ما بين قنيص اوكمابو... وتوقيع خليل ابراهيم...وحضورالبشير الي الدوحة انا الضائع ...!!!

بصراحة يا شباب جيات الضابط السابق في الجيش السوداني والمرشح الرئاسي الاقل حظا في الانتخابات الكرتونية القالو جاية دي ..انا متضرر منها وعلي صعيد عجيب خلااااص..!!
المرة الفاتت وعقب قرار الجنائية وعندما جاء البشير الي الدوحة واوكمابو نصب اليته للقنص ..
جات مطرة في الدوحة وطلعت جريا مسافة بعيدة فكراعي لحقت غنم زهرة... قلنا معليش ممكن تكون القصة مطرة وزلقة بتاعة زول كيشة فقدحساسية الجكة وجرية الصباح ومساككة البصات والدفارات في كراكير الخرطوم وممكن اكون فقدت خاصية قديمة كنت افاخر بها الامم وهي خاصية سك فار البوص وكديس الخلاء
ومساككة الحرامية وناس (تلب) عقب سماع مقولة (الحرااااااامي )برشاقة تحسدني فيها (مارينا جونز) حياها الغمام والمطر وريح الشمال..

لمتابعة امر الوقعة الاولي وممكن اسميها وقعة
احلام كركاسية ودوحيات وممرضة هندية تجيب الضغط......!!!!!

اها امس الاول برضو التعويق الكراعي حصل..
ونفس الكراع الاتشقت في جية اوكمابو عاودها الحنين الي الشقوق والورم
ومع توقيع تقد وامين حسن عمر في شيرتون كان هنالك في كركور من كراكير هذا الدوحة
كراااع شاتت ليها مصيبة شوووتة خفيفة كده ولكن ابت هذا الكراع الا ان تحي الاتفاق
وقوم تورم ..وتتجرح وتصاب مصاب جلل..!1
والبشير قاعد الاتفاقيات مع حركة العدل والمساواة بعدما احرقت البلاد والعباد..
فعشان كده وبوعي مستلهم من (الكجور الافريقي) من الضروري الان التامين علي هذه الكراع
لاني شايف جيات البشير للدوحة كترت والطريق الي الدوحة صار اقرب واسهل من الطريق الي مدني او القضارف عند البشير...
و

اول الخسائر في هذه الوقعة الكراعية انها ستحد من الحركة والذهاب الي الفندق الذي صار مهرجان كبير لدارفور.. في ضاحية الدفنة في الدوحة..والزائر الي كواليس التفاوض في امر دارفور ما بين الحركات والحكومة ستتاح له فرصة شفط اشياء عديدة... ورؤية ناس كان الاعلام هو من ينقلهم لنا...
تشوف محجوب حسين حيث البوب مارلي الاصلي..
وممكن تشوف امين حسن عمر (شعر ابيض ماشاء الله حواشة قطن بس)..
ابو نموشة وابو قردة وجبريل ابراهيم وسيف مساعد عوج الدرب لووووووووول

خسارة تانية ومربوطة ايضا بجية المرشح الانتخابي الاقل حظا ولكنه اكثرهم كنجالا ومستندا علي موارد بلاد وعباد... هي انها وقفت عارض في انو الزول يشيل كاميرا ويمشي يصور المدرجات الخالية علي عروشها في استاد قطر الذي اجتمع فيه البشير مع عضوية الموتمر الوطني بالدوحة...

يا دوبك مالين منصتين من منصات الاستاد الذي وصفه لي احد الذين اثق في شهادتهم بان الاستاد كان خالي علي عروشه وفريق ام سعيد لو عمل تمرين في هذا الاستاد سيكون الحضور اكثر من الذين حضروا للبشير في ذلك اليوم..
لذا يا القريش ما تتتلاعبو بزوايا التصوير والزوووووووم وتقولو الجالية السودانية كلها او اغلبها جات
الجالية 36 الف مواطن والشفتهم ديل ياهم ناس الموتمر الوطني في الدوحة زائد معتز قريش الذي اصبح كالمنشار (قوي ديمقراطية مصور وراشي فلاش...موتمر وطني برضو راشي فلاش بس هنا بزيد المحلبية شوووية) لوووووووول

اها وحتي نعود الي بعض الخسائر من الضروري ان نرصد بعض المكاسب..
جلسة بدر الدين الامير مع الافندي التي تتطاقشت بوستاتها اليوم بعناوين (قليلة ادبين ) من معتز قريش.. كويسة انو الزول زاااتو ما في التيم البوردابي القاعد ناس ابو الخل وبوب ومحمد عبد الرحمن وودرملية شايف معتز قريش قابضهم بالثابتة كقوي مستنيرة ادارة حوار مع اسلامي سابق ...لوووووول
وغير حكاية الكراع دي هنالك سبب قوووي يحول دون التجمع تاني مع بدر الدين الامير في محل واااحد لانو خشمو خفيف وبخم القعدة او العزومة قبل ما تنتهي وبجي جاري بيها المنبر

ياكيكي .. كان نشييل الثيودولايت علي كتفك وتمشي الاوتيل ... وبس ...

"الاتكاءة" ذكرتني بمصطلح خصوصي لقريبي مصطفي البطل وهو " غسيل الاحوال "( الحقوق الفكرية عائلية وليست قابلة للمفاوضات)...

لو ما كعبلوا ليك بالأول حيوقعـوا كيف؟

زمان السيـد الحسن ســألوه هل النظام دا حيستمر واللا حيكون إنقلاب؟ فقال ليهم
يكون إنقلاب لما يدوا شيخ إبراهيم دا علقـة، وكان الشيـخ إبراهيم الحفيان بينهم.

ومـرة فى الساعات الاولى من الصباح، وشيخ إبراهيم ماشى فى شارع النيل فى إتجاه أم درمان، شعـر بسيارة جاية وراه..
وشـاف ظله أماه تماما مما يدل على أن السيارة متجه نحوه مباشـرة فاستغرب وحاول الخروج من الشارع ولكن كانت محاولته
متأخرة جداً، ولم يشعـر بنفسـه إلا فى الحراسـة وبعد يوم كامل عرف فيما بعد أنه قضاه بين المستشفى وبين
الحراسـة، وقال له ضابط القسـم أن عليه أن ينتظر لأن البلد فيها إنقلاب وإن من إعتقله غير موجود! كان ذلك صبيحة 25 مايو.

دحين أحمد الله إنها جات فى الرجل.


نسيت ذكـر أن الشيـخ إبراهيم كان هو المسـؤول الروحى عن أمن العاصمـة معينا من الغوث صاحب الوقت.

Quote: يكون إنقلاب لما يدوا شيخ إبراهيم دا علقـة، وكان الشيـخ إبراهيم الحفيان بينهم.

هلا يا ابو الريش...
وكده خوفتني زيادة
وممكن الجماعة ديل شافو الحكايات البنتونس بيها عن فكي قوبي وبابو قدس وبعض منصات الرتينزات
وافتكروا اننا ممارسين تكديك سياسي يحول دون حدوث اختراق في المفاوضات العجيبة دي..!!
باقي البشير ده سرو باتع وبعدين قاعد يمشي (مايرنو) وحتات فيها اناطين مستعدين يروبو الموية
ومستعدين يخلو المريخ بكياشة لاعبيته ديل يهزمو الهلال 4 صفر..
الغريبة الوقعتين حصلن بعد بث الجزيرة الجزئية التالية(وصل اليوم الي مطار الدوحة الرئيس السوداني عمر حسن احمد البشير) لوووووووول...

شوف لينا معاك فرصة يا ابو الريش حفاظا علي ما تبقي من الارجل
نلبد في كراكير الصين دي نلم باقي عضامنا يا زول

وسط جوطة ومعمعة هذه التظاهرة الدافورو سلامية كان سودانيز اونلاين موجود بصورة او باخري...
بورداب او ناس سيرتهم جات في هذا المنبر مدحا او ذما...
وهنا ياتي الحديث عن الصحفي محمد محمد خير...!!!
ونذكر قبل فترة بان هنالك بوست تم فيه سلخه اسفيرا سلخ شين خلاااس..!!

فكان الحوار التالي...
يا استاذ ياخي انا كنت من الناس البقرو ليك منذ زمن طويل ايام الاراء بتاعتك كانت في السلك
ولا اخفي عليك بانها هابشت وجدانني بصورة او باخري..!!! والكلام ده كان زمان يا استاذ
وهنا رد محمد محمد خير خاطفا الكلام من خشمي قبل ما اتمه كويس وقال لي
وحسسسع ...واها حسسسسسسع وجدانك مالو معاي...!!!
حسع يا استاذ شوهتو وجداننا وطلعتو ميتنو و..........!!!!
...
وليقول مرة اخري يا زول انت بتتفاصح كده ما حسع قاعد تتفاوض مع الحكومة لوووووووول..
ليفهم انني لن اتي لتفاوض بل مقيما في قطر اتيت لرؤية ماذا هناك في الامر السوداني

ايضا ومن وحي سودانيز اونلاين تلاحظ بان هنالك حضور كثيف لعضويته مرفقة ما بين تلك الحركات الدارفورية وايضا من خلال الصحفيين المتواجدين في هذه المفاوضات بكثافة..
تقبل كده تلقي محمد ساني وبهناك ابو شيبة وذلك هو فيصل خالد بكاميرته المميزة وذات مرة خضر عطي المنان وابو عكر...
كل هذا الحضور السودانيزي يمتزج بحضور من صفوف الحركات الدارفورية
بقيادة سيف مساعد عووج الدرب...
وعزت الماهري
والاخ معتصم من امريكا
ثم الاخ ادريس ازرق بوردابي غير نشط كثيرا..
وكنت اتمني ان التقي بالاخ محمدين اسحاق ....
..............
هنالك دلالة مهمة لحضور هذا الكم الهائل من عضوية هذا المنبر لمثل هذه الاشياء المربوطة بمستقبل السودان كما نجدهم ايضا في صفوف المرشحين للانتخابات التي ستجري في السودان يعكس كل هذا بان عضوية هذا المنبر صارت بطريقة نوعية متواجدة علي الارض في القضايا السودانية المهمة..

بعدين بصراحة السلام مع الحركات ده لو جاء فعاوز ليهو مدة طويلة عشان الامور تكون علي صفيح التسامح
لانو في ناس من الحركات دي زعلانين شديد ووشهم ده مكربن اربعة وعشرين ساعة.. وممكن تجدع ليهو السلام ما يردوا ليك (وذلك طبعا من حقهم في اطار ضرورات الحرب والتامين من الامونات) الذي اراهم راقدين هبطرش في وسط هذه التظاهرة..
في امونة في الدوحة قيل بانه حضر اليها موخرا واثار حضوره غبار كثيف في هذا المنبر شايفو ماشاء الله ساكن سكنة بهناك ودي كانت فرصة زاااتو نشوفو عيانا بيانا

اتفاق العدل والمساواةوالحكومة في انجمينا كان كالحجر الكبيرررر الذي قذف به في بركة ساكنة..
فالامور قبل هذا الاتفاق الكروباوي المثير للجدل كانت محصورة في الوحدة الاندماجية...
التي راوحت مكانها ما بين الاتفاق والاختلاف ثم الاتفاق والاختلاف...
ولكن في اليوم الذي تلي هذه المفاوضات والتوقيع عليها في انجمينا كان يوما عصيبا...
موتمرات صحفية
وبيانات
والتصريحات تتطاقش
وحصلت ربكة ودبرسة....
وغايتو لقيناها فرصة وزرزنا سيف مساعد عوووج الدرب ..رغم انو الذي اتيح له ان يزرقن عوج الدرب
عليه ان لا يحلم بانه سيطلع بتعريفة...!!

ومن بورداب الدوحة يا جماعة انا ماقاعد امشي هناك براااي ولكن في بورداب يومي بلقاهم قاعدين منططين عيونهم وبخشو كراكير الفندق دي (ياربي ناسي ديل انضمو للحركات ده ونحن اخر من يعلم ولا شنو)..؟؟؟

وخليل ومحمد عبد الرحمن ديل انا سلمتهم لسيف مساعد يد باليد فماعارف سجلهم في الكشف الافريقي ولا لسع
ولكن العصفورة افادت بان هنالك بوردابي من الدوحة شهييييييييييير وقع للعدل والمساواة..
فيا عدل ومساواة حذاري من (وارغو ) وحكاية الماسورة الشهيرة لووووول

والله يا كريم
رب ضارة نافعة
كويس إنه رجلك تكعبرت وتورمت
عشان تقعد قدام الكمبيوتر ( شكلك أخذت يومين إجازة ) وتكتب
بالله شوف لينا جخانين الاتفاقيات فيها شنو
وأهم حاجة الانتخابات جابو سيرتها جاي ولا جاي

تحياتي يا صديق
وعاجل الشفاء لكراعكم المنكوبة

Quote: كويس إنه رجلك تكعبرت وتورمت عشان تقعد قدام الكمبيوتر ( شكلك أخذت يومين إجازة ) وتكتب بالله شوف لينا جخانين الاتفاقيات فيها شنو وأهم حاجة الانتخابات جابو سيرتها جاي ولا جاي

هلا يا جعفر
وفعلا كويس الزول لقي ليهو نفس عشان كراكير الاتفاقية دي كان فيها كلام كثير خلاااص وكلو هرب من الخدمة..
والاتفاقية بتاعة انجمينا والتي تم تكملتها بالامس توقيعها الذي اتاخر عمل زي كم علامة استفهام كده في الموضوع ولكن كل التسريبات تفيد بان الحكومة نطت من جزئية معينة بتخص الانتخابات ولكنها شنو دي حاجة بعرفوها ناس خليل وناس الحكومة..وخبرها بالتاكيد حيجي طالما الزمن او قصر في مدة الاتفاقيات التي تدسدس من الشعوب...
قطر الليلة ماشاء الله كشششششششحت دارفور باثنين مليار دولار واعلنت قطر عن قيام بنك تنمية دارفور بهذا الراس مال...
اها الدمعة والمليارات دي حتخلي عيووووون كثيرة تزازي والحكومة بعد ده السلام ده لو بالبوليس الدولي بتجيبو بتجيبو
وكل الود والتقدير يا جعفر وشكرا علي الامنيات

ياسلاااام ياكيكى ياخ ...

