ياخليل انا افتكر واعتقد حيث انو كذلك ايضا....!!!

فضي لي الفي يدك يا استراتجي بالله وتعال لخالك كيكي علي جنبة ركن اسفيري قصي عاوزين كسياسيين كبار
وايدلوجيين اكبر نناقش قضايا الدولة السودانية وحكاوي البوح في مدارات قضايا الوعي الشعوبوي بمنظور سودانوي..
.....

طبعا في قضايا كاركلوجيا الهوية وتناغم الهامش مع المركز والية اقتسام السلطة والثروة والخطاب السياسي المعاصر
دي ياخلي ممكن نجدعها ليك كدس مقدمة (علي وزن وفد مقدمة) عشان تتنداح وتقدم لينا رويتك الاعمق ونحن من خلفك تجدنا كورال وكورجة وعي ممكن يكون رصيد اضافي للحراك والاستنارة ..!!
لضبط محاور استرسالك يا خلي بالله شيل لينا المشكل الثقافي وشوت لي في المشكل السياسي كونه داعم اساسي للاستقرار البنيوي في ظل تناطح القوي الدولية العظمي....
ولو هابشت لي الديمقراطية كمكون استقرار شعوب وضابط للتواجد الانساني علي البسيطة بتكون برضو ما قصرت تب
في مدارات الوعي الاستناري الشفيف...!!!
حنكون في انتظارك لتناول مشكل الحزب السوداني.. التفاعل ما بين الحزب السودان والجماهير او الشعوب...
خش لي في نماذج وهابش لي بالله احزاب كبيرة واحزاب بكرت...!!!
عموما المايك معاك وفتت لينا المشهد.. يا بتاع ام فتفت انت..؟؟

Quote: خش لي في نماذج وهابش لي بالله احزاب كبيرة واحزاب بكرت...!!!

الموضوع دا الا بي ام فتفت وما تنسى يا خلي الاحزاب التي تتنفس تحت الماء
وتكورك اني اغرق اغرق اغررررررررررررررررررققققققق
تجي تنقذها تشعلق فيك تغرقك معها جنبلوغ

دا اهم بوست في هذا "الربيع"

هذا البوست عبارة عن ندوة وورشة اركلوجيا وبرعاية الدولي ابو خليل عن مشكل الوعي السياسي المثقفاتي في السودان
ومرحب بالسادة الحضور الي حين حضور المحاضر خلي الدولي

Quote: الموضوع دا الا بي ام فتفت وما تنسى يا خلي الاحزاب التي تتنفس تحت الماء وتكورك اني اغرق اغرق اغررررررررررررررررررققققققق تجي تنقذها تشعلق فيك تغرقك معها جنبلوغ دا اهم بوست في هذا "الربيع"

هلا هلا يا بيان
وحاضرين الليلة ومعاي اخوي الكاشف خليل (ورابطين كرفتات تقول يا ليل)
وناووين ومعاكم جميعا نناضم في المشكل (حلوة المشكل دي) في المشكل السياسي السوداني
وشايتين لفت ورايت وتعالو كلكم لابسبن كبابة جديدة عشان نشسوت سوي...
ماعارف خلي حيبداء من وين لكن تحت تحت كده سمعت انو حيشوت البداية بمشكل (البدل والكرفتات الجايين بيها احنا دي)
عشان الجماهير تااامن ويحصل ليها اندهاش سياسي ونوسع الهوية ما بين المثقف السياسي والمثقف الجربندي الكشمشة العزمو فطور وجاء عشاء..
وفعلا يا بيان البوست موعود بدهشة وانطلاقة وسربعة بنت لذينة

..
.
اليومين دى مالك !!؟؟


_________

البوست دا ممكن يكون عندو مستقبل
لكن احسن نجاة تبعدها بتبوظى ..

صدقنى ..

عبدالكريم

سلام

ياخي مبروك الترقية

اها يا اخوي مالك الليلة كلامكم كبار كبار كدة؟

انت عارف اول ما اشوف الزول يبدا يتكلم في "الهوية" و "المشكل" و "هكذا" نوع من الكلام اخوك طوالي

بجر واطي و يقعد في الكنب، باقي كلام المثقفاتية دا بجيب لي الحنكلو!

اخبار الدشمان بهناك شنو، شيخكم ما بين؟

Quote: اليومين دى مالك !!؟؟

هلا يا تبلدينا
واليومين دي انا مركب مكنة عثمان الريح
ومن عاشر مرشح رئاسة كم يوما كده صار مثله
ههههه
................
سياحة اركلوجية يا تبلدينا وشوية نقة علي الماشي كده ولكن صدقني كلو مية مية
نجاة مرحب بيها ولكن المنصة طبعا حتزبط محاور الحديث وبيان بالتاكيد ممكن تضيف الكثير
بس بالله الكبك الكبك يا بيان... دايرين كبك ورش عمل

Quote: اها يا اخوي مالك الليلة كلامكم كبار كبار كدة؟ انت عارف اول ما اشوف الزول يبدا يتكلم في "الهوية" و "المشكل" و "هكذا" نوع من الكلام اخوك طوالي بجر واطي و يقعد في الكنب، باقي كلام المثقفاتية دا بجيب لي الحنكلو! اخبار الدشمان بهناك شنو، شيخكم ما بين؟

هلا يا بدر الدين
والله يبارك فيك يا قريبي والف شكر...
والكلام الكبار كبار ده هو الجزء الثاني من اركلوجيا المثقفاتية
عملنا بالتعاون مع خليل كوربويشن الجزء الاول عن المشكل الثقافي عند المثقفاتي..
واها الليلة يا بدر عاوزين نشوت في الجزء بتاع السياسة في ورشة بعنوان المثقفاتي والسياسة
عشان كده الكلام بداء كبار كبار.. وعي واستنارة وشنو شنو
..
القرصنة يا بدر ماشي بهناك بكل رواقة والامن مستتب وكل الامور تحت السيطرة
ومخلين كتيبة صغيرونة كده بهناك للتمشيط وتمارين الرماية الروتنية
ههه

Quote: شيخكم ما بين؟

بالمناسبة شيخنا زااتو احتمال نرسل ليهو دعوة عشان يجي ينظر معانا في الورشة دي
باقي هو مثقفاتي واستراتيجي كبير ياخي

Quote: شيخكم ما بين؟

أنا أهوو جيت !!!

لموا كبكات باتا القديمة دى كلها،


وين المايك يا كيكى ؟؟؟ بلا خلى بلا بلا !!!






ش

Quote: أنا أهوو جيت !!! لموا كبكات باتا القديمة دى كلها، وين المايك يا كيكى ؟؟؟ بلا خلى بلا بلا !!!

اووو شيخ شكري
حبابك
وانت طبعا بالتاكيد مطلوب في المنصة وخليك قريب
كسياسي واستراتيجي كبير ممكن تساعد وتفيد في الحراك (حلوة الحراك دي)

Quote: فضي لي الفي يدك يا استراتجي بالله وتعال لخالك كيكي علي جنبة ركن اسفيري قصي عاوزين كسياسيين كبار وايدلوجيين اكبر نناقش قضايا الدولة السودانية وحكاوي البوح في مدارات قضايا الوعي الشعوبوي بمنظور سودانوي..

