Post: #1 Title: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 09:46 AM
يوسف خضر... سؤال واحد والله واحد هل كانت هنالك تظاهرة في مدينة ودمدني يوم الاثنين 7 ديسمبر 2009 تجمعت امام كنيسة ود مدني الواقعة في شارع النيل ولا مافي...؟؟؟
سوال واحد والله واحد لذا اتمني وارجو ان تكون الاجابة واحدة وواضحة لقاري هذا المنبر الكريم..
Post: #2 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-09-2009, 10:07 AM Parent: #1
يا كيكي، الشوام عندهم مقولة تقول: قطع الرقاب ولا قطع الأرزاق..
ما تنسى في ناس أكل عيشها من الطبطبة والتطبيل.. ____ عصرّك ده ذكرني معاصر السنوسي للزيوت هههه
Post: #4 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-09-2009, 10:10 AM Parent: #2
ابتفة ...!
سلامات يآخ وكل سنة وانت طيب فقدناك زمن بالمنبــر ..
بالله اخبارك ..
ــــــ لايخفي على الجميع ان الامـر ليس له علاقة بموضوع البوست فقلنا نستغل السانحة لاني لا اعتقد ان الخضر الاخضر سيجيب على كيكي بما يفيد
Post: #6 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-09-2009, 10:15 AM Parent: #4
ود الزين والله ليك وحشة من شارع النيل مدني لحدي شارع النيل الخرطوم، مروراً بكل الكنائس ودور العبادة، والمرافق الوطنية... __ أخبارك وأخبار العيد والأهل !
Post: #11 Title: Re: يوسف خضر... سؤال واحد والله واحد...؟؟ Author: Ahmed musa Date: 12-09-2009, 12:52 PM Parent: #4
Quote: لاني لا اعتقد ان الخضر الاخضر سيجيب على كيكي بما يفيد
هذا إن حضر!!!
Post: #17 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 01:50 PM Parent: #11
Quote: هذا إن حضر!!!
هلا يا احمد والزول ده لازم يجي لانو امس شابكنا مصداقية منبر وشنو كده ماعارف..؟؟
Post: #5 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 10:11 AM Parent: #2
Quote: الشوام عندهم مقولة تقول: قطع الرقاب ولا قطع الأرزاق..
ما تنسى في ناس أكل عيشها من الطبطبة والتطبيل..
هلا يا ابو اليسر ويوسف ده بصراحة زول عجيب وماعندي ليهو تاني الا العصر والنبوت الاسفيري لاني شايفو كمان طرح روحو المالك الحصري لمدينة ودمدني اها الليلة دايرين نشوف مدني دي سجلوها ليوسف ده متين...؟؟؟
وقبل ما نشوف التسجيل ده تم متين حارجع لسوال الاساسي والمحوري..
يا يوسف في مظاهرات في مدني ولا ماففففففففي..؟؟؟
Post: #3 Title: Re: يوسف خضر... سؤال واحد والله واحد...؟؟ Author: دينا خالد Date: 12-09-2009, 10:08 AM Parent: #1
اتوقع ان تاتى اجابة
سيدنا يوسف بن نبى الله الخدر
بمزيد من الاسئلة والتبريرات واللولوة ....
تصدق بس شايفه عناوين البوستات ولا واحد ما قدرت دخلتو ..
بشوف البوست الاصل وبجيكم للغلات .. سمح ؟
ـــــــــــــــــــــــــــــ فى ناس يا كريم بفتكروا فى نفى كلام الغير اثبات لكلامهم ودا ما صاح حتى لو ثبت .. حقو يشوفو ليهم كرعين لكلامهم ..
Post: #7 Title: Re: يوسف خضر... سؤال واحد والله واحد...؟؟ Author: Mustafa Mahmoud Date: 12-09-2009, 10:17 AM Parent: #3
اذناب الكيزان في المنبر يعملون بكل اجتهاد في شخصنة المواضيع العامة
كل المقصود من هذة الزوبعة هو الهاء المنبر عن حملة التسجيل للانتخابات
نحن قبيل شن قلنا
و كمان اتعلعمو الكذب و التزوير في الشبكة العنكبوتيه و تهكير الايملات و الباسووردات
يعملون بدقه بنظام الخلايا البوردية و تنظيم وورديات علي مدار الساعة و مسنجرات و تلفونات لادارة معارك و همية لخدمة مافيا الانقاذ و اهدافها
**************** ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
Post: #8 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-09-2009, 10:44 AM Parent: #7
*****
Post: #9 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-09-2009, 12:42 PM Parent: #8
كيكي دا مش وين يا جماعـــة !!!
Post: #10 Title: Re: يوسف خضر... سؤال واحد والله واحد...؟؟ Author: هواري نمر Date: 12-09-2009, 12:49 PM Parent: #9
كيكي وحيدر وياسر تحياتي و احترامي......
اها..في انتظــــــــــــــــــــــار الاجابة من السيد يوسف الخضــــر
____ يا كيكي..يا زولة اجابة شنو.. ماشايف الزول ده فارش المنبر كلو بوستات...
Post: #37 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 04:42 PM Parent: #10
Quote: يا كيكي..يا زولة اجابة شنو.. ماشايف الزول ده فارش المنبر كلو بوستات...
هلا يا هواري الزول ده كهربتو الاسفيرية فعلا زايدة فعاوزين بالبوست ده نعمل ليهو وزنة ونفكو عكس الريح
Post: #49 Title: Re: يوسف خضر... سؤال واحد والله واحد...؟؟ Author: JAD Date: 12-09-2009, 05:37 PM Parent: #37
Quote: يوسف خضر... سؤال واحد والله واحد هل كانت هنالك تظاهرة في مدينة ودمدني يوم الاثنين 7 ديسمبر 2009 تجمعت امام كنيسة ود مدني الواقعة في شارع النيل ولا مافي...؟؟؟
أخونا عبدالكريم الأمين ..
يا أخوي التظاهرة البوصفوا في محلها توصف دي معناها صغيرة شديد أو لم تكن هناك تظاهرة ..
مع العلم أنه لا توجد ساحة ما بين شارع النيل والكنسية .. لا شمالها ولا غربها ..
المظاهرة الكبيرة بتفرط نفسها على واقع الحال ولا تحتاج لرسم كروكي ..
لو عندك صور بالله ورينا عشان طولنا شديد من مدني السني .. خلينا نتذكر مدني الجميلة ..
تحياتي،،
جاد
Post: #12 Title: Re: يوسف خضر... سؤال واحد والله واحد...؟؟ Author: محمد إبراهيم علي Date: 12-09-2009, 01:00 PM Parent: #9
سلام مبذول للجميع
يا جماعة الزول ده ما في زول كلمو قال ليهو النفي اختصاص عمر عثمان بس وعندو ادوات ومصادر ما بفكوه لافي في الهوا كده
واذا في توجيهات بتقصير الظل النفوي* يا حدير الزين ادونا خبر عشان نرشح لينا ناس لباقي المدن الحنينة ومهمشة دي
ـــــــــــــــ الظل النفوي = ود عم الظل الاداري
Post: #13 Title: Re: يوسف خضر... سؤال واحد والله واحد...؟؟ Author: حمد عبد الغفار عمر Date: 12-09-2009, 01:06 PM Parent: #12
يا كيكي سلام
سؤالك دا بقع ضمن
اسئلة ليست للاجابة
زول انكر ليهو مظاهرة قدر الضربة؟
ياخ مدني دي بتدور بدون مفتاح زي المرسيدس بانوراما
Post: #39 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:03 PM Parent: #13
Quote: سؤالك دا بقع ضمن
اسئلة ليست للاجابة
هلا يا حمد وتحياتي واها كمان يا حمد انا الليلة لو ما المشورة الاسفيرية قررت انو يوسف ده يعتق السؤال بتاعي عيد الواحد ده داير يوسف افندي ده يجاوبو لي.. اصلو مافي ليهو طريقة جاي ولاجاي.. لوووووول
يوسف الخضر فعلا روتانا ونفي علي نار غير هادئة ولولوة علي اصولها وفصولها
وكل التحية ياخي وحتما سينجلي هذا النظام الباطش ونشوف ابو يوسف ده حينفي شنو تااااني
Post: #14 Title: Re: يوسف خضر... سؤال واحد والله واحد...؟؟ Author: Nader Abu Kadouk Date: 12-09-2009, 01:09 PM Parent: #12
كيكي
الزول ده باقي ليك بجي يرد ليك
لكن ده هو اسوبهم المعهود
كذب وتزوير للحقيقه
لكن كان زمان يا كيزان
ح نفضحكم في كل مكان
Post: #15 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-09-2009, 01:36 PM Parent: #14
Post: #16 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 01:48 PM Parent: #15
هلا يا حيدر وسلام للجميع ويا دوبك فكونا ناس الشغل وجينا لسيدنا يوسف ده
الزول ده ما جاء لسع ولاشنو..؟؟
Post: #18 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-09-2009, 01:52 PM Parent: #16
امسك عندك يا معلم ...
الحضور الان بالمنتدى العام لسودانيز أون لاين دوت كوم 1190 شخص » (73 )عضو و (1117) زائرا
»Abdelgadir Galal Ahmed »Ahmad Sanad »Ahmed musa »Al-Shaygi »Bushra Elfadil »Deng »Dr Mahdi Mohammed Kheir »Emad Ahmed »GamarBoBa »HAIDER ALZAIN »Hani Arabi Mohamed »Hisham Magzoub »Hisham Mansour »humida »MAHJOOP ALI »Mohamed E. Seliaman »omar arbab »Shiraz Abdelhai »Siham Elmugammar »أحمد أمين »أحمد طراوه »أحمد علاء الدين »إخلاص محمد أحمد »ادريس خليفة علم الهدي »امير مصطفى احمد »انعام حيمورة »انعام عبد الحفيظ »ايوب عبدالرحيم »بابكر عثمان مكي »بكري اسماعيل »جلال محمد نور »جمال علي حسن »د.محمد حسن »د.نجاة محمود »ذواليد سليمان مصطفى »زول ساكت »سارة كرودى »سامى عتبانى »سلمى الشيخ سلامة »صلاح أبودية »صلاح حمد »ضحيه ابراهيم »طارق ميرغني »طيبان »عبد المنعم شيخ ادريس »عبدالعزيز حسن على »عبدالكريم الامين احمد »عبدالله احيمر »عصام دهب »على بدرى حاج »على جويلى »على عجب »على ميرغني »عليش »فايزودالقاضي »فيصل عثمان الحسن »كمال عباس »محمد إبراهيم علي »محمد عادل »محمد عبدالرحمن »محمد عبدالله حمدنا الله »محمد على حسن »مدثر أبا يزيد »مطر قادم »معاوية المدير »نزار محمد عثمان »نهلة محكر »نورالدين صلاح الدين »هشام آدم »هشام هباني »ود محجوب »وليد عبد اللطيف »يوسف الخضر
Post: #19 Title: Re: يوسف خضر... سؤال واحد والله واحد...؟؟ Author: Nader Abu Kadouk Date: 12-09-2009, 02:02 PM Parent: #18
Quote: »يوسف الخضر
قاعد متحكر
لكن إجي اقول شنو
Post: #20 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 02:02 PM Parent: #18
Quote: يوسف الخضر
علي الاخوة الحضور تسليم هذا الرجل فورا.. باسم شعارات رفعها هو امس تنادي بمصداقية المنبر ثم عاد اليوم وتراجع عنها
يوسف الخضر متهم امام جماهير سودانيز اولاين بانتهاك مصداقية المنبر فماهو الراي الفقهي بتاعك..؟؟ مظاهرة في ولا مافي يا زول..؟؟
Post: #22 Title: Re: يوسف خضر... سؤال واحد والله واحد...؟؟ Author: Nader Abu Kadouk Date: 12-09-2009, 02:10 PM Parent: #20
Quote: فماهو الراي الفقهي بتاعك..؟؟ مظاهرة في ولا مافي يا زول..؟؟
شوف يا كيكي
هرش ما معانا
إتعامل مع الزول ده براحه عشان يجيك
لو واصلته في الهرش د ما بنقدر نقيف معاك
Post: #24 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 02:18 PM Parent: #22
Quote: شوف يا كيكي
هرش ما معانا
إتعامل مع الزول ده براحه عشان يجيك
لو واصلته في الهرش د ما بنقدر نقيف معاك
هلا يا كدوك تاني براحة مافي يا دفعة.. ابو يعقوب ده صبرنا عليهو كثيرا ياخي ورغم ذلك شايفو دايس ابنص التشكيك فعشان كده سوالي واضح ومحدد وواحد.. في مظاهرة يا ابويعقوب ولا مافي..؟؟؟ دي صعبة دي يا يوسف الليلة البقاها صعبة شنو ما امس الاول كانت سااااهلة وعملت ليها بوسسسسسسسسست كبير يا يوسف
Post: #21 Title: Re: يوسف خضر... سؤال واحد والله واحد...؟؟ Author: الفاتح الصادق حامد Date: 12-09-2009, 02:08 PM Parent: #18
يا باشمهندس كيكى
اخبارك كدة والشوق الكتل الورل
ياخى سؤالك دة شين كدة مالو ؟ ... الكضب دة مش عارفو ماركة مسجلة للكيزان ؟ كضابين كضب .. سبحان الله ,, دجالين دجل .. سبحان الله .. سراقين سرقة .. سبحان الله .. كتالين كتل .. سبحان الله .. نشلوا الوطن .. سبحان الله .. ديل ( كعوك للسمسم الوطنى ) .
يوسف ايها( الصدّيق ) تعال قول ل كيكى دة فى مظاهرة فى مدنى ولا مافى ؟
زنقة كلب فى حلة فلاتة
Post: #42 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:15 PM Parent: #21
Quote: يوسف ايها( الصدّيق ) تعال قول ل كيكى دة فى مظاهرة فى مدنى ولا مافى ؟
زنقة كلب فى حلة فلاتة
هلا يا الفاتح يا صديقي وشوق السحابة الراحلة والله...
واي بالله يا الفاتح كلم اخونا يوسف الصديق الصدوق الرائد الذي لا يكذب اسفيره عشان يجي يقول لينا مظاهرات في مدني كان في ولا مافي...
وفعلا هي زنقة بوبي في مايرنو.. بتلقي الحلة كلها شايلة عكاكيز وبتكورك نومقما نومقما
بمعني اقبض اقبض
Post: #23 Title: Re: يوسف خضر... سؤال واحد والله واحد...؟؟ Author: ود محجوب Date: 12-09-2009, 02:13 PM Parent: #18
اللهم لا نسالك رد القضاء ولكن نسالك اللطف فيه
ياخى دى ورطة دى
يجتمعوا كيكى وحيدر الزين واب تفة على ولدنا المسكين يوسف الخضر
يا اخوانا الواحد ما يترزق معاكم فى المنبر دا.
ــــــــــــــــــــــــــــــــــــــــت
اب تفة عمك الياس بسلم عليك
Post: #43 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:19 PM Parent: #23
Quote: ياخى دى ورطة دى
هلا يا ود محجوب بيني وبينك انها ورطة عجيب خلاص.. غايتو يوسف ابو يعقوب ده يحلو مننا الحلا بلة... لا سالنهو لا جيناهو في بوست براهو عمل هجمات مرتدة وحاول ضرب مصداقينا الاسفير ية بمجرد كلك.. وكما تقول اميرة الشيخ الليلة غايتو ابو يعقوب ووووووب عليهو.. لانو من اكرم اللئيم تفرعن وعمل فيها ابودنان ضكر
Post: #41 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:08 PM Parent: #15
Quote: ياسر طيفور مشى وين يا جماعــــة ؟!
السوال يا حيدر مش ياسر طيفور مشي وين بل فلنقل يوسف الخضر الزول الكان نضااااااااام وبوستاتتتتتتي داك مشي وين..؟؟؟
اين انت يا يوسف..؟؟
Post: #40 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:05 PM Parent: #14
Quote: لكن كان زمان يا كيزان
ح نفضحكم في كل مكان
ايو ووه يا كدوك الضرب ضروري يكون في كل الركب الكيزانية بما فيها الاسفيرية عشان تاني ما يستهبلو علي الشعوب
Post: #25 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-09-2009, 02:24 PM Parent: #12
Quote: واذا في توجيهات بتقصير الظل النفوي* يا حدير الزين ادونا خبر عشان نرشح لينا ناس لباقي المدن الحنينة ومهمشة دي
اعتقد يا محمد ابراهيــم والله اعلم ..
ان الظل النفوي الحديث طلع سراب ساى ودفقنا مويتنا وقتلنا العطش ..
توقعت في ظل الأنا المتضحمة ومتزايدة أن نشهد سجال ممتع بين ملك التفكيكات ورائد العمل العام
وحامي حمي مدني وشرف اهلها لكن تقول شنو ..
الله غالب بس
Post: #38 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 04:59 PM Parent: #12
Quote: واذا في توجيهات بتقصير الظل النفوي* يا حدير الزين ادونا خبر عشان نرشح لينا ناس لباقي المدن الحنينة ومهمشة دي
يا محمد وانا ارشح انو نعفي اخونا عمر من حكاية النفاي دي ويتم تعيين الاخ المجاهد يوسف الخضر نافيا رسميا لكل فعاليات الموتمر الوطني والمعارضة لانو 1- يجيد الالتفاف 2- خير من يجيد الزوغان 3-عينو قوية وسنو ملوية 4- يتمتع بمقدرة عالية علي تفريخ بوستات نفائية 5- مقدرات لف ودوران فذة...
دي موهلات الزمن ده ما بتتلقي باخوي واخوك فعشان كده نحن نرشح ابو يعقوب لهذا المنصب الاسفيري الخطير الداير مجاهد جلدو ابو قدح....فابو يعقوب لها بالتاكيد
Post: #27 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 02:32 PM Parent: #7
Quote: اذناب الكيزان في المنبر يعملون بكل اجتهاد في شخصنة المواضيع العامة
فعلا يا دكتور مصطفي وحسع اخونا يوسف ده ترك الموضوع فعلا الاساسي المظاهرة واللامظاهرة.. واصبح ماسك في حاجات بعيدة من الموضوع الاساسي في محاولة واضحة لتشتيت الامور و
Post: #26 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 02:28 PM Parent: #3
Quote: فى ناس يا كريم بفتكروا فى نفى كلام الغير اثبات لكلامهم ودا ما صاح حتى لو ثبت .. حقو يشوفو ليهم كرعين لكلامهم
هلا يا دينا والغريبة وهو بنفي بجي بقول كلاك كبار كبار خلاص وحسع لمن القصة بقت عليهو حااارة بكل سهولة نجده يبلع الكلام عن المصداقية والاخلاق ومصداقية المنبر... عرفنا التجارة بالدين كمان جابت ليها اخر ايام المتاجرة بسودانيزاونلاين...
وين يا جماعة اخونا يوسف الخضر ده عشان يجاوب علي السعال بتاعتنا
Post: #28 Title: Re: يوسف خضر... سؤال واحد والله واحد...؟؟ Author: Nader Abu Kadouk Date: 12-09-2009, 02:37 PM Parent: #26
Quote: وين يا جماعة اخونا يوسف الخضر ده عشان يجاوب علي السعال بتاعتنا
اكلو الدودو
كان ليك يا كيكي
الزول ده ما بجيك
اها اكان عندك شغله روحلها
Post: #29 Title: Re: يوسف خضر... سؤال واحد والله واحد...؟؟ Author: محمد النيل Date: 12-09-2009, 02:49 PM Parent: #28
يا كيكي سلام الزول دا زايغ حتى من البوست حقو
Post: #44 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:22 PM Parent: #29
Quote: الزول دا زايغ حتى من البوست حقو
هلا يا ود النيل وتحياتي الحارة والبوست حقو هين يا محمد انا هدفي الاستراتيجي عاوزو يزوغ من مدني ده زاااتها ويمشي القضارف
وتحياتي
Post: #30 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 02:50 PM Parent: #28
Quote: الزول ده ما بجيك
اها اكان عندك شغله روحلها
كيف يا ابوكدوك ما يجي ياخي وهو الناطق الرسمي وحامي حمي مدينة ودمدني شرقا وغربا وشمالا ثم جنوبا..
الزول بجي
Post: #31 Title: Re: يوسف خضر... سؤال واحد والله واحد...؟؟ Author: محمد النيل Date: 12-09-2009, 02:56 PM Parent: #30
الزول دا إنت ختيو بين ( ) فكك ليهو قوس واحد
Post: #45 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:29 PM Parent: #31
Quote: الزول دا إنت ختيو بين ( ) فكك ليهو قوس واحد
هلا يا محمد هو مجاهد علي شنو ابو يعقوب ده.. انو لو في محلو البس كمجاهد ميري الدبابين واقتحم القوسين دي افرقطها كما حصل في الميل اربعين ولكن تقول شنو يا محمد عالم فالحة في النفي واللفحي والحروب نعامة
Post: #32 Title: Re: يوسف خضر... سؤال واحد والله واحد...؟؟ Author: أم سهى Date: 12-09-2009, 03:02 PM Parent: #30
لحين عودة المطلوب قلنا ندي البوست رفعة اها
Post: #33 Title: Re: يوسف خضر... سؤال واحد والله واحد...؟؟ Author: على عجب Date: 12-09-2009, 03:10 PM Parent: #32
ياكيكي قلنا دي فرصة نسلم عليك
شكلو المي دا حار مافي زول بجيك
Post: #34 Title: Re: يوسف خضر... سؤال واحد والله واحد...؟؟ Author: Yousif A Abusinina Date: 12-09-2009, 03:56 PM Parent: #33
هلا يا يوسف وتحياتي ياخي.. والزول ده حسع بعد وقع في يد ناس نادر ابوكدوك انا زاااتي بقيت مفتش لي فيهو فرقة وما لاقي لوول
وزنقة زنقة حدنا الليلة كنيسة مدني
Post: #35 Title: Re: يوسف خضر... سؤال واحد والله واحد...؟؟ Author: tasneem Date: 12-09-2009, 04:01 PM Parent: #33
افو كمان الكيزان بيزوقوا
ديل ختوا امريكا وفرنسا تحت الجزم
اديه فرصة الزول دا يمكن بيجمع في الادلة والبراهين
تحياتي
Post: #36 Title: Re: يوسف خضر... سؤال واحد والله واحد...؟؟ Author: حمور زيادة Date: 12-09-2009, 04:04 PM Parent: #35
بوست غير موفق
Post: #46 Title: Re: يوسف خضر... سؤال واحد والله واحد...؟؟ Author: الشفيع وراق عبد الرحمن Date: 12-09-2009, 05:33 PM Parent: #36
هل كانت هنالك تظاهرة في مدينة الخرطوم يوم الاثنين 7 ديسمبر 2009 لو انتو جاوبتو على السؤال ده انا أضمن ليكم إجابة من أخونا يوسف الصديق
طبعاً ده بعد الاتفاق على تعريف كلمة مظاهرة
Post: #54 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:55 PM Parent: #46
Quote: هل كانت هنالك تظاهرة في مدينة الخرطوم يوم الاثنين 7 ديسمبر 2009 لو انتو جاوبتو على السؤال ده انا أضمن ليكم إجابة من أخونا يوسف الصديق
طبعاً ده بعد الاتفاق على تعريف كلمة مظاهرة
هلا يا الشفيع ويا زول الخرطوم دي الجاب سيرتها منو حسع في البوست ده.. البوست فيهو سؤال واضح ومحدد ومطروح لشخص واضح ومحدد ومختص بمدينة محددة وهي مدني.. داير تتطوع وتجاوب بالنيابة عن يوسف الخضر جاوب السؤال المطروح عن المدينة المطروحة.. داير تشتت الكورة وتخش في جدل بيزنطي عن ماهية المظاهرة ومفهومها وعن الخرطوم ومظاهرتها دي بكون جابتر تاني ممكن نفكر نتكلم معاك فيهو هنا او في حتة تاني.. ولكن حتي ذاك الوقت يظل السوال الوحيد والمطروح في حلبة هذا البوست هو هل هنالك مظاهرة في مدني يوم 7 -12-2009 وكان هناك تجمع في تخوم كنيسة ود مدني ام لا..؟؟؟ يا يوسف.. .........
