Post: #1
Title: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 04:09 PM
Parent: #0
بكرة بدري ومن العصر يا ابو كمال انا مبلغ ضاحية مدينة خليفة الجنوبية جوار مدرسة الراية للسواقة
بدددددري خلاص من العصر ووقبلها غاشي اسعاف مستشفي حمد عشان يجهزو عربية اسعاف علي اهبة الاستعداد لللحضور لتلقيط الاخوة المريخاب الذي حتما سيتنادون للمشاهدة الجماعية لكورة هلال مريخ في منزل الصهيوني الكبير ابوكمال..
|
Post: #2
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 04:13 PM
Parent: #1
سامع تحت تحت انو التيم الجاي من ابو الهل بقيادة ابو خليل ومحمد عبدالرحمن
هلالاب ماشاء الله ماكنين ويمكنهم المساعدة في شيل الاخوة المريخاب كرنقلي حتي نساهم في تضميد الجراح من اثر الصقعة الاولي في البطولة الافريقية..
هارون سوكرتا بالله بدري..وجيب معاك نظارتين
وضحية ابراهيم بعد الكرش الشديد وجديد حتتبعنا في الشيل والتلقيط
|
Post: #3
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: طارق جبريل
Date: 07-17-2009, 04:15 PM
Parent: #2
اتصلح معانا ياخ
عضلات تبش
|
Post: #4
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-17-2009, 04:19 PM
Parent: #3
كيكي المالح
بالرغم انك عارف خالك خليل عندو طقوس خاصة لهلال مريخ
واني بحب احضرها براي وبتكون (متمولص) وبكثر الذهاب للحمام
لكن لا باس من الذهاب لمائدة اللئام والاستمتاع بالدهشة
|
Post: #40
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: كمال سالم
Date: 07-18-2009, 00:43 AM
Parent: #4
Quote: بالرغم انك عارف خالك خليل عندو طقوس خاصة لهلال مريخ
واني بحب احضرها براي وبتكون (متمولص) وبكثر الذهاب للحمام
لكن لا باس من الذهاب لمائدة اللئام والاستمتاع بالدهشة |
ماعندك مشكله ياخليل عندنا ثلاث حمامات
لكن ما أظنك بكره حتكون محتاج لحمام حتكون
محتاج ل ( قصريه ) وجهزتها ليك مع الصمرقع .
|
Post: #5
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 04:19 PM
Parent: #3
Quote: اتصلح معانا ياخ
عضلات تبش |
اوووه اركلوجيا
يعلم الله مشتاقين ياخي...
والعضلات التبش دي ياريت تجينا بيها بكرة ياخي
عشان تساعدنا في شيل الاخوة المريخاب ناس هارون ومن لف لفه بعد المباراة
فبكرة ابو الهل غير (علي قولة القطريين)..
...............................
لو لقينا تيتاوي بكرة معانا في الماتش ده
بنضاير المريخاب ديل تببببببببب
غلب وشيل بعد المباراة هههه
|
Post: #7
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: طارق جبريل
Date: 07-17-2009, 04:22 PM
Parent: #5
Quote: لو لقينا تيتاوي بكرة معانا في الماتش ده
بنضاير المريخاب ديل تببببببببب
غلب وشيل بعد المباراة هههه |
حلم الجعان سفة تمباك
|
Post: #10
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 04:31 PM
Parent: #7
| Quote: حلم الجعان سفة تمباك |
يا دكترة
المغرب لو فيها دواعيس بنصحك انك بكرة تشوف ليك واااحد وتلبد فيهو هههه
|
Post: #8
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 04:22 PM
Parent: #5
Quote: بالرغم انك عارف خالك خليل عندو طقوس خاصة لهلال مريخ
واني بحب احضرها براي وبتكون (متمولص) وبكثر الذهاب للحمام
لكن لا باس من الذهاب لمائدة اللئام والاستمتاع بالدهشة |
هلا يا خلي البلي
وانا زااتي ح افقد طقوسي التاريخية من (الردا) الشين بتاع البركس داك لو تتذكروا
والسفة المترين ونص والفنيلة الزي بتاعة ناس السلة ديك...
ومادام الدعوة جات من اللئام
فضروري نمشي ليهم وسط ارضهم وجمهورهم كما ذاهب الهلال ايضا...
هلالنا يضرب جوووووووه ونحن يا خلي نضرب اللقيمات بتاع المريخاب ديل برررررره
|
Post: #6
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: أيزابيلا
Date: 07-17-2009, 04:21 PM
Parent: #3
انا كنت متاكدة فيك مشكلة يا كيكي
اهو طلعت هلالابي
ــــــــــــ
داعوس؟؟
بتاع كمبو الري بقول داعوس؟
|
Post: #9
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 04:28 PM
Parent: #6
Quote: انا كنت متاكدة فيك مشكلة يا كيكي
اهو طلعت هلالابي
ــــــــــــ
داعوس؟؟
بتاع كمبو الري بقول داعوس؟ |
ههههههه
حبابك يا ايزا
ياخي شفت ليك هلالابي عندو مشكلة عليك الله (غير صلاح ادريس)....
خربنا يا ازبيلا مع هيك منافي وبقينا نشوف الكنابي دواعيس دواعيس....
...
انتي مادام في ارض الوطن فبالله من حسع بالله امشي شوف ليك كمبو مطرف
وخليك مع اخوانك بتاعين الدواعيس الدوحاب ديل في سرج واحد لوووووووول
يا صهيونية
|
Post: #12
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: أيزابيلا
Date: 07-17-2009, 04:40 PM
Parent: #9
| Quote: انتي مادام في ارض الوطن فبالله من حسع بالله امشي شوف ليك كمبو مطرف |
ياريت
الا اخش فى (كمبوك) الاسفيري دة
ـــــــ
وينا نسختى من الكتاب؟؟
بعد هلاليتك دى سبب واحد يخلينى اشتريهو مافى
اللهم الاالغلاف الراسمو عماد عبدالله
|
Post: #16
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 05:58 PM
Parent: #12
Quote: وينا نسختى من الكتاب؟؟
بعد هلاليتك دى سبب واحد يخلينى اشتريهو مافى
اللهم الاالغلاف الراسمو عماد عبدالله |
ده كلام يا دكترة ياخي..
اها النحدسك الكمبواب كلهم مساخيت ومريخاب..
وعشان كده انا زاااتي قنعت من خيرا في اصدار الكتاب مع عماد عبدالله القاعد يتزاوق مني جاي جاي
وكمان علي العليها قالو بقي مدير كبير وعريض...
وتاني رسومات لي مافي الافي قصير...
