار
لما رجعت لنفسى قلت خربانة الدنيا ام بناية قش...يا ربى ام البت دى الحاصل عليها شنو؟؟
كانت وين؟؟؟ هل سمح لها "القانون" بأن تحضر انزال العقوبة ام لم تكن من طائفة المؤمنين
قلت يا ربى هسه انا ما اخير منها و مصيبتى ما اهون من مصيبتها فى بتها؟؟؟
احمد ربى واشكر فضلو غادة فى معية الصديقين والشهداء بفضلة ورحمته بأذنه يا رب
احمد الله الا غضب فى القلب على قضائة
لكن ام البنيه دى
الحصل عليها شنو لما شافت بتها فى يد من لا يرحم؟؟؟
الحصل عليها ونار الغضب تشتعل فى قلبها؟؟؟
يا ربى دعتهم قدر شنو وهى بتمسح فى جروح بتها جسدا وروحا
الحصل عليها شنو وهى تلعق جروح روحها هى؟؟؟
اقول ليك حاجة يا كيكى غلبنى اتم كلامى
|
Post: #166
Title: Re: ثلاثة خسائر في الارواح والمعدات الكيزانية اسفيريا....!!
Author: يوسف السماني يوسف
Date: 12-13-2010, 08:38 PM
Parent: #1
Quote: في خلال الاسبوع الماضي شهدت الساحة الاسفيرية في سودانيز اونلاين ثلاثة قبضات ثمينة جعلت الخطاب الكيزاني في سودانيز يترنح وهو يتلقي ضربات كالصاعقة لم يستطيع تيمهم العامل هنا من امتصاصها
والدفاع عنها كما ينبغي ورغم محاولات ود الباوقة الخجولة الا ان القبضات الثمينة كان عصية..
1- موقف ليبيا
2- موقف افريقيا الوسطي من زيارة البشير
3- وامر بدرالدين اسحاق |
كيكي
مشتاقين
الضربة الرابعة نسيتها هي شريط جلد الفتاة الذي اربك حسابتهم وجعلهم يترنحون بحثا عن فاول مما جعل الكوتش يأمر ودالباوقة بتشتيت الكورة والشوت ضفاري .
|
Post: #168
Title: Re: ثلاثة خسائر في الارواح والمعدات الكيزانية اسفيريا....!!
Author: khaleel
Date: 12-13-2010, 08:52 PM
Parent: #166
تعرف يا ممراح
اندهشت جدا قالو البرلمان استدعي بتاع الحج
كلهم موتمر وطني بستدعو بعض عشان يحللو قروشكم
ويقولو للعالم نحن شغالين
تضارب رهيب بين تقرير مدير الشرطة وتقرير القضاء
عندها سوابق ما عندها
155 ول 154
ول 999
بالغو ياخ
|
Post: #169
Title: Re: ثلاثة خسائر في الارواح والمعدات الكيزانية اسفيريا....!!
Author: عمر عشاري
Date: 12-13-2010, 09:30 PM
Parent: #168
Quote: موجوع انا يا صديقي من هذا الوطن .. و أفكر جاداً في سبيل يقتل حبه في قلبي.
هل أجد عندك ما يعين ؟ |
لافكاك ياحمور ...لافكاك
على قول عركي أمبارح وغناه
بحبك حب
....
أصبح الأمر كحب من طرف واحد
علاقتك الغرامية مع مصر ماشة كيف ؟
على الأقل أنت رجل تعشق الإطلاع ...ومكتبة مدبولي اكبر من بتاعت عمك سيف
حاول من هنا
كمن يحاول ان ينسى فتاته التي ملكت قلبه على مافي وجهها من بثور قائلا هسه ديك مالها وشها نااااعم
أسمع حتجي راجع ...ولا نأجر المأوى بتاعك ده ؟
..............
كيكي وخليل وود المشرف
مشتاقين
مبروك تنظيم كاس العالم
إن لم يقتلنا القهر حتى ذلك الوقت ...أكيد جايين
الألمان تحدثوا عن ضمان خصوصياتهم الثقافية ...والبكيني تحديدا
لا ادرى ماهو رد النظام العام القطري على هذه التساؤلات ؟
نحن ماقدمنا ملف ...عشاااان موضوع اللبس الفاضح ده ...طبعا نحن بنجلد طوالي
ماتفتكروا في مشكلة إمكانيات
المدينة الرياضية ...قربت تكتمل ...عييييييييك
|
Post: #170
Title: Re: ثلاثة خسائر في الارواح والمعدات الكيزانية اسفيريا....!!
Author: أحمد الشايقي
Date: 12-14-2010, 10:13 AM
Parent: #169
يا سلام يا كيكي على الرصـد الأمين,
أحمد الشايقي
|
Post: #171
Title: Re: ثلاثة خسائر في الارواح والمعدات الكيزانية اسفيريا....!!
