حليلك يا قديس يا فلنتاين.....وحليل بت فرعون...!!!!

Post: #1
Title: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 06:45 AM
Parent: #0

لو شفتوها
بتشبه القمر المتاوق من السماء...
حلاوة وذوق وخضرة لون...وعيون زي السم وكلامها زي الورد...
اول مرة رايتها كانت ذاهبة الي المدرسة الثانوية ..الوحيدة في تلك البلدة..
لابسة (لبني)...واخ انا من اللبني اللبساهو نادية داك...
عاينت لي بعيونها الكبار ديلك. وحدرت لي...
ومن ديك النوم جافاني وبقيت بشوفها ليل ونهار..وبشوفها جوه نظارة المساحة
الشغال بيها كل يوم...وقلبي دقاتو زادت وبقيت مسسسسسسسسسسكين
وبحلم (بنادية)...
لحدي ما يوم قويت قلبي وقلت هلا هلا..ولبدت ليها جنب الدكاني بتاع (عمك علي)..
نادية..ازيك..
ممكن اتكلم معاكي شوية..
عايز شنو يا زول..
لا ما عاوز حاجة بس كنت داير اديكي الجواب ده...
جواب شنو؟
اقريه وبعدين تعرفي...
كدي جيبو...
اديتها الجواب...واديتا قلبي معاهو..ومشيت البيت دون قلب...لاني قلبي كلو
ختيتو ليها في الجواب...ومشيت انتظر......وعليكم الله انتظروني انتو كمان عشان
اوريكم عن نادية فرعون ستة الحلا.....

Post: #2
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 06:47 AM
Parent: #1

بعد ما اديتها الجواب وقلبي معاهو...جافاني النوم..
وبقيت ما باكل..و خلطت زي مليون غلط كده وعملت زي كم شكلة كده...
ودخلني خوف كبير انو المرسال يمشي وما يجي تاني...
وخفت تكلم لي عمك عوض ابوها الزول الصعب يقوم يوري اخوانو الجزارين يكسرونني ساكت..
المهم خشتني وهمة كبيرة ...ويومي بمشي (دكان )...زوما قاعد اشوفها...
ياربي يكون الحصل شنو..
ما جوابي واضح وصريح وكتبت اني مكسر ومدشدش شديد...
واني طارح نفسي كمشروع لكن ما حضاري...واني كيت وكيت..

Post: #3
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 06:50 AM
Parent: #2

اها اليوم داك وانا جاي علي الدكان...وبغني براي...عذبني وزيد عذابي يمكن قلبي يقسي..
القي ليك ندوية قاعدة في الدكان..واشترت ميرندا..ومعاها اختا الصغبتونة (رنو)....
وما اشوف ليك الا ورنو دي تخت لي ورقة في يدي....
وياسلام عليك يا رنو يا رسول المحبة والدهشة...
وحسيت بالجواب تقييييييل خلاص في يدي...وجريت علي البيت وكل بالي في الجواب
في الجواب المشي وجاء دهء...ولكن ظل السوال يا ربي الجواب ده جاب شنو؟؟؟
جاب الفر ح والحب والريدة ...ولاجاب الميتة وخراب الديار..والكلام الكعب..البسل الروح.....
والبيت بقي لي ابعد من القضارف...ونواصل مع بت فرعون ...

Post: #4
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 06:52 AM
Parent: #3

وانا راجع للبيت كنت ارد وبصوت شبه مسموع
وجع وجع الجواب رجع....
دخلت اوضتي الحلوة.. و ما عارف فتحتها كيف المهم فتحتها...وخشيت...وقلت لنفسي
اشغل شريط غناء وانا بقراءهو ...لكن شريط منو البمتص الانا فيهو ده...
لمحتك بتاعة مصطفي لا لا...يا زول ممكن الجواب ممكن يكون كعب ومصطفي ده انا ما داير
اكرهو..كمان.....
يا زول خلاص اقراهو كده لاغني لا لمة هو ده وكت غناء كمان...كده وقت القلب البدق
دق العيش..ده قلب (اليا فيها يا تاكل نيم)....وفتحتوا.....ويا زمن الكلام العجيب...ونواصل

Post: #5
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 06:59 AM
Parent: #4

زي ما قلته ليك قبل كده

سيرة الجكس بتجيب إبداعك

متابعين يا حبيب

ودابكدوك

Post: #6
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:03 AM
Parent: #5

Quote: سيرة الجكس بتجيب إبداعك

جكس زي بت فرعون دي ياابوكدوك مش تجيب ابداع بس
بت فرعون بتجيب المطرة زاااتها

Post: #7
Title: Re: حليلك يا قديس يا فلنتاين.....وحليل بت فرعون...!!!!
Author: Saifeldin Gibreel
Date: 02-14-2009, 07:05 AM
Parent: #6

Quote: اول مرة رايتها كانت ذاهبة الي المدرسة الثانوية ..الوحيدة في تلك البلدة

هندسة يا عسل....

Post: #9
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:10 AM
Parent: #7

Quote: هندسة يا عسل....

هلا يا ابو السيوف
وحبابك في سيرة بت فرعون الشديدة لمن غلط

Post: #8
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:06 AM
Parent: #6

والجواب الجاء قاعد جوه الجيب والقلب..قررت اني افتحو...ايوه افتحو
ولقيت ليك الزولة صعبة خلاص لغة كيف كيف...و تعابير بالانجليزي بين الحروف..
وغايتو كلام عجيب المهم بتقدر تفهم منو...اي مافي مانع (نكون سوي)...لكن لازم معاينة ميدانية..
قريت الجواب سريع سريع وكملتو في نص دقيقة شايفة زي السنة....
وبعد داك ...سرحت وقلت هوي يا زول انت ذاتك الموديك لجنس ده شنو...
اي صاح فرعون تعجب وسماحة لمن عجيبة..لكن النقة الفي الجواب دي مانقة زول في عمرها..
ولا في حتتا..دي......بقيت في روحي ولازم اجهز رد ونشوف حتة للقاء السحاب ده

Post: #10
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:12 AM
Parent: #8

اي يا جماعة قريت الرد كلام يمخول...لا قالت (يس ولا نو)...وقالت انتا لو عندك حاجة زي دي
مفروض تقولها لي (فيس تو فيس)..عشان اشوف (الامبرشن) بتاعك علي الطبيعة وبعدين
نتكلم بشفافية عالية...وكلام كلو زي ده..ادتني محاضرة وبلعتني كلامي العاجبني الكتبتو...
وقالت لي اقترح محل مناسب عشان اشوفك فيهو....
راسي لفة وعرقت..وقلت انا زاتي البوديني للناس المفلهمة دي شنو...لكن تاني قلت لروحي..
ياود ياكريم البت حلوة بتستاهل..ولازم يا ود تكون قدر الاستايل ده..وشد حيلك ساكت لانو
ده حسي الثانوي العالي والزولة دي لو الله وداها الجامعة تسوي بيك شنو....!!!!
وقعدت افكر في بكان اللقياء محل الماتش الكبير...وساعة اللقيا..في الشاطي..جنب وين كده ماعارف

Post: #11
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:20 AM
Parent: #10

اها بقينا في يوم اللقياء...يوم العذاب يوم الضني...محلو ...ويين ياربي..وين ياربي....
ايوه عند ناس هبة صحبتا..
اصلي متعود امشي هناك ..وهي ذاتا بعد مرات قالوا بتمشي هناك..
وام هبوية ظريفة معاي وبتقول لي يا كرومة..
وزولة دمها شربات وممكن تتفهم الحاصل شنو وتعمل لينا فتح فرج الله...
طيب الديك اليههو انا اقتنعت ..البقنع البلوم شنو...ويورو كيف...
ياخ دي عايزة ليها كم كمين كده في دكان (علي)...
وانشاء الله (رنو )...تكون معاها..عشان تشتري لرنو حلاوة وتقول ليها ودي الورقة دي يا (رنو)...
رنو يا اجمل فاكس للمحبة و الزوق والريد...ومواصلين...معاكم

Post: #12
Title: Re: حليلك يا قديس يا فلنتاين.....وحليل بت فرعون...!!!!
Author: حمور زيادة
Date: 02-14-2009, 07:21 AM
Parent: #10

وش متابع عشان كيكي ما عشان اللي ما يتسماش القديس اسمو مين ده

Post: #13
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:24 AM
Parent: #12

Quote: وش متابع عشان كيكي ما عشان اللي ما يتسماش القديس اسمو مين ده

ابو القداديس ده جيتو كل سنة دي ياحمور
انا كلو كلو ما بريدها لانو بتجيب معاها نوع كشف الحال ده
ونبقي في سجون وغرامات

Post: #14
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:29 AM
Parent: #13

اها ...المحل خلاص لميت فيهو وعملت ترتيب مع هبوية البت العسل ..وقالت لي امي
زاتا قالت ندوية لايقة فيك...(وفي سري قلت ليها امك زااتها ما فلنتانية كبيرة يديها العافية)...
وخلاص هبوية ..دقت صدرها وقالت انا بعزم ندوية بت فرعون وانت بس تعال بدري شديد...
اها....
اليوم داك هاك ياحمام...ومشيط للشعر القرقدي..وجدعت كيس التمباك ود الكلب...
واريحت ولبسة زينة وود نجف بس...وما كنت قايل نفسي سمح زي ده اليوم داك الا بعد وقفت
قدام المراية ..نص ساعة ..واتحركت بدري وود البدري سمين...اتحركت..وقلبي بسووي بب..بب..
زي صوت القطر......وكنغ كنغ...الباب دقة.....وسنواصل...والغريق قدام

Post: #15
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 07:45 AM
Parent: #14

Quote: ..وجدعت كيس التمباك ود الكلب...

كيكي
كده بديت في الغلط

السفه مشنطه فوق تخليك تقول كلام للجكس لحدي إنت زاتك تحتار في نفسك

وعليه

جدعت كيس التمباك غير موفقه

وش زعلان جدا

Post: #16
Title: Re: حليلك يا قديس يا فلنتاين.....وحليل بت فرعون...!!!!
Author: حيدر حسن ميرغني
Date: 02-14-2009, 08:24 AM
Parent: #15

صدقني بعد ده حا أكلم (الحكومة)

Post: #22
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 08:59 AM
Parent: #16

Quote: صدقني بعد ده حا أكلم (الحكومة)

شنو يا فردة ياخي
داير تلحقنا بشبش وتودينا لاهاي من الصقط ده
حيدر ياخي ما تبوظ اعصابنا ياخي

Post: #18
Title: Re: حليلك يا قديس يا فلنتاين.....وحليل بت فرعون...!!!!
Author: Yassir Tayfour
Date: 02-14-2009, 08:45 AM
Parent: #15

Quote: وعليه

جدعت كيس التمباك غير موفقه

وش زعلان جدا
لوووووووول
__
ما عليك يا نادر، بخرم وبجي يعتذر للكيس، يبوسو قبل ما ينفخو..