:::::::::
كتابك بجيك صرة في خيط ولو بكرة غلبنا ليك علي اجيب ليك
كميات تجارية لتوزيعها في الكلاكلة اللفة للمهشمين اصحابي
|
Post: #14
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عماد الشبلي
Date: 07-17-2009, 05:21 PM
Parent: #9
| Quote: ياخي شفت ليك هلالابي عندو مشكلة عليك الله |
بكرة حا تكون عندهم مشكلة كبيرة ,,
حا تحلوها ,, كيف ؟؟؟
لك ودي,, كيكي
|
Post: #17
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:03 PM
Parent: #14
Quote: بكرة حا تكون عندهم مشكلة كبيرة ,,
حا تحلوها ,, كيف ؟؟؟ |
هلا يا كاميرا وحبابك يا زاوية يا ثاقبة
بكرة مشكلتنا حتحلها لينا انت...كونك الموثق المعتمد
فضروري تجي توثق لينا (الرش الرش) ..
وبالله ضروري ترش لينا الضوئيات دي كي تعبر عن دبرسة هارون
ومدة بوز كمال سالم...
ورش لي ابو خليل وهو يعبر عن الفرحة بالفوز الهلالي وهو بضرب اللقيمات بتاع
الصهيانة...
|
Post: #11
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: GamarBoBa
Date: 07-17-2009, 04:35 PM
Parent: #6
بهناك قلت لدينق انشاء الله الهلال يرشكم
بهنا بقول ليك يا كيكي انشاء الله المريخ يرشكم ما تمرقوا جحوركم
يا جماعة كورة السودان بطريقة تشجيعكم 100 سنة ما تتقدم
انتقدوا المؤسسات شوفوا برة الناس بتدق كفر كيف؟
بكون مستاء جدا لما القي هلالابي ماسك ليه مريخابي في رقبته وبالعكس
ياخي بخجل هي دي كورة دي؟؟
البلد دي مافيها غير الفريقين ديل والمؤتمر الوطني
وين المورده وين النيل وين الزهرة
وين حزب الامة وين الاتحادي
يخي حتي الاقاليم هلال كادقلي مريخ الحصاحيصا
استغرب زول قاعد في بورتسودان يشجع فريق عاصمي...حي العرب بورتسودان ماله مثلا...الامل عطبرة مثلا مثلا؟؟
ليه قدرنا كدة نحن...دي نصيبة شنو
الله يدينا وطن ياخي غير ده
___
انا كبيت النقه هنا لانو ناس الرياضة المتعصبين لو خشيت ليهم ممكن يشتموني ذاتو
|
Post: #13
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-17-2009, 05:05 PM
Parent: #11
يقول الخبير عثمان النعيم
ان المريخاب مجقلبين وفكرو في قضايا انصرافية
مثل اعارة ايمولادي وتسجيل سادومبا
لذا ممكن نضرب اللون
كيكي ايزابيلا عائزة الكتاب
|
Post: #15
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: بهاء بكري
Date: 07-17-2009, 05:51 PM
Parent: #13
ياهندسة سلام
في كورة التكاسة مع المريح والتي انتهت ذي ماانت عارف ...... كان حضور المباراة 30 في منزل سالم اخوان لم يكن بينهم من المريخاب الا كمال وهارون .... وكمان كمال بعد القون قفل المطبخ عليهو قال بعمل في حلة ...... غايتو الصفوة اتفرجو واستمتعو وضربو الحلة
|
Post: #18
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: طارق الكوتش
Date: 07-17-2009, 06:08 PM
Parent: #15
كيكى مشتاقين يا رجل
وانشاء اللقيمات لقيمات الهنا
وياخليل كتر من المحلبيه
بتعمل شغل كويس ...
تخريمه
ياتوا كتاب صاحبك ما متابع
|
Post: #23
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:41 PM
Parent: #18
Quote: كيكى مشتاقين يا رجل
وانشاء اللقيمات لقيمات الهنا
وياخليل كتر من المحلبيه
بتعمل شغل كويس ...
تخريمه
ياتوا كتاب صاحبك ما متابع |
هلا يا كوتشب ومشتاقين يا هندسة ياخي..
وايوووه بكرة ضاربين لقيمات المريخاب وضاربهن كورة في وسط ارضهم وجمهورهم ومطبخهم زااتو..
خلي خوفني يا خي بقسطنين بتاعو ده وقال الكورة مريخية..ولكن ما تشتغل بيهو كثير اصلو قسطا ده بقي يجلي الكورة وهي ثابتة في الايام الاخيرة دي...
الكتاب يا طارق هو
كمبو الري
ونسختك جتجيك ممهمورة بالتوقيع الرسمي والشعبي لووول
|
Post: #21
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:33 PM
Parent: #15
| Quote: غايتو الصفوة اتفرجو واستمتعو وضربو الحلة |
هلا يا باريس
وناسك ديل السنة دي اتعوقو عويقة شديدة خلاص..
شي تكاسة
وشي حلل بتنضرب
وشي لقيمات..
وكلو ماشي للجيوب الهلالية..
وكمال وهارون الله يعينهم ساكت علي فريق المواسير ده
|
Post: #20
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:28 PM
Parent: #13
Quote: يقول الخبير عثمان النعيم
ان المريخاب مجقلبين وفكرو في قضايا انصرافية |
والقول ما قاله ابو عفان,,,
ضليع ياخي ومنظراتي ليهو ضل...
المريخاب فعلا معروفين من زمان ناس بتاعين جقلبة
واقوانهم بتجي سمبلة سساكت
الكتاب بجي بجي يوم السبت يا خلو
|
Post: #19
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:17 PM
Parent: #11
Quote: بهنا بقول ليك يا كيكي انشاء الله المريخ يرشكم ما تمرقوا جحوركم
|
هلا يا قمر بوبا
وشوق السحابة الراحلة والله..
ومالك علينا ياخي مدخل سيد البلد واهله من حجورهم ياخي..
جافي قلبك علينا ليييييه يا قمر بوبا...
بكرة الهلال مية مية وكور الهلال البغلب فيها المريخ عندنا ليها كم قرن استشعار كده...
وبخصوص نقة الهلال والمريخ والرياضة بصورة عاملة في الديار السودانية
فاخوك يا قمر متفق معاك فيها وقبل كده (درت حوار) علي قولة الليبين هنا عن نفس موضوعك ده..
تفكيك امبراطورية الهلال والمريخ السودانية…..!!!
Quote: 1- فسلفة الدولة تجاه الرياضة و كرة القدم بالخصوص…ولمحة للحقب الحكومية المتعاقبة….
