Post: #1
Title: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 12:37 PM
Parent: #0
Quote: تعرف يا ود البشرى مشكلتي مع الهندسة مع عمق دراساتها و تسطيحها لكتابات الآخرين هي تكمن في:
1 ـ تسطيح الكلام في المواقع الألكترونية..! ثانيآ إختزال المعرفة فقط في الكم الهندسي .. و ثالثآ عدم وضوح الرؤية الهندسية في إختزالها المعرفي حول قضايا المواطن السوداني محمد أحمد ..
رابعآ إستفار الكم المعرفي للمتهندسين في القضايا السودانوية .. حيث لم تظهر كتابات هندسية تدين الواقع المرير الذي فرضته حكومة الإنقاذ على السودان ..
خامسآ الجو المخملي و الخامل والذي يفرضه المتهندسين السودانيين من أمثالكم على حساب قضايا المواطن السوداني البسيط..!
سادسآ.. أرتفاع ( الأنا) العليا لدى المتهندسين السودانيين و شوفنيتهم لأبناء جلدتهم وأدعاءاتهم الصفوية في تنميط الفكر الصفوي وأهمالهم للفكر الهندسي المندحر تطبيقيآ و معرفيآ في تطوير شكل السودان الهندسي !
سابعآ.. عدم خروج فكر إبداعوي من الطائفة الهندسية وإحتقارهم حتى لأولئك المهندسين الذين لم يتخرجوا من جامعة الخرطوم ..!! و كأن جامعة الخرطوم هي أساس الهندسة في السودان..!
ثامنآ لم نر إبداعآ يومض بفكرة جديدة أو بناءآ لصيرورة الهندسة لتخلق فكر هندسي و خلاق مبين..
قال لي بكري أبوبكر ( لا تغضب من محمد البشري فهو أظرف زول في البورد)
وحقيقة أستغربت لإشارة بكري أبوبكر لك بالظرافة ولم نر منك سوى العكس ..!! ونأمل ألا يكون أمثال (....) من الظرفاء إيضآ ..
و تاسعآ لم أكره في حياتي شخصآ مثل ذاك الذي أدعى بأنه مصمم مسجد على النيلين !! وكأن السودان تنقصه المساجد وأمكنة الصلوات..!! وهذا جزء من العقلية الإنصرافية الهندسية..! حيث تعمل عقليتها فيما لا يرتجأ الناس!
وها هي جزئية من إنتقاد العقل الهندسي السوداني في صيرورته الإنصرافية و تعطيل خاصية الخلق و الإبداع .. وهذا الموقع خير دليل لهذه العقلية!
.
Re: بيان شجب و استنكار من الباقين (Re: malamih)
|
|
Post: #6
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 12:46 PM
Parent: #2
هلا يا ابوكمال
شفت البوست يا كمال ووبجيكم بهناك باذن الله
|
Post: #3
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 12:42 PM
Parent: #1
في انتظار الاخ ملامح
للحوار والحديث حول نقاطه اعلاه نقطة نقطة وجزئية جزئية
كونه قدم رويته في الحضور الهندسي في هذا الموقع والاسافير الاخري ...
وحتي ذلك الزمان يحق لكل الاخوة المهندسين التامل في صيحة ملامح والمساهمة معنا في الرد عليه
حتي نري اين تقف الاشياء..
ونعود
|
Post: #4
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Abureesh
Date: 11-01-2008, 12:45 PM
Parent: #1
بالله أكتبو لينـا عن هندســة التمـرد، والهندسـة التهميشيــة، وكونفوليوت الكيزان
|
Post: #8
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 12:59 PM
Parent: #4
والله يا ابو الريش
مع كلام ملامح ده راسنا انقطع زاااتو...!!
نكتب في ثيروموديانمك الهامش
ولا في فلويد نهر النيل ....مع روية هندسية عن تصميم جبل مرة.في زمن الحركات الدارفورية
|
Post: #9
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 01:02 PM
Parent: #5
محن هندسو اسفيرية يا محمد سليمان
وكلام بالجد يقطع الراس ان لم يجد سند مقنع يخش الرس
|
Post: #7
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد عبد الماجد الصايم
Date: 11-01-2008, 12:54 PM
Parent: #1
كيكي يا عمكـ
هاكـ الكوت دا يمكن تغير رايك من الموضوع
| Quote: ملامح .. لكيما نكشف أمثالك من المستهزئين و المناصرين للإنقاذ .. |
والكلام أعلاه موجه لود الصايم
|
Post: #10
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 01:12 PM
Parent: #7
انت عارف يا عمك
في كلام بتمسكو من الف الي النهاية وبترد عليهو نقطة نقطة
وفي كلام تاني زي بتاع اخونا ملامح ده ترفعو فوووق وتخلي الكلام يوضح روحو بروحو...
تخلي الكلام براااااااهو يونس الناس عن محتواه..
وعشان كده والي حين حضور ملامح ان اراد ان يدافع عن كل كلامو..
سيبقي هذه الكلام ده قاعد لللغادي والماشي يعكس براااهو ما فيه من اشياء
|
Post: #11
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 01:31 PM
Parent: #10
العزيز السناري ود ود هاشم .. الكيكي..
أنا كتبت كلامي أعلاه وإنت رد عليه .. بالمناسبة كودنتك (qute) للموضوع لا يعني الرد .. وطبعآ ود البشرى( ظريف بكري) حرشك وخلاك تفتح البوست ده .. و حسنآ فعل .. فهي دعوة لمحاصرة العقلية الهندسية السودانية في أقصى( تسطيحاتها) أو ( مستوياتها) هندسيآعلى الأقل ..
ملحوظة:
كنت أتمنى أن يفتح المهندس الكيكي بوستآ عن حال الشعب السوداني و مأزقه في ظل حكومة الأنقاذ ..!! أو عن تدهور الفكر الهندسي في الرد على تدهور صحة البئة المعمارية في الخرطوم العاصمة القومية في موسم الخريف و الأمطار ..!
|
Post: #12
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 01:31 PM
Parent: #10
حيث لم تظهر كتابات هندسية تدين الواقع المرير الذي فرضته حكومة الإنقاذ على السودان ..
.................................
دي بالذات يا ملامح عليك الله تعال ورينا ليها..
غلبتني عديللللللللل كده
يعني تقصد كتابات من ناس مهندسين
ولا كتابات هندسية (يعني يتم هندسة الانقاذ)
ولا قصدك الواقع الهندسي في زمن الانقاذ....
ذهبت بي الظنون الان حتي اعتقدت بانك تقصد
كتابات فيها معادلات هندسية وبيتا وسيتا ودلتا وتعمل علي ادانة الانقاذ...
ياخ بالله تعال قول لينا دي وامشي الباقي مفهوم
|
Post: #13
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 01:36 PM
طبعآ دي متروكة لي فهمك الكي كي ..K K .. وبدون إفتراضات كتيرة وجقلبة جاوب .. وطبعآ نعتبرك ممثل المهندسين الخطيرين في البورد ده .. و محرش من قبل ود البشرى و آخرين..
|
Post: #18
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 01:53 PM
Parent: #13
ملامح
بعيدا عن الاسفاف والسخرية
انا في البوست ده لو سمحت
اسمي عبدالكريم الامين احمد
ومثلما سناديك بملامح وهو اسم مرورك في هذا المنبر
اتمني وارجو بل اطالب بشدة ان اردت حديث محترم بيننا فاسمي عبدالكريم الامين احمد
اتمني لاحقا ان اردت في هذا البوست ان تكتب اسمي فهو امامك........
عشان ننطلق في الحوار بعيدا عن السخرية من الاشياء التي لا يتوجب السخرية فيها
|
Post: #34
Title: Re: مع العضو (ملامح)...في ملامح من المجتمع الهندسي في الاسافير...!!!
Author: دينا خالد
Date: 11-01-2008, 05:05 PM
Parent: #13
الود كيكى !
امنع الفوضى ...
نحن غايتو عندنا ناس التحقيقات الجنائية عقب
كل حادث مباشرة ... بيقومو بعمل كروكى وتصوير لما يسمى
مسرح الحادث ،،، يعد بواسطة ادراة مسرح الحوادث والازمات !!!
هذا الكروكى اتصور انو اعداده بيتم بواسطة مهندسين لابسين
كاكى ,, لكن لو واحد مشى يفطر ولا كان غايب لاى سبب تافه ممكن زميلو
التانى اللابس كاكى يعملو يعنى هى ذااااااتها من اصلها الهندسه دى
شغلانة بسيطة وكدا ..
من كدا واضح انو لما جثمت الانقاذ ووقعت الواقعه فى 1989 لم يهب
الفريق الهندسى لرسم مكان الحادث وتحقيق الكروكى وابعاده
وتسطيحكم للفكرة وتوابعها الهندسية ,, ياخ هسه خليك من كل شىء
الشوارع بتاعت الظلط البعملو فيها بدون مواصفات دى ،، كمان قولوا
ما شايفنها ،، اقعد ياكيكى ارضا سلاح وشوف ملامح داير يقول شنو
وما تضرب شديد ,, انا شايفه انو ممكن نطلع بى حاجه !!
الراجل للامانة حادب ....
ـــــــــــ
صاح نحن فى سودانيز دى ما بنلقى قروش ،، عل مستفيدييييين !!
|
Post: #15
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 01:44 PM
أنا كتبت كلامي أعلاه وإنت رد عليه .. بالمناسبة كودنتك (qute) للموضوع لا يعني الرد .. وطبعآ ود البشرى( ظريف بكري) حرشك وخلاك تفتح البوست ده .. و حسنآ فعل .. فهي دعوة لمحاصرة العقلية الهندسية السودانية في أقصى( تسطيحاتها) أو ( مستوياتها) هندسيآعلى الأقل .
ملحوظة:
كنت أتمنى أن يفتح المهندس الكيكي بوستآ عن حال الشعب السوداني و مأزقه في ظل حكومة الأنقاذ ..!! أو عن تدهور الفكر الهندسي في الرد على تدهور صحة البئة المعمارية في الخرطوم العاصمة القومية في موسم الخريف و الأمطار ..!
...................................................................
مرحب يا ملامح وبركة الجيت...
1-ياخ حكاية حرشوك دي بالله شيلها من راسك ..وما تتعامل من رد الفعل لكتاباتك باسقاط غير منطقي..
لو كان حديثك موجهة لمحمد البشري لوحده وانا جيت خاشي لفت ساعتها بكون عندك حق.....ولكن انت يا ملامح قلت مهندسين
وانا مهندس...وقلت كتابات بتاعة مهندسين وانت من ضمن المهندسين البكتبو هنا.....
........
2- مرحب بنقد كتابات المهندسين هنا وحباب الكلام ده...ولكن محاصرتهم علي المستوي الهندسي صعب يعملها زول ما مهندس
كتابات لو عاوز تناقش فيها حبابك....ولكن مستوي هندسي ومهني دي الا تمشي تقراء ليها هندسة وبعد داك تعال...
3-ماعارف كتاباتي عن الانقاذ الجابها شنو حسع ...ولو دايراها ممكن تمشي المكتبة بتاعتي وبتلقاها ,,,زي وزي اي مواطن هنا بكتب رايو عن البلد بتاعو...
4- هموم ومشاكل الدنيا كلها ما الانقاذ بس يا ملامح ...هنالك بؤر تتساوي مع الانقاذ في اشاعة اشياء سلبية وسطحية
ودي برضو الكتابة فيها سيم سيمو الكتابة في الانقاذ...
ومادام انت جيت وامنت علي مسئوليتك الجادة عن كتابتك فان الرد عليها واجب هندسي
وسنرفعها ليك نقطة نقطة وحنرد ليك عليها يا ملامح
|
Post: #17
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 01:52 PM
| Quote: كنت أتمنى أن يفتح المهندس الكيكي بوستآ عن حال الشعب السوداني و مأزقه في ظل حكومة الأنقاذ ..!! أو عن تدهور الفكر الهندسي في الرد على تدهور صحة البئة المعمارية في الخرطوم العاصمة القومية في موسم الخريف و الأمطار |
وطيب كيكي لو فتح مليون بوست هل تزول الانقاذ
الوضع الصحي والبيئي يحتاج لاموال طائلة لمعالجة شبكات الصرف الصحفي
وعمل شبكات جيدة لتصريف مياه الامطار
|
Post: #14
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد عبد الماجد الصايم
Date: 11-01-2008, 01:44 PM
Parent: #1
اسمعني يا عمكـ
ود البشرى ما محتاج يحرش ليهو زول!
وكيكي ما هو الزول البكتب كلام بتاع زول!
أي واحد فيهم بي طرف كيبوردو بقزقز بيكـ لحدي ما بكري يصحى ويلم ركاكتكـ دي!!
ما عاوز أقول ليكـ قوم لف .. عشان إنت لافي جاهز
|
Post: #16
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-01-2008, 01:44 PM
Parent: #1
| Quote: و تاسعآ لم أكره في حياتي شخصآ مثل ذاك الذي أدعى بأنه مصمم مسجد على النيلين !! وكأن السودان تنقصه المساجد وأمكنة الصلوات..!! وهذا جزء من العقلية الإنصرافية الهندسية..! حيث تعمل عقليتها فيما لا يرتجأ الناس! |
بعد اذن الباشمهندس كيكي ...
الجزئية اعلاه تحتاج اضاءة اتمنى ان تفيد عندما يحين دورها في التفكيك و التناول
لا يمكن النظر للمشروع كمسجد فقط بل هو رمز معماري و جمالي يزين مدينة ام درمان
الفكرة الأساسية كانت مشروع تخرج للمعماري قمر الدولة - على ما اعتقد- و تغيرت ليصبح المسجد الرسمي للدولة ايام نميري
تم تطوير و تعديل الفكرة بواسطة فريق مصممين وتم التنفيذ بواسطة شركة بريطانية
للمزيد من المعلومات هنا تسجيل لحلقة اذاعية خاصة بالمسجد اعداد و تقديم الدكتور مهندس معماري / هاشم خليفة
مسجد النيلين
|
Post: #20
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 02:01 PM
Parent: #16
قال ملامح...
1 ـ تسطيح الكلام في المواقع الألكترونية..! ثانيآ إختزال المعرفة فقط في الكم الهندسي .. و ثالثآ عدم وضوح الرؤية الهندسية في إختزالها المعرفي حول قضايا المواطن السوداني محمد أحمد ..
يلا يا ملمح رزقك جاك...
وخلينا نشوف كلامك نقطة نقطة وقول واحد
طبعا يا ملامح كل زول ممكن يقول كلام من طرف...يعني انا حسع ممكن اقول فيك ملامح كيت كيت ولكن الشي الصعب والتحدي والمصداقية هي البتحدد
معدن الكلام كونه موسس ولا كلام سااااكت ...
الكم الهندسي
الروية الهندسية
قضايا هندسية
تسطيح الكلام..
دي كلها اشياء عاوزة تعريفات واشارات ليها ونماذج منها
يعني ماهو الكم الهندسي؟؟؟
وماهي الروية الهندسية والعملها منو؟؟
وماهي القضايا الهندسية..؟؟
وماهو الكلام المسطح ومعياره؟؟؟
(ومادام انت قريب بالله ادينا طلة ووضح لينا عسي وعل ان تفيدنا).....
|
Post: #19
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-01-2008, 01:55 PM
Parent: #1
يا خينا شنو محرش وما محرش
غلطانين السويناك زول و عملنا اعتبار لكلامك و حبينا نناقشك فيه بفهم
يا ابو الشباب انت اتكلمت عن المهندسين السودانيين في الاسافير و اثرت نقاط مهمة
ودي حاجة يجب تناولها بجدية خارج اطار المناكفة و الشكل
عشان كدا وجهت النداء للمهندسين كيكي و خليل و اثرت اهتمامهم بالموضوع عشان ما يضيع في خضم الدرش والضقيل الراجيك بيه انا بهناك
فباللاي - الواجعاك دي - تعال ناقش و دافع عن نقاطك الذكرتها
و ان كان ما عندك شي تضيفو انا بقترح يا باشمهندس كيكي انك تبدا في تفكيك النقاط المذكورة ونشوف ح نصل لوين
حاشية:
اها دا مسجد النيلين القلت بتكرهو جبتو ليك
تاني عندك شنو بتكرهو - غير ود الصايم - عشان اجيبو ليك
|
Post: #21
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 02:05 PM
Parent: #19
ودي البشري خلاص التفكيك بتاع الكلام دور قبيللللللللل ما دام زولنا جا ء بجاي
بس اتمني يكون قدر كلامو القالو ده ويقدر يضيف لعزبزي القاري..
لاني بصراحة ناوي افكك من كل الزاويا...
|
Post: #22
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 02:08 PM
Parent: #19
ملامح ود الاستاذ حسن نجيلة
استاذ الجيل وملك ذكرياتي في البادية
اراك متحاملا علينا اكتر مما يجب وكانك لك تار بائت مع الهندسة
هدي من روعك يا صديقي
we are the life maker
|
Post: #23
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 02:12 PM
Parent: #22
ملامح يا خليل يبدو جليا بان محتقن من الجزء فعكس الامر علي الكل...
واحنا هنا عاوزين نوريهو ونناقشو ا ونشوف كلاماتو دي جايبها من وين....
وبعدين ياخلي ذر الرماد في الاعين امام القضايا بالصيحة والكتابة ضد الانقاذ
ده كلام بتاع التفاف حول بواقي الحياة في الدنيا...
فيا ملامح
انت ذاااتك بدل تكتب ومهندسين وما مهندسين ما تمشي تكتب انت عن الانقاذ
داير الناس تكتب ليك عن الانقاذ انت ماديها ايجار؟؟؟ولاشنو
|
Post: #24
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 02:24 PM
Parent: #23
ولسع يا ملامح احنا في النقطة الاولي...
وفي غياب التعريف المنضبط المبني علي علمية صارمة لكل التعريفات القلتها ليك اعلاهه..بيكون كلامك كلام غيرموثث
علي ارضية ذات منطق علمي....
وكانك به تعتقد جازما بان علي كل من درس العلوم الهندسية واصبح ممتهن لمهنة الهندسة ان يكون نسخة كوبي اند بيست للمهندس الاخر
في الاهتمام
في الوجدان
في الحضور في الواقع
في الاسافير
وده طبعا كلام فطير كوننا ندري وبكل بساطة بان الانسان مختلف عن الاخر..والهندسة ليس مدرسة لصناعة كادر سياسي او كادر ثقافي موحد او فكري
بل هي علوم هندسية يقضي دارسها فترته فيها ويذهب الي ما هو فيه من خلفية كونته كفرد...وواقعه الخاص ومستقبله ورويته للاشياء الميحطة به
....اذن من اعلاه ليس هناك قالب يمكنك يا ملامح ان تضعه لمحاكمة المهندس كجسم فكري او ثقافي
الا في حالة الاشياء المربوطة بممارسة المهنة وهذا ما حنيجك ليهو نقطة نقطة
|
Post: #25
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 02:35 PM
Parent: #24
ولسع يا ملامح في النقطة الاولي...
ومن اعلاه يطل بان اي حديث عن الكم الهندسسي والروية الهندسية في زي موحد وعقل موحد ومسار فكري او ثقافي موحد تجاه كل قضايا السودان
بكون كلام غير موثث وكلام فطير...كونه يفترض اشياء يهدمها المنطق البسيط....!!
باقي لينا القضايا الهندسية
والتسطح
وحبة حبة يا ملامح... وخليك قريب
|
Post: #26
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 03:06 PM
Parent: #25
يلا يا ملامح الدور الان علي القضايا الهندسية والتسطيح
ودي كلو في النقطة الاولي....بعد ان طلعنا ليك كلامك عن (الكم الهندسي والروية الهندسية ) فشوش ساكت ما لم نسمع منك افادات تدحض دلونا ..
نجيك للقضايا الهندسية
ودي ممكن تتقري في زوايا كثيرة
1- الاهتما م بالواقع الهندسي في السودان خصوصا بكل تخصصات الهندسة
2-الاهتمام بالهندسة كمهنة وعكسها في المنبر
3- التعريف ببعض العلوم الهندسية ذات الارتباط بالمواطن
4-النشاط العام المعني بالمهندسين ككيانات قد تكون نقابية او مهنية تخصصية
5-دور المهندس وتفاعله مع المجتمع المحيط حوله كمهني واسهام في تفريغ وجدانه في المكونات الاخري ثقافة - اجتماع- غيره
6-المكسب الاسفيري لمهندسي سودانيز اونلاين (اليوم الحار نموذجا)
احنا لسع يا ملامح في النقطة الاولي بتاعك
وسيكون مدار حديثنا في النقاط اعلاه (سودانيز اونلاين كنموذج) والاسافير الاخري كونك هابشت ايضا بعض المنتديات....
دي ملامح يا ملامح في القضايا الهندسية وح اديك ليها نقطة نقطة قبل ان نذهب الي الجزء الاخر الخاص بالتسطيح
في حوار جادي وعميق واتمني ان تاتي للمشاركة وبنفس العمق...
|
Post: #27
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hala Hassan
Date: 11-01-2008, 03:13 PM
Parent: #1
الباشمهندس عبدالكريم،
الباشمهندسون الكرام،
البوست دة شكلنا ح نكسر فيه ركبة،،،
(تصدق أول مرة أستعمل التعبير دة،
لكن لقيتو مناسب للحالة الإحنا فيها دى!!!)
Anyway,
حاولو فككوا المطلوب من المهندسين، دة شوية،
لأنو أنا عندى قناعة،
إنو سيدو نفسو ما ح يقدر يقوم بالمطلوب،،،،
ما علينا،،،،
راجعين....
-----------------------------
بالمناسبة،
مسجد النيلين و بشهادة الخبراء و الأجانب،
تحفة معمارية من الطراز الأول ووجه مشرق للعاصمة السودانية،،،
و بس،،
|
Post: #28
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 03:28 PM
Parent: #27
المجتمع المخملي اين هو
انت هربت لامريكا ولم تاكل من قرع ود العباس
مهنة الهندسة وتعمير الارض يحتاج لامكانيات عالية يا صديقي
ياخي ما نعيش في برج عاجي بي حقنا ياخ
وجاء في الاثر
من درس الحساب جزل رايه
بعدين جامعة الخرطوم دي زي الحج لمن استطاع اليها سبيلا
خامسا (we are the cream of the cream)
|
Post: #29
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 03:31 PM
Parent: #27
هلا يا باشمهندسة هالة
وحيتواصل التفكيك وحنستلهم فيهو ارفع معاني الهندسة الهاما وهما الدقة والامانة
وسنحلق مع ملامح عاليا في (INSPECTION) اسفيري ل خطابه الذي نعتقد حتي الان بانه فطير واسقاط ليس له
سند من المنطقة وشحنة لتداعيات سالبة
مالم يثبت العكس
واما امر مسجد النيلين سناتي اليه لاحقا يا هندسة
|
Post: #30
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 03:54 PM
Parent: #29
Quote: - الاهتما م بالواقع الهندسي في السودان خصوصا بكل تخصصات الهندسة
2-الاهتمام بالهندسة كمهنة وعكسها في المنبر
3- التعريف ببعض العلوم الهندسية ذات الارتباط بالمواطن
4-النشاط العام المعني بالمهندسين ككيانات قد تكون نقابية او مهنية تخصصية
5-دور المهندس وتفاعله مع المجتمع المحيط حوله كمهني واسهام في تفريغ وجدانه في المكونات الاخري ثقافة - اجتماع- غيره
6-المكسب الاسفيري لمهندسي سودانيز اونلاين (اليوم الحار نموذجا) |
يلا يا ملامح النقاط الستة الفوووق دي كلها نعتقد جازمين بانها كلها متواجدة بكثرة ونشاط في هذا المنبر وما هدية منبر اليوم الحار الذي شهد اعلي مشاهدة في تاريخ الاسافير السودانية علي الاطلاق ومنذ تاسيسها ليس الا شاهد علي قبوع النشاط الهندسي وتوطينه في قلب هذا المنبر كونه نشاط من افراد او مجموعات هندسية.....
وتعتقد بان النقاط اعلاها متواجدة في كل الاسافير السودانية وانتشرت مواقع المنتديات التي تعني بالنشاط المهني للمهندسين السودانين
كمبادرات فردية في اطار اهتمامهم بمهنهم والتواصل بينهم....وكلك منك للقوقل يمكنك ان تجد ما يفيدك ان اردت في كل جزئية هندسية مشيدة بايادي هندسية سودانية...في كل فروع الهندسة...
..........................
التسطيح
مفردة فضاضة يا ملامح وعاوزة ليها تعريف صارم وعلمي
يفرغها من اطلاقها هكذا وهي مشحونة بمعاني يمكن ان تفهم كالذوق و المزاج
ولذا الدعوة مرة اخري ليك عشان تعرف لينا (نمط الكتابات السطحية المطلقة)...
ولكن عدم حضورك لا يعني اننا سنتركها سسسساكت كده ونمشي بل سنعود اليها وسنفككهاا حتة حتة
|
Post: #31
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 04:19 PM
Parent: #30
قلت يا ملامح تسطيح الكتابات ولم تعطينا تعريف مطلق لهذه الجزئية المشحونة بالتزوق الانساني الخاص
سوف نجد لك مكانا في كراسي موقفنا المعلن من الانقاذ كونها تحاول ان تفرض واقع سياسي معين
وانت تحاول ان تفرض كتابات معينة ترضي بها تذوقك الخاص فقط...
عشان كده قلت ليك فوق الكتابة كلها ما انقاذ وبس...
كونك تحاول ايضا فرض كتابات تراه انت فقط لائقة بالنشر وغيرها او التسطيح
فهذا يرسل اشارة وصايا وتسلط .....تستحق التامل والتحليق فيها...
فالكتابة في اي جزئية في اطار لائحة هذا المنبر حق لا يمكن ان ينتظر التوقيع عليه من سيادتك استاذ ملامح
فلكل انسان هنا الكتابة في امره...دون وصايا دون تسلط .,...
.........
|
Post: #33
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 04:35 PM
Parent: #31
| Quote: رابعآ إستفار الكم المعرفي للمتهندسين في القضايا السودانوية .. حيث لم تظهر كتابات هندسية تدين الواقع المرير الذي فرضته حكومة الإنقاذ على السودان |
وشايفك يا ملامح
من اولا قفزت طوالي الي رابعا
فاين ثانيا وثالثا.......
فانت يا ملامح في حضرة مهندسين فالدقة وينا وين 3و2
وعشان حنصلح رابعا ونعتبرها ثانيا
ولمن تجبهن ممكن نوديها ليك في الاخر
.............
|
Post: #32
Title: Re: مع العضو (ملامح)...في ملامح من المجتمع الهندسي في الاسافير...!!!
Author: غباشي
Date: 11-01-2008, 04:21 PM
Parent: #1
| Quote: الفكرة الأساسية كانت مشروع تخرج للمعماري قمر الدولة - على ما اعتقد |
الباشمهندس قمر الدولة عبد القادر ... له التحية و التجلة
عملت معه ثلاث سنوات ... و كفاءته مشهود بها .....
| Quote: تاسعآ لم أكره في حياتي شخصآ مثل ذاك الذي أدعى بأنه مصمم مسجد على النيلين !! |
الله يسامحك ياخ .... نصيحتي لك ان تتصالح مع نفسك اولا
|
Post: #35
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 06:10 PM
Parent: #32
هلا وحبابك ياغباشي
ومرحب بيك في مدارات الملامح الهندسية
التي ا اهداه الينا ملامح للتفكيك...
وكن فالجوار سيحلو الترافيس - ترافيس الملامح
|
Post: #36
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 06:16 PM
Parent: #35
كيكي قبل ما تمشي في الغريق موغل ودهشة
خليني القنك درس
كيف الزول زاتو بخش هندسة
واحد من الاولية تكون شاطر وما بتتطلع من العشرة الاوائل
لازم تكون بتعرف رياضيات كويس جدا
يعني الزول الختفن جرن في الرياضيات (بهر بارك زي الجمل)
بعدين لازم في امتحان الشهادة تحرز علي الاقل اكتر من خمسة وتمانين في اي مادة
فيزياء وكيمياء ورياضيات تخصص ورياضيات اولية وانجليزي
كان الزول ما بعرف ديل
بموت بشوق الهندسة ساكت
وحليل عمي تنقو في مجلة الصبيان لما قال (جربان ياكل بعينيهو)
|
Post: #37
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 06:25 PM
Parent: #35
| Quote: رابعآ إستفار الكم المعرفي للمتهندسين في القضايا السودانوية .. حيث لم تظهر كتابات هندسية تدين الواقع المرير الذي فرضته حكومة الإنقاذ على السودان |
ناتي الي رابعا حقتك التي حولناه في الورشة هنا الي ثانيا....
وطبعا اعلاه هدمنا لك مصلح الكم الهندسي...
ولكن الكم المعرفي المهندسين جدير ومقبولة في اطار اهتمام الفرد المهندس بشانه العام..وبنلقي في صفحات المنبر مهندسين يكتبون لك يا ملامح
في كل اجزاء القضايا السودانية من سياسية وثقافةوقصة ورواوية وسرد ورياضه وغيره...وهذا هو الحراك السوداني وكلا يكتب موجهاته الذاتية المبنية علي خلفيته السياسية والثقافية التي شكلته وليس الهندسية التي حدثناك اعلا ه بانها ليس مدرسة للكادر بل مدرسة لتلقي العلوم الاكاديمية المربوطة بمنهج الهندسة...
.............................
سالت عن كتابات هندسية تدين الواقع الانقاذي...
ان كنت تقصد كتابات مهندسين ضد الانقاذ ستجدها وبالكوم
وايضا هنالك كتابات هندسية مع الانقاذ وبالكوم...
ولكن ربط المهندس في مهنته كمهنة لها معاييرها البعيدة في مممارستها كمهنة بموقف سياسي او حزبي معين
فهذا يهدم روح المهنة ويفرغها من اعلي معانيها وليس الهندسة فقط بل كل المهن الاخري كالطب وغيره
فهي مهن ادني تداخل في ممارستها بهذا الاشياء التي تقولها يهردم المهنة ويجلعها تحت وطاة معايير ليس هندسية بل سياسية...
ولذا الهندسة كمهنة عليها ان تبقي هندسة وهندسة فقط بعيدا عن اي متاجرة سياسية....
فقد يسطع فيها المهندس ذو الخلفية الشيوعية او الكيزانية او الانصار سنية او الكافر ذااااتو...
...
وده جدل كبير وعريض يا ملامح عن (اخلاق المهن) وفيهو كلام كبير وعريض وواحدة من مشاكل الاضرار بكل هذه المهن هو
اقحامها كمهن في معترك السياسية الكاسح لكل الاشياء لذا نجد في عصور انحطا ط هذا الفهم تنحط قيم وفلسفة هذه المهن
ونلقا عمارات بتقع لانو المعايير الهندسية خاضعة لفساد غير مراقب بوعي هندسي منحاز للمهنة وليس للرشاوي او للسلطان...
وايضا نجد الطبيب لا يتابع قيم ابقراط ويرفض معالجة المختلفين عنه سياسيا او ثقافيا...
لذا المهنة يفترض ان تبقي مهنة هندسية فقط..او غيرها..
...ولسع جايييك لنمرة اربعة التي تحولت لدينا لنمرة 2
وفي مزيد من الملامح
|
Post: #38
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 06:32 PM
Parent: #37
Quote: ولذا الهندسة كمهنة عليها ان تبقي هندسة وهندسة فقط بعيدا عن اي متاجرة سياسية....