Post: #52 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:48 PM Parent: #36
Quote: بوست غير موفق
اوووووه الناشط حمور مشتاقين ياخي.. بيني وينك ما موفق ابدا في ظل غياب الرائد الذي لا يكذب اهله ابا يوسف.. ياخي ما تعملو لينا مشورة اسفيرية وجيبو لي الزول ده بجاي يا كائنات ههههههه
تحياتي واشواقي الحارة يا حمور
Post: #51 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:44 PM Parent: #35
Quote: افو كمان الكيزان بيزوقوا
ديل ختوا امريكا وفرنسا تحت الجزم
اديه فرصة الزول دا يمكن بيجمع في الادلة والبراهين
هلا يا تسنيم والكيزان ديل ما تشوفي فصاحتهم وعيونهم الحمر ودقونهم دي.. ياما جرو جري الوحوش ونطو اسوار شارع النيل في الجامعة وجمعت ساعتها اكبر كمية من الاحذية الكيزانية في تاريخ الحركات الطلابية. بس النقيف ليهم جن كلكي ونلبس ليهم ملكي.. ديل خراطين (علي قولة اهل الخليج ) بمعني ناس ماعندهم ايو حاجة لقو الثروة والسلطة والبوليس والجيش وقروش الشعب ده وعاوزين يهرشو بيها البشرية دي.. والكلام ده خلاااص فنشششششششششش...
وتحياتي يا تسنيم وحبابك في مدارات الكوز الهارب يوسف الخضر
Post: #48 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:36 PM Parent: #33
Quote: ياكيكي قلنا دي فرصة نسلم عليك
شكلو المي دا حار مافي زول بجيك
هلا يا علي عجب واشواقي الحارة ياخي.. وفعلا المي حار ما لعب قعونج والبجي كلو حياخد حقو كاش ويقلل النقاش
Post: #47 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 05:33 PM Parent: #32
Quote: لحين عودة المطلوب قلنا ندي البوست رفعة اها
هلا يا ام سهي وتحياتي.. وزولي ده يا ام سهي لو قريب بكون في القضارف مصادري الجابت لي خبر المظاهرة قالت لي شاهدته وهو يتجه شرقا..
وكلنا في انتظار عودة ابو يعقوب
Post: #53 Title: Re: يوسف خضر... سؤال واحد والله واحد...؟؟ Author: Kostawi Date: 12-09-2009, 05:54 PM Parent: #47
المصدر الميدان
Post: #55 Title: Re: يوسف خضر... سؤال واحد والله واحد...؟؟ Author: BAKTASH Date: 12-09-2009, 06:01 PM Parent: #53
الحضور الان بالمنتدى العام لسودانيز أون لاين دوت كوم 1431 شخص » (117 )عضو و (1314) زائرا
»ABDELMAGID ABDELMAGID »abdulhalim altilib »Adil Ali »Ahmed musa »Al-Shaygi »ALazhary2 »Ali Hamad »Amjad ibrahim »AnwarKing »ASHRAF TAHA »BAKTASH »Bashasha »Elawad »Elawad Eltayeb »Emad Ahmed »emad altaib »Faisal Al Zubeir »hamid brgo »Hani Arabi Mohamed »Hisham Osman »JAD »Khalid Eltayeb »Mahadi »Mohamed Elbashir »Mohamed Elboshra »mohamed hussein »mohamed osman bakry »MOHAMMED ELSHEIKH »nabielo »Nasr »nassar elhaj »omar altom »Rashid Elhag »Rawia »Salwa Seyam »Shams eldin Alsanosi »sumah »Tagelsir Elmelik »tariq »welyab »أحمد إسماعيل »أحمد الشايقي »أسامالكرور »أم سهى »أمين محمد سليمان »أيمن مبارك أبو الحسن »ابراهيم عدلان »ابو يسرا »ابوعسل السيد احمد »احمد الامين احمد »احمد العمار »اساسي »الجيلى أحمد »الشامي الحبر عبدالوهاب »الصافي بشير الصافي »الغالى شقيفات »انعام حيمورة »انور التكينة »بدرالدين شنا »بريمة محمد »بشير أحمد »ثروت سوار الدهب »جمال ادريس »حاتم علي »حامد بدوي بشير »حذيفه ابراهيم الكباشي »حيدر حسن ميرغني »خضر حسين خليل »خضر عطا المنان »خليل عيسى خليل »د.محمد بابكر »د.نجاة محمود »د.يوسف محمد طاهر »ذواليد سليمان مصطفى »سامي جمال »سلمى الشيخ سلامة »سمندلاوى »سيف النصر محي الدين محمد أحمد »ضياء الدين بلال »طارق عثمان »عادل سمير »عاطف عبدون »عبد المنعم شيخ ادريس »عبدالرازق الطيب يس »عبدالكريم الامين احمد »عبدالله احيمر »عبدالوهاب علي الحاج »عزام حسن فرح »عزيز عيسى »عصام دهب »علاء الدين محمد بابكر »علاء الدين يوسف علي محمد »عماد موسى محمد »عمر دفع الله »عمر صديق »فيصل محمد خليل »محمد أحمد الريح »محمد الأمين موسى »محمد على حسن »محمد على طه الملك »محمد فضل الله المكى »محمود بكر »مريم بنت الحسين »مطر قادم »معاوية عوض الكريم »هاشم الحسن »هاشم نوريت »هشام آدم »هشام الطيب »هشام المجمر »وليد التلب »وليد عبد اللطيف »ياسر التجاني »ياسر بيناوي »ياسر عدوي »يوسف الخضر »يوسف السماني يوسف
ما قال بجي!!!!!!
Post: #56 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 06:01 PM Parent: #53
هلا يا كوستاوي وكده زولي ده بكون القضارف زااتها طفش منها ولو قريب بكون في تسني في التخوم الارترية .. ياخي انتو عالم حاقدين الزول ما يلم ليهو في كوز في زقاق ضيق الا وطريتو منو طيرة الدريش من العويش..
.......... وجيت يا كوستاوي في زمن كويس لاني ناوي اعمل (بور بوينت) لكل تغطية مظاهرة مدني وح اخلي صحبي ابو يعقوب ده يخت اي تغطية في زاوية معينة في مدني ستحدد لاحقا..
وبتاعة الميدان دي بالله يا يوسف خليها لي قدام نادي الاتحاد في خور كبيررر كده بهناك فيهو مهمشنين بغسلو في العربات قول ليهم اللنك ده تبع كيكي
Post: #58 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 06:11 PM Parent: #56
Quote: »يوسف الخضر
نومقما نومقما نومقما
يا ابو يعقوب بطل الجاسوسية وتعال بالدرب دغري
Post: #57 Title: Re: يوسف خضر... سؤال واحد والله واحد...؟؟ Author: عزيز عيسى Date: 12-09-2009, 06:11 PM Parent: #47
هلا (الكلكة) كيكي والأخ العزيز يوسف خضر،
تحياتي لكم، وإنتو الإثنين أعزاء علي..
خارج الزرزرة بتاعتك دي:
يا كيكي حليل أيام المظاهرات زمان في مدني.. لما كنا طلبة في مدني خرجنا في مظاهرات كبيرة ضد حكومة النميري.. طبعا الهتاف في القمة ورشقنا الشرطة بالحجارة.. وبعد مطاردة الشرطة لنا وأخذنا لعلقة مظبوط وإنتهاء المظاهرات مشينا على شارع مارنجان بركات بالقرب من مدرسة مدني الثانوية بنات نركب المواصلات ونرجع أهلنا.. لقينا واحد من أصحابنا أولاد مارنجان كان يا دوب عينوهو بوليس (مستجد) واقف في الشارع وحامل معه سوط.. لما شفناهو قلنا نمشي نسلم عليه ونبارك ليهو العسكرية.. بمجرد وصولنا وتجمعنا حوله الراجل ما سلم علينا لكن وقع فينا ضرب بالسوط (من طرف) وقمنا جارين منه.. في المساء وبعد عودته من الدوام ذهبنا الى منزلهم وسألناهو يازول مالك تغابيت فينا العرفة وواقع فينا ضرب.. قال لينا: إنتو مجانين أنا أعطوني أوامر أجلد أي طالب مشترك في المظاهرات.
Post: #59 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 06:27 PM Parent: #57
Quote: قال لينا: إنتو مجانين أنا أعطوني أوامر أجلد أي طالب مشترك في المظاهرات.
هلا يا عزيز وده البوليس والعسكرية العجيبة ولكنهم حتما طيبون وسرعان ما ينحازوا الي الشعب فهم اخواننا واصدقائنا ولكن الانقاذ المجرمة تقوم باستغلال اشرف السلوك العسكري وهو الضبط والربط وتسخره لصالحها
Post: #60 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 06:40 PM Parent: #59
يلا يا ابو يعقوب الان حان دور الpower point ولحدي ما تجي لو عندك جية خليك مع الوصايا دي وهي في رقبتك كزول رائد لا يكذب اهله..
Quote: نعم ودمدني تشتعل ولن تخمدالا ان يذهب هذا النظام الى مزبلة التاريخ اجتمعت الاحزاب السياسية بود مدني بدار الحركة الشعبية لمناقشة تداعيات ما تم من تزوير في بعض مراكز التسجيل والتضامن مع قوى الاجماع الوطني بالخرطوم بسبب منع المسيرة السلمية واعتقالات القيادة السياسية في الخرطوم. قررت الحركة الساسية بود مدني بتسير مسيرة سلمية من دار الحركةالشعبية وتقديم مزكرة احتجاح للسيد/معتمد الولاية الا ان قوى الشرطة (شرطة الاحتياطي المركزي وشرطة(مبرقعة) من غير اسم اعترضت طريق المسيرة عند شارع النيل وبالقرب من مبنى الولاية القريب ايضا من المجلس التشريعي الولائي وتم اعتقال 36 من القيادات السياسية ومجموعة من المواطنين المتضامنين و9 من نساء الاحزاب السياسية وتم ضربنا وإهانتنا بما لا يلقيق و إقتيادي واسمهان عضو المجلس التشريعي عن الحركة الشعبية الى عربة (المجرمين) دون اعتبار للحصانة الممنوحة لكلينا .وتم اقتيادنا الى شرطة قسم الاوسط مدني وزجنا في حراسات متراصين وفتح بلاغات الشغب ووتهديد الامن والسلام والازعاج العام والتجمهور الغيرمشروع من قانون الجاني لسنة91 والتحري معنا واطلاق سراحهم بالضمانة ليلا
اضافة الى اعتقال 99 شخص يتبعون للحركة الشعبية يسكنون عووضةالعالي مدني وتم اعتقالهم من داخل عربتان اي حافلتان واقتيادهم الى شرطة قسم الجنوبي مدني وفتح بلاغات الشغب ووتهديد الامن والسلام والازعاج العام والتجمهور الغيرمشروع من قانون الجاني لسنة91 والتحري معهم واطلاق سراحهم بعدجهد ايضا.
شارع النيل كما تعلم شارع رئسي رغم ان السبت كانت اجازة عامة الا ان الجماهير كانت كبيرة وتم حجزهم ومنعهم من الانضمام للمسيرة
لي عودة
دي هنادي الفضل من جوووه الجك ومن وسط التظاهرة وسجونها.. وبالله كلامها ده شتتو لي في مارنجان وعوووضة ولو فضل منو باقي بر بيهو ناس حلة حسن..
Post: #61 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 06:44 PM Parent: #60
Quote: لقوى السياسة بالجزيرة تسحب ممثليها في لجان الانتخابات
قررت القوى السياسية بولاية الجزيرة سحب ممثليها في لجان الانتخابات ومراكز التسجيل و مقاطعة اجتماعات مفوضية الانتخابات احتجاجاً على الإجراءات التي قامت بها الشرطة أمس باعتقال قيادات حزبية وتفريق المسيرة التي نظّمتها الأحزاب، وكانت الأحزاب بالجزيرة قد رفضت الدخول في الاجتماع المُنعقد برئاسة نائب رئيس المفوضية الاتحادية الموجود بالولاية، وقالت الأحزاب التي اجتمعت بدار الحركة الشعبية في أعقاب اعتراض شرطة ولاية الجزيرة للمسيرة التي سيرتها القوى السياسية بالولاية، والتي دعا إليها حزب الحركة الشعبية للتنديد والتضامن مع المعتقلين في الخرطوم. واعتقلت الشرطة ثلاثين عضواً بارزاً بالحركة الشعبية والأحزاب الأخرى، واحتجزتهم بالقسم الأوسط، كما احتجزت (99) من المشاركين في المسيرة، وتمّ إيداعهم القسم الجنوبي. وأفاد الأستاذ أنور محمد أحمد الوزير بالحركة الشعبية بالولاية أنّه تمّ القبض على سبع نساء، وندد بما أسماه ممارسات المؤتمر الوطني غير الرشيدة، وقال إنّ الوطني ليس باستطاعته العيش في ظل التحوّل الديمقراطي، و ندد باعتقال الأجهزة الأمنية لقيادات ذات مناصب دستورية وحصانة، وقال إنّ ذلك يعد خرقاً للقانون وعدم احترام للمؤسسية والدستور، مشدداً على أنّ الحركة الشعبية وجميع القوى السياسية لن تصمت إزاء ما وصفه بالتجاوز الذي يكرس لحكم فردي متسلّط.
تاج السر أحمد التيار
دي صحيفة التيار صحيفة خرطومية مية المية.. وكلامها دي بالله خليهو قاعد جنبك في (اريل التلفزيون بتاع مدني العالي داااك) لانك امس كنت قاعد وكشفت منو كل نواحي مدني وعرفت انو مافي مظاهرات.. ولو فضل باقي حروف من كلام التيار ده وزع لي بالله في اكشاك السوق الشعبي ومررو علي ناس الدباغة وبعض تخوم بانت
Post: #62 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 06:58 PM Parent: #61
اها يا ابو يعقوب واللنك بتاع كوستاوي الفيهو الميدان ده اتوصا عليهو بالله.. وباقي الميدان دي جريدة بتاعة شيوعيين حطب النار فخليها بعيد بعيد من مركز مدينة مدني لانو الناس دي لو دخلو جووه بعوقوكم.. فاجدع لي جزء منو في غابة ام بارونة وجزء بالله قطعو لي الكبري صوب حنتوب وخليهو مقطوع في كراكير حنتوب ديك... وجزء اجدعو لي في مدخل ودمدني الشمالي عند تقاطع شارع المناقل..
بعيد بعيد هناك كويس
Post: #63 Title: Re: يوسف خضر... سؤال واحد والله واحد...؟؟ Author: khaleel Date: 12-09-2009, 07:05 PM Parent: #62
كيكي
لو ما ظاهرت مدني بتطلع مظاهرة منو تاني
وتذكرت قصة احد لاعبي كرة القدم
مع (طباخ ) كان شغال مع جماعة اصحابنا
لاعب الكورة سال الطباخ قال ليهو انت من وين
الطباخ قال ليهو من مدني
لاعبنا رفع رجليه وقال (ااااه يا مدني)
Post: #65 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 07:11 PM Parent: #63
Quote: لو ما ظاهرت مدني بتطلع مظاهرة منو تاني
لكن تقول شنو يا ابو خليل مع ناس لو طار غنماية ديل.. الزول ده الليلة انا ح الفو بيهو مدني دي بكراع كديس
Post: #64 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 07:08 PM Parent: #61
Quote: تحيه للجميع فى صدر صفحتها الاولى بعددها رقم 544 الصادر صباح اليوم الثلاثاء 8/12/2009 لتسع بقين من ذى الحجه للعام 1430 وعبر فريق تغطيتها المتناثر بشتى مدن الوطن الحبيب اكدت صحيفه اجراس الحريه اندلاع مظاهرات بعده مدن سودانيه امس الاثنين ومنها مدينه ودمدنى ففى منتصف القصه الخبريه كتبت الصحيفه تقول: " وشهدت عده مدن بالولايات المختلفه مسيرات سلميه من بينها امدرمان وكسلا وبورتسودان والحصاحصيا ومدنى وواوو ووارب وجوبا سيرها الالاف من المواطنين وكانت الشرطه قد فضت المواطنين بالقوة ..........الخ" انتهى الاقتباس وفى نهايه الخبر بالصفحه الاولى احالت الصحيفه المتابع الى الصفحه الثالثه حيث قام مراسلها بكسلا صالح عمار بتغطيه الحدث من هناك كما جاء كذلك وصفا للتظاهره بجوبا... المصدر: صحيفه "اجراس الحريه" العدد 544 الصادر اليوم 8/12/2009 لتسع بقين من ذى الحجه1430 *** ملحوظه للتاريخ: افاد من بعث بالصحيفه ان الحصول عليها صباح اليوم بقلب الخرطوم منذ العاشره صباحا صار اشبه بالعثور على انجاز موجب فى دفتر حكومه الانقاذ التى دمرت بنيه وروح الوطن العزيز!!!!!!!!!!
دي اجراس الحرية.. وفضروري يا ابو يعقوب تشيل معاك جرس وتدقو لناس مايو اربعين وطرف وتخشي معاك دردق وتاخد ليك وقفة في كازبلانكا وتسمع لي ناس الزمالك والحي السوداني ولو شديت حيلك شوية بريحك من مشوار المكي ولو تعبت ممكن الحقك ود الباوقة لانو امس كان لاعب معاك ون تو وعاملين ليها حمد والديبة
Post: #66 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 07:22 PM Parent: #64
Quote: إعترضت شرطة ولاية الجزيرة أمس مظاهرة نظمتها أحزاب تحالف جوبا والحركة الشعبية كانت في طريقها الى قصر المجلس التشريعي في ود مدني ومتزامنة مع مظاهرة مماثلة في الخرطوم ، وألقت الشرطة القبض على نحو 155 من منظمي المظاهرة بينهم عبد الرحمن عامر أمين المؤتمر الشعبي بالجزيرة وتسعة نساء ، لعدة ساعات ثم اطلقت سراحهم بعد اكتمال إجراءات الضمان.
صحيفة آخر لحظة
دي اخر لحظة ورغم انو فيها كوز مرجف كالهندي عزالدين الا اننا من دقنها سنفتل لك حبالا يا يوسف تجوب بيها المرة دي طرقات حي المطار والاشلاق بتاع البوليس وتدي الجامعة معاك طلة واعمل حسابك من اولاد جامعة الجزيرة المساخيت ديل ما يعرفوك انك نفيت مسيرة حدادية مدادية ومايعرفوك شايل جريدة بكتب فيها الهندي عزالدين.. ومتع لي بالله بيها المزاد والدرجة وما تنسي السكة حديد...ولو فرفرت ممكن اشدك مشوار لحدي بركات ..وكراكير موبي بهناك... ولو تعبت برضو لبعثنا لك بود الباوقة الديبة بتاعك..
Post: #67 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-09-2009, 07:37 PM Parent: #66
Quote: بيان من الناطق الرسمى باسم الشرطه يؤكد قيام مظاهره بمدنى
أمس الثلاثاء 8/12/2009عند التاسعه ونصف ليلا قطعت اذاعه البيت السودانى اف ام 100 برنامج اغنيات من ذهب المخصص للصوت الكاستراتو محمد حسنين لتقدم للمستمعين البيان رقم 2 الملحق بالبيان رقم 1 الصادر يوم الاثنين 7/12/2009 من مكتب مدير عام الشرطه بالخرطوم والمذيل باسم الناطق الرسمى باسم الشرطه حيث ذكر البيان الرسمى بوضوح قيام مظاهره بمدينه مدنى يوم الاثنين 7/12/2009 وقدر البيان عدد المشاركين بمظاهره مدنى بنحو 160 مشاركا وان الشرطه تعاملت معهم بمهنيه وبطريقه سلميه
اها ده البيان الملخص بتاع بيان الشرطة.. وانت طبعا سيد مدني والناطق الرسمي باسم مدني فعليه بتكون عارف كويس انو في حي اسمو البيان..اها شفت البيان ده انا عاوزو يدور من حي البيان وطواالي جيبو لي ام سويقو وفي سماكة كده بجو مع الصبااااااح ضروري تديهم خبرو (وتبلغهم سلامي وشوقي الكثيف) والباقي وزع لي في ود ازرق ونواحي القبة وشوت في شارع النيل دي الكنيسة ما توقفك وخش لي بالله السوق بتاع مدني ده ضروري من بوابة الملجة نواحي المسرح...واي زول واقف في الصف الطويل بتاع تمباك بوووش تديهو خبرية بالحكاية دي
Post: #68 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-09-2009, 09:32 PM Parent: #67
Quote: يوسف خضر... سؤال واحد والله واحد هل كانت هنالك تظاهرة في مدينة ودمدني يوم الاثنين 7 ديسمبر 2009 تجمعت امام كنيسة ود مدني الواقعة في شارع النيل ولا مافي...؟؟؟
سوال واحد والله واحد لذا اتمني وارجو ان تكون الاجابة واحدة وواضحة لقاري هذا المنبر الكريم..
الأخ عبدالكريم،، مساءك خير،،، وعذرا أن تأخرنا عليك .. فأنا كنت مابين محطات السفر.. لم يمهلني الوقت أكثر من نظرات خاطفة حينا بعد حين.. دلفت فيها الي هذا البوست الذي أخطأ المشوار.. كما أخطأت في أسمي الذي اقتطعت منه بضع حروف.. كيفما اقتطعت من الحقيقة ما أردت .. وأضفت لها ما أردت.. نعم يا عبدالكريم،، حاولت تهويل وتغيير وتصدير الحقائق بغيرما هي عليه.. الي جمهور عريض يستقي من هذا المنبر الأحداث والأخبار.. لا أدل علي ذلك من تلك الصور التي تم أيرادها ببوستك (مدني تشتعل ).. والتي حاولتم تسويقها علي أنها لمظاهرات في مدني.. دون وضع تعليق عليها...!!! حدثني بالله عليك.. بوست أسمه مدني تشتعل.. يتحدث عن مواكب ومسيرات بمدني( ثم توضع فيه الصور للمسيرات ).. متتابعة دون تعليق..!!!! ( الصور يظهر فيها شباب وشابات ).. يعقب الصورة تعليق للأخ فيصل عثمان وأقتبس..
