يا زول ده جكس الفير ووول بتاعوعالي....!!!

Post: #1
Title: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 12:10 PM
Parent: #0

غتاتة.الف وكتل لعب وتطليع كورة في الاوت علي الطريقة المصرية الشهيرة
..وكورتها تقعد تجدع في البصات ياكافي البلاء كندورة يقعد يتحير ويتمحن....والعجب لو رمت باص اسكرو
ياخي عينك في الكورة ياها دييييك ماشة علي مرمي حجر ونيف منك وما تقدر تباصرها وتلقي الباص مشي...وجهجه باكاتك....!!!
لاتعرفو جكس ولا تعرفو حامد بريمة ولا ترفعو شوماخر زاااتو...!!!
تتشوت كورة فوووق في التمنيات وتجري اللاين كده وتقول يا ولد الليلة ممكن ترقص رقصة ناس ببيتو....
او تشوت الكورة وتمشي علي الكورنر حتت الراية...وانت حالما برقصة علي وزن رقصة الشهير ميلا... ولكن يا حسرتاه
تتلفت بورا تلقي الجكس نط فووووووووووق وقبض الكورة ....!!! جكس عجيب ياخي
قبض الكورة وشاتها في الاوت . وعامل فيها جكس حنون و روحو رياضية وتبع الفيفا.. وانت بتكون واقع قبل ما تصل الراية او االلاين..

Post: #2
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 12:12 PM
Parent: #1

اها العجب خط الدفاع بتاعو... ياخي مرات تلقي الجكس طوووالي وعادي ملعب (خمسة في الدفاع).. تحاول وتتحرفن وتطلع الكورة علي الاطراف تلقي باكات زي السم والداشنق ده زي المطر...وكل هجمة والتانية ترجع بريال من اثر الخم علي طريقة (هو وكورتو)
الهجمة الحديثة اطراف ولكن مع الفير وول والباكات الشغاليين ولاعبين علي اللاين ديل احرف جناح لفت الماتش كلو ما باقي لي يقدر يعكس . كورة لو بقي( قلة )الفرفار الزماااان داك...
الكوتش يقول ليك العب بالعمق (كوتش ده مجنون ولاشنو)...؟؟؟ عمق..!!! ...باص باصين وتحاول تحاور الاستوبر بتاع الجكس تلقي الثبرباك بتاع الجكس جاك ناطي من وين وين ماعارف وخطف منك الكورة وتحاور الاستوبر يخطف منك الثيرد باك تحاور الثير باك يقلع منك الاستوبر.... تحاور الاثنين وتحاول تهدف تلقي القشاش خاميك انت وكورتك....وتكورك وتعمل جوطة (ياحكم بلنتي ...ودايرين بلنتي ياحكم)... مافي حكم يشتغل بيك الشغلة والتحكيم زااتو متين بقي عادل وما فاشل في البلد دي..

Post: #4
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 12:16 PM
Parent: #2

اها تقول تتحرفن وتنوع اللعب وتحاصر الجكس ده في وسط الملعب( ايوووه وسط يا زول) وتكرب السنتر ده ضبانة جكسية ما تخليها تتحاوم بكورة في الدائرة السنترية.... اها مع استلامك للكورة واول محاولة لعب باص انطلاقا من وسط المرمي علي طريقة (كرار ابو علي الشهيرة).. تلقي الجكس لاعب بستة في الوسط(ياحكم الجكس ده لاعب بستة) وبرضو التحكيم فاشل.... وتاكل نارك...!!!
تجي تكابس في الكورة بجاي تلقاها قلوعها منك بهناك... تعمل مباغتة برضو رصيدك غير كافي لاجراء مباغتة من نص الملعب
تطلع باص للاجنحة الباص يمشي غلط برضو علي طريقة كندورة لمن يكون مزفت بستنين نيلة اليوم داك....!!!

Post: #6
Title: Re: يا زول ده جكس الفير ووول بتاعوعالي....!!!
Author: أحمد الشايقي
Date: 04-26-2009, 12:18 PM
Parent: #2

هـلا هــلا

يا كيكي يا مستشارنا التجكيسـي

واصل التنويـر والخطط الغميسـة

وليك التحية يا عظيم

أحمـد الشايقي

Post: #11
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:26 PM
Parent: #6

Quote: يا كيكي يا مستشارنا التجكيسـي

واصل التنويـر والخطط الغميسـة

هلا هلا يا ابوحميد
وها نحن قد عدنا الي مدارات حكاوي الجكس بعد غيبة وتية
وحبابك في الماتش العجيب مع الجكس ذو الفير وول العجيب

Post: #3
Title: Re: يا زول ده جكس الفير ووول بتاعوعالي....!!!
Author: خضر حسين خليل
Date: 04-26-2009, 12:14 PM
Parent: #1

كيكي مشاكل
ازيك ياخ

الكورة دي شايتها لي وين ياخ !

Post: #5
Title: Re: يا زول ده جكس الفير ووول بتاعوعالي....!!!
Author: ود الباوقة
Date: 04-26-2009, 12:17 PM
Parent: #3

الكورة دي شايتها لي وين ياخ !

غايتو اخونا كيكي دا شوتو كلو شمال يا خضر ..

Post: #13
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:34 PM
Parent: #5

Quote: غايتو اخونا كيكي دا شوتو كلو شمال يا خضر

هلا ياباوقة
وكدي بالله خلينا من الشوت شمال ولا جنوب
تعال بالله قول لينا المشروع الحضاري عليه الرحمة
كان الراي بتاعو الاستراتيجي في ماتش مع جكس زي ده شنو

Post: #7
Title: Re: يا زول ده جكس الفير ووول بتاعوعالي....!!!
Author: محمد عبد الماجد الصايم
Date: 04-26-2009, 12:21 PM
Parent: #3

الليلة مش الأحــد ولا أنا غلطان!

Post: #8
Title: Re: يا زول ده جكس الفير ووول بتاعوعالي....!!!
Author: elameen
Date: 04-26-2009, 12:36 PM
Parent: #7

اها يا كيكي قبلت على الجكس ... بس المحيرني
الباصات الاسكرو تعمل فيها شنو لا تقدر تشوتها
ولا تقدر تسبتها .... بجهج شديد يا اخوي
اكان ما كنت حريف وكده.

تحياتي

الامين

Post: #9
Title: Re: يا زول ده جكس الفير ووول بتاعوعالي....!!!
Author: Omar Bob
Date: 04-26-2009, 12:56 PM
Parent: #8

Quote: الليلة مش الأحــد ولا أنا غلطان!

لا انت غلطان يا عمك
الاحد ده عندكم في السعوديه اما هنا في الدوحه فما زال الويك اند طفلا يحبو

__________________________________________
منتظرين نتجه المباره يا كيكي

Post: #10
Title: Re: يا زول ده جكس الفير ووول بتاعوعالي....!!!
Author: محمد عبد الماجد الصايم
Date: 04-26-2009, 01:11 PM
Parent: #9

Quote: اها العجب خط الدفاع بتاعو... ياخي مرات تلقي الجكس طوووالي وعادي ملعب (خمسة في الدفاع).. تحاول وتتحرفن وتطلع الكورة علي الاطراف تلقي باكات زي السم والداشنق ده زي المطر...وكل هجمة والتانية ترجع بريال من اثر الخم علي طريقة (هو وكورتو)

واحد يصحي لينا أبو ساندرا يا جماعة!

Post: #18
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:51 PM
Parent: #10

Quote: واحد يصحي لينا أبو ساندرا يا جماعة!

ياعمك نووم قفا
ابو ساندرا ما بجيك بوست فيهو جكس وما ادراك ما جكس الا يوم الخميس
فعشان كده ما تغلب حالك ساكت هههههههه

Post: #17
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:49 PM
Parent: #9

Quote: منتظرين نتجه المباره يا كيكي

ههههه
هلا يابوب وحبابك ياخي
ويادوبك يا بوب احنا في ربع الساعة الاول من الماتش
جس نبض..ومعرفة استايل العدو ابو شعر (زي ما بقول خليل)
وشايف براااك دفاع الفريق بتاعنا مجهجه برا وبحرا ودفاعا..
ولكن الغريق لسع قدام...
وفي احتمال نسيطر علي الوضع تحت شعار
الرد الرد

Post: #16
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:45 PM
Parent: #8

Quote: اها يا كيكي قبلت على الجكس ... بس المحيرني
الباصات الاسكرو تعمل فيها شنو لا تقدر تشوتها
ولا تقدر تسبتها .... بجهج شديد يا اخوي
اكان ما كنت حريف وكده.

هلا هلا يا الامين
وفعلا كلام صاح
اي شي ولا الباص الاسكرو لانو مفاجي وسريع وبخلعك
وفوق لده بجهجه باكاتك الاثنين اللفت والرايت...
واهو يا الامين الليلة قلنا نقلب الحصة جكسوس علي خفيف وكدا

تحياتنا ياخي

Post: #15
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:39 PM
Parent: #7

Quote: الليلة مش الأحــد ولا أنا غلطان!

اها ياعمك بوب قال ليك
القصص لاتزال طفلا يحبو....
يادوبك بداية اسبوع... ومن الليلة بالله برمجني
وقرض لي في الاحد ده... علي الاقل اكون بعيد وعامل شخيت من خميس ابوساندرا العجيب داك

Post: #12
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:30 PM
Parent: #3

Quote: الكورة دي شايتها لي وين ياخ !

