Post: #1
Title: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 04:21 PM
متابعة للاستديوهات التي شيدت في دورات مضت تناولت بعض الظواهر والمواضيع التي تطرح في هذا المكان
يعود الاستديو التحليلي في نيو لوكه.. والدعوة للمحلليين الكبار كابتن ود البشري وكابتن حمور وكابتن رغيم وكل الاخوة الذين مارسو معنا الاركو تحليل الاسفيري في دورات مضت..
مساحة نهابش فيها هنا وهناك
نحلل ظواهر ونحاول ان نقراء واقع اسفيري مدور بجهد يوماتي وحراك عجيب
نحلل و نناقش
وقد نصلح سراير اذا ما دعت الضرورة
وسنعود
|
Post: #2
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 04:27 PM
Parent: #1
قبل ان نشوت عميقا في الدس الذي سنجدعه لاحقا ثم نفرفر في اوراقه
حريا باننا ان نلاحظ امر التيارات التي قمنا في السابق بتعدادها في الماضي وقد بلغت سياسيا ما يقارب ال20 راس تيار ونيف..
والان وبعض الكثير من المياه التي مرت تحت جسور السياسة السودانية والشك والرج الذي حصل علي الواقع
اري ان هذه التيارات قد اتحلست وصارت في ظني ثلاثة
1- تيار الموتمر الوطني ومويديه وحاملي اباريقه
2- تيار النيفاشين الجدد وهم الذين يعملون في رحي نيفاشا بنظرة اخري ومناديين بانفاذ استحقاقتها(او الجوباويين)
3- التيار الرافض للانقاذ ومكجنها كجينة السنين..
كل هذه التيارات الثلاثة التي سناتي الي تفاصيلها لاحقا هي من تغذي الامر السياسي وتتداخل وتتشابك الخيوط هنا وهناك
|
Post: #5
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 04:36 PM
Parent: #3
بعض ملامح بدايات هذه الدورة والتي تم استلابها واستلهامها من دورات سابقة نلاحظ الاتي
1- عودة وعي هجمات (القانق)..
 2-عودة صراعات المان تو مان وملامح المطاردات الاسفيرية(ونتوقع تزايدها) (تفاصيل لقدام)
3- غياب تناول الامر الدارفوي مع اختفاء ملحوظ للتيار الدارفوري رغم جهود عوج الدرب
4- تنامي وعلو الصوت النقدي للكتابات الاسفيرية
5- غياب الجهد العميق في قضايا التحول الديمقراطي مع ملاحظة رفع قزازي باين لامر الانتخابات ال فيما ندر
|
Post: #4
Title: Re: الاستديو التحليلي... لسودانيز اونلاين..!!!
Author: محمد البشرى الخضر
Date: 10-13-2009, 04:32 PM
Parent: #1
هلا و مرحب بعودة الكابتن كيكي
والوقت مناسب جدا لعودة الاستديو مع تباشير العودة القوية للحبشي للساحة
وتنامي واستفحال ظاهرة شيل الاباريق
موعودين بحلقات غاية في الاثارة يا كابتن تعيد للاذهان الحلقات التاريخية ايام بوست الصفع المصور للمرضي
متابعين يا كابتن
|
Post: #6
Title: Re: الاستديو التحليلي... لسودانيز اونلاين..!!!
Author: osman righeem
Date: 10-13-2009, 04:38 PM
Parent: #4
و لا يفوت فطنت حضرتكم كيان بورداب الخرطوم
و رغم انه يطبخ علي نار هادئة
الا ان بعض المستجلين طلعت لهم سنون اللبن
و و بعدين
|
Post: #7
Title: Re: الاستديو التحليلي... لسودانيز اونلاين..!!!
Author: عبدالمجيد الكونت
Date: 10-13-2009, 04:42 PM
Parent: #6
كيكي
بوستاتك كلها عينة
|
Post: #10
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 05:13 PM
Parent: #7
هلا يا كونت وديمة منور وحبابك في مدارات سودانيزاونلاين والاستديو التحليلي
وكل الود
|
Post: #18
Title: Re: الاستديو التحليلي... لسودانيز اونلاين..!!!
Author: معاوية عوض الكريم
Date: 10-13-2009, 06:23 PM
Parent: #7
Quote: كيكي
بوستاتك كلها عينة |
|
Post: #9
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 05:10 PM
Parent: #6
Quote: و لا يفوت فطنت حضرتكم كيان بورداب الخرطوم
و رغم انه يطبخ علي نار هادئة
الا ان بعض المستجلين طلعت لهم سنون اللبن
و و بعدين |
هلا يا رغيم وحبابك يا عمك في مكانك الشاغر في الاستديو..
كيان الخرطوم هو زااتو تيارات.. والايجابي فيهم انهم (قووود فيدرس) للمنبر بالشان الموغل في المحلية
جرائم (نيستا نموذجا)... قضايا اجتماعية وحالات انسانية ومقطفات صحف.. واجتماعيا شغلهم مية مية
.. ولكن علي ارض المنبر فهنالك بعض الاصوات عصلنجية كبار بجانب تلاحظ تواجد المرجف الاكبر ملاسي ضمن بورداب الداخل لوووول...
ايضا هنالك بعض الجيوب الجانحة ومحبة للكركبات الاسفيرية عندما يقتصر الامر علي الاحتقانات الاسفيرية
والبقج
|
Post: #8
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 04:42 PM
Parent: #4
Quote: والوقت مناسب جدا لعودة الاستديو مع تباشير العودة القوية للحبشي للساحة
وتنامي واستفحال ظاهرة شيل الاباريق
موعودين بحلقات غاية في الاثارة يا كابتن تعيد للاذهان الحلقات التاريخية ايام بوست الصفع المصور للمرضي
متابعين يا كابتن |
مرحب يا كابتن عمك..
ونعم نعود والواقع الاسفيري يفور ويمور وموعود باحداث جلل والمتابع لجزئيات التحاور والتعارك هنا وهناك يلاحظ بدايات تسخينات (وشايف في كنبة كاملة قامت بتسخن يا عمك).. والامر حاصلة فيها استقطابات
وتحالفات جديدة وحكاية شيل الاباريق دي بالله دايرة ليها فاصل لوحده لما فيها من اركلوجيا ونقة يجب ان تقال...
بس كثر لخالك (الدسوس) وهي جمع دس كما يطلق عليه في لعبة الهارت الشهيرة
ياريت ياخي المبدع ود المرضي يعود علي شاشته العجيبة ومدهشة
حتي يثري الواقع الاسفيري ويدخل كل مرجفا الي حفرة ابو ضلافة
|
Post: #12
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 05:19 PM
Parent: #11
Quote: يا باشمهندس ..
اتمنى ان تناقش بالشـرح التفاصيل ظاهرة الكدايس الحايمة في المنبر الايام دي .. |
هلا يا حميدة
وحبابك..
وجاييك يا حميدة وبرواقة وانا متابع البوست ده والبوست الذي اعتقد كمحلل انو متفرع منو..
وفي الاستديو عندي نقة جاية تحت عنوان (تداعيات العراك الاسفيري)... بس ساعدونا بالاريحية وطولة البال
|
Post: #13
Title: Re: الاستديو التحليلي... لسودانيز اونلاين..!!!
Author: صلاح ليون
Date: 10-13-2009, 05:38 PM
Parent: #12
ياكيكي .. سلام
| Quote: وفي الاستديو عندي نقة جاية تحت عنوان (تداعيات العراك الاسفيري)... بس ساعدونا بالاريحية وطولة البال |
طولة البال دي عليك وللا على البورد
|
Post: #14
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 05:49 PM
Parent: #13
| Quote: طولة البال دي عليك وللا على البورد |
هلا يا ليون
وحبابك ياخي..
وطولة بال علي بالتاكيد يا ابو صلاح
والبورد ده يا زول هوووي منو البقدر عليهو
ده ياعمك علي راس كل ساعة فيهو (ايشششششو ابن لذينة)..
ووين اراضيك يا ابو صلاح مع مدير الكهرباء العلمو ليهو ناس السد
الرد الرد ده
|
Post: #15
Title: Re: الاستديو التحليلي... لسودانيز اونلاين..!!!
Author: عبدالكريم الامين احمد
Date: 10-13-2009, 06:08 PM
Parent: #14
ضروري نرصد الشان السياسي (ابو فيلم) مدور بحراك يوماتي والاحداث التي مرت علي دورة هذا المنبر
1- موتمر جوبا
الملاحظ انو الديربي بتاعو مر كسحابة صيف لم تهطل لنا رطبا ممكن يشبع المتابع
اضابير ودهاليز الموتمر.. نقاش مخرجات الموتمر (حلوة مخرجات دي) واحسبها كلمة كيزانية صرفة..
علي مستوي المنبر لم يحصل استقطاب ونقاشش عميق.. رغم الجهود الكثيرة الا ان الشاهد بان الموتمر لم يحصل علي تغطية منا قوية تتيح له ان يصبح من الهووت ايششششششو..
__
كذلك الملاحظ بان الاصوات المعارضة لقيام الموتمر من اهل الموتمر الوطني واصحابهم لم يدوسوا عاليا علي ابنص المناهضة..
فالحراك المناوي للموتمر كان علي شاشة تلفزيون السودان اكثر واعلي صوتا من سودانيز اونلاين..
|
Post: #16
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 06:15 PM
Parent: #15
الانتخابات المهنية
1- الصحفيين
2- الاطباء
3- وتحت تحت سامع المهندسين..
ايضا تجد بوست هنا واخر هنووووك (علي قولة هاشم الحسن)..
ورغم وجود الكثير من هذا القطاعات في هذه المنبر الا ان الشاهد هو ان التطقيع حصل
وده موشر بانو التحول الديمقراطي الذي تهلل الحكومة بان هذه هي بشائره لم يطرح نفسه بعد كمحاور نقاش ومعارك نوعية فئوية مهنية بعد..
واعتقد بان ذلك نتاج لعدم ثقة الجميع لما يدور والتوجس الذي لا يزال هو سيد الموقف في القضايا الاساسية كالحريات والديمقراطية
|
Post: #17
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 06:20 PM
Parent: #16
رفع الرقابة الصحفية.. او القبلية (ماعارف القبلية دي البشير جايبها من وين..؟؟)
رغم ان المناهضة للرقابة وتكميم الافواه الصحفية كانت الاعلي صوتا
الا ان القرار الذي اخرجته الحكومة مر كبوستات عابرة اسافير الصفحة الاولي
..
ولعل التحضيرات والنقة التي ظهر فيها رووسا تحرير الصحف والميثاق الصحفي هي من زادات جرعات التوجس
واعطي القزاز الاسفيري الناشط امر لكي يرفع عاليا في امام هذا القرار البشيري الذي كان في مجمله
ضربة استباقية ضد موتمر جوبا وتميهد لموتمر الموتمر الوطني الذي سناتي له ..
|
Post: #19
Title: Re: الاستديو التحليلي... لسودانيز اونلاين..!!!م
Author: داليا الكباشى
Date: 10-13-2009, 06:29 PM
Parent: #17
الارتست الجميل ... كيكي ...
