Post: #1
Title: عوضية شرقرق.....!!!!
Author: عبدالكريم الامين احمد
Date: 10-18-2009, 10:36 AM
Parent: #0
يا سلام ياخي ..!!
علي عوضية شرقرق..!!
والية تدوير الخبورات وشمشمتها ولواكتها لواكة لبانة بطريقة تتفوق فيهاعلي الشهيرة ( ثريا لبانة) وثريا لبانة للذين لم تتاح لهم فرصة التامل والتفرج في طريقتها المميزة في لواكة اللبانة فقد فاتهم الكثير من فنون مضغ وفجغ اللبان عبر اضراس تم العناية بها خصيصا لهذه المهمة وحركة قطعة الحلوة المرنة تتموج وتتهادي بين اسنانها السنينة بغنج ودلع ومهارة عالية..
وحتي لا تاخذنا مدارات (ثريا لبانة) عن موضوعنا الاساسي كما صرح عمر اومو ذات ركن ام نخيلي.. سنعود الي مدارات عوضية شرقرق
وعوالمها الضاجة بالجمجرة والشمار العلي اصولو في فريق وراء والفرقان المجاورة...!!
|
Post: #2
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 10:38 AM
Parent: #1
للشمار في فريق وراء طعم خاص ونكهة مميزة وفنادك صنعت خصيصا من اجل سحنه ودقه دق العيش حتي يتحول الي بودرة شمارية
قادرة علي التطاير في فضاءات الفريق وقادرة ايضا علي جعل رياح الهببابي التي تغشي البوادي والفرقان مرتين صباحا ومساء من حملها وتوزيعها صرة في خيط بين البيوتات ومجالس الجبنة وجلسات جلاكين المعاشات في كراسيهم الوثيرة... وايضا بعض ذرات تلك الاشمرة والشمارات تذهب ليلا الي جلسات الكوشتينة والضمنة في كراكير ذلك النادي الوحيد...!!
|
Post: #3
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 10:41 AM
Parent: #2
شرقرق لها خصائص وميزات واشهر تلك الخصائص هو (الانتينا) وقرني الاستشعار الشماري الضخم الذي هي به قادرة علي لقط كل الخبورات عبر شبكتها التي كل ما عليها هو توصيل راس الخيط الشماري لتدخله جمجورة في (سنتر بروسسها) وتجعله يتجول عبر الفنادك الشمارية ليدق دقاااااااق ثم تغربله وقبل ان تنزل حبيبات الشمار من الغربال الشماري يجد الشمار نفسه في مرحلة اضافة حبيبات الثوووم والكشنة وبعض البهارات الغريبة والعجيبة ثم اخيرا الخلطة السحرية التي تشابه الختم الرسمي لراعي الشمار مما جعل كل قاطني فريق ورا قادرين بحسهم الامني من فرز الشمارات التي تاتي من شرقرق لقوتها ونفاذ رائحتها ...
|
Post: #4
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 10:42 AM
Parent: #3
علاقة نمط الانتاج الشماري عند شرقرق وصديقاتها مبنية علي ثنائية(حبيبي دق لي الشمار وانا اوزع ليك).. او (الجبنة مقابل توزيع الشمار) فجبنة شرقرق عرفت تاريخيا بانها جبنة ذات هبهان مميز ولها رائحة بنكهة اسطورية لما فيها من قرنجال وقرفة وجنزبيل
بجانب طقوسها الشرقرقية في جبنتها المصنوعة من طين مميز مورست علي ذراته حريق كميني بسعرات حرارية منظمة ومرتبة بادب ومعرفة ومهنية فخارية عالية في كراكير بعيدة... ولكن شرقرق بمقدراتها الشمشمية استطاعت ان تقتني ذلك الشرقرق والجبنة المميزات في دلالة من دلالات الحفتيات الللائي رجعن الي تخوم ونواحي اديس بعد سقوط الطاغية منقستو هيلا مريم...!!
|
Post: #6
Title: Re: عوضية شرقرق.....!!!!
