Post: #1
Title: نكسة اكتوبر .....!!!
Author: عبدالكريم الامين احمد
Date: 10-05-2009, 03:39 AM
Parent: #0
ورحم الله الشاعر صلاح جاهين..!!
|
Post: #2
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 03:42 AM
Parent: #1
هزيمة والحق يقال ليس بتاريخية فقط بل انها هزيمة تاريخية و شيننننننننننننة..
ومازيمبي فريق متكامل يستحق الفوز ..
واما هلالنا فقد بحثنا عنه طويلا ليلة امس ولكن يبدو انه تضامن مع كهرباء الخرطوم
ومارس لاعبيه الشرود الذهني ..وغياب روح الفريق والتشتت..
|
Post: #3
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 03:47 AM
Parent: #2
فرحنا اسرع فرحة في الدقائق الاولي من المباراة..
ولكن سريعا ما قهمنا المدعو مازيمبي اسرع قهمة ايضا..
والعيون تاني ما تشوف الا النور الضئيل في كشافات الهلال التي حزنت هي ايضا ورفضت ان تولع
واتاحت زقاق كروي ضيق مارس فيه مازيمبي ضرب ركبنا الكروية ...
واهداف زي المطر
وحضور ميداني وحرفنة ولعب بمزاج من افراد المازيمبي ابن اللذينة
|
Post: #4
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 03:56 AM
Parent: #3
كورة نمنا ليها بدررري وصحينا ليها بدرررري...
وتحرك نشط ومزاج عالي ونفس مفتوح للفرح في ليلة امس.... وتوجه باكر الي منزل عمر بوب
(جيتتتتتت بدررررررري ياخي)...وونسة علي الماشي عن كورة القدم الامريكية التي لا افقه فيها الواو الضكر.. ولكن عمر بوب ضليع فيها وله زكريات ومنذ ايامات جامعة اوهايو( وعقب المباراة كنت قد قررت ان اشجع ومنذ اليوم لعبة الكورة الامريكية) فكورة القدم بتاعتنا دي كورة منحوسة
وبنت لذينة ولا ترحم الهلال....
خليل اين انت...؟؟؟
-انا في الاشارة..؟؟
الكورة كم ياكيكي...
الكورة ياخلي درون ...!!!
وهنا طلت اولي بوادر واشارات النكسة من الفتي خليل صاحب الشهير قسطنطين..
الله ياااااخي الهلال طلع..
- بطل التشاؤم ياخلي وكدي سوق براحة وتعال
ساعتها كان لايزال الامل باقيا ولا يزال في كاس الاحلام باقي
ولكن..!!!
|
Post: #5
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:07 AM
Parent: #4
ونحن مشحونين كتامبيرا وفي كاس الاحلام باقي..كانت الهجمات هنا وهناك ولكن هجمات مازيمبي كانت هي الاخطر...
وطرف الهلال الايسر لم يكن كما وقف فيه (تنقا وغيره ذات يوم)..
بل كان سهل الاختراق لخطاء في توظيف من قبل المدرب كامبوس...
وكنت اعتقد بانها حمي البداية وكورة ربع الساعة الاولي حيث جس النبض ومعرفة التكتيكات..
ولكن ذادت الصدمة عندما راينا المدعو مازيمبي لا يزال دائسا علي ابنص الضغط الضاغط علي الخصم
وفرض مازيمبي استايله وسط غياب تامممممم لكل خطوط الهلال..
|
Post: #6
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:16 AM
Parent: #5
كل التحذيرات كانت تنادي بان لا يحرز ما زيمبي هدف في شباك الهلال..
لذا كان هذفه الاول السريع هدف مربك ومزعج وان اتي باكرا الا ان بوادر (الدق) طلت باكرا..
ومازيمبي فريق من النوع الخطير المسجل (دلتا) في ميادين كورة القدم
نمرة 8 بتاعو لاعب بمواصفات فريدة..
بحاور
وبهرب من الرقابة
وبلعب بتركيز....
وظهر ان الناس ديل ما هينين تتتتتتتب...
ورغم الهدف الثاني للهلال الذي اعتقدنا بانه الهدف الذي سيعيد الامور الي نصابها
الا ان مازيمبي كان عالي التركيز وعارف تماما ماذا يريد وهاضم جيدا لنقاط ضغف الهلال
واشتغل عليها بحرفنة وحماس ...
والشوط الاول دروووون...
ولايزال في كاس الاحلام ضئيل باقي...
|
Post: #9
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:29 AM
Parent: #7
مرحب با اسامة..
وبيني وبينك وتحت تحت كده.. مازيمبي ده ادبنا ادب المدائح
وياخي ده فريق شكلو كده ماعندو رحمة ولا دين زاااتو...