والله بس جيت هنا اسلم على استحياء وامشي ....
نحن برالمه صوغاااار وما بيخلونا نحووووم في بوستات العمالقه الزيك .... (وش خجلان وبيعاين في الارض) ..
تحياتي .. البوست جميل ... متابعين ...
مودتي الاكيده ...
|
Post: #20
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 06:33 PM
Parent: #17
Quote: http://hilalalsudan.net/vb/images/smilies/1laughter.gif[/QUOTE]
معاوية
سلامات ياخي وحبابك..
يا معاوية انا عارف انو في دشمانات بينك وبين الاخ الكونت..
فاتمني ان لا يكون هذا البوست ميدان او مساحة من مساحات تلك العكات..
قلت اتمني.. لا... فلن يكون هذا البوست ساحة بالتاكيد لما بينكم من امر..
مرحب بيك تاني
وساعدنا بالانضباط عشان نساعدك بالاحترام والتقدير
|
Post: #21
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 06:42 PM
Parent: #20
Quote: والله بس جيت هنا اسلم على استحياء وامشي ....
نحن برالمه صوغاااار وما بيخلونا نحووووم في بوستات العمالقه الزيك .... (وش خجلان وبيعاين في الارض) ..
تحياتي .. البوست جميل ... متابعين ...
مودتي الاكيده ... |
هلا وحبابك شديدفي مدارات استديو التحليل
وياخي برلومة شنو انتي ماشاء الله فرضتي وجودك بجهد واضح وملاحظ لكل عابر لهذا المكان
ونتمني ليك مزيدا من التوفيق والمثابرة..
وخلي دائما كيبوردك عالي ما بتجيك عووجة تبببب..
وكل الود والتقدير يا داليا
|
Post: #22
Title: Re: الاستديو التحليلي... لسودانيز اونلاين..!!!م
Author: معاوية عوض الكريم
Date: 10-13-2009, 06:45 PM
Parent: #20
عبد الكريم
كامل ودي واحترامي لشخصك
واطمئن يا اخي منى انا ما بتجيك عوجة تب
بس الزول الكبة دا اليجينى مارق جاى
اى ضُبان ضكر يجينا بى جاي !
احترامى مجددا لشخصك
وعذرا
|
Post: #23
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 06:52 PM
Parent: #22
تسلم يا معاوية
ومافي عوجات يا زول
والاستديو لقدام ممكن يجيب الدشمان بتاعكم ده مع كم دشمان (مان تو ماني كده)
ونشوف النمط والاستايل والاسباب وعيييييك
|
Post: #24
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 07:01 PM
Parent: #23
اخر جابتر في السياسة قبل ما نخش في الامور المنبرية الاخري..
ضروري ندي لمحة فلاش باكية لموتمر الوطني الكم كده ماعارف..
الشاهد ان الحضور التنويري من قبل الاخوة الاخوات الانقاذيات بامر موتمرهم كان ضعيف وتعبان جنينة ملوة
فيبدو ان الاخوة المناضلين هنا او المناتلين كما يحلو لجموع بني كوز بمنادتهم قد استنذفوا في حراكهم اليومي كل القوي الكيزانية المنبرية التي صارت اسيرة للجدل المنبري بعيدا عن ما يقوم به حزبهم في الواقع..
فالاصوات التي كانت قادة المنبر(الموتمر الوطني..الموتمر الوطني) كصلاح غريبة وود الباوقة لم نشوف منهم ادني بغم عن (مخرجات) واضابير وما دار في العميق في ذلك الموتمر الكيزاني..
بدر الدين اسحاق يحاول الان التبشير بمخرجات الموتمر بدون دعم او سند بوستاتي يورينا نحن جموع الشعب الفضل الحاصل شنو..؟؟؟
حكاية نائب البشير كتسريبات ما عقب الموتمر غطت كثيرا علي ما دار في الارض الكيزانية
وترشيح البشير مر كسحابة اسفيرية خجولة...
وهكذا بداء لي الامر
|
Post: #25
Title: Re: الاستديو التحليلي... لسودانيز اونلاين..!!!م
Author: Abdelmuhsin Said
Date: 10-13-2009, 07:02 PM
Parent: #23
Quote:
تحياتي .. البوست جميل ... متابعين ...
|
|
Post: #26
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 07:09 PM
Parent: #25
هلا يا عبد المحسن
وحبابك شديد ياخي..
والله يقدرنا بس علي الاداء والبث المريح في محيط هذا المنبر العجيب وغريب
|
Post: #28
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 07:25 PM
Parent: #26
-عشان نكون ابديت ضروري نلحق السوق ونبلش من الاكشن المدور الان علي سطح المنبر في جخانين عديدة ونشوف..
1- مطاردات ميادة..
اشكالات مياده كما بدات لي هي مقسمة ما بين مجموعتين
1- مجموعة عوج الدرب ومصطفي محمود
2- مجموعة الاخوة النوبيين
1- مجموعة عوج الدرب ومصطفي محمود
لعل حماس ميادة العالي ولغتها الصدامية في الكتابة عن قناعتها التي في ظني تتقاطع في كثير من الاحيان مع امر الحكومة هو من جعلها في امر احتكاك مع هذا الثنائي الذي اصنفه من المتطرفيين فعوج الدرب انتمي لحركة العدل والمساواة التي تحارب الحكومة..
مصطفي محمود يعتمد في السابق علي الهجوم الكوبي بيستي الضاغط [IMG]
http://www.sudaneseonline.com/db/attention/100_Balloons.gif[/IMG]
اراه الان جاوزه ببعض الكتابات مع الهجوم الضاغط الغير مكترث لمداخلات الصد ...غياب زابونه الدائم ود الباوقة اعطاه مساحة وزمن وحماس للتحرك وصنع التحالفات الاسفيرية في المعركة المدورة مع ميادة
واخريين..
وسنعود
|
Post: #27
Title: Re: الاستديو التحليلي... لسودانيز اونلاين..!!!م
Author: emad altaib
Date: 10-13-2009, 07:15 PM
Parent: #25
ــــ
| Quote: بدر الدين اسحاق يحاول الان التبشير بمخرجات الموتمر بدون دعم او سند بوستاتي يورينا نحن جموع الشعب الفضل الحاصل شنو..؟؟؟ |
عبد الكريم يا هندسة سلام وتحية :
ومن مخرجات المؤتمر الذي يبشر به بدر الدين لم يعرف مصدر الميزانية وفي محاولته للإجابة قال كما قال ود الباوقة إلي دينق ...
والملفت للنظر المؤتمر في مخرجاتة جاءت عبارة ( إعادة العلاقات مع كل الدولة)
وهل ياتري إسرائيل دولة وتدخل في الكل ؟!
إحترامي يا عبد الكريم ..
|
Post: #29
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 07:32 PM
Parent: #27
| Quote: وهل ياتري إسرائيل دولة وتدخل في الكل ؟! |
هلا يا عماد وتحياتي ياخي..
ولعل اختفاء جملة كل الدول ماعدا اسرائيل هي اولي بشائر الامر الاسرائيلي
بدر اسحاق بالتاكيد في ظل غياب ناسو حيتعب معاكم تعب شديد
مش غياب ناسو بس بل في ظل قيام الموتمر بصورة تكاد تكون (غمتي) وغايبة عنو الشفافية
سيكون امره عسير في مطبات النقاش في هذا المنبر..
زمان انا قلت انو كيزاننا الهنا ديل كورتهم ما بتعجب
واهو الموتمر بتاعهم جاء ولم نري خراجا ممكن يستقطب اويقنع بيهو زول
|
Post: #30
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-13-2009, 07:39 PM
Parent: #29
لسع ياجماعة الاستديو عندو استحقاقات كثيرة وتقطع النفس
وضروري نعلن عن بعضها ثم نعود لامر ميادة..
لدينا
1- محسن- عزام.. مع احتمالية تحول الامر لثلاثي الصراع في ظل حضور الحبشي
2- صراع يدور في خجانين نائية وممكن اسميه نكتة (بيان لادن) تهمة غريبة وعجيبة وتجعلك تخاف هذا المنبر سنعطيه حقه من التحليل
3- ملاسي - روزمين وكاتب ملاسي المفضل واخريين
4- خالد بحر وتمبس وحميدة.. ودراما دشمان اسفيري شد الجميع
5- هشام هباني تغييرات جيو استايل خطابية
7- صراع عادل عبد العاطي وود المشرف
8- حملة عبدالمجيد
9- بدرالدين الامير واحتفالات الدوحة
ووسنعود
|
Post: #31
Title: Re: الاستديو التحليلي... لسودانيز اونلاين..!!!م
Author: Nuha Ahmed
Date: 10-13-2009, 07:49 PM
Parent: #27
اهلاعبد الكريم ، كما عودتنا بوست كدة
اضافة للتحليل يا ريت تدي سنابشوت عن الحاصل في المنبر البوستات المسخنة ونبذة عنها و الشخصيات الاسفيرية المناسبة عشان المهاجمين الما متابعين يعرفوا سريع يتلبوا وين.
|
Post: #32
Title: Re: الاستديو التحليلي... لسودانيز اونلاين..!!!م
Author: Mustafa Mahmoud
Date: 10-13-2009, 07:57 PM
Parent: #31
دي هدية للكيزان و الكيزان الجدد
و هذة رشوة متطرفة لكيكي الجميل
|
Post: #33
Title: Re: الاستديو التحليلي... لسودانيز اونلاين..!!!م
Author: جعفر محي الدين
Date: 10-13-2009, 08:24 PM
Parent: #32
يا كيكي شكلك مأخد إجازة في نص الأسبوع
طبعا الأستديو دا ما بستحمل تفوتك أي هجمات مرتدة أو مباغتة
يعني لازم عينك تكون على الميدان كله والميدان شكله بقى كبير وبكري جاب ليها مقالات مثبتة أعلى البوست تتغير بمعدلات متسارعة
هي فرصة لمتابعة المقالات الهامة جدا والتي غالبا لا تجد حظها من القراءة مع تغير الصفحة الأولى للبورد
توقيتك مناسب لهذا الأستوديو لأنك تركت سحابة هزيمة الهلال المجلجلة تمر بقليل قبل بدء الاستوديو التحليلي
أنا عندي كلام كتير بس بيني بينك ونسبة لحداثة تواجدي هنا وهي للعلم حداثة متجددة فقد كنت من المنتمين للبورد في بواكير هذه الألفية وضاعت الباسويرد
ولكني متابع على خفيف وما زلت في مرحلة التنوير وترتيب التحالفات بعداك نجهز استراتيجيات للشوت
أتمنى أن أجد الوقت الكافي لمتابعة هذا الاستديو التحليلي فهو سيعزز من معرفتنا بأضابير هذا البورد المتشعبة
لك كل الود وعاطر التحايا
|
Post: #34
Title: Re: الاستديو التحليلي... لسودانيز اونلاين..!!!م
Author: عبدالوهاب علي الحاج
Date: 10-13-2009, 08:29 PM
Parent: #33
كيكي يا صاحب
شايفك موضوع الصمرقع ما اتطرقت ليهو
هل تكتب وتحلل تحت التهديد ؟
__
مشتاقين
|
Post: #35
Title: Re: الاستديو التحليلي... لسودانيز اونلاين..!!!م
Author: حمور زيادة
Date: 10-13-2009, 10:19 PM
Parent: #34
حضور و متابعة يا كابتن كيكي التفكيكي
|
Post: #38
Title: Re: الاستديو التحليلي... لسودانيز اونلاين..!!!م
Author: Magdi Ahmed Elsheikh
Date: 10-13-2009, 10:32 PM
Parent: #35
Quote: و نرحب بعودة الكابتن كيكي
والوقت مناسب جدا لعودة الاستديو مع تباشير العودة القوية للحبشي للساحة
وتنامي واستفحال ظاهرة شيل الاباريق
موعودين بحلقات غاية في الاثارة يا كابتن تعيد للاذهان الحلقات التاريخية ايام بوست الصفع المصور للمرضي
متابعين يا كابتن |
بالله ياهندسة ,,
ماتنسي الهطرقات الثقافية المنبعجة ,,
مع اعراب ما تحته خت ياكيكي !!!!
