دوران ساقية وزولا شغلتو مساحة...!!!!

نعود الي مدارات دوران الساقية وزولا شغلتو مساحة بعدما انقطع الحديث وذهب البوست الاول الي مدارات انابعيد عنها(كما تقول( قناةالجزيرة) في خجانين الاسافير ولذا سوف نواصل (ترافيس) تور الساقية الذي نعلن عن محطاته حتي يطيب التحليق والحكي...
الترافيس هو حركة وبركة مساحية تربط بين نقاط مساحية محددة وقد يكون مفتوحا (اي مبتدي عند نقطة ومنتهي عند نقطة اخري) اومغلق وهذا النوع يبداء مسيرته المساحية القاصدة من نقطة معينة وينتهي عند ذات النقطة...!!!...
هذا الحكي والسفر الذي انقطع لسحب البوست السابق من الملاعب بواسطة بكري كانت ليلة تواصله هي يوم امس ..ولكن عناوين المنبر ليلة امس وسيرة محكمة لبني تضع الاولويات لمثل هذا البوسست الذي يتوقع
اعاصير وامطار تجذب المتابعين وجعل تاريخ عودته الي الملاعب هو هذا اليوم..
وسنعود

سفرنا سيكون (ترافيس) من النوع المفتوح كوننا انطلاقنا من قرية المخيرف جنوب بربر تلك المدينة التي يتنسم المتجول في طرقاتها
رائحة عبق التاريخ و تحف ذهنك سيرة مسارات التجارة القديمة وقوافلها وتمتع نفسك بالمترات المجدعة في اراضي يمكن ان نطلق عليها شبه صحراوية....!!!
ذلك الشريط الملي بقري في المسافة ما بين (بربر وعطبرة) تكسو شوارعه الفقيرة حركة بكاسي يبدو انها تاتي من الجروف التي يحتضنها النيل وفي ذلك الزمان كانت مطاحن الشيخ الكيزاني العتيق (الشيخ عبدالباسط) هي من تملي الافق... وايضا يتردد كثيرا سيرة الدكتور عبدالسميع الذي عرفت لاحقا بانه طبيبا صيدليا ولكنه يمسك باوراق كل مشاريع الامن الغذائي مديرا لها... ايضا هنالك دكتور الهندسة الزراعية( الحاج عطا )ولا ادري حينها هل كان وزيرا للزراعة ام والي ولكنه بالتاكيد يقبع في مكاتب حكومية ضخمة في احدي نواحي وضواحي عطبرة...!!!

في ذلك الشريط كنت مهتما جدا بزيارة قرية (كنور) كونها موطنا لبعض اهلنا الذين وجدو فيها مسكنا ومعيشة.. ومنيت نفسي بالمسير
شرقا للنيل وقطع البحر صوب (الباوقة) التي قيل بان تفاحها لذيذ في تلك الاغنية التي سمعناها من الف عام وعام بجانب سيرة صديقي المخضرم (عباس ماس) وبعض الدفع من ابناء تلك التخوم...
ولكن الدرش وعصر المساحة الذي يجعلك لاتستطيع حتي (حك راسك) خطف مني تلك الزيارات وجعلنا اسيرين لقومة الصباح الدغشي
ومباراة (الكروس هير) (والاشراف علي دق الوتد) ومممارسة البكونبج وانت متدربا رعديدا عليك ان تسجل وبسرعة فائقة وبدقة ما يمليه عليك المهندس في اثناء قرايته من (جهاز الميزانية)...!!!

لن ترتاح يا مساح ..!!

فلم يرتاح المساح الا قليلا من دهشة التامل في تلك المنطقة ومجموعة تيم المساحة المنجضة للشغلة حتي تلاحظ الاتي..
لم تطول تلك الفترة ومرت ايامها الشاقة كسحابة صيفية هطلت ملامح البدايات التي كانت موشحة باشراف المساحين العاليين الانضباط والدقة (والملي متر ده) لو راح الناس ديل كانو بفتشو فيهو ممكن يوم كامل لحدي ما يلقو وين ويعرفو ليييييه الحصل ده بصبر والحاح وحماس عجيب خلااص...
وكبرالمة لم نكن نعلم اسباب رجوع كل التيم ذات (يوم) الي الخرطوم ودون سابق انذار ولكن كل ما اذكره بانه كان يوم حزين لاهالي تلك القرية الذين لم تنقطع هداياهم وبرتقالهم الرهيب وخيرات جروفهم...وفجاة وجدنا انفسنا مرة اخري في سماء الخراطيم لكن خرطوم هذه المرة لم يكن هوخرطوم (الحفتنة) وسندويش السوق العربي ابو طعيمة الذي كان عليه الصمود لساعات طويلة ومنذ الصباح الباكر وحتي موعد عالم الرياضة حيث (غدوات الكلاكلة الشهيرة)...!!!