Quote: كيكى سلامات . تعرف يا كيكى أنا المريحنى فى الموضوع ده وما يدعو للأمل والتفاؤل , أنو الشباب من صغار السن قايمين بدورهم على أكمل وجه , وهذا يؤكد أن هناك وعى كبير وسط الشباب , وطالما الزحف المقدس قد بدأ وانتظم القرى والحضر فعلى حكومة الجبهة انتظار مصيرها المحتوم ,. التحية لأهل مدنى قلعة الصمود.
البوست عن مظاهرات مدني.. والصور فيها المتظاهرين ..ويظهر فيها الشباب بوضوح.. وتحتها (تعليق شبابك تشابك)..والتعليق تحتها عن الشباب بالمسيرة وتحية لأهل مدني.. وتقول لي أنك لم تحاول تسويق الصورة لمسيرة بمدني؟؟؟؟؟ لنكن منطقيين... نفيك لم يأتي الا بعد أن كتبت أنا لأبي ساندرا رادا عليه وأقتبس...
Quote: أنا اتحداك وأتحداه(واعوذبالله من التحدي) وحتي لا يكون هناك (زوغة).. أن يرفق تعليقا أو يؤكد لي فقط أن هذه الصور لمسيرة مدني.. وأعدك حينها ان أفتح بوستا منفصلا لهذه الصور ونظهر من منا في معية الكاذبين .. ومن منا الصادقين..!!
فمن منا هنا الذي حاول التزوير يا أخ عبدالكريم...؟؟ ولماذا أمضي بعيدا وعنوان بوستك كافيا... ومدني تشتعل...!!! ياراااااااااااااااااااااااااجل..!!!!!!!!!!!!! أنت جااااادي كده ؟؟؟؟ يعني حافلتين من ناس العالي عووضة من الأخوة الكرام الجنوبيين ناس الحركة.. زائد بعض أعضاء الحركة والتنظيمات السياسية التقوا أمام الكنيسة(منتظرين الجماعة بتاعين الحافلتين).. عايز تسميها مدني تشتعل؟؟؟؟؟ يظهر أنك لم تري كيف (مدني تشتعل).. وكيف حينما تقرر مدني الخروج.. لكن تخرج مدني لمن؟؟؟؟ أما كثير عما ورد من هتر .. فلعلنا نعتبره من باب مساعدتنا علي الفهم والتقييم .. لكثير من الأسماء التي لا نعرف عنها الا انها.. يفترض فيها شيئا من فهم وعقل وأخلاق.. وقديما قيل .. أكتب في المنتديات... كي أراك.. وأواصل التعليق معك بأذن الله.
التعديل لتصحيح أملائي.
Post: #69 Title: Re: يوسف خضر... سؤال واحد والله واحد...؟؟ Author: الشفيع وراق عبد الرحمن Date: 12-09-2009, 10:42 PM Parent: #68
Quote: وقدر البيان عدد المشاركين بمظاهره مدنى بنحو 160 مشاركا
عبد الكريم يا أخوي إذا كنت بتسمي خروج 160 شخص مظاهرة فبنقول لي أخونا يوسف غلطان من رأسك لي رجليك ولازم لازم تعتذر خليك من مدني تحترق ياخي والله الـ160 ديل ممكن يكونوا واقفين في صف فرن
بعدين ليه ما شفنا ولا صورة وااااااحدة لمظاهرة مدني الخلتها تحترق يعني الـ160 ديل ما كان عندهم جوال-كاميرا انا متأكد من وجود الصور ولكن خجلكم منها يمنعكم من نشرها تحياتي
Post: #73 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:01 AM Parent: #69
Quote: عبد الكريم يا أخوي إذا كنت بتسمي خروج 160 شخص مظاهرة فبنقول لي أخونا يوسف غلطان من رأسك لي رجليك ولازم لازم تعتذر خليك من مدني تحترق ياخي والله الـ160 ديل ممكن يكونوا واقفين في صف فرن
بعدين ليه ما شفنا ولا صورة وااااااحدة لمظاهرة مدني الخلتها تحترق يعني الـ160 ديل ما كان عندهم جوال-كاميرا انا متأكد من وجود الصور ولكن خجلكم منها يمنعكم من نشرها تحياتي
الشفيع سلام no way يارجل..!!! السوال هنا محدد هل كانت هناك تظاهرة في مدني ام لا,,...؟؟؟ مافي زول فينا قال ليك التظاهرة كان فيها نفر او عشرين زول او مليون... قلنا في مظاهرة ويوسف ده قال مافي..؟؟ انت رايك شنو في ولا مافي دي.. حكاية ماهية المظاهرة ومفهمومها وتعدادها ده جابتر مافي زول نضم معاكم فيهو السؤال محدد وواضح وبالله ماتحاول تلتف علي الموضوع وتعمل للسؤال بتاعي الواحد ده دريبات.. هل كانت هنالك تظاهرة ام لا..؟؟؟ تعرف يا يوسف خليك من ال160 القلتهم ديل لوطلع زول واحد وقال لا لهذه السلطة الزيف ونادي وبحقوقه لشيدنا له بوست فرحا...
Post: #70 Title: Re: يوسف خضر... سؤال واحد والله واحد...؟؟ Author: فيصل عثمان الحسن Date: 12-10-2009, 00:37 AM Parent: #68
الأخ يوسف الخضر تحياتى . أولا الصور التى وردت فى البوست المعنى لم يقم بانزالها الأخ عبدالكريم , الأخ عبدالكريم أنزل فقط فيديو به نشيد الملحمة(أرجو مراجعة البوست جيدا ) وأول صورة فى البوست قام بانزالهاالدكتور محمد مكى محمد وأرفق معها شعار يقول يا خرطوم ثورى ثورى ضد الحكم الدكتاتورى , وهذا وحده يؤكد أن الصور التى أخذت من مظاهرة الخرطوم, وشارك بها الاخ مكى وغيره من الزملاء فى ذلك البوست , لم يكن لها هدف سوى الحشد والتعبئة ضد نظام سام أبناء هذا الوطن الذلة والهوان , وهذا أمر شائع فى العمل السياسى . تعرف يا أخ يوسف , فى مطلع التسعينات وقبل خروجى من السودان كنت أشاهد التلفزيون السودانى , وصادف أن البشير كان فى زيارة لمدينة عطبرة , وكانت زيارته فاشلة بكل المقاييس ولم يحظى باستقبال جماهيرى كما كان متوقع , لفت نظرنا ابن شقيقى وكان فى السابعة من عمره بقوله شوفو شوفو علم المريخ , وعندما ركزنا نظرنا على التلفزيون تأكدنا بأن هناك دبلجة قد تمت لتلك الزيارة , وما تلك الحشود الا عبارة عن استقبال جماهير المريخ لفريقها العائد محملا بكاس مانديلا , ده يا يوسف أخوى التزوير الجد جد .
Post: #74 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:12 AM Parent: #70
Quote: 1- يجيد الالتفاف 2- خير من يجيد الزوغان 3-عينو قوية وسنو ملوية 4- يتمتع بمقدرة عالية علي تفريخ بوستات نفائية 5- مقدرات لف ودوران فذة...
تعرف يا فيصل كل الخصائص التي رصدناه في استايل الاخ يوسف الخضر ونضيف عليها الان 6- تجريمي العقل وذو خيال تجريمي جانح.. كل هذه الاشياء متواجدة صرة في خيط في خطاب يوسف اعلاه ومداخلته التي يحاول فيها الالتفاف علي الحقيقة الناصعة التي لاتقبل القسمة علي اثنين... 1- طوووووالي نسي موضوع البوست بتاع محمد وعمل منو نايم وشبك في موضوع الاشتعال 2-طوااااااالي استفاد من تاخري في الرد عليه وعمل من ذلك (اشو ) دفاعي وتوجس بان الامر مؤامرة لتمرير الصور التي جلبت الي ذلك البوست 3-طواااااالي جير الصور التي وردت الي بوستي ولعب بيها لصالح عقله التجريمي واطلق العنان لخياله التجريمي الجامح وافترض باننا نقصد بان هذه الصور من مدني..(ونسي مقولتي ليهو قبل الصور باني ماعندي صور وحتي لو عندي ما بجيبها ليهو هنا وعمل نائم من الحتة دي) 4- طوااااالي اختزل مداخلة ود المشرف عن شبابك تشابك وعمل منها خط دفاعي وهمي وجير الامر لصالح دفاعه المكعكع ناسيا بان تلك الصور لها بوست حدادي مدادي وليس هؤلا الشباب بالغباء حتي يحاولو ان يزورو في بوستات رسمية وهم من خيرة كتاب هذا المنبر حريصون علي مصداقيتهم الاسفيرية ليس كاخونا ابو يعقوب الذي يخنق ويفطس الحقائق فطيسسسس تقيل 5-طواااااالي عقله التجريمي ركبني انا جريمة متخيلة في مداخلة وصور انا شخصيا لم اجلبها لبوستي وحتي جالبيها لم يقولو بانها من مدني.. ابو يوسق عينة وزول مثال حي لما يعرف باخنق فطسسسسسسسسسس وتحياتي
Post: #71 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-10-2009, 04:47 AM Parent: #68
Quote: كما أخطأت في أسمي الذي اقتطعت منه بضع حروف..
__ يا كيكي بالله ما تدخلنا في جكانين وجخانين قانونيَّة، أكتب إسم الراجل كامل شامل، لا تنقصه نُقطة ولا شولة.. ما تنسى الأيام أيام تسجيل إنتخابات، أنظر لبروفايل مين كده وراق التحت ده، عشان ما يسجل إسمو مرتين، مرة مٌعرّف ومرة نكِرة..
Post: #72 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 06:49 AM Parent: #71
Quote: عبدالكريم،، مساءك خير،،، وعذرا أن تأخرنا عليك .. فأنا كنت مابين محطات السفر.. لم يمهلني الوقت أكثر من نظرات خاطفة حينا بعد حين.. دلفت فيها الي هذا البوست الذي أخطأ المشوار.. كما أخطأت في أسمي الذي اقتطعت منه بضع حروف.. كيفما اقتطعت من الحقيقة ما أردت .. وأضفت لها ما أردت.. نعم يا عبدالكريم،، حاولت تهويل وتغيير وتصدير الحقائق بغيرما هي عليه.. الي جمهور عريض يستقي من هذا المنبر الأحداث والأخبار.. لا أدل علي ذلك من تلك الصور التي تم أيرادها ببوستك (مدني تشتعل ).. والتي حاولتم تسويقها علي أنها لمظاهرات في مدني.. دون وضع تعليق عليها...!!! حدثني بالله عليك.. بوست أسمه مدني تشتعل.. يتحدث عن مواكب ومسيرات بمدني( ثم توضع فيه الصور للمسيرات ).. متتابعة دون تعليق..!!!! ( الصور يظهر فيها شباب وشابات ).. يعقب الصورة تعليق للأخ فيصل عثمان وأقتبس..
البوست عن مظاهرات مدني.. والصور فيها المتظاهرين ..ويظهر فيها الشباب بوضوح.. وتحتها (تعليق شبابك تشابك)..والتعليق تحتها عن الشباب بالمسيرة وتحية لأهل مدني.. وتقول لي أنك لم تحاول تسويق الصورة لمسيرة بمدني؟؟؟؟؟ لنكن منطقيين... نفيك لم يأتي الا بعد أن كتبت أنا لأبي ساندرا رادا عليه وأقتبس...
فمن منا هنا الذي حاول التزوير يا أخ عبدالكريم...؟؟ ولماذا أمضي بعيدا وعنوان بوستك كافيا... ومدني تشتعل...!!! ياراااااااااااااااااااااااااجل..!!!!!!!!!!!!! أنت جااااادي كده ؟؟؟؟ يعني حافلتين من ناس العالي عووضة من الأخوة الكرام الجنوبيين ناس الحركة.. زائد بعض أعضاء الحركة والتنظيمات السياسية التقوا أمام الكنيسة(منتظرين الجماعة بتاعين الحافلتين).. عايز تسميها مدني تشتعل؟؟؟؟؟ يظهر أنك لم تري كيف (مدني تشتعل).. وكيف حينما تقرر مدني الخروج.. لكن تخرج مدني لمن؟؟؟؟ أما كثير عما ورد من هتر .. فلعلنا نعتبره من باب مساعدتنا علي الفهم والتقييم .. لكثير من الأسماء التي لا نعرف عنها الا انها.. يفترض فيها شيئا من فهم وعقل وأخلاق.. وقديما قيل .. أكتب في المنتديات... كي أراك.. وأواصل التعليق معك بأذن الله.
التعديل لتصحيح أملائي.
يوسف الخضر.. اولا كلامك اعلاه اقل ما يوصف بانه كلام كلام خارم بارم ولابغطي مع الحقيقة ومصداقية المنبر الامس الاول داقي ليها كيتة هنا وفالقنا بيها... 1-سوالي واضح ومحدد وبعيدو ليك تاني... هل كانت هنالك تظاهرات في مدني ولا لا..؟؟؟ الرد من الضروري ان يكون لا او نعم وذلك لانك اول ما نفيت امر تظاهرة مدني كان في هذا البوست الثوره تشتعل فى مدنى-الابيض -الحصاحيصا ________________________ 2-الوقت داك كان مافي كلام عن اشتعال او حريق بل كانت هنالك بوست شيده الاخ محمد واتيت انت ونفيت المظاهرة.. (فكدي لحين طلعني انا موقتا وبين موقفك من نفيك في بوست محمد كونه ايضا في هذا المنبر وكونه لم يذكر اشتعال التي تريد ان تضعها حجة وزوغة تضارع دو الهارت )... .... 3- الصور التي وردت في بوست مدني تشتعل علينا والينا بجاي واثبت لهذا المنبر الذي تزايد وتتاجر بمصداقته بما يفيد قولي انا شخصيا او قول الاخوان حيدر وود المشرف بما يفيد بان هذه الصورة من مدني..؟؟؟ تحججك بالمداخلة التي اعقبت حديثتك مع ابو ساندرا هو التفاف ولولوة مفضوحة وزي ما انت قلت قد شغلتك الاسفار من الحضور لهذا البوست... فانا ايضا البوستات دي ما شايلها معاي في جيبي ولي من الاشغال الاخري التي اقضيها ثم اتي للرد علي الموجود (فلا تنه عن شيئا وتاتي بمثله يارجل)..
كلامي الفووق ده كلو كلام ثانوي وليس اجندة ملحة للنقاش فسؤالي واضح ومحدد هل كانت هناك تظاهرة في مدني يوم السبت 7 -12- 2009..؟؟؟؟ ده السؤال الاساسي والامر الذي نفيته انت في هذا المنبر في هذا البوست الثوره تشتعل فى مدنى-الابيض -الحصاحيصا
ثم في البوست بتاعي..؟؟؟ عندك اجابة .. واضحة ومحددة مرحب ماعندك اجابة محددة واصل الالتفاف والمكابرة ولخبط العواسة زي ما انت داير وبطريقتك..!!! ولكن اياك انا تتحدث عن المصداقية والحقيقة والكلام الكبار كبار ده تاني في البلد دي
Post: #75 Title: Re: يوسف خضر... سؤال واحد والله واحد...؟؟ Author: Tragie Mustafa Date: 12-10-2009, 07:16 AM Parent: #72
كيكي يا عسل مبروك مسيرتنا الاولى
الكوزه ده بالله زره زو الجن يا اخي ده برلوم فكهوا من غير فرامل.
وبعدين كنت ناسيه اسمه كثر خيرك ذكرتني ليه امشي اخته مع رفاقته.
Post: #78 Title: Re: يوسف خضر... سؤال واحد والله واحد...؟؟ Author: Nader Abu Kadouk Date: 12-10-2009, 07:25 AM Parent: #75
الكوز بدا البطبطه
يا زول جاوب عديل
كانت في مظااهره ولا مافي
Post: #80 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:38 AM Parent: #78
Quote: الكوز بدا البطبطه
يا زول جاوب عديل
كانت في مظااهره ولا مافي
الكوز يا ابو كدوك سيتم تعينه قريبا ملك ملوك اللولوة واللف والدوران الاسفيري.. والاجابة عن السؤال دي حسع بكون شايفها حقنة ملاريا بس... رافضها تماما وعامل منها نايم
Post: #79 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:30 AM Parent: #75
Quote: كيكي يا عسل مبروك مسيرتنا الاولى
الكوزه ده بالله زره زو الجن يا اخي ده برلوم فكهوا من غير فرامل.
وبعدين كنت ناسيه اسمه كثر خيرك ذكرتني ليه امشي اخته مع رفاقته.
هلا بالرفيقة تراجي.. (وطبعا رفيقة دي لضرورات روح البوست التي هي حربا علي المزوراتية والزواغيين من الحقيقة التي تحرق كالشمس).. والكوز ده ح اجيبو ليك في اللستة بتاعتك بالمزيكة والكيتا المضروبة من اهالي الدباغة في مدني وانها كيتة ذات الحان شجية ومشحونة بالافريقية المدهشة.. وبالله بعد ما تكتبي في اللستة اعملي ملحوطة بالجنبة كده واكتبي عليهو (نفااااائي... وذو عقلية تجريمية ورعديد)
والف مبروك يا تراجي الهبة الاولي والتي حتما ستتواصل باذن الله حتي ينزوي هذا الظلام الكالح
Post: #77 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:24 AM Parent: #71
Quote: يا كيكي بالله ما تدخلنا في جكانين وجخانين قانونيَّة، أكتب إسم الراجل كامل شامل، لا تنقصه نُقطة ولا شولة.. ما تنسى الأيام أيام تسجيل إنتخابات، أنظر لبروفايل مين كده وراق التحت ده، عشان ما يسجل إسمو مرتين، مرة مٌعرّف ومرة نكِرة..
هلا يا فردة.. ابو يعقوب نسي كل امور النفي والاثبات وقبقبني في (ال) الاتكلت من اسمو دي.. وانا بعدك يا يوسف الخضر باني باذن الله ح اعتذر ليك عن (ال) دي فده حقك واسمك المضبوح فيهو خروف ولكن ليس الان بل بعد الاجابة علي السؤال (مظاهرات في ولا مافي)..؟؟؟ وحتي ذلك الزمان سيكون هذه (ال) رهن الاعتقال في العنوان كغنيمة ومعروضات لصالح القوي المنادية بالديمقراطية وقوي الانتفاضة لوووول.. تفك الشفرة حنفك (ال) ...... اخونا الشفيع ده قريت ليهو قبل مدة ما يفيد بانه قد يمم شطر الحكومة واصبح من مويديها .. هو هنا لمحاولة تشتيت الكورة صوب ماهية التظاهر وعددية المتظاهرين ولكنه لن ينجي غير مقولة التجاهل التجاهل وكورتي في البوست ده صدر يا ياسر حرررررررم (برشم يا يقدر يقلعها)..
Post: #76 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-10-2009, 07:24 AM Parent: #68
Quote: أدل علي ذلك من تلك الصور التي تم أيرادها ببوستك (مدني تشتعل ).. والتي حاولتم تسويقها علي أنها لمظاهرات في مدني.. دون وضع تعليق عليها...!!! حدثني بالله عليك.. بوست أسمه مدني تشتعل.. يتحدث عن مواكب ومسيرات بمدني( ثم توضع فيه الصور للمسيرات ).. متتابعة دون تعليق..!!!!
إنت يا يوسف الخضر حد زوغانك دا وين ؟!
اول من جيت علقت تعليقك الغير عقلاني دا أنا نصحتك بطيبنتك دي تشوف ليك شغلة تانية
ووريتك انه الصور دي جلبتها انا من بوستات حاااايمة كتير بالمنبر دا وبالتحديد قلت ليك :
Quote: الصور دي اوردتها بالبوست دا انا يا يوسف الخضر ...
ومنقولة من بوست الاخ عصام جبر الله حول توثيق مسيرة 7 ديسمبر
هل قلت ليك دي صور مدني ؟!
بطل شغل تشتيت الكورة والاستغفال دا .. وامشي راجع بوست فاتحو عمر عثمان عن البيان الثاني للشرطة والذي اثبت به ان بعض الولايات قامت بها مسيرات وذكر مدني بالتحديد .. فاذا لم تقوم مسيرة بمدني وتم تفريغها كما قال فلماذا يذكرها بيان للشرطة والا انت بتعرف اكتر من الشرطة ؟!
اما ايرادك لبوست الاخ الكاتب الصحفي منعم سليمان هنا فلا محل له من الاعراب مجرد بطبطة سااااى
يبقي فتش ليك مراقة تانيـة يا حبيب شايبك دا مقصو هنا ....
Post: #81 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:46 AM Parent: #76
Quote: يبقي فتش ليك مراقة تانيـة يا حبيب شايبك دا مقصو هنا ....
هلا يا حيدر.. شايبو واس الاتو بتاعو كلها غنيمة واكل ليهم مافي في البوست ده.. تخيل زول بالف قصص من خيالو وبجي يقدمها دفوعات ويحاول يلتف عليها... اها انت الجبت الصور وريتو مصدرها ولكن في مكابرة عجيبة مصدر علي اشاعة بانو الصور دي اوتي بها للايهام بانها من مدني.. يا يوسف الناس هنا يتم التناقش في الاشياء عبر الدلائل والاثباتات وليس عبر خيال تجريمي همه الاول كله المكابرة ودي قمة الانانية وعدم الاحساس وقبول الاخر وموشر ليس له مكان الامساندة مثل الانقاذ لانها تعمل بنفس عقليتك التجريم الالتفاف ثم المكابرة... ... وتحية يا حيدر وانا ح اخد لي مرقة وبجي تاني بعيد نشوف الزول ده حكايتو شنو..؟؟ حيجاوب ولا حيواصل في اللف والدوران؟؟؟
وقبل ما اطلع يا يوسف كدي قول الصور دي حسع ما جابوها البوست داك كنت حتقول شنووو عليك الله..؟؟؟ والبوست الما جابو فيهو صوررر عملت لينا فيهو شنووووووو..؟؟ وساعود باذن الله اصلا في باقي لياقة كنا داخرنها لمسيرة اليوم ويمكننا تبديدها في هذا اليوسف خضر فكلو عند العرب صابون
Post: #82 Title: Re: يوسف خضر... سؤال واحد والله واحد...؟؟ Author: Siham Elmugammar Date: 12-10-2009, 07:56 AM Parent: #76
البيير كيكى بشوف طوابيرك كترت الله يديك العافيه و تشكل مثلت حاد الزاوية لا يلين ولا يلتوى مع حدتهاولكنه كعادته دوما عدييييييييل المسارات لا شلولحها
كعب الكعب يا اخوى
Post: #83 Title: Re: يوسف خضر... سؤال واحد والله واحد...؟؟ Author: isam elzein Date: 12-10-2009, 08:21 AM Parent: #82
Quote: يبقي فتش ليك مراقة تانيـة يا حبيب شايبك دا مقصو هنا
شايبو ده كان نفد من المقص , حرم مجلود هنا وكمان بى دو
عشان كده يا جماعه الناس ديل إتجاهلوهم
التجاهل التجاهل التجاهل
ألله يمهل ولا يهمل
عاش نضال الشعب السودانى
Post: #84 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-10-2009, 09:41 AM Parent: #83
يا كيكى قوم لف بالله
الزول دا قبضك بالثابته قال فى تزوير فى بوستك .. وهو ارفاق صور للخرطوم على انها فى مدنى ودا طبعا ما غريب عليك .. فمن شابه فريقه ما ظلم .. قبل دا موش وديتو كرت كوارزيما لى فريق وهمى فى نيجيريا بينما اللاعب فى بوليفيا ومتعاقد مع فريق بوليفى وقعدتوا تلفوا وتدوروا علينا
بعدين هو قال ليك فى لمة ناس فى شارع النيل قدام الكنيسه وانتا بتقول ليهو فى مظاهره والا مافى .. وهو مصر انها لمة ناس منتظره ليها حافلتين عشان تكتمل مظاهره انا بديكم حل يرضى الطرفين .. اعتبروها شروع فى مظاهره وفضوها سيره ..
