ده قوووون معلمين...!!!

Post: #1
Title: ده قوووون معلمين...!!!
Author: عبدالكريم الامين احمد
Date: 09-12-2009, 06:09 AM
Parent: #0

Watch live video from loay85's channel on Justin.tv

Post: #2
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:13 AM
Parent: #1

فتح لعب بالاطراف ..في شكل هجمة مرتدة
استحواذ ولم كورة من سسادومبا..
ثم الباص القصير المريح لي ايفوسا..

استلام..
خطوة...خطوتين ثم تهديف في (التمنيات) وقووووووون

Post: #3
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:19 AM
Parent: #2

لفترة طويلة كان (زولي) في محترفين الهلال كان هو (امبيلي)..
ولكن ايفوسا بهدفه العجيب الذي اطرب به المليون ميل مربع اظهر مقدرات تهديف مدهشة
وستضعه هذه التهديفة التي هي ولا (اروع) تحت مجهر الاهتمام...
خطوة.. وخطوتين والكورة علي (مرمي كلك ) قدمي..
وقمة الحرفنة والموهبة هو (التهديف القوي المركز الذاهب الي المرمي) والكورة تبعد مسافة لاتقل عن متر من اللاعب...
هذه الميزة كانت من اخطر ميزات الهداف الاسطوري (باجيو)

Post: #4
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:24 AM
Parent: #3

من الاشياء في التكتيك المضاد عن المريخ والتي ساعدت (ايفوسا) علي ضرب غرائب الابل المريخية بهدفه
العجيب هذا هو التفوق العددي لمهاجمي الهلال عند الصندوق (عند الضربة)..!!
اربعة مهاجمين.. مقابل ثلاثة من مدافعي المريخ
وحالتها كورة مرتدة (انعل ابو الارتداد زاااتو)...!!
نعم هنالك حالة طرد ولكن رغم كل شي الصندوق هو الصندوق وحمايته بعددية اكبر هو واحد من اهم المهام التكتيكية لكل دفاع..

Post: #5
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:33 AM
Parent: #4

Post: #6
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:42 AM
Parent: #5

Watch live video from loay85's channel on Justin.tv
لا تبتعد يا هلال...
وعمر بخيت وصاروخ ارض جو... من خارج الجك
لاحظ التحضير الخرافي (عند البرنس) والباص المريح
ثم التهديف بتركيز حيث تهادت الكورة في الشبك ....
ودائما مثل هذه الشوتات التي تاتي من الجزء من الميدان ليس لها حلول
الا عند التاريخي حامد بريمة فله فيها مقدرات استخلاص وقفز بحرفنة ووضع الكورة في الكورنر
عمر بخيت تركيزه العالي في ماتش الامس ظهرت اعلي تجلياته في هذه التهديفة
التي هي بالتاكيد تهديفة (صبي ماااااااااانع)

Post: #7
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:56 AM
Parent: #6

الغائب الحاضر كرنقو
وتهديفة من النوع الارض جو وخارج الصندوق ايضا.. بالرجل الشمال
وعلي طريقة خطوة.. الثانية وتهديف وقون..
والمرمي مريخي

Post: #8
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 07:08 AM
Parent: #7

كل هذه الاهداف الاثنين (عمر بخيت وايفوسا).. والتحضيرات الجيدة لها من سادومبا والبرنس
والحركة السلسة ما بين الهجوم والوسط الهلالي بهارموني (بق واديني ابق) يرسل اشارة امتلاك فرقة الهلال الحالية لكيمائي الجمل الهجومية النارية التي يستطيع مدرب الهلال تنميتها والمحافظة عليها استعداد للقادم الغريق..
فكاسحات وعابرات الصندوق هي لوحدها قادرة علي حسم اي مباراة مهما كانت نوعها في ظل تطور الخطط الدفاعية في كرة القدم..

Post: #9
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 07:19 AM
Parent: #8

الهجوم في كورة القدم عموما يرتكز علي ثلاثة (مناطق) تصنع فيها الجمل التكتكية
1- اطراف مرمي الخصم
2- عمق مرمي الخصم
3- المنطقة (الغير مرئية) للخصم.. ولاعب الظل
تتكامل وتدور الكورة في الثلاثة مناطق اعلاه عند الفريق (الفقري وبنوم بدري) ويصنع النصر..
فالهلالل ليلة امس في كورته الدهشة كامل مدربه في خطته التي وضعها لفريقه كل اضلاع المثلت اعلاه..
فسخر اطراف الخصم لخدمة (عمق مرمي الخصم)... وهدف مهاجميه من ظل مرمي الخصم..
وضرب اللون

Post: #10
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 07:31 AM
Parent: #9

سادومبا..
هذا اللاعب القادم للتو للهلال والذي يتشوق ويتخوف جمهور الهلال ويترقب انتظار معرفة (مويته)
وبالاضافة الي تقريعات المزملاب في احتمالية كونه ماسورة..
هذا الرجل القادم مباراة امس المباراة التي سبقتها اظهرت خطورته واظهرت ايضا مقدرته العالية في احتلال الجانب الايسر من اطراف مرمي الخصم..
ياكافي البلا الزول مستلم الكورة دوما (ورامي قدام).. ومدهش في التعاون من زملائه ويجيد الاستحواذ والتخلص ..
وجوده في هذه المنطقة من الملعب مع تقريب المسافات بينه وبين لاعبي النص والمهاجم الاخر المتقدم
هو مسكب هجومي هلالي كبير ومعادلة لو اتقنت يصعب ان يوجد لها حلول...
من الضروري لمدرب الهلال الاهتمام بكثافة الجمل في تلك المنطقة مع الاعتماد علي سادومبا
كمنصة تخزين وانطلاق

Post: #11
Title: Re: ده قوووون معلمين...!!!
Author: حيدر حسن ميرغني
Date: 09-12-2009, 07:32 AM
Parent: #9

ياخي مبروك الفوز يامان
سهرة لامثيل لها
واقوان روعة
نستاهل

Post: #12
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 07:37 AM
Parent: #11

Quote: ياخي مبروك الفوز يامان
سهرة لامثيل لها
واقوان روعة
نستاهل

الله يبارك فيك يا حيدر
ورغم المريخ الفر يق الكبير والعنيد والمتمرس والزعلااان
الا ان ابو الهل كان يوم امس حكاية عجيبة خالسسسسسسسس
ولعب اولاده ماتش العمر

Post: #13
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 07:45 AM
Parent: #12

ضروري ندي لمحة ولقطة عن الاسطوري هيثم مصطفي الشهير بالبرنس وعودة استايله المحبب
وهيثم وبالتحديد في الهدف الثاني وتحضيره المريح في باصه لعمر بخيت كان هو هيثم مصطفي الذي نعرفه..
وتكاد تحس بباص القوون عند طلوعه من ارجل هيثم ان كان في احلي حالته..