والله العظيم إنت روح البورد ده

وأها زول وقعد

وراجينك وراجين زوارك

Quote: والله العظيم إنت روح البورد ده وأها زول وقعد وراجينك وراجين زوارك

هلا يا ابراهيم وحباب قعدتك في ورشة الافتكر واعتقد
وشكرا علي كلامك الاخوي الجميل..
وجالسين القرفصاء يا ابراهيم حتي حضور ابو خليل ثم ننطلق صوب نقة المثقافتية والسياسة
ومن كل بستان حزبي بالتاكيد جنجدع زهرة مع التركيز علي بستان الناس الكلامهم كبار كبار ديلك
وكل الود والتقدير

يا عبد الكريم
سلام
البوست دمه خفيف لكن كمان مرات النضمى عايز جدية شوية وهناك بعض المفردات بتفرض نفسها فرض على الناس (فالنضم بجيب اخو)

Quote: البوست دمه خفيف لكن كمان مرات النضمى عايز جدية شوية وهناك بعض المفردات بتفرض نفسها فرض على الناس (فالنضم بجيب اخو)

هلا يا طلعت
وحبابك
وبالتاكيد الزول البنضم نضمي زي ده بكون جااادي ولا خلاف ومن حقه تماما التحدث بلغة تتيح له الانطلاق في حديثه...
..
ولكن تناول الامر في هذه الزاوية عبارة عن فنتازيا للواقع السياسي في كل الوان طيفه
من منظور ليس بالتاكيد الغرض منه حجر هذه اللغة او اعدامها... بل انها تاملات عابر سبيل يسمعها كثيرا في التلفاز والراديو
والندوات ويقراها ما بين سطور في مدارات عديدة

شكلو كده هنا في تحالفات إستراتيجية



يا سيدي الحسن


أنا ذاتي بشوف كده
لأنو الكاركلوجيا بتلعب دور كبير في المنطقة

Quote: شكلو كده هنا في تحالفات إستراتيجية يا سيدي الحسن أنا ذاتي بشوف كده لأنو الكاركلوجيا بتلعب دور كبير في المنطقة

هلا يا ابو الطرق
وهنا في برنامج حد ادني وسيوسولوجية منحني الوعي السياسي حاصل ليها ركود في نقطة
ممكن تساهم في قضايا الشعب
وشكرا علي مرورك يا وريف

كيكى، و الحضور المثقف المكرضم
(ااوف .. أووف..أوففف.... كم نفخة كده فى مايك المنصة)

الأيام دى راكبانى (بجد) حمى كلمتين من بيت الكلاوى المثقفاتى اللفتى (الترجمة على الشريط)....

الكلمة الأولى: التكتيكية
أصل الكلمة دى من زمن الغساسنة الحفروا البحرواا، و ركبوا الموجة الديماغوجية فى حنابك السلطان الأساسية
لما الجماعة ركبواا و نزلواا البحر الحفروووه هم نفسهم بالمعاول (طريقة رجعية) قامت المراكب بتتاعتهم
أقصد قام خشب "التيك" المصنوعة منه المراكب الشراعية .. قام يتكتك

يعنى على سبيل المثال و ليس و لا الحصر الأيدوويولوجى: الخشب المسمى ب"التيك".


إنتو معاى يا جماعة؟؟؟؟؟

حقوا تركزواا معانا شوية !! مش أنا الشيخ بتاع كيكى، راعى الدعوة الإسفيرية دى..

قام الخشب التيكى بتاع المراكب التكتيكي يقول
تك تيك
تك تيك
تك تيك
و بزيادة السرعة فى عصر العولمة ،، و قرية العالم ال س م س
بقت الكلمة تكتيكية...




همسة لناس المنصة
-----------------
شفتوونى نزلت لمستوى القاعدة الجماهيـرية الشعبية التقدمية الكبرى و طرحت ليهم الفكرة ببساطة و سذاجة..
كلموا الجماعة يزيدواا حبة !! أهو دخلتليهم الكلام بتاع الشعارات حقتهم فى الندوة، بيسر و سلاسة سياسى بارع، مش؟؟؟
لازم أترقى من مرتبة معاون لمرتبة الشيخ و طبعاً فى الحالة دى كللوواا بكبر ويوسع




----------
اووف ...... أوووف (نفخة نفختين فى المايك ظاتووو)
فرصة للرفيق ثم سأرجع ليكم بخاصية الإستلاب الجماعى فى الفكر اللارجعى
لنناقش الكلمة التانية العاملة لى ضيق نفس و شحتفت روح وكده







ش
ش

Quote: فرصة للرفيق ثم سأرجع ليكم بخاصية الإستلاب الجماعى فى الفكر اللارجعى لنناقش الكلمة التانية العاملة لى ضيق نفس و شحتفت روح وكده

هلا يا الرفيق شكري
وياريت تجينا راجع لحزئية الاستلاب الجمعي في الفكر الرجعي واللارجعي
وانا زي داير اقول انو الحتة دي محتاجة لمراجعات فكرية من منظور ايدلويجي متقدم

الشيخ الكيكـــى سلامات (هههههههههههه)

Quote: عملنا بالتعاون مع خليل كوربويشن الجزء الاول عن المشكل الثقافي عند المثقفاتي.. واها الليلة يا بدر عاوزين نشوت في الجزء بتاع السياسة في ورشة بعنوان المثقفاتي والسياسة

أشوفك فكيت آخرك وكـــدا ... بس لمن خليل إتعزّز - ولا بستعد وكدا- آمنت إنو الشغلة فيها أركولجيا وتشريح للمثقف السياسى.


متابعين منذ الجزء الأولى و مروراً بهناك.

عليك الله ما تخليهم كتلونا بالوسوسة والكلام الدقاق بيناتهم من الجامعة ولحدى الآن ... وصدّعوا بينا بالتنظير.

مثل هذه البوستات فعلاً دليل صحــة وعافية للبورد.

Quote: طبعا في قضايا كاركلوجيا الهوية وتناغم الهامش مع المركز والية اقتسام السلطة والثروة والخطاب السياسي المعاصر دي ياخلي ممكن نجدعها ليك كدس مقدمة (علي وزن وفد مقدمة) عشان تتنداح وتقدم لينا رويتك الاعمق ونحن من خلفك تجدنا كورال وكورجة وعي ممكن يكون رصيد اضافي للحراك والاستنارة ..!! لضبط محاور استرسالك يا خلي بالله شيل لينا المشكل الثقافي وشوت لي في المشكل السياسي كونه داعم اساسي للاستقرار البنيوي في ظل تناطح القوي الدولية العظمي.... ولو هابشت لي الديمقراطية كمكون استقرار شعوب وضابط للتواجد الانساني علي البسيطة بتكون برضو ما قصرت تب في مدارات الوعي الاستناري الشفيف...!!! حنكون في انتظارك لتناول مشكل الحزب السوداني.. التفاعل ما بين الحزب السودان والجماهير او الشعوب... خش لي في نماذج وهابش لي بالله احزاب كبيرة واحزاب بكرت...!!! عموما المايك معاك وفتت لينا المشهد.. يا بتاع ام فتفت انت..؟؟

والله يا كيكي أنا معجب شديد بالكلام دا,

بس مش عارف أعلق عليهو أقول شنو ؟


أحمد الشايقي

كيكي

كان داير تناقش السياسه بمنظور اهلنا الغلابه

ركز على قفة الملاح

الباقي ملحوق

ودعتك وداعتا لاتحرق ولا تغرق

Quote: دا اهم بوست في هذا "الربيع"

يا دكتورة نجاة شايفك كترتيها شوية اليومين دى
غايتو انا ماعارف الصاح شنو فى الجملة الفوق دى
اهم ولابوست ولا الربيع
انا خايف على راس الزول دة يوصل ناس الهفوف