بعدين انتوا ناس مدنى ديل بقوا حناكيش والا شنو ؟ مظاهرة شنو الفى شارع النيل ؟ رحله هى والا مظاهره
ياخ قوم لف تانى
Post: #85 Title: Re: يوسف خضر... سؤال واحد والله واحد...؟؟ Author: احمد الامين احمد Date: 12-10-2009, 10:21 AM Parent: #84
من داخل مدينة مدني.. من شارع النيل..لا وجود لمسيرة او ت... كفي كذبا وتزويرا...
يوسف خضر: عنوان بوستك كان واضح جد ينفى وجود مظاهره بمدنى بلده المساح والكاشف وبعد توالى الاقتباسات من صحف سودانيه وبينات شرطه رسميه تفيد وجود مظاهرات بمدنى اتيت فى هذا البوست تجادل حول عدد المتظاهرين وتدعى ان بوست عبدالكريم الاول جنح للتهويل وفات عليك ان بوستك المفتوح جنحح للنفى ........ سؤال هذا البوست واضح هل قامت مظاهرات بمدنى بغض النظر عن عدد المشاركين ام لم تقم مظاهرات حسب بوستك النافى لذلك من قلب شارع النيل بمدنى حسب عنوان بوستك ؟؟؟؟؟؟ ان كنت مخطئا فى بوستك والانقاذ تدعى انها ثوره رساليه تستند على الاسلام بلاشك تكون مطلعا بحسب الانتماء على سوره الكهف المكيه الم تجد سيدنا موسى وهو من اولى العزم وكليم الله ولايصعق مثلنا يوم القيامه عند تجلى الرب يحمل عرشه ثمانيه هم الكروبيون كما فى الحديث للرجل الصالح " هل اتبعك على ان تعلمنى مما علمت رشدا " فى سياق التواضع المعرفى والتسليم لله وحد بكمال العلم فلماذ لاتعترف اك مخطئا فى بوستك وتصر على الجدل على طريقه بنى اسرائيل كلما تاتيهم ايه يطلبون ايه جديده ويلعبون بالالفاظ ختاما عندماكان يحكم المسلمين رجل محترم كعمر بن الخطاب وليس رجلا كفرعون السودان وصنم الانقاذ عمر البشيراعترف سيدنا عمر بن الخطاب علنا امام الناس وقال " اخطأ عمر واصابت امراءه" فهل انت فوق مقام عمر بن الخطاب المبشر بالجنه ولاتعترف انت مخطئا على الاقل فى عنوان بوستك الذى وردت به النافيه التى تفيد عدم قيام مظاهرات بمدنى بغض النظر عن عدد المشاركين الذى قدره بيان شرطه السودان المذاع يوم الاثنين 8/12/2009 عند الاسعه والنصف مساء من اذاعه البيت السودانى
Post: #86 Title: Re: يوسف خضر... سؤال واحد والله واحد...؟؟ Author: محمد إبراهيم علي Date: 12-10-2009, 12:05 PM Parent: #85
Quote: وتصر على الجدل على طريقه بنى اسرائيل كلما تاتيهم ايه يطلبون ايه جديده ويلعبون بالالفاظ
تسلم ويسلم لسانك حقيقة ليس لهم مثيل سوى بني اسرائيل
يمسكوا من هنا يقول ليك مدني وعبدالمنعم سليمان واحنا ارجل ناس
يمكسوا من هنا يقوليك حافلات الدباغة ما كانت شغالة اليوم واريل التلفزيون العالى داك كاشف لي للفاو
الواحد فيهم تجادلوا يجيب ليك فليتة من الزوغان
Post: #87 Title: Re: يوسف خضر... سؤال واحد والله واحد...؟؟ Author: حمور زيادة Date: 12-10-2009, 12:50 PM Parent: #86
كيكي ده زول شرير خلاص
Post: #93 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 02:00 PM Parent: #87
Quote: كيكي ده زول شرير خلاص
هلا ياحمور وده انا غلبااان ياخي.. والبشرية دي بتجيني في محلي ولايدي ولا كراعي.. وحالتو ابو يعقوب ده انا حذرتو وكلمتو بانه ان لم يرعوي لافرجن فيهو الاسافير الافريقية والعربية.. ولكنه ابي وطغي
Post: #92 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 01:55 PM Parent: #86
Quote: الواحد فيهم تجادلوا يجيب ليك فليتة من الزوغان
والله يا ود ابراهيم كلامك صاح.. وزولي ده بالتحديد هونموذج حقيقي لما يسمي بود الموية الاسفيري في ارقي انواعه.. لف ولولوة ودخول بحمد ثم خروج بخوجلي والمسيرة القاصدة ماااااشة.. ولكن ود الموية برضو بنقبض وبقعد في علبه الاسفيرية
Post: #91 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 01:51 PM Parent: #85
Quote: ختاما عندماكان يحكم المسلمين رجل محترم كعمر بن الخطاب وليس رجلا كفرعون السودان وصنم الانقاذ عمر البشيراعترف سيدنا عمر بن الخطاب علنا امام الناس وقال " اخطأ عمر واصابت امراءه" فهل انت فوق مقام عمر بن الخطاب المبشر بالجنه ولاتعترف انت مخطئا على الاقل فى عنوان بوستك الذى وردت به النافيه التى تفيد عدم قيام مظاهرات بمدنى بغض النظر عن عدد المشاركين الذى قدره بيان شرطه السودان المذاع يوم الاثنين 8/12/2009 عند الاسعه والنصف مساء من اذاعه البيت السودانى
تحية يا احمد ولكن اين هولا يا احمد من سيدنا عمر الخطاب فانه فرق الليل والنهار فالدين عندهم هو عييييك وعاااك ودفاع الشعبي ياهو دي.. وهو اخنق- اقتل- زور ..اسرق.. وكلا باسم الدين...ولكن باذن الله لكل طاغية نهاية وان طال السفر.. الغريبة انهم مصرين علي انو مسيرة الخرطوم 25 نفر ومسيرة مدني موافقين علي ال160 ههههههه .... يوسف ما بقدر يجر كدنكة بتاعة اجابة للسؤال التاريخي لانه لا يري الا ذاته ولا يومن الا بخطاب ومصلحة الانقاذ واهلها وعلي الاخريين ان يدقو راسهم في الحيطة الاسفيرية..
Post: #90 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 01:35 PM Parent: #84
Quote: يا كيكى قوم لف بالله
الزول دا قبضك بالثابته قال فى تزوير فى بوستك .. وهو ارفاق صور للخرطوم على انها فى مدنى ودا طبعا ما غريب عليك .. فمن شابه فريقه ما ظلم .. قبل دا موش وديتو كرت كوارزيما لى فريق وهمى فى نيجيريا بينما اللاعب فى بوليفيا ومتعاقد مع فريق بوليفى وقعدتوا تلفوا وتدوروا علينا
بعدين هو قال ليك فى لمة ناس فى شارع النيل قدام الكنيسه وانتا بتقول ليهو فى مظاهره والا مافى .. وهو مصر انها لمة ناس منتظره ليها حافلتين عشان تكتمل مظاهره انا بديكم حل يرضى الطرفين .. اعتبروها شروع فى مظاهره وفضوها سيره ..
بعدين انتوا ناس مدنى ديل بقوا حناكيش والا شنو ؟ مظاهرة شنو الفى شارع النيل ؟ رحله هى والا مظاهره
ياخ قوم لف تانى
هلا ابو علي وحباب الصهاينة.. ويوسف ده حسع لو علمنا ليهو فتاشة بتاعة انتماء رياضي قطع شك بطلع مريخابي.. واصلو ناسكم ديل مستعدين يغالوط في كاس الدهب زااااتو ..
..........
Quote: بعدين هو قال ليك فى لمة ناس فى شارع النيل قدام الكنيسه
انت عارف حكاية لمة الناس في الكنيسة دي الزول ده كان ناكرها هي زاااتها ولمن قلتها ليهو شبكني صليت في الكنيسة واتفاصح علي فصاحة شديدة والجزئية دي عندي فيها وقبل ما الف بيتش بتاعة بور بوينت.. وماعندي يا ابو علي منطقة وسطي وحلول (ابيض او اسود) مظاهرة ولمة في ولا مافي .. ابو يعقوب يجاوب حنشيل كورتنا ونفرتق كما فرتق زيكو بالكورة ذات يوم وغير كده سنواصل التجوال في حديقة يوسف وما تحلو مني الا المظاهرة الجاية وبوستاتها
Post: #89 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 01:27 PM Parent: #83
Quote: شايبو ده كان نفد من المقص , حرم مجلود هنا وكمان بى دو
عشان كده يا جماعه الناس ديل إتجاهلوهم
التجاهل التجاهل التجاهل
ألله يمهل ولا يهمل
عاش نضال الشعب السودانى
هلا يا عصام وتحياتي وعاش نضال الشعب السوداني وحتما سينتصر باذن الله... وزي ده يا عصام لو اتجاهلتو بتفرعن ومممكن يركب لينا في راسنا فعشان كده ضروري ياخد حقو كاش حتي يرعوي ويبطل الاستهبال واللولوة بتاعتو دي
Post: #88 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 01:18 PM Parent: #82
Quote: البيير كيكى بشوف طوابيرك كترت الله يديك العافيه و تشكل مثلت حاد الزاوية لا يلين ولا يلتوى مع حدتهاولكنه كعادته دوما عدييييييييل المسارات لا شلولحها
كعب الكعب يا اخوى
هل يا بيير واخبارك ..؟ الجماعة دول يجبروك علي الطوابير جبر..!! والزول ده رزقو الطابوري اصر عليهو براااهو بكل مكابرة واستهبال.. فعشان كده حنهديهو هذا الطابور عشان تاني يعرف بكان يهابش وين وما يمشي شلولح ( عجبتني شديد يا بيير شلولح دي) وتحياتي الحارة
Post: #94 Title: Re: يوسف خضر... سؤال واحد والله واحد...؟؟ Author: هجو الأقرع Date: 12-10-2009, 02:10 PM Parent: #88
عليك الله يا كيكى ، بطل اللياقة بتاعتك دة ، غايتو الزول ده فى بوستوالاول اداك خمسة مازيمبى ، انت الان بمساعدةالجماعة تحاول احراز هدف، كيكى و الله لا خير فى معارضة و لا حكومة. كنت اودالوقوف معك بس شعرت ان البوست انتصار للنفس و ليس يحثا عن الحقيقة . يغنى خلاص تقزمت الاحلام عشان تجى تقول مدنى تشتعل ، غايتو الراجل ما قصر معاك.
Post: #96 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 02:23 PM Parent: #94
Quote: عليك الله يا كيكى ، بطل اللياقة بتاعتك دة ، غايتو الزول ده فى بوستوالاول اداك خمسة مازيمبى ، انت الان بمساعدةالجماعة تحاول احراز هدف، كيكى و الله لا خير فى معارضة و لا حكومة. كنت اودالوقوف معك بس شعرت ان البوست انتصار للنفس و ليس يحثا عن الحقيقة . يغنى خلاص تقزمت الاحلام عشان تجى تقول مدنى تشتعل ، غايتو الراجل ما قصر معاك.
هلا يا هجو ووينك يا ظلامي لابد اليومين دي...(خلاااص عرفتها باظت ولاشنو) لوول.. يا هجو البوست بحثا عن حقيقة مظاهرة انكرها اخونا يوسف ده فقلنا نستوثق منو..؟؟ والاحلام ياهجو لن تتقزم ولا زال الامل اخضر وان طال السفر والسودان كلو حيشتعل ذات يوم وليس مدني... وانا ما داير وقفة معاي يا هجو داير وقفة مع الحق الشايف في حق اليجي يقول والشايف مافي حق برضو حبابو عشرة..
Quote: الله لا خير فى معارضة و لا حكومة
وكلامك ده يا ابو محمد برضو مكسب كبير مادام شمل الحكومة والباقي هين ومقدور عليهو عندما تتساوي الاراء وكل الشعب يركب سرج واااحد _____________________
Post: #95 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 02:16 PM Parent: #88
Quote: أما كثير عما ورد من هتر .. فلعلنا نعتبره من باب مساعدتنا علي الفهم والتقييم .. لكثير من الأسماء التي لا نعرف عنها الا انها.. يفترض فيها شيئا من فهم وعقل وأخلاق.. وقديما قيل .. أكتب في المنتديات... كي أراك.. وأواصل التعليق معك بأذن الله.
الكلام المرصوص الفووق ده هو دلو يوسف في امر التهاتر وافتراض بانها تعكس الاخلاق والفهم والعقل..وقال ايضا اكتب في المنتديات لكي اراك.... ده كلام مية مية وكبار كبار... طيب يا يوسف ............................................................................ ثاني مداخلة ليك في البوست بتاعي ده.. ومدني تشتعل...!!! وقبل ما نتفاهم كويس عالجيتني بضربة تهاتر استباقية وتهكم وهتر (حلوة هتر دي).. ساعتها لا في زول قال ليك بغم ولا سبحان الله..
Quote: اخ يوسف سلام.. لو سمحت بطل استهبال وكلام خاتي الدرب .. وخلي بيننا الاحترام في لغته عشان ما نكركب معاك ساكت..؟؟
اها يا اخوي كلامك الفوق بتاع العقل والاخلاق والكبار كبار ده كان وين لمن كنت بتنطط وعامل فيها نفاي دولي وين المقولة الخطيرة بتاعة اكتب في المنابر لكي اراك... كنت ماعارفو ولاشنو..؟؟؟ اها حسع عرفتني صليت ولا عرفتني وقفت ساي....؟؟؟ وكما تكيل يا يوسف الخضر تكال... وانا لااستغرب لمثل هذا التناقض فيك وفي الانقاذ الجهة التي تحاول ان تسوق لها فالقيم والاشياء السامية هي جلابية ترتدونها عند اللزوم كذبا والتفافا..وولكن عمليا انتو ماعندكم ادني علاقة بيها كما طل في النموذج القدامنا ده...
.... اها حسع انشاء الله شفت العينة بتاعة الكركبة الجبتها لروحك براااك ورغم تبيهي ليك ولسع راجييك قندران بتاع كركبة في البوست ده لحين اشعار اخر
Post: #97 Title: Re: يوسف خضر... سؤال واحد والله واحد...؟؟ Author: خالد عبد الله محمود Date: 12-10-2009, 02:34 PM Parent: #95
كيكي يا عمكـ سمعت بي يوسف الصديق لكن يوسف الكذاب يطرشني إلا الليلة !!
Post: #99 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 02:41 PM Parent: #97
Quote: سمعت بي يوسف الصديق لكن يوسف الكذاب يطرشني إلا الليلة !!
هلا يا عريس وتحياتي.. ويوسف ده بقن علي اسمين يوسف الكضاب ويوسف لولوة.... ياخ زول عجيب يدخلك ببوست قديم لعبدالمنعم سليمان ويطلعك بالكنيسة في شارع النيل مدني
Post: #100 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-10-2009, 02:44 PM Parent: #97
Quote: كيكي يا عمكـ سمعت بي يوسف الصديق لكن يوسف الكذاب يطرشني إلا الليلة !!
عليك الله عاين دا كمان عامل فيها رايح ليهو فتره وبيخش البورد يتلبد والله انتا حدك فى اليوسفات يوسف محمد بس
كااااااااااااااااااك
Post: #104 Title: Re: يوسف خضر... سؤال واحد والله واحد...؟؟ Author: خالد عبد الله محمود Date: 12-10-2009, 03:00 PM Parent: #100
Quote: عليك الله عاين دا كمان عامل فيها رايح ليهو فتره وبيخش البورد يتلبد والله انتا حدك فى اليوسفات يوسف محمد بس
كااااااااااااااااااك
أبو علوة يا فردة
أري رؤساً قد أينعت و حان قطافها و سادومبا لصاحبها
Post: #171 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-12-2009, 05:32 PM Parent: #104
بعدين ابوساندرا دا يا يوسف ما تلون ليهو ولا حاجه بس خت ليهو الكتابه غلاده غلاده وهو براهو بينقشا
وياريت لو رصيتا كمان على اليمين بيكون احسن لانو الشمال عندو مجليه خالص .. حتى الطشاش ما فيها ..
Post: #98 Title: Re: يوسف خضر... سؤال واحد والله واحد...؟؟ Author: يوسف السماني يوسف Date: 12-10-2009, 02:35 PM Parent: #88
Quote: يا كيكي، الشوام عندهم مقولة تقول: قطع الرقاب ولا قطع الأرزاق..
ما تنسى في ناس أكل عيشها من الطبطبة والتطبيل.. ____ عصرّك ده ذكرني معاصر السنوسي للزيوت هههه
كيكي سلامات الخضر مابرد علي السؤال ذي االراجل عاوز يعيش .وعشان كدة مازال يردد انة شم عطر مسك الشهيد في توربورا الانقاذ
لك الود تحياتي للجميع بالدوحة
Post: #101 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 02:47 PM Parent: #98
Quote: الخضر مابرد علي السؤال ذي االراجل عاوز يعيش .وعشان كدة مازال يردد انة شم عطر مسك الشهيد في توربورا الانقاذ
هلا يا يوسف ومشتاقين ياخي.. وبالبوست ده حنخليهو يشم عطر مسك الشهيد في الجكو(نسودن ليهو عطر المسك) وانا عارفو ما برد ولا بقدر يرد زاااتو ... وقصتو لو بقت اكل عيش برضو اليشوف ليهو جهة تاني ياكل منها عيوش غير هذه السكة الملانة دبايب وعقارب وقمل اسفيري ابن لذينة
وتحياتي
Post: #102 Title: Re: يوسف خضر... سؤال واحد والله واحد...؟؟ Author: khaleel Date: 12-10-2009, 02:54 PM Parent: #101
الفرار قبل الاعتذار
هل فر ابو يعقوب
Post: #103 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 02:57 PM Parent: #102
Quote: الفرار قبل الاعتذار
هل فر ابو يعقوب
ابو يعقوب ياخلي مكرا مفرا مقبلا مدبرا معا
Post: #105 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 05:29 PM Parent: #103
Quote: ابو يعقوب نسي كل امور النفي والاثبات وقبقبني في (ال) الاتكلت من اسمو دي.. وانا بعدك يا يوسف الخضر باني باذن الله ح اعتذر ليك عن (ال) دي فده حقك واسمك المضبوح فيهو خروف ولكن ليس الان بل بعد الاجابة علي السؤال (مظاهرات في ولا مافي)..؟؟؟ وحتي ذلك الزمان سيكون هذه (ال) رهن الاعتقال في العنوان كغنيمة ومعروضات لصالح القوي المنادية بالديمقراطية وقوي الانتفاضة لوووول.. تفك الشفرة حنفك (ال)
الأخ عبدالكريم ال..... ،،، مساء الخير أمسكت (ال).. من أسمي بتصريح منك رهينة.. وأنا أمسك عنك بقية الأسم( امين ).. يقينا.. أنه لم يكن لك أن تسمي وأنت تكتب بوست ( مدني تشتعل).. أمينا..!! وقد أوضحت وأفضت في ذلك ولا أنوي أن أقضي عمري.. اتننقل مابين حوار يحتاج خبيرا في التراشق السوقي.. وخلفيات تحتاج لأنصار محشودون من نوعية
Quote: كيكي يا عسل مبروط مسيرتنا الأولي
أولا.. لأنني وحدي (واقعا).. وأخوض معاركي وحدي (طبعا).. ثانيا.. لأنني أعتقد أنك تمتلك ما يمكن أن نؤسس به معا.. حوارا راقيا نستفيد فيه ونفيد.. بدلا مما نهدر كلماتنا في صراع حول مادة خبرية.. أنتهي وقتها ولا تعني أمرها الا في حينها الذي مضي.. والذي أؤكد لك مرة أخري يا أخ عبدالكريم أن ما أوردته لك.. كان واقعا صادقا لا ينتمي لأي من مدارس الكسب السياسي.. ولو شئت.. دعني أصرح لك بتصريح مفاجأة .. أثق أن درجة تصديقك له لن تزيد عن ماهو متوقع من رجل بص الجريف.. هل تعرف قصة بص الجريف ياعبدالكريم..؟؟ طيب أحكيها ليك ياصديقا أسفيريا سودالاينيا وغريما لدودا مشاكساجميل.. (قالوا واحدة كل ما بص الجريف اجي الصباح بالذات.... دولاب غرفة النوم بفتح براهو.. وغنيا عن القول انها بتسكن جنب الشارع البجيب البص.. أها يوم جابت النجار .. وقال بكل حسن نية،لازم ادخل جوة الدولاب وأشوف المفصلات من الداخل..ووافقت المرأة بكل حسن نية كذلك.. فجأة والنجار جوة الدولاب رجع زوجهامن العمل لغرض نسيه بالدولاب... ووجد النجار بالداخل.. وطبعا سأله بأنفعال ..الجابك هنا شنو؟؟؟ فرد عليه النجار ... علييييييييييييك الله كان قلت ليك مستني بص الجريف بتصدقني..؟؟؟؟؟).. أها ياعبدالكريم.. لو قلت ليك أنا ما بنتمي لأي تنظيم سياسي وتحديدا أنا ما مؤتمر وطني بتصدقني..؟؟؟ ما بين وقفتك هنا وناس البص وكل الأصوات التي هتفت فيني في الأيام السابقة أتهاما وأوهاما.. أرجع تاني وأقول ليك .. مدني حقيقة مثبتة لم تشتعل.. لم تخرج مسيرات.. كل ماهناك تجد وصفه بما لديك مني في مداخلتي المعنية.. وجميل جدا أن يكون أحد كتاب الخبر بالصحيفة مراسلا لعدة صحف من مدني.. وهو أحد هؤلاء الذين تجمعوا.. بل أحد هؤلاء المعتقلين..!! فهل كانت الكتابة تعني المصداقية في الوصف ؟ يعني تريدني أن أصدق خبر الصحفي تاج السر ..؟؟ أم ما رأيته..؟؟ وهو صديق عزيز.. المهم .. خلينا نحاول قيادة هذا الحوار لمايفيد.. بمعني.. كم قدرتوا عدد المتجمهرين؟؟ 160 صح ؟؟ بمافيهم ركاب الحافلتين(كم وتسعين).. الذين اقتادتهم الشرطة (بحافلتيهم الاتنين)قبل دخول المدينة للقسم الجنوبي.. ولم يكونوا طلاب الجامعة ولا الكليات ولا المدارس ولا أهل مدني .. كانوا أعضاء تنظيم سياسي من أطراف المدينة وشريحة محددة.. هل رأيت مسيرات بمدني من قبل؟؟ أعتقد سؤالنا أو عنوان بوستك من المفترض أن يكون.. لماذا لم تشتعل مدني مدينة الثورات والمسيرات؟؟؟ لماذا لم يخرج الطلاب والعمال والموظفين والتجار؟؟ بل لماذا لم يخرج حتي المزارع الذي يقتل مشروع الجزيرة من الحكومة أمام عينيه؟؟ لماذا لم تخرج جماهير مدني وهي أكثر المدن احباطا وموتا وأهمالا..؟؟ لماذا لم تخرج ولاية الجزيرة التي تنكرت لها هذه الحكومة وأهملتها وأنسانها.. وتركته نهبا للعوز والفقر والمرض؟؟؟ وهي الولاية والمدينة التي أعطت للسودان وجوده الأقتصادي بين الأمم ..؟؟ وهاهي اليوم.. مشروعها مات.. وشبابها تضربهم العطالة والفاقة.. ومواطنها يتسول العلاج في المدن البعيدة في المستشفيات التي بناها بكده وعرقه.. حينما لم يكن للسودان غير عرقه..؟؟؟ لماذا تركتك مدني تكتب عنوانا لبوست تستجدي له.. ولو صورة موبايل بها بضعة متظاهرين.. ولا تجد.. أو تجد.. لكنك تستحي أن تنزلها للناس فتظهر سوءة الأدعاء.. حالك كمدعي النبوة الكاذب .. الذي يخشي أن تكشف الرياح ثيابه.. فلا يظهر لخاتم النبوة من أثر..!!! نعم.. مدني تمتلك كل الأسباب للخروج للشارع .. ومن بينها شجاعة وصلابة لا ترهبها أجهزة الدولة أن هي أرادت.. والفساد الأداري والمالي فيها تخطي كل درجات القياس.. لكنها لم تمنحك مادة خبرية لهذا البوست ولم تخرج .. لماذا؟؟؟؟؟؟؟؟؟؟؟؟؟؟؟؟؟؟؟؟؟؟ هذا هو السؤال أخ عبدالكريم .. واواصل بحثا عن الأسباب.. وأرجوأن تواصل معي.. ودعنا من محاولات نصرة النفس التي علينا تجاوزها معا.. بكلمة هنا او هناك.. مالم يكون تعديها للحدود كبيرا.. وذلك ما آمل الا نكون قد وقعنا فيه.
