Post: #1
Title: الكوز وقع من البلكونة...!!!
Author: عبدالكريم الامين احمد
Date: 11-29-2009, 10:59 AM
Parent: #0
اعلان تلفزيوني اثار جدلا يحكي عن خديجة التي وقعت من البلكونة من اجل بوهيات المهندس..!!
وهو اعلان في فسلفته الدعائية يحاكي سيرة الرغبة في التملك والسيطرة علي سلطة وثروة السلطة البوهيية..!!!
بني كوزنا الذبن اتو الي سماء السلطة والثروة بدبابة ذات ليل خرطومي . وقعو من البلكونة
كما وقعت خديجة الشهيرة... قول لي كيييييف...!!!
|
Post: #2
Title: Re: الكوز وقع من البلكونة...!!!
Author: عادل عبدالعزيز عبد الرحيم
Date: 11-29-2009, 11:06 AM
Parent: #1
كيف ؟؟؟؟
كل عام وانت بخير يا حبيب
|
Post: #3
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:22 AM
Parent: #2
هلاي ياعادل وعيد سعيد وكل سنة وانت بالف خير وبركة..
وايوووه قلت كيف..؟؟؟
بني كوز استولوعلي المستوي الثالث من ديكتاتورية الزمن السوداني وتمكنو تمكين ابن لذينة في كل الثروة والسلطة والديش والبوليس ...وكانو يد واحد تضرب بيد من مشروع حضاري علي كل من تسول له نفسه الفرفرة
والغاغا..
ولو ما عندك دقن في الفترة ديك تشوف ليك صوف من مافي عشان تقوم ليك دقن سموها في الوعي الشعبي
(تاكل عيش).. ماعندك دقن ماعندك اكل عيش وعيشة في البلد ديييك...!!!
ما عاجبك تفرتق..!!
وكان الجسم الكوزي قوة ومنعة وبطش وبيوت اشباح ودفاع شعبي ودفارات الزامية والبشير يلعلع
البجينا متحزم جاهزين ليهو عريانين..
والترابي اخر ابتسامات وحضور يومي في التلفزيون وهاك يا هاهاها
..
ونواصل
|
Post: #6
Title: Re: الكوز وقع من البلكونة...!!!
Author: Nazar Yousif
Date: 11-29-2009, 11:27 AM
Parent: #3
العزيز عبد الكريم
كل سنة وانت طيب .
ليتهم يتدبرون سورة الكهف كل جمعة و
التى ترتد عندما تصتدم بقلوبهم الغلف .
وهاهى الفتن الأربع تكبلهم فى انتظارحساب عسير .
واصل ...
|
Post: #8
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:34 AM
Parent: #6
Quote: ليتهم يتدبرون سورة الكهف كل جمعة و
التى ترتد عندما تصتدم بقلوبهم الغلف .
وهاهى الفتن الأربع تكبلهم فى انتظارحساب عسير |
هلا يانزار
وتحياتي وعيد سعيد
والحكم المبني علي الظلم والقمع لايدوم..
فهاهي الان الدولة الانقاذية بكل صولجانها وبطشها للراي الاخر تاريخيا
تنادي ولو علي استهبال بضرورة الاحتكام الي الصندوق واحترام الراي الاخر..
بعد رحلة من الوجع والالم ورتل من الشهداء والدماء..وبعد تدويل شديد ومفاجي لكل مشاكل بلدنا
حتي لبس البنطلون فيها الشفافية والفساد والاغتصاب والقتل والتشريد والتجويع كل هذه الاشياء صارت مربوطة سيرتها بسيرة الانقاذ ..
وحتما سياتي النور يا نزار وان طال السفر
|
Post: #7
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:28 AM
Parent: #3
والبلد كان شعارها (كيزان كيزان في كل مكان)..!!
وامريكا وروسيا وارتيريا ومصر زااتها قد دنا عذابهم علي الشعب ده لو لقاهم مطرفين غبينة ساااكت
ان يعمل ليهم ضرابها...!!
موظف عينك طالعة وحق فولك من المرتب التعبان في تلتلة( بكرة تجي الشغل بددددددري تجد اسمك في الكشف الافريقي) وتجد وظيفتك الكحيانة جابو فيها كوز لابس (اشتراكية) ومرتبو قدر مرتبك الرفدوك بيها بحوالي
كم جنيه ضوئي كده..!!
وكان الجموع مستفة ميادين الكورة فللللل مكابسة محبي الدارفوي في ميدانيهم لانو الليلة تدريب الدفاع الشعبي..
وفرررررررررتق يا ملكي هووووي فرتق... شيل كورتك دي وفرتق يا كهنة..
هي لغة المجاهدين واعوانهم من سدنة النظام الذي استولو علي عمارة المستوي الثالث من الديكاتورية السودانية
ونعود
|
Post: #4
Title: Re: الكوز وقع من البلكونة...!!!
Author: احمد التجانى احمد
Date: 11-29-2009, 11:23 AM
Parent: #2
عبد الكريم الامين
كل سنة وانت بخير وعافية
والقابلة يا اخى فى منى ان شاء المولى
انا باعتقد ان المرحلة دى بتحتم علينا نوحد جهودنا
كيزان على جن احمر ونرد بعنف على الهجمة الشرسة الجاتنا
فى صمة خشمنا بفعل تشوبر ولقافة كتيبة عاشقى مصر من السذج
وفاقدى الوعى بقيادة اهل الاعلام الذين دايما مايرون فى مصر والمصلريين
غدوتهم وغاية طموحهم ثم ياتى بعد ذلك اهل الفن ممن اتيحت لهم فرص تسجيل
الاغانى هناك ولبس البدل من الموسكى وشبرا ثم الناكب الاكبر الحزب الذى جعل التبعية
لمصر اجندة سياسية له لا تتاثر بالمتغيرات التى طرأت على الحياة طوال العقود الماضية
نواصل
|
Post: #5
Title: Re: الكوز وقع من البلكونة...!!!
Author: khaleel
Date: 11-29-2009, 11:26 AM
Parent: #4
لا اعتقد يا كيكي
انهم وقعو من البلكونة علي الاقل في المرحلة دي
استعدو للانتخابات جيدا
وما زالت احزابنا تلملم شتاتها
ممكن يقعو من البلكونة بعد خمسة سنين قادمة
|
Post: #9
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:40 AM
Parent: #4
Quote: انا باعتقد ان المرحلة دى بتحتم علينا نوحد جهودنا
كيزان على جن احمر ونرد بعنف على الهجمة الشرسة الجاتنا
فى صمة خشمنا بفعل تشوبر ولقافة كتيبة عاشقى مصر من السذج
وفاقدى الوعى بقيادة اهل الاعلام الذين دايما مايرون فى مصر والمصلريين
غدوتهم وغاية طموحهم ثم ياتى بعد ذلك اهل الفن ممن اتيحت لهم فرص تسجيل
الاغانى هناك ولبس البدل من الموسكى وشبرا ثم الناكب الاكبر الحزب الذى جعل التبعية
لمصر اجندة سياسية له لا تتاثر بالمتغيرات التى طرأت على الحياة طوال العقود الماضية |
هلا يا دفعة وعيد سعيد
وفي حكاية مصر دي يا احمد حنمشي للكيزان وهم واقعين من بلكونتهم دي
ونننضم معا من اجل السودان في هجمة المصريين الخرخاررين ديل...
والمصريين نظرتهم للسودان مغبشة وملانة تعالي وقلة ادب ومشكلة بعضنا فعلا الانبهار بالموسكي
ومرسي وين كده ماعارف والدقي ومصدقين حكاية ام الدنيا دي...
انا يااحمد اعتقد بان الكركبة الحصلت دي فيها جوانب ايجابية عشان الناس الزي دي تعرف
نظرة المصريين تجاهم شنو (وبعد ده بطريقتهم)...
لكن امرنا هنا يا صلعة هو وقوع الانقاذ من ظهر ثورها الهايج
والتغيير الحاصلة في خطابها وادواتها ورغبتها في خت الكورة واطا
|
Post: #10
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:44 AM
Parent: #9
Quote: لا اعتقد يا كيكي
انهم وقعو من البلكونة علي الاقل في المرحلة دي
استعدو للانتخابات جيدا |
هلا يا خبرة..
وانا ياخلي اقصد بلكونة ايام الانقاذ الاولي
ايام ماقبل نيفاشا وحمي التحول الديمقراطي الذي اصاب الانقاذ هذه الايام
....
ومعاك طبعا ممكن الشفوت ديل يقعو من البلكونة ويتحتحتو عادي جدا
ويجو للحكم عبر الصناديق كرائد لا يكذب اهله..
وفي الحالة دي مافي غضاضة لانو الناس ممكن تكابسهم في كراكير الديمقراطية
بدون تعذيب وسحل وقتل
|
Post: #11
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:50 AM
Parent: #10
اولي التحركات الكيزانية صوب البلكونة كانت هي المفاصلة التي فرزت الكيمان الكيزانية كيمان كانها كيمان كمونية في جزارة ود كرجول...!!
واحدين شرقو مع شيخ حسن الذي قنع من خير في الدياشة والمفرفرين من ابنائه...واخريين غربو مع البشير
وعلي عثمان حيث السلطة الثروة البترول وعوض الجاز...!!
وانكجم الجسم الكيزاني كجمة ما بطالة مع الشعب السوداني الفضل ده...!!!
وتحجم حجم الجموع الكيزانية الذاهبة صوب البلكونة رغم انها تسلحت بجيوش من الانتهازيين والطبالين
ولكن كان قرائن الاحوال تقول (لابد من البلكونة وان طال السفر)
ونعود
|
Post: #12
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 11:58 AM
Parent: #11
ومع هذا التكجم الكيزاني الحصل مما جعل الوزن الكيزاني (اقل خفة ولفة) نوعا ما.. هبت بوادر هبوب نيفاشا وجولات وصولات في مظلة المجتمع الدولي الذي ازعجته روائح شواء الانسان السوداني في جنوب السودان التي فاحت وعمت كل ارجاء هذا العالم..
وازعجته دوشمانات صيف العبور مع الكتيبة جاموس ..فقرر القوم الافرنجي زيادة سرعة هذه الرياح النيفاشية حتي يقف هذا الشواء والرصاص الذي صار الوطن كله يستاك به...
وهبت نيفاشا وشالت بروتكولاتها وجات.. وجاء معاها قرنق وسمع الجميع الجموع التي كانت بالزندية تردد
الموت لقرنق
صار الان تردد
قرنق wayeeeeeeeee
ونعود
ولازلنا في مسافة ليس ببعيدة البلكونة حيث ستقع خديجة السودانية
|
Post: #13
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 12:22 PM
Parent: #12
اكثر الرياح هبة وكانت قادرة في كل لحظات هبوبها علي حمل الجموع الكيزانية علي الذهاب الي حيث البلكونة ثم الوقوع كانت هي دارفور...!!!
دارفور التي قيل في زمن التمكين الاصلي بانها حركات بتاعات قطاع طرق وهمباتة مجانين ساكت..!!
ولكن المفرفر لتفاصيل تلك الرياح الدارفورية سيجد بانها ملانة بطش وقتل ولولوة كيزانية ولف ودوران علي المراقبين الدوليين الذين بقرون استشعارهم الانسانية حسو بان هنالك قتل وجرائم لو لم تقف سوف حتودي الانسانية كلها الي البلكونة وليس الانقاذ فقط..