البرنس ما بينه وبين عمر بخيت كان لاعب هلالي هو الاقرب والمستحق للباص حسب متطلبات تامين الكورة في منطقة امام الصندوق..
ولكن الحس الكروي المرهف والالمام الجيد بزوايا المعلب وفيزياء الكورة جعلت الباص يرسل لعمر بخيت القادم من الخلف والمندفع..
ليتهادي الباص (ببطن الرجل) ليعالجه عمر بخيت بظهرها .. وقوووون..
وده لاعب النص البعرف بلعب باص القوون وووين ومتتين وكيف..؟؟
انه البرنس درة الملاعب السودانية

Post: #14
Title: Re: ده قوووون معلمين...!!!
Author: Yassir Tayfour
Date: 09-12-2009, 07:53 AM
Parent: #13

كيكي يا صاحب !
والله العظيم أمس بعد ما فتحت بوست بإسمّك عشان تجي تتفسّح بي مزاج، لكن طلعت من البيت بعد المباراة مباشرة وهادي دخلة البيت..

___
سلم لي علي هارون دياب وكمال سالم شديد..

Post: #15
Title: Re: ده قوووون معلمين...!!!
Author: Gaafar Ismail
Date: 09-12-2009, 08:21 AM
Parent: #14

كيكي ياإنسان يا جميل يا حلو
هدف عمر بخيت ..صاروخ عابر للقارات ..دك قواعد المريخ المتحصنة بدفاع دراويش
تحياتي عبرك للحبيب هارون دياب وكمال سالم

Post: #16
Title: Re: ده قوووون معلمين...!!!
Author: ismeil abbas
Date: 09-12-2009, 08:35 AM
Parent: #15

أخى/عبدالكريم..مبروك ...وألف مبروك...نعم إنها فرحة لاتضاهيها فرحة..هذا هو الهلال هلال الملايين..لك التحية..

ألأهداف هى التى تمتع الجمهور...وهدف عمر بخيت ملعوب بفهم كرة حديثة....إسماعيل محمد احمد عباس...

Post: #19
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 09:21 AM
Parent: #16

Quote: أخى/عبدالكريم..مبروك ...وألف مبروك...نعم إنها فرحة لاتضاهيها فرحة..هذا هو الهلال هلال الملايين..لك التحية..

ألأهداف هى التى تمتع الجمهور...وهدف عمر بخيت ملعوب بفهم كرة حديثة....إسماعيل محمد احمد عباس...

كل التحايا وحبابك يا اسماعيل..
والف مبروك لكل جموع الاهلة المنتشرة في كل المليون ميل مربع وفي جخانين الغربة
وعمر بخيت جنن التهديف المباغت المفاجي الخطر جن..!!
البرنس اثبت بانه دوما صانع العاب.. بل صانع اهداف من طراز عجيب خلاااسسسس..
والهلال هذه المرة فعلا ياهو الهلال البنحلم بيهو يوماتي
ونتمني له التوفيق في البطولة حتي الكاس

Post: #20
Title: Re: ده قوووون معلمين...!!!
Author: tmbis
Date: 09-12-2009, 09:28 AM
Parent: #16

Quote: من خارج الجك
لاحظ التحضير الخرافي (عند البرنس) والباص المريح
ثم التهديف بتركيز حيث تهادت الكورة في الشبك ....
.. مبروووك يا كيكي ..
إنت الود هيثم مصطفى دا قرا معاكم هندسة ..؟ واللا عمر بخيث دا .. مساااح ... اححححح ؟؟
يا كيكي الشغل دا كلوو بي حساب الملم
كانت كل احباطاتي تتجسد عند أي تنفيذ جملة هلاليـة أمام صندوق الخصم .. تحتاج لمعالجة (شوتـر) حريف ودقيق .. الكلام دا طبعا بعدانتهاء جيل صبحي .. اتوسمت خير بي وجود كرنقـو .. لكن برضو بقى اخيرا يجليها ثابتة ..
يا كيكي تحضيرات هيثم مصطفى دي ماف اتنين بتغالطوو فيها .. لانو جاري بالناس دي من زمااان .. ضغال تحضير تحضير .. تحضير .. لحدت ما وصل مرحلة (محضر عمليات) .. العجب دا اكلووو اكل في المنتخب القومي .. خلي واحد يجي ينكر الكلام دا ..
كانت المشكلة الرئيسية .. بعد التحضير .. التنفيذ ,, ما اي تنفيذ .. التنفيذ الدقيق تحديدا ..
بي صورة أوضح:
التهيئة الجيدة للجسم .. وضبط الكورة في محور القدم ، تحديد الزاوية وارسال الصاروووخ مهما كان .. ارض ارض .. أو ارض جو .. أو كروز ..
قوووون عمر بخيت شئ عجيب جدا .. شوته بتاعت ولد صبي .. وقلبو حااار .. وهلالابي بالميلاد وراضع من لبن الانتصارات ..
قووون ايفوســا .. دا فيهو سحـر عجيب .. والاعجب منو .. حكاية التحضير الطرفي بعدما اتحرك كل المساكين ديل على الطرف الايمن فاكرين انو ح ياخدو مشوار ..
العجيب وغريب انو ايفوسـا التقول شغال قناصة ..
انا اشك انو شايت الكورة دي بي رجلينو الاتنين .. ماشاء الله .. غايتو انا كان كنت في محلو .. بشوته بي رجليني الاتنين
يا كيكي خلينا نلاحظ ونعترف .. إنو المدرب دا بيعمل في شغل عجيب جدا .. والمدرسة البرازيلية دايما قاعده تنحاز لي الهلال .. واولاد الهلال بيهضموا بسرعة وبينفذو ويطبقو .. ويعملوا نظام الرفع المساحي على أكمل وجـه ..
خلوني من نظام دفاع .. ونظام حركة منضبطه في الميدان .. دفع ووسط وهجوم ..
كدي ركزاكم في مسالة الشوت دي .. الشوووت بتاع امس دا ما شووت نصاح ..
اللهم زد وبارك ..
اضربوهم اينما وجدتموهم .. يا لهم من مساكين وحمام ميت

Post: #25
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 10:11 AM
Parent: #20