اوووه خضر مظاهرات (ههه)
ياحضر مش زمان كده في جلالة بتاعة جيش بتقول
انا ماشي نيالا او او...
اها الكورة ماشة نيالا او او

Post: #14
Title: Re: يا زول ده جكس الفير ووول بتاعوعالي....!!!
Author: خضر حسين خليل
Date: 04-26-2009, 01:38 PM
Parent: #12

يومنا ما جا يومنا ما جا
يومنا ما جا
بدون سلاح
صبيان صبيان فزيتو
السونكي ... الخ

خخخخخخخخخخ

والله يا كيكي مشتاقين لي حكاويك !
صاحبك عماد طلع من الناس الخدموا في قوة دفاع السودان وكدة
اتاريهوا البورد دة مليان كبارات

Post: #19
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 01:55 PM
Parent: #14

Quote: والله يا كيكي مشتاقين لي حكاويك !
صاحبك عماد طلع من الناس الخدموا في قوة دفاع السودان وكدة
اتاريهوا البورد دة مليان كبارات

هلا يا خضر
والله شوق السحابة ياخي
بس اخوك الايامات الفاتن ديل كان اخير منو ام عريس...
ويازول البورد ده لو بكري عمل فيهو هزاز وهزيت الجلاكين من ناس عماد وعصام جبرالله وكوجان ومن لف لفهم
حرم الغبار ما يديك الدرب....
جلكنة شديدة ومفاجئة ياخي ههههه

Post: #22
Title: Re: يا زول ده جكس الفير ووول بتاعوعالي....!!!
Author: ALZOLZATOO
Date: 04-26-2009, 02:02 PM
Parent: #19

ياكيكي هي المباراة في ارض الخصم ولا ارضكم

على العموم لو الجكس مصر يهزمكم في الملعبين

العبوا الحداشر في خط تمنطاشر

واطلعوا درون مافيها حاجة في النهاية جكس وانت الكسبان لووووووووووووول يكه

الكوتش زاتوووو

Post: #25
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 03:30 PM
Parent: #22

هلا هلا وحباب الكوتش زاااتو
ويبدو انو البوست غاب وجاب مدربين كبار ياخي..
ويا زااتو مع جهجه الباكات دي ما بتقدر تعرف الملعب ده بتاعنا ولا بتاع الجكس
ولكن كل العارفنو انو في مباراة رد رد..واحتمال تكون في السد هههههه
Quote: واطلعوا درون مافيها حاجة في النهاية جكس وانت الكسبان لووووووووووووول يكه

لوووووول يكه ونص والله...
ولقيتك كوتش اسطوري والله...
ياخ ما تجي تمسك لينا الهلال الراقد سلطة ده
ممكن يستفيد من نقلاتك الرهيبة دي ههههه

Post: #20
Title: Re: يا زول ده جكس الفير ووول بتاعوعالي....!!!
Author: khaleel
Date: 04-26-2009, 01:58 PM
Parent: #14

يا كيكي

خليك حريف والعب بطريقة

يا اللابس الكزاكة بحاور القوون معاكا

Post: #21
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 02:01 PM
Parent: #20

Quote: خليك حريف والعب بطريقة

يا اللابس الكزاكة بحاور القوون معاكا

اوووه
كوتش كبير ياخي ههههه
في اشاعة ياخلي انو التيم بتاعنا جايب
باولو متا مدرب الهلال الزمااااان داك...
وشعارنا الرد الرد

Post: #23
Title: Re: يا زول ده جكس الفير ووول بتاعوعالي....!!!
Author: اميمة مصطفى سند
Date: 04-26-2009, 02:03 PM
Parent: #20

Quote:
وكورتها تقعد تجدع في البصات ياكافي البلاء كندورة يقعد يتحير ويتمحن

كااااااااااااكـ بتاعة ود الصايم

يا خال الفكي مشى وين؟؟

والله عجبني فيك (وش شمتان)

Post: #24
Title: Re: يا زول ده جكس الفير ووول بتاعوعالي....!!!
Author: Elawad Eltayeb
Date: 04-26-2009, 03:11 PM
Parent: #23

Post: #27
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 03:43 PM
Parent: #24

هلا يا العوض
معقول من اول ربع ساعة كرت اصفر وتقفيل لعب وهجمات فريقنا كلها ماشة في الاوت...
ياريت يكون الكرت ده للتيم الاخر يا العوض عسي ولعل نباصر لينا كرت ثاني
عشان ممكن نقدم شكوي للفيفا ونكسب الجولة

Post: #26
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 03:36 PM
Parent: #23

Quote: كااااااااااااكـ بتاعة ود الصايم

يا خال الفكي مشى وين؟؟

والله عجبني فيك (وش شمتان)

اهاااا
جابت ليها جندرة وتمترس خلف تيم الجكس الرعديد
وده كلام يا بت اختي عليك الرسول...
بعد جهجهة باكات تيم ناس خالك كل شي وارد
فكي وتكديك كورة وارد
عنف ملاعب وفاولات برضو وراد
شغب ملاعب من الجمهور بتاعتنا برضو وارد...
تغير مدرب وادارة كلو وارد...

Post: #28
Title: Re: يا زول ده جكس الفير ووول بتاعوعالي....!!!
Author: khaleel
Date: 04-26-2009, 03:45 PM
Parent: #26

اهم شي

تعتلو من الفيس البوك

وتوديهو الماسنقر

بعد كدة ممكن نلعب ركلات ترجيح

كرع يا اقجي

Post: #29
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 03:51 PM
Parent: #28

Quote: اهم شي

تعتلو من الفيس البوك

وتوديهو الماسنقر

بعد كدة ممكن نلعب ركلات ترجيح

الماتش ده بعيد كل البعد يا ابو خليل عن مدارات الاسافير والانترنت العجيب ده..
وحاجة زاااتو خلت دفاعات فريقنا تجهجه من اول ربع ساعة مافي الا الانترنت القبلوس ده...
الرد الرد يا ابو خليل في فريق السد

Post: #30
Title: Re: يا زول ده جكس الفير ووول بتاعوعالي....!!!
Author: khaleel
Date: 04-26-2009, 03:56 PM
Parent: #29

Quote: الماتش ده بعيد كل البعد يا ابو خليل عن مدارات الاسافير والانترنت العجيب ده..
وحاجة زاااتو خلت دفاعات فريقنا تجهجه من اول ربع ساعة مافي الا الانترنت القبلوس ده

يا كيكي

كان كدي الحكاية فيها ملعوب

عليك بالهجمات المرتدة

Post: #31
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 04:17 PM
Parent: #30

Quote: عليك بالهجمات المرتدة

اها ياخلي تقول تلعب دفاع منطقة وتعتمد علي الهجمات المرتدة وتلعب ليك راس حربة فرفارة (كزرزر في زمانو ما زيو...وطبعا كزرزر ده احسن راس حربة في العالم انا شفتو..علي راس كل دقيقة بكون منفرد بالقون)..اها تعتمد علي مهاجم من طراز (كزرزر) وبعد تلتلة خط الوسط بتاعك يطلع ليهو باص صاح من (السنتر)...والراس حربة بتاعك
من الباص الطلع بالجلالة ده يلقي روحو هو والقون ويهرب من الرقابة المان تو مان بتاعة الاستوبر بتاع تيم الجكس..و فجاة تسمع (صفارة) شنو...؟؟؟قال تسلل واضح عند الضربة..وجمهورك يكورك التحكيم فاشل وانت تكورك التحكيم فاشل..وتضيع هجمة مرتدة تاني لو بركت ليها فكي ما تلقاها...

Post: #63
Title: Re: يا زول ده جكس الفير ووول بتاعوعالي....!!!
Author: داليا حافظ
Date: 04-27-2009, 08:15 AM
Parent: #31

Quote: و فجاة تسمع (صفارة) شنو...؟؟؟قال تسلل واضح عند الضربة..وجمهورك يكورك التحكيم فاشل وانت تكورك التحكيم فاشل

فعلا يا كيكي كنت متسلل .. خلي روحك رياضية وحاول تاني ..

Quote: جكس الفير ووول

ولا أقول ليك سيبك من ديل ..شوف جكس الفور وييل وجرب السفاري ..

.......................

إمكن تظبط

Post: #32
Title: Re: يا زول ده جكس الفير ووول بتاعوعالي....!!!
Author: doma
Date: 04-26-2009, 04:18 PM
Parent: #30

عجبني للمرقوت

Post: #33
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 04:24 PM
Parent: #32

هههه
يادوما ياخي لييه التعسف الاداري ده
ما تخليهو اصفر ياخي
ونوزع ثروة وسلطة الكروت الصفر في البوست ده
يكون كرت العوض لتيم وكرتك لتيم اخر...
وده تعسف وانحياز تام لقوي الظلام الجكسي

Post: #35
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 04:27 PM
Parent: #33

Quote: عجبني للمرقوت

ههههههه
المرقوت ده ما يغرك اللطيش الحصل ليهو في بداية المباراة ده..
اديهو شوية كده وتعالي اتفرجي في كورة المرقوت الماخمج
لمن يكرب الدفاع بتاعو ويدخل ليهو كم لاعب نص كده ويغير اللوك
والمدرب...