ونعود
|
Post: #14
Title: Re: الكوز وقع من البلكونة...!!!
Author: د.يوسف محمد طاهر
Date: 11-29-2009, 12:24 PM
Parent: #11
الأخ : عبد الكريم الأمين
السلام عليكم ورحمة الله وبركاته
كل عام وأنتم بخير
............. لي عودة إن شاء الله
|
Post: #15
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 12:29 PM
Parent: #14
Quote: السلام عليكم ورحمة الله وبركاته
كل عام وأنتم بخير
............. لي عودة إن شاء الله |
هلا يا دكتور وحبابك
في حكاوي الذهاب الي البلكونة
وكل عام وانت بالف خير وبركات
وفي انتظارك
|
Post: #16
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 12:37 PM
Parent: #15
اها دارفور دي ..عملت عملية ثنائية الاخراج..
ودت الكيزان صوب البلكونة السودانية
وجابت البلكونة الدولية في تجاه الكيزان..
والكوماج الذي دور في تخوم خور برنغا وحواف الجنينة وجبل مرة.. نار ولعت والقصة جابت كمان مكانة تانية اسمها (لاهاي)..
وفي الوعي النسوئي السوداني عندما تاتي سيرة مصيبة كبيرة مثل لاهاي تلك تصيح النسوة (وووووب علينا).!!
واصبح واقعنا الكيزاني اليوم متصارع ومتوزع ما بين لاهاي للقادة و(الابا كبيرات)... والبلكونة
للرجرجة والدهماء والشغيلة ذوي القريعة التي ستروح من القنجات والامتيازات والغمت التحت تربيزات
في ظل هبوب رياح ما يسمي التحول الحضاري...وحتي وان اتي استهبالا من بني كوز الاانه علي المستوي الظاهر والقانوني والصحافة سيجرد المنتفعين من الامتيازات السابقة من سطوة ودرقة التمكين
وسنعود
|
Post: #17
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 12:53 PM
Parent: #16
عالميا..
منظمة الشفافية الدوليا وهي فيفا الفساد قالت السودان وانقاذه هم نمرة اربعة في سرج واحد مع الدول
المهلهلة والمبهدلة كالعراق والصومال (الاوريات) ثم دولة كده يبدو ايضا انها حكامها حرامية وشغاليين في شعبها جزر تقيل اتخيل لي اسمها ينمار...
بعد عشرين سنة خدمة انقاذية ومليون قتيل في الارض السودانية وجد الشعب السوداني الفضل نفسه رابع الطيش علي مستوي العالم في الفساد...
ودي كمان جرعة هبوبية اخري قادرة علي اضافة امتار جديدة في دروب الكيزان صوب البلكونة..
ونعود
|
Post: #18
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 01:21 PM
Parent: #17
المجتمع الدولي ذلك الاسم الذي كان السودان وعبر سنينه العديدة يري فقط البوريهات بتاعة جيوشه في نشرات الاخبار اتت دارفور ونيفاشا في رحلة الانقاذ صوب البلكونة..
وراينا عيانا بيانا جيوشا من شتي قبائل الدنيا الاربعة..!!
عساكر من نيبال واخريين من هايتي وجيوش عرمرم تجوب طرقات البوادي والفيافي السودانية التي كانت امنة
ويضربون (الكول..ويشربون ام جنقر) ويضربون لحم الورل في واحدة من اعظم انجازات الانقاذ كونها جعلت كل شعوب العالم ترسل جيوشها الي سلة غذاء العالم والتي صارت بمكابرة البني كوز سلة مشاكل وغلاغلا العالم واوياما ينضم وغرايشن يمارس سواقة رقشته ما بين الخرطوم والواشنطون....!!
|
Post: #19
Title: Re: الكوز وقع من البلكونة...!!!
Author: khaleel
Date: 11-29-2009, 01:23 PM
Parent: #18
شائف يا كيكي
السيد الور قال ممكن تكون هناك كونفدرالية
اذا صوت اهل الجنوب للا نفصال
شوف لينا البلكونة دي كيف
|
Post: #20
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 01:30 PM
Parent: #19
Quote: السيد الور قال ممكن تكون هناك كونفدرالية
اذا صوت اهل الجنوب للا نفصال
شوف لينا البلكونة دي كيف |
هلا يااركان حرب..
اني اري الجنوب كلو يا خليل متلب من البلكونة وفارز عيشتو وماشي صوب عوالم افريقية..
ومادام حيحصل انفصال فتاكد بانو مافي كونفيدرالية ولا سيكافا حتكون مادام بني كوز ديل حيين يرزقو
|
Post: #21
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 01:45 PM
Parent: #20
يقال في الماضي والان (فلان ذهب التوج)...وبدلت هذه المقولة هذه الايام في ظل سطوة وعي الفضائيات (فلان وقع من البلكونة) ووقعة الكوز من البلكونة صارت الان هي ظاهرة..
فعندما كان الكوز هو الامر الناهي في كل الامور السودانية... اصبح الان لو داير يشيل حجر من جبل موية
ويوديهو جبال ام نيران...
سياتي شريك نيفاشا (وهو يردد حجر ده مودنو ويييين..؟؟؟)
مناوي ممكن ايضا يدخل خشمو ويسال عن الحجر ده.
المجتمع الدولي الخواجة العينو خدر ممكن يرسل مراقبين دوليين للاشراف علي (اتفاقية نقل هذا الحجر)
ثنبق منها لجنة دولية للاشراف علي نقل الحجر...!!
وممكن الصادق المهدي من وسط الملازمين يدخل خشمو
والشيوعيين لهم ايضا في نقة هذا الحجر بعض الكتابات في الميدان بقراها الكيزان علي مضض وهم لايستطيعون بلع كلامهم عن رفع الرقابة الصحفية..
|
Post: #22
Title: Re: الكوز وقع من البلكونة...!!!
Author: khaleel
Date: 11-29-2009, 01:50 PM
Parent: #21
هلا بالسيد هاني رسلان المتخصص في الجماعات الاسلامية
اعتقد ان تنظيم الجبهة الاسلامية قد ذاب واصبح كونتونات متفرقة
جناح نافع وحناح علي عثمان وجناح اصحاب مذكرة العشرة
وجناح البشير والذي به عبدالرحيم محمدحسين وبكري حسن صالح وعبدالرحمن سر الختم
وصلاح قوش سابقا
|
Post: #23
Title: Re: الكوز وقع من البلكونة...!!!
Author: khaleel
Date: 11-29-2009, 01:56 PM
Parent: #22
ولا ننسي ثورة الشباب
ازهري التجاني واسامة عبد الله وحاج ماجد واخرون
يبحثون لهم عن دور في هذه الكيكة
|
Post: #24
Title: Re: الكوز وقع من البلكونة...!!!
Author: khaleel
Date: 11-29-2009, 01:59 PM
Parent: #23
وانحسار لدور الشيوخ
عبدالرحيم علي ومهدي ابراهيم وعبدالله بدري
|
Post: #25
Title: Re: الكوز وقع من البلكونة...!!!
Author: khaleel
Date: 11-29-2009, 02:00 PM
Parent: #24
ولا ننسي الزاهدون في غنائم احد
حسن مكي وعبدالوهاب الافندي والتجاني عبد القادر
|
Post: #27
Title: Re: الكوز وقع من البلكونة...!!!
Author: khaleel
Date: 11-29-2009, 02:03 PM
Parent: #25
واوكامبو وما ادراك ما اوكامبو
تظل شوكة في حلق التنظيم
|
Post: #28
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:07 PM
Parent: #25
هلا بخبير الجيوبولتك الاسلامي ابو خليل..
نعم ياخلي الحركة الاسلامية اكلت نفسها بنفسها .. اخدت من هذا ابنائه ودربتهم في كراكير الجامعات دي
ولوحت لهم بجذرة الثروة والسلطة وفتلقفوها شيبا وشبابا..
وهي السلطة يا صديقي عندما تاتي تاتي معها البلاوي والمحن والطمع والرغبة في الخلود النقدي..
انشقاق الترابي اخد معه خيرة رجالات الحركة الاسلامية وهام علي الحاج والحاج عطا وابراهيم السنوسي
والجميعابي وشيخ يس... في المنافي وكراكير اخوان الامس...
ثم اصبح اخريين كاحمد عبدالرحمن وتياره (بين بين)..
واما شيخ علي عثمان فقد اخذ معه الواحلين في انهار الثروة والسلطة وصنع منهم جدارا وغولا ياكل اخوانه واشياء وطنه بدون ادني تراجع...
هي حركة يا ابو خليل عرفت كيف تبني نفسها عبر مجاهدات وخوض صراع كان الازموزي الترابي هو عرابه
ولكن السلطة اكلتها ..
|
Post: #26
Title: Re: الكوز وقع من البلكونة...!!!
Author: محمد عبدالرحمن
Date: 11-29-2009, 02:02 PM
Parent: #22
ياككى هوى انا عينى نجيضة ...مشيت السودان وجيت مقتنع انو
المؤتمر الوطنى نمر من ورق ...تماما كتحالف قوى الشعب
العاملة مجموعة انتهازية واصحاب مصالح وشوووية كيزان
(اصحاب مصالح اكتر من ديك) دى كل القصة...وجدادة الحلة
طردت جدادة البيت طرده عدوك ..ورايت فيما يرى النائم
انو الكوز يعد ان وقع من البلكونه حاول ان يمسك بحبل
متدلى من البلكونه ..لكن الحبل اوهن من ان يحمله ..
فعليكم انتظاره فى (البدرون ) تحت ...المسالة مسالة وقت ...
|
Post: #29
Title: Re: الكوز وقع من البلكونة...!!!
Author: khaleel
Date: 11-29-2009, 02:08 PM
Parent: #26
فعلا يا محمد عبد الرحمن
التنظيم ترهل (وتبهل )
فقط سيفوز بالانتخابات القادمة لضعف المنافسين
|
Post: #31
Title: Re: الكوز وقع من البلكونة...!!!
Author: khaleel
Date: 11-29-2009, 02:15 PM
Parent: #29
ومن اكبر اخطا الجبهة الاسلامية
انها حكمت السودان علي طريقة حكم اتحاد طلاب جامعة الخرطوم
وفكرت في السودان وكانه مؤسسة وادارته كشركة خاصة
ونسيت انه وطن يصعب ان يحكمه حتي سيدنا سليمان عليه السلام
وعليه صار الوطن علي حافية الهاوية
ان لم يكن قد تهاوي فعلا
|
Post: #30
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:13 PM
Parent: #26
| Quote: اصحاب مصالح اكتر من ديك |
هلا يا انصار
وتحياتي
تعرف ناس المصالح ديل لو الشعب قووااا قلبو وعمل ليهم اففففففففف كده
مش حتلقي زول حول المجموعة الكيزانية الحسع واقعة من البلكونة دي..
ودائما الشمولية واحدة من ظروف بقائها في السودان هو تحالف المثقفين الانتهازيين
وانتهازي قريعتي راحت التانين...
وولو الامور والزرقنة مشت بالطريقة دي
البدروم زااتو يا محمد الناس ديل حيرمو فيهو قدام ..
