Post: #1 Title: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 07:32 PM Parent: #0
ياخ الدنيا جميلة والناس الذين عبر الانسان بمداراتهم في الامكنة والازمنة البعيدة تجلس حكاويهم خلف كراكير الذاكرة بمرحهم العالي وتاثيرهم العميق في الدواخل.. ... اسامي غريبة وعجيبة اغلبها تبدو كاسامي الاسبيرات الشهيرة .. ولنا ان نتخيل بانك تقوم وتفتح علي الدنيا وانت تحمل اسمك الذي ضبحت فيه الخراف لكي تجد اسما يحلو للكبار مناداتك به ولكل اسم قصة ودلالة في ذهن المسمي الذي يشحنه بالحب والمرح.. 1-قلن قلن 2-بنجوس 3-عبدالله القصير 4-مونج واات 5-اي لا لي (ولك ان تنطقها ون قووو) ايلالي 6-دمة 7-سمي جدو 8-ابو امو 9-ودكي 10-البعيو 11-ابونا هذه اسامي مرحلة الطفولة الاولي والباقة الاولي من سيرة الالقاب التي ساعود الي تباين دلالاتها التي تكشفت لي بعض سنين عديدة ومعانيها
Post: #2 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 07:40 PM Parent: #1
الباقة الثانية مجلوبة من ايامات التيوة.. 1-باولو 2-كرشة 3-ابننق
4-كريمو
Post: #3 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 07:48 PM Parent: #2
مشيتا لقدام شوية صوب الباقة الثالثة واصبحت الالقاب تاخذ شكل غير 1-ابو خشمين (ديشششششك يا امين جبال ده لقب في القرن العشرين يدوهو لزول) 2-جقلو 3-كعكوك ونلاحظ هنا ظهور نمط المشاريع الزراعية وحتي افاتها العجية وجدت لها مساحة وزمن
كلو سنعود اليه بالتفصيل والدلالة في يوم اللقب الدولي
Post: #4 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 07:57 PM Parent: #3
القاب وارد غربة وبلدان طيرها عجمي 1-كريم سوداني..ولك ان تنطقها بلغة بتانية باكستانية 2-بوليس ولك ان تنطقها بوليس تلك بلكنة فلبنية
Post: #5 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 08:00 PM Parent: #4
القاب بلبصة اولاد بندر وصحبة زمن جميل 1-كرمة 2-كريم 3-كرومة
4-كرم
Post: #10 Title: Re: حكايات الف لقب ولقب من بينهم كيكي...!!! Author: Badreldin Ahmed Musa Date: 12-30-2008, 08:24 PM Parent: #5
عبدالكريم
سلام والله يا اخي انت عندك كترة صبر! لم اكن احتمل اي لقب، و المرة التي حاول البعض اطلاق لقب اشول على-لاني العب كرة القدم فقط برجلي اليسرى- لا اعرف كم من اولاد الحي رجع بفلقة على الرأس!! لكن ايضا الالقاب تعكس حب الناس. لا استغرب ان لك ذلك العدد الهائل من الناس التي تحبك. يا اخي وري اخوك الفكي دة منو!
كل سنة و انت طيب!
Post: #12 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 08:42 PM Parent: #10
Quote: والله يا اخي انت عندك كترة صبر! لم اكن احتمل اي لقب، و المرة التي حاول البعض اطلاق لقب اشول على-لاني العب كرة القدم فقط برجلي اليسرى- لا اعرف كم من اولاد الحي رجع بفلقة على الرأس!!
هلا يا بدر وكل سنة وانت بالف خير وعافية.. وياخي الالقاب دي حكايتها عجيبة جدا.. وتخيل كل الالقاب الكثيرة الفوووق دي جاية من ناس قلوبهم عامرة شديدة بالمحبة والود وبتلقي نفسك سارح مع اللقب ولا تحلو مناداتك من ذلك الشخص الا باللقب اياه... طبعا في القاب ضروري محاصرتها وبشدة كمان..ولكن طبعا قد تجد طريقها (تحت تحت) في العالم السري في المحيطين بك.. الفكي بتاعي يا بدر الدين هو فكي كمبو الري الشهير (قوبي) يروب الموية ويجلب الالقاب
Post: #6 Title: Re: حكايات الف لقب ولقب من بينهم كيكي...!!! Author: عبدالوهاب علي الحاج Date: 12-30-2008, 08:12 PM Parent: #1
كيكي متابع بمتعة ماعادية
_________________ يديك العافية
Post: #7 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 08:15 PM Parent: #6
Quote: كيكي متابع بمتعة ماعادية
هلا يا وهبة حبابك وحباب الرهط ومرحب بيك كثير في مدارات الالقاب الكثيرة والمنها كيكي وده حكايتو حكاية سناتي اليها لاحقا باذن الله
Post: #8 Title: Re: حكايات الف لقب ولقب من بينهم كيكي...!!! Author: محمد سنى دفع الله Date: 12-30-2008, 08:16 PM Parent: #6
لي هسه ما وصلت لي كيكي
Post: #9 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 08:19 PM Parent: #8
Quote: لي هسه ما وصلت لي كيكي
كيكي مخلنو في النهاية يا السني كدي خلينا نفكفك الاسبيرات الفووق دي اول
Post: #11 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 08:32 PM
Quote: 1-قلن قلن 2-بنجوس 3-عبدالله القصير 4-مونج واات 5-اي لا لي (ولك ان تنطقها ون قووو) ايلالي 6-دمة 7-سمي جدو 8-ابو امو 9-ودكي 10-البعيو 11-ابونا 12-جدو
كثافة هذه الاسامي في مرحلة الطفولة وبعد التامل فيها تعكس امكنة وشخوص ولهجات مختلفة ولعله الترحال وكثرة الشلاقة ونشاط الاطفال فمثلا بنجوس وقلن قلن وودكي تعكس لسان جنوب السودان ونجد لاسم الجد للوالدة ايضا مساحة كبيرة في (ابونا- سمي جدو-جدو-ابو امو) فنالت هذه الجزئية حصتها فل تانك... شخصان تمنيت ان اراهما في حياتهماهما عبدالله القصير وهو رجل من البقارة السائرة في البوادي والفرقان وقيل بانه كان قصير القامة ومونج وووات الذي قيل بانه رجلا من قبيلة الدينكا عشا في مدينة المجلد ردحا من الزمن ...
