شنو الكبكبة يا مريخاب هوووي..!!!

Post: #1
Title: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 10:39 AM
Parent: #0

الكورة الجاية دي عندنا فيها كلام كثير خلاص..
واني اري في المنام اهداف هلالية احسبها روتانية اللون واللحن والزوايا,,
بلا قسطنطين ولا الالوسي بلا لما يا خلي..
اخدها مني
الكورة 2 لف...وليس 2 صفر
بالتاكيد انها 2 لف..
......

Post: #2
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 10:43 AM
Parent: #1

ريخيتر الرجفة الداخلي في مباريات ابو الهل ضد بني صهيون دائما شغال تش..
واذكر عندما هزمنا الاوغاد في كور زيكو الشهيرة كانت الرجفي الداخلية تعادل 8 درجات بمقياس ريختروني
ومرات عديدة كانت الرجفة الف..
ولكن عند انتصارات الهلال التي اتت بطعم والي الدين واخريين كانت القصة من بدري بتكون مكشوفة
وغلب المريخ بنشوفو قبل 20 يوم ونص..
لذا عفوا يا مريخاب هذه المرة فالقصة 2 لف..
الرجاء محاولة مرة اخري
فالدوائر الهلالية مشغولة بالانتصارات

Post: #3
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 10:48 AM
Parent: #2

علي المستوي المنبر
الصهيوني الكبير هارون دياب شايل ليهو خروف لابس هلال وحائم بيهو من بوست بوست
ومفتش لسلخانة يضبحو فيها...عفوا هارون كل السلخانات متعطلة عن العمل..
فكما ضبح الخروف مسعود ذات يوم
فان خروفك الهلالي سيضبحكم 2 لف
فجهزوا الشطة والدكوة والمرايس ان اردتم حتي ياكلم الخروف 2 لف..
اكل الخروف هارون
واكل الخروف طلحة عبدالله ايضا
اكل الخروف الجموع الصيهونية بما فيهم الصاوي وعبدالماجد عبدالماجد
وسياكل الخروف رجاء العباسي ايضا

Post: #6
Title: Re: شنو الكبكبة يا مريخاب هوووي..!!!
Author: عصام دهب
Date: 11-13-2008, 10:53 AM
Parent: #3

جقلبتك دي حدها قريب يا كيكي ..

نحيا و نشوف ..

Post: #8
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 10:56 AM
Parent: #6

Quote: جقلبتك دي حدها قريب يا كيكي ..

نحيا و نشوف ..

مرحب مولانا
ممكن نقول ايضا ضبح الخروف عصام دهب
واهداك الخروف الهلالي الي تراجي الهلالية في طبق من ذهب عشان تعملك شية يا عصام

صدقني ابو الهل غالب غالب يا عصام
وهاردلك مقدما

Post: #4
Title: Re: شنو الكبكبة يا مريخاب هوووي..!!!
Author: ابراهيم محمد الحسن
Date: 11-13-2008, 10:49 AM
Parent: #2

كيكي في جلباب قسطنطين ....

هاك دي :

Post: #5
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 10:52 AM
Parent: #4

Quote: كيكي في جلباب قسطنطين ....

هاك دي :

نسيت اقول ضبح الخروف ابراهيم محمد الحسن وعملك شية كمان يا هومي

يا اخوي قسطنطين ده لو قعدنا نباريهو حتكملو الخرفان الزرقاء دي خروف خروف
فعشان كده نزلنا الملعب احنا ذاااتنا
ونشوف اخرة خرفانكم اللابسة بمبي ولا ازرق دي قصتها شنو..

....
ضبح الخروف ابراهيم

Post: #7
Title: Re: شنو الكبكبة يا مريخاب هوووي..!!!
Author: ابراهيم محمد الحسن
Date: 11-13-2008, 10:55 AM
Parent: #5

كيكي ،،
Quote: ضبح الخروف ابراهيم

شكل الجملة عشان نعرف الفاعل من المفعول به ..
الخروف الضبح إبراهيم ..
ولا إبراهيم الضبح الخروف ...

Post: #9
Title: Re: شنو الكبكبة يا مريخاب هوووي..!!!
Author: ابراهيم محمد الحسن
Date: 11-13-2008, 10:56 AM
Parent: #7

شات هيثمُ القارورةَ

Post: #12
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:01 AM
Parent: #9

Quote: شات هيثمُ القارورةَ

يا ابراهيم داك ضبح وده شووت
البلمهن شنو حسسع لو ما كبكبة مريخاب قبل الضبح..