|
Post: #53
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:18 AM
Parent: #38
Quote:
مع اعراب ما تحته خت ياكيكي !!!! |
هلا يا دكترة ومشتاقين ياخي,,,
الحبشي قادمنا الجديد القديم بعد غيبة نتمني له اقامة سعيدة
وسنكون في الانتظار لكي نري دلوه وخطابه الاسفيري وخطه الجديد فهو بالتاكيد من الذين يربون هذا المنابر في مناحي عديدة,,
فله ولك كل التحية والتقدير
|
Post: #47
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 06:08 AM
Parent: #35
| Quote: حضور و متابعة يا كابتن كيكي التفكيكي |
هلا بكابتن حمور
فالاستديو دوما في انتظارك...
و
|
Post: #36
Title: Re: الاستديو التحليلي... لسودانيز اونلاين..!!!م
Author: سيف النصر محي الدين محمد أحمد
Date: 10-13-2009, 10:26 PM
Parent: #34
سلامات يا كيكي..بوستك ده فيهو شي لله شوف التلاتات دي مع عمك وهبة عاملة ماتشنق كيف!
|
Post: #37
Title: Re: الاستديو التحليلي... لسودانيز اونلاين..!!!م
Author: حمور زيادة
Date: 10-13-2009, 10:31 PM
Parent: #36
انت يا دكتور سيف المنبر ده فاتحو عندك بالدوس (DOS) وله شنو ؟
مالو شكلو عندك عامل كده ؟
|
Post: #39
Title: Re: الاستديو التحليلي... لسودانيز اونلاين..!!!م
Author: شول اشوانق دينق
Date: 10-13-2009, 10:54 PM
Parent: #37
|
Post: #40
Title: Re: الاستديو التحليلي... لسودانيز اونلاين..!!!م
Author: عبد المنعم ابراهيم الحاج
Date: 10-13-2009, 11:22 PM
Parent: #39
سلام ياكيكي
طبعا الواحد لما يكون غايب..المفروض
أول حاجة يمر علي بوستاتك عشان يعرف
حاجة..
| Quote: وقد نصلح سراير اذا ما دعت الضرورة |
المهم خلينا لحدي مانعرف حاجة في
حتة السراير دي..ولو جابت
نفخ هنابيك برضو
مابنقصر معاك..
شايفك بقيت لاعب وسط حريف
|
Post: #41
Title: Re: الاستديو التحليلي... لسودانيز اونلاين..!!!م
Author: عمر صديق
Date: 10-14-2009, 00:36 AM
Parent: #40
الاخ كيكي
تحياتي
Quote: اري ان هذه التيارات قد اتحلست وصارت في ظني ثلاثة
1- تيار الموتمر الوطني ومويديه وحاملي اباريقه
2- تيار النيفاشين الجدد وهم الذين يعملون في رحي نيفاشا بنظرة اخري ومناديين بانفاذ استحقاقتها(او الجوباويين)
3- التيار الرافض للانقاذ ومكجنها كجينة السنين..
كل هذه التيارات الثلاثة التي سناتي الي تفاصيلها لاحقا هي من تغذي الامر السياسي وتتداخل وتتشابك الخيوط هنا وهناك |
بل صارت تيارين فقط
لان 2و3 يمثلان تيارا واحدا
|
Post: #58
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:33 AM
Parent: #41
Quote: بل صارت تيارين فقط
لان 2و3 يمثلان تيارا واحدا |
هلا يا عمر وتحياتي ياخي..
بل ثلاثة يا ابوعمار..
وفي خيط فاصل ما بين 2 و3
النيفاشيين يعملو بصوت عالي من اجل تطبيق اتفاقيا نيفاشا والراي انها قادرة لو طبقت تطبيق سليم ان تسحب البساط من اقدام الموتمر الوطني
ناس 3 ده تيار (لاتصالح) واجندته واضحة هي عدم رغبته في روية ايتها اضان كوزية حايمة في السلطة والثروة في الارض السودانية حتي ولو بنسبة فلاشا..
نعم بحصل تلاقي في اشياء ما بين 3 و2
ولكن سرعان ما تنفرز الكيمان..
ولكن بالتاكيد الهدف واحد هو هزيمة السلطة الكيزانية وتحويلها الي سراب بقيع
|
Post: #57
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:28 AM
Parent: #40
Quote: المهم خلينا لحدي مانعرف حاجة في
حتة السراير دي..ولو جابت
نفخ هنابيك برضو
مابنقصر معاك..
شايفك بقيت لاعب وسط حريف |
اوووووه منعم ياخي..!!!
مشتاقين ونورت والله وغياب طال يا زول وشغلت البال بالف سؤال..
حكاية تصليح السراير دي الله ما جابها ياخيو سنحاول ان نقرض علي ابنصات تقينا شغل تصليح السراير البعمل فلايت ده
وبعدين لاعب نص وين يا منعم..
اخوك خلااص قرر الاعتزال والتفرغ للمراقبة الاسفيرية وتشكيل قوات تدخل سريع بمهام خاصة
اربعة سنوات كثيرة ياخي في المنبر ده وكفاية يا بيييييه
|
Post: #56
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:24 AM
Parent: #39
هلا يا شول
وبالله شوف لاخوك اقانج نفكو في البوست ده
يحميهو من الهبايب والمحن
|
Post: #55
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:21 AM
Parent: #36
| Quote: سلامات يا كيكي..بوستك ده فيهو شي لله شوف التلاتات دي مع عمك وهبة عاملة ماتشنق كيف! |
هلا يا ابو السيوف
وكل هذه الثلاثات الرقدت هبطرشت في كلكات البوست نهديها للاخوة والاخوات المريخاب في هذا المنبر
ولمازيمبي ابن اللذينة حتي يرعوي
|
Post: #46
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 06:05 AM
Parent: #34
Quote: كيكي يا صاحب
شايفك موضوع الصمرقع ما اتطرقت ليهو
هل تكتب وتحلل تحت التهديد ؟ |
اووووه رهط ياخي..
ومشتاقين..
وحكاية الصمرقع دي ما قلنا من مخلفات الدورة السابقة..
وصحيح تمت اضافة تداعيات صمرقعية في بدايات الدورة دي ولكن الشاهد يا وهبة هو ان رياح المعركة الصمرقعية قلت هبوبها
ولم يبقي منها الا مفردة الصمرقع التي اضيفت الي قاموس هذا المكان..
ويقول البورادبي لاخيه لافعلن بك الصمرقع او كما قيل
وبالمناسبة التنقيب اثبت بان الصمرقع كلمة
فقد وردت في احدي مدائح ابونا الراحل شيخ البرعي
|
Post: #45
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 05:45 AM
Parent: #33
Quote: يا كيكي شكلك مأخد إجازة في نص الأسبوع
طبعا الأستديو دا ما بستحمل تفوتك أي هجمات مرتدة أو مباغتة
يعني لازم عينك تكون على الميدان كله والميدان شكله بقى كبير وبكري جاب ليها مقالات مثبتة أعلى البوست تتغير بمعدلات متسارعة
هي فرصة لمتابعة المقالات الهامة جدا والتي غالبا لا تجد حظها من القراءة مع تغير الصفحة الأولى للبورد
توقيتك مناسب لهذا الأستوديو لأنك تركت سحابة هزيمة الهلال المجلجلة تمر بقليل قبل بدء الاستوديو التحليلي
أنا عندي كلام كتير بس بيني بينك ونسبة لحداثة تواجدي هنا وهي للعلم حداثة متجددة فقد كنت من المنتمين للبورد في بواكير هذه الألفية وضاعت الباسويرد
ولكني متابع على خفيف وما زلت في مرحلة التنوير وترتيب التحالفات بعداك نجهز استراتيجيات للشوت
أتمنى أن أجد الوقت الكافي لمتابعة هذا الاستديو التحليلي فهو سيعزز من معرفتنا بأضابير هذا البورد المتشعبة |
هلا يا جعفر
والاستديو ده فعلا مسئولية كبيرة ياخي وداير متابعات ..بل داير اجازة عديييل كده لكن وين ياخي مع الشغل ابو دق ده..
وسحابة ابو الهل يا جعفر برضها بيني وبينك دايرة تحليل وفمازيمبي دقانا بصراحة دق العيش وخلا خشمنا ملح ملح..
في انتظارك علي طول يا سنير و تحالفات المنبر فعلا دايرة مباصرة وتفكيك عشان تعرفها رغم وضوح بعضها الا ان بعض التحالفات تحتاج
الي ميكروسكوب لانها بتكون مخفية ومظللة وقد يكون التظليل (وش ضاحك) او up لبوست.. والكثير من الاساليب العجيبة الواضحة والدايرة شوية دفرة متابعة بتعرف سريعا الحاصل شنو في ال up ]ده
وتحياتي يا جعفر
|
Post: #44
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 05:37 AM
Parent: #32
| Quote: دي هدية للكيزان و الكيزان الجدد |
هلا يا دكتور
وحبابك ياخي..
وعندك معانا جابتر كامل يا دكتور .. بس الله يسترنا معاك يارب..
تحالفك الملحوظ مع عووج الدرب.. ووجود مساندة لوجستية في بعض الاحيان من فيصل خليل
موضوع ميادة.. وود الباوقة.. وعاوزنك تدينا الامان لانو حفنكك الية هجومك الضاغط الجديدة ونشوفها عملت شنو
وشغالة كيف لووووول
وكمان التيارات التي تحالف مع خطاب الكيزاني الاسفيري حنديها نسيم شبال ونشوف ايضا حكايتها شنو..؟؟
| Quote: و هذة رشوة متطرفة لكيكي الجميل |
تحياتي يا دكتور وكن بخير
|
Post: #54
Title: Re: الاستديو التحليلي... لسودانيز اونلاين..!!!م
Author: Mustafa Mahmoud
Date: 10-14-2009, 08:19 AM
Parent: #44
نقطة هامةو توضيح للجميع
انا لا و لن اؤيد الدباب خليل و جماعته و لن اغفر له افعالة الاجراميةفي الجنوب
و شكرا
|
Post: #59
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:38 AM
Parent: #54
Quote:
انا لا و لن اؤيد الدباب خليل و جماعته و لن اغفر له افعالة الاجراميةفي الجنوب |
هلا يا دكتور
ومعلوم يا دكتور..
