Post: #1 Title: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 09:52 AM Parent: #0
هبة يوم الاثنين 7-12 -2009 والتي ستتواصل يوم الاثنين القادم باذن الله.. رمت بحجار كثيرة في بركة السلطة الانقاذية التي قبعت طويلا في الارض السودانية.. وعلي السطح طفحت اشياء عديدة كانت السلطة الغاشمة قادرة عبر الياتها وخطابها الاعلامي واللف والدوران علي دسدستها وغتغتها ... ووالان الحاضر سيكلم الغائب بان الكركبة ضد هذه الطغمة قد انطلقت وشرارتها ولعت نار منقد
Post: #2 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 09:55 AM Parent: #1
عبر التاريخ الانقاذي كانت عبر قوتها الامنية والعسكرية الباطشة قادرة علي قمع كل من خرج للشارع وقد قتلت الطلاب العزل وهم اوائل فصايل هذا الشعب التي خرجت الي هذا الشارع وقدمت الشهداء التاية وسليم وطارق... وشيدت بيوت الاشباح تعذب فيها كل من يمارس راي اخر والمجد والخلود للشهيد علي فضل ورفقائه
Post: #3 Title: Re: يوم الاثنين ليوم الاثنين يا كوز حتمشي وووووين...!!!! Author: khaleel Date: 12-12-2009, 09:57 AM Parent: #1
يا كيكي
الاثنين كورة هلال مريخ
لو كان حاكم السودان فرعون
مافيش حد حا يطلع المظاهرة
وانت تعلم حب الشعب السوداني لكرة القدم
ولعلك تذكر المظاهرة التي خرجت من جامعة الخرطوم في التسعينات ومعها جامعة الفرع والسودان
ووصلت حتي امدرمان وهناك دخل معظم المتظاهرين مباراة الهلال والرابطة
التاجيل مهم
Post: #4 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:01 AM Parent: #3
Quote: ولعلك تذكر المظاهرة التي خرجت من جامعة الخرطوم في التسعينات ومعها جامعة الفرع والسودان
ووصلت حتي امدرمان وهناك دخل معظم المتظاهرين مباراة الهلال والرابطة
التاجيل مهم
هلا ياخلي الكورة بالليل يا خلي والكركبة والمظاهرة حتكون بالنهار.. وبعدين ياخلي هلال مريخ دي حلاتها شنو عليك الله في وطن مزرقن وممزق وعينو طالعة... ممكن بعد الكورة الجماهير تحي الثورة وتلتحم مع الجموع
Post: #5 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:05 AM Parent: #4
الكويسة والايجابية في القومة والهبة دي انو مافي دسدسة.. ياسر عرمان وباقان يتكلمو من جوووه السجن والجزيرة تعجبك مدير الشرطة والناطق الرسمي باسمها يتزرقن وتحاصرهم الجزيرة زرقنة بوبي في طاحونة.. العالم كلو شاف الصور والقمع والضرب وكلو صاحي.. والاحداث في ظل ثورة الاتصالات اصبحت في متناول الجميع ومافي طريقة تزوير او اخفاء للحقائق..
Post: #6 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:08 AM Parent: #5
القيادات متواجدة في قلب الحدث ومافي فووقية الحركات بتاعة اكتوبر بتاعة KEEP IT HOT والزعيم يكون قاعد في السرايا..!! فالقيادات بما فيها ابنائهم واسرهم ملتحمة مع الشعب.. ومن اوائل المعتقلين هم القيادات الي كانت في الماضي تتابع من بعد ...
Post: #9 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:12 AM Parent: #6
الكويسة ايضا هو ان العالم الخارجي والمنظمات ذات السطوة قاعدة ومفتحة عينها لرصد اي كركبة او اعتقال او تعذيب.. لاضافتها لرصيد الانقاذ الي اصبح جبل كبيررررر خلاص.. والقضايا السودانية كدارفور والتجازوات فيها مطروحة في النقاش علي مستوي عالمي فاي زيادة عليها فهي تصب في غير مصلحة النظام.. ود حصار يعلم الله داخلي وخارجي برا وجوا
Post: #11 Title: Re: يوم الاثنين ليوم الاثنين يا كوز حتمشي وووووين...!!!! Author: محمد عبدالرحمن Date: 12-12-2009, 10:23 AM Parent: #6
ياخليل ..