Author: شول اشوانق دينق
Date: 10-18-2009, 10:53 AM
Parent: #4
تانى بديت يا كيكى؟
لينا الله بس واليوم حيروح فى القراية بس
|
Post: #7
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 11:01 AM
Parent: #6
Quote: تانى بديت يا كيكى؟
لينا الله بس واليوم حيروح فى القراية بس |
هلا يا شول وحبابك
والليلة منزلين في الملاعب الشهيرة عوضية شرقرق
فامسكو الخشب ساااكت فردة..
وبعدين شرقرق دي لو كتبنا عنها رجوع لي مافي يا مان
سيرتها جات هنا ده وقارن برااك..
Quote: هبوب شنو انت كمان يا ابوخليل
اقول ليك هوكاات وكبع تقيل تقول لي عيش ولاعرقي عيش ماعارف..!!
كدي خلينا في المهم وخلينا نقيم الموقف
الا ان الهواجس لازالت تتمحور في الاتي
1- التفتيش المنزلي للحاجة (جاي من وين..وشلوفتك دي مالها مورمة كده..وقميصك ده مالو زاريرو مقطع)
وسوال منكير ونكير وما تعرف تتخارج كيف من المحاصرة الرهيبة دي..
2-حضور عمر طحنية صاحب الخشم الخفيف وعواقب (يوم بكرة) واول مرة تتمني انو يوم بكرة ده ما يجي كلو كلو
3- الكسر الذي في انتظار الوريفة وخوفي علي حاجة نفيسة من الموت والعقاب الضميري
4-هاجس (عوضية شرقرق) ومعرفتي العميقة بامكانياتها الشمارية ومقدرتها علي توضيب الاحداث وزيادتها
موية لدرجة تجعل (اجعص) جعيص يصدقها.... |
يوم اتكاسرت مع اخو الجكس ..كسر شديد.!!!
|
Post: #8
Title: Re: عوضية شرقرق.....!!!!
Author: حامد محمد حامد
Date: 10-18-2009, 11:13 AM
Parent: #6
مرحبا بكيكى فى انطلاقته الشتوية
كامل التضامن مع عوضية So far
|
Post: #9
Title: Re: عوضية شرقرق.....!!!!
Author: sumah
Date: 10-18-2009, 11:20 AM
Parent: #8
***
**
*
اين يا كيكى اروع ماكتبت
عمايل عدس حراسة عدس
*
**
***
|
Post: #11
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 11:38 AM
Quote: اين يا كيكى اروع ماكتبت
عمايل عدس حراسة عدس |
حبااابك شديد يا سمعة يا اصيل..
وعمايل عدس حراسة عدس من قبيل شغال قوقلة بكم يد كده
عشان اجيبو واجيب معاه الشهيرة حواء اوكمابو
ولكن يبدو ان الدوائر القوقلية ما دايرة تظبط .. ولكن ضروري القاهم الاثنين ديل يجو يحيو الشهيرة شرقرق في ظهورها الاسفيري
ودمت
|
Post: #10
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 11:34 AM
Parent: #8
Quote: مرحبا بكيكى فى انطلاقته الشتوية
كامل التضامن مع عوضية So far |
هلا يا حامد وحبابك يا صديق المدارات
وعدنا برفقة شرقرق كما تعود طيور السمبر الي وكناتها..
وانا زااتي كامل تضامني مع الشهيرة شرقرق
|
Post: #12
Title: Re: عوضية شرقرق.....!!!!
Author: Masoud
Date: 10-18-2009, 12:28 PM
Parent: #10
ابننا المحترم جداً السيد كيكي الأمريكي.
خلي الشمارات و تعال بلدك الحلوة:أمريكا!
|
Post: #13
Title: Re: عوضية شرقرق.....!!!!
Author: khaleel
Date: 10-18-2009, 12:41 PM
Parent: #12
في انتظارمغامرات وحكاوي عوضية
مع ناس تامجرتا وماكردة
|
Post: #17
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 06:18 PM
Parent: #13
Quote: في انتظارمغامرات وحكاوي عوضية
مع ناس تامجرتا وماكردة |
هلا ياخلي...
وياسلام علي عبدو تامجرتا صاحب لاغنية الشهيرة (درب العشق في جلقني)
حكاياته ياخي...