والاراء بتاعتك واضحة ولذا عملنا ليكم تيار خااص هو نمرة ثلاثة..
ولكن ياخي حكاية خليل ده حتدخلك في كلاش من الحليف الاستراتيجي بتاعك عووج الدرب
|
Post: #43
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 05:31 AM
Parent: #31
| Quote: اضافة للتحليل يا ريت تدي سنابشوت عن الحاصل في المنبر البوستات المسخنة ونبذة عنها و الشخصيات الاسفيرية المناسبة عشان المهاجمين الما متابعين يعرفوا سريع يتلبوا وين. |
هلا يا نها
وتحياتي وحبابك..
وعذرا لانقطاع البث ليلة امس لاسباب طارئة..
واكيد يا نها حننور هنا وصرة في خيط كل الكراكير الاسفيرية المسخنة
وسيقوم الاستديو بتركيب جهاز لاقط دوشمانات عشان كبشرها سريع ونجي نشوف حكايتها..
وسودانيز اونلاين تخيلي عاوز ليهو كتلوج وهنت تقيل
حتن تقدر تعرف الحاصل شنو بارتياح
|
Post: #42
Title: Re: الاستديو التحليلي... لسودانيز اونلاين..!!!م
Author: عبدالمجيد الكونت
Date: 10-14-2009, 02:18 AM
Parent: #20
Quote: معاوية
سلامات ياخي وحبابك..
يا معاوية انا عارف انو في دشمانات بينك وبين الاخ الكونت..
فاتمني ان لا يكون هذا البوست ميدان او مساحة من مساحات تلك العكات..
قلت اتمني.. لا... فلن يكون هذا البوست ساحة بالتاكيد لما بينكم من امر..
مرحب بيك تاني
وساعدنا بالانضباط عشان نساعدك بالاحترام والتقدير |
شكرا كيكي وواصل بوستك
البهف ده بلم فيه في حتة تانية
|
Post: #48
Title: Re: الاستديو التحليلي... لسودانيز اونلاين..!!!م
Author: عبد الحكيم نصر
Date: 10-14-2009, 06:18 AM
Parent: #42
| Quote: 2- مجموعة الاخوة النوبيين |
صباح الخير
مجموعة النوبيين في انتظار تحليلك
وهل هذه المجموعة هي التي هاجمت ام
انها انتظرت حتي جاءتها الحملة تسعي
علي قدمين وعليك تفكيك مجموعتنا فردا
فردا وكشفنا امام الملأ ان كانت المهاترة
والمناكفة جزء من تكويننا وفي الانتظار
|
Post: #51
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:13 AM
Parent: #48
Quote: مجموعة النوبيين في انتظار تحليلك
وهل هذه المجموعة هي التي هاجمت ام
انها انتظرت حتي جاءتها الحملة تسعي
علي قدمين وعليك تفكيك مجموعتنا فردا
فردا وكشفنا امام الملأ ان كانت المهاترة
والمناكفة جزء من تكويننا وفي الانتظار |
سلام وتحية للاخوة المتداخلين واستميحكم عذرا شوية نتكلم مع اخونا عبدالحكيم ده
ونبين ليهو الامور..
سلام يا عبد الحكيم وتحياتي..
ويا حكيم تسمية الاخوة النوبيين في الصراع مع ميادة بهذا الاسم اتي كون الامر بالنسبة لي بداء مع بدايات موضوع فاروق حسني
وامره في الثقافة النوبية وسقوطه في اليونسكو..(وقد تكون هنالك خلافات سابقة ولكني لم اتابعها)
ميادة هللت لسقوطه وكانت تعتقد بان الامر به فرحة لاهلها النوبة..
مجموعتكم كانت تري ان ميادة مطالبة ايضا برفض الظلم الانقاذي ضد اهلها..
تلك حسب متابعاتي هي النظرية التي غذت كل ذلك الحراك وحولته الي مهاترات هنا وهناك.. وصار الامر كما هو باين امامنا الان.....
........
ده الراي بتاعي يا حكيم وما فهمته من البوستات الكثيرة التي دورت
وتاكد بان ما بيننا هو التقدير والاحترام..
|
Post: #49
Title: Re: الاستديو التحليلي... لسودانيز اونلاين..!!!م
Author: معاوية عوض الكريم
Date: 10-14-2009, 08:08 AM
Parent: #42
Quote: شكرا كيكي وواصل بوستك
البهف ده بلم فيه في حتة تانية |
بس عشان ما تتعب كتير
وتجوط للناس البوستات
تعال بي جاي يا كبه
اى ضُبان ضكر يجينا بى جاي !
|
Post: #50
Title: Re: الاستديو التحليلي... لسودانيز اونلاين..!!!م
Author: محمد الامين محمد
Date: 10-14-2009, 08:13 AM
Parent: #49
تيار الموتمر الوطني ومويديه وحاملي اباريقه
دي قوية
قررررررررررررررررررررررر
|
Post: #52
Title: Re: الاستديو التحليلي... لسودانيز اونلاين..!!!م
Author: naeem ali
Date: 10-14-2009, 08:15 AM
Parent: #50
سلامات يا كيكي
____________
انا (شخشيا) مستمتع
بنوع البوستات دي
ماعارف ليه؟
|
Post: #63
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:46 AM
Parent: #52
Quote: انا (شخشيا) مستمتع
بنوع البوستات دي
ماعارف ليه؟ |
سلام يا نعيم وشرفت ياخي..
وماعارف ولكن هي محاولات لتلقيط السطور الاسفيرية ولملمتها ما بين هنا وهناك..
وكما قال ود البشري هذا المكان هو كالمسرح
|
Post: #62
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:44 AM
Parent: #50
Quote: دي قوية
قررررررررررررررررررررررر |
هلا يا ود الامين
كدي صلح لينا الصورة دي عشان نقرقر معاك..
(ماظاهرة عندي ياخي)
|
Post: #61
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:42 AM
Parent: #49
Quote: بس عشان ما تتعب كتير
وتجوط للناس البوستات
تعال بي جاي يا كبه
اى ضُبان ضكر يجينا بى جاي ! |
هلا يا معاوية..
وبالتاكيد متفقين بان الكورة لازم تكون واطا..
وكن بسلام
|
Post: #60
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 08:40 AM
Parent: #42
Quote: شكرا كيكي وواصل بوستك
البهف ده بلم فيه في حتة تانية |
هلا يا كونت وبوستنا ماشي برواقة وهوينا اسفيرية باذن الله
|
Post: #64
Title: Re: الاستديو التحليلي... لسودانيز اونلاين..!!!م
Author: Siham Elmugammar
Date: 10-14-2009, 09:04 AM
Parent: #60
هلا يا بيير
والله زمان يا مان
انت عارف رغم الروح الضاحكة فى البوست ده الا انه كفيد مفيد مفيد
لانو الناس لما تشوف تحليل صراعاتها ..ممكن تفهم شى و تمشى لقدام
فى بوستات بتاعت حب ياخ ما تشوفها لينا كمان :)
|
Post: #65
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 09:22 AM
Parent: #64
| Quote: فى بوستات بتاعت حب ياخ ما تشوفها لينا كمان :) |
هلا يابير وسلامات والله..
واهو قلنا نشوف خبورات السوق الاسفيري ونغرف من دقنو ونجي نفتل ليهو هنا حبل تفكيك
في محاولة اتمني انها تجد فهم من الناس وتصالح..
والرومانتك ده يا بيييير
داير شغل ثنائي مع ابو خليل باقي الراجل عندو ماستر وخبير دروبات ام نخيلية سابق لووول
وتحياتي
|
Post: #66
Title: Re: الاستديو التحليلي... لسودانيز اونلاين..!!!م
Author: عفاف الصادق بابكر
Date: 10-14-2009, 09:45 AM
Parent: #65
كيكي .. كيفنك .
انا من زمان متابعة من بره ... وهسه لقيت لي فرصه ..
ممكن اشارك .. حاجات كتيره حارقاني .. (برلومه ما يفوتك)
بت الصادق
|
Post: #67
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 10:00 AM
Parent: #66
Quote: انا من زمان متابعة من بره ... وهسه لقيت لي فرصه ..
ممكن اشارك .. حاجات كتيره حارقاني .. (برلومه ما يفوتك) |
هلا يا عفاف وحبابك..
وخشي طواالي يا زولة
والزول الجاي من بره مفروض يكون مثل مازيمبي الغلب الهلال دااك.
من اول ربع ساعة تكشر عن انيابك وتعملي هجوم ضاغط وما تلتفتي كلو كلو
وكل الود والتقدير
|
Post: #69
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 12:12 PM
Parent: #68
Quote: تحليلاتك ورفعك السابق للناس البسووا "فللى" ما ناجعة ... فلا زال الإلع (رع) فى ضلاله القديم وشايل فرمالته وحاييم بيها:
|
هلا وسلااام يا ابوبكر
وبالله اخونا بشاشا ده قاعد في المنبر..؟؟
انا فقدته واعتقدت جازما بانه الان ملتحقا بجموع جنقو عوضية المهمشين في نواحي القضارف
او يكون في كراكير خور برنغا دي مقاتلا للدولة الجلابية..
اجي القاهو مقنقز في الكراكير الاسفيرية وعازف ربابة جلابي الشهيرة..
تعرف المنبر ده فيهو حاجات لذيذة خلاااص ناس تدشمنها كددددده ويتفرنقع الدوشمان ووتتاكد بانو المدشن لن يعود الي ضلاله القديم
ولكن يا حسرة فمع عودته تعود (ريما الي حالتها القديمة)...
وكويس نبهتنا للبوست الكان غاطس مني ده
ضروري ح اتابعو
وتحياتي
|
Post: #70
Title: Re: الاستديو التحليلي... لسودانيز اونلاين..!!!م
Author: عبد الناصر الخطيب
Date: 10-14-2009, 12:31 PM
Parent: #69
( كيكي ) الشهير بـ عبدالكريم الامين احمد
نهارك سعيد ياهندسة
---------------------------------------------------
| Quote: تنامي وعلو الصوت النقدي للكتابات الاسفيرية |
يعني التيار الكتابتو تناول كتابات غيرو وشخوصهم بالانتقاد المستمر
والمفارقة أنو نجوم التيار ده ( في الاساس ما عندهم كتابات ممكن غيرهم يتناوله )
تحية وكتير السلام
|
Post: #71
Title: Re: الاستديو التحليلي... لسودانيز اونلاين..!!!م
Author: khaleel
Date: 10-14-2009, 05:29 PM
Parent: #70
هلا بكيكي الشهير بغولد ستون
اعتقد جازما بان هزيمة الهلال قد احبطت الناس وصار ايضا محبطا وحتي الوانه محبطة
ولاحظنا ظهور ظاهرة القندرانات وترلاتها الاسفيرية
ولاحظنا حضور بهي للبرلومات والبرالمة
|
Post: #72
Title: Re: الاستديو التحليلي... لسودانيز اونلاين..!!!م
Author: معاوية عوض الكريم
Date: 10-14-2009, 05:46 PM
Parent: #71
متابعين يا كيكى
جيناك بى رواااقة
|
Post: #75
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 06:29 PM
Parent: #72
Quote: متابعين يا كيكى
جيناك بى رواااقة |
هلا يا معاوية وحبابك
والف مرحب
|
Post: #77
Title: Re: الاستديو التحليلي... لسودانيز اونلاين..!!!م
Author: الصادق ضرار
Date: 10-14-2009, 11:27 PM
Parent: #72
عبدالكريم الامين ( الكيكي )
بوست جميل .. يا ليت لو تتابع التحليل ثم تعود لترد على المتداخلين جملة في صفحة واحدة حتى يحقق البوست هدفه .
