لقراء واعضاء سودانيز اونلاين ولادارته ولكل من يهمه الامر. اعلن مسئوليتي الكاملة عن كل الخطوات التي ادت الي تاكيد ايلولة تلكم الصورة اتي انزلها احد الاعضاء (الخواض) في هذا المنبر في بوست (استاذية محمد الحسن سليمان)الذي شيد بواسطة الاخ (معتصم)...اعلن مسئوليتي عن اثبات ايلولة تلك الصورة الي محمد الحسن سليمان.. 1-مسئولية الاثبات تلك تجعلني علي كامل الاستعداد للوقوف امام اي جهة قانونية اومحكمة ليس في السودان فقط بل في كل نقطة من هذا العالم.. 2-حقي الكامل في تحريك اجراءت قانونية تجاه كل ما ورد من تحقير واذلال وشتم في اي محكمة في بقاع هذه الارض...
.. . الحاصل دا كلو لزمو شنو ؟؟ وبعد دا وصلتو لشنو؟؟ وماذا استفدت او استفاد غيرك؟؟ وهل الاساءات التى سمعناها هاهنا وسمعتها انت وسمعها غيرك من اخرين او منه هل غيرت من شخصك او مكانتك شئ ؟؟؟
Quote: الحاصل دا كلو لزمو شنو ؟؟ وبعد دا وصلتو لشنو؟؟ وماذا استفدت او استفاد غيرك؟؟ وهل الاساءات التى سمعناها هاهنا وسمعتها انت وسمعها غيرك من اخرين او منه هل غيرت من شخصك او مكانتك شئ ؟؟؟
________
والله الموضوع اخذ منك اكثر ما اعطاك
كدا كويس !!؟؟
تبلدينا ده رايك وانا بحترمو جدا... ولكن ان كانت الحقيقة بتاخذ مني فلتاخذ حياتي يا رجل.. انا لا اتسول موقعا او مكان يارجل.. انا امارس حقي المشروع.. في الاحتفاظ بحياة كريمة هنا دون تحقير ودون ازلال ولا اسمح لاحد مهما كان ان يوطن اشيائه علي حسابي.. ومن اراد الحياة الهادئة بعيدا عن المتاعب فعليه احترام الاخريين..
دى اسئلة ؟؟ اننى اسألك مذا أكتسيت من هذا السجال والعراك ؟؟ الذى لم يكن لاختلاف راى او فكرة كما تعلم ؟؟
اى حقيقة تأخذ وقتك يا كيكى وهى انت محمد لا انا ما محمد ؟؟ انا محمد الحسن ؟؟ محمد الحسن المحاضر ؟؟ لا محمد الحسن الباحث ؟؟ محمد بتاع الشرقية ؟؟ لا بتاع الظهران ؟؟ معقولة
بعدين شنو حاشر لى اتسول موقعا او مكان ؟؟ انت بتجاوب على حوار مع شخص اخر على ما يبدو !!!!!
حياتك الكريمة من الاذلك واحتقركـ ؟؟ اعتقد كلمات محمد سليمان ( الفارغة ) لم تغير منك شئ لن تزيدك ولن تنقصك ؟؟
Quote: أرجو أن يتوقف أي نقاش طرف فيه الأستاذ محمد الحسن سليمان حتى عودته سالما!
هلا يا ود الصايم وما تشيل هم بالنسبة لي الموضوع هو تاكيد النقاط الفووق دي.. ورايت من الضروري تثبتها الان ..وتاكد يا عمك بانني ساحترم ظروف مرض عضو المنبر محمد سليمان واتمني له الشفاء ايضا.. ولن اتناول الامر الا في الاطار الذي يليق مع ظروفه تلك حتي عودته سالما...مهما حاول الاخريين..
والله يا عبدالكريم ان كنت شايف انه الرد على الخلافات والإختلافات وما تحمله من نبز وتحقير وغيره مما أوردت , رده هو ملاحقة الخصم وكشف معلومات خاصة به لم يصرح بها, وانزال صورته الشخصية دون إذن منه, فعليه العوض ومنه العوض
دا اسمه عندي ابتزاز وفجور في الخصومة
Post: #27 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 05:35 PM Parent: #25
Quote: والله يا عبدالكريم ان كنت شايف انه الرد على الخلافات والإختلافات وما تحمله من نبز وتحقير وغيره مما أوردت , رده هو ملاحقة الخصم وكشف معلومات خاصة به لم يصرح بها, وانزال صورته الشخصية دون إذن منه, فعليه العوض ومنه العوض
كمال ونهال الامر هنا يختص بالنقطتين اعلاه.. ولو عاوزين تناقشو الاحداث ما بيني وبين محمد الحسن خارج هذا الاطار ساكون في انتظاركم في اي بوست اخر كما تودون.. هنا في ظل النقاط اعلاه والتزامي بظروف مرض هذا الرجل لا اود الخوض في تفاصيل في هذه المساحة.. لو عاوزين نقاش في هذا الامر فلكم مساحات الاسفير الاخري وانا بجيكم
Post: #30 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 05:45 PM Parent: #29
Quote: كمال ونهال الامر هنا يختص بالنقطتين اعلاه.. ولو عاوزين تناقشو الاحداث ما بيني وبين محمد الحسن خارج هذا الاطار ساكون في انتظاركم في اي بوست اخر كما تودون..