Post: #106 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-10-2009, 05:43 PM Parent: #105
اها يا كيكى
منتظرين منك صوره لمسيرة مدنى والا تجى تعتزر لينا هنا دا او تعترف انها كانت شروع فى مسيره لم تكتمل
شخصيا غايتو يوسف الخضر دا ممتعنى للدين انتوا ملاسى وين يا اخوانا؟
Post: #107 Title: Re: يوسف خضر... سؤال واحد والله واحد...؟؟ Author: خالد عبد الله محمود Date: 12-10-2009, 05:47 PM Parent: #106
يا أخوي بطل لف و دوران .. أنت قلت أصلاً مافي مسيرة .. لا نفر و لا نفرين و لا مية قلت أصلو قرد ساكت في الشارع مافي ..!!!
الحديث هنا ليس عن عدد المتظاهرين الحديث عن وجود مظاهرة من عدمه ؟؟ والكلام ده كيكي رددو ليكـ هنا مليون مرة
Post: #108 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-10-2009, 05:49 PM Parent: #106
عليك الله يا يوسف الخضر بعد ما تخلص على كيكى شوف لينا الاخ اللى فى الصوره دا موضوعو شنو ؟
Post: #109 Title: Re: يوسف خضر... سؤال واحد والله واحد...؟؟ Author: أبو ساندرا Date: 12-10-2009, 05:56 PM Parent: #105
كتب يوسف الخضر :
Quote: لماذا لم تخرج ولاية الجزيرة التي تنكرت لها هذه الحكومة وأهملتها وأنسانها.. وتركته نهبا للعوز والفقر والمرض؟؟؟ وهي الولاية والمدينة التي أعطت للسودان وجوده الأقتصادي بين الأمم ..؟؟ وهاهي اليوم.. مشروعها مات.. وشبابها تضربهم العطالة والفاقة.. ومواطنها يتسول العلاج في المدن البعيدة في المستشفيات التي بناها بكده وعرقه..
وكتب:
Quote: نعم.. مدني تمتلك كل الأسباب للخروج للشارع .. ومن بينها شجاعة وصلابة لا ترهبها أجهزة الدولة أن هي أرادت.. والفساد الأداري والمالي فيها تخطي كل درجات القياس..
ماكتبه يوسف في المقتطفين أعلاه يؤكد أنه قابل ليكون معارضآ ومقاومآ للسلطة الشمولية فقد عدد سيئات النظام وكشف سؤته
ويبقى سؤال يوسف :
Quote: لكنها لم تمنحك مادة خبرية لهذا البوست ولم تخرج .. لماذا؟؟؟؟؟؟؟؟؟؟؟؟؟؟؟؟؟؟؟؟؟؟
بدوري اسألك ، لماذا ؟؟؟!!
لاتقل لأنها ترى في الحكومة بادرت خير فصبرت عليها ولا تقل لي لأنها فقدت الثقة في المعارضة ولا تقل لي لأنها نفضت يدها من الوطن ذاته وباتت لايعنيها ولا يهمها شيء
Post: #110 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 05:59 PM Parent: #105
كتب عبدالكريم..
Quote: طيب يا يوسف ثاني مداخلة ليك في البوست بتاعي ده.. ومدني تشتعل...!!! وقبل ما نتفاهم كويس عالجيتني بضربة تهاتر استباقية وتهكم وهتر (حلوة هتر دي).. ساعتها لا في زول قال ليك بغم ولا سبحان الله..Quote: عبدالكريم أخوي.. كدي قول خير.. وبعدين انشاءالله بس عندك صورة؟؟ وقلت لي وين؟ الكنيسة؟؟ اها صليت معاهم؟؟؟ ولا وقفت ساي؟
اها يا اخوي كلامك الفوق بتاع العقل والاخلاق والكبار كبار ده كان وين لمن كنت بتنطط وعامل فيها نفاي دولي وين المقولة الخطيرة بتاعة اكتب في المنابر لكي اراك... كنت ماعارفو ولاشنو..؟؟؟ اها حسع عرفتني صليت ولا عرفتني وقفت ساي....؟؟؟ وكما تكيل يا يوسف الخضر تكال...
خلينا أرد ليك أول علي (ملاكزة الكنيسة).. نعم يا عبدالكريم.. الأمر لي غريب ومستفز وغياظ كمان.. ياخي لو قلت لي أتلاقوا أما قبوة مدني السني كان نقول... علي الأقل الرجل الورع أسس المدينة وقبته هي رمز للمدينة ..(قبة السني وفريقنا..حول حلقات الذكر).. لو قلت لي تجمعوا أمام نادي الخريجين.. كان نقول... علي الأقل النادي رمز للحرية وأنصارها وثوارها وشكل بل أسس وجدان حركة التحرر بالسودان.. وانطلق منه نداء الأستقلال.. لكن ألا تستغرب الآن...!! ألا تتفق معي يا عبدالكريم.. غريب جدا علي أهل مدينة أسست علي القرآن..وحلقات الذكر وسميت علي مسيد القرآن للشيخ مدني السني.. ويدين أهلها بالأسلام .. وأكثر مدن السودان التي تحيي فيها ليالي الذكر والنوبات وتحيطها قباب الصالحين.. أليس غريبا عجيبا يوم أن تود الأنطلاق .. تنطلق من الكنيسة.. الكنيسة التي تقع في نفس الشارع الذي به مسجدها العتيق..؟؟ بل علي مرمي خطوات منه..؟؟؟؟؟؟؟؟؟؟؟ ياخي أحسبوها ديمقراطية واطلعوا من مكان الاغلبية...؟؟؟ هنا .. قد أكون أغفلت أمرا.. نعم.. ربما كان ذلك خيار تلك الاقلية التي كانت في ذلك اليوم أغلبية..؟؟؟!!!!!!!!!! أو ربما كانت تلك رسالة.. تحمل عنوان الواقع الجديد.. الذي تود المسيرة فرضه علي السودان...!! وفي أحسن حالات الظن .. دعنا نقول أنه خطأ استراتيجي.. حينها قد تجد سببا مفترضا .. يجيبك.. لماذا لم تخرج مدني؟؟؟؟؟؟ ويجيبك عن خبر أجراس الكنائس.. أو .. أجراس الحرية.. فكلاهما ( المكان والصحيفة)للجماعة التي التقت ذلك اليوم الأثنين بمدني.. أمام الكنيسة فيما يشبه الأجتماع أو القداس.. كلاهما موقع لهم فيه أغلبية.
واواصل معك وأعطيك مثالا لتعرف الفرق بين الهتر والمزاح!!.
Post: #111 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 06:32 PM Parent: #110
وبلا أسماء أخ عبدالكريم.. مع اعتذار صادق لكاتب الكلمات التالية.. أن بعثتها له من جديد.. وهي تتجه للغرق في لجةهذا البوست الأسفيرية.. علها(هذه اللجة).. تستر قبحها وشناءتهاوعهرها.. ويبقي علي صاحبها أن يغسل لسانه مرات.. وقلبه لحظات.. أما ضميره... يحكمه أصله وذكره لمن ربوه وعلموه.. أن يمثل امتداد نطفهم وجيناتهم خيرا من هذا.. بلا أسماء كما أسلفنا.. هذا الذي يأتي في الأقتباس أدناه أسميه تأدبا ( هترا).. فهل أطمع منك أن تحمل شمعة من ضمير .. وتدينه..؟؟؟ أليك الهتر مع الأعتذار..
Quote: يا كيكي ! الدباب الكيبوردي ده في أمسّ الحوجة لزاد مُجاهد.. ___ أجدعوا له عظما يقيه شر النباح ! بالمناسبة إنت من ناس فوق ولا من ناس تحت؟ ومن عمر كم؟ لأنو كما قيل في الأثر: مع مرور الأيام ودخول الكبر، ناس فوق بيجو تحت وناس تحت بيمشو فوق، وفوق فوق دبابنا فوق..
وحينما نكتب له...
Quote: لو كنت قلت غير كده.. كنت شككتني في اني قد قسوت عليك بعباراتي .. التي يبدو أنك لم تستوعبها.. ولربما لم تشغل نفسك كثيرا بقراءتها.. وأثق تماما في حكمة الخالق .. ان يرفد عالمنا بكل الاصناف.. وبنوع خاص من البشر.. يجعلنا نري كيف أن القبح قبيح.. والأنحطاط مراتب.. والبذاءة فن.. وكيف يكون الاسفاف والسقوط.. هذي بذاءة تليق بك.. وكفي بقلمك عليك شهيدا.. أرجو الا يطلع علي كلماتك محارم لك.. وأعتذر لاخوات جليلات هنا.. ولكل ذي نفس سوية. (عدل بواسطة يوسف الخضر on 08-12-2009, 11:17 م)
فيكون رده كذلك..
Quote: أها ما جاوبت، فوق ولا تحت؟ وللا الأتنين معاً هههه
هذا يسمي هترا.. ومابين هذا وذاك.. كلام كثير.. بعضه يستحق الرد.. لكن يسبقنا الوقت وأحيانا ظرف التوقيت عند الاطلاع.. وآخر.. بلا تعليق.. خصوصا أن كان بعضه.. ممن هن في مقام أخوات خالات وعمات.. ومرة أخري كما حدث لي من قبل بهذا المنبر مع شبيه مماثل.. يجعل كاتب هذا(الهتر).. يجعل قناعتي تذهب مذهب أفلاطون وهو يتابع أستاذه سقراط.. في نسبة الشر الي الجهل وقلة المعرفة.. فالأنسان لا يختار الشر أو الشنية وهو يعرفه ويعرفها.. بل يساق اليه بجهله.. أو بعوارض المرض والفساد فيه... لكنه هنا وربطا للأحداث يقودني .. ولعله يجيب كثيرين.. أن كان هذا هو نموذج قيادات مابعد مسيرات الأثنين.. او حتي هذا هو نموذج جمهورها ومناصري مبشريها هنا.. يقودني لحقيقة كم شعبنا هذا لماح وذكي .. وذو كبرياء وصبر ... وأن كان به وجع.. ويجيب كثيرين... لم لم يستجيب هذا الشعب العظيم لنداء الأثنين..؟؟؟ وأن كان يبحث عن نداء..!!!
Post: #112 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:17 PM Parent: #111
Quote: بدلا مما نهدر كلماتنا في صراع حول مادة خبرية.. أنتهي وقتها ولا تعني أمرها الا في حينها الذي مضي
يا ابو يعقوب.. بس شفت المادة الخبرية دي بالله ركبني بص الجريف ده تاني ونزلني في محطة (المادة الخبرية) وانا سؤالي اعلاه مختص بالمادة الخبرية الانت الليلة بتسوقها بلا قيمةوساعتها كنت تتكلم عنها بانها بتهدم مصداقية المنبر... وعشان نكون دقيقين معاك المادة الخبرية دي جات المنبر هنا ببوستين 1-البوست بتاعي 2-البوست بتاع الاخ محمد.. ثم حصل نفي لهذا الخبر بالبوست بتاعك الشهير..!!! اي حديث اخر منك خارج اطار اثبات اونفي تلك المادة الخبرية دي دريبات نقاش والتفاف حول الحقيقة.. لانو الاشتعال والكنيسة والعدد وغيره من الملحقات دي كلها بتكون ماعندها معني ان كانت هذه المظاهرة مافيشة اصلا.. ولذا تجدني لا اطيل في هذه الجزئية واردد مرة اخري السؤال عن المادة الخبرية والحدث.. هل كانت هناك تظاهرة في ودمدني في ذلك اليوم ام لا.؟؟؟؟
____________ مااوردته عن مشاكل مدني وضرورة خروج الاخريين ايضا ده بالنسبة لي متاجرة منك باشياء غير حقيقية ولا تتماشي مع خطابك في هذا المنبر (وح اعمل مداخلة فيها عناوين بوستاتك والتي تتناقض مع هذا الامر) واما انطلاق المسيرة من الكنيسة او من سينما امير فدي جزئية متقدمة جدا من النقاش مافي ليها جدل الا بعدما نثبت اولا (هل كان في مسيرة ولامافي)... انت مسيرة ناكر وجودها وفي نفس اللحظة زعلان من انطلاقها من الكنيسة(ده منطق شنو يا يايوسف).. ثبت الحقائق علي الارض اوانفيها ثم خلينا نمشي خطوة خطوة..
Post: #113 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:42 PM Parent: #112
Quote: لماذا لم تشتعل مدني مدينة الثورات والمسيرات؟؟؟ لماذا لم يخرج الطلاب والعمال والموظفين والتجار؟؟ بل لماذا لم يخرج حتي المزارع الذي يقتل مشروع الجزيرة من الحكومة أمام عينيه؟؟ لماذا لم تخرج جماهير مدني وهي أكثر المدن احباطا وموتا وأهمالا..؟؟ لماذا لم تخرج ولاية الجزيرة التي تنكرت لها هذه الحكومة وأهملتها وأنسانها.. وتركته نهبا للعوز والفقر والمرض؟؟؟ وهي الولاية والمدينة التي أعطت للسودان وجوده الأقتصادي بين الأمم ..؟؟ وهاهي اليوم.. مشروعها مات.. وشبابها تضربهم العطالة والفاقة.. ومواطنها يتسول العلاج في المدن البعيدة في المستشفيات التي بناها بكده وعرقه.. حينما لم يكن للسودان غير عرقه..؟؟؟ لماذا تركتك مدني تكتب عنوانا لبوست تستجدي له..
ده كلامك يا يوسف والكلام ده انا قلت ليك هو كلام منك للاستهلاك المحلي فبوستاتك ماقدر الكلام ده.. 1-عاااااااااااااااااااااااجل..... أستطلاع لل (Y-A-A).. ال...العظمي للسودانيين... ان مادام البشير هو خيارك الاول... الكركبة شنو والباعوض الاكل ناس مدني وهدم مشروع الجزيرة والتضرر من الحكومة والكلام الما جايب سعرو مع البشير هنا لزومو شنو
Post: #114 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 07:44 PM Parent: #112
Quote: يا ابو يعقوب.. بس شفت المادة الخبرية دي بالله ركبني بص الجريف ده تاني ونزلني في محطة (المادة الخبرية) وانا سؤالي اعلاه مختص بالمادة الخبرية الانت الليلة بتسوقها بلا قيمةوساعتها كنت تتكلم عنها بانها بتهدم مصداقية المنبر... وعشان نكون دقيقين معاك المادة الخبرية دي جات المنبر هنا ببوستين 1-البوست بتاعي 2-البوست بتاع الاخ محمد.. ثم حصل نفي لهذا الخبر بالبوست بتاعك الشهير..!!! اي حديث اخر منك خارج اطار اثبات اونفي تلك المادة الخبرية دي دريبات نقاش والتفاف حول الحقيقة.. لانو الاشتعال والكنيسة والعدد وغيره من الملحقات دي كلها بتكون ماعندها معني ان كانت هذه المظاهرة مافيشة اصلا.. ولذا تجدني لا اطيل في هذه الجزئية واردد مرة اخري السؤال عن المادة الخبرية والحدث.. هل كانت هناك تظاهرة في ودمدني في ذلك اليوم ام لا.؟؟؟؟
عبدالكريم... أعيد ليك تاني... انا أجبتك عن هذا السؤال في مداخلتي السابقة بهذا التوقيت
Quote: -12-2009, 04:29 م يوسف الخضر
فأعد القراءة .. كيفما ومثلما أتمني أن تعيد قراءة الأحداث.. فأن أعدت قراءة المداخلة ووجدت أجابتي(صريحة واضحة مباشرة).. وقد فاتت عليك في قراءتك التي سبقت ردك المقتبس أعلاه.. فلعل هذا يقودك ألي تذكر أننا بشر ناقصون.. نقراء بعض المشاهد أحيانا من هذا الجانب.. فتتسرب بعض الحقائق الجوهرية والمحورية والمفصلية من بين أعيننا.. كحال مدني التي أشعلتها وهي نائمة آمنة مطمئنة.. وان لم تجدها.. فاعدك أن أخرجها لك باقتباس وألونها لك باللون الأحمر كمان!!! قصرت معاك؟؟؟
Post: #115 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 07:44 PM Parent: #112
Quote: يا ابو يعقوب.. بس شفت المادة الخبرية دي بالله ركبني بص الجريف ده تاني ونزلني في محطة (المادة الخبرية) وانا سؤالي اعلاه مختص بالمادة الخبرية الانت الليلة بتسوقها بلا قيمةوساعتها كنت تتكلم عنها بانها بتهدم مصداقية المنبر... وعشان نكون دقيقين معاك المادة الخبرية دي جات المنبر هنا ببوستين 1-البوست بتاعي 2-البوست بتاع الاخ محمد.. ثم حصل نفي لهذا الخبر بالبوست بتاعك الشهير..!!! اي حديث اخر منك خارج اطار اثبات اونفي تلك المادة الخبرية دي دريبات نقاش والتفاف حول الحقيقة.. لانو الاشتعال والكنيسة والعدد وغيره من الملحقات دي كلها بتكون ماعندها معني ان كانت هذه المظاهرة مافيشة اصلا.. ولذا تجدني لا اطيل في هذه الجزئية واردد مرة اخري السؤال عن المادة الخبرية والحدث.. هل كانت هناك تظاهرة في ودمدني في ذلك اليوم ام لا.؟؟؟؟
عبدالكريم... أعيد ليك تاني... انا أجبتك عن هذا السؤال في مداخلتي السابقة بهذا التوقيت
Quote: -12-2009, 04:29 م يوسف الخضر
فأعد القراءة .. كيفما ومثلما أتمني أن تعيد قراءة الأحداث.. فأن أعدت قراءة المداخلة ووجدت أجابتي(صريحة واضحة مباشرة).. وقد فاتت عليك في قراءتك التي سبقت ردك المقتبس أعلاه.. فلعل هذا يقودك ألي تذكر أننا بشر ناقصون.. نقراء بعض المشاهد أحيانا من هذا الجانب.. فتتسرب بعض الحقائق الجوهرية والمحورية والمفصلية من بين أعيننا.. كحال مدني التي أشعلتها وهي نائمة آمنة مطمئنة.. وان لم تجدها.. فاعدك أن أخرجها لك باقتباس وألونها لك باللون الأحمر كمان!!! قصرت معاك؟؟؟
Post: #116 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 07:46 PM Parent: #112
Quote: يا ابو يعقوب.. بس شفت المادة الخبرية دي بالله ركبني بص الجريف ده تاني ونزلني في محطة (المادة الخبرية) وانا سؤالي اعلاه مختص بالمادة الخبرية الانت الليلة بتسوقها بلا قيمةوساعتها كنت تتكلم عنها بانها بتهدم مصداقية المنبر... وعشان نكون دقيقين معاك المادة الخبرية دي جات المنبر هنا ببوستين 1-البوست بتاعي 2-البوست بتاع الاخ محمد.. ثم حصل نفي لهذا الخبر بالبوست بتاعك الشهير..!!! اي حديث اخر منك خارج اطار اثبات اونفي تلك المادة الخبرية دي دريبات نقاش والتفاف حول الحقيقة.. لانو الاشتعال والكنيسة والعدد وغيره من الملحقات دي كلها بتكون ماعندها معني ان كانت هذه المظاهرة مافيشة اصلا.. ولذا تجدني لا اطيل في هذه الجزئية واردد مرة اخري السؤال عن المادة الخبرية والحدث.. هل كانت هناك تظاهرة في ودمدني في ذلك اليوم ام لا.؟؟؟؟
عبدالكريم... أعيد ليك تاني... انا أجبتك عن هذا السؤال في مداخلتي السابقة بهذا التوقيت
Quote: -12-2009, 04:29 م يوسف الخضر
فأعد القراءة .. كيفما ومثلما أتمني أن تعيد قراءة الأحداث.. فأن أعدت قراءة المداخلة ووجدت أجابتي(صريحة واضحة مباشرة).. وقد فاتت عليك في قراءتك التي سبقت ردك المقتبس أعلاه.. فلعل هذا يقودك ألي تذكر أننا بشر ناقصون.. نقراء بعض المشاهد أحيانا من هذا الجانب.. فتتسرب بعض الحقائق الجوهرية والمحورية والمفصلية من بين أعيننا.. كحال مدني التي أشعلتها وهي نائمة آمنة مطمئنة.. وان لم تجدها.. فاعدك أن أخرجها لك باقتباس وألونها لك باللون الأحمر كمان!!! قصرت معاك؟؟؟
Post: #117 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 07:54 PM Parent: #116
Quote: فاعدك أن أخرجها لك باقتباس وألونها لك باللون الأحمر كمان!!! قصرت معاك؟؟؟
يوسف انا ماشايف اي اجابة بل كل الشايفو هي محاولة الحديث عن الاشتعال والعدد والكنيسة.. وزي ما قلت ليك سابقا ربط الموضوع بجزئية الاشتعال ده جزئية ماعندي فيها نضمي كثير.. لانو الخبر الذي قمت بنفيه اتي في بوستين 1-مدني تشتعل 2-وبوست الاخ محمد وانت قمت بالنفي في البوستين علما بان البوست الاخر لم يتحدث عن اشتعال.. اي محاولة لجر الامر للحديث عن الاشتعال تاكد يا ابو يعقوب بانها محاولة فاشلة.. لانو انا بهمني الخبر زااااتو في عضمو حصل ولاما حصل..