نستمتع بابداعات شعبنا صبيحة الاثنين . حانشوف بسالة باقان وجسارة ساره نقدالله وصمود سليمان حامد و ابراهيم ا لشيخ ومريم الصادق و هاله عبدالحليم وعناد و(نشافة راس ) ياسر عرمان ومبارك الفاضل وعلى محمود حسنين ... وبالليل نستمتع بابداعات الهلال ..نشوف بسالة منير امبده وعلاء يوسف وعمر بخيت .. وحرفنة البرنس وانطلاقات سادومبا ..
كلو بدربو ياخليل ..وشعبنا لكى يستمتع بالهلال والمريخ عليه ان ينتصر نهارا على جبروت الانقاذ ....
--
ياكيكى خليل دا الايام دى ماعاجبنى ..حاسى انو فيهو (دخنه) ..ماعارف غايتو ..
Post: #16 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:28 AM Parent: #11
Quote: ياكيكى خليل دا الايام دى ماعاجبنى ..حاسى انو فيهو (دخنه) ..ماعارف غايتو ..
خلي زولنا يا محمد الا مسسسسسسنوح
Post: #7 Title: Re: يوم الاثنين ليوم الاثنين يا كوز حتمشي وووووين...!!!! Author: فايزودالقاضي Date: 12-12-2009, 10:12 AM Parent: #5
الشعب خلاص كسر حاجز الخوف وده في نظري اهم حاجة ...ومن هنا سيكون التغيير ...
اللهم ادمها من تظاهرات واحفظها من الزوال ...
Post: #10 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:15 AM Parent: #7
Quote: الشعب خلاص كسر حاجز الخوف وده في نظري اهم حاجة ...ومن هنا سيكون التغيير ...
اللهم ادمها من تظاهرات واحفظها من الزوال ...
نعم يا فايز وتحياتي وكسر حاجز الخوف من التظاهرات دي اهم حاجة عملتها مسيرة الاثنين والباقي حتما سياتي.. وتاني القصر ما حيوقف الناس المرات الجاية
Post: #12 Title: Re: يوم الاثنين ليوم الاثنين يا كوز حتمشي وووووين...!!!! Author: فايزودالقاضي Date: 12-12-2009, 10:24 AM Parent: #10
معليش ياكيكي خشيت المظاهرات من غير ما اسلم عليك ..
لك التظاهر حتى ترضي ..
تحياتي ..
Post: #17 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:30 AM Parent: #12
Quote: معليش ياكيكي خشيت المظاهرات من غير ما اسلم عليك ..
لك التظاهر حتى ترضي ..
ولا يهمك يا فايز وحبال الود ممدودة ولك ايضا الهتاف والتظاهر حتي ينجلي هذا الليل البهيم
Post: #8 Title: Re: يوم الاثنين ليوم الاثنين يا كوز حتمشي وووووين...!!!! Author: بشير أحمد Date: 12-12-2009, 10:12 AM Parent: #5
تعرف ياهندسة المظاهرة دي
لو كان منظمنها ناس الجبهة كان زمان نقول الثورة انطلقت
لكن وين والجماعة جوة الجكـ
ناس حق والجبهة الديمقراطية وشوية حزب امة
5 عسكري نفر بيشتتوا قصبها
وكان لي ناس الحركة بُقة وصاحبو شِد وأركب.
_____________
تحياتي ياعبدو.
Post: #13 Title: Re: يوم الاثنين ليوم الاثنين يا كوز حتمشي وووووين...!!!! Author: khaleel Date: 12-12-2009, 10:25 AM Parent: #8
Quote: ياكيكى خليل دا الايام دى ماعاجبنى ..حاسى انو فيهو (دخنه) ..ماعارف غايتو ..