فقد يسطع فيها المهندس ذو الخلفية الشيوعية او الكيزانية او الانصار سنية او الكافر ذااااتو...
|
نحن باسم شلة اليوم الحار
لسنا معنيين باسقاط الانقاذ
البقدر اجي اسقطها من امريكا خليهو اجي اسقطها
بس نحن اسيادها علم ورياضة
اضرب اللون يا كيكي
وكتر لي من موغل وسرمدية ومهنية
عشان ناس بلادي بلادي تامن
كرع
|
Post: #39
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 06:33 PM
Parent: #37
Quote:
من كدا واضح انو لما جثمت الانقاذ ووقعت الواقعه فى 1989 لم يهب
الفريق الهندسى لرسم مكان الحادث وتحقيق الكروكى وابعاده
وتسطيحكم للفكرة وتوابعها الهندسية ,, ياخ هسه خليك من كل شىء
الشوارع بتاعت الظلط البعملو فيها بدون مواصفات دى ،، كمان قولوا
ما شايفنها ،، اقعد ياكيكى ارضا سلاح وشوف ملامح داير يقول شنو
وما تضرب شديد ,, انا شايفه انو ممكن نطلع بى حاجه !!
الراجل للامانة حادب .... |
هلا وغلا والله
يا دينا انتي بالله في محفل هندسي وعشان كده ختي مداختلك بالنظام
مش تخليني امش اجيبها من القضارف وارد عليها
ملامح هبش بالمناسبة وتر ورغم الطريقة التي قاله فيه
الا انني اعتقد بانه مفيد يا دينا وممكن يضخ نقة تساهم في المكان البلوشي ده...
وانا ارضا سلاح يا قوات يا صديقة وشفتا ملامح داير يقول شنو..
وشكل البوست كان حيكون مختلف لوما جاء اكد علي جدية كلامو وطالب بالرد
واهو نحن بنرد ليهو في قالب اتمني ان يكون مفيد وغير مشحون باي دلالة سالبة
وكل الود
|
Post: #40
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 06:36 PM
Parent: #39
Quote: واهو نحن بنرد ليهو في قالب اتمني ان يكون مفيد وغير مشحون باي دلالة سالبة
وكل الود |
خليهو مشحون ياخ
يعني هو عشان صاحب بكري ابوبكر بخوفنا
طلق ما بنخاف
|
Post: #41
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 06:40 PM
Parent: #40
Quote: في انتظار الاخ ملامح
للحوار والحديث حول نقاطه اعلاه نقطة نقطة وجزئية جزئية |
كيكي
كفاية
الراجل عائز اظهر علي حسابنا ياخ
امشي شوف ليك بوست تاني
عائز ينال المجد علي حساب ناس اليوم الحار وشكلو زعلان ما قدر اخش هندسة
وما قدر اخش جامعة الخرطوم
|
Post: #42
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 06:41 PM
Parent: #39
هلا ابو خليل
واخونا ملامح الظاهر رايحة ليهو السكة
وداير يخلق معركة في غير ومعترك وبدون ثوابت علي الارض...
يعني لو عملت شكلة مع دكتور في المنبر ده تلم القصة كلها في راس الدكاترة
ولوعملت شكلة مع الخضرجية تلوم الخضرجية علي عدم اشاعة الوعي الخضرجي
واسقاط الانقاذ اعتماد علي روية خضرجية..
فعشان كده ياخلي قلنا نونسو بشوية موغل وسمردية
|
Post: #43
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 06:45 PM
Parent: #42
Quote: يعني لو عملت شكلة مع دكتور في المنبر ده تلم القصة كلها في راس الدكاترة
ولوعملت شكلة مع الخضرجية تلوم الخضرجية علي عدم اشاعة الوعي الخضرجي
واسقاط الانقاذ اعتماد علي روية خضرجية..
فعشان كده ياخلي قلنا نونسو بشوية موغل وسمردية |
والله يا كيكي
ما عائزين نعادي الرجل
ياخي ابوهو حسن نجيلة معلم الاجيال وبعدين ناس سنار اصحابنا كلهم
سيف عمران وهاشم حسن وانور تاج السر واحمد عبدالله وعصام بلال
خائفين نغلط ساكت وتبقي لينا بندامة
لكن اكربو شوية شوية
|
Post: #44
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد عبد الماجد الصايم
Date: 11-01-2008, 06:47 PM
Parent: #43
| Quote: ياخي ابوهو حسن نجيلة معلم الاجيال |
يا خلي
ما قلنا حاجة يا عمكـ
لكن ما كل مرة يجي يخرمج لينا ونقعد في الزي دا!
المرة الفاتت لمن الجماعة قالوا كدا قلنا ليهم: ليس الفتى من يقول كان أبي!!
ولا شنو يا يا كيكي يا موغل في الدهشة
|
Post: #45
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 07:01 PM
Parent: #44
هلا يا خليل والصايم
ويا خليل الزول ده لو صاحب بكري خليهو يمشي يشتكي لبكري ويقول ليهو
الناس ديل ادوني درس عصر خلي بكري يرفدناااااااا ذاااتو ورنرتاح..!!!
واما في امر استاذ الكبير الراحل حسن نجيلة فله كل الحب والتقدير كونه من الرواد الذين شكلو وجداننا المعرفي
ومساهم كبير في الحراك السوداني ومنذ زمن بعيد...وهو من الرواد..
ولكن ليس لحديثنا هنا ادني علاقة بسيرته العطرة
ولن نسمح لانفسنا بالزج باسمه في هذا النقاش الذي بعيد كل البعد عن اشيائه...
بل موضوعنا مع ملامح اسم المرور لسودانيز الذي كتب الكلام اعلاه في احدي زوايا هذا المنبر...
عاوزين نديهو درس عصرية
|
Post: #46
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 07:12 PM
Parent: #45
عودة لرابعا يا ملامح وامر الكتابات الهندسيةالمنادية باسقاط الانقاذ
ودي ما بنديها ليك قبل ما نحلق بيك في ضرورة ان تفهم الجزئية الفوق التي تفرق ما بين (ثنائية المهنة والخط السياسي الخاص بالمهندس)
ونعم المهندسين ن كثر ويتوزعون كافراد ما بين الكيانات السياسية في كل السودان
في مهندس انصار سنة
وفي مهندس كوز
ومهندس شيوعي وهلمجراء
وكلا يعمل علي تحقيق رويته الحزبية او افكاره الذاتية التي تحقق رويته للشان العام...وليس مربوطة بالمهنة هندسة كمهنة
لذا قد تجد ورشة عمل هندسي فيها كل هذه الوان الطيف..ولكن عقبها كل قرد منهم بركب في شجرة افكاره..
الكاتبة هنا لا تعرض في قالب مربوط بالمهنة
بل تعرض في قالب مربوط بالراي السياسي والانتماء المتاح لكل فرد حسب اهوائه واشيائه
لذا من السطحي تعريف كتابات المهندس في السياسية كونها كتابة هندسية او في الراوية كونها رواية هندسية
فالكتابة الهندسية هي الكتابة التي تكتب في شان هندسي..
وهذا ايضا يمكنها تضيف شيئا في متبقي الحراك كونها في بعض الاحيان تتحدث في الكيانات الهندسية ذات الطابع المطلبي
ولكنها لا يمكن ان تحتكر المعرفة الهندسية لانها ضد الانقاذ..
فالمهندس الكوز ايضا له الحق في الحديث عن تطوير مهنته ...ولكن من داخل مهنته وليس في اطار سياسي..
لذا كلامك عن الكتابات الهندسية ودورها في سقوط الانقاذ حديث غير مستند علي ارض ثابته وفطير
|
Post: #47
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 07:29 PM
Parent: #46
Quote:
خامسآ الجو المخملي و الخامل والذي يفرضه المتهندسين السودانيين من أمثالكم على حساب قضايا المواطن السوداني البسيط.. |
خامسا والتي ستتحول عندنا في الورشة هنا الي ثالثا في يوم الترقيم العالمي..
اولا اراك قلت متهندسين...
فهذه دلالة مشحونة سخرية وغير واقعية وكل من اجتاز منهج علوم الهندسة وبنجاح هو مهندس بالتاكيد يا ملامح ويستحق هذه الصفة
بجهدة ومثابرة وليس منحة من احد واي محاولة للسخرية منها فهي اسفاف وتداعيات سالبة لا تخدم الحقيقية...
واما الحديث عن الاجواء المخملية يا ملامح فاين هي الاجواء المخميلة وما هو تعريفك لها
وماهي نماذجك لهاوعلي اي ارضية حددتها مخملية..!!!
ولعمري في هذا المنبر لن نري اجواء مخيملية الا في الاسقاطات البعيدة عن ارض الواقع التي تعيق الاخريين ويهدرون زمنا كبيرا في الرد عليها
وتحويلها الي اشياء ايجابية...
فعشان كده اي حديث عن اجواء مخملية غير متفق عليها بعقل جمعي هنا
ستبقي روية احادية منك وبرجع تاني لتقاطعك مع الفكر الوصائي الاحادي زي بتاع الانقاذ
ماهي الاجواء المخملية يا ملامح وماهي ملامحها يا ملامح؟؟؟
..................
وماهي القضايا السودانية التي تريد من الناس ان يعكسوها ليك
ولماذا الوصايا والامر...
انت بدل تسال الناس عن القضايا السودانية ما تمشي انت وتعكس القضايا السودانية الدايرها انت
لماذ تريد المهندسين ان يعملوا ويعكسوا لك القضايا بالوكالة عنك طالما انت متاح لك ان تعرضها...
وهنا في هذا المكان الكل حرا في ان يكتب ما يريد
ولا يملك احد حق تدجين وتوجيه وترشيد كتابة الاخريين
متي امتلكت هذا الحق يا ملامح ...متي واين؟؟
|
Post: #48
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 07:40 PM
Parent: #47
Quote:
سادسآ.. أرتفاع ( الأنا) العليا لدى المتهندسين السودانيين و شوفنيتهم لأبناء جلدتهم وأدعاءاتهم الصفوية في تنميط الفكر الصفوي وأهمالهم للفكر الهندسي المندحر تطبيقيآ و معرفيآ في تطوير شكل السودان الهندسي ! |
المهندس يا ملامح انسان لذا قد نجد من لديه الانا ومن ليس لديه الانا
وكانك يا ملامح ذهبت الي مباراة في الكرة القدم ووجدت مهندس بشوت لفت
فقست علي ذلك كانك تعتقد كون هنالك مهندس واحد شفتو انت شات لفت فان كل المهندسين بشوتو لفت..
,,,
فلولاقاك مهندس متكبر فهذا لا يعني انه كل المهندسين متكبرين
والهندسية كقيمة مشحونة في كل اكاديمتها بقيم تنحاز لقيم الانسانية الحقة ولا تعكس في داخلها اي استعلاء بل بالعكس تنادي باحترام كل مكونات المجتمع
وافراده...
..............
تحدثت عن فكر هندسي مندحر واتمني يا ملامح ان تعود الينا حتي تحدثنا عن ملامح الانحدار تلك عشان نتفق ونختلف معاك
انحدار في الجانب الاكاديمي
ولا الممارسة
ولا في دور المهندس في مجتمعه
(ياتو دور هندسي المندحر وملامحه شنو لانوالادواد الهندسية كثيرة ومتعددة)
وفي دي في جوانب كثيرة ممكن نتفق معاك فيها او نختلف بكل شفافية وامانة
.............
واما حديثك عن تنميط الصفوية فاعتقد انه يهدم حديثك عن عدم وجود دور للمهندسين في الشان العام هنا
وكون تلقي مهندس يكتب ليك عن نقد الصفوة ومهما اتفقت او اختلفت معه
فده امر ايجابي وتعبير عن راي فلك ان تاتي للنقاش ان اردت
وما تقعد هناك
وتقول لاااااااا المهندس لا يتحدث في الصفوي ولا يحق له ذلك
تاني رجعنا لمحاولة التدجين والوصايا
|
Post: #49
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 07:56 PM
Parent: #48
Quote:
سابعآ.. عدم خروج فكر إبداعوي من الطائفة الهندسية وإحتقارهم حتى لأولئك المهندسين الذين لم يتخرجوا من جامعة الخرطوم ..!! و كأن جامعة الخرطوم هي أساس الهندسة في السودان..! |
نعم يا ملامح جامعة الخرطوم هي اساس الهندسة في السودان وهذا الكلام ياتي في اطار الحقيقة والتاريخ وليس كوني من خريجيها
كونها اول مدرسة استطاعت تخريج مهندسين يحملون الاجازة في العلوم الهندسية المختلفة وبتاهل عالي ومنهج صارم ومنضبط...
ولكن هذا لايعني بانها الكل ولا ينبغي لها..
فالهندسة عمل هرمي قد يكون راسه المهندس ولكن هنالك حتي العامل البسيط له دور في هذه المنظومة والمهندس مهما كانت درجة تاهيلة لا يستطيع
ان يودي عمل هندسي دون الاخريين لذا لا احتكار بل هنالك استحالة للمهندس ان يحتكر هذه المهنة لوحده فهنالك اخريين لهم ادوار كلها ذات اهمية عالية
وجديرة بالاحترام والتقدير....
كل مهندس يحتقر زميل مهنته مهما كانت جامعة تخرجه ليس بمهندس ناجح ولا يحترم مهنته
وجل خريجي جامعة الخرطوم الذين عشرات وعملت مع المئات منهم يحترمون كل زملائهم المهندسين ومكونات عملهم الاخري في محيط عملهم
مستلهمين احد اكبر السمات التي غرزت في فضاء جامعة الخرطوم وهي التواضع والانتماء الصادق للارض السودانية واهلها....
..........
حديثك عن الفكر والابداع الهندسي..
يحتاج الي استيضاحات وان كنت مهندس وهذا ما لم اعلمه من الضروري ان تمدنا بنمط الفكر الهندسي
الذي تقارن به تطور العقل الهندسي لدينا وباي المدارس الهندسية تقيس ملامح التطور في العقل الهندسي او في عقلية المهندس
كفرد....
او ان لم تكن مهندس سانتظرك علي قارعة الاسافير حتي تنتهي من منهج الهندسة دراسة واستيعاب وبعد داك تعال حاكم الفكر الهندسي...
فالمهندس في الهندسة يا ملامح لا يفله الا المهندس فالقصة ما جايطة ساااكت اي زول من طرف يجي يقول الفكر الهندسي
عند فلان الفلاني مدني وتعبان
|
Post: #50
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 08:05 PM
Parent: #49
Quote: او ان لم تكن مهندس سانتظرك علي قارعة الاسافير حتي تنتهي من منهج الهندسة دراسة واستيعاب وبعد داك تعال حاكم الفكر الهندسي...
فالمهندس في الهندسة يا ملامح لا يفله الا المهندس فالقصة ما جايطة ساااكت اي زول من طرف يجي يقول الفكر الهندسي
عند فلان الفلاني مدني وتعبان |
والله يا كيكي الزول جهيتو جيهة
كيكي يا قاهر بشاشا وحسبو وملامح وبقية تاتي
ممكن تقول ليهو جاس يساوي س للزوايا الصغيرة
او نها جاس/س =ا عندما توؤل س للصفر
|
Post: #51
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 08:13 PM
Parent: #49
Quote:
ثامنآ لم نر إبداعآ يومض بفكرة جديدة أو بناءآ لصيرورة الهندسة لتخلق فكر هندسي و خلاق مبين. |
هنا يا ملامح كلنا بنهتف معاك
ويسعدنا كثيرا ان نري فكر هندسيا جديدا يضيف شي للحراك الهندسي ويجعله واحة خلاقة ويسهل الابداع الخلاق للمهندس السوداني
وفي دي حتما لن نختلف معاك ومعاك صف واحد في هذا الامر...
ولكن ليس بطريقة تحميل المهندس كمهني ادوار مهنية تضر بفلسفة مهنته بل بفهم عميق لدور المهندس كانسان في مدارت خارج مهنته
التي يجب ان تكون مصانة ومكرمة بقوانيها
واطمئئن يا ملامح بان المهندس السوداني الذي اعرفه لا يزال منتميا لمهنته ومحبا لها وعاملا علي تطويرها
وتطوير مقدراته الذاتية في كل نواحي الدنيا وهمه الاكبر هو ان ينقلها الي وطنه...
ودي هدية مني انا عربون مطالعتك لكل فضاء هذا البوست وظني بان بين صفحات هذا المنبر وكل الاسافير
مساهمات ارقي واكثر عمقا من مهندسين ومهندسات سودانين يحبون كل الخير والسلام لوطنهم
التعمير واعادة التعمير في هامش السودان..... (رؤية هندسية)...!!!
|
Post: #52
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 08:24 PM
Parent: #51
| Quote: و نها جاس/س =ا عندما توؤل س للصف |
هلا يا خلي
وانا ذاااتي قربت امشي الي الصفر يا خلي في البوست ده
وخالك عندو باص باصين العبهم لللملامح ده وبعد داك الداير من الشباب يفسحو في جولة هندسية برضو مرحب
|
Post: #53
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 08:48 PM
Parent: #52
و تاسعآ لم أكره في حياتي شخصآ مثل ذاك الذي أدعى بأنه مصمم مسجد على النيلين !! وكأن السودان تنقصه المساجد وأمكنة الصلوات..!! وهذا جزء من العقلية الإنصرافية الهندسية..! حيث تعمل عقليتها فيما لا يرتجأ الناس!
وها هي جزئية من إنتقاد العقل الهندسي السوداني في صيرورته الإنصرافية و تعطيل خاصية الخلق و الإبداع .. وهذا الموقع خير دليل لهذه العقلية!
.............................................................................
وناتي يا ملامح الي اخر ملامحك في المجتمع الهندسي في الاسافير...
وفيها نرصد تناقضا واضحا وسطحية
تسال عن الفكر الهندسي والابداع الهندسي وترفض مسجد النيلين ذلك اللوحة المتفردة في التصميم والاخراج الهندسي
كونها عمل انصرافي (كده ووووووب وده وببببببين)...
ترفضها يا ملامح لانك عاوز تحقن الابداع المهني بايدلوجيتك انت لاغير
وتعتقد بان المهندس في زمن الطاغوت لا يحق له الابداع (لذا لماذا تسال ونحن الان في زمن طاغوت الكيزان)
داك طاغوت وده طاغوت ولكن الهندسة كعلم وابداع ليس لها علاقة في تطبيقها الابداعي بالسلطة....
فعقل المهندس المهني يعمل بالمعادلات الهندسية والالهام الموهوب بعيدا عن رغبات الذين يريدون ان يدجونوه لصالح اشيائهم
....
في السودان يجب ان نسعد كمسلمين ان يكون لدينا اجمل المساجد معماريا واجمل الكنائس للمسيحين
واجمل كل المعابد وامكنة الديانات الاخري....وكذلك يجب ان نحلم بالخبز والكساء والماء....
وعلي المهندس في دروه المهني تحقيق الجزء الاول وفيه دوره في محيطه الاخر ان يتكامل مع الاخريين لتحقيق واقع سياسي
جميل ولكن ليس لصالح مهنته ولا ضد قوانينها...
.........................
حديثك عن انصرافية المهندس وتعطليه لهذا الموقع
هذا كلام تهدمه الارقام ونحن نتكلم من وحي الارقام فقط في هذا البوست..
فاول منبر مبثق عن هذا المكان هو خاصا بالمهندسين
وكل الحراك السياسي والثقافي والاجتماعي وكل حركة المنبر نجد المهندسين يشاركون بارائهم الخاصة
مثلهم مثل الباقين ومبادرين في بعض الاشياء وانتاجهم الخاص وفير زين اسفير سودانيز بمكتبات بقراء عددهم تاريخي
...........
وان كانت رويتك لا تزال بان المهندسين هم من افسد الموقع
فاصلحه انت يا ملامح بكتابتك ومعينك فهذا المكان حرا مفتوحا للجميع ولما الانتظار ولما الاتكال علي المهندسين....
وتاكد باننا مهمة اختلفنا معك لن نحاكمك او نتعاطي مع امرك من وحي مهنتك التي لاندريها حتي الان
ولا نريد ان ندريها ولكن نريد ان نري كتاباتك انت ودورك انت...يا ملامح
انتهي الدرس يا ملامح
درس واحد
من زول واحد
في يوم واحد
والمايك معاكم جموع المهندسين والمهندسات
ووشكرا
|
Post: #54
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 09:00 PM
Parent: #53
أنا كتبت كلامي أعلاه وإنت رد عليه .. بالمناسبة كودنتك (qute) للموضوع لا يعني الرد .. وطبعآ ود البشرى( ظريف بكري) حرشك وخلاك تفتح البوست ده .. و حسنآ فعل .. فهي دعوة لمحاصرة العقلية الهندسية السودانية في أقصى( تسطيحاتها) أو ( مستوياتها) هندسيآعلى الأقل ..
.............................................................
اعلاه ما كتبه الاخ ملامح في دعوته لمحاصرة العقلية الهندسية السوداني في اعلي مستوياتها او اعلي تسطيحها
عندك قدر تحاكم حاكم من وحي الكلام الفوق دههه
ولوعندك كلام تاني مرحب بيهو
ولو ما عند كلام برضو مرحب بيك
بس المهم نسمع منك
|
Post: #55
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-01-2008, 09:02 PM
Parent: #53
لا حولا
مايك شنو يا باشمهندس تاني
قول جيبوا المكمدات الباردة و الفيرست إيد
وفي رواية الحلبة لأنو من رابعا بتكون بطنو وجعتو
يديك العافية يا باشمهندس
|
Post: #56
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Amira Elsheikh
Date: 11-01-2008, 09:08 PM
Parent: #55
Quote: والمايك معاكم جموع المهندسين والمهندسات
|
اها الزول كان كفيلو ولا صاحبو ولا جكسو مهندس
ينفع؟
طبعا انا اسى شمتانة فى عمر بوب
غايتو ياكيكى بقن عليك كتار خلاس
هامش ومستلب وقطيع ومغترب فى دولة عربية واخيرا مهندس قاعد ساى
قرقرقرقرقر...
|
Post: #57
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-01-2008, 09:11 PM
Parent: #55
ود البشري
الراجل شبكني كودنتك وجقلبة
هو مفتكر البو ست هنا بفتحو ساااااااااااااااكت كده ولاشنو...
وكلام كان ما فكفكو يخلهو معلق كده كيف ...وخصوصا سيدو جاء ودق صدرو..
.............................
|
Post: #58
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Amira Elsheikh
Date: 11-01-2008, 09:14 PM
Parent: #57
انقر ما نسيت الليلة وووووب يا كيكى
الليلة وووووووووووب
|
Post: #60
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 09:25 PM
Parent: #47
الأخ عبد الكريم ..
إنت أخذت الكتابة بعيد .. وذهبت ألى شخصنة الموضوع والآن تذكر إسم الوالد وتاني جبت سيرة البحر..
البوست الذي كودنته وأستحضرته أنت هنا و فتحته بإسمي كان عن معرض ردي لود البشرى .. وأنت تصديت للموضوع وبقيت سيدو .. وهذا مما دعم حديثي لشلة المهندسين إياها.. حيث جاء رد فعلك يؤكد تمامآ ما قلته هنا في شأن المصادمة بالتسطيح .. وهي ظاهرة أتسمت بها شلة محددة في البورد وهي فتح بوستات بغرض التشهير و السخرية و الإستهزاء بالأعضاء ..
والشئ الآخر بأن هنالك كتاب في البورد من المهندسين إستمتعنا بكتاتباتهم ويجدون كل الإحترام والتقدير وعلى سبيل المثال أذكر الباشمهندس أبوبكر ( الرتاني) كما يناديه أستاذنا ودشيقوق .. وإيضآ مهندس جوي أبراهيم عدلان .. وهالة حسن وآخرين من الذين أمتعونا بكتاباتهم.. ولكن ...! أن ردي على ود البشرى ليس يعني قصدي لكل المهندسين فأنت تعلم أن بيني و بينه بعض المناكفات .. ولقد أقحمت نفسك في موضوع لا يعنيك لمجرد أن ودالبشرى قد طلب منك ذلك .. ولقد ساءني كما ساء الكثيرين أن تتعرض مجموعة من كتاب البورد من المبدعين ألى إساءات و تجريح وآخرهم لما حدث للأستاذ يحيي فضل الله. وبالمناسبة نسيت أن أذكر لك بأن تسعة من أفراد أسرتي من المنتمين ألى مهنة الهندسة ولكنهم لا يجدون متسعآ من الوقت لكتابة آلاف البوستات.. وأخطرك بأنني إيضآ ليس لدي متسع من الوقت لقراءة كل ما كتبته أنت هنا في هذا البوست .. فأنا حينما تسجلت و نلت عضويتي في البورد ليس من أهدافي الكتابة في الأعضاء الآخرين في البورد.. ولكنها تبدو سمة الكتابة لدى البعض من أمثالكم والذين يكتبون بعيدآ عن أهداف الكتابة و الوعي المفترض أن يتوفر فيها. وأشكرك إذا أعتبرتني أو أعتبرني البعض بأنني أردت ( الشهرة) من خلال التداخل معك في هذا البورد .. فالإنسان سمة من بئته فكل ينقل ما جبل به و ماتعلمه. . فمثل البوستات و الكتابات ذات العائد المتناقص ـ كمثل هذا البوست ـ هي أحدى سمات عصر ( الهندسة) الإسفيري .. وأختتم مداخلتي بأن أسألك سؤالآ مباشرآ ما هي أهداف كتابتك لهذا البوست وماهي النتائج التي تريد أن توصل لها القارئ .!! ماهي رسالتك للقارئ .. !! فأنت تخاطبني كظاهرة خاصة و فتحت بوستآ عنونته بإسمي وسخرت من أعظم الكتب السودانية
( ملامح من المجتمع السوداني) وأنا وجهت إنتقادآ عاما في شأن بعض المهندسين وألمحت ألى ما كتبت .. عرفت الفرق بيني و بينك في الكتابة والرد ..! وختامآ أطلب منك شطب إسم والدي ـ رحمة الله ـ عليه من هذا لبوست فهو تصرف لا يليق بأبناء الأسر .. وكما قلت خاطبني بملامح وأنأى بعيدآ عن كل ما يمس أسرتي. فبما أنك أقحمت نفسك في موضوع ليس أصلآ موجهآ لك فأكتفي بهذا الرد ولن أتداخل معك . ..
|
Post: #63
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-01-2008, 09:50 PM
Parent: #60
تعليق على بعض التلبيس الوارد في الحديث عاليه| Quote: كلامي كان عن معرض ردي لود البشرى |
| Quote: أن ردي على ود البشرى ليس يعني قصدي لكل المهندسين |
هل دا ردك على ود البشرى Quote: كرام المواطنين من هم ياخدر أو طارق أبوعبيدة.. وأرجو أن لا تأخذك شلة
( اليوم الحار ما بندار بين الهندسة و المعمار)....!!!!! |
Re: مذكرة كِرام المواطنيين
أم دا Quote: يا خليل لقيت بوست الهندسة ..!
اليوم الحار و ما بندار ..... بين الهن ... و المهدام.. |
Re: مثقفاتية سودانيز ما عندكم حاجة وبوستاتكم (بورندي) ولا يكون دا Quote: وآمل لأصحاب صوالين الغير في أن يتكاتفوا..!
و حتى يكون الصالون كاملآ متكامل...! طبعآ بفضل أهل الهندسة الخطيرين..
و تحية للصديق ( الذي رك و طار لكي يكون هامآ من الهوام) ..! |
Re: سودانيز اونلاين يهزم الصوالين المغلقة للتحاور في ش...ر والثقافة ....!!!
لا حظ الردود اعلاه في بوستات انا لم اتداخل فيها حتى
وعلى قول الصديق اللذي رك وطار - يتبع
|
Post: #67
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-01-2008, 10:10 PM
Parent: #60
ثم يا اخينا ود البشرى دا في حد قاليك هو فيثاغورس و ديلسبس و لا عامل فيها ابو الهندسة عشان تزعل منو تقوم تسب للمهنة و لكل المهندسين و تسميهم المتهندسين
يعني اسي انا ازعل من ود الصايم اقوم اسب للجزارة و الجزارين ولا لو مثلا زهجتني حضرتك اقوم انعل خاش الصرماتية و الإسكافية جميعا
بعدين علاقتي شنو انا بكراهيتك لمن ادعى انو صمم مسجد النيلين
يا شيخنا انت ما بتتعامل مع اطفال ولا قاصري فهم , قصدك واضح ومن قولة تيت
وكالعادة اندفعت بدون ما تقدر لرجلك قبل الخطو موضعها و جاي تتراجع اسي و تدعي ان القصة مناكفات معي
ثم الحتة دي | Quote: ولقد أقحمت نفسك في موضوع لا يعنيك لمجرد أن ودالبشرى قد طلب منك ذلك .. |
استهلكتها و بقت ما جايبة تمنها لكن الاغرب منها و الجدا مثيرة للشفقة | Quote: ولقد ساءني كما ساء الكثيرين أن تتعرض مجموعة من كتاب البورد من المبدعين ألى إساءات و تجريح وآخرهم لما حدث للأستاذ يحيي فضل الله |
محاولة رخيصة لاستجداء التعاطف و برضو ما جايبة حقها | Quote: . وأخطرك بأنني إيضآ ليس لدي متسع من الوقت لقراءة كل ما كتبته أنت هنا في هذا البوست .. فأنا حينما تسجلت و نلت عضويتي في البورد ليس من أهدافي الكتابة في الأعضاء الآخرين في البورد.. |
طيب ياخي عليك يسهل و علينا يمهل
مالك شابكنا تصفية و عامل مستوى الكتابة في البورد شغلك الشاغل
خليك في اهدافك السجلت عشانها و تذكية من تحب من الاعضاء
حايم من بوست لبوست تعرض و ترمي في الكلام و الناس مطنشاك , لما عملنا ليك راس و قعر ما عجبك
ما يخص الباشمهندس كيكي فهو اولى بلحم تورو
اما بالنسبة لي فـ still
يتبع ...
|
Post: #59
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-01-2008, 09:17 PM
Parent: #1
بت الشيخ اخير تتخارجي
صاحبنا دا بجي في الويك اند مصلح يشبكك داقة دلوكة و بتاع
|
Post: #61
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Amira Elsheikh
Date: 11-01-2008, 09:26 PM
Parent: #59
| Quote: صاحبنا دا بجي في الويك اند مصلح يشبكك داقة دلوكة و بتاع |
سارة الحقى ..
ودالبشرى مالك ابوى انا ؟ انشاءالله خير
|
Post: #64
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 09:58 PM
Parent: #61
وأرجو من القارئ أن ينظر لهذه اللغة الراقية .. الأمر الذي يؤكد ما كتبته في شأن الشلة الهندسية أياها.. ولعودة مبدعي البورد..
الأستاذة أميرة الشيخ لك التحايا .. نفتقد بشدة ملامح من معهد الموسيقى و المسرح .. ومأزق المسرح السوداني الماثل..
وأطرف ما وصلني ( بأن الجماعة إياهم بكتبوا في المنبر عشان يقدروا ينعسوا و ينوموا) .. والعبارة ذكرتني الناس البجوا يلعبوا كورة عشان يمشوا يستحموا ... ما علينا ..
وعبر هذا البوست أحيي المهندس محمد عوض الكريم أحد مهندسي وقادة إنتفاضة أبريل 85.
|
Post: #65
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 10:03 PM
Parent: #64
إقتراح للأخ بكري أبوبكر بأن يترك المنبر العام لأصحاب الهندسة والوفيات و الأفراح .. والموائد العامرة .. ويعطى الباقين غرفة خلفية لكتاباتهم ..
و دمتم..
|
Post: #203
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Muna Khugali
Date: 11-03-2008, 12:30 PM
Parent: #65
Quote: إقتراح للأخ بكري أبوبكر بأن يترك المنبر العام لأصحاب الهندسة والوفيات و الأفراح .. والموائد العامرة .. ويعطى الباقين غرفة خلفية لكتاباتهم ..