بجينى احساس انك القائد الفعلى لواحدة من الحركات دى ...من
كثرة مشيك للفندق ... والشافك ياكيكى ياخوى مسؤول كبير فى واحدة
من الولايات الدرافورية ماكضب ...وحذارى من المحافظات والوزرات الولائية ...
فهى اقرب (لشيل الحال) من الرفاهية ...

اما بخصوص خليل فانه بصدد عمل دراسة لكيفية انطلاقة تمرد مسلح من
الجزيرة .. تكون مخرجاته لاهل امدقرسى نصيب من كيكة السلطة والثروة ...
على الاقل (ياخ) توفر ليهم طاحونة تريحهم من ( المزازة) لودالماجدى كل راس
اسبوع ... ...

الموقف الان في الدوحة علي صعيد مفاوضات دارفور كالاتي..
1- عدل ومساواة الحكومة ... يفترض ان تبداء المفاوضات خلاص بعد الاتفاق الاطاري
2-مجموعة حركات طرابلس وبعض من حركات خارطة الطريق اديس توحدت باسم حركة جديدة بقيادة الدكتور تجاني سيسي ويبدو ان هنالك تجهيز في الافق لاتفاق اطاري ما بينهم وبين الحكومة.. حوالي 12 حركة ذابت خلاااص حتي مسمي حركة التحرير والعدالة
3- بعض الحركات الرافضة للاتفاق الاطاري والوحدة وبعضهم اعلن من داخل الدوحة سحبهم لكل عضويتهم من اللجان العاملة في امر الوحدة وسحبت وفدهم رسميا وشعبيا من القصة...
4-حصلت انشقاقات وبيانات فصل وبيانات مضادة ما بين عضوية تلك الحركات...ويبدو انو الكيمان الدارفورية انفرزت واعيد تشكيلها مرة اخري

Quote: بجينى احساس انك القائد الفعلى لواحدة من الحركات دى ...من كثرة مشيك للفندق ... والشافك ياكيكى ياخوى مسؤول كبير فى واحدة من الولايات الدرافورية ماكضب ...وحذارى من المحافظات والوزرات الولائية ... فهى اقرب (لشيل الحال) من الرفاهية ... اما بخصوص خليل فانه بصدد عمل دراسة لكيفية انطلاقة تمرد مسلح من الجزيرة .. تكون مخرجاته لاهل امدقرسى نصيب من كيكة السلطة والثروة ... على الاقل (ياخ) توفر ليهم طاحونة تريحهم من ( المزازة) لودالماجدى كل راس اسبوع ... ...

هلا يا عريس
وبيني وبينك مع الشايفو الواحد مش يكون رئيس حركة من الحركات الجات دي بل المفروض يعمل ليهو حركة برااااااهو كده ويطالب بمنبر كروباي كده في (يوغندا ثم تقلب هوووبا مع الوسيط باسولي وواحد خطير كده في الوسطاء اسمو (بوبا) واجي اوقع في الشيرتون باسم قوي الشعب المهمشة ...
ويازول انا قاعد امشي لاولاد اهلي ومرة مرة كده لسيف مساعد عوووج الدرب كصديق اسفيري وبتتوني
..............
ابو خليل ما بقدر يعمل حركة وماتسمع الكركبة دي .الناس ديل عندهم وصية ما برموها التراب
وهي الفتة لمن تسخن ما تدخلو فيها يدكم لووووووووووول..


سيف مساعد ياخي مفتش عليك وناوي يدخلك غرفة التسجيلات بتاعتهم دي
تلحق ليك باص باص في كورة الاطاري الاتوقع ده

Quote: ياكيكي .. كان نشييل الثيودولايت علي كتفك وتمشي الاوتيل ... وبس ... "الاتكاءة" ذكرتني بمصطلح خصوصي لقريبي مصطفي البطل وهو " غسيل الاحوال "( الحقوق الفكرية عائلية وليست قابلة للمفاوضات)...

هلا يا هندسة
ثيودولايت نشيلها وين يا هندسة مع ناس ابو نموشة ديل...
اها الوساطة تقوم تشوف الثيودلايت بتاعي ده يقولو لي كمان تعال هنا يا (مساح هووي )اوزن لينا الوحدة الاندماجية المعصلجة دي اها اودي وشي وين يا هندسة لوووووول

الاجواءالسودانية في الدوحة في هذه الايام مغرية ومثيرة..
ولو الترابي وعلي عثمان عملوا ليهم همة وقطعو تذاكر وجو البلد دي الحركة الاسلامية قديمها وجديدها ممكن تعمل اجتماع كامل الدسم فالحكاية فيها الافندي وغازي وامين حسن عمر وخليل كاسلامي سابق...!!
وتحياتي عبرك للكاتب مصطفي البطل

يا كيكي

Quote: الاجواءالسودانية في الدوحة في هذه الايام مغرية ومثيرة.. ولو الترابي وعلي عثمان عملوا ليهم همة وقطعو تذاكر وجو البلد دي الحركة الاسلامية قديمها وجديدها ممكن تعمل اجتماع كامل الدسم فالحكاية فيها الافندي وغازي وامين حسن عمر وخليل كاسلامي سابق...!!

ومن يقدر علي نفي انه لم يحدث ؟؟؟.... النسخة الثانية من Political Islam اكييد في طور التنفييذ .

Quote: سيف مساعد ياخي مفتش عليك وناوي يدخلك غرفة التسجيلات بتاعتهم دي تلحق ليك باص باص في كورة الاطاري الاتوقع ده

ياكيكى....


يسجل منو ياخ ..ماشفت كبيرهم (كسرا لتلج) كيف لزعيمنا ..بالله لما اتلخبط على
الموضوع ..اتخيلت المتصل خليل تمساح ماخليل ابراهيم ....
بعد الشفناهو فى المفاوضات دى العايز يدخل دارفور الا عبر بوابتنا ...دى
البوابة الوحيدة الثابتة والمعروفة حتى الآن ..الباقى حكى فضائيات ساكت ..

Quote: يسجل منو ياخ ..ماشفت كبيرهم (كسرا لتلج) كيف لزعيمنا ..بالله لما اتلخبط على الموضوع ..اتخيلت المتصل خليل تمساح ماخليل ابراهيم .... بعد الشفناهو فى المفاوضات دى العايز يدخل دارفور الا عبر بوابتنا ...دى البوابة الوحيدة الثابتة والمعروفة حتى الآن ..الباقى حكى فضائيات ساكت

تعرف يا محمد تلفون خليل للصادق المهدي حيرني مرة واااحدة..
ابو خليل بعد انجمينا طوالي ارسلت تطمينات لعدة جهات منها بصورة اساسية ليبية والصادق المهدي.
ويبدو انو اتفاقية الصادق خليل التي وقعت في القاهرة فيها حاجة اتهبشت ولو علي خفيف...
حزب الامة في دارفور يا محمد داير اعادة قراية في مرحلة ما بعد الحركات وهل هنالك كجم حصل من رصيده ام لا...
شايف ماشاء الله قوي المجتمع المدني الجات الدوحة ديك كلهم الطوقي الانصارية اطول من طواقي ودخالي خليل تمساح القادينا بيها في الدوحة دي

يا كيك..


قول واحد,,,

Quote: من يقدر علي نفي انه لم يحدث ؟؟؟.... النسخة الثانية من Political Islam اكييد في طور التنفييذ .

كلو وارد يا هندسة..
والحكاية بقت تمر فوووق الشعب مرور الكرام وبكل سهولة ممكن تتعمل اي حاجة ونسمع بيها بعد حولين ونص..!!
متشهي اسمع تصريح وراي الترابي في الاتفاق ما بين الموتمر الوطني والعدل والمساواة
لانو مهم...
....................

قبل يومين شفت اثنين من عتاولة الاتجاه الاسلامي في الجامعة (حاج ماجد ووادي) يوقعان اتفاق سلام ما بينهم واحد من الموتمر الوطني والثاني قال هو تبع العدل والمساواة قطاع كردفان..
الناس ديل كانو اصحاب شديد وبنزلو في لستة انتخابات الجامعة اتجاه اسلامي فبدت في ناظري القصة مجرد تصالح وصلح ما بين صديقين تجمعهم اشياء كثيرة مشتركة ,,,

Quote: قول واحد,,,

ده ابوجرجيرة ولا بتاع البليادرو يا ايمن

قول 2

يا زول كور البليادرو دي تاني بلع ليها نهيييييي
يقوم يعتر لينا سجائر كوبي ساااكت ويجهجه دفاعتنا ساكت

Quote: حزب الامة في دارفور يا محمد داير اعادة قراية في مرحلة ما بعد الحركات وهل هنالك كجم حصل من رصيده ام لا...

كان على الحركات الشفناها دى (الحبة ) مابتجينا ياكيكى ياخوى ..ننوم قفا ساكت ...

خلى مشفر كدا لحدى ما نرجع ليكم تانى,,, وأبعدو من ودالصايم تماما,,,,

ايمن جن ..ايمن جن ... (دا لسان حال الوش الجابو دا) ..
بس المحيرنى الجاب ودالصائم هنا شنو ؟

Quote: كان على الحركات الشفناها دى (الحبة ) مابتجينا ياكيكى ياخوى ..ننوم قفا ساكت

غايتو يا محمد خليل ده لو ربطت العلاقات الدبلوماسية معاكم في الانتخابات دي
العوجة ما بتجيكم بس حدازي من ناس مسار ونهار لانو مع الاتفاقية دي مافي ليهم جهة يمشو عليها تاني الا يظلو حاضنين شيخ عمر البشير ده

كيكي سلامات


الغريبه في كل الهيلمانه العرفتها دي ما عرفت
الناس القتل لك اتعرف عليهم!الاستاذ القيادي أحمد أبكر...


ويا محمد عبد الرحمن
انت ما قلت لي لي درافوري واحد حزب امه من ناس المنبر
ما بقدر يقول كلامك زي كلامك ده؟؟؟

Quote: كان على الحركات الشفناها دى (الحبة ) مابتجينا ياكيكى ياخوى ..ننوم قفا ساكت ...

الشفتهم ديل حاقر بيهم مالك؟؟؟؟

يا زول ديل قوموا العالم كله ولم يقعدوهوا بعد.

وما تستقل بالناس.....


وعلى فكره نوع كلامك ده البخلي الناس يتنفسوا في التجاني سيسي

لعلمك لما بنحاول نقنع الناس بقبول قيادته

كلهم بصوت واحد يعتبرون النقطه السوداء الوحيده في حياته

انه حزب امه !!


واوعكم تتلصقوا في الرجال.....الراجل ده لو ما ساب حركات ناس سيدي
دي مافي درافوري بتابعه لعلمك.......

عشن كده حكاية تفتكر درافور دي لسه دوائركم المغلقه لا الكلام ده ما صحيح.


اصحى للون يا بريش!


قدر العرب الكانوا جنجويد قلبوا مؤتمر وطني
والبقيه منهم حركات....وشويه لا يتجاوزوا ال 10% من العرب
هم الحزب امه!
وقبائل الزرقه اصلها شافت عمايلكم ويسمكم كان
بقيتوا دواء لن يتعاطكم احد.


وانت ادرى كحزب أمه
عن الانشقاقات الكثيره التمت وعارف ابناء دارفور القيادات واقفين وين الآن
خليني من الدراويش اللاسه معاكم.....القيادات الشابه كلها معتزله للعمل
السياسي ورافضه تماما كل الطرطرة البتم.

Quote: خلى مشفر كدا لحدى ما نرجع ليكم تانى,,, وأبعدو من ودالصايم تماما,,,,

ود الصايم مع التشفير العالي ده البوست ده
حيشمو كشنة... فارقد قفا لووووووووول

Quote: ايمن جن ..ايمن جن ... (دا لسان حال الوش الجابو دا) .. بس المحيرنى الجاب ودالصائم هنا شنو ؟

ايمن ما جن ايمن مسخوووووووت..
ورد معانا يا محمد عبد الرحمن
سدا سدا عشان ود الصايم ما يفهم التشفير الحاصل ده
لانو متخصص في هذه الجزئية التي قمنا بتامينها عبر التشفير الجيد

كدي نزح شوية من اجواء الفندق والتفاوض في الدوحة ونسال عن موقف
1- حركة مناوي
2- عبد الواحد (جيشا وااحد)
لم اقراء راي لمناوي..؟؟ ولكن حضور خليل وجماعته الي دارفور وبصورة رسمية وشعبية بالتاكيد سوف تهابش وتكجم من امور (ابوجا) ..
والقصة جايطة جووطة شديدة في اطار اتفاقيات القطر قام التي توقع مع كل فصيل...
ابوجا كجمت مناوي وسربت به صوب القصر
الدوحة - انجمينا كجمت خليل...
والتجاني سيسي وحركته في التسخين علي خط الدخول قريبا..
عبدالواحد وبعض الحركات هنا وهنااااك لايزال في كاس النضال باقي...
.................................................

عبدالواحد ياكيكى سمعتو ليك بعد التوقيع مباشرة ..يمين ولا شغال بيهم الشغلة ...
قال الكلام دا كلو (بندق فى بحر) ...وانا طبعا ركزت جدا فى حديثو ... ...قلت
اشوف صاحبك (الملولو) دا كلامو صاح ولا غلط .. اتاكدت انو كلامو صاح
وعبدالواحد ذكر كلمة (حواكير ) زى ثلاثة اربعة مرات كدا ...
خلاصة حديث عبدالواحد انو الموضوع دا موضوع (مخستك ) ساكت وهو ماشغال
بيهو الشغلة ...ودا ا طبعا مؤشر غير جيد ...
فحذارى من الثنائية قلناها فى نيفاشا وبنقولا مرة تانية ...القصة اكبر من العدل والمساواة
توقع مع الحكومة ...