وزارة الشباب والرياضة او ما سميت به في كل الحقب السودانية ذات الحكومات المختلفة وهي التي كانت مؤمل ان تعني بتطوير الرياضة السودانية في كل مضاميرها بخطط ورؤي عميقة ومستوحاة من مواردانا المحلية وتطويرها
وانتهاج النهج العلمي المدروس وتوفير الخبرة من الخارج وتطوير الملاعب والاهتمام بالناشيين والكوادر المساعدة الاخري وكل مقومات العمل الرياضي اجمالا…ولكن وبكل حسرة ذهبت هذه الاجسام الحكومية ذات الاسم الرنان
خلف (كرش الميري) واذهبت معها واحدة من اهم مقومات التطوير وهي (فلسفة السلطة) وال
brian
البرين الذي عليه ان ينظر الي كل هذه الاشياء اعلاه بنظرة واحدة تكاملها وتهرمنها وتخرج منها تطويرا ونجاح
ملامح هذه الوزرات
1-توافيقية اللون وتذهب في امر كل تكليف وزاري الي قائمة وزارت (الترضيات) السياسية ولاتجد الوزير الذي يستطيع ان يضرب عميقا في (فيل الازمة) بل كل ما في الامر حقيبة وزارية تضاف الي قائمة الحقائب
2-عدم اعطاء خبز الامر الي خبازيه من الموهلين تاهيلا عميقا في التخطيط الاستراتيجي عموما والتخطيط الرياضي للدول
3-انتفاء المنهجية والعلمية في ادارة الامر الرياضي بالخطط طويلة الامد وقصيره
4-قد تكون الميزانية واحدة من المعضلات ولكن حتي هي وان وجدت ففي ظل هذا التخبط فهي حتما ذاهب الي ما لا يفيد كثيرا
5-كل التناقاضات اعلاه خلقت ازمات وتجاذبات بين (الاسرة الرياضية في السودان) والجهاز السياسي فيه وظهر ذلك في ازمات وجدت طريقها في ساحات العمل العام السوداني وظل التماذج ما بين السلطة السياسية والسلطة الرياضية في كرة القدم معدوما وفاقد للهرمنة لعدم وجود ارضية منهجية تتيح العمل الجماعي وتوزيع الادوار ما بينهما ..وبالتالي انعكس كل هذا الامر والتخبط سلبا علي هذا المنشط الذي ظل بفقد يوما بعد يوم بعضا من مقوماته... |
وده نقاش مهم واساسي يا قمر بوبا وياريت نلقي ليهو فرصة ونشوت فيهو لانو فعلا الرياضة في السودان في ازمة مزمنة
|
Post: #24
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: طارق الكوتش
Date: 07-17-2009, 06:45 PM
Parent: #22
كيكى
Quote: وده نقاش مهم واساسي يا قمر بوبا وياريت نلقي ليهو فرصة
ونشوت فيهو لانو فعلا الرياضة في السودان في ازمة مزمنة |
منتظرين على احر من الجمر
وبرضو كان عندك لى وعد بذات الخصوص
|
Post: #26
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:54 PM
Parent: #24
Quote: منتظرين على احر من الجمر
وبرضو كان عندك لى وعد بذات الخصوص |
حاضرين يا كوتشب
وخلينا باذن الله نضرب الوصيفاب ديل
ونجيكم للموضوع ده بمزاج عاااالي ونجي نتونس فيهو برواقة...
وجاهز الموضوع يا طارق حسب الوعد بس خالك اليومين الفاتن ديل اسفيرو كان قاسي وصعيب
ولكن فرجت
|
Post: #25
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 06:51 PM
Parent: #22
Quote: هدية لي ولدنا كيكي
|
هلا يا ابو الخا
ووضبتني وضيبة بنت لذينة بابو الزيود ده..
حولاااااا
حرم لو جدعت لي سفة من ميرغني القفلو محلو ده ما اتكيف منك كما اتكيفت انا الان
في حضرة العندليب الاسمر...
ده زيزو
ده زيزو ياجماعة
|
Post: #27
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Adam D.El-Asha
Date: 07-17-2009, 07:09 PM
Parent: #25
هلا وغلا
خلي وكيكي الأصحاب الميامين
غايتو بعد الفصاحة دي لو المتعهد ( طمبل ) فعلها الجماعة ديل الإ يشفو ليهم بورد غير بتاع بكري ده..
وزي ما قال أخوكم خلي الكورة دي خايف منها.... عندي نفس الإحساس بأنو المريخ غالب...
آدم العشا
|
Post: #28
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 07:16 PM
Parent: #27
| Quote: غايتو بعد الفصاحة دي لو المتعهد ( طمبل ) فعلها الجماعة ديل الإ يشفو ليهم بورد غير بتاع بكري ده.. |
هلا وغلا يا ادم..
وبكرة بصراحة انا خايف علي الاخوة المريخاب في غرب الاطلنطي كلهم
فعشان كده اتخيل لي واحد صفر كفاية عليكم
|
Post: #29
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-17-2009, 07:21 PM
Parent: #28
ادم
قسطنطين قال المريخ غالب
عشان الكورة يوم السبت
والمريخ دائما يهزمنا يوم السبت
لكن ممكن امبيلي عندو راي
|
Post: #30
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: حبيب نورة
Date: 07-17-2009, 07:28 PM
Parent: #29
|
Post: #32
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 07:32 PM
Parent: #30
هلا يا حبيب نورة..
ومعا من اجل داعوس لاخوانكم المريخاب في الدوحة...
واعذرني يا حبيب نورة فالهلال غالب بكرة ياخي
|
Post: #33
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: GamarBoBa
Date: 07-17-2009, 07:59 PM
Parent: #31
كيكي
مشيت الوصلة الفوق ولقيتها للاسف مؤرشفة
ياخي فات علي البوست ده
لكن مبروك فكفكته فكفيك
كل الكنت العايز اقوله قلته انت بهناك
بعد ده نتمني ليك هلاللك يشرفك حتي يهل هلالنا نحن
تحياتي ياحبيب
|
Post: #34
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 08:08 PM
Parent: #31
Quote: قلوبنا مع السيد ابو كمال ومن لف لفه
كيكى ما تعصر على الناس ديل شديد ..
براهم ضارباهم كركريبه من امس :)
|
هلا يا مزمل
والجماعة الصهاينة ديل التكاسة ما خلو لينا فيهم جانص زااتو..