ماكردة ده بنجيهو ليك تببببب ياخلو
|
Post: #14
Title: Re: عوضية شرقرق.....!!!!
Author: جعفر محي الدين
Date: 10-18-2009, 12:46 PM
Parent: #12
أنا أقولك قولة يا كيكي الشمار دا مكجنو لله في الله لأنو لو سمعت كلام الحاجة وقبلت كيسها حق الشمار الاشترتو من سوق كرور بأمبدة وختيته في جيب الشنطة البراني أو حتى في الكرتونة البراها ديك يومك التصل جدة وتطلع هدومك المكوية بالفحم السناري الأصيل وتجي ترصها في دولابك ريحة الشمار ما بتديك الدرب .
عشان كده ارجوك وأسترجوك أن تكتر لي من الجبنة وتركز لي على بخور اللبان العدني المرافق ليها، وعارفك ما بتقصر .
|
Post: #18
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 06:21 PM
Parent: #14
| Quote: عشان كده ارجوك وأسترجوك أن تكتر لي من الجبنة وتركز لي على بخور اللبان العدني المرافق ليها، وعارفك ما بتقصر . |
هلا يا جعفر
وليك علي اخلي شرقرق تدق ليك شمار في فنادكها المميزة ديك وتشوت عليهو توم وكبسرة تقيلة
ونخليها ترشو في البوست ده وبمزاج
|
Post: #15
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 05:58 PM
Parent: #12
Quote: ابننا المحترم جداً السيد كيكي الأمريكي.
خلي الشمارات و تعال بلدك الحلوة:أمريكا! |
هلا يا مسعود
وتحياتي..
وامريكا ياخي بندورها بالحيل ولكن قليلا من المكابسة في ريالات البلد دي
ستجعل من امريكا بعدين متعة ودهشة وتجوال..
وكل التقدير والشكر
|
Post: #16
Title: Re: عوضية شرقرق.....!!!!
Author: داليا الكباشى
Date: 10-18-2009, 06:12 PM
Parent: #15
الواحد يكون حايم في امانه الله ,, تجيهو ليك ريحه جبنه (كاربه) ,
ومعاها عدد (وافر) من (الهمهمات) الشماريه !
تخش البوست تلقى (ارتيست البورد) (كيكي) مكتي بي مزاااج ..
تحياتي كيكي صحبي ... (لو سمحت لي) ..
مساك ورد ..
|
Post: #19
Title: Re: عوضية شرقرق.....!!!!
Author: عبدالكريم الامين احمد
Date: 10-18-2009, 06:26 PM
Parent: #16
Quote: الواحد يكون حايم في امانه الله ,, تجيهو ليك ريحه جبنه (كاربه) ,
ومعاها عدد (وافر) من (الهمهمات) الشماريه !
تخش البوست تلقى (ارتيست البورد) (كيكي) مكتي بي مزاااج ..
تحياتي كيكي صحبي ... (لو سمحت لي) ..
مساك ورد .. |
هلا يا داليا ونورتي مدارات عوضية شرقرق يا دكتورة..
ومرحب بيك صديقة ونتشرف دوما يا داليا...
وعوضية شرقرق لو ما كانت مشغولة بشمشمة الشمارات والخبورات كان خليناها زغردت
لكن هي المسخوتة الشمار كاتلاها وما بخليها تنتبه زاااتو
لمثل حضورك البهي
وكل الود وحبابك
|
Post: #20
Title: Re: عوضية شرقرق.....!!!!
Author: Salwa Seyam
Date: 10-18-2009, 06:54 PM
Parent: #19
كاتب السيناريو العظيم كيكى سلامات
انا معجبة بى شرقرق من أيام إعلان محكمة البشير ..
يلا واصل خلينا نشوف عندها شنو المرة دى
لك المودة
|
Post: #21
Title: Re: عوضية شرقرق.....!!!!
Author: عبد المنعم ابراهيم الحاج
Date: 10-18-2009, 07:18 PM
Parent: #20
دا الكلام ياكيكي..
من ما تبدا تخش فريق ورا دا
طوالي بحس بأنو في حفر كتيرة
عايزة ردم..
ياخي بالمناسبة انت بيجو
عرس ولا شنو ؟
|
Post: #23
Title: Re: عوضية شرقرق.....!!!!