لا تهمنا الأحداث والشخوص ..(أو عن نفسي حتى لا أتحدث بإسم نهال) تهمنا (الأفكار) .. ومابينها من خطوط .. إختلاف أو إتفاق .. و(محمد إي ) لو كان (طويل أخدر قصير) ولا (سمين ومدوعل ونشفان من لحم الدنيا) ولا لابس نضارة .. ولا ساكن الرياض ولا أمبدة .. ولا .. هذا لا يهم أحداً .. إلا من أردا أن يشتطط ..
_____________________ إتفاق (الجمع أو الرهط) على الخطأ أبداً لا يجعله صواباً ..!!
Quote: إتفاق (الجمع أو الرهط) على الخطأ أبداً لا يجعله صواباً ..!!
1-ابو كمال اول شي اضبط اللغة عندك انا موجه حديثك لي انا عبدالكريم الامين ولا دخل لشخص اخر في هذا الامر المعني ولا ينبغي..وانا لا اعمل ضمن اي مجموعة في هذا المنبر مجموعتي هي ما اومن به من افكار وقناعات 2-الرد (شرحو) المشترك ما بين وبين نهال ببساطة لانك قلت نفس الكلام القالتو نهال لذا وجب ان يكون الرد مشترك وليس لشخص اخر.. نقاط (محمد سليمان) راجع ردي لك الاول والخيار خياراك يا كمال وانا علي استعداد لنقاشك بكل تقدير
الأخ الحبيب عبد الكريم السلام عليكم ورحمة الله صدقني لقد أخطأت بحقك كثيرا ربما لحظ النفس أو ربما للشهرة لكن صدقني لم أكذب عليك يوما عبر هذا المنبر ليس هناك ما تخاف منه وليس هناك ما يخاف منه غيرك أنا أخطأت بحقكم جميعا فقد كنت غليظا وجافا لكنك كشفت لي شيئا خطير ببحثك في أرشيفي البوست الذي حصلت فيه على رقم هاتفي كان باسم أخ رحل من دنيانا وربما حذفه الأخ بكري بتقدير احترام روح الميت أنا شاعر بالندم لما حدث بين وبين المرحوم أعتذر إليكم جميعا لا أريد العودة إلى البحث والروابط والاقتباسات عبد الكريم سامحني
Post: #33 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 05:51 PM Parent: #31
Quote: الأخ الحبيب عبد الكريم السلام عليكم ورحمة الله صدقني لقد أخطأت بحقك كثيرا ربما لحظ النفس أو ربما للشهرة لكن صدقني لم أكذب عليك يوما عبر هذا المنبر ليس هناك ما تخاف منه وليس هناك ما يخاف منه غيرك أنا أخطأت بحقكم جميعا فقد كنت غليظا وجافا لكنك كشفت لي شيئا خطير ببحثك في أرشيفي البوست الذي حصلت فيه على رقم هاتفي كان باسم أخ رحل من دنيانا وربما حذفه الأخ بكري بتقدير احترام روح الميت أنا شاعر بالندم لما حدث بين وبين المرحوم أعتذر إليكم جميعا لا أريد العودة إلى البحث والروابط والاقتباسات عبد الكريم سامحني
نستحسنه حتى لو عاد أحدهم وقال أن (محمد إي) قد أصابه الهكر ..!!
... اولا حاولت اليوم كثيرا وعبر اخ عزيز من السعودية بالحصول اذن للتحدث اليك شخصيا عبر الهاتف لتسوية هذا الامر ولازلت في انتظاره بكل شغف .. وقبل ان اسامحك يا رجل اتمني منك ايضا ان تعذرني علي الذهاب في امر بعيدا كنت لا ادري بانه يخفي شيئا قد يحيق بك الاذي رغم ما بيننا من مرارات الا وبعشرة الوطن وهذا المكان والارض المشتركة التي تعلمنا فيها ما ناتي به الي هنا..واشياء عديدة كان قادرة علي كبح جماحي واحترام موقفك... لك مني يارجل كل التقدير والاحترام علي هذا الموقف الذي اعطاني احدي دروس الانسانية ولك اعتذاري الاكيد...وساسعي يا محمد للتحدث اليك شخصيا..
Quote: الأخ الحبيب عبد الكريم السلام عليكم ورحمة الله صدقني لقد أخطأت بحقك كثيرا ربما لحظ النفس أو ربما للشهرة لكن صدقني لم أكذب عليك يوما عبر هذا المنبر ليس هناك ما تخاف منه وليس هناك ما يخاف منه غيرك أنا أخطأت بحقكم جميعا فقد كنت غليظا وجافا لكنك كشفت لي شيئا خطير ببحثك في أرشيفي البوست الذي حصلت فيه على رقم هاتفي كان باسم أخ رحل من دنيانا وربما حذفه الأخ بكري بتقدير احترام روح الميت أنا شاعر بالندم لما حدث بين وبين المرحوم أعتذر إليكم جميعا لا أريد العودة إلى البحث والروابط والاقتباسات عبد الكريم سامحني
محمد إى سليمان ياخ لك كل التحايا والحب والود وكل ما هو جميل والله
شول اشوانق دينق ______________________ كيكى ... بالله عليك الموضوع إنتهى هنا وكونوا جميعاً بخير ... وسامحونا كلكم كان قلنا يوم حاجة فى زول.