Post: #36
Title: Re: يا زول ده جكس الفير ووول بتاعوعالي....!!!
Author: حبيب نورة
Date: 04-26-2009, 04:30 PM
Parent: #33

عسل

Post: #38
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 04:36 PM
Parent: #36

Quote: عسل

هلا يا حبيب نورة..
والعسل صافي زي كورتنا مافي

Post: #34
Title: Re: يا زول ده جكس الفير ووول بتاعوعالي....!!!
Author: خالد عبد الله محمود
Date: 04-26-2009, 04:27 PM
Parent: #32

Quote: يا كيكي يا مستشارنا التجكيسـي

كيكي الواحـــد ده مستشاركم التجكيسي يا أحمد الشايقي ؟؟؟
ياخ ده أخير منو مستشاري البشير* !!

حكاية كيكي مع الجكس زي حكاية توم و جيري كل ما يعمل فيها حريف يآخد على راســـو ..

* توجد مستندات يا كيكي عشان ما تجي تغالط عامل راسكـ الكبير ده ..

Post: #37
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 04:34 PM
Parent: #34

Quote: كيكي الواحـــد ده مستشاركم التجكيسي يا أحمد الشايقي ؟؟؟
ياخ ده أخير منو مستشاري البشير* !!

حكاية كيكي مع الجكس زي حكاية توم و جيري كل ما يعمل فيها حريف يآخد على راســـو ..

* توجد مستندات يا كيكي عشان ما تجي تغالط عامل راسكـ الكبير ده ..

ههههه
التجاهل
التجاهل
التجاهل (اصلا مصطفي محمود كان بعملن ثلاثة)
ما لكورة قد اتو بل للتشكيك في مقدراتنا الاستشارية (داون داون دومة وخالد مافيا قانق)
...
اخد ليك جكةيا خالد وتعال احضر
الرد
الرد
عشاان تااااامن بالاستراتجية القومية الشاملة والكورة الحديثة

Post: #39
Title: Re: يا زول ده جكس الفير ووول بتاعوعالي....!!!
Author: أحمد الشايقي
Date: 04-26-2009, 05:28 PM
Parent: #37

Quote: شغب ملاعب من الجمهور بتاعتنا برضو وارد...

العب يا كيكي زي ما عايز تلعب,

أي عنكبة جمهورك تمام التمام,

والتحكيم معروف فاشـل, خلي دوما تشيل كرتها الاحمر داك وتشتت

ورينا جكس المنابر دا نتصرف معاه كيف ...

أحمد الشايقي

Post: #40
Title: Re: يا زول ده جكس الفير ووول بتاعوعالي....!!!
Author: Siham Elmugammar
Date: 04-26-2009, 05:41 PM
Parent: #39

Quote: [ يا كيكي

خليك حريف والعب بطريقة

يا اللابس الكزاكة بحاور القوون معاكا]

من اين اتى هؤلاء؟؟؟؟؟

والله كلام

يا كيكى والله ما عارفه بوستك ده شايت وين
لكن عملت ساتر احتياط كده :)
ياخ اشتقنا لد. مصطفى شديد
والله انا لما كنت اقرأ التجاهل بتاعتو دى بحس انها طالعة
من الحشا المهرود

Post: #41
Title: Re: يا زول ده جكس الفير ووول بتاعوعالي....!!!
Author: Rawia
Date: 04-26-2009, 06:01 PM
Parent: #40

Quote: واهو يا الامين الليلة قلنا نقلب الحصة جكسوس علي خفيف وكدا

شكلك فايق ورايق

الخوف كله يجي على دماغك
أنا في إتصالاتي بالجكس قالوا الموضوع مافيهو يامة أرحميني

Post: #45
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:08 PM
Parent: #41

Quote: شكلك فايق ورايق

الخوف كله يجي على دماغك
أنا في إتصالاتي بالجكس قالوا الموضوع مافيهو يامة أرحميني

راوية ..

ده ارهاب غربي اطلنطي امريكاني ولاشنو ياجماعة..
والجكس قولي ليهو ماعندنا معاهم كلام كثير
وقولي ليهوالحكاية فوضي ولاشنو
تغلبونا وترهبونا...
لا لا...الرد الرد بس

Post: #44
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:03 PM
Parent: #40

Quote: يا كيكى والله ما عارفه بوستك ده شايت وين
لكن عملت ساتر احتياط كده :)

هلاوغلا يا سهام
وحبابك والله
البوست لسع يا سهام علي نار هادئة ولسع يادوبك احنا في ربع ساعة الاولي من الماتش
ولسع الغريق قدام لذا نقول ونصرح كخبراء استراتجين سابقين الساتر واجب وطني هههه

Post: #42
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 09:57 PM
Parent: #39

Quote: والتحكيم معروف فاشـل, خلي دوما تشيل كرتها الاحمر داك وتشتت

ايوووه ابوحميد نطالب بشدة وكبك
ودوما بكرتها الاحمر ده هسع جهجهت باكاتنا زيادة...
ولكن رغم كل هذا وذاك مادين في السكة ورامين قدام
وشعارنا الرد الرد

Post: #43
Title: Re: يا زول ده جكس الفير ووول بتاعوعالي....!!!
Author: العوض المسلمي
Date: 04-26-2009, 10:03 PM
Parent: #42

[
Quote: B]أنا في إتصالاتي بالجكس قالوا الموضوع مافيهو يامة أرحميني

اها يا كيكي ما تجيب الهواء

بتقدر علي جنس دا ???

Post: #46
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:14 PM
Parent: #43

Quote: اها يا كيكي ما تجيب الهواء

بتقدر علي جنس دا ???

هلا يا العوض
وبينك وبينك القصة جابت ليها ارهاب وكباب
ولكن رغم كل هذا وذاك مواصلين في الماتش
وجاهزين جاهزين

Post: #49
Title: Re: يا زول ده جكس الفير ووول بتاعوعالي....!!!
Author: العوض المسلمي
Date: 04-26-2009, 10:17 PM
Parent: #46

Quote: وجاهزين جاهزين

وكمان بقيت بتاع شعارات!!!!!

Post: #56
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:54 PM
Parent: #49

Quote: وكمان بقيت بتاع شعارات!!!!!

هلا يا العوض
وسوري يا دوبك كحلت المداخلة حقتك
ويا العوض
الرد الرد دي ما شايفها انت يا اخوي ولاشنو,,.؟؟؟
احنا الشعار البكورك بيهو ريسنا بنمسك فيهو قوووووي

Post: #59
Title: Re: يا زول ده جكس الفير ووول بتاعوعالي....!!!
Author: العوض المسلمي
Date: 04-26-2009, 11:15 PM
Parent: #56

Quote: الرد الرد دي ما شايفها انت يا اخوي ولاشنو,,.؟؟؟
احنا الشعار البكورك بيهو ريسنا بنمسك فيهو قوووووي

بتضيعك يا كيكي

خليك مع شعارات الشعب وابعد عن الرئاسيه

Post: #47
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-26-2009, 10:14 PM
Parent: #43

والله يا كيكي الفريق دة لو كان الهلال زاتو
انا غايت بتهزم امامه ياخ
القرمبوز دة ياخي يخلي الزول يجلي الكور ساكت
والعجب لو كمان قليبك خفيف زينا كدة
يمين بدل تشوت الكورة لي قدام تجيب قون في نفسك
دة فريق بطال ياخ

Post: #50
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:23 PM
Parent: #47

Quote: والله يا كيكي الفريق دة لو كان الهلال زاتو
انا غايت بتهزم امامه ياخ
القرمبوز دة ياخي يخلي الزول يجلي الكور ساكت
والعجب لو كمان قليبك خفيف زينا كدة
يمين بدل تشوت الكورة لي قدام تجيب قون في نفسك
دة فريق بطال ياخ

اوووه رائد اركلوجيا العذابات والليل والنقرشة ياخي
وبيني وبينك ايي الفريق بطال وعجيب لمن غلط وتيمو مكرب دفاع وهجوم وخط نص وكورتو تقول يا ليل
ووقع في صحبك تاااح تراااح قطع لينا كورتنا في راسنا من اول ربعة ساعة...
ورقد دفاعنا سلطة لحقو لينا دفاع المريخ زماااان وحسسسسسسسع كمان هههه..
لكن يا طارق اودي وشي وين من ناس فريق زنقو لو الماتش ده مشي كده وخالك ملبع ومطلش كده
فعشان كده من الصبااااح بكرة جابين لعيبة جدد ومدرب جديد وعايدين للملاعب باذن الله تحت شعار
الرد الرد...
ولازم تيم الجكس ومن لف لفه يعرف حاجة حاجتين كده

Post: #48
Title: Re: يا زول ده جكس الفير ووول بتاعوعالي....!!!
Author: شادية عبد المنعم
Date: 04-26-2009, 10:16 PM
Parent: #1

لكن بالغت في دي يا كيكي

ياخ أنا قلت أتاوق يمكن افهم حاجة

على أي حال ما بين السطور وضعك بائس وأسمع كلام راوية وعدل مسار البوست يمكن يعدل معاك

تحياتي

Post: #51
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:28 PM
Parent: #48

Quote: لكن بالغت في دي يا كيكي

ياخ أنا قلت أتاوق يمكن افهم حاجة

على أي حال ما بين السطور وضعك بائس وأسمع كلام راوية وعدل مسار البوست يمكن يعدل معاك