Author: عبدالكريم الامين احمد
Date: 10-19-2009, 05:54 AM
Parent: #21
Quote: ن ما تبدا تخش فريق ورا دا
طوالي بحس بأنو في حفر كتيرة
عايزة ردم.. |
هلا يا منعم
بيني وبينك فريق وراء حكايتو عجيبة خلاص..
وكل ما نقول مرقنا منه نلقي روحنا منجذبين لدهشتة وناسو المجانين في كل شي...
بيجو ما عرس
لكن الود بقي نظام صحفي متعدد المواهب
مرة جرائد ومرات قنوات فضائية وغايتو...
وبعدين ياخي نوم وغياب مجرم زي ده عبادة
|
Post: #22
Title: Re: عوضية شرقرق.....!!!!
Author: عبدالكريم الامين احمد
Date: 10-19-2009, 05:48 AM
Parent: #20
Quote: كاتب السيناريو العظيم كيكى سلامات
انا معجبة بى شرقرق من أيام إعلان محكمة البشير ..
يلا واصل خلينا نشوف عندها شنو المرة دى
لك المودة |
هلا يا سلوي وتحياتي الحارة..
وشرقرق مداراتها وحكاويها قطعت قلبنا بالمساككة
وكل مرة مطلعانا في حكي طيورو عجيبة..
وكل الود والتقدير يا سلوي
|
Post: #24
Title: Re: عوضية شرقرق.....!!!!
Author: Awadallah Bashir
Date: 10-19-2009, 06:08 AM
Parent: #22
كيكي يا جميل سلام.
كدي عليك الله اسأل لينا شروووقي دي .
صحي في مجاعة جاية؟؟
ولا دي تحليلات اقتصادية المقصود منها دعاية انتخابية ساي؟.
مودتي...
|
Post: #25
Title: Re: عوضية شرقرق.....!!!!
Author: عبدالكريم الامين احمد
Date: 10-19-2009, 01:23 PM
Parent: #24
Quote:
كدي عليك الله اسأل لينا شروووقي دي .
صحي في مجاعة جاية؟؟
ولا دي تحليلات اقتصادية المقصود منها دعاية انتخابية ساي؟. |
هلا يا فن وحبابك شديد يا عوض الله..
وشرقرق حزرت وفزرت وبتقول ليك المجاعة جااات زمان
مجاعة وقمل وجراد ونقصا في البني ادمين....ولكن الشمار بقول الحكومة مطلعة الكلام ده عشان الانتخابات
واوكامبو...
نظام خلونا ياخي عندنا جوع وانتخابات
|
Post: #26
Title: Re: عوضية شرقرق.....!!!!
Author: عبدالكريم الامين احمد
Date: 10-21-2009, 10:11 AM
Parent: #25
عودة وعود الي مدارات شرقرق
|
Post: #27
Title: Re: عوضية شرقرق.....!!!!
Author: عبدالكريم الامين احمد
Date: 10-31-2009, 06:59 PM
Parent: #26
لم تكن صدفة ان تختار عوضية شرقرق الشهير عوض ابكر عوض الذي صار لاحقا شهير (بعوض شرقرق)
واستطاعت عوضية سريعا ان تدخله في منظومتها وتجعل من ناقل شمار لايشق له غبار واصبحت كل الحركات
والبركات الرجالية في الاسواق والمحافل الرجالية تاتي الي عوضية في مكانها صرة في خيط لتولفها وتزاوجها مع الشمارات النسائية التي كانت تلتقطها عبر الانتينا المنصوب اربعة وعشرين ساعة
وله مقدرة علي جلب كل الخبورات والشمشمة النسائية من سقط لقط
ونعود
|
Post: #28
Title: Re: عوضية شرقرق.....!!!!
Author: مريم عبد الله
Date: 10-31-2009, 07:51 PM
Parent: #27
مساء الخير عليك يا مبدع
والتحيه لي شرقرق ست الاسم والخبيرة الشماريه ولي بعوض شرقرق
واصل واديك العافيه
|
Post: #29
Title: Re: عوضية شرقرق.....!!!!