فالرجل عبقري وذكي وكلامو كبار كبار وبتلقي فيهو انجليزي كبار
ما انجليزي جركانات
فدحين فتح عينيك
Post: #37 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 06:01 PM Parent: #35
Quote: كيكي يا خوي
في حاجة غلط
المتداخل هذا ليس هو محمد الحسن سليمان
وهذه ليست كتابته
فالرجل عبقري وذكي وكلامو كبار كبار وبتلقي فيهو انجليزي كبار
ما انجليزي جركانات
فدحين فتح عينيك
والله يا(خليل) الإحساس ده جاني برضو .. لكن إستحسنتو من باب حسن الظن ..
لو كان هو (محمد إي) فكلام لا يصدر إلا من نفس كبيرة وكان (الهكر) فشكراً له وخليهو يكون معانا طوالي طالما بقى (هاكر خير) ..
Post: #38 Title: Re: تاكيد مسئولية واعلان للجميع..!! Author: احمد الامين احمد Date: 01-19-2009, 06:01 PM Parent: #34
عبدالكريم لاحظ محمدE سليمان شفاه الله اول مره يطلب السماح من أحد فى هذا المنبر وهذا من محاسن المرض الذى هو ابتلاء ربانى شفاه الله عليه ارجو نسيان الامر برمته وعدم الدخول معه فى اى حوار او تلاسن مع الدعاء له بالشفاء ............
الاخ كمال الزين اتمني احترام هذا الموقف والموكد عندي بانه محمد اي سليمان دون شك وحتي ولو كان الامر هكرا...فنهر اشيائي الداخلية غسلتها هذا الكلمات ولن يجد مني محمد اي سليمان امر مشينا بتاتا..
Post: #42 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 06:19 PM Parent: #39
Quote: الاخ كمال الزين اتمني احترام هذا الموقف والموكد عندي بانه محمد اي سليمان دون شك
ياخوي أنا محترم محمد إي ده وغيروا من زمان .. أسي بقيت تدافع وتتعقل ..؟
وكمان عاوز تلبسني شبهة عدم إحترام أنا تجاوزت كلامك الفوق لأنو كلامي القلتو كان عن قناعة (حقتي أنا) وردك ماحايغيرا وردي كان حايدخلنا في جرجرة أنا في غنى عنها ..
الخلاصة :
الملف إتقفل .. شكراً يامحمد إي على الموقف الكبير ..
Quote: وكمان عاوز تلبسني شبهة عدم إحترام أنا تجاوزت كلامك الفوق لأنو كلامي القلتو كان عن قناعة (حقتي أنا) وردك ماحايغيرا وردي كان حايدخلنا في جرجرة أنا في غنى عنها ..
يا ابوكمال الجرجرة انت الدايرها لروحك.. احترامك لمحمد الحسن سليمان يتطلب منك احترام هذا الموقف والاشارة له بالهكر يقلل لو تعلم من قيمة اشياء عديدة.وهذا ايضا بالنسبة لخليل.
واياك يا كمال تعتقد كوني قبلت اعتذار الاخ محمد بكل اريحية وتقدير هذا يعني عدم تعقلي او حالة من حالات الضعف تريد ان تنال منها انا عمري يا سيدي لم اقوم بفعل في هذه الدنياو لم اعمل شي غير مقتنع بيهو وما بقدر ادافع عنو وشكرا علي خروجك النهائي..
Post: #50 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 06:41 PM Parent: #45
Quote: واياك يا كمال تعتقد كوني قبلت اعتذار الاخ محمد بكل اريحية وتقدير هذا يعني عدم تعقلي او حالة من حالات الضعف تريد ان تنال منها انا عمري يا سيدي لم اقوم بفعل في هذه الدنياو لم اعمل شي غير مقتنع بيهو وما بقدر ادافع عنو وشكرا علي خروجك النهائي..
تعرف يا(كيكي) رجعتني (إياك) دي .. إياي ماذا ؟ أنا أقول رأي ولا يهمني قوتك أو ضعفك في شئ يهمني رأيك فقط , ولا أدري معنى لهذا التحذير (الفطير) وكونك تقبل إعتذاروا من عدموا دي راجعة ليك إنتا ..
وأخيراً , موقف (محمد إي) محترم .. وموقفك الأخير محترم وهذا مادعاني للخروج .. ولم أرى في موقفك ضعفاً حسب تقييمي (أنا) للقوة والضعف .. ويبدو أن المعضلة عندك في (معيار القوة والضعف )ده ..
الاخ كمال الزين اتمني احترام هذا الموقف والموكد عندي بانه محمد اي سليمان دون شك وحتي ولو كان الامر هكرا...فنهر اشيائي الداخلية غسلتها هذا الكلمات ولن يجد مني محمد اي سليمان امر مشينا بتاتا..