Post: #19
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 08:56 AM
Parent: #18

شوف يا ياسر
الزول ده وصف التمباك بود الكلب
لو تجرأ و عمله مره تانيه

نشن ليك عليهو حرب إسفيريه لحدي ما نرجعو الكنبو تاني

ود ابكدوك

Post: #24
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:03 AM
Parent: #18

Quote: ما عليك يا نادر، بخرم وبجي يعتذر للكيس، يبوسو قبل ما ينفخو

ابو كدوك حاقد يا ياسر
داير يطير مني البلوم الفرعوني ده من اول طلعة
وتبقي علي طيرة بلوم وبلعة شنقة
يازول هووي اليوم داك بالذات التمباك ود كلبين كبير ياخي
وانا لا بعرفو ولا شفتو قبل كده التمباك واللغاويس بتاعة ناس ابو كدوك دي

Post: #20
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 08:57 AM
Parent: #15

Quote: جدعت كيس التمباك غير موفقه

وش زعلان جدا

ابوكدوك ياخي دي ترتيبات امنية وجكس الزمن ده ما مضمون
ممكن يقول ليك (كدي بالله النبي تفتح خشمك) واها الشنقة دي ابلعها ولاشنو..؟؟؟
واول طلعة لازم تكون مومن الموضوع من مجامعيو

Post: #17
Title: Re: حليلك يا قديس يا فلنتاين.....وحليل بت فرعون...!!!!
Author: Yassir Tayfour
Date: 02-14-2009, 08:31 AM
Parent: #14

Quote: وسنواصل...والغريق قدام
يا رهط!
انا داير انو ما تطلع ..... ياخ!
___
داير تبقى لينا زي الضابط البهناك ده؟؟؟ أها next!

Post: #21
Title: Re: حليلك يا قديس يا فلنتاين.....وحليل بت فرعون...!!!!
Author: احمد التجانى احمد
Date: 02-14-2009, 08:57 AM
Parent: #17

Quote: وبتقول لي يا كرومة..

كضب السسسسسسسسسسواد!!!!!!

Post: #23
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 09:00 AM
Parent: #21

Quote: كضب السسسسسسسسسسواد!!!!!!

والله يا ود التجاني ضحكت لمن بكيت

Post: #26
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:11 AM
Parent: #21

Quote: كضب السسسسسسسسسسواد!!!!!!

اها كمان ياحاقد بعد مرات بتقول لي كرمة...وكرمرم كمان
ولقدام بت فرعون الاردب سمسم دي زاااتها بقت تقول يا كرومتي

اها خم وصر

Post: #25
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:08 AM
Parent: #17

Quote: داير تبقى لينا زي الضابط البهناك ده؟؟؟ أها next!

تخيل يا ياسر
مع المجارمة ابوكدوك احمد تجاني وحيدر ميرغني
وانتا زااتك بجاي بعد شوية ده حيكون حالي

Post: #27
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 09:27 AM
Parent: #25

Quote:

اها كمان ياحاقد بعد مرات بتقول لي كرمة...وكرمرم كمان
ولقدام بت فرعون الاردب سمسم دي زاااتها بقت تقول يا كرومتي

اها خم وصر

والله يا كيكى برضوا ليك فى النواعم...فتكات

متابعين للنهاية المحزنة

واما فى حتة كيس التمباك انا معاك وسيبك من ناس ابوكدوك وحيدر وياسر . حاسدينك مع بت فرعون

Post: #29
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:35 AM
Parent: #27

Quote: واما فى حتة كيس التمباك انا معاك وسيبك من ناس ابوكدوك وحيدر وياسر . حاسدينك مع بت فرعون

ديل يا حامد اعداء الثورة التصحيحية الجكسية
ودايرني اقعد اترمتل معاهم في التنابيك والكنابو دي...
ولكن انا لهم ذلك مع بت فرعون دي

Post: #28
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:29 AM
Parent: #25

اها الزولة..جات زي الاسد..العيون كيف كيف...والخشم احمر شنو شنو...
يا زول اخوك ثبت تببببببب..وقلت لروحي الليلة يومك ياود كرومة..والماتش لازم تتالق فيهو..زي ابراهومة..
لكن بتاع الهلال ..وفعلا قعدت اناضم..واخفف دمي زي عادل امام..وبعد مرات زي ابكرونة..
المهم..البت حبة حبة كسرت الحواجز ..والنظرات الكرباوية اتطاقشت وابكرونة عامل حميل وثبات بره بره
لكن جوه جوه يتهوزز زي صحن الكاسترد...
وشبكتها ليك باص باصين طوال...وباصات اسكرو ونور طويل وكم نور كده قصير...والالفة الالكترونية شكلها كده
ورت والالكترونات تتطاقش الكترون خاشي والكترون مارق...
والزولة ثابتة لو اتهوزز جبل عبل ياها الاتهوزت هي (ده كلام شنو ياجماعة) وده جكس شنو العجيب الوقعنا فيهو
ده...رزانة ومنضمة بالمسطرة والمنقلة ويا النبي نوح
ولكن رغم ذلك بداء ولاح من الخد وهات بان الاختراق الجوي قد حصل والجكس من المحتمل يكون قد فصل
ونعود

Post: #30
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:40 AM
Parent: #28

ومن اليوم داك البنية السكرية ..غايتو امنت انو الزول ده شوية كده ختري وممكن يدوهو شوية
حبوب حنان..والقصة جرت وهاك ياحب وهاك يا ليل...وهاك يا قراية..ودخلت حوش عمك المثقف ..
عوض فرعون وبقيت ود البيت...وفتحو لي قلوبهم..ومكتبتهم...والحب مدور وشغال ..وحسيت بروحي
طالعة في السماء..وطلعت الكفر..والبت زاته ياجماعة فرهدت وخشت الجامعة وبقت خترية
شديد..ومنضمة شديد وبتاعة اركان نقاش..وشعر ..وبنيوية ..وضخت كلام عجيب خلاص في قاموس
الحب بتاعنا..(احبك زي تفاصيل شنو كده ما عارف)..(واحتاجك لحظة شنو كده..ما عارف)..
والق الشنو ..وعصافير تغرد وين كده..المهم منضمة جد ..وانا قاعد اراقب حبيبتي...تكبر
وتكبر....ولسع معاككم

Post: #31
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:52 AM
Parent: #30

البنية..كملت الجامعة شوفو عليكم الله دي كم سنة ولسع انا لاصق..والسنين ذادت حبنا..
وبقا زيتي في ييتهم..والبنيةقعدت في البيت ...وانا مشيت محل بعيد جوه السودان عشان الشغل..
وبكت يوم رحيلي ..ورنو ذاتا كبرت وبكت معاها..
ويوم جاني عمك بكر بتاع البوستة...وقال لي يا كريم عندك جواب...
فتحتو...ولقيتو..(حصل سريع..نادية فرعون عندها ود عمها جاء من امريكا..وقال عاوز يعرسها)..
امضاء هبوية....
طاخ...العين ضلمت..وسحابة زي اللون الاسود مرت..وشفت جيوش التتر..وهولاكو ذاتو..
واللوحة بدات في التصدع....
لكني قلت دي ندوية...دي انا مربيها..وعارف انها بتحني..وبتبكي بدموعها..لمن ازعلها..
اولمن تحس اني زعلان...
معقول..يا اخونا..معقول.. يااخوانا..
وطوالي خطوات تنظيم للمدير بتاعي..انا داير اجازة اسبوع..
مالك يا زول... ؟؟؟
والله بصراحة كده يا مدير
حبيبتي عاوزين يخطفوها يا مدير
معقول...هاك اجازة شهر ولو شالوها منك اوعك تجي هنا تاني...
ونعود ليك يا زمن بت فرعون

Post: #32
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 10:04 AM
Parent: #31

Quote: والله بصراحة كده يا مدير
حبيبتي عاوزين يخطفوها يا مدير
معقول...هاك اجازة شهر ولو شالوها منك اوعك تجي هنا تاني...
ونعود ليك يا زمن بت فرعون

والله يا كيكى ضحكتنى وبكيتنى فى نفس الوكت

بس كان عندك مدير تمام عارف الحاصل واللى حيحصل لو ختفوها منك الشاكوش واثرة الخ الخ الخ

كامل التضامن معك

لا والف لا للقادم من امريكا

Post: #34
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:08 AM
Parent: #32

Quote: بس كان عندك مدير تمام عارف الحاصل واللى حيحصل لو ختفوها منك الشاكوش واثرة الخ الخ الخ

كامل التضامن معك

لا والف لا للقادم من امريكا

مدير فهمان وبراعي هموم الاستاف بتاعو
وعارف انو شغلو ده ممكن يتلخبت لو الامور بتاعتهم لخبتوها زي العينة الفقرية الجاية من امريكا دي
وقول معانا يامعين عين ناس كرمة ناس الداخل من ناس الدولار ابو صلعة ديل

Post: #33
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:05 AM
Parent: #31

جيت باللوري..وانا روحي عايزة تمرق من الوساس..والهلوسة...لكني برضو ساعات كده بكون..
عندي ثقة في ندوية وفي عمك فرعون..ذاتو...وبقول لروحي معقولة..الناس ديل ينسوا العشرة
وينسوا كرومة الود الدمو خفيف...والود الشقي...الخشي فيهم توش..واخلص ليهم..ولو قالوا ليه
تعال نضبجك..كان جاء..ورقد...
اها
وصلت الفريق مع عالم الرياضة كده..ومن المحطة وتوش لبيت ناس (هبوية)...هبوية يا مرسلة
الانذار المبكر..
هبوية من ما شافتني قعدت تبكي...وامها جاءت تبكي وقلبوها...بيت بكي...
الله الناس ديل مالهم ياربي المات لي منو....اوع تكون حبوبتي اتلحست...لاني سمعت
انها في المستشفي...وكدي شوية ونشوف الكلام ده!!!!!!!!!!!!!!

Post: #35
Title: Re: حليلك يا قديس يا فلنتاين.....وحليل بت فرعون...!!!!
Author: العوض المسلمي
Date: 02-14-2009, 10:13 AM
Parent: #33

كيكي سلام

Quote: ممكن اتكلم معاكي شوية..
عايز شنو يا زول..
لا ما عاوز حاجة بس كنت داير اديكي الجواب ده...
جواب شنو؟
اقريه وبعدين تعرفي...
كدي جيبو...
اديتها الجواب...واديتا قلبي معاهو..ومشيت البيت دون قلب...لاني قلبي كلو
ختيتو ليها في الجواب...ومشيت انتظر......

ياعمك انت قدييييييييييييييييم خلاص ,,, من زمن الجواب البجدعوه قدام البنت وهي في طريقها للمدرسه ,,,

يا عمك الزمن ده اصبح من الذكريات ,,,

Post: #36
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:19 AM
Parent: #35

Quote: ياعمك انت قدييييييييييييييييم خلاص ,,, من زمن الجواب البجدعوه قدام البنت وهي في طريقها للمدرسه ,,,

يا عمك الزمن ده اصبح من الذكريات ,,,

هلا ياعمك
وزمننا داك يا العوض لا لفيهو مس ولا رسائل
لا زول ساكت اسمو وائل لمن يغنو ليهو...جواب يكتبو بعد نحت لي راس شهر ونص
حتن يرسلو

Post: #42
Title: Re: حليلك يا قديس يا فلنتاين.....وحليل بت فرعون...!!!!
Author: العوض المسلمي
Date: 02-14-2009, 10:33 AM
Parent: #36

Quote: هلا ياعمك
وزمننا داك يا العوض لا لفيهو مس ولا رسائل
لا زول ساكت اسمو وائل لمن يغنو ليهو...جواب يكتبو بعد نحت لي راس شهر ونص
حتن يرسلو

اها يا كيكي ,,,

مش كنت بتكتب الجواب بخط مختلف عن خطك حتي لايقع في يد اهل الحبيبه ويشيلوا حالك ,,,

ويدقوك اخوانها دق العيش وكانك فعلت المنكر كله ؟؟؟؟

صح ولا ما صاح ؟؟؟

Post: #43
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:37 AM
Parent: #42

Quote: ويدقوك اخوانها دق العيش وكانك فعلت المنكر كله ؟؟؟؟

دي اهلها جزارين يا العوض لو ما اتحرفنت في كل خطط الجواب من كتابة وخارطة طريق
بضحبوني وممكن عادي يبعوك (كيري) في فريق الاندايات (هههههه)