وجمال السنوسي والله ما يستاهل البشتنة دي
وهزيمة مازيمبي مبلوعة يا اسامة ولكن شماتة المريخاب دي نجري منها ووووووين..؟؟
|
Post: #8
Title: Re: نكسة اكتوبر .....!!!
Author: Mohamad Shamseldin
Date: 10-05-2009, 04:25 AM
Parent: #4
Re: اعلن عن تحولى من المريخ الى الهلال(لم اعد احتمل الهزائم)
باقي ليك الزول ده يكون كجانا.....
...
نعود للجد....
الصحفيين يتحملون جزء من المسئولية..... دمروا المريخ و من بعده الهلال... اقنعونا بان فريقنا جاهز و لا يهزم...
ياخي بلد فضيحة ...نحن كهرباء ما جاهزين ليها
تاني خلي واحد يجي يقول لي "و الله السودان مشي مشي...بقي حاجة تانية"
انا بقيت مقتنع بانو حبوبتي فهمها في الإدارة و التخطيط احسن من اداري الهلال و المريخ....
صلاح ادربس و الوالي مؤهلاتهم شنو؟
......
زي العرب مع اسرائيل ملطشين و ماخدينها صايمة ...ويقولو ليك انتصرنا عليهم....
|
Post: #10
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:41 AM
Parent: #8
Quote: انا بقيت مقتنع بانو حبوبتي فهمها في الإدارة و التخطيط احسن من اداري الهلال و المريخ....
صلاح ادربس و الوالي مؤهلاتهم شنو؟ |
هلا يا هندسة وهارد لك ياخي...
وتعرف يامحمد انا من ما شفت (مني اركوي) بسلم علي اللعيبة وعامل فيها ضيف شرف كبير قلت لبوب الله يستر الليلة ...
القصة في السودان ماشة ام فكو يا محمد ومافي منهجية تماما وحتي مازيمبي هذا لم يتعامل معه الهلال بواقعية او احترام لمقدراته التي ظهرت بانها خطيرة..
وصلاح ادريس ده لو عندو دم مفروض يفرتق ياااخي ..
لكن كدي لو فرتق حنعمل شنو تاني وسط المعمعة والتخبط والجوطة دي
|
Post: #11
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:46 AM
Parent: #10
قلنا ياهلال ما زيمبي بووومي ..مازيمبي بووومي
قام مازيمبي جاب سكين كنغولي ابن ستين لذينة وعمل لينا خمسة بووومي زي السم..
|
Post: #12
Title: Re: نكسة اكتوبر .....!!!
Author: ماجد معالى
Date: 10-05-2009, 05:00 AM
Parent: #11
سبب هزيمة الهلال زول اسمو رمضان احمد السيد
|
Post: #22
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 01:17 PM
Parent: #12
| Quote: سبب هزيمة الهلال زول اسمو رمضان احمد السيد |
مرحب يا ماجد
والاعلام الرياضي هو واحد من اكبر اسباب تخلف كورتنا
ورمضان هو مزمل الهلال..
وجريدتو الليلة لو شفتها ح تلقاها اخر تنويم مغناطيسي
|
Post: #13
Title: Re: نكسة اكتوبر .....!!!
Author: Mohamad Shamseldin
Date: 10-05-2009, 05:06 AM
Parent: #11
لازم أول حاجة نقعد في علبنا....
و نلبس مقاسنا...
...
ما ممكن ياخي 40 مليون مواطن راقدين في الواطــــة و يرفسوا في السماء...
.....
في واحد زمان الله يعافيهو كان بيقول "اسكراب ... زيادة عدد"
|
Post: #14
Title: Re: نكسة اكتوبر .....!!!
Author: haroon diyab
Date: 10-05-2009, 06:04 AM
Parent: #13
كيكي ياجميل
صباح الخمسات....!!!!
اكتوبر هين ....
كدي وريني امس قافلين التلفونات
مالكم....يعني الواحد اكان عيان( يموت مغصة.....؟)
في الدوحة....مشكلة تلفونات الجماعة ديل شنو......؟
كاااااااااااااااااااااااااكـ
|
Post: #15
Title: Re: نكسة اكتوبر .....!!!
Author: حمزاوي
Date: 10-05-2009, 06:13 AM
Parent: #14
كيكي اخوي
مسكاقمي
قالوا لاعب مازيمبي الجاب الهدف الخامس شات الكورة من فوق كبري الفتيحاب
|
Post: #16
Title: Re: نكسة اكتوبر .....!!!
Author: على محمد على بشير
Date: 10-05-2009, 06:21 AM
Parent: #15
كيكى يا حبيب
قلبى معكم والله
وشوفتوا الغلب دا حار كيف ؟
بس انتوا كمان سويتوها شينه مره واحده !!
|
Post: #17
Title: Re: نكسة اكتوبر .....!!!