الأخ عبد الكريم شكرا لسعة صدرك وقبول اعتذاري أولا ماذا جرى لك وأنت على يقين الآن أني محمد الحسن سليمان صاحب الصورة التي أثارت لغطا كثيفا ألم تطلب من شخص معروف لديك عبر الهاتف فاتصل بي وقت إعداد مداخلتي الأولى هنا ووعدته بأن أرد علىك أمام الملأ قبل الهاتف حتى لا يساورك شك يمكنك الآن الحصول على هاتفي من ذلك الشخص للتحدث إلي جميع الأعضاء اعتذاري لكم ولما سببته لكم من أذى أرجو أن تطوى هذه الصفحة إلا أن يكون لأحد منكم علي مظلمة أو مسه مني أذى فليطلب حقه ببينة وإن شاء غفر وإن كان لأحدكم علي حق فقد سامحته
شكرا مرة اخري يا محمد وكل التحايا يارجل وتاكدت تماما بانك هو محمد الحسن ومنذ المداخلة الاولي.. وحتما ستزول كل الاشياء السلبية العالقة وسنطوي هذه الصفحة بالتاكيد
Post: #60 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 07:38 PM Parent: #56
(*)
طبعاً يا(كيكي) إنتا شيخ (التفكيك) في الحتة دي .. وأنا جاي أمارس مهنتك وأفكك ليك (المعيار) الكنتا بتكلم عنو .. المعيار .. معيار القوة والضعف .. قوة (كيكي) التي كانت في قلم ما وهم وراءه (ناس ) وحكايا ناس غايبة ومغيبة .. قوة كمنت في التحدث عنهم في غيبتهم وتغييبهم .. عن حياواتهم .. وأفراحهم وأحزانهم .. (ناس الكنبو) و(ناس الطلحة) و(حمدناالله) .. العروقهم ناطة من (ضربة شمش) ..
(كومك) الذي لا يشبه كوم (الرايعين) الزينا ده .. قوتنا في إنو بنقدر نرسم بأقلامنا (الوهم) نحزن بالكذب ونبكي بالكذب .. ونتردق , دردرقة أقلام قوية في باردة .. برودة أعصاب .. وبرودة دم ..
قوتك يازول (ناس هناك) ما ناس هنا .. ناس إتلموا فيك وحبو قلمك لأنو قوتو في ناس هناك ..
أخلاق ناس هناك .. ما أخلاق ناس (ذاتيين)
أخلاق ناس هناك ما أخلاق ناس إتلموا عشان يقووا بعض بي كلام (مرصص) وملمع (من وراء جدر) ..
أخلاق ناس هناك وحكاوييهم وربطها (بي هنا) بالنسبة لي (كيكي ) زي (شعر شمسون الجبار)
إن قطعت ضفيرة (كيكي) التي تربطه (بي ناس) هناك وحكاوييهم إنقطع لسانو , وبقى ماعندو غير شوية (صحاب) .. إن أساء أساؤوا .. وإن أحسن أحسنوا ..
ومعركتو بتكون إحداثياتا إتغيرت .. وأعداءؤا إصطفوا مع أصدقاؤا .. فتركهم ووضع كفه يقي عينيه ضوء (الشمس) (الشمس) الضاربة عروق ناس هناك .. ومحررة دمهم وقلبهم .. وشاوية أخلاقهم .. ووازنة ضعفهم على (موجة) غير موجة هنا ..
موجة الكبر مع الكبير .. وتصعير الخد للضعيف ..
ومنتجة (عصارة) زي (المريسة) تدمدهم بالقوة .. القوة الأسي شفتها ضعف ..
بي عيون (كيكي) الما بتاع هناك .. و(كيكي) بتاع هناك ..
لما حواليهو الناس عشان هو بتاع هناك .. مش لأنو (كيكي) بتاع هنا ..
القصة مامحتاجة (كيكي) بتاع هنا , ولا الناس إحتفت بي (كيكي) بتاع هنا .. هنا الناس كلها بتكاكي بي برود .. تضحك عشان ترضي .. وتبكي مجاملة ..
المعيار ده .. ناتجو النهائي كالآتي :
من هو (كيكي) بتاع هناك ..؟ وماهي معايير ضعفو وقوتو ؟
ومن هو (كيكي) بتاع هنا؟ وماهي معايير ضعفو وقوتو؟
بتاع هنا (قوتو) تلقاها بعاليه وبتاع هناك قوتو برضو تلقاها بعاليه ..
وناس هناك يبدو أنهم كانو مبركنك وحامينك لما كنتا رسولهم إلى (عالمين المخروبة دي)
ولما حاولت تكون (واحد) من رسل ناس هنا .. فكوك عكس الهواء .. وبقيت تناضح زي ناس هنا .. وناس هنا (غشاشين) ولمتهم ماها دايمة ..
__________________________-
كلامي ده كلام طير في باقير .. أو كلام (مثقف رايع) في (كنبو الري) ..
وكان ماوقع ليك إستعين بسوق الممعايير .. أو كمان أعذرني إن تجاوزت أو ظلمت ..