ولكن بعد ده لازم نغلغلهم زيادة وخاصة فيهم ناس مرجفين وفصيحين وجقلابين زي مزمل ابو القاسم
وبجيك بهناك نديهو الفيها النصيب الزول الارهابي الحاقد ده
وتحياتي يا خي
|
Post: #35
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-17-2009, 08:18 PM
Parent: #34
Quote: كيكي
مشيت الوصلة الفوق ولقيتها للاسف مؤرشفة
ياخي فات علي البوست ده
لكن مبروك فكفكته فكفيك
كل الكنت العايز اقوله قلته انت بهناك
بعد ده نتمني ليك هلاللك يشرفك حتي يهل هلالنا نحن
|
هلا يا بوبا ومرحب
والنقة الرياضية دي فيها كلام كثير يا قمر والكورة السودانية عموما ازمتها بالتاكيد معقدة ودايرة
شغل كثير وتضحيات ودراسات جادة وامبراطورية هلال ومريخ ورغم وجودها العميق في وجداننا الرياضي منذ سنين الا انها لها سلبياتها الكبيرة وضروري ياتي اليوم الذي ينتبه فيه المسسوولون عن ذلك حتي تحلق كورتنا فوووق
|
Post: #36
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: كمبورة
Date: 07-17-2009, 09:40 PM
Parent: #35
كيكي سلامات وعوافي
انا ما شايف كمال سالم ولا ضحيه في البوست دا
الجماعة اتضايروا من هسع والله شنو
نتمنى هزيمتهم في عقر دارهم
|
Post: #37
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: كمال سالم
Date: 07-17-2009, 10:02 PM
Parent: #36
Quote: انا ما شايف كمال سالم ولا ضحيه في البوست دا
الجماعة اتضايروا من هسع والله شنو |
إتضايرنا نعم ,, عارف ليه ؟
لآنى مع الحله والفول بجهز فى
الصمرقع !
كيكى والسنى أول ناس حيضوقوه .
باقى الصهاينه إلا بالحجز .
|
Post: #45
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:23 AM
Parent: #37
Quote: لآنى مع الحله والفول بجهز فى
الصمرقع ! |
مادام فيها صمرقع فضروري كهلالاب نعمل اجراات تامينية ونلبد دكين وما نخلي يجي يحضر المبارااة دي لوووول..
هوووي يا ابو كمال حنجي نحضر الكورة وحنضربكم وحنضرب حللكم ولقيماتكم
ولكن بالله اي حاجة ولا الصمرقع ده لوووووول
|
Post: #38
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: بهاء بكري
Date: 07-17-2009, 10:06 PM
Parent: #36
حذرت تكرارا ومرارا من ضعف التأمين
عند عضو قيادة حق ..وقررت اخيرا الاستيلاء
على الباسوورد خاصته لتعليمه درسا فى
التأمين عسى ولعل
|
Post: #46
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:27 AM
Parent: #38
Quote: حذرت تكرارا ومرارا من ضعف التأمين
عند عضو قيادة حق ..وقررت اخيرا الاستيلاء
على الباسوورد خاصته لتعليمه درسا فى
التأمين عسى ولعل |
يا هكوري
يا زول رجع الباصوريد لبهاء ده والا لفعلنا لك الصمرقع الاسفيري...
بهاء ده اساسي ياخي وهلالابي كبير
وانت زاااتك يا هكوري انا سامع تحت تحت انك هلالابي ليهو ضل
فاعفو ياخي واغفل عن هذا الاستيلاء قبل ان نعمل ليك اركلوجيا الصمرقع لووووول
|
Post: #39
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: بهاء بكري
Date: 07-17-2009, 10:06 PM
Parent: #36
|
Post: #44
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:15 AM
Parent: #36
| Quote: الجماعة اتضايروا من هسع والله شنو |
هلا يا كمبورة
والجماعة شكلهم كده هاجين بفتشو ليهم في داعوس
وبالله تعال بدري يا كمبورة باقي اخوانا المريخاب ديل الليلة
محتاجين عقب المباراة لشيل كرنقلي
|
Post: #41
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: كمال سالم
Date: 07-18-2009, 01:04 AM
Parent: #1
ياكيكى أرجع لناس مستشفى حمد ديل وخليهم يحجزوا ليك إسعافين
لأنو المذكورين أدناه من مشجعى الهلال حيكونوا حضـورا وإسعاف
واحد مابكفيهم .
السنى ,, عايز دفار
محمد عبدالرحمن ,, أول المغمى عليهم
عادل سالم ,, بينتفخ عندما يكون مغلوب
خليل ,, حيكون فقد سوائل من قعاد القصريه
دكين ,, بعد القون التانى حيعمل فيها مريخابى
أما أنت أيها المرجف سوف تختفى حينما نكون أنا
وهارون دياب مشغولين بإسعاف الضحايا أعلاه .
تتصور كنت عائز أجيب خمسه كيلو لحمه للحله ولكنى
الآن قررت أن يكون كيلو واحد فقط لأن المتعشين سوف
نكون أنا وهارون وضحيه وربما دكين .
|
Post: #42
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Yassir Tayfour
Date: 07-18-2009, 01:26 AM
Parent: #41
أي يا كيكي بالله ما تقصِّر في ود ديَّاب ود سالم، صهاينَّة لكن برضو عزيزين علينا..
|
Post: #43
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Amira Elsheikh
Date: 07-18-2009, 05:21 AM
Parent: #42
| Quote: بكرة شوفو ليكم داعوس |
داعوس يامستلب عروبيا(قطريا)
قال داعوس قال...
______________________________________________________________
داعوس دى عرفت معناها ايام انتخابات الجالية القررريبة دى
من واحدة من بناتنا المولدات فى قطر..قالت لى امشى طوييييل
بلاقيك داعوووس كبير خلى يمينك.....والله لاسي بضحك..
|
Post: #47
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: محمد عبدالرحمن
Date: 07-18-2009, 06:31 AM
Parent: #43
ياكيكى ..
اضرب اللون ..اليوم بأذن واحد احد انتصار
الاغلبية على الاقلية ..واعتقد انو دا وضع طبيعى جدا
من الله خلقنى فى الدنيا حضرت هلال مريخ مع جماعة
مرات كتيييرة ماحصل عدد المريخاب اتجازو 10%
من الموجودين ..النهائى اتراكو والمريخ كانوا اتنين كمال
سالم وهارون ..وهارون بس القدر يكمل الكورة ..: كمال
سالم من دخل الهدف الاول تانى ماشفناهو ..قال ماشى يصلح
الفول ..فول بصلحوهو ساعة ونصف دا من الله خلقنى ماسمعت
بيهو ..
|
Post: #54
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:52 AM
Parent: #47
Quote: فول بصلحوهو ساعة ونصف دا من الله خلقنى ماسمعت
بيهو .. |
دي فول ولا عجلة البصلحو في ساعة ونص ده...
يازول الليلة تعالو اقدلو ساااااكت يا هلالاب
والفول زاااتو حيصلحو لينا السني في خمسة دقائق ...