اصلهم طوالي بتاعين رمي لقدام علي الاقل يتخارجو من البلاوي القدامهمم دي
|
Post: #32
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:17 PM
Parent: #30
| Quote: فقط سيفوز بالانتخابات القادمة لضعف المنافسين |
ايوه يا ابو خليل
وحسع الحداشر مليون ديل فيهم تقريبا زي 8 مليون تبع ناس البلكونة ديل..
والباقي تبع ناس الاحزاب..
وممكن كان لو ناس الاحزاب اشتغلوا من بدري وحسمو نقتهم كان حيكون في كلام تاني..
ولكن حتي ذلك الزمان ستكون الامور من نصيب (اهل البلكونة)
مالم تحصل كركبة تخلي البلد دي هي زااتها تقع من البلكونة
|
Post: #33
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:20 PM
Parent: #32
| Quote: انها حكمت السودان علي طريقة حكم اتحاد طلاب جامعة الخرطوم |
كان لازم يا خليل يحكموها كده..
لانو زي ديشليون كوز وجدوا نفسهم امام ادارة دولة مثل السودان وهم ليس لهم ادني موهلات قيادة مجتمع سوي ادارة اتحادات الجامعات..
عشان كده بتلاحظ انو الايام الاولي للانقاذ الهتافية والتغييب كان عالي في حرب الجنوب ومعظم الذين لقو حتفهم كانو من الطلاب...وذلك لارتباط سياسة الدولة بوعي الطلاب..
|
Post: #34
Title: Re: الكوز وقع من البلكونة...!!!
Author: khaleel
Date: 11-29-2009, 02:24 PM
Parent: #33
| Quote: عشان كده بتلاحظ انو الايام الاولي للانقاذ الهتافية والتغييب كان عالي في حرب الجنوب ومعظم الذين لقو حتفهم كانو من الطلاب...وذلك لارتباط سياسة الدولة بوعي الطلاب |
كانت هناك قيادات جيدة من الحركة الاسلامية كان يمكن ان تحكم السودان بصورة افضل
ولكن شيخ حسن لم يختارها حينذاك واستبدلو بضعيفي الخبرة وبعض المايويين
لاضفاء القومية علي انقلاب الجبهة
وقال عنهم الترابي بعد المفاصلة
احضرناهم كومبارس فصارو مخرجين
|
Post: #35
Title: Re: الكوز وقع من البلكونة...!!!
Author: khaleel
Date: 11-29-2009, 02:28 PM
Parent: #34
اضف الي ذلك طريقة الحكم الاتحادي التي ابتدعها علي الحاج اثقلت كاهل الدولة ماليا
حيث عدد الوزراء والولاة ومعتمدي المحليات
يفوق كل وزراء العالم في بلد يعتمد اقتصادها علي هطول الامطار في القضارف ودوكة واب ايو
|
Post: #37
Title: Re: الكوز وقع من البلكونة...!!!
Author: khaleel
Date: 11-29-2009, 02:31 PM
Parent: #35
وظل الصرف البذخي علي مفاصل الدولة يوثر تماما علي مجانية التعليم والصحة
وتم رفع الدعم عنه تماما
وشاهدنا لاول مرة بالسودان تاخر مرتبات معلمي الابتدائي لمدة عشرة اشهر بالتمام والكمال
|
Post: #36
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:29 PM
Parent: #34
| Quote: احضرناهم كومبارس فصارو مخرجين |
لعله يا خليل يشير الي سبدرات ومن لف لفه من النخبة راقصة في حلقات الشمولية
|
Post: #38
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:33 PM
Parent: #36
Quote: اضف الي ذلك طريقة الحكم الاتحادي التي ابتدعها علي الحاج اثقلت كاهل الدولة ماليا
حيث عدد الوزراء والولاة ومعتمدي المحليات
يفوق كل وزراء العالم في بلد يعتمد اقتصادها علي هطول الامطار في القضارف ودوكة واب ايو |
الناس ديل شكلهم كده استعجلو الجية للحكم ده
وكان مافي استعداد واستراتجية واضحة فعشان كده شوف التخريجات في الاستغناء عن الضباط
وفك الاشتباك ما بين الجانب العسكري الكلو كان ما جبهة اسلامية زي ما ظهر لاحقا (محمد سليمان وايدام وغيره)
وشكلهم كده قالوا يلا نقلبا نقلبا
وبعد شوية الموضوع بقي ليهم بمبي لمن دخلو في الغريق
|
Post: #39
Title: Re: الكوز وقع من البلكونة...!!!
Author: khaleel
Date: 11-29-2009, 02:35 PM
Parent: #36
ولعل قانون الصالح العام يظل وصمة عار في جبين النظام
حيث شرد الالاف من الخدمة المدنية والجيش والشرطة
وتم احلالهم بابناء الجبهة
وقد اشتكي دكتور التجاني عبدالقادر من تلك الظاهرة وكتب للتنظيم
بانكم بهذه الصورة ستكونو حزبا مهيمنا مما يجلب لكم النفور من قبل الشعب السوداني
|
Post: #40
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 02:38 PM
Parent: #39
| Quote: ولعل قانون الصالح العام يظل وصمة عار في جبين النظام |
ده كان قطع ارزاق وتشريد اسر
ودكاترة ومهندسين وكل المهن شردوا من البلد بفيز رواعية..
وساقو التكاسي في شوارع الخرطوم وبعضهم صار مزارع..
دي ملحمة ياخليل وفيها حصل ماسي وجرائم ستظل في جبين الكيزان ديل الا ان تقوم الساعة
|
Post: #41
Title: Re: الكوز وقع من البلكونة...!!!
Author: khaleel
Date: 11-29-2009, 02:43 PM
Parent: #40
يا الله
مات مشروع الجزيرة في عهد الجبهة الاسلامية
ويا حليل ود عمران ورافع وناس يونس ود مدني
|
Post: #42
Title: Re: الكوز وقع من البلكونة...!!!
Author: khaleel
Date: 11-29-2009, 02:47 PM
Parent: #41
وفرمالة البترول وسد مروي
ليس منة من الجبهة لهذا الشعب
بل من حر مال هذا الشعب ودين علي الاجيال القادمة
وانا لو كنت في محلهم لا ادفع للتعليم والصحة
كنت انتجت قنابل ذرية من فلوس التعليم والصحة
مش بترول وسد مائي فقط
|
Post: #43
Title: Re: الكوز وقع من البلكونة...!!!
Author: كمال عباس
Date: 11-29-2009, 02:57 PM
Parent: #42
سلام كريم وخليل وعيد سعيد ومجيد...
|
Post: #47
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 03:21 PM
Parent: #43
| Quote: سلام كريم وخليل وعيد سعيد ومجيد... |
مرحب يا ابو كمال
وكل سنة وانت بالف خير وبركات
تحياتي
|
Post: #46
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 03:19 PM
Parent: #42
Quote: وفرمالة البترول وسد مروي
ليس منة من الجبهة لهذا الشعب
بل من حر مال هذا الشعب ودين علي الاجيال القادمة
وانا لو كنت في محلهم لا ادفع للتعليم والصحة
كنت انتجت قنابل ذرية من فلوس التعليم والصحة
مش بترول وسد مائي فقط |
هييييييع (علي طريقة ود الباوقة)
كفيت ووفيت يا ابو خليل... وهكذا يجب ان يكون المراقب الجيوبلوتكي الصاحي
|
Post: #44
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 03:15 PM
Parent: #41
Quote: يا الله
مات مشروع الجزيرة في عهد الجبهة الاسلامية
ويا حليل ود عمران ورافع وناس يونس ود مدني |
حليل التفاتيش ياخي وياخليل ابو عشرين وابوستة والتقنت وحليل السرابات الكانت رويانة عيش وقطن
وموية...
ديل يا ابو خليل كتلو حاجات كثيرة في البلد دي
وباعوها دقو فيها جرس علي طريقة
كل شي بمية
كل زفت بمية
كلو ديششششش بيمة
علي طريقة الزول الكان فارش صواميل مصدية في سوق الكلاكلة اللفة
|
Post: #51
Title: Re: الكوز وقع من البلكونة...!!!
Author: Elbagir Osman
Date: 11-29-2009, 03:58 PM
Parent: #40
في سنوات الإنقاذ الأولي
فصلت لما سمي بالصالح العام
عددا من الموظفين فاق من تم فصلهم منذ تأسيس الخدمة المدنية
مجتمعين
يعني الناس الفصلوهم من زمن كتشنر
لغاية حكومة الصادق
(بما فيهم تطهير أكتوبر ومايو)
مجموعهم أقل ممن فصلتهم حكومة الإنقاذ
أحيانا يكون الزوج والزوجة يكونوا مفصلوين مع بعض
وما وقفت على كدة
منعت القطاع الخاص من تعيينهم
وحرمتهم من تأسيس أعمال خاصة
وأنا ماشي نيالا
الباقر
|
Post: #66
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 05:14 PM
Parent: #51
Quote: أحيانا يكون الزوج والزوجة يكونوا مفصلوين مع بعض
|
اها يا الباقر دي هاروت وماروت ما بعملوها..
والكيزان في ظل الحمي والسلعة التي اصابتهم ابت عنهم ادني معاني الانسانية
|
Post: #48
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 03:25 PM
Parent: #45
Quote: أنا ماشي البلكونة أووو أووو
|
هلا يا الباقر..
وفعلا كل الطرق الان صارت مشيدة ومعبدة للوقوع من البلكونة..
ومن لم يقع من البلكونة حتما سيقع في سجن مطرف من سجونات لاهاي..
...
وجماهير الموتمر الوطني هي جيوش مجيشة من الانتهازيين وبعض الفارين من الحركة الاسلامية وعرابها الكبر شيخ حسن في تحالف من اجل مص دم هذا الشعب الفضل
|
Post: #49
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 03:44 PM
Parent: #48
| Quote: وشاهدنا لاول مرة بالسودان تاخر مرتبات معلمي الابتدائي لمدة عشرة اشهر بالتمام والكمال |
وامنيا برضو يا خلي
شاهدنا وشفنا بام عيونا دي لاندكروزرات اتساقت بابنص لحام من الحدود التشادية وما داست فرملة الا في كبري ام درمان...مسافة الف ونيف كلم..
لوكانت هذه العربات اكثر والتجهيزات اكبر والقوات الاتية كثيرة كان سيتم احتلال الخرطوم علي عينك يا تاجر..
كدي افرض ان الجاية دي ما عدل ومساواة وكانت دولة اجنبية بكل جيشها العرمرم ..كنا حنودي وشنا وين في الامم المتحدة...
الكيزان نايمين في عسل الثروة والسلطة والبلد قاعدة في السهلة
|
Post: #50
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 03:53 PM
Parent: #49
اها قلنا للاندركزروات مشت..!!
تهتك امني تاني وفضيحة دولية كون بلد تضرب مواطنيك ضرب غرائب الابل في صحاري وفيافي الشرق عبر طائرات رشت مرتين رش تقيل وبعض الضرب ايضا في المياه الاقليمية السودانية قبالة سواكن..
وبعد شهر من القصة ليس هنالك في هذا المليون ميل مربع من يعلم ذلك...!!