النضم زين سمح علاا كبار بالحيل


كدي لي في الليل بجيكم صادي





خالص الود

شكرا كيكي

شكرا السادة الحضور

وجدتني منذ فترة وانا مشغول بهذه المندوحة في المشكل السوداني

وحتما للمشكل السوداني مخرجات

وسنحاول ان نجد في هذه العجالة عرصات وبهو

لنخرج من حدة المرونة لسعة اللدونة

Quote: وجدتني منذ فترة وانا مشغول بهذه المندوحة في المشكل السوداني وحتما للمشكل السوداني مخرجات

هلا ياخلي
نحترم انشغالك يا الصديق خليل بالمنودحة في المشكل السوداني
وده بالتاكيد دليل عافية في تناول العقل السوداني لجزئيات المشكل الخاص بقكره
ويا ريت تنداح وتسهم مع الاخريين كمتحدث اول
وبالله اجدع لينا باص باصين وانت مركب مكنة الترابي
باقي الثعلب ده برضو مثقفاتي كبير ياخي

في المنعطف دا يطيب لي ان أؤسس معكم لحوار مفيد يؤدي لإنتاج معرفة وتأطير اختلاجات معنوية
وداعم لبنيوية الوعي التركيبية للمجتمع
و لو لقيت زمن سأعود
حتما سأعود



يا معلم ...
دي قلبت فيها هوبة عديييييل كدا
كاسرين ركبة بي جاي إلى ان يقضي الله امرا كان مفعولا

Quote: وحكاوي البوح في مدارات قضايا الوعي الشعوبوي بمنظور سودانوي..

كيكي ..
منظور سودانوي ولا سوداني ؟؟
طبعاً أخوكـ ما عارف التكتحــو لكن في واحد من الجماعة المسخفاتية قال في فرق بين الإتنين ..
ونحن يا عمكـ طول عمرنا بنصدق المسخفاتية طوالي ..

تتخلص مخرجات الازمة في الاتي

الهوية الديموقراطية حقوق الانسان الحواكير

ونعدام التنمية المتوازنة

يبدو انك يا خلي تعاني من انبجاس في الوعي الجمعي
حيث انني ارى المسالة كلها لا تتعدى افراط في الامن الثقافي

من باب الما عندها تيلة تسوي الحد حيلة..

ولذلك يا خلي لا زمن عليك تسبر غور محيط المشكل
وترجع منهزم..

ماشين ننوم ونجي بكرة نساقف معاكم..

للرفع لمزيداً من فتفتت السخافه الدغمائيه والإبحار نحو حوار

مأهول بالفكر الأركلوجى المتقد من ثنايا الحس الشعبوى


فلمزيداً من المهابشات والضرب على إيقاع المشكل ياسديغ

حا احكي ليك موقف حصل مني لما كنت في الجامعة
كنت بحب الناس البقولو الكلام الكبار ده

وكل يوم داكة المحاضرات وشغالة خلط في ناس البنيوية والشفافية
والايام ديك قايمين في كلمة ..في الحتة دي.. واتجاوز ..و اتجاوزي
اي شكوة في اي موضوع يقولوا لي اتجاوزي.. اتجاوزي
المهم الكلمة عاجباني شديد ..وبعد اول اجازة رجعت عطبرة
ويوم كده ليقت امي زعلانة من جارتن عشان ماعزتها في خالتها ..والحاجة تفور وتندلق..قمت قلت ليها اتجاوزي اتجاوزي

سكتت وصرتها لي..

اها بعدها بكم يوم النوم جافاني وامي شافتني زهجانة

سألتني يابت مالك
قلت ليها مدبرسه شوية ياماما ( كانت امي قبل اجي الخرطوم واخلط حناكيش المين رود)
قالت لي: إتجاوزي (بضحكة مكتومة)
وادتني ضهرها ونامت

وانا للان بضحك لما اتذكر الموقف داك

وبرضو مرة استأذنت واحد مثقفاتي عشان اكتب الونسة بتاعته معاي وقد كان وكتبها
ولما مشيت الداخلية قريتها لصاحباتي عشان يساعدوني افهم الزول ده ..
عاوز يقول لي شنو بالعربي ويخربنا كان فهمنا حاجة.الا

...............
البدل والكرفتات دي في زمنا كانت بنطلون جينز ما دخل موية 3 سنوات
ياحليلنا نحن زمنا فات







-------------------------
دعاء
( انشاء الله الليلة الراجل ما يقرأ البوست ده عشان ما نبقى في شبك تانية)

آآآآآآآمييييين (نؤمن لدعوة منال محمد على فى ذيل المداخلة أعلاه)

إن شاء الله راجل منال ، ما يكون قرأ البوست و عمليها شبك

-----------------------------------------------------



كيكى، و الحضور المثقف المكرضم
(ااوف .. أووف..أوففف.... كم نفخة كده فى مايك المنصة)

زى ما سبق و قلت الأيام دى راكبانى (بجد) حمى كلمتين من بيت الكلاوى المثقفاتى اللفتى (الترجمة على الشريط)....

الكلمة الثانى: الإستراتيجية

حسب نظرية إفلاطون بتاع الأغاريغ الكرهونا حياتنا، على فكرة
الديمقراطية المواكبة لحركة الإنثروبولجيا الشعوب الكادحة
و المتماهية(لزوم العصرنة) مع الحراك بتاع العكاز الما كان فى سوق عكاظ...

و كمثال حى من تلك الفترة لابد أن نحى أبرهة، آآسف أقصد هبنقة الكان عاوز يبيع الغزالة (أو الحمارة)
بمبلغ 10 دراهم يقمن صلبه، فبدرت منه حركة شعبية يمينية متقدمة، فإنبهر فارغاً فاه، و مشاوراً بأصابع
يده الكلتين، 10 أصابع فى تمثيل حى واعى بمتطلبات السوق، و مستصحب إرث الأجداد فى زمن التجارة البكماء...

كده أكون قد مررت مرور الكرام و أنا فى عجالة من أمرى على دقائق معانى كلمة الإستراتيجية...




---------------------------------

Quote: ياحليلنا نحن زمنا فات

نضم صوتنا و ندعم و نثمن و نؤيد هذا الشمار آآآسف أعنى الشعار





ش

Quote: الكلمة الثانى: الإستراتيجية حسب نظرية إفلاطون بتاع الأغاريغ الكرهونا حياتنا، على فكرة الديمقراطية المواكبة لحركة الإنثروبولجيا الشعوب الكادحة و المتماهية(لزوم العصرنة) مع الحراك بتاع العكاز الما كان فى سوق عكاظ...