و دمتم.. |
الأخ ملامح ..
بعد التحيه..
لا اري أن البورد مقصر في المساحه التي يعطيها الي اي راي ..فاهل الفن التشكيلي ياتون بما يودون..واهل التنظيمات السياسيه يفعلون المثل...وكذلك يفعل اهل السنه وأهل الشيعه ويفعل كل موضوع عنده أهل..
واري أن الحديث عن الوفيات بالتحديد بهذا الشكل الاستنكاري...فيه جرح لمشاعر الاخرين الذين يستمدون الراحه والاحساس بالسند في اثناء محنتهم من زملائهم..
وكذلك لا اري ان "الاخرين" يفترض ان يمنحواغرفه خلفيه يكتبون فيها....لكن يمكن القول ان سخافات وترفع بعض ممن يكتبون مع زملائهم وزميلاتهم ستجبرهم هم ان يذهبوا بكتاباتهم الي الغرف الخلفيه..
وفي هذه الحاله لا يستطيع بكري ان يفعل شيئا..فالمساحه متاحه للجميع..يعني حق حرية التعبير واحد هنا...من يطيقه الأعضاء والقراء سيستمر..ومن لا يطيقونه سيذهب..وقطعا سيجد المساخه الملائمه له في مكان أخر..ولا شتو؟
تحياتي لك وللجميع..
|
Post: #204
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Muna Khugali
Date: 11-03-2008, 12:36 PM
Parent: #65
Quote: إقتراح للأخ بكري أبوبكر بأن يترك المنبر العام لأصحاب الهندسة والوفيات و الأفراح .. والموائد العامرة .. ويعطى الباقين غرفة خلفية لكتاباتهم ..
و دمتم.. |
الأخ ملامح ..
بعد التحيه..
لا اري أن البورد مقصر في المساحه التي يعطيها الي اي راي ..فاهل الفن التشكيلي ياتون بما يودون..واهل التنظيمات السياسيه يفعلون المثل...وكذلك يفعل اهل السنه وأهل الشيعه ويفعل كل موضوع عنده أهل..
واري أن الحديث عن الوفيات بالتحديد بهذا الشكل الاستنكاري...فيه جرح لمشاعر الاخرين الذين يستمدون الراحه والاحساس بالسند في اثناء محنتهم من زملائهم..
وكذلك لا اري ان "الاخرين" يفترض ان يمنحواغرفه خلفيه يكتبون فيها....لكن يمكن القول ان سخافات وترفع بعض ممن يكتبون مع زملائهم وزميلاتهم ستجبرهم هم ان يذهبوا بكتاباتهم الي الغرف الخلفيه..
وفي هذه الحاله لا يستطيع بكري ان يفعل شيئا..فالمساحه متاحه للجميع..يعني حق حرية التعبير واحد هنا...من يطيقه الأعضاء والقراء سيستمر..ومن لا يطيقونه سيذهب..وقطعا سيجد المساخه الملائمه له في مكان أخر..ولا شتو؟
تحياتي لك وللجميع..
|
Post: #68
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Amira Elsheikh
Date: 11-01-2008, 10:42 PM
Parent: #64
| Quote: أرجو من القارئ أن ينظر لهذه اللغة الراقية .. الأمر الذي يؤكد ما كتبته في شأن الشلة الهندسية أياها.. ولعودة مبدعي البورد.. |
الاخ ملامح ....لك التحية
بعيد عن التريقة.. شنو المقصود بالغة الراقية والشلة الهندسية, مبدعي البورد؟ ..... لانودى كلها الغاز على الاقل بالنسبة لى.. ولا يكون الكلام دا موجه لزول تانى ؟؟
| Quote: نفتقد بشدة ملامح من معهد الموسيقى و المسرح .. ومأزق المسرح السوداني الماثل.. |
كثيرة المواضيع الاتفتحت وناقشت امر المسرح والدراما من كتاب ومتخصصين ومهتمين بالشان المسرحى واذا عملت سيرش بتلقاها
وانت كمان ممكن تتطرح وتناقش قضية ومازق المسرح السودانى اذا كان الموضوع يقع فى دائرة اهتمامك وستجد من يتداخل ويتحاور
معك ..لانو حق الكتابة هنا مكفول لكل شخص يمتلك باصويرد...
| Quote: وأطرف ما وصلني ( بأن الجماعة إياهم بكتبوا في المنبر عشان يقدروا ينعسوا و ينوموا) .. والعبارة ذكرتني الناس البجوا يلعبوا كورة عشان يمشوا يستحموا ... ما علينا .. |
اسى كلامك الفوق دا لخبتنى ولاعرفت الكلام موجهه لى كلو ولا نصو؟؟ وخصوصا لقيت اسمى محشور فى النص
عشان كدا اتداخلت ..
اطرف ما وصلك ؟؟؟من منو ومتين وكيف وليه؟؟
وانت بتسمع اى كلام يتقال ليك وتنقلو اون لاين ؟
مع كامل احترامى
|
Post: #62
Title: Re: مع العضو (ملامح)...في ملامح من المجتمع الهندسي في الاسافير...!!!
Author: فوزى عبد الفتاح
Date: 11-01-2008, 09:38 PM
Parent: #1
الباشمهندس عبد الكريم
تعرف انو ردك علي نقاط ملامح بالطريقة دى فى حد زاتا محاضرة -هندسيه استفدنا منها نحن كمهندسين واستفاد منه
غير المهندسين- وفيها تعريف متكامل عن الهندسة وعن المهندس وفهمه المتكامل عن الهندسة وعن الامور الاخرى سواء
كانت سياسيةاو اجتماعية اوثقافية
الا توافقني ان نشكر ملامح لخلقه هذه الفرصه لنفسه ولغيره لمعرفه البسيط جدا عن هذا العلم العملاق
|
Post: #66
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 10:07 PM
Parent: #62
أعتقد بأن المهندس الجيد لا يعني الكاتب الجيد..
و أعتقد بأن المهندس عبدالكريم مهندسآ جيدآ ..
|
Post: #70
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-01-2008, 10:58 PM
Parent: #66
حقيقة لقد قرأت ردود المهندس عبدالكريم ووجدت فيها جهدآ واضحآ و ردود جاءت منطقية .. ولكن تساءلت و أتساءل مرة أخري ماهي أهداف هذا البوست !
وأهداف الكتابة من خلاله ..! و ماهي القيم الإجابية فيه .. الخلاصة أنا أرى بأن مجموعة محددة في البورد تربطها مهنة واحدة خلقت لها تكتلآ بداخل المنبر ووجهت هذا التكتل ضد الآخرين بصورة ملفتة للأنظار .. وأصبحت معظم كتاباتهم موجهة ضد الأعضاء وليس محاولة لخلق كتابة أسفيرية تؤسس لهدف أو تحاول كتابة جاذبة و مريحة للأعضاء..! هذا الأمر خلق نوعآ من الضيق وسط بقية أعضاء المنبر و أنا منهم وآثر الكثيرون الآن على ترك المنبر .. وكما كتبت و نوهت من قبل هل الكتابة هي تشفي ضد الآخرين ..!
وهذا يقودنا ألى مبحث آخر يتعلق بتحليل تلك الشلة وإشكالياتها تجاه أعضاء البورد الآخرين .. هل هو تقاطع الكتابات و الأفكار في المنبر أم هو إحساس بالإستعلاء على الآخرين والإستهزاء بهم ! ومن قبل كتبت بوستا عن تصفية عضوية المنبر و غربلتها من أجل الحفاظ على نقاء المنبر وكرامة أعضائه والتي تمتهن من قبل هذه الشلة والتي أعتبرها قد ساهمت مساهمة كبيرة في تخريب المنبر .. ويتضح إيضآ بزوغ ذهنيتها الإنصرافية و الإستهلاكية التي تتميز بها وهذا يقودنا ألى تحديد البيئة التي تعيش فيها هذه المجموعة.. فقط لأننا نريد الحفاظ على صفائنا الداخلي و ذهنيتنا المفتوحة حينما نطالع أو نشارك بالكتابة في هذا الموقع..
|
Post: #69
Title: Re: مع العضو (ملامح)...في ملامح من المجتمع الهندسي في الاسافير...!!!
Author: طارق جبريل
Date: 11-01-2008, 10:55 PM
Parent: #1
يا هندسة
شنو هو الواحد ما ينوم يجي يلقى الكبع شغال
تليشة:
عشن حركاتكم دي مشينا قرينا بيطرة
|
Post: #72
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-01-2008, 11:28 PM
Parent: #69
الكركبة شنو اخر الليل
والله ناس اليوم الحار لا هبشو زول لا وصلو زول
ما عندنا حاجة سيتا وبيتا والفا
بنعمل موبلازيشن وبعدين حفريات وبعد خرصانة عادية وبعدين نصب القواعد
ونعمل عوازل ونصب الاعمدة والجسور والسقوفات والبلاستر والتمديدات الصحية
والكهربائية وعوازل السطح والتشطبيات والزول يستلم بيتو
لا هبشنا زول لا تكلنا ضد زول
وانت يا ملامح يا ود سنار متحامل علينا ساكت
بلا خطيئة جنيناها
|
Post: #71
Title: Re: مع العضو (ملامح)...في ملامح من المجتمع الهندسي في الاسافير...!!!
Author: طارق جبريل
Date: 11-01-2008, 11:17 PM
Parent: #1
Quote: وأهداف الكتابة من خلاله ..! و ماهي القيم الإجابية فيه .. الخلاصة أنا أرى بأن مجموعة محددة في البورد تربطها مهنة واحدة خلقت لها تكتلآ بداخل المنبر ووجهت هذا التكتل ضد الآخرين بصورة ملفتة للأنظار .. وأصبحت معظم كتاباتهم موجهة ضد الأعضاء وليس محاولة لخلق كتابة أسفيرية تؤسس لهدف أو تحاول كتابة جاذبة و مريحة للأعضاء..! هذا الأمر خلق نوعآ من الضيق وسط بقية أعضاء المنبر و أنا منهم وآثر الكثيرون الآن على ترك المنبر .. وكما كتبت و نوهت من قبل هل الكتابة هي تشفي ضد الآخرين ..!
|
ملامح كيفنك
اود ان اناقشك فقط في ما جاء في الكوتيشن اعلاه
لم ادخل يوما واحدا الى منبر ناس هندسة ديل
واعتقد انه لهم اهتماماتهم المشتركة وهم احرار في ما يكتبون
زي ما نحن مثلا اولاد الامتداد لنا بوست وفيه كل حكاوينا عن
منطقة نحن احببناها ولم نطلب من احد ان يشاركنا ذلك الاهتمام
دي نقطة
النقطة الثانية انه وبناء على النقاش الدائر هنا لا اعقد انك قمت
بعمل استطلاع لمعرفة راي اعضاء المنبر عن ما يكتبه المهندسون هنا
واذا كنت قمت بهذا الاستطلاع انا واحد من اعضاء هذا المنبر
ابحث عن ما يكتبه المهندس عبد الكريم حتى ولو تحت طوب زبالة
لانه لي قناعاتي انه عبد الكريم بعيدا عن الهندسة يكتب عن ملح الارض
عن قاع المدينة واطراف الاحياء.... وفي هذا متعة كبيرة لي على المستوى الشخصي
لذ لم اتذمر يوما واحدا من ما يكتب كيكي و خليل وانا عضو في هذا المنبر...
بعدين عايز تعرف سر منبر بكري دة وشهرتو (ودة راي شخصي)
اجمل ما في المنبر دة هو سوق ام دفسو بتاعة الكتابة الهنا دة
ملامح محبتي الاكيدة ياخ
طرق جبريل
(بيطري سابق+واعلامي حاليا)
|
Post: #73
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 01:24 AM
Parent: #71
Quote: الكركبة شنو اخر الليل
والله ناس اليوم الحار لا هبشو زول لا وصلو زول
ما عندنا حاجة سيتا وبيتا والفا
بنعمل موبلازيشن وبعدين حفريات وبعد خرصانة عادية وبعدين نصب القواعد
ونعمل عوازل ونصب الاعمدة والجسور والسقوفات والبلاستر والتمديدات الصحية
والكهربائية وعوازل السطح والتشطبيات والزول يستلم بيتو
لا هبشنا زول لا تكلنا ضد زول
وانت يا ملامح يا ود سنار متحامل علينا ساكت
بلا خطيئة جنيناها |
|
Post: #74
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 01:53 AM
Parent: #73
يا خليل .. هسع البوست الفاتحو منو..!
والخطيئة كيفنها..! ياخي حقو تراجع كتابات ما قبل التهكير بيوم واحد
وشوف من الذي أخطأ في حق الآخر وأسأل كبيركم الذي علمكم السحر ..
بالمناسبة أنا ما من سنار ,, ولا صل عشت فيها ..
وبعدين سؤال خاص
إنتا صاحي لي هسة مالك يا خليل..
|
Post: #78
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 06:27 AM
Parent: #74
Quote: وبعدين سؤال خاص
إنتا صاحي لي هسة مالك يا خليل.. |
انا اسمي مخاوي الليل عشان كدة ما بنوم ممكن بحب مش من حقي
والله كلنا كبار ما عندنا كبير واحد
ما اظن قبل التهكير في حد من شلة اليوم الحار غلطت في الزول
ياخي سينا في حالنا
اقسم بالله بالتلاتة اليوم الحار نجيب محفوظ ما يقدر يكتب زييو
الدنيا كلها اشادت بيهو
|
Post: #75
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 02:07 AM
Parent: #71
Quote: لم ادخل يوما واحدا الى منبر ناس هندسة ديل
واعتقد انه لهم اهتماماتهم المشتركة وهم احرار في ما يكتبون
زي ما نحن مثلا اولاد الامتداد لنا بوست وفيه كل حكاوينا عن
منطقة نحن احببناها ولم نطلب من احد ان يشاركنا ذلك الاهتمام
|
العزيز طارق جبريل ..
أنا لم أقل يومآ واحدآ أنني ضد منبر الهندسة و المعمار أو تكتل المهندسين أو الأطباء أو أصحاب أية مهنة يكونون بوستآ يجمعهم يكتبون فيه و يتبادلون فيه مايشاءون .. وكثيرآ ما أقرأ مثل هذه البوستات الجميلة وآخرها ( دفتر أحوال ضابط الشرطة المناوب) ولكن مايهمني أفراد تلك المجموعه أن يتكتلوا ضد الأعضاء الآخرين في المنبر يمارسون من خلاله شوفينية الآخرين وهذا ما يحدث من هذه المجموعة الهندسية .. رجائي متابعة كتاباتهم ضد الآخرين وفتحهم لبوستات يستهدفون فيها كل من يخالفهم رأي أو تقدم بفكرة مخالفة.. أما بخصوص أبناء إمتدادنا الأعزاء هل رأيتهم يتكتلون ضد الآخرين في هذا المنبر أو يظهرون شوفينية أو يظهرون كلوبي ضد الآخرين ..! وأعتقد بأنك قد تجنيت عليهم و أنت تصفهم بتلك المجموعه..
ولك تحياتي و أحترامي لشخصك العظيم..
|
Post: #76
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-02-2008, 02:53 AM
Parent: #1
يا شيخنا مما يؤسف له حقيقة انو الواحد ضيع وقته معاك و اتعامل معاك بجدية اكتر من اللازم و اوفر استميت يو
افضل شي انو خصمك يكون واضح معاك و يجيك بالباب و الدرب العديل يحدد مشكلتو معاك و يناديك بالاسم
ماتفعله هنا و هناك للاسف لا يعدو ان يكون جغمسة و محاولات استعداء و استجداء و طمس للمعالم
حديثك عن شلة الهندسة اللتي لا شغل لها الا الكتابة عن الاعضاء و استهداف الآخرين و هي سبب انحطاط و دمار البورد - بالاضافة للازمة المالية العالمية وتسريب صورة بالين بالبكيني لوسائل الاعلام
حديث فطير و فارغ
يا معلم حدد ناس شلتك ديل بالاسم ح تلقاهم نفرين تلاتة و احد بس منهم مهندس و دا ذاتو ما بكتب هنا ولا نال العضوية برقمه الهندسي عشان تنال منه بسبب مهنته او دراسته
العتبى لشلة اليوم الحار ان اصابهم رشاش من حيث لايدرون او يحتسبون بسببي او غيري
العتبى بصفة خاصة للباشمهندس عبد الكريم الامين احمد المعروف بكيكي العضو المعروف بالبورد باتزانه و اخلاقه ووضوحه ان زججنا به حيث لا يجب ان يكون
و اصابه بسبب هذا البوست رشاش لا يشبهه ولا ينبغي له
امسحها لينا في وشنا يا باشمهندس
اما انت يا ما لامح ولا فاهم و لا شايف اي حاجة في الدنيا غير ذاتك و بتعاير الامور كلها بمعاييرك المختلة
كلامك الفوق عن لغة الشلة اياها و الجا تحت حديثي عن دق الدلوكة فما تدعي البراءة
انت عارف تماما انه اللغة دي فضلة خيرك و انت حاديها و مبتدعها
و ما تفتكر مسح بوست التصفية و التذكية يعني مسح سوءاتك الأبديتها هنا للعيان و هبلت بيها نفسك ما شاء الله لك من تهبيل
سؤال اخير ...
لما وقعت في بيان المبدعين ما كتبت صفة قدام اسمك ليه
ما لقيت حاجة مناسبة
اقلاها كان تكتب ملامح - مصفي رسمي و مذكي
|
Post: #89
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 08:41 AM
Parent: #76
Quote: يا شيخنا مما يؤسف له حقيقة انو الواحد ضيع وقته معاك و اتعامل معاك بجدية اكتر من اللازم و اوفر استميت يو
افضل شي انو خصمك يكون واضح معاك و يجيك بالباب و الدرب العديل يحدد مشكلتو معاك و يناديك بالاسم
ماتفعله هنا و هناك للاسف لا يعدو ان يكون جغمسة و محاولات استعداء و استجداء و طمس للمعالم
حديثك عن شلة الهندسة اللتي لا شغل لها الا الكتابة عن الاعضاء و استهداف الآخرين و هي سبب انحطاط و دمار البورد - بالاضافة للازمة المالية العالمية وتسريب صورة بالين بالبكيني لوسائل الاعلام
حديث فطير و فارغ
يا معلم حدد ناس شلتك ديل بالاسم ح تلقاهم نفرين تلاتة و احد بس منهم مهندس و دا ذاتو ما بكتب هنا ولا نال العضوية برقمه الهندسي عشان تنال منه بسبب مهنته او دراسته
العتبى لشلة اليوم الحار ان اصابهم رشاش من حيث لايدرون او يحتسبون بسببي او غيري
العتبى بصفة خاصة للباشمهندس عبد الكريم الامين احمد المعروف بكيكي العضو المعروف بالبورد باتزانه و اخلاقه ووضوحه ان زججنا به حيث لا يجب ان يكون
و اصابه بسبب هذا البوست رشاش لا يشبهه ولا ينبغي له
امسحها لينا في وشنا يا باشمهندس
|
شوف يا ود البشرى المن غير بشرى ..
لا أحسبك سوى أحد الذين إنحطوا بمستوى هذا البورد .. زيك و زي فلان!
كون أن كتاباتك الأسفيرية الفاشلة و خلقك لبيئة أسفيرية نتنة لا يمكن أن تتأتى هذه البيئة من شخص سوى ... و بالمناسبة أنت و من معك ليسوا سوى عصابة أسفيرية منتهية ...!!! ولولا و صف أخونا بكري أبوبكر لك بالظرافة لظننت أنك أحد متهندسي الإحتراب في هذا البورد.. يا عديم النخوة ... !! فأنت و من شايعك ليسوا سوى بالونات تفرقعها إبر الدبابيس ..! شوف يا ود البشرى فأنا من خلالك فلقد كفرت بك و بمن شايعك و من و قف معك .. فلاغرو أن يكون المبدعون خصومك ..! يا جاهل ... والجهل لا يغدوا سوى أن يكون سلافة أفعالك و كتاباتك و خلقك لبيئة تحرشية في هذا المكان .. و أصنفك و من معك أركاء هذا الزمان!
قول لينا ما هي عقدتك الدنوية حتى نعالجها لك ... يا حلم الصبا ..!
|
Post: #77
Title: Re: مع العضو (ملامح)...في ملامح من المجتمع الهندسي في الاسافير...!!!
Author: سارة علي
Date: 11-02-2008, 03:00 AM
Parent: #1
ود العم..
انا دلوكتي شعارنا..
في السلم نغم...
وفي الحرب لغم...
سلاح موسيقي بس..
|
Post: #79
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 06:47 AM
Parent: #77
Quote: إنت أخذت الكتابة بعيد .. وذهبت ألى شخصنة الموضوع والآن تذكر إسم الوالد وتاني جبت سيرة البحر..
البوست الذي كودنته وأستحضرته أنت هنا و فتحته بإسمي كان عن معرض ردي لود البشرى .. وأنت تصديت للموضوع وبقيت سيدو .. وهذا مما دعم حديثي لشلة المهندسين إياها.. حيث جاء رد فعلك يؤكد تمامآ ما قلته هنا في شأن المصادمة بالتسطيح .. وهي ظاهرة أتسمت بها شلة محددة في البورد وهي فتح بوستات بغرض التشهير و السخرية و الإستهزاء بالأعضاء ..
والشئ الآخر بأن هنالك كتاب في البورد من المهندسين إستمتعنا بكتاتباتهم ويجدون كل الإحترام والتقدير وعلى سبيل المثال أذكر الباشمهندس أبوبكر ( الرتاني) كما يناديه أستاذنا ودشيقوق .. وإيضآ مهندس جوي أبراهيم عدلان .. وهالة حسن وآخرين من الذين أمتعونا بكتاباتهم.. ولكن ...! أن ردي على ود البشرى ليس يعني قصدي لكل المهندسين فأنت تعلم أن بيني و بينه بعض المناكفات .. ولقد أقحمت نفسك في موضوع لا يعنيك لمجرد أن ودالبشرى قد طلب منك ذلك .. ولقد ساءني كما ساء الكثيرين أن تتعرض مجموعة من كتاب البورد من المبدعين ألى إساءات و تجريح وآخرهم لما حدث للأستاذ يحيي فضل الله. وبالمناسبة نسيت أن أذكر لك بأن تسعة من أفراد أسرتي من المنتمين ألى مهنة الهندسة ولكنهم لا يجدون متسعآ من الوقت لكتابة آلاف البوستات.. وأخطرك بأنني إيضآ ليس لدي متسع من الوقت لقراءة كل ما كتبته أنت هنا في هذا البوست .. فأنا حينما تسجلت و نلت عضويتي في البورد ليس من أهدافي الكتابة في الأعضاء الآخرين في البورد.. ولكنها تبدو سمة الكتابة لدى البعض من أمثالكم والذين يكتبون بعيدآ عن أهداف الكتابة و الوعي المفترض أن يتوفر فيها. وأشكرك إذا أعتبرتني أو أعتبرني البعض بأنني أردت ( الشهرة) من خلال التداخل معك في هذا البورد .. فالإنسان سمة من بئته فكل ينقل ما جبل به و ماتعلمه. . فمثل البوستات و الكتابات ذات العائد المتناقص ـ كمثل هذا البوست ـ هي أحدى سمات عصر ( الهندسة) الإسفيري .. وأختتم مداخلتي بأن أسألك سؤالآ مباشرآ ما هي أهداف كتابتك لهذا البوست وماهي النتائج التي تريد أن توصل لها القارئ .!! ماهي رسالتك للقارئ .. !! فأنت تخاطبني كظاهرة خاصة و فتحت بوستآ عنونته بإسمي وسخرت من أعظم الكتب السودانية
( ملامح من المجتمع السوداني) وأنا وجهت إنتقادآ عاما في شأن بعض المهندسين وألمحت ألى ما كتبت .. عرفت الفرق بيني و بينك في الكتابة والرد ..! وختامآ أطلب منك شطب إسم والدي ـ رحمة الله ـ عليه من هذا لبوست فهو تصرف لا يليق بأبناء الأسر .. وكما قلت خاطبني بملامح وأنأى بعيدآ عن كل ما يمس أسرتي. فبما أنك أقحمت نفسك في موضوع ليس أصلآ موجهآ لك فأكتفي بهذا الرد ولن أتداخل معك . ..
(عدل بواسطة malamih on 01-11-2008, 08:30 م)
(عدل بواسطة malamih on 01-11-2008, 09:29 م)
|
سلام يا ملامح
اولا يا ملامح شكر علي حضورك مرة اخري
تامينك علي ان الحديث في مجمله لايخلو من المنطق والموضوعية
وده تقدم كبير واختراق مهم في حديثي معاك...
1-سبب فتح البوست يا سيدي لسببين
ا- كونك ربط خلافك الشخصي مع ود البشري بالهندسة والمهندسين وحاكمت المهندسين ودورهم في هذا الموقع استنادا علي اسقاط وخلاف شخصي بحت
(تعارك مع ود البشري بعيدا عن الهندسة والمهندسين وتعال شوف بعد داك البسالك منو)
2- اشاعتك بين البوستات والتي تراه الان امامك في المداخلة التي اتي بها ود البشري مشفوعة بتويثق يتعرض لما سميته شلة اليوم الحار ما بندار...لذا كان لزاما علينا ان نناديك الي هنا ونحلق معاك في سياحة حول (اسقاط المهن الهندسية علي الخلاف الشخصي) ونزودك عن رويتنا الخاصة لتواجدنا في هذا المكان
3-ليس هنالك ادني اشارات للشخصنة في حديثي لك وحتي ذكر سيرة الاديب الراحل اتت بكل احترام وتاديب ولك ان تراجعها مرة اخري
وحديثك عن السخرية بالعنوان..يكفي شهادتك بان ما جاء تحت (المنطق والموضوعية) وثانيا هذا الكتاب لا توجد قوة في هذه الدنيا تمنع
قارئه في استلهام عنوانه في شي (وصفته انت بالموضوعيةوالمنطق)...وهذا الكتاب ليس حبيس اضابير خاصة بل يتواجد في كل مكتبات البيوتات السودانية وهو ملك للمعرفة والوجدان السوداني..
4- حديث عن بوست الصفوي ,,,محاولة منك لتشيد محاكم تفتيش اسفيرية تطارد الراي المخالف وهذه تهمة يا ملامح لا اود الخوض في تفاصيلها كثيرا وعليك ان تتامل فيها كما تاملت في (التعديل بامر ودهاشم قربية في تهديدك الذي قراته قبل ان تمسحه)لعملك يحي فضل ككاتب ورواي اجد نفسي في قمة المتعة وانا اطلع كتاباته وعلي استعداد للدفاع عنها ضد اشرس الناس واقساهم في هذا المكان ولكن ليس علي استعداد
ان اتفق معه في الراي وعدم نقده لمجرد انه كاتبي المفضل(وحديث الصفوة هو راي في الامر العام قلته بكل شجاعة) من اراد الرد عليه
فالبوست قاعد وله حق ابداء الراي الاخر ولكن اي محاولة كسوتها امر الخطيئة فعلي الاخريين ان يتتحسسوا موقفهم من الحريات وحرية الراي
كونهم يقفون في خندق يحارب الانقاذ باسم الحريات.....
5-لاتعليق عن التعرض للمبدعين (اتمني ان تذكر نماذج) فالمنبر ذاكرة وارشيف
6-نعم ياملامح انا اخطابك كظاهرة ونمط لتدجين الخلاف الشخصي وحقنه للمهنة لذا وجب ان اسكب لك كثيرا في هذا الامر حتي يقراه الغاشي والداني ويعلم عواقب هذه الاشياء والا فاعرض عن هذا النمط حتي لايشيع بين الاخريين في خلافاتهم السياسيى والفكرية والثقافية
7- حديثك عن نماذج المهندسين الذين استفدت منهم حديثا يجد عندي فرحا وطربا وهوي كونهم مهندسين اشاعو في قلبك الفائدة وهذا لوحده قادر علي هدم اسقاطك الموجهة ضد المهندسين ومثلك احييهم جميعا واشد علي اياديهم اعجابا بهم وباخريين كثر مهندسين يساهمون مع الجميع
8- اقحامك للهندسة عنوة في هذا الامر وتامينك عليه في هذا البوست وطلبك الرد هو من جعل من هذا الحديث ممكنا وسفرا يمكن ان يفيد من افاد
9- لا شي شخصي ما بيني وبينك ولا اريده وطيلة الثلاثة سنوات التي تواجدت انا فيها في هذا المكان لا اذكر بانني قلت ليك احم ولا سبحان الله
ولكن عدنا تهابش حاجاتي التي تخصني ستجدني حضارا بالموضوعية والمنطق
|
Post: #93
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:03 AM
Parent: #79
Quote: اولا يا ملامح شكر علي حضورك مرة اخري
تامينك علي ان الحديث في مجمله لايخلو من المنطق والموضوعية
وده تقدم كبير واختراق مهم في حديثي معاك...
1-سبب فتح البوست يا سيدي لسببين
ا- كونك ربط خلافك الشخصي مع ود البشري بالهندسة والمهندسين وحاكمت المهندسين ودورهم في هذا الموقع استنادا علي اسقاط وخلاف شخصي بحت
(تعارك مع ود البشري بعيدا عن الهندسة والمهندسين وتعال شوف بعد داك البسالك منو)
|
الأخ الفاضل / عبد الكريم..
أنت نفسك وقعت ضحية لتحريش ود البشرى لك لكي تكتب في هذا المنحى .. و بالتالي تصبح شريكآ لود البشرى حينما أوعز أليك بالكتابة و التفكيك لما كتبته أنا ... و أرجو منك قراءة البوست بتمعن... فما أكفهرت الأيام سوى بمثل تلك النوائب...! وأحدى تلك النوائب من جاء ذكره هنا بحادثات الليالي!!!!
و دمت ...!
by the way don't let them school you !! donn't let them fool you
|
Post: #80
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 06:50 AM
Parent: #77
Quote: البوست دة شكلنا ح نكسر فيه ركبة،،،
(تصدق أول مرة أستعمل التعبير دة،
لكن لقيتو مناسب للحالة الإحنا فيها دى!!!) |
هالة ...
لا وانت الصادقة ،،
شكلنا حا نجلس القرفصاء (بتاعت كيكي وهالة) ،،،، 
|
Post: #81
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 07:21 AM
Parent: #80
بصراحة ،،،
حاولت أدقق في لغة وعبارات الأخ ملامح لمحاولة فهم ما يرمي إليه ...
بس الفهم قسم ..
(معليش ،، مهندس حا أجيب الفهم من وين؟) ....
كتابات وعبارات الأخ ملامح شابها كثير من التناقض ,, والتحامل على شلة المهندسين إياها
| Quote: وهذا مما دعم حديثي لشلة المهندسين إياهاا.. حيث جاء رد فعلك يؤكد تمامآ ما قلته هنا في شأن المصادمة بالتسطيح .. وهي ظاهرة أتسمت بها شلة محددة في البورد وهي فتح بوستات بغرض التشهير و السخرية و الإستهزاء بالأعضاء .. |
دي وين ده يا ربي ...
في اليوم الحار ؟؟؟
ولا في شلة مهندسين عاملة ليها بوست ونحن ما عارفين؟
(وش محتااااار ومستغرب)
| Quote: أنا أرى بأن مجموعة محددة في البورد تربطها مهنة واحدة خلقت لها تكتلآ بداخل المنبر ووجهت هذا التكتل ضد الآخرين بصورة ملفتة للأنظار .. وأصبحت معظم كتاباتهم موجهة ضد الأعضاء وليس محاولة لخلق كتابة أسفيرية تؤسس لهدف أو تحاول كتابة جاذبة و مريحة للأعضاء..! هذا الأمر خلق نوعآ من الضيق وسط بقية أعضاء المنبر و أنا منهم وآثر الكثيرون الآن على ترك المنبر .. وكما كتبت و نوهت من قبل هل الكتابة هي تشفي ضد الآخرين ..! |
نفس الوش المستغرب ومطير عيونو ،،،
يا سيدي ..