انا ممكن اسمهيواشتعال واخر ممكن يسميهو ما اشتعال ودي ما مشكلة كبيرة الان في مراحل النقاش احنا عاوزين نثبت حدوث الحدث حتن نجي لباقي الامور التانية اذا اتفقنا علي الحدث في ولا مافي
Post: #121 Title: Re: يوسف خضر... سؤال واحد والله واحد...؟؟ Author: isam elzein Date: 12-10-2009, 08:12 PM Parent: #117
Post: #129 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:41 PM Parent: #121
Quote: ياخ ورمته بيضنا
والله ياعصام المقولة دي حسع قالها لي زول بالتلفون والظاهر بعد البوست ده التوريم حيكون عالمي لووول
Post: #136 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-10-2009, 09:11 PM Parent: #121
Quote: ياخ ورمته بيضنا
_____ If you don't watch out, it might get boiled ;)
Post: #122 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-10-2009, 08:22 PM Parent: #117
كيكي ! خلاص أرخيهو، حرام عليك، برضو اليوسفي من مدني، خليك حنين عليهو، المداخلات بقت تنزل كيمان كيمان، والقضايا بقت تتشعّب، من قبة السني والجامع، وليه تقوم المظاهرة من الكنيسة بدل ما تقوم من الجامع، وأكلت من إسمي حرفين.. ___ أبو علوّة الصهيوني يا لذيذ، بالله بطل "حراشة" خالد ده عريس جديد، وكيكي ذاتو فتر من تاكسي مدني الأحمر ده، حايم بيهو من بركات لي مرنجان لي عووضة لي حي المدنيين، لي دردق ، للمزاد، لكن أبى كلو كلو يمشي بيهو الدباغة..
Post: #130 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:46 PM Parent: #122
Quote: كيكي ! خلاص أرخيهو، حرام عليك، برضو اليوسفي من مدني، خليك حنين عليهو، المداخلات بقت تنزل كيمان كيمان، والقضايا بقت تتشعّب، من قبة السني والجامع، وليه تقوم المظاهرة من الكنيسة بدل ما تقوم من الجامع، وأكلت من إسمي حرفين..
والله يا ياسر الزول ده عجيب ياخي.. ولولو لي راسي طلعني في الجريف...مدني دي مرق منها مررة واحدة ولكن ما فضل ليهو كثير ..
والدباغة ياخي اديناهو الفيها النصيب من اللف فيها.. والمشكلة اودي وشي وين مع ناس الحلة الجديدة وشندي فووق الما لقيت ليهم فرقة ديل
Post: #118 Title: Re: يوسف خضر... سؤال واحد والله واحد...؟؟ Author: محمد حيدر المشرف Date: 12-10-2009, 07:55 PM Parent: #112
ولكنها ( لم تشتعل ) ,, الكنيسه , قلتم الكنيسه .. لماذا لم تشيروا فى تعيين المكان بالاسماء المتفقه أكثر مع التاريخ الاسلامى والوطنى للمدينه.. الوضع كان ليختلف .. نعم حتما لكانت هناك مظاهره تليق وإسم المكان أضف لذلك أن الصوره ما أخذت بمدنى .. غير أن المؤكد أنها ( لم تشتعل ) دعنا من هذا التهاتر .. هناك الكثير ليثور من أجله أهل مدنى أنا لست كوزا .. ومنعم إتهم الشعب السودانى بالشذوذ ( ولكنها لم تشتعل ) ( ولكنها لم تشتعل )
Quote: سؤال واحد والله واحد...؟؟
كيكى إنت متأكد إنو سؤالك ده واحد ؟
Post: #119 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:01 PM Parent: #118
Quote: كيكى إنت متأكد إنو سؤالك ده واحد
هلا يا محمد وسؤالي يعلم الله واااااحد والله واااحد لكن اخونا يوسف ده مستميت بانو يعمل ليهو كليوات.. والقصة اصبحت حلزونية ودائرية ودخول بالاشتعال وركوب بص الجريف ونزول في محطة الكنيسة ثم محطة الجامع بتاع القبة.. انا زي صحبي ابو علي المريخابي مستمتع جدا بالرحلات الماكوكية الماخدنا بيها ابو يوسف ما بين الاشتعال والكنيسة..
Post: #120 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 08:06 PM Parent: #118
Quote: يوسف انا ماشايف اي اجابة بل كل الشايفو هي محاولة الحديث عن الاشتعال والعدد والكنيسة..
Quote: ما بين وقفتك هنا وناس البص وكل الأصوات التي هتفت فيني في الأيام السابقة أتهاما وأوهاما.. أرجع تاني وأقول ليك .. مدني حقيقة مثبتة لم تشتعل.. لم تخرج مسيرات.. كل ماهناك تجد وصفه بما لديك مني في مداخلتي المعنية.. وجميل جدا أن يكون أحد كتاب الخبر بالصحيفة مراسلا لعدة صحف من مدني.. وهو أحد هؤلاء الذين تجمعوا.. بل أحد هؤلاء المعتقلين..!! فهل كانت الكتابة تعني المصداقية في الوصف ؟ يعني تريدني أن أصدق خبر الصحفي تاج السر ..؟؟ أم ما رأيته..؟؟ وهو صديق عزيز..
عرفت يا عبدالكريم انو مش كل البنفتكر انو صاح.. دائما صاح.. وانو حتي وانت مفتح عيونك عل الآخر.. أحيانا لا تري كل التفاصيل بالمشهد..ّ!!!!! حاول راجع موضوع المسيرة ده.. بس بي نظارة ماركة السودان اولا.. ولن نبيع،،،
ده مزاح أوع تفتكرو هتر وتدور.
Post: #123 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:23 PM Parent: #120
Quote: أرجع تاني وأقول ليك .. مدني حقيقة مثبتة لم تشتعل.. لم تخرج مسيرات..
Quote: الاخ محمد مكي محمد،، تحية طيبة،، أرجو توخي الحقيقة والمصداقية.. فذلك مخصوم من رصيدك.. ورصيد المنبر للاسف.. لاتوجد اي مسيرات بمدينة مدني او الحصاحيصا.. لا بشارع النيل ولا جزيرة الفيل.. من داخل مدينة مدني.. من شارع النيل..لا وجود لمسيرة او تظاهرة أو حتي تجمع... كفي كذبا وتزويرا...
خلينا من الاشتعال وكليوات النقاش في المرحلة ونختك راس في البوست المافيهو اشتعال الراي شنو يا يوسف.. ... وده كلام بتاع زولة من داخل المسيرة
Quote: اجتمعت الاحزاب السياسية بود مدني بدار الحركة الشعبية لمناقشة تداعيات ما تم من تزوير في بعض مراكز التسجيل والتضامن مع قوى الاجماع الوطني بالخرطوم بسبب منع المسيرة السلمية واعتقالات القيادة السياسية في الخرطوم. قررت الحركة الساسية بود مدني بتسير مسيرة سلمية من دار الحركةالشعبية وتقديم مزكرة احتجاح للسيد/معتمد الولاية الا ان قوى الشرطة (شرطة الاحتياطي المركزي وشرطة(مبرقعة) من غير اسم اعترضت طريق المسيرة عند شارع النيل وبالقرب من مبنى الولاية القريب ايضا من المجلس التشريعي الولائي وتم اعتقال 36 من القيادات السياسية ومجموعة من المواطنين المتضامنين و9 من نساء الاحزاب السياسية وتم ضربنا وإهانتنا بما لا يلقيق و إقتيادي واسمهان عضو المجلس التشريعي عن الحركة الشعبية الى عربة (المجرمين) دون اعتبار للحصانة الممنوحة لكلينا .وتم اقتيادنا الى شرطة قسم الاوسط مدني وزجنا في حراسات متراصين وفتح بلاغات الشغب ووتهديد الامن والسلام والازعاج العام والتجمهور الغيرمشروع من قانون الجاني لسنة91 والتحري معنا واطلاق سراحهم بالضمانة ليلا
اضافة الى اعتقال 99 شخص يتبعون للحركة الشعبية يسكنون عووضةالعالي مدني وتم اعتقالهم من داخل عربتان اي حافلتان واقتيادهم الى شرطة قسم الجنوبي مدني وفتح بلاغات الشغب ووتهديد الامن والسلام والازعاج العام والتجمهور الغيرمشروع من قانون الجاني لسنة91 والتحري معهم واطلاق سراحهم بعدجهد ايضا.
شارع النيل كما تعلم شارع رئسي رغم ان السبت كانت اجازة عامة الا ان الجماهير كانت كبيرة وتم حجزهم ومنعهم من الانضمام للمسيرة
اها القصة الان امامك بوست بدون اشتعال (الما بيها دي) وافادة من متظاهرة من عمق المسيرة.. الراي شنو..؟؟
Post: #128 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 08:39 PM Parent: #123
Quote: اها القصة الان امامك بوست بدون اشتعال (الما بيها دي) وافادة من متظاهرة من عمق المسيرة.. الراي شنو..؟؟
أها والتحت دي أفادتي القلتها ليك قبيل من شاهد عيان [
Quote: فهل كانت الكتابة تعني المصداقية في الوصف ؟ يعني تريدني أن أصدق خبر الصحفي تاج السر ..؟؟ أم ما رأيته..؟؟ وهو صديق عزيز..
علي قولك ياعبدالكريم.... الراي شنو.....؟؟؟
Post: #124 Title: Re: يوسف خضر... سؤال واحد والله واحد...؟؟ Author: محمد حيدر المشرف Date: 12-10-2009, 08:25 PM Parent: #120
Quote: عرفت يا عبدالكريم انو مش كل البنفتكر انو صاح.. دائما صاح..
ده كلام صاح ومباشر وواضح .. أعتقد أنو يتوجب على الاخ عبدالكريم الاعتذار ..
Post: #126 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:32 PM Parent: #124
Quote: ده كلام صاح ومباشر وواضح .. أعتقد أنو يتوجب على الاخ عبدالكريم الاعتذار
يوسف ده بقول درر ومقولات ذهبية..وحقو بيني وبينك الواحد يعتذر عشان هذه المقولات الذهبية المطلوقة في السهلة في البوست ده..
Post: #125 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 08:28 PM Parent: #120
Quote: مااوردته عن مشاكل مدني وضرورة خروج الاخريين ايضا ده بالنسبة لي متاجرة منك باشياء غير حقيقية ولا تتماشي مع خطابك في هذا المنبر (وح اعمل مداخلة فيها عناوين بوستاتك والتي تتناقض مع هذا الامر) واما انطلاق المسيرة من الكنيسة او من سينما امير فدي جزئية متقدمة جدا من النقاش مافي ليها جدل الا بعدما نثبت اولا (هل كان في مسيرة ولامافي)...
يا عبدالكريم ياخي ماممكن.. كل ما أكتب حاجة لازم أرجع وأشرحها وأوضحها.. ياخي أنا ماقلت ليك مدني مفروض تطلع مسيرات.. لا من الكنيسة ولا غيرها.. ياخي واضخ جدا من كلامي وكل بوستاتي زي ما أنت تفضلت وأنزلت بعضا منها.. واضح جدا أني ضد أي خروج أو أي مسيرات وقلب حال البلد لفوضي عارمة.. لا نسلم منها جميعا ولا اهلنا.. وقطع الطريق اما الأستحقاق الديمقراطي القادم.. ليه بقي أنا ضد المسألة دي... ممكن تلقي الأجابة في بوستي المفتوح..أسرار مسيرة يوم الاثنين...!!!! الأثنين الأسود... والاثنين الأحمر.... أو ممكن نفتح ليها بوست جديد ونتحاور.. لكن أنا قلت ليك.. مدني ( حينما تود الخروج).. لن تخرج من الكنيسة.. وقبلها قلت ليك... ( مدني تخرج لمن ؟؟؟) .. مدني حينما تخرج...... لن تخرج لكم.. _______________________________________________ أها موضوع حديثي عن ظلم مدني والجزيرة البتفتكر انو للأستهلاك المحلي ده.. ممكن ترجع لأرشيف صحيفة الخرطوم طبعة الخليج ..ولعمودي الأسبوعي ( لله والوطن ).. تلاقي أستهلاك لمدة سنين طويلة .. أرجع لكل الفعاليات ومن حضرها بداخل السودان وخارجه من مؤتمرات للمغتربين وغيرها.. تجد خطابي دائما يحمل هذا الهم بصفتي الأمين العام لتجمع أبناء الجزيرة بالخارج/ الرياض قلته ي كل اللقاءات بالولاة للجزيرة آخرهم الليلة التي أقيمت بنادي الخريجين بمدني نوفمبر الفائت لجماهير مدني مع والي الجزيرة.. وماشين بعيد ليه.. عندنا زميل بالمنبر حضر الليلة وانزل عنها بوست هنا هو الاخ ممدوح أبارو ورابط البوست...من قلب الجزيرة من أرض المحنة (صور) واقتطف فيه جزءا من الورقة التي قدمتها بتلك الليلة.. لا تتسرع في الحكم أخ عبدالكريم.. نعم نحن مع أعادة الحقوق ومحاربة الفساد.. لكن لا حربا ولا سلبا ولا قتلا.. لأننا وبقناعات كاملة ورؤية واعية نثق أن الوضع الموجود الآن هو أخف الأضرار.. وأفضل الخيارات المتاحة..نري لو تعلمون ما لا ترون..(وعندك مثال سابق للرؤية)،، فليس أقل من أن تحترموا خيارنا ورؤيتنا لخير شعبنا.
Post: #127 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:38 PM Parent: #125
يا يوسف بالله بنظام وترتيب.. البوست ده فيهو سؤال واحد والله واحد..ولسع ما عملت لي فيهو حاجة وخاصة اني عزلت ليك (الاشتعال ) وقدمتو ليك في طبق ذهبي بدون اشتعال.. خلينا نبثت الموضوع في البداية او ننفيهو ونخلص.. وبعد داك ممكن نفكر نمشي معاك في حاجاتك الثانية.. ولكن حتي ذلك الزمن عليك بالموضوع الاساسي والسؤال المهم (بدون اشتعال) الله يرضي عليك.. هل كان في مظاهرة او تجمع في مدني ولا مافي يايوسف
Post: #131 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 08:46 PM Parent: #127
Quote: اها القصة الان امامك بوست بدون اشتعال (الما بيها دي) وافادة من متظاهرة من عمق المسيرة.. الراي شنو..؟؟
أها والتحت دي أفادتي القلتها ليك قبيل من شاهد عيان!!!!
Quote: فهل كانت الكتابة تعني المصداقية في الوصف ؟ يعني تريدني أن أصدق خبر الصحفي تاج السر ..؟؟ أم ما رأيته..؟؟ وهو صديق عزيز..
أها .. وعلي قولك يا عبدالكريم.. الراي شنووووووو.......؟؟؟؟؟؟؟
Post: #132 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 08:54 PM Parent: #131
Quote: أها .. وعلي قولك يا عبدالكريم.. الراي شنووووووو.......؟؟؟؟؟؟؟
الراي يا يوسف انو كلامك ده لولوة وكضب..ومدني كان فيها تظاهرات وتجمع وخلينا من الصحفي تاج السر ده برضو.. 1- الجزيرة 2-اجراس الحرية 3- الميدان 4-شهود عيان ومعتقلة 5- بيان شرطة ود مدني 6- مصدري الاتكلمت معاهو انا في التلفون اثناء المسيرة.. 7- اخر لحظة دي كلها شواهد جبناها ليك في البوست ده والبوستات الاخري..!!! وهي بتقول هنالك مسيرة وتجمع.. وانت نفيك لهذا الامر ليس هو الا كذب صراح منك ومحاولة بالاضرار بمصداقية المنبر التي كنت تزايد عليها.. عندك كلام (مادي ) ودليل حي يفيد عكس ما اوردناه الينا به يا يوسف في هذا البوست وانت المهتم كما قلت بمصداقية المنبر.. ماعندك دليل يكون كلامك البتقول فيهو ده كلو خارم بارم وكلام قاطعو من راسك وما بتقدر تقنع بيهو زول لانه دون دليل او اثباتات..
Post: #133 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 08:58 PM Parent: #131
Quote: يا يوسف بالله بنظام وترتيب.. البوست ده فيهو سؤال واحد والله واحد..ولسع ما عملت لي فيهو حاجة وخاصة اني عزلت ليك (الاشتعال ) وقدمتو ليك في طبق ذهبي بدون اشتعال.. خلينا نبثت الموضوع في البداية او ننفيهو ونخلص.. وبعد داك ممكن نفكر نمشي معاك في حاجاتك الثانية.. ولكن حتي ذلك الزمن عليك بالموضوع الاساسي والسؤال المهم (بدون اشتعال) الله يرضي عليك.. هل كان في مظاهرة او تجمع في مدني ولا مافي يايوسف
ياخي والله جاوبتك علي سؤالك ده .. وبعدين ياعبدالكريم ياخي حاجاتي البتقول عليها حاجاتي الانية دي.. والله أنا ما جبتها.. أنت الكتبتها وانا بقوم بالرد عليك.. ولو عايز تاني نثبت ليك موضوع الرؤية بتاعك ده تاني.. مافي مانع .. (بس المرة دي بدل نظارات بتكون محتاج ليزر)..!! غالطني وقول لي انها ما كانت رد عليك.. واني جبتها من عندي.. وبرضو بوعدك أرجع أفرزها ليك كوم كوم.. وكل كوم اجيب معاه اقتباس للحتة بتاعتك الانت كتبتها.. واستدعت مني هذا الكوم.. والكوم مجان.. والونها ليك بالاخضر المرة دي.. مع اني بشجع مصر.. وزي ما انت توقعت قبيل.. مريخابي.. اها .. قصرت معاك..؟؟ انا الشكري الكلس.
عبدالكريم اخوي.. الحاجات الكده كده دي.. مزاح ماهتر.. يعني الواحد من قبيل مدور معاك اشتعال وقبة وكنيسة ومسجد.. يعني.... شوية اضفاء شوية فسحة.. وبيني وبينك كده.. خلينا نفك البوست ده عكس الهوا .. وشوف لينا موضوع تاني.. نمشي لي قدام شوية.. ونشوف المسيرة الجاية متين.. ممكن؟ ولي بكرة .. بكرة عندي امتحان.. دعواتك.. بس ما من الكنيسة،،،،،0 (عين غامزة)
Post: #134 Title: Re: يوسف خضر... سؤال واحد والله واحد...؟؟ Author: isam elzein Date: 12-10-2009, 09:04 PM Parent: #133
Quote: وبيني وبينك كده.. خلينا نفك البوست ده عكس الهوا .. وشوف لينا موضوع تاني.. نمشي لي قدام شوية.. ونشوف المسيرة الجاية متين.. ممكن؟ ولي بكرة .. بكرة عندي امتحان.. دعواتك..
طلعته كوز مقدود
Post: #137 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 09:25 PM Parent: #134
Quote: طلعته كوز مقدود
ابويعقوب يا عصام خلاص طالب بفك البوست عكس الهواء وطلع كمان عندو امتحانات وشاحد ربي يجيبو ليهو السؤال ده في الامتحان عشان نشوفو حيجابو كيف,..؟؟
Post: #135 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-10-2009, 09:05 PM Parent: #133
Quote: وبيني وبينك كده.. خلينا نفك البوست ده عكس الهوا .. وشوف لينا موضوع تاني.. نمشي لي قدام شوية.. ونشوف المسيرة الجاية متين.. ممكن؟ ولي بكرة .. بكرة عندي امتحان.. دعواتك.. بس ما من الكنيسة،،،،،0 (عين غامزة)
بوست كبير وعريض يا يوسف يفكو عكس الهواء سسااكت ده بدون ما نخت النقاط في الحروف وامتحانك ده الله يوفقك فيهو (ولكن حاسب اوع تلولو كمان في الاجابات تقوم تسقط وتلحق غنم زهرة).. امشي امتحن يازول والله يسهل عليك.. ولكن بعد الامتحان تعال جاوب لي السؤال بتاعي اللسع قاعد منطط عيونو في البوست ده راجيك تفتينا فيهو.. عشان لو اثبتت لي مافي مظاهرات انا ح اعمل بوست اعتذر فيهو لسودانيز اونلاين كوني اضريت بمصداقيته وكتبت خبر كاذب فالمساعدة منك مطلوبة عشان القاري والمنبر والناس القرت الاخبار دي
Post: #138 Title: Re: يوسف خضر... سؤال واحد والله واحد...؟؟ Author: emad altaib Date: 12-10-2009, 09:35 PM Parent: #135
ــــ
Quote: وشاحد ربي يجيبو ليهو السؤال ده في الامتحان عشان نشوفو حيجابو كيف,..؟؟
كريم سلامات ياخي
الحسادة آياه الحسادة ..