Quote: مبروووك يا كيكي ..
إنت الود هيثم مصطفى دا قرا معاكم هندسة ..؟ واللا عمر بخيث دا .. مساااح ... اححححح ؟؟
يا كيكي الشغل دا كلوو بي حساب الملم
كانت كل احباطاتي تتجسد عند أي تنفيذ جملة هلاليـة أمام صندوق الخصم .. تحتاج لمعالجة (شوتـر) حريف ودقيق .. الكلام دا طبعا بعدانتهاء جيل صبحي .. اتوسمت خير بي وجود كرنقـو .. لكن برضو بقى اخيرا يجليها ثابتة ..
يا كيكي تحضيرات هيثم مصطفى دي ماف اتنين بتغالطوو فيها .. لانو جاري بالناس دي من زمااان .. ضغال تحضير تحضير .. تحضير .. لحدت ما وصل مرحلة (محضر عمليات) .. العجب دا اكلووو اكل في المنتخب القومي .. خلي واحد يجي ينكر الكلام دا ..
كانت المشكلة الرئيسية .. بعد التحضير .. التنفيذ ,, ما اي تنفيذ .. التنفيذ الدقيق تحديدا ..
بي صورة أوضح:
التهيئة الجيدة للجسم .. وضبط الكورة في محور القدم ، تحديد الزاوية وارسال الصاروووخ مهما كان .. ارض ارض .. أو ارض جو .. أو كروز ..
قوووون عمر بخيت شئ عجيب جدا .. شوته بتاعت ولد صبي .. وقلبو حااار .. وهلالابي بالميلاد وراضع من لبن الانتصارات ..
قووون ايفوســا .. دا فيهو سحـر عجيب .. والاعجب منو .. حكاية التحضير الطرفي بعدما اتحرك كل المساكين ديل على الطرف الايمن فاكرين انو ح ياخدو مشوار ..
العجيب وغريب انو ايفوسـا التقول شغال قناصة ..
انا اشك انو شايت الكورة دي بي رجلينو الاتنين .. ماشاء الله .. غايتو انا كان كنت في محلو .. بشوته بي رجليني الاتنين
يا كيكي خلينا نلاحظ ونعترف .. إنو المدرب دا بيعمل في شغل عجيب جدا .. والمدرسة البرازيلية دايما قاعده تنحاز لي الهلال .. واولاد الهلال بيهضموا بسرعة وبينفذو ويطبقو .. ويعملوا نظام الرفع المساحي على أكمل وجـه ..
خلوني من نظام دفاع .. ونظام حركة منضبطه في الميدان .. دفع ووسط وهجوم ..
كدي ركزاكم في مسالة الشوت دي .. الشوووت بتاع امس دا ما شووت نصاح ..
اللهم زد وبارك ..
اضربوهم اينما وجدتموهم .. يا لهم من مساكين وحمام ميت

هلا يا تامبا,,
وكدي خلينا نوثق كلام المعلمين ده ده ودروس التيوة لمن تطلع من حريف والحريف ده زااتو يكون
ليلة امس ضارب الطيشاب ثلاثة زي السم ثم فجاة كده تتحول لاهداف زي الورد...
هيثم فعلا يا تمبس محضراتي من النوع الفريد..
والود الباشمهندس المساح ابوعمار (استحق هذا اللقب وحرم من بكرة كل اوراقي محولها ليهو)
جاب قوون في الزاوية الصاح وبالطريقة الصاح وفي الفريق الصاحي..
(ولانو افتكر الخواجة جوني زااتو العمل الكورة قال في الشوتات الزي دي
شوووووتو كما شاتها عمر بخيت)
ايفوسا... والكوتش كملو الكلام يا تمبس واصبحنا مقهين في الصاروخ الذي ذهب كالطيارة الي الشباك
المريخية ذات الحمام الميت...
(تخيل اتشهيت اكرم كحارس للمريخ ليلة امس لاني ممني نفسي بمتعة اسماك هلالية زي الامس دي
تسبح في شبكته المخرومة (لكنو عرفها) لوووووول...
ياخي مبروك
وهلالنا فوووق
المدرب يا تمبس امتلك نوووي الكنبة واثبت فعلا انو المدرب الناجح هو نص الطريق
الي شباك (الحمام الميت)... طائر الرهو الذي طار وهو في ريشه نقطتين

Post: #18
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 09:15 AM
Parent: #15

Quote: كيكي ياإنسان يا جميل يا حلو
هدف عمر بخيت ..صاروخ عابر للقارات ..دك قواعد المريخ المتحصنة بدفاع دراويش
تحياتي عبرك للحبيب هارون دياب وكمال سالم

هلا ياعم جعفر
وعمر بخيت جاب قووون فعلا شحمان وصاروخ ارض جو ما بجيبو الا لاعب معلم وفنان..
طريقة التهديف
الجزء المستعمل من القدم
الزاوية المختارة من المرمي
والوقوف الصاح اثناء الهجمة..
والكثير من المثير الخطر والدهشة طلت من تهديفة الود عمر..
وده الهلال او بلاش يا عم جعفر..

كل التحايا والتقدير ولا نزال في انتظار في الدوحة
وتحياتي للجميع

Post: #17
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 09:10 AM
Parent: #14

Quote: كيكي يا صاحب !
والله العظيم أمس بعد ما فتحت بوست بإسمّك عشان تجي تتفسّح بي مزاج، لكن طلعت من البيت بعد المباراة مباشرة وهادي دخلة البيت..

___
سلم لي علي هارون دياب وكمال سالم شديد..

هلا يا ابو اليسر
ومشتاقين ياخي..
ويوم امس اخوك لابد وعامل كمين ثلاثي للاخوة الطيشاب..
وهارون وكمال سالم ومنذ رجفتهم عقب افطار البورداب ومعاهم الطيشباية الرعديدية اميرة الشيخ
انا عرفت موضوعهم بايظ... والثلاثات حتنزل كالمطر ..وقد كان..

ابو الهل يا ياسر امس جنن التيوة جن واعاد الناس للزمن السمح
وظهر بان احلي لحظات الدنيا دي هي لحظات ضرب المريخ ضرب غرائب الابل الكروية
ومن منوووو؟؟؟
من الهلال سيد البلد

Post: #21
Title: Re: ده قوووون معلمين...!!!
Author: معتصم دفع الله
Date: 09-12-2009, 09:29 AM
Parent: #17

كيكي يا فنان ..
ألف ألف مبروك يا حبيب ..

أجمل ما في لقاء الأمس إنو لاعبي الهلال عادت لهم الروح والثقة في أنفسهم ..
كانوا يلعبون بهدوء وتركيز عالي تناقلوا الكرة برشاقة وتعاملوا مع الكرات التي تصل خط الـ18 بإحترافية عالية لذلك جاءت الأهداف جميلة وممتعة أكدت أن أي لاعب في الهلال يمكن أن يحرز هدف حتى المعز محجوب ذات نفسه ..
كامبوس عرف يوظف لاعبيه ويخلق منهم فريق لا يستهان به ..

سلام وشوق شديد ..