Post: #37
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 10:20 AM
Parent: #33

Quote: جيت باللوري

في زمتك دي يا كيكي ما بتخجل جايي راكب ليك لوري

إنت لو بتحبها صاح خليها تركب الطياره و تمشي اميركا

راكب لوري و يشتم في التمباك
ود التجاني عقل الزول ده

Post: #38
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:26 AM
Parent: #37

Quote: راكب لوري و يشتم في التمباك

وتخيل يا كدوك في اللحظة ديك مش تجي بلوري وبس
دي لحظات لو لقيت عرقي مطرف زاااتو بتشربو وتقعد تقهي في هيك بلاوي

Post: #39
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:29 AM
Parent: #37

Quote: إنت لو بتحبها صاح خليها تركب الطياره و تمشي اميركا

اصلح معانا يا نادر ياخي
تمشي امريكا كيف واحنا متفقين ورابطين النقة حيت المصير المشترك
وروح واحدة بين شنو كده ماعارف....امريكا نووو والف نووووو

Post: #40
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:31 AM
Parent: #39

في شنو ياجماعة مالكم ..الحاصل شنو ..
نادية ود عمها المغترب بتاع امريكا..مصر انو يعرسها..ويسوقها..معاهو طوالي...
ده كلام شنو يا اخوانا...
هي قالت شنو...ما هي ست الراي..
وعم فرعون رايو شنو ياجماعة...
....هي قالوا ساكتة ساكت وهبوية مشت ليها يومتا..وما قدرت تعرف اي حاجة...
لكن حجة عوضية امها فرحانة بالعريس اللقطة ده...وقايمة وقاعدة مع امو...والله يستر ساكت..
(وقلت في قلبي خليها حاجة عوضية الوشها زي الكبك.انا عارفها من زمان مكجناني..
انا ما عارف المرة دي ولدت البت دي كيف)....
وحسي اها انت حتسوي شنو...
انا ح امشي ليهم الليلة و اعمل معاهم حوار جس النبض...وبعدين الله كريم

Post: #47
Title: Re: حليلك يا قديس يا فلنتاين.....وحليل بت فرعون...!!!!
Author: محمد الجيلى
Date: 02-14-2009, 10:49 AM
Parent: #40

كيكى سلام ...

شحتفتنا ياخ

بس ...!

كامل تضامنى مع الرزعه الجايه فى السكه

Post: #53
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:02 AM
Parent: #47

Quote: كامل تضامنى مع الرزعه الجايه فى السكه

هلا يا ابو حميد وحبابك ياخي
ومافي رزعة باذن الله
بت فرعون حكايتها جاهزة صرة في خيط
وانا زااتي عاوز اخارجها سريع سريع مع الفلنتاين ده

وكل الود يا محمد

Post: #41
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 10:31 AM
Parent: #37

Quote: إنت لو بتحبها صاح خليها تركب الطياره و تمشي اميركا

نادر ازيك للتعارف وكدة

بس يا كيكى شوف جنس الحسادة دى , ناس ابو كدوك عايزنك تضحى بالحب الكبير وترجع للعشق القديم ( التمباك)

سؤال ليه ما ركبت البص؟

Post: #45
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:41 AM
Parent: #41

Quote: سؤال ليه ما ركبت البص؟

ناس ابو كدوك يا حامد عزال مغيوظين من الجكس الوردي دي
كيف الله قدروا يتكسر في كرومة

البلد ديك يا حامد بصات وزلط وكلامات الخراطيم دي مافي ..
لوري واحد والله واحد بجي في اليوم مرة لو فاتك الا تبيت او تتوكل تركب الكداري ده

Post: #52
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 11:01 AM
Parent: #41

Quote: نادر ازيك للتعارف وكدة

مرحبتين يا حبيب

بس مشكلتك إنك مساند الود المسخوط كيكي

Post: #44
Title: Re: حليلك يا قديس يا فلنتاين.....وحليل بت فرعون...!!!!
Author: حيدر حسن ميرغني
Date: 02-14-2009, 10:40 AM
Parent: #37

ود جيران شليق مثلك كده كتب جواب حبكانة لزولة مترعة الجمال في حلتنا
وقام دقا سدرو وطرق باب بيتها
على العليوه جاتو ليك هي ذاتها
زولنا دخلتو الرجفة
قال ليها أدي الجواب لأخوك عماد
صدقني البنية لامن عرست ما شوفت ولدنا ده في الحلة تاني

Post: #46
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:45 AM
Parent: #44

Quote: قال ليها أدي الجواب لأخوك عماد

ده جبان ورجافة ياخي
ولو لما في عمر جكس يديهو كورسات يخلي الجكس تجي تشيل جواباتهاهي براااها

Post: #48
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:49 AM
Parent: #46

اها يا زول قلت امشي لاجتماع جس النبض ونشوف الناس ديل دايرين يودوها لوين...
وبوشي الزي الكبك داك وانا جاي من السفر توشك مشيت لعمك عوض فرعون ولقيتو براهو..
حق الله بق الله...واستقبلني بروح رياضية عالية وجاب لي عصير ودي ما عوايدو...
اها حجة عوضية جات...وعرفت ان الموضوع بايظ...... ونواصل

Post: #49
Title: Re: حليلك يا قديس يا فلنتاين.....وحليل بت فرعون...!!!!
Author: انعام عبد الحفيظ
Date: 02-14-2009, 10:52 AM
Parent: #48

Quote: بت فرعون بتجيب المطرة زاااتها

سنة يا المطرة !!!

كيكي عيد سعيد ياخ ههههههههههههه

Post: #51
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:59 AM
Parent: #49

Quote: سنة يا المطرة !!!

كيكي عيد سعيد ياخ ههههههههههههه

شفتي عذابات طارق تخلينا نمشي نهابش سيرة الناس البنزلو المطرة
الزول الاسمو طارق ده امسكو مني

وعيد سعيد ياانعام

Post: #50
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 10:53 AM
Parent: #48

عرفت الموضوع فيهو موامرة كبيرة...واحدي موامرات النساء منذ عهد امنا حواء...
خالة عوضية سلمت لي بطرف اصابعها ..ولوت شلوفتها...وطلعت طوالي الي بيت الجيران..
وقالت لعمك عوض فرعون....اسمع يا عوض..لو عشا ضربت لي..انا في الجيران...
سجم يا عوضية البقيتي تتكلمي بالتلفون ككمان...
اها
قلت ابقي ود شجاع وافتح الموضوع مع عمك..لكن لازم اشوف لي مدخل ابو كديس..منو ممكمن
افهم الوضع كلو...
ياعم عوض انا عايز اخطب نادية....
قلت شنو....
قلت ليك انا عايز اخطب بتك ......نادية....فاصل ونواصل

Post: #54
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 11:03 AM
Parent: #50

قال نواصل قال

ما حقك راح والله عمك عوض دة انا ما ضامنوا

Post: #55
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:10 AM
Parent: #54

Quote: ما حقك راح والله عمك عوض دة انا ما ضامنوا

شنو يا حامد ياخي
انت سمعت كلام ابو كدوك ده وقلبت علي ولاشنو..
بيني وبينك عم فرعون هو الامل الوحيد الباقي
وبس قول معاي يا رب

Post: #56
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:14 AM
Parent: #55

ايوه..يا عم عوض انا داير اخطب نادية..وانت عارف كده من زمان اني عاوز الزولة دي...(بكل قوة..وقاعد اعاين لعمك فرعون جوه ..عينوه)...
فرعون..حاول يعمل انو..كلامي ده مفاجاة بالنسبة ليهو...وقال لي دقيقة بس انا جاييك....
(تخييل زولو اكلموا بكل شجاعة وجدية...) ...ويقول ليك دقيقة...يخش جوه..يجيب علبة البرنجي ويولع سيجارة...وعاين بعيييييييد....
وقال لي يا كريم يا ولديييي فاجاتني....؟؟؟؟؟؟
فاجتك....؟؟؟؟
ايوه..يا ولدي..!!!
طيب يا حاج انت ما كنت شايفني بقع وبقوم..وماعارف..اني متقف من نادية علي الحتة دي...ومن زمانننننننن
والله ياولدي....؟؟؟
والله شنو يا حاج....؟؟؟
وفجاة ضرب التلفونننننننننن......وتاني عمك فرعون قال لي دقيقة...وخشي جوهههههههه
واه منك...يا ظالم....
وفاصل ونواصل..................

Post: #57
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:22 AM
Parent: #56

اها...مع الدقيقة القالها...فرعون...وقبل ما يتمها...ارفع ليك راسي لمحل صورة ندوية..ورنو المعلقة فوق الصالون...
وفجاءة كده دور الشريط....جوايييييييي
شريط ماشي سريع...سريع..زي الجارنو بالحركة السريعة.....يوم شفتها في شارع المدرسة..يوم اللقاء الاول عند ناس هبوية.....
شرح (الماسمتك)...الكان اخوكم بتالق فيهو...ولو غلبتو حاجة...ما بنوم لحدي ما يحلها لندوية...وجلسات الصفاء والانس
ورحلات راس السنة...مع ناس هبوية ورندا..ومشاعر....والقصائد والكتب الكنا نتبادلها..وكلام كثييييييييييييير
ولكن كانت اقوي تلك اللقطات وتتكرر في الشريط...هي حديث ندوبة في احدي خطابتها وانا بعيد...عن نضال المراة
..وتحرر المراة وانعتاقها من سطوة الافكار القديمة.....ياخ ندوية مثقفة وفاهمة...ودارسة الكتاب....
واكيد...اكيد الموضوع ده محسوم....لصالحك يا كريم....خت الرحممممممممم.......وقبل ما اتم تخيلاتي...واتم النون...........
اسمع ليك صوت عمك...فرعون....................!!!
اها قلت لي شنننننننو يا ابني...........!!!!!
ابني خلاص انا بقيت ابني يا عم فرعون...ما كنت قبل شهرين بس هنا...وكنت............كرمة....
وقعد عمك.....وقال.......................!!!!!!

Post: #59
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:28 AM
Parent: #57

يا ابني ...سبق السيف العزل..(قالها كده بكل طنقعة)...ونادية خطبناها..لرامي ود اخوي محمود...جاء من امريكا...والعرس بعد شهر.......
زززززززززن....(مسمار زي السم...قالوا عمك فرعون بكل ثقة)....
خطبناها,,,,
لازم تماسك...لازم قتال...لازم حوار...(شعارات سريعة اتخذتها في تلكم اللحظة القاتلة...).....
وبديت مثل من يفاوض علي نهاية حرب...ليس لي خط رجعة...ولا تنازلات...ولا حد ادني......
تخطبومها كيف...يا حاج بدون ما تشاوروها....شنو يا حاج انتو القصة عندكم...كده بس...(امسك لي اقطع ليك)...ايوه قلتها
وكيف قلتها لا ادري...حيث انني لم اكن متعودا..علي مثل هذا القول امام عمك فرعون...ولكن قلتها لعمك عوض...دون ان اتحسس
او اتحرج....انها لحظة اللحظات....
لا نادية...شاورناها...............
وطيب قالت...شننننننننننننو
قالت شنو يا حاج...........!!!!!!!!

Post: #64
Title: Re: حليلك يا قديس يا فلنتاين.....وحليل بت فرعون...!!!!
Author: محمد على طه الملك
Date: 02-14-2009, 11:57 AM
Parent: #57

Quote: ..(حصل سريع..نادية فرعون عندها ود عمها جاء من امريكا..وقال عاوز يعرسها

أمريكا بت الكلب ؟
وأنا أقول هندسه دا الوداه يحفر في أمريكا شنو من الدوحه؟
شغل تراب وكل صباح تشوف عماره قامت فوق وش الواطه!
فلايت اقصد فلننتاين القلب ..
الله قادر ..