هلا يا شادية وحبابك
ومافي شي يا شادية ما بين السطور...بل هي مشاهد وتلاقيط مثلها ومثل الكثير من الحكايات التي ناتي بها الي هنا عشان نتونس معاكم فيها...
والبوست لسع في مرحلته الاولي من ثلاثة مراحلة يعني لسع حاجات كثيرررررر جاية لورا
وانا مبسوط ان القصة استوطنت حتي الان والمرحلة الاولي من الحدوتة مرت ...فغدا حواداث وحديث اخر في حكايات ماتش الفير وول العالي...
كوني بخير

Post: #52
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-26-2009, 10:33 PM
Parent: #48

Quote: اوووه رائد اركلوجيا العذابات والليل والنقرشة ياخي
وبيني وبينك ايي الفريق بطال وعجيب لمن غلط وتيمو مكرب دفاع وهجوم وخط نص وكورتو تقول يا ليل
ووقع في صحبك تاااح تراااح قطع لينا كورتنا في راسنا من اول ربعة ساعة...
ورقد دفاعنا سلطة لحقو لينا دفاع المريخ زماااان وحسسسسسسسع كمان هههه..
لكن يا طارق اودي وشي وين من ناس فريق زنقو لو الماتش ده مشي كده وخالك ملبع ومطلش كده
فعشان كده من الصبااااح بكرة جابين لعيبة جدد ومدرب جديد وعايدين للملاعب باذن الله تحت شعار
الرد الرد...
ولازم تيم الجكس ومن لف لفه يعرف حاجة حاجتين كده

كيكي يا زعيم حبوكانات فريق وراء
ياخي انا غايتو لو كنت لاعب معاك عديييييييييييل
بشجع فريق الجس
هزيمة هزيمة
فضيحة فضيحة
ههههه
غايتو انا وابكر جكس دة ما تضمنا
ههههه

Post: #53
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:37 PM
Parent: #52

Quote: غايتو انا وابكر جكس دة ما تضمنا

عاد ده كلام يا طارق
حالتي انا قافل علي ابكر جكس ده بكرة العبو راس حربة
تطلعو انت وهو الاثنين مواسير هههه

Post: #55
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-26-2009, 10:40 PM
Parent: #53

Quote: عاد ده كلام يا طارق
حالتي انا قافل علي ابكر جكس ده بكرة العبو راس حربة
تطلعو انت وهو الاثنين مواسير هههه

شوف يا هندسة
غايتو تلعبنا ضد ابو ساندرا ولا عصام جبر الله
بنجضمهم ليك جضيم قبورة
لكن الجكس والله نرقد ليك خل جنبو
الهزيمة منه زاتها انتصار ياخ
هههههههههه

Post: #57
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 10:59 PM
Parent: #55

Quote: شوف يا هندسة
غايتو تلعبنا ضد ابو ساندرا ولا عصام جبر الله
بنجضمهم ليك جضيم قبورة
لكن الجكس والله نرقد ليك خل جنبو
الهزيمة منه زاتها انتصار ياخ

هههههههه
والله يا طارق يا اركلوجيا
لقيتك راقد بريش... وكلامك ده زاااتو البخلي الجكس ياكلنا ههههه
ولكن رغم كل هذا وذاك لابد من الدرش واستعادة السيطرة علي المباراة وتلقين ذلك الجكس الرعديد
فن من فنون التيوة...
لا تفاوض
لا استسلام
لا اي حاجة يازول ...

Post: #54
Title: Re: يا زول ده جكس الفير ووول بتاعوعالي....!!!
Author: Rawia
Date: 04-26-2009, 10:39 PM
Parent: #52

Quote:
على أي حال ما بين السطور وضعك بائس وأسمع كلام راوية وعدل مسار البوست يمكن يعدل معاك

قولي ليهو النبي ياشادية
والله هو يسمع كلام راوية يكسب

__________
كيكي عدل مسار البوست خلي الدامة ترضى عليك(نفسي في وش مادي لسانو هنا في الحتة دي)

Post: #58
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-26-2009, 11:06 PM
Parent: #54

Quote:
قولي ليهو النبي ياشادية
والله هو يسمع كلام راوية يكسب

__________
كيكي عدل مسار البوست خلي الدامة ترضى عليك(نفسي في وش مادي لسانو هنا في الحتة دي)

شايف في تحالف جكسي صهيوني ما بين السطور بين شادية وراوية..
ولكن (نو ووووي ) ياراوية ...وقالو لن ترضي عنك الجكسوس والنصاري حتي تسمع كلامهم وتغيير مسار البوست...
والبوست ده ماشي كوووويس ...مالو حسع عيبو لي..؟؟ هههه
وعارفكم عايزات تلمن الموضوع علي التلطيشة الحصلت في ربع ساعة الاولي
ولكن الكورة (كروفر) ..ولاصوت يعلو علي نغمة الرد الرد

Post: #68
Title: Re: يا زول ده جكس الفير ووول بتاعوعالي....!!!
Author: شادية عبد المنعم
Date: 04-27-2009, 08:32 AM
Parent: #54

كتب طارق جبريل:

لكن الجكس والله نرقد ليك خل جنبو
الهزيمة منه زاتها انتصار ياخ

عليك الرسول يا راوية مش؟؟

النبي شوفي جنس العقل ده

عاد يا طرق جبريل نجيبك حارس مرمى عديل

أما أنت يا كيكي خليني من مخك الفي محلو

Post: #70
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:41 AM
Parent: #68

Quote: أما أنت يا كيكي خليني من مخك الفي محلو

مخي بيني وبينك فعلا خرباااااان
الاقوان الدخلت مرمانا في البداية دي ما اقوان نصاااح
عشان كده المخ كلو كلو ما حلو..
حتي نرد الصاع صاعين...

والليلة يا شادية مش لو وقفتو طارق جبريل حارس مرمي
لو لعبتو حامد بريمة مافي ليكم طريقة اصلا غير الهزيمة واستعدة مقاليد سلطة وثروة المباراة

Post: #60
Title: Re: يا زول ده جكس الفير ووول بتاعوعالي....!!!
Author: شادية عبد المنعم
Date: 04-27-2009, 00:01 AM
Parent: #48

مرحبتين حبابك
شنو يا كريم
مخك ما يمشي لبعيد

أديني الو ضروري لموضوع مهم عايزة فيهو بورداب الدوحة بربطة معلم
ممكن افوضك بعد التشاور معاك

ياخ اسة البوست ده كورة ولا جكس
عشان أنا الكورة والكتشينة ما لي فيهم

Post: #61
Title: Re: يا زول ده جكس الفير ووول بتاعوعالي....!!!
Author: Omar Bob
Date: 04-27-2009, 07:56 AM
Parent: #60

ازيك يا شاديه

Quote: ياخ اسة البوست ده كورة ولا جكس
عشان أنا الكورة والكتشينة ما لي فيهم

افهم من كده انو ليك في الجكس يعني
عشان ما يتلخبت علينا الاخنساس وكده

______________________________________
بلاي انتي وراويه احفظو نصايحكم دي لنفسكم
وراويه دي مش امبارح القريبه دي كانت بتفتي في السخينه في بوست عماد عبد الله بالله واصلي في موضوع السخينه
وخلو كيكي يفضفض لينا هنا اصلو البيعمل فيه ده فرفره مذبوح ولمن تجيهو الحاله دي داوها الوحيد كتابتو البعمل فيها دي
الزول ده نحنا محتاجيين ليهو شديد اليومين الجايات ديل عشان كده عاوزنو يتعالج لينا سريع سريع فما تقعدو تكسرو ليهو مقاديفو باسمع نصحيتي وغير مجري البوست
وغبر مجري النهر وما ادراك

Post: #64
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:19 AM
Parent: #61

Quote: بلاي انتي وراويه احفظو نصايحكم دي لنفسكم
وراويه دي مش امبارح القريبه دي كانت بتفتي في السخينه في بوست عماد عبد الله بالله واصلي في موضوع السخينه
وخلو كيكي يفضفض لينا هنا اصلو البيعمل فيه ده فرفره مذبوح ولمن تجيهو الحاله دي داوها الوحيد كتابتو البعمل فيها دي
الزول ده نحنا محتاجيين ليهو شديد اليومين الجايات ديل عشان كده عاوزنو يتعالج لينا سريع سريع فما تقعدو تكسرو ليهو مقاديفو باسمع نصحيتي وغير مجري البوست
وغبر مجري النهر وما ادراك

ايووه يا بوب كلمهم بالله راوية وشادية ديل
ما يخربو لينا الترافس ده ويشكبونا غير المسار المسار..
نقوم كمان نخش في مسار تاني ونخلي تيم الجكس ده مسيطر علي الماتش وغالبنا ديشليون صفر...
حاضرين يا بوب وماسكين مسارنا قووي ولن نحيد قيد انملة...
الرد الرد المسار المسار هههههه
(وبيني وبينك الحالة فعلا سعبة والله يستر علي الترافس ده ما يطق..ونبقي في امسكوا المساح اقبضو المساح ) ههههه
ومواصلين

Post: #62
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:14 AM
Parent: #60

Quote: مرحبتين حبابك
شنو يا كريم
مخك ما يمشي لبعيد

هلا يا شادية
ومخي قااااعد مع مشي بعيد
انا عارفك انتي وراوية عاوزتنو يمشي بعيد عشان يفك خارطة الطريق من مسار البوست ده...
ولكن (نووو ووووي اوت)..
ورامين قدام في المسار...بمخ ومخيخ ههه