Author: أبوبكر أبوالقاسم
Date: 10-05-2009, 06:44 AM
Parent: #16
كيكى ســــلامات
يا للزمن الغابر ...
اكتوبر شهر العبور والثورات العظيمـــــة ... قلبتوه نكســــــــــــــة !!!!!
|
Post: #18
Title: Re: نكسة اكتوبر .....!!!
Author: نيازي مصطفى
Date: 10-05-2009, 06:47 AM
Parent: #17
| Quote: قالوا لاعب مازيمبي الجاب الهدف الخامس شات الكورة من فوق كبري الفتيحاب |
|
Post: #30
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:50 PM
Parent: #18
هلا يا نياري وحبابك
شفت ابو الهل ده جاب لينا الشماتة دي كيف..؟؟؟
|
Post: #29
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:34 PM
Parent: #17
| Quote: اكتوبر شهر العبور والثورات العظيمـــــة ... قلبتوه نكســــــــــــــة !!!!! |
هلا استاذ ابوبكر
ومشتاقين ياخي,,,
قلبها مازيمبي وماادانا اي فرصة للنقاش ..
ونحن اللاحقون وانت السابقون
|
Post: #19
Title: Re: نكسة اكتوبر .....!!!
Author: جمال ادريس
Date: 10-05-2009, 06:48 AM
Parent: #16
الاخ عبد الكريم
هي نكسة جيل بأكمله.. بل نكسة وطن اسمه السودان ادمن توزيع الحزن على ابنائه
ووالله لو شفت كمية الحزن والانكسار امبارح في عيون الناس وهم راجعين من الاستاد
كنت كرهت حاجة اسمهاهلال ..
ما عارف الهلال ده حيخذلنا كده لي متين؟؟؟؟؟
يعني لو غلب عادي ماشي ما في مشكلة اي فريق في الدنيا بتغلب.. لكن فضيحة زي دي ما شفنا
غايتو .. الله غالب .. وبيني بينك اصلا كنا حنتغلب في النهائي لو صعدنا فالغلب من حسه اخف .. لكن خمسة؟؟؟ خمسة يا مفترين
الله لا كسبكم!!!!!!!!!!
|
Post: #20
Title: Re: نكسة اكتوبر .....!!!
Author: ارصد محمد جلال
Date: 10-05-2009, 06:57 AM
Parent: #19
ده كله من خليل وصحبه قسطنطين ..
تحياتي يازول ياجميل
|
Post: #21
Title: Re: نكسة اكتوبر .....!!!
Author: شول اشوانق دينق
Date: 10-05-2009, 07:42 AM
Parent: #20
يا كيكى ناس مازيمبى خلو خشمنا ملح ملح والله
|
Post: #32
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:57 PM
Parent: #20
Quote:
ده كله من خليل وصحبه قسطنطين ..
تحياتي يازول ياجميل |
هلا يا ارصد وحبابك وحباب المايقوما..
وقسطنطين السواها فينا النجار ما عملها في الخشب..
وباذن الله سنكلم ابوخليل يشوف حل..ويجيب لينا شيطان قادر علي التنبو بالمخاطر والخمسات
وتحياتي
|
Post: #31
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 04:53 PM
Parent: #19
| Quote: ما عارف الهلال ده حيخذلنا كده لي متين؟؟؟؟؟ |
مرحب يا ابوجمال
وهاردلك ياخي..
والمرحوم الطيب عبدالله رئيس نادي الهلال عندو مقولة صادقة جدا
يقول فيها (الله ده اصلا ما يخليك تنجم)..
وفعلا يا جمال بحثنا نحن الشعب السوداني عن الفرح حتي تحت اقدام لاعبي كرة القدم
ولكن لم نجد الا الاحزان والحسرة..
وفعلا انها حسرة وخيبة جيل...
ونتمني ان ياتي الزمن الذي ننتصر ونفرح
|
Post: #27
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 01:57 PM
Parent: #16
| Quote: بس انتوا كمان سويتوها شينه مره واحده !! |
ولايهمك يا علي
وحناخد غيرها لقدام باذن الله..
ولكن ياخي وريني ما نسويها شينة كيف وانت مركب لينا مازيمبي للالبان ياخي
مالك داير تقطع قلبنا تاني هههههههه
|
Post: #25
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 01:47 PM
Parent: #15
| Quote: قالوا لاعب مازيمبي الجاب الهدف الخامس شات الكورة من فوق كبري الفتيحاب |
المهنية كمساح يا حمزواي تتطلب اني اكون صريح وامين معاك
حرم القياسات اثبتت انو الشوتة دي من القضارف...
والواضح ما فاضح يا خال
|
Post: #24
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 01:39 PM
Parent: #14
Quote: كدي وريني امس قافلين التلفونات
مالكم....يعني الواحد اكان عيان( يموت مغصة.....؟)
|
سكورتا .. احنا مالك ومالو انشاء الله يموت زااااتو اوكما قال جون..