فايام العمل في ذلك المشروع الذي يبدو عليه (الشحم) في تمويله وفرت بعض الغطاء المالي لقعدة يعتقد وحسب (ندرة العمل) وسطوة اهل التمكين وانتشار جيوش العطالة المتخرجة في رحلتهم الصباحية التي كانت رحلتي تتنطلق من لفة الكلاكلة تلك المحطة السفينة النشطة بالحياة والحركة... ثم دهاليز الخرطوم وكراكيرها لكي تختلط مع بواقي الشعب السوداني الفضل الهائمة وهي عرقانة تكابس في الرزق الحلال.... وكانت اجمل اللحظات هي التي كنت اجد نفسي في زحمة السوق العربي الرهيبة تلك وندر ان يمر يوم دون تلتقي بشخص او شخصة من الازمنة البعيدة....!!!
وااني من جوبا الملكية
لادو منذ ايامات (كايا) وفريق كرجو
كااااك (ذلك الابو كرنك التاريخي) الذي كان يجيد الرقص وركل الكورة بقدمه السليمة بكل حرفنة...!!!

تاااااااااااااااااااني !!








_
القصة دي تحدي هي ولا إيه

Quote: القصة دي تحدي هي ولا إيه

فيصل نوبي...
سلام
تحدي لشنو..؟؟
ومن متين كتابة البوستات في هذا المكان اصبحت تحدي.؟؟؟
اتسحب البوست الاول ودون ان اخط فيه امرا مخالفا للوائح هذا المكان
البمنع شنو اكتب بوست تاني..؟؟
عندك لائحة او قانون اوي حاجة بتمنع ممكن تساعدني وتجيبها لي هنا عشان نشوفها معاك

ما داير أحرف البوست عن مساره
بس كلامي الفوق و كلامكـ ده

Quote: اتسحب البوست الاول ودون ان اخط فيه امرا مخالفا للوائح هذا المكان البمنع شنو اكتب بوست تاني..؟؟

مبني علي شيء واحد ..
بكري (لحس) البوست براهو كده بدون ما إنت تقول ليهو أسحبو !
اذا الاجابة (نعم) لحسو براهو .. يبقي أكتب (تالت) لانه الاول جابو حسين و التاني (إتلحس) ..



_
ما ياهو ده تور الساقية زاتو ...

Quote: مبني علي شيء واحد .. بكري (لحس) البوست براهو كده بدون ما إنت تقول ليهو أسحبو ! اذا الاجابة (نعم) لحسو براهو .. يبقي أكتب (تالت) لانه الاول جابو حسين و التاني (إتلحس) ..

نوبي
اطمئن مسار البوست ما بنحرف..
1- اولا بكري سحب البوست دون طلب مني.. واخر مداخلة لي فيهو كانت الساعة 11ونص مساء ومشيت لاصحو واجد البوست مافيش... وعرفت لاحقا من بعض الاخوان ما جري في البوست..
2-كويس انك متابع سلسلة تور الساقية
ولو تاملت البوست الجابو ملاسي وهو بوست قديم من مكتبتي
مستوي التناول وزاوية الحديث مختلفة تماما ... وممكن يومي تور الساقية يدور بوست عن المساحة دي من زاوية وروية مختلفة واعتقد انو ده حق من حقوقي لا يستطيع احد ان يحاسبني عليها ولاشنو..؟؟

سألناكـ القصة تحدي ولا شنو جيت و كتبت

Quote: عندك لائحة او قانون اوي حاجة بتمنع ممكن تساعدني وتجيبها لي هنا عشان نشوفها معاك

شرحنا ليكـ برضو جيت كتبت

Quote: واعتقد انو ده حق من حقوقي لا يستطيع احد ان يحاسبني عليها ولاشنو..؟؟

إنت يا زول رايح ليكـ ولا داير مشاكل ولا قصتكـ شنو !!
البوست داكـ سحبو نوبي ولا قالو ليكـ عندو مداخلة فوقو !!!


_
اللهم إني صائم ..

