Post: #1
Title: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-01-2010, 10:09 PM
Parent: #0
اللولوة والحليفات والكنكشة في الانتخابات والاصرار علي قيامها والتلصق علي اسدالها بلصقة امريكاني
غريشني الا ان الشرعية التي تبحث عنها الانقاذ شرعية اصبحت اندر من لبن الطير والشرعية القبيل قبل عشرين سنة ونيف انقلبت عليها الانقاذ نراها اليوم جارية بيدها وكراعها ومفوضيتها لنيلها ...
ولكن no way out
|
Post: #2
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-01-2010, 10:15 PM
Parent: #1
اول الدوافع الانقاذية الرعديدية في رحلة بحثها عن الشرعية عبر الصندوق المفخخ ذلك الصندوق الجالس علي ارصفة الوطن (ام فكو) .. صندوق عريان من وووين كده ماعارف وعاوز ليهو سديري..
هو موضوع اوكمابو وما ادراك ما اكمابو..
شاويش دولي جالس علي ارصفة المطارات والشواطي الدولية شايل ليهو امر قبض للبشير في قضايا كبري وامرها جلل
1-جرائم حرب
2-ابادة
3-تجويع وتشريد
4-اغتصاب
|
Post: #3
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-01-2010, 10:19 PM
Parent: #2
وووه شرعية ده بيجيو بالهين,,...!!
اوكما صاح ذلك العتالي الشهير في كراكير وجخانين الوطن..
_____________
ثاني الدوافع في الباس البشير والانقاذ الشرعية هو محاولة لملمة الجرائم الكبري في حق هذا الوطن
وهي قضايا الفساد التي سري في جسد الدولة عشرين سنة ونيف,,.!!!
تضربو يا بني كوز كل اسماك وحليب وكاسترد هذا البلد عشرين سنة..,وعاوزين ليك شرعية دستورية نابعة من الصندوق...ده كلام ده رابطي قيم السماء بالارض..؟؟؟
|
Post: #4
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-01-2010, 10:25 PM
Parent: #3
من الدوافع التي تجعل الموتمر الوطني ميالا الي (الكلفتة) في اسداء شرعية هي رغبته التامة في جعل نهب الثروات والموارد السودانية وجبالها التي يمارس المص منها (امرا حلال وبلال بامر الشعب)..!!
تدوير الدولة بمكنة الانقاذ الاصلية
ولكن يظل البودي والبوهية بوهية شرعية دستورية اتية من الصناديق التي تم تدبير امرها في ليل دامس في (صك العملة)..
|
Post: #5
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: سعد مدني
Date: 04-01-2010, 10:31 PM
Parent: #2
و بعد دا ورق المفوضية كله يبلوهو و يسوطوهو و يشربوا مويته، قال شرعية قال، دي يلقاها عند الغافل
البشير مفروض يحترم نفسه، و يقول يا ناس تعالوا استلموا مني الحكومة دي، و يمشي براهو لاكامبو
عشان يكفر عن بعض سيئاته الكثيرة العملها في هذا الوطن.
انكشفت اللعبة و المسرحية البايخة الدايرين يحضورها الناس بالقوة، الناس زهجت من الاعيب اصحاب
الدقون الزيف، و بعد دا دايرين وطن حر ديمقراطي، يحسوا فيه انهم بني ادميين، و انهم محترمين ذي
بقية خلق الله في الدنيا أم قدود.
تحياتي كيكي
|
Post: #6
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-01-2010, 10:36 PM
Parent: #5
| Quote: بعد دا ورق المفوضية كله يبلوهو و يسوطوهو و يشربوا مويته، |
هلا يا سعد وتحياتي
ونعم فعلي المواطن عمر البشير ان يبل انتخاباته دي ويشرب مويتها ويرش الباقي منها في راسه
ويذهب جاكا الي لاهاي مسلما نفسه الي اوكمابو وهو جاهز ومبلول الراس لحلاقته كمتهم في ابشع الجرائم..
دي هنبتة وقلع واستهبال تاريخي يا سعد وحركات قطاع طرق
وزندقة سياسية في حق هذا الشعب
ولكن دوما ليل الظالمين قصير
|
Post: #7
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: كمبورة
Date: 04-01-2010, 10:45 PM
اخونا كيكي التحايا كلها
الشرعية يلقاها وين
ياخي ديل التزوير بدأ عندهم من التعداد
مثال اول عن التزوير السجل الانتخابي لمناطق جبال النوبة عدديا اكثر من التعداد
والدوائر الانتخابية المفصلة لناس المؤتمر الوطني
مثلا بورسودان كلها دائرتين انتخابيتين وهيا التي لاتمثل حيا من احياء بورسودان ثلاثة دوائر
وخلاوي همشكوريب ثلاثة دوائر انتخابية وكسلا كلها دائرتين - المرغنية بس اكبر من همشكوريب -
دا وضع اديوهو بيهو شرعية
|
Post: #8
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-01-2010, 11:00 PM
Parent: #7
| Quote: دا وضع اديوهو بيهو شرعية |
هلا يا كمبورة وتحياتي..