وانا ما شايف فعلا زول غير هارون وابوكمال والشبلي واميرة الشيخ
هو الناس ديل اربعة بس ولاشنو في البورد ده
ههههههههههه
|
Post: #50
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:42 AM
Parent: #43
Quote: داعوس دى عرفت معناها ايام انتخابات الجالية القررريبة دى
من واحدة من بناتنا المولدات فى قطر..قالت لى امشى طوييييل
بلاقيك داعوووس كبير خلى يمينك.....والله لاسي بضحك.. |
اووووووه
الصهيونية الرعديدة اميرة الشيخ
الليلة مش الليلة ووووووووب حرم الليلة واااااااك ما تحلكم يا بت خالتي..
واها شفتي الداعوس الوصفتو ليك البت ايام الانتخابات داك
تقومي الليلة تفتشي في كراكير الدوحة دي بكراع كدايس وتمشي تتلزمي وتتحزمي وتدسي فيهو
وليك عليك اشوف ليك كمال سالم كسائق خسوسي في رحلة البحث عن الداعوس بتاع بت الانتخابات هههههه
|
Post: #56
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالله كع
Date: 07-18-2009, 07:03 AM
Parent: #43
كيكي ازيك
| Quote: هلالنا يضرب جوووووووه ونحن يا خلي نضرب اللقيمات بتاع المريخاب ديل برررررره |
يازوووووووول لقيماتات الجماعه حتكون زي الفستق ... لو في امكانيه شوفو لينا حاجه بال(DHL)
ــــــــــــــــــ
بالهنا انشالله لقيماتات الرشاشات
|
Post: #58
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 07:09 AM
Parent: #56
| Quote: يازوووووووول لقيماتات الجماعه حتكون زي الفستق ... لو في امكانيه شوفو لينا حاجه بال(DHL) |
هلا يا كع
والليلة يوم لقيمات الصهيانية العالمي..
ولو جموع الاهلة فضلت اي حاجة مطرفة من اللقيمات بتاع الاخوان ديل
فراجع الدي اتش ال طوالي لانو حنصدرو طواالي لجموع الاهلة حتي تقزقز بيهو وهي فرحة
بضرب اللون الاحمر القاني
|
Post: #49
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:38 AM
Parent: #42
| Quote: أي يا كيكي بالله ما تقصِّر في ود ديَّاب ود سالم، صهاينَّة لكن برضو عزيزين علينا.. |
هلا يا ابو اليسر..
والجماعة الليلة وكما قالت الشهيرة عشة كوارع
الليلة كرررررررر عليهم وسجمهم الهلال هجمهم
|
Post: #48
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:34 AM
Parent: #41
Quote: السنى ,, عايز دفار
محمد عبدالرحمن ,, أول المغمى عليهم
عادل سالم ,, بينتفخ عندما يكون مغلوب
خليل ,, حيكون فقد سوائل من قعاد القصريه
دكين ,, بعد القون التانى حيعمل فيها مريخابى
أما أنت أيها المرجف سوف تختفى حينما نكون أنا
وهارون دياب مشغولين بإسعاف الضحايا أعلاه .
تتصور كنت عائز أجيب خمسه كيلو لحمه للحله ولكنى
الآن قررت أن يكون كيلو واحد فقط لأن المتعشين سوف
نكون أنا وهارون وضحيه وربما دكين .
|
هلا يا ابو كمال..
ويازول اسعاف شنو الدايرنو انتو للهلالاب .. ده احنا جهزنا اسعاف لونو احمر ومرسوم فيهو نجوم وعشان هارون خلينا الفلبيني صحبي يرسم فيهو ببره صورة فيصل العجب لووووول...
الهلالاب الكبار ناس السني وعادل سالم وخليل ومحمد عبدالرحمن موعودين بوجية دسمة (وبالله جيب خمسة كيلو وبطل الحسادة بتاعة المريخاب دي) فخلينا نضرب اللحوم دي خارجيا كما سيضرب الهلال اللون داخليا...
دكين طبعا قررنا تامينيا حجزه ومنعه من الحضور لورود سيرة الصمرقع في حديثك اعلاه لووووول....
كمال الليلة غايتو وكما قالت المريخابية الشهيرة اميرة الشيخ
الليلة ووووووووووب عليكم
|
Post: #51
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: محمد عبدالرحمن
Date: 07-18-2009, 06:43 AM
Parent: #48
هو بالله داعوس دى كلمة خليجية ..شكلها ام دقرسى
ام دقرسى ..ماعارف ليه ...غايتو مااتوفقوا
فيها ناس الخليج الكلمة دى
|
Post: #52
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-18-2009, 06:46 AM
Parent: #51
كيكينا ياحبيبنا
كدي هاك دي فكة ريق
بس خايفك انت زاتك ماتجي
|
Post: #53
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:48 AM
Parent: #51
Quote: هو بالله داعوس دى كلمة خليجية ..شكلها ام دقرسى
ام دقرسى ..ماعارف ليه ...غايتو مااتوفقوا
فيها ناس الخليج الكلمة دى |
هههههه
ياخي مالك عاوز تطفش لينا ابو خليل من البوست..
ويقوم حسع يفك فينا قسطنطين بتاعو ده ويخلي ريحة الهلال الليلة طير طير لوووول
.......
الداعوس كلمة خليجية مية مية
وبعد الكورة ممكن الاخوة المريخاب يعملو لينا بوست عن الداعوس
|
Post: #55
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 06:57 AM
Parent: #53
اوووووه سكورتا..
مش لو جبتو جكس نضيف ورافع البيرق
حرم الليلة لو جبتو (عشة جلكسة) وخليتوها رفعت كورنر ما بحلكم...
انا جاي جاي باذن الله
ومعاي الاسعاف المرسومة فيهو صورة فيصل العجب مخسوس
ولو دايرني اصلح معاك حسع اشوف ناس الاسعاف يشيلو صورة العجب ونرسم ليك فيهو صورة الجكس الجبتو ده برضو جاهزين لووووووول
بس انت تعال ياخي
|
Post: #57
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Amira Elsheikh
Date: 07-18-2009, 07:07 AM
Parent: #55
| Quote: وليك عليك اشوف ليك كمال سالم كسائق خسوسي في رحلة البحث عن الداعوس بتاع بت الانتخابات هههههه |
الداعوس دا فى معيذر عارف محلو تب...
وكان ماخايفة الكضب جنب ناس هارون دياب..
لكن بوديك فيهو انت وبلحقك عمر بوب..والله الا تقولو الليلة ووب
قال داعوس قال
|
Post: #59
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 07:14 AM
Parent: #57
| Quote: وكان ماخايفة الكضب جنب ناس هارون دياب.. |
بسسسسسسسس خلاص وصلتي ..
هارون دياب زاااتو خلاص وصل... وكده ضمنا داعوس ليك انتي ولهارون دياب..