Quote: إنت يا زول رايح ليكـ ولا داير مشاكل ولا قصتكـ شنو !! البوست داكـ سحبو نوبي ولا قالو ليكـ عندو مداخلة فوقو !!!

يا نوبي...!!
اولا مافي سبب بخلي الزول يكون عاوز معاك مشاكل..!!
1- سالت عن تحدي..؟؟
قلنا ليك تحدي لشنو..؟؟ هل تحدي للوائح او شخص او قوانين
2- قصتي يا حبيب انا كاتب بوست عنوانو يا هو داك فوووق (ده الكلام الماشي فيهو البوست).؟؟
السوال المفروض يرتد ليك يا نوبي..
انت القصتك شنو..؟؟
لاني يا زول قاعد في البوست بتاعي وما اظن سيرتك جات في الكلام بتاع الحكي الفووق ده
سلبا او ايجابا...

المواصلات والتحرفن في المدافرة للحصول علي مقعد وثير.. وبيديك جريدة و وكيس التمباك يتهادي بورافة هي الانشطة التي توشح نهايات ذلك اليوم التفتيشي النشيط...الذي قد يحتوي علي تفريجة علي تمرين من تمارين (ابو الهل) او ماتش ليهو ضل ما بين البرنس وديم سلمان... او مباراة في ميدان عقرب..او انت ذااتك تخش ليك في كدارة وتمشي تضقل الكفر في ميادين القطيعة وتحاول ان تعيد الزمن الجميل وبعض طلعات (الدبل كيك) والتخصص في تهديفات خارج خط 18. ولو قفلت معاك فعليك ساعتها بمباراة في ساحة الكلاكلة بالقرب من المقابر والمركز الصحي ففي ذلك الزمان كان (ابراهيم حسين ابراهومة) هو من يمتع الجماهير في ذلك المكان قبل ذهابه الي المريخ...!!!!!!

كانت الجرائد والصحف هي النفاج الوحيد الذي كنا نخترق به تقفيل اللعب الكيزاني وعبره تطل بعض الاخبار عن المشاريع التي يتوقع ان توظف مساحين وبالاضافة الي التمتع بكتابات كمال الجزولي (هل ايعلت البيلة) وشمشمة وببوز ممدود اربع امتار بعض الاخبار عن ترتيبات الكيزان في استعدادهم للطاغية الامريكان (الطاغية الامريكان ليكم تدربنا) واهم من كل ذلك هي اخبار الهلال الذي كان عشقنا الخرافي

ومابين جريدة وجريدة في احدي الصباحات الكلاكلية (ام غبارا يقول يا ليل) نشرت احدي الصحف اعلانا لمهندسي مساحة في مشروع
سكر كنانة ومواصفته تتطابق بالكربون مع حالنا المايل كمهندس (فرش) وكرت كرتونة...وتوووشك وبرفقة الشهادة التي كانت مسكتها صدر (مثل ورق الكونان) ركوب مستعجل وطيران الي مباني شركة سكر كنانة الوثيرة وقدمك قدمك قدمنا...!!
ولنعود مرة اخري الي دوامة (حوامة بن لواصة) وان هفت ليك تطلع طلعة طلعتين الي مدني او سنار (ودهاشم)... ولكن هذه المرة القصة اتت ببعض مريسة من (مرايس تام زينو)... فقد قرر الموظف الكناني وعبر اتصاله الذي افاد فيه بانك يا زول (شووورت لسسست) ولكن المعاينة في السايد فعلي جميع المساحين الدايشين الحضور يوم كيت كيت لركوب باص كنانة من العمارات شارع كم كده ماعارف والتحرك فورا ...!!!!

هلا وعاد المساح سيد الناس

ولدنا ملك ملوك الاسافير

واصل ولا يهمك وكلمنا عن الكناف الذي الفناهو علي كل حال

Quote: هلا وعاد المساح سيد الناس ولدنا ملك ملوك الاسافير واصل ولا يهمك وكلمنا عن الكناف الذي الفناهو علي كل حال

هلا يا خلي
وكنافا الفناه علي حالا
وقد يولف الشي الذي ليس بالحسن
نستعذب الارض التي لاماء بها ولكنها وطني...

حبابك يا خلي وكناف او الكوناف كما يحلو لاهله هي محطة اساسية من محطات هذا الترافيس
وحتما بشوية (فيس لفت) وفيس رايت في ثيودلايت هذا البوست سنصلها

وكل الحب يا دفعة

حتي لايتغير مسار البوست

عوج الدرب سلامات...

