Post: #1
Title: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 12:10 PM
Parent: #0
سامع قالو البلد خشوها كميات تجارية من المرافعين والضباع اللاسفيرية  العجيبة التي تمارس الكجم من طرف
وعمالة تاكل في البشرية الطيبة وتقرقش بيها بعدما تم الباعوض والفقر علي ما تبقي من دماء...
وطبعا ده سلوك ضباعي مرفوض ووحشية ضباعية غير مستحبة..
ولكن طالما هذه الضباع التي هجمت هي احدي الثروات السودانية ونملك في سودان اليوم ضباع لها المقدرة علي الهجوم والانقضاض علي مدن الاسمنت السودانية..فمن الضروري تسخير هذه الضباع طالما هي جزء من الارض السودانية ويهمها ان تلتهم كما يهم شعبا ان يعيش حياة كريمة..
فاقتراح تشيد ممرات امنة وعقد اتفاقية (ضبعو انسانية) مع هذه الضباع لكي تاكل وتهجم علي الذين سفسفو اموال هذا الشعب واصبحو قطط سمان وشحم ولحم يغري هذه الضباع بالموافقة علي التوقيع في الاتفاقية التي سنوردها ..
|
Post: #2
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: Yassir Tayfour
Date: 01-11-2010, 12:16 PM
Parent: #1
تصدق وتأمِن بالله كل يوم أقول أفتح بوست أشوف الحاصل عليك شنو..
___
معقولة تجيبّك الضباع يا ضبع يا إسفيري !
|
Post: #3
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 12:18 PM
Parent: #1
من الضروري التامين علي ان هذه البقعة ذات المليون ميل مربع لست ملكا للانسان السوداني لوحدة ولكن كل الموجودات الاخري من حيوانات بما فيها هذه الضباع لها حق التواجد والعيش الكريم في هذا الوطن
ولكن دون ان تتعدي سلسلة علي اخري..
ولكن طالما هناك هم مشترك وعدو يعمد علي تخريب الغابات التي تعيش في هذه الضباع ويقضي علي ارنبها
وكل حيوان اخر كان الضبع يجده مطرفا ويلتهمه حلالا..وطالما هناك من يخرب حياة المدينة والبادية ويقتل انسانها ويجوعه ويورثه الفقر والذل والهوان...يوجب هذا الامر التحالف المرحلي والتكتيكي مع هذه الضباع لكي تنفذ مهام وطنية طالما هي اصرت علي المسير قسر وقنص الاخريين والتهامهم..
...
|
Post: #4
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 12:25 PM
Parent: #3
Quote: تصدق وتأمِن بالله كل يوم أقول أفتح بوست أشوف الحاصل عليك شنو..
___
معقولة تجيبّك الضباع يا ضبع يا إسفيري ! |
اووووووه
ابو اليسر ياخي
يعلم الله مشتاقين..
الحمد الله الليلة يا دوبك فكت رقبتي وكنت متحاوم في مدارات بعيدة عن اسفير الضباع ده
مع متاوقات علي الطاير..
واها لقيت حكاية الضباع دي وصحت كما صاح ارشميدس
بانها الحل الجذري لتخليص البشرية السودانية من الحرامية واللصوص والقطط السمان
والدقون العملت كروش بحق الغلابة...
|
Post: #5
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 12:31 PM
Parent: #4
روح الاتفاقية وفلسفتها بسيطة جدا..
طالما هذه الضباع دايرة ومصرة انها تاكل ليها زول..!!
فما مانع بس خلونا نتفق يا ضباع علي مواصفات الزول البخارج معانا ومعاكم يا ضباع..!!
الرصاص الاندفق في الغابات وعدمها نفاخ الارنب ولحم الطير مما تتشتهي الضباع ..هو نفس الشخص الذي دفر الناس من وسط المدينة لكي يسكنو في كراكير مليئة بالمرقوت والقمل والباعوض...وجعلهم لقمة سائغة للالتهام الضباعي...!!!
اذن الاتفاق هو ضرورة التهام ونهش علي خفيف وتوسيم ضبعي لهولا الاشخاص ...
يعني يا ضبع ما تاكلو كلو
اقطع اضان
اقطع شلوفة
اقطع حتة من وراء
المهم مارس عمل الضبعي ووسم لينا الزول ده للتاريخ وللاجيال القادمة..
|
Post: #6
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 12:43 PM
Parent: #5
وطالما الانقاذ رافعة شعارات باسم الرب.. وعاوزة تشيع العدل والقصاص علي اولي الالباب وطالما هي فشلت فشلا زريعا في تنفيذ هذه الشعارات عبر قوانينها الكرتونية فهاهي الفرصة اتية من عمق الغابات وعبر مرافعين دافرة ومصرة اصرار عجيب خلاص علي لقط الاخريين والتهامهم....!!!