فضل ابو كمال والشبلي ومن لف لفهم..
وليك علي قبل المباراة اشوف لكل زول منكم داعوس وااااااااااضح وصريح..
........................
غايتو يا اميرة الليلة انا خايف علي الليلة ووووب حقتك دي تكمل
وتاني نفتشها بالبوليس ما نلم فيها(فعليك الله دسي الليلة ووووووب دي ياخي) وما تمرقيها الا بعد المباراة بخمسمة يووووووم لووووووووول
|
Post: #60
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: هجو الأقرع
Date: 07-18-2009, 07:30 AM
Parent: #59
التحية لكل ضيوف كيكى وشخصة الكريم ، و الله من يوم ما وصلت السودان من مقابر الى مقابر ، واقلها مستشفى ، التقول الجعليين منتظرين يخلصومنى القديم و الجديد ، المهم مريخابى فى شندى حالف طلاق اول هلالابى يلاقيهوه بعدالمباراة طبعا بعد فوز المريح ، يدخلو فى طوت الزيت بتاعت السمك . طبيعى كيكى عارف التحدى بتاعى غير ، ناسى و الله افكرك ........... احيى يا المهندسين .
|
Post: #61
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 07:37 AM
Parent: #60
| Quote: التحية لكل ضيوف كيكى وشخصة الكريم ، و الله من يوم ما وصلت السودان من مقابر الى مقابر ، واقلها مستشفى ، التقول الجعليين منتظرين يخلصومنى القديم و الجديد ، المهم مريخابى فى شندى حالف طلاق اول هلالابى يلاقيهوه بعدالمباراة طبعا بعد فوز المريح ، يدخلو فى طوت الزيت بتاعت السمك . طبيعى كيكى عارف التحدى بتاعى غير ، ناسى و الله افكرك ........... احيى يا المهندسين . |
اوووووه ا بو محمد حبابك وحباب دار جعل...!!!
وشنو يا زول خلاص كلمت قرفصاء المقابر في الدوحة مشيت كمان تعملها للجعليين في شندي لوووووول..
اصيل يا هجو وزول لازمة والله وتحياتي لكل الاهل الكرام..
.........
ومادام انت في ربوع شندي والليلة جماعتكم مضروبين مضروبين
ليك علي بحجز ليك الداعوس بتاعك لحدي ما تجي رااااجع....
واكعب شي يا هجو المريخ يتغلب وانت قاااعد في السودان ميتة وخراب ديار...
|
Post: #62
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-18-2009, 07:41 AM
Parent: #61
والي ياوالي
صباح الخير
شاغل بالي
صباح الخير
والجلابية بيضة ومكوية
ياوالي بسحروك ليه
وكاااااااااااااااااكـ
|
Post: #63
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 07:47 AM
Parent: #62
نفسي ياهارون كنت اجيب ليك صورة رئيس الهلال ولكن فجاة اتذكرت انو صلاح ادريس
وعشان كده هااااااااك سيدا ده
|
Post: #64
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Rawia
Date: 07-18-2009, 07:50 AM
Parent: #60
Quote: سالم من دخل الهدف الاول تانى ماشفناهو ..قال ماشى يصلح
الفول ..فول بصلحوهو ساعة ونصف دا من الله خلقنى ماسمعت
بيهو .. |
أشهد .. أحسن زول بيصلح فول في الدوحة والشرق الاوسط كله كمال سالم يامحمد عبدالرحمن
وفعلا ياخ الراجل على بال ما يخت فيهو أسراره العجيبة بيكون إستهلك الكم ساعة ديل..... ماكتيرات والله
___________
كيكي لما تجوا تلموا شوية داعوس ناغمونا
إكمن إنه جنبنا وجيرانا
|
Post: #65
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 07:58 AM
Parent: #64
Quote: أشهد .. أحسن زول بيصلح فول في الدوحة والشرق الاوسط كله كمال سالم يامحمد عبدالرحمن
وفعلا ياخ الراجل على بال ما يخت فيهو أسراره العجيبة بيكون إستهلك الكم ساعة ديل..... ماكتيرات والله
|
يا راوية انتي مريخابية ولاشنو.؟؟
الجملة الفوووق دي ياراوية ممكن تتكتب كده..
كمال سالم احسن زول في الدوحة والشرق الاوسط كله بيعرف يصلح فول في ساعة ونص لمن المريخ يكون مغلوب...
ياخي هو الفول الحديث بنجض في ربع ساعة بس
عاوزين ابو كمال يصلحوا في ساعة ونص ... تصليح فووول ولا تصليح رقشة البتعمل في ساعة ونص ده لوووول
.......
مافي ليك دواعيس كملوها ناس كمال واميرة وهارون
|
Post: #70
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: طارق الكوتش
Date: 07-18-2009, 08:16 AM
Parent: #65
كيكى
Quote: الكتاب يا طارق هو
كمبو الري
ونسختك جتجيك ممهمورة بالتوقيع الرسمي والشعبي لووول |
مبروك ياخى ومنتظرين النسخه مع اشراقات النصر الهلالى
و
ادعس هارون دياب واتفنن
|
Post: #71
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 08:19 AM
Parent: #70
| Quote: ادعس هارون دياب واتفنن |
الله يبارك فيك يا الكوتشب
وهارون دياب الليلة لحدي ما الكورة تبدا حيشرب وما يروي..
هو ومريخابي تاني اسمو دكتور ود المشرف لوووووووول
|
Post: #66
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: محمد عبدالرحمن
Date: 07-18-2009, 08:01 AM
Parent: #64
انا ذاتى بشهد ..بس الشغله دى ماكانت تصليح فول كلها ياراويه ..
الحكاية فيها قون من برا 18 ...
|
Post: #67
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 08:07 AM
Parent: #66
تخيل يا محمد
شوقتونا لفول او كمال التاريخي ده..
ولكن برضو الليلة فيها شووووووتات بره ال18
فعشان كده بالله خلوهو يبدا تصليح الفول وهو بشاهد في المباراة عشان ما يساهر بينا ونحن في انتظار الفووول...
معا من اجل وجبة فوول ابو كمال ولكن في ظلال هزيمة مريخية وتقييييييييييييييلةيارب
|
Post: #68
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Rawia
Date: 07-18-2009, 08:12 AM
Parent: #66
Quote:
يا راوية انتي مريخابية ولاشنو.؟؟ |
الاجابة على السؤال دا بتتحدد بعد الاتصال بماهيتاب
لانها واعدانا من أمس ببرنامج كارب عقب الانتهاء من المباراة
للاحتفال بالنصر
وانا عشان البرنامج ينجح والسهرة تحلى بدعو ربنا يفوز فريق ماهيتاب
ومن هسة انا معاها وإن شاء الله تطلع هلالابية
|
Post: #69
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: saif massad ali
Date: 07-18-2009, 08:16 AM
Parent: #68
كيكي
انا غايتو كتبت خطابات اللجؤ للوالي
بس يكون لاجئ كروي مش سياسي
يعني موقف انساني بحت
|
Post: #73
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 08:27 AM
Parent: #69
Quote: كيكي
انا غايتو كتبت خطابات اللجؤ للوالي
بس يكون لاجئ كروي مش سياسي
يعني موقف انساني بحت |
هلا صحبي عوج الدرب...