يازول هاردلك برضو مقدما
والمرة دي الله يستر علي القوارير من العجب حبيبي

Post: #10
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 10:58 AM
Parent: #7

Quote: الخروف الضبح إبراهيم ..
ولا إبراهيم الضبح الخروف

الصحيح او كما قال فراج الطيب
ضبح ابراهيم بواسطة الخروف الهلالي
ضبحتين....احسبهما من كلاتشي والله اعلم

Post: #11
Title: Re: شنو الكبكبة يا مريخاب هوووي..!!!
Author: محمد عثمان
Date: 11-13-2008, 10:59 AM
Parent: #2

عبد الكريم...

سلاااام

والله كويس عملت البوست دا
الجماعة ليهم كم يوم شابكننا تحكيم اجنبى
و ما عارف كشف المنشطات..مع العلم انو من بادر
بالحديث حول هذه الامور هو الهلال..لكن منو البيقدر
يقول البغلة فى الابريق...

اها هاك منى كمان واحد زيادة
3 لف...و محل رقيقة التنقد..

تحيااات...

Post: #14
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:05 AM
Parent: #11

Quote: اها هاك منى كمان واحد زيادة
3 لف...و محل رقيقة التنقد..

هلا يا ابو حميد
ثلاثة مقبولة ومجازة ويستاهلوا اربعة عديل كده الناس الكبكابين ديل..
ياخي هارون وطلحة وابراهيم ومن لف لفهم قلبهم القعاد
وشكلهم عارفين القصة بايظة معاهم عشان كده عاوزين ياخدوا كبكبتهم مقدما..

عموما 2 لف مبروك
3 لف برضو حباب الهلال سيد البلد
وتوجد بوستات عقب الضبح

Post: #13
Title: Re: شنو الكبكبة يا مريخاب هوووي..!!!
Author: طلحة عبدالله
Date: 11-13-2008, 11:05 AM
Parent: #1

لماذا يرفض الهلال كشف المنشطات .. سر خطير .
دا السؤال يا كيكي ..
خليكم جادين شوية بلاي .

Post: #15
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:09 AM
Parent: #13

Quote: دا السؤال يا كيكي ..
خليكم جادين شوية بلاي

هلا يا طلحة المضبوح
يا زول خلاص بدينا من حسع منشطات وحبوب هلوسة كروية وحكام..
يا طلحة ابو الهل ده كواريك المساطب بتاعتو هي اكبر منشطات
فعشان كده يا زول خليك عادي واقبل بالمكتوب ليكم وبطل لولوة

Post: #16
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:26 AM
Parent: #15

اميرة الشيخ برضها في المشمش....

ومن حسع نسمنع عنكم كيد جموع الهلالاب بواسطة والصايم وود البشري وتمبسسسسسسسسسسسسس
وهنالك اشاعة تفيد بعودة ايمان صالح...وما ادراك ما ايمان صالح

Post: #73
Title: Re: شنو الكبكبة يا مريخاب هوووي..!!!
Author: إيمان صالح
Date: 11-24-2008, 12:16 PM
Parent: #16

وهنالك اشاعة تفيد بعودة ايمان صالح...وما ادراك ما ايمان صالح

عودتها من وين؟
والقال ليك منو اشاعة؟

إيمان

Post: #17
Title: Re: شنو الكبكبة يا مريخاب هوووي..!!!
Author: بهاء بكري
Date: 11-13-2008, 11:36 AM
Parent: #1

ياهندسة الجماعة ديل احسن يرجعو للكشافات والنجيلة والمقصورة وباقي الاوهام ديك .... الولد الشقي مجهز حالو للتوالي السادس ......... بعدين الله لاقدر غلبونا اها يعرفوا الكاس كيف .... الناس ديل نسوا الكاس بشيلوه كيف

Post: #18
Title: Re: شنو الكبكبة يا مريخاب هوووي..!!!
Author: Abdlaziz Eisa
Date: 11-13-2008, 11:43 AM
Parent: #17

Quote: الكورة الجاية دي عندنا فيها كلام كثير خلاص..
واني اري في المنام اهداف هلالية احسبها روتانية اللون واللحن والزوايا,,
بلا قسطنطين ولا الالوسي بلا لما يا خلي..
اخدها مني
الكورة 2 لف...وليس 2 صفر
بالتاكيد انها 2 لف..