مرة واحدة عاوز تسقط الزول في إمتحانو
ــ يأخي خليتي أضحك شديد والله
Post: #139 Title: Re: يوسف خضر... سؤال واحد والله واحد...؟؟ Author: محمد حيدر المشرف Date: 12-10-2009, 09:55 PM Parent: #138
Quote: وشاحد ربي يجيبو ليهو السؤال ده في الامتحان عشان نشوفو حيجابو كيف,..؟؟
ياخى بالغت .. والله ضحكت لمن اشرقت زمان ياسر طيفور عندو كلمه لذيذه بقولها " YOU MADE MY DAY " هسع يا كيكى يوو ميد الخميس بتاعى يا أخوانا انتو فى امتحانات يوم الجمعه .. ولا إمتحان مرحل من اجازة الاثنين , بالله شوف الكيزان إتنين يأجز عشان المسيره جمعه شغل طوالى
Post: #140 Title: Re: يوسف خضر... سؤال واحد والله واحد...؟؟ Author: ibrahim alnimma Date: 12-10-2009, 10:19 PM Parent: #139
كيكي تحياتي لك ولضيوفك الكرام: السيد يوسف يبدو من تاخيره ومن بعض مخطوطاته يود ان يتواري خلف كلماته التي تجرم النظام لينفي عن نفسه جريمة الانتماء له ،في صراحة تبدو واضحة في ايجاد المبررات التي تعطي لاهل مدني الحق في الخروج من ذلة لاهل الجزيرة وبيع ممتلكاتهم المشروع والفاقة والعطالة والفساد الواقع علي اهل الجزيرة،الا انه في زحمة دفاعه الكاذب عن اهل الجزيرة نسي وتناسي دوره كريادي معين من قبل احبابناأ هل الهوي دوره المحفز لاهله في التصدي لهذا الظلم والتهميش مثبطاً للهم00 ياخي كل من له دراية بالتظاهر يبدأ قليلاً ثم لا يلبث ان تتشابك وتلتقي المواكب لتكبر وتزيد وتنمو ، وهذا الامر غير فائت علي كبارهم لذلك سارعو بقمع التظاهر في مهده000فقط يبقي السؤال هل اهلنا في جموع السودان محقين في المقاومة؟؟؟؟؟هل لنا الحق في دعمهم؟؟؟؟ لو كنت من انصار الحكومة لسمحت لمعارضة لاتستطيع ان تخرج الشارع ولا اضحكت عليها العالمين عبر تصويري لمواكبها الهزيلة كما تدعي ، ولكن اهل النظام يعون هذا جيداً فان هم سمحوا للمظاهرة ان تكبر وتنمو لما امكنهم التصدي لها ، وهذا مايفسر الذعر الذي اصابهم 00 اخيراً اشكرك جيدا واعتذر لك عن مناقشة ما لا تود نقاشه في هذا البوست والذي فهمت منه بانك تود الوصول مع محاورك علي اجابة السؤال بكل بساطة الا ان محاوك ابي الا ان يقودك لامر يتعلق بهذال المسيرة وضعفها 000ولكن ان كانت المسيرات فعلاً هذيلة ومعزولة لماذا مصادرة اشرطة القنوات الاخبارية ؟لماذا الاعتقالات ؟؟؟لما الاجازة ؟؟لما تصورها انتم لتضحكوا علي المعارضة والشعب اجمعين؟؟؟؟
Post: #144 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 01:04 PM Parent: #140
Quote: اخي كل من له دراية بالتظاهر يبدأ قليلاً ثم لا يلبث ان تتشابك وتلتقي المواكب لتكبر وتزيد وتنمو ، وهذا الامر غير فائت علي كبارهم لذلك سارعو بقمع التظاهر في مهده000فقط يبقي السؤال هل اهلنا في جموع السودان محقين في المقاومة؟؟؟؟؟هل لنا الحق في دعمهم؟؟؟؟
وز هلا يا تحياتي يا ابراهيم.. وشكرا علي الاضاءات وزولنا ده شايت القصة (سمك0- لبن- تمر هندي) فهو يمارس التغبيش وتزوير امر المسيرة ويدعم الخط الانقاذي بصورة واضحة وفي نفس اللحظة عامل فيها رافض لهذه الانقاذ..... وقمع المظاهرات يا ابراهيم هي هبة يشترك فيها البوليس والامن والتلفزيون ويوسف في سودانيز اونلاين وكلهم حريصون كل الحرص علي عدم معرفة الاخريين بان هنالك هبة ضدهم حتما سوف تنمو وتتشابك وتلتقي حتي يذهب هذا النظام الرعديد
Post: #141 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-10-2009, 10:32 PM Parent: #139
Quote: أخوانا انتو فى امتحانات يوم الجمعه .. ولا إمتحان مرحل من اجازة الاثنين , بالله شوف الكيزان إتنين يأجز عشان المسيره جمعه شغل طوالى
محمد حيدر.. ياخي ما قلنا ليكم ماتستعجلو.. أنا خارج السعودية وخارج السودان.. بلاش أحكامكم المسبقة ده.. بعدين ياخي ما امكن امتحان تحفيظ وبكرة الجمعة..؟؟؟؟؟؟؟؟؟؟؟ موش أنت قلت أنا كوز؟
Post: #143 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 11:33 AM Parent: #139
Quote: إتنين يأجز عشان المسيره جمعه شغل طوالى
هلا يا دكترة واضحك الله سنك. اخونا ابويعقوب ده شغال بطريقة (لجان في كل مكان) فهو في شارع النيل مدني لنفي المسيرة وفي نفس اللحظة بكون في قدام البرلمان لاحصاء عدد المشاركين ال 25 شخص ثم هو في السعودية في نفس اللحظة يكاتب وينفي ما ورد في المنبر..
ديانا خالد الزولة ذات الفوركاست العالي جابت سيرة (نبي الله خدر) ومنذ بداية البوست
Post: #148 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-11-2009, 01:35 PM Parent: #139
"الله ينجحك" يا يوسف، أها الإمتحان جنسو شنو if you don't mind؟ ___ مرة واحد صاحبنا، كنا متلمين ذات مساء، فقررنا أن نذهب لمكان آخر، فرد علينا صاحبنا: أمشو براكم، أنا ماشي البيت. قلنا ليهو مالك ما ماشي معانا؟ قال: ماشي أذاكر، بكرة عندي إمتحان.. ما حصل شفناه شايِّل ليهو كتاب ولا حتى قلم ساكت، قلنا ليهو إمتحان شنو؟ قال G1، رخصة سيارة، ضحكنا وتمنينا له بالنجاج. بالمناسبة إمتحان الـG1 ده إمتحان على الكمبيوتر، تقريباً فيهو عشرين سؤال حول علامات وإشارات المرور، كل إجاباته بـ أختار الإجابة الصحيحة، أو True or False، إذ لا يسمح للناجح فيه بان يقود عربة بمفرده، إلا في حضرة آخر له رخصة G..
Post: #142 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 11:22 AM Parent: #138
Quote: الحسادة آياه الحسادة ..
مرة واحدة عاوز تسقط الزول في إمتحانو
ــ يأخي خليتي أضحك شديد والله
هلا ياعمدة وانا زاااتي قاعد اضحك وابو يعقوب لو لقي السؤال ده قدامو غايتو غير يقوم مفرتق من الامتحان مافي ليهو اي حل تاني ههههههه
Post: #145 Title: Re: يوسف خضر... سؤال واحد والله واحد...؟؟ Author: khaleel Date: 12-11-2009, 01:06 PM Parent: #142
كيكي
الزول دا هجس وللا بقاوح
Post: #146 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 01:07 PM Parent: #142
Quote: أنا خارج السعودية وخارج السودان..
يا يوسف طبعا ل يهمنا اين انت الان..؟؟ كل المهم في هذا البوست هو الدليل المادي علي عدم وجود مظاهرات في مدني في ذلك اليوم.. امشي امتحن وتعال تلقانا قاعدين في البوست ده منتظرين دليل عدم وجود مظاهرة.. وردواضح علي بوستك الموجود علي امر هذا الامر الذي ينفي وجود مسيرة اوتجمع (اكرر تجمع) واكرر دليل.. ........ وفي انتظارك
Post: #147 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 01:13 PM Parent: #146
Quote: الزول دا هجس وللا بقاوح
الزول ده يا خليل قدم طلب وبه دمغة فئة العشرين قرش وطالب بركل هذا البوست عكس الريح وقال عندو امتحانات .. والقصة دايرة مشورة شعبية الان.. داير اشوف الاتي اسمائم من الجناح المويدالموتمر الوطني 1-ود الباوقة 2-جاد 3- الشفيع.. 4-هجو القرع
وداير من جناح قوي المعارضة 1-هشام هباني 2- ياسر طيفور 3- حيدر الزين 4-ود المشرف 5-عماد الطيب 6-وانت زاااتك يا ابو خليل 7-ابو ساندرا 8- خالد عبدالله 9-كوستاوي ومن الاخوات ممكن تتقدم اي واحدة من القوي الديمقراطية والقول ما تقولهو انتو..
دي مشورة شعبية اسفيرية
Post: #149 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 01:56 PM Parent: #147
Quote: G1
انت عارف يا ياسر ال G1 بتاع يوسف ده لو بقي عينة الامتحانات الفيها (ملتبل جويز) العينة الفيها الاجابة الخطا بتاكل معاها (نمرة كم اجابة صاح كده)..فتاكد بانو ابويعقوب حيتعب شديد مع السؤال بتاعنا ده لو لقاهو قدامو
الله يوفقو غايتو
Post: #150 Title: Re: يوسف خضر... سؤال واحد والله واحد...؟؟ Author: احمد الامين احمد Date: 12-11-2009, 05:26 PM Parent: #149
كتب يوسف خدر يقول اعلاه:
Quote: أها ياعبدالكريم.. لو قلت ليك أنا ما بنتمي لأي تنظيم سياسي وتحديدا أنا ما مؤتمر وطني بتصدقني..؟؟؟
نشتغل ذاكره يايوسف عشان تعرف ان ناس المؤتمر الوطنى ينكرون انفسهم لو متابع التلفزيون السودانى والصحف فى الاشهر الثلاثه الاولى من الانقلاب بتاع الجبهه صدرت اكثر من 3 بيانات رسميه من الحكومه تؤكد للشعب السودانى عدم وجود ادنى علاقه بين الانقلاب والجبهه بتاعه الترابى "شيخهم القديم" لكن المزعج بعد المفاصله الشهيره الترابى زعل وفضح المستور واعلن بوضوح ان الجبهه الاسلاميه هى التى دبرت الانقلاب المشئوم !!!!!!!!!!!!!!!!!!! يعنى مش غريب انكار موالى للحكومه لموقفه الفكرى علما ان من حقك يايوسف الانتماء لاى جهه ترغب بشرط ان لاتكون ظالمه او تتحمل النقد الذى يوجه لتلك الجهه ولاتزين افعالها فى عصر سرعه وسهوله المعلومه باختصار ان ينكر موالى للمؤتمر الوطنى نفسه مش امر غريب!!!!البشير نفسه انكر 1991 وجود مجاعه بالسودان فى الغرب والجنوب رغم تقارير مؤكده تفيد بذلك وبعد ان هددت امريكا باسقاط جوى للغذاء فى مناطق من الجنوب اجبروا والى الاستوائيه اعلان مجاعه بالجنوب لتتوالى الاغاثه عبر المنظمات ولربط هذا بالجدل بينك وعبدالكريم انت نفيت بلا النافيه عدم قيام مظاهره بمدنى وبعد تاكد قيامها من جهات مختلفه الرؤى اتيت تجادل فى العدد... نقطه اخيره فى اول مداخله لك مع عبدالكريم سالته سؤال واضح هل " صليت فى الكنيسه معهم" وطبعا ذلك فى سبيل التهكم لانك تعلم حسب اسم عبدالكريم على الاقل المقرون باسم من الاسماء الحسنى واسم ابيه لقب المصطفى وجبرين " حسب لغه بنى اسد" واسم مكه المكرمه كما فى سوره " التين" المكيه تعلم انه مسلم فلماذا تساله ان صلى بالكنيسه!!!!!!!!!!!!!!! وبعد فتره طالبته بالجدل الراقى وانت نفسك تتهكم عليه مره اخرى تتطابق يايوسف مع بنى اسرائيل فى جدلهم وتناقضهم قال المولى فى البقره المدنيه " عدا الايه 281" " أتامرون الناس بالبر وتنسون انفسكم وانتم تتلون الكتاب افلاتعقلون"" صدق الله العظيم وهذه اخر مداخلاتى بهذا البوست
Post: #151 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-11-2009, 05:39 PM Parent: #150
سلامات يا باشمهندس ... أنا عندي كم سؤال تاني كدة بس لن اقولها الا بحضور الطالب بعد ما يخلص امتحانات ويسجل حضور هنا ( رغم إنه الان وفي هذه اللحظة الساعة 7:35 من مساء الجمعة 11 ديسمبر مسجل حضور بالبورد)
بس ما مشكلة وما بيناتنا ..
قدامنا بقية الارشفة دي والسنة الجايــة ...
اما الطلب المشفوع دا فلا محل له من الاعراب الا الطالب يجيب ميديكال مختوم يجلس بيهو الملحق طالما سجل حضور في قاعة الامتحان من اول ...
Post: #152 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 06:20 PM Parent: #150
Quote: باختصار ان ينكر موالى للمؤتمر الوطنى نفسه مش امر غريب!!!!البشير نفسه انكر 1991 وجود مجاعه بالسودان فى الغرب والجنوب رغم تقارير مؤكده تفيد بذلك وبعد ان هددت امريكا باسقاط جوى للغذاء فى مناطق من الجنوب اجبروا والى الاستوائيه اعلان مجاعه بالجنوب لتتوالى الاغاثه عبر المنظمات ولربط هذا بالجدل بينك وعبدالكريم انت نفيت بلا النافيه عدم قيام مظاهره بمدنى وبعد تاكد قيامها من جهات مختلفه الرؤى اتيت تجادل فى العدد...
الشينة دايما منكورة يا احمد وهو معقول زول ما قادر يثبت في امر نكران مظاهرة يقوم يثبت في الدفاع عن جرائم العشرين سنة بتاعة الموتمر الوطني..
Post: #153 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-11-2009, 06:26 PM Parent: #152
Quote: أنا عندي كم سؤال تاني كدة بس لن اقولها الا بحضور الطالب بعد ما يخلص امتحانات ويسجل حضور هنا ( رغم إنه الان وفي هذه اللحظة الساعة 7:35 من مساء الجمعة 11 ديسمبر مسجل حضور بالبورد)
هلا يا حيدر ووييينك انت ياخي.. مش الراجل طلع عندو امتحانات..!! انا بديت اشك انو امتحانات ابو يعقوب دي بتاعة offline وكلنا في انتظاره بالدليل القاطع.. وسنكون ايضا ياحيدر في انتظار اسئلتك المحورية.. غايتو خليك جاهز من حسع لامتصاص اللف والدوران الشديد المفاجي الذي ستواجه به عند استقبال ردود من ابو يعقوب
Post: #154 Title: Re: يوسف خضر... سؤال واحد والله واحد...؟؟ Author: محمد حيدر المشرف Date: 12-11-2009, 08:23 PM Parent: #153
Quote: والقصة دايرة مشورة شعبية
مرفوض يا كيكي .. ولا حتى تايم آوت
Post: #155 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 06:47 AM Parent: #154
Quote: مرفوض يا كيكي .. ولا حتى تايم آوت
هلا يا دكترة.. قلت ولا تايم اووت.. غايتو عليكم جنس حسادة
Post: #156 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-12-2009, 07:07 AM Parent: #155
Quote: مرفوض يا كيكي .. ولا حتى تايم آوت
تعرف يا كيكي إقتراح ود المشرف ده إقتراح "رحيم"، دايرو أثناء ماهو مخدّر ومبنّج، تستأصل ليهو الأورام الخبيثة المستشريَّة في الروح دي، لكن كان داير رأيِّ، تديهو مهلة يكمِل إمتحانو، والجرح يبرأ حبة كده، وتفتحو ليهو تاني؛ وهسي جابت ليها "نكران" قال: لو -المن عمل الكيزان، ما الشيطان- أها ياعبدالكريم.. لو قلت ليك أنا ما بنتمي لأي تنظيم سياسي وتحديدا أنا ما مؤتمر وطني بتصدقني..؟؟؟، لو حوَّل لي السؤال، بصدقو، ولو قال هو نبي الله الخضر ذاتو بصدقو، والمؤمن صديق، ويُلدغ من جُحر الكيزان ألف مرة.. ____ بالطريقة دي يا شباب، يوسف حا يجيكم بعد الإمتحان وقميصه مقدود من دُبر، ويقول ليكم: أكنت في المظاهرة ..
Post: #157 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 07:31 AM Parent: #156
Quote: بالطريقة دي يا شباب، يوسف حا يجيكم بعد الإمتحان وقميصه مقدود من دُبر، ويقول ليكم: أكنت في المظاهرة
خايفو يا ياسر يجي يقول لينا اني رايت في المنام سبع اجزاب عجاف ياكلن حزب سمين
البيشن ابو يعقوب علي قولة الدكاترة ناس ود المشرف ديل فعلا عاوز معاملة خاصة كاسير حرب اسفيرية لووول... وبعدها باذن الله سيكون من الخارجين الي الشوارع
Post: #158 Title: Re: يوسف خضر... سؤال واحد والله واحد...؟؟ Author: محمد الجزولي Date: 12-12-2009, 08:18 AM Parent: #157
كيكي السلامات
يعني بعد ده في البوست ده ممكن نردد أغنية أبونا النعام {رحمة ونور تغشاه في الدارين} ..
لا شوفتاً تبل الشوق ولا رداً يطمئن ..
ولا كيف ؟! ..
ـــ ودتيفور مشتاغون ..
Post: #159 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 08:28 AM Parent: #158
Quote: يعني بعد ده في البوست ده ممكن نردد أغنية أبونا النعام {رحمة ونور تغشاه في الدارين} ..
لا شوفتاً تبل الشوق ولا رداً يطمئن ..
ولا كيف ؟! ..
\ فلنسمعها معا ونهديها الي ابو يعقوب في علياء امتحاناته
Post: #160 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-12-2009, 09:09 AM Parent: #159
سلامات يا هندسة وكلو تمام ..مشينا نشوف الحاصل برة شنو .. وبالمرة نشوف باقي اوراق اخونا يوسف الخضــر ..
لقيناهم واضع لينا كوت ثلاثي يفيد باجابته على الاسئلة هنا ..
Quote: حيدر الزين،، تحية طيبة.. أها أنشاءالله تكون لقيت الأجابة الشافية.. أحيلك الي نفس البوست .. ولو صعبة .. ممكن أنقل ليك ردي هنا.. تمام؟
وجينا راجعين وبرضو ما لقينا شينا ...
غايــتو الله غالب .. نتحمل يمكن الراجل مشغول بالامتحانات وكدة وماممركز في اجاباته دي ..
- تشرب يانسون يا كيكي
Post: #161 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 09:22 AM Parent: #160
Quote: تشرب يانسون يا كيكي
اي بالله يا ود الزين واحد يانسون مصلح لي انا والثانية بالله لابويعقوب يجضم بيها الG1 ده ويجي راسو موزون يرد علي الاسئلة المحورية دي وممكن تساعد ان يمخمخ ويجيب لينا دليل قاطع علي عدم وجود مسيرة او تجمع او اي كركبة في مدني في ذلك اليوم.. ولسع يا شباب المشورة الشعبية مستمرة
Post: #162 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 03:49 PM Parent: #161
علي قولة ناس دارفور
زول اعصرررررري هنا خلي يكورك ويناضم براهو هنااااك
Post: #163 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-12-2009, 03:58 PM Parent: #161
Quote: وعليـــكم السلام يا يوسف الخضر ..
تصدق مشيت هناك وما لقيت اي رد ،،،
ما وجدته هو عبارة عن التفاف حول الاجابات ليس اقل ولكن اكثر ...
ارجو اذا كانت لديك الرغبــة في الاجابة على سؤال الاخ عبد الكريــم أو سؤالي حول الصور ان تكون اجابتك واضحة وشافيـة
ولا يخفي عليك وانت من يُمارس الامتحانات للان ان تقيييم الاجابة بوضوحها...
الأخ حيدر،،، سلامي يصلك ويجدك بألف خير،،، تصدق أني تعبت من القصة دي.. يعني عبدالكريم نجاوب ليهو.. يقول ما شايف أي أجابة.. نقول ليهو راجع قرايتك للبوست تاني ونشارطو نطلعها ليهو ونلونها ليهو بالأحمر.. وبرضو يغالط.. نجي ونطلعها ليهو ونلونها ليهوبالأحمر كما وعدنا.. وبدل يعتذر تاني يغالط.. غيرنا الأحمر ولوناها ليهو بالأخضر (مع أنو مريخاب وبنشجع مصر).. أها عشان كده.. شفنا البوست اتحول لي قعدة قهوة وونسة.. قلنا مافي داعي نواصل ونخرب ليكم قعدتكم بي كلامنا الكبار كبار .. واحسن نشوف قصة امتحانات الكبار بتاعة الرخص وكده.. وتاكد ظننا أكتر في تحول البوست للمة شلة وونسة بعد شفناك لافي بتعزم علي الينسون.. علي فكرة هو مفيد جدا للمعدة ودي مرتبطة بالعسر في الهضم والفهم.. يعني كلهم أولاد خالات وأصحاب كده.. أهو زي صحبتكم اللمتكم في الدوحة والبوست ده.. وعشان تاني ما تجي تقول لي ما لقيت وما شفت وماعارف شنو.. بقتبس ليك ردي الأنت ماشفتو.. وبزيد ليك فيهو شوية كمان.. أها قصرت معاك؟؟
Quote: أرجع تاني وأقول ليك .. مدني حقيقة مثبتة لم تشتعل.. لم تخرج مسيرات.. كل ماهناك تجد وصفه بما لديك مني في مداخلتي المعنية.. وجميل جدا أن يكون أحد كتاب الخبر بالصحيفة مراسلا لعدة صحف من مدني.. وهو أحد هؤلاء الذين تجمعوا.. بل أحد هؤلاء المعتقلين..!! فهل كانت الكتابة تعني المصداقية في الوصف ؟ يعني تريدني أن أصدق خبر الصحفي تاج السر ..؟؟ أم ما رأيته..؟؟ وهو صديق عزيز.. المهم .. خلينا نحاول قيادة هذا الحوار لمايفيد.. بمعني.. كم قدرتوا عدد المتجمهرين؟؟ 160 صح ؟؟ بمافيهم ركاب الحافلتين(كم وتسعين).. الذين اقتادتهم الشرطة (بحافلتيهم الاتنين)قبل دخول المدينة للقسم الجنوبي.. ولم يكونوا طلاب الجامعة ولا الكليات ولا المدارس ولا أهل مدني .. كانوا أعضاء تنظيم سياسي من أطراف المدينة وشريحة محددة.. هل رأيت مسيرات بمدني من قبل؟؟ أعتقد سؤالنا أو عنوان بوستك من المفترض أن يكون.. لماذا لم تشتعل مدني مدينة الثورات والمسيرات؟؟؟ لماذا لم يخرج الطلاب والعمال والموظفين والتجار؟؟ بل لماذا لم يخرج حتي المزارع الذي يقتل مشروع الجزيرة من الحكومة أمام عينيه؟؟ لماذا لم تخرج جماهير مدني وهي أكثر المدن احباطا وموتا وأهمالا..؟؟ لماذا لم تخرج ولاية الجزيرة التي تنكرت لها هذه الحكومة وأهملتها وأنسانها.. وتركته نهبا للعوز والفقر والمرض؟؟؟ وهي الولاية والمدينة التي أعطت للسودان وجوده الأقتصادي بين الأمم ..؟؟ وهاهي اليوم.. مشروعها مات.. وشبابها تضربهم العطالة والفاقة.. ومواطنها يتسول العلاج في المدن البعيدة في المستشفيات التي بناها بكده وعرقه.. حينما لم يكن للسودان غير عرقه..؟؟؟ لماذا تركتك مدني تكتب عنوانا لبوست تستجدي له.. ولو صورة موبايل بها بضعة متظاهرين.. ولا تجد.. أو تجد.. لكنك تستحي أن تنزلها للناس فتظهر سوءة الأدعاء.. حالك كمدعي النبوة الكاذب .. الذي يخشي أن تكشف الرياح ثيابه.. فلا يظهر لخاتم النبوة من أثر..!!! نعم.. مدني تمتلك كل الأسباب للخروج للشارع .. ومن بينها شجاعة وصلابة لا ترهبها أجهزة الدولة أن هي أرادت.. والفساد الأداري والمالي فيها تخطي كل درجات القياس.. لكنها لم تمنحك مادة خبرية لهذا البوست ولم تخرج .. لماذا؟؟؟؟؟؟؟؟؟؟؟؟؟؟؟؟؟؟؟؟؟؟ هذا هو السؤال أخ عبدالكريم .. واواصل بحثا عن الأسباب.. وأرجوأن تواصل معي.. ودعنا من محاولات نصرة النفس التي علينا تجاوزها معا.. بكلمة هنا او هناك.. مالم يكون تعديها للحدود كبيرا.. وذلك ما آمل الا نكون قد وقعنا فيه.