حاضرين يا شادية وبجيك الالو قبل ان يرتد طرفك...
ومعقولة يا شادية لا كورة ولا كوشتنية الاثنين معا..
طيب الجكسسسسسسس كيييييييف ههههه

Post: #65
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:22 AM
Parent: #62

Post: #66
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:26 AM
Parent: #65

ايوووووووه....
القصة بانت ولاحت من ربع ساعة السابق والماحق بانو هذا التيم الجكسي (مو هين تب) ..خطوط لعب مكتملة وتيم مافيهو غيابات
وحضور كامل لكل لعبيته الاساسيين وتركيز وحضور ذهني عند الهجمة والدفاع مع وجود فنيات عالية في منطقة (وسط الملعب)...!!!
وظاهر انو الجكسوس الجاسوس ده مدرب علي اجواء المباريات التي تجري تحت اجواء ضاغطة وجمهور عدائي زي الجمهور بتاع
تيمي الانجيلزي....بجانب ملاحظة امتلاكه لمدرب قدير قادر علي قراءة مجريات اللعب والاستفادة منها وادارة الماتشات....
ايووووه القصة كده....!!!!!
وعشان كده واقع فينا تاااح تراااح وتقفيل اللعب سماء وارض...والغريبة كمان بعد مرات بعمل فاولات تكتيكية...!!!!
لالالالا...!!!
اذن انها لحظات لابد من حضور المدرب القدير (عمر حنان) وحتمية جلوسه علي كنبة ودكة التدريب في الاستاد لادارة الازمة دي (وبالله كوسو لينا عمر حنان ده من وين وين وخليهو يجي حسسسسسع دي)...وكمان لازم الكنبة بتاعة الاحتياطي تقوم تسخن كلها...ويلا يا عباس (مقصات) و(عثمان رندوق) عيسي (كتوت)
(وادريس دامة) وعمر جكس رغم مشاكلو مع الادارة الا انو ده (يومو تخيل) ودي ماتشاته النوعية البعرف يجضم ليك الكفر ده ويخليهو يكورك زي المزيكة ويرقص ليك المساطب الجنوبية و الشمالية ويرقص الجكس زاااااااااتو لمن ياااامن وفي الليلة الظلماء يفتقد البدر....!!!!

Post: #67
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:30 AM
Parent: #66

فضيحة تاريخية كون تيم في كشوفاته لاعب اسطوري زي عمر جكس يتلطش ويتبهدل ويشرب موية وما يروي ويمشي بحر الماتشات ويجي عطشان (وجرايد فريقنا تكتب اطلقوا سراح عمر جكس...لا لا لايقاف عمر جكس... انقذوا الفريق باطلاق سراح ابوعمار جكس)
والمانشيتات تتطاقش من اجل عودة عمر جكس الي موقعه الطبيعي في منطقة الوسط وانقاذ التيم من الحالة الكارثية ومن الاقوان التي
انت الجوالات والكراتين من حملها ورقدت هبطرش في الماتش الاولاني في الزمن الفلاني.......!!!!!
حضور المدرب الاسطوري (عمر حنان) وبجانب المدافع الاسطوري عثمان رندوق وعيسي كتوت ووعباس مقصات في الهجوم اعطي التيم شكل اخر وخاصة بعد عودة الاسطوري والتاريخي عمر جكس الي العمل في منطقة وسط الملعب حيث يجد ابو عمار راحته واستراحته
في مبارياته مع الفرق الاخري,,, وسال لعابه وعادت اليه فورمته سريعا بعد التوقف عندما علم بان الماتش مع (تيم جكسوسي) وده الماتش المفتش عليهو (عمر جكس) من زماااااان وسبب اساسي من مشاكله مع الادارة كان عدم تواجد مباريات وماتشات جكسية في برمنامج الفريق لسنين عديدة منذ اخر ماتش قبل كم سنة كده...فكان شعاره الذي رفعه وبعدها غادر الفريق غاضبا ( مافي ماتشات جكسية مافي عمر جكس)....!!!

Post: #69
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 08:35 AM
Parent: #67

تمرين تمرينين علي خفاف وسط النجيلة الخضراء ومكوية كانن كافيات لجعل ابراهيم (مندلين ) يطلق اغنيته الشهيرة (ياتيم بسحروك ليا).... وجضم المدرب عمر حنان في تلك التمارين الشاقة الية عمل الهجوم الضاغط واللعب بالاطراف ومهارات تهديف من خارج خط 18 وتدريبات علي شوت الكور الثابتة...وكمان عمل تمارين بلنتيات ففي محاضرته الشفاهية صرح بان تيم الجكس ده ما مضمون فاحتمال كبير الكورة تطلع درون والحكم ينادي بشوت بلنتيات...(واها يا وهم نودي وشنا وين تاني من الفرق الرعديدة الاخري)...وانا كعمر حنان عمري العامر في الملاعب ما خسرت بلنتيات اجي علي اخر عمري اخسر بلنتيات ومع منووووووو مع تيم جكسوسي ....لالالالالا... ودور ليك تمارين بلنتيات زي الورد وبكل فنون البلنتيات ومنذ ان قال الخواجة جووون شووتو بلنتي
وترمي حارس الجكس بالشمال وتهدف باليمين وترميه باليمين وتشوت بلنتيك بالشمال... حارس الجكس يقع في الواطا تشوت ليهو في التمنيات وهكذا دواليك.... تدريبات بلنتيات زي السم....!!!
ولسان حال كل التيم هو (الرد الرد) ماتش الرد.....!!!

Post: #71
Title: Re: يا زول ده جكس الفير ووول بتاعوعالي....!!!
Author: اميمة مصطفى سند
Date: 04-27-2009, 08:52 AM
Parent: #67

Quote:
ويمشي بحر الماتشات ويجي عطشان

وووووووووب عليك يا خال

غايتو كان بقت على كده هينة ومقدور عليها

العوجة جكسيك يخليك تطلع من بيتك

تسأل على عنوانو

ووووووووووب بتاعة أميرة الشيخ تاني

قلوبنا معاك

Post: #72
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 09:13 AM
Parent: #71

Quote: العوجة جكسيك يخليك تطلع من بيتك

تسأل على عنوانو

هلا هلا باميمة
وبيني وبينك جكس الزمن ده زي الثعلب وكل شي وارد ومامضمون
ولكن مع الترميمات العملناه في التيم بتاعناوحضور اللعيبة الكبار
تاني خوف مافي تب قريبات دي
وجاهزين جاهزين

Post: #73
Title: Re: يا زول ده جكس الفير ووول بتاعوعالي....!!!
Author: اميمة مصطفى سند
Date: 04-27-2009, 09:22 AM
Parent: #72

دي ورشة العمل البتقعد ليها مع مشمشك

وكاااااااااااااكـ

Post: #74
Title: Re: يا زول ده جكس الفير ووول بتاعوعالي....!!!
Author: khaleel
Date: 04-27-2009, 09:24 AM
Parent: #73

الجكس المعصلج

يضرب بجكس تاني

حسب افادات خبير الغرام تاج السر حمد

Post: #75
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 10:10 AM
Parent: #74

Quote: فعلا يا كيكي كنت متسلل .. خلي روحك رياضية وحاول تاني ..

ولا أقول ليك سيبك من ديل ..شوف جكس الفور وييل وجرب السفاري ..

.......................

إمكن تظبط

ياااا داليا
معليش ياخي
ويبدو انو مش انا المتسلل لكن مداخلتك هي المتسللة ويا دوبك مدربنا الدولي (عمر حنان) شافها حسسسسع دي...
وبعد الترميمات واللعيبة الاسطوريين النزلناهم الاسواق ديل يا داليا مافي خووف تاني
فور وييييل وفور ووووووول.. فور او فور كلو حناخد منو حق غلبنا في الماتش السابق كاش ونقلل النقاش

Post: #77
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 10:19 AM
Parent: #74

Quote: الجكس المعصلج

يضرب بجكس تاني

هلا هلا بالخبير خلي..
وياخي ما نعمل ليك جلسة عمل مع المدرب (عمر) قبل الماتش
تديهو نقلة نقلتين بصفتك خبير سابق هههه

Post: #76
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 10:14 AM
Parent: #73

Quote: دي ورشة العمل البتقعد ليها مع مشمشك

هي ورشة عمل بس..
ده موتمر حوار اديان عديل كده..
واكاديمية علوم جكسية...
ومشمش

Post: #78
Title: Re: يا زول ده جكس الفير ووول بتاعوعالي....!!!
Author: انعام عبد الحفيظ
Date: 04-27-2009, 11:09 AM
Parent: #76

كيكي ياخي مبالغة بقرا من قبيل وبضحك على المناورات دي!!!