فعلي الحكومة المركزية وحكومات الولايات تحديد فترة حظر تجوال في ساعات محددة من الليالي السودانية
حتي تمارس هذه الضباع مهامها الموكلة اليها في اطار الاتفاقية...!!!
حكومة عايزةشفافية وكلام كبار كبار وقادنا بانها سلطة الحق... طيب
هذه هي الية الضباع لكي تساعدها عشان تكون دولة الحق...وتدور ليلا في جولات ضباعية
تاتي بالاتي
دي اضان وزير حرامي
دي كراع وكيل وزارة شارك في جريمة النفايات الالكترونية
دي دقن واحد من الذين اثروا عبر مضاربات البنوك والتسهيلات الكيزانية
دي شلوفة واحد من الذين اقاموا شركات قضت علي اخضر ويابس العطاات الحكومية
دي شنو كده ماعارف بتاع ولد الوزير الفلان الفلاني
|
Post: #7
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: محمد عبد الماجد الصايم
Date: 01-11-2010, 12:51 PM
Parent: #6
حمد لله ع السلامة يا عمكـ
وين مختفي ياخ! باللاي الحبشي
داير يعملا فيني ويفتح الملفات القديمة!
|
Post: #8
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: جعفر محي الدين
Date: 01-11-2010, 01:05 PM
Parent: #7
حمد لله على سلامة العودة يا كيكي يا زميل الزمن الجميل
Quote: بانها الحل الجذري لتخليص البشرية السودانية من الحرامية واللصوص والقطط السمان
والدقون العملت كروش بحق الغلابة... |
ياخي أنا عندي دقن وكرش 2 بوصة بس والله ما أكلت حق الغلابة
تصور أنا لقيت كلمة ممرات دي خفت تكون الممرات تؤدي إلى النيل الأبيض
الحمد لله لقيتها ستؤدي إلى بيوت المطلوبين للعدالة الربانية ...
واصل بالله عشان نوقع في نهاية الاتفاقية وبشدة
ــــــــــــــــــــــــــــــــــــ
ود الصايم تدفع كم نتوسط ليك عند الحبشي !
|
Post: #10
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 01:26 PM
Parent: #8
| Quote: ياخي أنا عندي دقن وكرش 2 بوصة بس والله ما أكلت حق الغلابة |
لووووووول
تحياتي يا جعفر وسلام يغشاك ويعبر صوب مراتع النيل الابيض التي لازالت باقية في الوجدان..
ويا جعفر الضباع دي ضروري نتفق معاها انها تفرز الدقون دي وما تلهط من طرف وتقوم تدخلنا في مشاكل مع الاخريين بما فيهم انصار السنة وشرحبيل احمد واخريين
وضروري التوجيهات تكون واضحة ومحددة متفق عليها
......
|
Post: #9
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 01:11 PM
Parent: #7
Quote: حمد لله ع السلامة يا عمكـ
وين مختفي ياخ! باللاي الحبشي
داير يعملا فيني ويفتح الملفات القديمة! |
هلا يا عمك
ومشتاغون يعلم الله..
وانا اخر مرة مشيت وخليتو مقبقبك في موضوع ترجمة وردت سيرة ياسر طيفور
واها قلت لي القصة جرت وجابت ليها ملفات قديمة لوووووول..
الحبشي زول لذيذ ياخ
ياعمك بالله اجدع لنكات عشان نواكب الاحداث ونقدر نحدد حنشوت لوين
وكيف او نعمل كما كنت
|
Post: #11
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 01:46 PM
Parent: #9
حتي يكون الاتفاق مع الضباع (فيير) وعادل لكل الطريفين.
يجب ان ينص علي ان ضرب بالرصاص الحي كل ضبع يلتهم مسكينا فقير في اطراف المدن (يضرب في عنقه )..
ولكن فلتكن الجذرة التي سنقدمها لهذه الضباع حتي لا تشتت هو..
التهم حرامي واحصل علي حراميين زيادة..
مع ضرورة وجود بند سري يفيد (التهم كوز واحصل علي كوزين زيادة) لووول
|
Post: #12
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: شمائل النور
Date: 01-11-2010, 01:52 PM
Parent: #9
عبد الكريم
الكارثة انو الضباع دي ما بتهاجم الا المساكين ، بعدين انت تفاءلت اكثر من اللازم ، كيف لضبع ان يقتحم بيت وزير؟؟؟
احاول انزل ليك الصور المعاي
|
Post: #13
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 02:00 PM
| Quote: الكارثة انو الضباع دي ما بتهاجم الا المساكين ، بعدين انت تفاءلت اكثر من اللازم ، كيف لضبع ان يقتحم بيت وزير؟؟؟ |
هلا يا شمائل
وحبابك في مدارات حكاية الضباع...
وفعلا يا شمائل مهاجمة هذه الضباع للمساكين والفقراء في اطراف المدن والفيافي ده يولد الحسرة
ومخيف كونهم عزل لا يملكون ما يحميهم..