Author: عبدالكريم الامين احمد
Date: 11-01-2009, 06:15 AM
Parent: #28
Quote: والتحيه لي شرقرق ست الاسم والخبيرة الشماريه ولي بعوض شرقرق
|
هلا يامريم وحبابك كثيرا
وشرفتي مدارات عوض وعوضية شرقرق
وكل الود والتقدير
|
Post: #30
Title: Re: عوضية شرقرق.....!!!!
Author: Amany Elamin
Date: 11-01-2009, 06:38 AM
Parent: #29
كيكي صباح الخير:
شرقرق دي أنا مبسوطه منها من أيام شرقرقي وللا صابونابي ..
أها عليك الله يا كيكي أسألها لينا لو في فرقه في الأجنده الشماريه حقت الليله,
تفتي لينا في موضوع ال Cancer الأهلك البلاد والعباد والحكومه عامله نايمه ده,
قول ليها يا شرقرق نعمل شنو الحكومه قالت ملاريا بس, تاني مشاكل مافي ..!!!!
وسلم لي علي شركاء الجلسه الشماريه والجبنه اللي ريحتها ماليه البوست :) ..
|
Post: #31
Title: Re: عوضية شرقرق.....!!!!
Author: عبدالكريم الامين احمد
Date: 11-01-2009, 07:33 AM
Parent: #30
Quote: أها عليك الله يا كيكي أسألها لينا لو في فرقه في الأجنده الشماريه حقت الليله,
تفتي لينا في موضوع ال Cancer الأهلك البلاد والعباد والحكومه عامله نايمه ده,
قول ليها يا شرقرق نعمل شنو الحكومه قالت ملاريا بس, تاني مشاكل مافي ..!!!! |
هلا يا بت الامين وتحياتي الحارة..
وشرقرق بتغريك السلام..وقالت ليك وين اراضيك يازولة..؟
وبتقول ليك في امر الكانسر والملاريا..
بانو باعووض السودان زاااتو بطل حكاية نقل الملاريا دي وانثي الانوفلس حردت الشغل ده وقالت مادايرة تتشغل ناقلة ملاريا
لانو الحكومة رامية كل الامراض الاخري عليها وتتهمها بالتنوع في احداث عاهات وامراض للشعب الفضل..
وحتي حمي الوادي المتصدع تخيلي قالو من الباعووض
وعمي الانهار ومرض النوم.. الجدري .... فعشسان كده وحسب التقاط شرقرق لذبابات (حديث الباعووضة)
فان الباعوض لن يعود للعمل وعلي الحكومة ان تجد لها اسباب اخري غيره..
.....
طبعا في هذا الاضراب فان باعوض سنار طلع باعوض موتمر وطني ومتواطي مع الحكومة ورفض الاضراب
بل عدل في جيناته وبقي اكبر واضخم باعوض في الشرق الاوسط وجاب مصاصة دماء رهيبة وشغال في المساكين عض ومص تقيل
وكوني بخير وعافية
|
Post: #32
Title: Re: عوضية شرقرق.....!!!!
Author: على محمد على بشير
Date: 11-01-2009, 07:38 AM
Parent: #30
Quote: لم تكن صدفة ان تختار عوضية شرقرق الشهير عوض ابكر عوض الذي صار لاحقا شهير (بعوض شرقرق)
واستطاعت عوضية سريعا ان تدخله في منظومتها وتجعل من ناقل شمار لايشق له غبار واصبحت كل الحركات
والبركات الرجالية في الاسواق والمحافل الرجالية تاتي الي عوضية في مكانها صرة في خيط لتولفها وتزاوجها مع الشمارات النسائية التي كانت تلتقطها عبر الانتينا المنصوب اربعة وعشرين ساعة
وله مقدرة علي جلب كل الخبورات والشمشمة النسائية من سقط لقط
|
منتظرين باقى الحكى !!
|
Post: #33
Title: Re: عوضية شرقرق.....!!!!
Author: عبدالكريم الامين احمد
Date: 11-01-2009, 09:04 AM
Parent: #32
| Quote: منتظرين باقى الحكى !! |
هلا ابوعلي
وحبابك
وجاييك بشيش بشيش في الحكي عن عوضية وعوض the شرقرق
وكل الود
|
Post: #34
Title: Re: عوضية شرقرق.....!!!!