الأخ عبدالكريم

سلام

الله يستركم من هذه الكوابيس ياخي
اللفة هذه لفة كمبل!!

والله انت رجل طيب.. عايزين قونين فقط في الزريبة!!!
العجب عنده قون
والسعودي قون..

لكن طمبل حقه مضمون..
الله يستركم

تحياتي
عبدالعزيز

Post: #20
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:48 AM
Parent: #18

Quote: والله انت رجل طيب.. عايزين قونين فقط في الزريبة!!!
العجب عنده قون
والسعودي قون..

هلا يا عبد العزيز
وبالله انت برضو يا عزيز تبع المضبوحين الجدد..

والعجب والسعودي ديل هم ذاااتهم الخروف اللابس ازرق ناوي بضبحهم هم في البداية
حتن يقبل علي السادة المشاهدين من المريخاب..

الحلم كان اكثر من 2 يا عبدالعزيز
ولكن انا قصيت الشريط حتي لايهرب الاصدقاء من مريخاب ومريخابيات سودانيز قبل الماتش

Post: #19
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:43 AM
Parent: #17

Quote: بعدين الله لاقدر غلبونا اها يعرفوا الكاس كيف

هم بهاء اليقدور يغلبوا في البداية
شيلة الكاس هينة ممكن نسلفهم هيثم مصطفي يشيلو ليهم لحدي الحفرة سابقا
ويجي راجع....

يا بهاء ارقد قفا
غلب مافي وكاس مافي...ولكن هنالك توالي بالتاكيد

Post: #21
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 11:50 AM
Parent: #19

الهلال وجع جوه القلب وعشق منذ تعومة الاظافر
من زمن جكسا والدحيش وعلي قارقين مرورا بالنقر وكندورة ومنقستو
وحتي كرار ابو علي الي زمن ناس رتشارد جاستن..اولاد لاعبين وكورة زي الورد
وحرفنة زي الغزال .. يا سلام يا ابو الهل..!!!
لمن تكون في كورة هلال ومريخ ومن زمان الواحد بكون بتراجف اليوم كلو والايام السابقة
زي الكاسترد..والجسم بيعرق كلو ما يتذكر المباراة قربت..!!
لمن يتغلب الهلال وبالذات من الصهيانة ديل القصة بتكون حارة خلاص
والدنيا بتبقي سوووووووودا..والعشاء اليوم داك ببقي زي الحنظل وتحس بالفول حصحاص بس
والنوم ذاتتو ما بجيك..
وبكرة بتمشي الشغل مادي بوزك مترين ونص وممكن تشاكل المدير ذااتتتتو
عشان كده انا لو لقيت فرصة ومسكت الكورة دي..تاني النشوف زول يجي يغلب لينا الهلال ده
ويعمل لينا سافوتة في راسنا....

Post: #22
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 12:10 PM
Parent: #21

هارون دياب بعد المباراة دي
حتلحق طوالي اسحاق ابو قرن..ومريخابي كده كان اسمو ابوشاكوس
وحنسميك هارون ابو خروف..
وحذاري يا سكورتا من هذه التسمية لم ان تجي تادي فروض الولاء والطاعة لابو الهل سيد البلد..
ستلحق ايضا بطلحة عدة

Post: #23
Title: Re: شنو الكبكبة يا مريخاب هوووي..!!!
Author: khaleel
Date: 11-13-2008, 12:21 PM
Parent: #22

قسطنطين

قال ليك الكورة اتنين واحد لصالح الهلال

المريخ يحرز الهدف الاول

ثم مساوي التعادل

ثم مهند اوكلاتشي هدف الفوز

Post: #24
Title: Re: شنو الكبكبة يا مريخاب هوووي..!!!
Author: Amira Elsheikh
Date: 11-13-2008, 12:48 PM
Parent: #23

Quote: اميرة الشيخ برضها في المشمش....

يازول هوى مشمش شنو.. شامة لى ريحة استلاب فى نوع الفاكهه المستخدمة...

المنقة مالها ولا البـطيخ الاحمممممممار داك عيبو لى...

غايتو كان ماسيرتكم الضحى تلاقونى ...