هلا ومرحب بالرفيق الاستراتيجي شكري
ومفردة الاستراتجية اعتقد وافتكر انا بانها مفردة ذات دلالات نخبوية
وتحتاج الي حضور كازما الشعب عشان يحصل ليها استلاب عمقوي وينزلها للقاعدة في شكل توجيهات صفوة فكرية
ولا رايك شنو

Quote: سألتني يابت مالك قلت ليها مدبرسه شوية ياماما ( كانت امي قبل اجي الخرطوم واخلط حناكيش المين رود) قالت لي: إتجاوزي (بضحكة مكتومة) وادتني ضهرها ونامت

هههههه
الوالدة ياخي عافي منهاانا و الية التقاط المفردة عندها مكربة..وردت ليك جذور الاستلاب البحصل لينا كمهمشين نمشي الخرطيم وبنضرب الايسكريم ونقعد في المين رود ردتها ليك صرة في خيط ومارست عليك تدجين ثقافي بنيوي ههههه
ود مشهد بتاع حائط صد ضد الاستلاب الثقافي البحصل في اطار النزاع التاريخي ما بين الهامش والمركز
كما قال الباحث فلان الفلاني (الصراع ما بين امي وماما) صورة حية التجسيد لصراع الهامش والمركز
ههههه
تحياتي يا منال
وزي داير احي المين رود وتلاقح الاخيلة والانسجام الطبقي البحصل في اروقته
ودي جزئية لو وجدت حظها من التناول والتفكيك ممكن تقود الي حل معضلة الصراع الطبقي

Quote: للرفع لمزيداً من فتفتت السخافه الدغمائيه والإبحار نحو حوار مأهول بالفكر الأركلوجى المتقد من ثنايا الحس الشعبوى فلمزيداً من المهابشات والضرب على إيقاع المشكل ياسديغ

هلا يا ود الجيلي
والمشكل الاساسي الذي ينمي حركة الرفض الشعوبوي هو تقلص الفكر الاركلوجي
ودي الحتة العاوزين مراصد الفكر يديها مساحة في مراكز الراي العام من (تلفز) وليس تلفزيون
وميديا اسفيرية ومديا مكتوبة
والسخافة الدغمائية دي عاوزة ليها ورش منفصلة حتي لاتتقاطع من الوعي البنيوي المتعرج
هههه

Quote: يبدو انك يا خلي تعاني من انبجاس في الوعي الجمعي حيث انني ارى المسالة كلها لا تتعدى افراط في الامن الثقافي

هلا يا دكترة
وانا زي داير اتفق معاك علي عجالة في جزئية معاناة خليل بانحباس في الوعي الجمعي
وده اشكال حصل لمثقفين في كوبا... وانتج وعي مرحلة قاد الي تفكك الخطاب الثوري
وادبيات سياسية يفترض انها تعدم كونها تساهم في تغبيش وعي الجماهير بقضايا المرحلة
....

حكاية الامن الثقافي دي يا بيان انا كمثقف طليعي وايديلوجي سابق
يخربني ما سمعت بيها قبال كده (قاعدة تذاكري من ورانا ولا ايييييه) هههه

Quote: منظور سودانوي ولا سوداني ؟؟ طبعاً أخوكـ ما عارف التكتحــو لكن في واحد من الجماعة المسخفاتية قال في فرق بين الإتنين .. ونحن يا عمكـ طول عمرنا بنصدق المسخفاتية طوالي ..

هلا يا ابو الخلد
وخالك زاااتو التكحتو ماعارفها في حكاية السوداني والسودانوية دي
ولكن اكيد الامة دي عندها تعاريف وحدود ما بين هذا وذلك ولو كبوها ليك هنا تقعد تتحير
واحتمال تبكي زاااتو وتقول بالله انا ده مسطح قدر ده...
غايتو سامع انو في مدرسة بتاعة تشكيليين اسمها (السودانوية)
والثانية اسمها الواحد وفي صراع فلسفي وايدلويجي بينهما
ويبدو انو في سودانيوية تشكيل
وسودانوية شعر
وسودانوية كورة (ودي الفرق الكشمشة البكون ما عندها اجانب زي ناس امبيلللي) هههه

Quote: في المنعطف دا يطيب لي ان أؤسس معكم لحوار مفيد يؤدي لإنتاج معرفة وتأطير اختلاجات معنوية وداعم لبنيوية الوعي التركيبية للمجتمع و لو لقيت زمن سأعود حتما سأعود

هلا يا دكتور (عمك)
وممتنين علي صراحك المرسل من اجل تاسيس حوار مفيد...وده طبعا ملمح عافية وتاطير للخلافات الايدلوجية
ما بين تياراتنا الفكرية..فكون يحصل تلاحم خطابي وتلاقح فكري علي صفيح ساحة المنابرة
فالتاكيد الكلام ده ممكن يسهم بطريقة او باخري في تشييد وعي (جيو بلوتيكي )يتيح للجماهير استنهاض طاقتها الكامنة في احداث تغيير علي مستوي الدولة....

....

Quote: النضم زين سمح علاا كبار بالحيل

هلا يا ياسر
والنضم زاااتو نتاج لتراكم المد الثوري ...ولابد ان ينمو ويبقي كبار كبار

Quote: يا دكتورة نجاة شايفك كترتيها شوية اليومين دى غايتو انا ماعارف الصاح شنو فى الجملة الفوق دى اهم ولابوست ولا الربيع انا خايف على راس الزول دة يوصل ناس الهفوف

ابو صلعة
كدي خلي حكاية الهفوف ولا الاحساء دي
انت ياصحبي انا عارفك اكثر زول البوست ده وقع ليك في جرح
وباقي ناس اعتقد وافتكر ديل عارفهم مورمنك شدييييييييد
فيدك معانا بالله
عامل وشك زي محل الشكلة كده

Quote: كان داير تناقش السياسه بمنظور اهلنا الغلابه ركز على قفة الملاح الباقي ملحوق ودعتك وداعتا لاتحرق ولا تغرق

هلا يا ابوكدوك
وقفة الملاح زاااتها يا نادر
انا اعتقد جازما انو الازمة الحاصلة فيها ازمة خطاب ايدلويجي حاد
ومتي ما تفكك هذا الخطاب وانداح ستجد قفة الملاح طريقها لاحتواء ما لذا وطاب من لحوم
وطماطم وبصل و قد تزورها بعض الاسماك والدواجن..

اذن الازمة هي ازمة تفكيك خطاب كما قال فلان فوكو داك
ههه

Quote: والله يا كيكي أنا معجب شديد بالكلام دا, بس مش عارف أعلق عليهو أقول شنو ؟

هلا بود الشايقي
وبيني وبينك هو الكلام من ناحية موسيقي وتونات وكلمات كبار كبار يعجب
ولكن كانه اغنية باللغة الارجتنينة نعجب بموسيقي الفلامنجو ولكن الناس ديل بقولو شنو
وكلماتهم شنو
الله وحده يعلم وهم وحدهم يعلمون

Quote: أشوفك فكيت آخرك وكـــدا ... بس لمن خليل إتعزّز - ولا بستعد وكدا- آمنت إنو الشغلة فيها أركولجيا وتشريح للمثقف السياسى. متابعين منذ الجزء الأولى و مروراً بهناك. عليك الله ما تخليهم كتلونا بالوسوسة والكلام الدقاق بيناتهم من الجامعة ولحدى الآن ... وصدّعوا بينا بالتنظير. مثل هذه البوستات فعلاً دليل صحــة وعافية للبورد.

هلا ومرحب استاذ ابو بكر
وابو خليل لسع بسخن فقلنا نلحق السوق ونثبت اركان البوست..
والمثقفاتية ديل القصة فعلا جاية من زمن بعيد ومن ايام الدراسة ينقسم المثقفاتية الي نوعين
نوع بمشي في طريق الشعر والثقافة
ونع بمشي في طريق السياسة
وفي نوع بلم الاثنين...
والقاسم المشترك هي اللغة العجيبة والكلام الغامض الكبار كبار..
يعني زي داير اقول ان بنية الوعي الثقافي للشعب الارمني تتقاطع مع نضالات الشعب السوداني
في فترة اكتوبر...
وممكن ينظر ليك في قضية الجنوب ويشوفها ليك من منظور قضايا عمال القصب في السلفادور هههه

يا احمد
الجماعة ديل لو ما بتقدر تهزمهم تصاحبهم ياخي
اتخيل اسع كيكي دا اتسلط فوقي
كان اقع وين
اف يو كانت بيت ذيم جوين ذيم او كما قال اليانكياب..

