Post: #1
Title: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:08 PM
Parent: #0
يقدم هذه الايام علي مسرح الارض السودانية اكبر مسرح للجقلبة في الشرق الاوسط الجديد والقديم
ودول وين كده للصحراء جقلبة رسالية تاصيلية ذاهبة الي السماء
جقلبة ولولوة وكلام عجيب..
شي جزمة كديس وشي تاني فلان الفلاني الدولي يا كلب..
وكمان القصة جابت ليها خت ومسكة كربون تحت الجزمة..
|
Post: #2
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:12 PM
واحدة من ملامح الجقلبة اللذيذة هي انو الريس
فتح خط مواصلات مباشر..
الخرطوم-دارفور-الخرطوم بالعكس
وفي ظرف اسبوعين دور رحلتين سريعات لحق بيهم سوق دارفور التي يبدو ان اكتشفها فقط الان بعد القرار...
والمرة دي كمان مشي حتة غميصة بكون ما في مسئول حكومي قبل كده مشي ليها..
بلدية وين كده ماعارف
|
Post: #3
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:15 PM
Parent: #2
ملمح جقلبي اخر
هو ترديد اسم مولانا دفع الله الحاج يوسف
والمقابضة حصلت للجنة التحقيق بتاعو...
ياجماعة دفع الله مولانا ده وينووووو...؟؟
وكانهم تذكروا فقط هذا الامر الان...
نحاكم كوشيب...اقبضك اقبضك كوشيب...
وزارة العدل تقول سنحقق مع احمد هارون... احمد هارون يتوعد
وكانه يقول ...هوووي يا زوول هووي
انا بررره الموضوع المحلي ده
|
Post: #5
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:20 PM
Parent: #3
المنظمات..المحلية او الدوري المحلي للدعم الانسان
اطرد الخواجة
واظرف تصريح للبشير قال فيهو
(ناس المنظمات يجيبو الاغاثة في المطار ويفرتقو)..
وين يا ريس (ناكل مما نزرع)...
وليه اصلا تتجاب اغاثة من بره
وليه اصلا يكون في زول داير اغاثة
مادام انت حكومة مية مية ..؟؟؟
|
Post: #4
Title: Re: ياخي جقلبة الكيزان تاريخية..تخيل....!!!
Author: Raja
Date: 03-18-2009, 08:19 PM
هههههههه
غايتو يا كيكي اليومين دي عاملين لي برنامج. الله يباركهم عارفين راسي مقطوع وقاعدة أزازي بين قنوات التلفزيون
كله كوم والكول كوم تاني.. واااااااو
|
Post: #6
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:25 PM
Parent: #4
Quote: غايتو يا كيكي اليومين دي عاملين لي برنامج. الله يباركهم عارفين راسي مقطوع وقاعدة أزازي بين قنوات التلفزيون
كله كوم والكول كوم تاني.. واااااااو |
اووووه
مشتاقين يا رجا ياخي
واليومين دي فعلا لووووووووول تاريخي ولوليية اترخ...
ياخي روسيا التي قيل بانها قد دنا عذابها وعليهم ان لاقوها ضرابها..
اليومين دي داقين ليها نوبة كبيرة خلاص...
ووقالو دايرين يدوها قواعد للانطلاق العسكري لوووول....
تخبط وعشوائية وارتباك ممزوج برقيص بادب
|
Post: #8
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:29 PM
Parent: #6
اها نجي لموضوع الشحاتين
ومصطفي اسماعيل الطبيب اللبس بدلة وكرفتة وشات في الدبلوماسية السودانية
وشابكنو ابو الدبلوماسية العالمية ومستر دبلوماسي...ومصطفي جاي ومصطفي ماشي..
اها مع الجقلبة والعمل تحت ضغط القرار الاوكمابوي ومن اول لفة
طلع انو الشعب السوداني ده شحاتين
ماعارف الشحاتين ديل الماتو ولا الفضلو... ولا ياتو كوم فيهم..!!
|
Post: #7
Title: Re: ياخي جقلبة الكيزان تاريخية..تخيل....!!!
Author: نصار
Date: 03-18-2009, 08:28 PM
Parent: #4
و الله يا عبدالكريم بحسدكم علي قوة تحملكم
بتتابعوا المصايب دي لاييف و رجاء كمان بتسكها من
قناة لقناة
انا برا التغطية خالص
بجي اشوف البلا بعد وقوعه هنا في النت
و السعيد البشوف في اخوه
لووول
|
Post: #9
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:33 PM
Parent: #7
Quote: و الله يا عبدالكريم بحسدكم علي قوة تحملكم
بتتابعوا المصايب دي لاييف و رجاء كمان بتسكها من
قناة لقناة
|
هلا يا نصار
والله بختك وانت السعيد
ياخي اليومين دي جنس حالة
لاتعرف تضحك ولاتعرف تبكي...