وبختكم شايف كاكااتكم تتطاقش اصبروا لينا سمح حنلقاكم في المحلي والثلاثات قااااااعدة
|
Post: #23
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 01:30 PM
Parent: #13
Quote: لازم أول حاجة نقعد في علبنا....
و نلبس مقاسنا... |
شعب شوووووبير يا محمد
نسوي شنو ياخي..؟؟؟
في السياسة قادين
في الكورة قادين
في الاقتصاد قادين
في الدين زااااااتو قادين
|
Post: #26
Title: Re: نكسة اكتوبر .....!!!
Author: Abdlaziz Eisa
Date: 10-05-2009, 01:54 PM
Parent: #23
العزيزي/ كيكي
سلام مخمس
رياح الخماسين.. ردمت المقبرة..
ووزعت ناس الزريبة في خماسيات..
من يعثر على رشاشة عليه الإتصال بالرقم: 55555..
لحين اشعار آخر من الكنغو..
تحياتي
|
Post: #28
Title: Re: نكسة اكتوبر .....!!!
Author: Adam D.El-Asha
Date: 10-05-2009, 02:19 PM
Parent: #26
كيكي اللعين
هاردلك...والله ما تمنيناها ليك قدر ده ..إنت وخلي أجمل هلالاب... لكن صاحبك جمال السنوسي حرد فشفاشنا والله الخمسة ذاتها شوية..
وبعدين في جماعة عاملين بوستات زي المريخاب لسه عندهم نفس يكتبوا ( أخونا المسلمي ) والكوتش ياخي ديل ما خلوا لينا صفحة نرقد عليها..
عموما الجرح بيندمل والجايات كتيرة .
آدم العشا
|
Post: #35
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 05:06 PM
Parent: #28
| Quote: لكن صاحبك جمال السنوسي حرد فشفاشنا والله الخمسة ذاتها شوية.. |
ههههههه
الظاهر انو ابوجمال ده اكثر هلالابي الليلة في العالم خسران
الراجل ياخي بادي في دوره الهلالي وواجب غلغلة جيوش المريخاب..
وكل الود يا ادم
وشايف الكوتش قرر انو يخلي الغربة عديل كده
وقال راجع السودان
غايتو بشتنة ورقاد واطا
|
Post: #33
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 05:01 PM
Parent: #26
| Quote: يا كيكى ناس مازيمبى خلو خشمنا ملح ملح والله |
هارد لك يا شوول
والهلال لحق غنم زهرةةة ياخي ومازيمبي خلي ريحتنا طير طير
والله في
|
Post: #34
Title: Re: نكسة اكتوبر .....!!!
Author: عبدالكريم الامين احمد
Date: 10-05-2009, 05:03 PM
Parent: #26
هلا يا عبدالعزير..
ورد سباعي..
وطبعا في الحالة دي حنفتش الاوراق القديمة وحنجيب سيرة الوحدات الاردني
وابو سن بالله ما يضحك علي سنين هههههه
|
Post: #36
Title: Re: نكسة اكتوبر .....!!!
Author: عبدالوهاب علي الحاج
Date: 10-05-2009, 05:15 PM
الاخ الشهيد الحي كيكي
سـيروا وعين الله ترعاكـم
___
لكل جواد كبوة
والعترة بتصلح المشية
|
Post: #37
Title: Re: نكسة اكتوبر .....!!!
Author: khaleel
Date: 10-05-2009, 05:24 PM
Parent: #36
Quote: ده كله من خليل وصحبه قسطنطين ..
|
ارصد
لو ما كنت عارف الهلال ملحوس
كان كتبت البوست قبل 48 ساعة من المباراة
بعدين يا ارصد ملف المباراة ماسكو الزول الفي بروفايل كيكي دا
ولحقنا الرقدو
|
Post: #38
Title: Re: نكسة اكتوبر .....!!!
Author: Mohamad Shamseldin
Date: 10-06-2009, 01:18 AM
Parent: #37
كيكي
تعرف المريخاب قلو ودكم شديد .... تقول هم الغالبين....
حدي معاهم بكرة ....
قعدو في علبهم ...قعدو...
ما قعدو... الا اقول ليهم زي ما قال ديجانغو للخائن ... و خلي المسدسات تتطاقش
|
Post: #39
Title: Re: نكسة اكتوبر .....!!!
Author: عبدالكريم الامين احمد
Date: 10-07-2009, 04:03 PM
Parent: #36
| Quote: الاخ الشهيد الحي كيكي |
هلا يا وهبة
الشهيد طلع من النكسة ودخل في كراكير امتحانية عشان كده تاخرنا عليك.
وفعلا لكل جواد كبوة..
وسينهض الهلال مثل طائر الفينيق (اوكما قال المثقفاتية)
|
|