Quote: خلاصة حديث عبدالواحد انو الموضوع دا موضوع (مخستك ) ساكت وهو ماشغال بيهو الشغلة ...ودا ا طبعا مؤشر غير جيد ...

يا زول جيشا وااحد ده زول صنديد
البشرية دي توقع كددددددددده وهو قابض علي جمرة قضيتو
وحواكير دي يوم الما بقولها انا بعتبرو وقع لوووووول

Dear Kiki
On the light of the challenges posed by the mass movement in the North, and the South. and
like the wise man of Nubia, Abubakr, I don't dismiss the possibility of the unification of the Islamic movement in Sudan, the three factions of NIF, Congress+ Popular+ Equality and Justice " The Darfurian wing of the Popular. " I understand the current hostility between Bashir, and Turabi, but there is a way to mend the fences
between them
Regards

هلا يا المعز وتحياتي..
موشرات عديدة يا معز تضع الاتفاق الذي وقع بداياته في انجمينا ما بين الموتمر الوطني وحركة خليل
تحت مظلة التشكيك بانه يصب في نهر الحركة الاسلامية السودانية التي تفرقت بطريقة درامتيكية لا تزال اسبابها غير مقنعة للعديدين وهناك اراء وتحاليل اكثر عمقا تعتقد بان الامر في مجمله تمثيلية محبكة الاخراج لتوزيع الادوار...!!!
العلاقات التنظيمية واشواق الحركة الاسلامية متجذرة بالتاكيد في دواخل خليل ولا تزال بعض ادبيات حركته تدور في هذا الفلك ورغم ضخ الحركة بتيارات ليس علاقة بالاسلاميين الا ان كارزيما القائد وروحه اشواقه الفكرية هي من تظلل الحركة...!!
الموتمر الوطني في سبيل الانتخابات وتغيير شكل الدولة الذي وجدوا انفسهم ذاهبين في حراكه الخطر في وجود منافسين اخريين لا يتواني بتقديم كل كروته ويفعل صداقات الماضي ويزيل احتقانات زملاء الجهاد السابقين حتي تبقي دولة الفتية الرساليين هي القائمة...!!!
الترابي لايزال هو الاكثر غبنا وعلي الموتمر الوطني ولو علي المستوي الظاهري
ولكنه بالتاكيد ليس ببعيد عن كل هذه المسرحيات التي يعرضها تلاميذه للسودان ولكل العالم
وتحياتي

لاتعليق ...
**


كيكى ياخوى (فتك ) عافية ...خلى يجى يكمل خليل ...خليل (الملولو) على قول الراجل ..


.

سلاام...

Quote: الغريبه في كل الهيلمانه العرفتها دي ما عرفت الناس القتل لك اتعرف عليهم!الاستاذ القيادي أحمد أبكر...

هلا يا تراجي..
ويا تراجي الاخ احمد ابكر ده انا ممكن اكون ضربت تلفونو زي ديشليون مرة كده
ولكن دائما مغلق والظاهر الراجل اجتماعته كثير وسالت عنه ايضا في الفندق وخليت ليهو تلفوني عند احد زملائه وباذن الله لو قعدوا في الدوحة هنا بنلم فيهم ياتراجي فهم اخوة وضيوف اعزاء لنا...


وياخي كنتي تجي علي الاقل توقعي ليك اتفاق اطاري مع الاتفاقيات المدورة دي لوووووووول

Quote: كيكى ياخوى (فتك ) عافية ...خلى يجى يكمل خليل ...خليل (الملولو) على قول الراجل ..

ماشي وين يا العريس ياخي..
وعلي الاقل خلينا نتونس في حكاية تجاني سيسي دي لانها مهمة..
الراجل حزب امة كبير والان هو رئيس لحركة ليها ضل...
فبختكم يا عم خامجين السوق
خليل يضرب للسيد
والحركات الاخري تجعل احد مساعدي السيد زعيما لها

الجزئية دي يا محمد ضروري ترجع ليها وفي انتظار المحلل الاسفيري الكبير خليل

Quote: انا الضايع

زيك زي بقية خلق الله في السودان..

Quote: ولو الترابي وعلي عثمان عملوا ليهم همة وقطعو تذاكر وجو البلد دي الحركة الاسلامية قديمها وجديدها ممكن تعمل اجتماع كامل الدسم فالحكاية فيها الافندي وغازي وامين حسن عمر وخليل كاسلامي سابق...!!

Quote: قبل يومين شفت اثنين من عتاولة الاتجاه الاسلامي في الجامعة (حاج ماجد ووادي) يوقعان اتفاق سلام ما بينهم واحد من الموتمر الوطني والثاني قال هو تبع العدل والمساواة قطاع كردفان.. الناس ديل كانو اصحاب شديد وبنزلو في لستة انتخابات الجامعة اتجاه اسلامي فبدت في ناظري القصة مجرد تصالح وصلح ما بين صديقين تجمعهم اشياء كثيرة مشتركة ,,,

Quote: والحكاية بقت تمر فوووق الشعب مرور الكرام وبكل سهولة ممكن تتعمل اي حاجة ونسمع بيها بعد حولين ونص..!!

برضو زيك وزي بقية شعوب السودان..
راسك سليمة..
لكن فاقدين الكراع البمرقهم من الخبوب والطين ده..
..
سلامتك ياخي.

Quote: برضو زيك وزي بقية شعوب السودان.. راسك سليمة.. لكن فاقدين الكراع البمرقهم من الخبوب والطين ده..

هلا يا محمد علي وتحياتي
واحنا كشعب بقينا لينا الله وعيشة السوق..
نتشمشم خبورات الوطن في الفنادق والعواصم والقنوات لكي نعرف هل هنالك رصاص قادم
ام خبز وماء وترمبول لابناء وطننا الذين جلسو زمنا طويلا علي رصيف الوطن ومسارحه تعرض اسواء واقبح المسرحيات بطولة الجبهة الاسلاميةواخريين..
ولكن ورغم كل شي يا ابوحميد يبقي الامل وتبقي الثقة في شعب هذا البلد
الذي سيزيح هولا الحكام الكعبين جدا...

وتحياتي الف شكر

زولنا البشير قام صوف وفللي بالاتفاق الاطاري ده
والفاشر جررررررري شديد يلحق به سوق الانتخابات والاصوات التي صارت قاسية وصعيبة
وشبك ليك ناس الفاشر
حنسوي ليكم وحنبي ليكم واخر وعود انتخابية علي اشلاء دارفور التي تئن من الجروح المصائب والمحن التي ولدتها ادارته السيئة لامور البلاد والعباد..

كيكي

اسمغ يازول


بعد التوقيع دكتور خليل اتصل بكل القوي السياسية لانو العدل والمساواة مع تجمع احزاب المعارضة وعذا الاتفاق رصيد اضافي الي حصة المعارضة

لانك يساري تمارس الاستمناء كما قال زولك داك تري الامور بعينك الحولاء

اما الانصاري محمد عبد الرحمن عامل عراقيهو القصير ده تاني حزب الامه في دار فور عوده عود مره

Quote: بعد التوقيع دكتور خليل اتصل بكل القوي السياسية لانو العدل والمساواة مع تجمع احزاب المعارضة وعذا الاتفاق رصيد اضافي الي حصة المعارضة لانك يساري تمارس الاستمناء كما قال زولك داك تري الامور بعينك الحولاء اما الانصاري محمد عبد الرحمن عامل عراقيهو القصير ده تاني حزب الامه في دار فور عوده عود مره

اوووه عوج الدرب..
ووينك يا زول مفتشين عليك من قبيل وانت ضارب الاتفاق الاطاري ده ولابد...!!
الجبهجية ديل يا ابو السيوف ما منهم ضمان..
وما تدوهم الامان فالتجارب واااضحة وضوح الشمس...
مناوي بعضمة لسانو قال هو (مساعد حلة) وبجابد في قروش التنمية مجابدة ومن ابوجا وحتي حسع
(اوضة وبرندة ما اتبنت في دارفور)..
موسي بتاع الشرق راح سمسم في شيك واوشيك لايزال جيعان ومرضان
ابا كبير زاااتو الحركة الشعبية واقفة في اتفاق نيفاشا وحارسنو بالعكاكيز والمجتمع الدولي
والموتمر الوطني يا ابو السيوف صار مثل المرفعين ...
ان لم تعصر عليه وتستعد جيد لاكلك زي السلام عليكم..

وبمسحة سريعة لردود الافعال ما بعد الاتفاق الاطاري ما بين الموتمر الوطني والعدل والمساواة..
نجد بان الامور قد تشكلت سريعا والمسارات والاراء اصبحت واضحة ,
1-الان داخل الجك (السلامي والشبه سلامي) نجد مناوي والعدل و المساواة وحركة تجاني سيسي تسير علي الطريق وموشرات الاشياء تجعلها لاحقة لاحقة بهذا السوق التفاوضي...
2-حركات اخري غير مويدة لهذا السلام وكفرت الان بمنبر الدوحة و حتما ستذهب بقضيتها وارائها الي مدارات اخري رغم ان الدول المحيطة شبه موافقة ومويدة لمنبر الدوحة (تشاد -ليبيا- ارتريا)
ومصر عصا نايمة وعصا قايمة ورغبة مكبوتة لافشال الدوحة-منبر...الا انها ستحرج دوليا ان غردت خارج هذا السرب
رغم كل هذه التقفيل الاقليمي الا الحركات الرافضة بالتاكيد ستجد لها منصة وان لم تكن اقليمية فحتما ستكون جوبا هي المحطة القادمة لها والتي منها سينطلق عملها التنظيمي والاداري لمناهضة هذا الاتفاق
والضرب علي جمر قضاياها التي تومن بها..
3- عبد الواحد وموقفه (المعصلج) سيظل ايضا شوكة حوووت في كل الامر الدارفوري وحواكير قاااعد سندالة
لا يتزحزح قيد انملة من كل الاشياء المربوطة
1- بالجنائية والمحاكمات
2- الحواكير والامن والتعويضات وعودة اللاجئيين

Quote: إتفاق إطاري لحل النزاع في دارفور بين حكومة السودان وحركة العدل والمساواة السودانية ديباجة: إن حكومة السودان وحركة العدل والمساواة السودانية، في إطار التزامهما الجاد لايجاد حل مستدام للنزاع في دارفور، وقناعة منهما بالحاجة الملحة للتوصل إلى اتفاق سلام شامل يضع حدا للمأساة في دارفور، وتتويجا للجهود الكبيرة التي ظلت تبذلها القيادة القطرية، برعية كريمة من صاحب السمو الشيخ حمد بن خليفة آل ثاني أمير دولة قطر،وتعضيدا للجهود الطيبة للوساطة الدولية المشتركة؛ وفقا لمبادئ وميثاق الامم المتحدنة ومعاهدات الاتحاد الافريقي وجامعة الدولة العربية وتجمع دول الساحل والصحراء(س ص) المتعلقة بحل النزاعات بالطرق السلمية. وحرصا على ضرورة تحقيق سلام عادل ودائم في كافة الاراضي الوطنية السودانية،وبخاصة في إقليم دارفور،والحفاظ على وحدة السودان. ورغبة في العمل من اجل تنمية متوازنة للامة السودانية،تعتمد على تنوع وخصوصية مختلف الاقاليم السودانية من اجل ضمان التقدم الاجتماعي والاقتصادي للجميع،والممارسة الكاملة للحريات الاساسية مبنية على المساواة بين المواطنين. واخذا في الاعتبار الدستور الانتقالي لجمهورية السودان واتفاقية السلام الشامل الموقعة في نيفاشا في يناير2005، واتفاق حسن النوايا وبناء الثقة لتسوية مشكلة دارفور والموقع في الدوحة بين حكومة الوحدة الوطنية في السودان وحركة العدل والمساواة في 17 فبراير 2009. وقناعة بالرغبة الواضحة لحكومة السودان وحركة العدل والمساواة السودانية. اتفقت حكومة السودان وحركة العدل والمساواة السودانية على الاتي: المادة (1) إعلان وقف إطلاق النار والشروع في المفاوضات فورا من اجل الاتفاق على تطبيقه. المادة(2) إصدار عفو عام بحق اعضاء حركة العدل والمساواة السودانية، المدنيين والعسكريين وإطلاق سراح سجناء الحرب والمحكومين من كلا الجانبين بعد التوقيع النهائي على هذا الاتفاق. المادة(3) مشاركة حركة العدل والمساواة في السلطة على كافة مستويات الحكم وفقا لكيفية يتم الاتفاق عليها بين الجانبين. المادة (4) تتحول حركة العدل والمساواة السودانية الى حزب سياسي فور التوقيع على اتفاق السلام الشامل والنهائي . المادة(5) إدماج قوات حركة العدل والمساواة السودانية في القوات المسلحة وقوات الامن والشرطة الموحدة، وفقا لما يتفق عليه الطرفان ويسبق هذا الاجراء تجميع وتدريب هذه القوات في مواقع وفقا لآلية وكيفية يتفق عليها الجانبان. المادة (6) تتحمل حكومة السودان كافة النفقات اللازمة لقوات حركة العدل والمساواة السودانية اثناء فترة التجميع والتدريب. المادة(7) يعاد الى الخدمة كل اعضاء حركة العدل والمساواة السودانية العسكريين المفصولين والمدنيين المفصولين عن الخدمة ويتم إلحاقهم برصفائهم بالكيفية التي يتفق عليه الطرفان. المادة(8) تلتزم حكومة السودان بتعويض النازحين واللاجئين، وكافة المتضررين بسبب النزاع في دارفور تعويضا عادلا، كما تلتزم حكومة السودان بضمان حق العودة الطوعية للنازحين واللاجئين الى مناطقهم الاصلية ، وإنشاء مؤسسات خدمية وبينية تحتية لضمان حياة كريمة لهم. المادة(9) يخضع موضوع إعادة التنظيم الاداري في دارفور لمفاوضات بين الجانبين للوصول الى اتفاق نهائي. المادة(10) يخضع موضوع تقاسم الثروة للمفاوضات بين الطرفين للوصول الى الاتفاق النهائي؛ وكذا الحال قضايا الارض والحواكير،وأي قضية اخرى لتحقيق السلام يراها الطرفان ضرورية لاكمال موضوعات اتفاق السلام الشامل المادة(11) ينبني تطبيق هذا الاتفاق على حسن النوايا وعلى اساس تضامن وشراكة سياسية وفق مبادئ وقضايا وطنية توحد بين الطرفين. المادة(12) يتم اعداد الاتفاق النهائي والبرتكولات الاضافية المنفذة له والتفاوض عليها وتوقيعها في الدوحة قبل الخامس عشر من مارس 2010م. حرر في العاصمة القطرية الدوحة بتاريخ 23 فبراير 2010م عن حكومة جمهورية السودان د. امين حسن عمر وزير الدولة بوزارة الثقافة والشباب والرياضة عن حركة العدل والمساواة السودانية احمد محمد تقد لسان امين شؤون المفاوضات والسلام شهد على التوقيع عن دولة قطر احمد بن عبد الله آل محمود وزير الدولة للشون الخارجية عضو مجلس الوزراء عن وساطة الاتحاد الافريقي والامم المتحدة جبريل يبيني باسولي الوسيط المشترك