شوف يا حمادة
انا في السودان بحب اتنين
الهلال وزيدان
الباقي ما فارق معاي
Post: #14 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:26 AM Parent: #8
Quote: لو كان منظمنها ناس الجبهة كان زمان نقول الثورة انطلقت
فالحين يا دكتور تكتيات جبهة وين ودكتور ترابي قاعد معانا الترابي هو عراب كل التكتيك والتكنيك بتاع مصايب الجبهة الكانت بتعملها زمان في المسيرات والكركبات.. وحتي لو الترابي بقي مافي فابريل التي اذهبت النميري لم يكن من بين الخارجين فيها الجبهة واهلها لانهم جميعا كانو في السجون ولابدين من النميري فهذا الشعب الذي ازلوه هو الذي اخرجهم من زنازين ومشانق النميري فهذا الشعب معلم يا بشير اسمع كلامي ده وقابلني بعد جمعة جمعتين كده
Post: #15 Title: Re: يوم الاثنين ليوم الاثنين يا كوز حتمشي وووووين...!!!! Author: ود الباوقة Date: 12-12-2009, 10:26 AM Parent: #8
Quote: ووالان الحاضر سيكلم الغائب بان الكركبة ضد هذه الطغمة قد انطلقت وشرارتها ولعت نار منقد
كيكي ...
والله الكلام دا بتابوووووووووووووه ....
Post: #18 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:36 AM Parent: #15
Quote: كيكي ...
والله الكلام دا بتابوووووووووووووه ....
خا خا خا خا كلامك دي كان زمان يا ود الباوقة.. وتهديداتكم دي بقت ما بتخوف جناح باعوضة.. فبالله بلها واشربها محاية علها تعالجكم من ام كبابيس وام الصبيان التي اصابتكم ومنذ الاثنين الشهير
Post: #19 Title: Re: يوم الاثنين ليوم الاثنين يا كوز حتمشي وووووين...!!!! Author: ود الباوقة Date: 12-12-2009, 10:43 AM Parent: #18
Quote: كلامك دي كان زمان يا ود الباوقة.. وتهديداتكم دي بقت ما بتخوف جناح باعوضة..
تعرف ياكيكي لو انت في السودان وقلت كلامك دا وشاركت فعليا في الكيتة دي .
يكون كلامك منطقي شوية. اما ان تتاوق من الدوحة وتحاول شعللة النار في ام درمان دا يكون نوع من الهذيان ..
Post: #21 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 10:51 AM Parent: #19
Quote: يكون كلامك منطقي شوية. اما ان تتاوق من الدوحة وتحاول شعللة النار في ام درمان دا يكون نوع من الهذيان ..
ود الباوقة انت ده قاعد في (ود درو) ولاشنو..؟؟ ما شابكنا كيتة وبتابو الكلام ده وحنسويكم كفتة في زول قال ليك انت ما تمشي تعمل حركاتك دي هناك.. المعركة يا ود الباوقة في كل الامكنة.. علي الارض علي الاسفير في كل خجنون من الجخانين الفيها سوداني عاوز يوصل صوتو... وانا كوني قاعد في الدوحة او مسيمير ده ما بعزلني من القضايا الاساسية الفي وطني ومحل ما القي منبر مطرف بشوت وبضرب الركب الكيزانية... يا باقة انا ليس بانا انا تيار كبير وعريض ينادي بالحريات لهذا الشعب وهذا التيار كلا يدعمه حسب موقعه الجغرافي ومقدراته.. فبالله روق وبطل جقلبة.. وانها معركة اسفيرية نوعية.. عندك ليها قدرة اتحزم والتزم ماعندك ليها قدرة امشي اضرب كبسة ونوم بالله
Post: #20 Title: Re: يوم الاثنين ليوم الاثنين يا كوز حتمشي وووووين...!!!! Author: على محمد على بشير Date: 12-12-2009, 10:44 AM Parent: #18
يا كيكى اسمع كلام خلى دا يوم الاتنين مريخ هلال
والناس كلها ح تقول وااى وااى ما دايرين غايتو احنا كمريخاب لو المظاهره دى بعدها اعلنوا حظر تجول ح تقع لينا فى جرح وتلاقونا انشاء الله السنه الجايه .. يلا يا خرطوم ثورى ثورى
Post: #22 Title: Re: يوم الاثنين ليوم الاثنين يا كوز حتمشي وووووين...!!!! Author: ود الباوقة Date: 12-12-2009, 10:56 AM Parent: #20
وانها معركة اسفيرية نوعية.. عندك ليها قدرة اتحزم والتزم ماعندك ليها قدرة امشي اضرب كبسة ونوم بالله
كيكي ..