ذلك ان ما يشدنا الى مثل هذه البوستات هي رؤية صورتنا على المرآة .
مجرد رأي مع الود .
|
Post: #79
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 11:01 AM
Parent: #77
Quote: بوست جميل .. يا ليت لو تتابع التحليل ثم تعود لترد على المتداخلين جملة في صفحة واحدة حتى يحقق البوست هدفه .
ذلك ان ما يشدنا الى مثل هذه البوستات هي رؤية صورتنا على المرآة .
مجرد رأي مع الود |
مرحب يا الصادق وتحياتي..
وراي سديد يا الصادق وباذن الله الويك اند ده حنشوت في التحليل وبكثافة
وكل الشكر
|
Post: #74
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 06:24 PM
Parent: #71
Quote: اعتقد جازما بان هزيمة الهلال قد احبطت الناس وصار ايضا محبطا وحتي الوانه محبطة
ولاحظنا ظهور ظاهرة القندرانات وترلاتها الاسفيرية
ولاحظنا حضور بهي للبرلومات والبرالمة |
هلا يا خليل الزمان الاباصيري..
ياخي هزيمة الهلال مسخت لينا كل الاشياء.. ومرة الخشم ملح ملح ومرات الامور تصبح طير طير
واصبحنا نتراجف زي صحن الكاسترد في انتظار مباراة الرد.. ديششششششش (موبوتو) زاااتو هههههه..
القندرانات والترلات ما تديك الدرب وتتطاقش طقشي عجيب خلاااص وشايف في تيم بتاع (عتالة برضو شغال)
ولكن الم تلاحظ ياخي تنامي (وعي حمل الاباريق الاسفيرية).. والتكالب علي حمل الابريق وحتي وان كان ابريقا فاضيا في كيسه...
لقدام لو ربنا سهلها وجانا الالهام من خبورات فريق ورا حننزل للملاعب الاسفيرية سيرة السندالي الكبير
(عمر اباريق) علي الاقل ياخي يصنع لكل زول هنا ابريقو الخاص بيهو..
والبرالمة الجداد بيني وبينك ماشاء الله خاطفين الاضواء من قدامي المحاربين وظهرت بوادر خطف الاضواء ده
في استحقاقات كثيرة وليهم التمنيات بالتوفيق ومزيد من خطف الاضواء والقفز في كور اللهب التي ترمي في طرقهم
|
Post: #73
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-14-2009, 06:10 PM
Parent: #70
Quote: يعني التيار الكتابتو تناول كتابات غيرو وشخوصهم بالانتقاد المستمر
والمفارقة أنو نجوم التيار ده ( في الاساس ما عندهم كتابات ممكن غيرهم يتناوله ) |
هلا يا عبدالناصر ومشتاقين ياخي..
وتامجرتا.
ونقاد الزمن ده يا ناصر زااتم حيرونا معاهم
بتلقي الناقد متغول علي المبدع وفاكي لسانو عليهو.
ومن اول هبشة هبشتين بتلقاهو قاعد ام فكو في اي محك انتاجي
|
Post: #76
Title: Re: الاستديو التحليلي... لسودانيز اونلاين..!!!م
Author: د.نجاة محمود
Date: 10-14-2009, 10:42 PM
Parent: #73
لقيتك حقار يا مان
انا متهمة اني بسلف باسوردي لبن لادن
ايوا بن لادن الووووووووواحد دا
تقولي شنو؟
تتجاهل دقشماني...
|
Post: #78
Title: Re: الاستديو التحليلي... لسودانيز اونلاين..!!!م
Author: ودرملية
Date: 10-14-2009, 11:42 PM
Parent: #76
سلامات
وعوافي
العبرة ليس في الاستديو التحليلي..
وانما العبرة في نتائجه التي تذهب "ادراج الرياح"..
الامر يحتاج الي اكثر من ذلك ياصديقي ..
نحن لا نمارس النقد الذاتي على النحو الذي ينبغي ان يكون عليه النقد المؤسس..
اساس اللعبة "السودانيزاونلاينية" هي المؤامرت والدسائس وغياب الحقيقة وضياع الحق..
فكلما طرقت بابا اصيلا "طرقك القادحون"..
المسالة مزمنة وغريبة وعجيبة..
والمنبر اضحى متنفسا للضغائن والخلافات القبيحة ..
حاله حال الوسائط الاعلامية السودانية على مختلف تخصصاتها..
الامر برمته "شاق"..
مشقة الحياة في هذا الزمن "البليد"..
حتى وان عولج الامر على نحو دراموكوميدي لن "يؤتي أكله" بالصورة المطلوبة..
علاجنا لانفسنا كافراد يمثل علاج "للجماعة"..
فلنبدأ اولا من هذه النقطة لننطلق نحو الجماعة ...
الطرفين الذين ذكرتهم في معرض حديثك عن تقسيم المنبر يعتبران نتاج طبيعي لممارسة غير صادقة تجاه القضايا السياسية المصيرية في السودان فالامر كما اظهرته الحال لم يكن الهدف منه "أمن ورخاء الشعب السوداني" بقدر ماهو مطامع جهوية وحزبية مريضة تؤسس للغرضية والعنصرية البغيضة ..وقد افلحت في ذلك وسيؤول الحال الي اسوء مما عليه الان ..
فقط نتمنى ان تنجلي هذه السحابة الدهماء ويعود للوطن بريقه النظيف ..
مودتي
|
Post: #83
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 07:03 PM
Parent: #78
Quote: العبرة ليس في الاستديو التحليلي..
وانما العبرة في نتائجه التي تذهب "ادراج الرياح"..
الامر يحتاج الي اكثر من ذلك ياصديقي ..
نحن لا نمارس النقد الذاتي على النحو الذي ينبغي ان يكون عليه النقد المؤسس..
اساس اللعبة "السودانيزاونلاينية" هي المؤامرت والدسائس وغياب الحقيقة وضياع الحق..
فكلما طرقت بابا اصيلا "طرقك القادحون"..
المسالة مزمنة وغريبة وعجيبة..
والمنبر اضحى متنفسا للضغائن والخلافات القبيحة ..
حاله حال الوسائط الاعلامية السودانية على مختلف تخصصاتها..
الامر برمته "شاق"..
مشقة الحياة في هذا الزمن "البليد"..
حتى وان عولج الامر على نحو دراموكوميدي لن "يؤتي أكله" بالصورة المطلوبة..
علاجنا لانفسنا كافراد يمثل علاج "للجماعة"..
فلنبدأ اولا من هذه النقطة لننطلق نحو الجماعة ...
الطرفين الذين ذكرتهم في معرض حديثك عن تقسيم المنبر يعتبران نتاج طبيعي لممارسة غير صادقة تجاه القضايا السياسية المصيرية في السودان فالامر كما اظهرته الحال لم يكن الهدف منه "أمن ورخاء الشعب السوداني" بقدر ماهو مطامع جهوية وحزبية مريضة تؤسس للغرضية والعنصرية البغيضة ..وقد افلحت في ذلك وسيؤول الحال الي اسوء مما عليه الان ..
فقط نتمنى ان تنجلي هذه السحابة الدهماء ويعود للوطن بريقه النظيف ..
مودتي |
لا يعلا يا ودرملية علي حديثك
فهو حديث عميق ولامس اشياء من جووووووه واقع هذا المكان..
ولكن بعودة واستقرار اقلام مثك الي هذا المكان ستضخ الكثير من الاشياء التي تغرينا بالتواجد في صفحاته
|
Post: #80
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 11:06 AM
Parent: #76
Quote: لقيتك حقار يا مان
انا متهمة اني بسلف باسوردي لبن لادن
ايوا بن لادن الووووووووواحد دا
تقولي شنو؟
تتجاهل دقشماني... |
معقولة يا بيان حكاية عجيبة وغريبة وfunny
زي دي الاستديو التحليلي يفوتها...
Quote: 2- صراع يدور في خجانين نائية وممكن اسميه نكتة (بيان لادن) تهمة غريبة وعجيبة وتجعلك تخاف هذا المنبر سنعطيه حقه من التحليل
|
وجاييها بمزاج وحماس ونقة اركلوجية
|
Post: #81
Title: Re: الاستديو التحليلي... لسودانيز اونلاين..!!!م
Author: د.نجاة محمود
Date: 10-15-2009, 11:26 AM
Parent: #80
Quote: معقولة يا بيان حكاية عجيبة وغريبة وfunny
زي دي الاستديو التحليلي يفوتها... |
لي ايام بستقبل في مكالمات من كل بقاع الارض
من فيجي لغاية استراليا الى القطب الشمالي
الى مدينة الكاب السمحة
نساء ورجال مندهشين
من القصة العجيبة بتاعة بن لادن يخاطب رهط سودانيزاونلابن قراء وكتاب من
من خلال بيان
واحد من نصايب المعهد
قال دي سرحية عبثية بت ستين كلب
ذكرته بمسرحية اللوحة حقت هارولد بنتر
شخصيتين وحوار وكل زول في وادي
قال بتوقع اي حاجة من المنبر دا الا عاد دي لا حكت لا بقت
بن لان يكتب باسوردي؟
يازول اشتغلوا فيه تحليلات عجيبة
وناس قالو حيوديني في تسين داهية
لانه كدا ذي بن لادن بيكون قاليهم
والل بالجد الغلبها راجلها تادب حماتها
بن لادن قااااااااعد وقاااااااعدة
وهم ساكين بيان..
الناس البياعة بياعة
|
Post: #82
Title: Re: الاستديو التحليلي... لسودانيز اونلاين..!!!م
Author: أبو ساندرا
Date: 10-15-2009, 01:07 PM
Parent: #81
| Quote: في بوستات العمالقه الزيك .... (وش خجلان وبيعاين في الارض) .. |
اخ.