وعندما تم تسريب الخبر حتن ظهرت الجيوش الرسالية تتوعد وهي ترغي وتزبد...
وفضيحة اخري في سماوات السودان الذي جلس ام فكو في زمن هؤلا القوم الرساليين
|
Post: #52
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 04:03 PM
Parent: #50
| Quote: مات مشروع الجزيرة في عهد الجبهة الاسلامية |
في كلام يا ابو خليل انو الناس ديل بعد ما المشروع ده مات وانتهي برضو ساكنو سكة دامة اسود في قيم هارد..
ودايرين يبيعو للمصريين بنسبة 49 لمصريين والباقي لناس مرشين تانين مامعروفين منو..!!!
ودي حتكون القشة التي ستقصم ظهر البعير الكيزاني فالمشروع ده رغم كل محاولات قتله الا انه راسخ
وجاري في دماء كل الفيافي وكل السودان جري ترعتي المناقل والجزيرة..
والبلكونة حيوسع بابها وتصبح بلكونة ليها ضل كونها ستاتي من بين جموع المزارعين وفقراء الكنابو واهل التفاتيش..
ديل لا بعرفو دقن ولا اي حاجة
ضربة كوريك او طورية حتعدم الكيزان ديل نفاخ الدقن
|
Post: #54
Title: Re: الكوز وقع من البلكونة...!!!
Author: محمد عبدالله حمدنا الله
Date: 11-29-2009, 04:23 PM
Parent: #52
كيكي-خليل...
استمتاعي بالون-تو.... و الباصات القصيرة محكمة التوجيه..يطغى علي تسجيل نقاط اتفاقي أو اختلافي في الطرح..
يا ريت لو قمتو دخلتو لينا "منطقة الجزاء" و هدفتوا طوالي.....
-انتو معاي انو احتمال كبير في المستقبل نقوم نتكلم عن السودان بي "صيغة الماضي"...
خلونا كدي نفكر شوية كيف ممكن نتجنب "الفاول" دا.....
مودتي...
ودحطب الله
|
Post: #63
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 05:06 PM
Parent: #54
| Quote: -انتو معاي انو احتمال كبير في المستقبل نقوم نتكلم عن السودان بي "صيغة الماضي"... |
هلا يا ود حطب الله ونورت البلكونة والله..
وفعلا بالطريقة دي حنقول (كان هناك ما يسمي السودان)..
لانو شايف لو الانفصال حصل السودني الشمالي احتمال يكون اسمو الطيب مصطفي
وحبابك يا محمد
ولسع جالسين في حضرة الخبير الاستراتيجي ابو خليل
|
Post: #55
Title: Re: الكوز وقع من البلكونة...!!!
Author: احمد محمد بشير
Date: 11-29-2009, 04:24 PM
Parent: #52
يا عبدو...........
سمعنا بي تحت تحت.... انو البلكونة وقعت
والكوز قاعد في محلو وما وقع.
|
Post: #57
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 04:25 PM
Parent: #52
ياخلي مادام الليلة الراكوبة عن البلكونة الانقاذية
فاي ظاهرة وليدة لعصر الانقاذ ده بنلقاها قدمنا طوالي حننضم فيها..
زي فلان رسلان وكمية من الناس العاملين بنضمو في الشان السوداني الواحد تشوفو كده بنضم عن دارفور
والسودان التقول مولود في القضارف..
ديل مطبلايته بتاعين انظمة وشعارهم اذا (ابا السلطان شيئا ابيتو)...
بتسخرهم الانقاذ عن يسوقو خطابها في دول الجوار ويغبشو الوعي العربي عن ما يدور في السودان...
ورسلان ده لو زول استراتيجي اليمشي يتكلم في انهيار جبل المقطم
ويتاكل في اكلي الزبالة في مصر
ويتكلم في قمع الجماعات في سجون سي حسني مبارك
او يتكلم في التوريث...
والسودان ياخلي بقي ملطشة كل زول لبس ليهو بدلة وكرفتة وعزمو في هيلتون الخرطوم بعمل فيها خبير في الشان السوداني
|
Post: #53
Title: Re: الكوز وقع من البلكونة...!!!
Author: احمد التجانى احمد
Date: 11-29-2009, 04:23 PM
Parent: #49
معلهش ياكيكى انا ح اواصل فى خطى عبر بوستك دة
بسبب البلكونة والتى اوحت لى باشارات يبدو واضحا
انك لا تصوب نحوها ولكن لا باس من ان ننال من الاعداء جميعهم
من خلال هذه المساحة
اذكر فى بداية التسعينات شاهدت ندوة فى التلفزيون تتناول العلاقات
السودانية المصرية ابان بعض التوترات - كان من الحضور القنصل المصرى
وبعض اعضاء بعثته بالاضافة الى بعض افراد المؤسسات المصرية الاخرى
ومن الجانب السودانى اذكر د. محمد الجميعابى الذى بدا حديثه داعيا
الشعبين لتناسى اسطوانة العلاقات الازلية والاخوة والعمق مؤكدا لهم بان
هذه القيم لا وجود لها فى الواقع ثم اردف بانه يمثل تيارا شعبيا وليس
حكوميا وللامانة كنت قد استنكرت تصريحه ذاك ولكن اعود واقول انك كنت محقا
يادكتور ورائك جاء بعد معايشتك لهؤلاء الرعاع الجياع مفتقدى الشهامة والكرامة
ونحن ايضا نطلق هذا الكلام بعد معايشة وخبرة لاؤليك الغجر
|
Post: #58
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 04:32 PM
Parent: #53
Quote: وللامانة كنت قد استنكرت تصريحه ذاك ولكن اعود واقول انك كنت محقا
يادكتور ورائك جاء بعد معايشتك لهؤلاء الرعاع الجياع مفتقدى الشهامة والكرامة
ونحن ايضا نطلق هذا الكلام بعد معايشة وخبرة لاؤليك الغجر |
هلا يا احمد وحبابك ياخي
والبوست بوستك وانت زااتو زمان طالبني زي كم كباية عصير كده
فدي فرصة نفرد ليك مساحة اسفيرية علها تساوي تلك الكبايات..
عارف يااحمد الكيزان ديل هم زااتهم قبل كده قاموا علي المصريين ديل قومة سمحة
وشدوها معاهم قرض وحصل استقطاب ابن لذينة في امر العلاقات مع مصر وطلعو الفرع زاااتها من البلد..
..
عمار يس في بوست مجاور برضو افاد انو اتكيف في ايامات خلت بحسين خوجلي لانو درش المصريين..
ولكن يا احمد الناس ديل بقولو كلام وبعد كم سنة كده ببلعوه تاني..
|
Post: #56
Title: Re: الكوز وقع من البلكونة...!!!
Author: بشير أحمد
Date: 11-29-2009, 04:25 PM
Parent: #49
المهندس/عبدو
تحياتي وكل عام انت بخير
عمك نيوتن ياحبة مابقول كلام في الهواء ساي كدة
الكوز لوكان وقع في ارض فضاء كان قلنا ماشي وسمعنا طرطشة كبيرة أوي اوي
علي قولت عادل امام؛
لكن كوزك ده وقع ليهو في صنقور مناضل عمل ليهو ارتجاج في المخ
خلاهو يهزي بعبارات ما مفهومة ؛ونضالو بقي شئ سراوييل
وشئ تزوير ياوزير ؛وشئ كامل تضامننا مع فرتكان الفلاني
في بيت النمل.
وبقي كلما يشوف ليهو هفوة لي كوزك الوقع ده يمسك فيها
حجوة ام ضبيبينة بس
وجاييك تاني ياحبة.
|
Post: #59
Title: Re: الكوز وقع من البلكونة...!!!
Author: بشير أحمد
Date: 11-29-2009, 04:34 PM
Parent: #56
الناس ديل قعدوا في واطات الله وقعدوا يشخطوا
عشان يقلبوا حلّة الجقاجق دي الناسها منتظرين الغداء
لحدي اليوم من 20عشرين سنة خلت؛
سندويتش طحنية ساي تصبيرة مالقوهوا
اهو الناس الشخطوا قلبوها الحلة وطفّوا النار بي موية
وشالوا اللدايات.
والناس لسع بتتغالط واحد يقول (جاي واحد ماري من هنا وكاشها بي كراعو)
وواحد يقول لا ؛طفوا النار بي جردل موية .
ولسع منتظرين الغداء.
|
Post: #61
Title: Re: الكوز وقع من البلكونة...!!!
Author: بشير أحمد
Date: 11-29-2009, 04:52 PM
Parent: #59
الزول الكاش الحلة ده ؛قال ياجماعة
الناس دخلوهم الصالون وجيهوهم تمام ؛ناس دخلت (التراضي الوطني كمثال)
وبعضا من المحسوبين علي الاحزاب في المجلس الوطني.
في ناس نفسها كبيرة(تقلبوا حلتنا وتوكلونا بي مزاجكم) ابت تدخل الصالون وقالوا دايرين حلتهم الفاضية
وناس قالوا دايرنها بي جقاجقها.
|
Post: #65
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 05:12 PM
Parent: #61
| Quote: وناس قالوا دايرنها بي جقاجقها. |
يا بشير هو ناسكم ديل خلو فيها جقاجق عليك دينك
|
Post: #60
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 04:39 PM
Parent: #56
هلا يا دكتور
وكل سنة وانت طيب..
وقع دي ياها زاااتها الدايرنها يا بشير في البداية... نحلل رقبتنا في البداية من الكنكشة واللبط الكيزانية مص دمنا (ياكافي البلا الباعوض زااتو يقعد يتحير في الية المص الكيزانية لدم الشعب ده)..
اها الوقعة دي فعلا حيكون ليها فعل مساوي لها في المقدار ومضاد ليهو في الاتجاه ولكن ليس بالضرورة ان يكون طواالي كده بعد سقوط الكيزان... قول لي ليييييييه..؟؟
لانو لسع غير الكيزان ده لسسع في ناس مستهبلين في الفضاء السوداني وبتاجروا بقضايا الشعب وهم زااتهم
مافي فرق بينهم وبين الكيزان ديل بس ديل حرفة شوية وبقولو ليك ديمقراطية بجاي ويخبتوك بجاي...
فالقصة مراحل يا دكتور
نتخلص من الكيزان اولا...وكلو يطلع شجرتو
وباقي الامور مضايرتها هينة
|
Post: #62
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 05:02 PM
Parent: #60
| Quote: سندويتش طحنية ساي تصبيرة مالقوهوا |
هل يا دكتور
والمشكلة ما مين من القوي المتصارعة علي حكم السودان هو من سيضرب السندوتش.. بل الحكاية كلها
وطن الحقوق..
خت حقوق الناس من حريات وغيره بعيد وامنها من اي مهابشة او مغامرة وفليحتكم القوم الي الصندوق
بعيدا عن اي استغلال سندوتشي في الحكاية دي.. وبعيدن البجي عبر الصندوق كلو مرحب بيهو عشرة..
ولكن طبعا الشعب ما حنسي الجضوم القامت لبني كوز من اثر السندوتش الاكلو في العشرين سنة الفاتن ديل
ومفروض ياخد حقو ام دلاديم وقبقبة.. وتلتلة محاكمات علنية(فعشرين سنة من عمر شعب دي ما سندوتش هين يتم التخلي عنو باخوي واخوك سسسسساكت)..