Author: ELFATIH ABDELLA
Date: 11-01-2009, 03:48 PM
Parent: #33
يا كيكي ..
انت لسه هنا...
Quote: هاجس (عوضية شرقرق) ومعرفتي العميقة بامكانياتها الشمارية ومقدرتها علي توضيب الاحداث وزيادتها
موية لدرجة تجعل (اجعص) جعيص يصدقها.... |
تتحرك متين؟؟
قلت رئيس شنو؟
في انتظارك..
مع تحيات اسكلاتشى ..
ونتواصل
|
Post: #35
Title: Re: عوضية شرقرق.....!!!!
Author: عبدالكريم الامين احمد
Date: 11-02-2009, 06:37 AM
Parent: #34
Quote: تتحرك متين؟؟
قلت رئيس شنو؟
في انتظارك..
مع تحيات اسكلاتشى |
هلا يا وديدي يا دفعة
وتحياتي لرفيق الدروب المساحية وكراكير ام نخيل (اسكو) الشهير بسيف الدولة اسماعيل..
وشرقرق دي لسع يا وديدي عوالمها ضاجة بالدهشة والشمارات وبس القي لي مساحة وزمن واجي اكبها ليكم هنا ده
وافرتق..
شايف في شمار شرقرق سمعت بقولو ليك الاخ الصحفي وديدي
(انت قريت صحافة بورانا ولاايييييييه)
القوم تشابه عليهم الوديدات والوديدين
|
Post: #36
Title: Re: عوضية شرقرق.....!!!!
Author: ELFATIH ABDELLA
Date: 11-02-2009, 07:26 AM
Parent: #35
زهرة جروف وادينا .. المولع .. كيكي..
صباحاتك ..
Quote: وشرقرق دي لسع يا وديدي عوالمها ضاجة بالدهشة والشمارات وبس القي لي مساحة وزمن واجي اكبها ليكم هنا ده
وافرتق..
|
في انتظارك . ولنعيش الدهشة مرات ومرات .. الى ان نندهش لمجرد عدم الاندهاش ..
ومواصلين سماعك .. وحكيك الجميل..
اما بخصوص الصحافة ..
Quote:
شايف في شمار شرقرق سمعت بقولو ليك الاخ الصحفي وديدي
(انت قريت صحافة بورانا ولاايييييييه)
القوم تشابه عليهم الوديدات والوديدين |
ربما تشابه عليها الوديدات زى ما قلت .. وربما ادرك الاسماء المستعارة التى ظللت استخدمها في عوالم الصحافة منذ زمن بعيد .. وانتم أكثر بعدا عن هذا العالم.. ( وش غامز ..وعايش حالة بتاعت اولاد دفعة حقارين)
ومعليش المجال .. مجال شرقرقات .. وليس تحوير للمواقف..
الاخ يقصد الفاتح وديدي ( قريبي برضو ) صحفي في مجلة الخرطوم الجديدة واوراق .. حسب ظني...
وهذا ما دفعنى باستخدام اسم الفاتح عبد الله
لك الود .. اطنان وكيمان ..
اخي كيكي
ونكون في الدرب..
|
Post: #37
Title: Re: عوضية شرقرق.....!!!!
Author: عبدالكريم الامين احمد
Date: 11-02-2009, 03:29 PM
Parent: #36
| Quote: وربما ادرك الاسماء المستعارة التى ظللت استخدمها في عوالم الصحافة منذ زمن بعيد . |
ولانو البوست شمار ونحن من السابقون في مدرجات هندسة المجنونة ستجدني قائل في امر اعلاه
كااااااااااااك
وبالله وديدي الصحفي قريبك
ياخي الراجل ده صحبي شديد ياخي ومشتاقين ليهو في المنبر ده فقد طال غيابه..
ويبدو يا الفاتح انو الوديدين ماشاء الله كثر..
بعرف واحد برضو كان بجينا في رحلات عمل في ابونعامة زراعي ولا ميكانيكا ماعارف
ولكن لمن سالتو برضو قال لي ايووه الفاتح وديدي قريبنا
|
|