نحن غير مطالبين ...
وليس بالضرورة أن تكون كتاباتنا جاذبة ومريحة لكل أعضاء المنبر ..
منبرنا موجه لفئة خاصة ... مهندسين بس ... وفي المهندسين .. مهندسي جامعة الخرطوم ...
هل أجرمنا في ذلك ؟ ...
وبحمد الله كتاباتنا جذبت آلاف المهندسين (المعنيين بالأمر) ..
وخلقت روابط تواصل بين زملاء افترقوا لسنوات ..
وهدفنا ,,
بل نفذنا كثير من أهدافنا .. والخاصة بفئتنا ...
وعلى مستويات نحن غير مطالبين برصدها لك هنا ...
فهي لا تعنيك بشئ ...
إن كان ذلك سببا في خلق ضيق وسط بقية أعضاء المنبر (الذين أعطيت نفسك الحق لتتحدث بإسمائهم) ..
فعذرا ,,
أعرض نفسك على طبيب نفسي (وسوق معاك بقية الأعضاء المتأزمين) ...
| Quote: أن ردي على ود البشرى ليس يعني قصدي لكل المهندسين |
وهنا تراجع ...
وتناقض ..
| Quote: اقتراح للأخ بكري أبوبكر بأن يترك المنبر العام لأصحاب الهندسة والوفيات و الأفراح .. والموائد العامرة |
يا سيدي ،،،
وإنت الصادق ...
فقد تركنا نحن المنبر العام ..
وتفضل الأخ بكري بتخصيص منبر خاااااص لشلة المهندسين إياهاا ...
|
Post: #82
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 07:32 AM
Parent: #81
ويصر الأخ ملامح على التعميم ..
| Quote: ولكن مايهمني أفراد تلك المجموعه أن يتكتلوا ضد الأعضاء الآخرين في المنبر يمارسون من خلاله شوفينية الآخرين وهذا ما يحدث من هذه المجموعة الهندسية .. رجائي متابعة كتاباتهم ضد الآخرين وفتحهم لبوستات يستهدفون فيها كل من يخالفهم رأي أو تقدم بفكرة مخالفة |
على ما يبدو إنه الأخ ملامح زعلان من أشخاص بعينهم ...
لكن خانه التعبير ..
فعمم على أفراد تلك المجموعة ..
وأنا واحد من الشلة إياها ...
لكن لم يسبق لي أن تداخلت معه في أي بوست ..
ولم تكن بيننا أي مواضيع مشتركة ..
وهو حال معظم .. بل قل .. جميع .. أفراد الشلة إياها ..
|
Post: #83
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 07:42 AM
Parent: #82
الأخ ملامح ...
روق المنقة شوية ،،
ودقق في عباراتك ...
ووجه كلامك للشخص المعني دون تعميم ..
نعزمك ليمون في كافتيريا هندسة ،،
واستمتع بالكلمات دي .. (قالها واحد من عشاق الهندسة .. وهو أيضا من الشلة إياها ..)
|
Post: #95
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:08 AM
Parent: #81
الأح أبراهيم ..
كرهي في الدنيا الناس البجوا خاشين توووووووش بدون أن يعرفوا ما حدث!
و دمت...!
|
Post: #84
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Yassir Tayfour
Date: 11-02-2008, 07:45 AM
Parent: #80
تعرف يا كيكي ياصاحب يا مدهش ما حصل سمعت لي أم إتمنت إنو ولدها لما يكبر يكون غير دكتور ولّ مهندس..
___
أمهات غير مبدعات
|
Post: #85
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 07:47 AM
Parent: #84
الأخ ياسر ،،
| Quote: ما حصل سمعت لي أم إتمنت إنو ولدها لما يكبر يكون غير دكتور ولّ مهندس.. |
أمهات ينتمون إلى الشلة إياها ...
|
Post: #86
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 08:14 AM
Parent: #85
هلا يا شبيبة
وتحياتي وبنجي للجميع وبرواقة
واخونا ملامح عصر علينا شديد كقطاع مهني
ومارس فينا محاكم تفتيش اسفيريةومحاكمة راي ومحاولة للتدجين وفرض وصايا وذوق..
ويقيني كما قال الاخ ابراهيم بانه محتقن ضد اشخاص بعينهم وما حضورنا وببوست وبهذه الكثافة الا لتخليص اسقاط المهنة من براثن الخلاف الشخصي وعلي الاخ ملامح ان ارادها مع ودالبشري فلتكن مع ود البشري العضو
وان ارادها معي او مع مهندس اخر ان يعزل محيطه الهندسي المهني من الخلاف..
والا عليه ان يتحمل عقبات اقحامه للمهنة التي نحترمها ونقدرها ونقدر مهندسيها ومهندساتها بعيدا عن خلافنا السياسي او الثقافي او الفكري....
|
Post: #91
Title: Re: مع العضو (ملامح)...في ملامح من المجتمع الهندسي في الاسافير...!!!
Author: صلاح ليون
Date: 11-02-2008, 08:53 AM
Parent: #86
الجميل كيكي وبقية العقد الفريد
من المهندسين ومن شايعهم ....
وبي لمحة كده وجدت مهندس
مسجل جديد لنج ، فوزي عبد الفتاح
اسمح لي يا كيكي أن أرحب بيهو ..
الف مرحب بيك يا عزيزي وصديقي ..
ياخي والله طلتك دي بالدنيا بس كنا
عايزنها هناك في اليوم الحار ..
وينك يا باشا ووين ايامك ووين اراضيك
اسمع يا فوزي تعال بهناك وسجل زيارة
لليوم الحار في منبر الهندسة والمعمار
|
Post: #87
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Safia Mohamed
Date: 11-02-2008, 08:39 AM
Parent: #1
مهندس عبد الكريم
هو انت بالله هندسة الخرطوم وكدة ما عارفين والله شابكنك استاذ استاذ
عموما
كالعادة جيت متاخرة
وما قدرت اتابع كل ما كتب
لكن من خلال ما اطلعت عليه
طلعت بانه الحوار متلخص في نقطتين
1) ادعاء ان (الهندسة) فكر انساني مناط به ايجاد حلول لواقع السودان
2) الدفاع من مجتمع المهندسين والمهندسات عن دور المهندسين في هذا الشان
ولا انا غلطانة
وعليه
تعليقي
يتحصر في
ان الهندسة ايا كان مصدرها هي علم متخصص في مجالات متباينة وليس فكر انساني او منطلق ايدولوجي مناط به احداث تغيير وعليه يوجد مهندس "كوز" مع تحفظي على المصطلح ومهندس شيوعي ومهندس مسيحي ومهندس مسلم ومهندس لا ديني ومهندس لاسياسي ومهندس او مهندسة جمهورسية وغيرها من المعتقدات الدينية الايدولوجية والسياسية
فاي شريحة من المهندسين يقع عليه لوم اخفاقات "المهندسين/ المهندسات السودانيات)؟؟؟؟؟؟؟؟؟ سؤال غريب
جدلية تقاطع العلوم التطبيقية (هندسة طب علوم) مع العلوم الاجتماعية علم نفس وفلسفة مع الاقتصادية السياسية هي محط كثير من البحوث والدراسات لقياس مدى الترابط والتشابك ومدى اهيمة كل منها للأخرى .
ان كل المجالات متشابكة ومترابطة ولا يمكن الفصل التام بينهما داخل الشخص الواحد فكيف بنا ان نفصلها عند شريحة واحدة(المهندسين) فداخل كل مهندس او مهندسة جانب اجتماعي فلسفي والهندسة مهنة من خلالها يمارس المهندس او المهندسة مهتنه
خلاصة قولي
فالمهندس في نظري مهني المنوط به اداء مهتنه مما تعلمه
ولا يتحمل وزر او اخطاء فساد الدولة او السياسة ما لم يكن جزء من هذه المنظومة وهنا اللوم يقع على المنظومة وليس على المهنة
اما ناس جامعة الخطوم واعتدادهم الزائد بانفسهم
لا تعليق
والواقع العملي خير بيان
هل توجد احصائيات تؤكد او تنفي النجاح المطلق لكل خريجي جريجات جامعة الخرطوم وهل بالمقابل توجد احصائيات تؤكد او تنفي فشل كل ممن لم يتخرج او لم تتحرج من جاجعة الخرطوم؟؟؟؟؟؟؟؟؟ بما في ذلك الجامعات والمعاهد الاوروبية
قطعا لا توجد احصائيات وان وجدت ملاحظات فهي تحمل في داخلها تباينات ما بين النجاح العملي والابداع الاكاديمي
كفاية ياخي
وبرضو هندسة الخرطوم قبل التسعينيات كدة عاد ما بعرف اجيب اشكال واللبيب بالاشارة يفهم.
|
Post: #90
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 08:52 AM
Parent: #88
Quote: شوف يا ود البشرى المن غير بشرى ..
لا أحسبك سوى أحد الذين إنحطوا بمستوى هذا البورد .. زيك و زي فلان!
كون أن كتاباتك الأسفيرية الفاشلة و خلقك لبيئة أسفيرية نتنة لا يمكن أن تتأتى هذه البيئة من شخص سوى ... و بالمناسبة أنت و من معك ليسوا سوى عصابة أسفيرية منتهية ...!!! ولولا و صف أخونا بكري أبوبكر لك بالظرافة لظننت أنك أحد متهندسي الإحتراب في هذا البورد.. يا عديم النخوة ... !! فأنت و من شايعك ليسوا سوى بالونات تفرقعها إبر الدبابيس ..! شوف يا ود البشرى فأنا من خلالك فلقد كفرت بك و بمن شايعك و من و قف معك .. فلاغرو أن يكون المبدعون خصومك ..! يا جاهل ... والجهل لا يغدوا سوى أن يكون سلافة أفعالك و كتاباتك و خلقك لبيئة تحرشية في هذا المكان .. و أصنفك و من معك أركاء هذا الزمان!
قول لينا ما هي عقدتك الدنوية حتى نعالجها لك ... يا حلم الصبا ..! |
سلام وتحية يا ملامح
شوف ياملامح اي محاولة لجر هذا البوست الي محاولة تهاتر او حديث لا يليق منك او من شخص اخر بكون كلام لايليق
وزي ما انت وصفت الحديث اعلاه بالمنطق والموضوعية فاتمني ان تهرمن هذا الامر في مداخلاتك ...واطالب الاخ محمد البشري ايضا بان لا يندفع معك بمثل ذه اللغة..ولكم في مساحات الاسفير امكنة وازمنة وحرية....
فبليس هدي الكورة يا ملامح وخلينا نقدم المفيد ولو مرة واتمني انك تساعدنا في ذلك
فالف مرحب بك في حوار بعيدا عن هذه التهاترية التي لاتقدم ولا تاخر
واعتقد بان ود البشري ايضا سيتجيب الي هذه المناشدة الاخوية
|
Post: #92
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-02-2008, 09:02 AM
Parent: #90
حاضر يا كيكي تامر امر
وانت يا عوقة زمانك يا ديك عدة الأسافير
تعال لي في بيان الباقين اشبعك من سواقة الدقداق الاخترتها دي
|
Post: #94
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 09:07 AM
Parent: #1
Quote: العزيز السناري ود ود هاشم .. الكيكي..
أنا كتبت كلامي أعلاه وإنت رد عليه .. بالمناسبة كودنتك (qute) للموضوع لا يعني الرد .. وطبعآ ود البشرى( ظريف بكري) حرشك وخلاك تفتح البوست ده .. و حسنآ فعل .. فهي دعوة لمحاصرة العقلية الهندسية السودانية في أقصى( تسطيحاتها) أو ( مستوياتها) هندسيآعلى ال |
كااااااااااااااااك
ده بوست جميل اول مرة اشوفو ..
اعجبني كلام ملامح حول خمول الابداع لدى المهندسين السودانيين..
واعجبتني اكثر فكرة الكودنة التي قال بها( دي انصرافية مني كالعادة)..
وزي ما قالت العزيزة ميسون نجومي - قبل اعوام عديدات- فيما معناه(ابتداء البوست بي كوت هو ضعف في المبادرة وانعدام ابداع..)
فسبحان الباري ..صدقت ميسون بعد ثمانين شهرا او تزيد..
وهسي جا العزيز كيكي واحسبة مهندس وانا بصراحة ماعارفو
بس لو مرق مهندس
يكون ملامح برضو صدق..
وفي جانب الراي الخاص اقول مشاركا بكل ادب مستاذنا كيكي في المشاركة الجادة للحوار حول ملامح الخمول في المجتمع الهندسي السوداني :
المهندس السوداني موش قليل الابداع..بل يكاد يخلو منه ..
وهو في جملة الممول الهندسي الجواهو تكرار للتجارب الاكاديمية والمعارف التي تلقاها..
باختصار ولكي اقرب الفكرة ، المهندس والمقاول في السودان لافرق بينهم ..
إلا من رحم ربي..وديل قلة لاُيقاس عليهم..
* طبعا لسع ماقريت باقي المداخلات التي تلت الكوت اعلاه..
ويمكن اعتبار بدايتي بكوت ..قلة ابداع مني..
|
Post: #96
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:18 AM
Parent: #94
| Quote: ابتداء البوست بي كوت هو ضعف في المبادرة وانعدام ابداع. |
مرحب با دكين وحبابكفي الحوار الجادي..
ويلا حتي يزيد الامر جدية اقراء ما بعد الكودنة ونحن في انتظارك
|
Post: #98
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:23 AM
Parent: #96
| Quote: by the way don't let them school you !! donn't let them fool you |
ملامح تحياتي
وبالله شيل من راسك حكاية اني محرش دي
وصدقني الحكاية مافيها اي بعد بعد تحريش ولا اسمح لنفسي في خوض غمار معممةزي دي من وحي تحريش
فبالله اديني معاك مساحة اني زول عندي راي بعيدا عن اي روية مربوطة بشخص اخر..
وشكرا علي حديثك الطيب يا ملامح وكدي روق واحلي وخلينا نتونس في الموضوع ده برواقة
وبعدها حتما سيبقي بيننا الود
|
Post: #97
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:21 AM
Parent: #94
Quote: يا شيخنا مما يؤسف له حقيقة انو الواحد ضيع وقته معاك و اتعامل معاك بجدية اكتر من اللازم و اوفر استميت يو
افضل شي انو خصمك يكون واضح معاك و يجيك بالباب و الدرب العديل يحدد مشكلتو معاك و يناديك بالاسم
ماتفعله هنا و هناك للاسف لا يعدو ان يكون جغمسة و محاولات استعداء و استجداء و طمس للمعالم
حديثك عن شلة الهندسة اللتي لا شغل لها الا الكتابة عن الاعضاء و استهداف الآخرين و هي سبب انحطاط و دمار البورد - بالاضافة للازمة المالية العالمية وتسريب صورة بالين بالبكيني لوسائل الاعلام
حديث فطير و فارغ
يا معلم حدد ناس شلتك ديل بالاسم ح تلقاهم نفرين تلاتة و احد بس منهم مهندس و دا ذاتو ما بكتب هنا ولا نال العضوية برقمه الهندسي عشان تنال منه بسبب مهنته او دراسته
العتبى لشلة اليوم الحار ان اصابهم رشاش من حيث لايدرون او يحتسبون بسببي او غيري
العتبى بصفة خاصة للباشمهندس عبد الكريم الامين احمد المعروف بكيكي العضو المعروف بالبورد باتزانه و اخلاقه ووضوحه ان زججنا به حيث لا يجب ان يكون
و اصابه بسبب هذا البوست رشاش لا يشبهه ولا ينبغي له
امسحها لينا في وشنا يا باشمهندس
اما انت يا ما لامح ولا فاهم و لا شايف اي حاجة في الدنيا غير ذاتك و بتعاير الامور كلها بمعاييرك المختلة
كلامك الفوق عن لغة الشلة اياها و الجا تحت حديثي عن دق الدلوكة فما تدعي البراءة
انت عارف تماما انه اللغة دي فضلة خيرك و انت حاديها و مبتدعها
و ما تفتكر مسح بوست التصفية و التذكية يعني مسح سوءاتك الأبديتها هنا للعيان و هبلت بيها نفسك ما شاء الله لك من تهبيل
سؤال اخير ...
لما وقعت في بيان المبدعين ما كتبت صفة قدام اسمك ليه
ما لقيت حاجة مناسبة
اقلاها كان تكتب ملامح - مصفي رسمي و مذكي
(عدل بواسطة محمد البشرى الخضر on 02-11-2008, 01:56 ص
|
وتلك هي مداخلة ود البشرى لي في هذا البوست .. فهل إستوعبها أخونا عبد الكريم والذي يحارب نيابة عن ود البشرى المن غير بشرى..!!
|
Post: #101
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:29 AM
Parent: #97
Quote: فهل إستوعبها أخونا عبد الكريم والذي يحارب نيابة عن ود البشرى المن غير بشرى..!!
|
انا ما عارف برضو انت مسمي مايدور حرب بياتو فهم
انا اناقشك وجلبتك للنقاش كوني مهندس....وزي ما قلت ليك اعلاه كونك زجيت بالهندسة كمهنة في خلاف شخصي..
موضوعنا يا ملامح هو ما ورد اعلاه في امر دور المهندس واعتقد بان اي اسقاط اخر يزحف في نقاش بعيدا من اصول الامر
وبعيق التداول فيه...
فلو كنت تعني كلماتك التي كتبتها فرديت ليك نقطة نقطة..
وانت كنت يا ملامح تحاول شحن الامر بخلافك الشخصي مع ود البشري فقد قلت لكما هذا ليس مكانه ولم مساحة وزمن واسفيرواسع
وقد استجاب ود البشري مشكورا فهل استجبت
|
Post: #100
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:28 AM
Parent: #94
Quote: كااااااااااااااااك
ده بوست جميل اول مرة اشوفو ..
اعجبني كلام ملامح حول خمول الابداع لدى المهندسين السودانيين..
واعجبتني اكثر فكرة الكودنة التي قال بها( دي انصرافية مني كالعادة)..
وزي ما قالت العزيزة ميسون نجومي - قبل اعوام عديدات- فيما معناه(ابتداء البوست بي كوت هو ضعف في المبادرة وانعدام ابداع..)
فسبحان الباري ..صدقت ميسون بعد ثمانين شهرا او تزيد..
وهسي جا العزيز كيكي واحسبة مهندس وانا بصراحة ماعارفو
بس لو مرق مهندس
يكون ملامح برضو صدق..
|
العزيز ود دكين و التحايا عبرك للرائعة ميسون النجومي .. فلقد كتبت و أبدعت وغادرت المنبر بحر إختيارها...
|
Post: #128
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 11:42 AM
Parent: #100
| Quote: العزيز ود دكين و التحايا عبرك للرائعة ميسون النجومي .. فلقد كتبت و أبدعت وغادرت المنبر بحر إختيارها |
ميسون النجومي
برضو زعلانة من ناس اليوم الحار وللا شنو
يا رب ترجع ونحن نغادر عشان ما تحرم القراء بسبب ناس اليوم الحار
|
Post: #161
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Balla Musa
Date: 11-02-2008, 09:24 PM
Parent: #100
البوست شكلو مكتوب فى الميدان الشرقى..
والفكرة مستوحاة من دورة الجامعة فى كرة القدم..
طبعا لايمكن أن يكون كرة طايرة بين بنات الأحفاد وكلية العلوم فى دورة إتحاد التمثيل النسبى عندما فتحت الفرجة على مصراعيها أى مصرع النساء ومصرع الرجال..
حتى هتف شيخ البركس قوية قوية يانسبية..
ملامح زعلان عشان سيهان بيرد ختفا إبن عمر..
وهاهو يهاجم أولاد هندسة على دقسة أن ابن عمر خريج هندسة مع انو ابن عمر جار إقتصاد حيتة بالحيتة..
والحزب الشيوعى فرحان عشان ابن عمر بطل يبرم شنبو بعد فشل مشروع الحجاب..
عمر أومو قاعد يتفرج وبعدها فتح ركن نقاش عن مشروع نقل المكتبة قبل حريقها الوشيك وانتهى الركن بشرح الخلط الستينى على الطريقة الترابية وختم بالاستعانة بالمهندسين فى خياطة فردة الشراب المقدودة..
وتدخل ذوالقرنين فى تفنيد حالة البيطرى الذى خرج من معركة تشريح كلب ليشتبك مع بت زراعة خرجت لتوها من رسم وردة بعد الغوص فى بتلاتها وانتهى بنفس موضوع الشراب المقدود متحدثا عن الحكمة فى شم الشراب قبل لبسه وأفاض فى خبرته فى معرفة الشراب الملبوس مع كبك والشراب الملبوس مع جزمة إيطالية..
وشهد بقوة حاسة الشم لطلاب البيطرة وأدان تسكع العلوميات فى المين رووود حتى جعلن من عذابات مجلة مشهورة موضوعها شعر من فردة محب دون أن يحس به الطرف الآخر.
ياجماعة الليلة المباراة اقتصاد هندسة ؟
AKAA كيفك
|
Post: #99
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Safia Mohamed
Date: 11-02-2008, 09:26 AM
Parent: #1
Quote: مهندس عبد الكريم
هو انت بالله هندسة الخرطوم وكدة ما عارفين والله شابكنك استاذ استاذ
عموما
كالعادة جيت متاخرة
وما قدرت اتابع كل ما كتب
لكن من خلال ما اطلعت عليه
طلعت بانه الحوار متلخص في نقطتين
1) ادعاء ان (الهندسة) فكر انساني مناط به ايجاد حلول لواقع السودان
2) الدفاع من مجتمع المهندسين والمهندسات عن دور المهندسين في هذا الشان
ولا انا غلطانة
وعليه
تعليقي
يتحصر في
ان الهندسة ايا كان مصدرها هي علم متخصص في مجالات متباينة وليس فكر انساني او منطلق ايدولوجي مناط به احداث تغيير وعليه يوجد مهندس "كوز" مع تحفظي على المصطلح ومهندس شيوعي ومهندس مسيحي ومهندس مسلم ومهندس لا ديني ومهندس لاسياسي ومهندس او مهندسة جمهورسية وغيرها من المعتقدات الدينية الايدولوجية والسياسية
فاي شريحة من المهندسين يقع عليه لوم اخفاقات "المهندسين/ المهندسات السودانيات)؟؟؟؟؟؟؟؟؟ سؤال غريب
جدلية تقاطع العلوم التطبيقية (هندسة طب علوم) مع العلوم الاجتماعية علم نفس وفلسفة مع الاقتصادية السياسية هي محط كثير من البحوث والدراسات لقياس مدى الترابط والتشابك ومدى اهيمة كل منها للأخرى .
ان كل المجالات متشابكة ومترابطة ولا يمكن الفصل التام بينهما داخل الشخص الواحد فكيف بنا ان نفصلها عند شريحة واحدة(المهندسين) فداخل كل مهندس او مهندسة جانب اجتماعي فلسفي والهندسة مهنة من خلالها يمارس المهندس او المهندسة مهتنه
خلاصة قولي
فالمهندس في نظري مهني المنوط به اداء مهتنه مما تعلمه
ولا يتحمل وزر او اخطاء فساد الدولة او السياسة ما لم يكن جزء من هذه المنظومة وهنا اللوم يقع على المنظومة وليس على المهنة
اما ناس جامعة الخطوم واعتدادهم الزائد بانفسهم
لا تعليق
والواقع العملي خير بيان
هل توجد احصائيات تؤكد او تنفي النجاح المطلق لكل خريجي جريجات جامعة الخرطوم وهل بالمقابل توجد احصائيات تؤكد او تنفي فشل كل ممن لم يتخرج او لم تتحرج من جاجعة الخرطوم؟؟؟؟؟؟؟؟؟ بما في ذلك الجامعات والمعاهد الاوروبية
قطعا لا توجد احصائيات وان وجدت ملاحظات فهي تحمل في داخلها تباينات ما بين النجاح العملي والابداع الاكاديمي
كفاية ياخي
وبرضو هندسة الخرطوم قبل التسعينيات كدة عاد ما بعرف اجيب اشكال واللبيب بالاشارة يفهم. |
مهندس عبد الكريم كتر خيرك
يا اخوي
عشان ما
هندسة
وكمان ما الخرطوم يعني
تفطونا
الفيكم اتعرفت يا عنصريين هههههههههههههههههههههههه
|
Post: #102
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:32 AM
Parent: #99
Quote: مهندس عبد الكريم كتر خيرك
يا اخوي
عشان ما
هندسة
وكمان ما الخرطوم يعني
تفطونا
الفيكم اتعرفت يا عنصريين هههههههههههههههههههههههه |
لا والله يا صفية وحاشاكي من الفط
ولكن يا صفية انها محاولات ردود لتوجيه البوست ومنها سنعود اليكم بكل تقدير لوجودكم هنا..
انتي تقولي كده
اااامال ناس طارق جبريل واميرة الشيخ والمهندس الجديد لنج فوزي يقولو شنو
صبرا صبرا يا صفية
مداخلتك بالمناسبة قيمة جدا وفيها اضافة للحوار بس
خلينا نشوف حكاية ملامح ده ونحصل معاهو لنيفاشا
|
Post: #103
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 09:35 AM
Parent: #102
| Quote: طبعآ دي متروكة لي فهمك الكي كي ..K K .. |
|
Post: #104
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:39 AM
Parent: #103
مش يا ملاسي في حاجة اسمها شكرا علي مرورك
فنحن بنقول ليك شكرا علي ضحكك
|
Post: #106
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:42 AM
Parent: #103
Quote: ثم يا اخينا ود البشرى دا في حد قاليك هو فيثاغورس و ديلسبس و لا عامل فيها ابو الهندسة عشان تزعل منو تقوم تسب للمهنة و لكل المهندسين و تسميهم المتهندسين
يعني اسي انا ازعل من ود الصايم اقوم اسب للجزارة و الجزارين ولا لو مثلا زهجتني حضرتك اقوم انعل خاش الصرماتية و الإسكافية جميعا
بعدين علاقتي شنو انا بكراهيتك لمن ادعى انو صمم مسجد النيلين
يا شيخنا انت ما بتتعامل مع اطفال ولا قاصري فهم , قصدك واضح ومن قولة تيت
وكالعادة اندفعت بدون ما تقدر لرجلك قبل الخطو موضعها و جاي تتراجع اسي و تدعي ان القصة مناكفات معي
ثم الحتة دي
Quote: ولقد أقحمت نفسك في موضوع لا يعنيك لمجرد أن ودالبشرى قد طلب منك ذلك ..
استهلكتها و بقت ما جايبة تمنها لكن الاغرب منها و الجدا مثيرة للشفقة
Quote: ولقد ساءني كما ساء الكثيرين أن تتعرض مجموعة من كتاب البورد من المبدعين ألى إساءات و تجريح وآخرهم لما حدث للأستاذ يحيي فضل الله
محاولة رخيصة لاستجداء التعاطف و برضو ما جايبة حقها
Quote: . وأخطرك بأنني إيضآ ليس لدي متسع من الوقت لقراءة كل ما كتبته أنت هنا في هذا البوست .. فأنا حينما تسجلت و نلت عضويتي في البورد ليس من أهدافي الكتابة في الأعضاء الآخرين في البورد..
طيب ياخي عليك يسهل و علينا يمهل
مالك شابكنا تصفية و عامل مستوى الكتابة في البورد شغلك الشاغل
خليك في اهدافك السجلت عشانها و تذكية من تحب من الاعضاء
حايم من بوست لبوست تعرض و ترمي في الكلام و الناس مطنشاك , لما عملنا ليك راس و قعر ما عجبك
ما يخص الباشمهندس كيكي فهو اولى بلحم تورو
اما بالنسبة لي فـ still
يتبع ... |
ودي لغة ود البشرى الظريف...!!! وطبعآ من فرحانين النت .. ليعوض ما أصابه من الكفيل الشارقوي الجاهل ...!
|
Post: #107
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:50 AM
Parent: #103
تعرف يا ملاسي إنت زول زكي و لماح ..
|
Post: #110
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:55 AM
Parent: #107
| Quote: تعرف يا ملاسي إنت زول زكي و لماح |
يا ملامح مش احنا عمل ديل
وقفنا حكاية توطين السخرية دي..
لماحة ملاسي لزوموها شنو حسع..؟؟؟
يا ملامح خلينا علي الخط وماعازوين نرجع البوست ده لمربعات نحن عبرناها
|
Post: #113
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Yassir Tayfour
Date: 11-02-2008, 10:13 AM
Parent: #107
أستاذ ملامح سلامات،
| Quote: تعرف يا ملاسي إنت زول زكي و لماح .. |
ملاسي ذكي ولمّاح لا شك، ولكن في هذا البوست تحديداً والذي "جهجه" ذكائه هو ما يجمعه بالمهندسين من مصير مشترك من جهة، وغريمه الإسفيري كيكي من الجهة الأخرى، فإختار ملاسي فش الغبينة
____
والله إنتو أحلى ناس، وخلو اللعب نضيف(fighting with rules) عشان "درب الرجعة" لي حاجاتنا السمحة يكون ساهل(when game is over)..
i have a lot of respect to ustaz malamih, but here i am taking kiki's side
|
Post: #109
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:53 AM
Parent: #102
Quote: لا والله يا صفية وحاشاكي من الفط
ولكن يا صفية انها محاولات ردود لتوجيه البوست ومنها سنعود اليكم بكل تقدير لوجودكم هنا..
انتي تقولي كده
اااامال ناس طارق جبريل واميرة الشيخ والمهندس الجديد لنج فوزي يقولو شنو
صبرا صبرا يا صفية
مداخلتك بالمناسبة قيمة جدا وفيها اضافة للحوار بس
خلينا نشوف حكاية ملامح ده ونحصل معاهو لنيفاشا |
أنا ما كت قايل نفسي قرنق أو عبد الواحد..!
|
Post: #111
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:58 AM
Parent: #109
| Quote: أنا ما كت قايل نفسي قرنق أو عبد الواحد..! |
ملامح بالله خلي مباراة الكور المرتدة
وخليك في النقاش ..واهو جاك دكين ممكن يساهم معاك فيهو
اطمئن يا زول انت لا قرنق له الخلود ولا عبدالواحد...
|
Post: #105
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 09:41 AM
Parent: #1
Quote: يلا يا ملامح الدور الان علي القضايا الهندسية والتسطيح
ودي كلو في النقطة الاولي....بعد ان طلعنا ليك كلامك عن (الكم الهندسي والروية الهندسية ) فشوش ساكت ما لم نسمع منك افادات تدحض دلونا ..
نجيك للقضايا الهندسية
ودي ممكن تتقري في زوايا كثيرة
1- الاهتما م بالواقع الهندسي في السودان خصوصا بكل تخصصات الهندسة
2-الاهتمام بالهندسة كمهنة وعكسها في المنبر
3- التعريف ببعض العلوم الهندسية ذات الارتباط بالمواطن
4-النشاط العام المعني بالمهندسين ككيانات قد تكون نقابية او مهنية تخصصية
5-دور المهندس وتفاعله مع المجتمع المحيط حوله كمهني واسهام في تفريغ وجدانه في المكونات الاخري ثقافة - اجتماع- غيره
6-المكسب الاسفيري لمهندسي سودانيز اونلاين (اليوم الحار نموذجا)
احنا لسع يا ملامح في النقطة الاولي بتاعك
وسيكون مدار حديثنا في النقاط اعلاه (سودانيز اونلاين كنموذج) والاسافير الاخري كونك هابشت ايضا بعض المنتديات....