بوستيك دا ريحة الكبكبة فيهو طاقة

Post: #25
Title: Re: شنو الكبكبة يا مريخاب هوووي..!!!
Author: محمد عمر الفكي
Date: 11-13-2008, 01:37 PM
Parent: #24

بسم الله،بسم الله
كيكي دا طارت له حمى في راسه، قام يهدرب نصة نهار شى ضبح وشي 2 لف ،يا ناس الزول دا ما عندو راعي يودي مستشفى يعالجه، قول بسم الله انت حلمان لسه يوم 17 ماجاء.
يا ابوساندرا
شوف لك عربية اسعاف خليها جاهزة لكيكي دا قبال يلحق خروف هارون، الزول درعنا ليك في رقبتك

Post: #26
Title: Re: شنو الكبكبة يا مريخاب هوووي..!!!
Author: KOSTA
Date: 11-13-2008, 02:06 PM
Parent: #25

كيكى

هسع الكبكاب منو ؟؟؟
اركز يا هندسة
يوم 17 بدرى عليهو

قلت لى الكورة 2 / لف ؟؟
بس لمنو ؟؟؟

ياكيكى

تحتاجون الى 90 سنة " ضوئية" لكى تكونوا فى قامة الزعيم
و تحتاجون الى 180 سنة " ضوئية " لكى تأتوا بربع انجازات الزعيم

اما الباقى .... نخليهو ليوم المباراة
بس انا برضو يا كيكى " رتيان " فى حالك
الله يجيبوا ليك طيب ... و " ارغو" ان تكون بألف خير !!!!

Post: #35
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 05:07 PM
Parent: #26

Quote: هسع الكبكاب منو ؟؟؟

هلا يا كوستا
وده سوال يا كوستا يا صديقي ياخي
ناسكم ناس هارون جايبين خرفان قبل شهرين
واخونا طلحة قبل المباراة بعشرة اسابيع ماسكاهو ام هلا هلا الحكام والمنشطات
يازول ابو الهل صعب وكاساتو دهب
واحنا الصفوي ذااااتا

Post: #34
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 04:54 PM
Parent: #25

Quote: شوف لك عربية اسعاف خليها جاهزة لكيكي دا قبال يلحق خروف هارون، الزول درعنا ليك في رقبتك

اووووه
ود الفكي
واول كدي قبل الاسعاف والضبخ النسلم عليك ونقول حبابك والله يا صهيوني
وبركة الجيت
ولكن مشلكتك كراع حارة لانك جاي مع سونامي الهلال الذي سيضبح كل اضان حمراء لافة في المنبر ده
وانت اولهم يا ماان
وحقو تبل راسك وترجي دورك في السلخ الهلالي

Post: #31
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 04:46 PM
Parent: #24

Quote: المنقة مالها ولا البـطيخ الاحمممممممار داك عيبو لى...

والله يا اميرة تستاهلوا المنقة ياخي
ما معقول يبقي عليكم غلب وعدم منقة...

لذا خليها اميرة الشيخ في المنقة
بدلا عن اميرة الشيخ في المشمش

Post: #30
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 04:40 PM
Parent: #23

Quote: قسطنطين

يا ابو خليل بصراحة الشيطان بتاعك ده انا كجنتو
وادائه في السنة الماضية كان جنائزي..
فعشان كده قوون المريخ ده لزومو شنو حسع..
خلي الكورة ياخلي 2 صفر

Post: #27
Title: Re: شنو الكبكبة يا مريخاب هوووي..!!!
Author: أبوبكر أبوالقاسم
Date: 11-13-2008, 02:25 PM
Parent: #1

كيكـــى سلامـــــــــات

أميرة بت الشيخ قالت ليك رغم هضربة ودالصائم:

نداء خاص: طارق جبريل ـ إنعام حيمورة ـ أميرة الشيخ .. وآخرون!

Quote:

بوستيك دا ريحة الكبكبة فيهو طاقة

ويا ريت بقت على الكبكبكة الهَينة دى ، دى هضربة عديل وبعظمة لسانك قلت:

Quote: واني اري في المنام اهداف هلالية احسبها روتانية اللون واللحن والزوايا,,
بلا قسطنطين ولا الالوسي بلا لما يا خلي..
اخدها مني
الكورة 2 لف...وليس 2 صفر
بالتاكيد انها 2 لف..

فرؤيتك المنامية هذه مجرد هلوسة ناتجة عن nightmare والدليل قلتو عن نفسك:

Quote:
لمن تكون في كورة هلال ومريخ ومن زمان الواحد بكون بتراجف اليوم كلو والايام
السابقة
زي الكاسترد..والجسم بيعرق كلو ما يتذكر المباراة قربت

الله يخليك يا وارغو خليت الناس " يرغو " و" يزبدو "

فى الكورة يُقال عن الهدف جوول goal ولمن تكون صايمة بقولوا عليها zero أو nill

فى التنس يقال عن ما يكتسبه اللاعب point وعندما تكون صايمة يٌقال لها love أو لف كما ذكرت

يا ربى بطولة قطر الدولية دييييك تكون لسع فى عقلك الباطنى ؟ ولا نستعين بمحمد خليل سانى ؟

أصحــــــــــى يا بريش.