الشرق القطرية تنفرد بنشر نص الاتفاق الاطاري بين الحكومة والعدل والمساواة

اعلاه هو الاتفاق الاطاري ما بين العدل والمساواة والموتمر الوطني..
ونلاحظ الاتي__
من جملة ال12 مواد هنالك
7-مواد مختصة فقط بمناقشة قضايا تخص العدل والمساوة(الاسري منها- مسلحيها- المفصولين) وهي قضايا تخض منسوبي حركة العدل المساواة فقط..

Quote: تلتزم حكومة السودان بتعويض النازحين واللاجئين، وكافة المتضررين بسبب النزاع في دارفور تعويضا عادلا، كما تلتزم حكومة السودان بضمان حق العودة الطوعية للنازحين واللاجئين الى مناطقهم الاصلية ، وإنشاء مؤسسات خدمية وبينية تحتية لضمان حياة كريمة لهم.

هي المادة الوحيدة الذاهبة في صلب قضية دارفور والتي تربط حركة العدل والمساواة مع الحركات الاخري..
..
متبقي المواد هي ترتيبات وشكليات قد نجدها في اي اتفاق ما بين الحكومة وكل الجهات التي وقعت معها..
,,,,,,,,,,,,,,,,,,,,,,
يمكننا القول الان بان هذا الاتفاق وان سار الي مرحلة النجاح بانه حل مشكلة العدل والمساواة مع الحكومة
ولن يحل مشكلة دارفور وحركاتها كون الامر يحمل في جيناته قضايا تخص العدل والمساواة وفقط ولا تتقاطع مع متبقي الاشياء الدارفورية الاخري...
هذا لم يلم يتم تجاوز هذا القصور في اتفاق حركة تجاني سيسي ويفرغ الامر من ناصية الذاتية السياسية وحب الاناء السياسي الذي طل في حركة العدل والمساواة التي كانت تقول انها تحارب من اجل كل اهل دارفور ولكنها عندما وقعت سلام وقعت سلام من اجلها هي فقط..

يا كيك,,,


بث مباشر ومن قلب الحدث,,,

فصيل جديد فى طريقه للطاولة ,,
الجاهز كلو يسجل سريع,,

الشعب السودانى إنتظر طويلا ولم يتوقع أن يتمخض كل هذا الجبل عن ابوالدرداق ,,
خلونا من الحكى والونس وجهزوا العدة..

فصيل موحد بإسم جديد لعهد جديد,,
عندك خبرات متنوعة موجودة فى الجوار..

أبوالسيوف ومحمد عبدالرحمن رقمين لا يمكن تجاوزهما وإن إختلفنا حولهما قليلا,,
وسنستعين بكل القوات الصديقة المرابطة والخلايا الصاحية والنائمة معا على حد
سواء,, الثروة 50/50 أو كما إتفق,,هذا بما يختص بماهو فوق الطاولة والتحتا خليهو مستور..

خليل دا شبكنا القوة جوة وضربو موزنا كلو والمحصلة (أحضان دافئة دفء إتنين مليار والبقية تأتى...

ركزوا على البقية دى وأرضا سلاح إلى حين إشعار آخر,,,
فريق المفاوضين قد حسم أمره وهو بقيادة خلية حزب أمة نائمة نوم الضان..
أبوخليل خليهو يجهز بدلتو السوداء ويسن اللسان وقوليهو مباراة الهلال والكورة أخير منها مباراة الجداد,,
السرية ليست مطلوبة ويمكن إجراء بعض الجلسات التحاورية والكاميرات تتطاقش والحاضر يكلم الغايب,,

نيم ما بناكلو ما بناكلو!!

أهم حاجة المفاوضات تكون بجانب القرية الآيرلندية والكلام السر يكون بهنوك على أنغام تكون هادئة فى البداية
وتزيد صخبا كلما أليل الليل,,والجاز طلع للبلوفة فوووووووق,,

متابعين مجريات الأمورآن وسنوافيكم بالمستجدات,,
الإتصال مقطوع بمراسلنا فى الميدان منذ ليلة البارحة
علما أن الميدان الآن هو شيراتون الدوحة ,,,


إنتهى,,


حوّل,,

مررنا للسلام ، شكلك يا هندسة مجوط الامور يا خوى دبابنا ورجع لينا ، يعنى ما المصاريين بتتعارك ، لاعزاء لتجار الشنطة من شاكلة عبدالواحد. غايتو راحت عليك لو كنت عملت مجموعة الدوحة كنا على الاقل اديناك محلية ام الصقير .

Quote: مررنا للسلام ، شكلك يا هندسة مجوط الامور يا خوى دبابنا ورجع لينا ، يعنى ما المصاريين بتتعارك ، لاعزاء لتجار الشنطة من شاكلة عبدالواحد. غايتو راحت عليك لو كنت عملت مجموعة الدوحة كنا على الاقل اديناك محلية ام الصقير

هلا يا هجو وحباب الظلاميين..
ومبروك عودة الدباب ليكم...وكلامك ده اوع يسمعو سيف مساعد يقوم فازي من ناسو ديل

تعرف يا هجو لو ناسكم ديل مفتكرين كده خلااص قضية دارفور دي اتحلت دي تبقي عوووجة ومشكلة كبيرة
والقضية علي الاطلاق ليست العدل والمساواة وجيشها والاسري بتاعنها فالقضية اكبر من العدل والمساواة وخليل,,
ولو القصة قوي وسلاح ولاندكروزرات وموز بكرة دي اي حركة من الحركات دي ممكن تقوا وتصبح اقوي من العدل والمساواة..
وانشاء الله يمرق ليكم الريس من اوكمابو

قبل التوقيع كنا في رحلة لمنطقة الخور

وكان معنا سيف مساعد عدل ومساواة

وبابكر حركة منشقة من العدل والمساواة

سالت سيف مساعد وقلت ليهو بتجيبو السلاح من وين

نظر الي بابكر وقال لي ما عندنا سلاح القطر فيهو مفتش

دارفور الان اصبحت اليوم مثل السيارة

العندها اطارين

اطار مني واطار خليل

وباقي اطار عبدالواحد

واطار الحركات الباقية

وبعد كدة ممكن تدور

وممكن نخت اطار اسبير في الضهرية

Quote: وممكن نخت اطار اسبير في الضهرية

الاطارات كلها منفسة وفي مقولة خليجية مبنشرة
والعربية دي شبر واااحد يا ابو خليل ما بتميشهو
حرم توحل في كراكير قوز جمل دي وخور برنغا تاني بانكي مون ما تطلعها

Quote: نظر الي بابكر وقال لي ما عندنا سلاح القطر فيهو مفتش

ايووووه
الحركات متوجسة من بعض خوفا من الاختراق بتاع الامونات
باقي المفاوضات دي فيها امونات كثير ة كثر عيييييييييك...

...............
يا اسفيري
شيخ حسن الترابي قيل بانه بارك هذا الاتفاق فماهي قرايتك للامر كمحلل اسفيري كبير

Quote: يا اسفيري شيخ حسن الترابي قيل بانه بارك هذا الاتفاق فماهي قرايتك للامر كمحلل اسفيري كبير

اعتقد الراجل في حنين شديد لتلاميذه

يريد العودة اليهم والضرس تاور

Quote: اعتقد الراجل في حنين شديد لتلاميذه يريد العودة اليهم والضرس تاور

تلامذته يا خلي خامجين السوق السياسي في السودان خمجة كبيرة خلااص
مابين متمرد يوقع في عدة عواصم لكي يعود الي الخرطوم عودة الفاتحين
و مفاوضين من تلامذته يجوبون العواصم حاملين اوراق للتوقيع الفوري ...ثم النط منها في اقرب قريب عاجل,,,,
وايضا هنالك ماتش ملعوب بمهارة مع الحركة الشعبية في اجندة كبيرة وخطيرة...
وكل الكمونية السودانية صارت في ايادي التلاميذ والشيخ يقف بعيد متفرجا كهلا فارقته سفن ورحلات التلاميذ المحمولة جوا

اخوي كيكي الجماعة ديل خايفين من غدر ذوي القربى فخافوا يتغدى بهم قبل ان
يتعشوا به لذلك قالوا نفطر معه ونذهب معه للغداء ونترك لاوكامبو مهمة العشاء
بالهوامير، اخواننا الذين وقعوا لم يتعظوا من مصير سلفاكير النائب الذي
لا ينوب الا في الجنوب ولا مصير مناوي المساعد الذي لا يقدم مساعدات ولا مصير موسى المساعد
الذي لا يساعد فلا ندري اين سيكون مصيرهم بين الثلاثي الذي سبقهم الى القصر، فهل
سيكون مصيرهم اللحاق بقطار المستشارين والمساعدين المنتظرين ام سيكون مصيرهم
الجلوس بجوار شيخ ضواحي المنشية الخفية، اخشى ان يكون مصيرهم كمصير الثيران
الثلاثة التي اكلها القصر بحدائقه الخضراء ومكاتبه السوداء التي لا تعرف الوفاء،
ليس لنا سواء انتظار الموعد المشهود لنرى صدق الوعود والوفاء بالعهود

كيكي ..

حاول تعال سوي ليك عمرة وراجع

لانها هي المخرج الوحيد من حالة الاحباط التي تمر بك ..

Quote: حاول تعال سوي ليك عمرة وراجع

هلا يا متزمزغ
وشنو الحسادة ليك ما تخليها عمرة وزوقة الله يرضي عليك..
زوقة بس اتعلق فيها في استار الكعبة الشريفة دي اشحد الله يفرطق هذه الكائنات الكيزانية
حتة حتة وصواميل لطالبان ما تنفع...

يا عمر انا بالعكس مبسوط والعدل والمساواة لو وقعت او ما وقعت كلو عندي صابون
وهي رجعة قماري كيزانية الي وكارتها وعودة دباب سابق ليس الا...
......

وين الصور يا خليل!!!!

Quote: قبل التوقيع كنا في رحلة لمنطقة الخور وكان معنا سيف مساعد عدل ومساواة وبابكر حركة منشقة من العدل والمساواة سالت سيف مساعد وقلت ليهو بتجيبو السلاح من وين نظر الي بابكر وقال لي ما عندنا سلاح القطر فيهو مفتش

نجيب الصور ولا الحوض فيهو بلوم,,



إنبطاح ما معانا

Quote: نجيب الصور ولا الحوض فيهو بلوم,,

جيب الصور ياخي..
صحبك ابو السيوف د ه خلاااص بعدما وقع مافي ايتها مخاوف من التصاوير معه..
رش يا عمك ولو عندك واااحد لصاحبنا المتنهد الاسفيري برضو تكون بالغت مع البليادرو

Quote: اخوي كيكي الجماعة ديل خايفين من غدر ذوي القربى فخافوا يتغدى بهم قبل ان يتعشوا به لذلك قالوا نفطر معه ونذهب معه للغداء ونترك لاوكامبو مهمة العشاء بالهوامير، اخواننا الذين وقعوا لم يتعظوا من مصير سلفاكير النائب الذي لا ينوب ولا مصير مناوي المساعد الذي يقدم مساعدات ولا مصير موسى المساعد الذي لا يساعد فلا ندري اين سيكون مصيرهم بين الثلاثي الذي سبقهم الى القصر، فهل سيكون مصيرهم اللحاق بقطار المستشارين والمساعدين المنتظرين ام سيكون مصيرهم الجلوس بجوار شيخ ضواحي المنشية الخفية، اخشى ان يكون مصيرهم كمصير الثيران الثلاثة التي اكلها القصر بحدائقه الخضراء ومكاتبه السوداء التي لا تعرف الوفاء، ليس لنا سواء انتظار الموعد المشهود لنرى صدق الوعود والوفاء بالعهود

هلا يا سليمان وحبابك..
وانا يا سليمان مستغرب في الكلفتة دي لزومها شنو..؟؟؟
وهي كمان لو بقت كلفتة بس معليش... بل كلفتة وتوقيع في مناطق مظلة في انجمينا في وقت كل الاشياء قاعدة في سهلة الشيرتون وكل المهتمين بالامر الدارفوري من الحركات موجود بنسبة معتبرة ..!!
والحصل لمناوي وموسي بتاع الشرق والحركة الشعبية مفروض واااضح لكل الناس العاوزين يوقعو اتفاقيات فرادي مع الحكومة دي وحياكلوهم (ضحا كرانجاية) علي قولة الاهل في دينقا...!!
الحكومة هي المستفيد الاول والاخير من هذا الاتفاق والبشير شالو وجري بيهو الفاشر جري قبل ان يجف الحبر الذي وقعه تقد وامين حسن عمر واصبح يتاجر ويسمسر به..