Post: #24
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 10:01 AM
Parent: #21

Quote: أجمل ما في لقاء الأمس إنو لاعبي الهلال عادت لهم الروح والثقة في أنفسهم ..
كانوا يلعبون بهدوء وتركيز عالي تناقلوا الكرة برشاقة وتعاملوا مع الكرات التي تصل خط الـ18 بإحترافية عالية لذلك جاءت الأهداف جميلة وممتعة أكدت أن أي لاعب في الهلال يمكن أن يحرز هدف حتى المعز محجوب ذات نفسه ..
كامبوس عرف يوظف لاعبيه ويخلق منهم فريق لا يستهان به ..

هلا يا الشفيف
والف مبروك ياخي
ومبروك للرعديد تامبا
وابو الهل ليلة امس فعلا يا معتصم عادت اليه الروح وثقة البطولات..ورغم الشد وخصوصية الخصم الا ان
لاعيبة الهلال انتصروا وتفوقو علي انفسهم ...
وكورة امس دي بالتاكيد لها ما بعدها من معنويات وتجدد حلم..
ففيها مكاسب كثيرة خلاااص
1-هزيمة المريخ وكم..؟ ثلاثة اهداف شحمان ياكلن هدف
2-تصدر المجموعة والتربع علي عرش اربعة فرق افريقية مكان خلاااس
3- تجديد الثقةفي اللعبية واختبار مقدرات نجومه واحتمالهم اللعب تحت ظروف ضاغطة
ياخي مبروك بالجد فرح كبير... وضرب تاريخي للون الاحمر

Post: #22
Title: Re: ده قوووون معلمين...!!!
Author: Dr.Elsadig Abdalla
Date: 09-12-2009, 09:31 AM
Parent: #17

سلامات يا عبدالكريم ومبروك للهلال ..
منذ الأمس وفي وسط هذه الهستيريا من الهلالاب في المنبر مازلت أسأل الجميع ،ولا أحد يجاوب ..أتمني أن أجد منك الاجابه ،شايفك عامل ليك ستديو تحليلي بجاي :
--هل كان يستحق ألباشا الطرد ؟وهل طرده لعب دور في سير المباره أم لا ؟؟
--رأيك في قون المريخ ؟هل يستحق أن يدرس في الملاعب السودانيه البائسه للسنوات المقبله ؟..
نسمع منك الاجابه بعد الفاصل

Post: #27
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 10:25 AM
Parent: #22

Watch live video from loay85's channel on Justin.tv

هلا يا الصادق
وحبابك يا دفعة..
واهو جبنا ليك القووون بتاعكم وخلينا نشوفو مرة اخري ونتكلم..
بالتاكيد وحتي لا نبخس المريخ اشيائه القوون سمح وقوون الكورة الثابتة دائما ممتع..
ولكن هذه التهديفة كانت ليس بعصية علي (المعز محجوب) لولا وقوفه الخطاء والمباغتة التي حصلت ليهو
وبالاضافة الي (حيطة الهلال تنظيمها العددي ) ما كان مظبوط وبالاضافة الي الدربكة والكركبة بين اللعيبة في خط 18..
عموما هو قوون مريخي كان بالنسبة لينا مقلق
ولكن سرعان يا الصادق ما عادت الامور الي مجراها المفروض تمشي فيهو..
فالاستعداد والحماس والتكتيك والحضور الميداني عند الهلال كان اكبر من المريخ
..
وصدقني لو الباشا كان لاعب برضو النتيجة حتكون هي هي فالاهداف التي اتت اهداف ملعوبة ومدروسة
وشغل لعيبة كبار..
طرد الباشا

Watch live video from loay85's channel on Justin.tv
طرد الباشا يا الصادق مافيهو كلام وقرار صحيح
كرت اصفرسابق
وفاول عنيف من لاعب هلالي يا الصادق والباشا كانت تبدو عليه العصبية الزائدة
وده دور المدرب وكابتن الفريق انو يعيدو الي اجواء الهدوء..

Post: #34
Title: Re: ده قوووون معلمين...!!!
Author: مزمل خيرى
Date: 09-12-2009, 11:53 AM
Parent: #22

دكتور الصادق
دا عيبكم لمن تغلبوا لسانكم طوييييل ، ولمن تتغلبوا تقعدوا تجقلبو جقلبة شديدة .‍‍!!
هاردلك ياالحبيب ..

Post: #23
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 09:32 AM
Parent: #17

مدرب الهلال في كورة امس
امتلك كازريما (الكنبة)..
والمدرب الحريف هو الذي يستطيع ان يسخر امكانيات لاعبته في الميدان وفي كنبة الاحتياطي...
فدخول ايفوسا.. ثم استطاعته التهديف وغلغلة دفاع المريخ واحراز هدفي
هي اشارة ايجابية تحسب في رصيد المدرب الهلالي الذي مارس امس اقوي اسلحة المدرب الكروي تاريخيا
وهي القراية السليمة لمجريات المباراة
ثم التعديل وضخ لاعب بمواصفات هذه المجريات..
لذا كانت كنبة الهلال يوم امس حاضرة بطولها وعرضها ومدربها..
ومدرب لياقتها الذي حضر وجهز تيم اصبح ذو نفس طويل وله مقدرات الصمود

Post: #26
Title: Re: ده قوووون معلمين...!!!
Author: محمد عبد الماجد الصايم
Date: 09-12-2009, 10:24 AM
Parent: #23

ياااااا معلم
ياخ الليلة اليوم دا قصير خلاس
باللاي تقول تلاتة ساعات بس!

مبروكـ ياخ!
مبروووووكـ!

Post: #29
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 10:31 AM
Parent: #26

Quote: ياااااا معلم
ياخ الليلة اليوم دا قصير خلاس
باللاي تقول تلاتة ساعات بس!

مبروكـ ياخ!
مبروووووكـ

هلا ياعمك
والليلة رمضان مفروض يكون (هوووف) كما يقول الصغير (سامر)
بنقول ليهو يوم الجمعة .يا سامر الليلة مامشيت الروض لييييه..؟؟
يقول ليك الليلة الروضة (هووف) وطبعا هو بكون قاصد (اووووف)..

مبروك تماما يا عمك
وده الشغل الذي يجعل اصحابك ناس طلحة تنظير وهارون (وارغو)
يتوارون وما نشوفهم الافي قصير الجاي..