شنو يا ابوكمال بدري ياخي.. وحرم مادام جبت سيرة(الكنابي) تقعد شوية تشرب ليك عبار عبارين بتاعة مريسة.. يا ابوكمال ماعاوز اقول ليك كيكي هنا وكيكي هناك.. ولكن يا ابوكمال بالله زحني شوية من حكاية (حب الذات) دي صدقني ما فكرت يوم فيها ولا اسعي اليها وليس هي مدار حركتي في كل اشيائي... انا من جذور عديدة يا ابوكمال مثلي مثل اي شخص اخر في هذا المكان.. اكتب بلحنها واغضب بهديرها واصفح برياح تلك الجذور ايضا... ................................... يازول كن بخير ومهما اتت الحان تفكيك فستبقي انت ابوكمال صديقي
Post: #65 Title: Re: تاكيد مسئولية واعلان للجميع..!! Author: كمال علي الزين Date: 01-19-2009, 08:22 PM Parent: #63
ده العشم ياكريم .. وكلامي الأخير ده ماكان إلا من القلب ... ولي قناعة أنك إن نظرت إلى الخلف قليلاً لعلمت أن (قيمة) كيكي .. في أنه جزء من كل .. يتحدث عنهم .. ويتخلق بإخلاقهم ..
Quote: ده العشم ياكريم .. وكلامي الأخير ده ماكان إلا من القلب ... ولي قناعة أنك إن نظرت إلى الخلف قليلاً لعلمت أن (قيمة) كيكي .. في أنه جزء من كل .. يتحدث عنهم .. ويتخلق بإخلاقهم ..
محبتي ..
مرحب يا كمال.. وحتما يا كمال سانظر دوما الي الخلف والي الامام وصدقني مافي عوجات كثيرة يا كمال..
وشكراً يامحمد سليمان للمبادرة.. __ ويا محمد سليمان راجنك، تجينا راجع بالسلامة لحوارت لا يفسد الوُد فيها الإختلاف، تحفظ للكل كرامته وإنسانيته؛ وإعتذر ليك مرة تانيّة عن كل ما سائك مني..
Post: #77 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 06:08 AM Parent: #75
هلا ياياسير واتمني ان تكون هذه هي سانحة حقيقية للجميع لفتح صفحة جديدة ونطوي الفات
Post: #76 Title: Re: تاكيد مسئولية واعلان للجميع..!! Author: احمد التجانى احمد Date: 01-19-2009, 11:57 PM Parent: #1
Quote: احب كيكي
يازول مابتقدر
Post: #78 Title: Re: تاكيد مسئولية واعلان للجميع..!! Author: Mohamed E. Seliaman Date: 01-20-2009, 06:13 AM Parent: #76
Quote: صديقي كيكي..
يديك العافيّة يا صاحب..
وشكراً يامحمد سليمان للمبادرة.. __ ويا محمد سليمان راجنك، تجينا راجع بالسلامة لحوارت لا يفسد الوُد فيها الإختلاف، تحفظ للكل كرامته وإنسانيته؛ وإعتذر ليك مرة تانيّة عن كل ما سائك مني..
ياسر طيفور تحية نرجو أن يغفر الله لنا جميعا وأن يحفظ بلادنا من شر الفتن والإحن والعصبية والعنصرية
بل أنا أطلب منكم جميعا الصفح والغفران تحياتي لأخي عبد المنعم وزوجه الكريمة الذي لا يعرفني شكرا يا ملاسي ليس في خدي علامة T
Post: #79 Title: Re: تاكيد مسئولية واعلان للجميع..!! Author: Hala Hassan Date: 01-20-2009, 07:05 AM Parent: #76
كيكى،
محمد إى،،
نكبر فيكم هذا العقل و هذا التفهم،،،
تحياتى،،،
: : : :
Post: #80 Title: Re: تاكيد مسئولية واعلان للجميع..!! Author: Nader Abu Kadouk Date: 01-20-2009, 07:11 AM Parent: #79
Quote: ولن يجد مني محمد اي سليمان امر مشينا بتاتا..
كريم ياكا ود ابوى البعرفه وخاته لى يوم اسود
شكرا كريم شكرا محمد
Post: #97 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 11:47 AM Parent: #76
Quote: يازول مابتقدر
انت قدرت كيييييف (ههه) عارف يا ود التجاني عندنا ودخالتنا لذيذ كده لمن كان صغير بنقول ليهو يا عثمان احنا بنحبك ياخي.. ببكي شديد وبقول تحبوني انا مرة تحبوني انا مرة...
وحسع هوووي ياخدر اعمل حسابك (هههه)
Post: #82 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 09:27 AM Parent: #1
هالة وتيسير لكما كل الشكر والتقدير والف تحية علي وجودكم في هذا المكان
Post: #84 Title: Re: تاكيد مسئولية واعلان للجميع..!! Author: ابراهيم محمد الحسن Date: 01-20-2009, 09:47 AM Parent: #82
كيكي ... خيرا فعلت ،،،
بس ده كلو بسبب البفارق قطيعو .....