مع أحر التهاني يا كيكي
موضوعك مهم لكن ضاع بسبب تناولك له بطريقة ظريفة
وكان المؤمل والمفيد ان تتناوله وفقآ لاهميته بطريقة جادة
نزاعة إلى التحليل
أظنك أهدرت فرصة طيبة لنقاش مفيد
وفي ذات الوقت لن تهدر الفرصة التي لاحت و وقعت ليك من السماء
كنت بصدد فتح موضوع عن واقع سودانيز اونلاين المزري
وإحتمالات المستقبل التي تشييء بإنهياره
إنهيار تجربة غير مسبوقة
سوف أوجل الموضوع بأمل أن يحدث تغيير ايجابي تلقائي
أو بدفع مهتمين كان لهم هذا الحيز وطن إفتراضي
عندما ضاع الوطن في جيب المرابي وعيال الترابي
ثم
لا تطمئن لسكاتي وصبري الطويل
قدامك اليوم الخميس حتى التاسعة مساء
وبعدها سوف أدك كل حصونك القديمة والجديدة
|
Post: #85
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 07:38 PM
Parent: #82
Quote: لا تطمئن لسكاتي وصبري الطويل
قدامك اليوم الخميس حتى التاسعة مساء
وبعدها سوف أدك كل حصونك القديمة والجديدة |
اووه ياخال ياخي..
انتو عالم تحسدو القرد علي حمار شلاليفو..
وكدي برواقة طالما المحفل تحليلي خلينا نحلل حضورك الي هذا البوست الجابك هنا شنو.؟؟؟
1- عمالقة دي
2- ولا التهديد والوعيد لوووووول
3- ولا كحلت اخر المداخليين والمداخلات برضو لووووول
4- ولا تناولي الظريف الخرب الحكاية برضو لوووووووول..
انا علي الوعد يا بركات وصدقني ما بخزلك بس انت ما تقصر بعيدين في الملعب
والبوست فعلا يابركات حتي الان لم يتناول الجزئية بعمق عميق ولكن ثق بان العربة سترجع الي المسار
بس كون بالجوار وخلي حكاية الشيوعيين بتاعة المطالب والتهديد والوعيد دي
|
Post: #84
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 07:30 PM
Parent: #81
Quote: من القصة العجيبة بتاعة بن لادن يخاطب رهط سودانيزاونلابن قراء وكتاب من
من خلال بيان
|
هلا يا بيان..
وفعلا الحكاية عجيبة
ولكنها مفهمومة يا بيان في اطار اختلاف وتباين الثقافات وزوايا النظر الي الامور..
واتهام ذي ده بعمق ازمة التحاور الاسفيري وبوري انو المحيط الانت قاعد تناقش منو بلقي بظلاله علي نقاش الانسان ..وبظهر في شكل لغة المتحاور ومستوي اتهامو..
الاخ محمد بناقش من امريكا ومن حديثه ظهر بان منغمس تماما في ثقافة الخطاب الامريكي الوجه ضد التطرف الديني والذي تم تعبئة المجتمع باكمله ضده بل هنالك حروبات علي الارض.. لذا كل الاشياء الخطرة تظر عندهم بن لادن بن لادن...
انا شخصيا تعاملت مع الامر كنكتة..
والنكتة وانتي سيدة العارفين هي المفارقة الشديدة المفاجئة
|
Post: #86
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 07:53 PM
Parent: #84
يلا يا بركات خلينا نشوت في الجد والجد هلا هلا عليه..
وقضايا الواقع الاستحقاقات التي تجري في مناطق الداخل السوداني وعندما نبحث عنها ما بين سطور اسفير سودانيز لن تجد ما يشبع..
1- دارفور
2- الشرق
3- جنوب السودان..
1- دارفور في فترات سابقة كانت قضاياها والانتهاكات فيها وحركة حركاتها هي الاعلي صوتا بل اتخلق صوتا اسفيري قووي وثابت هم الدارفوريين ولهم حضور في افرع النقاش وبقوي وشراشة كانت تضارع شراشة الميدان..
الان نعم هنا وهننوووك بعد الاجتهادات ومحمد سليمان والصادق واخريين ولكن حضورهم عقب المناسبات والقضايا العارضة..
علي ارض الواقع هناك الكثير من الحراك علي مستوي انشطة الحركات واخبار النازحيين وقضاياهم وملف السلام ووحدة الحركات الدارفورية.. وكل هذه الاشياء تاتي الي المنبر لماما وتمر كسحابة صيفية...
ايضا صراعات الخطابات الفكرية المبنية عليها هذه الحركات غائب تماما من ارض المنبر وكل الدلو ياتي في شكل متابعات وليس هناك الكثير عن الاشياء الفكرية وفلسفة الحركات دي
|
Post: #87
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 08:15 PM
Parent: #86
وبقناعة تامة وملامسة لارض الواقع شرق السودان هو اكثر بقعة سودانية تعاني من التهميش والاهمال
واتفاقية شرق مع موتمر البجا عاملة شنو..؟؟ والحاصل في تلك البقعة السودانية شنو والاختلافات التي قيل بانها تفجرت بين ابناء الشرق تفاصيلها ابطالها... بل نذهب اكثر من ذلك ونتمني ان نري مواضيع تحدثنا عن التقارب مابين الموتمر الوطني وجبهة الشرق لدرجة جعلتها في موقف مناهض لموتمر ينادي بسيادة القضايا الاساسية في جوبا.. ورفاق نضال قديم..؟؟؟
في الماضي كان اسهام اقلام مثل امنة مختار وادروب يهابش هذه القضية ويجلعها بنشاط قضايا نقاش عالي وعميق والان اري وبكل اسف شرقنا الحبيب لا بواكي له..
فياتري ماهي الاسباب..؟؟
|
Post: #88
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-15-2009, 08:26 PM
Parent: #87
الجنوب كل الاشياء المتناولة عنه تنحصر في مجابدات نيفاشا والصراع مع الموتمر الوطني..
ولكن يظل الحديث عن ما يجري فيه طيلة فترات تولي الحركة الشعبية مقالد الحكم فيه غائبا..
التنمية ..المشاريع.. احوال البلاد والعباد..
ايضا الصراع الجنوبي -جنوبي غائبا بتفاصيله مسبباته ونجومه..
الوحدة والانفصال نعم هي جزئيات تجد نقاش هنا وهنووك ولكن فرضه هذه الجدلية بكثافة وتقليبها كحلقات نقاشية من قبل كل الوان الطيف المنبري لاتزال غائبة ولم يتشكل حماس نقاشي في ارض سودانيز حول هذه الجزئية حتي الان
|
Post: #90
Title: Re: الاستديو التحليلي... لسودانيز اونلاين..!!!م
Author: khaleel
Date: 10-16-2009, 07:43 AM
Parent: #89
كما لاحظنا
توجد بوستات مثبتة واعتقد اسباب ذلك
هو ان المنبر قد امتلا بالضحكنجية
|
Post: #91
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-16-2009, 10:26 AM
Parent: #89
مرحب يا العوض ..
وخلينا ننزل المداخلة التي وردت في بوستك هنا ايضا
شكرا علي الدعوة والنقاش في امر موتمر جوبا وسيرة بني كوز الذين تمددوا في كل الساحة السودانية بمختلف الوان طيفها..
موتمر جوبا خللينا نتاولو في جزئين..
1- ما تمخض عنه او الاجندة التي نادي بها
2- سيرة ومدي مصداقية القوي السياسية المشتركة فيه
في النقطة الاولي يا العوض جميلا جدا في ظني ان يتناول الموتمر القضايا الاساسية كالحريات والانتخابات والضغط علي الموتمر الوطني لتنفيذ استحقاقات تفكيك السطوة الاحادية في كل الاشياء واعتقد وحتي والموتمر منعقد فانه صداه احدث نتائج ايجابية كون البشير يقرر وعلي مضض رفع الرقابة علي الصحف ورغم علمنا بانها خطوة تشوبها الكثير من الكرتونية ولها ما تحتها وليس اصيلة في سلوك الموتمر الوطني ولكنها خطوة للامام قسرا حققت اختراق..
القوي السياسية المشاركة بما فيها الحركة الشعبية والحزب الشيوعي والامة.. في مرحلة ما بعد نيفاشا صار خطابها تعايشي مع الموتمر الوطني اكثر من اي شي يذكر وهذا الموتمر بكل اجندته في القضايا السياسية تاخر كثيرا فان الواجب تجاه قضايا الديمقراطية يتوجب ان تطرح هذه القضايا وبكثافة منذ كل الاتفاقيات التي وقعهتها كل هذه القوووي كالتراضي الوطني واتفاقية التجمع ونيفاشا...
الترابي طبعا هو اللحن المخيف والورقة التي لاتضمن اتجاه رياحها ووجوده في هذه التظاهرة امرا يجعل النظر اليه بعين الشك وعدم الارتياح اكثر من اي شي اخر كونه ثعلبان والقضايا التي اثيرت لست ذات توجه اصيل عنده بل هي تكتيات مرحلية...
الجانب السلبي الاخر هو احداث الموتمر الوطني صفا في القووي التي كانت تقف في المعسكر الديمقراطي
شبه التحالف الذي طل في اجندة المخالفين للموتمر كالاتحادي الرئيسي والبجا وبعض الاحزاب الجنوبية... لو الامور ذهبت في هذا الاتجاه فاعتقد بانه سيكون شكل التحالف القادم في الحركة السياسية
وسنواصل
|
Post: #92
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-16-2009, 11:33 AM
Parent: #91
Quote: كما لاحظنا
توجد بوستات مثبتة واعتقد اسباب ذلك
هو ان المنبر قد امتلا بالضحكنجية |
هلا يا خلي...
التثبيت الحصل ده فيهو نقة كثيرة خلاص..
ويمكننا في الاستديو قرايته كرسالة صامتة من ادارة المنبر ضد ما يدور في التناول الموضوعي للقضايا الاساسية وغياب قضايا كثيرة من ارض النقاش هنا في هذا المنبر... قضايا تستحق ان تقراء او تناقش او يطلع عليها..
ايضا قد تكون رغبة من بكري في تنشيط سودانيز كمصدر خبري وهي واحدة من الخصائص التي اصبحت من سمات الموقع فالمنبر العام نسبة زيارته عالية ومحضور لذا من الضروري رفده بمتابعات ومن مصادر ثانية..
غايتو لو القصة دي استمرت كده نتوقع ان نري الصفحة الاولي كلها مثبته وساعتها يفترض ان ينشب صراع وديربي ما بين كتابات الاعضاء وكتابات خارج المنبر المسربة عبر الادارة..
والبقاء دايما للاصلح والاقوي والاكثر موضوعية...
...........
حتنقاد حملة شرسة من وعي المنبر ضد هذه التغييرات وفي الغالب اتوقع انو بكري ما يشتغل بيها كثير
ويطقع ليهم...
وخلينا نشوف
|
Post: #93
Title: Re: الاستديو التحليلي... لسودانيز اونلاين..!!!م
Author: MOHAMMED ELSHEIKH
Date: 10-16-2009, 01:28 PM
Parent: #92
هل هناك فرصة لما يسمى بالبوستات الخادشة للحياءوبوستات مكاوي و أسامة؟؟
|
Post: #94
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-16-2009, 01:41 PM
Parent: #93
| Quote: هل هناك فرصة لما يسمى بالبوستات الخادشة للحياءوبوستات مكاوي و أسامة؟؟ |
هلا يا محمد وتحياتي
والحكاية دي يا محمد فيها جدل كبير خلاااص ونقة عجيبة.