صدقني انت واهم ان كنت تعول على هذه الهطرقات الاسفيرية . دي حدها هنا بس ... ولاتحتاج الى تحزم وتلزم وقدرة...
Post: #24 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 11:09 AM Parent: #22
Quote: دي حدها هنا بس
ود الباوقة.. انا واهم ومجنون رسمي وشعبي وحسع بكتب بالحرفنة لاني مربوط بحبل..!! انت الما واهم ده مالك..؟؟ يا زول الكلام ده حارق فيهو الرز بتاعك (قولي لي) .. وبعدين تعال هنا.. هنا القاصدها دي وين الرياض ولاالدوحة وجدة وسدني ولا واشنطن ولا لندن ولا القضارف.. مافي حاجة اسمها (هنا) مالم تحددها باحداثيات (X,Y) ولو قاصد سودانيز اولاين فسودانيز ده ليس بمكان سودانيز اولاين ده في كل الامكنة الفيها امكانية وصول لهذه الشبكة العنكوبتيه.. ... وخلاص ياعمر ما عليك اتحزم بس وما تلتزم
Post: #25 Title: Re: يوم الاثنين ليوم الاثنين يا كوز حتمشي وووووين...!!!! Author: emad altaib Date: 12-12-2009, 11:11 AM Parent: #22
ــــ
Quote: الكويسة ايضاهو ان العالم الخارجي والمنظمات ذات السطوة قاعدة ومفتحة عينها لرصد اي كركبة او اعتقال او تعذيب.. لاضافتها لرصيد الانقاذ الي اصبح جبل كبيررررر خلاص.. والقضايا السودانية كدارفور والتجازوات فيها مطروحة في النقاش علي مستوي عالمي فاي زيادة عليها فهي تصب في غير مصلحة النظام.. ود حصار يعلم الله داخلي وخارجي برا وجوا
تحياتي يا كريم
هذا كلام مهم يجب عليهم أن يضعوه في حلقات آذانهم ويعوه كويس ..
وأضيف عليه أن قيادات النظام الفاسد سوف تبعتد بنفسها وتترك كل الإمور للبوليس والأمن وغيره من المسميات القمعية , فيجب علي هذه الأدوات (المستغلة) أن تعي جيّداً أن آي إفراط في القوة والضرب للمسيرة سوف يحاسبون عليه هم أولاً قبل سادتهم والكل الأن مراقب جيّداً لما يحدث في الوطن المكلوم عشرون عاماً .
Post: #26 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 11:30 AM Parent: #25
Quote: وأضيف عليه أن قيادات النظام الفاسد سوف تبعتد بنفسها وتترك كل الإمور للبوليس والأمن وغيره من المسميات القمعية , فيجب علي هذه الأدوات (المستغلة) أن تعي جيّداً أن آي إفراط في القوة والضرب للمسيرة سوف يحاسبون عليه هم أولاً قبل سادتهم والكل الأن مراقب جيّداً لما يحدث في الوطن المكلوم عشرون عاماً
نعم يا عمدة وتحياتي.. وظهور قيادات الشرطة في الاعلام كان ظهور ضعيف ومرتبك وغير ملمين تماما بالاوضاع وتم توريطهم في اشياء هم لا يدرون منها سوي ضرورة قمع وضرب هولا المعارضين.. وعلي المدي البعيد سيعي هولا القوم بانهم ادوات فقط للحفاظ علي مصلحة اشخاص وتنظيم بعينه..وحتما سيودعون الي الحظيرة ومهما طال السفر.. والعالم صار قرية يا عماد وصورة واحدة من جهاز موبايل قادرة علي الوصول الي السي ان ان والجزيرة وكل منظمات حقوق الانسان بكلك فقط.. وعليه يجب علينا تسخير كل الوسائط لفضح هذه الانقاذ
Post: #23 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 11:03 AM Parent: #20
Quote: يلا يا خرطوم ثورى ثورى
ايوه يا خرطوم ثوري ثوري..