عموما يا سليمان في الانتظار ونشوف الحكاية دي مودية المهمشين الذين يتم المتاجرةبقضاياهم وامنهم
وارزقاهم واراضيهم الي وين

وتحياتي

Quote: وحياكلوهم (ضحا كرانجاية) علي قولة الاهل في دينقا...!!

والله يا كيكي لو حضروهم ضحى الكرانجات بكونوا ما قصروا معهم، انا خايف يفكوا بهم الريق قبل ان يبلوا ريقهم، الحكاية كلها ضربت حظ تصيب او تخيب، الكل عاوز يلحق تقسيم الكيمان، كان في السابق الزول بصحى من نومه وبجد كومه ولكن في العصر الحالي الامر مختلف لان الكيمان اصبحت تقسم والناس نيام، اما المتاجرة والسمسرة بالاتفاق هو الثمن الحقيقي والفعلي للاتفاقية،انها اغلى هدية يقدمها المطالب بالعدالة الى الفار من العدالة في الوقت الذي يطالب فيه بالعدالة

Quote: الغريبة الوقعتين حصلن بعد بث الجزيرة

تلبعوا المشاريب الرسمية فى رمادا وتحملوها زورا لبث الجزيرة

Quote: بقيادة سيف مساعد عووج الدرب...

دة طبعا دليل لواقع محزن يكشف الضعف التنظيمى
والسياسى لهذه الحركات . اها زى ماقال ليك هجو
دبابهم ورجع ليهم بتمشى وين ياعوج الدرب ؟
باقترح عليك الحوثيين فى اليمن .. البتتونية
بتنفع معاهم وكمان جضومك دى التخزين فيها بيكون تمام

Quote: لأنك يساري تمارس الاستمناء كما قال زولك داك تري الأمور بعينك الحولاء

الزول دة الظاهر عيزومة الغداء ما طمرت فيه
ناس ابو السيوف ديل عايزين تزييت وتشحيم عديل

سلام يا كيكي ..
حمدا لله على السلامة

سرد جميل ..

تسجيل حضور ومتابعة

Quote: سلام يا كيكي .. حمدا لله على السلامة سرد جميل .. تسجيل حضور ومتابعة

هلا يا البدري ونورت السسسساحة والله
وكل التقدير

Quote: الزول دة الظاهر عيزومة الغداء ما طمرت فيه

عوج الدرب خوتو خوة لستك ورشاني قرنوف في اقرب زقاق بتاع اتفاق اطاري..
لكن الله في ..لوووووول...
دارفور يا احمد التجاني ليها قضية وقضية كبيرة خلاااص ولكن الموسف انو اطراف عديدة صارت الان هي جزء اساسي من هذه المشكلة والامور عصلجت عصلجة زيادة باسبابها..
الحركات وتفرقها واشقاقها
الحكومة بحركاتها واجندتها وسطحيتها
الاتحاد الافريقي زااااتو ماراكب عدلو في الموضوع ده..
دول الجوار كلها عندها اجندة خفية وعلينة..
قريشن زاااتو عندو باصات تحت تحت كده اندر تيبل لتذويب القضية ورفع الصداع عن امريكا
وغايتو
....حليل رمادا ياخي وشوفتي ليها في قصير الفات

http://www.sudanile.com/index.php?option=com_content&vi...9-17-15-10&Itemid=63

Quote: الحزب الإتحادى الديمقراطى الأصل : بيان صحفى حول مفاوضات الدوحة الثلاثاء, 23 فبراير 2010 17:02 بسم الله الرحمن الرحيم نحن فى الحزب الإتحادى الديمقراطى الأصل نرحب بالإتفاق الإطارى الذى يولد الآن فى دوحة العرب بين حزب المؤتمر الوطنى و حركة العدل و المساواة. و هو نتاج و تتويج لكل الجهود المقدرة التى بذلتها دولة قطر و الوساطة العربية الإفريقية الأممية المشتركة من خلال منبر الدوحة. و ننتهز هذه السانحة الطيبة لنشيد بالدور المتفرد لدولة قطر حكومة و شعباً بقيادة سمو الأمير الشيخ/ حمد بن خليفة آل ثانى (حفظه الله و رعاه) و الطاقم المتميز الذى أشرف على أدق مراحل المفاوضات و رعاها بحكمة و حنكة و صبر و سداد. لقد جاء ترحيبنا بهذا الإتفاق الثنائى على أنه خطوة أولى يجب أن تتبعها خطوات صادقة و مسؤولة، من مبدأ أن الإتفاقيات الثنائية السابقة (جميعها) لا و لن تؤدى لإستقرار سياسى أمنى شامل يصب فى مصلحة البلاد. و عليه نحمل طرفى الإتفاق الإلتزام بإتباعه بخطوات عملية لاحقة تؤمن إشراك كافة الحركات و الفصائل الدارفورية. إن رؤية الحزب الإتحادى الديمقراطى الأصل و التى تراكمت عبر مواقف نضالية و تجارب واقعة و ماثلة الآن للعيان، منطلقةً من الحرص على وحدة الوطن و مستقبل مواطنيه. و كما نرى بأن مبادرة الميرغنى للوفاق الوطنى هى الأرضية الصلبة التى يجب أن يُرتَكز عليها. تلك المبادرة التى تؤكد بضرورة و حتمية إشراك كافة القوى الوطنية السودانية السياسية (أهل الحل و العقد) فى حوار جامع و مائدة مستديرة دون إقصاء أو تهميش لأحد، شريطة أن تفضى تلك المحادثات إلى حكومة وحدة وطنية قومية شكلاً و مضموناً. و الله المستعان الحزب الإتحادى الديمقراطى الأصل الدوحة – دولة قطر ربيع الأول 143109 فى 23 فبراير 2010

سلام يا كيكى
ربنا يكتب ليكم كامل الصحة و موفور العافية
الجاتكم فى كراعكم سامحتكم ...



بزمتك فى فتة حارة أكثر من دى ؟؟؟

و ما خفى أعظم








ش

Quote: جيب الصور ياخي.. صحبك ابو السيوف د ه خلاااص بعدما وقع مافي ايتها مخاوف من التصاوير معه.. رش يا عمك ولو عندك واااحد لصاحبنا المتنهد الاسفيري برضو تكون بالغت مع البليادرو

ياخ الناس ديل كلهم زول واحد مضمون فيهم مافى,,,

دبابو كبير ورجع لحوش بنى كوز بعد زات الموز!!!

يقومو يلخبطوها تانى وفصائل تنشقّ وفصائل تضرب
الخلا !!!
وخليلك يضيع بعد الصور,,
وتانى مطار الخرطوم إلا فى الشاشة...

أبوالسيوف أصلو بايعا وبمشى بالضرا,,

يازول ما عندى صور,,,

Quote: يازول ما عندى صور

يا ايمن ياخي افرز الصور
الموقع اتفاقية نزلو وفالدار اصبحت امان...

والما موقع خليك منتظر الاطاري بتاع تجاني سيسي وبعدها رششششش ياعمك

فليبيا التوقيع فتحت

Quote: لقد جاء ترحيبنا بهذا الإتفاق الثنائى

وتحياتي يا شكري
والتوقيع فعلا ثنائي ودي جزئية مهمة كون الامر ليس مربوطا بحل كل قضايا دارفور وامورها الاخري

Quote: لقد جاء ترحيبنا بهذا الإتفاق الثنائى على أنه خطوة أولى يجب أن تتبعها خطوات صادقة و مسؤولة، من مبدأ أن الإتفاقيات الثنائية السابقة (جميعها) لا و لن تؤدى لإستقرار سياسى أمنى شامل يصب فى مصلحة البلاد. و عليه نحمل طرفى الإتفاق الإلتزام بإتباعه بخطوات عملية لاحقة تؤمن إشراك كافة الحركات و الفصائل الدارفورية.

وده كلام مية مية لانو الاتفاقيات الثنائية لابتودي ولا بتجيب
وعلي الحكومة ان تنظر الي هذا الامر ان اردت حله بكل عمق ومسئولية وجدية بعيدة عن الاجندة الحزبية والنظرة الضيقة حتي تستوعب الحلول كل الاطراف المتنازعة

Quote: ولكن العصفورة افادت بان هنالك بوردابي من الدوحة شهييييييييييير وقع للعدل والمساواة..

هلا بـ كيكي الأمريكي

غايتو الفوق دي دليلها عندي
صورة حدادي مدادي يوم التوقيع
بس صحبك زي ما عارف رقد واطه
عشان كده ما راح أعمل حاجه من غير مشورتك
أها رأيك شنو ،،، نفت الحكايه
ولآ نفت موضوع أديس داك
ولآ نفت شنو ولآ شنو
حليلك يا بينغ
عليك الله نورني ،،، ما قادر أصبر
التحايا للى بالي بالك
هههههههههههههههههههه

Quote: غايتو الفوق دي دليلها عندي صورة حدادي مدادي يوم التوقيع بس صحبك زي ما عارف رقد واطه عشان كده ما راح أعمل حاجه من غير مشورتك أها رأيك شنو ،،، نفت الحكايه ولآ نفت موضوع أديس داك ولآ نفت شنو ولآ شنو حليلك يا بينغ عليك الله نورني ،،، ما قادر أصبر التحايا للى بالي بالك هههههههههههههههههههه

اوووووه ثاني
تحياتي ياخي..
وطبعا يا محمد انا وانت موقعين اتفاق اطاري في القعدة بتاعة يومتا ديك...
وبموجب هذه الاتفاقية رششششششششششش الصور بتاعة صاحبنا الجاسوس العامل لابد ده لوووووووول...
وبعدين بموجب هذه الاتفاقية الاطارية ضروري ياخي ترخي موضوع (اديس ابابا ) ده
وما تجيب لخالك كيكي كلامات سااااكت مع البشرية القاعدة متربصة دي

وبنج ياخي نوارة ود يشفي الحرج ومتمرد كبييييييير زولي ده
وبالنسبة لموضوع بنج وادريس ازرق فالاثنين اخوان اعزاء واصدقاء والحصل بينهم ده موضوع موسف اتمني
ان يتم تجاوزه لمصلحة القضية التي ساروا في طريقها سنين عديدة بصبر ومثابرة وجهد كبير

Quote: اوووووه ثاني تحياتي ياخي.. وطبعا يا محمد انا وانت موقعين اتفاق اطاري في القعدة بتاعة يومتا ديك... وبموجب هذه الاتفاقية رششششششششششش الصور بتاعة صاحبنا الجاسوس العامل لابد ده لوووووووول...

هي دي كانت إتفاقية
والله إفتكرتها كلام ساكت
كويس اللى كلمتني عشان أعمل حسابي
لو على صاحبك داك ،،، رشششششششششش شديد دون هواده
بس ما يجي يتباكي تاني
غايتو الصوره ديك راح تجيك على الإيميل
ووقتها نشوف نوع التحالفات تكون كيف
ههههههههههههههههههههههههههههههه

Quote: وبعدين بموجب هذه الاتفاقية الاطارية ضروري ياخي ترخي موضوع (اديس ابابا ) ده وما تجيب لخالك كيكي كلامات سااااكت مع البشرية القاعدة متربصة دي

خلاص رخيناهو
بس لو جات تحالفات من حتات تانية
ما عارف وقتها الكلام يكون كيف
إنت براك شايف الدنيا كلها كل يوم تتفق وتتفرق
يعني لو جات عندي ما بتكون غريبة مش كده لووووووووووووووووول

Quote: وبنج ياخي نوارة ود يشفي الحرج ومتمرد كبييييييير زولي ده وبالنسبة لموضوع بنج وادريس ازرق فالاثنين اخوان اعزاء واصدقاء والحصل بينهم ده موضوع موسف اتمني ان يتم تجاوزه لمصلحة القضية التي ساروا في طريقها سنين عديدة بصبر ومثابرة وجهد كبير

وقتها طبعا حاجات أديس كلها بتتطلع
والناس اللى مبارياك دي راح تتهني
عشان كده نعمل حمد لبد
وبعد داك نشوف اللى فى الجراب

إنشاء الله بس يرجعوا للإتفاق مع بعض تاني
عشان اللى حصل ده صعب على الناس تصديقو

Quote: هنالك دلالة مهمة لحضور هذا الكم الهائل من عضوية هذا المنبر لمثل هذه الاشياء المربوطة بمستقبل السودان كما نجدهم ايضا في صفوف المرشحين للانتخابات التي ستجري في السودان يعكس كل هذا بان عضوية هذا المنبر صارت بطريقة نوعية متواجدة علي الارض في القضايا السودانية المهمة..