ووزع ياعمك الشربات الاسفيرية
فالليلة يوم الهلال

Post: #28
Title: Re: ده قوووون معلمين...!!!
Author: عمار يس النور
Date: 09-12-2009, 10:29 AM
Parent: #23

عبد الكريم
سلام و مبروك الفوز الكبير

الاهداف كلها جميلة.
بس الهدف الثاني بتاع عمر بخيت هو الاجمل.
عاوزك تلاحظ معاي الجملة الكروية

بعد ما تمكن وسط الهلال من قطع الكورة من لاعب المريخ التعبان في وسط الملعب
تم تحويل الكرة سريعا إلى اليمين لفتح مسافة
لاحظ حركة اللاعبين و فتحهم للمساحات
الكرة إتلعبت بعد ذلك للطرف الايمن،
أهه عاوزك تلاحظ عبقرية هيثم هنا
عندما احس ان الكورة في إتجاهها له
شوف خرج كيف من و سط اللاعبين و هو يدور ليلعب الكرة مباشرة لللأعب المتقدم من الخلف "نسيبو عمر بخيت"
وفي نفس الوقت هيثم كان بيغطي بظهره دفاع المريخ و يفسح مساحة لتهديفة نسيبو (الناس ديل ذي ما قال ليك تمبس إمكن إكونا قروا معاكم مساحة)

هذا الهدف هو الاجمل في المبارة.
الهدف الثالث جميل بس إعتمد على سرعة سادومبا و ايضا على الحالة التعبانة لدفاع المريخ
بس الهدف الثاني كان ملعوب وسط حضور كبير جدا من مدافعي المريخ.

تسلم يا هيثم يا (مساح)

Post: #30
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 10:49 AM
Parent: #28

Quote: بعد ما تمكن وسط الهلال من قطع الكورة من لاعب المريخ التعبان في وسط الملعب
تم تحويل الكرة سريعا إلى اليمين لفتح مسافة
لاحظ حركة اللاعبين و فتحهم للمساحات
الكرة إتلعبت بعد ذلك للطرف الايمن،
أهه عاوزك تلاحظ عبقرية هيثم هنا
عندما احس ان الكورة في إتجاهها له
شوف خرج كيف من و سط اللاعبين و هو يدور ليلعب الكرة مباشرة لللأعب المتقدم من الخلف "نسيبو عمر بخيت"
وفي نفس الوقت هيثم كان بيغطي بظهره دفاع المريخ و يفسح مساحة لتهديفة نسيبو (الناس ديل ذي ما قال ليك تمبس إمكن إكونا قروا معاكم مساحة)

هلا يا عمار
وحبابك يا كورة وmath
والف مبروك ياخي..
واتفق معاك تماما في هدف عمر بخيت الشغل المهني والحريف العملوا البرنس..
وهيثم في كورته تلك فعلا لم يكن جادع بص فقط بل كان
1- قاري جيد للملعب
2- مدرك تماما لمقدرات وامكانيات زملائه عبر الاحتكاك واللعب معا طويلا..
3- عارف وناقش صاح جيدا لميكانيزم الكورة .(لاحظ معاي سرعة واتجاه الباص وطريقة ركله واختيار اللاعب..
4- بالاضافة الي الوقوف الصحيح في المكان الصحيح والاستلام المريح للكورة والقرار الصحيح..

ياخي البرنس ده مش مسسساح وبس
ياخي ده دكتور حاج الباقر عليه الرحمة اعظم مساح افريقي...

..ايفوسا ياعمار ظهر وبان بانه صبي مااااانع
ونشكر جمال الوالي الذي دقس..

Post: #31
Title: Re: ده قوووون معلمين...!!!
Author: moaz elsir
Date: 09-12-2009, 10:58 AM

مليون مبروك
والله يا كيكي
اول مرة استمتع بالاهداف فى مباراة طرفها (هلال مريخ) اهداف ملعوبة فى لحظات كنا مزنوقين فيهو شديد فلذلك كانت الفرحة اكبر بالهدفين (عمر، ايفوسا)
معاذ

Post: #32
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 11:01 AM

بقي ضروري نلم القونين البره الخط المريخابي ديل وسرو بالنا..
ونفتح الذاكرة صوب اقوان زي دي هلالية سكنت الشباك والشبك المريخي من ارجل لاعيبة من الهلال..
احمد حضرة (الشهير بمقولة اعملو حيطة) كان متخصص في البره خط 18 بتاع اخواننا ديل
صالح الضي جدع فيهم ايضا صاروخ كاد ان يفرتق العرضة شمالا
حاج النقر (الذي جاء) ايضا شنق حامد بريمة بكورة (لووووووب) جعلت اهل المريخ من اثر الضربة يتهمون الاسطوري بريمة بالبيع..
و

Post: #33
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 11:05 AM
Parent: #32

Quote: اول مرة استمتع بالاهداف فى مباراة طرفها (هلال مريخ) اهداف ملعوبة فى لحظات كنا مزنوقين فيهو شديد فلذلك كانت الفرحة اكبر بالهدفين (عمر، ايفوسا)

هلالا يا المعز
والف مبروك ياخي
وفعلا اهداف ليها نكهة خاصة وجات في زمن صعب..
المريخ بعد هدفه الاول عمل ليهو ريش وخفنا من المقولة التاريخية التي تفيد بان الفريق المطرود منو لاعب صعب يتغلب بسهولة..
ولكن جاء الود عمر بخيت وخلخل الصواميل
لياتي ايفوسا ليتنهي من متبقي النعش المتهالك..
وكانت اروع ليلة رمضانيةفي الداخل وما وراء البحار

Post: #35
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 12:03 PM
Parent: #33

Quote: دكتور الصادق
دا عيبكم لمن تغلبوا لسانكم طوييييل ، ولمن تتغلبوا تقعدوا تجقلبو جقلبة شديدة .‍‍!!
هاردلك ياالحبيب

هلا يامزمل
وجماعتنا ديل المرة دي غلبهم البتقال..
حكم وجايبين القصة حكم اجبني لا بعرف ده هلال ولاده مريخ ولابعرف كمال شداد زاااتو
اقوووان جابين فيهم ثلاثة قوون عشان ما يقولو القوون الفلاني كيت كيت
كل قووون بزاوية (غير)..
اقوان برضو ضيعنا ليهم زي اربعة اقوان هلالية..
نقاط برضو هنالك فرق 8 نقاط ما بين الهلال وبين الطيشاب..
ياخي دي مرمطة تاريخية..
وبيني بينك يستاهلو مع لسانهم الطويل ده ومزمل ابو القاسم

Post: #36
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 12:11 PM
Parent: #35