مودتي

أخي كيكي دعني أولاً أفكك المفهوم الآيدولجي المعاصر للحداثة

فالمتأمل لآيدلوجية الاحزاب المعاصرة في ضوء أزمة الأسرة الخامسة والعشرين ذات الأصول السودانية

التي حكمت مصر في عصر الفراعنة، يثبت أن استعادة التاريخ بوعي أيدلوجي في واقع معاصر ،

هو الوجه الآخر لأزمة الكينونة. أو كما قال الراحل أسامة النور :

(عبر غيرتهم على عبادة الآلهة الرسميين وعلى نصرة التقاليد حاول ملوك الأسرة الخامسة والعشرين

الإيحاء بشرعية تطلعهم لفرض سيطرتهم على مصر) .

بيد أني أراها قمة الجدلية لعلاقة التاريخ بالواقع في هذا الزمن الذي غلب فيه الجنيه علي الكارنيه


...............
كيكي مبروك تاني الترقية

Quote: اتخيل اسع كيكي دا اتسلط فوقي كان اقع وين

يا دكتورة
زى الود كيكى دة خليه على انا
بانظمه ليك ماتشغلى لينا نفسك
بالمعارك الساهلة دى
نحن موفرينك للتقيل

سلام يا عبد الكريم
انا شغال فى بوست كلو مصطلحات مافى طريقة لتفاديها
حسى بقيت اتذكر بوستيك ده مع كل مداخلة بتكتبها
طبعا فى حقيقة مهمة جدا اثارها ابوست ده بطريقة غير مباشرة وهى ظاهرة تحوّل العمل الثقافى او السياسى والمشاريع الفكرية بوحه عام الى استعراض شخصى يسعى من خلاله الشخص المعنى الى تقديم المعرفة او المساهمة فيها فى الظاهر ولكن الهدف الحقيقى هو محاولة ان يتميّز على الاخرين فى حقيقة الامر . ولذلك تجد هؤلاء سعون الى (التصعيب )

مشكلة يعانى منها حتى المشتغلين فى حقل العلوم الاجتماعية والفلسفية نفسها ،
من هؤلاء من يسعى الى (الغموض ) ويمارسون (التغميض) بشكل مبالغ فيه

Quote: طبعا فى حقيقة مهمة جدا اثارها ابوست ده بطريقة غير مباشرة وهى ظاهرة تحوّل العمل الثقافى او السياسى والمشاريع الفكرية بوحه عام الى استعراض شخصى يسعى من خلاله الشخص المعنى الى تقديم المعرفة او المساهمة فيها فى الظاهر ولكن الهدف الحقيقى هو محاولة ان يتميّز على الاخرين فى حقيقة الامر . ولذلك تجد هؤلاء سعون الى (التصعيب )

هلا يا طلعت
وحبابك شديد وضحكتني بحكاية البوست الشغل فيهو ده ضحك شديد
وياخي ما تشيل في اخوك الاجر وتجدع لينا اللنك هنا علي الاقل اخوك ياخد ليهو نقلة نقلتين كده هههه

..
بالتاكيد يا طلعت في مناحي كثيرة اضحي الاشتغال بالعمل السياسي والثقافي تتلبس لغته كثير من الغموض
الاصطناع والتكلف وكلام كبار كبار تقعد تسمع فيهو شهرين ونص وتلقي روحك ما فاهم حاجة...
فاعتقد بان طالما هذا الخطاب موجه للبسطاء والناس العاديين فمن الانصع والاسهل هو محادثة الناس بلغة
متواضعة تشبهمم وتجعلهم يفهمون....
وعادة طبعا مثل هذا الخطاب ان تم الحديث به في امام العامة والبسطاء فنتائجه بالتاكيد بتكون كارثية
ولن تفي بالغرض الاساسي للخطاب

يا كيكي

في الحتة دي يخيل لي زي في إشكالية ، لأنو كلامكم ده زي ما بينفع هنا
فنقوم نشوف لينا مجتمع يؤمن بإمكانية تواجد وتوافق الثقافات المتضادة
والوعي الكافي لخلق هكذا مجتمعات
وهي بالضرورة زي ح تقوم تغير مفاهيم وأيديلوجيات ذات نسق واحد يميزها الاختلاف في الأطر
والتوافق في المرجعيات ، جوه المجموعات الشكلت لينا الكيان المحدد ده

أنا يخيل لي زي وصلت فكرتي ، رغم ضبابية الطرح العام في الحتة دي .... وكده ..


كيكي بالله أغشى أقرب حتة وجيب لي زي القالها عزالدين أحمد موسى التحت دي ، لأني محتاجة ليها جداً.. آآآآي :

Quote: كلام المثقفاتية دا بجيب لي الحنكلو

هذا ، والعلم عند الله ..

أعّدِل على كيفي ياخ..

هلا ي ابو صلاح مشتاقين والله
وكدي شوف معاي

Quote: في الحتة دي يخيل لي زي في إشكالية

Quote: لأنو كلامكم ده زي

Quote: وهي بالضرورة زي ح تقوم

Quote: أنا يخيل لي زي

وانا زي عاوز اشير للتراكم والتردد الزيوي
وده طبعا حالة بتاعة مزاوجة للخطاب والايدلوجيا وفي الحتة دي
ضروري الاركلوجيا تكون اهم شي

ياخ نقة متعة ياخي تخيل

السمِى كيكي
** نبارك الترقيه ودى دايره ليها طشه للبلد الذى ينداح جمالاً ويتلاشى فيه الزمن ..
******************************************************************************
## بالله ياباشمهندس مرر الميكرفون دا:-

** وبما أن السفسطائيه الطاغيه على هذا الحوار قد تؤدى الى أن يفهم الحمار ,, ولكن تعنت من أُوكل إليه قيادة الحوار مع الفصائل المُتناحره والمُتناخره داخل التنظيم أدى ال تيبس قنوات الوصول الى بُعد إستراتيجى للوصول الى حل المُشكل القائم.
** لذا أحـــســــب أن الامر ها ها ها ها ها - ولربما قد يؤدى - وبلاشك ارى أن تدخل القوى الخارجيه لربما فيه رفع البلاء عن الامه ها ها ها ها ها - وأحـــســـب من واقع المنظور الإستلابى لظهور المُنظرين والمُثقفين فى الكنابى , قد يؤدى الى تأجيج الصراع ها ها ها ها ها - وأننا قادرون على حل المُشكل إذا تم:-
إخلاء المقعد لنا ,, ها ها ها ها ها .

** ونحسب أن الديمقراطيه لاتليق بهذا البلد والتى نرى ان يحكم هذه البلاد :- إما نبي أو غبى وبما أن الاول يتعذر حصوله فدعونا فى التانى وليكن خيارنا إختيار أحسن الاغبياء .....
###( وإنتهى الحوار - والله مافاهم إى حاجه من الحوار)
(ابو محمد فؤاد) - الماكيكي...

يا خلى، (نقطة نظام)
المايكرفونات بتاعت الحت، ما شايفة شغلها..

نزل لينا حاجة كده عشان نسخن للحت:
أقترح من بيت الكلاوى
على مستوى ورررا ... ورراا


إنت عارف اللمات التانية بتاعت ناس أبو حت، بخلو الرقيص فى الآخر
نحنا لازم نكسر الروتين و نخلى المشايخ بتاعننا يحتووه فى النص لزوم السخانة يا غانا....