دي ملامح يا ملامح في القضايا الهندسية وح اديك ليها نقطة نقطة قبل ان |
اسير في تتابع دون القفز فوق المداخلات
ووقفت عند هذه النقاط التي اثارها الاخ الفاضل كيكي (عبد الكريم) او كما يحب ان ُينادى ولينبهني اذا اراد احد الاسمين دون الاخر ..
ذكر كيكي فيما اسماها القضايا الهندسية عدة نقاط حتى الرقم 6
شخصيا ماقدرتا افهم هل دي النقاط التي سيتم التحاور فيها حول فكرة خمول الفكر الابداعي لذهينة المهندس السوداني ام هذه النقاط حول المنبر ومهندسيه ..بمعنى النظر الى أي مدى اهتم المنبر عبر مهندسيه بالواقع الهندسي في السودان وتخصصاتة ..(هذا في النقطة الاولى).
خاصة بعد ماقتا سودانيز اونلاين نموذجاً..
وهكذا الى اخر النقاط ....
فمحتاج اعرف من الاخ الفاضل كيكي هل نتحدث هنا عن منبراب مهندسين ام مهندسين سودانيين؟!
| Quote: يلا يا ملامح النقاط الستة الفوووق دي كلها نعتقد جازمين بانها كلها متواجدة بكثرة ونشاط في هذا المنبر وما هدية منبر اليوم الحار الذي شهد اعلي مشاهدة في تاريخ الاسافير السودانية علي الاطلاق ومنذ تاسيسها ليس الا شاهد علي قبوع النشاط الهندسي وتوطينه في قلب هذا المنبر كونه نشاط من افراد او مجموعات هندسية..... |
البوست المذكور اعلاه لايصلح نموذجا لتاكيد وجود الابداع في المهندس السوداني لو افترضنا انو المهنية الابداعية هي المقصودة .
اامااذا كنت قاصد أي ابداع من اي نوع في المهندس ولا بس الابداع المهني( الهندسي)
وبالتالي يمكن ان نقول ان العسكرية السودانية منتجة ومبدعة ونجيب تجربة اللواء ابقرون والفريق ابراهيم الهل يرحمو والعميد حسن كركب والعميد محمد نور ..الخ..
وبالتالي لايكون المقصود من هذه الاشياء الابداع المهني وانما ابداع الشخص في عمومه كانسان بغض النظر عن حرفنتو في مهنتو..
|
Post: #108
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 09:52 AM
Parent: #105
Quote: 1- الاهتما م بالواقع الهندسي في السودان خصوصا بكل تخصصات الهندسة
2-الاهتمام بالهندسة كمهنة وعكسها في المنبر
3- التعريف ببعض العلوم الهندسية ذات الارتباط بالمواطن
4-النشاط العام المعني بالمهندسين ككيانات قد تكون نقابية او مهنية تخصصية
5-دور المهندس وتفاعله مع المجتمع المحيط حوله كمهني واسهام في تفريغ وجدانه في المكونات الاخري ثقافة - اجتماع- غيره
6-المكسب الاسفيري لمهندسي سودانيز اونلاين (اليوم الحار نموذجا)
|
سلام يا دكين
ولك اولا انت تختار ما بين كيكي وعبدالكريم ما يروقك منهما فهو لك يا دكين...
اولا يا دكين...
رجاء خاص ان تقراء هذا البوست من بداياته (وذلك ببساطة جزء كبير من ما اثرته في مداخلتك اعلاه متواجد ولو علي خفيف في هذا البوست)..
النقاط اعلاه هي الجهد المتوقع من مهندس مهتم بمهنته في الاسافير وسودانيز اونلاين تحديدكما اراه انا وقد ياتي من يضيف اليها...مثله جهد اي مهنة اخري....
عن ماذا ستتحدث انه خيارك يا دكين ان اردتها في مدار المنبر او الواقع وسنرد اليك في الحالتين
انت من عليك ان تحدد نقاط نقدك للمهندس السوداني (وليس انا البحدد ليك انقدوا من ياتو جهة)
لك كل الخيارات يا دكين من وحي البوست او نقاط جديدة تود ان تضيفها للنقاش..
ومرحب بيك
|
Post: #120
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 10:58 AM
Parent: #108
| Quote: انت من عليك ان تحدد نقاط نقدك للمهندس السوداني (وليس انا البحدد ليك انقدوا من ياتو جهة) |
جدا ..
واشكرك على هذه الاريحية
سؤال مباشر..
وناخد جانب واحد مهم جدا من الهندسة
تقدر تقول لي ماذا قدم المهندسون المعماريون والمدنيون للسودان؟
استصحب في اجابتك دي كل التشوهات البصرية والفقر الاباداعي لشكل الخرطوم الحالية كمنوذج او ماشئت من نماذج اخرى كما وخد معاك واحوال البنية التحتية..
ودمتا رايق.
|
Post: #112
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-02-2008, 09:59 AM
Parent: #105
Quote: البوست المذكور اعلاه لايصلح نموذجا لتاكيد وجود الابداع في المهندس السوداني لو افترضنا انو المهنية الابداعية هي المقصودة .
اامااذا كنت قاصد أي ابداع من اي نوع في المهندس ولا بس الابداع المهني( الهندسي)
وبالتالي يمكن ان نقول ان العسكرية السودانية منتجة ومبدعة ونجيب تجربة اللواء ابقرون والفريق ابراهيم الهل يرحمو والعميد حسن كركب والعميد محمد نور ..الخ..
وبالتالي لايكون المقصود من هذه الاشياء الابداع المهني وانما ابداع الشخص في عمومه كانسان بغض النظر عن حرفنتو في مهنتو.. |
يا عزيزنا ود دكين إنت ماك عارف المهندسين البورداب ولا شنو.. 
|
Post: #114
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 10:21 AM
Parent: #112
Quote: ملاسي ذكي ولمّاح لا شك، ولكن في هذا البوست تحديداً والذي "جهجه" ذكائه هو ما يجمعه بالمهندسين من مصير مشترك من جهة، وغريمه الإسفيري كيكي من الجهة الأخرى، فإختار ملاسي فش الغبينة
____
والله إنتو أحلى ناس، وخلو اللعب نضيف(fighting with rules) عشان "درب الرجعة" لي حاجاتنا السمحة يكون ساهل(when game is over)..
i have a lot of respect to ustaz malamih, but here i am taking kiki's side |
تعرف يا ياسر لمن شفت ملاسي اخر المداخلين قلت بانه سيكون يوم تاريخي في سودانيز
وسنري من ملاسي امر ينحاز لمهنته التي تقام اليها المجازر ..ولكن خاب ظني
ولكن مرة اخري ركبت جياد ظنوني في انتظار ملامح حتي يعمق امر دعوتنا ليلة امس للكتابة ضد الانقاذ ويعطي ملاسي درسا في الاصطياد في الماء العكر وفش الغبينة ولكن ايضا خاب ظني ولمرة اخري..
والقيم البكون بدون معايير ومن اجل لحووووق السوق يبدو ان هنالك اشياء عديدة تهون فيه
ولكن لا علينا
براانا براانا نلعب كورتنا البنعرفها
|
Post: #115
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 10:27 AM
Parent: #114
العزيز دكين ،،،
| Quote: وزي ما قالت العزيزة ميسون نجومي - قبل اعوام عديدات- فيما معناه(ابتداء البوست بي كوت هو ضعف في المبادرة وانعدام ابداع..) |
مع احترامي لشخصك وللأخت ميسون النجومي ،،، مع إني ما بعرفها ...
لكن اعتقد مقولتها أعلاه هي تعبير شخصي .. ووجهة نظر خاصة ..
لك الحق في الأخذ بها ..
كما لغيرك الحق في تجاهلها ..
يعني هي مقولتها مش تنزيل !!!!
بعدين ما ملاحظ ..
إنه كل مداخلاتك أبتدأت بQuote
|
Post: #118
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 10:38 AM
Parent: #115
Quote: بعدين ما ملاحظ ..
إنه كل مداخلاتك أبتدأت |
ملاحظ لدرجة اني في اخر مداخلتي الانتا عملتا منها الكوت ده نبهتا وقتا (اني بديت بي كوت وده عدم ابداع)
بث يبدو ان انتا مالاحظتا الى ما الاحظك اليه انا صاحب ميسون نجومي..
ارجو ان تكون شديدا في ملاحظاتك في المرات القادمة
كما ارجو ان لاتكون مهندسا مع قلة الملاحظة الواضحة هذه..
كما اؤكد لك ان مقولة ميسون ليست تنزيل
واؤكد لك ايضا باني لم اقل بانها تنزيل..
ولك كامل الحق في تجاهلها كما اسفلت..
|
Post: #116
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 10:29 AM
Parent: #114
بغض النظر عما إذا كان محمد البشرى دمو خفيف أو بيتخفف؛
إلا أن المؤكد هو إنو بيتعقد سريع .. ما يؤثر سلباً على خفته أو تخففه.
|
Post: #117
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 10:35 AM
Parent: #114
Quote: البوست المذكور اعلاه لايصلح نموذجا لتاكيد وجود الابداع في المهندس السوداني لو افترضنا انو المهنية الابداعية هي المقصودة .
اامااذا كنت قاصد أي ابداع من اي نوع في المهندس ولا بس الابداع المهني( الهندسي)
وبالتالي يمكن ان نقول ان العسكرية السودانية منتجة ومبدعة ونجيب تجربة اللواء ابقرون والفريق ابراهيم الهل يرحمو والعميد حسن كركب والعميد محمد نور ..الخ..
وبالتالي لايكون المقصود من هذه الاشياء الابداع المهني وانما ابداع الشخص في عمومه كانسان بغض النظر عن حرفنتو في مهنتو |
في البوست يا دكين
فككنا الجزئية ما بين المهندس كمهني ..والمهندس كانسان له خياراته الاخري واشيائه المربوطة بفكره وخلفيته مهما كانت هي
وبتلقي ملامح عن تعزل مهنةالهندسة عن اي عامل اخر ليس له علاقة بمعايير واسس الهندسة..
وقلنا الهندسة وحدها لا تسطيع تكوين الابداع الجمالي او غيره في الاشياء الانسانية الاخري كونها دراسة لمنهج اكاديمي يحقق غرض تاهيلي
لاداء مهام وظيفة المهندس المعروفة واجباتهاعالميا..
البوست ليس معييار للابداع الهندسي وليس الغرض منه الا ملامح تهابش ادوار المهندس هنا وهناك
وتامين المهنة من حقنها باشارات مهما كانت ايجابية الا انها تضر المهنة في عضمها كالراي السياسي
|
Post: #119
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 10:39 AM
Parent: #117
Quote: بغض النظر عما إذا كان محمد البشرى دمو خفيف أو بيتخفف؛
إلا أن المؤكد هو إنو بيتعقد سريع .. ما يؤثر سلباً على خفته أو تخففه. |
المهندس حسين ملاسي
احنا هنا بتكلم عن مهنة الهندسة وبنرد علي اخوة عاوزين يناقشو في جزئيات يعتقدون بانها سلبية
عاوز تناقش معنا كمهندس مرحب وومنك ممكن الليلة نستفيد (مع انو ما اظن) ولكن لو عاوز تمارس هوايتك في
خفة الخشم والسواطة الاسفيرية فخليك قاعد زول كده بهببو ليك مافي
|
Post: #121
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-02-2008, 11:00 AM
Parent: #119
كونو محمد البشرى يتعقد دي براها سلامة
معناها عندو احساس
اخير ما اكون غنماية دقيق - الحقوق محفوظة لنصر الدين - ااكل جلد السنين على ضهري و لسة متنح
و ما اكثر غنم الدقيق الهنا
|
Post: #122
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 11:13 AM
Parent: #121
الأخ دكين ...
يبدو إنه البوست بدأ يخرج عن مساره ..
ومساره أصلا خطأ منذ البداية ..
أقترح إني أسحب معاي الباشمهندس كيكي ونمشي للمنبر الخاص بتاعنا ..
ونخلي الأخوان ملامح وود البشرى يصفوا مشاكلهم الشخصية ..
مع رجاء عدم التعميم في توجيه الإتهامات لكل الشلة ..
ولك العتبى ..
على عدم الملاحظة ...
| Quote: كما ارجو ان لاتكون مهندسا مع قلة الملاحظة الواضحة هذه.. |
تتخيل إني مهندس ...
ومن الشلة إياها ....
تخريمة ..
لاحظت إنه ال quote بتاعي المرة دي ما جاء في بداية المداخلة ؟؟
مما يدل على إني مبدع ..
|
Post: #123
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 11:17 AM
Parent: #122
| Quote: كونو محمد البشرى يتعقد دي براها سلامة معناها عندو احساس |
ما ليها أي علاقة بالإحساس؛
ليها علاقة – قوية - بالثقة بالنفس.
|
Post: #125
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-02-2008, 11:24 AM
Parent: #123
تساءل كيكي و طيفور عن سبب تجاوز ملاسي لاساءات المهندسين بالبورد
اعتقد ليها علاقة - قوية برضك - بالكوت دا | Quote: وإحتقارهم حتى لأولئك المهندسين الذين لم يتخرجوا من جامعة الخرطوم ..!! و كأن جامعة الخرطوم هي أساس الهندسة في السودان..! |
|
Post: #124
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 11:20 AM
Parent: #119
Quote: سؤال مباشر..
وناخد جانب واحد مهم جدا من الهندسة
تقدر تقول لي ماذا قدم المهندسون المعماريون والمدنيون للسودان؟
استصحب في اجابتك دي كل التشوهات البصرية والفقر الاباداعي لشكل الخرطوم الحالية كمنوذج او ماشئت من نماذج اخرى كما وخد معاك واحوال البنية التحتية |
مرحب يا دكين
وحبابك
طبعا يا دكين سوال فضفاض وفيه عدة زوايا تحتاج النظر فيها والتامل.....
1-فسلفة التنمية في الدولة السودانية في كل الحقب وجعلها كاولوية تتيح مدخلات عمل للمهندس (من امكانيات وفهم لفسلفة الهندسة
واطلاق ايادي الاجسام الهندسية المعنية بالتعمير بمدها بالدعم المالي واللوجستي و ووضعها في هيكل يتيح لها الانطلاق دون انتظار لاشارة لا علاقة لهابالهندسة...اي استغلالية الجسم الهندسي كجسم تتاح له كل مكونات تنفيذ افكار هندسية دون انتظار لميزانية ما)...وانت سيد العارفين بان التعمير والتنمية روية قرار سياسي وليس هندسي في واقع السودان ..علي الاقل كتمويل ومدخلات عمل...!!!
(هل في واقع السودان هيكل هندسي بهذا المعني منذ بدايات الدولة السودانية الحديثة حتي تقيس عليه فشل جسم هندسي منفصل في عمل هندسي....)
2-المهندس من اعلاه هو من يطوع الامكانيات والخطط الاستراتيجة التي تقوم عليها اولويات الدولة ينفذها ويشرف عليها ويرعاها...
الكلام الفوووق ده ضروري طبعا عشان نثبت دور المهندس في المنظومة المهتمة بتحقيق العمران والتنمية..
3- اري المهندس السوداني في مشاريعه حبيس الانتظار ...ولكن علي مستوي الحراك الهندسي الماشي بالاحوال في ظل الفلسفة البائسة لفهم التعمير نجده ايضا يداعك مع الاخريين في المشاريع التي تجد حظوتها من التمويل والاهتمام الحكومي..كالري ومشاريع التصنيع
والطرق والكهرباء والاتصالات.......
في امر المحاكمة للمهندس في خيبة العمران السوداني وضحالة التنمية ليس هنالك يا دكين ادني موشرات تعكس تقاعسه مالم توفر له
مدخلات الشغل....فالابداع الهندسة للاشياء العظيمة تاتي مع التمويلات العظيمة وهذه ما في جيب او يد المهندس...!!!
|
Post: #126
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 11:31 AM
Parent: #124
واضافة اخري يادكين
مافي مشكلة هندسية وليس لديها حل هندسي...هنا او هناك ومن عقل مهندس
ولكن علي الورق وتنفيذ علي الارض يحتاج الي الكتوت...
البنية التحيتة دي من اسهل المشاريع وما عاوز ادني ابداع هندسي (وبدفسة) علي برنامج سوفت وير ممكن تصمم شبكة من هنا للقضارف
والصواني والقبح المحتاج تنظيم ده كلو قروش وليس هندسة كون التفكير في تنفيذها هندسيا لا يحتاج الي مهندس مبدع شديد
جيب قروش وحقق هيكل هندسي او جسم هندسي مطلوق اليد في امر التعمير وبسقف تمويل عالي
وتعال حاكم يا دكين
|
Post: #127
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 11:32 AM
Parent: #124
واضافة اخري يادكين
مافي مشكلة هندسية وليس لديها حل هندسي...هنا او هناك ومن عقل مهندس
ولكن علي الورق وتنفيذ علي الارض يحتاج الي الكتوت...
البنية التحيتة دي من اسهل المشاريع وما عاوز ادني ابداع هندسي (وبدفسة) علي برنامج سوفت وير ممكن تصمم شبكة من هنا للقضارف
والصواني والقبح المحتاج تنظيم ده كلو قروش وليس هندسة كون التفكير في تنفيذها هندسيا لا يحتاج الي مهندس مبدع شديد
جيب قروش وحقق هيكل هندسي او جسم هندسي مطلوق اليد في امر التعمير وبسقف تمويل عالي
وتعال حاكم يا دكين
|
Post: #129
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 11:53 AM
Parent: #127
وملمح اخر يا دكين وعلي مستوي البتعمل من المهندس للسودان شنو في فترات الركود العمراني وعدم وجود فسلفة حكومية تضع
العمران كاولوية فوق الحروب واستزاف الموارد..
سنجد المهندس السوداني في حراكه اليومي مثل حراك المهن الاخري يعمل علي توطين تجربته ونقل خبرته الي الاجيال في كل مشاغل الهندسة المختلفة والكسب المعرفي (الاب ديت) ..فلو دايراين تعملو ناطحات سحاب وبايادي سودانية فهي لكم (بس الينا بالمال) وهنالك كم معرفي سوداني بالداخل والخارج في كل نقاط هذه الدنيا وفي اصعب مجالات الهندسةيعمل بكل كفاة ومقدرة ولكنه كم مهمل ومجمد ؟؟؟
لانو الهندسة عمارها بالامكانيات فهي وحدها القادرة علي صناعة شي محسوس علي الارض بالتاكيد بالاضافة الي اهتمام المهندس وتجويده لابداعه
|
Post: #130
Title: Re: مع العضو (ملامح)...في ملامح من المجتمع الهندسي في الاسافير...!!!
Author: هشام المجمر
Date: 11-02-2008, 12:09 PM
Parent: #1
الاخ كيكى و المتداخلون
لا ادرى اذا كان البوست يفتح نقاشا حول مهنة الهندسة فى السودان او دور المهندسين فى المنبر فى رفع الوعى الهندسى و آرائهم حول كيفية حل المشاكل الهندسية الضخمة و المستوطنة فى السودان.
تشعب الحديث وتناول جوانب ابداع المهندس وارتباطه بالسياسة وهل يفرق ان يكون جبهة او شيوعى او أمة أو غيره.
التساؤل الاخير حول علاقة السياسة بما يحدث و كيفية و مدى تأثير الانتماء السياسى على دور المهندس و مهنته تساؤل مهم يجب عدم اغفاله وسف اقوه فى مداخلتى بمحاولة لاحاطة الموضوع من جوانب عدة لتعم المنفعة.
اول نبتدئ من العام حيث لا يختلف اثنان أن الوضع السياسى العام و توجهة الحكومة وثقافتها تؤثر على كل مناحى الحياة فى البلاد. و قد قامت الانقاذ فى بدايات حكمها بارتكاب فظائع ضد المهنيين و فى مقدمتهم المهندسين و كان مرتكبى هذه الفظائع سواء ان كان بالارشاد أو بالموافقة او الاشتراك فى التعذيب من زملاء الضحايا من تنظيم الجبهة وقد قام النظام عقب محاولة الاضراب فى فى اواخر العام 1989م بتشريد جزء كبير و مهم من المنهدسين فى كافة مرافق الدولة مما أثر تأثيرا شديدا على المهنة و المهنية حتى يومنا هذا.
لا يفوتنى أن اذكر ان فئة قليلة جدا من مهندسى الجبهة هاله ما رأى من تعذيب واهوال و تشريد لزملائهم فتحدث منهم ما يقل عن اصابع اليد الواحدة وصمت الباقون ونأوا بنفسهم عن الدائرة الشريرة للنظام.
وهذا يجيب على تساؤل البعض عن انتماء المهندس السياسى فقد ادى هذا الانتماء ان ينسى هؤلاء المهندسين الزمالة المهنية و ادى بهعم لاعداد القوائم والتى شرد تبعا لها مجموعة كبيرة من زملائهم المهندسين. نعم نسى هؤلاء المهنة و المهنية و انخرطوا فى ما اعتبروهو ضرورى لحماية نظامهم حتى لو ادى هذا الى ارتكابهم او سكوتهم عن جرائم بحق زملائهم او بحق المهنة عموما.
طبعا تبع ذلك احلال آخرون ينتمون للتنظيم فى وظائف واماكن هم غير مؤهلين أو غير مستعدين لها مما اثر على اداء جميع المرافق الهندسية فى جهاز الدولة العام.
كما ادت سياسة الدولة باستئصال المرافق الرقابية الى انهاء وجود اهم وزارات الرقابة الهندسية فى السودان ، وزارة الاشغال. فاصبح العمل الهندسى وهو من اكبر الاعمال المرتبطة بصرف الاموال العامة مرتعا للفساد ومرتكبيه و تدخل بهذا العمل اناس لا يمتون للمهنة بصلة اشتهروا بانهم كانو يحملون الاموال بسياراتهم يصرفونها دون ضوابط و يقومون بعمل المهندس و المحاسب و المدير فى نفس الوقت. أدى ذلك لاختفاء الضمير المهنى وصارت الفوضى تضرب اطنابها فى السوق الهندسى فسقطت و تمايلت العمارات و زهقت الارواح.
من الاشياء المهمة التى تلاتبت على التدخل السياسى فى المهنة مسألة التعليم الهندسى فقد أدت ثورة التعليم العالى التى رزأ به الله السودان الى الاهتمام بالكم دون الكيف فانشأت كليات للهندسة فى ارجاء السودان دون وجود الاجهزة او الاساتذة الكافيين لذلك كما تم مضاعفة القبول بكليات الهندسة التى كانت اصلا تعانى من شح الامكانات فاصبح الكل يخرج طلاب لا يمكن أن تصفهم بانهم محضرين بطريقة مقبولة للولوج فى سوق الهندسة من ناحية معرفية. كما أدى الحصار الذى فرض على السودان نتيجة سياسات الحكومة اضافة لقلة الموارد غلى انعدام او قلة فرص التدريب وهى شريان و رئة العمل الهندسى فتوقف التدريب الخارجى تماما و ضرب التدريب الداخلى فى مقتل بتشريد الكوادر المؤهلة و تحويل ميزانية التدريب لآغراض اخرى اهم فى عرف الدولة.
هذه الاسباب مع هجرة الكوادر الهندسية المميزة للخارج بسبب الضغط السياسى والاقتصادى ادت الى محنة حقيقية فى مهنة الهندسة و فوضى تامة فى احد أكثر الاسواق اهمية فى كل الدنيا وخاصة فى الدول النامية.
نواصل عن الخاص وماهية الحل فى مثل هذه الظروف الصعبة.
|
Post: #132
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 12:18 PM
Parent: #130
| Quote: نواصل عن الخاص وماهية الحل فى مثل هذه الظروف الصعبة. |
شكرا يا هشام
والف مرحب علثي حضورك الثاني
وفاتني يا هشام في حمي ضبط ايقاع البوست ان اعلق علي بوستاتك التي احضرتها..وساعود
ضبط ايقاع كان همه الاول هو ان تتاح اجواء حتي يمنكنا الاستفادة من الخيوط التي اثيرت
واراك ضربت وترا مهم في تسيس الهندسة ولمحة عن تفكك الجسم الهندسي الذي عليه ان يكون هيكليا منضبط وصارم ويعمل بمهنية عالية
تتيح تطبيق معياري بعيدا عن الفساد والافساد...
| Quote: لا ادرى اذا كان البوست يفتح نقاشا حول مهنة الهندسة فى السودان او دور المهندسين فى المنبر فى رفع الوعى الهندسى و آرائهم حول كيفية حل المشاكل الهندسية الضخمة و المستوطنة فى السودان. |
ليس هنالك يا هشام ما يمنع من تناول اي جزئية تفيد الحوار والفائدة ويمكن لهذا البوست ان يضيف الكثير علي ارض الواقع و علي قارعة الاسافير وفي انتظارك
|
Post: #131
Title: Re: مع العضو (ملامح)...في ملامح من المجتمع الهندسي في الاسافير...!!!
Author: أبوبكر أبوالقاسم
Date: 11-02-2008, 12:11 PM
Parent: #1
Quote:
تقدر تقول لي ماذا قدم المهندسون المعماريون والمدنيون للسودان؟
|
عايشت ما جرى فى " مشروع الرهد الزراعى" الذى كان إبّان سنين دراستنا يُشار إليه بـ " مقترح " حتى تمّ تنفيذه على يد نميرى ،
وهذا المشروع إطلّعت على كل مستندات العطاءات التى قامت بها:
Project Consultant
SIR M. MACDONALD & PARTNERS
Consulting Engineering
33 Dover Street
London WIX 4QU
تم إنشاء كل المبانى والمجمعات السكنية على يد المؤسسة العامة لأعمال الرى والحفريات التى رئاستها وادمدنى وبأيدى مهندسين سودانيين.
لا تزال هذه المبانى شامخة رغم تنفيذها فى السبعينيات.
المجمعات السكنية تعنى رئاسات الأقسام وكل القرى من القرية(1) على تخوم القويسى وحتى القرية (44) عند الفعج البشير بالقرب من
حنتوب.
تمّ إنشاء سايفون لترعة المشروع عند تقاطعها مع مجرى نهر الدندر ، وهى تحفة معمارية هندسية لا مثيل لها حيث أمنّت تدفق مياه المشروع
من بيارة مينا الشريف شرق سنجة. بالمناسبة أخونا ودشيقوق يمكن أن يحدثنا عن هذا الإبداع لأن السايفون يقع قرب مسقط رأسه" البردانة".
تجّلى الإبداع الهندسى فى تشييد ( خزان أبورخم) على نهر الرهد ، حيث يعمل بطريقة مزدوجة ، توفير إحتياجات المشروع من المياه طوال
فترة الخريف مع السماح بمرور الفائض فى مسار النهر. إنه إبداع هندسى لا مثيل له.
|
Post: #133
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 12:24 PM
Parent: #131
| Quote: المؤسسة العامة لأعمال الرى والحفريات التى رئاستها وادمدنى وبأيدى مهندسين سودانيين |
دي وحدها يا ابوبكر لو وجدت الامكانيات والاهتمام الكافي
قادرة لتحويل السودان لي جنة
لما فيها من مهندسين مبدعين وكفاءات هندسية في كل الجوانب المتعلقة بالري في كل مكوناته الهيدروكلوية
والميكانيكية وبالاضافة التي العمال المهرة...
موسسة الري والحفريات كنز هندسي يرقد في وسط ارض الجزيرة يحتاج لمن يقول ليهو يلااااااااا ارح
|
Post: #134
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 12:24 PM
Parent: #1
في رودك على النقطة التي اثرتها
وهي زي ماقتا فضافة ..اها اصر على فضفتها عشان تاخدها من أي جانب احببت الاخذ به..
يعني تجيها من وين مادرتا..طالما هي بتحمل جيتم الجيت بيها,,
Quote: وانت سيد العارفين بان التعمير والتنمية روية قرار سياسي وليس هندسي في واقع
واطلاق ايادي الاجسام الهندسية المعنية بالتعمير بمدها بالدعم المالي واللوجستي |
انا يا كيكي بتكلم عن ابداع ماقتا ليك تعمير وتنمية..قصدت النواحي الابداعية في العمران موش النواحي التنموية والتعمير..
في فرق كبير جدا بين الابداع المعماري وبين التمنية والتعمير ..
قد اعمر بيداء قاحلة (طاقيها المحل) بي مصنع لانكروزرات يزيد المحل قحطا على قحط..
وقد انشى من مجموعة بيوت في سكك حديد الخرطوم مثلا شكلا ابداعيا يراعي الصهد والهجير والنبت وراحة الانسان..
الابداع قد ينشا -وده المتعود عليهو- في بيئة فقيرة جدا..
الابداع اصلا مطلوب لبحث الخيارات المتاحة من بين المتوفر سوا كانت البيئة الموجودة عمرانة او غير عمرانة..
لذا فقد لاتصلح مسالة الدعم المالي واللوجستي دي كتبرير للخمول الابداعي للمهندس السوداني..
يعني هسي مع قولك السؤال فضاض برضو اظنك عرضتا خارج عرضتو..
تنفيذ افكار هندسية دون انتظار لميزانية ماده ذاتو قمة الفقر الابداعي ..انتظار الميزانية..
على المستوي القريب..الابداع المعماري اليمني مثلا ..بالرغم من فقر الدولة وبؤسها..
بس تجد معمار صامد ومتواصل من سنين طويلة بامكانيات البيئة المحلية..بل وقبلة سياحة..
تقدر تقول دي بيوت قامت بي ميزانية ولوجستيك وماعارف الكبار كبار والكلام القتو ده؟؟
يعني البيوت التي تستطيل في سفوح الجبال في اليمن دي ما بي سيخ وخرسانات وميزانيات مفكوكة من الدولة..
دع عنك اليمن خليك في السودان ده ..
امسك جامعة الخرطوم دي ذاتا
وانتا قريت هندسة ومهندس ..وفي الجامعة في قسم هندسي مسؤل من استركشر وشكل المباني
هل انتا شايف أي ابداع في مبنى كلية المعمار تحديداً..
المبنى الفيهو خمسة وتلاتين بيم شمال الميدان الغربي..
مبنى زي النبت الشيطاني وسط مباني الجامعة ذات النمط الواحد..
اليس فقرا ابداعيا وفقر في الاختلاق ان يكون في مبنى بيالشكل داك في كلية الهندسة وكمان تحديدا لي ناس المعمار...
هسي دي موش طعنة نجلا في خاصرة الهندسة السودانية الانتا بتقول انها جاية من جامعة الخرطوم؟؟
وكمان حيكون في فقر في قدرة المهندس على الاقناع والتواصل لو قتا لي انو الجامعة ابت تديهم قروش عشان يبنو شي سمح..
هسي خلي القديم القام اظنو في زمن الديمقراطية ..واناماعارف تحديدا قام متين النيت الموصوف بالشيطنة..
لاحظ لي كمية التشوه الحصل بي قيام كلية الهندسة الجديدة..
التشكيليين والرسامين السودانيين رسمو في الحجر والخشب والخامات المتاحة في بيئة السودان
واسسو مدارس تشكيل سودانية لها سمعتها على مستوى العالم..
ياكيكي
التعلل بي شماعة الامكانيات قمة الفقر وقمة النضوب الابداعي..
|
Post: #135
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 01:00 PM
Parent: #134
النقطة القاعد اتكلم فيها يا شباب هي مسالة ابداع المهندس السوداني وعدم ابداعو
حتة انو المهندسين ماقامو بي دور لقلب نظام الحكم او ما عذبوهم اوما عارف شنو وهلم سياسة دي ما معاي..