ولان ابو الهل هو مانح الفرحة ويفتح انتصاراته وبالتحديد في مياريات المريخ
يفتح (فونيات) وهي جمع (فونية) التحليق في مدارات الكورة..
نجد انفسنا اليوم محلقين في اللاعب الصرعة الذي يجيد احراز الاهداف الصعبة ...
وقد اجد نفسي مقسما للمهاجم الذي ثلاثة اصناف
1- المهاجم الحقار وصاحب العين القوية في اختراق الدفاع من العمق ومن المنطقة التي يقف فيها الاستوبر والثير باك عبر المحاولة بكور كانها مربوطة بحبل في رجليه ...
والاستاندر الذي يطل في المخيلة دوما
هو روماريو- ماردونا عالميا وداخليا يطل اسامة الثغر البلدوز وانس النور واللاعب الاسطوري محمد المتوكل..
ديل نموذج للمهاجم البجيب القون علي عينك يا تاجر ومن عمق اعماق الخصم ووبفنيات عالية..
ومثلهم كثر

Post: #37
Title: Re: ده قوووون معلمين...!!!
Author: زهير الزناتي
Date: 09-12-2009, 12:16 PM
Parent: #35

يا هندسة هدفي الهلال الثاني والثالث كانا بطريقة واحدة الهجمة المرتدة ...
ومن ثم التوغل لحدود خط 18 ،،، وتجهيز الكرة للاعب الوسط القادم من الخلف ...
ليصوب خارج الخط ... دا بيعني شغل بتاع مدرب وتكتيك ... وجملة تكتكية أضرب
بيها دفاع المريخ مرتين ...

رأي في المباراة كانت كعهد مباريات هلال مريخ عك وتوتر وشحن زائد ، ومافي
كورة ممرحلة ،،، الهلال لعب في مباراة كانو أفضل مية مرة من كورة المريخ
أمبارح ... مبروك الفوز والتأهل ............

Post: #38
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 12:22 PM
Parent: #37

Quote: دا بيعني شغل بتاع مدرب وتكتيك ... وجملة تكتكية أضرب
بيها دفاع المريخ مرتين ...

هلا يا زهير
مبروك شديد ياخي..
وفعلا يا زهير الجمل الاثنين الجاء منهم الاقوان شغل بتاع مدرب وتطويع لمقدرات لاعيبة الوسط في التهديف
ومحاولة لكسر تماسك دفاع المريخ..
ومدرب الهلال يا زهير ليلة امس لعب ماتش كبير
في تغيراته الصحيحة وتفعيل التكتيك والتكتيك البديل وهاروموني المباراة..
...
وبالتاكيد مباريات هلال مريخ تاريخيا الشد والعصبية بتكون هي سيدة الموقف
ولكن رغم كل شي تبقي العبرة بالنتائح والاسكور
وهذا ما استفاد منه الهلال

Post: #39
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 12:42 PM
Parent: #38

2- النوع الثاني من المهاجم الذي يسر البال ويهب الدهشة..
هو المهاجم الذي يجيد التعامل مع الكورة المعكوسة الاتية من اطراف الملعب..
وليد طاشين لاعب الهلال السابق كانت مقدراته في (الهد) واسكان الكورة الشباك لاتوصف ..
وكليزمان ذلك اللاعب الالماني الدباب... ولكن يبقي منتصر الزاكي زيكو ورغم مريخيته الصارخة من اخطر المهاجمين الذين تفرجت عليهم لايف في التعامل مع الكورة المعكوسة علي الاطلاق..

Post: #41
Title: Re: ده قوووون معلمين...!!!
Author: عماد الدين عبدالله
Date: 09-12-2009, 12:56 PM
Parent: #39

كيكي يا هندسة مليوووون مبروك
وانت الاولاد ديل اخدوا عندك درس خصوصي
في القياسات وظبط الزواياولا شنو الحكاية
اقوان ولا احلي وزي ما قال الشوالي
لا تبتعد يا هلال عن السيمي فاينل
مبروك لاهل الموج الازرق الهادر

Post: #43
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:04 PM
Parent: #41

Quote: كيكي يا هندسة مليوووون مبروك
وانت الاولاد ديل اخدوا عندك درس خصوصي
في القياسات وظبط الزواياولا شنو الحكاية
اقوان ولا احلي وزي ما قال الشوالي
لا تبتعد يا هلال عن السيمي فاينل
مبروك لاهل الموج الازرق الهادر

هلا ياعمدة وحبابك ياخي في سودانيز اونلاين
ومرحب بيك هلاليا طل علينا في يوم الفرح ويوم ضرب اللون..
وياعماد الاولاد ديل احنا زاتنا بعد ده شايلين عدتنا وماشين نجلس ليهم القرفصاء ونتعلم منهم الزوايا
والمسافات والقصص الملي ملي دي بتتعمل كيف..
ياخي البرنس ده انا عافي منو دنيا واخرة

وفعلا نورمال نورمال
هلالنا دغري للفاينال

Post: #45
Title: Re: ده قوووون معلمين...!!!
Author: بدر الدين الأمير
Date: 09-12-2009, 01:11 PM
Parent: #39

Quote: سلم لي علي هارون دياب وكمال سالم شديد..

كمال سالم السكرى وصل 450
هارون دياب فقد المنطق و..
ضحية امانة ماتلوم راجل الناس
قاعدين في بيتوا بعد الهدف الاول
قال البشجع الهلال فى بيتى انا بطعنوا...
وفى مبارة اخرى كانت هلال مريخ
المريخاب محمد سالم وعلى
والهلالاب عادل سالم وبدرالدين الامير
المريخاب اخدو سيك في القبول

Post: #40
Title: Re: ده قوووون معلمين...!!!
Author: معتصم دفع الله
Date: 09-12-2009, 12:50 PM
Parent: #38

Quote: منذ الأمس وفي وسط هذه الهستيريا من الهلالاب في المنبر مازلت أسأل الجميع ،ولا أحد يجاوب ..أتمني أن أجد منك الاجابه ،شايفك عامل ليك ستديو تحليلي بجاي :
--هل كان يستحق ألباشا الطرد ؟وهل طرده لعب دور في سير المباره أم لا ؟؟
--رأيك في قون المريخ ؟هل يستحق أن يدرس في الملاعب السودانيه البائسه للسنوات المقبله ؟..
نسمع منك الاجابه بعد الفاصل
تحياتي يا دكتور الصادق ..