انت لو عاوز تعفي السندوتش بتاعك للكيزان علي كيفك طبعا
|
Post: #64
Title: Re: الكوز وقع من البلكونة...!!!
Author: عبدالكريم الامين احمد
Date: 11-29-2009, 05:09 PM
Parent: #62
Quote: سمعنا بي تحت تحت.... انو البلكونة وقعت
والكوز قاعد في محلو وما وقع. |
والله يا احمد كلو وارد
والكيزان ديل احتمال يبيعو البلكونة دي ويخلو خشمنا ملح ملح
|
Post: #67
Title: Re: الكوز وقع من البلكونة...!!!
Author: khaleel
Date: 11-29-2009, 10:31 PM
Parent: #64
وشهدنا مسميات غريبة وعجيبة
الدعوة الشاملة ومستشارية للتاصيل
بالله ماهو الوصف الوظيفي لمستشار التاصيل
وماذا يفعل في ساعات الدوام
|
Post: #68
Title: Re: الكوز وقع من البلكونة...!!!
Author: khaleel
Date: 11-29-2009, 10:32 PM
Parent: #67
وعرفنا زاد المجاهد وعرس الشهيد
والتجريدة
|
Post: #69
Title: Re: الكوز وقع من البلكونة...!!!
Author: khaleel
Date: 11-29-2009, 10:33 PM
Parent: #68
وساحات الفداء والميل اربعين
والقعقاع وابو الدرداء والدبابين
وامريكا روسيا قد دنا عذابها
واقسمت نفسي لتنزلني
|
Post: #70
Title: Re: الكوز وقع من البلكونة...!!!
Author: khaleel
Date: 11-29-2009, 10:40 PM
Parent: #69
ولكن في الاخر شهدنا تكالبا من قوي المعارضة السابقة
والركوب في قطار الجبهة وشهدنا كمية من التذكرجية والكمنسجية والمحولجية
وايضا عمال الدريسة
|
Post: #71
Title: Re: الكوز وقع من البلكونة...!!!
Author: عادل عبدالعزيز عبد الرحيم
Date: 11-30-2009, 00:03 AM
Parent: #70
وخديجة وضعها شنو فى الوقعة دى
بعدين هم وقعوا من نفس البلكونة بتاعة خديجة ولا من بلكونة تانية ( النقطة دى مهمة جدا)
ثم ثانيا مين القام لزاهم من وراء .
ركز شوية يا كيكى الموضوع ده ما هين ويا حبذا لو ناخد راى العالم الجيوبلتيكى ابو الخل
زكرتونى احمد شندى وياسر البركس وابو سممره فى مجادعاتهم فى دورى الكليات
يديكم العافية
|
Post: #80
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 08:33 AM
Parent: #71
Quote: وخديجة وضعها شنو فى الوقعة دى
بعدين هم وقعوا من نفس البلكونة بتاعة خديجة ولا من بلكونة تانية ( النقطة دى مهمة جدا)
ثم ثانيا مين القام لزاهم من وراء .
ركز شوية يا كيكى الموضوع ده ما هين ويا حبذا لو ناخد راى العالم الجيوبلتيكى ابو الخل
زكرتونى احمد شندى وياسر البركس وابو سممره فى مجادعاتهم فى دورى الكليات |
هلا والله ياعادل
وطريت سيرة ناس اسطورية ياخي..
وحرم انا كمان ضروري اجيب سيرة صحبي (معاوية ابوشنب)..
وتعرف الكيزان ديل ضروري نديهم باص باصين علي طريقة جريدة اخر تسطيح بتاعة احمد شندي ديك...
وياحليل زمن ياسر البركس وابوسمرة الشهيرة بابراهيم احمد ابو سمرة....
-تعرف لو كان الناس سمعت كلام ابوضفيرة(بتاع الرقم 13) في زمن داك كان حسع الامور ما وصلت بينا الي ما وصلنا له..
ابوضفيرة في ركن في النشاط في النشاط قال لمستمعيه (ارحكم مسيرة نخش فيها جووه القصر الجمهوري)
قالوا ليهو نخش كيف يا مولانا مع الحرس والاسلاك الشائكة دي..
قال ليهم ماعليكم بس لمن نصل جنب السور انتو شيلوني فووق واجدعوني جووه القصر
حسع لو ابوضفيرة ده اتجدع جووه القصر دي كان ممكن يكون عمل لينا حاجة اقلتها ممكن يقنع الناس ديل
يقعدوا 13 سنة ويفرتقو بعدها...
...
خديجة مافيها روح يا عادل تقع من البلكونة..
وقالو خاشة في جدل حول (هل تقع من البلكونةاو تقع من الملاريا)..
فالبلكونة محجوزة وكمان احتمال تكون خسوسية زيها وزي اليخت الرئاسي والفلل الرئاسية
دي بلكونة كبارات ياعادل
|
Post: #74
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 07:48 AM
Parent: #70
Quote:
والركوب في قطار الجبهة وشهدنا كمية من التذكرجية والكمنسجية والمحولجية
وايضا عمال الدريسة |
...
نعم يا ابو خليل وعلت اصوات التذكرجية (علي طريقة الاصوات في السوق الشعبي الذي اصبح هو الميناء البري)
وعينك ما تسمع الا..
علينا جااااااي التراضي الوطني
وعلينا جااي يا جماعة اتفاقيا القاهرة
وعلينا جاي نيفاشا نفر والسفر
وعلينا جاي ابوجا بالكبري وابوجا بالردمية..
وصوتا من الشرق ينادي (الينا جاااي) فكان موسي رائد مقولة بجا حديد (في القصر توووش)
ومناوي من الغرب ينادي (والقصر توووش)
احزاب معارضة ليها ضل برلمان تووووووش
وواحدين غيرو جلدهم وتخندقو متحزمين متلزمين واقفين مع بني كوز في خندق واحد
غازي سليمان - جلال الدقير- لام اكول...وعييييييييك
|
Post: #73
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 07:40 AM
Parent: #69
| Quote: واقسمت نفسي لتنزلني |
كان عندهم واحدة بتاعة دفاعنا (الشعبي ياهو دي) ..لحنها جميل ياخي..
وانزوت الفنون يا ابوخليل لصالح
قيقم
محمد بخيت
وحتي ترباس شال عمتو وشارك في هذا المهرجان
بهبت ثورة الانقاذ لمن الجيش للشعب انحاز
كفاية ودار كفاية معارك واستهتار...
(ترباس الكان بغني للودار حسع لو فتش عمتو الطويلة دي بلقاها هي زاااتها ودرت)
|
Post: #72
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 07:33 AM
Parent: #67
Quote: الدعوة الشاملة ومستشارية للتاصيل
بالله ماهو الوصف الوظيفي لمستشار التاصيل
وماذا يفعل في ساعات الدوام |
اعتقد ان وصف الوظيفي هو توطين الجيو بولتكية الكيزانية وتاصيلها عبر اتاحة مساحات لحاجات علي شاكلة
الدولة الرسالية
المسيرة القاصدة
البكور..
الترشيد (الترشيد دي رشو بيها سفر البركس عدموها نفاخ العدس بعدما اكلو ناس شيخ علي وعلي الحاج)
ورقصة الرئيس
|
Post: #75
Title: Re: الكوز وقع من البلكونة...!!!
Author: Nader Abu Kadouk
Date: 11-30-2009, 08:04 AM
Parent: #72
Quote: فعندما كان الكوز هو الامر الناهي في كل الامور السودانية... اصبح الان لو داير يشيل حجر من جبل موية
ويوديهو جبال ام نيران...
سياتي شريك نيفاشا (وهو يردد حجر ده مودنو ويييين..؟؟؟)
مناوي ممكن ايضا يدخل خشمو ويسال عن الحجر ده.
المجتمع الدولي الخواجة العينو خدر ممكن يرسل مراقبين دوليين للاشراف علي (اتفاقية نقل هذا الحجر)
ثنبق منها لجنة دولية للاشراف علي نقل الحجر...!!
وممكن الصادق المهدي من وسط الملازمين يدخل خشمو
والشيوعيين لهم ايضا في نقة هذا الحجر بعض الكتابات في الميدان بقراها الكيزان علي مضض وهم لايستطيعون بلع كلامهم عن رفع الرقابة الصحفية.. |
الله يجازي محنك يا ابو الكيك
بعدين ما تنسى المشروع الحضاري
و ما تنسى جابوا لينا كل الجماعات المحظوره في بلادها
شي تونس و شي مغرب و شي سعوديه وفي اول هرشه من اميركا قاموا ضحوا
بالجماعه
إنها السلطه
ياخي ديل باعوا شيخهم
|
Post: #76
Title: Re: الكوز وقع من البلكونة...!!!
Author: khaleel
Date: 11-30-2009, 08:18 AM
Parent: #75
وممكن اطلاق اسم اخر علي حكومة الجبهة بانها حكومة الصناديق
صندوق دعم الطلاب
صندوق دعم الشريعة
صندوق دعم الشرق
صندوق دعم الجنوب
صندوق دعم دارفور
صندوق دعم قرية الحشرو عباس
|
Post: #78
Title: Re: الكوز وقع من البلكونة...!!!
Author: khaleel
Date: 11-30-2009, 08:21 AM
Parent: #76
ولعل اسباب صمود الجبهة عشرون عاما هو ضعف المعارضة
وقد بشرنا عز الدين علي عامر بان هذا النظام يحمل بذور الفناء داخله
وما زلنا (ناطرين)
|
Post: #82
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 08:58 AM
Parent: #76
| Quote: صندوق دعم قرية الحشرو عباس |
نعم ياخلي وشهدنا ايضا دولة المشاريع الهلامية الفنكوشية..
مشروع ترعتي كنانة والرهد
مشروع سندس الزراعي
طريق الانقاذ الغربي
وحفرة سوق الخرطوم التي قبعت سنين طويلة ونيف..
كل الحاجات دي وغيرها اتصرفت فيها قروش وتم اكل قروش وفي النهاية الناتج القومي منها صفر
كبير..مع انك لمن تشوفهم قايمين عليها في التلفزيون والجرايد تقول كنانة والرهد دي بكرة بتجر موية..
حتي السد السد الذي كان هو الرد
ظهر بانه يعاني من شق وطق ولاكهرباء فيه لمن ينادي
|
Post: #81
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 08:43 AM
Parent: #75
Quote: بعدين ما تنسى المشروع الحضاري
و ما تنسى جابوا لينا كل الجماعات المحظوره في بلادها
شي تونس و شي مغرب و شي سعوديه وفي اول هرشه من اميركا قاموا ضحوا
بالجماعه
إنها السلطه
ياخي ديل باعوا شيخهم |
هلا يا كدوك وعيد سعيد ياخي..
اها كمان ديل جابوهم رزم رزم..وجانا زمن لو بقيت ماشي الجريف او حلة كوكو الا تفجهم فج عميق..
ومسجد الجامعة في تلك السنوات اتملاء في كل كراكيره بهولا القوم تدخل في شك زاااتو
ياربي انا في مسجد جامعة الخرطوم ولا مسجد جامعة كراتشي وكويتا..
يمينين..باكستان..شيشان..توانسه وماخلو انانيا اسلامي ما تجدع وتمرمرغ في نعيم الدولة الرسالية..