والله القطيع مشتاق ليك ،،،
Post: #88 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 10:43 AM Parent: #84
Quote: بس ده كلو بسبب البفارق قطيعو
لا يا ابراهومة واحنا اطورنا يا اخوي وبقينا رهط (ههه) يازول حبابك ياخي وشتاقين يا هومي والله
Post: #83 Title: Re: تاكيد مسئولية واعلان للجميع..!! Author: محمد عبد الماجد الصايم Date: 01-20-2009, 09:36 AM Parent: #1
الله يديكم العافية
Post: #85 Title: Re: تاكيد مسئولية واعلان للجميع..!! Author: محمد ابراهيم قرض Date: 01-20-2009, 10:02 AM Parent: #1
Quote: اعلن مسئوليتي الكاملة عن كل الخطوات التي ادت الي تاكيد ايلولة تلكم الصورة اتي انزلها احد الأعضاء ........
كلام قانوني كبييير .. أقطع دراعي لو فهمت حاجة ..
هل هذا النضم الكبير له علاقة بمذكرة أوكامبو؟؟؟
Post: #86 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 10:23 AM Parent: #85
هلا يا ود الصايم وتحياتي وشكري الكثير يا رجل...
الاخ قرض تحياتي ان كان حسب وصفك بانه كلام قانون كبيررر فان القانون في كبره فهو دقيق ومحدد القضايا وعليه طبعا لامكان او سيرة لاوكامبو في هذا الامر الذي انتهي الان
Post: #89 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 10:48 AM Parent: #87
Quote: وبالمناسبه دي انا ولا حدي جاب خبر ,,,
يعني يا اي سليمان ما غلطت في حقي ؟؟؟
هلا يا العوض وحبابك يارجل يازين ونتمني يا العوض ان يسود التسامح الجميع ونطوي هذه الصفحة بكل تصالح مع الذات ومع الاخريين
Post: #90 Title: Re: تاكيد مسئولية واعلان للجميع..!! Author: Badreldin Ahmed Musa Date: 01-20-2009, 10:53 AM Parent: #89
عبدالكريم
سلام
والله الصلح خير،
لكن تاني مافي طريقة نضغط بيها عليك ولا شنو؟ ياخ محمد دا ما كان واحد من ادوات الضغط الانا معول عليها عشان اخليك تسيب اوكامبو ياخ!
الله في! نهنيكم يا شباب
Post: #93 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 11:16 AM Parent: #90
Quote: لكن تاني مافي طريقة نضغط بيها عليك ولا شنو؟ ياخ محمد دا ما كان واحد من ادوات الضغط الانا معول عليها عشان اخليك تسيب اوكامبو ياخ!
الله في!
هلا يابدر وحبابك ياخي وبيني وبينك اوكامبو ده انا زاااتو ناوي اشكالو ياااخ لانو القصة طولت وشايفو الموضوع ما ماشي كما ننود.. هي فرصة الان يا بدر للتفرغ للاوكمبويات واكامبو صديقي(ههه)
Quote: هلا يا العوض وحبابك يارجل يازين ونتمني يا العوض ان يسود التسامح الجميع ونطوي هذه الصفحة بكل تصالح مع الذات ومع الاخريين
كيكي اصلا لم نحقد ولم نسئ لاحد ,,,
ولكن ما اقسي ان يساء اليك بلا سبب ,,,
وليت من اساء عرف وقدر انه تسبب في ضرر حتي الاعتذار قد لا يذهبه ,,,
وربنا يحفظ السنتنا من قول غير الحق ,,,
Post: #94 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 11:19 AM Parent: #91
Quote: كيكي اصلا لم نحقد ولم نسئ لاحد ,,,
ولكن ما اقسي ان يساء اليك بلا سبب ,,,
وليت من اساء عرف وقدر انه تسبب في ضرر حتي الاعتذار قد لا يذهبه ,,,
وربنا يحفظ السنتنا من قول غير الحق
بالتاكيد يا العوض وانا اعلم جيد معدنك يا رجل
Post: #92 Title: Re: تاكيد مسئولية واعلان للجميع..!! Author: جعفر محي الدين Date: 01-20-2009, 11:05 AM Parent: #87
الأخوة الأكارم والأشاوش عبد الكريم ومحمد E سليمان ربنا يتمعكم بالصحة والعافية أعدتم إلينا بعضا من روح الصفا والود والتعالي على الصغائر والرجوع للحق مهما كانت مرارته
أنا شخصيا أتمنى أن يظل هذا البوست عاليا لتعلو به روح الحوار وتقبل الآخر واحترام النفس الإنسانية المكرمة
عاجل الشفاء وكامله لمحمد سليمان شكرا كيكي مرة أخرى على كسلا والجمال ... تصور الغناء الوحيد الذي اتحمل عواقب الاستماع إليه هو الغناء لكسلا
عشتم وعاش السودان أبيا بنبل أهله
Post: #95 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 11:21 AM Parent: #92
الف تحية اخي جعفر وشكرا يارجل علي كل كلمة نبيلة سطرتها هنا في هذا البوست ونتمني الخير للجميع
الأخ الكريم عبد الكريم صديقي محمد سليمان أخي ياسر طيفور
أحي فيكم هذه الروح السودانية الأصيلة ، و هذه النفوس الكبيرة ، و لا يعفو إلا كبير و ذو همة عالية بارك الله فيكم أعلم تماما أن في جعبتكم الكثير و المفيد ، حتى في جو الخلاف الذي لا يفسد للود أي قضية
إختلفوا بمحبة و إعتذروا بفضيلة المؤمن الذي يؤمن بأننا خطاءون
ليت هذه الروح تسود
دمتم جميعا
Post: #98 Title: Re: تاكيد مسئولية واعلان للجميع..!! Author: عبدالكريم الامين احمد Date: 01-20-2009, 11:48 AM Parent: #96
سلام يا ابو جهينة والف شكر وتقدير يا كبير ولك كل الود والتقدير يا ابو جهينة علي كلامك الطيب
هههه هلا يا قيقا وهذا البوست صار مثل اللوحة وروروروروروروروروروررو وكل ينظر اليه ورورورورورورورورو وهو من اجمل البوستات التي عملها اخونا وروروروروروروررررو
ضحكتني بالجد يا قيقا.. واعمل حسابك ما تجيك عاطفة من العواطف المكشحة دي طايرة وتعوقك
وديدي بالدوحة يوم 2 فبراير .. عشان ما تقول انا ما عارف .. اها كل الحاضرين هنا .. شهود..