باعتبار انودي ماالشغلة القرو ليها..
اللهم إلا اذا تعلق الامر باستفهامات حول عزم كبري بحري بتاع الحديد في قدرته على تحمل عبور كم دبابة وكم مجروس وبي سرعة كم..
وسؤال جماعة المهندسين تحديدا عن هذه المسائل امر غريب ..
|
Post: #136
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 01:28 PM
Parent: #135
كيكي ...
بالله عليك ..
ٍStop
لحدي هنا ....
ما حا تصل لشئ ...
وريحو ...
قول ليه خلاص المهندس السوداني فاشل ... وما مبدع ... وخامل ....
بلا وهم ..
|
Post: #138
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 01:36 PM
Parent: #136
انتو كيكي دا أصلو شنو؛
واحد يقول ليهو أكتب .. يكتب
و التاني يقول ليهو اقيف .. يقيف!!
|
Post: #137
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-02-2008, 01:34 PM
Parent: #135
دكين يا عمك | Quote: النقطة القاعد اتكلم فيها يا شباب هي مسالة ابداع المهندس السوداني وعدم ابداعو |
عندي فهم تاني هنا
جوهر سؤالك عن ابداع او عدم ابداع المهندس السوداني
الابداع يا دكين ما محصور بمهنة او فئة او مرتبط بيها
كونك مهندس ناجح في عملك ما معناها انك مبدع ولا بتتطلب ذلك و من جهة تانية كونك غير مبدع ما معناها فشلك كمهندس
المهندسين فئة مهنية زيهم زي غيرهم فيهم المبدعين و فيهم الغير كغيرهم من الفئات
الهندسة في مفهومي ليها هي فن المنطق و الحس السليم و حل المشاكل باقل تكلفة و زمن مع المحافظة على الكفاءة
و الهندسة ايضا فيها الاخطاء و الكلفتة زي ما فيها التميز بالذات في بلدنا توجد الاخطاء الهندسية بالكوم زي ما يوجد القصور في مختلف مناحي الحياة
وفي نفس الوقت لنا سجل هندسي مشرف لحد كبير
خد عندك مثلا - خليني من ساجدة - سمعت بكم مبنى حكومي او كبير سقط او لجن مقارنة بمصر مثلا
انت في الخليج يا دكين واكيد مر عليك العدد الكبير من المهندسين السودانيين و بصماتهم الواضحة في نهضة المدن هناك مع سمعتهم المتميزة
حتة انعدام الحس الجمالي دي معاك فيها لكن ما برجعها لقصوره عند المهندس كمهندس
بل دي من مشاكلنا كسودانيين و البيئة القمنا فيها
يعني النشأ في الكتاحة و الصقيعة و القيامة الرابطة عايز تقارن حسه الجمالي بمعماري من باريس مثلا
|
Post: #139
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-02-2008, 01:39 PM
Parent: #137
الأخ ملاسي ...
Quote: انتو كيكي دا أصلو شنو؛
واحد يقول ليهو أكتب .. يكتب
و التاني يقول ليهو اقيف .. يقيف!! |
لا تسألوا عن أشياء إن تبد لكم ....
تعرف ...
مع إني ما سبق لي الشرف بالتداخل معاك ..
بس،،
بديت أصدق كلام ناس كيكي عنك ...
|
Post: #141
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 01:47 PM
Parent: #139
و أنا - من زمان – مصدق إنكم قطيع؛
مافي زول فيكم يجرؤ على التحرك منفرداً.
|
Post: #155
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 07:00 PM
Parent: #137
ود البشرى مساك طيب يا خينا..
الابداع يا دكين ما محصور بمهنة او فئة او مرتبط بيها
كلامك صاح ياسيدي
بس انا بتكلم زي ماوضحتا فوق عن الخمول وعدم الابداع..
يعني معاك في انو المهندسين السودانيين قد ينجزوا اعمال ضخمة ..
وفي البلاد العربية وغيرها اسسوا لي مدن ودنيا..
انا لاانفي عنهم صفة المهنية والقدرة على الانجاز..
بس المهنية والانجاز دي مسالة مدروسة ومعارف منقولة ..يعني ليست من لدن افكارو بصفته سوداني فكر وتدبر ثم قدر ماهو الاصلح لبيئته
انما هي فعائل السوداني الذي تلقى علما وافرا فنجح فيه وثم انكب عليه يؤسس له ويطبق فيه..
انا ياسيدي لم انقي النجاح عنهم..
انا فقط نفيت عنهم صفة الابداع والخلق..وده ركيزة حواري معاكم..
يخوانا افهموني
يجني كيكي يقول لي قروش ودعم لوجستي
وتجي انتا تقول لي مهنية..
|
Post: #140
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 01:47 PM
Parent: #134
| Quote: التعلل بي شماعة الامكانيات قمة الفقر وقمة النضوب الابداعي.. |
هلا يا دكين
بكون قمة الفقر والنضوب الابداعي لو انت بتكلم عن ابداع تاني ما ابداع هندسي
متسلسل في شكل ظهوره في حركته المتدوالة ما بين الاجزاء الهندسية المهتمة به...
معماري للتصميم والتخيل...
ثم مدني واخريين للنتفيذ وقوف المبني علي ارض حتي يتيح للاخريين التامل فيه والتحدث عنه باذواقهم يا دكين.....
.....
انت عارف يا دكين الابداع الهندسي ذاااتو لو تناولتو كوحدة جامدة كده بتكون ظلمتو وما اديتو مساحتة المفروضة يتمدد فيها كتعريف...
ان كنت تتحدث عن ابداع معماري فقط...فيمكنك ان تشوف تصاميم يا دكين علي الورق او علي باطن الكمبيورترات قادرة علي تحويل الخرطوم او السودان كله الي جنة نضيرة..(وبالمناسبة وباسهام من طالب معمار في السنة الرابعة)...خليك من المعلمين الكبار..ودي هندسة ليها مساحتها ومقدرتها في تخيل المعماري علي تخيل المبني.....(وبزيارة بسيطة لكلية الهندسة والعمارة في الجامعة ممكن تشوف نماذج مبدعة جدا).....ده كوم وقف هنا علي الورق ومودلات ........
طيب تعال حول لي الشي ده علي الارض..!!!!
حلقة الوصل بينه وبين المكونات الهندسية الاخري هو المال....!!!!
اذن يا دكين محال تشوف عيانا بيانا ابداع هندسي متكامل وموضب دون المرور بحلقة المال...
....لو كنت تريد اختبار العقلية المعمارية السودانية في فكر وتخيل مهندسيها ...يمكنك ان تشوفها علي الورق فهي بكل صدق النماذج التي اطلعت عليها
خلاقة وملهمة هندسيا وتذوق.....
.............
في حاجة مهمة لمبني هندسي قائم (نقده)..
طبعا النقد الهندسي يختلف تماما عن النقد لاي عمل تاني واي تناول للعمل الهندسي وتجريده من روح الهندسة فيه
ستحوله ساعته الي لوحة مثلها ومثل لوحة الموناليزا فياتي من اقصي المدينة انسان ووجدانه فتعكس احساس وتذوق معين
وانسان اخر تعطيه تذوق اخر...
لذا نقد العمل الهندسي ...يحتاج الي روية ومعرفة هندسية ولايمكن ان يتساوي مع العمل الفني الاخر
دي دايرة مهندس وديك دايرة ليها اي زول ماري ممكن يقول فيها كلام..
ولكن المهندس هو من يماذج ما بين المطلبات الهندسية والاشياء العديدة الاخري التي تحتاج الي معرفة عميقة بيها...
...........
نمط البيت السوداني والاستفادة من المكون المحلي..
تصدق يا دكين في اضابير المهندسين السودانين اعلم بان هنالك العديد من الدراسات والتصاميم التي تعني بتطوير البيت السوداني
واضافة مكونات من البيئة المحلية وتضيف بعد ونمط معماري مطور (ولكنها الحلقة يا رجل) يبنوها ليك ووووين....
بيوت اليمن القلتها انا ماشفتها ولكن اعتقد بانها مثل القطاطي كونك قلت انها لا تحتاج الي مهندس يمكن لاي معلم ان ينبيها ويشيد احلي القطاط..
ولكن من الدراسات التي قلتها لك هنالك دراسات تعني بتطوير بيوت الطين والاشياء البلدية في السودان......
....
انت عارف انا سنين ما زرت الجامعة ومنذ التخرج وعشان كده ما بقدر افيدك في شان المباني الجديدة
ولكن الممكن اضيفو ان تنفيذ المباني عموما يخضع في كل مراحله للمراجعة معماريا وانشائيا ويتم التحقق من هذه النقاط هندسيا
وفي كل مرحلة من مراحل البناء ويتفترض ان يكون ذلك بصرامة يراعي كل التشوهات التي يخلقها عدم اليني فورم ان لم يكن هنالك عائق هندسي...
طبعا يا دكين انا بقول الكلام ده وماعاجبني شكل الاخراج الهندسي والمعماري في السودان واحلم مثلك انو تتاح الامكانيات حتي يطلع الابداع الهندسي السوداني من اضابير الخيال والورق والكمبيورترات...وادعو حتي ذلك الزمان ان تتكامل كل الاشياء التي تجعل من اخراج الابداع الهندسي علي الارض شيئا ممكنا من فلسفة دولة علي المستوي العام...ومن تسخير المال الخاص لذلك
ولكن لن تكون العقبة هي ضمور خيال المهندس السوداني
|
Post: #142
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 02:01 PM
Parent: #140
ما فضل إلا إنو هادية بدر الدين تجي تكتب:
"يا جماعة الناس ديل مبدعين ومبدعين جدا كمان؛ مبدع وتقدر تخت
أصبعك جوه عين العندو رأى ؛ لفونا كدا ولا كدا" .. أو كما قالت!!
|
Post: #143
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 02:04 PM
Parent: #140
Quote:
بالله عليك ..
ٍStop
لحدي هنا ....
ما حا تصل لشئ ...
وريحو ...
قول ليه خلاص المهندس السوداني فاشل ... وما مبدع ... وخامل .... |
هلا يا ابرهة..
وما تتنشن كثير يا هندسة
الناس ديل عاوزين يعرفوا حاجة عن الهندسة واهو ضروري وواجب برضو نعرفهم شوية
والبوست يا ابراهيم مهما احتقن تاكد بانه سيعود الي مساره المنشود
|
Post: #144
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 02:14 PM
Parent: #143
حسين ملاسي
نحن مهندسين ومهندسين فقط
|
Post: #145
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-02-2008, 02:17 PM
Parent: #144
| Quote: نحن مهندسين و مهندسين فقط |
في زول غالطك في كونك مهندس .. فقط؟!!
|
Post: #146
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 02:26 PM
Parent: #145
Quote:
في زول غالطك في كونك مهندس .. فقط؟! |
في انتظار الزول البغالط عشان ياخذ درس عصر
زي ده...وزي بتاعك بتاع الصرف الصحي...(نسيتو ولا نجيبو ليك)
|
Post: #147
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 05:12 PM
Parent: #146
الابداع الهندسي في مهنة البناء
في العالم كله توجد ندرة في المعماري الخلاق اعتقد ما عدا ايطاليا ففي ايطاليا
مثلا توجد مباني مصممة تصيم جميل جدا
نعاني ويعاني العالم من ندرة المهندس المعماري الخلاق
اما بالنسبة للسودان
الظروف صبعة جدا ومواد البناء غالية جدا فانت ممكن ان تشييد منزلا في فينسيا او مونت
كارلو ولا تستطيع ان تشيد منزلا في الرياض مثلا حيث يبلغ سعر المتر المربع في مناطق
ناس المصارين البيض الف دولار سعر القطعة في تلك المناطق مليار جنيه سوداني
سعر جوال الاسمنت في الخليج 12 ريال اي ستة الف سوداني
يعني الطن يكلف 240 ريال يعني مائة وعشرين الف سوداني بينما طن الاسمنت في السودان
يبلغ سبعمائة الف سوداني
من ناحية شكل المباني وجمالها بالسودان
نحن نفتقد للعمالة الماهرة تماما حيث لا يوجد عمال بلاستر ولا عمال تبليط ولا عمال كهرباء ولا
سباكة
لذلك غزا العمال المصريين سوق العمل السوداني لتحسين اعمال التشطبيات
وحتي (ready mix concrete) بدا يغزو السودان حديثا
وعليه لا بد من تدريب وتخريج عمالة ماهرة للارتقاء بشكل المباني
بالاضافة لدعم مواد البناء بالسوق المحلي
كذلك عمال الالمونيوم والكلادنق
|
Post: #148
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 05:18 PM
Parent: #147
اما بالنسبة للاخطاء في بعض ال structure
فلا بد من سن قوانين والزام كل شخص يود ان يشيد منشاة بضرورة
تعيين مهندس استشاري للوقوف علي الاعمال المنفذة من قبل المقاولين
اما المباني المشيدة من قبل الحكومة في السودان وتنفذها شركات معينة للحكومة كدانفوديو
وتشرف عليها الدار الاستشارية وحمدي
فان شلة اليوم الحار ليست لها ناقة فيها ولا جمل
|
Post: #149
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 05:23 PM
Parent: #148
صناعة الطرق في السودان ايضا يتم فيها تريسة العطاءات لشركات معينة
ولا يوجد اشراف بالمعني المطلوب عليه فنجد بها كثيرا من الاخطاء
اما بالنسبة للصرف الامطار فهذا لا يحتاج للمهندس اي (كفتجي) يستطيع ان ينفذ تلك
الشبكات القصة تحتاج للمال والمال فقط
وكذلك شبكات المجاري فقط فلوس مع تصميم مناسب ومعرفة (dicharge)
وبعد ياتي التصميم مع الميول اللازم ومضخات الرفع
برضو القصة فلوس وما عندها علاقة باليوم الحار
|
Post: #150
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 05:29 PM
Parent: #149
المهندس السوداني مفخرة في الخليج
واولادنا في جامعة برادلي حيرولولك الامريكان
التحية لشلة اليوم الحار في برادلي وكل امريكا
|
Post: #151
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 05:32 PM
Parent: #150
من لا يشكر الناس لا يشكر الله
تحياتي لمهندسي الكهرباء في السودان
ومهندسي المياه في السودان ومهندسي الري وومهندسي سد مروي وخزان سنار والروصيرص
انهم يطوعون المستحيل
|
Post: #152
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 05:35 PM
Parent: #149
نعم يا مهندس خليل
ولعل الذين يحملون شلة اليوم الحار محنة الهم الهندسي في السودان بكليتاته
لعلهم لا يدرون يان السودان ذلك الوطن القارة المترامي الاطراف يفتقد في كل اجزائه الي نقاط التحكم المساحي ذات الدقة العالية التي عليها الانتشار في كل
اركان السودان...حتي تغطي في البدء كل الارض السودانية التي تحتاج الي تعمير وهندسة
ولعلهم يدرون او لا يدرون كم يكلف مثل هذا المشروع الضخم في وطن مثل السوداني
واهميته العالية لبلد تتنظر كل اركانه العمار...وبدون هذه النقاط يصبح الحديث عن التعمير والبنية التحيتية حديث شاعري حالم مخملي
وكذلك تتنظر الهندسة السودانية تجديدات لنظام احداثياته وهذا ايضا عليه ان يكلف كثيرا.....
يتنظر السودان مسح جوي شامل يغطي كل اراضيه وكل الارض التي يتوقع ان يطل فيها التعمير
وهذا يحتاج الي تدريب الي ميزاينات الي مهندسين مهرة والي طائرات بانواع خاصة ومعامل بانواع اخص......
..................................................................
ودي بدونها في الارض وبدون قروش تصرف فيها وايمان عميق بضرورتها يصبح الحديث عن التعمير
سسراب البقيع يحسبه بعض البورداب ماء
|
Post: #153
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 05:46 PM
Parent: #152
التحية يا خليل لدكاترة الهندسة العظام الذين رغم الضنا وفقر الامكانيات في كل الجامعات السودانية الا انهم لايزالون يرسلون الي رحم الوطن في كل
سنة جديدة باقة من المهندسين السودانين يساهم من الاخريين في ظروف التدريب القاهر وسوق العمل المتدني الذي يصنع الخبرات
ياتو ويتقاسمون الخبرة مثلها ومثل الخبز مع الذين سبقوهم في انتظار صافرة التفكيك تتتيح للمهندس الانطلاق وبفهم دولة تيتح له انزال
علومه الراقية التي درسها علي الارض
لكي تصبح شاهدا علي ابداعه...
........................
دولة قطر لزائرها قبل سنوات عديدة والان سيجد فرقا شاسعا في منطقة الدفنة بالتحديد
فقد كانت ارضا يبابا وصحراء بور ولكن عندما امتكلت الدولة ارادة العمران وقررت التعمير
تحولت هذه الارض الي جنة ترفل بين الابراج العالية والمبدعة التصميم وانها بجهد وفكر المهندس عندما يجد امامه كل مقومات العمل الهندسي
الذي يعمل في سلسلة كل جزء من هذه السلسلة له اهميته القصوي وحسابه اللازم
|
Post: #154
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-02-2008, 05:59 PM
Parent: #152
Quote: نعم يا مهندس خليل
ولعل الذين يحملون شلة اليوم الحار محنة الهم الهندسي في السودان بكليتاته
لعلهم لا يدرون يان السودان ذلك الوطن القارة المترامي الاطراف يفتقد في كل اجزائه الي نقاط التحكم المساحي ذات الدقة العالية التي عليها الانتشار في كل
|
كيكي صديقي
الهندسة ليست مباني فقط
الهندسة خشم بيوت والمعذب اخير اموت
ياخوي اتخارج الناس عائزة تبرمج بينا
حرم انا تاني ما بخش البوست دها
|
Post: #158
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-02-2008, 08:02 PM
Parent: #140
| Quote: حلقة الوصل بينه وبين المكونات الهندسية الاخري هو المال....!!!! |
كيكي
انتا مصر تقول لي القروش
ياخي انا بتكلم عن دور المهندس المبدع المثقف في توفير ابداعو من البيئة المتاحة بدون قروش عديل
او بالحد الادنى منها..
ياخي الابداع ده صدقني لو لقى قروش مابكون ابداع ذاتو..انتا مشكلتك عندك خلط بين الابداع وبين القدرة على الانجاز..
انتا شكلك قاصد قدرتو على رسم وتنفيذ تصاميم معمارية حديثة ومواكبة لمافي العالم..
وده ما ابداع يا كيكي ..ده ياهو ذاتو الفقر الابداعي الانا قاصدو..
يعني شنو مهندس خريج الخرطوم وجاي من الكريمت او ريفي جبل اوليا يجي يعمل مشروع تخرج حول مبنى متعدد الطوابق وفيهو باركنق؟!!
حتى ولو كان جميل جدا شكل المبني وزجاجي ولم يسبقه عليه احد..
ماذا يستفيد حين لايجد الامكانيات التي تنهض بمشروعه..
وين الابداع لامن يصمم مبنى مبتكر وجميل بمقاييس الكتب التي قراها والكتلوجات السواها وماعندو اي علاقة بي شكل البيئة المحلية؟؟
اها ترك هذه الاعمال باستديو الكلية ومباراة الاشكال المعمارية المبتكرة التي لاتجد من يمولها ..
هي فقر في الخيال الابداعي..
لانو مفترض المهندس الخلاق المبدع هو بن البيئة يجد بدائل ( تنهض بالمستوى المعماري من المتاح لاجمل مايمكن)
المهندس السوداني في نص الخرطوم البتكون درجة حرارتها 45 درجة بكون عامل ليهو عمارة بواجهة زجاجية تمتد بطول العمارة تعكس شمس الخرطوم على رؤؤس المارة وتزيد درجة حرارة العاصمة من الـ 45 الى 55 درجة عكس شمس ساي..
ياكيكي مهندس قرا في السودان وماجاب ليهو مشروع هندسي (معماري، مدني، بيئي، وات إيفر) هو مهندس ضامر ابداعيا
موش كان نجح ..كان( ترس) لي دفعتو كلها..
في منطقتنا في دنقلا في مخزن حبوب متطور جدا يحفظ ليك كمية كبيرة جدا من الحبوب لمدد طويلة جدا..
سواها ابداع الهندسة النوبية البسيطة
ومن ابسط ماهو متوفر
روث حيوانات وطمي وبقايا عيدان القمح وسموها (قسيبة)
ويقول عماد عبد الله في هذا الشان قساسيب محبتي اليك..دلالة على كمية المحبة الكبيرة التي يحفظها اليك معباة ودون تلف..
اها ده انا بسميهو ابداع هندسي مع انو السواهو ماقرا هندستكم دي ..
بس بعرف كيف يوظف المعرفة التي اتيحت له على شوية الامكانيات المتوفرة..
ماقعد اتلفت وقال وين اللوجستيك وووين التمويل..كداب آل هذا الزمان من المهندسين..
وتجي تقول لي حلقة الوصل المال..
ياخي انا لو لقيت قروش بقعد في السودان من اصلو؟؟
| Quote: بيوت اليمن القلتها انا ماشفتها ولكن اعتقد بانها مثل القطاطي كونك قلت انها لا تحتاج الي مهندس يمكن لاي معلم ان ينبيها ويشيد احلي القطاط |
هي ليست قاطي
بل عمارات من سبعة وعشرة طوابق ومافيها عمود واحد يا مهندس..
وقائمة لمئات السنين
اها رايك شنو
لانو خيالك اصلا يفتقر الى الابداع انتا ما متخيل اصلا انو غير القطاطي ممكن يقوموها الناس المامهندسين
طلب ساي يا كيكي..
يمانية..
وانتا ياخي لحدي هسي بيوت اليمن ماشفتها المتهندس ليها شنو؟؟
دي نماذج ابداعية جميلة.. انا سمعتا بي انها قايمة بدون عمدان من الابتدائي يا كيكي..
| Quote: ولكن من الدراسات التي قلتها لك هنالك دراسات تعني بتطوير بيوت الطين والاشياء البلدية في السودان |
دي لو مااتنفذت وين الابداع..
مكون محلي ومافي قدرة على التنفيذ دي ما مكشلة تمويل بالتاكيد ولكن مشكلة توصيل الفكرة لي المستهلك عشان يقتنع بيها مع انو ساكن في بيت طين..يعني تسويق الفكرة لي البسطاء عشان يتبنوها....
وده جزء من العملية الابداعية انك تنجز فكرتك كاملة من التصميم الى حيز التنفيذ والاستخدام موش تفكها في النص وتقبل على جهات الدنيا الاخرى..
اذن يا دكين محال تشوف عيانا بيانا ابداع هندسي متكامل وموضب دون المرور بحلقة المال..
ابدا يا كيكي..ليس الامر كما تقول..
انتو بس صبر ماعندكم ..اتخرجتو جريتو ..الواحد لو قعد في الوضة دي كان انجز ..
وهاك الابداع المعماري ده مادافعين فيهو غير مايكفي من طعاك لجعل الرسام/ة يقيف على حيلو ويرسم..
ياكيكي يا عزيز
ليس المال هو اشكالية المهندس السوداني
ولكن آفتهم شدة انكبابم على المستورد والتكاسل عن الخلق والابداع..
|
Post: #156
Title: Re: مع العضو (ملامح)...في ملامح من المجتمع الهندسي في الاسافير...!!!
Author: طارق الكوتش
Date: 11-02-2008, 07:03 PM
Parent: #1
اخيرا فهمتها ياخليل .... عقبال لكيكى
شباب الهندسه الناس بالجد منتظرنكم فى منبركم وكفايه لحدى هنا ( ده رجاء ) .... كيكى .. خليل .. ابراهيم ... ليون دايرنكم كما عودتونا فى منبر اليوم الحار من اجل التوثيق و التواصل و التفاكر و البرامج الخيريه من دعم للكليه الحبيبه و مشروع التكريم المتمثل فى تحية مهندس ونشر الحب و المحبه الحقيقيه ومن قبل ومن بعد عشان السودان الوطن الغالى ... ممكن ؟
|
Post: #157
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 07:20 PM
Parent: #156
يا كوتشب
يا صديقي الموضوع بالنسبة لي منتهي من امس ياطارق..
ولاتنزعج كثيرا..
وسنلحقك معكم في منبرنا بهناك حيث الدهشة
|
Post: #159
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-02-2008, 08:54 PM
Parent: #157
| Quote: بيوت اليمن القلتها انا ماشفتها ولكن اعتقد بانها مثل القطاطي كونك قلت انها لا تحتاج الي مهندس يمكن لاي معلم ان ينبيها ويشيد احلي القطاط.. |
هلا يا دكين...
وده يا دكين حديثي عن مقارنة القطاطي وبيوت اليمن السمحة الانا تعميني ما شفتها قبل كده ولكن ومن حديثك عنها كونها لاتحتاج الي مهندس في تشيديها
تاتي مقارنتها عندنا في مرادفنا السوداني كونها لا تحتاج الا الي مهندس...
يا دكين انت الامور مختلطة عليك بين حاجتين مهمات جدا
1-العمارة المستمدة من الوعي الشعبي للبناء
2-الهندسة الحديثة...
الاولي يا دكين يشكلها تراكم معرفة عمرانية للشعوب عبر السنين وسنين عديدة وتتوطن في العقل الشعبي وعشان الزول يعرفها ما داير يمشي ليها كلية هندسة والاضافة فيها تاتي عبر اجيال واليمن وارض بالضرورة تواترت حضارتها في كل شي حتي في هذه العمارة الشعبية ...والكلام ده في الوعي الشعبي السوداني بتلقي زي قطاطينا وزي المخزن بتاعكم بتاع دنقلا ده ونمط بيوت الطين والاوض المالية السودان دي التي والحاجات دي معاك .
وده طبعا بضخ كلام طويل وعريض حول تاريخ وملامح وشكل العمارة في السودان في حقب كثيرة حتي وصولها الي ما نحن فيه....
قلت ليك اعلاه بعرف تجاري معمارين سودانين قدموا اسهامات ابداعية في تطوير نمط البيت السوداني استنادا علي مكونات محلية
ولو قدرت ارفع ليك صور ممكن اوريك عن تجربة بناء قري متكاملة من المكونات المحلية (رمل +خيش) بالاضافة الي بعض المواد الهندسية
يمكنها بكل سهولة ان تفاخر بها الشعوب ...بجهد ساهم فيه سودانيين مع اخريين وبالمناسبة مطروحة وبشدة للتعمير في دارفور ان جاء السلام ويمكن ان تعمم
التجربة لكل انحاء السودان الاخري...
نجي للمال الانا مصر عليه وليس تشويش ما بين الانجاز والابداع...لا يا دكين..!!
بل لاطلاق الابداع المحجم....وانتا كانسان عادي المبني بنعكس ليك في حالة انك تشوفو...حتي يمكنك ان تقيس مدي تذوقك لابداعه...
والمال واللوجستي (الما بيها انت دي يا دكين) هي احدي مكونات اي عمل هندسي مهما كان مبدع ام لا كونه يستطيع توقيع الشي في الارض
وتسهيل معرفة الابداع للعامة.....
دكين العمارة بالتحديد ما اي زول ممكن ينضم فيها كهندسة مالم يكون درس فيها مناهجها المفترض يدرسها كل من هو مهندس معماري
وحتي انا محاولاتي معاك دي في اطار ثقافة هندسية قريبة من هذا المدار ليس الا...ولكن قد ياتي من اقصي المدينة من هو اقرب الي هذه المدارت منا هندسيا في العمارة بالتحديد ويبزر التجارب الانا قلتها ليك معممة بصورة اكثر وضوحا....
شي تاني يا دكين من الظلم ان نحصر ابداع المعماري السوداني تطوير الوعي الشعبي للبناء ونهمل الا خر من النهر الذي هو روح العصر
وطبعا مع التامين علي حديثك عن تطوير نمط البناء من الموارد المحلية. كحالة بتاعة موروث بتاع وعي شعبي للعمارة كما في بيوتك بتاع اليمن دي
|
Post: #182
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-03-2008, 08:54 AM
Parent: #159
تم نقلها الى اخر الصفحة..
البوست جرى شديد
كيكي انتا باين عليك حارس البوست ده حراسة ..
ياخي معناتا فاتك جو امس السمح داك طرف البحر...
اقعد باري لي البورد ده لامن يرسلوك بيوت الطين..
|
Post: #160
Title: Re: مع العضو (ملامح)...في ملامح من المجتمع الهندسي في الاسافير...!!!
Author: taha
Date: 11-02-2008, 09:24 PM
Parent: #1
متابع وبي مزااااج مع انو انا زول بتاع اداب ..من البوست ده اكتشفت انو ود البشرى ده زول بطنو غريييييييييييييييييقة وانو الهندسة خشم بيوت
|
Post: #162
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-03-2008, 06:37 AM
Parent: #160
Quote:
و أنا - من زمان – مصدق إنكم قطيع؛
مافي زول فيكم يجرؤ على التحرك منفرداً. |
الأخ ملاسي ...
انت باين عليك أخدت على خاطرك ..
وحرقك وصف ود البشرى ليك بالغنماية ...
فجعلتنا نحن قطيع ...
Quote: اخير ما اكون غنماية دقيق - الحقوق محفوظة لنصر الدين - ااكل جلد السنين على ضهري و لسة متنح
و ما اكثر غنم الدقيق الهنا |
|
Post: #163
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 07:28 AM
Parent: #162
المدهش إنو المحروقين من وصمهم بغير الإبداع في هذا البوست؛
كانوا من قادة حملة الهجوم على المبدعين التانيين ديلاك .. فتأمل 
|
Post: #164
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 07:42 AM
Parent: #163
تحجج كيكي بالإمكانيات المادية كتحجج تلك التي
أرجعت ضعفها الإملائي للجنة* لازمتها في الطفولة.
____
* لثغة.
|
Post: #165
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 07:42 AM
Parent: #163
Quote: المدهش إنو المحروقين من وصمهم بغير الإبداع في هذا البوست؛
كانوا من قادة حملة الهجوم على المبدعين التانيين ديلاك .. فتأمل |
ومن قال لك ايها الضيق في الافق والافاق بان
الهجوم علي المبدعيين التانين فقط لانهم قالوا انهم مبدعين..
لا يا سسيدي فانهم مبدعين ومبدعيين جدا ..
ولكن انا لمثلك من (السطحيين) ان يفهم بان يكون الانسان مبدعا هذا لايعني من الحتمي تتفق معه في كل الشوون العامة..!!
ديلاك مبدعيين جوووه عينك يا ملاسي..
والمهندسين السودانين يتواجد بينهم ايضا من هو مبدع دون شك..
(ده قصور يا ملاسي منك ومن اخريين في فهم ثنائية التقدير والاعجاب بالابداع والخلاف في الشان العام مع المبدع)
ولان الديمقراطية توطينها ركيك وسطحي ويكاد يكون معدوم في بعض العقل الهنا
يتم استيعاب اشارات سطحية عن نمط الخلاف العام كما في حالتك تلك...وحالة اخريين
...................................
المدهش حقا هو موقف الاخ ملامح منك كونه يعيب علي الاخرين هنا المبادرة بالراي المخالف للمبدعين
ويتسامي ويهتف في شخص باطناب من المدح كونك ذهب في نفس مياه خطابه ..
ناسيا وكما قال عصام جبرالله بانك خليت المبدعين التانين ريحتهم طير طير..
بنمط مداخلاتك الجائعة التي لاتقدس الخلاف وتعمل علي توطين الهلفتة الاسفيرية..