غايتو يا كيكي أخوك لأول مره يدخل فى أتون السياسة بالشكل الصارخ ده
الإحساس الفوق ده فعلا حسيت بيهو لمن شفت الحضور الكبير من البورداب
وكمان لو شفت صحبك كمال سالم فى مؤتمرات العدل والمساواة وبالصوره كمان
ياخ حاجه تشرح القلب لمن تشوف بورداب الدوحة يتلاقوا مع بورداب العالم

وطبعا زي ما قلت قبل كده إبراهيم بينغ قريبك ده أظرف شخصية ممكن تقابلها
زول حكّاي شديد ومليان مغامرات وكمان معطون بالدراية السياسية
بس لكن ما قادر أفهم حكاية عزله لـ أزرق من قيادة الحركة والتوقيع مع مجموعة سيسي الجديدة

Quote: غايتو يا كيكي أخوك لأول مره يدخل فى أتون السياسة بالشكل الصارخ ده الإحساس الفوق ده فعلا حسيت بيهو لمن شفت الحضور الكبير من البورداب وكمان لو شفت صحبك كمال سالم فى مؤتمرات العدل والمساواة وبالصوره كمان ياخ حاجه تشرح القلب لمن تشوف بورداب الدوحة يتلاقوا مع بورداب العالم وطبعا زي ما قلت قبل كده إبراهيم بينغ قريبك ده أظرف شخصية ممكن تقابلها زول حكّاي شديد ومليان مغامرات وكمان معطون بالدراية السياسية بس لكن ما قادر أفهم حكاية عزله لـ أزرق من قيادة الحركة والتوقيع مع مجموعة سيسي الجديدة

فعلا يا ساني الاجواء فيها مالذ وطاب من الاشياء السودانية والوجوه الرائعة..
انا شاكي انو كمال سالم ده زاااتو اصبح عدل ومساواة لوووووووول
وحسع بدل يكتب لينا عن الاتفاق الطاري مباري لينا رابطة معجبين دنيا خالد وعامل راكوبة كبيرة خصما علي التوقيع الاطاري الحصل ده لوووول...
بنج وناس وكدي لمن يروقو الناس ديل ويوقعو تعالو ندردقو ليك في ونسات الايام القديمة قبل ما بنسخت ويبقي كوز ثم يتمرد علي الموسسة الكوزية...


في بورداب كاميرة الشيخ وعمر بوب ديل انا سلمتهم لغرفة تسجيلات احدي الحركات
ماعارف سجلوهم ولا لسعععععععع

يبدو ان وحدة الحركات عند تجاني سيسي هل التي حتكسب...
فالاخبار تفيد بان هنالك بعض الحركات التي رفضت التوقيع علي ميثاق حركة التجاني سيسي
قد عادت وطالبت بالتوقيع,,,,
وبهذا هنالك تقليص في الحركات الرافضة للوحدة الاندماجية..

كلو من غرايتشن

Quote: كلو من غرايتشن

غريشششششن.... غريشششششششن...ود اللذين..؟؟
تعرف يا ابو خليل في اللحظة التي صرح ابو غريشن بان منبر الدوحة ده مجرد جلسة بتاعة علاقات عامة
بعدها بشوية كده ادريس دبي كان بسخن وبتعليمات من غريشن انو ينشط قطاع (المنبر الكروباوي).ز
فحدث جولات ماكوكية لعب فيها غازي صلاح الدين ماتش كبير..
وتم توضيب التربيزة في انجمينا ...
وغريشن ده عايس في الساحة السودانية عوااااسة شديدة...
والقرقريبة بتاعة الكواسة بتاعتو هو ادريس دبي ابو راس ده لوووووووول

غايتو يا مستشارنا ( قنيص أوكامبو ) دي بالغت فيها ... والله عجبتني شديد ..
لك وحشه

Quote: غايتو يا مستشارنا ( قنيص أوكامبو ) دي بالغت فيها ... والله عجبتني شديد .. لك وحشه

هلا يا عابدين
وتحياتي..
ياخي مادام كنت بالدوحة كنت تدينا خبر كان لاقيناك وتعرفنا عليك اكثر..


وقنيص اوكمابو دي فيها صورة بس خليني افتشها وجيبها
وتحياتي


عبدالكريم الامين احمد (الكيكي)

Quote: ادريس دبي

اكثر زول يا ابو خليل مستفيد من دربي الاطاري ده هو درسو ده..
1-شوربة امريكية عبر غرايشن واكيد بكون الدولار نزل هبطرش في الاراضي التشادية وحواف ام التيمان
2- طرد الحركات المعارضة التي داست فرملة قبل كده جووووه القصر بتاعو
3-شوربة خليجية ومشاريع
4- انتهاء الغاغا مع الانقاذ وكلو عسل باللبن (ومن لم ياتي بالقسم داخل الكعبة حتما سياتي بالدولار واليورو )....



دبي حسع بكون لابس ردا وراقد في الريالات بتاعة غريشن دي..***
مرة في معارض تشادي جابو احمد البلال في برنامجو واتكلم عن دولارات مزيفة تمت سرقتها من البحرين وتسليمها لادريس دبي..
وقال انا وادريس لابسنا اردية وقعدنا جوووه الدولارات دي نعدها لووووووووول

دبي شفت ياخي

Quote: وغريشن ده عايس في الساحة السودانية عوااااسة شديدة... والقرقريبة بتاعة الكواسة بتاعتو هو ادريس دبي ابو راس ده لوووووووول

الراجل اراد قطع الطريق علي فرنسا

وماذا عن عبد الواحد جيش واحد

هل تاني من عووودة

Quote: وماذا عن عبد الواحد جيش واحد هل تاني من عووودة

عبد الواحد لديه حتي هذه اللحظة ما يقوله في الاتفاق الاطاري...
ولكن يمكننا تحسس موقف عبد الواحد واختباره جيدا ان وقعت مجموعة تجاني سيسي اتفاق مع الحكومة
وشمل القضايا الاساسية التي يناضم فيها عبدالواحد
الامن
الحواكير
واللاجئئين والتعويضات...

القضايا دي لو حصل فيها اختراق كبير وحلول مقنعة عبدالواحد تاني ما عندو تعريفة كده يقولو عليها
ولكن لو مجموعة سيسي ذهبت في مدار اخر غير هذه الاشياء الاساسية فان عبد الواحد سيظل جيشا واحد
وبكون له اوراق مهمة واساسية...

حق تقرير المصير اصبح لايجد سوقا رائجا عند متبقي الحركات وسوقه لم يكن رائجا او مطروحا في الدوحة

Quote: الراجل اراد قطع الطريق علي فرنسا

ابو الغرش يا خليل لعب ماتش فعلا في تشاد والتي هي عمق فرنسي..
ولكن باص زي ده ما بمر لولا المباركة الفرنسية وحتي لو كان بالخفاء..

الخواجات ديل ما بخشو المياه الاقليمية بتاعة بعض الا بالتنسيق
وده البكون حصل

وماذا عن ناس عبد الله مسار

هل راحو في الشمار

Quote: وماذا عن ناس عبد الله مسار هل راحو في الشمار

ديل خلاص يا خلي مرحلتهم في الصراع انتهت وتم استغلالهم في فترة من الفترات وخلاااص الانقاذ ما عندها ليهم شوربة تاني..
ولكن..؟؟
بالتاكيد هم لم يسكتو وموقع القبائل العربية وحقوقها في هذه المعمعة ستكون هي الاجندة التي سيدخلون بها حلبات هذا الديربي
وبكرة ياما حنشوف

وماذا عن المليار دولار القطرية

لمن تذهب

Quote: وماذا عن المليار دولار القطرية لمن تذهب

دي هنا القصة زاااتها التي زغللت كل العيون واولها العيون الحكومية..
فمليار دولار قروش بت لذينة وتسيل لعاب الكثير من حرامية الشعوب ولصوص القضايا...
ولكن مافي ليهم اي تعريفة..
فقطر لها خبرات قديمة وراسخة ومنهجية في مثل هذه الصناديق ولها موسسات تعمل في هذا المجال بحرفية ومهنية عالية لذا الكجم حيكون صعب وصعب شديد من هذا المليار(الا يبركو ليها فقراء)..
ولكن البعرفو انو قطر بتعرف تضبط الاشياء دي كويس ويتم متابعتها متابعة لصيقة
(راجع تقرير منظمة الشفافية الدولية عن دولة قطر)
...
فالقروش دي صدقني حتمشي طوااااااالي للتعمير مهما تحرفن اللصوص والحرامية

ياكيكى ...

اهم من دا كلو العلاقة بين العدل والمساواة والحركات المتحدة بقيادة دكتور تجانى
هل هناك تفاهم ام ان احتمال اختلاف فى الرؤى وارد ..وخاصة انو العدل والمساواة
كانت تصرح قبل التوقيع انها ترفض التوقيع مع الحكومة بجانب اطراف اخرى ..فهى
ترى انها الممثل الوحيد لاهل دارفور ...( زى الفريك المالو شريك ) ...
هل ستتراجع العدل والمساواة عن موقفها وتقبل بدخول هذه الحركات ...والاهم من ذلك
اقتسام السلطة بين المجموعتين كيف سيتم ؟ ....وهل يقبل خليل بتجانى السيسى ذو
الامكانيات المعروقة والحضور القوى ؟ .... مع انو انا مسالة سلطة دى فى ظل الانتخابات
القادمة غير مفهومة بالنسبة لى ..الا فى حالة تاجيل الانتخابات وتحول الحركات الى احزاب
سياسية.... او استثناء دارفور من الانتخابات ومعاملتها كوضع خاص حينها بامكاننا ان نتحدث
عن سلطة ...

Quote: زى الفريك المالو شريك

هلا
ويا محمد بعد الاتفاق الاطاري ده بقي عندنا واقع جديد ممكن نهابش علي موشراته..
الاتفاق حدد اشياء العدل والمساوا في الاتي
1- قضايا تخص الحركة لوحدها كالتعويضات والاسري وقوات الحركة
2- قضايا تهم دارفور بصورة خاصة كالتعمير واعادة التوطين وغيره..
التقاطع والاتفاق ما بين خليل والحركات الاخري بما فيها تجاني سيسي سيكون في الجزئية الثانية
ودي الثغرة التي يمكن العمل فيها لو اريد للحركات الدارفورية ان تاتي كوفد تفاوضي موحد
(طبعا مع عدم اهمال المكاسب الاخري المربوطة بحركات مثل مكاسب العدل والمساواة في نمرة (1)..!!
نظريا امكانية تكوين وفد تفاوضي موحد وموقف تفاوضي وااحد صارت الان اكثر قربا ولكن هذا الموقف التفاوضي لن يكون في كل القضية بل في الاشياء الجزئية التي تخص الملفات الاساسية..
1- التعمير
2-الامن
3-اعادة اللاجئيي
- الاراضي؟؟
ده وضع سلس ويتيح لكل النقاط مثار الخلاف ان تحسم عبر موقف دارفوري واااحد...مع الاحتفاظ بالتفاهمات الثنائية
..............................
علي ارض الواقع خليل قالها بوضوح بانه ماعاوز عدة اطراف في تربيزة واااحدة ودي حتعود بالناس الي مربعات ما قبل بداية منبر الدوحة..وده موقف رغم تفتيته في السابق الا ان خليل شالته هاشمية التوقيع ورجع الي لغة تعتبرها الحركات الاخري لغة مستفزة وغير مقبولة من كل الحركات ما فيها حركة تجاني سيسي الجديدة...
نظريا يا محمد فعلا الوفد الموحد صار (جزئي) واكثر احتمالية
وعلي الارض الامور داير تفتيت وشوية نظام وتقارب وتهدية كورة وخاصة العدل والمساواة التي حققت لروحها مكاسب بالاطاري كان وجود الحركات سوف يشوش عليها ويكاجم منها كثيرا...
.......................
في غياب بالمناسبة لجزئية السلطة من الاتفاق الاطاري لانها اساسا لا سبيل لها في ظل
1- الانتخابات
2- الفترة الانتقالية لاتفاق ابوجا..
فالانقاذ ليس لديها سلطة حتي تقتسمها مع اي فصيل من الفصايل ولا حتي ثروة (الا في حدود التعويضات
والتنمية) ودي في الغالب ستاتي عبر صناديق خارجية كما هو الحال في امر تبرع قطر ووعود امريكا والامم المتحدة

...

Quote: غياب بالمناسبة لجزئية السلطة من الاتفاق الاطاري لانها اساسا لا سبيل لها في ظل 1- الانتخابات 2- الفترة الانتقالية لاتفاق ابوجا.. فالانقاذ ليس لديها سلطة حتي تقتسمها مع اي فصيل من الفصايل

والفوق دا ياكيكى ياهو الفيلم الاصلى ...و كلامى بمشى وبجى ...هل تستطيع
الحركات ان تكون تنظيمات سياسية تمكنها من السلطة ؟ ...ام تتحالف الحركات
مع تنظيمات سياسية موجودة اصلا ؟ ....ام تندمج التنظيمات السياسية فى احزاب
قائمة أصلا ؟ .... وحذارى من (شال سعينات الرجال كباها فى سقاهو) كما وصف
الشاعر الامام المهدى فى معرض مدحه له ... و بفمنا ماء ياكيكى وهل يستطيع
من بفمه ماء الحديث ؟

Quote: والفوق دا ياكيكى ياهو الفيلم الاصلى ...و كلامى بمشى وبجى ...هل تستطيع الحركات ان تكون تنظيمات سياسية تمكنها من السلطة ؟ ...ام تتحالف الحركات مع تنظيمات سياسية موجودة اصلا ؟ ....ام تندمج التنظيمات السياسية فى احزاب قائمة أصلا ؟ .... وحذارى من (شال سعينات الرجال كباها فى سقاهو) كما وصف الشاعر الامام المهدى فى معرض مدحه له ... و بفمنا ماء ياكيكى وهل يستطيع من بفمه ماء الحديث ؟

هلا يا محمد وحباب عمر عبدالله ...والانصار منورين والله...
1-في حاجات اساسية يا محمد فهذه الحركات ومنذ ان انطلقت لم يحدث تقارب بينها وبين القوي السياسية الاخري في السودان علي مستوي التفاهمات العلنية الا ما جري بين العدل والمساواة وحزب الامة علي الارض..
وبعض التقارب الذي طل في بدايات حركة التحرير مع الحركة الشعبية ثم خباء هذا الامر بمرور الوقت وانعزال الحركة عند عمقها الذي كان متوقع في دارفور..!!!
2-الحركات ان وقعت وكان الدستور السوداني الحالي هو المرجعية كما بداء في اطاري العدل والمساواة
فما ليها طريقة الا تاكل نارها وتصبح حزب سياسي وتخش المعمعة دي مع الاحزاب الاخري وتكابس رزقها في السلطة
3-في رجة وشكة فكريةحاصلة في تكوينات الحركات دي وصعب نحدد شكل تحالفاتها الجاية ان اختارت دخول هذه المعمعة لانو هنالك تيارات عديدة الان متحالفة في كل هذه الحركات والتحالف من اجل قضية محددة المعالم...ولو سار بهم القطار الي محطة اخري قد يسيطر احد التيارات علي الامور ويرسم شكل التحالف
4- الرجة دي اقل هزهزة في العدل والمساواة التي هي اكثر قربا للاسلاميين رغم كل الحروب واللاندكرزوات الا ان (الفكر بحن) وادبيات حركة خليل كانت لا تختلف مع اي تجريدة من تجريدات الدفاع الشعبي في ايام حرب الجنوب... فكريا خليل قريب من الكيزان ولكن سياسيا يمكن تخلق ظروف علي الارض تضعه قريبا من المعارضة وخاصة حزب الامة..
وهكذا

يكي يا غالي سامحني لم اكفر لك واقول لك سلامة رجلك يا اخي

صحبك الانصاري ده فور دمي.(ههههههههه)

لكن لسه باين التقيل علينا وراء

لانه صاحبنا التجاني سيسي طلع مخستك

ومدنقر لسيده الصادق المهدي!!