نوع كلامك عن الهضربة العرب بتقول عليه:

" رمتنى بدائها وانسّلت " .

Post: #36
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-13-2008, 05:12 PM
Parent: #27

Quote: الله يخليك يا وارغو خليت الناس " يرغو " و" يزبدو "

هلا يا ابوبكر
وارغو ده في الحلم بتاعي ما هبشها
وعلي المريخ ان يراجع هذه البيعةجتي ينجو من غضبة ائمة المساجد

Post: #28
Title: Re: شنو الكبكبة يا مريخاب هوووي..!!!
Author: haroon diyab
Date: 11-13-2008, 02:43 PM
Parent: #1

كيكي وخليل ومن لف لفهم

جاييكم اخر الليل ياتيمان برقو
ومعاي الضباح والبطاح
وصاج اللحم وعبد الله ماسورة
وبعد ده الكلام دخل الحوش
وكل حوض يشرب مويتوا
والحشاش يملا شبكتوا

Post: #29
Title: Re: شنو الكبكبة يا مريخاب هوووي..!!!
Author: نزار الحميدي
Date: 11-13-2008, 03:14 PM
Parent: #28

Quote: صدقني ابو الهل غالب غالب يا عصام

علي قول المصريين من بقك لي باب السماء .

سلامات كيكي .

Post: #32
Title: Re: شنو الكبكبة يا مريخاب هوووي..!!!
Author: khaleel
Date: 11-13-2008, 04:47 PM
Parent: #29

Quote: يا ابو خليل بصراحة الشيطان بتاعك ده انا كجنتو
وادائه في السنة الماضية كان جنائزي..
فعشان كده قوون المريخ ده لزومو شنو حسع..
خلي الكورة ياخلي 2 صفر

هوووووووووووووي يا كيكي انقرع

كل شي ولا قسطنطين

قسطنطين اوصلك دور الاربعة 2007 بتلاتة عشر لاعب

والله تزعلو هسه اوريك النتيجة وارفع ليك الضغط

فدحين يا خوي دير بالك

نمشي لنانسي وللا نبيع

Post: #40
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-14-2008, 09:20 PM
Parent: #32

Quote: نمشي لنانسي وللا نبيع

بعنا يا ابو الخل
والقصة قالوا فيها كوجين لغناء حسب ما ورد في افادات المرجف بدرالدين

Post: #33
Title: Re: شنو الكبكبة يا مريخاب هوووي..!!!
Author: حمد عبد الغفار عمر
Date: 11-13-2008, 04:50 PM
Parent: #29

كيكي سلام

الغريبة انو هارون دياب دا جايب ليهو خروف و ما عندو سكين يضبح بيها

النتيجة الحتمية انو الخروف يزهج من الزول دا و يركب فيهو قرونو الاتنين ديل

و تبقي قرنين/ لف

Post: #37
Title: Re: شنو الكبكبة يا مريخاب هوووي..!!!
Author: mohmed khalail
Date: 11-13-2008, 05:33 PM
Parent: #33

النصيحة لي الله يا كيكي الناس ديل السنة دي

كجورهم كااااااااارب

شايفهم واثقين اوي اوي

لكن ويييييييييييين مع مهند وكلتشي

ويوسف هوت وكرنقو ولا مساوي القوها من منو ولا منو

اللهم عجل ساعة اللقاء

وما احلى ساعات اللقاء

Post: #42
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-14-2008, 09:24 PM
Parent: #37

Quote: كجورهم كااااااااارب

هم من زمان كجورهم كارب يا ابو حميد
لكن كجور خارج الملعب ومجرد ما الماتش يبداء يتحول كجورهم الي سراب بقيع
والمرة دي لو الكجور خش لعب معاهم ذاااتو مافي ليهم الا الضبح

Post: #41
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-14-2008, 09:22 PM
Parent: #33

Quote: تبقي قرنين/ لف

هلا يا حمد
هارون جاب خروف عندو قرنين عشان كده ياخد اثنين
يتغلب علي قدر قرونو الجابها

Post: #39
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-14-2008, 09:17 PM
Parent: #29

Quote: علي قول المصريين من بقك لي باب السماء .