ـــــــ
عفيت منهن ههههههههههه

Post: #79
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 01:17 PM
Parent: #78

Quote: عفيت منهن ههههههههههه

اووووووه انعام
مبسوطة شديد مش كده ههههه
كويس اصبرو لينا كويس
وماهمانا مادام عمر جكس معانا

Post: #80
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 01:27 PM
Parent: #79

تعليمات مدربنا الخبير الدولي (عمر حنان) واضحة... كورة واطا ..تفقيل لعب ومراقبة مان تومان مع المباغتة والانقضاض ويستحسن وجود بعض العنف القانوني و (الغير قانوني بعيدا عن اعين الحكم ودومة لووووووووول)...وحذاري من الفاولات القريبة من خط ستة..لانو اي فاول في هذه المنطقة الجكسوس قادر علي ادخاله قووون..
وايضا اولي الترتيبات الادارية قام تيمنا بتغير لون الفنايل من الازرق الي الاخضر بلومي رمز المحنة ولزوم تمويه الخصم حتي يشوف الفنايل الخضراء نجيلة نجيلة اصلو جكس الزمن ده جنو نجائل وخمائل والخطة الاستراتجية القصيرة المدي كما افاد الاسطوري( عمر حنان)... دايرين يا شباب ثلاثة اقوان في اول ربع ساعة وبعد داك متعوا لينا الجماهير الانجليزية دي في الاول وخلو الجكسي يقهي في كورتكم ويااااااااامن زاااتو...!!!!!

Post: #81
Title: Re: يا زول ده جكس الفير ووول بتاعوعالي....!!!
Author: سلمى الشيخ سلامة
Date: 04-27-2009, 02:21 PM
Parent: #80

يا فردة
شنو ياخ؟مقوم نفسك كدى من اول فاول؟
ياعمك سئل احدهم ماهى اهم حاجة فى الدنيا؟
فقال
ـ تلاته ، الجكس ، الجكس ، الجكس
بالمناسبة الكلمة دى سمع اضانى بقولوها للبنات فى بلاد العم سام
يعنى هسى تجيك جكسوية امريكية تخلى الربع ساعة بتاعتك دى ثانية
الليلة ووووووووووب
احكى ليك قصة الليلة وووب دى ولا بودوا ليك البوست الخور؟
لا ياخ خلينا منها بحكيها ليك على جنب فى المسنجر
لكين بالجد الليلة ووووووووب وسجمنا كمان
غايتو الواحد لمن يتشوكش احسن ينستر
Quote: تعليمات مدربنا الخبير الدولي (عمر حنان) واضحة... كورة واطا ..تفقيل لعب ومراقبة مان تومان مع المباغتة والانقضاض ويستحسن وجود بعض العنف القانوني و (الغير قانوني بعيدا عن اعين الحكم ودومة لووووووووول)...وحذاري من الفاولات القريبة من خط ستة..لانو اي فاول في هذه المنطقة الجكسوس قادر علي ادخاله قووون..

ما تعملا ظاهرة كدا
مش؟

Post: #82
Title: Re: يا زول ده جكس الفير ووول بتاعوعالي....!!!
Author: أحمد الشايقي
Date: 04-27-2009, 03:42 PM
Parent: #81

Quote: والخطة الاستراتجية القصيرة المدي كما افاد الاسطوري( عمر حنان)... دايرين يا شباب ثلاثة اقوان في اول ربع ساعة وبعد داك متعوا لينا الجماهير الانجليزية دي في الاول وخلو الجكسي يقهي في كورتكم ويااااااااامن زاااتو...!!!!!

تمام يا عمك علم,

بس ياخي شوف ليك ثيرد باك مســاك كدا يراقب نوع ناس سلمى الشيخ دي ...

أحمد الشايقي

Post: #83
Title: Re: يا زول ده جكس الفير ووول بتاعوعالي....!!!
Author: سلمى الشيخ سلامة
Date: 04-27-2009, 03:49 PM
Parent: #82

Quote: بس ياخي شوف ليك ثيرد باك مســاك كدا يراقب نوع ناس سلمى الشيخ دي ...

يا مولانا احمد
مالنا يا خوى ؟
الكلام دا ختييييييييييييير
ختير جدا
والجكس الزمن دا صعب ياعلى
ما داير ثيرد باك وبس
داير حاجات تانية وكدا اهمها الحكم يكون ما متعصب جندريا حلوة دى؟
وعلى فكرة "بشوت ضفارى"
لكن الشوته ما بتدق فى العارضة الضربة طوالى قوووووووووون
لا كورنر ولا تماس
قون عدييييييييل
شفتا كيف؟
شفتا كيف مش؟

Post: #85
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 04:17 PM
Parent: #82

Quote: بس ياخي شوف ليك ثيرد باك مســاك كدا يراقب نوع ناس سلمى الشيخ دي ...

هلا ياعمك
وبيني وبينك نزول استراتجية زي سلمي الشيخ بتخلي الجهاز الفني بتاعنا كلو يتراجف ويحاول يسد الثغرات
لانو سلمي دي لو داست ابنص في البوست ده ياااانا الراجعين الي مربع صفر حيث الكورة كانت مقطعة لينا في راسنا...
لكن للضمان كده حنرجع عمر جكس دفاع ونخليهو يساكك الهجمات المرتدة المتوقعة مع حضور سلمي الشيخ دي

اصلا زول كوبي وحربي تاني مافي غير عمر جكس ده
الباقين كلهم اخير منهم دكتور طارق جبريل

Post: #84
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 04:11 PM
Parent: #81

Quote:
يا فردة
شنو ياخ؟مقوم نفسك كدى من اول فاول؟
ياعمك سئل احدهم ماهى اهم حاجة فى الدنيا؟
فقال
ـ تلاته ، الجكس ، الجكس ، الجكس
بالمناسبة الكلمة دى سمع اضانى بقولوها للبنات فى بلاد العم سام
يعنى هسى تجيك جكسوية امريكية تخلى الربع ساعة بتاعتك دى ثانية
الليلة ووووووووووب
احكى ليك قصة الليلة وووب دى ولا بودوا ليك البوست الخور؟
لا ياخ خلينا منها بحكيها ليك على جنب فى المسنجر
لكين بالجد الليلة ووووووووب وسجمنا كمان
غايتو الواحد لمن يتشوكش احسن ينستر

اووووه الخبيرة الاجنبية والاستراتجية سلمي سلملم
ووينك يازولة ياخي ووين اراضيك...
واها براااك شايفة الجكس ابو (عييينات )ههه لما فينا من اول ربع ساعةو تاح تراااح رقد دفاعنا سلطة
ولكن سرعان ما افقنا وغيرنا اللوك بتاع التيم العامل وحالفين الليلة نلحق الجكس ده غنم زهرة ونسدا كاش ونقلل النقاش....
اسمعيني الجكس الامريكاني البقلب الدقائق ثواني بالله ماتطري قدام ناس عمر جكس ديل مع باقي اليوم ده تلقيهم
فووووووو في جووه امريكا دي لا انفلونزا خنازير حتوقفهم ولا انفلونزا حمام زاااااتو...ههههه
حكاية الليلة وووب دي سال من لعابنا الدهب وجالسين القرفصاء في انتظار الماسنجر..
وشاكوس ده صعب خالك ياخدو بالساهل تاني في وجود المدرب القدير (عمرحنان) ده ههههه

Post: #86
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 04:55 PM
Parent: #84

اها يا زول ماتش الرد بدا والرد الرد..
وتيم الجكس ياهو زاااتو تيم الجكس السابق في كامله عدته وعداده..ومافي تغيير في التشكيلة بس غير اللوك
وشي كعب عالي كيف كيف(حليل زمن الكدرات والكدايس المسمة)..وشي ميك اب كيف كيف وشيتن روج وثياب سادة وثياب ربط ويازول الجكس ده خمج سوق (اللوك ) ده خمج شديد جدا...(ولاتعرف القصة حفلة ولا شنو ولاشنو)..وشي كوافير وشي منكير وشي بلاوز (مش بلوزة...ياكافي البلا البلوزة زاااتها دلعوها وجننوها وسموها بلاووز..بلاووز لا بالله شوفو البلاوز منكم منو الليلة والرد الرد) ..تلفتت للجناح اللفت تلقاها عاملة كريم كيلي وتتاوق للجناح الرايت تلقاها رابطة حجاب لندن تكشف للاستوبر تلقا العباية السوداء ومعها قفازات في اليد... يازول الله يستر ساكت ويعدي الماتش ده علي سلام
جكس يازول لبسو زي حلاوة مولد اشكال والوان (ما بختكم التحكيم والاتحاد الدولي زاااتو معاكم والبسالكم انتو يسالو الله)

Post: #87
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 05:00 PM
Parent: #86

واها الماتش دور علي صفيح ساخن ومن اول الدقائق الكيشة عمر رندوق واخريين تلاحظ عليهم بوادر السرحان والخروج من اجواء المباراة اصبحو مقهين في الجكس وناسين ليك حنان الكورة زااتو... وبدل الباصات البنينة التي دربهم عليها الكوتش وتعب فيها تعب السنيين اصبحنا نسمع بدل كل ذلك ( بالله شوف العيون دي كيف,,!!!) وبالله كحل للخدرة الدقائق ديك كيف... وبالله اعملي لي مس كول...لينفتح مرمانا علي مصراعيه ونستقبل هدف قاتل في زمن قاتل من جكس قاتل...!!!
ورغم محاولات عمر جكس الجادة للتهديف عبر شوتات ضرب جلها في الحديدة الا ان الجكس استطاع فرض سيطرته علي مجريات المباراة بفعل عمايل ناس رندوق الذين (قدو الشغل) وتركو قارب المباراة بدون انضباط تكتيكي ووش كرتوني درب ونصح به المدرب الخبير كثيرا

Post: #88
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 05:03 PM
Parent: #87

وقوف قلق وغاضب علي خط الميدان من المدرب (عمر حنان) الذي قد يكون كمل في ذلك الماتش زي اربعة علبة سجائر برنجي
ليسحب (رندوق) واخريين ويضخ في الفريق مياه ودماء حارة..ناس قدوم حجر وعباس فقري.. كريم وش كرتون...
ليعود الي الفريق انضباطه التكتيكي وعينك تاني ما تشوف الا النور وعمر جكس بهدف...وقووون.....!!!
تفقيل لعب ومحاصرة الجكسوس في نصف ملعبه وتييف تيييييف وعمر جكس ..وقووون...!!!
ويا سلام عليك يا عمر جكسوس يا الما شغال شغلة ببوادر الانبراشة عندما يصيح الجكس وهو يتلقي الاهداف الواحد والتاني
وهو يصيح ( يخسسسسي عليك يا عموري)...!!!
عموري... عموري بتاع فنيلتكم امااال في الماتش الفات عاملات لي فيها ريال مدريد وبرشلونة واساسونا وعاملات فيها ريال بيتيز. ليييييييه.!!!!