فتامل...!!!
|
Post: #166
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 07:50 AM
Parent: #165
كمثال .. الرسم الهندسي اكتر مادة مفروض يكون فيها خيال و إبداع
تجدها تعتمد - عندهم - كلياً على التتريس .. فتأمل
____
قال قطية قال!!
|
Post: #167
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 07:51 AM
Parent: #165
Quote: تحجج كيكي بالإمكانيات المادية كتحجج تلك التي
أرجعت ضعفها الإملائي للجنة* لازمتها في الطفولة. |
وعدم تامينك علي هذه الجزئية كمهندس يرسل حسك الهندسي الي خانة الحس الفطير
ان لم تهدم تلك الروية بروية مضادة تبين وتوضح الفهم الهندسي لابداعه...
......
وهو نمط حديث يمكن ان ياتي به اي عابر سبيل والسلام.
ولكن المهندس لا يهدم النظرية الا بنظرية وليس بسطور اربعا جائعة
فالينا برويتك يا ملاسي
|
Post: #168
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 07:55 AM
Parent: #167
طبعا يا ملاسي دي محاولات تشكيك في تاهيل ناس لو لم فيك واحد من طرف في الهندسة بتاعتك دي
حتقو جاااري منه..
والقطية يا سيدي اتت مقاربة ما بين العمران في الوعي الشعبي كنموذج للنمط الشعبي للبناء
وده تراكم في (الوعي الهندسي للشعب)...وممكن اقارنها ببيوت اليمن القالها دكين كون الحالتين نتاج لمعمار من وحي الحوجة الانساينة للهندسة....
وبالمناسبة القطية الانت حاقر بيها دي برضها هندسة...(وعندها الناس العاملين فيها ماجسترات او دكتورة) في القطية دي بس
فيا سحس روق
كلية الهندسة جامعة الخرطوم انت لا قدرها ولا لحم سدرها
|
Post: #169
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-03-2008, 07:57 AM
Parent: #165
| Quote: المحروقين من وصمهم بغير الإبداع في هذا البوست؛ |
إنت دحين يا كيكي الأخ ملاسي ده مش مهندس .. وسوداني ؟
ولا أنا غلطان ...
يمكن ما سوداني .....
|
Post: #170
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:01 AM
Parent: #169
| Quote: إنت دحين يا كيكي الأخ ملاسي ده مش مهندس .. وسوداني ؟ |
والله يا ابراهيم يقولون,,,!!!
ويقولون دي قالها لاعب الكورة السعودي ماجد عبدالله عندما سالوه عن
كونه سوداني ام لا..؟؟
فقال يقولون
........................
|
Post: #171
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 08:08 AM
Parent: #170
و هل أدل على قصور إبداع المعماريين و المدنيين في السودان
أكثر من مطعم الساحة اللبناني أول شارع أفريقيا؟!!
|
Post: #173
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:09 AM
Parent: #170
طبعا يا سادة في حديثنا ذلك عن المهنة وضرورة تخليصهاولو علي مدار الحديث عنها من (النزعات)
ياتي المهندس ملاسي نموذجا ساطعا كونه يحقن الحديث عن (المهن) برويته الجائعة ويصطاد في مدار يتحدث وبكل جدية عن مهنته
ثقب ملاسي بحديثه يمثل (اثقاب المهن)..!!!
يعني لو وجدنا انا وملاسي في ورشة واحدة او معه افراد هذه المجموعة التي يراها قطيع
سيخلص ملاسي للتفشي وليس للمهنة(انه حقن المهن بالنزعات النفسية السلبية) ودي حالة ممكن توقع عمارة
عمارة تطلع طريق (مشقق) ممكن توقع جسر ممكن تضرب اميات بتاعة كهرباء مممكن تطرشق ليها ترافس..
فالحديث عن المهنة مهما كان شكله يعكس شكل تناولك لروح هذه المهنة
فالكتابة تعكس الدواخل
|
Post: #172
Title: Re: مع العضو (ملامح)...في ملامح من المجتمع الهندسي في الاسافير...!!!
Author: هشام المجمر
Date: 11-03-2008, 08:08 AM
Parent: #1
مهنة الهندسة كالحياة والعارفون من علماء المهندسين حين سألوا عن تعريف الهندسة قالوا انها التطبيق الخلاق للمبادئ العلمية.
ربط الهندسة بالابداع المعمارى الظاهر ظلم لها لأن الهندسة لا تتوقف فقط عند المعمار . الابداع فى الهندسة يرتبط بتغيير وجه حياة الناس تماما كما غيرها اختراع الآلة البخارية و ماكينة الاحتراق الداخلى وكما غيرها اختراع الكهرباء والراديو و التلفزيون و الهواتف المتحركة و الانترنت وكل الوسائط الحديثة.
ولأن الهندسة كالحياة تختلف آراء المهندسين من هنا وهناك حول كيفية حل المشاكل الهندسية التى تعترض تطبيق مبادئ تلك العلوم. فلأى مشكلة اكثر من حل و الحل المناسب ربما لا يكون الحل الانجع لذلك دائما ما اقول ان الهندسة مهنة تحب الديمقراطية و تحب رج العقول فربما اتى الحل من ا صغر العقول سنا و اقلها خبرة.
التطبيق الفعلى لمهنة الهندسة حسب الاصول يقتضى بالضرورة الابداع ولو كنت مهندسا فى اى من مواقع العمل الهندسية المختلفة بدا من مرحلة التصميم وحتى مرحلة التسليم النهائى و التشغيل لن تكون قادرا على اداء مهام عملك لو لم تكن مبدعا. العمل الهندسى يصطحب معه دائما الابداع وهو عمل يستجلب كل يوم معه معرفة جديدة و خبرة جديدة فى طريقة ابتداع الحلول لابسط المشاكل واكثرها تعقيدا.
هذا فيما يخص الابداع.
|
Post: #174
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:18 AM
Parent: #172
Quote: ولأن الهندسة كالحياة تختلف آراء المهندسين من هنا وهناك حول كيفية حل المشاكل الهندسية التى تعترض تطبيق مبادئ تلك العلوم. فلأى مشكلة اكثر من حل و الحل المناسب ربما لا يكون الحل الانجع لذلك دائما ما اقول ان الهندسة مهنة تحب الديمقراطية و تحب رج العقول فربما اتى الحل من ا صغر العقول سنا و اقلها خبرة.
|
مرحب يا هشام..
نعم يا هشام انها مهنة (التيم ويرك) والعقل المتوحد حول (حل اشكال) او تطويع الموجود من اجل انجاز
وطبعا من الغريب ان يتم تناول المهندس في حيز العمارة فقط (ولعله اتي ان الانسان العادي يقيس من الاشياء التي تراها وليس الاشياء التي لا يدريها) وحتي نقد الجانب المعماري من الاشياء عند العامة يكسوه الذوق الخاص والمزاج...خلافا للنقد الهندسي الذي يفهمه كل مهندس مختص في هذه الدنيا..
وجميل هو حديثك عن ديمقراطية الهندسة وموكد انها كذلك يا هشام كون التسامي في العمل الهندسي يجب ان يتصالح مع كل معلومة او فكرة
هدفها تجويد العمل الهندسي مهما كان وزيادة جرعاته الابداعية..
|
Post: #175
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 08:23 AM
Parent: #174
|
Post: #176
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:33 AM
Parent: #175
دي يا ملاسي بيوت لم يبنيها مهندسين معمارين حتي تفاخرهم بها..
دي بيوت بناها تراكم الثقافة المعمارية في الوعي بتاع الشعب داك...
وهو ليس مربوطة بالضرورة بوجود مهندس من عدمه...والعمارة يا ملاسي تستوطن عقول الشعوب مثلها ومثل الثقافة
والمورثوات الاخري وتتداخل فيها عوامل الزمان وسطوة المكان...
نعم المهندس السوداني المعماري بالتاكيد مطالب بتطوير مكونه المحلي ويساهم في رفع وعي هذه الثقافة
ولكنها عشان تتوطن وتسري في وجدان شعب داير ليهاحقبات من الزمان وعليه ان يسهم كمهندس في هذا التراكم...
....
عشان تفهميا ملاسي زي نمط البناء ده معانا في السودان ما بنفع فنحن ومع المساحة الشاسعة في كل فيافي السودان
تمددنا افقي وليس راسي..
وحاول تفهم بان هذه البيوت ما وجدت بهذا الشكل والتصميم الا لضيق المساحةوالاصرار علي تطويع المكون الجبلي لخدمة السكن
...........
وبمناسبة قطية دي
انتظرني علي قارعة هذا البوست فعندي ليك مفاجاة ستسر بالك
في امر هذه القطاطي
|
Post: #177
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 08:35 AM
Parent: #176
|
Post: #178
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 08:39 AM
Parent: #177
|
Post: #190
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-03-2008, 09:53 AM
Parent: #178
الشكر لملاسي على ايراد هذه الصور التي تثري هذا الحوار..
ــــــــــــــــــ
توعدنا وتخلف بالصورة ياملس؟؟
|
Post: #179
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:40 AM
Parent: #177
طبعا يا ملاسي تبدو في صورك هذه
مثل من يحمل حيوان الكنغراء الاسترالي الشهير ويرد اطلاقه لكي يعيش في غابات (ام بارونة مدني)
دي صور يا حبيب من واقع تاني من جغرافيا تاني من ثقافة هندسية تانية
فما تفرح فيها كثير
|
Post: #180
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 08:43 AM
Parent: #179
| Quote: دي يا ملاسي بيوت لم يبنيها مهندسين معمارين حتي تفاخرهم بها.. |
إن كان ذلك كذلك .. ففائدة المعماريين شنو يا سيد قطية!
|
Post: #181
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-03-2008, 08:43 AM
Parent: #177
| Quote: نعم يا هشام انها مهنة (التيم ويرك) والعقل المتوحد |
كيكي ،،
قصدك قطيع ...
خليك أكثر دقة في مفرداتك ،،
عشان الناس تستوعب ...
|
Post: #183
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-03-2008, 09:02 AM
Parent: #1
Quote: وعشان الزول يعرفها ما داير يمشي ليها كلية هندسة والاضافة فيها تاتي عبر اجيال
العزيز كيكي
طيب ياكيكي اذا كان الانسان البسيط الذي تراكت معرفته عبر اجيال واجيال قدر يستوعب مقومات البيئة ويمرق منها عمارة بسيطة ناسبت جدا البيئة التي يقطنها بماتوفر من متاح..
اليس فقرا ابداعيا ان تاتي اجيال بعده تنهل من معين الفكر الهندسي عموما وتعجز عن مزج ماتوفر لها من علم بما تركة الميراث الهندسي المحلي؟؟
Quote: يا دكين انت الامور مختلطة عليك بين حاجتين مهمات جدا
1-العمارة المستمدة من الوعي الشعبي للبناء
2-الهندسة الحديثة...
ابدا ياكيكي..
انا قصدي واضح وبين ..انا اقصد فيما اوردته من واحد واتنين الاتي:
رقم واحد كلو باعتبار العمارة الخلاّقة الـمُـستمدة من الوعي الشعبي هي التي ناسبت البيئىة وتصالحت معها..
وفي نمرة اتنين اقصد الهندسة الحديثة متى ماكانت هنالك قدرة على انجازها بما هو متاح دجون التعلل بي الامكانيات..
ياخي عندك مثلا بكري قبل فترة نزل ليهو بوست عن بناية في الخرطوم بدون أي عمدان وبي كلفة قليلة نسبيا مع الموجود في السوق..
عبدالرحمن حيدر خريج مدنية وهو مهندس خلاق جدا يعكف على تطوير رمل متوفر بكثرة في صحاري السودان وجعله مادة للبناء متاسكة ببع ضالاضافات المحلية الاخرى..
احدهم لا اذكر له اسما - بس بذكر انو اختو كانت اسمها نهلة وقرت هندسة الخرطوم - قام بتطوير نظام دفاع صاروخي في مشورع قدمو في معرض اقيم في رواق الفيزياء بكلية العلوم..
صحي النظام لم يكن بذلك القدر من التطوير بس كان متطور اكتر من الموجود والمتوفر..
وفعلا تم استيعاب ذلك الطالب في الاكاديمية العلمية او العسكرية الفي وداي سيدنا ديك..
انا ياكيكي قصدي اكت رمن كده لو شرحتو ببقى ممل..
ان المهندسين الذين تحدث احدهم بالجوار عن صمودهم في خزان سنار والرصيرص وكهرباء شنو ماعارف..ديل منهم مهندسين محترمين ويؤدون واجبهم ببراعة تامة وتجرد..
بس ياخي ده ما مربط حديثنا هنا..
اداء (الجوب ديسكربشن) ليس ابداعاً..وانما شي معتاد..
الابداع ما يقوم به شخص متفردا بما قام..
يعني هسي لوجبتا مهندس غيرو من نفس الجامعة حيقوم بي نفس العمل وبي نفس المهنية..
كما ولم يسرني الهروب الذي دعا اليه بعض المهندسين في هذا البوست
قصة ارح منبرنا وارح ندعم كليتنا وارح نقعد بي غادي..
كلية شنو ياخي البتدعما..الكلية دي خرجتك عشان تقدم لي البلد شي موش عشان تظل تدور في فلك ايامها الحارة والذكريات والميدان الشرقي..
ولو ما قدرتا تقدم لي البلد جديدك على الاقل حافظ على القديم البديع الانتا نهلتا فيهو العلم ده..
هو ياخي الجامعة دي اصلا لو كان مفترض يجيها دعم من مهندسيها كان اولى بهذا الدعم ان يكون محاولات للحفاظ على النمط المعماري للجامعة ..
النمط الخربتو اطماع الكيزان والجماعات التي تسابقت – بفوضى-الى المال والشر والكسب كيفما اتفق..
الاخرام التي اوجدوها في جدران عظيمة الجمال والقيمة عشان شباك كشك بيبعو فيو شرايط كاسيت لي وائل كفوري ونانسي عجرم وكروت اعياد ميلاد ومناسبات ودببة صغيرة بشرايط حمراء..
النمط المعماري للجامعة (المديظن) على الطراز المروي لمعبد الاسد والمعابد في شمال السودان هو شكل ابداعي ماجابوهو مهندسين سودانيين لكن للاسف ماقدرت الهندسة السودانية التي تدعي الابداع تحافظ عليهو حتى ناهيك على ان تطالب بان تكون أي اضافة للمباني بنفس النمط المعماري الموجود في محاولة للحفاظ على الشكل العام ..
ياخي ولا حتى محاولات مقروءة للكتابة في شان الخراب العام الذي ظل ُيحتحت فيها باسوا مما يفعل الدهر..
كتابة ساي في محاولة انقاذ الابداع المثبت بنباهات غير سودانية..
نمط معماري راعت فيهو العقلية الهندسية التي اقامته ان يكون متعدد الطوابق وقويا وبي خامات محلية وبي جو مناسب داخل القاعات طوال العام..
وجات الهندسة السودانية وخرمت الجدران وختت ليها مكيفات صحرواية نزت في الحيطان حتى اصابها الطحلب..
وجات الجبهة وغيرت الموية الى فريون وخرمت مزيدا من الاخرام فتششقت وصارت الى زوال..
كل ده والادارة الهندسية في الجامعة قاعدة تعاين..
قد يكون الامر فيهو شبهة خوف من الكيزان بس كمان ياخي محاولات خجولة ساي ماف؟؟
الاخ عبد الرحمن حيدر في خريف 98 وبينما نحن جلوس في السيغما في كلية اقتصاد..
جا واحد بااين عليهو من الجماعة التي استبقت الشر والكسب كوز يعني..وقعد يمتر في الحطية الجنب مكتب مسجل كلية الاقتصاد..
عرفنا انو عايز يعمل خرم مستكيل الشكل يتسع لي شباك كشك..
الموضوع بصراحة استفزانا وماعجبنا..عبد الرحمن قال ليهو أي خرم في جدار زي ده شايل ليهو عزم معين ممكن يعمل كارثة ..وبعجين اصلا المنظر هنا ماحيكون جميل ومقبول لو خرمك ده اتسوى
الراجل مرق لينا اذن من الحرس الجامعي..
مشينا لي الحرس..استغربو جدا من فكرة اننا نعارض قيام مشروع في حيطة بهذه ..وقالو دي ماشغلتنا
وانتو باين عليكم كايسين ليكم مشكلة معانا ساي..مشينا لاي الادارة الهندسية وكان مقرها تلك الايام جوار مكتبة السودان..واحسبها قايمة هناك الى يومنا هذا..
مدير الادارة كان اسمو صلاح مين على ما اعتقد..تخيل اصابه الاسى وحدثنا طويلا عن مدى الخراب الذي لحق بمباني الجامعة,,لكن برضو ماهبب ولاغير في ماحدث,,,والذي حدث بعدها انو الخرم اتفتح وقام كشك لايزال موجودا حتى يومكم هذا..مزين بي كروت ودببة ملونة وقزايز غازية ومحل اتصالات وامورة كده كل مرة بي الوان غير على وشها..
ما اود ان اقوله ياكيكي انو انتو مهندسين ناجحين ومحترفين بس فقرانين في الابداع والابتكار الهندسي..
محصلتكم فيها (vـري بيg زيرو)
تعرف وكي لا اغبن المهندسين ديل حقهم وعشان تفهمني انا قاصد شنو..
في شي واحد مبتكر واظنو – وكلي امل في أي يكون هذا الظن في محل- اظن انها فكرة مهندس سوداني..
هي السبيل الدائري متعدد المواسير الذي انتشر مؤخرا في جامعة الخرطوم والسودان..
بديل محلي بوفر موية مناسبة جدا او باردة في هجير السودان.. طوب حراري مخرم في شكل سور دائري ومواسير متعددة ..
Quote: ولو قدرت ارفع ليك صور ممكن اوريك عن تجربة بناء قري متكاملة من المكونات المحلية (رمل +خيش) بالاضافة الي بعض المواد الهندسية
يمكنها بكل سهولة ان تفاخر بها الشعوب ...بجهد ساهم فيه سودانيين مع اخريين وبالمناسبة مطروحة وبشدة للتعمير في دارفور ان جاء السلام ويمكن ان تعمم
التجربة لكل انحاء السودان الاخري...
ده بعد ترفعوهنا ونرى مساهمة المهندس السوداني فيها واضحة اقدر اقول ليكم
يالكم من مبدعين ..
شكرا يا كيكي
واتمنى من الاخوان المهندسين المعذرة
|
Post: #184
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-03-2008, 09:16 AM
Parent: #1
| Quote: دي صور يا حبيب من واقع تاني من جغرافيا تاني من ثقافة هندسية تانية |
كيكي
نحنا ما طالبنا المهندسين بانهم يقيمو مثل القايم في ما وصفته بـ(واقع تاني وجفراقيا تانية وثقافة تانية)
ياخي زي ماناس الواقع التاني والجغرافيا التانية ديل قدرو واسسو هذا المعمار الجميل بي مكونات محلية ..
وينم ناسنا بتوعين واقعنا وجغرافيتنا وثقافتنا الهندسية؟؟
ياخينا ديل سواء ان كانو مهندسين او مقاولين ساي فهم مبدعين
قدرو يتعاملو مع الواقع الجبلي الجهم والتضاريس المتلوية ويعملو معجزات..
ولو بقت كمان من ناس ما مهندسين تكون طامتكم في محمولكم الابداعي اكبر ..
|
Post: #185
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 09:33 AM
Parent: #184
سلام يا دكين وملاسي
ومستر قطية يحييكم...وبيانو بالعمل
قول واحد
نموذج لمدرسة من قطاطي من مكونات سودانية مية مية وبتصميم عالي الكفاءة ومجاز في ارقي الجامعات الامريكية
(مواد محلية)
خيش ثم رمل ثم بعض المواد كالاسمنت وغيره..
صنع خصيص لملائمة المناخ والبيئة السودانية في كل جغرافيتها..
بالله يا شباب واحد يكبر لينا الصورة دي شوية لو ظهرت صغيرونة
|
Post: #186
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 09:35 AM
Parent: #185
امنع كلام يا ملاسي وبطل فصاحة,,,,
وبلاويك الملولوة الجبتها دي الا نبنيها ليك في جبل كلبوس...
وسيد قطية جاييكم
لعرض سيد قطية 2
|
Post: #187
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-03-2008, 09:35 AM
Parent: #184
الأخ دكين ،،،
Quote: قصة ارح منبرنا وارح ندعم كليتنا وارح نقعد بي غادي..
كلية شنو ياخي البتدعما..الكلية دي خرجتك عشان تقدم لي البلد شي موش عشان تظل تدور في فلك ايامها الحارة والذكريات والميدان الشرقي..
ولو ما قدرتا تقدم لي البلد جديدك على الاقل حافظ على القديم البديع الانتا نهلتا فيهو العلم ده.. |
أولا ..
ركز في موضوعك ونقاشك الذي طرحته ..
وإبداء رأيك ووجهة نظرك الخاصة ...
ثانياً :
حكاية منبرنا
ودعم كليتنا دي ..
نحن ما منتظرين ناخد التصريح منك عشان نقوم بيها ..
ولا مطالبين بسبب رأيك ووجهة نظرك في قصور إبداع المهندس السوداني ، أن نقنعك بما نقوم به .. فهو شئ أعتقد لا يعنيك ...
وهل دورانا في في فلك أيامها الحارة وذكرياتها يضيع القديم الذي نهلنا فيه العلم ده ؟؟؟؟؟؟
وإذا كان انت قلبك على البلد ..
قدم ليها انت من فيض إبداعاتك ...
دون الحجر على حرية الآخرين ....
تحياتي ،،
|
Post: #188
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 09:43 AM
Parent: #187
سيد قطية في زي مستشفي ..
ولا يغرك تماسك هذا الجدران وهذه اللمسات البسيطة
فما هي الا خيش ورمل طليت بمواد بسيطة
قادرة علي الصمود لسنين طويلة
مقاومة للحريق و ممالج عزلها المائي وملائمة في اعلي اختبارتها الهندسية للبيئة السودانية
ولسع هناك العديد عن سيد قطية..
|
Post: #189
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 09:51 AM
Parent: #188
ابراهيم بالله كبر لسيد قطية الصورتين ديل واي صورة ستاتي لاحقا..
كوننا عاوزين نتكلم عن القطية....
ملاسي يا سادتي في فجوره وسطحه الغريب يمارس السخرية من القطية المكون المحلي ويطالب الاخريين ايضا بتطوير المكون المحلي..
اها يا سيدي هذه هي القطية الحاقر بيها دي
تحولت الي مستشفي ومدرسة ولاحقا حتشوف في شكل مجمعات قري
.....................
قال..جبال ملولة قال..
جبال ايييه وبيوت ملولة اييه واحنا عندما مليون ميل مربع يمكن ان نتمدد فيها زي ما عاوزين
وعندنا المكون المحلي البسيط الممكن يتطور وباقل تكلفة يصنع المعجزات...
ومن يعتقد بان الابداع المعماري يعني اللولوة في المباني وكثرة التعرجات وهيك خرابيط
|
Post: #191
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 10:05 AM
Parent: #189
ده يا دكين مشورع تماما في يدي في كل تفاصيله
ولدينا كل صلاحيات تطبيقه في الارض السودانية بس عاوز قروش
جيب قروش ستلقاهو في ظرف سنة قاعد متمدد في كل الفيافي والوديان
مكون متحكر قاعد
|
Post: #192
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-03-2008, 10:06 AM
Parent: #189
كيكي ،،
الصورة صغيرة جدا ...
لذا تكبيرها ضيع ال resolution
|
Post: #193
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 10:09 AM
Parent: #192
Quote: الصورة صغيرة جدا ...
لذا تكبيرها ضيع ال resolution |
شكرا يا ابراهيم
وبي الرسيليشون الباقي ده بتكفي
كوننا قلنا انها من مكون محلي....وكونها قطاطي ترداف قطاطي لتعمل مدرسة
|
Post: #194
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 10:44 AM
Parent: #193
قلت سيد قطية..
نعم يا ملاسي انا سيد قطية وابن القطية
ومساهم ومع اخريين لتطوير القطية بمواصفات عالمية..
وقريب جدا سوف اتيك في قلب السودان عشان ابني قطية وقطاطي
مستشفي للمرضي
ومسكن للفقراء والجوعي والمشردين,,
قطية بمواصفات عالمية......
واما انت
فاقبع فيما انت فيه من احتقار للمكونات الاصيلة في البلد التي تعكس دلالات عميقة وتعمل عقول كثيرة علي تطويرها..
اقعد ارجي لي بتاعين البيوت الملولوة في اليمن يجي يبنو ليك واحد في جبل كديس...
قطية
هااااك القطية دي
|
Post: #195
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-03-2008, 11:00 AM
Parent: #194
ده برضو مشروع سواهو سودانيين وبمنتج محلي ..
رايك شنو؟؟
ـــــــــــــ
يا كيكي
من السهل جدا اجيب ليك صورة قمر صناعي واقول ليك ده ساوينو في اللعوتة..
ياخي انا عايز باقي تفاصيل الصورة الجبتها دي..
ودور المهندس السوداني فيها..
وليه طالما هي من خيش ورملة ما استوت على ارض البلاد؟؟
الخيش عايز ليهو قروش ولا الرملة عايزة ليهاكتلوج؟
واؤكد انو المشروع شكلا يبدو جميل ..واتمنى فعلا ان يكون مهندسين سودانين هم اصاحبو..
|
Post: #196
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 11:07 AM
Parent: #195
دكين بالله روق واحلي..
ولو صبرت شوية حتعرف قصة البيوت دي من طقطق لسبحان الله..
وبس اديني فرصة لتوضيب الاسكانر...
وح اسوق ليك قصتو من 2005 في ربوع اديس ابابا وحتي الان....
انت قلت عاوز ابداع من اجل تطويع المكونات المحلية السودانية
فاصبر يا حبيب علي العرض حتي ينتهي
وبعد داك تعال قول قولتك....
...............................
بعيدا عن هذا المدار وكونك بالمستوي الخاص في الدوحة هنا
لو عاوز الدراسة التفصيلية المملة لهذا المشروع ستكون في طرف يدك متي ما شئت..
ولو عرضها هنا وظروف ارتباطي انا المساح وليس المعماري بمثل هكذا جمال معماري نابع من تربتنا
فعليك الله روق واصبر...واديني مساحة ولو ضئيلة بتاعة مصداقية اسفيرية
وساعتها تعال قول ما تريد
|
Post: #197
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 11:23 AM
Parent: #196
Quote: يا كيكي
من السهل جدا اجيب ليك صورة قمر صناعي واقول ليك ده ساوينو في اللعوتة..
|
بعدين يادكين للدقة والتصويب
هذه الصور تين ليس من اقمار صناعية...وهي فقط لتصاميم لم تري النور بعد
يعني الكلام ده كلو وبنفس المواصفات في االكمبيوتر والورق وما نزل الارض حتي تلتقطه الاقمار الصناعية
|
Post: #198
Title: Re: مع العضو (ملامح)...في ملامح من المجتمع الهندسي في الاسافير...!!!
Author: Hussein Mallasi
Date: 11-03-2008, 11:32 AM
Parent: #197
| Quote: وهي فقط لتصاميم لم تري النور بعد |
______
فعلاً سيد قطية.
|
Post: #199
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 11:45 AM
Parent: #198
يادكين هذا المشروع له عدة محطات قبل ان يري النور في شكلهالسوداني
1-اديس ابابا
2-معهد كلفورنيا لعلوم الارض
3-البروفسيرة في العلوم الانسانية في جامعة هارفرد (ماري)
4- والمعماري الراحل نادر خليل
5- ومجموعة من مهندسين سودانيون وامريكان مهتمين فنيا بتطوير البيئة المحلية وتطويرها هندسيا...
وبجيك لقصة كل جهة حبة حبة
|
Post: #201
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 12:16 PM
Parent: #199
| Quote: الخيش عايز ليهو قروش ولا الرملة عايزة ليهاكتلوج؟ |
ده كلام واقعي وجميل واحييييييك عليه يا دكين...
اذن انه الخيش وانها الرملة...
ومن هنا ستبداء الحكاية كوننا اتفقنا بان هذه الاشياء رخيصة الثمن ولا عاوزة كتلوج...
اذن يا ديكو ثبتنا معا باننا في السودان في حوجة لمكون رخيص ومتوافر بكثرةويمكن اجراء عليه اختبارات هندسية وتطوير
في ارقي المعامل علي نطاق العالم طالما توفرت هذه الفرصة في زمن التسفار والترحال والمنافي...والهم بي الناس الغبش
البدفق بيتهم في المطر والاتحرق بيتو بفعل حرائق الانتنوف...
لذا كان هي نفس صيحة المهندس الكبير ابراهيم يوسف محمد في جلسة جمعتنا وبالصدفة في بهو فندق مريديان باديس ابابا مع البورفسيرة ماري
استاذة العلوم السياسية في جامعة هارفد والمهتمة بالشان الانساني في مناطق الكوارث بكل مكوناته ولكنها جبلت علي تحسس اراء الناشطين في اوطانهم في كل المجالات وتحسس افكارهم والمساعدة بكل مقدراتها وامكانيها وعلاقاتها في هذا الشان لتحويل المشاريع الي الارض
وقبل كل ذلك توفير كل سبل التقنية العالية في ارقي الجامعات والمعامل...المكون المحلي هو سيد القضية.. ولذا جات القطية هي سيد الموقف كونها منتشرة بكثرة في ارض السودان وتحديدا في مناطق دارفور.........وكانت ضربة البداية وقمة الفرح كون ماري لها تجارب المساعدة في تشييد في مناطق اخري من هذا العالم في ايران وحتي في امريكا ايامات حريق كلفورنيا الشهير...
|
Post: #200
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-03-2008, 12:11 PM
Parent: #197
| Quote: هذه الصور تين ليس من اقمار صناعية...وهي فقط لتصاميم لم تري النور بعد |
اناقصدتا بما قلت انو (من السهل جدا اجيب ليك صورة لـ قمر صناعي واقول ليك ده ساوينو في اللعوتة..)بس عدم وجود اللام ادى فهم بانو الصورة عبر القمر الصناعي ..
ومع ذلك يا كيكي لو تكرمت وسمحت احب ان ارى هذا العمل واشوف اوراقو..
انابصراحة يسعدني ان يكون المهندس السوداني خلاق بس ماشايف شي..
وآمل انو ده- لو صدق- يكون اول غيثهم وان تاخر..
|
Post: #202
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 12:26 PM
Parent: #200
| Quote: وآمل انو ده- لو صدق- يكون اول غيثهم وان تاخر |
هلا يا دكين
وبالله ما تحسحس من حكاية الصورة وانا برضو قاعد استفيد منك وشديد في هذا البوست
وفي اشياء بالتاكيد بتفتح مدارك الناس للحوار وان ورغم انك وغد كبير الا اننا نشهد لك بسعة المحاورة فتح زويا تفيد الحوار
في جو لا تشوبه الا الاريحية هذا اراك في هذا المكان..
1-الدراسة صادقة يا دكين..وانا اتكلمت عنده في ندوة في الدوحة عملتها جريدة الشرق قبل عشرة يوم تقريبا
2-وبالتاكيد ستصلك منها نسخة في محل انت قاعد
3- وح اعزمك خصوصي لمن اعمل عرض عنها في الدوحة هنا(بس اروق واحلي)
وهي بالمناسبة دايرة ايادي وافق ومساعدة كل الناس حتي نقدم حل يكاد يكون جذري واقتصادي لمشكل السكن والخدمات الاخري من مدارس
ومستشفيات ونقاط امنية وتشمل الدراسة ايضا صرف صحي وانارة وعيييييييييك علي قولة الشهير بشاشا
|
Post: #205
Title: Re: مع العضو (ملامح)...في ملامح من المجتمع الهندسي في الاسافير...!!!
Author: علاء الدين حيموره
Date: 11-03-2008, 01:04 PM
Parent: #202
روق وأحلى
عبارة جميلة قد فطن اليها الاخ المهندس عبد الكريم بعد ان تحولت ملامح هذا البوست من اصل الموضوع ..