وشرعية دي يشموها قدحة يا محمد عثمان..
ومهما تفننو في خداع الشعب الا ان لن يستطيعو تزوير وتغبيش الارادة الشعبية..
والانقاذ ورغم محاولتها اجراء مكياج وعمليات جراحية الا ان وجهها الكالح هذا لا تنفع معه اي مساحيق او عمليات كاذبة مزورة رعديدة..
وكل شي في محلو يا صديق وستتواصل المثابرة حتي يقضي الله امر كان مقضيا
|
Post: #9
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: Mohamed Doudi
Date: 04-02-2010, 08:02 AM
Parent: #8
ياكيكى لولا الامريكان لم بقى الاكيزان فى السلطه للان...فى قمه زنقه المؤتمر الوطنى وانقسامهم الشهير اذ باحداث سبتمر الارهابيه وانبضاحه المؤتمر الوطنى والتعامل التام مع المخابرات الامريكيه بل التجسس لصالحها فى مناطق شرق افريقيا مما ساهم فى امداد بعض دربات الحياه لجثتهم الشبه ميته و كانت نيفاشا وتحركات دانفورث بمثابته خروج المؤتمر الوطنى من العنايه المركزه لانعاش امريكا ...يعنى امريكا اعطت الانقاذ عشره سنوات لا تستحقها وده كلو على حساب المواطن الغلبان لان المفاوض الامريكى لا يفهم شيئا عن الوضع السودان اكثر من هو نزاع بين الشمال والجنوب فاستفاد المؤتمر الوطنى والحركه الشعبيه وصاع ما يقارب الاربعين مليون
دودى
|
Post: #10
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: khaleel
Date: 04-02-2010, 08:30 AM
Parent: #9
يا كاهن يا اسفيري
00447016
دا الرقم المميز بتاع خالك
كان اجمل صوت مني لحاتم السر ولكن سوف اصوت لعبد العزيز خالد اذا شارك
انا شخصيا لن اقاطع بعد المشوار الطويل وكان معاي ناس خالد وسالومي وام خالد
مشينا السفارة في اخر يوم للتسجيل
ما بقاطع يا زول
|
Post: #11
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: saif massad ali
Date: 04-02-2010, 11:51 AM
Parent: #10
سلام
ابو الكك
ياخليل اعمل حسابك انا بجيب صورك وانت مع الحركات بتعمل في مؤامرة ضد المؤتمر الوطني
انت احكي ساكت انا بحكي بالصور
==================================================
ماشفت صاحبي كيكي يوم ماشين الرحلة قرب يقول ووووووووووووووووووووووووواك
|
Post: #14
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-02-2010, 12:27 PM
Parent: #11
| Quote: ماشفت صاحبي كيكي يوم ماشين الرحلة قرب يقول ووووووووووووووووووووووووواك |
هلا يا عوج
ومشتاقين يعلم الله ياخي..
وصحبي ابو خليل ده سمبرية بالله رشوووووو بالصور التي قاعد يتامر فيها ضد الموتمر الوطني الاليلة جاي
يساهم في انتخابته الكرتونية دي لووووول
وشنو ياخي مافي فيها اطاري تاني ولاشنو.؟؟
|
Post: #13
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-02-2010, 12:24 PM
Parent: #10
هلا يا ابو خليل
تقاطع او لاتقاطع يا ابو الخا
كلو عند خالك كيكي (صابون) وانتخابات فالصو فنكوشية...
ولو شالها كلب حرررررررم ما نقول ليهو جر لووووووول....
يا زول انا صوتي من امس جبت نار مقدسة وحرقتو علي خلفية طقوس كجورية موغلة في الافرقة
عسي ولعل ان يذهب دخان هذا الصوت الي الفيافي والبوادي السودانية ويلهمها الثورة والانتفاض
(رايك شنو في الانتفاض) دي
|
Post: #12
Title: Re: رغم اللصقة الامريكاني الا ان شرعية الانقاذ صار امرها كامر شمومة الكشنة...!!
Author: عبدالكريم الامين احمد
Date: 04-02-2010, 12:21 PM
Parent: #9
Quote: لان المفاوض الامريكى لا يفهم شيئا عن الوضع السودان اكثر من هو نزاع بين الشمال والجنوب فاستفاد المؤتمر الوطنى والحركه الشعبيه وصاع ما يقارب الاربعين مليون
|
هلا يا دودي وتحياتي ..
ونعم المفاوض الامريكي البراغماتي لايعرف شيئا عن السودان وجل همه هو وقف الصداع الاتي من نواحي السودان خصما علي قضايا السودان الحقيقية التي لم تكن قضية الجنوب هي القضية الاساسية والوحيدة فيه..
فالحرية والحقوق والانسانية وقضايا كثيرة هي اكثر صوتا واعلي من قضية الجنوب التي لو جلس السودانين الشرفاء في ضل شجرة يمكنهم حلهم بكل هدؤ وتعايش ضاربة جذورة في السودان..
ولكن يا دودي لن تتوقف ارادة السودان الحر عند برغماتية امريكا وحتما سينجلي ليل الانقاذ الكالح
وتحياتي
|
|