------------
لغة الشوارع فى الحتة دى مطلوبة عشان تكبر الكوم و تزيد الحضور
ما أصلوااا فى الحالتين : الجماهير المحشودة ما فاهمين حاجة








ش

واحد بيقرا فلسفه:

رجع البلد في الاجازه بعد السنه الاولي .. ابوهو سالو يا ود في الجامعه بتقرا شنو؟؟ قال فلسفه يا حاج..

يعني شنو الفلسفه دي .. هم هم الود قال لابوهو يعني ممكن افلسف ليك العصاية دي مثلا واقنعك ممكن تكون عصايتين !!

تعجب الوالد كثيرا ...


المهم في الغدا الوالده عملت جداده محمره لزوم الاحتفال بالود الجامعي وا كدا.

الاب قام بالجداده كلها واكلها وخلاها زي بقايا الاثار (اركلوجيا الجداد)

الود قام زعلان وقال ياحاج ما اكلت الجداده كلها؟؟

ابوهو رد عليهو بي حرفنه شديده ( يا ود مش قاري فلسفه)؟

الود ايوة يا حاج!

الاب : طيب ما تفلسف ليك جداده لروحك!


( انت يا كيكي بعد الترقيه مخك ضرب ولا شنو)؟


بالجنبه كدا ياخ ما تفلسف لاخوك ترقيه وكدا؟؟؟؟؟؟

Quote: الموضوع دا الا بي ام فتفت وما تنسى يا خلي الاحزاب التي تتنفس تحت الماء وتكورك اني اغرق اغرق اغررررررررررررررررررققققققق تجي تنقذها تشعلق فيك تغرقك معها جنبلوغ دا اهم بوست في هذا "الربيع"

طبعا الاحزاب البتتنفس تحت الماء ديل هو الحزب الشيوعى السودانى
الأشانو سمعتك و قالو انتى ظلامية و زعلانه منهم لانو قالو فى واحد شيوعى شوكشك
وضربو لزوجك .. وقالو الدكتوراة بتاعتك انى كلام
وشنو ما بعرفو داك
ووووب على الحقونى و يا ناس ابومروة
وبوست هنا و وواحد هناك اخخخخخخ اااااااخ يا حليلى
كدى يا ام سراميس امسكى لى قفتى ديل فضيها لى حبة
خلينى اتنخج و اقول كلام بتاعين مثقفين و ادخل لى جو اساهم
و اجى اشيل منك القفة تانية افضى باقيهو
و يجونى المتعاطفين البدينى منديل و البتقول لى اتصبرى يا اختى اصلن الشيوعيين
ديل كده
و البقول لى والله ما نخليهم ليك و ندينهم
تقومى انتى نفسياتك ترتفع و تخلطى رصيد القراء بمقياس رختر ثقافتك
خلى لللف و الدوران والحوامه فى البوستات و تعالى ابرىء لينا زمتك
وورينا انك غير مدعية و لاتمارسين ما تنهين عنه
________________________
والله يا كيكى و ما طالبنى حليفة وعشان تصدقنى
وحياة خوتك
لما قريت الامن الثقافى الكتبتها الدكتورة
حواجبينى انعقدت و قلت اليييييليلة البوست بتاع كيكى
ماشى صاح لانو الكلام بقى ما بنفهم
و طبعا مع خلفيتى الفكرية الضعيفة و مساهماتى المحدودة الافق
بكيت و اتنخجت
ولكنك يا دخرى الحوبة طمنتنى لما سألت و انت المثقف الكبير
عن معناها
_______________________
انا اعتقد و من حيث انو كذلك انو المشكل السياسى
فى السودان هو مشكل امن ثقافى فى المقام الاول
من حيث هى السياسة هى المدخل الاساسى
لحل المشكل الخاص بالامن الثقافى والذى فى بنيتة
الايدلوجية العميقة لا يفهمة الا اصحاب المظلات
والمظلات كما تعلون هى تقى من المطر و لذلك استخدمت الكلمة
لوصف الحالة العسكرية التى يعانى منها المثقف السودانى
من حيث انها غير واعى ببنية الوعى الثقافية الامنية
والله اكبر ولله الحمد
لالالالالالالالالالالالالالالالا
يا كييكى شتت ندى القلعة فى التلفزيون
ودمتم

تعرف يا احمد كيكي دا
بالجد ابو دنان لو اتسلط فيك دا اخطر من التقيلة ياخي.ز
ديل براهم بياذوا نفسهم.. دو ات يورسليف..

برقية
البحر قايم والقمر في كبد السماء

تعرف يا احمد كيكي دا
بالجد ابو دنان لو اتسلط فيك دا اخطر من التقيلة ياخي.ز
ديل براهم بياذوا نفسهم.. دو ات يورسليف..

برقية
البحر قايم والقمر في كبد السماء

Quote: برقية البحر قايم والقمر في كبد السماء

على حسب علمنا انو القمر كبدتو ومصرانو مهرودات هرد
لمن الله خسفو بالفضيحة دى
هل الكذب يعد من الاساليب السياسية القذرة

مشى ولـ طار حيكون كيكي ُدخان عذبات ..
كفبله في الدوحة بن عطية وفي امريكا كوستاوي
وخليل دا منو كمان ..

Quote: مشى ولـ طار حيكون كيكي ُدخان عذبات .. كفبله في الدوحة بن عطية وفي امريكا كوستاوي وخليل دا منو كمان ..

منعم يا صديقي
انت كمثقف سياسي حاصل ليك تهتك خطاب
ودي حالة عانا منها جيفارا في زمن من زمانته العديدة هههههههه
فلا تحزن يا صديقي

عبدالكريم

سلام

والله يا عبدالكريم انت زول خطير و بتنشر الوعي الميتافيزيقي المنبعث من مسارب الاندياح الارسطوي

الذي يهدف لهدم الضلال الماركسي المندس في اللاوعي القديم اللاحداثوي الذي لا يستطيع تفسير الظواهر

الاكلينيكية التي قال بها دريدا ودحض بها دعاوي الانبثاق الهيجلي في تداعيات زميلناماكس هوركايمر و

عضده صديقي الذي كان يشرب معنا الشاي بالنعناع ثيودور ادورنو-يا حليلو كان صديق عزيز- لكن هايدبرغ

كان يناكفنا و يفسد علينا الونسة الدقاقة.

و ذلك ذكرني اغنية ذاك الثوري النبيل- الراستوي- بوب مارلي عدو الفلسفة و تحت تحت اظنه اخذ

ذلك العداء من العجوز ماركس. لكل ذلك نهديكم اغنيته العظيمة one Drop

http://www.youtube.com/watch?v=PTSTNljaS5g

و لغير الناطقين بها الليرك تحت

One Drop lyrics
Feel it in the one drop
Well, I still find time to rap
We're making the one stop
The generation gap
So feel this drumbeat
As it beats within playing a rhythm
Resisting against the system

Ooh-we I know Jah would never let us down
Pull your rights from wrong
I know Jah would never let us down
Oh no! Oh no!

They made their world so hard
Every day we got to keep on fighting
They made their world so hard
Every day the people are dying
It dread, dread for hunger and
starvation dread dread, dread on dread
Lamentation dread dread
But read it in Revelation dread dread
You'll find your redemption

And then you
Give us the teachings of His Majesty
For we no want no devil philosophy
A you fe give us the teaching of His Majesty
For we no want no devil philosophy

Feel it in the one drop
And we still find time to rap
We're making the one stop
And we filling the gap
So feel this drubeat
As it beats within playing a rhythm
Fighting against ism and skism

Singing I know Jah would never let us down
Pull your rights from wrong
I know Jah would never let us down
Oh no! Oh no!