واما الاللي تلك فوجودها محاكاة لنطق الطفولة الضعيف في بدايات تعلم الكلام وكم تتمني ان يعود الزمن القهقرية الي الخلف حتي تتامل فيما كنت اعني (بالالي)
Post: #13 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-30-2008, 10:29 PM Parent: #11
Post: #20 Title: Re: حكايات الف لقب ولقب من بينهم كيكي...!!! Author: Nana Date: 12-31-2008, 06:47 AM Parent: #8
كيكي ،، سنة سعيدة
متابعة بمزاج
Post: #23 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 09:55 AM Parent: #20
Quote: كيكي ،، سنة سعيدة
متابعة بمزاج
هلا يا نانا وسعيدين والله بالطلة وياريت كمان يدك معانا وتورينا حكاية لقب (نانا) ده شنو
Post: #14 Title: Re: حكايات الف لقب ولقب من بينهم كيكي...!!! Author: طارق جبريل Date: 12-30-2008, 10:47 PM Parent: #1
جننت الالقاب ذاتها
Post: #15 Title: Re: حكايات الف لقب ولقب من بينهم كيكي...!!! Author: عامر تيتاوى Date: 12-30-2008, 11:00 PM Parent: #14
عندى ليك واحد كرت بنك كريموف ده بتصلوا متين .. خللى بالك ده مع البيروسترويكا
Post: #25 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 10:16 AM Parent: #15
Quote: عندى ليك واحد كرت بنك كريموف ده بتصلوا متين .. خللى بالك ده مع البيروسترويكا
هلا يا تيتاوي وتخيل يا عامر كريموف ده زاااتو سقط سهوا من اللستة الفووق دي لكن برضو مقبول منك احتمال ينفعنا مع الموتمر الخامس بتاع الشيوعيوين الجاااي ده ممكن نلقي لينا فرقة مع ناس قريبي بدرالدين ديل بكريموف ده
كدي شوف ليك واحد اركلوجي اللون واللحن كده ياعامر
Post: #24 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 10:00 AM Parent: #14
Quote: جننت الالقاب ذاتها
هلا يا طارق ياخ الالقاب هي الجننتني جنون قبورة ولسع بالمناسبة سفينة الالقاب ماشة
Post: #16 Title: Re: حكايات الف لقب ولقب من بينهم كيكي...!!! Author: Masoud Date: 12-31-2008, 03:12 AM Parent: #1
كيكي الأمريكي!
Post: #17 Title: Re: حكايات الف لقب ولقب من بينهم كيكي...!!! Author: Osman Musa Date: 12-31-2008, 03:49 AM Parent: #16
با كيكى الحضرمى للتجارة والنجارة
Post: #19 Title: Re: حكايات الف لقب ولقب من بينهم كيكي...!!! Author: نصرالدين عمر الجعلي Date: 12-31-2008, 05:57 AM Parent: #17
باشمهندس كيكي
تحية عطرة يا اخي متابعين واصل في سردك السلس وخلي الزوغان من بوست الى بوست وفي انتظارك
مودتي
Post: #29 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 11:54 AM Parent: #19
Quote: تحية عطرة يا اخي متابعين واصل في سردك السلس وخلي الزوغان من بوست الى بوست وفي انتظارك
هلا يا ابو النصر ومشتاقين ياخي.. ومافي لولوة كثيرة يا نصر من البوست ده وبنقعد معاكم تحت نشوف حكاية اللقوبات الكثيرة دي قصتها شنو وكل الود وتحياتي للربع
Post: #21 Title: Re: حكايات الف لقب ولقب من بينهم كيكي...!!! Author: noon Date: 12-31-2008, 08:01 AM Parent: #17
Post: #22 Title: Re: حكايات الف لقب ولقب من بينهم كيكي...!!! Author: بدر الدين الأمير Date: 12-31-2008, 08:38 AM Parent: #21
Quote: -قلن قلن 2-بنجوس 3-عبدالله القصير 4-مونج واات 5-اي لا لي (ولك ان تنطقها ون قووو) ايلالي 6-دمة 7-سمي جدو 8-ابو امو 9-ودكي 10-البعيو 11-ابونا هذه اسامي مرحلة الطفولة الاولي
اتاريك ياكيكى من يومك دلوعة ومدلع
Post: #31 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 12:06 PM Parent: #22
Quote: اتاريك ياكيكى من يومك دلوعة ومدلع
هووي يا بدر هوووي بالله شفت ليك زول بدلعو بقولو ليهو (قلن قلن) يا بدر احنا لو مشينا السينما ولقينا الفيلم فيهو دلع بنطلع طوالي
Post: #30 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 12:02 PM Parent: #21
نووووووووووون حبابك وتضحكي كمان كويس..!!! شاحد ربي يلم فيك زولي بتاع اسم (قلن قلن) عشان يخرب ليك اسمك السمح ده
Post: #27 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 11:43 AM Parent: #17
Quote: با كيكى الحضرمى للتجارة والنجارة
دي جديدة لنج يا عثمان وممكن كان يتلصق لينا لو عشنا في نواحي بورتسودان
Post: #26 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 11:32 AM Parent: #16
Quote: كيكي الأمريكي!