الجدل ما بين الاخلاق والنص..ومعايير الاخلاق وكيرفها عند كل عابر لي هذا المكان...
والموضوع بتخش فيه مفاهيم دينية وتربوية وعييييك
علي مستوي النقة الكبار كبار وكلام المثقفين بنلقي القصة هنا مربوطة بكتابات محسن خالد وفي صراع ونقة دائما عن كتاباته وورود اشياء زي دي فيها(وده جدل مستمر وح يتسمر مع استمرار الدنيا دي)...
..
علي مستوي الكتابات الثانية التي ممكن ان نسميها ذات وعي شعبي ايضا بنلقي سجيمان ماشاء الله
ليهو باع في الحكايات دي وبشيل وبجي ولا هاميه وطوالي الابنص بتاعو عالي في الحكايات التحت تحت دي
والبعمق الازمة والاستقطاب انو في كتابات نسائية ظهرت في بوست للاخت منال فيه برضو باصات من النوع ده...
الملاحظ انو بكري ما قاعد يحذف كتابات زي دي الا اذا ما وردت في اساءة او شتيمة ولكنها ككتابات ستظل قاعدة منططة عيونها وممارسة للمسخ مسخ حقها ولكن سيتنامي الصوت المضاد لها وستقوم هجمات شرسة تتحالف فيها تيارات محافظة ودينين وايضا اصحاب الخلافات القديمة مع اصحاب الكتابات.....
هشام هباني كان في الماضي تيار ممكن ان يضاف الي تلك الباقة لكنه غير بحرفنه خطته واصبح يشحن كتاباته باشياء زي دي ولكن بالمخفي
وكل الود
|
Post: #95
Title: Re: الاستديو التحليلي... لسودانيز اونلاين..!!!م
Author: PLAYER
Date: 10-16-2009, 04:03 PM
Parent: #94
المحترم عبدو
شغلك نضيف...
|
Post: #96
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-16-2009, 05:45 PM
Parent: #95
هلا يا بلير وشرفت الاستديو
ومرحب بيك ششديد
|
Post: #97
Title: Re: الاستديو التحليلي... لسودانيز اونلاين..!!!م
Author: Hamid Elsawi
Date: 10-16-2009, 07:55 PM
Parent: #96
العزيز عبد الكريم و ضيوفه الكِرام
شكراً لهذا البوست الهام و الظريف و أعتقد ان
التحليل مهم و مفيد و يمكن أن يستفيد منه أعضاء
المنبر لتطوير قدراتهم و مفاهيمهم الكتابيه
دعني أقَسِم البوستات في المنبر الي ثلاثة أقسام
1/ بوستات طويلة
2/ بوستات قصيرة
3/ بوستات متوسطة
و هذا تقسيم متري هناك تقسيمات أخري يمكن تناولها
مستقبلاً
أولاً : البوستات الطويلة اغلبها بوستات ثقافية
مثل بوستات د. أحمد طراوة و د. أحمد القرشي حول
الفن و تأريخه بوستات اجتماعية زي الهندسة و المعمار
و الشعبية نجمة و ناس الزقازيق أجدع ناس
ثانياً: بوستات قصيرة و أغلبها مناسبات فرح , عزاء, تهاني
زواج أو نجاح و نجد بينها بوستات اخبار متفرقة ظريفة أو حزينة
(كوارث) و من ظمنها بوستات الكورة و خاصة اثناء المباريات
لاحظ عدد زوار المنتدي و المتداخلين قبل و أثناء و بعد المباراة
ثالثاً : بوستات متوسطة و تحتل السياسة المرتبة الاولي ضمن هذا
القسم من البوستات و تكثر فيها المشاكل و تفضح جهلنا بثقافة
الاختلاف و لي عودة اخري لهذا القسم ( الله يكتر الاجاويد)
|
Post: #98
Title: Re: الاستديو التحليلي... لسودانيز اونلاين..!!!م
Author: Hamid Elsawi
Date: 10-17-2009, 01:34 AM
Parent: #97
من المهم جداً ان يعرف كاتب البوست الهدف
من كتابة البوست و الشريحة التي يخاطبها
و ان تكون ادارته للحوار ادارة حكيمة و
الجهل بهذه التكتيكات يحول البوست الي
بوست لا هدف له. نقاش بدون هوية كل زول عاوز
يقول كلامه و بس, و يفتقد المتداخلون لمنهج
الاستماع لبعض (اي القراءة العميقة) للمداخلات و
تحليلها و الرد عليها بفهم عميق
و لي عودة
|
Post: #100
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-17-2009, 09:52 AM
Parent: #98
Quote: من المهم جداً ان يعرف كاتب البوست الهدف
من كتابة البوست و الشريحة التي يخاطبها
و ان تكون ادارته للحوار ادارة حكيمة و
الجهل بهذه التكتيكات يحول البوست الي
بوست لا هدف له. نقاش بدون هوية كل زول عاوز
يقول كلامه و بس, و يفتقد المتداخلون لمنهج
الاستماع لبعض (اي القراءة العميقة) للمداخلات و
تحليلها و الرد عليها بفهم عميق |
مرحب يا حامد..
البوست فعلا مفروض يكون روح وهرمنة ومقدرة علي امتلاك ناصية الادارة
في طرح الموضوع وادارة كفة الحديث فيه وامتصاص اي بذور سلبية متوقعة..
بالاضافة الي التمكن من لم الموضوع محور النقاش واعادته الي مساراته الاساسية في كل لحظة..
وايضا هو التزام امام القاري والمناقشين وامام الموضوع المطروح...
وكن بالجوار يا حامد سيحلو التحليل
|
Post: #99
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-17-2009, 08:49 AM
Parent: #97
Quote: 1/ بوستات طويلة
2/ بوستات قصيرة
3/ بوستات متوسطة |
هلا يا الصاوي
حبابك وحباب تحليلك الذي هو في محلو
وفعلا المواضيع والبوستات طويلة ومتوسطة وقصيرة في صحفاتها وفي عدد مشاهدنها وفي تناولها للمواضيع وحماس النقاش..
والمشاهدين للقصيرة يمكننا رصد مابين اقل من 500 حتي 1500
والمتوسطة ما بين 1500 الي الي 3000
ووالطويلة من 3000 الف وانت دافر حتي تصل المية الف ونيف
|
Post: #101
Title: Re: الاستديو التحليلي... لسودانيز اونلاين..!!!م
Author: د.نجاة محمود
Date: 10-17-2009, 10:08 AM
Parent: #99
| Quote: هشام هباني كان في الماضي تيار ممكن ان يضاف الي تلك الباقة لكنه غير بحرفنه خطته واصبح يشحن كتاباته باشياء زي دي ولكن بالمخفي |
موش كدا وبس بقى يةصف الاخرين بالسوقية
حيث وصف كتاباتي بالكتابات السوقية ايوا بالجد هشام هباني الناظر ظاتو
قال كتاباتي سوقية وشوفتا كيف؟
( سحب البوست لا يوجد دليل )
|
Post: #102
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-17-2009, 10:53 AM
Parent: #101
Quote: موش كدا وبس بقى يةصف الاخرين بالسوقية
حيث وصف كتاباتي بالكتابات السوقية ايوا بالجد هشام هباني الناظر ظاتو
قال كتاباتي سوقية وشوفتا كيف؟
( سحب البوست لا يوجد دليل ) |
هلا يا بيان
وغايتو مسلسل الحاجات البتخلي الواحد يتشنقل مع الضحك متواصل وماشة معاي القصة اخر بقلاوة..
والواحد كمراقب ما ينوم في البلد دي ولاشنو..(البوست ده متين والحاصل شنو كمان).. لانو كل الرصد السابق للاحداث ما بين لي اي بوادر اشتباك بينك وبين هشام هباني(انتو بقيتو تدشمنو بورانا ولاشنو)
هشام هباني في خطو الجديد اصبح اكثر معقولية من السابق واختفت الحدة والالفاظ الشينة ديك
مالو كمان عاوز يرجعنا لورا...
....................................................
تعرفي يابيان تراودني فكرة شليقة كده انو نحاول جميعا هنا ننظم حوارات ثنائية منضبطة ومنظمة
وشرط تكون محصورة للمتعاركين فقط في حالة التعارك مع الاتفاق علي شروط الحوار والتعارك...
وفي حالة الاشياء الفكرية برضو يقوم كل تيم باختيار من يمثل خطابه
في قضايا الصراع ما بين
العلمانية والدولة الدينية
الصراع ما بين تيارات اليسار الايدلوجي
الصراع مع الموتمر الانقاذ..
وايضا الاشياء الثقافية...
لو قدرنا وهذا امر طبعا حالم مني ساكت ..لو قدرنا ننفذ حوارات زي دي في المنبر حنذوب اشياء عديدة
ممكن نسميها امراض النقاش والانفلاتات الحوارية..
وده طبعا كمجرد حلم
|
Post: #103
Title: Re: الاستديو التحليلي... لسودانيز اونلاين..!!!م
Author: عبد القادر شادول
Date: 10-17-2009, 04:32 PM
Parent: #102
تحياتي | Quote: تعرفي يابيان تراودني فكرة شليقة كده انو نحاول جميعا هنا ننظم حوارات ثنائية منضبطة ومنظمة وشرط تكون محصورة للمتعاركين فقط في حالة التعارك مع الاتفاق علي شروط الحوار والتعارك... وفي حالة الاشياء الفكرية برضو يقوم كل تيم باختيار من يمثل خطابه |
فكرة رائعة مش شليقة بلور و افتح لها بوست و شوف عدد الموافقين
|
Post: #104
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-17-2009, 04:58 PM
Parent: #103
| Quote: فكرة رائعة مش شليقة بلور و افتح لها بوست و شوف عدد الموافقين |
الف مرحب يا شادول...
وهي فكرة بالتاكيد لو وجدت الاهتمام والتحضير الجيد والحماس واهم شي الانضباط ستكون اضافة جيدة لهذا المنبر..
وقلت شليقة طبعا لعلمي بمزاج المنبر وتداخل وتشابك الاجندة التي تحاول ان تفرض في كل نقاش مما يحرفه من هدفه ونتائجه الايجابية التي يرجوها الجميع...
افكر الان في كيفية طرح الموضوع
هل نبدا ببوست يتفق فيه الجميع الي التحضيرات والضوابط ونتحسس مدي حماس الاخريين لها
ولا نستمر في مناقشة شكل التحصيرات علي هامش هذا البوست ثم ننطلق ..
رايكم برضو ومهم بالتاكيد
|
Post: #105
Title: Re: الاستديو التحليلي... لسودانيز اونلاين..!!!م
Author: khaleel
Date: 10-17-2009, 05:15 PM
Parent: #104
نلاحظ ايضا غياب
نجوم المنبر ايمان احمد وبشاشا والبرنس
|
Post: #106
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-17-2009, 05:30 PM
Parent: #105
Quote:
نلاحظ ايضا غياب
نجوم المنبر ايمان احمد وبشاشا والبرنس |
هلا يا خلي
وفعلا الاخت ايمان احمد غياب تام
والبرنس حضر ولكنه اختفي مرة اخري ..