متابع .

Post: #58
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 11:28 AM
Parent: #56

ما قلت ليك؟ اهو جهجهك وخلاك تتململ عشان ما تقول نادر حرضنى

يا زول خليك شديد معاه وما تديه فرصة زوغة ولو اتحرك من مكانه جره قعده

وبالمناسبة لازم تكون خلصت الحكاية مع عمك عوض قبال اللى بتكرهك ما تجى

ما زلت نتضامنا معك يا كيكى مع علمى بان النهاية ماساوية

Post: #60
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:35 AM
Parent: #58

Quote: ما قلت ليك؟ اهو جهجهك وخلاك تتململ

والله ياحامد كلامك في محلو
فرعون ياخي جهجه دفاعي وهاجمني من الاطراف والعمق كمان...وعمل كم شوتة كده بره الخط
وشمت فيني نادر ابو كدوك ومن لف لفه من اعداء الثورة التصحيحية..
فرعون بلاوي ليك ملاوة لمن يااامن وبنعصروو بحق الحب الثوري لمن يجيب الزيت
واما عوضية فرعون التصبر لي ساااكت المرة البوبارة دي ههههه

وشكرا علي التضامن و يسقط الكدوكيين

Post: #61
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 11:39 AM
Parent: #60

كنت عارف...مجرد ذكر مغترب في الحتة ديك...عندو دلالات كثيرة...وده قالوا جاي من امريكا...دولار...وطاف في خيالي سريعا
صحبي الذي فشل في مقاومة مغترب جاء من الخليج....ودبرس دبرسة شديدة..لمن عرسوا...حبيبتوا....
كان يجد عزاوه في التنظير والنقة....القاعد انا اقولها ليهو....عن جدل الحب...والية الاقتصاد...وكلام كثييييييير عن نفسية الفتاة
والاحلام...والواقع.....وانو اكيد هو سيكسب معارك جاية...وانو فتحية دي ما نهاية الدنيا.......
ولم اكن اتوقع بانني اليوم ساكون مهددا..بمثل هذا الامر...ومن منو...!!! من زول قالوا جاي من امريكا....دولار..(ابوصلعة)..يا ساتر
وتامي عشرة سنوات في امريكا....وود عمهههههههههههها كمان.......
لكن ساعات كثيرة بتفاءل وبقوي بكلمات ندوية...وحتيمية قتال الظروف..والصبر لحدي ما الله يفك العقدة....
.....
ونرجع لعمك عوض..........................وهي قالت شنو............يا عم فرعوووووووووووون؟؟؟؟؟

Post: #63
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 11:46 AM
Parent: #58

Quote: ما زلت نتضامنا معك يا كيكى مع علمى بان النهاية ماساوية

إنت عارف يا حامد
الفوق دي مشكلتك
تضامن شنو ده زول جايي راكب لوري
اي
والله لوري

Post: #66
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:17 PM
Parent: #63

Quote: تضامن شنو ده زول جايي راكب لوري
اي
والله لوري

لوري
ده كان تميس يا ابوكدوك الما ركبو في البلد ديك ماركب
صندوق مدقوق جديد وفيهو مساعدين حلة وسواقو اكبر معلم في البلد ديك

Post: #62
Title: Re: حليلك يا قديس يا فلنتاين.....وحليل بت فرعون...!!!!
Author: ismeil abbas
Date: 02-14-2009, 11:42 AM
Parent: #54

يا كروم...متابع بشوق..

مودتى.إسماعيل محمد احمد عباس....

Post: #65
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:13 PM
Parent: #62

Quote: أمريكا بت الكلب ؟
وأنا أقول هندسه دا الوداه يحفر في أمريكا شنو من الدوحه؟
شغل تراب وكل صباح تشوف عماره قامت فوق وش الواطه!
فلايت اقصد فلننتاين القلب ..
الله قادر ..

بت الكلب ساااكت امريكا دي
الشالت بت فرعون وشالت نوريغا..
عشان كده يا محمد زعلة ساااكت قلنا مرقتنا من فريق زنقو دي
مافي ليها فرملة الا قدام البيت الابيض...حيث الدولار ود اللذينة هههههههه

Post: #68
Title: Re: حليلك يا قديس يا فلنتاين.....وحليل بت فرعون...!!!!
Author: شول اشوانق دينق
Date: 02-14-2009, 12:22 PM
Parent: #65

جنس محن ومصائب متلميين فى منبركم ده

كيكى...
لا حول ولا قوة إلا بالله

ندوية طلعت ماسورة مما رضت بالدولار ولم تتبع ما بقلبها (ده لو كان فى حاجة) قرقرقرقر

ياخ بالجد حكاية مراجعة الماسمتيك ده تصدق حصل مع اخوك قبل كده هههههههههههههه

_______________
إتو بتجيبو الكلام ده من وين

Post: #69
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:27 PM
Parent: #68

Quote: ندوية طلعت ماسورة مما رضت بالدولار ولم تتبع ما بقلبها (ده لو كان فى حاجة) قرقرقرقر

طلعت ماسورة عشرين بوصة يا شول..
واخوك كل المقصات والحوامة زمن المسلسل ديك طلعت فشوش ساااكت
ياريت لو كان قعدنا زااتو حضرنا لينا مسلسل مسلسلين اثقفنا في حناننا ده...
...
من اليوم داك تاني الجكس الماسمتك ده يشمو كشنة

والليلة يا شول قلنا القصة فلنتاين وكدا

Post: #70
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 12:28 PM
Parent: #65

Quote: تضامن شنو ده زول جايي راكب لوري

والله يا نادر كلامك صح لورى شنوالراكبة والعريس جاى من امريكا

لكن التضامن بتاعى عشان حالته كانت سعبة شديد

Post: #71
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:32 PM
Parent: #70

Quote: لكن التضامن بتاعى عشان حالته كانت سعبة شديد

الحالة فعلا سعبة ياحامد
ومحتاج لتضامن دولي من عصلجة فرعون دي يمكن يحن

Post: #67
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:22 PM
Parent: #62

Quote: يا كروم...متابع بشوق..

حبابك يا اسماعيل ومرحب
وشكرا ياخي كروم دي ريحتني جنس راحة مع عمك فرعون العصر علي شديد ده ياخي

Post: #72
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:35 PM
Parent: #67

نادددددددية موافقة...........ياالله يا عم فرعون كنت تقول غير كده...كنت تسكت او علي الاقل تقول دقيقة وتخش جوه تانييييي
بلعت ريقي....وبلعتو تاني.....في هذه اللحظة...ورغم انني ديكارتي كبير امارس الشك في كل الاشياء حتي اتيقن منها بنفسي...
الا انني كنت اعلم ان عمك فرعون ما بكضب خالص...بعرفو كويس,,,,دغري وما بعرف اللعب....
تيقنت انها ثلاث ارباع الحقيقة....هطلت في خاطري ماسي العاشقين الكبار...واغاني في الليلة ديك...وحان الزفاف....وياربي ح اسمع ديل
بفهم وتذوق تاني............!!!!!!
ووو افقت...ضغطوها...انتو يا حاج ولا شنو....
كنت اناقش كمن يملك حقا.....نعم املك حقا.......ولكن.........................
لحظات ونمتص صدي الصدمة...ونعود لمواصلة حوار الفجيعة مع عمك الظالم فرعون............
فاصل حزين...وموسيقي اكثر حزنا..............

Post: #73
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:41 PM
Parent: #72

خرجت اجرجر ازيال الهزيمة.واتذوق طعم الحنظل..
وتذكرت النكسة وهزيمة حزيران وام دبيكرات وكرري ذاتهها
وحسيت انني مثل قائد جيشا..احتلت عاصمته..وتذكرت نكسة العاشقين
الكبار..قيس بن الملوح...وجميل بثينة وعنترة بن شداد..
والزين ....وتذكرت بركات الحنين ...فهل تهطل علي بركات الحنين
ويعيد الامور الي نصابها.....وفجاة ........سمعت صوتا يصيح من خلفي....

كرررررومة...اقيف لقدكان هذا ..هو صوت نادية الذي...الله دي الجابها شنو
دي عاوزة شنو..يا ظالمة..يا تتر ...يا جنجويد...!!!!!....وفاصل......

Post: #74
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 12:43 PM
Parent: #72

Quote: ووو افقت...ضغطوها...انتو يا حاج ولا شنو....

اه يا حنين ( وجه ممحون منتظر معجزة الهية)

Post: #75
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:48 PM
Parent: #74

Quote: اه يا حنين ( وجه ممحون منتظر معجزة الهية)

نعم يا حامد ومنتظرين السماء تمطر وعدا وامل
وتفرتق عرسة وتربط تربط حبا
وخلينا نشوف

Post: #76
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 12:49 PM
Parent: #72

تضامن وكده

<object width="425" height="344"><param name="movie" value="http://www.youtube.com/v/uPA630XrXQQ&hl=fr&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/uPA630XrXQQ&hl=fr&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

Post: #77
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:51 PM
Parent: #76

Quote: تضامن وكده

ايووه يا كدوك خليك حنين كده
وغير هاشم ميرغني ده مافي شيتا تاني بمتص هيك بلاوي
وهو فنان المرحلة حتي الان

Post: #78
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 12:58 PM

كريم ازيك
اهلا ..(وش مادي بوزو...وعينو حمر..)
حمدالله علي السلامة..هبوية قالت لي انت جيت...!!
لا ما جيت...ولو ما جيت كنت حتلقيني واقف هنا....!!
وبعدين تعالي...دي شنو الضرب المن الخلف ده....مبررروك وانشاء الله
يسجلوا ليك ولاية داكوتا...والفيك اتعرفت يا..........!!!!!!
كريم...
كريم..!!

انهمرت ندوية في بكاء حن عليه قلبي الحنين...وحاولت ان تبرر ان
ابوها فرعون..وحجة عوضية مارسوا عليها ضغوط..لم ينزل الله بها من سلطان
ورضخت هي في النهاية...ولكن..كنت قد ذهبت ومشيت دون ان ان اسمع
باقي تبريراتها.....وانا حزين...انا حزين...لسطوة فرعون
سطوة عوضية...وانهزام...ندوية....وانكساري

Post: #79
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 01:04 PM
Parent: #78

Quote: ....مبررروك وانشاء الله
يسجلوا ليك ولاية داكوتا...والفيك اتعرفت يا..........!!!!!!