____________________ والمريخاب احنا وعشان هذه المظاهرة حنعمل معاهم نيفاشا هو احنا قلبنا بالترابي معقول ما نقبل بيكم يا الشواطين الحمر هييييع
Post: #27 Title: Re: يوم الاثنين ليوم الاثنين يا كوز حتمشي وووووين...!!!! Author: khaleel Date: 12-12-2009, 11:35 AM Parent: #23
Quote: ود الباوقة انت ده قاعد في (ود درو) ولاشنو..؟؟
Post: #28 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 11:40 AM Parent: #27
ود الباوقة يا خليل قاعد يتفاصح من حي الملز في الرياض وشابكني حنوريكم وح ناكلكم ...وبعد ده يقول لي امشي هناك.. داير يضرب بطيخ الخليج ده براااهو كده
Post: #29 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 11:58 AM Parent: #28
من اهم واخطر الاسلحة التي تم سحبها من الخطاب الكيزاني في استقطابه للوعي الشعبي في السودان طيلة تواجدهم في السلطة هو سلاح (التكفير).. واها تاني مافي زول بصدق انو الصادق المهدي تبع الكفار.. فانهم الانصار وراتب الامام المهدي الذي منه يستمد الانصار عزيمتهم يقراء ويرتل يوماتي في البيوتات السودانية صباحا ومساء ومافي كوز يقدر يقول علي الموتمر الشعبي والترابي واعوانهم بانهم كفرة ومارقين.. فهذا السلاح تم سحب بساطه من بني كوز.. واليشوفو ليهم شي غيره تاني
Post: #30 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 12:24 PM Parent: #29
مع تحيات الزول الفنان عمر دفع الله
Post: #31 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 07:32 PM Parent: #30
التحية لتلك الجموع الهادرة التي اكتظت بها ميادين الحاج يوسف وامبدة~.. والمجد والخلود للشعب السوداني
جماهير كالمطر توافدت الي ساحات الندوة
Post: #32 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-12-2009, 07:36 PM
بيان إلى جماهير الشعب السودانى حول حرية التجمع والتعبير
تؤكد مبادئ وحقوق الإنسان وحرياته الأساسية التى وردت فى جميع العهود والمواثيق الدولية والإقليمية على حرية التنظيم والتجمع والتعبير فى المجتمع الديمقراطى صوناً لمبادئ الحكم الراشد وسيادة حكم القانون. هذا ما سعت إتفاقية السلام الشامل والدستور الإنتقالى الشامل لسنة 2005 على التأكيد عليه فى إطار الإجماع السودانى على التحول الديمقراطى وإحقاق السلام والإستقرار للسودانيين كافة دونما تمييز. فالمادة 39 من الدستور الإنتقالى تكفل حرية التعبير، كما تكفل المادة 40 حق الجميع فى التجمع السلمى كأداة للتعبير، وتؤكد المادة 26 من قانون الأحزاب السياسية على ذات الحريات فى إطار الممارسة الديمقراطية. غنى عن القول أنه فى التجمع السلمى ينبغى مراعاة السلامة والنظام وتجنب العنف والأذى للآخرين وممتلكاتهم وضرورات السلامة العامة. هذا ما سعت أن تبرزه المادة 