They made their world so hard
Every day we got to keep on fighting
They made their world so hard
Every day the people are dying

It dread, it dread, it dread
Dread dread, what can I say, it dread
It dread on dread, dread, dread
It dread, it dread dread

Give us the teachings of His Majesty
For we no want no devil philosophy
Can you hear
Give us the teachings of His Majesty
For we no want no devil philosophy

We feel it in the one drop
For we still got the time to rap
And we're making the one stop
Let me tell you this generation gap
So feel this drumbeat
I tell you what, it's beating within
Feel you heart playing a rhythm
And you know it's resisting against ism and skism
Singing I know Jah would never let us down

يا كبير الهندسة
اليومين دي كلامك بقى كبار كبار
ياخي" إفتكر وإعتقد حيث إنه كذلك ايضا الرهيفة تنقد.
إني احسب أن مثل هذه الإسقاطات على الواقع السوريالي يمكن أن تشخص لينا الموزايك السوداني العجيب في تجلياته الكلية.
يضرني ما فاهم حاجة لكن قلت اخت لي كلمة كلمتين عشان يقولوا هذا الرجل تداخل يوما مع المثقافاتية الكبار.
وواو!!

Quote: اليومين دي كلامك بقى كبار كبار

يا الفاتح
وسلام ياخي
واليومين دي انا مركب مكنة مثقف طليعي ايدلوجي بنادي بوحدة الهم الفكري الفلسفي
وضرورة تنامي الوعي اللغوي في مدارات العمل السياسي

Quote: و ذلك ذكرني اغنية ذاك الثوري النبيل- الراستوي- بوب مارلي عدو الفلسفة و تحت تحت اظنه اخذ ذلك العداء من العجوز ماركس. لكل ذلك نهديكم اغنيته العظيمة one Drop

مرحب بالمثقف الطليعي بدر الدين
وسعدنا بحضورك وانت متسصجب سيرة انجلز وماركس وهجيل
واراك قد قمت بحقن ثوريتهم المتجذرة في قلوب البلوتاريا وجدل التاريخ
بالنهضة الثورية الغنائية التي اعلنها رائد الراستا بوب مارلي...وبالتاكيد ده مشهد يخلد الخلود الثوري في افئدة الجماهير من موسكو حتي جامايكا
وتحياتي واشواقي ياخي..
وعندي ليك وصية مهمة توقع ايميل قريبا

Quote: اعتقد و من حيث انو كذلك انو المشكل السياسى فى السودان هو مشكل امن ثقافى فى المقام الاول من حيث هى السياسة هى المدخل الاساسى لحل المشكل الخاص بالامن الثقافى والذى فى بنيتة الايدلوجية العميقة لا يفهمة الا اصحاب المظلات والمظلات كما تعلون هى تقى من المطر و لذلك استخدمت الكلمة لوصف الحالة العسكرية التى يعانى منها المثقف السودانى من حيث انها غير واعى ببنية الوعى الثقافية الامنية والله اكبر ولله الحمد لالالالالالالالالالالالالالالالا يا كييكى شتت ندى القلعة فى التلفزيون ودمتم

هلا يا بيير
والمشكل العام في تراجيديا الواقع السياسي تتشكل في هلامية الامن الثقافي
ودي عاوزة ليها ورشة عمل علي مستوي القاعدة

Quote: ( انت يا كيكي بعد الترقيه مخك ضرب ولا شنو)؟ بالجنبه كدا ياخ ما تفلسف لاخوك ترقيه وكدا؟؟؟؟؟؟

هلا يادكترة.
وشوون الترقية ماسكها صديقك الشهير (عدس)
فقدم صورة من موهلاتك وبعدين انا وهو حنشوف ههههه

Quote: ------------ لغة الشوارع فى الحتة دى مطلوبة عشان تكبر الكوم و تزيد الحضور ما أصلوااا فى الحالتين : الجماهير المحشودة ما فاهمين حاجة

هلا يا شكري
والجماهير المحشودة عليها بامتصاص ذرات الامطار الايدلوجية
عبر الانصات وممارسة الانهجام

Quote: ** وبما أن السفسطائيه الطاغيه على هذا الحوار قد تؤدى الى أن يفهم الحمار ,, ولكن تعنت من أُوكل إليه قيادة الحوار مع الفصائل المُتناحره والمُتناخره داخل التنظيم أدى ال تيبس قنوات الوصول الى بُعد إستراتيجى للوصول الى حل المُشكل القائم. ** لذا أحـــســــب أن الامر ها ها ها ها ها - ولربما قد يؤدى - وبلاشك ارى أن تدخل القوى الخارجيه لربما فيه رفع البلاء عن الامه ها ها ها ها ها - وأحـــســـب من واقع المنظور الإستلابى لظهور المُنظرين والمُثقفين فى الكنابى , قد يؤدى الى تأجيج الصراع ها ها ها ها ها - وأننا قادرون على حل المُشكل إذا تم:- إخلاء المقعد لنا ,, ها ها ها ها ها .

هلا وحباب الطليعي صديقي ابو محمد
ونحسب بان المشروع الحضاري قد انبت سنابل عجاف
اكلنا سبع سنابل ثمان كما ورد في امر سيدنا يوسف ها ها ها (طبعا ده الترابي)
وقد فتكو بنا ونحن الذين جلبنا لهم حبال طويلة نربط بها قيم السماء بالارض ولكنهم طغو وتكبروا
والتقي الفرعونان فرعون البشير وفرعون علي عثمان وحولوني كشيخ كهل وصرت مثل عجل السامري
هههه
تحياتي يا عبد الكريم وكل الاشواق والف تحية وتقدير
وسلام للاسرة

Quote: الوجه الآخر لأزمة الكينونة. أو كما قال الراحل أسامة النور :

هلا يا ممدوح
وحبابك وحباب مدني السني
وطبعا ادهشت المنصة بافتراع خيط يهابش الوجه الاخر لازمة الكينونة..
وده اشكال عميق يتداخل ويتقاطع مع ازمة الهوية والمسايرة الكنينوية ...
ولكن اعتقد وافتكر انو الحداثة قادرة بمعطياتها المرنة انها تمتص جذور هذا التقاطع
ويحصل سكون في الكنينونة
وبامن علي تشريح تجربة الفراعنة كمشهد تاريخي يمكن يضيف شي للحراك (حلوة الحراك دي ياخي)

Quote: الجماعة ديل لو ما بتقدر تهزمهم تصاحبهم ياخي اتخيل اسع كيكي دا اتسلط فوقي كان اقع وين اف يو كانت بيت ذيم جوين ذيم او كما قال اليانكياب..