أولاً قبل ما نشوف طرد الباشا نرجع لمباريات المريخ الأخيرة حتى الدورية منها ..
في المباريات السابقة للمريخ يكاد في كل مباراة يطرد لاعب ويجامل الحكم عدد منهم متسامحاَ وضعفاً في بعض الأحيان دي الدوري المحلي ..
ما الذي جعل لاعبي المريخ يصلون لهذه الحالة وأعني التوتر في المباريات وخصوصاً المهمة بطولة الأندية الأفريقية لأنه على التوالي تم طرد لاعبين فيها ..
إذاً هنالك مشكلة تواجه لاعبي الفريق وجهازه الفني والإداري لم يستطع معالجتها أو تداركها ..
لماذا تتكرر هذه الحالات وأقصد الطرد في كل المباريات التي يكون طرفها المريخ ..
الباشا لم نتعود منه مثل هذا السلوك المشين فهو لاعب هادئ ومحبوب ولكن هنالك مشكلة تواجه جميع اللاعبين فقد علمنا أنه خرج من المعسكر ورفض اللعب وتنقالت وسائل الاعلام هذا الكلام ودا في حد ذاته مؤشر سئ يأثر في معنويات اللاعب إن كان صحيحاً أو غير ذلك ..
في المره الأولى إحتج الباشا وواصل إحتجاجه بقذفه للكره في وجه عمر بخيت فإعتبره الحكم سوء سلوك والحكام الأجانب لا يعرفون لاعبينا ولا يعملون لهم حساب أو يدللونهم كما يفعل حكامنا لذلك يتخذون قراراتهم على طول ..
بلا شك طرد لاعب من الملعب يؤثر على الفريق وقد يعطيه دافعاً معنوياً أيضاً كام حدث للمريخ أمس ولكن في النهاية من يجتهد وينظم نفسه هو الذي يفوز ..

على كل حال هاردلكم ..
وأتمنى أن أكون قد أوفيت ..

Post: #42
Title: Re: ده قوووون معلمين...!!!
Author: عماد الدين عبدالله
Date: 09-12-2009, 01:00 PM
Parent: #40

Quote: وأتمنى أن أكون قد أوفيت ..

اوفيت وما قصرت زي ما قال المبدع الفنان
الراحل المقيم مصطفى سيد أحمد

Post: #47
Title: Re: ده قوووون معلمين...!!!
Author: Al-Sadig Yahya Abdall
Date: 09-12-2009, 01:17 PM
Parent: #42

Quote: انا اشك انو شايت الكورة دي بي رجلينو الاتنين .. ماشاء الله .. غايتو انا كان كنت في محلو .. بشوته بي رجليني الاتنين
يا كيكي خلينا نلاحظ ونعترف .. إنو المدرب دا بيعمل في شغل عجيب جدا .. والمدرسة البرازيلية دايما قاعده تنحاز لي الهلال .. واولاد الهلال بيهضموا بسرعة وبينفذو ويطبقو .. ويعملوا نظام الرفع المساحي على أكمل وجـه ..
خلوني من نظام دفاع .. ونظام حركة منضبطه في الميدان .. دفع ووسط وهجوم ..
كدي ركزاكم في مسالة الشوت دي .. الشوووت بتاع امس دا ما شووت نصاح ..
اللهم زد وبارك ..
اضربوهم اينما وجدتموهم .. يا لهم من مساكين وحمام ميت

تمبس يا خطييييييييييييييييييييير
اذا قلت لم تترك مقالا لعالم****** وأن صلت لم تترك مصالا لفاتك
او كما قال ابوالطيب المتنبي

Post: #50
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:25 PM
Parent: #47

هلا يا الصادق
وتحياتي ومبروك للهلال
وتمبس ده ماخد البرنجي في حكاية ابو الهل دي من زمان
وهو خير من يجيد الحديث عن الكورة الهلالية عندما تشاع الفرحة..

ايمان صالح وتمبس ديل هلالاب نار منقد بس...!!!

وتري اين ايمان صالح ياخي..؟؟؟
وفي تلك الليالي يفتقد البدر

Post: #49
Title: Re: ده قوووون معلمين...!!!
Author: عبدالكريم أحمد الامين
Date: 09-12-2009, 01:20 PM
Parent: #42

** السمى الباشمهندس ودالامين أحمد..
** صباحك ومساءك أبيض بازرق كروعة سيد البلد..
## إفتتحت دبى فى 09/09/09 الساعه :- 09.09.09 مشروع المترو وهو يحمل اللون الازرق لون الهدوء والسكينه والطُمانيننه ..
** وهدفى ود بخيت وايفوسا وقوة قذف الكره كانتا كإنطلاقة مترو دبي _ لذلك سوف اسمى الهدفين:-
### مـــــــــتـــــــــــرو دبــــــــــــــــــى..
*** من غير الازرق الدفاق يعطى شعبنا طعم الفرح ولذة ونشوة النصر..

*** آخر نكته طازجه وصلت بالطياره وتم توزيعها بالجساره لاصحاب الخساره:-

Quote: ## آخر نكته وصلتنى من صديقى الكوتش عوض الله مُصطفى - بالعين - دولة الامارات العربيه المُتحده:-
*** لإضافة رصيد الى هاتفك اضغط نجمه (*) ثم أكتب (مازدا) ثلاث مرات.
## مع تحيات إتصالات الهلال..

(ودام الود بيننا ,, والهلال دائماً فوووق)
(ابو محمد فؤاد) - الماكيكى...

Post: #51
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:30 PM
Parent: #49

Quote: مـــــــــتـــــــــــرو دبــــــــــــــــــى..

هلا يا ابو محمد
والف مبروك وعقبال الكاس يارب..
ونعم المترو في دبي وفي امدرمان في الانطلاق واللون والفرح..
والكورتين (ايفوسا وبخيت) لولا الشبكة كانتا لحدي حسع طائرات محلقات يجبن الفيافي والوديان السودانية حيث القلوب والافئدة فرحانة ومبسوطة ومنتشية لهذا النصر الهلالي الكبير
تسلم يا ابو محمد
والهلال فريق صعب بالحيل وبظهر في اللفات ولفة امس دي كانت
اروع اللفات

Post: #52
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:30 PM
Parent: #49

Quote: مـــــــــتـــــــــــرو دبــــــــــــــــــى..

هلا يا ابو محمد
والف مبروك وعقبال الكاس يارب..
ونعم المترو في دبي وفي امدرمان في الانطلاق واللون والفرح..
والكورتين (ايفوسا وبخيت) لولا الشبكة كانتا لحدي حسع طائرات محلقات يجبن الفيافي والوديان السودانية حيث القلوب والافئدة فرحانة ومبسوطة ومنتشية لهذا النصر الهلالي الكبير
تسلم يا ابو محمد
والهلال فريق صعب بالحيل وبظهر في اللفات ولفة امس دي كانت
اروع اللفات

Post: #44
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:10 PM
Parent: #40