Post: #89
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-27-2009, 05:13 PM
Parent: #88

Quote: كتب طارق جبريل:

لكن الجكس والله نرقد ليك خل جنبو
الهزيمة منه زاتها انتصار ياخ

عليك الرسول يا راوية مش؟؟

النبي شوفي جنس العقل ده

عاد يا طرق جبريل نجيبك حارس مرمى عديل

أما أنت يا كيكي خليني من مخك الفي محلو

خلاص يا شادية والله انا ذاتي الرجال ديل بطني طمت منهم بي الله واحد
وحاتك احرس ليكم المرمى دة لو كيكي دة جاب ميسي راس حربة
علي اقلم ليك رجلينو ديل زي كسير الطلح

هوي يا كيكي انا اشتريت عقدي من تيمكم دة وبقيت حر
ياخي تيم كله رشاشات شي عصام جبر الله وشي ابو ساندرا
وشي عامر تيتاوي وشي بهاء طوكيو وشي عماد عبد الله وشي هواري
وشي ود الصائم وشي ود البشرى
ياخي دة تيم ولا عرديب
قوموا لفوا

Post: #90
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 05:31 PM
Parent: #89

Quote: هوي يا كيكي انا اشتريت عقدي من تيمكم دة وبقيت حر
ياخي تيم كله رشاشات شي عصام جبر الله وشي ابو ساندرا
وشي عامر تيتاوي وشي بهاء طوكيو وشي عماد عبد الله وشي هواري
وشي ود الصائم وشي ود البشرى
ياخي دة تيم ولا عرديب
قوموا لفوا

ههههه
يا طارق الكلام ده بدينك في الفيفا.. وتقيف حارس للجماعة ديل
شكوتنا جاهزة ومن حسع اعتبرها مقدمة...
وبعدين ياخي ماتسمع كلام شادية ده الجكس ده تمشي ليهم في تيمهم صدقني
الكورة من بره ما يخلوك تجيبها ليهم هههههه
فعشان كده خليك معانا يا مان ومن حسع اعتبر نفسك مدير اركلوجيا الماتشات العذابية
اها قصرنا معاك

Post: #91
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-27-2009, 05:46 PM
Parent: #90

Quote: فعشان كده خليك معانا يا مان ومن حسع اعتبر نفسك مدير اركلوجيا الماتشات العذابية
اها قصرنا معاك

اركلوجيا الماتشات العذابية دي لو ما بقى فيها قرمبوز شن طعمها ياخ
ههههههههههه

Post: #92
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 06:02 PM
Parent: #91

Quote: اركلوجيا الماتشات العذابية دي لو ما بقى فيها قرمبوز شن طعمها ياخ

والله ياطارق وبيني وبينك و تحت تحت كده كلام منطططططق وصاااااح
والاركلوجيا بدون قرمبوز ماليها طعم...واخير عدمها زاااتو
لكن كمان القرمبوز يهدي اللعب وما يعمل فيها مجنون يااااخي ولاشنو ..؟؟
(الكلام ده اعتبرني قلتو ليك بالماسنجر واعمل نايم بالله) يقوم الكوتش كمان يطلعني من التشكيلة
بدواعي اصابة ملاعب هههههه

Post: #93
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-27-2009, 06:07 PM
Parent: #92

Quote: والله ياطارق وبيني وبينك و تحت تحت كده كلام منطططططق وصاااااح
والاركلوجيا بدون قرمبوز ماليها طعم...واخير عدمها زاااتو
لكن كمان القرمبوز يهدي اللعب وما يعمل فيها مجنون يااااخي ولاشنو ..؟؟
(الكلام ده اعتبرني قلتو ليك بالماسنجر واعمل نايم بالله) يقوم الكوتش كمان يطلعني من التشكيلة
بدواعي اصابة ملاعب هههههه

ههههههههههههههههههههههههههههههههههههههههههههههههههههههههههههههههههههه
ما قلتوا نوبة
دة بس أسان تآمنوا
هههه

ياخي قول لي بكري دة رجع لينا كودات الغناء
عندي عذاب كدة عايز انزله هنا

Post: #94
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 06:14 PM
Parent: #93

Quote:
ههههههههههههههههههههههههههههههههههههههههههههههههههههههههههههههههههههه
ما قلتوا نوبة
دة بس أسان تآمنوا
هههه

ياخي قول لي بكري دة رجع لينا كودات الغناء
عندي عذاب كدة عايز انزله هنا

غايتو يا طارق بعد كوت كلامي بتاع اصابة الملاعب ده تاني البوست ده الا يجي يتمو عمر جكسسسسس
لاني موقوف موقوف لو الشمار ده وصل للادارة ....هههههههههه
عارفنا دفاعنا باكاتو براااها مجهجهة مالك علينا يا دكترة ياخييييييي ههههههه
.....
ياخ والله حكاية الكودات بتاعة الاغاني دي اهم زول
ولكن الهكر بقي يكابسنا في غنانا وكرهنا ابو النوم زاااتو

Post: #95
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-27-2009, 06:49 PM
Parent: #94

Quote: غايتو يا طارق بعد كوت كلامي بتاع اصابة الملاعب ده تاني البوست ده الا يجي يتمو عمر جكسسسسس
لاني موقوف موقوف لو الشمار ده وصل للادارة ....هههههههههه
عارفنا دفاعنا باكاتو براااها مجهجهة مالك علينا يا دكترة ياخييييييي ههههههه
.....
ياخ والله حكاية الكودات بتاعة الاغاني دي اهم زول
ولكن الهكر بقي يكابسنا في غنانا وكرهنا ابو النوم زاااتو

يا كيكي يا هندسة
ياخي احتياطي مع الجكس دة
ولا اساسي مع عمر جكس دة
هههههههههههههههه

ياخي عندي اغنية معذباني ليه يومين كدة
فيها اركلوجيا كدة تخلي الزول يجوعر رسمي

Post: #96
Title: Re: يا زول ده جكس الفير ووول بتاعوعالي....!!!
Author: Amira Elsheikh
Date: 04-27-2009, 07:02 PM
Parent: #95

Quote: تعليمات مدربنا الخبير الدولي (عمر حنان) واضحة

قلت لى مدربكم اسمو عمر منو??

وبعدين المعلق دا شكلو منحاز ليكم

اها المبارة النهائية نحن بنطالب بمعلقة جكسوية

Post: #97
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 07:45 PM
Parent: #95

Quote: ياخي عندي اغنية معذباني ليه يومين كدة
فيها اركلوجيا كدة تخلي الزول يجوعر رسمي

هلا هلا يااركلوجي
وياخي ما تجدع لينا لنكها هنا وخلينا احنا نفرفرها برانا
واحتمال الواحد يقعد يجوعر معاكم بالكرباوي كده خوفا من عمر جكس ههههه
وعباس وش كبك الشايلناها مع الجكس ديل

Post: #98
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-27-2009, 07:50 PM
Parent: #97

Quote:
قلت لى مدربكم اسمو عمر منو??

وبعدين المعلق دا شكلو منحاز ليكم

اها المبارة النهائية نحن بنطالب بمعلقة جكسوية

اووووووووه رائدة الاليلة وووووب الاسفيرية حبابك شديد
وشنو خاشا توووشك تووشك كده وعاوزة كمان تغالطينا في اسم مدربنا
هوووووي يا اميرة هوووي اعمل حسابك...
هبشي اي زول الا عمر حنان ده...ما بنرضي فيهو فهو المدرب الذي لايكذب تيمه...
.....
وبعدين طبعا جمهورنا حالف مافي معلقة جكسوية تقول (بغم) وتمسك ليها مايك في الدوري ده..