والناس ديل اي واحد شايت وبقابض من طرف...
العجب كمان عثمان كبر والي دارفور وموضوع نسور البشير...
ياخي متعة ومسرحية شكسبير ما يعمل زيها...
مسرحية باسم اختطاف من اجل الوطن واطلاق سراح من اجل الوطن
بطولة عثمان كبر واخريين
|
Post: #10
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:39 PM
Parent: #9
اها
المتعة والدهشة والدراما الكبيرة هي في موضوع الدوحة..
واحدين يقولو يا زول هوووي امشي
وتانين يقول يا زول هووي ما تمشي..
سوار الدهب و الطيب مصطفي اخريين ناس ما تمشي
وكرتي ومن لف لفه ناس مشي ساااكت للدوحة...!!!
والريس اصبح مادي كراع صوب الدوحة وكراع اخري تفكر اللبتن...
وجهجو ليك البشرية العربية دي جهجهة شديد خلاص...
جاي ولا ما جاي.... الريس
لا حد هنا يعلم (ليس هناك من يعلم بان الريس جاي او لا جاي)
واصبح حضور رئيس لقمة اقليمية يحتاج الي (ست ودع) وفكي لكي يفتي فيها باكرا
ويمكن لهواة المراهنات والقمار الدولي جر كروت عديدة في يانصيب الجية للدوحة
|
Post: #12
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:47 PM
Parent: #10
اها زاد الطين بلة هي فكة الترابي..
صلاح غوش يهدد بقطع اوصال كل من يقول بغم في امر اوكمابو..
قطر تضغط وهي الماسكة الان ملفات السلام..والممكن تحوش ايضا مع الحايشين في التاجيل
وتقول فكو الترابي...
فكو الترابي
الترابي قال (جنائية) 
اها تمسك الترابي تاني ...دي مشكلة جاهزة وكركبة مع قطر
تقطع اوصال الترابي ...دي برضها كركبة جاهزة ولولوة مع المجتمع الدولي البقي يراقب الان في السودان
دبيب النملة في القضارف..
كده وببب وكده ليس بوبين بل وووب جديد ايضا
|
Post: #13
Title: Re: ياخي جقلبة الكيزان تاريخية..تخيل....!!!
Author: saif massad ali
Date: 03-18-2009, 08:50 PM
Parent: #10
ابو الكك
عيال المرة كضابين
الكيزان سو في لباسهم
دحين الزول ده مش قبل كده قال ثوار دارفور ديل قمل ساكت
مصطفي اسماعيل وليد مره كضاب
الكلام يا صاحبي الناس الجحر اتملا عليها مويه تمرق تموت تقعد جوة نموت
ويا ما تشوف
|
Post: #11
Title: Re: ياخي جقلبة الكيزان تاريخية..تخيل....!!!
Author: Raja
Date: 03-18-2009, 08:44 PM
Parent: #7
يااااا حليلك إنت كمان يا كيكي..
وبجد مشتاقة لكتاباتك البتشبه الدجاج المشوي (طازجة ولذيذة) لوووووووووووول
يا نصار أنا شدة ما مزازية بقيت أعرف محل الرقصة وين والإنفعالة الشديدة ويين..
الحلو يوم مشى الجنوب قام لبس ليهو طاقية ريش في راسو.. تعرف في الفيس بووك في لعبة إسمها (Pet society).
فيها ممكن تلبًس الـ Pet بتاعك ويبقى قطعة من البشير في اليوم داك..
بطًلو حسادة وخلًو البرنامج شغًال يرفًه عننا
|
Post: #14
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 08:56 PM
Parent: #11
Quote: يااااا حليلك إنت كمان يا كيكي..
وبجد مشتاقة لكتاباتك البتشبه الدجاج المشوي (طازجة ولذيذة) لوووووووووووول |
يااا
رجاء
وجيتك يعلم الله تفتح النفس للدجاج المشوي ...وخاصة مع الوووووول دوت كوم الكيزاني ده
-
اها الجنوبيون لعبو ليهو لام اكول وغازي سليمان باكات
ويومي ناطين لينا في التلفزيون وسارقين خشم الحركة الشعبية وكيزان اكثر من اي دقن لافة..
قومو انتو يا الجنوبيين قبقبو لام اكول وغازي سليمان وقولو عاوزين ترفدوهم.. لووووووول
اها تاني يقبلو وين..؟؟
لبسة الريس بتاعة الجنوبين كانت بيني وبينك تاريخية
والرقيص بتاعو بالجد بقينا نخرم ليهو ومبارنو مرة في الشروق ومرة في هارموني
ومرات في الجزيرة...وكدي
|
Post: #15
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 09:02 PM
Parent: #14
Quote:
الكلام يا صاحبي الناس الجحر اتملا عليها مويه تمرق تموت تقعد جوة نموت
ويا ما تشوف |
هلا يا عوج الدرب...