وطبعا في النهاية بعدما الحمي العشوائية راحت سلموهم لامريكا التي كانت (ماخدبالك قد دنا عذابها)..
...
ياخي ديل عملو كمين لكارلوس ورازو لحدي ما جاء الخرطوم وباعو
وقبضو الثمين
|
Post: #77
Title: Re: الكوز وقع من البلكونة...!!!
Author: Ahmed Alim
Date: 11-30-2009, 08:20 AM
Parent: #72
| Quote: وشهدنا مسميات غريبة وعجيبة |
العيد مبارك عليكم يا شباب،،،
سمعنا وشفنا:
* سلام من الداخل.
* إجماع سكوتي..
* ودعوني أعيش.
* العجب الحرامي البيسرق البيضه وجدادها منهم بقولوا عليه راجل شاطر عرف كيف يستفيد..
* الرشوة عملوا ليها ريسايكلنق وسموها حقققنا.
|
Post: #79
Title: Re: الكوز وقع من البلكونة...!!!
Author: khaleel
Date: 11-30-2009, 08:23 AM
Parent: #77
واعادة صياغة الفرد السوداني وتفجيرات الطاقات
وسفينة الانقاذ سارت لا تبالي بالرياح
|
Post: #84
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 09:14 AM
Parent: #79
Quote: واعادة صياغة الفرد السوداني وتفجيرات الطاقات
|
حكاية تفجير الطاقات دي لذيذة يااستراتيجي..
تعرف لو عملت لفة بسيطة لزي 5 اسواق رئيسة في المدن السودانية بما فيها السوق العربي
ستجد جيوش عرمرم من العطالة قاعدين اليوم كلو في البرندات (سف تمباك- وتاجير جرائد) ثم ونسات نعسساانة ناس بالالوف ..(شغل مافي- امل مافي -حلم مافي)..
خريجين الجامعة من الجامعة الي الرقشة..ولو بقيت شوية محظوظ ممكن تسوق امجاد او بص سياحي في شارع الخرطوم مدني..
مكتب القبول في ايامهم الاولي كان التوظيف عبره اصعب واشد من التوظيف عبر الازهر الشريف
لانه عليك تسميع جزء تبارك كلو
|
Post: #83
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 09:06 AM
Parent: #77
| Quote: * العجب الحرامي البيسرق البيضه وجدادها منهم بقولوا عليه راجل شاطر عرف كيف يستفيد.. |
هلا يا احمد وعيد سعيد..
ودي كمان غيرت وعي الناس بالكسب الحلال..والزول البسرق بظهر عليهو الريش
بقو يسموهو ايضا التفتيحة وشايل مفاتيحها بعض الناس بكون معجب بيهو وبكون عندو هليمانة
وبيحلم كثيرين للوصول الي مستواه في (التفتيحة)..
والعطااات يتم غمتها وتوزيعها علي الدقون الصديقة والانتهازيين وشركاتهم..
عمارات تقع وطرق تتشقق وسدود تحرن وما تولد كهرباء وعاصمة حدادي ومدادي تغرق في شبر فيضان..
ثم جسر بلحمه وشحمه يروح في شربة موية
وتحياتي
|
Post: #85
Title: Re: الكوز وقع من البلكونة...!!!
Author: Nader Abu Kadouk
Date: 11-30-2009, 09:26 AM
Parent: #83
باسم الدين
تاجروا
سرقوا
قتلوا
عذبوا
عملوا كل شئ باسم الدين ولا علاقة لهم بالدين
إنهم الكيزان
|
Post: #86
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 09:41 AM
Parent: #85
Quote: باسم الدين
تاجروا
سرقوا
قتلوا
عذبوا
عملوا كل شئ باسم الدين ولا علاقة لهم بالدين
إنهم الكيزان |
نعم يا نادر انهم الكيزان ودولتهم التي كانت نموذج حقيقي لدولة التجارة باسم الدين..
حاربو وقتلو الناس باسم الدين..
ثم طلعو من بطن الدين ده ما يفيد بان اولئك الفتية ماتو سمبلة ساكت..
بيوت اشباح تنصب في قلب الخرطوم ويدق فيها مسمار في راس انسان باسم الدين
ثم تتم النكريبة لهذه البيوت الاشباحية باسم الدين..
باسم الدين يتم قذف القري الامن اهلها الحافظ اهلها للقران..يتم سحلهم بالانتنوف بامر الرب
تجويعهم باسم الرب ثم اغتصابهم ايضا باسم الرب..
كل من يريد ان يستمتع بالدولة الدينية الحديثة والتجارة باسم الله في هذا الزمن عليه ان يتامل في تجربة الكيزان السودانين
|
Post: #87
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 09:48 AM
Parent: #86
نسينا في امر المشاريع الفاشلة ان نذكر (المدينة الرياضية)
وامر يوسف عبدالفتاح الشهير برامبو الذي قيل تحت تحت كده
بانه (ضرب الشوربة) بتاعة المدينة الرياضية دي ثم ذهب مع الريح
|
Post: #88
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 10:35 AM
Parent: #87
Quote:
ولعل اسباب صمود الجبهة عشرون عاما هو ضعف المعارضة
وقد بشرنا عز الدين علي عامر بان هذا النظام يحمل بذور الفناء داخله
وما زلنا (ناطرين) |
دي كمان يا ابوخليل كانت واحدة من الحاجات المصاحبة لمشهد الانقاذ..
عندي صحبي كل مرة بقول لي الناس ديل جمعة جمعتين ما بقعدوها تببب وبكل ثقة والكلام ده من 89..
ناس المعارضة حصلت ليهم انهجامة وكانو مفتكرين الناس ديل عساكر ساكت خالي دقن وناس صفا وانتباه
ولكن الظهر ولاح هو انو الكيزان كانو مثل فيروس انلفونزا الخنازير في كل شهر والتاني مغيرين الجينات بتاعة الشغل بتاعهم...وعرفو من وين يقبضو البلد من يدها البتوجعها
وقعو ليك في المعارضة دي كع كرع سجن -تعذيب
وطرفوا بالانتهازيين منهم علي جنبة كده وغمتو ليهم الفيها النصيب من الدولارات
وجهجو ليك دفاعات المعارضة دي بطريقة كندورة الزمن داك بقدر يعملها
|
Post: #89
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 11:22 AM
Parent: #88
اخطر حاجة في حكاية العشرين سنة في الرحلة صوب البلكونة هي الغرغرينة والنحر الحصل في النسيج السوداني والبلاوي الحصلت في عضم المواطن السوداني الذي عاش طيلة العشرين سنة ونيف...
مشهد بسيط يمكنه يعكس حجم الشي الحاصل..
الحافلة او البص في السودان في سنين ما قبل حكومة بني كوز كان مسرح وفيهو حركة درامية (علي قولة محمد السني) وممكن تتونس مع جارك في البص وتسولف معاه وممكن تضحك مع الكمساري وكان البص السوداني في راكبيه ضاج بالنشاط..
قبل سنين قريبة حاولت ركوب حافلة في خط الكلاكلة فعينك ما تشوف الا النور..
كل راكب مادي بوزو مترين ونص وبعضهم سارح في عوالم بعيدة من المشاكل مع غنم ابليس
وبداء البص ساكنا وكلا يفكر وبصمت في ليلاه الراجيهو من فواتير الحياة وتعاستها
وحتي الكمساري صار ليس ذلك الكمساري البشاكل الركاب بسبب.. بل صار كمساريا ومع انطلاق البص تبداء تشنجاته وتحرشاته ضد الجموع الصامتة..
واغرب الاشياء هي ان حاولت تتكلم مع جارك كما هي العادة فانك لن تجد من يقول لك بغم..
وسنعود
|
Post: #90
Title: Re: الكوز وقع من البلكونة...!!!
Author: عبدالكريم الامين احمد
Date: 11-30-2009, 05:05 PM
Parent: #89
ومن الظواهر الي طلت في عصر كيزان البلكونة هي حكاية الطيارات..
مختار حمدين..ده من قولة تيت
الزبير محمد صالح
ابراهيم شمس الدين ورهط من شهداء القوات المسلحة
احمد الرضي جابر ومن معه
ثم اخيرا وليس اخرا جون قرنق ولكن بعد حضوره الي الخرطوم..
كل الحوادث الشالت الناس ديل وعبرت بهم الي البرزخ كانت حوادث طائرات..
هي الامر قضاء وقدر
ام ان الطائرات صارت اداة رسالية لتفسيح الغير مرغوب فيهم
|
Post: #91
Title: Re: الكوز وقع من البلكونة...!!!
Author: Adil Osman
Date: 11-30-2009, 09:24 PM
Parent: #90
كيكى الاصيل
سلامات
ما العمل؟ خطوة الى الامام؟ خطوتان الى الوراء؟
ورينا - نحن الشعب السودانى الفضل - داخل وخارج السودان نعمل شنو؟
الحزب اللسة فيهو عشم شايف ابريش وعبد العاطى وغيرهما من الوطنيين نازلين فيهو نبذ ورغبة فى ابادته.
حتى شكيت ان الناس ديل تبع جهاز الامن والمخابرات!
الحاصل شنو؟ والحيحصل شنو؟
والناس البرة ممكن يعملوا شنو؟
بعدين انبهك انه فى العشرين سنة الفاتت دى من هيمنة الكيزان الكلية عام 1989، وقبلها من هيمنتهم الجزئية عام 1977
- زمن المصالحة الوطنية والبنوك الاسلامية - حصل تغيير كبير فى السودان والسودانيين.
يجب ان نرصد هذا التغيير بتفاصيله.
نحن الناس البرة محظوظين الى حد ما . فمناعتنا الوطنية وشغلنا المستقل عن الحكومة حجبت عنا هذه الاشعاعات الكيزانية المدمرة.
وفى السودان قطاعات كبيرة ما زالت صامدة.
ماذا عن الناس المناعتهم الوطنية ضعيفة؟
انظر حولك جيدآ.
فى الواقع وفى الاسافير.
فى المنبر وفى الفيسبوك. وفى كل مكان.
ستجد ما اعنى. نماذج حربائية حقيرة. وحريفة فى التمويه واخفاء ارتباطاتها ومصالحها الدولارية.
|
Post: #92
Title: Re: الكوز وقع من البلكونة...!!!
Author: د.يوسف محمد طاهر
Date: 11-30-2009, 10:27 PM
Parent: #91
العزيز : كيكي - لك التحية
كل عام وأنتم بخير
كده خلينا نحرف البوست من مساره قليلاً
ونستعرض مهاراتنا في الإعراب ونشوف
صحة العنوان لغوياً , عشان الناس ديل
بقوا ما عندهم كلام غير النضم الفارغ !!!
الكوز : مبتدأ مرفوع وعلامة رفعه الضمة
الظاهرة فوق آخره.