المنبر ده فضاء مفتوح يا سيف
ومكن تقراء فيهو اي حاجة ...وكلا حسب تقديراته وما يريد..
...
وغير كده ماعندي ليك اجابات يا ابو السيوف
وكل الود

حذف حتي لايتغير مسار البوست

يا سيف تحياتي
ورجاء اخوي يا ابو السيوف لو تكرمت تزيل الكلام اعلاه يا سيف
وكدي خلينا في حكاية تور الساقية وشغلة المساحة دي...
ومع كل التقدير والود

هلا...
يا هندسة ...
واصل ومتابعين
نستمتع جداَ بتفاصيل
الحياة اليوماتى ...!!
كل الود
محمد كابيلا

Quote: هلا... يا هندسة ... واصل ومتابعين نستمتع جداَ بتفاصيل الحياة اليوماتى ...!!

هلا ومرحب يا كابيلا..
وحبابك في مدارات تفاصيل الحياة اليوماتي رحيل
وحكاية دوران الساقية
وكل الود والتقدير يا كابيلا

كنانة ذلك المشروع الضخم والعملاق والعالي التنظيم والضاج بحياة المصنع والموظفين المرتبين والحقول المترامية من (ايريا اربعة وحتي ايريا واحد) بالاضافة الي سكنية الكوزلي و (عبدالله خضر) والعالمية والكنابو العظام في كمبو خمسة الاسطوري وكمبو اربعة وبالاضافة الي كمبو المزرعة التجربية في مدخل كنانة وانت داخلها من منطقة ربك... لم تكن عوالمها ونواحيها غريبة فقد زرتها لمرات عديدة كون عمي الزراعي الصارم (احمد الحاج ابراهيم) كان هو المدير الاداري لذلك المشروع ومن قدامي الزراعيين واوائل النقابين
تمت احالته لاحقا للصالح العام (بواعز من السلطات الامنية) التي اعتقلته كثيرا وهو علي راس عمله.....ّ!!!!!

وعلمه بهذه الوظيفة ورغم علمه بواقعي العطلنجي الرهيب الا ان تعليماته الصارمة والجادة كانت واااضحة خليك قاعد مع المهندسين الجيت معاهم من الخرطوم..وطالما الامر معاينة وتدقيق اذن فلتكن كماهي ولاتحلم بانني سوف اتدخل في هذا الامر سلبا او ايجابا..
واذهب انت ومقدراتك وقاتلا... ولو شالوك مبروك ولو ما شالوك هي فرصة لكي تتعلم كيفية التعامل مع المعاينات والاعتماد علي نفسك )...!!!!
لم تكن مقولة احمد الحاج الذهبية تلك اجابات علي اسئلة مني بل ابتدرها بصرامة وانضباط ولعله ظنه هو تقفيل كل الاحتمالات المتوقعة مني في عشم ملحسي او رغبة واسطية.. ...!!!!

كنانة وفي احدي تلالها الواقعة في الاجزاء الجنوبية الغربية من (حي الكوزلي) وهو فريق كبار الموظفين توجد استراحة بل فندق علي طراز مدهش من الدقة والنظافة يديرها في ذلك الزمان احد الفندقيين العظام (عمك محجوب) رجلا علي التنظيم والاريحية وفي جلسات الافطار كانت الونسة معه سياحة في بحور واحداث وبلادا بعيدة كنا بنسسمع بيها (سمع) وكان من كبار موظفي فندق السودان وبل اعتقد بانه مديره في زمن من الازمنة...

عودا حميدا يا هندسة،،،

حضـــــــــــــ و متابعة ـــــــــــــــور

تحياتي ،،،

Quote: عودا حميدا يا هندسة،،، حضـــــــــــــ و متابعة ـــــــــــــــور تحياتي ،،،

الف مرحب وتحية يا الطيب
وحبابك في مدارات دوران الساقية وسيرة زول شغلتو مساحة

Quote: ولكن عناوين المنبر ليلة امس وسيرة محكمة لبني تضع الاولويات لمثل هذا البوسست الذي يتوقع اعاصير وامطار تجذب المتابعين وجعل تاريخ عودته الي الملاعب هو هذا اليوم.. وسنعود

كيكي
السـلام عليكم
يا خـوي دا بوسـت زولا شـغلتو مســاحة ولأ إرصـاد جـوي

عزيمة و اصرار لا تلين

بالجد اسفت لحذف البوست الاول

و قد اشرتَ الى نفر نحبه فاجتهدتُ و وضعتُ صورته

واصل الله يعنيك .