سلامات كيكي .

هلا يا نزار
وابشر يا زول ابو الهل غايب وجايب باذن الله

Post: #38
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-14-2008, 09:15 PM
Parent: #28

هلا يا هارون
وفي انتظارك ويوم 17 علي الابواب
واني اري ما لا ترون يا صهيانة
وحباب صاج اللحم وعبدالله ماسورة كبار هلالاب الشاطي الشرقي

Post: #43
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-15-2008, 02:10 PM
Parent: #38

كلاتشييييييي وقووووون

Post: #44
Title: Re: شنو الكبكبة يا مريخاب هوووي..!!!
Author: طارق الكوتش
Date: 11-15-2008, 03:19 PM
Parent: #1

مطلوب من الهلالاب ترك المنبر نهائيا لل 48 ساعه القادمه

وفسح المجال كاملا للجماعه عشان يكتبوا و يمرحوا

ليه

ايواه قلت لى

عشان بعد القلِِِب بحصل شنو

شنو

اها قلت لى

النزيف الاحمر و الموت

طيب الدفن وين

ايواه

الدفن حيث القلب

طيب القلب ويييين

القلب هنا

Post: #45
Title: Re: شنو الكبكبة يا مريخاب هوووي..!!!
Author: طارق الكوتش
Date: 11-15-2008, 03:37 PM
Parent: #1

Post: #46
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-15-2008, 03:42 PM
Parent: #45

يا كوتشب
الجماعة شايفهم اختفو من المنبر
وشكلهم كده اقتنعو بحكاية الدفن دي

Post: #47
Title: Re: شنو الكبكبة يا مريخاب هوووي..!!!
Author: طلحة عبدالله
Date: 11-15-2008, 03:43 PM
Parent: #1

انت يا طارق الكوتش الشعر دا بتجيبو من وين ..؟

Post: #48
Title: Re: شنو الكبكبة يا مريخاب هوووي..!!!
Author: طارق الكوتش
Date: 11-15-2008, 04:49 PM
Parent: #1

طلحه عبدالله ... سلامات

Quote: انت يا طارق الكوتش الشعر دا بتجيبو من وين ..؟

بس انت خليك متابع لان الجاى اقوى

Post: #49
Title: Re: شنو الكبكبة يا مريخاب هوووي..!!!
Author: أسامه الكرور
Date: 11-15-2008, 05:44 PM
Parent: #1

لاحولاااااااااااااااا
يعنى ماإنتهينا من حبوب المنشطات الببلعوها لعيبة الزريبه
جاتنا كمان حبوب هلوسه عند مشجعيهم
يعنى نطالب برضو بكشف الهلوسه على المشجعين ولاشنو؟؟؟؟ ...
ماتركزوا يارشاشات !!!!
الحكايه شنو؟؟
الغلبين الفاتوا عدوا
والتالت بعدى
أركزوا وبطلوا الهلوسه .. وأحلام اليقظه
من هسع دعواتنا معاكم ... ربنا يصبركم

Post: #50
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-15-2008, 06:21 PM
Parent: #49

هلا يا اسامة
وحبابك وحباب بني صهيون
يازول قول بسم الله
وبطل الكبكبة دي وخليك واقف في صف الضبح لمن يوم 17 يجي
....
الكورة قلنا 2 صفر للهلال
خلاص الموضوع ده انتهي اخوي اسامة
فهاردلك

Post: #51
Title: Re: شنو الكبكبة يا مريخاب هوووي..!!!
Author: Faisal Al Zubeir
Date: 11-15-2008, 08:21 PM
Parent: #50

ياهندسة: الهلال سيفوز بإذن الله.

Post: #53
Title: Re: شنو الكبكبة يا مريخاب هوووي..!!!
Author: haroon diyab
Date: 11-15-2008, 08:38 PM
Parent: #51

بالمناسبة.....
اول مرة ياهندسة احس انك اتورطت بصحيح
ماشايف تومك داك ماسك العصاية من النص
ونظام.....
قلوبنا مع علي
وسيوفنا مع معاوية.
وانا اقول:
وسكاكينهم في الزريبة
كنت تصبر علي رزقك ياجميل
ده المريخ
ده الصفوة
ده التاريخ
قدامك 24 ساعة
وقد اعذر من انذر

Post: #54
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-15-2008, 08:45 PM
Parent: #51