التحية للاخ دكين فقد كان ذا باع طويل في تحويل مسار البوست للاجدى ...
الاخ عبد الكريم ما اريد ان اوصله هو ان هذا البوست قد بدأ وفتح اصلا لتجريد الاخ عادل حسن نجيله من مفاهيم قد اتى بها في صياغ حديث له في وقت ما في هذا المنبر ..
اخذ ما اخذ من جهدك ووقتك في لحظة غضب من حديث الاخ عادل وعمدت في ان تقنع القاريء والمتداخل وعادل نفسه في أنه لا يملك ادوات الحوار فيما طرح ..(وانو زول قاعد في السهلة ساي ) وهذا مأخوذ من خلال الطرح الذي بدا به البوست ..
شيئا فشيء نجد البوست وكأنه مسلسل به عدة محاور ومواضيع فيها ما يمكن تناوله وفيها يا يمكن غض الطرف عنه .. فنجدك وكأنما صرفت النظر عن اصل الموضوع ومناقشة الاخ عادل وتراجعت من مرحلة الهجوم الى مرحلة الدفاع ..
ما اريد ان اقوله هو ان دفاعك خيرا من هجومك على الاقل قد ينفع الكثيرين هذا الدفاع بينما لا ينفع احدا الهجوم ..
بتمنى انو تروق وتحلى قبل ان تلبي ندأء الاخوة المهندسين وترحل الى منبركم ..
شكرا لكم
|
Post: #206
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 06:02 PM
Parent: #205
هلا يا علا وحبابك
وبوست زي ده اهم شي انك تهاجم من اول ربع ساعة وتجيب ليك زي عشرين قووون كده
حتن بعدين تتحول لدفاع المنطقة وتقفل اللعب امام الهجمات المرتدة وفي ناس زي ملاسي تشوف ليك احسن باك
وتخليهو يلعب معاهو مان تو مان (علي كولبالي وصلاح دوشكا) او شواطين وبلية
ممكن تجر الشورت بتاعو لتحت وتدقو تحت بدون الحكم ما يعرف الحاصل شنو
|
Post: #207
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 06:03 PM
Parent: #205
هلا يا علا وحبابك
وبوست زي ده اهم شي انك تهاجم من اول ربع ساعة وتجيب ليك زي عشرين قووون كده
حتن بعدين تتحول لدفاع المنطقة وتقفل اللعب امام الهجمات المرتدة وفي ناس زي ملاسي تشوف ليك احسن باك
وتخليهو يلعب معاهو مان تو مان (علي كولبالي وصلاح دوشكا) او شواطين وبلية
ممكن تجر الشورت بتاعو لتحت وتدقو تحت بدون الحكم ما يعرف الحاصل شنو
|
Post: #208
Title: Re: مع العضو (ملامح)...في ملامح من المجتمع الهندسي في الاسافير...!!!
Author: محمد البشرى الخضر
Date: 11-03-2008, 06:45 PM
Parent: #1
هلا كيكي و دكين
حواركم جدا ممتع
دكين يا عمك كتبت Quote: انا ياسيدي لم انقي النجاح عنهم..
انا فقط نفيت عنهم صفة الابداع والخلق..وده ركيزة حواري معاكم.. |
طيب مشينا خطوة للامام كدا
س شايفك ربطت الأبداع و الخلق مع بعض
دا بقودني لسؤال سالته في مكان آخر " ما هو تعريفك للإبداع "
اذا حسب ما فهمت من ربطك ليه مع الخلق - صححني لو غلطان - هو الاتيان بالجديد او الابتكار او ممكن نقول الاختراع
في الحالة دي وتاني برجع اقول ليك الأبداع بالفهم دا ما عندو علاقة بكون الواحد درس و مارس مهنة الهندسة عشان يكون مبدع
بل وما ليها اي علاقة باي دراسة او مهنة او صفة في الحالة دي المبدع مطلق بغض النظر عن دراستو او مجالو
تاني عايز ارجع اتكلم ليك عن مهنة الهندسة - حتى لو ما كانت دي ركيزة كلامك
الهندسة يا عزيزي روحها هي التنفيذ السليم المراعي للقواعد و المحافظ على الكفاءة
يعني لو تعارض الشكل الجمالي مع القواعد السليمة و الصحيحة المهندس ح يختار الالتزام بالقاعدة السليمة و العملية ولو على حساب الناحية الجمالية
ارجع ليك لمثلك الضربتو بمباني قسم العمارة بكلية الهندسة و رؤيتك ليه كنشاز وسط الطراز النوبي لبقية مباني الجامعة
تفسيرها في ظني يرجع للحوجة لإستيعاب عدد اكبر من الطلاب لذا كان لابد ان يكون متعدد الطوابق الامر الغير ممكن لو تقيد المصمم بالطراز السائد في بقية المباني القديمة
هنا الحس الهندسي اختار الجانب العملي على الجمالي
تاني عندك تعليق على المباني الزجاجية و عكسها لأشعة الشمس على الشارع مما يؤدي لارتفاع الحرارة
الحتة دي ما صحيحة من ناحية عملية بل بالعكس عكس اشعة الشمس عن المبنى حيساهم في المحافظة على درجة حرارته بالتالي تقل الطاقة المستهلكة في تكييفه
مما يؤدي لتقليل استهلاك الطاقة الكهربائية و الفي معظمها مولدة حراريا بالتالي يساهم في تقليل غازات العادم المنبعثة احد الاسباب الرئيسية وراء ظاهرة الاحتباس الحراري و ارتفاع درجة الحرارة العالمي
ثم يا دكين هل ينفع نطبق قاعدتك في التساؤل عن ابداع و خلق المهندس السوداني على بقية المهن ولا تساؤلك ناتج من توقعك الابداع و التجديد فقط من اهل الهندسة
________________________________________________________
سؤال جادي لملاسي
حديثك عن ان الرسم الهندسي اكتر مادة فيها خيال و ابداع
كلام جادي ولا محض مكاواة و تظارف كالعادة ؟
|
Post: #210
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:24 PM
Parent: #208
| Quote: هي فقط لتصاميم لم تري النور بعد |
قلنا ان التصاميم التي وردت في الصورتين اعلاه لم تري النور فاضحك ذلك ملاسي الشاحن الحديث في المهنة
بشحنات غبيينة منبرية فنحذرك بان الضحك هذا سوف يطول...
وعليك الان ان تعلم بان التصاميم الكلية لمشروع مثل هذه الفائدة الاقتصادية
عليه وقبل توطينه في الارض والوعي الهندسي الاكاديمي والشعبي انن يمر بعدة مراحل
1-نموذج في الارض (لوحدة او منزل واحد)
2-التدريب -مهندسين -مشرفين- عمال حتي تخلق الورشة النموذجية التي هي حتنفذ وتدرب وتنشر العمل ده بايادي سودانية
ونحمد الله انو الشغل ده كلوو اتعمل الان وتم توطين هذا العمل في وعي الكثير من الطلاب المتطوعين من عمارة جامعة الخرطوم
وجامعات دارفوية.....
وانت ياملاس قاعد مباري لي عووضة قال وفلان قال
والنموذج ده اتعمل في قلب الخرطوم وتمت الدعوة لتامله لكل المهتمين وجهات الاختصاص
|
Post: #211
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-03-2008, 08:25 PM
Parent: #208
| Quote: هي فقط لتصاميم لم تري النور بعد |
قلنا ان التصاميم التي وردت في الصورتين اعلاه لم تري النور فاضحك ذلك ملاسي الشاحن الحديث في المهنة
بشحنات غبيينة منبرية فنحذرك بان الضحك هذا سوف يطول...
وعليك الان ان تعلم بان التصاميم الكلية لمشروع مثل هذه الفائدة الاقتصادية
عليه وقبل توطينه في الارض والوعي الهندسي الاكاديمي والشعبي انن يمر بعدة مراحل
1-نموذج في الارض (لوحدة او منزل واحد)
2-التدريب -مهندسين -مشرفين- عمال حتي تخلق الورشة النموذجية التي هي حتنفذ وتدرب وتنشر العمل ده بايادي سودانية
ونحمد الله انو الشغل ده كلوو اتعمل الان وتم توطين هذا العمل في وعي الكثير من الطلاب المتطوعين من عمارة جامعة الخرطوم
وجامعات دارفوية.....
وانت ياملاس قاعد مباري لي عووضة قال وفلان قال
والنموذج ده اتعمل في قلب الخرطوم وتمت الدعوة لتامله لكل المهتمين وجهات الاختصاص
|
Post: #209
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ASHRAF TAHA
Date: 11-03-2008, 07:30 PM
Parent: #1
هسة انا لو قلت التشكيليين ديل ما بعرفو، حيجي ناطي عماد عبد الله ولا احمد العربي بمراجع المدارس التكعيبية والمسدسة ولا المرفوعة باُس خمسة؟. ياخي قصة نقاش المهن دي الله من ما نفضني في واطاتو ما سمعت بيها؟ يعني كيف الزول يناقش مهندس في الهندسة ولا زبَال في التزبيلة؟ والله تقعدو كدة لي يوم الدين ما بتصلو لي حل!! فكونا من القصص دي يا تجيبو لينا خرطة ولا كروكي وتناقشوها من حتة الدايمنشن الفلسفسي ولا الطبوغرافي وقلة تكلفتو ووفرة الايدي العاملة وسهولة المواصلات ومناخ التندرة واثرو على شارع الزلط يا تنسو الموضوع ده!!! ... يعني هسة مثلا دكتور المعز بخيت ده انا لو جيت ناقشتو في الدكاترة ما بعرفو يطعنو حقنة وما مبدعين في الطعنة؟ حيعمل شنو؟ وقعدنا كدة جبنا ناس البورد ديل كلهم سنابل (جمع سامبل) والاديناهو حقنو في بطنو والاديناها حقنة في كرعينا و...و... حتكمل الحقن والناس حتتورم وما حنصل لي حاجة ساكت وفي النهاية هو زاتو حيشيل حقنة تترسايكلين وبديني ليها في نص نافوخي ده والتانية حيرش بيها نفسو من المغسة ... وبعدين ياخي بتاع المونة عندو دور والزبال عندو دور والتمرجي عندو دور والبوليس عندو دور حتى الكمساري ده عندو دور ودور مهم جدا وإلا بتاع البص كان كل دقيقة ينزل من الكرسي ويحاسب ده وينزل ده والعجب لو زول دفع ليهو وختى الباقي معاهو ده ما الفيلم زاتو حيقعد للصباح يتحاجج معاهو اديتك الف والسواق يقول ليهو لا خمسمية بس!!! ... عشان كدة يا حبايب الدنيا زي ماقال صاحبي زمان الدخان في السما وربك قسما ... كل زول عندو دور وإلا كان المهندسين ديل زاتم اعتبرناهم ولا شي لو عاينا لي عجايب الدنيا السبعة ديل؟ وحاة ديني الزمن داك ما تقول لي البركس ولا مشروع التخرج .. الروضة دي زاتا كانت مافي ... تقول لي الزول الفي الصفحة الفاتت داك قال شنو؟ قال اي ام قالت لي ولدا انشاءالله تبقى دكتور ولا مهندس!!! وطيب يا حبيب لمن يجو يخوفوك بيقولو ليك شنو؟ ما ياهو نجيب ليك الدكتور يديك حقنة؟ الغريبة اصلو ما قالو النجيب ليك الحرامي ينط في البيت ويسرق ليك لعبتك؟ ولا قالو النجيب ليك فلان الشغال في مصلحة هناي ديك اليشيل فطورك رشوة؟ ياخي الدعوات زاتا غريبة جداً!!! انسونا من قصة الباشمهندس ولا الباشكاتب او حتى الباش (.....) دي ياحلوين ... الدنيا الله مقسمة وكل زول مهم في الحاجة البعمل فيها ... وانا اديكم الزبدة كدة ما تدخلو الصراعات الشخصية في الابعاد المهنية والفكرية (ياخي موبالغة) والعندو حاجة مع زول يفتح ليهو بوست في دلجة بكري ده (انا قاصد الموقع ما حاجة تانية) وإحتكمو للجدل والمنطق .. لو بقى فيهم واحد لحدت ما نصل الصقيعة ديك
|
Post: #213
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-04-2008, 06:38 AM
Parent: #209
| Quote: وانا اديكم الزبدة كدة ما تدخلو الصراعات الشخصية في الابعاد المهنية والفكرية (ياخي موبالغة) والعندو حاجة مع زول يفتح ليهو بوست في دلجة بكري ده (انا قاصد الموقع ما حاجة تانية) وإحتكمو للجدل والمنطق .. لو بقى فيهم واحد لحدت ما نصل الصقيعة ديك |
هلا يا اشرف
ونعم الزبدة والقول
وكثير الشكر علي كلامك العميق اعلاه..
|
Post: #212
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-04-2008, 06:23 AM
Parent: #1
Quote: أولا ..
ركز في موضوعك ونقاشك الذي طرحته ..
وإبداء رأيك ووجهة نظرك الخاصة ...
ثانياً :
حكاية منبرنا
ودعم كليتنا دي ..
نحن ما منتظرين ناخد التصريح منك عشان نقوم بيها ..
ولا مطالبين بسبب رأيك ووجهة نظرك في قصور إبداع المهندس السوداني ، أن نقنعك بما نقوم به .. فهو شئ أعتقد لا يعنيك ... |
:
ياسيدي العزيز:
نفسك حار وهو لايساعد على الروقان القالو المهندس كيكي ..
بعدين انا حاركز مع منو لو قام اطراف هذا الحوار اتبعوك في رايك في الخروج من هذا البوست؟؟
ما سميته بوجة نظري الخاصة لن تجد من يعقب عليها او من يصوبها لو الجماعة ديل سمعو كلامك ومشو منبر اليوم الحار..
لذا فدعوتك للخروج الى منبر اليوم الحار هي دعوة تنسف تعقيبك بتاع (ركز في موضوعك وابدا وجهة نظري الخاصة)
| Quote: فهو شئ أعتقد لا يعنيك |
اعتقد ..اعتقد..
ماتقدمونه للكلية هو امر يعنيني بكل تاكيد ..
فالكلية صرح عام ليست حاكورة للذين درسو فيها..ولاتعني تخرجك منها ان تحتكر امرها بقدر مايعني ان تهم لها..
فلا تعتقد فيمايصوره لك حال المُـستَفز..واعتقد في ان امرها يهمني..
Quote: وإذا كان انت قلبك على البلد ..
قدم ليها انت من فيض إبداعاتك ... |
حين يكون عنوان البوست( مع العضو (ملامح)...في ملامح من دكين في الاسافير)
قد اسعى لتقديم فيوض ابداعاتي..
تحياتي ..
|
Post: #214
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-04-2008, 06:50 AM
Parent: #212
هلا دكين وحباب ابراهيم...
والروقة الروقة يا احباب وكورة واطة...
والناس بهناك يا دكين بتناقش في دعم الكلية في مكتبتها المكتوبة والرقمية
وبوست اليوم الحار ما بندار فتح نوافذ عديدة يمكن ان تربط المهتمين بتطوير الكلية ووجد الامر ومن خلال ذلك البوست
طريقه الي مراحل عديدة والتف حوله الكثير من المهندسين في كل اركان هذه الدنياوفي كل جلسات المهندسين علي مستوي وجودنا هنا
انفتحت نوافذ اهتمام كبير ...ونتمني ان تجد هذه الافكار الدعم والمساندة من كل الناس وليس المهندسين فقط..
وبكل صدق اعجبني يا دكين كلامك عن اهتمامك بالكلية وهكذا يجب ان يكون الجميع..
يد علي يد ممكن نجدع بعيد وكلنا بنكامل بعض والهندسة وكل الكليات هي امر جمعي يهم كل انسان في السودان
ان تتطور
ان تزدهر...
الاخ المهندس ابراهيم هو راس الرمح في هذا الامر وجهوده كبيرة ووفيرة من اجل الكلية حقا نشكره عليها كل الشكر.
...........................
يلا يا شباب خلونا من حكاية الميدان الشرقي القالها دكتور بلة دي
وخلونا نتكامل ونحاول ان نتناقش معا من اجل حاجاتنا...
وظني انه امر جميل ان يتوقع الاخرين من المهندس ان يفعل كل حاجاته الي اعلي نقاطها لخدمة الناس
والطبيب كذلك
والقانوني
والعامل..
وضروري نزنق بعض ولكن باحترام وفهم وحدود فاصلة بين كل الاشياء
وساعتها ممكن نقدم حوار مفيد كون كل زول حريص علي خصوصية الاخر المهنية وتفاصيلها
ولكننا جميعا نتقاطع في العام...
اذن خلونا نتقاطع في العام ولكن بفهم عالي واحترام بين الكيانات..
وكده اللعب بكون روتانا سينما بس
|
Post: #215
Title: Re: مع العضو (ملامح)...في ملامح من المجتمع الهندسي في الاسافير...!!!
Author: أبوبكر أبوالقاسم
Date: 11-04-2008, 07:31 AM
Parent: #1
لم يعجبنى الإستهزاء المبّطن والصريح حول مسألة القطاطى ( المكونة من القش أو تلك المتمثلة فى محطات السكة الحديد)ز
أيضاً فإن قصر مسألة الإبداع فى العاصمة وجعل مبانى العاصمة هى المعيار ، فهذه النظرة هى سبب معاناة جملة أهل السودان ، وهى التى
أدت لتركيز الخدمات فى العاصمة وإهمال الأقاليم واضطرار معظم أهل السودان للنزوح والإستقرار بالعاصمة ونشوء حركات التململ والعصيان
بل والتمرد لأحقية مطالبتهم بالقسمة العادلة للثروة والسلطة وعدم إحتكار القرار.
أعتقد أن هذا النقاش عن الإبداع ليس بعيداً عن مسألة الإبداع والمبدعين وإحتكار البعض لمسألة الإبداع وحصرها فى جوانب معينة تناسب
حالهم ، ونفيها عن بقية الخلق.
مسألة التصميم والتنفيذ للأعمال الهندسية ذكّرتنى بمسألة معانى أسماء الله الحسنى:
لاحظ العلماء أنه لا يوجد إسمان من أسماء الله الحسنى يتطابقان دلالياً سواء جاء الإختلاف من المعنى المعجمي للإسم حيث يختلف الإسمان فى
الجذر ويتقارب معناهما فيظُن ترادفهما أو من المعنى الصرفي حيث يتفق الإسمان في الجذر فيظُن تكرارهما ولنضرب بذلك بعض الأمثلة
اللطيفة :-
ومنه وصفه تعالى "بالخالق" و"البارئ" و"المصّور" في قوله تعالى :-
"هو الله الخالق البارئ المصور له الأسماء الحسنى" ( الحشر23)
قال الغزّالي : يُظن أن هذه الأسماء مترادفة ، وأن الكل يرجع إلي الخلق والإختراع. ولا ينبغي أن يكون كذلك . بل كل ما يخرج من
العدم إلي الوجود يفتقر إلي التقدير أولاً ، وإلى الإيجاد وفق التقدير ثانياً ، وإلى التصوير بعد
الإيجاد ثالثاً .
والله تعالى خالق من حيث أنه مقدّر، وبارئ من حيث أنه مخترع موجد ، ومصوّر من حيث أنه مركب صور المخترعات أحسن تركيب .
|
Post: #216
Title: Re: مع العضو (ملامح)...في ملامح من المجتمع الهندسي في الاسافير...!!!
Author: ابراهيم محمد الحسن
Date: 11-04-2008, 07:35 AM
Parent: #215
الأخ دكين ..
الأخ كيكي ..
رغم إني قررت أن اتبع نهج خليل .. وما ادخل هنا تاني ..
لكن تعقيب بسيط على بعض كلمات الأخ دكين :
Quote: بعدين انا حاركز مع منو لو قام اطراف هذا الحوار اتبعوك في رايك في الخروج من هذا البوست؟؟
ما سميته بوجة نظري الخاصة لن تجد من يعقب عليها او من يصوبها لو الجماعة ديل سمعو كلامك ومشو منبر اليوم الحار..
لذا فدعوتك للخروج الى منبر اليوم الحار هي دعوة تنسف تعقيبك بتاع (ركز في موضوعك وابدا وجهة نظري الخاصة) |
أنا عندما طلبت من كيكي التوقف .. والمخارجة من هنا ..
كانت رد على مهاترات بعض الأخوة .. ومنهم الأخ صاحب البوست .. وخروجه عن إختلافه مع ود البشرى .. وهجومه على شلة اليوم الحار .. .. ..
لم تكن أنت المعني بالأمر .. ..
بل على العكس ،،
أعجبتني طريقتك في سحب البوست إلى جانب إيجابي .. ونقاش موضوعي ...
رغم إنك برضو أدليت بدلوك فيما يخص شلة اليوم الحار .....
Quote: ماتقدمونه للكلية هو امر يعنيني بكل تاكيد ..
فالكلية صرح عام ليست حاكورة للذين درسو فيها..ولاتعني تخرجك منها ان تحتكر امرها بقدر مايعني ان تهم لها..
فلا تعتقد فيمايصوره لك حال المُـستَفز..واعتقد في ان امرها يهمني.. |
إذن بدل أن تبخس مجهوداتنا ..
وما نقوم به من دعم لمكتبة الكلية ...
بسبب وجهة نظرك في قصور الإبداع الهندسي ..
يا ريت كان تمد لينا يدك .. طالما الأمر يعنيك ..
يعني عجلة الحياة ما حا تتوقف إلى أن يتم تعديل القصور الإبداعي الذي حدث في مباني الجامعة ..
القصور ليس في الجانب الإبداعي والهندسي للمباني فحسب ...
إنما القصور والضرر طال الكثير من الجوانب ...
وليس في الجامعة وحدها..
وإنما في البلد بصورة عامة ...
واحدة من ضحايا القصور هي المكتبات الجامعية ،،
والمتضرر المباشر هنا هو الطالب ...
ونحن في (شلة اليوم الحار) .. عندما تبنينا فكرة دعم الكلية ..
ده كان بعد اتصالات بالمعنيين بالأمر من طلبة حاليين ،، ودكاترة كانوا طلبة وزملاء في يوم ما ..
وهم من وجهونا للبدأ بالمكتبة ..
عموما ...
يا ريت - وذي ما ألمحت في معرض حديثك - لو كان البوست منفصل وخاص لطرح قضية القصور الهندسي في السودان ..
لأخذ الموضوع بصورة عامة ..
بعيدا عن المهاترت ...
من أمثال ناس تلك الشلة .. والقطيع ... الخ .....
دمتم ..
|
Post: #217
Title: Re: مع العضو (ملامح)...في ملامح من المجتمع الهندسي في الاسافير...!!!
Author: DKEEN
Date: 11-04-2008, 09:10 AM
Parent: #215
| Quote: أيضاً فإن قصر مسألة الإبداع فى العاصمة وجعل مبانى العاصمة هى المعيار |
الاخ القاسم
بعض مباني السكة حديد بالعاصمة اتيت بها كمنوذج ليس إلا..
ولست ساعيا لكي اجعلها معيارا..ولكن نمطها المعماري راعى الكثير مما هو ملائم للبيئة وماهو متوفر فيها..
ولو استثنينا المباني الحكومية القديمة على شارع النيل ومباني الخرطوم شرق ..
وتلك البيوت الارضية التي حطمها اهل الانقاذ في ميدان جاكسون غرب شارع الحرية فالخرطوم هي اقبح عاصمة في مارايته من عواصم عبر قنوات الرؤيا المتاحة..
|
Post: #218
Title: Re: مع العضو (ملامح)...في ملامح من المجتمع الهندسي في الاسافير...!!!
Author: malamih
Date: 11-04-2008, 08:52 PM
Parent: #217
حقيقة كما ذكر الأخ علاء حيمورة بأن البوست قد آل ألي محاكمة مهنة الهندسة وبالتالي التشكيك في كفاءة وأبداع المهندسين السودانيين.. وهو ما نشده من حوار بين الأعزاء دكين وعبدالكريم.. وهذا ما لم أقصده في معرض ردي لودالبشرى في أحد البوستات التي إنتهت بفتح هذا البوست .. وأكرر الآن بأن ما قصدته وأقصده هو شلة المهندسين البورداب في هذا المنبر من خلال كتاباتهم وخلقهم لرأي جمعي موحد ضد كتابات الآخرين التي لا تروق لهم أو تخالفهم الرأي .. ولقد شكلوا كتلة أو ( لوبي) داخل المنبر لا لإظهار الإبداع الكتابي بل لتنصيب مشانق للكتاب الآخرين في المنبر و منهم ما لمسني من بعضهم في بوست ( تصفيات للعضوية بسودانيز أون لاين)..
وبوست الأستاذ المبدع يحيي فضل الله. ( بيان من صحفيي ومبدعي البورد).
والتكتل خلف رأي موحد ضد الآخرين في هذا المنبر يخلق نوعآ من السجال المؤلم بدلآ عن الحوار الراقي .. والسجال دومآ هي حالة من الإحتراب أقرب للتضادي منها ألى واقع الحوار والذي هو تبادل الكم المعرفي والمنطقي للوصول ألى نتائج إيجابية تدفع ألى خلق أرضية صالحة للأفكار.
و مرة أخرى أطلب من (كتلة مهندسي جامعة الخرطوم) أعضاء هذا المنبر أن يظهروا إبداعهم في الكتابة وأن يبتعدوا عن السخرية و الإستهزاء من الآخرين وأن يفهموا بأن تكتيكات ودالبشرى في شأن الكتابة بسودانيزأونلاين هي تكتيكات غير ناجحة ولن تجلب لهم سوى العداءات ..
وأجزل الشكر للباشمهندس عبدالكريم ( الكيكي) في إثراءه للحوار حول مهنة الهندسة ولدي تعليقات أهمها أن الحوار هنا قد تركز حول هندسة المعمار ولكنه أهمل جوانب أخرى من أنواع الهندسة.. وفي الختام أحي مهندسي أسرتنا :
شقيقي المهندس / عمر نجيلة / كيميائي .. / والأعزاء / أبوبكر الشوية ( مدنية ) حاتم نجيلة( ميكانيك) وليد وخالد مبارك بابكر الريح ( معمار)
خالد نجيلة( زراعية) .. وأحمد عاصم كروم ( كهرباء).. وهؤلاء من الأجيال الجديدة في الهندسة .. ومن الرعيل الهندسي الأول المرحوم محمد سعيد الحسين ( مساحة) عام 1928 يليهم الجيل التالي له بدر الدين أبراهيم محمد ( ميكانيك) وشقيقه عبداللطيف أبراهيم محمد( كهرباء) والبروف العزيز تاج السر طمبل ( معمار).. و أحمد عبد المنعم مكي ( معمار).. والأخير من الأجيال الجديدة سقط سهوا..
وهذه القائمة من مهندسي الأسرة ومنذ عام 1928 وحتى اليوم أكتبها من الذاكرة وهنالك آخرين في الطريق ألى التخرج من هذه المهنة وهذا يدحض الأتهمات التي وجهت لي بمعادات مهنة الهندسة .. ولم تشمل القائمة من خريجي الهندسات الحديثة ( حسن عاصم نجيلة) كمبيوتر .. إيمن مبارك ( وراثية ) ألمانيا..
|
Post: #219
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-04-2008, 09:03 PM
Parent: #218
| Quote: والأعزاء / أبوبكر الشوية ( مدنية |
اسلم بس علي صديقي الجميل
ابوبكر الشوية
|
Post: #220
Title: Re: مع العضو (ملامح)...في ملامح من المجتمع الهندسي في الاسافير...!!!
Author: عبدالكريم الامين احمد
Date: 11-04-2008, 10:02 PM
Parent: #218
سلام يا ملامح...
1-يا ملامح رسالتي من هذا البوست واضحة تماما في الامر المتواجد في الصفحة الاولي من هذا البوست
هو رفض ربط المهنة بالخلاف الشخصي مهما كان...لانها تجلب ما تجلب من تداعيات ولاتستطيع التكهن بردة الفعل ...ويفتح الامر باب للشخصنة وكل الاشياء السالبة التي تعيق التواجد في هذا المكان لمن يريده نقيا
2- من حق اي انسان ان يتوقع ابداع من مهنة سودانية في اطار الحلم بسودان ملي بمبدعين يساهموا في تطوير وتنمية السودان وهذا حق مشروع ومستحب جدا...ولكن اي حديث عن التشكيك في الكفاءة المهنية لمهندس مهما كان سوداني او درجة تاهيله من انسان خارج اطار هذه المهنة يصبح امر سلبي
ودعوة للتهاتر واسقاط لاحتقان(وكما قلت ليك المهندس لا يفله الا المهندس في الامور الهندسية) وهنالك طرق كثيرة يعرفها المهندسين فقط لاختبار الكفاءة
المهنية للمهندس كما يتواجد هذا في اي مهنة اخري
3-يا ملامح حديثك عن لوبي امر في غاية الغرابة وزي ماقلت ليك الحديث عن امر الصفوي له بوست مفتوح وانا شخصيا قلت راي هناك
والعندو راي وونقاش فالف مرحب واي حديث عن هذا الامر خارج هذا البوست والباسه ثوب الخطيئة يتعبر يا ملامح ملاحقة كوني قلت راي
وكما مثلته انا بمحاكم التفتيش الاسفيرية وهذا الامر ارفضه تمام كونه موجها للعام وليس ضد شخص معين وكونه الراي الخاص بتاعي ساقوله بالطريقة التي اودها
4- تحياتي للاخوة والاخوات المهندسين من اسرتكم وانا اعرف معرفة شخصية الكثير من الاسماء التي ذكرتها فلهم مني التقدير
5-اطمئنك يا ملامح باننا هنا ليس الا للمساهمة مع الاخريين بالحوار والنقاش ومعرفتنا البسيطة سعي ان يجد عابر لهذا المكان ما يفيده
منا
6-اعضاء اليوم الحار يجمعهم فقط ذلك البوست الذي فعل اشياء في قمة الايجابية للكثيرين ويختلفون في كل اشيائهم الاخري
سياسيا وثقافيا واجتماعيا ولكننا جميعا نلتقي في الانتماء لكليتنا التي درسنا وتعلمنا فيها وولنا ففيها ذكريات واصدقاء نحملهم في قلوبنا
ويحق لنا ان نتكتب فيها ....
7- اتمني يا يكون هذا البوست وبكل تداعياته السالبة والموجبة بداية لاغلاق هذا الملف....وليس هنالك لي شان شخصي معاك
ولكني اتيت من اجل كوني مهندس واني من مبتدرين بوست اليوم الحار الذي نما حتي صار منبرا وظني ان بكري ابوبكر هو خير من يدري
فائدة منبره...ويقيم جهود الاخريين ونري في هديته تلك فرصة علينا ان نعضي عليها بالنواجز كمهندسين
|
Post: #221
Title: Re: مع العضو (ملامح)...في ملامح من المجتمع الهندسي في الاسافير...!!!
Author: khaleel
Date: 11-04-2008, 10:44 PM
Parent: #220
Quote: 6-اعضاء اليوم الحار يجمعهم فقط ذلك البوست الذي فعل اشياء في قمة الايجابية للكثيرين ويختلفون في كل اشيائهم الاخري
سياسيا وثقافيا واجتماعيا ولكننا جميعا نلتقي في الانتماء لكليتنا التي درسنا وتعلمنا فيها وولنا ففيها ذكريات واصدقاء نحملهم في قلوبنا
ويحق لنا ان نتكتب فيها ....
|
كلام ملامح غير صحيح علي الاطلاق
لم يدخل اي عضو من شلة اليوم الحار
بوست استاذنا يحي فضل الله
الراجل مكجنا ساكت
|
|