ونحن ما بين

سيدي الصادق
وسيدي الترابي
وسيدي قريشن
وطاتنا اصبحت!!

Quote: وياخي كنتي تجي علي الاقل توقعي ليك اتفاق اطاري مع الاتفاقيات المدورة دي لوووووووول

وحياتك لم نساند القضيه لمكاسب ولا متاصب ولا كاميرات
وانما لعدالتها....لكن الافلام الريحته طالعه من بدري دي ربنا حمانا منها و الحمد لله.

Quote: هلا يا تراجي.. ويا تراجي الاخ احمد ابكر ده انا ممكن اكون ضربت تلفونو زي ديشليون مرة كده ولكن دائما مغلق والظاهر الراجل اجتماعته كثير وسالت عنه ايضا في الفندق وخليت ليهو تلفوني عند احد زملائه وباذن الله لو قعدوا في الدوحة هنا بنلم فيهم ياتراجي فهم اخوة وضيوف اعزاء لنا...

الزعيم أحمد أبكر شاب مهذب ومثقف وقلب حار خلاص
واعلم انه كان في اجتماعات مطوله...لكن للاسف شكلهم اختلفوا
وما حيقبلوا بتهافت مجموعة التجاني سيسي ايضا.

فى المقارنة بين الحركة الشعبية وحركات دارفور ...نجد أن الحركة
الشعبية وجدت صعوبة نسبية فى التحول من حركة مسلحة الى حزب
سياسى ...لكن هناك عاملان ساهما فى ترسيخ وجود الحركة الشعبية
كحزب سياسى :

العامل الاول السلطة ...الحركة الشعبية تقاسمت السلطة مع المؤتمر الوطنى
على المستوى القومى وحكمت الجنوب منفردة وهذا لن يتوفر لحركات
دارفور وقد بينت ذلك فى حديثى اعلاه ...اقتراب موعد الانتخابات ...


العامل الثانى ودا العامل المهم هو ان الحركة الشعبية لم تجد صعوبة فى طرح
نفسها كحزب ينال قبول ورضاء غالبية اهل الجنوب ... ...حيث ان الاحزاب الجنوبية
احزاب ضعيفة وموسمية ولم تقدم مايشفع لها ...كما ان غياب الاحزاب الشمالية
من الجنوب وانقطاعها عنه ساعد الحركة الشعبية كثيرا ...بعكس حركات دارفور ...
لوجود روابط ثقافية اقوى تربطها بالشمال ...ولمشاركة اهل دارفور مشاركة فعلية
فى كثير من الاحداث السياسية من المهدية وحتى الان لم تجد الاحزاب الشمالية
صعوبة فى ان تجد لها موطىء قدم فى دارفور ...بل تجذرت وارتبطت لدى كثير
من سكان دارفور اتباط روحى ووجدانى ...وهذا عامل قوى سيقف حجر عثرة
امام الحركات ا لمسلحة فى عملية تحولها الى حزب سياسى ....

شوف ياكيكى ...


نجيك من الآخر كدا ...بالنسبة لينا اهل دارفور ديل اهلنا ...قادتنا
وشيوخنا وائمتنا... والبينا وبينهم (رحلة عمر مشوار طويييل) ..
وانا الجنبك دا جانى الشيخ عبدالمحمود ابو ومعه شيوخ هيئة شئون الانصار
من ابناء دارفور قاطعين الفيافى عشان يشاركوا فى زواجى ...مش كدا بس ..لا اتاجل
العقد من اول ايام العيد لرابع ايام العيد عشان هم اليقوموا بالعقد ...
وقد كان ..فى وجود ائمة ورجال دين من المنطقة ...فى ذمتك
دى فى خوة اكثر من كدا ؟...عشان كدا نحن بنقول الحفاظ على وجود
حزب الامة قويا وموحدا هو حفاظ على وحدة السودان ..لانو وزى
ماقاعدين نكرر نحن (مسمار ا لنص ) البربط الغرب بالسودان
النيلى ...واضعافنا اضعاف لهذا الرباط الذى امتد لاكثر من مائة عام ...

Quote: نجيك من الآخر كدا ...بالنسبة لينا اهل دارفور ديل اهلنا ...قادتنا وشيوخنا وائمتنا... والبينا وبينهم (رحلة عمر مشوار طويييل) .. وانا الجنبك دا جانى الشيخ عبدالمحمود ابو ومعه شيوخ هيئة شئون الانصار من ابناء دارفور قاطعين الفيافى عشان يشاركوا فى زواجى ...مش كدا بس ..لا اتاجل العقد من اول ايام العيد لرابع ايام العيد عشان هم اليقوموا بالعقد ... وقد كان ..فى وجود ائمة ورجال دين من المنطقة ...فى ذمتك دى فى خوة اكثر من كدا ؟...عشان كدا نحن بنقول الحفاظ على وجود حزب الامة قويا وموحدا هو حفاظ على وحدة السودان ..لانو وزى ماقاعدين نكرر نحن (مسمار ا لنص ) البربط الغرب بالسودان النيلى ...واضعافنا اضعاف لهذا الرباط الذى امتد لاكثر من مائة عام

هلا يامحمد
والنسيج السوداني في دارفور يا محمد كان وقبل هذه الكارثة متماسك وحنون والناس كلها اسرة واحدة
رغم الغلاغل هنا وهنالك..وما قامت به الانقاذ في دارفور خرب العامر ودمر كل البنيية التحتية والفوووقية زاااتو..
ولكن ما ببشر شديد فعودة الامور الي نصابها القديم صعب وداير مجاهدات (حلوة مجاهدات دي) شديدة من كل القوي السودانية التي تعتقد بانها ذات ارضية في دارفور مثل حزب الامة تحديدا الذي لا نستطيع ان نتجاوز تاريخه وارتباط الكثير من القبائل ومشايخها وعمدها به..
كنت يا محمد بكون سعيد جدا لو شفت وفد من الدوحة خنا ممول من موارد الاحزاب الذاتية للوقوف جنبا الي جنب مع ابناء دارفور والتشاور والدعم حتي ولو المعنوي لتحقيق بعض الحلول الجذرية المشكلة
لكن احزابنا دايمن مخليه الامور ماشية هبتلي وما بتعرف تتلقط قفاز المبادرة التي هي الان في ايادي الموتمر الوطني...(دي نوعية المجاهدات وان كانت بسيطة الا انها ذات دلالات يحفظها التاريخ)

Quote: يكي يا غالي سامحني لم اكفر لك واقول لك سلامة رجلك يا اخي صحبك الانصاري ده فور دمي.(ههههههههه) لكن لسه باين التقيل علينا وراء لانه صاحبنا التجاني سيسي طلع مخستك ومدنقر لسيده الصادق المهدي!! ونحن ما بين سيدي الصادق وسيدي الترابي وسيدي قريشن وطاتنا اصبحت!!

هلا تراجي وشكرا علي الحضور...
والانصاري دي ياخي ما تعالو نعمل ليكم اتفاق اطاري في البوست ده
وننهي السالفة الخلافية بينكم دي...
وياتراجي كدي بالله اعيدي قراية تجاني سيسي ده مرة تاني
فالرجل بذل جهد كبير في توحيد ابناء الحركات و لنا ان نفتح عليه النيران ان ساقهم الي امر لا يخدم قضية دارفور..(ساعتها انا زاااتي ح اجي وافتح نيران معاك)..
كانت هنا الكثير من المحاذير علي التوحد تحت رئاسة التجاني سيسي بدعوي انو الرجل لم يذهب الي الحرب
وداير يلقاها باردة واعتقد بان تعهد الجديد هو الذهاب بالقضية حتي وان قامت حرب اخري فهو علي استعداد لدخولها..
كل الحراك الدارفوري يا تراجي مربوط بطريقة او باخري بالسودان السياسي ما قبل بداية الحركات
خليل-كوز
عبد الواحد قريب من الشيوعيين
سيسي حزب امة
وكل الناس ديل ليهم ارتباطات باحزاب شمالية لانو دارفور كانت جزء حقيقي من الواقع السياسي وكل السودان القديم..
انا مثلك منتظر ما ستؤول اليه (مفاوضات تجاني سيسي) وبعدها نحاسب الرجل علي ارضية صلبة
سلبا و ايجابا..
______________
يا تراجي هنالك جزء من الحركات التي رفضت ما يدور في الدوحة طلبت الدخول الي حركة تجاني سيسي
ولا ادري هل حركةناس احمد معاهم ام لا..؟؟
ولكن الشاهد هو هنالك اختراق في موقف بعض تلك الحركات الرافضة

وتحياتي يا ام حازم وتشكري

Quote: فى المقارنة بين الحركة الشعبية وحركات دارفور ...نجد أن الحركة الشعبية وجدت صعوبة نسبية فى التحول من حركة مسلحة الى حزب سياسى ...لكن هناك عاملان ساهما فى ترسيخ وجود الحركة الشعبية كحزب سياسى :

1-مقارنتك يا محمد ما بين الحركة الشعبية والحركات منطقية وملهمة تماما...
بس اضيف ليها جزئية مهمة ساعدت الحركة الشعبية علي حسم امورها وهي (وحدة الحركة) مركزيتها بقيادة الراحل قرنق التي ظلت متماسكة وحتي الفرنبات بتاعة ناس لام اكول وكاربينو ورياك مشار لم ثوثر علي تماسك الحركة ووحدتها (اها الوحدة دي ادت الحركة مساحات واسعة) جنت ثمارها لاحقا
2- النظام في الشمال (الانقاذ) كان يده مطلوقة في كل الثروة السلطة ونيفاشا اتاحت له ان يقاسم فيها
دون ضغوط من دستور او استحاق سياسي اخر كامر الانتخابات الان...
..................
ثورة دارفور ثورة منحوسة وحلها الذي يجري يتم في اطار ضيق ولا مساحات فيه لكسب سلطة او ثروة
فنيفاشا سبقت وكبلت كل الاشياء والدستور ايضا عمل شغل بتاع تكبيل سياتي خصما بالتاكيد علي كل حالم بسلطة... مالم تتشك هذه الكوشتينة فالامر سيصبح في مدار مناورات ضيق
والاتفاقيات ستكون ترتيبات
امنية فقط
وشغل بتاع اعمار وتنمية..

المقاس طلع كويس؟

الأخ عبدالكريم سلامات

Quote: - عدل ومساواة الحكومة ... يفترض ان تبداء المفاوضات خلاص بعد الاتفاق الاطاري

ياخى الحاجة المحيرانى قولك أعلاه - يفترض أن تبدأ المفاوضات

وما معنى الاتفاق الاطارى - هل الكلمة مأخوذة من اطار الصور (كناية عن الدعاية) - أم اطار السيارات (كناية عن المكاسب)

أم هى هدية حركة خليل للبشير قبل الانتخابات بأقل من شهرين

يعنى كل هذا الزخم الاعلامى ولم يتم الاعلان عن بنود الاتفاق ولماذا التستر والانتظار وكل هذه الحيوش التفاوضية

أما أن الأمر لا يعدو أن يكون توحد أجنحة الحركة الاسلامية كما يروج البعض

وأين شعب دارفور من كل ذلك

وماذا لو لم يتم الاتفاق بعد التفاوض

الشقلانة كلها ما مفهومة كما هى العادة فى مثل هذه الاتفاقيات التى تخصصت الحكومة فى نجر مسميات لها

تخريمة ( عليك الله يا عبدالكريم لو قابلت البوردابى معتصم تسلم عليهو وتقوليهو بلغ سلامى للبشير طالما بقيتوا أصحاب - ودى من غير زعل وقوليهو وجب عليك الآن تغيير صورة البروفايل يا زعيم)

وهنيئاً لشعب دارفور بحقن الدماء

وليبدأ الآن الدافورى السلمى من أجل انتزاع الحقوق

والله الواحد بدأ يصدق كلام الأخت تراجى - انو الكيزان ديل عندهم فكى كارب

جون قونق جابو أجلو - الميرغنى تحت أباطهم - المهدى بقى سفير مفوض - خليل بين أحضانهم الآن ولحق أخونا مناوى

أسود الشرق سكنوا القصر

لابد من الاشادة بكل هذه الانجازات وحق لهم التباهى الآن بأنهم رجال لكل المراحل والأزمنة

وبقى ليهم عكليت واحد وشكلو كده لحق أمات طه

تحياتى

Quote: ياخى الحاجة المحيرانى قولك أعلاه - يفترض أن تبدأ المفاوضات وما معنى الاتفاق الاطارى - هل الكلمة مأخوذة من اطار الصور (كناية عن الدعاية) - أم اطار السيارات (كناية عن المكاسب)

هلا يا حسن..
تحياتي ياخي
وقصدت من بداية المفاوضات هي المرحلة التالية والتفاصيل والجزئيات في مرحلة ما بعد الاطاري
ودي اخطر المراحل والفيها طبعا وارد جدا انهيار المفاوضات لو حصلت اي كركبة من اي الاطراف..
والاطاري فعلا وكما قلت انت جاي من اطار الصورة وخت الخطوط العامة كما تعلم ...
ولكن العجيب حتي الخطوط العامة دي البشير شالها وقام بيها صوووووووووف صوب الفاشر واصبح الان من ادبيات التلفزيون والاذاعة وكل محطات تغبيش الوعي عند الانقاذ بان السلام خلااااااص جاء وصل خور برنغا
وجبل الطينة وكبكابية وقوز جمل....
الاخ الرائع معتصم التقيت به في كراكير الفندق وجلست معه لفترة قصيرة وحتما سالتقي به لو ما سافر
وسانقل له تحياتك وطلب ازالة صورة البروفايل فورررررررا


يا حسن الجبهجية لقو البلد خلا وخامجنها شمالا ويمين يوقعو مع ده ...ويشلتو داااك
ومافي زول بقدر يقول ليهم البغلة في الابريق الا وجابو راسسسسو فورا عبر كل السكك والعواصم
في سلام كرتوني كل المطلوب منه هي المرحلة وشوية صور وفلاشات وكم رقصة كده للبشير...