و2 صفر كمان يا فيصل
اسمعها من خالك كيكي ده
وكلم ود رملية وتيتاوي يجهزوا الحلاوة

Post: #52
Title: Re: شنو الكبكبة يا مريخاب هوووي..!!!
Author: ALMURADABI
Date: 11-15-2008, 08:38 PM
Parent: #1

كيكي صحبك ودالنعيم قالو مطشش

وخلو ماسكو اسهال

وودرمية عينو بترف

Post: #55
Title: Re: شنو الكبكبة يا مريخاب هوووي..!!!
Author: Faisal Al Zubeir
Date: 11-15-2008, 10:04 PM
Parent: #52

Quote: وودرمية عينو بترف

اصلو شاف هدفين زي ما قال كيكي وهذا مصدر التفاؤل.

Post: #56
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-16-2008, 10:13 AM
Parent: #55

هارون والموردابي
امسكوا الخشب وبكرة قررريب
وققققققون

Post: #57
Title: Re: شنو الكبكبة يا مريخاب هوووي..!!!
Author: شهاب الفاتح عثمان
Date: 11-16-2008, 02:09 PM
Parent: #1

Quote: كنت تصبر علي رزقك ياجميل
ده المريخ
ده الصفوة
ده التاريخ

Quote: شنو الكبكبة يا مريخاب هوووي..!!!

يا غالي كبكبني حاول حس بي .

Post: #58
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-16-2008, 07:27 PM
Parent: #57

Quote: يا غالي كبكبني حاول حس بي

هلا ياشهاب
والعد
التنازلي بداء في طريقه لتحقيق الثنائية
وهاردلك مقدما يا دكتور

Post: #59
Title: Re: شنو الكبكبة يا مريخاب هوووي..!!!
Author: عامر تيتاوى
Date: 11-16-2008, 07:33 PM
Parent: #58

ياكيكى ياخ مالك على اولاد عمنا ديل
خمسة سنة كتيرة
واسال عبد الرحمن عبد الله لمن قال
خمسة سنين طويلة مرت ليلة ليلة
صبرك لحظة واحدة يااجمل حلم
اتزود بنظرة وارجع منهزم
ياضابط السجن
اها ضابط السجن ده منو ياكيكى

Post: #60
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-16-2008, 07:41 PM
Parent: #59

Quote: اها ضابط السجن ده منو ياكيكى

هلا يا تيتا
ومن غير ابو الهل يعطي للمريخ مساحة للهزيمةوالسجن..
هزيمة تسر البال وتخلي الزول مبسسسسسسسسسوط...

وفعلا صبرهم لحظة واحدة وكلها كم وعشرين ساعة
وونشوف ضابط السجن حيعمل ايييي مع مسجونه للمرة السادسة

Post: #61
Title: Re: شنو الكبكبة يا مريخاب هوووي..!!!
Author: محمد عمر الفكي
Date: 11-17-2008, 11:21 AM
Parent: #60

عبد الكريم
قبل تلاتة يوم من اليوم انا كتبت في بوست لناذر انه المريخ فائز 2/صفرباذن الله ومراهنه على كدا، وانا توقعاتي ما بتقع واطة، فنصيحة ليك ما تتورط اكتر من كدا وارجي الراجيك بعدين.
وانت يا ناذر لو متابع ما تعمل لي زايغ بعدين

Post: #62
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-17-2008, 11:31 AM
Parent: #61

ود عمر انت قلبت القصة
فالكورة 2 صفر للهلال وانا خاتيها في جيبي
فهاردلك يا وريف مقدما
ونشوفك بالليل بعدين ساعة النجمة تتسجن حي العرب...

Post: #63
Title: Re: شنو الكبكبة يا مريخاب هوووي..!!!
Author: Safia Mohamed
Date: 11-17-2008, 11:50 AM
Parent: #1

سلام وتسجيل حضور

هلالابي

تحياتي

Post: #64
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-17-2008, 12:11 PM
Parent: #63

هلا يا صفية
واليوم الجابك لينا في راكوبة الهلالين الهنا دي
واضفنا فيهو هلالبية لجموع الاهلة الهادرة في هذا المنبر
بالتاكيد زي ما جابك حيجيب قون كلاتشي وقووون مهند الطاهر

Post: #65
Title: Re: شنو الكبكبة يا مريخاب هوووي..!!!
Author: محارب
Date: 11-17-2008, 12:30 PM
Parent: #64