شوف ليك بلد تلمك الى ان تنتهى مهمتي ذات الايام الثلاث ..
هلا يا وديدي وياخي كدي ضروري اخر سفري لبلاد العم سام عشان علي الاقل نتمتع بهيك (صلعة) بعد سنين عديدة.. وساكون في انتظارك هنا بالله[email protected] وحبابك يا وديدي في الدوحةواشرقت الانوار..وحلت بارضنا الكوارث
يعني جاي متين ياخ-- حابسين ليك الجليد، لكن ما قدرنا على الصقط-- ماتطوّل؟؟؟ -------- و الله يا كريم، يا عكليت، كنت متابعك في بوست نادية و ما جاوره و أنا في غاية الاستغراب من جدوى إثباتك بعد الجهد أن الماء هو الماء ، وعليك الله ما تغالطني، و لكنه، و للحق، استغراب خالطه بعض اعجاب بعزيمتك و بمنطق استنتاجاتك مما أظنه أعجب محمد الحسن زاتو و نال رضاه كمان، والأمر كما نعلم ليس سهلا... ثم لن أخفي فرحي و استبشاري بنتيجة بوستك دا،، و حتى الأغنية الما سامعها دي،،، زائدا عليها ما ثبت لي، من هنا و هناك وهنوووك، عن حقيقة أن آثار الوجود الفيرشوال و معافراته و تبعاتها قد لا تنتهي بمجرد الساين آوت حتى و لو رغب لها أن تنتهي، من فضله، ود البشرى! خذ أحوال ياسر طيفور، أنت، أنا -- من كندا و الدوحة و اليو اس، كمثال عن/على أحوال المناولات الإسفيرية رغم إنه شتان ما بيننا و الظهران! دي قصة طويلة ياخ... أحسن منها تشوف لينا محمد الحسن دا فصلوه من الجامعة ليه و عشان شنو؟ ماني ظانيه محدثنا عنها و ماني شايف مستقص كمثلك ، فعسى ينوبك ثواب أو توزن بها الجردة ...!!! -------- الله يهدي الجميع و يزيل عن محمد الحسن محنة المرض و يسبغ عليه بفيض من العافية.... آمين. -------- نشوفك قريب... آمين.
هههه سلام يا هاشم وتحياتي ياخي.. وياخ ماتشيل هم ..الغلاط ده خلاس انا ناوي اخد منو اجازة في المنبر ده لحين اشعار اخر.. والقصة زي ما متابعها يا هشام كانت طبقات طبقات حتي ختمت بما رايت في هذا البوست الذي نحن فيه الان.. ولو تاملت كل طبقةمن تلك الطبقات التي طلت موخرا كبوستات كثيفة فبالتاكيد ستجد نفسك ليس ببعيدا من ما ورد في (طبقات ود ضيف الله) من سير واخبار.. عموما ياهاشم الامر وبنهاتيه هنا امتص في داخلي اشياء عديدة وحول طاقات من نوع الي نوع اخر..ولم يكن عنوان ماجري في كل لحظته موجها لاشياء ذات دلالة شريرة... يا صديقي الاشياء دروس ودروب كتبت علينا ان نمشي في بعض اشيائها حتي نهايتها حتي تطل العبر وترسل اشارات هنا او هنووووك(عجبتني عندك فقلت اسرقها منك هنوووك دي).... .... رفدة محمد الحسن من الجامعة بالتاكيد شي موسف ولم اعثر عليه في رحلة (الكشيف حسن تلك) ويبدو انها من حسنوات الاقدار ان لا اجدها والا لكنت تهت في امره (كوني لن اجد لها مقابلا يتثبها كحقيقة) ونتمني من الاخ محمد الحسن شفاه الله ان يطلعنا علي هذا الامر تاكد ساعتها سيجد منا كل الاهتمام ..... امريكا اوباما يقتلني الشوق واللهفة يعلم الله للسفر اليها ولكن لدي القيل من الاستحقاقات في محيطي الخاص والعمل وستزول قريبا وساعتها ساكون في طرفكم ...بس الرسول الجليد ده شوفو ليها حل حتي لو بحرارة وصول اوباما ... والاغنية يا هاشم تحي اهل كسلا وارض التاكا
Quote: امريكا اوباما يقتلني الشوق واللهفة يعلم الله للسفر اليها
يا كريم ياخي و الله بس البركة في الأغنية و مناظر الفيديو ـ يادوب أنا سمعتها و شفتهن في البيت، فجلبن الحنين من حيث تدري و لا ندري ـ كنت في الشغل لما كتبت المداخلة السابقة بالفارة و اليوتيوب لا ينفذ إلينا هناك لكن قبيل شغَّلوا لينا التي في عشان نسمع خطاب المبارك... حسع شايفو برقص مع الشباب و في البرد دا، باين عليهو دفيان، إن شاء الله يقدر يدفيها علينا شوية، حتى لو يدفي جيوبنا بس، لكن شرطاً سريع سريع، يكون ما قصّر معانا تب... إلى حين حساب آخر...