جنس حساده

Post: #80
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 01:08 PM
Parent: #79

Quote: جنس حساده

ايوه يا ابوكدوك لازم حسادة قضامة ووش كرتون
وتاني نقة يا ندو ويا ابو النا والنقة الرومانس ديك تشمها كشنة
عاملة وشها زي الكبك ده

Post: #82
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 01:13 PM
Parent: #80

جرجرت..ازيال الخيبة..ومشيت بالليل داك...ماري بدكان عمك (علي)..حليلك يا دكان عمك علي..وحليل الميرندا..
ودخلت الاوضة القبيل...هذا الدخلة لم تكن مثل دخلتي في يوم الجواب...دخلة حزييييييينة...واشوف ليك الباب ده...تقيييييييييل
وطوالي علي الحيطة...ونزلت صورة نادية..(ايوه نادية...ما ندوية)..وعلقت صورة الطفل (الباكي)..ايوه دي صورة المرحلة
وفتحت دولاب الجوابات...........جوابات بالكوم..مكتوب علي الدولاب...(صهيل العشق الخرافي)...خرافي..والله كويس...
ابدا تراح.........شرط.....واقراء السطر الاول..(لك اخلاصي حتي النخاع).........(دائما ستكون الجياد الاصيلة هي الفائزة)....جواد اصيل والله كويس..!!!
حوار عميق ما بين ذاتي المليئة بالحزن...ومابين تلكم العبارات والجمل التي ستذهب بعد قليل الي (نار المنقد)...
شرطت زي 200 جواب ومذكرة..وكتاب بتاع شعر نادر اظنه لنزار قباني....محرقة ومقصلة لمستندات رفعت منها الاهمية...وذهبت مع رياح الامريكاني ود اللذينة

Post: #85
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 01:19 PM
Parent: #80

Quote: عاملة وشها زي الكبك ده

ده كلام زعل يا دكتور اقصد هندسه

Post: #86
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 01:21 PM
Parent: #85

Quote: ده كلام زعل يا دكتور اقصد هندسه

الدكتور زعلااااااااان يا ابوكدوك جنس زعل

Post: #81
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 01:12 PM
Parent: #79

Quote: سطوة عوضية...وانهزام...ندوية....وانكساري

ما قلنا ليك الحب طريق

قاسى وصعيب ما تقربه وجيت براك ده العذاب اتحمله

الله يجازى حجة عوضية اللى بوظت القضية وادتك البونية مش البنية

وضاعت منك بت فرعون وخلتك فى الاسية

التداعيات التداعيات يا عمك

Post: #83
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 01:17 PM
Parent: #81

Quote: التداعيات التداعيات يا عمك

التداعيات بالكوم ولسع ليل بت فرعون طفلا يحبو
البلاوي دي كلها من عوضية كحلت الدولار والشنط البتطاقش دي
وقامت فيها حريقة الدولار ...باقي ليك موظف في الدرجة (كيو) بقدر بطفيها
جنس حريقة وشفقنة عوضية فرعون المسلوعة دي هههه

Post: #84
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 01:19 PM
Parent: #83

فاصل وجر نفس من العكة الفرعونية دي
وسنواصل باذن الله متبقي البلاوي والتداعيات والاحداث ايضا

Post: #87
Title: Re: حليلك يا قديس يا فلنتاين.....وحليل بت فرعون...!!!!
Author: abuguta
Date: 02-14-2009, 01:29 PM
Parent: #84

كيكى

دا كله عيد حب,,,,ياخى لو كتب فى الرياضة كنت بقيت مزمل
ههههههه

وين اغانى محمد ميرغنى

وين الزول دى اسى,,,

Post: #88
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 01:37 PM
Parent: #87

Quote: دا كله عيد حب,,,,ياخى لو كتب فى الرياضة كنت بقيت مزمل

هلا يا ابو قوتة وحبابك والله.
وبت فرعون دي مش تخليك تبقي مزمل ابو القاسم الكيشة ده
دي يازول موضعها لو ماعملنا سااتر كان بقينا الرشيد بدوي عبيد عديييل كده

Post: #89
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 01:52 PM
Parent: #88

كيكى

وعلى نحو ما بال تلك النسوة

للتداعيات تداعيات اخر و قفلات كمان

المدير وتحذيرة

الرجوع الى العمل

الرجوع للسفة ( التمباك)

الرجوع للسفة المرة دى بالفتحة

البشتنة وعدم الاهتمام بالمظهر العام

الشاكوش وقمة اليافوخ

واشياء انت ادرى بها

وما زلت متضامنا رغم سخط الاخرين امثال ابو كدوك

Post: #90
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-14-2009, 01:59 PM
Parent: #89

Quote: للتداعيات تداعيات اخر و قفلات كمان

حامد

خليك واقعي

إمشي الكنبو عديل

غير كده يا خوي ما عندنا ليهو حل

Post: #99
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 04:57 PM
Parent: #90

Quote: إمشي الكنبو عديل

من غير هذا الكمبو يعطي هذا الشاكوس معني ان يمتص ويكسح
فلازم مقيلات كمباوية يا ابو كدوك

Post: #98
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 04:54 PM
Parent: #89

Quote: الشاكوش وقمة اليافوخ

هلا يا حامد
وكلو جاي وبالكوم والردوم..
باقي ناس فرعون ديل بناخد حقنا منهم كاش وبقلل النقاش

Post: #91
Title: Re: حليلك يا قديس يا فلنتاين.....وحليل بت فرعون...!!!!
Author: حنين للبلد
Date: 02-14-2009, 02:08 PM
Parent: #88

كرومة

مارضيت كلامنا....وجيت براك

اهو ده العذاب اتحمله...استحمله

"قلت لي كانت بتقول ليك ياكرومة، تصدق انا زاتي بتجيني مرات بدلع روحي بي روحي"

القصة بالجد سلسة ومشوقة...بس برضو قوم اخد ليك لفة...كان كرومة ماعارفة هههههههههه

Post: #92
Title: Re: حليلك يا قديس يا فلنتاين.....وحليل بت فرعون...!!!!
Author: khaleel
Date: 02-14-2009, 02:24 PM
Parent: #91

احمد التجاني وابو كدوك

شائفين كيكي زاغ من حكاية

الجلدة

http://www.sudani.ws/s-data03/majzoubaounsa/akhir_khabar.mp3

Post: #93
Title: Re: حليلك يا قديس يا فلنتاين.....وحليل بت فرعون...!!!!
Author: شول اشوانق دينق
Date: 02-14-2009, 04:30 PM
Parent: #92

يا خليل الزول مشى وين؟ مفلتن(*) ولّ شنو

_________________
(*) من عمايل فالنتينو ... (الفلتنة) هههههههههههههه

Post: #95
Title: Re: حليلك يا قديس يا فلنتاين.....وحليل بت فرعون...!!!!
Author: khaleel
Date: 02-14-2009, 04:32 PM
Parent: #93

Quote: يا خليل الزول مشى وين؟ مفلتن(*) ولّ شنو

شول

كيكي نائم

بستعد للمساء والسهرة

Post: #103
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:12 PM
Parent: #93

Quote: خليل الزول مشى وين؟ مفلتن(*) ولّ شنو

هو فضلت فيها فلتنة يا شول يا صحبي مع عمك فرعون ده
ده حركات بتاع كواجات ساااااااكت فلتنة ده

Post: #94
Title: Re: حليلك يا قديس يا فلنتاين.....وحليل بت فرعون...!!!!
Author: محمد الجيلى
Date: 02-14-2009, 04:31 PM
Parent: #92

الزول ده وين ؟

كبه الزوغه على الفراعنه

ولا حصلت تداعيات الذكرى ومايصاحبها

من دموع وخرابيط نازله والعيون اتدفنو

( وش ميت من الزعله ) دا من زوغتك

Post: #96
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 04:47 PM
Parent: #94

نعود ...الي الايام الخوالي في حضرة بت فرعون
ونشهد ونقر ان ذلك الرباط السرمدي لم يكن سرمديا
طيلة الاوقات..لقد كانت هنالك تمردات وحركات..وتهديدات بالشطب من الكشف
الافريقي..!!ولكن مقدراتنا التفاوضية العالية..والحنكة السياسية
كانم لها دورها في تهدئة وامتصاص الاوضاع..واعادتها الي مجراها الطبيعي
والسيطرة الميدانية..مرة اخري...
لقد مر الكثير من الخطاب..وطالبي القرب من نادية(عالم كلها حقارة..وحاقدة)
يعني بنات الدنيا والعالمين ديل كملن .وما فضلت الا (بت فرعون دي)..

استطعت تجاوز الكثير من المنعطفات والمهالك..وزحلقت الكثير من العزال
واغلبهم مغتربين..وبعض التجار المريشين..والسادة كبار الموظفين..وكنت اعتقد
حالما بان كل هذه المكاسب و الانتصارات تزيد القصة قوة ومناعة..وماكنت عارف الغريق قدام قدم حمام...!!!!!!!

Post: #97
Title: Re: حليلك يا قديس يا فلنتاين.....وحليل بت فرعون...!!!!
Author: شول اشوانق دينق
Date: 02-14-2009, 04:51 PM
Parent: #94

يا خليل
كيكى ده النايم ليها شنو ياخ مخلينا فى البرد ده منتظرينو هههههههههههههه

Post: #100
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 04:59 PM
Parent: #97

نعود الي عهد نيرون ,عهد فرعون ونستعيد سيرة الوجع
ونتداعي بحزن ظاهر في حضرة الشاكوس الذي يصيب
الراس بالدواروالصلع..........
راس الهجمة في امر ذهاب بت فرعون مع الرياح الدولارية
هي عوضية فرعون..التي يبدو تماما ان شذي الدولار
وخمج السوق الذي اتي به رامي من وراء البعيدة..هو
العامل الحاسم الذي حمسها ودفعها في الاتجاه ..
الصابي في الضغط علي البنية المسكينة(نادية)..وتفتيت
احلامها مع الود (كريم)....وقدرت عوضية بمهارة فائقة
من تفتيت الافكار والشعارات التي نادت بها نادية
في جواباتها ...ليبل كريم تلكم الخطابات
ويتجرع مويتها شاكوسا..وشماتة من الاصدقاء الاعداء
وليطلق عليه(كريم شاكوس)..
سربت البت هبوية..ان فرعون كان صامتا
ينظر الي محاولات عوضية ونقاشها الليلي مع (ندوية)..
صامتا دون ابداء اي راي سلبا او ايجابا..وكانه
قابعا بين سفينتين..سفينة كريمية ممراحة
ولكن تحتاج لمساحة وزمن لتقلع,,,
وسفينة رامية جاهزة للاقلاع ودخانها يولول
بالدولار يحمل نادية الي مرافي
وشواطي بعيدة.......!!!!
واخيرا انتصرت قوة الشر الدولاري.....!!!
وانتصرت عوضية فرعون لخيارتها

Post: #106
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:17 PM
Parent: #97

Quote: كيكى ده النايم ليها شنو ياخ مخلينا فى البرد ده منتظرينو هههههههههههههه

نوم مافي الليلة يا شول
والقصة دي لازم نشطبها الليلة ونوضب ناس فرعون الارهابيين ديل تمام

Post: #142
Title: Re: حليلك يا قديس يا فلنتاين.....وحليل بت فرعون...!!!!
Author: كمبورة
Date: 02-15-2009, 10:27 AM
Parent: #97

كيكي سلامات وعوافي يا رجل

وانا اقول ليه كيكي عاوز يسافر امريكا

Post: #105
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:15 PM
Parent: #94

Quote: كبه الزوغه على الفراعنه

زوغة وين يا محمد
قلنا نديها نومة تريح الدماغ من سيرة فرعون دي
الخلتنا نكجن الفراعنة سياد الاسم..ومصر دي حسع لو لعبت كورة مع الترابي
حرم ما اشجعها

Post: #102
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:09 PM
Parent: #92

Quote: احمد التجاني وابو كدوك

شائفين كيكي زاغ من حكاية

الجلدة

خليييييييل علي قولة وردي لعماد احمد الطيب في الكورال
خليييييل مسحت شنو..؟؟
انا قوبي قال الممسوح
وديلك يا خلي جكاسة جامعات ومعاهد عليا ساكت
واجنا يا حبة ناس كروم كنا بتاعين كراكير وحلال

Post: #104
Title: Re: حليلك يا قديس يا فلنتاين.....وحليل بت فرعون...!!!!
Author: khaleel
Date: 02-14-2009, 05:12 PM
Parent: #102

Quote: خليييييل مسحت شنو..؟؟
انا قوبي قال الممسوح

والله يا كيكي

انت اخو وما عليك مدسة

قلت لاحمد التجاني وابو كدودك

عامل فيها (طلال الاحمر)

Post: #101
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:04 PM
Parent: #91

Quote: "قلت لي كانت بتقول ليك ياكرومة، تصدق انا زاتي بتجيني مرات بدلع روحي بي روحي"