مهداة للهلالاب فقط (( البطيخاب )) يمتنعووون

شفنا حبيب بنريدو غير علة
اهلا بيهو الهلال هل

الحزن ولى كوكب الأفراح في السماء اتجلى
نور حبيب الروح النور الحلة
اب قمر دورين في الارض اتدلا

اهلا بيهو الهلال هل
شوف سعادتنا بي قدوم محبوبنا الرحمة ظلتنا
سحب الحنان والعاطفة ظلتنا
بعد هم للبين من تاني لمتنا
أهلا بيهو الهلال هل
الحبيب جانا بي نغيم الريدة المطرب اشجانا
من سهام العين بي شوفتو نجانا
والمحبة الطاهرة لبسنا تيجانا
اهلا بيهو الهلال هل

نسال المولى يحفظنا من العين برعايته يتولى
نلقى في الدنيا الهيبة والصولة
يتم هنانا نفوز بي رضا المولى
اهلا بيه الهلال هل

Post: #66
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-17-2008, 02:00 PM
Parent: #65

هلا يامحارب
وفعلا اهلا بيهو الهلال هلا
واهم شي كان استعباد البطيخاب الحمر...

وساعات يا محارب وسيهل ابو الهل ويكمتل بدر التمام

Post: #67
Title: Re: شنو الكبكبة يا مريخاب هوووي..!!!
Author: ناذر محمد الخليفة
Date: 11-17-2008, 09:49 PM
Parent: #1

ود الفكي ألف مبروك في الأوال ..

Quote: وانت يا ناذر لو متابع ما تعمل لي زايغ بعدين

والله جبيل إتذكرت كلامك دا !!

تراكا ود فكي بصحيح ..

لكن إنت كان قصدك إتنين صفر عدييييل كدة مش ؟

.. يعني قونين عدييل ؟!

Post: #68
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-18-2008, 06:06 AM
Parent: #67

مبروك للمريخ الكاس
ومبروك التعادل فهومكسب كبير للمريخ
...
والهلال ويييييييييييي

Post: #69
Title: Re: شنو الكبكبة يا مريخاب هوووي..!!!
Author: أبوبكر أبوالقاسم
Date: 11-18-2008, 07:58 AM
Parent: #1

Quote: شيلة الكاس هينة ممكن نسلفهم هيثم مصطفي يشيلو ليهم لحدي الحفرة سابقا
ويجي راجع....

يا بهاء ارقد قفا
غلب مافي وكاس مافي...ولكن هنالك توالي بالتاكيد

وطلع الصباح وسكتت شهرزاد عن الحلم المباح.

أحلام زلوووووووووووووط

Post: #70
Title: Re: شنو الكبكبة يا مريخاب هوووي..!!!
Author: عبدالكريم الامين احمد
Date: 11-18-2008, 08:10 AM
Parent: #69

Quote: وطلع الصباح وسكتت شهرزاد عن الحلم المباح.

أحلام زلوووووووووووووط

هلا يا ابوبكر
واول شي مبروك الكاس..
والاحلام كانت وردية بس يبدو انو هناك
bad signal
عشان كده القونين توزعن بين القبائل...

كاس السودان موعدنا
والغريق لقدام

Post: #71
Title: Re: شنو الكبكبة يا مريخاب هوووي..!!!
Author: أبوبكر أبوالقاسم
Date: 11-18-2008, 10:00 AM
Parent: #1

Quote:

كاس السودان موعدنا
والغريق لقدام

مع إنك بتقول:

Quote: والاحلام كانت وردية

ونقول: ما فتئت وما برِحَت.

Post: #72
Title: Re: شنو الكبكبة يا مريخاب هوووي..!!!
Author: محمد عمر الفكي
Date: 11-18-2008, 12:03 PM
Parent: #71

Quote: والله جبيل إتذكرت كلامك دا !!

تراكا ود فكي بصحيح ..

لكن إنت كان قصدك إتنين صفر عدييييل كدة مش ؟

.. يعني قونين عدييل ؟!

الله يقطعه شمهروش بتاانا دا، لقط كلمة قونين بس وجاء جاري جري يجيب الخبر الحمار ما انتظر يعرف القونين اتجاهن وين، لكن خله يا ناذر بادبه ليك.
طبعا يا ناذر انا ماعندي علاقة بشيوخ ولا اؤمن بحاجات زي دي لكن الواحد بتفاءل بالخير لكي يجده.
انا جنيت؟ مالي بشرح لي لرشاشة