127 من قانون الإجراءات الجنائية لسنة 1991 المعدلة بالقانون رقم 8 لسنة 2002 على منح الوالى أو المعتمد الحق بحظر أو تقييد أو تنظيم أى إجتماع أو تجمهر أو موكب فى الطرق والأماكن العامة "مما يحتمل أن يؤدى إلى الإخلال بالسلام العام" وعليه فإنه ليس هناك ما يحول دون تجمع أو تجمهر المواطنيين، ما لم تقرر السلطات وبأسباب كافية أن هناك ما يجوز أن يخل بالسلام أو الأمن العام. ويتضح من جميع النصوص المذكورة أن تنظيم التجمعات أو المسيرات لا يقتضى سوى الإلتزام بالحفاظ على الأمن وسلامة الآخرين وممتلكاتهم، وليس هناك من ضرورة قانونية لأخذ أى أذن مسبق من أى من السلطات للخروج فى أى تجمع أو مسيرة سلمية، على خلاف ما تزرعت به السلاطات الرسمية حينما تصدت أجهزة الأمن والشرطة لتفريق تجمع قوى الإجماع الوطنى فى السابع من ديسمبر الجارى بإستعمال القوة المفرطة والغاز المسيل للدموع والرصاص المطاطى وإعتقال بعض القيادات السياسية وتعرضها للمعاملة اللا إنسانية. أخيراً، فيما يخص منشور السيد وزير الداخلية رقم 402 الصادر بتاريخ 17 سبتمبر 2009 والمتعلق بضرورة توجيه خطاب كتابى إلى السلطات المحلية أو الشرطية، فهو مجرد منشور لا يرقى إلى إلغاء أو التعارض مع القانون أو الدستور، فهو مجرد إخطار بغرض إتخاذ التدابير والتحوطات الأمنية اللازمة لتأمين رذلك النشاط وفق ما جاء نصاً فى المنشور المذكور وليس "طلب" بالتصديق على خروج التجمع السلمى. فضلاً أن منظمى التجمع المذكور قد سبق أن أوضحوا للسلطان أنهم بصدد تنظيم تجمع سلمى هدفه الأوحد هو تسليم رسالة إلى السيد رئيس المجلس. ختاماً، إن قوى الإجماع الوطنى يوضح لجماهير الشعب ملابسات ما حدث حول الدعوى غير السلمية من جانب السلطات أن التجمع قد خرج بمخالفة القانون، تؤكد على إصرارها على ممارسة حقوقها وحرياتها الأساسية كافة فيما يخص التجمع والتعبير، مع الإلتزام التام بتفادى العنف أو تهديد السلامة العامة أو مقاومة عنف السلطات، كما تأمل أن تقوم السلطات المعنية بدورها فى تنظيم وحماية كافة التجمعات السلمية فى ممارسة الحقوق والحريات الدستورية فى سياق التحول الديمقراطى وتطالبها بوقف حملات الإساءة والتفكير ممن يسمون أنفسهم بالعلماء وأئمة بعض المساجد الموالية لنظام الحكم. قوى الإجماع الوطنى 12 ديسمبر
Post: #34 Title: Re: يوم الاثنين ليوم الاثنين يا كوز حتمشي وووووين...!!!! Author: سعد مدني Date: 12-12-2009, 07:55 PM Parent: #33
Quote: الكويسة والايجابية في القومة والهبة دي انو مافي دسدسة..
تاني ما يقولوا طلع 25 متظاهر او مافي مظاهرات في مدني.
Post: #38 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-13-2009, 10:36 AM Parent: #34
Quote: تاني ما يقولوا طلع 25 متظاهر او مافي مظاهرات في مدني.
