Post: #1
Title: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: عبدالكريم الامين احمد
Date: 03-09-2009, 04:33 PM
ومنذ موتمر نساوين محكمة الجنائيات الشهير في تلك العصرية العجيبة التي افتت بان البشير ضروري في التمرين..
ظهرت سريع علي السطح ومن اول نفخة للمايكرفون من الشهير سبدرات والموتمر الصحفي الذي لحق به سريعا علي عثمان وبالاضافة الي المخاطبة الشهيرة التي اعاد فيها عجائز الكيزان عهدهم الاول في زمانات الجامعات والمعاهد العليا ايام صيحة (القول الفصل)...
ظهر سريع التكتيك وخطة اللعب وملامحها في التقفيل وادارة الازمة بادوات
الاستديو رصد منها الاتي
1-الوطنية
2-الاستعمار
3- الدين
4-العين الحمرا للمجتمع الدولي والقطع الناشف والتهديد بقطع الاوصال
5-المكاواة
6-وعود التنمية
7- الجبهة الداخلية و القوي السياسية الاخري (مد جسور)
8-خطوة غامضة اليوم هي اطلاق سراح الشيخ حسن الترابي رغم اقواله وافعاله..
9- الدعم الخارجي وفد حماس وايران والبرلمانات العرب...
نعود الي هذه المفاتيح ونري كيف ووين يتم اشهار كل كرت من الكروت مع قطاعات الازمة المتعددة
الشعب- التنظيم- الاحزاب-المجتمع الدولي
ونعود
|
Post: #2
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: أحمد الشايقي
Date: 03-09-2009, 04:38 PM
Parent: #1
يا كيكي
أصلـب العناصـر لأصلـب المواقــف,
بالله الناس دي وين الآن,
ناس مع النعيم المقيم والتنقل بين السفارات وناس مثنى وثلاث ورباع وناس مع الشعبي والتقشـف القسـري وناس مع العدل والمسـاواة وناس شذر مـذر لاجئين ضـد الخيار الرسالي والمشروع الحضاري وناس قريعتي راحـت في الخليج تحت رحمة الكفلاء....
زمن يا كيكي والله زمـن,
أحمد الشايقي
|
Post: #3
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: عبدالكريم الامين احمد
Date: 03-09-2009, 04:45 PM
Parent: #2
Quote: زمن يا كيكي والله زمـن,
|
فعلا يا ابوحميد
والله زمان وزمان..
التنظيم بتاع الناس ديل ورغم وزنقاته الطاحونية الاوكمابوية وتفرقه كما قلت انت بين وطني مقندل
وشعبي سجين واخريين اصبحوا من اصحاب الكرفتات والبدل النضيفة.. الا تاريخهم التصعيدي ملان سيرة دراما
كده مافي زول بعرف ليها الا هم براااهم...
احسن زول في العالم بعرف بصعد قضية ياهم الكيزان ديل
واحسن زول بعرف بتلولول حول ماتش ويلعبو من مليون جهة هم الكيزان ديل...
...
ولكن من الملاحظات في المهرجان الخطابي في اليوم الاول للقرار واليوم الثاني
ان عجازهم فقدو الكثير من مهارة الخطابة والهاب الحماس التي كانو يعولون عليها كثيرا في ايامات الجامعات
وماعارف تذكرت الزول العجوز الكورتو بتفك لييه ..
الكيزان رغم كل شي يا احمد فيهم ناس موهوبين موهبة عالية ولكنها بكل اسف سخرت في اتجاه ضد الشعب
وهاهي قادرة الان الي ان تجيب خبرهم عاجلا ام اجلا
|
Post: #4
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: عبدالكريم الامين احمد
Date: 03-09-2009, 05:03 PM
Parent: #3
Quote: 1-الوطنية
2-الاستعمار |
الباصين الطوال وعراض ديل اول ظهور لهما علي السطح عقب القرار
كانت في موتمر علي عثمان...وظهر جليا منذ بداية الحديث عنهما بانهم خط الارتكاز الاول الحصالة العاطفية
التي ستلد ذهبا..
فالمفردتين مطاطيتات ويمكن شحهنما بدلالات كثيرة واستقطاب الكثيرين من الذين يمثل هذا الشان خط احمر
لا شي يعلو عليهما ويمكن في سبيلهما تتحول ذاكرة المظالم وشظف العيش الي الرف....