Quote: يا خـوي دا بوسـت زولا شـغلتو مســاحة ولأ إرصـاد جـوي

وحبابك الف يا عبدالله..
والمساح زااتو يا عبدالله لو باصرها شوية ممكن يشتغل ارصاد جووي زي السلام عليكم..

Quote: عزيمة و اصرار لا تلين بالجد اسفت لحذف البوست الاول و قد اشرتَ الى نفر نحبه فاجتهدتُ و وضعتُ صورته واصل الله يعنيك

كل التحية يا الصادق
وتقدير شديد يا الصادق علي الاهتمام..
وياريت تزين البوست مرة اخري بصورة استاذي العظيم حسن فاشر حتي نواصل في اعطاء هذا الرجل العظيم حقه ونمارس بعض الفلاش باك في هذه السيرة التي حتما ستطول
وودي العالي

ياناس علييكم الله خلو الزول ده يواصل الكلام السمح ده ..

عبدالكريم

سلامات

كلامك كلام لذيذ وسلس، ياخدنا بسهولة فوق تلال وتضاريس السودان!

واصل لنسعد!




----
نن كا تنشي والله ياخ!

حبيبنا عبد الكريم
نحن معشر الجيولوجين الاقرب اليكم مهنيا وكنا جندريا فى السابق الى ان تم قبول الجنس اللطيف بل واللطيف جدا ( شهادة عربية ) وتركناكم فى عزوبيتكم تعمهون. دايما بنشوف انو العمل الحقلى للمساحين فى شارع النيل واقصاهو فى جبل الاوليا ياخى ده شهر عسل عديل
طبعا نحن من يوم هتفو لينا عمرى مافكرت يوم اخر مطافنا يكون علوم لى اليلة ماعارفين اخر مطافنا بكون وين وانا شخصيا اخترتكم طائعا مختارا بوصية من كبيركم عمر بوب ويومها صرح اخونا مصطفى بوب لم يخسر الجيولوجين ولم يربح المساحين
ياخى مستمتعين بالبوست واسف للمداخلة المشاترة (فضلة خيركم ههههه)

Quote: نعود الي مدارات دوران الساقية وزولا شغلتو مساحة

كيكى
ساقيتك ماتكون ساقية جحا
وبرضو مداراتك ماتكون مدارات جحا
ومن مدارات جحى يحكى أن جحا شترى
غرابا صغيرا فقيل له مازا تريد بهذا
الغراب الصغير قال لقد سمعت ان الغراب
يعيش مئتي سنة واريد ان اتحقق من ذلك
بنفسى

المعاينة الاولي في سلم البداية للحياة العملية ليس كمثل المعاينات اللاحقة والعديدة التي يمكن للفتي ان يدخلها طيلة حياته العملية في رحلة بحثه عن الرزق الحلال البلال... توجس وياربي البشرية دي ح تسال عن ششششنو .؟؟؟ وهم منوو ذااتو..؟؟؟. وهل حيكونو( فير )ام الحكاية فيها (انة) وواسطات كما هو سائد في سماء الوطن السوداني... وانا صاحب الحظ الكعب وواسطتي القوية وسني الملوية طلع
المدير قريبي الكبير (دين حجر) وهرشني في حكاية الواسطة دي قبل ما اقول بغم....!!!
وليل كنانة يرخي سدوله علي بانواع الهلوسسسة والوسوسة ليبتلي..؟؟؟ فجاة وجدت نفسي في تربيزة انيقة ووثيرة امام ثلاثة من الموظفين العتاة (ياكافي البلا سلام الله ردو بالتلتلة)..!!!!
وهاك يا تفتيش...
شي مساحة
وشي ادارة عمال
وشي كلامات خارج المقرر الكبير وعريض الذي جلسنا حوله سنين عديدة في الجامعة ام كرش...!!!
جاوبك ..جاوبك... جاوبنا..!!!
لتنهي رحلة النعنشة والجديع في رهات تلك الاستراحة او الفندق (الابن لذينة) وليصدر القرار بما يفيد يا مساحين هووي
اخر اليوم تعالو لزوم النتيجة وبعدها بكرة فرتقوا وسنعلن المهندس الذي وقع عليه الاختيار..!!!!
وسنعود