أها والزيادة دي هوادة ،،، وبالأخضر كمان..
Quote: الأمر لي غريب ومستفز وغياظ كمان.. ياخي لو قلت لي أتلاقوا أما قبوة مدني السني كان نقول... علي الأقل الرجل الورع أسس المدينة وقبته هي رمز للمدينة ..(قبة السني وفريقنا..حول حلقات الذكر).. لو قلت لي تجمعوا أمام نادي الخريجين.. كان نقول... علي الأقل النادي رمز للحرية وأنصارها وثوارها وشكل بل أسس وجدان حركة التحرر بالسودان.. وانطلق منه نداء الأستقلال.. لكن ألا تستغرب الآن...!! ألا تتفق معي يا عبدالكريم.. غريب جدا علي أهل مدينة أسست علي القرآن..وحلقات الذكر وسميت علي مسيد القرآن للشيخ مدني السني.. ويدين أهلها بالأسلام .. وأكثر مدن السودان التي تحيي فيها ليالي الذكر والنوبات وتحيطها قباب الصالحين.. أليس غريبا عجيبا يوم أن تود الأنطلاق .. تنطلق من الكنيسة.. الكنيسة التي تقع في نفس الشارع الذي به مسجدها العتيق..؟؟ بل علي مرمي خطوات منه..؟؟؟؟؟؟؟؟؟؟؟ ياخي أحسبوها ديمقراطية واطلعوا من مكان الاغلبية...؟؟؟ هنا .. قد أكون أغفلت أمرا.. نعم.. ربما كان ذلك خيار تلك الاقلية التي كانت في ذلك اليوم أغلبية..؟؟؟!!!!!!!!!! أو ربما كانت تلك رسالة.. تحمل عنوان الواقع الجديد.. الذي تود المسيرة فرضه علي السودان...!! وفي أحسن حالات الظن .. دعنا نقول أنه خطأ استراتيجي.. حينها قد تجد سببا مفترضا .. يجيبك.. لماذا لم تخرج مدني؟؟؟؟؟؟ ويجيبك عن خبر أجراس الكنائس.. أو .. أجراس الحرية.. فكلاهما ( المكان والصحيفة)للجماعة التي التقت ذلك اليوم الأثنين بمدني.. أمام الكنيسة فيما يشبه الأجتماع أو القداس.. كلاهما موقع لهم فيه أغلبية.
أها ياحيدر.. وباقي كلامي قريتو هناك .. عرفت ليه ما رجعت البوست ده أنا تاني...؟؟؟ لأن البوست وصل للنهاية الطبيعية.. كل الكلام الباقي ده ونسة بيناتكم أنتو ما بتهمني ولا القارئ .. والذي له الحكم في النهاية.. وتحديتكم (رغم كرهي لهذه اللغة).. بس صورة موبايل ياجماعة.. يعني مسيرة ومدني تشتعل وتنظيم وترتيب وقيادات.. وناس عايزين يقودوا السودان الجديد.. نسوا أمر توثيق المسيرة؟؟؟؟؟؟؟؟؟؟ والله لو طلعتو خمسين نفر كان صورتوهم خمسمية صورة.. فتك بي عافية أخوي حيدر.. واتمني أن نلتقي في بوستات ومواضيع تفيد.. ونحن منها نستفيد والعامة.. نرقي بها ذوقنا وحسنا وملكات الحساس لدينا.. وكل من يمر بها قارئا.. لكن قصة ياكيكي وأشرب ينسون والجدل من أجل الكتابة.. لم اتعود أن أحسبها لي مساهمة أو عطاء.. في أبسط الأمور.. دعك حينما يتعلق الأمر بنقاش أسفيري يتابعه الآلاف له دلالاتهواسقاطاته.. علي وعلي القضية الهامة موضع الحوار.. لا سيما حينما تتعلق بمستقبل وطن.. أي وطن.. وكل الود.
Post: #164 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-12-2009, 04:00 PM Parent: #163
تمام يا يوسف .. وكويس إنك اوردت الرد هنا لأني كنت حا ارد علي كلامك دا هنا
وارفق ليك الرابط بالبوست الاخر بتاع السماني
حتي لا تتشتت الكورة ساي ..
حتماً لي عودة للرد وحتي حينها ارقد عافية ..
Post: #165 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 04:04 PM Parent: #163
يا ابويعقوب وحمد الله علي سلامتك ياخي.. وانشاء الله سؤالنا ده ما لقاك في الامتحان لوووووووول..
وكدي يا اخوي النسالك سؤالي فرعي كده انت كنت ناوي ما تجي البوست 1-عشان عاوزنا نفكو عكس الهواء 2-ولا عشان عندك امتحان 3-ولاعشان البوست اصبح لمة قهوة ولاشلة 4- ولا دايرنا نستعد للمظاهرة الجاية 5- ولاعشان شنو؟؟ حدد الاجابة الصحيحة عشانك نعرف قصتك مع البوست ده شنو.. كلامك الفووق ده كلو كلام مكرر ومعاد وفليمو ده دخلناهو في كراكير هذا البوست وكلو طبعا خارم وبارم.. لانو التحدي الذي امامك يا يوسف.. ماهو دليلك علي عدم وجود تظاهرة او تجمع في مدني ذلك اليوم.؟؟؟
احنا جبنا ليك زي 7 دليل ودليلة عندك دليل يهدم كلامنا ده جيبو وماعندك قول لينا ماعندي وخلينا نعرش البوست ده باقي المسيرة الجاية قربت
Post: #167 Title: Re: يوسف خضر... سؤال واحد والله واحد...؟؟ Author: emad altaib Date: 12-12-2009, 04:19 PM Parent: #165
ــــ كتب يوسف الخضر
Quote: واحسن نشوف قصة امتحانات الكبار بتاعة الرخص وكده.. وتاكد ظننا أكتر في تحول البوست للمة شلة وونسة بعد شفناك لافي بتعزم علي الينسون.. علي فكرة هو مفيد جدا للمعدة ودي مرتبطة بالعسر في الهضم والفهم.. يعني كلهم أولاد خالات وأصحاب كده.. أهو زي صحبتكم اللمتكم في الدوحة والبوست ده..
ماذا تقصد بأولاد الخالات ؟؟؟؟؟
Post: #173 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 06:57 PM Parent: #167
Quote: ماذا تقصد بأولاد الخالات ؟؟؟؟؟
دي خزعبلات يا عمدة بتجي لاخونا ابويعقوب وبرسلها كحقائق.. وحسع تزنقو يجي يقول ليك في شاهد عيان قال كيكي وياسر طيفور اولاد خالات لزم ومستعد يقاتل في هذا الامر بكل حماس سنة ونص وبص الجريف ما يحلنا منو
Post: #166 Title: Re: يوسف خضر... سؤال واحد والله واحد...؟؟ Author: يوسف الخضر Date: 12-12-2009, 04:10 PM Parent: #163
عبدالكريم أخوي،،،، أنت الظاهر بدل ما شغل المساحة.. بتمسح كلامي البقولو ليك.. ما قلت ليك جيب نضارة ماركة( السودان اولا ولا أبيع ).. أها الويك أند القعدت لي فيها علي كوعك ده وكملت فيها الونسة واليانسون في البوست القلبتو لينا انت واصحابك قهوة ده انتهت.. [
Quote: أها ياحيدر.. وباقي كلامي قريتو هناك .. عرفت ليه ما رجعت البوست ده أنا تاني...؟؟؟ لأن البوست وصل للنهاية الطبيعية.. كل الكلام الباقي ده ونسة بيناتكم أنتو ما بتهمني ولا القارئ .. والذي له الحكم في النهاية.. عرفت ليه ما رجعت البوست ده أنا تاني...؟؟؟ لأن البوست وصل للنهاية الطبيعية.. كل الكلام الباقي ده ونسة بيناتكم أنتو ما بتهمني ولا القارئ .. والذي له الحكم في النهاية..
Quote: واتمني أن نلتقي في بوستات ومواضيع تفيد.. ونحن منها نستفيد والعامة.. نرقي بها ذوقنا وحسنا وملكات الحساس لدينا.. وكل من يمر بها قارئا.. لكن قصة ياكيكي وأشرب ينسون والجدل من أجل الكتابة.. لم اتعود أن أحسبها لي مساهمة أو عطاء.. في أبسط الأمور.. دعك حينما يتعلق الأمر بنقاش أسفيري يتابعه الآلاف له دلالاتهواسقاطاته.. علي وعلي القضية الهامة موضع الحوار.. لا سيما حينما تتعلق بمستقبل وطن.. أي وطن.. وكل الود.
أخي عبدالكريم الأمين،،، وكل الأخوة المشاركين.. من تمكنت من الرد علي مداخلاتهم ومن لم أستطع.. والأخوة والأخوات القراء الكرام.. لكل ماسبق.. أضع قلمي هنا.. وقد لا أعود لهذا الخيط مرة أخري.. فالتحية لكم،،، ولصاحب البوست والمشاركين. وأشكرك عبدالكريم علي الأغنية.. في سياق هذا النقاش (المعكّر).. هذا منك لطف بالغ.
Post: #168 Title: Re: يوسف خضر... سؤال واحد والله واحد...؟؟ Author: HAIDER ALZAIN Date: 12-12-2009, 05:05 PM Parent: #166
يا يوسف اخوي ما تركز معانا الله يجبرك ...
اولاً يا سيدي كلامي فوووق واضح خالص بس انت البتقرأ بعقل مغلف بالانتصار للذات وليس البحث عن حقيقة ..
إنت وبعنوان بوستك دا يا يوسف نكرت وانكرت ولسع مصر تنكر انه بمدني ما كان لا مظاهرة لا مسيرة لا تجمع
اها الاخبار المتواترة جات كضبك كلامك دا .. وانت لسع لابس لينا توب يوسف الصديّق الما بينطق عن هوى
انا متابع الاخبار بمدني من ناس بثق فيهم جداً .. وبثق في الكلام البيجي متواتر بصحف مختلفة
واتجاهاتها مختلفة وانتماءتها متعاكسة ..
يبقي يا الصديّق انت عندك كانت رؤيا والا جبت الكلام دا من وين ؟
قول مافي ومصدري كدة لكن ما تشبكنا صوركم وينها وجوالتكم وينها ؟
يآخوي ما كل ناس السودانشايلين جوالات ولا كلهم مهووسين بالتصوير والتوثيق خاصة اذا كان
الحدث من الوضوح بصورة انه ما ينكره الا اعمي البصيرة والبصر وعلى قلبه غشاوة ..
عندك مصدر موثوق - اعلامي او تصريح موثق من شخصية ثقة موجودة بمدني لحظة الحدث - يقول انه
مدني في ذلك اليوم كان العشاق يتسامرون على امتداد شارع النيل من الكونتننتال حتي نادي الاطباء
ولا تجمع حصل ولا مسيرة تم تفريغها ولا مواطن اعتقل يومها جيبه ..
ما عندك يبقي تواجه بنفيّك الذي يبين فعلاً الخانة التي يصب فيها كلامك واي معسكر تهدف
لنصره - حتي ولو رفضت لكنك واضح وضوح الشمس - وإلا بتحرق في اعصابك ساى ..
وبالمناسبة اليانسون واحد من خصائصة إنه بيريح الاعصاب ومهدئ .. فتفضل معانا يانسون ..
أما بخصوص الصور فللآن انت بتحرف في الكلام ولم ولن ولا تستطيع الإتيان بما يثبت قولي انها من مدني
خاصة وإني رددت لك في حينها بمصدري وماهي هذه الصور لكن البيشوف القلب يا ابوي ..
واتعود يا ملك تاني تقرا بعيونك وعقلك ما بقلبك - فالقلب إذا فسد فسدت سائر جوارحك - ..
Post: #169 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-12-2009, 05:29 PM Parent: #168
غلطان يا يوسف يا اخوى كدى ارجع لونا ليهو بالازرف وشوف لو ما نقشا من قولة تيت
مشكلتك انتا بتلون بالاحمر وكيكى عندو عمى اللون الاحمر ( الله يشفيهو )
Post: #174 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 07:03 PM Parent: #169
Quote: غلطان يا يوسف يا اخوى كدى ارجع لونا ليهو بالازرف وشوف لو ما نقشا من قولة تيت
مشكلتك انتا بتلون بالاحمر وكيكى عندو عمى اللون الاحمر ( الله يشفيهو
هلا يا ابوعلي انت زولك ده بدل تجهجه ليهو باكاتو كده(كم جهجة باكاتكم كندورة ذات يوم) ..وتشبكو لون ازرق ولون بمبي ما تدينا دفرة شوية وتخليهو يجيب دليل عدم مظاهرة مدني..
وحرم لو جابو انا الليلة دي اقلب واشجع الاحمر الوهاج رغم علاته وكياشة لاعبيه وجماهيرة(مع الاعتذار لود خالتي محمد المشرف) لوووول
Post: #170 Title: Re: يوسف خضر... سؤال واحد والله واحد...؟؟ Author: Yassir Tayfour Date: 12-12-2009, 05:31 PM Parent: #166
يا كيكي ! صاحبك ده غير الـ Look، ويظهر عليهو طالع مشوار مهم، اها حالما نزنقو في لفة تانيَّة في جكانين مدني الوريفة، أنا ماشي لي زولي المدعي النبوة داك، بتاع هولندا .. __ وألف لي معاهو سجارة..
Post: #175 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 07:11 PM Parent: #170
Quote: صاحبك ده غير الـ Look، ويظهر عليهو طالع مشوار مهم، اها حالما نزنقو في لفة تانيَّة في جكانين مدني الوريفة، أنا ماشي لي زولي المدعي النبوة داك، بتاع هولندا .. __ وألف لي معاهو سجارة..
هلا ود خالتي ابوتفة.. وابو يعقوب خلاص (ابانا مرة وااحدة) وقال بالواضح فووق حلتنا دي ما بجي لانو احنا بتاعين ينسون واولاد خالات رعايد ساكت.. والظاهر الG1 دخل في الغريق لذا كان لزاما عليه ان يتفرق له..
......... بتاع هولندا مادام مدعي نبوة فالحقو سريع سريع يازول ورششششششششششو قبل ما يطلع لينا (كوزونبي كمان) يقوم يلحقنا غنم زهرة كمان
Post: #172 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-12-2009, 06:45 PM Parent: #166
Quote: أنت الظاهر بدل ما شغل المساحة.. بتمسح كلامي البقولو ليك.. ما قلت ليك جيب نضارة ماركة( السودان اولا ولا أبيع ).. أها الويك أند القعدت لي فيها علي كوعك ده وكملت فيها الونسة واليانسون في البوست القلبتو لينا انت واصحابك قهوة ده انتهت..
هلا يا ابويعقوب.. وبالجد يعزو علينا ان تفارقنا يا رجل وتتركنا علي قارعة الطريق حائرين وباحثين عن اجابة لسؤالنا الميمون فلا نجد سوي سراب بقيع والتفاف (فانت يااخوي يوسف تجيد الالتفاف ويعلم الله بارع فيهو ولك مني شهادة الاداء الجيد والممتاز).. وانت ماشي وذاهب يا يوسف الي كراكير اسفيرية اخري من الضروري نعطيك كتابك الاسفيري الذي طل لغرض في بوستنا هذا وبوستات اخري خلت تدور في نفس الفلك.. فاسمع مني ما يفيدك في هذا المكان وكل الامكنة المعنية بالحقيقة والحقائق علي الارض.. بالله عمر عامر ما ترسل ما تتخيله انت وانت فقط كحقيقة وتلتف حوله فالحقيقة في الدنيا دي يا يوسف نصفها عند الاخر .. فاحترم الاخر وافرد له مساحات بعيدا عن التكوير داخل الذات..نكران الذات يا يوسف هو اجمل واسمي الاشياء في هذه الدنيا.. لاحظت في خطابك الاتي.. وضعت هذه الافتراضات وارسلتها كحقائق وانت لاتسطيع اثباتها 1-عدم وجود مسيرة 2- الصورة التي وضعها الاخوين الغرض منها الايحاء بانها من مدني 3-عدم علاقتي بمدني 4-وجود تنيسق بين الاخوة اعضاء المنبر الذين عبرو هذا البوست 5-وجود علائق اولاد خالات 6-وجود حيدرالزين في قطر.. 7-تاخيري علي الرد عليك في بوست الاشتعال 8-انا مكوع الويك اند ده كلو وقاعد مصاقرك(ياراجل انا الليلة عملت مليون حاجة وحاجة) كل هذه الاشياء السبعة وغيرها تعكس جليا بانك لاتسطيع استيعاب غير ذاتك وتصدقها حتي لو غالطت الحقيقة وكلها يمكنها ان تتنج ليك بوست اخر حدادي مدادي اطالبك فيها بالاثبات والدليل وساعتها تاكد بانك لا تستطيع الا الزوغان والهروب كما تفعل انت الان... عموما هي فرصة كانت سانحة لك لكي تتنصر للحقيقة وتتنصر لمصداقية المنبر التي كنت تتباكي عليها في الايامات الاولي وضيعتها وده طبعا من حقك ولكنه بالتاكيد له دلالات وتداعيات سلبية اتمني ان تعالجها وتنتبه لها في مقبل ادائك الاسفيري الذي حتما سيكون ملي بالمرمات والمصائب ان كان هذا هو ديدنك.. ,,,,,,,,,,,,,,,,,,,,,,,, وتاني بالله اياك ان تبداء بالتهكم وتجعل مسلم سني يصلي في الكنيسة ولا مسيحي كاثوليكي يصلي في الجامع حتي لو جامع مدني الكبير.. واظنك شوفة النار صلاة المسلم السني في الكنيسة جابت ليها بوست حدادي مدادي سارت به الركبان
Post: #176 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-13-2009, 10:45 AM Parent: #172
غايتو يا كيكى للان انتا مغلوب 5 / صفر انتا يوسف الخضر دا عندو علاقه بى مازيمبى ؟
غايتو انا ماشى بى هناك اشوف مباراة الشقيق ياسر طيفور ضد على تاج الدين .. وبكره مريخ هلال
غايتو جنس متعه الايام دى ..
انشاء الله اجى راجع القاك درنت على الاقل !!
قرقرقرقرقرقرقرقرقرقرقرقر
Post: #177 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-13-2009, 10:50 AM Parent: #176
Quote: انشاء الله اجى راجع القاك درنت على الاقل !!
اقووان الدرون دي يا ابوعلي يجيبوها في السهلة ساااااكت كده.. كلم الفيفا تجيب الفريق التاني الهارب من الملعب بدواعي الاصابة وبعدها تعال شوف خالك بدرنها كيف لوووووووول
Post: #178 Title: Re: يوسف خضر... سؤال واحد والله واحد...؟؟ Author: على محمد على بشير Date: 12-13-2009, 03:51 PM Parent: #177
Quote: كلم الفيفا تجيب الفريق التاني الهارب من الملعب بدواعي الاصابة
الاصابه والا الامتحان والله يا كيكى صحى انتا زول شرير الزول قال عندو امتحان .. طوالى عملتوهو مكسور !!
Post: #179 Title: Re: يوسف خضر... سؤال واحد والله واحد...؟؟ Author: محمد حيدر المشرف Date: 12-13-2009, 04:32 PM Parent: #178
نتيجة الامتحان طلعت ؟..
Post: #180 Title: Re: يوسف خضر... سؤال واحد والله واحد...؟؟ Author: emad altaib Date: 12-13-2009, 05:01 PM Parent: #179
ــــ
Quote: دي خزعبلات يا عمدة
صدقت يا كريم يابن عمي وبن خالتي
Post: #183 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-13-2009, 05:30 PM Parent: #180
Quote: صدقت يا كريم يابن عمي وبن خالتي
هلا يا عمدة وبالله شفت فن ادارة الخزعبلات الاسفيرية ده مدهش كيفن
Post: #182 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-13-2009, 05:15 PM Parent: #179
Quote: نتيجة الامتحان طلعت ؟..
طلعت يا دكترة وG1 لم ينجح احد
Post: #181 Title: Re: يوسف خضر... سؤال واحد والله واحد...؟؟ Author: عبدالكريم الامين احمد Date: 12-13-2009, 05:10 PM Parent: #178
Quote: الاصابه والا الامتحان والله يا كيكى صحى انتا زول شرير الزول قال عندو امتحان .. طوالى عملتوهو مكسور !!
يا ابوعلي انت قايل الكسر والاصابة ياها زي حقت فيصل العجب القديتونا بيها ديك لا يا حبيبي في حاجة اسمها الكسر الاسفيري والاصابة في الانكل الاسفيري.. دي ممكن تقول عندك امتحان او تقول النت قاطع او تقول يا زول انا تاني الحتة دي ما جاييها عديييييييل كده المهم تقطع ليك مصيبة كده تبعد بيها روحك من الماتش الاسفيري وخاصة لمن الكورة يكون عجاجها سماء زي كورة ناس مازيمبي ديلك لووووووووول