واما بشاشا فاجهزة الرصد رصدته في كراكير اسفيرية بجي بدشمن وبفرتق
ولكن فعلا حضوره اصبح نادر..
ابرز الغيابات ايضا
متولي مالك صاحب مدارات الاركلوجيا
وتيتاوي
نادية عثمان
الدكتور احمد طراوة
وناس كثار ماعارفهم بمشو وين..؟؟
|
Post: #107
Title: Re: الاستديو التحليلي... لسودانيز اونلاين..!!!م
Author: Magdi Ahmed Elsheikh
Date: 10-18-2009, 06:28 PM
Parent: #101
|
Post: #108
Title: Re: الاستديو التحليلي... لسودانيز اونلاين..!!!م
Author: د.نجاة محمود
Date: 10-19-2009, 02:51 AM
Parent: #107
Quote: لو قدرنا وهذا امر طبعا حالم مني ساكت ..لو قدرنا ننفذ حوارات زي دي في المنبر حنذوب اشياء عديدة
ممكن نسميها امراض النقاش والانفلاتات الحوارية.. |
سلامات يا كيكي
والله ياخي هذا ما نوده انه يكون ف حوار اراء وما اشخاص
|
Post: #109
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-19-2009, 05:50 AM
Parent: #108
هلا يا دكتور مجدي وحبابك في الاستديو وشرفت...
وحباب بيان
| Quote: والله ياخي هذا ما نوده انه يكون ف حوار اراء وما اشخاص |
ويا دكتورة لو قدرنا نصل للمستوي الحواري ده فهذا المنبر مفيد جدا بما فيه من عقول سودانية
فاااهمة يعلم الله الا انها مسحورة
|
Post: #110
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-20-2009, 09:46 AM
Parent: #109
بوادر اثار ضخ كتابات مثبتة في اعلي المنبر تشارك الحراك المنبري بصمت وسكون
بدات تلوح في شكل نقاشات افترعت من المهتمين بشتي النواحي...
ابو ساندرا يفترع خيطا يبحث فيه عن القضايا الاساسية والملحة
وقرات للاخ برير بوستا يناجي الايام الخوالي للمنبر وسطوة الكتابة ذات الطعم والنكهة
حيدر قاسم في بدايات هذه الدورة عمل بوست استباقي نادي بدورة بلا تعارك ولكن صيحته ذهبت ادراج الرياح الاسفيرية
السني يقول هنالك حاجة غلط وعندما يقول السني ذلك فعلينا ان نتحسس كيبورداتنا
امين محمد سليمان.. وبلير وكابيلا وبوستات تناقش واقع هذا المكان...
ومزيدا يا بكري من ضخ كتابات من خارج دائرة هذا المكان
حتي تستنهض الهمم... واستفزنا يا ابو صلعة عليك دينك ياخي
|
Post: #111
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-21-2009, 10:10 AM
Parent: #110
هل سودانية اونلاين ارض قطعان بشرية واراء تتشكل بفهم ووعي قطيعي..؟؟؟
عودة الي النقاش والتفكيك..
soon
ثم ملامح مراصد الراي والروية في امر حمور ورصد هذا الديربي النوعي..؟؟
sooon
برضو
|
Post: #112
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-21-2009, 10:21 AM
Parent: #111
Quote: هل سودانية اونلاين ارض قطعان بشرية واراء تتشكل بفهم ووعي قطيعي..؟؟؟
|
هنالك مقولة وصفة تروج لها تروح كثيرا في فضاء سودانيز اونلاين عندما تحتدم استحقاقات النقاش والاستقطاب في القضايا المطروحة بقوة في هذا المكان كقضية حمور التي امامنا وقضايا سابقة ...
تتهم الراي المخالف الذي يكون قويا وذو قوة دفع ماكنة وثابتة وحجج مرتبة وينادي به غالبية العضوية بانه راي قطيعي..!!
وقبل ان نحلق بعيد ولكي نكون اكثر ايجابية دوعونا نفرغ مفردة القطيع من مدلولها الحيواني ونفترض بان اصحاب هذا الاراء يقصدون بانه سلوك عقل جمعي لا يفحص المواضيع عميقاو يدلو في الراي بطريقة اتوماتيكية..دون مشقة البحث في ثنايا المشكلة او المشكل كما يقول اخوانا المثقفاتية...؟؟
اذن السوال الذي نحتاج الاجابة له لماذا ترتفع صحية هجم القطيع... هجم القطيع كلما اجتمع اراء موحدة حول جزيئة...!!
لما المتفقين هم القطيع والمختلفون ليس هم قطيع...!!! (كونهم ايضا متفقين علي الاختلاف..؟؟؟) عجبي وسنعود
|
Post: #113
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-31-2009, 07:09 AM
Parent: #112
عودة منصة اطلاق الصواريخ تراجي مصطفي القوية لابد للعودة للاستديو علي عجالة وتامل دلالات العودة وتداعياتها الانية والمتوقعة..
تراجي اتت في عودة مفاجئة ورمت بعودتها حجار وليس بحجر في بركة المنبر الذي سكن.. فلم المراقبين لم يكونو متوقعين عودتها في هذه الايام.. فقد استعد المنبر قبل فترة لتلك العودة ولكن لم تحصل عودة
الا في ليلة امس الاول وصباحاته في شرقنا الاوسط..
ملامح جية تراجي..
1- اطلاق صاروخي لبوستات زي المطر (تيف _تيف) ومواضيع اي واحد منها له جوانب وتممدات
-الهامش- الكيزان-اوكمابو- لندن- المعتقلين- اجتماعيات وحتي الشمارات وجدت لها تراجي مساحة وزمن وبوست
2- مع عودتها ظهر سريعا التيار الدارفوري وبدات تلوح انشطته وظهر ايضا الشهير بشاشا ومعركة نوعية يبدو انها ستطول مع البروف خالد كودي
3- تراجي ايضا اطلقت ولاتزال تطلق بعض صورايخ الكاتوشا تجاه (بقال) ضرب عنيف ومتبادل ومعركة تحتاج الي متابعة انو شكلها العجاج ماشي السماء
4- لسع هناك استحقاقات معارك وصراعات في حوارات قديمة لم تحسم كقضايا الجلابة و الصراع الدارفوري دارفوري والدوشمانات مع ما يسمي بامنجية المنبر
عموما العجاجة ماشة تولول والكورة ماشة السماء بمزاج
ومعارك في الطريق الي هذا الفضاء الاسفيري
وسنراقب
|
Post: #114
Title: Re: الاستديو التحليلي... لسودانيز اونلاين..!!!م
Author: علاء الدين يوسف علي محمد
Date: 10-31-2009, 07:15 AM
Parent: #113
سلام كيكي
عرِّج معاك على هذه المأساة
الجميل علاء الدين نصار
|
Post: #115
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 10-31-2009, 07:29 AM
Parent: #114
| Quote: عرِّج معاك على هذه المأساة |
هلا يا علاء ومتابع والله ما يدور في هذا الامر العجيب وغريب..
وسبق هنا ان اشرنا للمطاردات الحاصلة في امر ميادة ...
ولكن هذا المنحني الذي دور ومنذ ليلة امس ده كلام شين
وسيف مساعد مطالب بان ياتي لكي يقول (بغم) في الحكاية طالما الامور وصلت لتلك الدرجة..
كامل تضامني مع ميادة ورغم اختلافي معها في اشياء واراء عديدة
ولكن لها حقها في ان ترفض الابتزاز والملاحقة المبنية علي ايحاء رخيص وعلينا جميعا ان نرفض مثل هذا الحديث الغير سوي بالتاكيد
|
Post: #116
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 12-02-2009, 10:16 AM
Parent: #115
هلا وعيد سعيد للجميع..
مواضيع عديدة مرت تحت جسر الاسفير في سودانيز والمنبر في الفترة السابقة كانت دسم وقبضاته من الحراك ثمينة...ولكن لابد من العودة للاتي
1- تداعيات قضية حمور
2- ديربي الشوعيين مع عادل عبدالعاطي وابوالريش بيان
3- الانتخابات
4- كورة مصر والجزائر..
وسنعود
|
Post: #117
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 12-02-2009, 10:37 AM
Parent: #116
| Quote: 1- تداعيات قضية حمور |
حمور زيادة.. قلم ولج ساحات سودانيزاونلاين حديثاوفي فترة وجيزة وبكتاباته وروحه فرض نفسه من الاقلام المرموقة لدرجة جعلت استفتاء نوعي اقيم علي ارض هذا المنبر من اختياره (نجم لسودانيز اونلاين)..
وكتاباته يمكننا وصف اولوياتها في التي
1-الادب
2- التاريخ
3- الاخوانيات
4- الجانب السياسي والقضايا الاساسية (الحريات- المراءة)..
وذهب الاشادات بهذه الكتابات وضرب عباب الاسافير ووجدت اشادات من جهات خارج مدار هذا المنبر..
ودخل ايضا ابواب الصحافة في ملاحقها الثقافية...
قصته التي اثارت جدلا واستقطاب اتت هذه الهيلمانة حولها في مرحلها متقدمة بعد ان فرض حمور ذاته بمجمل الكتابات الموصوفة اعلاه..
ونعود
|
Post: #118
Title: Re: الاستديو التحليلي... لسودانيز اونلاين..!!!م
Author: عبدالكريم الامين احمد
Date: 12-02-2009, 11:01 AM
Parent: #117
قضيته مع مجلس المطبوعات والراوية الي ولعت استقطابات شديدة وضعت الاشياء بوضوح في التكويم التالي..
1-المتضامنين
وديل فيهم الاتي
ا- مومنين تماما بقصة حمور وحقها في التواجد وضرورة ارسال رسالتها التي ارادها حمور..
ب- رافضين لتواجد سقف اوجهة يحق لها مصادرة اي كتابات اي كان نوعها
ج- مختلفين مع حمور في لغة وروايته ولكنهم ضد منعها او ضد السقف المعياري المشيد من تلك اللجنة
وسط التيارات الثلاثة اعلاه وجد حمور نفسه محاطا بكميات مقدرة من الذين تضامنو مع قضيته وتحاور فيها علي ارض هذا المنبر بحماس وعمق وبسطحية ايضا ولكن بحكم حراك هذه الاشياء علي سطح المنبر ظهر بان الاغلبية متضامنة مع حمور زيادة...
2-الغير متضامنين
ا- رافضين جملة وتفصيلة لهذه الرواية ومويدين لقرار اللجنة ..
ب-رافضين لتواجد لجنة مثل هذه ولكنهم رافضين ايضا لادب حمور وكتاباته وديل مثلهم في خطاب مثبت علي ارض بوست في هذا المنبر (مامون التلب)..
ج-اصحاب البقج والذين تحركهم في القضايا نزعات النفس البشرية الامارة بخالف تذكر
|
|
|