تقارب الاسلاميين ده امر اصبحت مواشرته قوية وحتي الترابي اراه اليوم مغازلا للبشير ويحاول الي يلفلف راس هذا الشعب بالحكومة الانتقالية التي اقترحها ...
وربنا بس يحفظ هذا الشعب من هولا القوم اللعبنجية

وتحياتي

القذف الجوي الذي قامت به الحكومة علي معاقل عبدالواحد في جبل مرة..
عمل طمبج الامور وعقدها زيادة وارسل رسالة سريعة بان السلام الثنائي الذي وقع مع العدل والمساواة
عبارة عن (حبر علي محبور) مثله ومثل ابوجا وغيره من الاتفاقيات التي تم الجزئية...
طبعا الواضح بان الفهم الحكومي هو الضغط علي عبدالواحد
1- علي الارض عسكريا
2- دبلوماسيا بواسطة فرنسا عبر جهود غريشن الذي يريد ان يكلفت ويقفل هذا الملف
3-سياسيا بواسطة محاولات التبشير بان الاطاري هو الذي يحل موضوع دارفور حل جذري
4- خطاب خليل الذي افاد بان حركته هي الحركة المالك الحصري لامر المفاوضات علي الاقل في الدوحة..

حركة المذكرات ما بين مجموعة سيسي والحكومة انطلقت وهنالك تبادل مذكرات عبر الوسيط المشترك
وهنالك اتفاق اطاري في الطريق ..
يا تري ماذا يحمل هذا الاتفاق الاطاري الجديد ..؟؟
اطارين في اقل من اسبوع في سماء قضية دارفور ولسع الموضوع مدور والقضية لم تحسم بعد

هنالك قضيتن راحن الان مع غسيل الاتفاقيات الاطارية..وهي قضية مهمة كانت الحركات وبما فيها حركة العدل والمساواة ترفعها شعارات دونها القتاد...
1-نزع سلاح الجنجويد
2- موضوع الجنائية واكمابو..والعدالة سوي كانت دولية او محلية

ونلاحظ في اطاري العدل والمساواة غياب تام لهذه الجزئية...
ويبدو جليا بانها سوف تذهب مع رياح الاطاريات الي غياهب الجب السياسي
وتاني ما حنسمع بيها الا في رادي دبنقا

الان عرفت انك جنجويد

Quote: الان عرفت انك جنجويد

يا اخوي انت زول موقع اطاري
وتااني رشششششش تقيل في المنبر ده..

Quote: القذف الجوي

قصف يا كيك قصف قصف,,,, حتى لا نرجع لمربع البتاع النضالى الحايم فينا هنا دا,,

قصف يا زول ...

حتى لا تفتح أبوابا للتأويل واللعب بالألفاظ,,,

((وسنى على النضال إيدى))



,,

Quote: حتى لا نرجع لمربع البتاع النضالى الحايم فينا هنا دا,,...

كدي قبل ما نتفق علي قصف دي
هو ووين البوست بتاع (غريشن) الكتب فيهو ماكتب ..؟؟
اختفي هذا البوست في ظروف اسفيرية غامضة..
..............

وخلاص يا ايمن عدلناها قصف بس انت اعمل ميت وانسي لووووول

Quote: اختفي هذا البوست في ظروف اسفيرية غامضة..

لا تسألوا عن أشياء ليست موجودة أما ناظركم,,,
لا علم لدينا ومن غير المستبعد أن يكون البوست المعنى قد تم إزدراده,,


رغم كبر الحجم,,
ورغم النشاف,,
لكن غريشن قد تعود,,
ودروبو سلكت,,

فلا خوف عليه,,

Quote: المقاس طلع كويس؟

المقاس طلع

يا يسعني لووووووووووووووول


شرطت عيون الضحكنوجية في القبل الاربع يا عمك

يا صديقنا ايمن الذي هو براس لفان...

منبر الدوحة حدثت فيهو كركبة جديدة
والعدل والمساواة ضاربة كيتة كبيرة وقالو لو تم اجراء مفاوضات مع اي حركات تانية
فانهم سوف يغادرون الدوحة فورا...

العدل والمساواة بالجد بتمارس في سلوك غريب وغير مفهوم تماما
فقضية دارفور قبل هذا الاطاري وقعت ديلشششيون فصائل (مناوي وغيره)
ماذا يمنع ان توقع الحركات الاخري ..
لييييه يا عوج الدرب ليييييييه الاقصاء ومحاولة تكميم اراء الاخريييين ..؟؟

Quote: لييييه يا عوج الدرب ليييييييه الاقصاء ومحاولة تكميم اراء الاخريييين ..؟؟

Quote: ياكيكى ... اهم من دا كلو العلاقة بين العدل والمساواة والحركات المتحدة بقيادة دكتور تجانى هل هناك تفاهم ام ان احتمال اختلاف فى الرؤى وارد ..وخاصة انو العدل والمساواة كانت تصرح قبل التوقيع انها ترفض التوقيع مع الحكومة بجانب اطراف اخرى ..فهى ترى انها الممثل الوحيد لاهل دارفور ...( زى الفريك المالو شريك ) ... هل ستتراجع العدل والمساواة عن موقفها وتقبل بدخول هذه الحركات ...والاهم من ذلك اقتسام السلطة بين المجموعتين كيف سيتم ؟ ....وهل يقبل خليل بتجانى السيسى ذو الامكانيات المعروقة والحضور القوى ؟ .... مع انو انا مسالة سلطة دى فى ظل الانتخابات القادمة غير مفهومة بالنسبة لى ..الا فى حالة تاجيل الانتخابات وتحول الحركات الى احزاب سياسية.... او استثناء دارفور من الانتخابات ومعاملتها كوضع خاص حينها بامكاننا ان نتحدث عن سلطة ...

شفت ياكيكى كلامنا مشى وجا كيف (زى مابقول بشاشا) اها دا كلامى
قبل كم يوم...(دا الفريك المابحمل شريك) ...وخليل كمان شكلو الدكتور
تجانى بقى ليهو زى (ودامبعلو)...

Quote: شفت ياكيكى كلامنا مشى وجا كيف (زى مابقول بشاشا) اها دا كلامى قبل كم يوم...(دا الفريك المابحمل شريك) ...وخليل كمان شكلو الدكتور تجانى بقى ليهو زى (ودامبعلو)...

والله يا الانصاري كلامك طلع فعلا في محلو..
وخليل وقف بعيد وعمل شخيت وقال (نوووووووو)...!!
خطورة تجاني سيسيي وعمقه في دارفور بالاضافة الي حضور الي الحراك الدارفوري موشحا بحركات ثورية ومهما كان حجمها لهو فعلا امرا مخيف لابو خليل الذي راه يريد ان يكتل الحركات ويخم كل البيض الدارفوري
..
وبكرة احلي

موقف العدل والمساواة بالانسحاب من منبر الدوحة والتفاوض عموما اذا ما وقعت الحكومة اي ورقة
مع اي حركة .. يجلس الان قنبلة موقوتة في ساحات التفاوض...

والله يكضب الشينة فاني راي شجرا يمشي

Quote: والله يكضب الشينة فاني راي شجرا يمشي

شجر يا كبير!!!
دا شجر الترابى شكلو كدا,,,,

نحن زمان شن قلنا!!!!!!!!!!!!
أها دى حا يحلوها كيف!!!!

حرج عالمى وشرط عين إسفيرى,,,,,,,,

Quote: حرج عالمى وشرط عين إسفيرى,,,,,,,,

غايتو الخطوة دي يا ايمن لم تمت القصة بكون فيها شرط عين تاريخي
المجتمع الدولي (امريكا-فرنسا- الامم المتحدة- الجامعة العربية وتشاد- وليبيا)
وكل البشرية دي حيكون عندها موقف من التصرف ده
اخونا البشير ايضا الشال الاتفاق وقام بيهو صوووف الي الفاشر وام كدادة حيبقي ليهو بمبمي ومش حيلقي
ورقة توت في الانتخابات (لانو كان قافل علي الموضوع بتاع سلام العدل والمساواة قفل تقيل)..
المعتقلين الفكوهم ديل ماعارف حيرجعو السجن تاني ولا شنو لووووووووول
الدكتوراة بتاعة عشر ماعارف ميادة حتقول فيها شنوووو وبرضو هنا لوووووول.ز
غايتو فلنكن ناطرين..

عوج الدرب بعدما اتفاصح فينا وحجزنا ليهو مقعد مع الفريق الامني في اطار الاطاري
ماعارفو حيودي وشو مننا وووووووووووووين

المهم
الله يهون القواسي

الخبر الجابتو تراجي ده لسسع ما موكد
وذكرني نكتة الزول الخشا كورة لاول مرة...والحكم ادي ليهو لاعب كرت احمر..
والجماعة في المدرجات قعدوا يقول الحكم ادي اللاعب كرت احمر..
اها زولنا ده غالطهم وحلف بدينو انو الحكم ما ادي اللاعب كرت احمر ..
يا زول استهدي بالله الحكم ده ادي اللاعب كرت احمر..
الراجل بقول ليهم لا لللللع والله ما اداهو
بس طلع وراهو ليهو ودخلو في جيبو..

.......
اها خليل طلع الانسحاب من الدوحة ده ليلة امس وقبله ودخلو تاني في جيبو
ولكن الاكيد هو لم يعلن الانسحاب بعد

أها والصور كيف!!!

رمزية عالية خالية من أي تشفير

Quote: أها والصور كيف!!!

بعد الكركبة دي
بالله هوووووووي (كما كنت)...
ولا اقول ليك يا زول احرق الفيلم زاااااااتو المرة دي يا اخوي فيها هواء تقيل لووووووووول..
.............

كيكى سلامات ... انشاء الله تسلم دائما

وربنا يحفظك من الضياع










مشتاقين ياخ

Quote: مشتاقين ياخ

بالاكثر والله يا كوتشب
وغيابك طال ياخي وشغلت البال ..
المواسير المريخية ناس اميرة الشيخ ومن لف لفها بق يا دوبك كده يشمو الهواء وانت غايب
فبالله ما تطول الغيبات حتي يظل ابو الهل احلي

يا كيك,,,

Quote: بس طلع وراهو ليهو ودخلو في جيبو..

ياخ الحكم بالغ والله,,,,

لكن نتمنى إنو كلام تراجى يكون زى كرت الحكم و يظل ديدن هؤلاء هو خيانة العهود والمواثيق
والمصالح الذاتية هى المحرك الرئيسى لأجنداتهم ,,

يجب أن نكون قد تعودنا على ألاعيب الكيزان ,,

بهلوانات فى السياسة ونشالين لثروات وثورات الشعوب,,,

إن غدا لناظره قريب,,

Quote: لكن نتمنى إنو كلام تراجى يكون زى كرت الحكم و يظل ديدن هؤلاء هو خيانة العهود والمواثيق والمصالح الذاتية هى المحرك الرئيسى لأجنداتهم ,, يجب أن نكون قد تعودنا على ألاعيب الكيزان ,, بهلوانات فى السياسة ونشالين لثروات وثورات الشعوب,,, إن غدا لناظره قريب,,

تعرف ابو خليل ده لو سحب كرت الاطاري ده بعد ما وراهو للكيزان ديل
القصة دي حتجهجه باكاتهم جهجهة شديدة..
يازول الكيزان مرحليا طبعا ميتين مووووووت في السلام وملف دارفور ده.. ومستعدين
يفكو ليك سد مروي ده صامولة صامولة لو خليل بالغلط سسسسساكت قال ليهو فكو صامولة صامولة والا ليس هنالك مفاوضات..لوووووول

ولاتزال مفاوضات الدوحة تترنح علي نار هادئة..
والاسبوع القادم سيحمل الكثير المثير الخطر لهذا الشعب الذي اصبحت دنيته تلد بدون كرش

قيل بان الاسبوع الحالي ويوم الثلاثاء بالتحديد بان هنالك اتفقان سيتم التوقيع عليهما
مع مجموعة خليل
ومع مجموعة تجاني سيسي