هلا يا ابو السعود وفعلا تاني مافي دسدسة وغتغتة فكلو اصبح في متناول الميديا والعالم صار اصغر من قطية من قطاطي الهامش الذي مزقت الانقاذ اهله وامتصت موارده
Post: #37 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-13-2009, 10:33 AM Parent: #33
Quote: ختاماً، إن قوى الإجماع الوطنى يوضح لجماهير الشعب ملابسات ما حدث حول الدعوى غير السلمية من جانب السلطات أن التجمع قد خرج بمخالفة القانون، تؤكد على إصرارها على ممارسة حقوقها وحرياتها الأساسية كافة فيما يخص التجمع والتعبير، مع الإلتزام التام بتفادى العنف أو تهديد السلامة العامة أو مقاومة عنف السلطات، كما تأمل أن تقوم السلطات المعنية بدورها فى تنظيم وحماية كافة التجمعات السلمية فى ممارسة الحقوق والحريات الدستورية فى سياق التحول الديمقراطى وتطالبها بوقف حملات الإساءة والتفكير ممن يسمون أنفسهم بالعلماء وأئمة بعض المساجد الموالية لنظام الحكم
لك التحية والتقدير اخي مؤيد ومعا من اجل الثورة ضد الظلم والقمع واسترداد هذا الوطن
Post: #35 Title: Re: يوم الاثنين ليوم الاثنين يا كوز حتمشي وووووين...!!!! Author: محمد إبراهيم علي Date: 12-12-2009, 08:01 PM
سالم كيكي والبقية
وها البشارة دي
Quote: و سبقه باقان أموم الذي فاجأ الجماهير و أعلن رضوخ المؤتمر الوطني أمام الضغط الجماهيري و موافقتها علي أن تقوم الحركة الشعبية بصياغة قانون المشورة الشعبية و قانون ترسيم حدود أبيي و قانون الإستفتاء بالطريقة التي تحلو لهم و سيلتزم المؤتمر الوطني بإجازتها فورا و دون أية تعديلات ،،،،،،و لكن الحركة الشعبية طالبتهم بالموافقة علي كامل مطالب مؤتمر جوبا بما فيها قوانين التحول الديمقراطي و علي رأسها تعديل قانون الإنتخابات و إجراءتها و قانون الأمن بما يضمن إنتخابات حرة نزيهة ،،، و أعلن أن لا تنازل عن ذلك و لا يقبلون أية تسويات من شأنها إقصاء أي فصيل من فصائل قوي مؤتمر جوبا و دعي الجماهير لندوة الميدان الشرقي غدا و المسيرة الهادرة يوم الإثنين و مواصلة المظاهرات و الإحتجاجات السلمية حتي ترضخ سلطة المؤتمر الوطني لكامل مطالب قوي الإجماع الوطني و تعاد كل إجراءات الإنتخابات بما في ذلك تشكيل مفوضية جديدة للإنتخابات و إعادة السجل الإنتخابي،،،،
هسي عليك الله الفنسة دي ما براها كفاية تخلى ناس ود الباوقة ينومو بدون عشا
والملاحظ من كلام باقان ان السقف ارتفع
Quote: و تعاد كل إجراءات الإنتخابات بما في ذلك تشكيل مفوضية جديدة للإنتخابات و إعادة السجل الإنتخابي،،،،
والكلام ده بيثبت حاجة مهمة جدا انو المؤتمر الوطني رمى اخر ايده والجرة الجاية ان شاء برمي الخمسين ويتقبض بالتلاتة جواكر
Post: #39 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-13-2009, 10:41 AM Parent: #35
Quote: أعلن رضوخ المؤتمر الوطني أمام الضغط الجماهيري و موافقتها علي أن تقوم الحركة الشعبية بصياغة قانون المشورة الشعبية و قانون ترسيم حدود أبيي و قانون الإستفتاء بالطريقة التي تحلو لهم و سيلتزم المؤتمر الوطني بإجازتها فورا و دون أية تعديلات
هلا ياود ابراهيم ود العصر البجيب الزيت.. والزنقة علي اصولها.. ولكن رغم كل هذه الانفناسة مافي طريقة اصلا لاي حلول وسطي فسقف الحرية والحقوق عاليا لا يقبل المساومة والاستهبال الكيزاني وهم في حالات الضعف.. فليستمر الضغط والضرب الركبي لهذه الطغمة وحتما انه النصر ات
Post: #40 Title: Re: يوم الاثنين ليوم الاثنين يا كوز حتمشي وووووين...!!!! Author: عبدالكريم الامين احمد Date: 12-13-2009, 10:45 AM Parent: #39
Quote: يا اميرنا الجايه واقعه
الجايه ما صوت البنادق وضرب نار
الجايه من قلب الشوارع
والشوارع تارها نار .
نعم يا عاطف وتحياتي وفعلا الجاية من قلب الشوارع وجوف البلد الانهد الجاية جاية من الواسوق والابرول والطورية الجاية جاية من قطية وكنبو وطفلة قتل ابوها بالانتنوف الجاية جاية من كراريس التلاميذ الاكلها جراد الجبهة الزيف..
الجاية يا عاطف جاية من النبض الحقيقي ووهج هذا البلد الجميل