ويا زول خباااارك مقدم لجو انساني عند الوالي بتاع الوصيفاب الدرجة ثانية ده..
لو عاوز لجؤ اقع ابو صلاح صلاح ادريس (خمج سوق وسمسرة ليها ضل)
رغم انو مافي فرق بين عشة وابو زيد
|
Post: #72
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 08:22 AM
Parent: #68
| Quote: وإن شاء الله تطلع هلالابية |
ماهي بت جدعة وهي اكيد هلالابية مية مية...
واذهبو الي برنامجكم يا راوية يرحمكم الله..
وابشري يا زول بطول برنامج مادام مربوط بفوز ابو الهل..
...........
لكن تحت تحت لقيت انتهازيتك الرياضية عاااااالية ياخي لووووووول
|
Post: #74
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-18-2009, 09:11 AM
Parent: #72
عجب ياعجب يامريخنا
انت غالي دهب يامريخنا
وكااااااااااااااااااااااااااااااااااااكـ
|
Post: #75
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-18-2009, 09:13 AM
Parent: #74
وحالتو غاااااااااااااااااااااااااائب
عنكم جنس حظ
عذرا....حبيبي......!!!
|
Post: #76
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Amira Elsheikh
Date: 07-18-2009, 09:26 AM
Parent: #75
Quote: الاجابة على السؤال دا بتتحدد بعد الاتصال بماهيتاب
لانها واعدانا من أمس ببرنامج كارب عقب الانتهاء من المباراة
للاحتفال بالنصر
|
راوية طلعت انتهازية...
الليلة وووب
|
Post: #77
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-18-2009, 09:36 AM
Parent: #76
والاطفال يابنية بغنوا
الافراح لابد من ترجع
ومااحلي الافراح في
عالم الاحمر الوهاج
عليك الله شوف البراءة دي
تقول لي محمد عادل......؟
الرماد كال حماد ياكيكي
|
Post: #81
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 09:51 AM
Parent: #77
Quote: الرماد كال حماد ياكيكي
|
الليلة الرماد ضارب العرضة والاستاد ابو لمبة سابقا
|
Post: #78
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 09:43 AM
Parent: #74
يا هارون
الليلة خاشين بقلب الاسد الهصور ده...
...
تدق صفائح تطلع صورة مع كومر مريخي فيصل عجبي...
تلاقنا حاضرين ومطلعين صورة مع كومر اقدم من الكومر بتاعك لووووووول
|
Post: #79
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Amira Elsheikh
Date: 07-18-2009, 09:46 AM
Parent: #78
كيكى....
والله هارون هدد امنك عدييييل وقربت تقول الرووب
عفيت منك ياهارون دياب..
|
Post: #80
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 09:49 AM
Parent: #79
Quote: والله هارون هدد امنك عدييييل وقربت تقول الرووب
عفيت منك ياهارون دياب.. |
هارون بيني وبينك عصر علي وداير يحولها لحرب كوامر. لوووول
|
Post: #82
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: tarig almakki
Date: 07-18-2009, 10:17 AM
Parent: #80
يا شباب سلامات
أنا إتصلت بي مقهى عشيرج في سوق واقف وكلمتهم بالماتش وقالو حاضرين
فرصة إنو الناس كلها تحضر الماتش بي أسرا وتقزقز لب وحمص وتدخن أراجيل
وحتكون لمة سمحة
الموقع: سوق واقف مقابل فنار
|
Post: #84
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 10:31 AM
Parent: #82
هلا يا ابو الطرق..
وياريت ياخي من بدري عرفنا موضوع عشيرج ده
كان مشينا عشرجنا المريخاب ديل هناك وضربنا الفستق ده دنيا للزمان ههههه
......
لكن الليلة يا طارق كل القوووي بيت ناس كمال سالم جووووه
وتعال اضرب الفول بزيت السمسم بتاع المريخاب ديل
واتفرج في البشتنة ورقاد الواطة ده
|
Post: #83
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-18-2009, 10:18 AM
Parent: #79
الاميرة بت الشيخ
وسلامتك والمنبر كلو كرامتك
Quote: كيكى....
والله هارون هدد امنك عدييييل وقربت تقول الرووب
عفيت منك ياهارون دياب.. |
هو لسه شاف حاجة
المهم.....
الفول وزيت السمسم وجبنة الديوم
وعيش سودااااااااااااااااااني
كله جاهز بس هو كيف يجينا.
ومريخنا زينة
والليلة جينا
وكيه للمابينا
باقي الصور في السكة
سلام يااستاذة
|
Post: #85
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: أبو ساندرا
Date: 07-18-2009, 11:16 AM
Parent: #83
| Quote: اللهم الاالغلاف الراسمو عماد عبدالله |
الغلاف الراسمو حنة
ختو في قلبك محنة
لو بيهو عايز تمتحنا
والله في امرك محنا
|
Post: #86
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 11:26 AM
Parent: #85
Quote: الغلاف الراسمو حنة
ختو في قلبك محنة
لو بيهو عايز تمتحنا
والله في امرك محنا |
يا سسسسسلام يا كبير ياااخي
والليلة المزاج عاالي وده موشر جيد بفيد انو الامور حتمشي كده حتي النهاية..
...