القصة بالجد سلسة ومشوقة...بس برضو قوم اخد ليك لفة...كان كرومة ماعارفة هههههههههه

هلا حنين وحبابك وحباب النيو لوك والبروفايل ..
ضروري يا حنين ادلع روحي شوية واوسي نفسي شوية بالدهشة
بعدما ناس ندوية واهلها الفراعنة الرعاديد سحبو مني (حق التدليع الدولي)..
وشكرا علي تضامنك.ياحنين
وحليل زمن كان اسمنا كرومة ياخي
حسع جينا منبركم الملجة ده قلبت كيكي

Post: #107
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:20 PM
Parent: #101

Quote: والله يا كيكي

انت اخو وما عليك مدسة

قلت لاحمد التجاني وابو كدودك

عامل فيها (طلال الاحمر)

كويس انك اعترفت ...قوبي كان ناوي يجيب قندران ويعتل كل ما لديك من ثروة وسلطة (بوكية)
وبعدين ناس ابو الطاء ديلك كانو هياثم بندر
واحنا يا اخوي هياثم خلا سااااااكت

Post: #108
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 05:25 PM
Parent: #107

تامرالحجةعوضية فرعون..والصموت التاريخي
للسيد فرعون..الذي لم اجد له تفسيرا يتواكب مع
افكاره..وكتبه الكثيرة الزي المطر.المليان بيها البيت
..كل هذه الظروف والاحداث والتامرات جعل مني
مشوكسا..(لقد جعلوني,,,,مشوكس)...!!!!
فالشاكوس للذين حماهم الله وحمتهم الظروف منه...
امرا,,عجيبا وغريب....تبداء اولي اعراضه في تغيير
نمط السماع الغنائي بتاعك.....فان كنت من يسمعون
وضاحة يا فجر المشارق غابة الابنوس عيونك..!!!
وتسمع اغني للفرح والجمال والدهشة...فجاة تلاحظ
ان مزاجك الغنائي قد. بداء في التبدل والتحول صوب
...يا ضفاف النيل ويا خضر الروابي..
وفي الليلة ديك...
وحان الزفاف...
والقطار المرة فيهو مرة حبيبي...ّ!!!
بعد هذا النمط المحبط في الغناء...تحصل تحولات اخري
علي مستوي حجم( السفة) ان كنت سفيفا..وقد تجنح
الي تجرع اشياء اخري ان كنت من ضعاف النفوس
الذين لا يقون علي مثل هكذا....شاكوس...!!!
طبعا ايضا بتبقي نوام..ونيرفس ممكن تشاكل ضلك
ودمك بكون تقيل..وتتحول لسكوت وصامت..وتبقي
سرحان عبد البصير...!!!!

Post: #109
Title: Re: حليلك يا قديس يا فلنتاين.....وحليل بت فرعون...!!!!
Author: rosemen osman
Date: 02-14-2009, 06:06 PM
Parent: #108

سلام يا كيكي

وفى انتظار بقية الشواكيش
ننتظر الفالنتاين الجاي؟

Post: #110
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 06:25 PM
Parent: #109

Quote: وفى انتظار بقية الشواكيش
ننتظر الفالنتاين الجاي؟

هلا يا روزمين وحبابك ياخي
وخلاص نبرمجها ليكم في كل فلنتاين شاكوش من الشواكيش باذن الله
وخلينا المرة دي علي نادية فرعون دي
لانو شاكوشها من العيار التقيل

وتحياتي

Post: #111
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-14-2009, 06:37 PM
Parent: #109

اسمح لى يا كيكى

قيل فى الاثر ان بت فرعون كانت غاية فى الجمالومن الجمال وعندما استحوذ كروم على مجريات الامور وماتت هى فى دباديبه استنكر فريق من المقربين لها وبعض من الحاسدين امثال ابو كدوك متسائلين كيف تكون بت فرعون لكروم وملو ليك راس حجة عوضية بالنقة الكتيرة وعندما استفاقت ( مشوها كدة) حجة عوضية من غفلتها وفى ظل سفر كروم لتلك المنطقة البعيدة اللى بيركبوا ليها لوارى بس قامت بتحييد عمك فرعون واشتغلت ليك لكروم فى الازرق ( هذا الحديث من قبل احد الخبثاء بعد الشاكوش واثره العميق )

هل حجة عوضية كانت على حق فى رفضها لكروم لابنتها بت فرعون؟

هل تخاذل فرعون رغم انه كان مشجعا ومؤازرا لكروم منذ البداية؟

هل امريكا تكسب دائما؟

ماذا قال اهل الكمبو فى ظهور كروم المتوالى؟

اسئلة حيرى وربنا يعينك ويرجعك شغلك ويحنن قلب مديرك عليك ام انه الضياع والاغتراب هروبا من الواقع المرير؟

Post: #112
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 06:50 PM
Parent: #111

Quote: هل حجة عوضية كانت على حق فى رفضها لكروم لابنتها بت فرعون؟

هل تخاذل فرعون رغم انه كان مشجعا ومؤازرا لكروم منذ البداية؟

هل امريكا تكسب دائما؟

ماذا قال اهل الكمبو فى ظهور كروم المتوالى؟

اسئلة حيرى وربنا يعينك ويرجعك شغلك ويحنن قلب مديرك عليك ام انه الضياع والاغتراب هروبا من الواقع المرير؟

هلا يا حامد وشكرا علي الاستبيان
حجة عوضية مشهورة بالبوبار في الفريق وقبضة امريكية دولارية زي دي ما بتفوتها باخوي واخوك ومستعدة تبيع
حلة زي كرومة ده..موظف مجدوع في اخر الدنيا وحق تمباكو في تلتلة ترجي منو شنو عوضية بوبار دي..
-فرعون مسلوب الارادة وعوضية هي الدينمو وبتكون نقت ليهو في راسو المدوقس ده لمن اقتنع..والغايظني
انو عمل فيها رايح لمن كرومة فتح معاهو الموضوع والموكد انو عارف وعوضية كانت بتقارن بيني الامريكاني وكرومة
-امريكا فعلا ضروري تكسب ما دام البلد فيها ناس عوضية البوبارة وصاحبها بتاع اللواري ابو كدوك هههههههه
-ناس الكمبو غايتو ما قصروا مع كروم في السنة الملح واللحمة الكيري من كرجول
-طبعا كروم بعد الحوداث دي فتح لحنان الشغل وقعد عنقالي في الكمبو كم سنة كده وفي النهاية قرر يعمل جواز
ويشوف الدولار الابن لذينة ده محلو وين

Post: #113
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:05 PM
Parent: #112

بت فرعون وفي احدي اجازتها السنوية الي ارض الوطن...وباصرار غريب
قصدت ان تعزم مجموعة من شباب وشابات الحي والفريق لعيد ميلادها
ذلك التقليد الذي لم يكن من ضمن اهتماتها في زماننا الغابر...
وقد وصلني كرت الدعوة المصقول..وتاني ولعت سيرة الوجع
واشتعلت نيران الشجن والحزن...والحسرة في بروستريكا الدولار..
فتري هل اذهب وزي ما تجي تجي...ولا شو فيني اسوي
..ونواصل

Post: #114
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:12 PM
Parent: #113

سردنا ان بت فرعون في تلك الاجازة قد تسرب لي عبر الكرت البخلع انها عاوزة تعمل عيد ميلاد..!!!
سجم يا بت فرعون ....عيد ميلاد عديل يا بت فرعون...اين حديثنا الكان عن ثورة الجياع وجدلية الفقراء وتواضع الذات واحتراقها من
اجل قيم البلوتاريا.....وين الكلام ده كلو يا بت فرعون.....سبحان الله مغير الاحوال...!!
ليس هذا الجدل كان هو المهم....بل المهم والملح والخيار الصعب كان....هل امششششششي ولا لا..!!!!
فكرت وقدرت وخشيت لي في جلابية بيضاء ومكوية...وطاقية خالي عمة ....ايوه لازم اعبر عن رفضي حتي علي مستوي لبسي لاثبت لبت
فرعون اني فعلا موجوع ولا زلت موجوع.....!!!! وتوشك لبيت عمك فرعون الطولت ما عتبت بابهم الشين ده...!!!
وكنغ كنغ....
واسمع ليك صوت انجليزي يموخل ...rano please open door....ايوه ده صوت ندوية ذاتتو التون نفس التون ولكن بداء اكثر رخامة
ولعلها سمنت شوية....كل ذلك التحليل والتداعية وانا في انتظار فتح الباب بالانجليزي.....
بختك يا عوض فرعون البيتك بقي بابو يتفتح بالانجليزي...كمان....!!!
وفجاة.....!!!

Post: #115
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:19 PM
Parent: #114

وفجاة ومع فتحت رنو للباب طلت بت فرعون.....الله زي الاسد ايوه رددتها في خاطري..بت فرعون هي بت فرعون لا غيرتها السنين ولا جارت بيها الغربة....نفس الالق وذات الوش وبرنة حزن مخلوط بمرح مخلوط بخجل...مخلوط بحاجات كثير....ابتسمت وقالت لي كريممممممممممم..!!!
في هذه اللحظة التاريخية كل شي وارد حدوثه....علي نغمة موسيقي تصويرية حزينة.....
جاني احساس اني اجري عليها....
واحساس تاني اني اجري واطلع من البيت احساس الهروب من مواجهة الوجع....
واحساس اخر اني اقوم اجوط فيها....واقول ليها يا ظالمة...يا جائرة ليه كده....!!
وتصافحنا وممدت يدي مثل من يمد سفينه الي ربان مدهش غادر باحة المينا منذ الالاف السنين وترك دفة قيادة السفينة الي الامواج العاتية....
وكان حفلا صاخبا تولد في داخلي احساس عالي بالوحدة.....والحزن.....وبعض المرح المصطنع من رامييييييييي زولي...!!!!
ولنا عودة....

Post: #116
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 07:31 PM
Parent: #115

عودة الي اجواء ذلك عيد الميلاد الذي كان غريبا علي حينا اللاتيني ولكن الشاهد ان الجميع كانوا فرحين بعودة بت فرعون ومعانتقتها لطعم
الحياة وسط صديقاتها الكثر.....
في مثل هذا المكان وبخلفية الشاكوس الذي كان يرمي بظلاله بطريقة او باخري كان وجودي هو محور الشمشرة والاحاديث الهامسة
بين غالبية الحضور....
شوفي عليك الله لابس شنو.....!!!
الجابو شنو كريم بتاع الشبك ده..!!!
عايني ليه عليك الله بعاين لي رامي ده كيف...!!
ياربي لو قومتوا يرقص برقص ولا لا..!!!!
وفجاءة تمتد ايادي نادية لتطلب فاصل من الرقص الزول الكان سارح في متاهات وسافر في عالم ضاجة من الحلم الراح....ومتامل في
خلقة وطبيعة البني ادم لمن كلمتوا تقع الوطة....!!!

تسمح رقصة ياكريييييم....

رقصة.................!!!!!!!!!!!!!!!!!!!

وفاصل وحتما سنواصل....

Post: #117
Title: Re: حليلك يا قديس يا فلنتاين.....وحليل بت فرعون...!!!!
Author: احمد التجانى احمد
Date: 02-14-2009, 07:59 PM
Parent: #116

Quote: تسمح رقصة ياكريييييم....