وقع : فعل ماض مبني على الفتحة الظاهرة
فوق آخره والفاعل ضمير مستتر تقديره ( هو )
(الكوز) - والجملة الفعلية في محل رفع
خبر المبتدأ ( الكوز )
من : حرف جر
البكلونة : اسم مجرور ب ( من ) وعلامة جره
الكسرة الظاهرة تحت آخره
إذن نستخلص من هذا الإعراب بأن الكوز (وقع)
وانتهى من زمان دون تحديد لتوقيت دقيق لأنه
ظرف الزمان غير مذكور. فقد يكون هذا الوقوع
حصل بعد المفاصلة . وقد يكون بعد مذكرة الجنائية
ضد هارون وكشيب . وقد يكون بعد دخول القوات
الدولية . وقد يكون بعد مذكرة إعتقال البشير
وقد يكون بعد قصة سروال لبنى ....ألخ . فالقصة
ما معروفة حصلت متين . لكن من ناحية وقع . وقع , وشبع وقع كمان
نسأل الله أن لا يقوم بالسلامة , ويتكسر حتة حتة ...قولوا آمييييييييييين.
* ما رأيك في الدعاء بالله ؟ - قصرنا!!!
|
Post: #94
Title: Re: الكوز وقع من البلكونة...!!!
Author: عبدالكريم الامين احمد
Date: 12-01-2009, 09:05 AM
Quote: ما معروفة حصلت متين . لكن من ناحية وقع . وقع , وشبع وقع كمان
نسأل الله أن لا يقوم بالسلامة , ويتكسر حتة حتة ...قولوا آمييييييييييين.
* ما رأيك في الدعاء بالله ؟ - قصرنا!!! |
اميييييين يارب..
واللهم اوقعه زيادة كمان وكمان..
وفعلا يا يوسف الوقوع الزمن فيهو غائب ولكنه بيحصل يومي ومنذ 89
يوم الناس دي بتقع ولكنها ما جايبة خبر وعاملين فيها (رامين قدام) او كما يقولون..
السودان اصبح كل يوم يولد مصيبة علي كل المستويات وما خرج الناس من شربكة الا ووجدنا انفسنا امام شربكة اخري وليدة العقل الكيزاني الواقع ومصر يمشي لقدام وهو مترنح مثقل بالبلاوي والمظالم..
وحتما يا دكتور سياتي يوم الوقوع الكبير باذن الله تعالي
|
Post: #93
Title: Re: الكوز وقع من البلكونة...!!!
Author: عبدالكريم الامين احمد
Date: 12-01-2009, 08:34 AM
Parent: #91
Quote: ما العمل؟ خطوة الى الامام؟ خطوتان الى الوراء؟
ورينا - نحن الشعب السودانى الفضل - داخل وخارج السودان نعمل شنو؟ |
هلا يا عادل
وكل سنة وانت بالف خير وبركات..
وسالت سؤال اساسي ومحوري ..
نعم يا عادل الضوء الاتي في النفق اكثر خفوضا والصورة تكاد تكون معتمة في ظل واقعنا السياسي والاجتماعي الذي لايزال يترنح تحت مظلة العشرين سنة وما سبقها كما اسلفت انت...
ولكن ياعادل يمكننا القول بان الحركة في القضايا الموثرة علي السودان كوطن في فترة الانقاذ شهدت
حركة في اتجاهين ودي الشي الايجابي والطاقة البنحلم انها ممكن تحدث التغيير..
الانقاذ رجت وهزهزت السودان المجتمع السوداني ده في كل القضايا السالبة (العنصرية- التهميش- الحريات- قضايا المراءة- السلطة وتدوالها-ثم الفساد)..وهذه القضايا وصلت للمواطن السوداني في مرقده وهابشت جزء من حياته بصورة مباشرة ووعي بسلبياتها وخطورتها علي استقراره في وطنه...
في الجانب الاخر حصل وعي وتراكم يمكن ان نسميه نضالي ضد كل تلك القضايا ونشط المجتمع المدني بادني مستوياته في محاربة هذه الهجمات حتي ولو علي المستوي النظري..وتشكل وعي مناوئي لتلك القضايا..
...
1-نكران الذات السياسي
2- التخطيط السليم
3- الحد الادني المرن من اجل وطن عاتي ويسع للجميع
هذه الشعارات الثلاثة اعلاه هي (الخلطة السحرية) التي عليها تظلل فلسفة عمل كل الكيانات السياسية التي تنادي وتعمل علي اشاعة التغيير الحقيقي الذي سيعقب دولة الكيزان...
ولكن دوران عجلة (الاحتقانات) وتصفية الحسابات الحزبية والاجندة لصالح حركة التغيير ستبقي سحابة سوداء ستمطر سماء السودان بواقع سودائي اخر ربما يفوق سواد فترة الكيزان اذن التسامي هو كلم السر
...................
الحال صعب يا عادل والامور معقدة والخروج من هذا العنق عاوز تضحيات وبكل اسف اري الكثيرين جدا ليس لديهم استعداد لتقديمها ولاتزال لغة القطبية والتحرش السياسي ونصرة الذات الحزبية هي سيدة الموقف..
وتحياتي
|
Post: #95
Title: Re: الكوز وقع من البلكونة...!!!
Author: عبدالكريم الامين احمد
Date: 12-01-2009, 09:28 AM
Parent: #93
قلواك دينق يستقيل من الموتمر الوطني
قلوك دينق يهرب من السقوط البلكوني الاكبر
بنج ينننن افييييييت وكراج اليو..
اي بالعربي
يا سلطان عملت حاجة كويسة ومشكلة مافي
|
Post: #97
Title: Re: الكوز وقع من البلكونة...!!!
Author: ود الباوقة
Date: 12-02-2009, 10:34 AM
Parent: #96
والله الوقعتوا انتو ..
وبي قد القفة كمان ..
بقيتو تهضربوا نصت نهار يا كافي البلاء..
هي الشغلانة يا دوب حا تحلو ...
قال بلكونة ...
|
Post: #98
Title: Re: الكوز وقع من البلكونة...!!!
Author: عبدالكريم الامين احمد
Date: 12-02-2009, 10:42 AM
Parent: #97
Quote: والله الوقعتوا انتو ..
وبي قد القفة كمان ..
بقيتو تهضربوا نصت نهار يا كافي البلاء..
هي الشغلانة يا دوب حا تحلو ...
قال بلكونة ... |
احنا منو يا ودالباوقة..؟؟ حدد..
وبعدين كدي تعال ورينا انت (كوز- ولامتحالف) لانو الحكاية بتفرق
الكوز حيقع من البلكونة
والمتحالف الكان راضع من الكوز حيقعد يجقلب زي جقلبتك دي
فارز لينا روحك يا زول عشان نعرفك زول بلكونة ولا زول جقلبة ما بعد البلكونة
|
Post: #99
Title: Re: الكوز وقع من البلكونة...!!!
Author: Abdlaziz Eisa
Date: 12-02-2009, 11:34 AM
Parent: #98
العزيز كيكي
سلامات
كل عام وانتم بخير
طبعا الكوز فخار وليس ملالين!!
|
Post: #100
Title: Re: الكوز وقع من البلكونة...!!!
Author: عبدالكريم الامين احمد
Date: 12-02-2009, 11:46 AM
Parent: #99
Quote:
طبعا الكوز فخار وليس ملالين!! |
هلا يا عبدالعزيز
وكل سنة وانت والاهل بالف خير..
والفخار الكوزي لو وقع فان السلعلع والكائنات التي كانت تمتص منه بعض الفتافيت
مع دم الشعب الفضل ده هي اولي الاجسام التي تكورك وتجقلب من اثر هذا الارتطام الكيزاني
وتحياتي
|
Post: #101
Title: Re: الكوز وقع من البلكونة...!!!
Author: ود الباوقة
Date: 12-02-2009, 01:23 PM
Parent: #100
| Quote: احنا منو يا ودالباوقة..؟؟ حدد.. |
انتو الزغرطية ....
|
Post: #102
Title: Re: الكوز وقع من البلكونة...!!!
Author: عبدالكريم الامين احمد
Date: 12-02-2009, 04:45 PM
Parent: #101
Quote:
انتو الزغرطية .... |
زغرطية ...مزغزغيين
ده كلو ما بحلكم من البلكونة...
وبالله خليك واقف في الصف عشان تقوا بطريقة منظمة غير متزغزغة
|
Post: #103
Title: Re: الكوز وقع من البلكونة...!!!
Author: ود الباوقة
Date: 12-02-2009, 06:09 PM
Parent: #102
كيكي ...
والله ما عندكم الا تنططوا بي برة ..
تنططوا بس ...
|
Post: #104
Title: Re: الكوز وقع من البلكونة...!!!
Author: عبدالكريم الامين احمد
Date: 12-02-2009, 07:30 PM
Parent: #103
Quote: والله ما عندكم الا تنططوا بي برة ..
تنططوا بس ... |
اها يا عمر مصيتو دمنا وكمان عاوزين تحرمونا من النطيط في البلد
علي قولة دينق ياخي اختشوا شوية...
وافرنقعو بالله من سماء البلاد والعباد
|
Post: #105
Title: Re: الكوز وقع من البلكونة...!!!
Author: khaleel
Date: 12-02-2009, 07:41 PM
Parent: #104
Quote: والله ما عندكم الا تنططوا بي برة ..
تنططوا بس ... |
والله يا كيكي
ود الباوقة بعد ضرب 18 خروف
شكلو كدة يدو ملاانة
|
Post: #106
Title: Re: الكوز وقع من البلكونة...!!!
Author: عبدالكريم الامين احمد
Date: 12-02-2009, 07:47 PM
Parent: #105
Quote: ود الباوقة بعد ضرب 18 خروف
شكلو كدة يدو ملاانة |
ود الباوقة
داير يكتل الجدادة ويخم البيض
لكن البلكونة محمداهو تببببببببببب
|
Post: #107
Title: Re: الكوز وقع من البلكونة...!!!
Author: عبدالكريم الامين احمد
Date: 12-02-2009, 08:33 PM
Parent: #106
نويد ما تردد عن اخيتار الصادق المهدي مرشحا ضد البشير وكيزانه..
وهييييييع يا ود الباوقة
جاكم ابو ام سلمي لابتقدرو تقولو شيوعي وكافر ولامويد اوكامبو
اها خمو وصرو
|
Post: #108
Title: Re: الكوز وقع من البلكونة...!!!
Author: ود الباوقة
Date: 12-02-2009, 10:16 PM
Parent: #107
Quote: يا عمر مصيتو دمنا وكمان عاوزين تحرمونا من النطيط في البلد[/QUOTE
نططوا لكن في دائرة معينة ..
البنط برة منها قيامتو ربطت ...
|
Post: #109
Title: Re: الكوز وقع من البلكونة...!!!
Author: د.يوسف محمد طاهر
Date: 12-03-2009, 03:14 AM
Parent: #108
Quote: وهييييييع يا ود الباوقة
جاكم ابو ام سلمي لابتقدرو
تقولو شيوعي وكافر ولامويد
اوكامبو اها خمو وصرو |
لكن ما ضربة معلم يا كيكي
|
Post: #110
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 08:52 AM
Parent: #108
Quote: نططوا لكن في دائرة معينة ..
البنط برة منها قيامتو ربطت |
ها
ده كان زمان زمن (في سبيل الله قمنا) وزمن فلترق كل الدماء
وزمن ناسكم عيونهم حمر وزعلانين اربعة وعشرين ساعة...