والهلال الراسمو حنة
ختو في قلبك محنة
|
Post: #87
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: أبو ساندرا
Date: 07-18-2009, 11:26 AM
Parent: #85
Quote: يا شباب سلامات
أنا إتصلت بي مقهى عشيرج في سوق واقف وكلمتهم بالماتش وقالو حاضرين
فرصة إنو الناس كلها تحضر الماتش بي أسرا وتقزقز لب وحمص وتدخن أراجيل
وحتكون لمة سمحة
الموقع: سوق واقف مقابل فنار |
فكرة/ إقتراح طارق المكي أعلاه يجد مني كل الدعم
وذلك لفوائده العديدة وأهمها الفضاء المفتوح الذي
يسمح بزمجرة الأسود و ولولة النعام
كما أن دعم الآنسات بالزغاريد سوف يعجل بالنصر المبين
فضلآ على أن غرفة كمال سالم أضيق من عرانه
ولاننسى المدخنين العواليق الذين لايراعون حقوق غير المدخنين
وصحة المرضى وجمال العيون وعلى رأسهم كمال سالم اب عران ضيق
فتدخينهم في تلك الغرفة الزنزانة ح يتسبب في مقتل زول
|
Post: #88
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 11:35 AM
Parent: #87
Quote: ولاننسى المدخنين العواليق الذين لايراعون حقوق غير المدخنين
وصحة المرضى وجمال العيون وعلى رأسهم كمال سالم اب عران ضيق
فتدخينهم في تلك الغرفة الزنزانة ح يتسبب في مقتل زول |
خلاص يا ابو ساندرا فليضخ الاقتراح للتداول
وياريت تفتونا قبل الساعة اربعة ونص,,,
لانو دي الساعة البكون الاخوة والاخوات المريخاب متراجفين زي صحن الكاسترد
فمافي زول بقدر بياخد وبيدي معاك فيها..
|
Post: #89
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Dr.Elsadig Abdalla
Date: 07-18-2009, 12:30 PM
Parent: #88
|
Post: #90
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 12:36 PM
Parent: #89
هلا يا دكتور ومشتاقين ياخي...
وبالله طلعت صهيوني يا دكتور...
غايتو الله ما راضنها ليكم لكن تقول شنو
فنحن في حاجة لهذه الثلاثة نقاط
|
Post: #96
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: Dr.Elsadig Abdalla
Date: 07-18-2009, 12:54 PM
Parent: #90
سلامات يا هندسه
هذا تضامن مع مريخاب الدوحه ..بعدين التلات نقاط دي نحن محتاجين ليها أكتر منكم ..عشان كده حب لاخيك كما تحب لنفسك و أحسن تخلوها لينا بالمعروف وألا حا نبهدل شباكم
|
Post: #97
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 01:00 PM
Parent: #96
Quote: سلامات يا هندسه
هذا تضامن مع مريخاب الدوحه ..بعدين التلات نقاط دي نحن محتاجين ليها أكتر منكم ..عشان كده حب لاخيك كما تحب لنفسك و أحسن تخلوها لينا بالمعروف وألا حا نبهدل شباكم |
هلا يا الصادق
وفعلا مريخاب الدوحة دايرين الليلة دعمكم والمساندة فموضوعهم بايظ شديد....
واسمعني ياخي الثلاثة نقاط دي حقتنا وممكن نفكر في نقطة نديها ليكم في الماتش الجاي
بس انتو اقدرو علي باقي الافارقة هههههههههه
وتحياتي
|
Post: #91
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-18-2009, 12:38 PM
Parent: #89
باقي من الزمن ست ساعات
|
Post: #92
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 12:42 PM
Parent: #91
ابوعفان (عثمان النعيم) ..
اخر تصريحاتو شنو....
واين حامد عجبان
ومالي اري غياب مريخي من الساحة الدوحوية...
الناس ديل راقدين في راي ولا دي كبكتهم الشهيرة.
|
Post: #93
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-18-2009, 12:44 PM
Parent: #92
كيكي
من (...................) لو الجماعة ديل فاهمين حاجة من كلام الالماني
|
Post: #94
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 12:50 PM
Parent: #93
غايتو الله يستر يا خليل...
الزول ده لو بقي برطن ليهم بالخطة بتاعة كرة الليلة..
فناسك ديل شكلهم كده طالعين كيييييييييت من رطين الخواجة ده
|
Post: #95
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-18-2009, 12:53 PM
Parent: #94
شفت موسي الزومة
مربع يديهو
وعامل فيها الود اهلو في برلين
هههههههههههه
|
Post: #98
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: عبدالكريم الامين احمد
Date: 07-18-2009, 01:03 PM
Parent: #95
Quote: شفت موسي الزومة
مربع يديهو
وعامل فيها الود اهلو في برلين
|
خلي ياخي انت مسخوت..
وغايتو البهناك داااك لو طمبل ممكن يعمل ترجمان للشباب ديل
|
Post: #99
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: أيزابيلا
Date: 07-18-2009, 05:48 PM
Parent: #98
ابو ساندرا قدام الكمبيوتر بدون نظارات
دة الواضح
يعنى هلال مريخ دى كلها مالقيت منها غير الكوتيشن بتاعى؟؟
الله يخلى الانصرافية
ـــــــــــــــــ
وفى القلب نجمة :)
|
Post: #100
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: أبو ساندرا
Date: 07-19-2009, 08:40 AM
Parent: #99
وفي العين دمعة
على رجال بواسل عبروا جسر الموت بشجاعة
الذين إقتحموا الموت
فعاشوا أبدا
.....
فزدنا عددا
....
....
...
نحن رفاق الشهداء
|
Post: #101
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-19-2009, 10:11 AM
Parent: #100
قلنا نصبح علي الحنين
وقلب الصفحة
نحن هنا ياراجل ياعجوز
بالمناسبة.....
كورة بيييييييييييييييييييييض......!!!!!!
اجمل مافيها
حامد مراهد
محمد عبد الرحمن
كمال سالم
عادل سالم
كيكي
خليل
ضحية
السني
دكتور معز
احمد
نادر سالم
محمد حمدي
وقدورة
كمبورة
ود رملية
وبعض الضيوف لااذكرهم
وحلة كااااااااااربة
وفول بالزيت
وسلطة دكوة
وتحلية زي الجبادة
وحاجات تانية حامياني
اقلب الصفحة ياكيكي
ربنا خارجكم من السيك
|
Post: #102
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-19-2009, 10:13 AM
Parent: #101
عشان ماانسي
حبيبنا
عمر سعد
طلع لاعااااااااااااااب
في الوست .
|
Post: #103
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: بهاء بكري
Date: 07-19-2009, 10:24 AM
Parent: #102
نحن غير فول كمال سالم ده النحسنا شنو ؟
|
Post: #104
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: haroon diyab
Date: 07-19-2009, 02:56 PM
Parent: #103
ياباهي
سلامات واشواق
| Quote: نحن غير فول كمال سالم ده النحسنا شنو ؟ |
وغيرك القاعد ياكلوا منو.....؟
غايتو امبارح فردتك قام بالواجب
بالمناسبة......
عمل الارسال سبب وكبه الزوغة خائف الفضيحة
وماجاء لامن انتهت الكورة.
والمعني في قلب الشاعر
واخد بالك انت......؟
|
Post: #105
Title: Re: كمال سالم ومن لف لفه من مريخاب بورداب الدوحة ..بكرة شوفو ليكم داعوس ...!!!!
Author: khaleel
Date: 07-19-2009, 06:27 PM
Parent: #104
مباراة الامس
مباراة للنسيان
|
|