Quote: ساقيتك ماتكون ساقية جحا

كدي قول بسم الله وتم مداخلتك دي...والحقها بالتنهدات
وبعدها ممكن نوريك (ايش لون ) الساقية حقتي

Quote: نحن معشر الجيولوجين الاقرب اليكم مهنيا وكنا جندريا فى السابق الى ان تم قبول الجنس اللطيف بل واللطيف جدا ( شهادة عربية ) وتركناكم فى عزوبيتكم تعمهون. دايما بنشوف انو العمل الحقلى للمساحين فى شارع النيل واقصاهو فى جبل الاوليا ياخى ده شهر عسل عديل طبعا نحن من يوم هتفو لينا عمرى مافكرت يوم اخر مطافنا يكون علوم لى اليلة ماعارفين اخر مطافنا بكون وين وانا شخصيا اخترتكم طائعا مختارا بوصية من كبيركم عمر بوب ويومها صرح اخونا مصطفى بوب لم يخسر الجيولوجين ولم يربح المساحين ياخى مستمتعين بالبوست واسف للمداخلة المشاترة (فضلة خيركم ههههه)

هلا يا مهدي
وحبابك ياخي..
والجيولوجين ديل من ما اتحنكشو وبقو يقرو مع البنات دربنا ودربهم خشا في الموية
وخلاص كل البينا بقي حكاية وكورس واااحد بنخلصو سريع سريع..والمساحة دي يا مهدي يوم البدخلو فيها الجنس اللطيف عينك ما حتشوف الا الاستقالات و الاعتذارات بالمطر...

تحياتنا وتعازينا الحارة للصديق مصطفي بوب في وفاة والدته التي حدثت بالامس
وهو الان كما علمت من عمر بوب في طريقه الي السودان

Quote: ياناس علييكم الله خلو الزول ده يواصل الكلام السمح ده ..

هلا والف تحية يا معتصم
وكل الشكر وحبابك في مدارات دوران الساقية
والف شكر يا نستا وتحياتي الحارة لود اهلي الزراعي النحرير محمد ابراهيم
وتسلم

وعندما كانت موسيقي الموسيقار الاسطوري بشير عباس تعطر سماوات كل المليون ميل مربع برائعته (القمر في كنانة) كنا هنالك نحن جموع المساحين السبعة بعد انسحاب (قدروة) عليه الرحمة لاسباب مفاجئة قبل المعاينة كانت قلوبنا وعقولنا (تتراجف في كنانة)... بشير عباس يصدح بالقمر في كنانة وجموع من المساحين الجداد والما شداد( تتراجف في كنانة) في انتظار المجهول وبودرة عفاريت موظفي كنانة الذين تبدو عليهم الجدية والصرامة في (هيك امور) او كما بداء لي ساعتها...!!!

هلا بكيكي التفكيكي
ياعمكـ واصل
ماكسير تلج لكني انتظرك
دائما وانت اول شهودي
برضو واصل الامتاع
وياجبل مايهزك ريح

كيكي
دورت ليكم بوست بتاع مهندسين
داير ادور معاكم كاسوري
لكن شايفكم جليتوني كلكم
ماعدا صحبي ود البشرى جاء قال لي بوست غير موفق
انا بعتبر دي هزيمة
وممكن براحة اضمكم كلكم لقائمة البط عندي

Quote: هلا بكيكي التفكيكي ياعمكـ واصل ماكسير تلج لكني انتظرك دائما وانت اول شهودي برضو واصل الامتاع وياجبل مايهزك ريح

هلا يا سكورتا
وديمة مشرفنا ..
وحاشاك يا سكورتا من تكسير الثلج
وحتما سنلتقي في الزمن الفلاني وفي مدارات المقبرة التي دنت ساعة مباراتها.
وغطي الثعلب

Quote: دورت ليكم بوست بتاع مهندسين داير ادور معاكم كاسوري لكن شايفكم جليتوني كلكم ماعدا صحبي ود البشرى جاء قال لي بوست غير موفق انا بعتبر دي هزيمة وممكن براحة اضمكم كلكم لقائمة البط عندي

هلا بقائد فلول الرهط...
والبوست كحلتو يا دوبك يا وهبة..واشطت غضبا وزمجرة العصافير في تافوخي
وسناتي اليك كمهندسين زرفانا ووحدانا لكي نوريك صمرقعات المهندسين
بس ابقي رقيق...

وامسك الخشب