ولكن حسع يا باوقة ريشكم اتنتف نتفة ديك ام الحسن البعملو ليهو الكشنة وهو بعوعي
|
Post: #111
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 08:57 AM
Parent: #110
| Quote: لكن ما ضربة معلم يا كيكي |
نعم يا دكتور
لو تم اختيار الصادق المهدي في مواجهة البشير فهو فائز بلامحال
فالكيزان اقوي لن يجدوا من الفرصة حتي يغبشو وعي العامة باسطوانات علي شاكلة
كافر وغيره..
وهي فعلا ضربة معلم
|
Post: #112
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 10:06 AM
Parent: #111
الصادق المهدي لو اصبح هو المرشح بتاع المعارضة فانه مكتسح بلا محال للبشير..
النيل الابيض
كردفان
دارفور..
النيل الازرق
دي كلها مناطق انصار لو نزل اي زول في العالم ده ضد ود المهدي بسقط..
اديهو دعم لوجستي من الشمالية والشرق تبع الختمية
وجيب ليهو الجنوبين...وشوية مكابسة في اصوات الخرطوم والجزيرة حيث الموتمر الوطني منقسم..
علي قوي حديثة واقفة ضد الانقاذ..
بالمعادلة اعلاه الصادق حيفوز والبشير من حسع احسن ليهو يتخارج من الحكاية دي
لانو سقوط 20 سنة
وسقوط في المحافظة علي وطن
وسقوط في الانتخابات كثيرة عليهو....
وتاني الرقيص بتاعو العاجبو ده الا يعلمو في حفلات فريق زنقو
|
Post: #113
Title: Re: الكوز وقع من البلكونة...!!!
Author: ود الباوقة
Date: 12-03-2009, 10:23 AM
Parent: #112
قمنا على المكابسة ...
|
Post: #114
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 10:28 AM
Parent: #113
| Quote: قمنا على المكابسة ... |
مكابسة وبس يا ود الباوقة..؟؟
دي القصة حتكون باذن الله مكابسة ومقالعة وكجم اصوات كمان
|
Post: #115
Title: Re: الكوز وقع من البلكونة...!!!
Author: ود الباوقة
Date: 12-03-2009, 10:46 AM
Parent: #114
| Quote: دي القصة حتكون باذن الله مكابسة ومقالعة وكجم اصوات كمان |
طيب تاني الجقلبة فوق كم..
اقضوا حوائجكم بالكتمان...
يا كيكي ..
|
Post: #116
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 10:50 AM
Parent: #115
Quote:
طيب تاني الجقلبة فوق كم.. |
مقالعة وكجم اصوات دي ود الباوقة مش علي طريقتكم بتاع التزوير ديك..
لععع
دي اصوات بتجي بتذكير الشعب بعمايلكم دي والبنسا كلو بياخد دفرة دفرتين من توعية وتذكير
بعمايلكم السوداء...
وبعدين مضي ولي زمن الكتمان
التحول الديمقراطي لوجاء كل شي حيكون بررررررره..
تاني غمت مافي يا عمر
نووو وييي
|
Post: #117
Title: Re: الكوز وقع من البلكونة...!!!
Author: ود الباوقة
Date: 12-03-2009, 11:01 AM
Parent: #116
| Quote: التحول الديمقراطي لوجاء كل شي حيكون بررررررره.. |
لووووووووووووووووووووووووو.............
|
Post: #119
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 11:22 AM
Parent: #117
| Quote: لووووووووووووووووووووووووو............. |
هيييييييع ابو ام سلمي
حتي ضحكتكم بقت نص كم الليلة
|
Post: #118
Title: Re: الكوز وقع من البلكونة...!!!
Author: د.يوسف محمد طاهر
Date: 12-03-2009, 11:02 AM
Parent: #116
Quote: وتاني الرقيص بتاعو العاجبو ده
الا يعلمو في حفلات فريق زنقو |
لا يكون فرفرة مذبوح...أو في تنصيب الصادق...
|
Post: #120
Title: Re: الكوز وقع من البلكونة...!!!
Author: ود الباوقة
Date: 12-03-2009, 11:28 AM
Parent: #118
| Quote: هيييييييع ابو ام سلمي |
كيكي ..
البحتري كيف ........
|
Post: #122
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 11:32 AM
Parent: #120
| Quote: البحتري كيف ........ |
ياود الباوقة ياخي انتو خليتو فيها بحتري تاني..
...........
الصادق ده عيبو وااحد هو اللولوة بتاعتو في موضوع اوكمابو
ولكن لو بقي رئيس بالضغط الشعبي حيجي في التايم وحنسلم البضاعة لاهاي صرة في خيط
|
Post: #121
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 11:28 AM
Parent: #118
| Quote: لا يكون فرفرة مذبوح...أو في تنصيب الصادق... |
في ديل زاتهم يا دكتور مافي ليهو رقيص تاني البشير ده..
وبقرار مفروض يكون جمهوري..
ويسلم ورقة مختومة من الشعب تفيد (هذا الرجل لايسمح له بالرقيص في كل المحافل)..
وعلي من يجده راقصا تبليغ السلطات فور ا
|
Post: #123
Title: Re: الكوز وقع من البلكونة...!!!
Author: ود الباوقة
Date: 12-03-2009, 02:22 PM
Parent: #121
| Quote: الصادق ده عيبو وااحد هو اللولوة بتاعتو |
لولوة وجقلبة = زيت + بقدونس
اها في الانتخابات الحلاقة دايرنهابي نمرة كم ..
نحن اقل من الزيرو ما عندنا ..
|
Post: #125
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 05:54 PM
Parent: #123
| Quote: اها في الانتخابات الحلاقة دايرنهابي نمرة كم |
حلاقة شنو يا ود الباوقة..؟؟
كدي احلقو انتو الدقون الضلالية دي ..
لانو القصة دي لو مشت كده ما بنخلي دقن حايمة في البلد ...
|
Post: #124
Title: Re: الكوز وقع من البلكونة...!!!
Author: د.يوسف محمد طاهر
Date: 12-03-2009, 05:38 PM
Parent: #121
| Quote: (هذا الرجل لايسمح له بالرقيص في كل المحافل).. |
إنت عارف يا كيكي . قالوا : وقف
ذو الفقار على بوتو رئيس وزراء
باكستان الأسبق مرة يخطب في الناس
فقام واحد من المواطنين قال ليه :
أسكت إنت بتشرب خمرة . رد عليه
ذو الفقار : صحيح , لكن ما بشرب
الدم , فانقلب الجمع من غاضبين
منه إلى معجبين به ويصفقون له .
فصاحبنا ده لو برقص يكون أحسن
لأنو لوفضى سيتجه غرباً وشرقاً وجنوباً
وشمالاً ويقتل في المساكين من طرف
آه ... قلت شنو يا كيكي لو رقص
ما أحسن ؟...لغاية ما يجي يوم الوقعة الكبيرة
|
Post: #126
Title: Re: الكوز وقع من البلكونة...!!!
Author: عبدالكريم الامين احمد
Date: 12-03-2009, 06:22 PM
Parent: #124
Quote: فصاحبنا ده لو برقص يكون أحسن
لأنو لوفضى سيتجه غرباً وشرقاً وجنوباً
وشمالاً ويقتل في المساكين من طرف
آه ... قلت شنو يا كيكي لو رقص
ما أحسن ؟...لغاية ما يجي يوم الوقعة الكبيرة |
لا لو كده لابد من بعض الرقيص
ولكن بحساب ورقابة لانو الزول ده لو لحق رقص ..رقصة طويلة
تاني حيقوم ليهو ريش
ونبقي في البحلنا منو تاني..
|
Post: #127
Title: Re: الكوز وقع من البلكونة...!!!
Author: عبدالكريم الامين احمد
Date: 12-05-2009, 10:51 AM
Parent: #126
Quote: فلنجعل من يوم الاثنين 7 ديسمبر يوماً تاريخياً للأمة السودانية ..
لقد بدأت الشرارة الأولى لمعركة التحول الديمقراطي ....
معاً من أجل إجازة قوانين التحول الديمقراطي ....
معاً من أجل حل سلمي وعادل لقضية أهلنا في دارفور
معاً من أجل الاستجابة الفورية لمطالب أهلنا في دارفور
ثورة ثورة حتى النصر ... ثورة ثورة حتى النصر
لا وألف لا للقوانين المقيدة للحريات
نعم لإلغاء قانون الأمن الوطنـي
نعم لإلغاء قانون النظام العام
نعم لإلغاء قانون الحصانـــات
نعم لإلغاء قانون النقابات ( نقابة المنشأ ة )
نعم لإجازة قانون الاستفتـــــاء
نعم لإجازة قانون المشورة الشعبية
نعم لتعديل القانون الجنائي وقانون الإجراءات الجنائية.
نعم لتعديل قانون الانتخابــــــات
نعم لتعديل قانون الأحزاب السياسية
نعم لتعديل قانون الصحافة والمطبوعات
نعم لمواءمة كافة القوانين مع الدستور وكافة اتفاقيات السلام والمواثيق الدولية
نعم من أجل إعادة جميــع المفصـــولين ورد المظالم وجبــر الأضــرار.
إلى الجماهير في الأحياء السكنية ....
فلنعمل على تنظيم الصفوف لنحول ( قوى الإجماع الوطني ) لأكبر تنظيم جماهيري ... داخل
الأحياء السكنية – المصانع – المزارع – المكاتب - المدارس – الجامعات – المساجد و دور العبادة
ثورة ثورة حتى النصر ..
ثورة ثورة حتى النصر ..
ثورة ثورة حتى النصر ..
فلتتكاتف جهود الجميع داخل الوطن لقيادة الثورة ....
- الأحزاب والتنظيمات السياسية
- قوى منظمـات المجتمع المدني
- النقابات.... العمال ... المزارعين ... الموظفين ... المهنيين ... الطلاب ...
المرأة السودانية ....القوات النظامية ... الجيش .. الشرطة .. الدفاع المدني ...
- كافة الجماهير السودانية ... الرجال – النساء – الشباب – الأطفال ...
فلنجعل من يوم الاثنين 7 ديسمبر يوماً للثورة السودانية البيضاء ...
- معاً من أجل تحول ديمقراطي سلمي ..
- معاً من أجل تداول سلمي للسلطــة ...
- معاً من أجل وطن واحد يسع الجميع ...
ثورة ثورة حتى النصر !!
ثورة ثورة حتى النصر !!
ثورة ثورة حتى النصر !!
-الإلتفاف حول قيادات قوى الاجماع الوطني مدخلنا للانتفاضة والثورة السلمية..
-الالتزام بموجهات قيادة المعركة مدخلنا السليم لاحداث التحول الديمقراطي ...
- قضية إلغاء القوانين المقيدة للحريــات شرطنا للمشـاركة في الانتخابات ...
-إنتهاء معركة التسجيل البداية الحقيقية لقيادة المعارك السياسية ضد السلطة...
ثورة ثورة حتى النصر !!
ثورة ثورة حتى النصر !!
ثورة ثورة حتى النصر !!
|
و بدأت الشرارة الأولى ..... ثورة ثورة حتى النصر !!!
|
Post: #128
Title: Re: الكوز وقع من البلكونة...!!!
Author: عبدالكريم الامين احمد
Date: 12-17-2009, 07:01 PM
Parent: #127
الدولة الكيزانية
قد دنا عذابها
|
|
|