هلا يا مسعود ومشتاقين ياخي وكيكي الامريكي دي يا مسعود خاتنها في (الكيكيات) وكيكيات دي زي ديشليون اسم طلعن من كيكي ودي حنجيها برضو لقدام:
Post: #18 Title: Re: حكايات الف لقب ولقب من بينهم كيكي...!!! Author: Ashraf el-Halabi Date: 12-31-2008, 05:50 AM Parent: #1
بالله ما تنسى (غيغي)
Post: #28 Title: Re: حكايات الف لقب ولقب من بينهم كيكي...!!! Author: khaleel Date: 12-31-2008, 11:53 AM Parent: #18
كترة الاسماء تدل علي عظمة المسمي
وكع يا قوقل
Post: #33 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 12:31 PM Parent: #28
Quote: كترة الاسماء تدل علي عظمة المسمي
وكع يا قوقل
هلا يا ابو خليل ومشتاقين يا فردة وقوقل بينك وبينك من الالقاب الليها وقع خاص وما اجمل القوقلة في كراكير الدنيا دي
وياخي خلاص تعال من الاجازة دي شنو هو القصة شبع ولاشنو
Post: #32 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 12-31-2008, 12:23 PM Parent: #18
Quote: بالله ما تنسى (غيغي)
اهاااا الكركبة لزموها شنو يا حلبي انت عارف زي اخونا بتاع (غيغي) ده زمان تتامر مع المدرب الموزع الكورة يوزعو ليك جناح (كان لفت وكان رايت) كل ما فارقة وتطلع ليهو باك....وتاني لو شفتو حايم في تمرين من تمارين فريق وراء تعال اسالني تاني داشششنغ اربع لساتك فوووق وقريص تحت تحت كده وكشة هو وكورتو برة الميدان في كل كورة مشتركة
Post: #34 Title: Re: حكايات الف لقب ولقب من بينهم كيكي...!!! Author: صلاح الأحمر Date: 01-05-2009, 01:58 AM Parent: #32
إزيك يا(حبوبه)00ولقب حبوبه
ده أظنو من نحت الزميل اسماعيل
عباس ،كان ماخانتني الذاكره،،
وشنو ياخينا ؟مالك فاتح لينا؟
قسما بالله مشتافين ومتابعين كل
بلاويك، لاكين في المنبر ده الواحد
بقى يقرا ويقوم جاكي على طول
قبل ماتجيهو طوبه طايره0
مودتييييييييييييييييييييييي0
Post: #36 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 01-05-2009, 07:19 AM Parent: #34
Quote: إزيك يا(حبوبه)
هلا ابو صلاح ووينك يا رجل المنبر يفقدك كثيرا وتعالوا يا جماعة يااخي خلونا نقراء وهج البلد وحكايات الزمن السمح.. وحبوبة دي جديدة يا صلاح وحنوديها طوالي السجل العقاري في بند الاسفيريات وكل الود ودوما في انتظارك
Post: #35 Title: Re: حكايات الف لقب ولقب من بينهم كيكي...!!! Author: العوض المسلمي Date: 01-05-2009, 06:56 AM Parent: #1
عبدالكريم سلام
كيكي وما ادراك ما كيكي
حبابك وحباب ابداعك ,,,,
واصل في توضيح القابك ,,,
واقفين علي بابك ,,,,
حبابك وحباب الجابك ,,,,
Post: #37 Title: Re: حكايات الف لقب ولقب من بينهم كيكي...!!! Author: عبدالكريم الامين احمد Date: 01-05-2009, 07:22 AM Parent: #35
Quote: واصل في توضيح القابك
هلا حاج العوض وحبابك في مهرجان الالقاب الكيكية وانشاء الله يا العوض نحج كمان زيك كده عشان يلصقوا لينا (حاج كيكي) وكل الود يا العوض وتسلم ياخي