Post: #99
Title: Re: يا زول ده جكس الفير ووول بتاعوعالي....!!!
Author: abubakr
Date: 04-28-2009, 03:25 AM
Parent: #98

تعرف ياكيكوفيتش زماااان اوي قالو "النحت في ايه زي الايه في الكبر " وانا في الكبر نحت مخي عشان اعرف الكلام الفوق دة شنو .. طبعا بربري وعربي ضعيف والكورة لعبتها كدة كام وديشليون سنة قبل الميعاد(ميعاد الرحيل من حلفا يعني حاجة بعيدة خالص )...بس عرفت شوماخر اصلي درست شوية الماني برضو زمااااان كتير ... هو بالله بيلعب قوون وانا قايلو بيلعب غولف ...يااخي عجيبة الواحد معلوماتو مع الانهيار الاقتصادي (خد بالك ) والكرديت كرنش حصل ليها داوون تيرن والاسعار بقت في الواطة ...هو فيررول دة مش بتاع ناسا ...؟؟ والله انت بتكتب حاجات وحاجات ؟؟ يعني بس يوميين مع الزهور والورد في ام ريكا واها بقيت تكتب كدة يعني لو طولت هناك كنا هسع تووش في القوون ....هي الكهربا وصلت ؟؟؟

Post: #100
Title: Re: يا زول ده جكس الفير ووول بتاعوعالي....!!!
Author: حيدر حسن ميرغني
Date: 04-28-2009, 04:14 AM
Parent: #99

Quote: والاركلوجيا بدون قرمبوز ماليها طعم

لسه في ضلالك القديم يافردة

ياحكومة اصحي

Post: #101
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-28-2009, 11:50 AM
Parent: #100

Quote: لسه في ضلالك القديم يافردة

ياحكومة اصحي

اصحى يا بريش
ههههههه

Post: #102
Title: Re: يا زول ده جكس الفير ووول بتاعوعالي....!!!
Author: أحمد الشايقي
Date: 04-28-2009, 11:57 AM
Parent: #101

Quote: لكن الشوته ما بتدق فى العارضة الضربة طوالى قوووووووووون
لا كورنر ولا تماس
قون عدييييييييل

شوف يا كيكي

سلمى الشيخ دي عايزة مراقبة مزدوجة زي الكيماوي المزدوج داك, اتنين يجهجهوها ليك ما تعرف رقبتها رايحة ولا جاية .. مرة تشوت مع جكسيها ومرة تشوت في مرماها,

أحمد الشايقي

Post: #107
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-29-2009, 04:22 PM
Parent: #102

Quote: سلمى الشيخ دي عايزة مراقبة مزدوجة زي الكيماوي المزدوج داك, اتنين يجهجهوها ليك ما تعرف رقبتها رايحة ولا جاية .. مرة تشوت مع جكسيها ومرة تشوت في مرماها,

هلا يا عمك
وسلمي الشيخ فعلا عاوزة ترتيبات امنية خاصة لانها استراتيجية وخبرة عالية

وضروري تعمل عليها رقابة من اثنين من احسن المدافعين في البلد لانو اي كورة تصلها اعتبرها قووون
هههه

Post: #110
Title: Re: يا زول ده جكس الفير ووول بتاعوعالي....!!!
Author: سلمى الشيخ سلامة
Date: 05-09-2009, 00:12 AM
Parent: #107

Quote: سلمى الشيخ دي عايزة مراقبة مزدوجة زي الكيماوي المزدوج داك, اتنين يجهجهوها ليك ما تعرف رقبتها رايحة ولا جاية .. مرة تشوت مع جكسيها ومرة تشوت في مرماها,

امسك عندك زول خاتى على ختا باين

ثم ثانيا انت زاتك ختيت على ياكيكى

Quote: وسلمي الشيخ فعلا عاوزة ترتيبات امنية خاصة لانها استراتيجية وخبرة عالية

وضروري تعمل عليها رقابة من اثنين من احسن المدافعين في البلد لانو اي كورة تصلها اعتبرها قووون
هههه

هوى يا كيكى اعمل شخيت واقيف بعيد
نحنا ناس خبرة وبنجهجه باكاتك
وخريجى معهد الموسيقى والمسرح
يعنى فوق دا كلو فى تكتيك يا حبه
تكتيك عالى واخد بالك
وحوش منى احمد الشايقى دا
والا سيرى النجوم عز الضهر
انا امك يا عزة

Post: #105
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-28-2009, 05:35 PM
Parent: #100

ياحكومة اصحي

هلا ياحيدر وحبابك
وحكومات تجي وحكومات تفوت...
بالله ابو الطرق ده من زمان اركوجي خطير زي ده هههه

Post: #103
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 04-28-2009, 04:41 PM
Parent: #99

Quote: تعرف ياكيكوفيتش زماااان اوي قالو "النحت في ايه زي الايه في الكبر " وانا في الكبر نحت مخي عشان اعرف الكلام الفوق دة شنو .. طبعا بربري وعربي ضعيف والكورة لعبتها كدة كام وديشليون سنة قبل الميعاد(ميعاد الرحيل من حلفا يعني حاجة بعيدة خالص )...بس عرفت شوماخر اصلي درست شوية الماني برضو زمااااان كتير ... هو بالله بيلعب قوون وانا قايلو بيلعب غولف ...يااخي عجيبة الواحد معلوماتو مع الانهيار الاقتصادي (خد بالك ) والكرديت كرنش حصل ليها داوون تيرن والاسعار بقت في الواطة ...هو فيررول دة مش بتاع ناسا ...؟؟ والله انت بتكتب حاجات وحاجات ؟؟ يعني بس يوميين مع الزهور والورد في ام ريكا واها بقيت تكتب كدة يعني لو طولت هناك كنا هسع تووش في القوون ....هي الكهربا وصلت ؟؟؟

هلا هلا يا هندسة
وحبابك شديد والله في ديربي وماتش الفير ووول...
وفعلا ياها زااتا يا ابوبكر زهور نجوان الوصفتها لينا زمااان ديك اتفرجنا فيها علي عجالة وخلتنا كما الدروايش نضرب الكيبورد ضربا فيئن ويرن ويطلع فير ووولات...وشي شوماخر وشوية كده احتمال القصة تجيب ليها كلامات عن الووول استريت واوباما...وغايتو محن
وشرفت كثير حكاية الماتش التكتيكي ده

Post: #104
Title: Re: يا زول ده جكس الفير ووول بتاعوعالي....!!!
Author: طارق جبريل
Date: 04-28-2009, 04:50 PM
Parent: #103

أنساكي كيف وأقدر أنا...
كيكي ادخل هنا

تقول لي حا تغلب تيم القرمبوز
ههههه

Post: #106
Title: Re: يا زول ده جكس الفير ووول بتاعوعالي....!!!
Author: abubakr
Date: 04-28-2009, 06:59 PM
Parent: #104

ياكيكوفيتش المباريات كترت وبعد الكردت كرنش بقينا في اسواين فلو .. انا هسع بس من محطة الي محطة بتابع اخبار الاسواين فلو.. من الارجنتين الي نيوزلندا الي استراليا مرورا باسرائيل (ما قالو اليهود ما بياكلو اسواين واللا الحكاية فيها انا وخرتونا في دي كمان ).. هسه بتاع الويرلد هيلث قال الاسواين فلو ما بتقدر تتحكم فيهو يعني ممكن يجيكم ناطي اونلاين .. اها يادوبك بقينا دايريين فيرووول ..القيامة قربت كرديت كرنش وكهربا مقطوعة وطلع السد ما مستعد لسه يطلع كهربا واهو الرقيص والهوليلة طلعت كلام في كلام وبقينا في الاسواين فلو .. اها حتعمل شنو برضو حتمشي ام ريكا تاني ؟؟؟

Post: #109
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 05-09-2009, 00:06 AM

Quote: اها حتعمل شنو برضو حتمشي ام ريكا تاني ؟؟؟

هلا يا هندسة
ودوما متلومين معاك يا بوس
ومع الفيرووول انفلونزا الطيور الاتطورت دي ام ريكا تاني الا نمشي الجنوبية منها
ونحاول ندق الاختام عند شافيز (شايف العلاقات اتحسنت) وحصل الصلح التاريخي

Post: #108
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 05-08-2009, 11:15 PM
Parent: #104

Quote: كيكي ادخل هنا

هلا يا اركلوجي
وعفوا علي التاخير ياااخي
فصبحك عليهو عذابات السنين
واغنية توقف شعر الراس....

Post: #111
Title: Re: يا زول ده جكس الفير ووول بتاعوعالي....!!!
Author: Rawia
Date: 05-09-2009, 00:19 AM
Parent: #108

إن شاء الله ياكريم بتكون بتحفظ -حتى لو في ملف خاص- مناسبات بوستاتك

البوست دا عندي إحساس إنه عندو مناسبة
ومناسبة عظيمة كمان

______________
أكتر بوست دمه خفيف -بعد كاسرت أخو الجكس-

Post: #112
Title: Re: يا زول ده جكس الفير ووول بتاعوعالي....!!!
Author: عبدالكريم الامين احمد
Date: 05-09-2009, 00:44 AM
Parent: #111

Quote:
إن شاء الله ياكريم بتكون بتحفظ -حتى لو في ملف خاص- مناسبات بوستاتك

البوست دا عندي إحساس إنه عندو مناسبة
ومناسبة عظيمة كمان

هلا يا راوية
ومشتاقين والله
وفعلا يا راوية البوستات لاتاتي الا عقب فعل اكيد يغذيها
وده بالذات محفوظ جنس حفظ هو ..وفي فولدر مختوووت بعييييييييد هنالك تحت عنوان (الرد الرد)
وعاملين ليهو باصوريد كمان...عنوان سري ...

ولكن بتاعة كاسوري الجكس داك
بيني وبينك ماعندو مناسبة القصة منجورة نجرة نجار افرنجي
عشان ما يجو ناس خالد عبدالله المرحفين الاخريين يعملو من القصة توم وشمار