لا كان كدي خلونا نشتتا معاكم ؟ انا ذاتي بحب كيكي . . . و بحبك انت ذاتك ياسر طيفور . . . و البروف . . . خليل . . . و سيدي الحسن هاشم . . . ياخ اقول ليكم قولة كلكم . . . الدفار فيهو مكان للكل
و تحية كبيرة لصاحبات المواقف النبيلة و انسنة المواقف داليا و مولانا تيسير
و الرماد كالنا لو ما حولنا التجربة الواسعة دي لوعي . . .
-------------------------- يا كيكي ود خالتك الصعيدي داك بكون قريبنا . باقي الصعايدة عندنا في البلد كان جبت " سيرة الحب " دي ساي بنهروك طوالي : يا ود انت باطل ؟ و بالميت بوشحوك ب" ني " اها العويق دا كيفنو ؟ غايتو للضمان كدا الصورة الفي بروفايلي دي ما بتاعتي . . . بعد التصريح بكل الكميات دي من الحب " العمر مش بعزقة " دا ما انا الفي الصورة دي . . . استعنتا فيها بصديق
Post: #117 Title: Re: تاكيد مسئولية واعلان للجميع..!! Author: هاشم الحسن Date: 01-21-2009, 01:10 AM Parent: #116
يا قيقراوي مالك علي ياخ، و مالك على الحسن مالك ( التشكيل عليك إنتا)...
Quote: و سيدي الحسن هاشم
حسع الزول يقوم يصدقك كلاماتكم دي، إنت و سيف النصر، و يبني ليه قبة من سراب ... و كدا ما كويس... في حق السراب أن نهدره! و كمان ياخي، إنتو و نحنا خابرين أسياد القبب و مستحقيها، بس ناقصنا الصبر على الآخر المخالف و طولة البال.
و كلامك دا صُح ما يخرِّش ميّة،
Quote: الرماد كالنا لو ما حولنا التجربة الواسعة دي لوعي . . .
أمش نوم يا زول... نحنا علينا شوية...
Post: #120 Title: Re: تاكيد مسئولية واعلان للجميع..!! Author: داليا حافظ Date: 01-21-2009, 08:02 AM Parent: #116
Quote: و تحية كبيرة لصاحبات المواقف النبيلة و انسنة المواقف داليا و مولانا تيسير
أهلين قيقراوي ..تحيتك وصلت ولك مثلها أطنان .
قريت كلامك هناك وشكرا لبصمك بالعشرة على كلامي البسيط .
Quote: كمان ياخي، إنتو و نحنا خابرين أسياد القبب و مستحقيها، بس ناقصنا الصبر على الآخر المخالف و طولة البال.
أمش نوم يا زول... نحنا علينا شوية...
أي يا الحسن بمش انوم الا خلني اللكمل رحيق ليلتي دي و اقوم على اورادي و انوم محتقب أمل بـ ( قبلة ) تسع صلواتنا جميعاً * الله عالم يالحسن اهل القبب سيماهم في كتاباتهم . . . و مددهم يصلك في محلك وين ما كانت الامية . . . و ببقى استحقاقهم التوقير و انحناءة تليق في طاري الاستحقاق دا يا سيدي باقي ما عصرتو علينا في اصدار صك " ما بعد الحداثة " داك . . . ما بين القرن السابع و الحداثة قرون ضوئية و درب استنارة و اهل القبب في حاجة قرون استشعار لتنكب الدرب دا و نحنا العوام ديل محتاجين قرون بقر ساي عشان نتلقى او بالاحرى نتلقف . . . و قيل قديماً الجاية من السما تتقبلا الواطة
في شانا انا و اخوي سيف . . . كان اعتقد فيك زول طاوعو ساي بكون شاف شئ ما ساي . . . في الاثر تواتر خبر " السبأيين " و قصتهم مع سيدنا علي الكرار . . . و لم تنتهي القصة بالحريق . . .
و الله اخير كلامك كب النقوم ننوم ----------------------------------------- * الحقوق محفوظة لدكتورة شذى ** ما ( الحسن ) براها التشكيل فيها بشكل مشكلة