Quote: أولاً قبل ما نشوف طرد الباشا نرجع لمباريات المريخ الأخيرة حتى الدورية منها ..
في المباريات السابقة للمريخ يكاد في كل مباراة يطرد لاعب ويجامل الحكم عدد منهم متسامحاَ وضعفاً في بعض الأحيان دي الدوري المحلي ..
ما الذي جعل لاعبي المريخ يصلون لهذه الحالة وأعني التوتر في المباريات وخصوصاً المهمة بطولة الأندية الأفريقية لأنه على التوالي تم طرد لاعبين فيها ..
إذاً هنالك مشكلة تواجه لاعبي الفريق وجهازه الفني والإداري لم يستطع معالجتها أو تداركها ..
لماذا تتكرر هذه الحالات وأقصد الطرد في كل المباريات التي يكون طرفها المريخ ..
الباشا لم نتعود منه مثل هذا السلوك المشين فهو لاعب هادئ ومحبوب ولكن هنالك مشكلة تواجه جميع اللاعبين فقد علمنا أنه خرج من المعسكر ورفض اللعب وتنقالت وسائل الاعلام هذا الكلام ودا في حد ذاته مؤشر سئ يأثر في معنويات اللاعب إن كان صحيحاً أو غير ذلك ..
في المره الأولى إحتج الباشا وواصل إحتجاجه بقذفه للكره في وجه عمر بخيت فإعتبره الحكم سوء سلوك والحكام الأجانب لا يعرفون لاعبينا ولا يعملون لهم حساب أو يدللونهم كما يفعل حكامنا لذلك يتخذون قراراتهم على طول ..
بلا شك طرد لاعب من الملعب يؤثر على الفريق وقد يعطيه دافعاً معنوياً أيضاً كام حدث للمريخ أمس ولكن في النهاية من يجتهد وينظم نفسه هو الذي يفوز ..

تحليل مميز يا ميو
ولكن اخواننا ديل اليوم والايام الجاية
اي حاجة حيشوفوها ثلاثة ثلاثة..
والباشا لاعب مميز والحق يقال ولكنه كان بالامس في حوجة لتوجيهات اهل الخبرة الميدانية
فالمباريات الصعبة الزي دي عاوزة اعصاب زي الحديد ومتابعة من المدرب لاي انفلات عصبي حتي لا يفقد الفريق لاعب بالطرد ويفقد فرصته في الفوز

Post: #46
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:16 PM
Parent: #44

Quote: قال البشجع الهلال فى بيتى انا بطعنوا...

ايووه ده الكلام ابو بلاش
وانا لو في محلو ح ابداء بيك انت ده..
انتو زااتكم البقعدكم مع مريخابي وفي كورة هلال مريخ بعد القوون التاني شنووو.؟؟
مفروض تعمل كرامة يابدر مادام طلعت سليم..

كمال سالم انا من ما شفتو في اصدقاء البيئة وعيونو منططة عرفت قصتهم بايظة..
التهاني الشديدة ياخي لعادل سالم الهلالي الكبير
ولمحمد حمدي المطبوع الذي حدثني بالنتيجة وكانت توقعاته صادقة

Post: #48
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 01:18 PM
Parent: #46

قالوا لي هارون دياب داير يسمي في الوست مربوطة
قام قال 3

Post: #53
Title: Re: ده قوووون معلمين...!!!
Author: البدري عبد الله
Date: 09-12-2009, 01:54 PM
Parent: #48

Quote: قالوا لي هارون دياب داير يسمي في الوست مربوطة
قام قال 3

Post: #54
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 05:31 PM
Parent: #53

هلا يا البدري
واحبابنا الطيشاب حالتهم بالجد الليلة تحنن..

Post: #55
Title: Re: ده قوووون معلمين...!!!
Author: طارق الكوتش
Date: 09-12-2009, 05:57 PM
Parent: #54

كيكى يا فرده مليون مبروك للازرق المجنون
وربنا يدينا الفى مرادنا

وفعلا قوووون معلمين

Post: #58
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:08 PM
Parent: #55

Quote:
كيكى يا فرده مليون مبروك للازرق المجنون
وربنا يدينا الفى مرادنا

وفعلا قوووون معلمين

هلا يا كوتشب والف مبروك ياخي..
والغريق رغم انه قدام الا ان الهلال الشايفو انا ده
شكلو كده السنة دي ناوي يصنع الفرح للجموع الكثيرة دي..
وموعدنا الكاس يا كوتش

Post: #56
Title: Re: ده قوووون معلمين...!!!
Author: Mohamad Shamseldin
Date: 09-12-2009, 05:59 PM
Parent: #54

مسيو كيكي

قون عمر بخيت ..... من نسيب لنسيبو

اما قون إيمان لندن قون بروفيسرات

Post: #57
Title: Re: ده قوووون معلمين...!!!
Author: Mohamad Shamseldin
Date: 09-12-2009, 06:04 PM
Parent: #56

Quote: واحبابنا الطيشاب حالتهم بالجد الليلة تحنن..

لكن بيذكروني ب
"واقفين تحننو .... راكبين تجننو "

امبارح كلهم شالو التلفون و ضربو بيهو التلفزيون.... مافي أي واحد رد علينا.....الحالة دى عامة ...و لا عند جماعتنا بس

Post: #59
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:16 PM
Parent: #57

Quote: امبارح كلهم شالو التلفون و ضربو بيهو التلفزيون.... مافي أي واحد رد علينا.....الحالة دى عامة ...و لا عند جماعتنا بس

وينك ياهندسة ومشتاقين يعلم الله..
والجماعة ليلة امس رقدوا سلطات ومصقع والاسعافات دي اشتغلت قرف...

وايمان لندن ما قصرت مع الهلال تببب
ومن الليلة نطالب جمهور الهلال بان يمنحها اذنه الموسيقية المرهفة

Post: #60
Title: Re: ده قوووون معلمين...!!!
Author: Mohamad Shamseldin
Date: 09-12-2009, 06:55 PM
Parent: #59

كيكي ...

أمبارح حلمت إنو المريخ جاب ليهو نقطة تاني من كورة كانو بيلارز....
...
رغم انو حاولت احل المتوالية بتاعت المريخ غلبتني ...

مش كانت تعادل - هزيمة - هزيمة - تعادل - هزيمة - ؟؟ -
بالنقاط : 1 - 0 - 0 - 1 -0 - ؟؟؟

Post: #61
Title: Re: ده قوووون معلمين...!!!
Author: عبدالكريم الامين احمد
Date: 09-12-2009, 06:59 PM
Parent: #60

Quote: مش كانت تعادل - هزيمة - هزيمة - تعادل - هزيمة - ؟؟ -
بالنقاط : 1 - 0 - 0 - 1 -0 - ؟؟؟

تعرف معادلة المريخ دي لو قعدو ليها دكتور سعد عدنان و ودكتور ود المكي
وقعد معاهم بالجنبة كده حمد حماد ما يحلوها

الناس ديل دربهم دخل في الموية خلاااص يا محمد وكل شي ممكن..
يتغلبو .. يغلبو.. درون ... يكبو الزوقة كلو وارد