لذا وردت كثير في الايام الاولي سيرة غردون وكتشنر والامام المهدي كمادة خصبة يمكنها ان تعيد الوطن باجمعه الي ايامات كرري وام دبيكرت والشعار الخفي (لا صوت يعلو علي صوت الوطنية ضد الاستعمار)....
|
Post: #5
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: أحمد الشايقي
Date: 03-09-2009, 05:08 PM
Parent: #4
يا كيكي,
| Quote: وردت كثير في الايام الاولي سيرة غردون وكتشنر والامام المهدي كمادة خصبة يمكنها ان تعيد الوطن باجمعه الي ايامات كرري وام دبيكرت |
من حزب الأمـة وكيان الأنصــار ....
| Quote: والشعار الخفي (لا صوت يعلو علي صوت الوطنية ضد الاستعمار).... |
ودي من حـزب الحركـة الوطنيـة .....
حليمـة رجعـت لي قديمهـا ............
أحمد الشايقي
|
Post: #6
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: عبدالكريم الامين احمد
Date: 03-09-2009, 05:15 PM
Parent: #5
| Quote: حليمـة رجعـت لي قديمهـا |
ايوه كل الحلايم رجعت الي قديمها...
والكيزان هم (ام العروس) مارقين من حليمة وخاشين الي حليمة الاخري...
في لقاء الجنوبين رياك قاي ذكر معلومة يد المستعمر التي قطعوها في الجنوب ودقو بيها نقارة..
...
الوطنية والاستعمار
المفردتين ديل حيشتغلو شغل شديد الايام دي والايام القادمة في سينما السودان..
وتحتهم ممكن يطردو اجانب...منظمات
وممكن يتم تخوين ووصف اخريين بالعملاء
وحيتم مصرهم مصرة رهيبة
|
Post: #7
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: عبدالكريم الامين احمد
Date: 03-09-2009, 05:21 PM
Parent: #6
الدين الجماعة ديل بلبدو سيرتو امام الشعب وصعب امام جموع يجي يتكلمو فيهو
كون الامر خلاص اشتغل في الجنوب وعلي مستوي الممارسة اليومية ليهو بقي ما ماكل عيش مع اللوك بتاع السلطة
بالاضافة الي ان اسلام دارفور العالي وحفظة القران..
(يعني بالعربي ده مكنة بقت ما بتشيل ) ولكن...
في اللقاء مع الوفود العربية وناس حماس
الدين هنا دور دويرة رهيبة وخيبر خيبر يا يهود دي جننونها جن حتي تكاد تعتقد بان تل ابيب قد تهتز من اثر ذلك الهتاف..
تجربة العشرين سنة وتفكك هذا السلاح محليا ذهب به الي الدرجة الثالثة بل الرابعة في الاسلحة التي اشهرت
في معركة الدفاع عن اوكمابو
ولكنه في الدرجة الاولي في لحظات حضور الوفود من المجاهدين في ديار الشرق الاوسط
|
Post: #8
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: khaleel
Date: 03-09-2009, 06:25 PM
Parent: #7
اهم كروت
هي كرت الجماعات الارهابية ودعوتها للسودان
الكرت التاني هو طرد جميع المنظمات العاملة في دارفور والاعتماد علي الصين وروسيا
الكرت الثالث هو اللعب المحلي مثل صدام وقذافي وعدم الخروج لمدة عشرة سنوات
كروت العالم
جاتهم فرصة تاريخية عشان (يلخو السودان ) ويضرب بالطيران ويعود للعصري الحجري مرة اخري
|
Post: #9
Title: Re: ملامح مفاتيح تقفيل الدفاع عند الانقاذ ضد هجمة اوكمابو ...(اركلوجيا علي الماشي)...!!!!
Author: عبدالكريم الامين احمد
Date: 03-09-2009, 06:48 PM
Parent: #8
Quote: هي كرت الجماعات الارهابية ودعوتها للسودان
|
الكرت دي يا ابوخليل فيهو شخشخة شوية...
الافغان العرب والمجاهدين زعلانين من الحكومة دي وما ان حيجو لو نادوهم..
اولا السودان بعد 11 سبتمبر سلم امريكا كشوفات قدر الضربة عن ملفات الجماعة ديل
بلاضافة الي ان بن لادن زاااتو عندو راي عقب مخارجته من السودان..
فده كرت محروق وما في ارهابي بيكون عندو نفس يجي يلعب ماتشات بالاربجي في السودان ده
|
|