عليك الله بياتو وش؟؟؟؟

Post: #118
Title: Re: حليلك يا قديس يا فلنتاين.....وحليل بت فرعون...!!!!
Author: khaleel
Date: 02-14-2009, 08:20 PM
Parent: #117

Quote: عليك الله بياتو وش؟؟؟؟

احمد التجاني

تتذكر ديك لما قالت

بوصيك يا المفارق وراحل عننا

وللا التانية دي لما قالت

تاتاي تاتاي قصيت شعري

وين الناس ديل ياخ

Post: #119
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 08:24 PM
Parent: #117

Quote: عليك الله بياتو وش؟؟؟؟

هلا يا صلعة
وبيني وبينك كلامك في محلو..وسوال فارض نفسو
ولكن..؟؟
ضروري تعمل فيها الود فاصل ما بين الشاكوش و عشرة الحي اللاتيني
وضروري تلبس وش يفرق ما بين هذا وذاك هكذا كان يبدو الود كرومة

Post: #120
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 08:29 PM
Parent: #119

رقصة....والله ده المخوف (بوبي) ذاتتتتو ...انا الجاباني شنو ذاتتتو...لحدي ما تجيب ليها دور رقيص كمان..!! ياخي لو خلتني الزول دي في
تاملاتي وخزعبلاتي انا اخير ...رقيص شنو يا جماعة الانا برقصوا في حضرة مهرجان الشواء والشمشرة دي......لعلهم ارادوا
ترجمة حرفية لبيت الشعر الشهيير
لاتحسبن رقصي بينكم طربا فالطير يرقص مذبوحا من الالم....!!!!
اذن يريدون روية الفاره ده راقصا علي نغمات الالم والوجع.....!!!!
لكن سريع كده لازم تخارج نفسك من المشهد التراجيدي الكوميدي الاسود ده..........!
سوري نادية يا زولة هوووي انا لا بتاع رقيص ولا يحزنون خلينا كده ده بس********
واظنها قد درت عبر رصيدها الضخم في فهم طريقة تفكير كريم,,,ان الموضوع ما واقع لي كلو كلو....!!!
وردت بانجليزية شكسبيرية.....its all right
لوكنت مرحا في تلكم اللحظة لرردت بسرعة فائقة (رايت ولا لفت)...المهم اختيني عليك الله....!!!!!
ولكن لم يكن للمرح مجالا في هذه اللحظات لانها لحظات الورطة والتفكير السليم في التواجد بطريقة لا تثير انطباع سي او جيد مهما كان....
وانتهي المشهد بموسيقي صاخبة تفاعل معها الجميع رقصا ولكن تفاعلت انا معها بطريقتي الخاصة جدا جدا....
ونعود..!1

Post: #121
Title: Re: حليلك يا قديس يا فلنتاين.....وحليل بت فرعون...!!!!
Author: احمد التجانى احمد
Date: 02-14-2009, 08:31 PM
Parent: #116

Quote: عيد ميلاد عديل يا بت فرعون...اين حديثنا الكان عن ثورة الجياع وجدلية الفقراء وتواضع الذات واحتراقها من
اجل قيم البلوتاريا.....وين الكلام ده كلو يا بت فرعون.....سبحان الله مغير الاحوال...!!

يااخى منو القال الاحتفال بمناسبة عظيمة زى ميلاد البنى ادم وقدومه للدنيا هى بالضرورة من مظاهر التكبر
على القيم والتنكر للجياع وماله يااخى كلو ممكن يبقى ... كفاية فقر
وبعدين ياكيكى يااخى طوال سردك للفلم دة انا كنت واقف مع ناس نادية وبدعو انه العدالة تاخد مجراها الطبيعى
لكل مجتهد نصيب . رامى دة اول حاجة عنده حق الشفعة وتانى مشى امريكا وجازف مع ناس المسدسات والقلع لحد ماقدر
يجيب دولارهم وبعدين يكفى انه اسمه رامى واسم على مسمى فعلا رمى البت واهلها فى حبايله وبعدين مابكون فينا خير
لو قمنا وقفنا مع زول ليس بامكانه ان يرد الجميل لعم فرعون وزوجته ويكافئهم على تجويد انجابهم لنادية
يعنى ح تقدر تعمل ليهم شنو وانت زول كسب عيشك مرتبط بمصاحبة واحد شايل ليه خشبة طويلة مرقمة
خلى نادية تمشى امريكا وحتما السعادة ستمتد لمن هم من حولها وكمان احباطك برضو بيكون مصدر رزق لاخرين
ناس الكمبو وناس التمباك وناس اللوارى

Post: #122
Title: Re: حليلك يا قديس يا فلنتاين.....وحليل بت فرعون...!!!!
Author: احمد التجانى احمد
Date: 02-14-2009, 08:42 PM
Parent: #121

Quote: احمد التجاني

تتذكر ديك لما قالت

بوصيك يا المفارق وراحل عننا

وللا التانية دي لما قالت

تاتاي تاتاي قصيت شعري

وين الناس ديل ياخ

ابو القوق

تتذكر تنبؤك بنظرية الجبنة
اطبقت فينا بالمسطرة

Post: #123
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:17 PM
Parent: #121

Quote: يعنى ح تقدر تعمل ليهم شنو وانت زول كسب عيشك مرتبط بمصاحبة واحد شايل ليه خشبة طويلة مرقمة
خلى نادية تمشى امريكا وحتما السعادة ستمتد لمن هم من حولها وكمان احباطك برضو بيكون مصدر رزق لاخرين
ناس الكمبو وناس التمباك وناس اللوارى

هلا يا حاقد
يعني عاوز تلبس ناس حوا ليمون وستات الاندايات دهب من جيب خيبتي واحباطاتي الفرعونية...يا ابو صلعة
رامي نعم سيد ساس ودولار...لكن ما سيد قلب كرم الشين الرمتالي ده ياهو سيد القلب والعقل عند بت فرعون
الا الدولار ود اللذينة حسم الموقف...
وبعدين عيد ميلاد شنو البتعملو بت فرعون وجيرانها في الفريق حوش بالحوش حق اللبن ما عندهم للاطفال الجياع
دي مسخرة بتنا دي اتعلمتها في داكوتا المشت ليها دي..
وكلام زي ده مافي في الكمبو اصلا ولا مسموح من الشيوخ والعمد...
وقفوك مع بت فرعون ومن لف لفهم وقوف ضد الحب والاحلام انت وابوكدوك ومن لف لفهم

Post: #124
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:22 PM
Parent: #123

وانتهي ذلك الحفل الاسطوري في حضرة بت فرعون..وساعتها ظهر جليا ان بت فرعون (غيرت اللوك) فشعرها لم يكن به
تسريحة زيل الحصان المميزة ذات البراءة السودانية الخالصة ..فقد قصت شعرها ولحقتوا نفاخ النار وعلها تقليعة تشابه
مادونا او احدي صرعات شيكاغو...وانا في الطريق الي كوخي الذي صار موحشا من ذلك الزمان البعيد
اكتشفت ان بت فرعون التي كانت في داخلي لم تكن تلك البت فرعون التي رايتها في ذلك الحفل ..فجانئ النقة والكلام بتاع
الكتب البموخل الراس عن استلاب الثقافات وسطوة الثقافة الاميريكية وايضا ذهبت حتي الي صراع الحضارات
وحتما بت فرعوني التي ذهبت مع الريح ستعود ذات ربيع خرطومي نادر......وانسي ليك نقة الكتب الطيرت منا بت فرعون ديك..

Post: #125
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-14-2009, 09:27 PM
Parent: #124

انتهي....

Post: #126
Title: Re: حليلك يا قديس يا فلنتاين.....وحليل بت فرعون...!!!!
Author: Amany Elamin
Date: 02-15-2009, 05:22 AM
Parent: #125

كيكي صباح الخير:

أول حاجه تسقط بت فرعون الماطمر فيها شرح الماسماتك "البجيب الطرح"..
ويعيش منتظر الزيدي الأخد ليك حقك من الأمريكان..

بعدين كلامك ده وجع لي قلبي:
اكتشفت ان بت فرعون التي كانت في داخلي لم تكن تلك البت فرعون التي رايتها في ذلك الحفل
وحتما بت فرعوني التي ذهبت مع الريح ستعود ذات ربيع خرطومي نادر......

تحياتي,,

Post: #128
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 06:44 AM
Parent: #126

Quote: اكتشفت ان بت فرعون التي كانت في داخلي لم تكن تلك البت فرعون التي رايتها في ذلك الحفل
وحتما بت فرعوني التي ذهبت مع الريح ستعود ذات ربيع خرطومي نادر

هلا يا اماني
وصباح النور
ونعم ذهبت بت فرعون مع الرياح الدولارية وغيرت (اللوك)...والماسمتك بتاعي الشرحتو ليها داك عافيهو ليها
الا الفيها اتعرف تببببب

وشكرا علي المرور بمدارات بت فرعون العجيبة وغريبة

Post: #127
Title: Re: حليلك يا قديس يا فلنتاين.....وحليل بت فرعون...!!!!
Author: Badreldin Ahmed Musa
Date: 02-15-2009, 05:22 AM
Parent: #125

نادية فرعون، تعيش، تعيش، تعيش!
نادية فرعون، ويييييييييييييييييييييييييييي!

يا عبدالكريم
ازيك

Post: #129
Title: Re: حليلك يا قديس يا فلنتاين.....وحليل بت فرعون...!!!!
Author: حامد محمد حامد
Date: 02-15-2009, 06:46 AM
Parent: #127

قدرك يا كيكى ..اقصد كريم ان تتلقى الطعنات من الخلف وما عمل حجة عوضية ببعيد وان تضرب بضمة التاء فى المخيخ بشاكوش صنع 1908 ..ما يعجبنى فيك يا كريم انك ما زلت صامدا ابد الدهر تواجه الفلانتاين عاما بعد عام وتتجرع تلك الذكريات.

يعطيك العافية

Post: #132
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 07:52 AM
Parent: #129

Quote: قدرك يا كيكى ..اقصد كريم ان تتلقى الطعنات من الخلف وما عمل حجة عوضية ببعيد وان تضرب بضمة التاء فى المخيخ بشاكوش صنع 1908 ..ما يعجبنى فيك يا كريم انك ما زلت صامدا ابد الدهر تواجه الفلانتاين عاما بعد عام وتتجرع تلك الذكريات.

حجة عوضية فرعون هي القشة التي قصمت ظهر بعير الفتي كريم في امر الشاكوس هذا
فسوف لن يرحمها التاريخ...

Post: #130
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 06:48 AM
Parent: #127

Quote: نادية فرعون، تعيش، تعيش، تعيش!
نادية فرعون، ويييييييييييييييييييييييييييي!

يابدر ياخي وشوية تضامن مع اخوك لايضر لاوكامبو قضية ياخي
وخليك حنين وقول خير

Post: #131
Title: Re: حليلك يا قديس يا فلنتاين.....وحليل بت فرعون...!!!!
Author: محمد المعتصم ابراهيم
Date: 02-15-2009, 07:41 AM
Parent: #130

Quote:
نادية فرعون، تعيش، تعيش، تعيش!
نادية فرعون، ويييييييييييييييييييييييييييي!

