Post: #1
Title: صاح وهتف وعمل جوطة وقال يا ناس بيتنا هوووي ادفعوني لناس بريمة....!!!!!
Author: عبدالكريم الامين احمد
Date: 02-22-2009, 02:49 PM
الود بكاي من زمن شوفة الطرحة شوفة وزمن الجكس البجي بشتري لبن من كنتين (بكر)..
لمن شاف في الفريق الزولة (بت بريمة)المفرهدة ومكسرة كل الشبيبة وعاملاهم كفتة..
صاح وهتف وعمل جوطة وقال يا ناس بيتنا هوووي ادفعوني لناس بريمة..
بت بريمة كبيرة عريضة وتلبس التوب وقريبة من العرس
وزولنا البكاي كان يا دوبك نص متر من التراب ده ما تمايهو
والدنيا شايفها رهاب رهاب...
ولكن في شوفة الرهاب الرهاب ده كان شايف سماحة بت....
|
Post: #2
Title: Re: صاح وهتف وعمل جوطة وقال يا ناس بيتنا هوووي ادفعوني لناس بريمة....!!!!!
Author: عبدالكريم الامين احمد
Date: 02-22-2009, 03:00 PM
Parent: #1
من اللحظة الفيها طلعن بنوت الفريق معازيم وقالن يا حجة بخيتة (الليلة عرس بت بريمة)..
وزولنا البكائي من يومو سمع الكلام وهو في ركن راكوبة قاعد يضرب في كسرة بملح وشطة وبصل
نزلت دمعة..
وهطلت سحابة من الدموع اختلطت مع الكسرة والعيون بقت شطة شطة...
وعرف ساعتها بانو لا اهلو دافعنو لناس بريمة
ولا بت بريمة حيشوفها تاني في الفريق متحاومة بثوبها الاخضراني وهو يمني بنفسه
بالسلام...
ولمسات بت بريمة الحنونة علي راسه...
وصيحته اليها البريئة
يا بت بريمة انت سمحة ياااخي
وانا كلمت ناس بيتنا يدفعوني ليكم..
|
Post: #3
Title: Re: صاح وهتف وعمل جوطة وقال يا ناس بيتنا هوووي ادفعوني لناس بريمة....!!!!!
Author: خالد عبد الله محمود
Date: 02-22-2009, 03:36 PM
Parent: #2
| Quote: قاعد يضرب في كسرة بملح وشطة وبصل |
أسه يا كيكي في داعي تجوعنا كده بالليل ده ...
|
Post: #4
Title: Re: صاح وهتف وعمل جوطة وقال يا ناس بيتنا هوووي ادفعوني لناس بريمة....!!!!!
Author: عبدالكريم الامين احمد
Date: 02-22-2009, 03:59 PM
Parent: #3
| Quote: أسه يا كيكي في داعي تجوعنا كده بالليل ده ... |
هلا يا خالد
وانا زاتي جيعان ياخي
فما معقول اجوع براااي كده ياخي
فوضي هي..؟
|
|