ولكن في اطار سطوة الخيال الجامح في هذا البوست صوب ترويض هذه الضباع والاتفاق معها .
من الضروري نلقي لي نافذة خيال تخلينا نتفق معاها ان لا تهاجم اطراف المدن (لو لقت البشير زااتو متحاوم بالغلط في اطراف مدينة ما تهبشو)لووووول
علي ان نجد طريقة يمكن ان نكشكر بيها الوزراء والقطط السمان والحرامية ديل من قصورهم المنيفة
يتلمو لينا في ميدان كبيرررررررر ونخلي الضباع دي تدور فيهم...
وكل من اكل حق هذا الشعب سوف يؤكل اكل غرائب الابل...
وفي انتظار الصور
|
Post: #14
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالوهاب علي الحاج
Date: 01-11-2010, 02:17 PM
Parent: #13
كيكي يافردة
مشتاقين والله Quote: باللاي الحبشي
داير يعملا فيني ويفتح الملفات القديمة! |
البورد في غيابك
بقت فيهو حركات تمرد شديدة
المهم الليلة نرحب بيك
ومن باكر كان ربنا حيانا دايرين نبدا بصحبك ملاسي
دق لمن يقول واي
|
Post: #15
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 02:29 PM
Parent: #14
Quote: ومن باكر كان ربنا حيانا دايرين نبدا بصحبك ملاسي
دق لمن يقول واي |
هلا يارهط وحبابك
وانا شايف ملسون عامل فيهامركب مكنة اللاعب الشهير (الشرميطي) ومنطط من بوست لبوست وممارس لعادته التاريخية في الارجاف
والرعددة..ولكن لنا له خطة واستراتجية جديدة سميناها (ام كبابيس الاسفر وليس الاسافير) ...
والعكاز يا وهبة جاهز وفي الوقفة دي غيرنا (التضبيب بتاعو)...
وحرم لولا قليلا من الحياء بترحيبكم هذا لقلت ليك ارحككا حسسسسسسسسع دي
لملاسي ده لووووووووول
|
Post: #16
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: على محمد على بشير
Date: 01-11-2010, 02:44 PM
Parent: #15
يا كيكى
الزئاب خليها
سمعت بالاقطبوط ؟
|
Post: #18
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-11-2010, 04:41 PM
Parent: #16
هلا يا ابو علي
وفي اثناء مروري الاسفيري الدوري في الايام الفاتت شايفك انت جادع المصطلح ده
في بوست من البوستات فقدرت اعرف بعض ملامحه ..لووووووول
ولكن ياريت تدينا عنو لمحة وتعريف شامل وكامل عشان نتنور اكثر بمعاني ودلالات الاقطبوط ديل
وتحياتي
وسلم لي علي التسجيلات المريخية البيش
|
Post: #17
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالوهاب علي الحاج
Date: 01-11-2010, 02:53 PM
Parent: #15
Quote: ارحككا حسسسسسسسسع دي
لملاسي ده |
كفو والله كفو
انا خايف نمشي عليو
يقول اني بنجو مع العفش
لووووووووووول
|
Post: #19
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-15-2010, 08:27 AM
Parent: #17
Quote: انا خايف نمشي عليو
يقول اني بنجو مع العفش
|
|
Post: #20
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: نصار
Date: 01-15-2010, 07:18 PM
Parent: #19
دا احنا كمان ضباع اسفيرية من النوع ابو ضنب
نحذر من المساس باخوتنا الضباع الما اسفيرية
فاعمل حساب يا كيكي
|
Post: #21
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-15-2010, 07:48 PM
Parent: #20
Quote: دا احنا كمان ضباع اسفيرية من النوع ابو ضنب
نحذر من المساس باخوتنا الضباع الما اسفيرية
فاعمل حساب يا كيكي |
هلا وغلا والله يا نصار..
وانا زااتي كضبع اسفيري ذو شلاليف لن ارضي لنفسي ان اهابش اصدقائنا في الضباعة اللاسفيرية
وكانت لينا ايام يا نصار
ومشتاقين يعلم الله
|
Post: #22
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: محمد الجيلى
Date: 01-15-2010, 08:07 PM
Parent: #21
كيكي أخوي ماف مُركبات تحد من نشاط هذه الكائنات من منظور الخطط المعدة
|
Post: #23
Title: Re: مطلوب ممرات امنة للضباع اللاسفيرية والذئاب التي تهاجم واتفاقية....!!!
Author: عبدالكريم الامين احمد
Date: 01-16-2010, 11:36 AM
Parent: #22
| Quote: كيكي أخوي ماف مُركبات تحد من نشاط هذه الكائنات من منظور الخطط المعدة |
هلا يا ود الجيلي..
من ناحية استراتيجية مافي اي حلول علي المدي القريب سوي الاتفاق مع هذه الضباع الاسفيرية..
ويتاح لها سفسفة القطط السمان
علي ان تلتزم بعدم مهاجمة الفقراء والمساكين والغلابة
|
|