Author: محمد البشرى الخضر
Date: 12-14-2010, 03:00 PM
Parent: #170
هلا يا كابتن وسلامات محمد عبد الرحمن محمد
أنا والله شايف قون قدوقدو دا ما مفروض يحسب كـ قون لفلان فريق على فلان فريق
لو تعامل الجميع بما فيهم الحكومة بحكمة و الكعارضة بتركها الغرض لكان هدف جماعي لصالح إنسانية السودانيين جميعهم
لكن الحصل للاسف خلى القصة اشبه بالدافروري كل زول عايز يكسر القدامو ويقلع منو الكورة
المعارضة كسر رقبة لإحراج الجكومة جعلوا من بطلة القصة شهيدة ورمزا لثورة
الشي الخلى الحكومة شغلها الشاغل حرق هذا الرمز بالحديث عن الجريمة وعن صحيفة السوابق
وفريق تالت حاول يدخل الشريعة و القوانين الاسلامية بل الاسلام نفسه في اللعبة و ردة عليه سريعا فريق انصار السنة
وطبعا ناس الهامش ما نسوا ياخدوا فرصتهم و حاولوا يدوا الموضوع اعاد تمييز عرقي و قبائلي
حتى الشيعة لقوا فرقة يغزوا بيها عود في الدافوري المعني
لا تنسى انصار نظرية المؤامرة
وعيييييييك القصة دافوري حقيقي
موضوع المسيرة يحسب قون للمعارضة اكمله في الشباك باكات الحكومة , كانت فرصة هدف محقق للحكومة لو تعاملوا مع المسيرة بحكمة
خاصة انه معلن انها مسيرة سلمية و لغرض محدد و قوامها نساء فقط + وهبة وابو السيد ( )
ملاحظة قانونية على تعليق جنابـ... - أوبس - عمر عثمان
يا عمر القواعد العامة تجيز للاعب الهاوي - غير المحترف (واخد بال حضرتك )
يُجاز له فسخ العقد مع تيمه الحالي في الحالات التالية
- تجاوز الثامنة و العشرين
- قضى سنتين مع التيم
- مشاركاته في الموسم الأخير اقل من 10%
- وجد فرصة افضل مع تعويض الفريق
فيا جنابو رغم ان شرط الـ 10% لا ينطبق - نفي ساي بتكون داقي في الـ 30
لكن مع الإستثناءات الحاصلة دي ما مشكلة
اتوكل وافسخ ساي
ملاحظة فنية على اداء الباك المكاشفي ما عارف ليه لكن بذكرني اليجا تانا في كورة مريخ صفاقسي الانتهت اربعة لصالح الصفاقسي و تسبب اليجا في هدفين وبصّر التالت براه في قونو
دايرين صورة من التصديق بالمسيرة
أتضامن مع كافة المعتقلين ولكن
ومن الذي قهر النساء حتى تخرج مسيرة ؟؟؟
نواصل بعد الفاصل عن ماتش الموسم - الراتب العظيم - الذي توارى بسبب دافوري الفيديو عن الأنظار
|
Post: #172
Title: Re: ثلاثة خسائر في الارواح والمعدات الكيزانية اسفيريا....!!
Author: عبدالكريم الامين احمد
Date: 12-16-2010, 10:33 AM
Parent: #171
جانا الويك اند وجاء معاهو صيد وفير وسمك اسفيري يجعل من النقة فيه امرا ممكنا
هي فرصة اولا للانتهاء من اكسرسايس الرد للاخوان والاخوات الذين لم نجد مساحة وزمن للرد عليهم فلهم الود والاحترام والعتبي
- فيديو الجلد وقون قدو قدو
-تداعيات مسيرة الخرطوم واعتقال البورداب ودلالات ذلك
- حملات تشتيت الكورة الكيزانية (رصد ومتابعة وتفكيك..وتصليح عناقريب)
- حملة (الراتب الخرافي او كما قيل) ومهابشة علي ظلالها التي توارت وهل ستعود الي السطح مرة اخري ام سياخذها سونامي قدو قدو الذي وكما يبدو بان اكبر المستفدين منه هو الزميل بدر الدين اسحاق
-التفلتات اللفظية الاسفيرية لغتها وتوجاتها ومحاذيرها (وقد لا توجد كراكتيرات)
كل هذا وتلك سيكون بعد انطلاق صافرة الويك اند اليوم باذن الله
وتابعونا وفالكم طيب (او كما يقول تلفزيون قطر)
|
Post: #174
Title: Re: ثلاثة خسائر في الارواح والمعدات الكيزانية اسفيريا....!!
Author: ABUHUSSEIN
Date: 12-16-2010, 05:46 PM
Parent: #173
Quote: الموضوع فعلا فيهو دخنة اشواقها ذاهبة الي نواحي بيجو ولكن مافي اثبات وادلة جنائية عشان كده
حكاية انو يتعدي قووون دي صعبة ولكن ممكن نعتبرو باكورد اربع لساتك فووق وكورة دقت في العارضةو لو لقت شوية انحراف ممكن تخش قووون |
يا كيكي نحن بنعاني من تحيز التحكيم ..... كمان التحليل برضو متحيز؟؟؟
أولاً
امال كتبت المداخلة في جريدة حريات بعد دقيقة واحدة بيجو نزل الرابط في سودانيز أون لاين.
يعني امال دي تكون هي المشاركة بيجو في نفس الكرسي و لا كيف ...؟؟؟؟؟؟
ثانياً
اللي بتكتبو امال بظهر في الموقع في نفس اللحظة أما ردودي أنا لغاية الآن ما ظهرت..!!!!!
تحياتي
.
|
Post: #175
Title: Re: ثلاثة خسائر في الارواح والمعدات الكيزانية اسفيريا....!!
Author: الوليد الرشيد وراق
Date: 12-16-2010, 06:35 PM
Parent: #174
| Quote: اليجا تانا المعارضة |
كاااااك لمن بهناك
ياخ دى تصريجة مباااالغة وربك يستر
ماتلقى مصير إسكوبار بتاع كولومبيا
|
Post: #176
Title: Re: ثلاثة خسائر في الارواح والمعدات الكيزانية اسفيريا....!!
Author: الوليد الرشيد وراق
Date: 12-16-2010, 06:37 PM
Parent: #174
| Quote: اليجا تانا المعارضة |
كاااااك لمن بهناك
ياخ دى تصريجة مباااالغة وربك يستر
ماتلقى مصير إسكوبار بتاع كولومبيا
|
|