وناسنا ديل بصراحة موضوعهم بقي في تولا..
اها الليلة البشير قال يا ناس الحركات ياخي تعالو بالله وبطلو الحركات دي
تعالو تقعد سوي وناكل سوي ونشرب سوي..
الكلام ده زماااااان وين ياريس..؟؟؟
وعبدالواحد العميل يجي معاهم ولا ده اسرائيلي رعديد صهيوني..يقعد بعيد ويعمل شخيت
مصطفي اسماعيل في اقرب لفة
فتح ليك نيران في الجزيرة والاعلام العربي الصهيوني..
ونسي غزا واريحا وطول كرم زااتها
|
Post: #16
Title: Re: ياخي جقلبة الكيزان تاريخية..تخيل....!!!
Author: khaleel
Date: 03-18-2009, 09:08 PM
Parent: #15
ابو كيك
ابو ضلعن مساويك
سمعت بعود العشر كان قمت انكسر وكان قعدت انحشر
النبي فوقنا
والله جنس تبشس
|
Post: #17
Title: Re: ياخي جقلبة الكيزان تاريخية..تخيل....!!!
Author: ثروت سوار الدهب
Date: 03-18-2009, 09:16 PM
Parent: #16
الجقلبة شديدة و الله
و الله عيب
كدا ما صاح
خجلونا الكيزان
تحاياي كيكي
|
Post: #19
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 09:25 PM
Parent: #17
Quote: الجقلبة شديدة و الله
و الله عيب
كدا ما صاح
خجلونا الكيزان
تحاياي كيكي |
هلا يا ثروت
ومشتاقين ياخي
وعينا اشرطت والضحك شرط الوطن
لو كان الزعماء والدبلوماسين لغتهم جزمة وكلب وشحاتين
|
Post: #18
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 09:18 PM
Parent: #16
تبش تاريخي يا خلي
وياحليل اصلب العناصر
وياحليل في سبيل الله قمنا
وعشان كده شيخ حسن ضروري في التمرين عشان يباصر الاولاد ديل
|
Post: #20
Title: Re: ياخي جقلبة الكيزان تاريخية..تخيل....!!!
Author: Elbagir Osman
Date: 03-18-2009, 09:27 PM
Parent: #15
أمير أمراء المجاهدين
ذكرني الإمام القبالو
المخلوع
آخر أيام خلعتو:
إمام
يتلقى بيعة الصباح وبيعة الضهر وبيعة العشاء
كل زلنطحي مرتزق لما ليهو نفرين تلاتة
ويجيبوا الإمام ويرفعوا يدينهم اليمين
و"نبايعك على المنشط والمكره"
والشعب السوداني يعاين ساي
والإمام المنصور
القائد الملهم والملهم لثورة مايوا الخالدة والمنتصرة أبدا بإذن الله
القال مافي زول بشيلو
داخل في نفس الغيبوبة
حلمت بإني طاير فوق العاصمة
وقابلت الشيوخ فلان وفلان
ووراهو ناس أبو قرون
وملبسنو خاتم
ومشيلنو عصاية
وفقرا القصر يدخلوا ويمرقوا
أما الأتباع
ناس موكب الردع
ناس أبو ساق
لمن هددوا بضرب الشعب بالشباشب
نفس الملامح والشبه
و
ونقعد تحت الشجيرات
نتفرج
بي مزاج
الباقر موسى
|
Post: #21
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-18-2009, 09:45 PM
Parent: #20
Quote: نفس الملامح والشبه
|
نعم يا الباقر وحبابك
وهي نفس دراما الوداع في عهد الطاغية نميري
حيث ابو ساق ومسيرة الردع والاعلام الهتافي الجائع,,,
والان الانقاذ دون شك تودع الملاعب وكل اعراض الوداع ظاهرة وباينة
|
Post: #22
Title: Re: ياخي جقلبة الكيزان تاريخية..تخيل....!!!
Author: عبدالكريم الامين احمد
Date: 03-19-2009, 09:25 AM
Parent: #21
اها القصة والجقلبة الليلة جابت ليها ناكوري ونكرة من المستشار الكوز الشحات
مصطفي اسماعيل شحاتة..
ووقف بعيد وعمل شخيت في رقصة تساقط الدقون
وقال كلام ده انا لا قلتو ولاسمعت بيهو ...
ولتقبض عليه صحيفة الشرق الاوسط بالثابتة ...
عالم جبانات بشكل
|
|