يا كيكي والله انا لسع في الصفحه الاولي اوعي يكون الامريكي خطفها

كلام بدرالدين ما بطمئن

Post: #133
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 07:55 AM
Parent: #131

Quote: يا كيكي والله انا لسع في الصفحه الاولي اوعي يكون الامريكي خطفها

كلام بدرالدين ما بطمئن

هلا يا معتصم
لو ما شالها الامريكاني كان تلقي الصابونيين مثل عشة صابونة وبدرالدين ومن لف لفهم من جموع الانتي (اوكمابو)
الليلة طالعين مظاهرات وعامل شغب رهيب واحتمال يحرقوا لساتك اسفيرية

Post: #134
Title: Re: حليلك يا قديس يا فلنتاين.....وحليل بت فرعون...!!!!
Author: محمد المعتصم ابراهيم
Date: 02-15-2009, 07:58 AM
Parent: #133

كان كدي ما نتمها ولا للانتي اوكامبيون وشرقرقيون بفطورها

صاحبك عوج الدرب فاتح نار بهناك فينا

Post: #138
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 08:53 AM
Parent: #134

Quote: صاحبك عوج الدرب فاتح نار بهناك فينا

غايتو عوج الدرب ده يحلك منو يامعتصم الجليل
وخاصة بعد لبس خمسة بتاع العدل والمساواة ده
انا ذاتي بقيت الاوز منو

Post: #135
Title: Re: حليلك يا قديس يا فلنتاين.....وحليل بت فرعون...!!!!
Author: Badreldin Ahmed Musa
Date: 02-15-2009, 08:08 AM
Parent: #133

عبدالكريم
و معتصم

سلامات

يا جماعة اوكامبو هنا مافي.
بس نادية فرعون انتصرت للامريكان و هي ما عارفة انه عبدالكريم حايمشي الخليج و يقع ليه اللوتري!
مع اني متأكد انه خشمها بكون ملح ملح اليومين ديل.
لذلك لازم نشد من ازرها.

-----------------------------

تحت تحت، انا مبسوط لان مواقف عبدالكريم الاوكامبية ما عاجباني!!

Post: #136
Title: Re: حليلك يا قديس يا فلنتاين.....وحليل بت فرعون...!!!!
Author: Nader Abu Kadouk
Date: 02-15-2009, 08:12 AM
Parent: #135

بيني و بينك يا كيكي
بعد الشماته ديك كلها

ناديه هي الخسرانه

ودابكدوك

Post: #140
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 09:00 AM
Parent: #136

Quote: بيني و بينك يا كيكي
بعد الشماته ديك كلها

ناديه هي الخسرانه

ده الكلام يا ابوكدوك
وبالله وري صحبك ابو صلعة ود التجاني ده..
وشكرا علي التضامن المتاخر رغم انو الفيك اتعرفت تب يا نادر هههههههه
اخوك يدقو فيهو ناس فرعون دق العيش
وتقول لي لوري ولا اييييه ماعارف

Post: #139
Title: Re: حليلك يا قديس يا فلنتاين.....وحليل بت فرعون...!!!!
Author: عبدالكريم الامين احمد
Date: 02-15-2009, 08:56 AM
Parent: #135

Quote: يا جماعة اوكامبو هنا مافي.
بس نادية فرعون انتصرت للامريكان و هي ما عارفة انه عبدالكريم حايمشي الخليج و يقع ليه اللوتري!
مع اني متأكد انه خشمها بكون ملح ملح اليومين ديل.
لذلك لازم نشد من ازرها.

بت فرعون انتصرت للامبرياليةوالا ن يابدر بعد الاحداث الاقتصاديةالعالمية
عوضية فرعون بتكون بتعض اصابع الندم..وتتنمني عودة التاريخ...ولكن سفينتي سارت لا تبالي بالرياح

Post: #137
Title: قال
Author: احمد التجانى احمد
Date: 02-15-2009, 08:19 AM
Parent: #1

Quote: )...والماسمتك بتاعي الشرحتو ليها داك عافيهو ليها

يازول انت جادى فى حكاية الماسمتك دى
ولا من باب الكضب عنكوليب الحديث
اها عندك فرصة للتراجع فى اول مداخلة جاية
ولا انا ذاتى فى جماعة مشتاق ليهم كتير ممكن
اخسر فيهم تلفونات وبالمرة ح الفت نظرهم لهذه
الفرية وديل فيهم كمثال وليس للحصر ديفيد
وودالبدوى وطه وممكن من خلالهم نوصل للصادق
وعباس اها قلت شنو؟

Post: #141
Title: Re: قال
Author: عبدالكريم الامين احمد
Date: 02-15-2009, 09:07 AM
Parent: #137

Quote: وديل فيهم كمثال وليس للحصر ديفيد
وودالبدوى وطه وممكن من خلالهم نوصل للصادق
وعباس اها قلت شنو؟

هلا يا عنكوليب
والمساخيت القلتهم ديل لو الزول ما كضاب ممكن يطلعو اكبر عنكلويب كلام وكضاب ليك ضل..
ماعدا طه النور وده ممكن ياكل رشوة طبعا...
يا ود التجاني (الماس في الراس يا حبة)..من زمااااان الا مباراة الكفاوي والبلاوي الزيكم ديل
دي البتجيب الكفاوي الاكاديمية سابقا والبلاوي الاسفيرية لاحقا..
وبعدين ياخي ما سمتك (جاس وناس دلتا ص ده) لو ما الجكس راسو خفيف ساكت ودلع داير ليهو شرح

اخوك ماسمتمك كده

Post: #143
Title: Re: قال
Author: حيدر حسن ميرغني
Date: 02-15-2009, 11:16 AM
Parent: #141

بختك إنت ودكين

Quote: واذا الناس مصره علي عيد الحب دا نشوف لينا واحد مسلم وهو دكين معانا ممكن نسمي
DAKEEN DAY دكين دي
ولا
KIKI DAY كيكي دي

مصائب ومدلهمات (عوارات وهبالات البورد) ( يوجد نماذج / صور )

إختار ليك تاريخ من هسع يالقديس كيكي

غايتو اليوم داك كل شيئ على الطريقة الإسلامية (من وراء حجاب)

Post: #144
Title: Re: قال
Author: عبدالكريم الامين احمد
Date: 02-15-2009, 11:23 AM
Parent: #143

Quote: إختار ليك تاريخ من هسع يالقديس كيكي

ههههه
بنتظر القديس دكين يختار ولو فضل فيهايوم بدون حجاب
فانه يومي طوااالي ياحيدر

Post: #145
Title: Re: قال
Author: عبدالكريم الامين احمد
Date: 02-15-2009, 11:25 AM
Parent: #143

Quote: وانا اقول ليه كيكي عاوز يسافر امريكا

هلا يا كمبورة
شفت اللفة دي طويلة كيف...مهما طال السفر فان امريكا هي مقصدنا

Post: #146
Title: Re: قال
Author: محمد المعتصم ابراهيم
Date: 02-15-2009, 12:21 PM
Parent: #145

يا كيكي كملت القصه تصدق من تحت لفوق والله كنتي قايلك تفتيحه تلعب بيك بت فرعون الكوره والمساكين هنا تساكك فيهم من بوست لبوست ينضحك عليك بسهوله قرايتك الكتيره دي ما سمعتي بدموع التماسيح وببساطه تعمل فيها مظلومه ومحمد مسكين الله يرحمه..

... انهمرت ندوية في بكاء حن عليه قلبي الحنين...وحاولت ان تبرر ان
ابوها فرعون..وحجة عوضية مارسوا عليها ضغوط..لم ينزل الله بها من سلطان
ورضخت هي في النهاية...ولكن..كنت قد ذهبت ومشيت دون ان ان اسمع
باقي تبريراتها.....وانا حزين...انا حزين...لسطوة فرعون
سطوة عوضية...وانهزام...ندوية....وانكساري

يا كيكي وين النضال وين الصمود مفروض تجري المطبخ وتفتح قزازة الجاز وتكبها في راسها وتصرخ تقول الكبريت وين بعد تغطس حجرها ويلحقوها وبعداك تمارس ضغوط عليهم بنتحر ببلع صبغه بقتل روحي
معقول يا كريم انتي بنضحك عليك وانا ما عارف يا خساره يا كيكي فشلتنا وصغرتنا قدام الناس .
ومشيت كان علي الاقل تحشر فيها كف خطافي ما هن طوالي بكفتن واحد صاحبي قال لي لمن رشحتني كف لفيت 180 درجه رجعتي وقلتي ليها نحنا اخوان رشحتني تاني كف ذي السم لمن اتكيفتي لفيت الـ 180 درجه وقلتي ليها تاني خوه ذاتوووا مافي كل قرد يطلع جبلو.
وكان احلي كف في حياتي لما قلتي ليها ابوي وامي ضغطوني وعايزين يعرسو لي بنت خالتي .
يضغطونهن تكسحون يضغطوكم تتكفتون و (تهتدون ) و (ترشدون ) و (تشرقرقون ).

المهم نصيحتي ليك تطلب من بكري ابو صلعه يخور البوسط دا ولا تتطلب تعاون الهكر ياكيكي الشغل دا باثر علي الاداء العام وبضرب بتقرير التقيم الواطه كما فعل بالكابلي من هاشم كرار في بوست حسن ساتي يرحمه الله واتش اتش هاماتوك وعجبني للمارقوت .
انتي العوضيات ديل كلهن متل عوضيه مجروس وعوضيه فرعون نفس الملامح والشبه وهلمجرا

يا كيكي واحد يتنازل للتاني لالوب بلدنا ولا تفاح ناس فلق تاين

Post: #147
Title: Re: قال
Author: عبدالكريم الامين احمد
Date: 02-15-2009, 01:35 PM
Parent: #146

Quote: ومشيت كان علي الاقل تحشر فيها كف خطافي ما هن طوالي بكفتن واحد صاحبي قال لي لمن رشحتني كف لفيت 180 درجه رجعتي وقلتي ليها نحنا اخوان رشحتني تاني كف ذي السم لمن اتكيفتي لفيت الـ 180 درجه وقلتي ليها تاني خوه ذاتوووا مافي كل قرد يطلع جبلو.
وكان احلي كف في حياتي لما قلتي ليها ابوي وامي ضغطوني وعايزين يعرسو لي بنت خالتي .
يضغطونهن تكسحون يضغطوكم تتكفتون و (تهتدون ) و (ترشدون ) و (تشرقرقون ).

والله يامعتصم البنات مع الفلنتاين ده تعبن تعب شديد خلاص
صحبك يكفت...والزول الفي البوست بتاعك داك يقول ليك اعمل حسابك ناس المنبر ما يقولو انت بتنادي بطهور بنات
والحكاية حكاية ....هههههههههه
اخوك حنين يا معتصم وما بحب يشوف زولة زي ندوية دي فر امر ضيقا ودموعها مطر فعشان كده عفونا وغفرنا...
وبعدين لو رجينا بنية الزمن ده يحرق روحها عشان زول او تبلع ليها حبوب نكون يا زول غشينا روحنا ساكت

Post: #148
Title: Re: قال
Author: عبدالكريم الامين احمد
Date: 02-15-2009, 01:36 PM
Parent: #146

Quote: ومشيت كان علي الاقل تحشر فيها كف خطافي ما هن طوالي بكفتن واحد صاحبي قال لي لمن رشحتني كف لفيت 180 درجه رجعتي وقلتي ليها نحنا اخوان رشحتني تاني كف ذي السم لمن اتكيفتي لفيت الـ 180 درجه وقلتي ليها تاني خوه ذاتوووا مافي كل قرد يطلع جبلو.
وكان احلي كف في حياتي لما قلتي ليها ابوي وامي ضغطوني وعايزين يعرسو لي بنت خالتي .
يضغطونهن تكسحون يضغطوكم تتكفتون و (تهتدون ) و (ترشدون ) و (تشرقرقون ).

والله يامعتصم البنات مع الفلنتاين ده تعبن تعب شديد خلاص
صحبك يكفت...والزول الفي البوست بتاعك داك يقول ليك اعمل حسابك ناس المنبر ما يقولو انت بتنادي بطهور بنات
والحكاية حكاية ....هههههههههه
اخوك حنين يا معتصم وما بحب يشوف زولة زي ندوية دي فر امر ضيقا ودموعها مطر فعشان كده عفونا وغفرنا...
وبعدين لو رجينا بنية الزمن ده يحرق روحها عشان زول او تبلع ليها حبوب نكون يا زول غشينا روحنا ساكت