هلا يا دكترة
واخوك ياخي مسسسكين الغنماية بتاكل طواالي العشاء بتاعي
ولكن في ساعات تنامي وعي الكركبة بيحصل لي جوع ثقافي فبقوم اكل الغنماية
حتي يحصل ثنائية الاكل
العشاء والغنماية سوي ههههه

Quote: زى الود كيكى دة خليه على انا بانظمه ليك ماتشغلى لينا نفسك بالمعارك الساهلة دى نحن موفرينك للتقيل

هلا يا ابو صلعة
وساكون في انتظارك علي قارعةة المنابرة عشان نفكك خطابك الايدلويجي القديم يا ظلامي يا مندس هههههه
من زمن الانتهازيين مثل طه النور ومحمد بدوي (وشلة مدني اياه)
عشان نثبت للقاري بانو الوعي الانتهازي بحصل ليهو تمدد ازموزي وبوادره بتظهر من زمانات قديمة

بالمناسبة بطرفنا جمال احمد النور وناظم
وحسن خضر وعماد عايد وعمر الحبر
شفت المتعة دي كيف...
لو لقينا نقارة مطرفة ممكن نمشي اقرب ميدان شرقي في الدوحة نشجع
وندق الحكم كمان

كيكي اللعين


إمتدادا لهذه المقولة وإرتكازا لهذا الخطاب....الذي يتناول تنميط المشكلة كحداثة تأتيك الثنائيات في إذدواجية لتعطي بعدا هلاميا..يأخذ قمة التشكيل .
من هذا التشكيل تكون ابعاد الامن متجذرة في حدود الممكن أو اللا...ومنها يستمد الامن الواقعي بقائه علي خارطة التباين المرهون بالوعي الأيدلوجي.

ومن كل هذه المحاور تدور رحي الشفافية من حيث الارتباط الكينوني والتعاقبي في بوتقة الانصهار الكلى قبل أن تلامس مداخل الأمل لهذا المواطن البلوتاريا..


لا حولا الله..خطاب الأركلوجيا...كده كيف ياالابيت تجينافي الساحل الشرقي..


آدم العشا.

كيكى سلام وتبريكات


( وساواجه حضورك الانثوي

بكوبين من الشاى المغلى

وساتعمد ان اذكر شيئا

عن جيفارا ومارسيل وسناء محيدلى

وكتبى التى صودرت فى المطار)

Quote: وساواجه حضورك الانثوي بكوبين من الشاى المغلى وساتعمد ان اذكر شيئا عن جيفارا ومارسيل وسناء محيدلى وكتبى التى صودرت فى المطار)

هلا يا ناظم وتحياتي
وكاسا من نبيذ القصب من فيافي هايتي
وسانعش ذاكرتي وافرغها من كل كورالات المد الثوري لا تتقاطع مع جمالك الارستقراطي...
وساخون ذاكرة ايدلوجيتي الماركسية واتلصص علي قصور القياصرة قبل الثورة
واجلب لكي زينة نساء قيصر هههه

Quote: لا حولا الله..خطاب الأركلوجيا...كده كيف ياالابيت تجينافي الساحل الشرقي..

سلام يا ادم ومشتاقين ياخي..
والافئدة والله دوما شاهقة صوب الساحل الشرقي ولكن نمط علاقات العمل في المحيط الخليجي
ما بين الكفيل والوافد نمط يتقاطع مع نمط عمال القصب في كوبا ويحتاج الي تجذير تجربة الاستغناء عن الكفيل كما جري في البحرين وبعدها ممكن لمثلنا من شغيلة الخليج ان نلقا يدنا ونفرفر ونطلق الي مدارات النيويورك ونتجدع في شوارعها زي ما دايرين ههه
وتحياتي الحارة يا ادم

عبدالكريم

سلام

ما عارف لو عندك ايميلي الجديد و لا لا

هو: [email protected]

Quote: ما عارف لو عندك ايميلي الجديد و لا لا

هلا يا بدرالدين
وكويس انك كتبت لي الايميل الجديد لاني كنت حافظ القديم
وساوافيك اليوم باذن الله عبر الايميل

الهوية

هذه الكلمة خربت الوعي السوداني وجعلته يعيش حالة فصام شديدة

فبين الاستعلاء العروبي والعنجهية الافريقية مرت مياه كثيرة تحت الجسر

ولا بد من تجسير الهوة لنصبح امة قوية اشبه بامريكا واسرائيل واللتان تعنيان من نفس الظروف

I`m like
دى طريقة الامريكان فى بداية اى كلام
مش زى "فى الحتة دى ؟"
اها ياسيد امك وابوك
عندى صحبتى كانت بتدرس طب عديل فى جامعة امريكية
قوم يا الكورس ابقى كورس شعر حداثى
والبنية تضحك والمدرس يضحك من سخف فكرة الشعر المامفهوم
والكلام المدغمس

عارف يا كيكى
هنا لو كتبت جنس الكلام البتتكلم عنه دا مافى زول بقراك
اقلاها بتطلع ما نصيح فى وجهة النظر العامة
الكلام مباشر لمن غلط
اللغة الروائية شدة ما بسيطة لمن تعقدك
مرة قريت رواية لواحدة عادية
حكاية بت نشات فى ولاية من ولايات شرق المحيط
القصة بتحكى عن بت عادية بتكتب مذكراتها كل يوم
اسمها "غال"
الظروف جمعتها اثناء شغلها فى مقهى بالناشرة الطلعتا من العدم الى حيث الشهرة
المشكلة عندنا يا صديقى اننا بنعول على النص ما على المتلقى
يعنى الزول صاحبنا الجا يوم فى ندوة وقام اتكلم زى الدبيب لمن بسكر
عم تجانى الطيب يومها كنا قاعدين جمب بعض فى الندوة قام قال لى وهو بيضحك
ـ يعنى الزول دا بتكلم زينا زيو؟
واقول ليك كمان
زمان لمن كنت فى السودان وبكتب فى الجرايد
الجماعة شابكنى ليك
ـ دى لغة متخلفة .انتى مش قريتى نقد؟ياخ اللغة البتكتبلا بيها دى لغة من زمن الرسالة "كناية عن مجلة الرسالة"
المهم يا سيدى ربك رب الخير جاب لى دكتور الجيلى عبد الرحمن فى محلى
واول حاجة قالا لى اقرى الرسالة
اها يا سيدى وفكيت اللعب ومازالوا زعلانين منى
لانى عارفة الناس البكتب ليهم
دحين لمن الزول يعرف ناسه الباقى هين
مش؟

حقوق الانسان

نحن في حاجة لرؤي استراتيجية لاماطة االلجام لمكافحة حالة الاختناق التي تعاني منها حقوق الانسان

ولابد من مناخ رسالي وايديولوجي لنفتح نفاجات لتجنب المزالق وحالة الهيجان السرمدية

التي ما انفكت لا تبارح مكانها

ولابد لمعالجة جذرية حتي يعيش الانسان حرا ابيا في مهابة

الديموقراطية

الدورة الخبيثة بين ثورة شعبية وعسكر في المعسكر

هي ديدن السودان احزاب ضعيفة ثم عسكر قابضون

it is high time

لحل هذا المعضل بديموقراطية راشدة وتداول سلمي للسلطة يجنب السودان

سوناميات كثيرة

الاحزاب

هذه الاحزاب مفتوقة جدا

ومحتاجة للرتق

بين الايقونة والشفرة

سياتي الزمن الفلاني وهناك يكون البوح

Quote: اها يا سيدى وفكيت اللعب ومازالوا زعلانين منى لانى عارفة الناس البكتب ليهم دحين لمن الزول يعرف ناسه الباقى هين مش؟

هلا هلا يا قوات يا صديقةويا خبيرة من ورا البحار
وفعلا يا سلمي سلملم
القصة هي العلاقة مابين النص والمتلقي
والاولوية لمن منهم..
وردم الهوة الاركلوجية ما بين الاثنين هو خارطة الطريقة لاشاعة مثاقفة
وممارسة لفكر سياسي يتيح للجمهور معرفة مكنون الاشياء

تداعيات مشحونة بالشجن

وفيها نرخص البوح